 |
| ဗုဒ္ဓ သာသနိက အဆောက်အဦးတွေကို မီးရှို့ဖျက်ဆီးတာဟာ အစ္စလမ်အခြေခံဝါဒီတွေ လက်ချက်လို့ ဘင်္ဂလားဒေ့ရှ် ပြည်ထဲရေးဝန်ကြီးက ပြောကြားလိုက်ပါတယ် (ဓာတ်ပုံ – Reuters) |
Jamaat-e -Islami ပါတီ ခေါင်းဆောင် ၄ ဦးကို အစိုးရက ဖမ်းဆီး စစ်ဆေးနေစဉ် သေဒဏ်အပြစ်ပေးဖို့ တောင်းဆိုတာတွေ၊ အဲဒီပါတီဝင်တွေက သူတို့ခေါင်းဆောင်တွေကို လွှတ်ပေးဖို့ တောင်းဆိုတာတွေ နိုင်ငံနဲ့အ၀ှမ်း ဖြစ်ပေါ်ခဲ့ပြီး နှစ်ဘက် တင်းမာမှု ပြင်းထန်နေတာကြောင့် ဒေသတွင်း မတည်ငြိမ်မှုတွေ ကြီးထွားနေတယ်လို့ သိရပါတယ်။
ဘင်္ဂလားဒေ့ရှ် နိုင်ငံအတွင်း အစိုးရနဲ့ အတိုက်အခံ ပါတီအကြား နိုင်ငံရေး တင်းမာမှုတွေ ဖြစ်ပွားလာပြီးနောက် ဟိန္ဒူနဲ့ ဗုဒ္ဓ ဘာသာ ဘုရားကျောင်းတွေကို မီးရှို့ဖျက်ဆီးမှုတွေ ရှိလာတဲ့အတွက် ရပ်ရွာလုံခြုံရေး အတွက် ညကင်းစောင့်ဖို့ ကျေးရွာ တာဝန် ရှိသူတွေက စဉ်းစားရတာဖြစ်တယ်လို့ ဘင်္ဂလားဒေ့ရ်ှနိုင်ငံ စစ်တကောင်းတိုင်း ကော့စ်ဘာဇာခရိုင် ဆောကော်ဒီရာ မြို့နယ် အာဇီနော်ကော် ကျေးရွာမှာနေတဲ့ ရခိုင်တိုင်းရင်းသား ဦးဝင်းသိန်းက ဆိုပါတယ်။
“အခု အခြေအနေက မဆိုင်သူတွေကိုပါ မီးရှို့ဖျက်ဆီးလာတာတွေ ရှိနေတာက တကြောင်း၊ နောက်ပြီးတော့ ပန်းဝါ (ရာမူး) မှာလို ဘုရားတွေ မီးရှို့၊ အိမ်တွေ မီးရှို့တဲ့ ပြဿနာမျိုး ထပ်ဖြစ်လာမှာ စိုးရိမ်လို့ တကြောင်း၊ ဒါကြောင့် လူကြီးတွေက ဆုံးဖြတ်ပြီးတော့ ည ၁၀ နာရီကနေ မနက် ၆ နာရီထိ ကင်းချထားတယ်။ ရွာရဲ့ အနေအထားအရ တဖွဲ့မှာ ၅ ယောက်စီ လမ်း ၄ ခုက ၄ ဖွဲ့နေရာယူပြီး ကင်းစောင့်ကြရတယ်” လို့ သူက ဧရာဝတီကို ပြောပါတယ်။
မြန်မာနိုင်ငံ ရခိုင်ပြည်နယ်နဲ့ ဘင်္ဂလားဒေ့ရ်ှနိုင်ငံ ကော့စ်ဘာဇာ ခရိုင်၊ ဘန်တရိုဘန် ခရိုင်အတွင်းမှ အာဇီနော်ကော်၊ ဖတ်တောင်၊ မဟားဇိုးကျွန်း စတဲ့ ဒေသတွေက ရခိုင်ရွာတွေမှာ ရပ်ရွာလုပ်ခြုံရေး အတွက် ညကင်း စောင့်နေကြခြင်း ဖြစ်ပြီး တခြား ရခိုင်ကျေးရွာတွေမှာလည်း လုံခြုံရေးကို သတိထား စောင့်ကြည့်နေတယ်လို့ သိရပါတယ်။
“ဒီဘက်မှာတော့ စစ်တပ်စခန်းလည်း ရှိတယ်ဆိုတော့ လောလောဆယ် အေးအေးဆေးဆေးပါပဲ။ ညကင်း စောင့်ရမျိုးတော့ မရှိသေးဘူး။ ဒါပေမယ့် သတိနဲ့ သွားလာနေရတယ်။ အခြေအနေကို စောင့်ကြည့် နေရတဲ့ အနေအထား ရှိတယ်” လို့ ဘန်တရိုဘန်ခရိုင် အလယ်ကော်တောင် ဒေသမှာ နေထိုင်တဲ့ ဦးစိုးလင်းက ပြောပါတယ်။
