လက်ပံတောင်းတောင်ကပေးသော သင်ခန်းစာ

လက်ပံတောင်းတောင်ပြဿနာမှ သင်ခန်းစာများကိုရယူ၍ အသစ်ဝင်ရောက်လာမည့် ပြည်ပရင်းနှီးမြှုပ်နှံမှု စီမံကိန်းများတွင် ထိရောက်စွာ အသုံးချသင့်သည်ဟု နယ်ပယ်အသီးသီးမှ ပညာရှင်များက အကြံပြုထောက်ပြကြသည်။

ဗြဟ္မာဦးခေါင်းနှင့် ခိုင်းနှိုင်းကြသော လက်ပံတောင်းတောင် ကြေးနီစီမံကိန်းပြဿနာ ဖြစ်ပွားရခြင်း အဓိကအကြောင်းရင်းမှာ ယခင်စစ်အစိုးရလက်ထက်တွင် ပွင့်လင်းမြင်သာမှု မရှိခဲ့ခြင်း၊ ပြည်သူ့ဆန္ဒ အလေးမထားဘဲ ထင်သလိုလုပ်ခဲ့ခြင်းကြောင့်ဟု ထောက်ပြပြောဆိုကြသည်။

“လက်ပံတောင်းတောင် စီမံကိန်းက စစ်အစိုးရလက်ထက်က ထင်တိုင်းကြဲပြီး လက်မှတ်ထိုးထားတာ။ ပွင့်လင်းမြင်သာမှု လုံးဝမရှိခဲ့တဲ့ အကျိုးဆက်တွေပေါ့” ဟု နိုင်ငံရေးဆောင်းပါးရှင် နေသန်မောင်က သုံးသပ်သည်။

ပွင့်လင်းမြင်သာမှု မရှိခဲ့သဖြင့် စီမံကိန်းဧရိယာမှ ဒေသခံများသည် လျော်ကြေးမည်မျှ မည်ကဲ့သို့ ရရှိမည်၊ စီမံကိန်းကြောင့် ဒေသအကျိုး မည်မျှရရှိမည်ကို လုံးဝမသိရှိကြပေ။ ထို့အပြင် အောက်ခြေအစိုးရ၀န်ထမ်းများ၏ တာဝန်ယူမှုမရှိခြင်း၊ လျော်ကြေးငွေပေးရာမှအစ တိကျရေရာမှုမရှိဘဲ ဆောင်ရွက်ခြင်းတို့ကြောင့် ဒေသခံများက ယုံကြည်မှုပျောက်ဆုံး လာကြခြင်းဖြစ်သည်။ ဒေသခံရွာသားများသည် ဘိုးစဉ်ဘောင်ဆက် လုပ်ကိုင်စားသောက်ခဲ့ကြသော လယ်ယာမြေများကို ဆုံးရှုံးမည့်အရေးအပြင် သဘာဝပတ်ဝန်းကျင် ထိခိုက်ပျက်စီးမှုနှင့် အခြားလူမှုရေးနစ်နာမှုများကြောင့် စီမံကိန်းများကို ယုံကြည်မှုပျောက်ဆုံးလာပြီး ကန့်ကွက်ခဲ့ကြခြင်းဖြစ်သည်။

သို့ရာတွင် တိုင်းပြည်အကူးအပြောင်းကာလတွင် ဖြစ်ပွားခဲ့သော လက်ပံတောင်းတောင်ပြဿနာမှ သင်ခန်းစာယူစရာ အချက်များ ပေါ်ထွက်လာခဲ့ခြင်းကြောင့် အခွင့်အရေးတစ်ခုအဖြစ်သာ ရှုမြင်နိုင်ကြောင်း နိုင်ငံတော် သမ္မတ၏ စီးပွားရေးနှင့် လူမှုရေး အကြံပေးကောင်စီဝင် ဒေါက်တာ အောင်ထွန်းသက်က သုံးသပ်သည်။

“သင်ခန်းစာဆိုတာ ဖြစ်ပြီးမှ ရတာ၊ ယူတတ်ဖို့ပဲလိုတယ်။ တာဝန်ရှိတဲ့သူတွေ စဉ်းစားတာနဲ့အတူ စီမံကိန်းနဲ့ ပတ်သက်တဲ့ ဒေသခံတွေကို တိုင်ပင်ဖို့ လိုတယ်ဆိုတာ ပေါ်လာတယ်။ ရင်းနှီးမြှုပ်နှံမှုနဲ့အတူ Social Responsible ကို တာဝန်ယူဖို့ လိုတယ်ဆိုတာ ပေါ်လာတယ်။ သင်ခန်းစာရယူနိုင်တာက Political Economy ပေါ့။ စီးပွားရေးဆိုရင် နိုင်ငံရေးကိုပါ စဉ်းစားဖို့လိုတယ်။ နယ်ပယ်အသီးသီးက အားလုံးဝိုင်းပြီး ဘက်စုံစဉ်းစားဖို့လိုတယ်ဆိုတာ ပေါ်လာတယ်” ဟု လက်ပံတောင်းတောင်မှ ရရှိသည့် သင်ခန်းစာများကို ထောက်ပြပြောဆိုသည်။

