ကျောင်းသားများ စာမေးပွဲရက်နီးနေချိန်တွင် လျှပ်စစ်မီးပုံမှန်ရရှိရန် မိဘများမျှော်လင့်

ရန်ကုန်၊ ဖေဖော်ဝါရီ - 19

ယခုနှစ်နွေရာသီအတွက် လျှပ်စစ်မီးလုံလောက်စွာ ရရှိနိုင်ရန် စီစဉ်ထားသည်ဟုဆိုသော်လည်း ရန်ကုန်တိုင်းဒေသကြီး အပါအ၀င် ပြည်နယ်နှင့် တိုင်းဒေသကြီးအချို့တွင် ယခုလအတွင်းမှာပင် လျှပ်စစ်မီးပြတ်တောက်မှုများ ဖြစ်ပေါ်လျက်ရှိကြောင်း သတင်းရရှိသည်။

အခြေခံပညာကျောင်းသူ၊ ကျောင်းသားများ စာမေးပွဲရက်နီးနေချိန်တွင် ယခုကဲ့သို့ မီးမကြာခဏပျက်နေခြင်းကို စိတ်ပျက်မိကြောင်း ကလေးမိဘများက ပြောဆိုသည်။

ရန်ကုန်တိုင်းဒေသကြီးအတွင်း ဆင်ခြေဖုံးရပ်ကွက် အများစုဖြစ်သော သာကေတ၊ သင်္ဃန်းကျွန်း၊ ဒေါပုံ၊ တောင်ဒဂုံမြို့နယ် များတွင် လျှပ်စစ်မီးပြတ်တောက်မှုများမှာ အသိသာဆုံးဖြစ်ပြီး ညပိုင်းအချိန်များ၌ အဓိကပြတ်တောက်လာခြင်းဖြစ်သည်ဟု ယင်းမြို့နယ်များတွင် နေထိုင်သူအများစုကဆိုသည်။

ရန်ကုန်တိုင်းဒေသကြီးအတွင်းရှိ စက်မှုဇုန်များအား ဇန်န၀ါရီ ၁ ရက်မှစတင်ကာ နေ့စဉ် ညနေ ၄ နာရီမှ ည ၁၁ နာရီအထိ လျှပ်စစ်မီး ဖြတ်တောက်ထားသော်လည်း ရန်ကုန်မြို့တွင်း လူနေရပ်ကွက်များအတွင်း ဓာတ်အားဖြန့်ဝေမှုမှာ လုံလောက်မှုမရှိသဖြင့် လျှပ်စစ်ပမာဏ ၁၅၀ မဂ္ဂါဝပ်သို့ လျှော့ချဖြတ်တောက်ခဲ့ရကြောင်း ရန်ကုန်မြို့တော် လျှပ်စစ်ဓာတ်အားပေးရေးအဖွဲ့မှ အဆင့်မြင့်အရာရှိတစ်ဦးက ပြောသည်။

ရန်ကုန်မြို့အပါအ၀င် အခြားပြည်နယ်နှင့် တိုင်းဒေသကြီး မြို့နယ်အချို့တွင်လည်း လျှပ်စစ်ဓာတ်အား မလုံလောက်သောကြောင့် အချိန်ပိုင်း အလှည့်ကျစနစ်ဖြင့် လျှပ်စစ်ဓာတ်အားဖြန့်ဝေပေးနေရကြောင်း တိုင်းဒေသကြီး လျှပ်စစ်ဓာတ်အားပေးရေးအဖွဲ့များထံမှ သိရသည်။

“ဓာတ်အားမနိုင်လို့ပါ။ မနိုင်တာ တစ်လ၀န်းကျင်လောက်ရှိပြီ။ လောလောဆယ် တချို့နေ ရာတွေမှာ အချိန်ပိုင်းနဲ့ ပေးဖို့တောင် အဆင်မပြေသေးတော့ ဓာတ်အားကို လျှော့ပြီးပေးနေရတယ်။ ခွဲရုံလေးတွေ မနိုင်တဲ့အချိန်မှာ ဌာနက လျှော့ပေးခိုင်းတဲ့အတိုင်း သူတို့ရဲ့ ညွှန်ကြားချက်အတိုင်း လျှော့ပေးနေရတာပါ” ဟု ပဲခူးတိုင်းဒေသကြီး မြန်မာ့လျှပ်စစ်ဓာတ်အားပေးရေးလုပ်ငန်းမှ တာဝန်ရှိသူတစ်ဦးက ပြောသည်။

