လွတ်လပ်ခြင်း အနုပညာ ရုပ်ရှင်ဂီတပွဲတော်ကို ဇန်န၀ါရီလ ၂၉ ရက်နေ့မှ ၃၁
ရက်နေ့အထိ သုံးရက်တိုင် ရန်ကုန်မြို့ တော်ဝင်စင်တာတွင် ပြုလုပ်ခဲ့ပြီး
ဇန်န၀ါရီလ ၃၁ ရက်နေ့ ညနေပိုင်းတွင် ဆုရရှိသူများအား ဆုချီးမြှင့်ခြင်း
အခမ်းအနားကို ပြုလုပ်ခဲ့သည်။ ဒုတိယ အကြိမ်မြောက် ကျင်းပပြုလုပ်သည့်
‘လွတ်လပ်ခြင်း အနုပညာ ရုပ်ရှင်ဂီတပွဲတော်’ သို့ မှတ်တမ်းဇာတ်ကားနှင့်
ဇာတ်ကားတို ၆၀ ကျော် ပေးပို့ယှဉ်ပြိုင်လာသည့် အနက် နောက်ဆုံး ဆန်ခါတင်အဖြစ်
ရွေးချယ်ခဲ့သည့် ဇာတ်ကား ၃၃ ကားကို ရုပ်ရှင်ပွဲတော် ကာလအတွင်း
ပြသခဲ့ခြင်းဖြစ်ပြီး လာရောက်ကြည့်ရှုသည့် ပရိသတ်များမှ အကြိုက်ဆုံး
ဇာတ်ကားအား မဲပေးရွေးချယ်သည့် စနစ်ကိုလည်း ထည့်သွင်း ပြုလုပ်ခဲ့သည်။
လွတ်လပ်ခြင်း အနုပညာ ရုပ်ရှင်ဂီတပွဲတော်’ ဆုချီးမြှင့်ခြင်း အခမ်းအနား၌
အဆိုပါ ပွဲတော်အား ဦးဆောင်စီစဉ်သည့် လူထုခေါင်းဆောင် ဒေါ်အောင်ဆန်းစုကြည်
ပေးပို့လာသည့် သ၀ဏ်လွှာအား ဖတ်ကြားခဲ့သည်။ ဒေါ်အောင်ဆန်းစုကြည်က
“လွတ်လပ်ခြင်း အနုပညာ ရုပ်ရှင်နဲ့ ဂီတပွဲတော်ကို ဒုတိယအကြိမ် ထပ်မံကျင်းပ
နိုင်တာကို ကြားသိရတဲ့အတွက် ၀မ်းမြောက်ဝမ်းသာ ဖြစ်မိပါတယ်။
လွတ်လပ်ခြင်းဆိုတာ အနှောင်အဖွဲ့ကင်းရုံ မက မိမိယုံကြည်ရာကို
ဖန်တီးနိုင်ဖို့ အခြေခံ အကျဆုံး အခွင့်အရေး တစ်ရပ်ပဲ ဖြစ်ပါတယ်။
အနုပညာ
ဆိုတာလဲ ဒီသဘောပါပဲ။ ဘယ်အနုပညာပဲဖြစ်ဖြစ် လွတ်လပ်ခြင်း အခြေခံပေါ်မှာ
ပေါက်ဖွားတာ မဟုတ်ရင် ဘယ်လိုမှ ရှင်သန်ကြီးထွားနိုင်မှာ မဟုတ်ဘူး။
အဲဒါကြောင့် အနုပညာများ ရှင်သန်ပေါက်ဖွားနိုင်အောင် လွတ်လပ်ခြင်းနဲ့အတူ
ပြုစုပျိုးထောင်တဲ့ လွတ်လပ်ခြင်း အနုပညာ ရုပ်ရှင်ပွဲတော်နဲ့ ဂီတပွဲတော်ဟာ
နာမည်နဲ့လိုက်အောင် အဓိပ္ပာယ် ရှိနေပါတယ်။ ကျွန်မတို့ နိုင်ငံမှာ
နှစ်ပေါင်းများစွာ လွတ်လပ်ခြင်းတွေ ဆုံးရှုံးခဲ့ပါတယ်။ ဆုံးရှုံးခဲ့တဲ့
လွတ်လပ်ခြင်းတွေနဲ့အတူ ကမ္ဘာကျော်အောင် ပြောင်မြောက်တဲ့ အနုပညာများ
ဖန်တီးခွင့်တွေ ဟာလည်း တစ်နည်းမဟုတ် တစ်နည်းနဲ့ ဆုံးရှုံးခဲ့ရပါတယ်။
