နိုင်ငံသားများလုံခြုံရေးအတွက် မြန်မာအစိုးရက မလေးရှားသို့ ကိုယ်စားလှယ်အဖွဲ့လွှတ်မည်

အင်္ဂါနေ့၊ ဇွန်လ ၁၁ ရက် ၂၀၁၃
မေလကုန်ပိုင်းမှ စတင်ဖြစ်ပေါ်ခဲ့သည့် မလေးရှားရောက် မြန်မာများအပေါ် အကြမ်းဖက်ခံရမှုများကြောင့်
မြန်မာနိုင်ငံသားများ၏ လုံခြုံရေးအတွက် နှစ်ဖက်အစိုးရဆွေးနွေးရန် မြန်မာနိုင်ငံမှ ကိုယ်စားလှယ်အဖွဲ့ကို မလေးရှားနိုင်ငံသို့စေလွှတ်ရန် စတင်ညှိနှိုင်းနေပြီဟု သတင်းထုတ်ပြန်သည်။

သမ္မတ၏ပြောရေးဆိုခွင့်ရှိသူ ပြန်ကြားရေးဒုဝန်ကြီး ဦးရဲထွဋ္ဋ်၏ အင်တာနက်လူမှုကွန်ရက် စာမျက်နှာမှ တစ်ဆင့် ဇွန် ၁ဝရက်က ထုတ်ပြန်ထားခြင်း ဖြစ်သည်။

ဒုဝန်ကြီးဦးရဲထွဋ်က ကိုယ်စားလှယ်များစေလွှတ်ရန်မှာ သံတမန်ရေးရာကိစ္စဖြစ်၍ စေလွှတ်မည့် ရက်ကို
ပြောဆိုရန် ခက်ခဲသော်လည်း မလေးရှားရောက် မြန်မာနိုင်ငံသားများကို အစိုးရအနေဖြင့် လုံးဝမေ့ထားမည် မဟုတ်ကြောင်း ဒီမိုကရက်တစ်မြန်မာ့အသံ၏မေးမြန်းချက်ကို ယင်းနေ့၌ပင် ဖြေကြားထားသည်။

ယခုကဲ့သို့ ကိုယ်စားလှယ်များစေလွှတ်ရန် သတင်းထုတ်ပြန်ခြင်းမှာ အကြမ်းဖက်မှုများဖြစ်ပွားပြီးနောက် ဆယ့်နှစ်ရက်ခန့် အကြာတွင် ထုတ်ပြန်ခဲ့ခြင်းဖြစ်သည်။ မြန်မာများကို အကြမ်းဖက်သည့် တရားခံများကို ယခုအချိန်ထိ ဖော်ထုတ်အရေးယူနိုင်ခြင်းလည်း မရှိသေးပေ။ မလေးရှာနိုင်ငံ ဆလာရန်းမြို့နယ်တွင် လူတစ်စု၏အကြမ်းဖက်တိုက်ခိုက်မှုကြောင့် မြန်မာခုနှစ်ဦးခန့်အသက်ဆုံးရှုံးခဲ့ရပြီး၊ ၁၅ ဦးခန့် ဒဏ်ရာ ရရှိခဲ့ကြပြီး ၎င်းတို့အနက် ရှစ်ဦးမှာ ဒဏ်ရာပြင်းထန်ကြောင်း ကွာလာလမ်ပူမြို့နေ ကိုအောင်ကြီးက ဇွန်လ ၆ ရက်တွင် မဇ္ဈိမကိုပြောကြားထားသည်။

ထို့ပြင် ဇွန်လ ၅ ရက်တွင် မြန်မာနိုင်ငံသား ၉ဝဝ ကျော်အား မလေးရှား ရဲများက ဖမ်းဆီးခဲ့ကြောင်း
အေအက်ဖ်ပီ သတင်းဌာနက ဖော်ပြခဲ့ပြီး ယခုကဲ့သို့ဖမ်းဆီးခြင်းမှာ မလေးရှားနိုင်ငံ၏ လဝက ဥပဒေအရ တရား မဝင်နေထိုင်လုပ်ကိုင်နေသူများကို တည်ဆဲ ဥပဒေအရ အရေးယူနိုင်ကြောင်း မြန်မာ သမ္မတရုံး ၏ ညွှန်ကြားရေးမှူး ဦးဇော်ဌေးက အင်တာနက် လူမှုကွန်ရက်စာမျက်နှာတွင် ရေးသားထားသည်။

အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာနအနေဖြင့်လည်း မလေးရှားရောက် မြန်မာနိုင်ငံသား များကိစ္စကို အစိုးရချင်း ညှိနှိုင်း၍လည်းကောင်း၊ သံရုံးနှင့် ပူးပေါင်း ဆောင်ရွက်၍လည်းကောင်း လုပ်ဆောင်နေကြောင်းလည်း ဦးဇော်ဌေးက ရေးသားထားသည်။

လက်ရှိ၌ မလေးရှားနိုင်ငံရှိ မြန်မာနိုင်ငံသားများသည် အကြမ်းဖက်မှုနှင့် ဖမ်းဆီးမှုများအန္တရာယ်ကြောင့် အိမ်ခန်းတွင်း၌ တံခါးပိတ်နေကြခြင်း၊ ဆူပူမှုလျော့ပါးသည့် နေရာများသို့ ပြောင်းရွှေ့နေထိုင်ကြခြင်း၊
မြန်မာဘုန်းတော်ကြီးကျောင်းများ၌ ပြောင်းရွှေ့နေထိုင်ခြင်းများရှိနေသည်။ မလေးရှားနိုင်ငံမှ မြန်မာ အလုပ်သမားအချို့မှာ မိခင်နိုင်ငံသို့ပြန်ရန် ပြင်ဆင်နေကြသည်။

အကြမ်းဖက်မှုများ ဖြစ်ပေါ်နေခြင်းကြောင့် မလေးရှားရှိမြန်မာနိုင်ငံသားများ၏ လုံခြုံရေးနှင့်အေးချမ်းစွာ
နေထိုင်လုပ်ကိုင်နိုင်ရေးတို့အတွက် နှစ်ဖက်အစိုးရ၏ ပူးပေါင်းဆောင်ရွက်မှု လိုအပ်နေပြီဖြစ်ကြောင်းလည်း ၈၈မျိုးဆက် ငြိမ်းချမ်းရေးနှင့်ပွင့်လင်း လူ့အဖွဲ့အစည်းမှ ကိုဂျင်မီက မဇ္ဈိမကို ပြောကြားထားသည်။

ဇွန်လ ၄ ရက်က မြန်မာနိုင်ငံခြားရေး ဒုဝန်ကြီး ဦးဇင်ယော်က မြန်မာနိုင်ငံဆိုင်ရာ မလေးရှား သံအမတ် မစ္စတာ အာမတ်ဖိုင်ဆဲလ် ဘင်မိုဟာမက်ကို မလေးရှားရောက် မြန်မာများ အကြမ်းဖက်ခံရပြီး အသက် ဆုံးရှုံးမှု၊ ထိခိုက်ဒဏ်ရာရရှိမှုများနှင့် ပတ်သက်၍ ခေါ်ယူသတိပေးခဲ့သည်။
မင်းမင်း 
မဇ္ဈိမသတင်းဌာန

မြန်မာရွှေ့ပြောင်း အလုပ်သမားများ ရင်ဆိုင်ကြုံတွေ့နေရသည့် စိန်ခေါ်မှုများ

အင်္ဂါနေ့၊ ဇွန်လ ၁၁ ရက် ၂၀၁၃
မြန်မာအလုပ်သမား လေးသိန်းမျှရှိနေသည့် မလေးရှားနိုင်ငံတွင် မြန်မာအလုပ်သမားတချို့ တိုက်ခိုက်ခံရမှု သည် မြန်မာရွှေ့ပြောင်း အလုပ်သမားများ ရင်ဆိုင်ကြုံတွေ့နေရသည့် စိန်ခေါ်မှုများကို ထပ်မံ မီးမောင်းထိုးပြလိုက်ခြင်း ဖြစ်သည်။ ထိုဖြစ်ရပ်များကြောင့် မြန်မာအစိုးရ စိုးရိမ်ပူပန်ကာ နိုင်ငံခြားရေးဝန်ကြီးဌာနက မြန်မာနိုင်ငံရှိ မလေးရှားသံအမတ်ကြီးကို ဆင့်ခေါ်၍ ဤသို့နောက်နောင် မဖြစ်ပွားစေရေး အာမခံချက်ပေးပါရန် သတိပေးလွှာ ပေးပို့ခဲ့သည်။

မကြာသေးခင်ကလည်း ထိုင်းနိုင်ငံ နောင်းမြို့အနီး မြစ်ထဲတွင် ပေါလောမျောနေသည့် မြန်မာအလုပ်သမား အလောင်း ၁၂ လောင်းကို မြင်ခဲ့ကြရသည်။ သူတို့က ထိုင်းနိုင်ငံအတွင်း အလုပ်အကိုင်ရှာဖွေရန် ရေကြောင်းမှ တစ်ဆင့် ပြောင်းရွှေ့ရောက်လာခဲ့ကြပုံရပြီး၊ လှေနစ်မြုပ်၍ သေဆုံးခဲ့ကြရသည်။ ရေကြည်ရာမြက်နုရာ ပြောင်းရွှေ့အခြေချကြသည်ဆိုသည်မှာ လူ့သမိုင်း စတင် ဖြစ်ပေါ်လာကတည်းက သမိုင်း၏စေ့ဆော်မှု အကြောင်းတရားတစ်ခု ဖြစ်သည်။

အချို့ ခေတ်သစ်နိုင်ငံများသည် နိုင်ငံတစ်ခုလုံးနီးပါး အသုတ်လိုက်အစုလိုက် ပြောင်း ရွှေ့အခြေချသူများဖြင့် တည်ဆောက်ခဲ့ကြသည့်နိုင်ငံများ ဖြစ်သည်။ ဥပမာအားဖြင့်ဆိုလျှင် အမေရိကန်ပြည်ထောင်စု၊ သြစတြေးလျ၊ ကနေဒါနှင့် နယူးဇီလန်လိုနိုင်ငံများ ဖြစ်သည်။ ယင်းကဲ့သို့ လူသားတို့ ရွှေ့ပြောင်းအခြေချခဲ့ကြခြင်းမှာ အတိဒုက္ခပေးခံရမည်ကို ကြောက်ရွံ့သည့်စိတ်ကြောင့် လည်းကောင်း၊ စီးပွားရေးအခြေအနေ ဆုတ်ယုတ်ပျက်စီးနေသည့် နေရာမှ ပိုမိုသာယာဝပြောသည့် ရေကြည်ရာမြက်နုရာ နေရာသို့သော်လည်းကောင်း ပြောင်းရွှေ့ခဲ့ကြခြင်း ဖြစ်သည်။

အပြည်ပြည်ဆိုင်ရာ ပြောင်းရွှေ့အခြေချသူများ ဆိုင်ရာအဖွဲ့ (International Organiz a tion for
Migration) ၏ အဆိုအရ တစ်ကမ္ဘာလုံးတွင် ပြောင်းရွှေ့အခြေချသူပေါင်း ၂၁၄ သန်းမျှရှိမည်ဟု ဆိုသည်။ ကမ္ဘာပေါ်ရှိ လူ ၃၃ ယောက်တိုင်းတွင် တစ်ဦးသည် ပြောင်းရွှေ့အခြေချသူဖြစ်သည်။ ပြီးခဲ့သည့် ဆယ်စုနှစ်များ တွင် မြန်မာနိုင်ငံသား သန်းနှင့်ချီ၍ အိမ်နီးချင်း နိုင်ငံများသို့သော် လည်းကောင်း၊ ပို၍ ဝေးကွာသည့် နိုင်ငံများ သို့သော်လည်းကောင်း ပြောင်းရွှေ့အခြေချခဲ့ကြသည်။ မြန်မာနိုင်ငံသည် နှစ်ပေါင်းများစွာ စစ်အုပ်ချုပ်ရေး၊ သို့မဟုတ် တစ်စိတ်တစ်ပိုင်းသော စစ်တပ်လွှမ်းမိုး အုပ်ချုပ်ထားသည့်ပုံစံထဲတွင် နစ်မြုပ်နေခဲ့ရပြီး၊ လွဲမှားသော စီးပွားရေး စီမံခန့်ခွဲမှုများနှင့် အလုပ်လက်မဲ့အခြေအနေများ ကြုံတွေ့ခဲ့ကြရသည်။ ထို့ကြောင့် သန်းနှင့်ချီသော မြန်မာနိုင်ငံသား များ ရေကြည်ရာမြက်နုရာသို့ ရွှေ့ပြောင်းခဲ့ကြသည်။

မြန်မာနိုင်ငံသားတို့က စက်ရုံများထဲတွင်၊ သင်္ဘောများပေါ်တွင်၊ လယ်ယာခြံများတွင် အလုပ် လုပ်ကိုင်ကြသလို၊ အိမ်များအတွင်း အိမ်ဖော်များအဖြစ် ကြုံရာကျပမ်း အလုပ်များစွာကို လုပ်ခဲ့ကြရသည်။ ထိုင်းနိုင်ငံကဲ့သို့သော အချို့သောနိုင်ငံများတွင် သိသာထင်ရှားသည့် စီးပွားရေး ဖွံ့ဖြိုးတိုးတက်မှုရရှိခဲ့ခြင်းမှာ၊ ရွှေ့ပြောင်းလုပ်သားထုတို့၏ လုံ့လဝီရိယလည်း တစ်ခုအပါအဝင် ဖြစ်သည်။ မြန်မာရွှေ့ပြောင်း အလုပ်သမားအများအပြားသည် လုပ်ငန်းခွင် မလုံခြုံမှု၊ တစ်ခါတရံ တွင် အန္တရာယ်များသည့်၊ ခက်ခဲပင်ပန်းသည့် လုပ်ငန်းခွင်များအတွင်း ရှင်သန်ရပ်တည်နိုင်ရေး ရုန်းကန်နေကြရသည်။ သူတို့ လုပ်ကိုင်နေကြရသည့် အခြေအနေသည် အိမ်ရှင်နိုင်ငံရှိ ဥပဒေမူဘောင်တို့နှင့်လည်း တစ်စုံတစ်ရာအားဖြင့် မညီညွတ်နိုင်ခဲ့ကြချေ။

သို့သော်လည်း အကောင်းဘက်က မျှော်လင့်လျှင်မူ မြန်မာနိုင်ငံစီးပွားရေး ဖွံ့ဖြိုးတိုးတက်လာသည်နှင့်အမျှ မြန်မာရွှေ့ပြောင်းအလုပ်သမားများ ပင်လယ်ကိုဖြတ်၊ နယ်စပ်ကိုကျော်စွန့်စားရမည့်သူများ အရေအတွက်အားဖြင့် လျော့နည်းကျဆင်းလာပေလိမ့်မည်။ ဈေးချိုသည့် လုပ်သားများဖြင့် လက်ရှိ အကျိုးစီးပွားဖြစ်နေကြသည့် နိုင်ငံများကလည်း၊ သူတို့၏ စက်ရုံများ လည်ပတ်ရန် လုပ်သားဈေးချိုချိုဖြင့် ဆက်လက်ရနိုင်တော့မည် မဟုတ်ကြောင်း အသိအမှတ် ပြုလာကြမည်။ ထို့အပြင် အာဆီယံအဖွဲ့ကြီးကလည်း ၂ဝ၁၅ ခုနှစ်တွင် အာဆီယံ စီးပွားရေးအသိုက်အဝန်း (AEC) အဖြစ် ပေါင်းစည်းနိုင်ရေး ကြိုးပမ်းလျက် ရှိသည်။

ထိုမျှမက လက်ရှိရရှိထားသည့် အာဆီယံစီးပွားရေး အသိုက်အဝန်း (AEC) မူဘောင်ထက် ကျော်လွန်၍ ပိုမိုလွတ်လပ်လုံခြုံစွာ လုပ်သားများ ပြောင်းရွှေ့နိုင်ရေး၊ ပြောင်းရွှေ့အခြေချ လုပ်သားများအတွက် ကာကွယ်မှု ပေးနိုင်ရေး ကိစ္စများအပေါ်တွင် ကြိုတင်မြော်မြင်ကာ တောင်းဆိုမှု များ ရှိနေကြရဦးမည်မှာလည်း မလွဲမသွေပင် ဖြစ်သည်။
မဇ္ဈိမသတင်းဌာန

မြန်မာကို EU က ကုန်သွယ်ရေး အထူးခံစားခွင့် ပေးတော့မည်

မြန်မာသမ္မတ ဦးသိန်းစိန် နဲ့ ဥရောပကော်မရှင်ဥက္ကဌ Jose Manuel Barroso တို့ ဥရောပမကော်မရှင်ဌာနချုပ်မှာ တွေ့ဆုံစဉ် (၅ မတ် ၂၀၁၃)

11.06.2013
မြန်မာနိုင်ငံနဲ့ ဆက်ဆံရေးတွေ တိုးမြှင့်လာနေတဲ့ ဥရောပသမဂ္ဂ (EU) က မြန်မာနိုင်ငံအတွက် ကုန်သွယ်ရေး အထူး ခံစားခွင့်တွေကို မကြာခင်မှာ စတင် ခွင့်ပြုဖို့ ပြင်ဆင်နေပါတယ်။ မြန်မာနိုင်ငံက အပြောင်းအလဲတွေကို တုံ့ပြန်တဲ့ အနေနဲ့ရော၊ စီးပွားရေး ဖွံ့ဖြိုးတိုးတက်ဖို့ ရည်ရွယ်တဲ့ အနေနဲ့ရော အထူး အခွင့်အရေးတွေ ပေးအပ်ဖို့ ဆုံးဖြတ်ခဲ့တာလို့လည်း EU က ပြောပါတယ်။ မြန်မာနိုင်ငံနဲ့ EU တို့ရဲ့ ဆက်ဆံရေး နောက်ဆုံး ဖြစ်ပေါ်တိုးတက်မှုတွေကိုတော့ ကိုအောင်လွင်ဦး က တင်ပြထားပါတယ်။

