ဧရာဝတီမြစ်တွင် ရေထိန်းတံခါး ၁၂ ခု တည်ဆောက်၍ လျှပ်စစ်ထုတ်ယူရန် ဖြစ်နိုင်ခြေလေ့လာမည်

ဧရာဝတီမြစ်တွင်း ရေထိန်းတမံ အနိမ့်များနှင့် ရေထိန်းတံခါး ၁၂ ခု တည်ဆောက်ရန်အတွက် ဘယ်ဂျီယံပညာရှင်များက ဖြစ်နိုင်ခြေလေ့လာမှုများကို လာမည့် မတ်လမှစတင်၍ ခြောက် လအတွင်း ဆောင်ရွက်သွားမည်ဟု ပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးဉာဏ် ထွန်းအောင်ကပြောကြားသည်။

ဖေဖော်ဝါရီ ၁၁ ရက်က ပြုလုပ်သော ဧရာဝတီမြစ်ကြောင်း ပြုပြင်ထိန်းသိမ်းရေးနှင့် ဘက်စုံဖွံ့ဖြိုးတိုး တက်ရေး နည်းလမ်းများအတွက် ဘယ်လ်ဂျီယံနိုင်ငံမှ SBE nv ကုမ္ပဏီနှင့် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနတို့ နားလည်မှုစာချွန်လွှာ လက်မှတ်ရေးထိုးပွဲ တွင် ပြည်ထောင်စုဝန်ကြီးက ထိုသို့ပြောကြားခြင်းဖြစ်သည်။

ဖြစ်နိုင်ခြေလေ့လာမှုနှင့် ဆောက်လုပ်မည့်ပုံစံများကို လွှတ်တော်သို့ တင်ပြသွားမည်ဖြစ်သည်။

“ဒါက အစိုးရအဖွဲ့က အတည်ပြုပြီးသားကို အကောင်အထည်ဖော်တာပါ။ လွှတ်တော်ကို ကျွန်တော်တို့ လုပ်ထုံးလုပ်နည်းအတိုင်း အဆင့်ဆင့် တင်ပြသွားမှာပါ။ ပြည်သူလူထုဘက်ကနေပြီး လက်မခံဘူးဆို ရင် ဆောင်ရွက်ဖို့ မရှိပါဘူး”ဟု ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီး ဌာနမှ ညွှန်ကြားရေးမှူးချုပ် ဦးထွန်းလွင်ဦးကပြောကြားသည်။

ရေထိန်းတမံအနိမ့်များသည် ဆည်များကဲ့သို့ စီးဆင်းနေသော ရေကြောင်းအား ပိတ်ပင်တားဆီးခြင်းမ ဟုတ်ဘဲ သတ်မှတ်ပမာဏတစ်ခုအထိသာ ထိန်းသိမ်းထားပြီး ယင်းပမာဏထက် ကျော်လွန်ပါက ယင်းတမံ များအား ဖြတ်ကျော်စီးဆင်းနိုင်မည်ဟု အဆိုပါဌာနမှ ဒုညွှန်ကြားရေးမှူးချုပ် ဦးကိုကိုဦးကဆိုသည်။

လေ့လာမှုများကို မန္တလေးတိုင်းအတွင်းရှိ ရန္တပိုရွာအနီး၊ မကွေးတိုင်းအတွင်းရှိ လမ်းရွာနှင့် မင်းလှတို့တွင် ပထမဆုံး စတင်မည်ဖြစ်သည်။

ဧရာဝတီမြစ်အထက်ပိုင်း ဗန်းမော်မှ ဟင်္သာတမြို့အထိ မြစ်ကြောင်းတစ်လျှောက်တွင် လတ်တလော လေ့ လာမှုများအရ လျှပ်စစ်ထုတ်ယူနိုင်သော ရေထိန်းတမံ ၁၂ ခု တည်ဆောက်နိုင်ရန် လျာထားပြီး အဆိုပါတမံ များမှ လျှပ်စစ်ဓာတ်အား ၂၅၂၀ မဂ္ဂါဝပ် ထုတ်ယူနိုင်မည်ဟု ခန့်မှန်းထားကြောင်း ပြည်ထောင်စုဝန်ကြီး ကပြောကြားသည်။

ရေထိန်းတမံအနိမ့်များ တည်ဆောက်ခြင်းဖြင့် မြစ်ကြောင်းတစ်လျှောက် တစ်နှစ်ပတ်လုံး ရေရရှိနိုင် ခြင်း၊ မြစ်ကြောင်းသွားလာရေးအတွက် လွယ်ကူစေခြင်း၊ မြစ်ကမ်းပြိုမှုများ လျှော့ချနိုင်ခြင်းနှင့် ဟိုက်ဒရိုပါဝါအားဖြင့် ရေအားလျှပ်စစ် ထုတ်ယူနိုင်ခြင်းတို့ ပြုလုပ်နိုင်ပြီး ရေထိန်းတမံများ ဆောက် လုပ်ခြင်းကြောင့် ရေကြောင်းသွားလာရေး အဆင်ပြေစေရန် ရေထိန်းတံခါးများပါ ပူးတွဲတည်ဆောက်ရခြင်း ဖြစ်ကြောင်း ဒုတိယညွှန်ကြားရေးမှူးချုပ်ကပြောသည်။

ခန့်မှန်းကုန်ကျစရိတ် အမေရိကန်ဒေါ်လာ သန်း ၃၀၀ ခန့် ရှိမည်ဖြစ်ပြီး တည်ဆောက်မှု ကြာမြင့်မှုကာလ သုံးနှစ်ခန့် အချိန်ယူရမည်ဖြစ်ကြောင်း SBE nv ကုမ္ပဏီမှ တာဝန်ရှိသူများကပြောသည်။

လေ့လာမှုများပြီးစီး၍ စီမံကိန်းအကောင်အထည်ဖော်မည်ဆိုပါက ရင်းနှီးမြှုပ်နှံမည့်ကုမ္ပဏီများကို ဖိတ်ခေါ်၍ (B.O.T) စနစ်ဖြင့် ဆောင်ရွက်သွားရန်ရှိကြောင်း ဦးထွန်းလွင်ဦးကပြောသည်။7Day News Journal