လွတ်လပ်ခြင်း ရောင်ခြည်တွေ ခပ်ပြပြ မြင်နေရတဲ့ အခုလို အချိန်အခါမျိုးမှာ
အနုပညာ အရည်အသွေးများ ပိုမိုပြောင်မြောက်လာနိုင်ဖို့ ပြုစုပျိုးထောင်ပေးတဲ့
ရုပ်ရှင်နဲ့ ဂီတပွဲတော်မျိုး ပုံမှန် ဆက်လက် ကျင်းပနိုင်တာဟာကျွန်မတို့
တိုင်းပြည်ရဲ့ အနုပညာ အနာဂတ်အတွက် များစွာ အားတက်စရာ ဖြစ်ပါတယ်” ဟု
ဒေါ်အောင်ဆန်းစုကြည်၏ သ၀ဏ်လွှာတွင် ထည့်သွင်း ဖော်ပြ ထားပါသည်။
ထို့နောက် ဆုများအား ကြေညာခြင်း မပြုမီ ဗိုလ်ချုပ်အောင်ဆန်းအကြောင်း
ရေးဖွဲ့သီဆိုထားသည့် ဂီတအမျိုးအစားစုံ ဆန်ခါတင် တေးသီချင်း ကိုးပုဒ်ကို
သီဆိုဖျော်ဖြေပေးခဲ့သည်။ ဆက်လက်၍ ဆုရရှိသူများအား ကြေညာပေးခဲ့ရာ
အကောင်းဆုံး မှတ်တမ်း ရုပ်ရှင်ဆုကို ရှင်ဒေ၀ီက The Bright Future
ဇာတ်ကားဖြင့် လည်းကောင်း၊ အကောင်းဆုံး ဇာတ်လမ်းတို ရုပ်ရှင်ဆုကို သုတ
(မော်ကွန်း) က မင်္ဂလာပါ ဒီမိုကရေစီ ဇာတ်ကားဖြင့် လည်းကောင်း၊ အကောင်းဆုံး
animation ဆုကိုရဲဝင်းက ရုပ်စုံသဘင် ဇာတ်ကားဖြင့် လည်းကောင်း၊ အကောင်းဆုံး
photo essay ဆုကို စိုးဇေယျာထွန်းက Dawn of the Nation ဖြင့် လည်းကောင်း၊
ပရိသတ် အကြိုက်ဆုံး မှတ်တမ်း ရုပ်ရှင်ဆုကို ထွန်းထွန်းအေးက Spring Hlegu
ဇာတ်ကားဖြင့် လည်းကောင်း၊ အကောင်းဆုံး မြန်မာသံ တေးသီချင်းဆုကို
ရဲနိုင်လင်း (ကျိုက်လတ်) က အကြီးမြတ်ဆုံးဂုဏ် တေးသီချင်းဖြင့် လည်းကောင်း၊
အကောင်းဆုံး ခေတ်ပေါ် တေးသီချင်းဆုကို လင်းထက်က အောင်ဆန်းမျိုးဟေ့မြန်မာ
တေးသီချင်းဖြင့် လည်းကောင်း၊ အကောင်းဆုံး ဟစ်ဟော့ပ် တေးသီချင်းဆုကို Extra T
က ရှင်သန်နေဆဲ သူရဲကောင်းတေး သီချင်းဖြင့် လည်းကောင်း၊ ပရိသတ် အကြိုက်ဆုံး
တေးသီချင်းဆုကို စိန်ညီဆွေ(မန်း)က ပြည်သူချစ်သော တို့ဗိုလ်ချုပ်
သီချင်းဖြင့် ရရှိခဲ့ပါသည်။
ပထမအကြိမ် လွတ်လပ်ခြင်း အနုပညာ ရုပ်ရှင်ပွဲတော်ကို ၂၀၁၂ ဇန်န၀ါရီလတွင် ကျင်းပပြုလုပ်ခဲ့သည်ဟု သိရှိရပါသည်။
လွတ်လပ်ခြင်း အနုပညာ ရုပ်ရှင်ဂီတ ပွဲတော်ကို သုံးရက်တိုင် ပြုလုပ်ခဲ့ပြီး ဆုကိုးဆုအား ရွေးချယ်ချီးမြှင့်ခဲ့
Labels:
အနုပညာသတင်း