“ရွှေနိုင်ငံသစ်” လို့ နာမည်ပေးထားတဲ့ ပုဂ္ဂလိက သတင်းစာကို လာမယ့် ဧပြီ ၁ ရက်နေ့ကစ ဖြန့်ချီမယ်ဖြစ်ကြောင်း ဒီကနေ့ ထုတ်ပြန်ကြေငြာပါတယ်။ ရွှေနိုင်ငံသစ် သတင်းစာကို စက္ကူတင်သွင်း ဖြန့်ချီတာနဲ့ ပုံနှိပ်လုပ်ငန်းလုပ်ကိုင်နေသူ၊ ဖေးဘရိတ်ဂျာနယ်နဲ့ Fresh news ဂျာနယ်၂ စောင် ထုတ်ဝေနေသူ စီးပွားရေးလုပ်ငန်းရှင် ဦးမောင်လှက ပိုင်ဆိုင်ပါတယ်။
သောကြောနေ့က ဒီသတင်းစာဖြန့်ဖို့ စာနယ်ဇင်းတွေကို အသိပေးတဲ့ပွဲမှာ စီစဉ်သူတွေက သတင်းစာကို ကျပ် ၁၀၀ ကနေ ၁၉၀ အကြား ဈေးနှုန်းနဲ့ ဖြန့်ချီမယ်လို့ ပြောပါတယ်။
မကြာသေးမီတုန်းကတော့ ပြန်ကြားရေး ပြန်ကြားရေးဝန်ကြီးဌာနဟာ သတင်းစာ လိုင်စင် ၈ စောင် ခွင့်ပြုခဲ့ပြီး အဲဒီထဲမှာ ပြည်ခိုင်ဖြိုးပါတီကထုတ်ဝေမယ့် ပြည်ထောင်စု နေ့စဉ် သတင်းစာဟာလည်း အစမ်းထုတ်ဝေနေပြီး မတ်လ ၁၈ ရက်နေ့ကလွှတ်တော်မှာ အခမဲ့ ဖြန့်ဝေခဲ့ပါတယ်။
DVB TV News
ရွှေနိုင်ငံသစ် သတင်းစာ ဧပြီ ၁ ရက်နေ့မှာ ဖြန့်ချီမည်
Labels:
ပြည်တွင်းသတင်း