ရဲဝန်ထမ်းနှင့် အရပ်သားတို့ ထိုးကြိတ်ရာမှ အပြန်အလှန်တရားစွဲ

ရန်ကုန်၊ မတ်- ၁၉
အနောက်ပိုင်းတက္ကသိုလ်ရဲကင်းမှ ရဲဝန်ထမ်းအပါအ၀င် သတင်းပေးလေးယောက်တို့နှင့် အရပ်သားသုံးဦး ထိုးကြိတ်ကြရာမှ ဆွဲကြိုးဖြတ်လုယက်မှု၊
တာဝန်ဝတ္တရားနှေင့်ယှက်မှုတို့ဖြင့် အပြန်အလှန်အမှုဖွင့်ထားကြကြောင်း သတင်းရရှိသည်။

အရပ်သား လူငယ် ၃ ဦးသည် မတ် ၁၇ရက် ည ခုနှစ်နာရီခန့်က ထန်းတပင်မြို့နယ်မှ လှိုင်သာယာမြို့နယ်သို့ မိတ်ဆွေ များအား မော်တော်ဆိုင်ကယ်ဖြင့်
ပြန်ပို့အပြီး အနောက်ပိုင်းတက္ကသိုလ်အနီးတွင် ဆွဲကြိုးဖြတ်လုယက်ခံရခြင်း ဖြစ်ကြောင်း အရပ်သားများဘက်ကပြောသည်။

“ကျွန်တော်တို့ဆိုင်ကယ်ကို သူတို့တွေက ကျော်တက်တဲ့အချိန် သူတို့ထဲက ရဲတစ်ယောက်ကို သိနေလို့လှမ်း နှုတ်ဆက်လိုက်သေးတယ်၊ စည်ပင်သာယာတံတား
မောင်းတံနားလည်းရောက်ရော စောစောကကျော်တက် သွားတဲ့ ရဲတွေက ဂိတ်တံခါးပိတ် စောင့်နေပြီး တစ်ယောက်ကို လက်ထိပ်ခတ်တယ်၊
နောက်ဆိုင်ကယ်တစ်စီး က ကျွန်တော့်တို့ ဆိုင်ကယ်ကို ပိတ်တိုက်လိုက်လို့ ကျွန်တော်တို့သုံးဦးလုံး ဆိုင်ကယ်ပေါ်က လွင့်ကျသွားတယ်၊ ရဲတစ်ယောက်က
လက်ထိပ်ခတ်ခံထားရသူရဲ့ ဆွဲကြိုးကိုဖြတ်လုတယ်၊ နောက်တစ်ယောက်က မင်းဆွဲကြိုးကို လည်းဖြတ် တယ်ကွာလို့ပြောပြီး ဆွဲဖြတ်ယူသွားတယ်၊
ကျွန်တော်တို့လေးယောက်လုံးကိုဝိုင်းထိုးကြတယ်၊ ကျွန်တော်အင်္ကျီအိတ်ကပ်ထဲ ထည့်ထားတဲ့ ငွေငါးသောင်းလည်း လုံးထွေးနေတုန်းပျောက်သွားတယ်”ဟု
အသက် ၂၇ နှစ်ရှိ အလုခံရသူဆိုသူကပြောသည်။

အဆိုပါနေရာသို့ အနီးရှိ ရွာသစ်ကျေးရွာမှ လူတစ်ချို့ရောက်လာပြီး ဖျန်ဖြေပေးသောအခါမှ လူစုကွဲသွားကြ သည်။ အနောက်ပိုင်းတက္ကသိုလ်ရဲကင်းမှ
ရဲတပ်သားနှစ်ဦးနှင့် ရဲသတင်းပေးနှစ် ဦးတို့ထွက်ပြေးသွားကြရာ တစ်ကျပ်သားခန့်ရွှေဆွဲကြိုးတစ်ကုံး၊ တစ်ကျပ်ခွဲသားခန့် ရွှေဆွဲကြိုးတစ်ကုံးနှင့်
ငွေကျပ်ငါးသောင်း ရှာမတွေ့ တော့ဘဲ ၎င်းတို့၏ ဆိုင်ကယ်တစ်စီးပင်ကျန်ခဲ့ကြောင်း လုယက်ခံရသူကပြောသည်။

အဆိုပါဖြစ်စဉ်အားတက်သစ်ရဲစခန်းသို့ မေးမြန်းရာ စခန်းမှုးရဲအုပ်ဦးတင်မြင့်က နှစ်ဖက်စလုံးကိုစစ်ဆေးလျက် လုယက်မှု၊ အားပေးကူညီမှုတို့ဖြင့်
အမှုဖွင့်ပေးထားသကဲ့သို့ ရဲများကလည်း တာဝန်ဝတ္တရားထမ်းဆောင်ချိန် ကိုယ်ထိလက်ရောက်မှု၊ ဆဲဆိုမှုတို့ဖြင့် အမှုပြန်ဖွင့်ထားပြီး နှစ်ဖက်စလုံး ဒဏ်ရာရကာ ရဲဝန်ထမ်းများအားထန်းတပင် ဆေးရုံတွင် ဆေးဝါးကုသနေကာ အရပ်သားများက အင်းစိန်ဆေးရုံတွင်ဆေးဝါးကုသနေကြောင်းပြောသည်။

ထို့ကြောင့်အရပ်သားများဘက်မှ တက်သစ်ရဲစခန်းတွင် ပုဒ်မ ၃၉၂၊ ၁၁၄ တို့ဖြင့် အမှု ဖွင့်ထားသကဲ့သို့ ရဲဝန်ထမ်းများကလည်း တက်သစ်ရဲစခန်းတွင်ပင် ပုဒ်မ
၃၃၂/ ၂၉၄ တို့ဖြင့် အပြန်အလှန်အမှုဖွင့်ထားကြောင်း သတင်းရရှိသည်။
7Day News Journal