မြန်မာနိုင်ငံမှာ မကြာသေးခင်နှစ်တွေအတွင်း တွေ့မြင်လာရတဲ့ အပြောင်းအလဲတွေကို အားပေးတဲ့အနေနဲ့ ဥရောပသမဂ္ဂ (EU) တာဝန်ရှိသူတွေက ဖွံ့ဖြိုးမှု နိမ့်ကျတဲ့ တိုင်းပြည်တွေကို ပေးအပ်နေတဲ့ ကုန်သွယ်ရေး အထူး ခံစားခွင့်ပေးဖို့ ဆုံးဖြတ်ခဲ့ကြတာ ဖြစ်ပါတယ်။ ဆုံးဖြတ်ချက်အရ EU ရဲ့ ကုန်သွယ်ရေး အထူး ခံစားခွင့်ရ တိုင်းပြည်တခုအဖြစ်နဲ့ မြန်မာနိုင်ငံကို ဒီလ ၂၀ ရက်နေ့မှာ တရားဝင် စာရင်းသွင်း သတ်မှတ်ဖို့ စီစဉ်ထားတဲ့အကြောင်း ဥရောပ ကော်မရှင်ရဲ့ ပြောခွင့်ရပုဂ္ဂိုလ် ဂျွန် ကလန်စီ (John Clancy) ကပြောပါတယ်။

“အဖွဲ့ဝင်တွေ တွေ့ဆုံပြီး ဒီကိစ္စကို သဘောတူထားကြတာပါ။ ဒါကြောင့်လည်း ရှေ့လာမယ့် ၁၀ ရက်လောက်အတွင်း အသက်ဝင်လာတော့မှာပါ။ ဒီနောက်မှာတော့ လက်တွေ့ လုပ်ဆောင်မှုတွေနဲ့အတူ မြန်မာနိုင်ငံအနေနဲ့ ကုန်သွယ်ရေး အထူး ခံစားခွင့် အစီအစဉ်မှာ ပါဝင်လာမှာ ဖြစ်ပါတယ်။”

မြန်မာနိုင်ငံမှာ နိုင်ငံရေး၊ လူ့အခွင့်အရေး အခြေအနေတွေ တိုးတက်မှု မရှိဘူးဆိုပြီး စီးပွားရေးအရ ပိတ်ဆို့ ဒဏ်ခတ်မှုတွေကို ချမှတ်ခဲ့တဲ့ EU က ကုန်သွယ်ရေးဆိုင်ရာ အထူးခံစားခွင့်တွေကိုလည်း ၂၀၀၃ ခုနှစ်ကတည်းက ရုပ်သိမ်းထားခဲ့တာ ဖြစ်ပါတယ်။ ဒါပေမဲ့လည်း မြန်မာနိုင်ငံမှာ မကြာသေးခင်နှစ်တွေအတွင်း အစိုးရ အပြောင်းအလဲတွေနဲ့အတူ နိုင်ငံရေး၊ စီးပွားရေး ပြုပြင်ပြောင်းလဲမှုတွေကို အားပေးဖို့ ရည်ရွယ်တဲ့အနေနဲ့ ဒဏ်ခတ်မှုတွေကို ရုပ်သိမ်းပြီး အဆက်အဆံတွေ တိုးမြှင့်လာနေတဲ့ မူဝါဒရဲ့ တစိတ်တပိုင်းအဖြစ် ကုန်သွယ်ရေးအရ အထူးခံစားခွင့်တွေ ပြန်လည်ပေးအပ်ဖို့ EU က ဆုံးဖြတ်ခဲ့တာပါ။

“နိုင်ငံရေး၊ လူမှုရေးအရ အရေးကြီးတဲ့ ဖြစ်ပေါ်တိုးတက်မှုတွေနဲ့ မြန်မာနိုင်ငံက အရှိန်မြှင့် ဆောင်ရွက်လာချိန်ကစလို့ နိုင်ငံရေး အပြောင်းအလဲတွေနဲ့ ပွင့်လင်းမြင်သာမှုတွေ၊ ဒီမိုကရေစီရေးနဲ့ လွတ်လပ်ခွင့်တွေကို ဦးတည်လာတဲ့အတွက် ဥရောပ သမဂ္ဂ အနေနဲ့ သူ့ရဲ့ ရပ်တည်ချက်ကို ပြောင်းလဲလာရတာပါ။ ဒါကြောင့်လည်း အခုနောက်ဆုံး ကုန်သွယ်ရေး အထူး ခံစားခွင့် အစီအစဉ်ကို ပြန်ပြီး ပေးအပ်ရတာ ဖြစ်ပါတယ်။”

မြန်မာနိုင်ငံအနေနဲ့ ကုန်သွယ်ရေး အထူးခံစားခွင့် ရလာတဲ့အခါ အဖွဲ့ဝင် ၂၇ နိုင်ငံရှိတဲ့ EU ရဲ့ လူဦးရေ သန်း ၅၀၀ ရှိတဲ့ ဈေးကွက်ကို စစ်လက်နက် ပစ္စည်းတွေက လွဲလို့ ကုန်ပစ္စည်းတွေ အားလုံးကို လွတ်လွတ်လပ်လပ် တင်ပို့ရောင်းချခွင့် ရလာတော့မှာပါ။ ဒီအစီအစဉ်အရ EU နိုင်ငံတွေကို တင်ပို့တဲ့ ကုန်ပစ္စည်းတွေအတွက် အခွန်အတုပ် ပေးဆောင်စရာလိုမှာ မဟုတ်သလို၊ ခွဲတမ်းစနစ်နဲ့ ကန့်သတ်ချက်တွေလည်း ရှိမှာမဟုတ်တာကြောင့် မြန်မာနိုင်ငံရဲ့ စီးပွားရေး ဖွံ့ဖြိုးရေးအတွက် အထောက်အကူ ဖြစ်စေမယ်လို့ ဥရောပ ခေါင်းဆောင်တွေက ယုံကြည်ထားကြတဲ့အကြောင်း ဥရောပကော်မရှင်ရုံး ပြောခွင့်ရသူ ဂျွန် ကလန်စီ ကပြောပါတယ်။

“မြန်မာနိုင်ငံလို စီးပွားရေး ဖွံ့ဖြိုးစ တိုင်းပြည်တွေအတွက် အထောက်အကူပေးရာမှာ ဒီအစီအစဉ်က အင်မတန်မှ အရေးကြီးပါတယ်။ ဒီလိုပဲ EU ဈေးကွက်ကနေ သေချာပေါက် အကျိုးအမြတ် ခံစားရမယ့် အကောင်းဆုံး အခွင့်အလမ်း တစ်ခုလည်း ဖြစ်ပါတယ်။”

တရားဝင် ထုတ်ပြန်ထားတဲ့ ကိန်းဂဏန်းတွေအရကတော့ လွန်ခဲ့တဲ့ ၂၀၁၁ ခုနှစ်မှာတုန်းက ဒေါ်လာသန်းပေါင်း ၂၂၀ ကျော် တန်ဘိုးရှိတဲ့ မြန်မာနိုင်ငံရဲ့ ပြည်ပပို့ကုန် ၃ ရာခိုင်နှုန်းလောက်ဟာ EU နိုင်ငံတွေကို တင်ပို့ခဲ့တာ ဖြစ်ပါတယ်။ EU လိုပဲ မြန်မာနိုင်ငံအပေါ်မှာ တချိန်က ပိတ်ဆို့ဒဏ်ခတ်မှုတွေ ချမှတ်ခဲ့တဲ့ အမေရိကန် ပြည်ထောင်စုကလည်း အလားတူ အခွန်လွတ် ကုန်ပစ္စည်းတွေ တင်ပို့ခွင့်ပေးမယ့် Generalized System of Preference (GSP) လို့ခေါ်တဲ့ ကုန်သွယ်ရေး အထူး ခံစားခွင့်ပေးရေး စဉ်းစားနေတာပါ။

ဒီလိုသာ အနောက်နိုင်ငံတွေနဲ့ ကုန်သွယ်ရေးမှာ အထူးအခွင့်အရေးတွေ ရလာမယ် ဆိုရင်တော့ မြန်မာနိုင်ငံရဲ့ ကုန်ထုတ်လုပ်ငန်းတွေ အားကောင်းလာနိုင်ပြီး၊ အထူးသဖြင့် တချိန်က မြန်မာနိုင်ငံရဲ့ အဓိကပြည်ပပို့ကုန် လုပ်ငန်းတခုဖြစ်တဲ့ အထည်ချုပ်လုပ်ငန်းတွေ ပြန်လည် ဦးမော့လာမယ်လို့လည်း စီးပွားရေး အသိုင်းအ၀ိုင်းက မျှော်လင့်နေကြတာ ဖြစ်ပါတယ်။

မြန်မာနိုင်ငံနဲ့ အဆက်အဆံတွေ တိုးမြှင့်လာနေတဲ့ EU က ကုန်သွယ်ရေးမှာသာမက သံတမန်ရေးအရလည်း ထိတွေ့ ဆက်ဆံမှုတွေကို တိုးမြှင့်နေတာပါ။ ပြီးခဲ့တဲ့နှစ် ဧပြီလကစလို့ မြန်မာနိုင်ငံမှာ ကိုယ်စားလှယ်ရုံး ဖွင့်လှစ်ထားခဲ့တဲ့ EU က ဘယ်လ်ဂျီယံနိုင်ငံသား ၀ါရင့်သံတမန်တဦးဖြစ်တဲ့ Roland Kobia ကို မြန်မာနိုင်ငံဆိုင်ရာ သံအမတ်ကြီးအဖြစ် ခန့်အပ် လိုက်တဲ့အကြောင်းကိုလည်း ပြီးခဲ့တဲ့လနှောင်းပိုင်းကပဲ ကြေညာထားတာ ဖြစ်ပါတယ်။
VOA (မြန်မာပိုင်း)

အဂတိလိုက်စားမှု လူ့အသိုင်းအ၀ိုင်းအတွင်း ယဉ်ကျေးမှု တစ်ခုသဖွယ် ဖြစ်လာ

နေပြည်တော်၌ ဇွန် ၁၀ ရက်က ပြုလုပ်သည့် ပွင့်လင်းမြင်သာရေးနှင့် ဖြောင့်မတ်ရေး အလုပ်ရုံဆွေးနွေးပွဲအား တွေ့ရစဉ်

Tuesday, 11 June 2013
မြန်မာနိုင်ငံ၏ အဂတိလိုက်စားမှု လူ့အသိုင်းအ၀ိုင်းအတွင်း ယဉ်ကျေးမှု တစ်ခုသဖွယ် ဖြစ်လာခြင်းသည် နိုင်ငံအတွက် ၀မ်းနည်းစရာ၊ ရင်လေးစရာ ဖြစ်သည်ဟု ဇွန် ၁၀ ရက်တွင် နေပြည်တော်ရှိ MICC တွင် ပြုလုပ်ခဲ့သော ပွင့်လင်းမြင်သာရေးနှင့် ဖြောင့်မတ်ရေး အလုပ်ရုံ ဆွေးနွေးပွဲ၌ ဒုတိယသမ္မတ ဒေါက်တာစိုင်းမောက်ခမ်းက ပြောကြားသည်။

''အဂတိလိုက်စားမှု တိုက်ဖျက်ရေး ဆွေးနွေးသုံးသပ်ကြရာမှာ ကျွန်တော်တို့ ၀န်ထမ်းတွေရဲ့ လစာကိစ္စကို ချန်ထားလို့မရပါ။ နိုင်ငံတော် အစိုးရအနေနဲ့ ၀န်ထမ်းများရဲ့ ၀င်ငွေတိုးလာအောင် နှစ်ကြိမ်ဆောင်ရွက် ပေးခဲ့ပေမယ့် ကျေနပ်အားရလောက်တဲ့ အဆင့်ရောက်ဖို့ အလှမ်းဝေးပါသေးတယ်။ ဒါကလည်း နိုင်ငံတော်ရဲ့ ဘဏ္ဍာငွေကြေး အခြေအနေအရ အကန့်အသတ်တွေ ရှိနေတဲ့ကြားက ဆောင်ရွက်ပေးနေရတာ ဖြစ်ပါတယ်'' ဟု ဒုတိယသမ္မတက ပြောကြားသည်။

မြန်မာနိုင်ငံသည် Corruption Perception Index အဆင့်ကို ကြည့်ပါက ကမ္ဘာ့နိုင်ငံ ၁၇၄ နိုင်ငံထဲမှ အဆင့် ၁၇၀ ကျော် သတ်မှတ်ခဲ့ကြောင်း၊ မြန်မာနိုင်ငံတွင် ပထမဆုံးအကြိမ် ကျင်းပပြီးစီးခဲ့သော WEF ၏ နိုင်ငံတကာ တွေ့ဆုံခန်းများတွင် မြန်မာနိုင်ငံသည် စီးပွားရေး ဖွံ့ဖြိုးတိုးတက်မှု နည်းပါးခြင်း၊ ကမ္ဘာ့အဆင်းရဲဆုံး နိုင်ငံစာရင်းတွင် ပါရှိခြင်း၊ နိုင်ငံခြား ရင်းနှီးမြှုပ်နှံမှု ၀င်လာမှု နည်းပါးခြင်းတို့သည် အဂတိ လိုက်စားမှုကြောင့် တစ်ခုအပါအ၀င် ဖြစ်ကြောင်း သိရသည်။

ဒုတိယသမ္မတ ဒေါက်တာစိုင်းမောက်ခမ်းက ''အတိတ်ကို ပြန်ကြည့်တဲ့အခါ အကြွင်းမဲ့အာဏာဟာ လူကို အကြွင်းမဲ့ ပျက်စီးစေတယ် ဆိုတာကို ဦးစီးဦးဆောင်တဲ့ အပိုင်းက သိရှိနားလည်ပုံ အားနည်းခဲ့ကြတယ်လို့ ဝေဖန် သုံးသပ်ခဲ့ကြပါတယ်။ လက်ရှိနိုင်ငံတော် အစိုးရအနေနဲ့ သမိုင်းရဲ့ အမွေဆိုး၊ အမွေကောင်းတွေကို ဆက်ခံရမှာ ဖြစ်ပါတယ်။ အစိုးရသစ်အဖြစ် ဖွဲ့စည်းပြီးတဲ့နောက် ဗဟိုချုပ်ကိုင်မှု ဖြေလျော့ရေးအတွက် ဗဟိုပြုအာဏာ မူဝါဒအစား အောက်ခြေပြည်သူလူထု အခြေပြုတဲ့ မူဝါဒကို ချမှတ်ကျင့်သုံးနေပြီး ဖြစ်ပါတယ်'' ဟု ပြောကြားသည်။

ဒုတိယသမ္မတက ဆက်လက်ပြောကြားရာတွင် ''ယခုကြုံတွေ့နေတဲ့ အဂတိလိုက်စားမှုဟာ လူ့ပတ်ဝန်းကျင် အသိုင်းအ၀ိုင်း၊ ၀န်ထမ်းလောက အသိုင်းအ၀ိုင်းအတွင်း ကြိမ်ဖန်များစွာ နေရာပေါင်းများစွာမှာ ဖြစ်ပေါ်နေရင်းက အဂတိလိုက်စားမှုဆိုတာ တရားဥပဒေကို ကျောခိုင်းတဲ့လုပ်ရပ်၊ မိမိ၏ဂုဏ်သိက္ခာ၊ နိုင်ငံတော်၏ ဂုဏ်သိက္ခာ၊ ၀န်ထမ်းဆိုတဲ့ ဂုဏ်ယူစရာကောင်းတဲ့ ဂုဏ်သိက္ခာများကို မျက်ကွယ်ပြုလာပြီး မြန်မာနိုင်ငံ လူ့အသိုင်းအ၀ိုင်းအတွင်း ယဉ်ကျေးမှု တစ်ခုသဖွယ် ဖြစ်လာတာဟာလည်း နိုင်ငံအတွက် ၀မ်းနည်းစရာ ရင်လေးစရာပဲ ဖြစ်ပါတယ်'' ဟု ပြောကြားသည်။
El;even Media Group

မြန်မာ့လေကြောင်းပိုင် MA 60 လေယာဉ် ကော့သောင်းမြို့တွင် ပြေးလမ်းချော်

ပြည်တွင်းလေကြောင်း ခရီးစဉ်များတွင် လေယာဉ် မတော်တဆမှု ဖြစ်စဉ်များ ပိုမိုများပြားလာ

Tuesday, 11 June 2013
ဇွန် ၁၀ ရက် မွန်းလွဲ ၁ နာရီခန့်က မြန်မာ့လေကြောင်းမှ ခရီးစဉ်အမှတ် XY-AIP သည် ကော့သောင်းလေဆိပ်သို့ ဆင်းသက်စဉ် လေယာဉ်ပြေးလမ်းချော်မှု ဖြစ်ပွားခဲ့ပြီးနောက် တွေ့ရစဉ် (ဓာတ်ပုံ- ရဲမြင့်ဝင်း(ကော့သောင်း))

မြန်မာ့လေကြောင်းမှ ရန်ကုန်-မော်လမြိုင်-ကော့သောင်း-မော်လမြိုင်-ရန် ကုန်ခရီးစဉ်ပျံသန်းသော တရုတ်နိုင်ငံထုတ် MA 60 လေယာဉ်သည် ဇွန် ၁၀ ရက်က ကော့သောင်းလေဆိပ်၌ ပြေးလမ်းချော်မှု ဖြစ်ပွားခဲ့ပြီး ယခုနှစ်ပိုင်းအတွင်းပြည်တွင်း လေကြောင်းခရီးစဉ်များတွင် မတော်တဆမှု ဖြစ်စဉ်များ ပိုမိုများပြားလာကြောင်း သိရ သည်။

၂၀၁၃ ခုနှစ် ဇွန် ၁၀ ရက် မွန်းလွဲ ၁ နာရီ ၅ မိနစ်ခန့်က မြန်မာ့လေကြောင်းမှ ခရီးစဉ်အမှတ် XY-AIP သည် ကော့သောင်း လေဆိပ်သို့ဆင်းသက်စဉ် လေယာဉ်ပြေးလမ်း၏ အနောက်ဘက် ပေ ၂၀၀ ခန့်အကွာသို့ ရောက်ရှိသွားခဲ့ပြီး ပြေးလမ်းချော်မှု ဖြစ်ပွားခဲ့ကြောင်း သိရသည်။