ယင်းကဲ့သို့ အချိန်ပိုင်းအုပ်စုခွဲပြီး ဓာတ်အားဖြန့်ဝေပေးနေခြင်းအပြင် အရေးပေါ်အခြေအနေဖြင့် ဌာနမှ ထပ်မံလျှော့ချဖြတ် တောက်ပေးပါ ဆိုပါက ထပ်မံပြီး အရေးပေါ်ဖြတ်တောက်ရသည်မျိုးလည်းရှိကြောင်း စစ်ကိုင်းတိုင်းဒေသကြီး မြန်မာ့လျှပ်စစ်ဓာတ်အားပေးရေးလုပ်ငန်းမှ တာဝန်ရှိသူတစ်ဦးက ပြောသည်။

7Day News ဂျာနယ်မှ ပြည်နယ်နှင့် တိုင်းဒေသကြီး စုစုပေါင်း ငါးခုအား မေးမြန်းရာတွင် လျှပ်စစ်ဓာတ်အားဖြန့်ဝေမှု မနိုင်သောကြောင့် အလှည့်ကျစနစ်ဖြင့် ဖြန့်ဝေပေးနေရကြောင်း အများစုက ဆိုသည်။

“အလှည့်ကျပေးမယ်ဆိုရင်လည်း မီးအားကို ပြည့်ပြည့်၀၀ပေးစေချင်တယ်။ လာတဲ့အချိန် မှာ မီးအားကို ၀ိုင်းဆွဲပြီး သုံးကြတော့ ခရီးက လိုရာမရောက်ဘူးဖြစ်နေတယ်” ဟု ကြည့်မြင်တိုင်မြို့နယ်မှ ပြည်သူတစ်ဦးက ပြောသည်။ လျှပ်စစ်စွမ်းအားဝန်ကြီးဌာနမှ ထုတ်ပြန်ချက်များအရ ၂၀၁၃ ခုနှစ် မတ်၊ ဧပြီ၊ မေတို့တွင် နိုင်ငံတစ်ဝန်း လျှပ်စစ်ဓာတ်အားလိုအပ်ချက်သည်
မဂ္ဂါဝပ်ပေါင်း ၂၀၆၀ ခန့်အထိ ရှိမည်ဖြစ်ပြီး ၂၀၁၂ နွေရာသီက ကြုံတွေ့ခဲ့ရသည့် လျှပ်စစ်ဓာတ်အား လျော့နည်းမှုများ မဖြစ်ပေါ်စေရန်စီစဉ်လျက်ရှိကြောင်း သိရှိရသည်။

လျှပ်စစ်ဓာတ်အား ပြတ်တောက်မှုများရှိနေသော်လည်း လာမည့် နွေရာသီအတွက် ရွှေလီလျှပ်စစ်ဓာတ်အားပေးစက်ရုံမှ ယခင်မူလ ၂၀၀ မဂ္ဂါဝပ်သာ ၀ယ်ယူခဲ့ရာမှ ယခုနှစ်အတွင်း ၃၀၀ မဂ္ဂါဝပ်ကို တိုးမြှင့်ဝယ်ယူသွားမည်ဖြစ်ပြီး လှော်ကားစက်ရုံနှင့် ရွာမစက်ရုံတို့တွင် ၅၀ မဂ္ဂါဝပ် ၃၈ မဂ္ဂါဝပ်ရေနွေးငွေ့တာဘိုင်စက်ရုံအား တည်ဆောက်လျက်ရှိကြောင်း ရန်ကုန်မြို့တော်လျှပ်စစ်ဓာတ်အားပေးရေးအဖွဲ့မှ ထုတ်ပြန်ထားသည်။7Day News Journal