နောင်ဝင်ရောက်လာမည့် စီမံကိန်းများအတွက် နိုင်ငံခြားရင်းနှီးမြှုပ်နှံမှုဥပဒေကို ပြည်ထောင်စုလွှတ်တော်က ၂၀၁၂ ခုနှစ် နိုဝင်ဘာ ၂ ရက်စွဲဖြင့် ပြဋ္ဌာန်းထားပြီး ဖြစ်သည်။ လက်ပံတောင်းတောင်ကဲ့သို့ ပြဿနာများ မဖြစ်ပွားစေရန်အတွက် အဆိုပါဥပဒေအတိုင်း တိတိကျကျ လိုက်နာဆောင်ရွက်သင့်ကြောင်းလည်း ပညာရှင်များနှင့် လွှတ်တော်ကိုယ်စားလှယ်များက အကြံပြုပြောဆိုသည်။

“နောက်ပိုင်း ကျွန်တော်တို့ နိုင်ငံကို ၀င်လာမယ့် နိုင်ငံခြားရင်းနှီးမြှုပ်နှံမှု စီမံကိန်းတွေနဲ့ ပတ်သက်လို့ လွှတ်တော်က နိုင်ငံခြားရင်းနှီးမြှုပ်နှံမှုဥပဒေကို ထုတ်ပြန်ထားပါတယ်။ အဲဒီဥပဒေလုပ်ထုံးလုပ်နည်းတွေနဲ့အညီ တိတိကျကျ လုပ်ထားသင့်တယ်။ အဲဒီမှာ သဘာဝပတ်ဝန်းကျင်နဲ့ လျော်ကြေးကိစ္စတွေပါပါတယ်။ ဒါတွေကို ရှင်းရှင်းလင်းလင်း လုပ်သင့်တယ်။ အခုဥပဒေနဲ့သွားတဲ့ ခေတ်ကို ပြောင်းနေပြီ။ ဥပဒေတွေကို တိတိကျကျလိုက်နာဖို့ လိုတယ်” ဟု ပြည်သူ့လွှတ်တော်ကိုယ်စားလှယ် ဦးရဲထွန်းက နောင်လာမည့် စီမံကိန်းများ အကောင်အထည်ဖော်ရာတွင် လိုက်နာရမည့် အချက်များကို ထောက်ပြသည်။

“သင်ခန်းစာတွေ ရသင့်သလောက် ရခဲ့ပါပြီ။ နောက်ပိုင်း ၀င်လာမယ့် နိုင်ငံခြားရင်းနှီးမြှုပ်နှံမှု စီမံကိန်းတွေအတွက် သဘာဝပတ်ဝန်းကျင်နဲ့ လူမှုပတ်ဝန်းကျင်ကို အလေးစိုက်ဖို့ လိုပါတယ်။ ပွင့်လင်းမြင်သာမှုရှိဖို့လည်း လိုတယ်။ ဒါတွေဟာ နိုင်ငံခြားရင်းနှီးမြှုပ်နှံမှုဥပဒေမှာလည်း ပါပြီးသားပါ” ဟု စာရေးဆရာ ကျော်ဝင်းက သုံးသပ်သည်။

တိုင်းပြည်သယံဇာတများကို ထုတ်ယူသုံးစွဲမည့် စီမံကိန်းများ မလုပ်မီ လိုအပ်သည့် လေ့လာဆန်းစစ်ချက်များကို သက်ဆိုင်ရာ ၀န်ကြီးဌာနနှင့် အဖွဲ့များက ပြုလုပ်ရန် လိုအပ်ကြောင်း ပညာရှင်များက အကြံပြုသည်။ ထို့အပြင် နိုင်ငံ၏ သယံဇာတများကို ဈေးပေါပေါဖြင့် ထုတ်မရောင်းရန်အတွက်လည်း သင်ခန်းစာပင်ဖြစ်ကြောင်း ပညာရှင်နှင့် နိုင်ငံရေးသမားအချို့က သုံးသပ်သည်။ လေ့လာဆန်းစစ်ချက်များ ပြီးစီး၍ လွှတ်တော်သို့ တင်ပြအတည်ပြုပြီးမှသာ စီမံကိန်းများကို အကောင်အထည်ဖော်ရမည်ဖြစ်သည်။

“နောက် စီမံကိန်းတွေမှာ လွှတ်တော်ကိုတင်ဖို့ လိုတယ်။ မတင်မီ သက်ဆိုင်ရာ ၀န်ကြီးဌာနရဲ့ မှတ်ချက်တင်ပြဖို့ လိုပါတယ်။ ငွေကြေးအကျိုးအမြတ်ဆန်းစစ်ချက်၊ စီးပွားရေးဆိုင်ရာ အကျိုးအမြတ်ရှိမှု၊ လူမှုရေးဆန်းစစ်ချက်၊ ပတ်ဝန်းကျင်ရေးရာ လေ့လာဆန်းစစ်ချက်နဲ့ နည်းပညာဆန်းစစ်ချက်တွေကို သေချာလုပ်ဖို့ လိုပါတယ်” ဟု သဘာဝပတ်ဝန်းကျင် ပညာရှင် ဦးဝင်းမျိုးသူက သုံးသပ်သည်။