''ကော့သောင်းလေဆိပ်ကိုဆင်းတဲ့အချိန် မှာ ဟိုက်ဒရောလစ်စနစ် ချို့ယွင်းကြောင်း အချက်ပြတဲ့ သတိပေးမှုလာလို့ လေဆိပ်ကို သတိထားပြီးဆင်းသက်ခဲ့တယ်။ ပြေးလမ်း နဲ့ လေယာဉ်ဘီးထိပြီး ပြေးလမ်းခြံစည်းရိုးကို ပေ ၂၀၀ လောက်ကျော်သွားတာဖြစ်ပါတယ်။ ခရီးသည်တွေ ထိခိုက်ဒဏ်ရာရရှိမှု တစ်ခုမှ မရှိပါဘူး'' ဟု မြန်မာ့လေကြောင်းမှ ဦးဆောင်ညွှန်ကြားရေးမှူး ဦးသန်းထွန်းက ပြောကြားခဲ့သည်။ အဆိုပါ လေယာဉ် ပြေးလမ်းချော်မှုကြောင့် လေယာဉ်ပေါ်တွင် လိုက်ပါလာသော လေယာဉ် အမှုထမ်းများနှင့် ခရီးသည်တစ်ဦးမှ ထိခိုက်ဒဏ်ရာရရှိမှု မရှိဘဲ လေယာဉ်တောင်ပံနှစ်ဖက်ရှိ ပန်ကာများ ကျိုးပဲ့ ပျက်စီးသွားကြောင်း သတင်းရရှိပါသည်။ ယင်းလေယာဉ်တွင် လေယာဉ် အမှုထမ်း လေးဦးနှင့် ခရီးသည် ၅၅ ဦး၊ ရင်ခွင်ပိုက် ကလေးငယ် ငါးဦးတို့ လိုက်ပါလာကြောင်း သိရသည်။

လေယာဉ်ပေါ်တွင် စီးနင်းလိုက်ပါလာသူ ခရီးသည် တစ်ဦးက ''လေယာဉ်က ရန်ကုန်ကနေ စထွက်ပြီး သိပ်မကြာဘူး စက်ချို့ယွင်းတယ်ဆိုပြီး ရန်ကုန်ကို ပြန်ဆင်းတယ်။ ရန်ကုန်ကနေ မော်လမြိုင်ရောက်တဲ့အထိ ဘာမှမဖြစ်ဘူး။ ကော့သောင်းကိုရောက်မှ အခုလို ဖြစ်တာ။ အဲဒီအချိန်မှာ ခရီးသည်တွေအားလုံး ဖရိုဖရဲဖြစ်ပြီး ရင်ခွင်ပိုက်ကလေးတစ်ယောက် ခုံအောက်ကို ကျသွားတယ်'' ဟု ဆိုသည်။

တရုတ်နိုင်ငံမှ ၀ယ်ယူသော MA 60 လေယာဉ်ပြေးလမ်းချော်မှု ဖြစ်ပွားခြင်းသည် နှစ်လတာ ကာလအတွင်း ဒုတိယအကြိမ်မြောက် ဖြစ်ပွားခြင်းဖြစ်ပြီး ၂၀၁၃ ခုနှစ်၊ မေ ၁၆ ရက်က မြန်မာ့လေကြောင်းမှ ရန်ကုန်-ဟဲဟိုး -မိုင်းဆတ်-ရန်ကုန် ခရီးစဉ် ပျံသန်းသော တရုတ်နိုင်ငံထုတ် MA 60 လေယာဉ်သည် မိုင်းဆတ်လေဆိပ်၌ ပြေးလမ်းချော်မှု ဖြစ်ပွားခဲ့သည်။

ယခုနှစ်ပိုင်းအတွင်း လေယာဉ် မတော်တဆမှု ဖြစ်ပွားခဲ့သည့် ဖြစ်စဉ်များအနက် ၂၀၁၂ ခုနှစ် ဒီဇင်ဘာ ၂၅ ရက်က Air Bagan လေကြောင်းလိုင်းမှ လေယာဉ်တစ်စီးသည် မန္တလေးလေဆိပ်မှ ဟဲဟိုးလေဆိပ်သို့ ဆင်းသက်စဉ်တွင် ပျက်ကျမှု ဖြစ်ပွားခဲ့ပြီး အဆိုပါ လေယာဉ်ပျက်ကျမှုကြောင့် လေယာဉ်ပေါ်ပါ ခရီးသည် ၆၅ ဦးအနက် အသက် ၃၇ နှစ်အရွယ်ရှိ ဧည့်လမ်းညွှန် အမျိုးသမီး သေဆုံးခဲ့ကာ ခရီးသည် ခုနစ်ဦးနှင့် လေယာဉ်မှူးနှစ်ဦး အပါအ၀င် စုစုပေါင်း ကိုးဦး ဒဏ်ရာရရှိခဲ့သည်။



တရုတ်နိုင်ငံမှ ၀ယ်ယူထားသော MA 60 လေယာဉ်သည် ကော့သောင်းလေဆိပ်သို့ ဆင်းသက်စဉ် ပြေးလမ်းချော်မှု ဖြစ်ပွားသွားပြီးနောက် တွေ့ရစဉ်

ဇွန် ၇ ရက် ညနေပိုင်းကလည်း ပုဂံညောင်ဦး လေဆိပ်မှ ရန်ကုန်သို့ ထွက်ခွာမည့် Air Bagan လေယာဉ် စက်ချွတ်ယွင်းမှုကြောင့် ညောင်ဦးလေဆိပ်တွင် ရပ်နားပြင်ဆင်ခဲ့ရသည်။

လက်ရှိ ငါးနှစ်တာ ကာလအတွင်း မြန်မာနိုင်ငံ၌ ဖြစ်ပွားခဲ့သော လေယာဉ်မတော်တဆမှုများမှာ နိုင်ငံတကာတွင် ဖြစ်ပွားခဲ့သော လေယာဉ်မတော်တဆမှုများထက် ပိုမိုများပြားခဲ့သည်။ အပြည်ပြည်ဆိုင်ရာ လေကြောင်းအဖွဲ့ချုပ်မှ နှစ်အလိုက် လေယာဉ်မတော်တဆမှု ဖြစ်စဉ်များကို ထုတ်ပြန်ခဲ့ရာ ၂၀၀၈ ခုနှစ်မှ ၂၀၁၂ ခုနှစ်အထိ ငါးနှစ်တာ ကာလအတွင်း နိုင်ငံတကာ၌ လေယာဉ်မတော်တဆမှု ဖြစ်ပွားမှုနှုန်းမှာ ၄ ဒသမ ၁၇ ရာခိုင်နှုန်းရှိပြီး မြန်မာနိုင်ငံ၌ ၁၆ ဒသမ ၆၁ ရာခိုင်နှုန်းအထိ ရှိခဲ့သည်။

၂၀၁၀ ခုနှစ်မှ၂၀၁၂ ခုနှစ်အတွင်း မြန်မာနိုင်ငံရှိ အစိုးရ၊ နိုင်ငံသားပိုင်နှင့် Joint Venture လေကြောင်းလိုင်းများ၏ မတော်တဆ ဖြစ်ခဲ့မှု များသည် ၂၀၁၀ ခုနှစ်တွင် ၃၃ မှု၊ ၂၀၁၁ ခုနှစ်တွင် ၄၆ မှုနှင့်၂၀၁၂ ခုနှစ်တွင် ၅၇ မှုအထိ ရှိခဲ့ကြောင်း သိရသည်။ ယင်းသို့ မတော်တဆမှုများ တစ်နှစ်ထက် တစ်နှစ် ပိုမို များပြားလာရခြင်းမှာ လေကြောင်းလိုင်းများတွင် လေယာဉ်အစီးရေ ပိုမိုများပြားလာခြင်းနှင့် ပျံသန်းချိန် ပိုမိုများပြားလာရခြင်းတို့ကြောင့် ဖြစ်ကြောင်း မြန်မာ့လေကြောင်းမှ ဦးဆောင် ညွှန်ကြားရေးမှူး ဦးသန်းထွန်းက ဆိုသည်။

မြန်မာနိုင်ငံတွင် ယခုကဲ့သို့ လေယာဉ် မတော်တဆမှုများ မကြာခဏ ဖြစ်ပွားနေခြင်းကြောင့် လေကြောင်းဆိုင်ရာ ဘေးအန္တရာယ် ကင်းရှင်းရေး အစည်းဝေးအား ၂၀၁၃ ခုနှစ် မေ ၂၇ ရက်က ပို့ဆောင်ရေး ၀န်ကြီးဌာန၊ ၀န်ကြီးရုံးတွင် ပြုလုပ်ခဲ့ပါသည်။ အဆိုပါ အစည်းဝေးတွင် လေကြောင်းလိုင်းများ လိုက်နာဆောင်ရွက်ရမည့် လေကြောင်းဆိုင်ရာ ဘေးအန္တရာယ် ကင်းရှင်းရေးနှင့် ပတ်သက်သည့် အချက်ခြောက်ချက်အား ထုတ်ပြန်ခဲ့ပါသည်။ အဆိုပါ အစည်းအဝေးတွင် ပို့ဆောင်ရေး ၀န်ကြီးဌာန ပြည်ထောင်စု ၀န်ကြီးက လေယာဉ်အဟောင်းများအား အသစ်ဖြင့် အစားထိုးရန် လိုအပ်ကြောင်း၊ အသစ်ဝယ်ယူ နိုင်ခြင်းမရှိလျှင် ငှားရမ်းသုံးစွဲရန် လိုကြောင်းနှင့် လေယာဉ်မောင်းနှင်သူ လေယာဉ်မှူးများ၏ ကျွမ်းကျင်မှုအား မကြာခဏ စစ်ဆေးရန် လိုအပ်ကြောင်း ပြောကြားခဲ့ပါသည်။

အဆိုပါ အချက်များမှာ Accident Prevention အတွက် Aviation Safety အား ဂရုစိုက် လုပ်ဆောင်သွားရန်၊ လေကြောင်းလိုင်းများအလိုက် Safety Management System အား ပီပြင်စွာ လုပ်ဆောင်သွားရန်၊ ICAO ၏ Standard and Recommended Practice များအတိုင်း လိုက်နာကျင့်သုံးသွားရန်၊ Information နှင့် Knowledge sharing လုပ်ဆောင်သွားရန်၊ ဖြစ်ပွားခဲ့သော မတော်တဆမှုများအပေါ် ပြန်လည်သုံးသပ်၍ နောက်မဖြစ်ပွားစေရန် တားဆီးကာကွယ် လုပ်ဆောင်သွားရန်နှင့် လေသူရဲများမှ Adjustment နှင့် Decision မမှားရန် Emegency Procedure များ လေ့ကျင့်သွားရန်တို့ ဖြစ်ကြောင်း သိရသည်။

မြန်မာနိုင်ငံ၏ တစ်ခုတည်းသော နိုင်ငံပိုင် လေကြောင်းလိုင်းဖြစ်သည့် မြန်မာ့လေကြောင်းသည် လက်ရှိတွင် Fokker F 28 နှစ်စီး၊ ATR-72 နှစ်စီး၊ ATR-42 တစ်စီး၊ MA-60 သုံးစီး၊ Beech 1900D နှစ်စီး၊ Embraer 190 နှစ်စီး စုစုပေါင်း လေယာဉ်အမျိုးအစား ခြောက်မျိုး၊ လေယာဉ်စီးရေ ၁၂ စီးဖြင့် အခြားပုဂ္ဂလိက လေကြောင်းလိုင်းများ ပျံသန်းခြင်း မရှိသည့် မြို့ပေါင်း ၂၆ မြို့သို့ပျံသန်းလျက်ရှိသည်။


Eleven Media Group

ဗဟိုဘဏ် သီးခြားလွတ်လပ်စွာ ရပ်တည်တော့မည်

Tuesday, 11 June 2013
နိုင်ငံတော်ဗဟိုဘဏ် ဥပဒေသစ်ကို လာမည့်လွှတ်တော် အစည်းအဝေး မတိုင်မီ နိုင်ငံတော် သမ္မတဦးသိန်းစိန် လက်မှတ်ထိုးတော့မည်ဖြစ်ပြီး ဗဟိုဘဏ်သည် မကြာမီအချိန် အတောအတွင်း သီးခြားလွတ်လပ်စွာ ရပ်တည်တော့မည် ဖြစ်ကြောင်း ဗဟိုဘဏ် ဒုတိယ ညွှန်ကြားရေးမှူး ဒေါ်ခင်စောဦး၏ ပြောကြားချက်ကို ကိုးကားပြီး The Wall Street Journal က သတင်းဖော်ပြထားသည်။

လက်ရှိ ဗဟိုဘဏ်ဥပဒေ နေရာတွင် အစားထိုးမည့် ဗဟိုဘဏ် ဥပဒေသစ်သည် လက်ရှိအစိုးရ လက်ထက်တွင် အချိန်အယူရဆုံး ဥပဒေတစ်ခုဖြစ်ပြီး လွှတ်တော်နှစ်ရပ်နှင့် အစိုးရအဖွဲ့ကြား ပြင်ဆင်ညှိနှိုင်းချက် ၂၀၀ ကျော်ရှိခဲ့သည့် ဥပဒေဖြစ်သည်။ ဥပဒေသစ် အတည်ပြုလက်မှတ် ရေးထိုးပြီးပါက ဗဟိုဘဏ်သည် သီးခြားလွတ်လပ်သည့် အဖွဲ့အစည်းတစ်ခု ဖြစ်လာမည်ဖြစ်သည်။

<pလက်ရှိ အစိုးရလက်ထက်တွင် ဗဟိုဘဏ်၏ အထင်ရှားဆုံး ပြောင်းလဲမှုမှာ နိုင်ငံခြားငွေလဲနှုန်းကို ထိန်းကျောင်းမှုရှိသော ငွေလဲနှုန်းစနစ်သို့ ပြောင်းလဲခဲ့ခြင်း ဖြစ်သည်။ ၂၀၁၂ ခုနှစ် ဧပြီ ၂ ရက်က စတင်ခဲ့သော အဆိုပါစနစ်သည် ဈေးကွက်အပြောင်းအလဲ များစွာ ဖြစ်ပေါ်ခဲ့သည်။ ၂၀၁၂ ဧပြီ ၂ ရက်တွင် ဗဟိုဘဏ်ရည်ညွှန်း နိုင်ငံခြားငွေလဲနှုန်းကို ၈၁၈ ကျပ်ဖြင့် ဈေးသတ်မှတ်ခဲ့ပြီး တစ်နှစ်ကျော်အကြာ ၂၀၁၃ ခုနှစ် ဇွန် ၁၀ ရက်တွင် ၉၄၆ ကျပ်အထိ သတ်မှတ်ခဲ့သည်။

ဗဟိုဘဏ် ဥပဒေသစ်သည် လက်ရှိအစိုးရ လက်ထက်တွင် အချိန်အယူရဆုံး ဥပဒေတစ်ခုဖြစ်ပြီး လွှတ်တော်နှစ်ရပ်နှင့် အစိုးရအဖွဲ့ကြား ပြင်ဆင်ညှိနှိုင်းချက် ၂၀၀ ကျော်ရှိခဲ့သည့် ဥပဒေဖြစ်သည်။ ဥပဒေသစ် အတည်ပြုလက်မှတ် ရေးထိုးပြီးပါက ဗဟိုဘဏ်သည် သီးခြားလွတ်လပ်သည့် အဖွဲ့အစည်းတစ်ခု ဖြစ်လာမည်...


မကြာမီ အသစ်ဖွဲ့စည်းမည့် နိုင်ငံတော် ဗဟိုဘဏ်သည် မြန်မာနိုင်ငံ၏ ငွေလဲနှုန်း ပြုပြင်ပြောင်းလဲမှု လုပ်ငန်းစဉ်များကို ဆက်လက် လုပ်ကိုင်ရမည်ဖြစ်ပြီး ဒေသတွင်းနှင့် နိုင်ငံတကာ လုပ်ထုံးလုပ်နည်းများနှင့် ကိုက်ညီမှုရှိရန် စိန်ခေါ်ချက်များ ရှိနေဆဲဖြစ်သည်။

ငွေလဲနှုန်းထား အမျိုးမျိုးကို တစ်မျိုးတည်း ပေါင်းစည်းရန် ရည်မှန်းထားသော်လည်း လက်ရှိအချိန်ထိ ဗဟိုဘဏ် ရည်ညွှန်းငွေလဲနှုန်း၊ သိမ်ဖြူ ငွေလဲကောင်တာ ဈေးနှုန်း၊ ဘဏ်ငွေလဲကောင်တာ ဈေးနှုန်း၊ ပြင်ပဈေးနှုန်းများအကြား ကွာဟချက်များ ရှိနေဆဲ ဖြစ်သည်။

ဗဟိုဘဏ်၏ ရည်မှန်းချက်မှာ ပြည်တွင်းပြည်ပတွင် မြန်မာကျပ်ငွေတန်ဖိုး တည်တံ့ခိုင်မြဲစေရန် ဖြစ်သည်။ ထိုသို့ ဆောင်ရွက်နိုင်ရန် ဗဟိုဘဏ်သည် ထိရောက်သော ငွေပေးချေမှု စနစ်များ၊ ငွေကြေးလွယ်ကူမှု၊ ကြွေးမြီ ပေးဆပ်နိုင်မှုတို့ ကောင်းမွန်ပြီး ခိုင်မာသော ငွေရေးကြေးရေး စနစ်တစ်ရပ်ဖြင့် ဆောင်ရွက်ရန် ရည်မှန်းထားကာ စီးပွားရေး ဖွံ့ဖြိုးမှုအတွက် ငွေကြေး၊ ချေးငွေနှင့် ငွေရေးကြေးရေး အခြေအနေများကို ကြိုးပမ်းဆောင်ရွက်မည် ဖြစ်သည်ဟု ဗဟိုဘဏ်က မူဝါဒ ချမှတ်ထားကြောင်း သိရသည်။

မြန်မာနိုင်ငံ အနေဖြင့် မကြာမီ ကမ္ဘာ့ငွေကြေး ဈေးကွက်နှင့် ပိုမိုချိတ်ဆက်လာမည် ဖြစ်ခြင်းကြောင့် နိုင်ငံတကာငွေကြေး ဈေးကွက်ရှိ ဖြစ်ပေါ်ပြောင်းလဲမှုများကို စောင့်ကြည့် သတိပြုသင့်ကြောင်း၊ နိုင်ငံအတွင်း ရင်းနှီးငွေ စီးဝင်မှုများကို စိစစ်ပြီး ကာလရှည် ရင်းနှီးမှုနှင့် ကာလတို ရင်းနှီးမှု တို့ကို ခွဲခြားစိစစ်နိုင်မှသာ ဗဟိုဘဏ်အနေဖြင့် မှန်ကန်သင့်လျော်သော မူဝါဒများဖြင့် စီးပွားရေးနှင့် ဘဏ္ဍာရေး တည်ငြိမ်မှု ရရှိစေရန် စွမ်းဆောင်နိုင်မည် ဖြစ်ကြောင်း စီးပွားရေး ပညာရှင်များက သုံးသပ်ထားသည်။
Eleven Media Group

