ကယားပြည်နယ်မှသတ္တုသန့်စင်စက်ရုံတည်ဆောက်ရေးအတွက်ကုမ္မဏီနှင့် ဒေသခံများ သဘောတူညီချက်ရရှိ

လွိုင်ကော်၊ မတ် ၁၈။
ကယားပြည်နယ်၊ ဖရူးဆိုးမြို့ မူဆိုကျေးရွာအုပ်စုတွင်သိန်းမျက်လုံး ကုမ္မဏီနှင့် Business Support Myanmarကုမ္မဏီတို့ ပူးပေါင်းပြီး ခနောက်စိမ်းသတ္တုသန့်စင် စက်ရုံတည်ဆောက်မည့် စီမံကိန်းအား မတ်လ ၁၈တွင် ဒေသခံများမှ သဘောတူညီလိုက်ကြောင်း သိရသည်။

အဆိုပါစက်ရုံ ဆောက်လုပ်မည့်နေရာတွင် စိမ့်စမ်းရေထွက်ပေါက်နှင့် ရေချောင်းများ တည်ရှိနေခြင်းအတွက်ရေအရင်းအမြစ်များ ပျက်စည်းဆုံးရှုံးမည်ကို စိုးရိမ်သဖြင့်ဒေသခံများမှ ကန့်ကွက်ခဲ့သော စီမံကိန်း တစ်ခုဖြစ်သည်။

စက်ရုံဆောက်လုပ်ရေးအား ဒေသခံများမှ သဘောတူရန်အတွက် သိန်းမျက်လုံး ကုမ္မဏီနှင့် Business SupportMyanmar ကုမ္မဏီတို့မှ လာရောက်ညှိနှိုင်းခဲ့သည်မှာ (၈)ကြိမ်ရှိပြီဖြစ်ကြောင်း၊ ယနေ့ ဖရူးဆိုးမြို့နယ် ပြည်ခိုင်ဖြိုးပါတီရုံးတွင် ကျင်းပပြုလုပ်သော ဒေသခံများ ရပ်ကွက်ကျေးရွာ အုပ်ချုပ်ရေးမှူးများနှင့် တွေ့ဆုံပွဲတွင် စက်ရုံ ဆောက်လုပ်ရန်
အတွက် ဒေသခံများနှင့် ညှိနှိုင်း သဘောတူညီချက် ရရှိခဲ့ကြောင်း သိမ်းမျက်လုံး ကုမ္မဏီ ဒါရိုက်တာ အဖွဲ့ဝင် ဦးမြင့်မောင်မောင်ကပြောကြားသည်။

“ကျွန်တော်တို့ ဒီစက်ရုံဆောက်ဖို့ကို ပြည်သူလူထု အနေနဲ့သဘောပေါက်အောင် အရင်ဆုံး ပွင့်လင်းမြင်သာစွာ ချပြရှင်းလင်းခဲ့ပါတယ်။ KNPPနဲ့ဆွေးနွေးတော့လည်း သူတို့က ပြည်
သူက သဘောတူရင် သူတို့ဘာမှ သဘောမတူစရာ မရှိဘူးပြောခဲ့ပါတယ်။ ဒီနေ့တော့ လူထု သဘောတူညီမှု ရရှိသွား တဲ့အတွက် ဒေသအတွက်ရော ကုမ္မဏီ အတွက်ပါ အကျိုးရှိ
တဲ့အတွက် ၀မ်းသာပါတယ်” ဟုသိမ်းမျက်လုံးကုမ္မဏီ ဒါရိုက်တာအဖွဲ့ဝင် ဦးမြင့်မောင်မောင်က ပြောကြားသည်။

ကရင်နီ အမျိုးသားတိုး တက်ရေးပါတီ KNPP သည် ဒေသတွင်း သြဇာရှိသော လက်နက်ကိုင် အဖွဲ့တစ်ခုဖြစ်ပြီး မကြာသေးမီကအစိုးရနှင့် အပစ်အခတ် ရပ်စဲရန် သဘောတူထားသည့် အဖွဲ့တစ်ဖွဲ့ ဖြစ်သည်။ဖရူးဆိုးမြို့နယ် အတွင်းရှိ အမှတ်(၁၄)တန်းမြင့် စစ်လေ့ကျင့်ရေးကျောင်း တည်ဆောက်ရေးတွင် သိမ်းဆည်းခံထားရသော လယ်ယာမြေများ ပြန်လည်ရရှိရေး ဆောင်ရွက်နေသည့် ခိုလေဆို လယ်သမားအဖွဲ့မှ ဦးသဲရယ်က “ကျွန်တော်တို့ဘ၀မှာ တန်းမြင့်(၁၄) သင်တန်းကျောင်း ဆောက်တုန်းကဘုမသိ ဘမသိနဲ့ လယ်တွေ ယာတွေ အသိမ်းခံရလို့ စိတ်ထိခိုက်ခဲ့ရ ဖူးပါတယ်။ အခုတည်ဆောက်မယ့် ကုမ္မဏီက အခုလို ပွင့်ပွင့်လင်းလင်း ပြည်သူနဲ့ ညှိနှိုင်းတဲ့ အတွက်တော့ ကျေးဇူးတင်ပါတယ်။ ဘာပဲဖြစ်ဖြစ် သူတို့ဘက်ကလည်း သဘောတူညီချက်တွေ ပံ့ပိုးမှုတွေနဲ့ သဘာဝ ပတ်ဝန်းကျင် စောင့်ကြည့်ရေး အဖွဲ့တွေပါ ဖွဲ့ပေးမယ် ဆိုတော့ ပိုပြီး လက်ခံပါတယ်။ ဒေသရဲ့ဖွံဖြိုးမှု ဒေသခံတွေရဲ့ အလုပ်အကိုင် အခွင့်အလမ်း ပွင့်လန်းလာမယ် ဆိုရင်တော့ ဒီ စီမံကိန်းကို သဘော တူပါတယ်။”ဟု ပြောကြားခဲ့သည်။

စက်ရုံတည်ဆောက်ချိန်နှင့် စက်ရုံတည်ဆောက် ပြီးစီးလည်ပတ်ချိန်အထိ သိန်းမျက်လုံး ကုမ္မဏီ နှင့် BusinessSupport Myanmar ကုမ္မဏီတို့မှ ဒေသတွင်း ကျေးရွာ ရပ်ကွက်များမှ ရွေးချယ်ထားသော စစ်ဆေးရေး ကော်မတီ(၅)ဖွဲ့ကို ဖွဲ့စည်းပေးရမည်ဖြစ်ပြီး အဆိုပါ အဖွဲ့များမှ သဘာဝပတ်ဝန်းကျင် ထိခိုက်မှုရှိ/မရှိနှင့် ဒေသအတွက် အမှန်တကယ် အကျိုးရှိ/မရှိကို လေ့လာစောင့်ကြည့်သွားမည် ဖြစ်ကြောင်းသိရသည်။

ယနေ့ပြုလုပ်သော တွေ့ဆုံပွဲတွင် ကုမ္မဏီ တာဝန်ရှိသူများနှင့်ဒေသခံများ ရပ်မိရပ်ဖများ အုပ်ချုပ်ရေးမှူးများမှ ဆွေးနွေးညှိနှိုင်းခဲ့ပြီး စက်ရုံ တည်ဆောက်ရေးအား အများဆန္ဒဖြင့်
သဘောတူ ခဲ့ကြောင်း သိရသည်။
ခက်ဇော်
The Myanma Age