အီဂျစ်တွင် ပါလီမန်ရွေးကောက်ပွဲကို အောက်တိုဘာတွင် ကျင်းပဖွယ်ရှိသည်ဟု သမ္မတမော်စီက ယနေ့ပြောကြားကြောင်း သတင်းဌာန MENAတွင်ဖော်ပြပါရှိပြီး မငြိမ်မသက်ဖြစ်နေသည့်နိုင်ငံရေးအခြေအနေကို အနည်းဆုံးခြောက်လ ဆွဲဆန့်ထားမည်ဖြစ်ကြောင်း သိရသည်။
သမ္မတမော်စီ၏ မူလအစီအမံသည် အဆင့်လေးဆင့်ပါရွေးကောက်ပွဲတစ်ခုကို ဧပရယ်လနှောင်းပိုင်းတွင် စတင်ပြုလုပ်ရန်ဖြစ်ပြီး ဇူလိုင်လ တွင် လွှတ်တော်တစ်ခုဖွဲ့စည်းမည်ဟု ရည်ရွယ်ခဲ့ကြောင်း သိရသည်။
မစ္စတာမော်စီက ရွေးကောက်ပွဲဥပဒေသစ်ကို လာမည့်နှစ်လခွဲခန့်တွင် အတည်ပြုမည်ဖြစ်ကြောင်း ပြောကြားခဲ့သည်။ ရွေးကောက်ပွဲအတွက် ပြင်ဆင်ချိန်သည်လည်း နောက်ထပ်နှစ်လ
ထပ်ယူရမည်ဖြစ်ကြောင်း ဆက်လက်ပြောကြားခဲ့သည်။
“ရွေးကောက်ပွဲကို လာမယ့်အောက်တိုဘာမှာ ကျင်းပနိုင်တယ်”ဟု သမ္မတမော်စီကပြောကြောင်း MENAသတင်းဌာနမှသတင်းတွင် ပါရှိ သည်။
ရွေးကောက်ပွဲမတိုင်မီအချိန်သည် အစိုးရအတွက် ကမ္ဘာ့ငွေကြေး ရန်ပုံငွေအဖွဲ့နှင့် အီဂျစ်စီးပွားရေးပျက်ကပ်ကိုပြေလည်စေမည့် အရေးကြီး သည့် ၄.၈ဘီလျံဒေါ်လာချေးငွေ ရရန် စေ့စပ်ဆွေးနွေးပြီး သဘောတူညီမှုရနိုင်ရနိုင်ရန် အချိန် တစ်ခုရမည်ဖြစ်ကြောင်း သိရသည်။ ၎င်းသဘော တူညီမှုသည်ပြည်သူများ ငွေကြေးအကျပ်အတည်းကို ပြေလည်စေမည်ဖြစ်သည်။
ရွေးကောက်ပွဲမတိုင်မီအချိန်သည် အတိုက်အခံများသည်လည်း ရွေးကောက်ပွဲတွင် ပါဝင်နိုင်ကြောင်း သမ္မတက ၎င်းတို့ကို ယုံကြည်စေမည့် အချိန်တစ်ခုလည်းဖြစ်နေကြောင်း သိရသည်။
ဘာသာရေးလွတ်လပ်လိုစိတ် ထားရှိသော ပါတီများက လက်ရှိရွေးကောက်ပွဲဥပဒေသည် အစ္စလန်ဝါဒီများအတွက်သာ သင့်လျော်သည်ဟု ကောက်ချက်ချပြီး သပိတ်မှောက်ရန်
စီစဉ်ထားသည်။
သမ္မတမော်စီက ဒိုဟာမြို့ရှိ အီဂျစ်လူမျိုးများကို ရည်ရွယ်၍အောက်လွှတ်တော်အသစ်သည်လည်း ယခုနှစ်မတိုင်မီစည်းဝေးပွဲကျင်းပရန် ရည်ရွယ်ထားသည်ဟု ပြောကြားကြောင်း MENAသတင်းတွင် ပါရှိသည်။
ယခုလအစောပိုင်းကလည်း အစိုးရဝန်ကြီးတစ်ဦးက ကမ္ဘာ့ငွေကြေးရန်ပုံငွေအဖွဲ့နှင့် ဇွန်လကုန်ခန့်တွင် သဘောတူညီသည့်စာချုပ်တွင် လက်မှတ်ရေးထိုးနိုင်လိမ့်မည်ဖြစ်ကြောင်း၊ ၎င်းတို့ထံမှပထမအသုတ်ချေးငွေရရှိနိုင်မည်ဖြစ်ကြောင်း စသည်ဖြင့် ပြောကြားခဲ့ကြောင်းသိရသည်။
Ref:Reuters
The Myanma Age