သမ္မတနဲ့ ဒုတိယ ဗိုလ်ချုပ်ကြီး ရွက်ဆစ်တွေ့ဆုံ

Tuesday, June 11, 2013
ရှမ်းပြည်ပြန်လည် ထူထောင်ရေး ကောင်စီ RCSS/SSA ရဲ့ ခေါင်းဆောင် ဒုတိယ ဗိုလ်ချုပ်ကြီး ရွက်ဆစ်နဲ့ မြန်မာ သမ္မတ ဦးသိန်းစိန်တို့ တွေ့ဆုံဆွေးနွေးခဲ့ကြပါတယ်။

ငြိမ်းချမ်းရေး ကိစ္စနဲ့ မူးယစ်ဆေးဝါး တိုက်ဖျက်ရေး ကိစ္စတွေဆွေးနွေးခဲ့တယ်လို့ ဆိုပါတယ်။

RCSS/SSA နဲ့ မြန်မာအစိုးရတို့ဟာ အပစ်အခတ် ရပ်စဲရေး လက်မှတ် ရေးထိုးထားပါတယ်။ ဒါပေမဲ့ အပစ်ခတ် ရပ်စဲပြီးနောက်မှာလည်း အကြိမ်ကြိမ် တိုက်ပွဲ ဖြစ်ပွားခဲ့ပါတယ်။

အပစ်အခတ် ရပ်စဲထားပေမဲ့ အခုလို တိုက်ပွဲတွေ ဆက်ဖြစ်ပွားနေတာဟာ နှစ်ဘက် အကြားမှာ ယုံကြည်မှု မတည်ဆောက် နိုင်သေးလို့ပဲလို့ ဒုဗိုလ်ချုပ်ကြီး ရွက်ဆစ်က သတင်းစာ ရှင်းလင်းပွဲမှာ ပြောပါတယ်။

ငြိမ်းချမ်းရေး ဆောင်ရွက်ရာမှာ တပ်မတော် ပါဝင်ဖို့ လိုတယ်လို့လည်း သူက ပြောပါတယ်။ တွေ့ဆုံပွဲမှာ ကာကွယ်ရေး ဦးစီးချုပ် မင်းအောင်လှိုင် မပါဝင်တာနဲ့ ပတ်သက်ပြီး သတင်းထောက် တစ်ယောက်က မေးမြန်း ရာမှာ သူက အဲသလို ပြန်လည် ဖြေကြားခဲ့တာ ဖြစ်ပါတယ်။

ကေအိုင်အေ နဲ့ တိုက်ပွဲတွေ ဖြစ်ခဲ့တာကိုလည်း ပြန်လည် သုံးသပ်ဖို့ လိုအပ်တယ်လို့ ဒုဗိုလ်ချုပ်ကြီး ရွက်ဆစ်က ဆိုပါတယ်။

ကေအိုင်အေနဲ့ ဖြစ်ပွားခဲ့တဲ့ ကိစ္စမှာ ဘယ်သူ့ဘက်က အရင်စပြီး သဘောတူညီချက် ချိုးဖောက်ခဲ့တယ် ဆိုတာကို ပြန်သုံးသပ်ဖို့ လိုတယ်လို့ ဆိုပါတယ်။
ဘီဘီစီ (မြန်မာပိုင်း)

မလေးရှားရောက် မြန်မာများ ဆက်လက် အကြမ်းဖက်ခံနေရဆဲဟုဆို

Monday, June 10, 2013
မလေးရှား နိုင်ငံရောက် မြန်မာ နိုင်ငံသားများ ဆက်လက် အကြမ်းဖက် ခံနေရဆဲ ဖြစ်ကြောင်း မလေးရှားရောက် မြန်မာနိုင်ငံသားများက ပြောသည်။

အကြမ်းဖက်မှုကြောင့် အလုပ်ပိတ်ရက်ဖြစ်သည့် တနင်္ဂနွေနေ့တွင် ၇ ဦး ထပ်မံသေဆုံးခဲ့ရကြောင်း အထွေထွေ သပိတ် ကော်မီတီ (၈၈)မှ ကိုအောင်ကြီးက မဇ္ဈိမကို ပြောသည်။

“ကလန်းမှာ မိန်းကလေး နှစ်ယောက်ကို မုဒိမ်းကျင့်ပြီး သတ်သွားတယ်။ နောက် ညပိုင်းမှာ ဂျိုကိုး ပါတူး မှာ ယောက်ကျားလေး နှစ်ဦး အသတ်ခံရတယ်။ မနက်မိုးလင်းမှ အလောင်း ရတယ်။ နောက်တော့ မာလကာ ပတ်စတန်း ဝင်းထဲမှာ ယောက်ကျားလေး ၃ ယောက် အသတ်ခံလိုက်ရပါတယ်” ဟု ပြောသည်။


ထို သေဆုံးမှုများနှင့်ပတ်သက်၍ မဇ္ဈိမက သီးခြားအတည်ပြုချက် မရယူနိုင်သေးပေ။

သောကြာနေ့ကလည်း မလေးရှားနိုင်ငံ ကပုန်းရှိ ဆူပန်း၌ ထီးစက်ရုံ၌ အလုပ်လုပ်နေသည့် ရခိုင် လူမျိုး လေးဦးနှင့် မြန်မာလူမျိုး တဦး ထပ်မံ အကြမ်းဖက်ခံရကာ ရခိုင် လူမျိုး ကိုခင်မောင်ဝင်းမှာ ခုတ်လာသည့် ဒါးအား ကာကွယ် လိုက်ရာ လက်ဝါး၌ ဒဏ်ရာ ကြီးစွာရခဲ့ပြီး ဆေးရုံ တက်ရောက် ကုသမှု ခံယူနေရဆဲ ဖြစ်သည်ဟု မြန်မာ့ လူမှုကူညီမှု အသင်း မလေးရှား၏ တာဝန်ခံတဦးက ပြောသည်။

“အဲဒီနေ့ မနက် (၃) နာရီခွဲပေါ့ အိပ်နေတဲ့ အချိန်ကြီး သူတို့ သစ်သား အိမ်က အပေါက်လေးကို အနံ့ပြင်းတဲ့ Sprayတွေ ဖြန်းတာ။ အဲဒီ အနံ့ကို မခံနိုင်လို့ အိမ်တံခါး မကြီးကို အလုအယက် ဖွင့်တာ အဲဒီမှာ ဓါးနဲ့ခုတ်တာ။ အဲဒါ ကိုခင်မောင်ဝင်းက လက်ဝါးမှာ အကြော ပြတ်ပြီး အပြင်းအထန် ဒဏ်ရာ ရသွားတယ်။ ကွာလလမ်ပူ ဆေးရုံမှာ အတွင်းလူနာအဖြစ် တက်ရောက် ကုသမှူ ခံယူနေတယ်” ဟု ပြောသည်။

ထိုသို့ အကြမ်းဖက်မှုများ ဆက်တိုက် ဖြစ်ပွားနေသော်လည်း ကွာလာလမ်ပူရှိ မြန်မာ သံရုံးမှ ကူညီ လုပ်ဆောင်ပေး မှုများကို မမြင်တွေ့ရသေးကြောင်း ၎င်းက ဆိုသည်။

“မြန်မာ သံရုံးက ဘာမှ မလုပ်ပေးဘူး။ ရေငုံ နှုတ်ပိတ် နေတာပဲ ရှိတယ်။ သံရုံး ပြောသလို မူးရှူးလို့ ဖြစ်ကြတာမှ မဟုတ်တာ။ သွားတဲ့ လူတိုင်း အခုတ်ခံ နေရတာ။ မလေးရှား ဒေသ တော်တော်များများ ဖြစ်နေတယ်။ ပျံ့နေပြီ။ မြန်မာ နိုင်ငံသားတွေ အတွက်တော့ မလေးရှားက လုံခြုံမှု အနေအထား သိပ်မကောင်းတော့ဘူး” ဟု ပြောသည်။

ဇွန် ၆ ရက်နေ့တွင် ကွာလာလမ်ပူရှိ မြန်မာ သံရုံးရှေ့၌ မလေး အစိုးရ ခွင့်ပြုချက်ဖြင့် တရားဝင် ဆန္ဒပြခဲ့သူ ငါးဦးမှာလည်း လုံခြုံရေး အခြေအနေ စိုးရိမ်နေရကာ ပုန်းလျိုးနေထိုင် နေကြရလျက် ရှိသည်ဟု ဆိုသည်။

မြန်မာ အများစု နေထိုင်ရာ ကွာလာလမ်ပူ၊ အန်ဘန်း၊ ဂျရတ်၊ ဆာလာရန်း ဒေသများ၌ မလေးရှား အာဏာပိုင် များမှ အော်ပရာစီခေါ် ဖမ်းဆီးမှုများ ဆက်တိုက် ပြုလုပ်နေလျက်ရှိပြီး မြန်မာ နိုင်ငံသား ၉၀၀ ကျော်အား ဖမ်းဆီးပြီး စစ်ဆေးမှုများ ပြုလုပ်နေသည်ဟု သိရသည်။

ထိုဖမ်းဆီးမှုများအတွင်း နိုင်ငံကူး လက်မှတ်နှင့် အခြား တရားဝင် အထောက်အထား ရှိသည့် မြန်မာနိုင်ငံသား များကို ပြန်လည် လွှတ်ပေးမည်ဟုလည်း မလေးရှား နိုင်ငံဆိုင်ရာ မြန်မာ သံအမတ်မှ မြန်မာ့ အသံနှင့် ရုပ်မြင်သံကြားနှင့် တယ်လီဖုန်း အင်တာဗျူး၌ ပြောကြားခဲ့သည်။

“ဇွန် ၅ ရက်နေ့မှာ ကျတော့ မလေးရှား နိုင်ငံခြားရေး ဌာန ဝန်ကြီးက နေပြီးတော့ ကျနော် အပါအဝင် သံအမတ် ၆ ယောက် ညနေပိုင်း ၃ နာရီခွဲမှာ တွေ့ဆုံ ဆွေးနွေး ခဲ့ပါတယ်။ လိုအပ်တဲ့ ဟာတွေကို တင်ပြဆွေးနွေးပါ ပြောတဲ့အပိုင်းမှာ ဖြစ်ပေါ်နေတဲ့ အပိုင်းကို ကျနော် ဝန်ကြီးကို တင်ပြခဲ့တယ်။ မြန်မာနိုင်ငံသားတွေကို ကာကွယ် စောင့်ရှောက် ပေးဖို့။ တရားမျှတစွာ ဆောင်ရွက် လုပ်ဆောင် ပေးဖို့ တင်ပြခဲ့ပါတယ်” ဟု သံအမတ်ကြီး ဦးတင်လတ် က ဖြေကြားခဲ့သည်။

မဇ္ဈိမ သတင်း ဌာနမှ ဖြစ်စဉ် အကြောင်းအရာများနှင့် မြန်မာ နိုင်ငံသားများအား သံရုံးမှ ကူညီ လုပ်ဆောင် ပေးနေမှု အနေအထားများနှင့် ပတ်သက်၍ သီးခြား ဆက်သွယ်ရန် ကြိုးစား ခဲ့သော်လည်း သံရုံးမှ တယ်လီဖုန်းများအား လက်ခံဖြေကြားခြင်း မရှိခဲ့ပေ။

မလေးရှား နိုင်ငံရှိ မြန်မာနိုင်ငံသားများ လုံခြုံရေးနှင့် ပတ်သက်ပြီး ညှိနှိုင်းဆောင်ရွက်ရန် အဆင့်မြင့် ကိုယ်စားလှယ် အဖွဲ့တဖွဲ့ကို မလေးရှားနိုင်ငံသို့ စေလွှတ်မှာ ဖြစ်ကြောင်း နှင့် ခရီးစဉ်နှင့် ပတ်သက်ပြီး နှစ်ဘက် ညှိနှိုင်းဆဲဖြစ်သည် ဟု သမ္မတ ပြောရေး ဆိုခွင့်ရှိသူ ဦးရဲထွဋ် က ၎င်း၏ Facebook စာမျက်နှာတွင် ရေးသားထားသည်။

အကြမ်းဖက် သတ်ဖြတ်မှု ဖြစ်စဉ် များကြောင့် ဒဏ်ရာရသူများ ဆေးရုံ တက်ရောက် ကုသမှုကို ထောက်ပံ့ပေးနိုင်ရန် မြန်မာ လူမှု ကူညီရေး အသင်း မလေးရှားမှ စေတနာရှင်များထံမှ အလှူငွေများ လိုက်လံ ကောက်ခံလျက် ရှိပြီး မလေးရှား ရင်းဂစ် ၃,၀၀၀ ကျော် ကောက်ယူ ရရှိပြီး ဖြစ်ကြောင်းနှင့် ဆက်လက် လှူဒါန်း ကြမည့် အလှူရှင်များ လည်း ရှိနေကြောင်း အသင်း တာဝန်ရှိသူတဦးက မဇ္ဈိမကို ပြောသည်။

ထိုသို့ အကြမ်းဖက်မှုများ ဆက်တိုက်ဖြစ်ပွားနေ၍ မလေးရှားရောက် မြန်မာနိုင်ငံသား အများစုမှာ အမိနိုင်ငံသို့ပြန်ကြရန် ဆန္ဒရှိနေကြကြောင်း သိရှိရသည်။
ဟင်္သာနီ (မွန်မြေ) စံခလပူရီ (မဇ္ဈိမ)
Mizzima - News in Burmese

မလေးရှားရောက် မြန်မာနိုင်ငံသားတွေ လုံခြုံရေး စိုးရိမ်ရ

Tuesday, June 11, 2013
မလေးရှားနိုင်ငံရောက် မြန်မာနိုင်ငံသားတွေဟာ ဒေသခံလူတစ်စုရဲ့ အကြမ်းဖက် တိုက်ခိုက်မှုကို ခံနေရသလို၊ ထိခိုက်သေဆုံးမှုတွေလည်း ရှိနေတယ်လို့ အကူအညီပေးနေတဲ့ မြန်မာအဖွဲ့အစည်း တာဝန်ရှိသူတွေက ပြောလိုက်ပါတယ်။ ဒီလို စိုးရိမ်စရာ အကြမ်းဖက်မှု အခြေအနေတွေ ဖြစ်ပွားနေလို့ အလုပ်သမားတွေ အလုပ်မဆင်းနိုင်သေးသလို နီးစပ်ရာ ဘုန်းတော်ကြီးကျောင်းနဲ့ တခြား အသိမိတ်ဆွေအိမ်တွေမှာ အုပ်စုဖွဲ့ပြီး ပုန်းအောင်းနေထိုင်နေရတယ်လို့လည်း ဆိုပါတယ်။

လက်ရှိ မလေးရှားနိုင်ငံရောက် မြန်မာနိုင်ငံသားတွေဟာ အကူအညီ ကင်းမဲ့နေတဲ့ အနေအထားမှာ ရှိနေပြီး မြန်မာပြည်တွင်း ပြန်လာဖို့အတွက်ကိုလည်း ပြင် ဆင်နေကြပြီလို့ ပြောဆိုမှုတွေ ရှိနေပါတယ်။ အသေးစိတ်ကိုတော့ ဆက်သွယ်စုံစမ်းထားတဲ့ ဗွီအိုအေ သတင်းထောက် နိုင်ကွန်းအိန် က သတင်းပေးပို့ခဲ့ပါတယ်။

မလေးရှားနိုင်ငံမှာ ဒေသခံ မူဆလင်လူတစ်စုရဲ့ အကြမ်းဖက်တိုက်ခိုက်မှုတွေကြောင့် မလေးရှားနိုင်ငံတွင်းမှာ အလုပ်လုပ်ကိုင်နေကြတဲ့ မြန်မာနိုင်ငံသားတွေ ထိခိုက်သေဆုံးမှုတွေ ဖြစ်ပွားနေပါတယ်။ အခုလို အကြမ်းဖက်မှု ဖြစ်ပွားခဲ့တဲ့ အခြေအနေတွေကြောင့် ထိခိုက်သေဆုံးမှု ဖြစ်စဉ်တွေကို မြန်မာနိုင်ငံသားတွေကို အကူအညီပေးနေတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းမှ ခေါင်းဆောင် ကိုအောင်ကြီး က အခုလို ပြောပြပါတယ်။

“မနေ့ကနဲ့ ဒီကနေ့ အခြေအနေ နောက်ဆုံးရထားတဲ့ သတင်းတွေ ကွာလာလမ်ပူနဲ့ အနီးဆုံးနေရာ ရှာအလမ် ၁၂-၁၄ မှာ အမျိုးသမီးနှစ်ယောက်ကို နေ့ခင်း ၃ နာရီလောက်မှာ ကုလားအယောက် ၃၀ ကနေပြီးတော့ ကောင်မလေးကို မုဒိန်းကျင့်ပြီးတော့ သတ်သွားပါတယ်။ အဲ့ဒီလူတွေ ဆိုင်ကယ်လ်ကတော့ နံပါတ်မပါဘူး။ လူတွေက မျက်နှာအကုန် အုပ်ထားပါတယ်။ နောက်တစ်နာရီကျော် ကျလောက်မှ အဲ့ဒီနားက လူတွေ သိကြပါတယ်။ ဂျိုဟိုး ဘာတို့မှာကျတော့ ညပိုင်းမှာ ဗမာနှစ်ယောက်ကို ထပ်သတ်သွားပါတယ်။ သတ်သွားတဲ့အချိန်မှာ ဗမာမှန်ရင် အကုန် သတ်မယ်ဆိုပြီးတော့ ကြွေးကျော်သွားပါတယ်။ မနက်ကမှ ရဲတွေ အကုန်လုံး ယူသွားပါတယ် အလောင်းတွေကို၊ နောက်တခါ မလဂါမြို့ပေါ်မှာ ကားဝင်းထဲမှာ အဲ့ဒီထဲမှာ ဗမာ ၃ ယောက်ကိုလည်း ထပ်ပြီး သတ်သွားပါတယ်။ ကျနော့် ခန့်မှန်းခြေ ထိခိုက်ဒဏ်ရာရသူ အနည်းဆုံး ၁၀ ယောက်ရှိပါတယ်။ သေဆုံးခဲ့တဲ့သူကတော့ ဗမာလူမျိုးကြီးပဲကို ၁၈ ယောက် ရှိသွားပါပြီခင်ဗျ။”

