ရန်ကုန်၊ ဇူလိုင် ၁၅
ကမ္ဘာ့ရှားပါး ငါးစာရင်းဝင် ငါးသလောက်ကို မြန်မာနိုင်ငံ၌ မျိုးဖောက်ရန် စီစဉ်နေရာ နော်ဝေနိုင်ငံ မွေးမြူရေးနှင့် သုတေသန အဖွဲ့အစည်း တစ်ခုဖြစ်သော နော်ဖီးမား (Nofima) အဖွဲ့မှ ပညာရှင်များက စက်တင်ဘာလတွင် လာရောက်ကူညီမည် ဖြစ်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောကြားသည်။
နော်ဝေပညာရှင်များသည် ငါးသလောက်မျိုးရိုးဗီဇ လေ့လာမှု လုပ်ငန်းစဉ်များ၊ မျိုးရိုးထိန်းသိမ်းမှု လုပ်ငန်းစဉ်များနှင့် ငါးသလောက် သားပေါက်များ ပြုစုပုံ နည်းစနစ်များကို သင်ကြားပြသမည် ဖြစ် သည်ဟု ၎င်းကဆိုသည်။
“ငါးသလောက်က တစ်ကမ္ဘာလုံးမှာ ဘင်္ဂလားပင်လယ်အော်မှာပဲ ကျက်စားတယ်။ ဒီလို လူကြိုက်များပြီး ရှားပါးတဲ့ ငါးသလောက်ကို မွေးမြူနိုင်ဖို့ နော်ဝေ ပညာရှင်တွေက လာကူညီမှာပါ” ဟု ၎င်းက ဆိုသည်။
ဘင်္ဂလားပင်လယ်အော်တွင်သာ ဖမ်ဆီးရရှိနိုင်၍ ရှားပါးငါးမျိုးအဖြစ် ကမ္ဘာကျော်သည့်အတွက် နော်ဝေပညာရှင်များသည် မြန်မာနိုင်ငံတွင် နည်းပညာပို့ချပြီးပါက ဘင်္ဂလားဒေ့ရ်ှနိုင်ငံသို့ ဆက်လက် သွားရောက်မည် ဖြစ်ကြောင်း မြန်မာနိုင်ငံ ငါးလုပ်ငန်း အဖွဲ့ချုပ် ဒုတိယဥက္ကဋ္ဌ ဦးဟန်ထွန်းက ပြောကြားသည်။
“လွန်ခဲ့တဲ့ ၁၀ နှစ်လောက်က ငါးသလောက် ပြည်ပပို့တာ တစ်နှစ်ကိုတန်ချိန် တစ်သိန်းလောက် ရှိတယ်။ အခုကတော့ တစ်သောင်းနီးပါလောက်ပဲ ပို့နိုင်တော့တယ်” ဟု ကုန်ကြမ်း ရှားပါးမှုကြောင့် ငါးသလောက် ပြည်ပတင်ပို့မှု လျော့ကျလာခြင်းကို ၎င်းကရှင်းပြသည်။
ထိုင်းနိုင်ငံထုတ် တစ်လက်မပတ်လည် ငါးဖမ်းပိုက်များဖြင့် ဖမ်းယူမှုကြောင့် ငါးသလောက် ၁၀ ကျပ်သား အကောင်သေးများအထိ ဖမ်းဆီးရရှိ၍ ပင်လယ်ပြင်အတွင်း ငါးသလောက် ရှားပါးမှု ဖြစ်ပေါ်လာကြောင်း ဦးဟန်ထွန်းက ကောက်ချက်ချသည်။
ငါးသလောက် ဖမ်းဆီးရမိမှု တစ်နှစ်ထက်တစ်နှစ် နည်းပါးလာခြင်းကြောင့် ငါးသလောက် ဝယ်မရသည့် နေ့များပင် ရှိလာကြောင်း နာဂစ်မုန်တိုင်း တိုင်မီက ငါးသလောက် ပေါပေါများများ ဖမ်းမိခဲ့သည့် ဒေးဒရဲမြို့နယ် ဥတိုကျေးရွာအတွင်း ငါးအဝယ်ဒိုင် ဖွင့်လှစ်ထားသူ ဦးငယ်လေးက ပြောကြားသည်။
ငါးသလောက် သားဖောက်မှု လုပ်ငန်းစဉ်များ အကူအညီပေးရန်အတွက် ၂၀၁၃ ခုနှစ် ဇွန်လအတွင်း မြန်မာနိုင်ငံ ငါးလုပ်ငန်း အဖွဲ့ချုပ် တာဝန်ရှိသူများ နော်ဝေနိုင်ငံသို့ လေ့လာရေးခရီး သွားရောက်စဉ်က ယင်းသို့ သဘောတူညီမှု ရရှိခဲ့ခြင်း ဖြစ်သည်။
The Voice Weekly
ရှားပါးစာရင်းဝင်ငါးသလောက် စီးပွားဖြစ်သားဖောက်ရန် နော်ဝေပညာရှင်များ ကူညီမည်
Labels:
ပြည်တွင်းသတင်း