မိတ္ထီလာ၊ မတ် ၂၄
မိတ္ထီလာမြို့တွင် ဖြစ်ပွားခဲ့သည့် ဆူပူအကြမ်းဖက်မှုကြောင့် မီးလောင် ပျက်စီးခဲ့သော နေအိမ်များအား ကုလသမဂ္ဂအဖွဲ့အစည်းများ၊ NGO များနှင့် အစိုးရပူးပေါင်း၍ ပြန်လည် တည်ဆောက်ပေးမည်ဟု သမ္မတရုံးဝန်ကြီး ဦးအောင်မင်းက ပြောသည်။
''မီးလောင်သွားတဲ့ အိမ်တွေ ကို ပြန်ဆောက်ပေးရမှာပေါ့။ ဒါပေမဲ့ တစ်ခုရှိတာက ရခိုင်မှာလို တဲလေး တွေ ပြန်ဆောက်ပေးလို့မရဘူး။ မြို့ ပေါ်မှာ ဖြစ်လို့ အထပ်မြင့်တိုက်တွေမှ အဆင်ပြေမှာပေါ့။ အတိအကျ စီစဉ် ထားတာ မရှိသေးပေမယ့် ဒီလုပ်ငန်း စဉ်တွေအတွက် အစိုးရက ကုလအဖွဲ့ အစည်းတွေ၊ NGO တွေနဲ့ ပူးပေါင်း လုပ်ဆောင်သွားရမှာပဲ'' ဟု မတ်လ ၂၄ ရက် နေ့တွင် မိတ္ထီလာမြို့ပေါ်ရှိ ယာယီကယ်ဆယ်ရေးစခန်းများသို့ လာရောက်စဉ် ဦးအောင်မင်းက ပြောသည်။
မိတ္ထီလာမြို့ရှိ ဒုက္ခသည်အချို့မှာ တစ်ပတ်အတွင်း နေရာပြန်လည်ရရှိ သွားနိုင်မည်ဟု မိတ္ထီလာမြို့နယ် ပြည် သူ့လွှတ်တော်ကိုယ်စားလှယ် ဦးဝင်း ထိန်(ဒီချုပ်ပါတီဝင်)က ပြောသည်။
လက်ရှိတွင် မိတ္ထီလာမြို့နယ် ပြန်လည်တည်ငြိမ်အေးချမ်းရေး၊ လုံ ခြုံရေးနှင့် နေရာ ချထားရေးတို့အတွက် တပ်မတော်မှ တပ်ရင်း ၁၃ ခုဖြင့် ကူညီ ထောက်ပံ့ လုပ်ကိုင်နေပြီး အနီးဝန်းကျင်ရှိ မြို့များမှ အစားအသောက်နှင့် လိုအပ်သည့်ဆေးဝါးများ ကို ပေးပို့နေကြောင်း သိရသည်။
''ကျွန်တော်တို့က လုံခြုံရေးကို အဓိကထား လုပ်ကိုင်နေရတာဆို တော့ လုံခြုံရေးအဆင် ပြေပြီဆိုတာနဲ့ နေရာချထားရေးလုပ်ငန်းတွေ အ ဆင်ပြေသွားမှာပါ။ ကျန်းမာရေးကို လည်း အလေးထားလုပ်နေရပါသေး တယ်။ အတူပူးတွဲနေ ထိုင်တာဆို တော့ အားလုံးကို အဆင်ပြေအောင် ကြည့်ထိန်းရမှာပါ။ လုံခြုံရေးစိတ်ချပြီ ဆိုမှ နေထိုင်ရေးအတွက် အဆင်ပြေ အောင်မြင်မှာပါ''ဟု မိတ္ထီလာမြို့နယ် ခရိုင်ရဲမှူးက ပြောသည်။
မိတ္ထီလာခရိုင် ပတ်ဝန်းကျင် ဒေသများနှင့် ခရီးသွားလာရေးနှင့် သယ်ယူ ပို့ဆောင်ရေး လုပ်ငန်းများ ကို ဖွင့်လှစ်ထားပြီဖြစ်ပြီး အများသုံး ဈေးနှင့် ဆိုင်ခန်းများကိုလည်း အချိန် အကန့်အသတ်ဖြင့် ရောင်းချနေပြီဖြစ် ကြောင်း သိရသည်။
ပဋိပက္ခကြောင့် အစိုးရမှ ထုတ် ပြန်ထားသောအမိန့်နှင့် ညွှန်ကြား ချက်များကိုလည်း ပြန်လည်တည်ငြိမ် အေးချမ်းမှု မရမချင်း ထားရှိသွားရ မည်ဖြစ်ကြောင်း ဦးဝင်းထိန်က သုံးသပ်သည်။
မိတ္ထီလာမြို့တွင် ဖြစ်ပွားခဲ့သော အကြမ်းဖက်မှုများကြောင့် နေအိမ် ၁၅၂ လုံး၊ မော်တော်ယာဉ် ၂ စီး၊ ပညာရေးမှူးရုံး ၁ ရုံး၊ ဆိုင်ကယ် ၁ စီး၊ သုံးဘီး ဆိုင်ကယ် ၂ စီး၊ ဘာသာရေး အဆောက်အအုံ၁၃ လုံးပျက် စီးခဲ့ပြီး လူ ၃၂ ဦး သေဆုံးကာ ၃၉ ဦးထိခိုက်ဒဏ်ရာရခဲ့ကြောင်း အစိုးရက ထုတ်ပြန်ထားသည်။
အဆိုပါပဋိပက္ခကြောင့် ယာယီ ကယ်ဆယ်ရေးစခန်း ၉ ခု ဖွင့်လှစ် ထားပြီး လူဦးရေ တစ်သောင်းခန့်ရှိနေ ကြောင်း၊ နီးစပ်ရာ ဘုန်းတော်ကြီးကျောင်းများ တွင်လည်း ခိုလှုံနေကြ ကြောင်း မိတ္ထီလာမြို့ ပွင့်လင်းလူ့အဖွဲ့ အစည်းမှ ဒေါက်တာဆန်းအောင်က ဆိုသည်။
''အခုအဲ့ဒီလူတွေ (ဘုန်းကြီး ကျောင်းများတွင် ခိုလှုံနေရသူများ) အတွက် အခုကျွန်တော်တို့ တစ်ဦးချင်း ကပဲထောက်ပံ့နေတယ်။ တကယ့်စာရင်း အင်းအရအကူအညီပေးရင် သူတို့ မရမှာကိုစိုးတယ်။ ဒါကြောင့် စာရင်း ဇယားအစုံရပြီဆို အာဏာပိုင် တွေဆီပေးပို့သွားမယ်''ဟု ၄င်းကဆို သည်။
အောင်ထက်(NYK), PN-055
Popular Myanmar News Journal
မိတ္ထီလာ မီးသင့်အိမ်များနေရာ အထပ်မြင့်တိုက် ပြန်တည်ပေးရန် ရည်ရွယ်ထား
Labels:
ပြည်တွင်းသတင်း