မလေးရှားနိုင်ငံမှာ အခုလို အကြမ်းဖက်မှု ဖြစ်ပွားတဲ့ အခြေအနေတွေကြောင့် မြန်မာ အလုပ်သမားတွေ ထိပ်လန့်နေကြသလို အလုပ်ခွင် မဆင်းကြဘူးလို့လည်း ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်းမှ ကိုအောင်ကြီး က အခုလို ဆက်ပြောပါတယ်။

“ဒီနေ့ဆိုရင် လူတွေအတော်များများ အလုပ်မသွားကြပါဘူးခင်ဗျ။ စက်ရုံတွေမှာ မနေရဲဘူး။ အိမ်တွေမှာ မနေရဲတော့ဘူး။ သူဋ္ဌေးတွေကို သူတို့ တင်ပြတယ်။ သူဋ္ဌေးတွေကလည်း ဘာမှ အကျိုးမဆောင်ပေးပါဘူး။ မလေးရှားမှာ မည်သူမဆို အကုန်လုံးက ကြောက်လန့်ပြီး ထိပ်လန့်နေကြပါတယ်။ ဗမာတွေအားလုံးဟာ ၁၀ ယောက်၊ ၁၅ ယောက် စုပြီးတော့ နေကြရပါတယ်။ စက်ရုံနဲ့ အိမ်နဲ့ ပြန်တဲ့အခါမှာလည်း လမ်းမှာ အသတ်ခံရမှာ ကြောက်တဲ့အတွက် ဘယ်သူမှ အလုပ်မဆင်းရဲဘူး ဖြစ်နေကြပါတယ်။”

လက်ရှိ အခြေအနေအရ မလေးရှားနိုင်ငံရောက် မြန်မာအလုပ်သမားတွေဟာ အကူအညီ ကင်းမဲ့နေတဲ့ အခြေအနေမှာ ရှိနေတယ်လို့လည်းးကိုအောင်ကြီးက ဆက်ပြောပါတယ်။

“လက်ရှိ မလေးရှားရဲတွေကလည်း သူတို့က အလောင်းကောက်တာပဲ သူတို့လုပ်ပါတယ်။ ကျန်တာ ဘာမှ မလုပ်ကြပါဘူး။ ကျနော်တို့ကလည်း သတင်းရရင် သတင်းရတဲ့နေရာကို သွားတယ်။ အလောင်းတွေပဲ တွေ့ရပါတယ်။ လူသတ်တဲ့ကောင်တွေက လူသတ်ပြီး ထွက်ပြေးသွားတယ်။ လုံးဝကို မတွေ့ရတော့ပါဘူး။ ဒီမှာရှိတဲ့ အလုပ်သမား အကုန်လုံးဟာ ပြန်ချင်တဲ့သူတွေ များတယ်။ ပြန်ဖို့အတွက်ကိုလုပ်တော့ သံရုံးက ဘာမှ မကူညီပါဘူး။ အခု ကျနော်တို့နေတဲ့ အိမ်တွေမှာလည်း ၆၀ လောက် ရောက်နေပါတယ်။ အဲ့ဒီဒုက္ခသည်တွေကိုလည်း ဘယ်သူမှ ကူညီမယ့်သူ မရှိပါဘူး။ ဘယ် NGO မှလည်း သူတို့ကို ကူညီ မပေးပါဘူး။ မြန်မာနိုင်ငံအစိုးရကလည်း အကူအညီ မပေးပါဘူး။ မလေးရှားအစိုးရကလည်း ဘာမှ မကူညီပေးပါဘူး။ မြန်မာနိုင်ငံမှာရှိတဲ့ NGO အဖွဲ့တွေ၊ အပြည်ပြည်ဆိုင်ရာ အဖွဲ့အစည်း အားလုံးကို ကျနော်တို့ တင်ပြထားပါတယ်။ ဘယ်လိုမှ အကြောင်း ပြန်မလာပါဘူးခင်ဗျ။”

ဒီအကြမ်းဖက်မှုဖြစ်စဉ်နဲ့ပတ်သက်လို့ မလေးရှားနိုင်ငံဆိုင်ရာ မြန်မာသံရုံးကို ဆက်သွယ်ခဲ့ပေမဲ့လည်း အဆက်အသွယ် မရရှိခဲ့ပါဘူး။ မလေးရှားနိုင်ငံ ကွာလာလမ်ပူမြို့မှာ ဖြစ်ပွားခဲ့တဲ့ ဆူပူအကြမ်းဖက်မှုတွေကြောင့် မြန်မာနိုင်ငံသား အလုပ်သမားတွေဟာ မြန်မာဘုန်းတော်ကြီးကျောင်းမှာ ခိုလှုံနေကြရတာ ရှိသလို၊ တခြားနီးစပ်ရာ အိမ်တွေမှာလည်း ခိုလှုံနေကြရတယ်လို့ စံဗောဓိကျောင်းဆရာတော် ဦးအိန္ဒက က အခုလို မြွက်ကြားခဲ့ပါတယ်။

“ဆရာတော့်ကျောင်းမှာတော့ ၂၅ ယောက်လောက်ရှိသေးတယ် ဒကာကြီး။ သူတို့ကလည်း ပြန်ဖို့ လုပ်နေကြပါတယ်။ မကြာခင်မှာ ပြန်ကြမှာပါ။ တခြားနေရာတွေမှာတော့ သူတို့ သူငယ်ချင်း အသီးသီးအိမ်တွေမှာပဲ အဲ့ဒီလို ခွဲနေကြပါတယ်။ ဗမာအားလုံး ဘယ်နေရာမှာပဲဖြစ်ဖြစ် ဘယ်မြို့မှာပဲဖြစ်ဖြစ် အကုန်လုံးက ထိပ်လန့်နေကြတာပေါ့လေ။”

မြန်မာအလုပ်သမားတွေ အများစုဟာ နေရပ်ရင်းကို ပြန်ချင်ပေမဲ့ အပြန်ခရီးမှာလည်း လုံခြုံမှု မရှိတဲ့ အနေအထားကြောင့် အခြေအနေကို စောင့်ဆိုင်းနေတယ်လို့ အလုပ်သမားတစ်ဦးဖြစ်တဲ့ ကိုမျိုးအောင် က ပြောပါတယ်။

“အပြန်ခရီးကျတော့လည်း နည်းနည်းစိုးရိမ်စရာရှိတယ်။ သွားတာလာတာကလည်း ဘယ်လိုရှိနေလဲ အနေအထားကလည်း ဘယ်သူမှ အတိအကျ မသိဘူးလေ။ ပြန်ဖို့ကို အခြေအနေ စောင့်ကြည့်ပြီးတော့ ပြဿနာက ဆက်ကြီးလာမလား။ အခြေအနေကလည်း မခန့်မှန်းနိုင်တဲ့ အနေအထား ရှိနေတယ်ဗျ။”

ဒီဆူပူအကြမ်းဖက်မှုတွေဟာ မလေးရှားနိုင်ငံ ဆလာရန်းမြို့နယ်မှာ မေလကုန်ပိုင်းက စပြီး ဖြစ်ပွားခဲ့တာပါ။ အခုလို ဖြစ်ပွားခဲ့ရတာကလည်း မြန်မာနိုင်ငံတွင်းမှာ မူဆလင်တွေနဲ့ ဖြစ်ပွားခဲ့တဲ့ ဆူပူအကြမ်းဖက်မှု လုပ်ရပ်တွေကနေတဆင့် ကူးစက်လာတယ်လို့လည်း အလုပ်သမားတွေက ယူဆနေကြပါတယ်။

ပဋိပက္ခဖြစ်ပွားမှု အခြေအနေနဲ့ပတ်သက်ပြီး ဇွန်လ ၄ ရက်နေ့က မြန်မာနိုင်ငံခြားရေး ဒုဝန်ကြီး ဦးဇင်ယော်ကနေ မြန်မာနိုင်ငံဆိုင်ရာ မလေးရှားသံအမတ်ကြီး အာမက် ဖိုင်စဲလ် မူဟာမက် (Ahmad Faisal Muhamad) ကို မြန်မာနိုင်ငံသားတွေ တိုက်ခိုက်ခံနေရတဲ့ အခြေအနေနဲ့ပတ်သက်ပြီး စိုးရိမ်မကင်းကြောင်းကိုလည်း ပြောဆိုခဲ့ပါတယ်။

အခုလို မြန်မာနိုင်ငံသားတွေအပေါ် အကြမ်းဖက်မှု ဆက်လက် လုပ်ဆောင်နေမယ်ဆိုရင် မလေးရှားနိုင်ငံကို အလုပ်သမား စေလွှတ်မှု ရပ်ဆိုင်းသွားမယ်လို့လည်း အလုပ်သမားရေးရာ ၀န်ကြီးဌာန ဒုဝန်ကြီး ဦးမြင့်သိန်း ကလည်း ပြောဆိုထားပါတယ်။

မလေးရှားနိုင်ငံရှိ မြန်မာနိုင်ငံသားများ လုံခြုံရေးနဲ့ပတ်သက်ပြီး ညှိနှိုင်းဆောင်ရွက်ဖို့အတွက် အဆင့်မြင့် ကိုယ်စားလှယ်အဖွဲ့တစ်ဖွဲ့ကို မလေးရှားနိုင်ငံဆီ စေလွှတ်ဖို့အတွက် နှစ်ဘက်နိုင်ငံ အာဏာပိုင်တွေအနေနဲ့ ညှိနှိုင်းနေဆဲလို့လည်း ပြန်ကြားရေးဝန်ကြီးဌာန ဒုဝန်ကြီး ဦးရဲထွဋ်ရဲ့ Facebook စာမျက်နှာမှာ ဖော်ပြထားပါတယ်။
ကိုနိုင်ကွန်းအိန် (ဗွီအိုအေ)

ကချင် ငြိမ်းချမ်းရေး လမ်းလျှောက်ပွဲ

အစိုးရ စစ်သားပုံစံ လမ်းလျှောက် ဆန္ဒပြ

9 ဇွန်လ 2013
ကချင်ဒေသ တကျော့ပြန် စစ်ပွဲ တွေ ဖြစ် ပွား တာ ၂ နှစ်ပြည့် အထိမ်း အမှတ် ငြိမ်းချမ်းရေး လမ်းလျှောက်ပွဲ ကို စနေနေ့ မနက် ပိုင်းက ရန်ကုန်မှာ ကျင်းပခဲ့ပါတယ်။

ရန်ကုန် မြို့တော်ခန်းမ ရှေ့က နေပြီး ကမ်းနားလမ်း တလျှောက် လူ ၅ဝ လောက် လမ်းလျှောက် ချီ တက် ခဲ့ ကြ ပြီး ကချင် ငြိမ်းချမ်းရေး ကွန် ယက်၊ လိုင်ဇာ ငြိမ်းချမ်းရေး လမ်း လျှောက် အဖွဲ့ တွေ အပါအဝင် လူမှုအဖွဲ့ အစည်း ၁၈ ဖွဲ့ ပါ ဝင် ကြပါတယ်။

အလုံမြို့နယ် သစ်တောလမ်း၊ ဇောတနာရာမ ကျောင်းတိုက် အရောက်မှာ အခမ်းအနားကျင်းပခဲ့ပါတယ် ။

မြန်မာအစိုးရစစ်တပ်နဲ့ ကေအိုင် အေကြား ၂နှစ်ကြာ တိုက်ပွဲ တွေ ကြောင့် ကချင် ပြည်နယ်မှာ စစ်ဘေး ဒုက္ခသည် တသိန်းကျော် အိုးအိမ်စွန့်ခွာ ထွက်ပြေး နေရ ပါတယ်။ ကချင်နဲ့ ရှမ်းပြည်နယ် နေရာအချို့ က ကျေးရွာ အိုးအိမ်တွေ မီးလောင်ပျက်စီး ခဲ့ရပြီး လယ်ယာမြေ ဧက ထောင်ပေါင်းများစွာလဲ ပိုင်ရှင်မဲ့ ဖြစ် နေပါတယ်။

မေလ ၂၈ ရက်က မြစ်ကြီးနား မြို့မှာ အစိုးရနဲ့ ကေအိုင်အို သုံးရက်ကြာ ဆွေးနွေး ပြီး အချက် ၇ ချက်ပါ သဘောတူညီချက် လက်မှတ်ထိုး နိုင်ခဲ့ တာနဲ့ နှစ်ဘက် ခေါင်းဆောင်များက စစ်ဘေးဒုက္ခသည်များ အရေးကို ထည့်သွင်း အလေးပေး ဆွေးနွေးခဲ့ကြ တာကို ဒီအခမ်းအနားမှာ ကြိုဆို ကြပါတယ် ။

မြန်မာ တနိုင်ငံ လုံးမှာ ရှိ တဲ့ တိုင်းရင်းသား အဖွဲ့ ၁၁ ဖွဲ့ နဲ့ ငြိမ်းချမ်းရေး ရအောင် လုပ် နေပြီး ဇူလိုင် လမှာ တနိုင်ငံ လုံး အဆင့် ငြိမ်းချမ်းရေး ရ ဖို့ အစိုး ရက ကြိုးစား ဆောင်ရွက် နေပါတယ် ။ တို တောင်း တဲ့ ကာလ အတွင်း မှာ လက် နက် ကိုင် ၁၁ဖွဲ့ နဲ့ ညှိ နှိုင်းရတာ အစိုး ရ အတွက် အင်မ တန် ခက် ခဲ ပြီး စွန့် စားရ တဲ့ အလုပ် ဖြစ်တယ်လို့ မြန်မာ သမ္မတ ဦးသိန်းစိန်က ကမ္ဘာ့ စီးပွားရေး ဖိုရမ်မှာ ပြောခဲ့ပါတယ်။

၂နှစ်တာ စစ်မြေပြင် ဖြစ်ခဲ့ရတဲ့ ကျေးရွာ တွေမှာ ခုထိနှစ်ဘက် တပ်တွေတပ်စွဲ ထားကြဆဲ ဖြစ်ပြီး တိုက်ပွဲတွေ မဖြစ်တော့ ပေမယ့် အချိန်မရွေး ပြန်ဖြစ်နိုင်လို့ စစ်ဘေး ဒုက္ခသည် အများစု နေရပ် ပြန်ရေးကို စိုးရိမ် နေကြပါတယ်။
ဘီဘီစီ(မြန်မာပိုင်း)

ဥပဒေ အလှမ်းဝေး တောရိုင်း တိရစ္ဆာန် ခိုးထုတ်ရေး

ခေါင်မြစ်ကမ်းနှင့် မလှမ်းမကမ်း ဖုန်လုံးကြီးတွေ တလိမ့်လိမ့် ထနေသည့် လမ်းပေါ်တွင် ဝီဆိုင်းကောင်ဆာဗန်၏ ခြံကြီးတစ်ခြံ ရှိသည်။ မြင့်မားသည့် ဂိတ်ဝနှင့် သံတံခါးကို အခိုင်အမာ ပိတ်ထားပြီး ခြံပတ်လည်ကိုလည်း သံဆူးကြိုးများဖြင့် ကာရံထားသည်။ ခြံအတွင်း ရော်ဘာပင် အရိပ်များအောက်တွင် ယိုင်နဲ့နဲ့ သစ်သားအိမ်လေးတွေက တန်းစီပြီး ရှိနေသည်။

ဂိတ်ဝ တံခါးကို လာဖွင့်ပေးသူ လုံခြုံရေးက ခြံထဲတွင် ကျားများ၊ ဝက်ဝံများ၊ ဖွတ်များနှင့် ပင်ဂိုလင်းဟု ခေါ်သည့် ပုရွက်စားကောင်တွေ အများကြီး ရှိကြောင်း ပြောသည်။ ထို့နောက် သူ့သူဌေးဆီ ဖုန်းဆက်လိုက်ပြီး သတင်းထောက် လက်ထဲသို့ ဖုန်းထည့်ကာ ဝင်ခွင့် တောင်းရန် ပြောလိုက်သည်။

မစ္စတာဝီဆိုင်းသည် ထိုင်းနှင့် လာအိုလေသံ ရောစပ်ပြီး ယဉ်ကျေးသိမ်မွေ့စွာ ပြောသည်။သူ့ခြံထဲတွင် မည်သည့် တိရစ္ဆာန်မျှ မရှိကြောင်း၊ တောရိုင်း တိရစ္ဆာန်များကို ကုန်ကူးသည့် လုပ်ငန်းသူ မလုပ်ကြောင်း ငြင်းဆိုသည်။ “တစ်ကောင်မှ မရှိပါဘူး။ ခင်ဗျားကို ဘယ်သူက ပြောလို့လဲ”ဟု သူက ပြန်မေးသည်။

မစ္စတာဝီဆိုင်းသည် အန္တရာယ်သားကောင်များ ဟုခေါ်သည့် တိရစ္ဆာန်များကို ကုန်ကူးရာတွင် နိုင်ငံတကာ အစိုးရများကြား၌ နာမည်ဆိုးဖြင့် ကျော်ကြားသူတစ်ဦး ဖြစ်သည်။ သူက အာဖရိကတိုက် မှ ဆင်တွေကို သတ်ရာတွင်လည်း ပါသည်။ ကြံ့များကို တရားမဝင် ခိုးသတ်ခြင်းကိုလည်း ခေါင်းဆောင်သည်။ ထို့ပြင် အာရှတောများ အတွင်းရှိ တောရိုင်း တိရစ္ဆာန်များ ပြုန်းတီးရေးကလည်း သူနှင့် မကင်းဖြစ်နေသည်။
ငါးနိုင်ငံ အစိုးရများနှင့် တွေ့ဆုံ ဆွေးနွေးချက်များ အရလည်းကောင်း၊ ရာချီသည့် အစိုးရ အစီရင်ခံစာများနှင့် တရားရုံး သက်သေခံချက်များအရ လည်းကောင်း၊ တန်ပြန် မှောင်ခို ကုန်ကူးသည့် အဖွဲ့အစည်းများ၏ အစီရင်ခံချက်များအရ လည်းကောင်း လာအိုနိုင်ငံသား ဝီဆိုင်းသည် တောရိုင်း တိရစ္ဆာန် မှောင်ခိုကုန်ကူးသည့် လုပ်ငန်းကို လုပ်ဆောင်နေကြောင်း အထောက်အထားများ ရရှိထားပြီး ဖြစ်သည်။

