မန်းတွင် လျှပ်စစ်မီးမှ တစ်ဆင့် လူနေအိမ် ၇လုံးမီးလောင်ကျွမ်း

ယနေ့နေ့လည် မန်းတွင် လျှပ်စစ်မီးမှ တစ်ဆင့် လူနေအိမ် ၇လုံး မီးလောင်ကျွမ်းခဲ့ကြောင်း မန်းခရိုင် မီးသတ်ဌာနမှ သိရသည်။
မန္တလေးမြို့ မဟာအောင်မြေမြို့နယ်၊ နန်းအောင်မြင်ရပ်ကွက်၊ အကွက်အမှတ်(၂၉၂)ဒေးဝန်းအရှေ့၊ ၈၈-၈၉လမ်းကြား၊ ၃၆-၃၇လမ်းကြား မစိုးရိမ်ကျောင်းတိုက်အနီးတွင်ယနေ့ နေ့လည် ၂နာရီခန့်တွင် အိမ်ရှင် ဒေါ်မြင့်မြင့်မာ(ဘ)ဦးစံလွင်နေအိမ်ထရံတွင် တပ်ဆင်ထားသော ပလပ်တွင် အပေါ်စက်အောက်စက်၊ ရေခဲသေတ္တာတို့ကို လိုအပ်သည်ထက် ပိုမိုသုံးစွဲရာမှ ရှော့ဖြစ်ကာ ထရံအား မီးကူးခဲ့ပြီး လူနေအိမ် ၇လုံးမီးလောင်ကျွှမ်းခဲ့သည်။ မီးလောင်ကျွမ်းမှုကြောင့် ငွေကျပ် ၃၀၅၈၇၀၀ ဆုံးရှုံးခဲ့ကြောင်း မန်းခရိုင် မီးသတ်ဌာနမှ စာရင်းများအရသိရသည်။
ဖိုးလပြည့်
Popular Myanmar News Journal