မတ်လ ၂၀ ရက်နေ့ကစပြီး မတ်လ ၂၂ ရက်နေ့အထိ အဓိကရုဏ်းတွေဖြစ်ပွားခဲ့တဲ့ မိတ္ထီလာဒေသမှာ အခြေအနေတွေ ငြိမ်သက်ပြီ ဖြစ်တဲ့အတွက် အင်းတကော်အခြေစိုက် တပ်မ ၇၇ ဌာနချုပ်က တပ်ရင်းသုံးရင်းဟာ ဒီကနေ့နေ့လည်က ရန်ကုန်ကို ပြန်လည်ထွက်ခွာသွားပြီ ဖြစ်ပါတယ်။
သမ္မတရဲ့ အရေးပေါ်အခြေအနေကြေညာထားတဲ့ မိတ္ထီလာ၊မလှိုင်၊သာစည်နဲ့ဝမ်းတွင်းမြို့တွေကို ယမန်နေ့ညနေက ရောက်ရှိလာတဲ့ အမှတ် (၄)စစ်ဆင်ရေးကွပ်ကဲမှုဌာနချုပ်က တပ်ရင်း ၁၀ ရင်းကသာ တာဝန်ယူတော့မှာ ဖြစ်တယ်လို့ သိရပါတယ်။
မိတ္ထီလာမြို့မှာ ဖြစ်ပွားခဲ့တဲ့ အဓိကရုဏ်းဖြစ်စဉ်တွေအတွင်းမှာ လူ ၁၁ ဦးသေဆုံးခဲ့ပြီး၊အိမ်ခြေ ၃၀၀ ကျော်မီးလောင်ပျက်စီးခဲ့တဲ့အပြင် ဒုက္ခသည် ၈၀၀၀ ကျော်ဟာ အမှတ်(၁)ရဲစခန်း၊ခရိုင်အားကစားကွင်းနဲ့အခြေခံပညာရေးကျောင်းတွေမှာ ခိုလှုံနေကြရပါတယ်။
RFA Burmese
မိတ္ထီလာမှာ အခြေအနေတွေ ငြိမ်သက်လို့ တပ်မ ၇၇ ပြန်လည်ထွက်ခွာ
Labels:
ပြည်တွင်းသတင်း