တောင်အာဖရိက အာဏာပိုင်များက ကြံ့ချိုများ မှောင်ခို ကုန်ကူးမှုနှင့် ပတ်သက်ပြီး ဝီဆိုင်း၏ ကုမ္ပဏီ ဖြစ်သော Xaysavang Trading ကို တရား စွဲဆိုထားသည့် အမှုကလည်း ရှိနေသည်။ လူများကို မုဆိုးများ အဖြစ် ငှားရမ်းပြီး ကန့်သတ်ထားသည့် ကြံ့များကို ရမ်းကားစွာ လိုက်သတ် ခိုင်းခြင်းကြောင့် သဘာဝ ပတ်ဝန်းကျင် ရာဇဝတ်မှု သမိုင်းတွင် အကြီးကျယ်ဆုံးသော ကလိန်ကျမှု တစ်ခုကို ကျူးလွန်သူ အဖြစ်လည်း စွဲချက် အတင်ခံထားရသည်။ ကင်ညာနိုင်ငံတွင်လည်း ဆင်စွယ်များကို မှောင်ခို ကုန်ကူးခြင်းကြောင့် အစိုးရက အရေးယူထားသည့် အမှုကို ရင်ဆိုင်နေရဆဲ ဖြစ်သည်။

ဝီဆိုင်းက တောတွင်း တိရစ္ဆာန်ပေါင်း မြောက်မြားစွာကို ကုန်ကူးနေခြင်းမှာ “ငွေမည်းခဝါ ချသည့်လုပ်ငန်း”တစ်ခု ဖြစ်ကြောင်း စုံစမ်း စစ်ဆေးသူများက ပြောကြားသည်။

အခြားနိုင်ငံများက တိရစ္ဆာန်များကို လာအိုနိုင်ငံ အတွင်း သွင်းလာပြီး၊ ထိုမှတစ်ဆင့် နိုင်ငံရပ်ခြားသို့ လမ်းကြောင်း ပြောင်းကာ တင်ပိုခြင်းကို လှည့်ကွက်တစ်ခု အနေဖြင့် လုပ်ဆောင်နေကြောင်း လာအို အစိုးရအစီရင် ခံစာများတွင် ဖော်ပြထားသည်။ တရားမဝင် အလုပ်ကို တရားဝင်သကဲ့သို့ ရောင်းဝယ် ဖောက်ကားနေခြင်းလည်း ဖြစ်သည်။

ဝီဆိုင်း ကျူးလွန်ခဲ့သည့် ပြစ်မှုများသည် လာအို နိုင်ငံတွင် ဖြစ်ခဲ့ခြင်း မဟုတ်ဘဲ နိုင်ငံခြားတွင် ဖြစ်ပျက်ခဲ့ ခြင်းကြောင့် သူ့နိုင်ငံ အစိုးရကလည်း အရေးယူ ပေးရန် ငြင်းဆိုထားပြီး အကာအကွယ် ပေးထားသည်။ နိုင်ငံတကာ ကလည်း အကယ်၍သာ သူ့ လုပ်ရပ်များကို တားဆီးနိုင်လျှင် အာဖရိက ဆာဗားနား မြက်ခင်းနှင့် အာရှတော အတွင်းက ထွက်ကုန်များ ဖြစ်သော ဆင်စွယ်နှင့် တိုင်းရင်းဆေးများကို တစ်ဆင့် ပြန်ဝယ်နေကြသည့် ဗီယက်နမ်နှင့် တရုတ်တို့မှ ဖောက်သည်များ လုပ်ငန်းများ ရပ်ဆိုင်း သွားလိမ့်မည်ဟု ဆိုသည်။

ဝီဆိုင်းနောက်သို့ ရှစ်နှစ်ကြာ ခြေရာခံလိုက်နေသည့် တောရိုင်း တိရစ္ဆာန် တန်ပြန်ထောက်လှမ်း ရေးအဖွဲ့ Freeland ၏ စီမံအုပ်ချုပ်ရေး ဒါရိုက်တာ စတီဗင်ဂဲလ်စတားက “သူဟာ အာရှမှာ တောရိုင်း တိရစ္ဆာန် မှောင်ခို ကုန်ကူးသူ အကြီးစားတစ်ယောက်ပါ။ ရက်စက် ကြမ်းကြုတ်တဲ့ ဒီအလုပ်ကို အလွယ်ရတဲ့ တိရစ္ဆာန်တွေနဲ့ ရင်းပြီး အကျိုးအမြတ် များအောင် လုပ်နေတာ။ ဒီလို တောရိုင်း တိရစ္ဆာန်တွေဟာ တန်ဖိုး ရှိလာပြီဆိုတာ လူတွေ သတိပြုမိဖို့ လိုလာပြီ” ဟုဆိုသည်။

တရုတ်နှင့် ဗီယက်နမ်တို့တွင် ကျန်းမာရေးအတွက် တောရိုင်း တိရစ္ဆာန်များကို အသုံးပြုခြင်း ဓလေ့က ခေတ်စားလာသည်။ ဥပမာ- ပုရွက်စားကောင်လို အကောင်များ၏ အကြေးခွံများကို ဆေးဖက်ဝင်သည် ဟု ယူဆကြသည်။ အထူးသဖြင့် ထိုအကြေးခွံများကို သွေးပြီး သောက်လျှင် မိခင်များ နို့ထွက ကောင်းသည်ဟု ယူဆကြသည်။

ဝီဆိုင်းသည် အသက် ၅၀ ကျော်ခန့် ရှိပြီ။ သူက လာအိုနိုင်ငံ အခြေစိုက်ထားပြီး မြွေများ၊ ဖွတ်များကို စုဆောင်းပြီးမှ ဗီယက်နမ်နှင့် တရုတ်နိုင်ငံများ အတွင်းသို့ နယ်စပ်ကို ဖြတ်ကျော်ပြီး တင်ပို့နေခြင်း ဖြစ်သည်။ ထိုနယ်စပ် တစ်ဝိုက်တွင် အကျင့်ပျက် ခြစားမှုများ ရှိနေသောကြောင့် သူ့အတွက် လုပ်ငန်းလွယ်ကူသည်။

သူနေထိုင်သည့် နေရာနှင့် တိရစ္ဆာန်များကို မွေးမြူ သိုလှောင်ထားသည့် နေရာများကို ထောက်လှမ်းရန် ခက်ခဲလှသည်။ ထို့ကြောင့် ထိုင်း စုံထောက်များ နှစ်ပေါင်းများစွာ ထောက်လှမ်းသော်လည်း မတွေ့ခဲ့ကြပေ။ ၂၀၁၁ ခုနှစ်တွင် ဝီဆိုင်း စစ်ဆင်ရေးကို စတင်ခဲ့ရာ သူ့လက်ထောက် တစ်ယောက် ဖြစ်သည့် ချမ္မလုံ လမ်တုံထိုင်းကို ဖမ်းနိုင်ခဲ့သည်။ သူ့ကို တောင်အာဖရိက တိုက်အတွင်း ကြံ့ချို စစ်ဆင်ရေးတွင် ဖမ်းဆီးရမိလိုက်ခြင်း ဖြစ်သည်။
ချမ္မလုံသည် မုဆိုးတစ်ယောက်အသွင် ဟန်ဆောင်ပြီး အာဖရိကတိုက်သို့ ရောက်လာခဲ့သည်။ သူနှင့်အတူ လှပသည့် ထိုင်း ပြည့်တန်ဆာ တစ်ယောက်ကိုလည်း အဖော်အဖြစ် ခေါ်လာသည်။ တောင်အာဖရိက တိုက်မှ အာဏာပိုင်များက ထိုမိန်းကလေးကို မုဆိုး တစ်ယောက်ဆိုခြင်းကို မယုံကြည်ခဲ့ကြပေ။

ဝီဆိုင်းက တောင်အာဖရိကတိုက်တွင် သူနှင့် ချမ္မလုံတို့ ပူးတွဲ လုပ်ဆောင်ခဲ့ကြောင်း သက်သေပြစရာ တစ်ခုမျှမရှိဟု ဆိုသည်။ သို့သော် ထိုင်း စုံထောက်များသည် ချမ္မလုံ၏ ကွန်ပျူတာအတွင်း ဝီဆိုင်းနှင့် ချမ္မလုံတို့ တွဲရိုက်ထားသည့် ဓာတ်ပုံများကို တွေ့ရှိခဲ့ကြသည်။ ထိုသက်သေခံ ဓာတ်ပုံကပင် သူတို့နှစ်ယောက် ထိုင်းနိုင်ငံ ဘန်ကောက်ရှိ ကုမ္ပဏီတစ်ခုတွင် ပူးတွဲလုပ်နေခြင်း ဖြစ်ကြောင်း ပြဆိုခဲ့သည်။

လေဆိပ် ကုန်တင်ဖြတ်ပိုင်းများ အရလည်း အာဖရိကတိုက်မှ ကြံ့ချိုများကို လာအိုနိုင်ငံရှိ ဝီဆိုင်း အိမ် လိပ်စာအတိုင်း ပို့ပေးထားကြောင်း တွေ့ရသည်။ သက်သေများက သူ့ကို မဖြိုလျှင် မရနိုင်သည့် အနေ အထားဖြစ်လာသည်။

ချမ္မလုံကို တစ်နှစ်ခွဲခန့် စစ်ဆေးပြီးနောက် တောင်အာဖရိကတိုက်က ထောင်ဒဏ် အနှစ်လေးဆယ် ချမှတ်လိုက်သည်။ ဝီဆိုင်းကား လွတ်မြောက်နေဆဲ ဖြစ်သည်။

တောင်အာဖရိကတွင် ပန်တီပက် ချမ်ချောင်း ဆိုသူကို စုံထောက်များက ဖမ်းမိကြ ပြန်သည်။ သူက ဝီဆိုင်းသည် လာအိုနိုင်ငံအတွင်း၌ပင် ရှိနေပြီး သူ့ကို ဖမ်းဆီးရန် မပြောနှင့် တို့ထိမရသည့် စာရင်းတွင် ပါနေကြောင်း ဖြောင့်ချက်ပေးခဲ့သည်။

“သူ့ကို လာအိုမှာ ဘယ်သူမှ မဖမ်းနိုင်အောင် အကာအကွယ် ပေးထားတယ်” ဟုသူက ထိုင်းအာဏာ ပိုင်များကို ပြောကြားခဲ့သည်။
နိုင်ငံတကာ ကုန်သွယ်ခြင်းကို တားမြစ် ပိတ်ပင်ထားသည့် တောရိုင်း တိရစ္ဆာန် မှောင်ခို ရောင်းဝယ်ခြင်း လုပ်ငန်းကြီးတစ်ခုသည် ရှိနေဆဲ ဖြစ်သည်။ ကုလသမဂ္ဂက ရောင်းဝယ် ခွင့်ပြုထားသည့် တိရစ္ဆာန်များ စာရင်းတွင်လည်း အိမ်မွေး တိရစ္ဆာန်များသာ ပါဝင်သည်။ နိုင်ငံတကာ တောရိုင်း တိရစ္ဆာန်များ ကုန်သွယ်ကူးသန်းမှု တားမြစ် ပိတ်ပင်သည့်စာချုပ်ကို လာအိုနိုင်ငံသည် ၂၀၀၄ ခုနှစ်ကမှ လက်မှတ်ရေးထိုးခဲ့ခြင်း ဖြစ်သည်။

၂၀၀၉ ခုနှစ် တွေ့ရှိချက် စာရင်းများအရပင် ဝီဆိုင်း ကုန်သွယ်ထားသည့် သားကောင်တွေက များလှ သည်။ သူ့ ကုမ္ပဏီ Xaysavang Trading အနေဖြင့် မြွေ အကောင် ၇၀,၀၀၀၊ လိပ်ကောင်ရေ ၂၀,၀၀၀ နှင့် ဖွတ်အကောင်ကြီးများ ၂၀,၀၀၀ ကောင်တို့ကို ဗီယက်နမ် ကုမ္ပဏီတစ်ခုနှင့် ဆက်သွယ်ပြီး ပို့ဆောင်ခဲ့ရာ စုစုပေါင်း ဒေါ်လာ ၈၆,၀၀၀ ခန့် ရှိကြောင်း တွေ့ရသည်။

ဝီဆိုင်းသည် တောရိုင်း တိရစ္ဆာန် များကို ထိုသို့ ရောင်းချပြီး ငွေဖြူ ဖြစ်အောင် လုပ်နေကြောင်းလည်း အထောက်အထားများအရ သိရှိရသည်။ သူတရားဝင် မွေးပြထားသည့် ခေါင်းဝါ လိပ်မျိုး စိတ် ကောင်ရေမှာ ၂၀,၀၀၀ ဖြစ်သည်။ သူ့ကို ဗီယက်နမ်ကလည်း အရေးယူ နိုင်ရေးအတွက် ဆယ်နှစ်ခန့် ခြေရာခံလိုက်ခဲ့ရသည်။

ယခုနှစ် အတွင်းမှာလည်း ဝီဆိုင်း၏ ခြံကြီးများဆီ သို့ လိပ်များ၊ ကျားများ၊ ကျားရိုးများ၊ ပုရွက်ဆိတ် စားကောင်များ၊ မြွေများကို ကားကြီးကားငယ်များဖြင့် မရပ်မနား မဲခေါင်မြစ်ကမ်း တစ်လျှောက် တင်ပို့နေဆဲ ဖြစ်သည်။

ကင်ညာနိုင်ငံအတွင်း ဖမ်းမိသည့် ၂၈၀ ကီလိုဂရမ် ရှိသော ဆင်စွယ်ကြီးသည် ပေါင် ၆၀၀ မက တန်ဖိုးရှိသည်။ ထိုဆင်စွယ်ကို ဝီဆိုင်း ကုမ္ပဏီထံ ပို့ရန် လိပ်မူထားသည်။
လာအို အစိုးရကလည်း တိရစ္ဆာန်များ တရားမဝင် မှောင်ခိုကူးခြင်းသည် သူတို့နိုင်ငံအတွင်း ရှိနေကြောင်း ဝန်ခံသော်လည်း ဝီဆိုင်းကို အရေးယူ ရန်မှာမူ ဘာသက် သေအထောက်ထားမျှ မရှိကြောင်း ငြင်းဆိုထားသည်။

လာအို သစ်တောဌာန ထိပ်တန်း အရာရှိတစ်ဦး ဖြစ်သူ ဘောင်ရှန်းက တောထဲတွင်လည်း ဘာတစ်ခုမျှ သက်သေပြစရာ ရှာမတွေ့ဟု ဆိုထားသည်။

သတင်းမီဒီယာက ဘောင်ရှန်းကို သက်သေတွေ၊ အထောက်အထားတွေ အများကြီး ရှိကြောင်းပြောသောအခါ ဘောင်ရှန်းက “ခက်တာပဲ။ လွှမ်းမိုးမှုတွေ ရှိနေတယ်။ မှောင်ခို ကုန်ကူးနေတဲ့ အဖွဲ့တွေက သြဇာကြီးတဲ့ သူတွေနဲ့ အဆက်အသွယ် ရှိနေကြတယ်။ အဲဒါက တကယ့် ပြဿနာကြီးတစ်ခုပဲ” ဟုညည်းသွားသည်။

၂၀၁၃ ခုနှစ် မတ်လ ၃ ရက် နေ့စွဲဖြင့် http://www.nytimes.com/Website တွင်တင်ထားသော Thomas Fuller ရေးသားသည့် In Trafficking of Wildlife, Out of Reach of the Law ဆောင်းပါးကို မြန်မာမူပြုပါသည်။
အယ်ဒီတာတစ်ဦး
The Voice Weekly

ပြင်ဦးလွင် လယ်အသိမ်းခံ တောင်သူများ တရားစွဲခံရမှု ယခင်ထက် တိုးဟုဆို

မန္တလေး၊ ဇွန် ၉
မန္တလေးတိုင်းဒေသကြီး ပြင်ဦးလွင်မြို့နယ်တွင် အကြောင်း အမျိုးမျိုးဖြင့် လယ်ယာမြေများ အသိမ်းခံ ထားရသည့် တောင်သူများသည် စီမံကိန်း မလုပ်သည့် မိမိ လယ်ယာမြေများတွင် ပြန်လည် လယ်ယာ လုပ်ကိုင် ကြသည့်အခါ လက်ရှိ မြေပိုင်ရှင်များ၏ တရားစွဲဆို ခံရခြင်း ပိုများလာကြောင်း ယင်းမြို့နယ်ရှိ တောင်သူများ ကွန်ရက်ထံမှ သိရသည်။

ပြင်ဦးလွင်မြို့နယ် တရားရုံးတွင် လက်နက်ကိုင်ဆောင်မှု၊ ကျူးကျော်မှုနှင့် မီးရှို့မှုတို့ဖြင့် တရားစွဲဆို ခံထားရသူ တောင်သူပေါင်း လေးဆယ်နီးပါး ရှိနေကြောင်း အဆိုပါ ကွန်ရက်မှ ပြန်ကြားရေး တာဝန်ခံ ဦးသက်ပိုင်က
ပြောကြားသည်။

“အရင်တစ်ပတ်ကပဲ တောင်သူ တစ်ယောက် မီးရှို့မှုနဲ့ ထောင်ဒဏ်
ခြောက်လ ကျသွားတယ်။ အရင်လကလည်း တောင်သူ တစ်ယောက် ကျူးကျော်မှုနဲ့ ထောင်နှစ်လ ကျသွားတာ”ဟု ၎င်းကဆိုသည်။

တောင်သူအများစုက ယခင် လုပ်ကိုင်နေသည့် လယ်ယာမြေ ပေါ်တွင်
ပြန်လည် စိုက်ပျိုးရန် မြေရှင်းလင်းခြင်း ဆောင်ရွက်ရာတွင် ယင်းသို့ တရားစွဲဆို ခံရခြင်း ဖြစ်ကြောင်း ၎င်းက ရှင်းပြသည်။

ပြင်ဦးလွင်မြို့နယ်တွင် တောင်သူများ လုပ်ကိုင်နေသည် ဆိုသည့် လယ်ယာမြေ ဧကပေါင်း တစ်သောင်းကျော်ကို ကော်ဖီနှင့် ရော်ဘာများ စိုက်ပျိုးရန် သိမ်းယူခဲ့ခြင်း ဖြစ်ပြီး ယခုနှစ်ထဲတွင် ပြန်လည် ရရှိသည့် ဧကပေါင်း လေးထောင်ကျော် ရှိကြောင်း ပြင်ဦးလွင်မြို့နယ် တောင်သူများ ကွန်ရက်ထံမှ သိရသည်။