၁၉၇၁ ခုနှစ် လွတ်လပ်ရေး စစ်ပွဲအတွင်း ပါကစ္စတန် စစ်တပ်နဲ့ ပေါင်းပြီး လူသားမျိုးနွယ် အပေါ် စစ်ရာဇ၀တ်မှုတွေ ကျူးလွန်ခဲ့တယ် ဆိုတဲ့ စွပ်စွဲချက်နဲ့ Jamaat-e-Islami ပါတီက ဒု ဥက္ကဋ္ဌ ဒေလ၀ါ ဟူစိန် ဆာယီဒီ ကို နိုင်ငံတကာ ရာဇ၀တ်မှု ခုံရုံးက သေဒဏ်ပေး စီရင်ခဲ့ပြီးနောက် Jamaat-e-Islami ပါတီဝင်တွေနဲ့ ပါတီ လက်အောက်ခံ Islami Chhatra Shibir ကျောင်းသားအဖွဲ့ဝင်တွေက စစ်တကောင်းတိုင်း Banshkhali မြို့နယ် အတွင်းက ဗုဒ္ဓဘာသာ ဘုန်းတော်ကြီးကျောင်းနဲ့ ဟိန္ဒူ ဘုရားကျောင်း ၅ ကျောင်းကို မီးရှို့ဖျက်ဆီးမှုတွေ ပြုလုပ်ခဲ့ပါတယ်။
Jamaat-e-Islami ပါတီဝင်တွေနဲ့ ပါတီ လက်အောက်ခံ Islami Chhatra Shibir အဖွဲ့ဝင်တွေက သူတို့ရဲ့ ခေါင်းဆောင်ကို သေဒဏ် ချမှတ်လိုက်တဲ့ အတွက် နိုင်ငံနဲ့အဝန်း ဆန္ဒပြမှု၊ မီးရှို့ ဖျက်ဆီးမှု၊ လမ်းပမ်း ဆက်သွယ်ရေး ဖြတ်တောက်မှု၊ လုံခြုံရေး တပ်ဖွဲ့ဝင်များကို ပြန်လည်တိုက်ခိုက်မှုများ ဆက်တိုက်ဖြစ်ပေါ်နေပြီး မြို့ပေါ်လုံခြုံရေးကိုသာ အဓိကထား တာဝန်ယူ နေကြရတယ်လို့ ဘန်တရိုဘန်မြို့ရဲစခန်းမှ အရာရှိ တဦးက ပြောပါတယ်။
“နယ်ရော မြို့ပါ လုံခြုံရေးတွေ ချထားတယ်။ အဓိက မြို့ကိုပဲ လုံခြုံရေး ဦးစားပေး နေရတော့ နယ်ပိုင်းကျတော့ အားနည်း တယ်။ ဒါပေမယ့် ပြဿနာ ဖြစ်တယ် ဆိုရင်တော့ သိတာနဲ့ သွားပြီးတော့ တာဝန်ယူဖြေရှင်း ပေးနေတာတွေရှိပါတယ်” လို့ အဲဒီ အရာရှိက ရှင်းပြပါတယ်။
Jamaat-e-Islami ပါတီဝင်တွေနဲ့ ၎င်းပါတီ လက်အောက်ခံ Islami Chhatra Shibir အဖွဲ့ဝင်တွေဟာ ဟိန္ဒူ ဘာသာဝင် တွေကို အဓိကထား ဖျက်ဆီး တိုက်ခိုက်နေတာ ဖြစ်ပေမယ့် ဟိန္ဒူရွာတွေနဲ့ နီးကပ်နေတဲ့ ရခိုင်ရွာတွေ အနေနဲ့လည်း သတိထားရမှာ ဖြစ်တယ်လို့ မြစ်နားရွာက ဦးသာသာမောင်က ဆိုပါတယ်။
“Jamaat-e-Islami နဲ့ Islami Chhatra Shibir အဖွဲ့တွေရဲ့ ခေါင်းဆောင်ကို သေဒဏ်ပေးနိုင်အောင် သက်သေထွက်ဆိုတာ က ဟိန္ဒူတွေဖြစ်နေတယ်။ ဒါကြောင့် သူတို့က ဟိန္ဒူတွေကို ပစ်မှတ်ထား ဖျက်ဆီးတာဖြစ်တယ်” လို့ သူက ရှင်းပြပါတယ်။
ဘင်္ဂလားဒေ့ရှ် နိုင်ငံရဲ့ အမြင့်ဆုံး တရားရုံးတခုက နိုင်ငံအတွင်းမှာရှိတဲ့ လူနည်းစုနဲ့ သူတို့ရဲ့ လူနေ အဆောက်အဦးတွေ၊ ဘာသာရေး အဆောက်အဦးတွေကို လုံခြုံရေး တိုးမြှင့် အကာအကွယ်ပေးဖို့ အစိုးရထံ တိုက်တွန်းချက်တရပ်ကိုလည်း မတ်လ ၃ ရက်နေ့က ထုတ်ပြန်ခဲ့တယ်လို့ သိရပါတယ်။
ဖေဖေါ်ဝါရီလ ၂၈ ရက်နေ့က မြန်မာနယ်စပ်အနီး ဘင်္ဂလားဒေ့ရ်ှဘက်ခြမ်းမှာရှိတဲ့ ကန်ဘိချောင်းဝ ကျေးရွာမှာ ဓားပြမှုတခု ဖြစ်ခဲ့ပြီး ဒေသတွင်းမှာ လက်နက်ကိုင် လူစုတွေ ညအချိန် ဖြတ်သန်း သွားလာမှု ရှိနေတဲ့ အတွက် လုံခြုံရေးကို သတိထား နေရတယ်လို့ လေမူစရီနယ်စား ဦးမောင်နုက ပြောပါတယ်။
“အခု ကျနော့် နယ်ဘက်မှာက ဘင်္ဂလားဒေ့ရှ် နိုင်ငံရေး ရှုပ်ထွေးမှုတွေကြောင့် စိုးရိမ်နေရသလို၊ ဓားပြတိုက်မှုတွေ ရှိလာနေ တာတွေကိုလည်း စိုးရိမ်နေရတယ်” လို့ သူက ဆိုပါတယ်။The Irrawaddy (Burmese Version)