လူထုခေါင်းဆောင် ဒေါ်အောင်ဆန်းစုကြည်ကို ကန့်ကွက်ဆန္ဒပြသည်အထိ ဖြစ်ပွားခဲ့သည့် လက်ပံတောင်းတောင် ကြေးနီစီမံ ကိန်းကဲ့သို့ ပြဿနာများ ထပ်မံမကြုံတွေ့စေရန် နောင်လာမည့် စီမံကိန်းများကို အကောင်အထည် ဖော်ရာတွင် နယ်ပယ်ပေါင်းစုံမှ ပညာရှင်များက ရှုထောင့်အမြင် မျိုးစုံဖြင့် ပူးပေါင်းဆောင်ရွက်ရန် လိုသည်ဟု ပညာရှင်များက ပြောသည်။

“ဖြစ်စေချင်တာက စီမံကိန်းအားလုံးကို ဆန်းစစ်ဖို့ လိုတယ်။ ကြိုတင်ပြီး ပညာအမြော်အမြင်နဲ့ သတိနဲ့ သုံးသပ်ဖို့လိုပါတယ်။ ဒီလိုမဟုတ်ဘဲ သွေးထွက်သံယိုတွေဖြစ်မှ၊ ပြဿနာတက်မှ ဖြေရှင်းရတော့ အလကားပဲ” ဟု ဦးဝင်းမျိုးသူကပြောသည်။

“စီမံကိန်းတွေနဲ့ ပတ်သက်ပြီးတော့ အရင်အစိုးရက လုပ်ခဲ့ကိုင်ခဲ့တာတွေလည်း ပြောကြမယ်ဆိုရင်တော့ ဒါတိုင်းပြည်ရဲ့ အကျိုးအတွက်ပါ...။ အရင် အစိုးရ ဆောင်ရွက်သွားတဲ့အပိုင်းကိုတော့ ကျွန်တော် သိပ်ပြီးမပြောလိုတော့ပါဘူး။ သို့သော် ကျွန် တော်တို့ ဒီဘက်အပိုင်းမှာ ကျွန် တော်တို့ရဲ့ လုပ်မယ့်စီမံကိန်းတွေ နဲ့ ပတ်သက်ပြီးတော့ ထင်သာမြင် သာရှိအောင် ကျွန်တော်တို့ လုပ်သွားမှာဖြစ်ပါတယ်။ ထင်သာမြင်သာရှိအောင် လုပ်သွားမယ်ဆိုတဲ့ နေရာမှာ ပထမစီမံကိန်းရေးဆွဲရပါတယ်။ စီမံကိန်းရေးဆွဲပြီးတော့မှ ဒီစီမံကိန်းတွေက ဘာတွေဘာတွေ ကျွန်တော်တို့ လုပ်မယ်။ ဘယ်လိုဘယ်လို အကောင်အထည်ဖော်မယ်။ အကောင်အထည်ဖော်ဖို့အတွက် ငွေကြေးဘယ်လောက်လိုတယ်။ ဒါဟာ ခုနလို ဟိုတုန်းကလို ကိုယ့်ဟာနဲ့ကိုယ် စီမံပြီးတော့ လုပ်လို့မရပါဘူး။ ခင်ဗျားတို့လည်း အသိပါပဲ။ လွှတ်တော်ကို ကျွန်တော်တို့ တင်ပြရပါမယ်။ လွှတ်တော်က ဒီစီမံကိန်းကို ကြည့်တယ်။ ကျွန်တော်တို့ အကောင်အထည်ဖော်ဆောင်ရမယ့် လုပ်ငန်းတွေကို ကြည့်တယ်။ ဒီအပေါ်မှာမူတည်ပြီးတော့မှ ဘဏ္ဍာငွေကို ကျွန်တော်တို့ ချပေးတာဖြစ်ပါတယ်။ အဲဒီတော့ ဒီဘက်ပိုင်းမှာတော့ ဘာပဲဖြစ်ဖြစ် အားလုံးဟာ ကျွန်တော်တို့ ထင်သာမြင်သာနဲ့ လုပ်ကိုင်သွားနေတယ်” ဟု နိုင်ငံတော်သမ္မတ ဦးသိန်းစိန်က ၂၀၁၂ အောက်တိုဘာ ၂၁ ရက်တွင် ပြုလုပ်သော သတင်းစာရှင်းလင်းပွဲ၌ 7Day News ၏ မေးမြန်းမှုကို ဖြေကြားသွားခဲ့သည်။
-အောင်ခိုင်၊ မင်းဟိန်းကျော်
7Day News Journal