“များသော အားဖြင့်က တပ်ကသိမ်းထားတာ ပြန်ရတာရယ်၊ တောင်သူက ကိုယ့်ဘာသာကိုယ် ပြန်စိုက်လို့ ရတာရယ်တွေပါ”ဟု အဆိုပါ ကွန်ရက်မှ ဦးသက်ပိုင်က ပြောကြားသည်။

အသိမ်းခံရသည့် လယ်မြေများတွင် စီမံကိန်း အကောင်အထည် မဖော်သည့် လယ်ယာမြေများ မူလပိုင်ရှင် ပြန်လည် ရရှိရေး အတွက် ထွန်တုံး တိုက်ပွဲများ ပြုလုပ်ခြင်း၊ လယ်ယာမြေနှင့် ပတ်သက်သည့် အမှုများတွင် တရားဥပဒေ စိုးမိုးရေး ဆောင်ရွက်ခြင်း စသည်တို့ ဆောင်ရွက်ရန် အစီအစဉ် ရှိကြောင်း ပြင်ဦးလွင်မြို့နယ် တောင်သူများ ကွန်ရက်မှ ထပ်မံသိရသည်။

“စီမံကိန်း အတွက် အကောင်အထည် မဖော်ရင် တောင်သူတွေ ပြန် လုပ်နိုင်တဲ့ အနေအထား လယ်ယာမြေနဲ့ ပတ်သက်တဲ့ ဥပဒေတွေမှာ တွေ့ရတယ်။ တရားရုံးမှာကျတော့ လယ်ယာမြေ အမည်ပေါက်က ပိုင်ရှင် ဖြစ်ပြီး ဝင်လုပ်သူက ကျူးကျော် ဖြစ်သွားတဲ့ သဘောပါပဲ” ဟု လယ်ယာမြေ အမှုအခင်းများကို အခမဲ့ ကူညီ ဆောင်ရွက်ပေးနေသည့် မန္တလေး တရားလွှတ်တော် ရှေ့နေ ဦးမြင့်သွင်က ဆိုသည်။

မန္တလေး၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့တွင် လယ်ယာမြေနှင့် ပတ်သက်၍ တောင်သူများ တရားစွဲဆို ခံရမှု ပိုများလာကြောင်းလည်း ၎င်းကပြော ကြားသည်။

လယ်ယာမြေနှင့် အခြားမြေများ သိမ်းဆည်း ခံရမှု စုံစမ်းရေး
ကော်မရှင်အဖွဲ့ခွဲ (၄) အဖွဲ့ခေါင်းဆောင် ဦးသိန်းထွန်းဦးက “လယ်သိမ်းခံ
တောင်သူတွေနဲ့ ပတ်သက်လို့ တပ်မြေတွေဆိုရင် ပြန်ရတဲ့သူ ရပါပြီ။ ဒါပေမဲ့ တချို့တောင်သူတွေ မရသေးတာ ရှိသေးတယ်။ အဲဒါတွေ ဘာကြောင့် မရသေးတာလဲ၊ မြေပြင်မှာ ကွင်းဆင်းပြီး စစ်ဆေးသွားမှာပါ”ဟုဆိုသည်။

မြို့နယ်တရားရုံးက ချမှတ်လိုက်သည့် ပြစ်ဒဏ်များနှင့် ပတ်သက်၍ အထက် တရားရုံးသို့ အယူခံ တက်ရာတွင် ကွင်းလုံးကျွတ် လွတ်သည့် အမှုမရှိဘဲ
ပြစ်ဒဏ် လျော့ပေါ့စေခြင်းသာ ရှိကြောင်း လယ်ယာမြေ အမှုများနှင့် ပတ်သက်၍ ဦးမြင့်သွင်က သုံးသပ်ပြောကြားသည်။
The Voice Weekly

လူငယ်များ အလုပ်အကိုင်ရရှိရန် အမြန်ဆုံးနည်းလမ်းမှာ အသက်မွေးဝမ်းကျောင်းပညာဖြစ်ဟု ဒေါ်အောင်ဆန်းစုကြည်ပြော

ဓာတ်ပုံ- NLD

ရန်ကုန်၊ ဇွန်-၈
အသက်မွေးဝမ်းကျောင်း ပညာရေးသည် လူငယ်များအလုပ်အကိုင်ရရှိရေးအတွက် အရည်အသွေးပြည့်ဝစေမည့် အမြန်ဆုံးနည်းလမ်းဖြစ်ကြောင်း အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ကမ္ဘာ့စီးပွားရေးဖို ရမ်တွင် ဆွေးနွေးပြောဆိုသည်။

မြန်မာနိုင်ငံသည် နိုင်ငံတကာ စီးပွားရေးလုပ်ငန်းများအတွက် တံခါးဖွင့်လှစ်လိုက်ပြီဖြစ်သော်လည်း လူအများကို အရည်အသွေးမြှင့်တင်ရန်နှင့် သင်တန်းများ ပံ့ပိုးသွားရန် ပြည်တွင်းနှင့် ပြည်ပအကူအညီများ လိုအပ်နေကြောင်း အဆိုပါဖိုရမ်သို့ တက်ရောက်သူများက ဆွေးနွေးခဲ့ကြသည်။

“ကျွန်မတို့က အလွန်ဆိုးရွားတဲ့ ပညာရေးစနစ်ဒဏ်ကို နှစ်ပေါင်းများစွာ ခံစားခဲ့ရတယ်။ အသက်လေးဆယ်အရွယ် လူအများအပြားဟာ တန်ဖိုးရှိတဲ့ အလုပ်အကိုင်အတွက် အသင့်ဖြစ်မနေပါဘူး။ သူတို့အတွက် ကျောင်းပညာရေးကို ပြန်သွားဖို့လည်း မလွယ်ကူပါဘူး”ဟု အသက် မွေးဝမ်းကျောင်းသင်တန်းများ လိုအပ်နေမှုနှင့်ပတ်သက်၍ ဒေါ်အောင်ဆန်းစုကြည်က ပြောသည်။

ဖိလစ်ပိုင်နိုင်ငံမှ အာယာလာကော်ပရေးရှင်းဥက္ကဋ္ဌနှင့် အမှုဆောင်အရာရှိချုပ်က ၎င်းတို့နိုင်ငံတွင်လည်း မြန်မာနိုင်ငံကဲ့သို့ အခြေ အနေနှင့် ကြုံတွေ့ခဲ့ရပြီး လူငယ်များ အနေဖြင့် အထပ်ထပ်ရွတ်ဆိုကျက် မှတ်သော လေ့လာသင်ယူမှုမျိုး မဟုတ်ဘဲ အတွေးအခေါ်၊ တီထွင်ဖန်တီးမှုစွမ်းရည်နှင့် ကျွမ်းကျင်မှုများကို ဖြည့်ဆည်းပေးထားရမည်ဟု ဆွေးနွေးခဲ့သည်။

“အကယ်ဒမစ်ပညာရေး ပုံစံအသစ်ဖြစ်ပေါ်လာအောင် စီးပွား ရေးက ကူညီနိုင်ပါတယ်”ဟု ၎င်းက ဆိုသည်။ မြန်မာနိုင်ငံတွင် လူ့စွမ်းအားအရင်းအမြစ် မြှင့်တင်မှုအစီအစဉ်အတွက် ဂျပန်နိုင်ငံကကူညီသွားရန် ကြေညာထားပြီး အခြားနိုင်ငံများကလည်း ပညာရေးနှင့်အရည်အသွေးမြှင့်တင်ခြင်းတို့အတွက် ကူညီထောက်ပံ့မှုများ တိုးမြှင့်ပေးအပ်လျက်ရှိသည်။

“အသက် မွေးဝမ်းကျောင်း ပညာတင်မဟုတ်ဘူး။ ၀န်ဆောင်မှုပညာတွေ၊ နည်းပညာကျွမ်းကျင်မှုတွေလည်း လိုအပ်နေပါတယ်။ နိုင်ငံစီးပွားရေးတည်ဆောက်မှုမှာ လိုအပ်တဲ့ အသက်မွေးဝမ်းကျောင်း ပညာတွေကို တိတိကျကျ ဖော်ထုတ်ပြီး သင်တန်းတွေပေးသင့်ပါတယ်။ စင်ကာပူနိုင်ငံမှာဆို အသက်မွေးဝမ်းကျောင်း သွားမယ်သူတွေအတွက် သီးသန့်ရွေးထုတ်လိုက်သလို အကယ်ဒမစ်အတွက်လည်း လမ်းကြောင်းသပ်သပ်ရှိနေပါတယ်” ဟု နိုင်ငံတကာ ပညာရေးကျွမ်းကျင်သူ တစ်ဦးကသုံးသပ်သည်။

ပညာရေးဝန်ကြီးဌာနကလည်း အသက်မွေးဝမ်းကျောင်းဆိုင်ရာ သင်တန်းများတိုးချဲ့ဖွင့်လှစ်သွားရန်နှင့် တက္ကသိုလ်များတွင် လူ့ စွမ်းအားအရင်းအမြစ် ဖွံ့ဖြိုးမှုသင်တန်းများတိုးမြှင့်ဖွင့်လှစ်သွားရန် စီစဉ်နေသည်။
7Day News Journal

မန်ယူ ကစားသမားဟောင်းများပါဝင်သော ရန်ပုံငွေဘောလုံးပွဲ

မန်ယူကစားသမားဟောင်းများပါဝင်သော ရန်ပုံငွေဘောလုံးပွဲမြင်ကွင်းများ
ရန်ကုန်၊ ဇွန် ၉။
မြန်မာ့ခေတ်
ဓါတ်ပုံ- သီဟ

အလုပ်သမား၁၅၀၀ကျော်ပါဝင်သည့် လှိုင်သာယာဆန္ဒပြပွဲ (ရုပ်/သံ)

ရန်ကုန်၊ ဇွန် ၉။
လှိုင်သာယာစက်မှုဇုံမှ အလုပ်သမားများသည် ၎င်းတို့ဆုံးရှုးံနစ်နာနေသည့် အလုပ်သမား အခွင့်အရေးများကို တောင်းဆိုရန် စီတန်းလှည့်လည်ဆန္ဒဖော်ထုတ်မှုကို ဇွန်လ ၉ရက်နေ့ နံနက်တွင် ပြုလုပ်ခဲ့ကြသည်။
၎င်းတို့သည် လှိုင်သာယာ အောက်ထိပ်မှတ်တိုင်မှ အောင်မြင်သာဘုရားအနီးရှိ မြို့နယ်အားကစားကွင်းသို့ ချီတက်ဆန္ဒဖော်ထုတ်ခဲ့ကြကြောင်း သိရသည်။
သားပေါက်
မြန်မာ့ခေတ်

ကိုးရီးယားနှစ်နိုင်ငံ အဆင့်မြင့်ဆွေးနွေးပွဲကျင်းပရန် သဘောတူညီ

ဆိုးလ်၊ ဇွန် ၁၀။
တောင်-မြောက်ကိုးရီးယားနှစ်နိုင်ငံသည် နျူကလီးယားခြိမ်းခြောက်မှုများနှင့် တင်းမာမှုများ
လပေါင်းများစွာဖြစ်ပွားအပြီး ယုံကြည်မှု ပြန်လည် တည်ဆောက်ရေးအတွက် မရပ်မနားဆွေးနွေးပွဲ
ပြုလုပ်ပြီးနောက် အဆင့်မြင့်အရာရှိအဆင့် ဆွေးနွေးပွဲ ဆိုးလ်မြို့တွင် ကျင်းပရန် တနင်္လာနေ့က
သဘောတူမှုရရှိသည်။

တနင်္ဂနွေနေ့က ပြုလုပ်သော ဆွေးနွေးပွဲသည် ၁၉၅၀-၅၃ခုနှစ် ကိုးရီးယားစစ်ပွဲ အဆုံးသတ်လက်မှတ်
ရေးထိုးခဲ့သည့် နယ်စပ်အနီး ရွာပန်မွန် ဂျုံတွင် ကျင်းပခြင်းဖြစ်ပြီး နှစ်နှစ်ကျော်ကာလအတွင်း
နှစ်ဦးနှစ်ဖက်ပထမဆုံးတွေ့ဆုံခြင်းဖြစ်သည်။

အပစ်အခတ်ရပ်စဲရေး သဘောတူညီချက်လက်မှတ်ရေးထိုးပြီး နှစ်ပေါင်းခြောက်ဆယ်ကြာ ယုံကြည်မှုကင်းမဲ့သည့် လက္ခဏာတစ်ခုအဖြစ် ပို၍ အရေးကြီးသည့် ဆွေးနွေးပွဲအတွက် အခြေခံအချက်များကို သဘောတူညီမှုရရှိရန် ၎င်းတို့သည် တနင်္လာနေ့နံနက်ပိုင်းအထိ ကြိုးစားခဲ့ရသည်။

နှစ်နိုင်ငံမှ ဆွေးနွေးသူများသည် လာမည့် ဗုဒ္ဓဟူးနေ့တွင် တောင်ကိုးရီးယား မြို့တော်၌ကျင်းပမည့်
နှစ်ရက်တာ ဆွေးနွေးပွဲကျင်းပရေးကို သဘောတူပြီး အဆုံးသတ်ခဲ့သော်လည်း မည်သူတက်ရောက်မည်နှင့် မည်သည်တို့ကိုဆွေးနွေးမည်မှာ ရှုတ်ထွေးမှုများ ရှိနေဆဲဖြစ်သည်။

“တက်ရောက်မည့်ကိုယ်စားလှယ်နဲ့ ဆွေးနွေးမယ့်အချက်တွေအပေါ် ကွဲပြားမှုတွေ နည်းသွားခဲ့ပြီးနောက်တော့ နှစ်နိုင်ငံလုံးက ဆွေးနွေးပွဲ ရလာဒ်ကို သီးခြားကြေညာခဲ့တယ်” ဟု
တောင်ကိုးရီးယားပေါင်းစည်းရေးဝန်ကြီးဌာနက ဆိုသည်။

ဆိုးလ်မြို့တွင်ဆွေးနွေးရန်သဘောတူထားသည့် ခေါင်းစဉ်များတွင် ကေဆောင်စက်မှုဇုန်အရေး၊
တောင်ကိုးရီးယား အရပ်သားခရီးသွားများ မြောက်ကိုးရီးယား ကန်ဂန်တောင် အပန်းဖြေစခန်းသို့
သွားရောက်လည်ပတ်နိုင်ရေးနှင့် ကိုးရီးယာုးစစ်ပွဲအတွင်းကွဲကွာခဲ့ရသည့် မိသားစုများ
ပြန်လည်ပေါင်းစည်းရေးတို့ ပါဝင်မည်ဖြစ်ကြောင်း သီးခြားထုတ်ပြန်ချက်များအရ သိရသည်။

နောက်ဆုံးအထိ် တောင်-မြောက်ကိုးရီးယားနှစ်နိုင်ငံလုံး၏ ထုတ်ပြန်ချက်များတွင် အစိုးရအဆင့်တာဝန်များနှင့် အာဏာပိုင်များဟု ဝေဝါးစွာ တင်ပြခဲ့ပြီး မည်သူတက်ရောက်မည်မှာ မသေချာသေးပေ။

“ကိုးရီးယားနှစ်နိုင်ငံကြားဆွေးနွေးပွဲတွေဟာဒီလိုပဲအမြဲတမ်းပါ၊ အတက်အကျတွေ အဝင်အထွက်တွေနဲ့ နည်းနည်းမမြင်သာဘူး” ဟု ဆိုးလ်မြို့ မြောက်ကိုးရီးယား လေ့လာရေးတက္ကသိုလ် ပါမောက္ခ ယန်မူဂျင်က ပြောကြားသည်။

“ဆိုးလ်မှာလုပ်မယ့် ဆွေးနွေးပွဲဟာ ဆက်သွားနေမှာပါ။ ဒါပေမယ့် အရင်တုန်းကတော့
မြောက်ကိုးရီးယားတွေဟာ ဆွေးနွေးပွဲမကျင်းပမီ အချိန်လေးအတွင်းမှာပဲ ရွှေ့ဆိုင်းတာတို့
ဖျက်လိုက်တာတို့ လုပ်ခဲ့ဖူးတယ်” ဟု ၎င်းက ဆိုသည်။
Ref:AFP
မြန်မာ့ခေတ်

အကြမ်းဖက်မှုများကြောင့် မလေးရှားရောက် မြန်မာလုပ်သား အချို့ ပြည်တော်ပြန်မည်

ရန်ကုန်၊ ဇွန် ၉
မလေးရှားနိုင်ငံတွင် မြန်မာနိုင်ငံသားများ အကြမ်းဖက် ခံရမှု ဆက်တိုက် ဖြစ်ပွားနေ၍ မြန်မာ အလုပ်သမားအချို့ နေရပ် ပြန်ရန် စီစဉ် နေကြကြောင်း မလေးရှားနိုင်ငံရောက် မြန်မာ အလုပ်သမားများထံမှ သိရှိရသည်။

အကြမ်းဖက်မှုများ စတင် ဖြစ်ပွားခဲ့သည့် ဆာလာယန်းနှင့် နီးစပ်သောဒေသများတွင် ပြန်လာလိုသူ ပိုမို များပြားကြောင်း ၎င်းတို့က ပြောကြားသည်။

“မလုံခြုံတဲ့အတွက် အလုပ်မှာရှိတဲ့ မိန်းကလေး သုံးပုံနှစ်ပုံလောက်က
ပြန်ချင် နေကြတယ်” ဟု ဆာလာယန်းတွင် အလုပ် လုပ်ကိုင်နေသူ ဦးကျော်မင်းကျော်က ဆိုသည်။

ယခုရက်ပိုင်း အတွင်း မြန်မာနိုင်ငံသို့ ပြန်လာရန် စီစဉ်နေသည့် အမျိုးသမီး ခုနစ်ဦး ရှိပြီး ဇွန်လကုန်တွင် ပြန်ရန် စီစဉ်နေသူများလည်း ရှိကြောင်း ကွာလာလမ်ပူနှင့် ရှစ်မိုင်ခန့် ဝေးသည့် Gombak batu lapan မြို့တွင် အလုပ် လုပ်နေသော ဦးသိန်းထွန်းက ပြောကြားသည်။
“မိဘတွေမှာလို့ ပြန်ကြမှာ” ဟု ၎င်းက ထပ်မံပြောကြားသည်။

