အယ်ဒီတာထံပေးစာ

၅.၃.၂၀၁၃ နေ့ နံနက် ၇နာရီခွဲအချိန်မှာ မှော်ဘီမြို့လျှပ်စစ် ရုံးမှတ်တိုင်က မြောက်ပိုင်းခရိုင် ၁၅၂ ဥက္ကံ၊ဆူးလေ MYO Express ၇ခ/၇၈၉၆ ကားကို စီးပြီး အလုပ်ကိုလာခဲ့ပါတယ်။ ကားက  ဘီးရွေ့ရုံသာ မောင်းနေတာမို့ခရီး သည်တွေက အလုပ်ချိန်နောက်ကျ မှာစိုးလို့ တောင်းပန်ပြောဆိုတာ ကို မထီမဲ့မြင်ပြုနေပါတယ်။ ပြီးတော့ မှတ်တိုင်တိုင်းမှာ လူစောင့်တင်ပါတယ်။ ကျွန်တော့်  တစ်သက်နဲ့ တစ်ကိုယ်ဒီလောက်  နှေးတဲ့ ကားကိုမစီးဘူးသေးပါဘူး။ 

ကိုယ့်စီးပွားရေးတစ်ခုတည်းကိုပဲ ကြည့်ပြီး ခရီးသည်တွေအလုပ်နောက် ကျမှာကို မသိကျိုးကျွံပြုတဲ့ ကား ဒရိုင်ဘာကို ခရီးသည်တွေက ၀ိုင်း ပြောတော့အမြန်ရောက်ချင်ရင် ကိုယ်ပိုင်ကားဝယ်စီးပါလားလို့  စပယ်ယာကမိုက်မိုက်ရိုင်းရိုင်းပြော ဆိုပါတယ်။ မြေနီကုန်းမှတ်တိုင်ကို  နံနက် ၁၀ နာရီထိုးမှရောက်ပါ တယ်။ မှော်ဘီနဲ့ မြေနီကုန်းကို ကားမောင်းချိန် ၂ နာရီခွဲကြာပါ တယ်။ ဒီကားကြောင့် ကျွန်တော့်  လိုအလုပ်မှာ ဒဏ်ကြေးဆောင်  ရတဲ့ ၀န်ထမ်းတွေဘယ်လောက် များနေပြီလဲဆိုတာ ဒီကားကိုစီးဖူး တဲ့ ၀န်ထမ်းတွေကိုယ်တွေ့ဖြစ်မှာ ပါ။ ဒီကိစ္စကို ယာဉ်လိုင်းက လူ ကြီးတွေသိစေချင်လို့အယ်ဒီတာမှ တဆင့်တင်ပြလိုက်ရတာပါ။
သံလက်သီး
The Hot News