ထိပ်တန်း အစ္စလာမ်မစ် နိုင်ငံရေးသမားတစ်ဦးကို ဘင်္ဂလားဒေ့ရှ် သေဒဏ်ပေး

ဘင်္ဂလားဒေ့ရ်ှနိုင်ငံ လွတ်လပ်ရေးရရှိရန်အတွက် ပါကစ္စတန်နိုင်ငံနှင့် ဖြစ်ပွားခဲ့သည့် ၁၉၇၁ ခုနှစ်၊ လွတ် လပ်ရေးစစ်ပွဲကာလအတွင်း ကျူးလွန်ခဲ့သည့် စစ်ရာဇ၀တ်မှုများကြောင့် ဘင်္ဂလားဒေ့ရ်ှရှိ ထိပ်တန်း အစ္စ လာမ်မစ်နိုင်ငံရေးသမားတစ်ဦးကို သေဒဏ်ပေးလိုက်သည်ဟု ဇူလိုင် ၁၈ ရက်က အေအက်ဖ်ပီသတင်း ဌာနမှ ဖော်ပြထားသည်။

Jamaat-e-Islami ပါတီမှ ထိပ်တန်းခေါင်းဆောင်တစ်ဦးဖြစ်သူ အလီအာဆန် မိုဟာမက်မူဂျာဟစ် (Ali Ahsan Moham mad Mujahid) အား အစုလိုက်အပြုံလိုက် သတ်ဖြတ်မှု၊ ညှဉ်းပန်းနှိပ်စက်မှုများဖြင့် စွဲ ချက်တင်ခဲ့ပြီး အမှုပေါင်း ခုနစ်မှုတွင် ငါးမှု၌အပြစ်ရှိကြောင်း စီရင်ဆုံးဖြတ်နိုင်ခဲ့သည်။
လွတ်လပ်ရေးရရှိရေးကို ထောက်ခံသည့် ခေါင်းဆောင်များနှင့် ပညာတတ်များကို သတ်ဖြတ်ခဲ့သည်ဟု စွပ်စွဲခြင်းခံရသည့် ပြည်သူ့စစ်အဖွဲ့တစ်ဖွဲ့ကို ခေါင်းဆောင်ခဲ့သူဟု တရားလိုရှေ့နေများကဆိုကြသည်။

ပါတီ၏ စိတ်ပိုင်းဆိုင်ရာခေါင်းဆောင် ဂူလမ်အဇမ် (Ghulam Azam) ကိုလည်း တနင်္လာနေ့က ထောင် ဒဏ် ၉၀ နှစ်ချမှတ်ခဲ့သည်။
ဂူလမ်အဇမ်ကို ထိုကဲ့သို့ ပြစ်ဒဏ်ချမှတ်လိုက်ကြောင်း ဘင်္ဂလားဒေ့ရ်ှနိုင်ငံ ဒါကာ (Dhaka) ရှိ အပြည် ပြည်ဆိုင်ရာ ရာဇ၀တ်မှုများခုံရုံးက ကြေညာအပြီးတွင် အင်္ဂါနေ့က လူပေါင်းထောင်နှင့်ချီ၍ လမ်းများပေါ် ထွက်ကာ ဆန္ဒပြခဲ့ကြသည်။

ထို့ကြောင့် ရဲများနှင့် ဆန္ဒပြသူများအကြား ပဋိပက္ခဖြစ်ပွါးခဲ့ရာ အနည်းဆုံးလူနှစ်ဦး သေဆုံးခဲ့သည်။

အကြမ်းဖက် ဆန္ဒပြမှုများတွင် သေဆုံးသူ အရေအတွက်မှာ ဇန်န၀ါရီလမှ စတင်ရေတွက်လျှင် လူဦးရေ တစ်ရာကျော် သေဆုံးခဲ့ရပြီဖြစ်ပြီး အပြည်ပြည်ဆိုင်ရာ ရာဇ၀တ်မှုများ၊ ခုံရုံး၏ စီရင်ဆုံးဖြတ်ချက်များကို မကျေနပ်ကြသောကြောင့် ဆန္ဒပြမှုများ ဖြစ်ပွားခဲ့ခြင်းဖြစ်သည်။

မစ္စတာမူဂျာဟစ်မှာ ၁၉၇၁ ခုနှစ်က ကျောင်းသားခေါင်းဆောင်တစ်ဦး ဖြစ်ခဲ့ပြီး ပါကစ္စတန်တစ်နိုင်ငံတည်း အဖြစ် စည်းစည်းလုံးလုံးရှိရေး (ဘင်္ဂလားဒေ့ရှ် ခွဲမထွက်ရေး) ကို ထောက်ခံခဲ့သူဖြစ်သည်။
AFP
Mizzima - News in Burmese