ဆားလင်းကြီး၊ မတ် ၁၃။
လက်ပံတောင်တောင်အရေးအား ဆန္ဒပြနေသည့် အင်အား ၅၀၀ ခန့်ရှိသည့် ဒေသခံများသည် ဝမ်ပေါင်ကျရှုံးရေး ဒို့အရေး၊ ဦးပိုင်ကုမ္ပဏီကျရှုံးရေး ဒို့အရေး၊ စုံစမ်းရေးကော်မရှင် ရလဒ် အလိုမရှိ၊ လက်ပံတောင်းတောင်စီမံကိန်း ရပ်ဆိုင်းပေး၊ စသေည့် ဆိုင်းဘုတ်များကိုင်ဆောင်ကြွေး ကြော် ကာ ဆည်တဲရွာမှ မြန်မာဝမ်ပေါင်ကုမ္ပဏီရှေ့သို့ ချီတက်ဆန္ဒပြနေကြောင်း သိရသည်။
ယနေ့ ညနေ့၎နာရီခွဲအချိန်က ကံကုန်းရွာမှထွက်ခွာလာသောဒေါ်အောင်ဆန်းစုကြည်ဦးဆောင်သည့် စုံစမ်းစစ်ဆေးရေး အဖွဲ့မှယဉ်တန်းနှင့် နေ့လည် ၁၂ နာရီအချိန်က တုံရွာသပိတ်စခန်းမှထွက်ခွာလာသော ဒေသခံများ ပုသိမ်- မုံရွာ လမ်းဆုံတွက် တွေ့ဆုံခဲ့ကြကြောင်း သိရသည်။
တုံရွာသပိတ်စခန်းမှ ထွက်ခွာလာသော ဒေသခံများ ပုသိမ်- မုံရွာလမ်းဆုံတွင် ရဲများမှ လမ်းအားပိတ်ဆို့ထားသည့်အတွက် ပြဿနာ အနည်းငယ်တက်ခဲ့ပြီးနောက် လမ်းမကြီးအတိုင်း မဟုတ်ဘဲတောင်များကိုပတ်၍ တုံရွာ သပိတ်စခန်းသို့ပြန်မည်ဖြစ်ကြောင်းလည်းသိရသည်။
ယင်းသို့ ဒေါ်အောင်ဆန်းစုကြည် ဦးဆောင်သည့် စုံစမ်းစစ်ဆေးရေးအဖွဲ့မှ ယဉ်တန်းနှင့် တွေ့ဆုံခဲ့ခြင်းအပေါ် “ဒီစုံစမ်းစစ်ဆေးရေးကော်မရှင်လာလို့ ဆန္ဒပြတာ မဟုတ်ဘူး။ ဒီတိုင်းပဲ ကြေးနီစီမံကိန်းရပ်ဖို့ ဆန္ဒပြတာ။”ဟု ဆန္ဒထုတ်ဖော်မှုကို ဦးဆောင်သူ ကိုဟန်ဝင်းအောင်မှ ပြောကြားသည်။
ထက်နောင်နောင်
The Myanma Age
လက်ပံတောင်းတောင်ဒေသခံများ ဝမ်ပေါင်ကုမ္ပဏီရှေ့ ချီတက်ဆန္ဒပြ
Labels:
ပြည်တွင်းသတင်း