အကြမ်းဖက်မှုများ ဖြစ်ပွားပြီးနောက် မြန်မာနိုင်ငံသို့ ပြန်လာ လိုကြသော်လည်း အလုပ်စာချုပ် သက်တမ်း မပြည့်သဖြင့် ပြန်ရန် ခက်ခဲကြောင်း ကွာလာလမ်ပူတွင် အလုပ် လုပ်ကိုင်နေသည့် မြန်မာ အလုပ်သမားများထံမှ သိရှိရသည်။

အကြမ်းဖက်မှု ဆက်တိုက် ဖြစ်ပွားနေခြင်းနှင့် မလေးရှား ရဲတပ်ဖွဲ့က ဖမ်းဆီး နေခြင်းများကြောင့် မြန်မာအလုပ်သမားများ နေအိမ်အပြင် မထွက်ရဲ ကြကြောင်း မလေးရှားရောက် မြန်မာများထံမှ သိရှိရသည်။

မလေးရှားနိုင်ငံတွင် မေလ ၃၀ရက် နေ့က စတင်သည့် အကြမ်းဖက် တိုက်ခိုက်မှုများ ဆက်တိုက် ဖြစ်ပွားခဲ့ရာ အနည်းဆုံး မြန်မာနိုင်ငံသား ငါးဦး သေဆုံးခဲ့ကြောင်း ကပုန်း နာရေးကူညီမှု အသင်းထံမှ သိရှိရသည်။
The Voice Weekly

မန္တလေးတွင် အငြိမ့်လေးဖွဲ့သာကျန်

မန္တလေး၊ ဇွန် ၉
အငြိမ့်၊ ဇာတ်သဘင်အဖွဲ့များ ထွန်းကားရာ မန္တလေးမြို့တော်တွင် ၈၈ အရေးအခင်း မတိုင်မီအထိ အငြိမ့် အဖွဲ့ပေါင်း ၄၀ ကျော်ခန့် ရှိခဲ့ရာမှ အရေးအခင်းပြီး နောက်ပိုင်းတွင် အငြိမ့်အဖွဲ့များ တဖြည်းဖြည်း လျော့နည်း လာခဲ့ပြီး ယခုလက်ရှိတွင် လေးဖွဲ့သာ ကျန်ရှိတော့ကြောင်း မြန်မာနိုင်ငံ သဘင် အစည်းအရုံးထံမှ စုံစမ်းသိရှိရသည်။

လက်ရှိတွင် မန္တလေးတိုင်းဒေသကြီး အတွင်းရှိ မြို့နယ် ခုနစ်မြို့နယ်တွင် ဇာတ်၊ ဆိုင်း အပါအဝင် သဘင် အဖွဲ့အစည်းပေါင်း ၉၀ ကျော် ရှိနေရာ အငြိမ့်အဖွဲ့မှာ လေးဖွဲ့သာ ရှိကြောင်း အဆိုပါ အဖွဲ့ထံမှ သိရသည်။

“၂၀၀၉ ခုနှစ်က မန္တလေးနှစ် ၁၅၀ ပြည့်ပွဲ လုပ်တုန်းကတောင် အငြိမ့်အဖွဲ့ ခြောက်ဖွဲ့၊ ခုနစ်ဖွဲ့လောက် ရှိသေးတယ်။ အခုက လေးဖွဲ့ပဲ ကျန်တော့တယ်။ ဘဘတို့ အရင်က အငြိမ့်ထောင်ခဲ့တာ၊ ခုကျတော့ အငြိမ့် အငှားနည်းလို့ ဇာတ်ကို ကူးလိုက်တာ” ဟု နန်းမြို့တော် ဇာတ်သဘင်အဖွဲ့ တည်ထောင်သူ ဦးမြမောင်က ဆိုသည်။

အငြိမ့် ပွဲများအတွက် ပွဲမိန့် တောင်းခံရာတွင် တစ်ဦးတည်း တာဝန်ခံ ရခြင်းကြောင့် နောက်ပိုင်းတွင် တာဝန်ခံလိုသူ နည်းပါးလာသည့် အတွက် ယင်းကဲ့သို့ အငြိမ့် အဖွဲ့များ နည်းပါးလာရခြင်း ဖြစ်ကြောင်း ၎င်းက ပြောကြားသည်။

“အငြိမ့် သိပ်ကြိုက်ခဲ့တဲ့ မန္တလေးမြို့က ဘာလို့ အငြိမ့် နည်းသွားတာလဲဆိုတော့ အဓိကက မန္တလေးမှာ မြန်မာ့ ယဉ်ကျေးမှု
ခေါင်းပါးသွားတာကြောင့်လို့ ပြောလို့ရတယ်” ဟု မန္တလေးမြို့ခံ စာရေးဆရာ ဆရာဆူးငှက်က ဆိုသည်။

၁၂ ရာသီပွဲတိုင်း အငြိမ့် ထည့်သွင်းလေ့ ရှိသည့် မန္တလေးမြို့တွင် ၁၉၈၁ ခုနှစ်တွင် မီး အကြီးအကျယ် လောင်ပြီးသည့်နောက် မြို့သစ်ဘက်သို့ မြို့ခံများ ပြောင်းရွှေ့ နေထိုင်လာကြသည့် အတွက် အငြိမ့် ငှားရမ်းမှု နည်းပါး လာခြင်းကြောင့် အငြိမ့်အဖွဲ့များ နည်းပါးသွားခြင်း ဖြစ်ကြောင်း ၎င်းက သုံးသပ်ပြောဆိုသည်။

“မီးဘေးကြောင့် စီးပွားကပျက်၊ ပွဲ့မိန့် တောင်းပြန်ရင်လည်း အကြောင်း အမျိုးမျိုး ပြပြီး ကြန့်ကြာနေတော့ နောက်ပိုင်း ပွဲငှား နည်းသွားတယ်။ ပွဲငှား နည်းတော့ အငြိမ့်အဖွဲ့တွေလည်း နည်းသွားတယ်” ဟု ဆရာဆူးငှက်က ဆိုသည်။
The Voice Weekly

ဆင်များအတွက် ဆေးရုံ တည်ဆောက်မည်

ရန်ကုန်၊ ဇွန် ၉
တောင်ငူမြို့နယ်အတွင်း အုတ်တွင်း-ပေါက်ခေါင်း ကားလမ်းအနီး မြေနေရာ တွင် ဆင်ကောင်ရေ ၃၀ ကျော်ခန့် ထားရှိပြီး ဆေးကုသပေးနိုင်မည့် မြန်မာနိုင်ငံ၏ ပထမဆုံး ဆေးရုံတစ်ရုံကို ယခုနှစ်ကုန်တွင် တည်ဆောက်သွားမည်ဖြစ်ကြောင်း မြန်မာ့သစ်လုပ်ငန်းမှ ဆင်ကုသရေး ဆရာဝန်တစ်ဦးက The Voice သို့ ပြောကြားသည်။

အဆိုပါဆေးရုံ တည်ဆောက်ရန်အတွက် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနထံမှ ခွင့်ပြုချက်ရရှိပြီးဖြစ်သော်လည်း လက်ရှိရွေးချယ်ထားသော မြေဧရိယာသည် သစ်တောဦးစီးဌာနက ကျွန်း စိုက်ခင်းများ စိုက်ပျိုးထားသောကြောင့် ဆေးရုံထူထောင်ရန် ခွင့်ပြု မိန့် တောင်းထားကြောင်း၊ ဆင်များထိန်းသိမ်းထားရှိရန် အဆိုပါ နေရာသည် စားကျက်မြေကောင်းကောင်းရှိသော မြေနေရာဖြစ်သည့်အတွက် ရွေးချယ် ထားခြင်းဖြစ်သော်လည်း သစ်တောဦးစီးဌာန၏ ခွင့်ပြုမိန့် မရရှိပါက ထပ်မံ၍ အခြားနေရာများကို ရွေးချယ်ရမည်ဖြစ်ကြောင်း ၎င်းက ရှင်းပြသည်။

"မြေအကျယ်အဝန်းပေါ် မူတည်ပြီး ကောင်ရေများများထား ကုသပေးမယ်" ဟု ၎င်းက ဆိုသည်။

ဆေးရုံတည်ဆောက်ပြီး ဆင်များ ကုသနိုင်ရန်အတွက် နိုင်ငံတကာ အဖွဲ့ အစည်းများ၏ ပူးပေါင်းပါဝင်မှုနှင့် ငွေကြေးထောက်ပံ့မှုလည်း လို အပ်နေကြောင်း၊ လက်ရှိတွင် စမ်းသပ် လုပ်ကိုင်ဆဲဖြစ်သည့် အတွက် ငွေကြေးအင်အား အထောက်အပံ့ကောင်း ရရှိပါက ထပ်မံ တိုး ချဲ့၍ မြန်မာနိုင်ငံအနှံ့ တိုင်းဒေသကြီးများတွင် ဆင်ဆေးရုံများ တည်ဆောက် သွားမည်ဖြစ်ကြောင်း အဆိုပါပုဂ္ဂိုလ်က ဆက်လက်ရှင်းပြသည်။

မြန်မာနိုင်ငံတွင် ဆင်ဘေးမဲ့တောအဖြစ် မန္တလေးတိုင်းဒေသကြီး သပိတ်ကျင်းမြို့နယ်ရှိ ရွှေဥဒေါင်း ဆင်ဘေးမဲ့တောနှင့် ရခိုင်ရိုးမ ဆင်ဘေး မဲ့တော နှစ်ခုသာရှိပြီး ထပ်မံ၍ ပဲခူးတိုင်းဒေသကြီးရှိ မြောက်ဇာမရီ သစ်တော ကြိုးဝိုင်းကို ဆင်ဘေးမဲ့တောအဖြစ် သတ်မှတ်ရန် စီစဉ်နေကြောင်း သစ်တောဦးစီးဌာနထံမှ သိရှိရသည်။
The Voice Weekly

အပစ်အခတ်ရပ်စဲရေး စောင့်ကြည့်အဖွဲ့များဖွဲ့ရန် လူမှုအဖွဲ့အစည်း ၂၈ ဖွဲ့ တိုက်တွန်း

ရန်ကုန်၊ ဇွန် ၉
အပစ်အခတ်ရပ်စဲရေး သဘောတူညီချက် ရေးထိုးထားသော တိုင်းရင်းသား လက်နက်ကိုင် အဖွဲ့အစည်းများနှင့် စစ်ပြန်လည်ဖြစ်ပွားခြင်း မရှိစေရန် အပစ်အခတ် ရပ်စဲရေး စောင့်ကြည့်အဖွဲ့ ဖွဲ့သင့်ကြောင်း ကချင် ငြိမ်းချမ်းရေးကွန်ရက်မှ ဒေါ်မေစပယ်ဖြူက The Voice သို့ ပြောကြားသည်။

နိုင်ငံတကာအဖွဲ့အစည်း၊ လူမှုအဖွဲ့အစည်းနှင့် ဒေသခံကိုယ်စားလှယ်များ ပါဝင်သော သုံးပွင့်ဆိုင်စောင့်ကြည့်အဖွဲ့ကို ဖွဲ့စည်း ရန် ပြည်တွင်းပြည်ပမြန်မာလူမှုအဖွဲ့အစည်း ၂၈ ဖွဲ့က ထောက်ခံ ထားကြောင်း ၎င်းက ထပ်လောင်းပြောကြားသည်။

"တိုက်ပွဲတွေ ပြန်ဖြစ်တိုင်း သူလွန်တယ်၊ ကိုယ်လွန်တယ် နှစ်ဖက်ဝါဒဖြန့် ကြတယ်။ စောင့်ကြည့်ရေးအဖွဲ့ ဖွဲ့ထားရင် ဘယ်သူလွန်တယ်ဆိုတာ ထင်ရှားသွားမယ်" ဟု ရှမ်းပြည်နယ် လွှတ်တော် ကိုယ်စားလှယ် ဒေါ်နန်းခမ်းအေးက ဆိုသည်။

ယင်းစောင့်ကြည့်အဖွဲ့ လုပ်ငန်းဆောင်ရွက်ရာတွင် လိုအပ်မည့် ရန်ပုံငွေကို ငြိမ်းချမ်းရေးဆောင်ရွက်ရန် ပေးအပ်ထားသော နိုင်ငံတကာထောက်ပံ့ငွေများမှ ရယူသုံးစွဲစေသင့်ကြောင်း ဒေါ်မေစပယ်ဖြူက အကြံပြုသည်။

ပြည်နယ်အဆင့် အပစ်အခတ်ရပ်စဲရေး စောင့်ကြည့်အဖွဲ့ ဖွဲ့ရန် ရှမ်းပြည်နယ် လွှတ်တော်တွင် တင်သွင်းဖူးပြီး ဖွဲ့စည်းပုံ အခြေခံဥပဒေ အရ ပြည်နယ်ဥပဒေ ပြဋ္ဌာန်းခွင့်တွင် မပါဝင်သဖြင့် ယင်းအဆိုကို မေးခွန်း အဖြစ် ပြောင်းလဲ တင်ပြခဲ့ရကြောင်း ဒေါ်နန်းခမ်းအေးက ရှင်းလင်းပြောကြား သည်။

အပစ်အခတ်ရပ်စဲရေး သဘောတူထားသော ရှမ်းပြည်တပ်မတော် (တောင်ပိုင်း) RCSS/SSA နှင့် အစိုးရတပ်တို့ မေလ ၉ ရက်နေ့က စတင်ပြီး နှစ်ဖက် စစ်ပွဲများ ပြန်လည်ဖြစ်ပွားလျက်ရှိသည်။

မေလ ၂၈ ရက်နေ့ က မြစ်ကြီးနားမြို့ တွင်ပြုလုပ်သောပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီနှင့် ကေအိုင်အိုတို့၏ ငြိမ်းချမ်းရေးဆွေးနွေးပွဲတွင်လည်း အပစ်အခတ်ရပ်စဲရေး စောင့်ကြည့် အဖွဲ့များ ဖွဲ့ရန် သဘောတူညီခဲ့ကြသည်။
The Voice Weekly

မင်းလှခံတပ်နှင့် ကွေ့ချောင်းခံတပ် နှစ် ၁၅၀ပြည့် အထိမ်းအမှတ်ပွဲကို တိုင်တစ်ရာ ဘုန်းတော်ကြီးကျောင်းတွင် ပြုလုပ်

ကျဆုံးသွားသည့် သူရဲကောင်း စစ်သည်များအား အမျှဝေနေစဉ်

Monday, 10 June 2013
မကွေးတိုင်း ဒေသကြီး မင်းလှမြို့နှင့် ဘုရားကုန်းကျေးရွာ အနီးရှိ ၂၀၁၃ ခုနှစ်တွင် သက်တမ်းနှစ် ၁၅၀ ပြည့်မြောက်ခဲ့သည့် မင်းလှခံတပ်နှင့် ကွေ့ချောင်းခံတပ်များ အထိမ်းအမှတ်ပွဲကို မင်းလှခံတပ်အတွင်း ကျင်းပပြုလုပ်ရန် မင်းလှမြို့နယ် စာရေးဆရာများ အသင်းနှင့် ဒေသခံများမှ သက်ဆိုင်ရာသို့ ကြိုတင်ခွင့်ပြုမှု တောင်းခံခဲ့သော်လည်း ခွင့်မပြုခဲ့သောကြောင့် ဇွန် ၉ ရက် နံနက်ပိုင်းက ကွေ့ချောင်းခံတပ်ကြီး အနီးတွင် ခံတပ်ကြီးနှစ်ခုမှ စစ်ပွဲအတွင်း ကျဆုံးခဲ့သော မြန်မာသူရဲကောင်းများအား ရည်စူးဆွမ်းကပ်ခဲ့ကာ ကွေ့ချောင်းတောင်ရွာ တိုင်တစ်ရာ ဘုန်းတော်ကြီးကျောင်းတွင် ကဗျာရွတ်ပွဲနှင့် ဂီတဖျော်ဖြေပွဲကို ကျင်းပခဲ့ရကြောင်း ပွဲစီစဉ်သူများထံမှ သိရသည်။

အဆိုပါ အထိမ်းအမှတ် ပွဲအတွက် မင်းလှခံတပ်ကြီးအတွင်း ကျင်းပခွင့်ပြုရန် မေ ၂၀ ရက်က မင်းလှမြို့နယ် အုပ်ချုပ်ရေးမှူးထံသို့ တင်ပြခဲ့သော်လည်း နေပြည်တော် ရှေးဟောင်းသုသေသန ဋ္ဌာနမှ ခွင့်မပြုနိုင်ကြောင်း အကြောင်းပြန်ခဲ့ကြောင်း၊ ထို့ကြောင့် မင်းလှခံတပ်ကြီးအနီး ရွှေဘုန်းသာ ဘုရားဝန်းအတွင်း ကျင်းပခွင့်တောင်းခံ ခဲ့သော်လည်း ဂေါပကအဖွဲ့နှင့် မြို့နယ်အုပ်ချုပ်ရေးမှူးရုံးမှ ခွင့်မပြုခဲ့ကြောင်း သိရသည်။

"ကျွန်တော်တို့က ကိုယ့်မြို့မှာရှိတဲ့ ရှေးဟောင်းအမွေအနှစ် ခံတပ်ကြီးတွေကို အများသူငါ တန်ဖိုးထားတတ်လာဖို့ သမိုင်းတန်ဖိုးကြီးမားတဲ့ ခံတပ်ကြီးတွေအတွက် ဂုဏ်ယူတတ်ဖို့နဲ့ စစ်အတွင်းက ကျဆုံးခဲ့သူတွေအတွက် ကုသိုလ်ပြုပေးဖို့ ရည်ရွယ်ပြီး စီစဉ်ခဲ့တာပါ။ အခုလို ခေတ်ကာလ ပြောင်းလာပြီး ပွင့်လင်းမြင်သာမှုဆိုတဲ့ စကားကို အကြိမ်ကြိမ်ပြောဆို နေကြပေမယ့် အောက်ခြေမှာ အခုလို အများအတွက် ကောင်းမှုလုပ်တာမျိုး တွေကိုတောင် တားဆီးမှုတွေ ရှိနေတာက ဒီမိုကရေစီ စနစ်ကို ကူးပြောင်းနေတဲ့ နိုင်ငံတစ်ခုအတွက် နောက်ပြန်ဆွဲ သမားတွေ ရှိနေတယ်ဆိုတာကို ဖော်ပြသလို ဖြစ်နေပါတယ်" ဟု ပွဲစီစဉ်သူ တစ်ဦးက ပြောခဲ့သည်။

အဆိုပါ အထိမ်းအမှတ်ပွဲတွင် ကဗျာဆရာများ၊ စာရေးဆရာများမှ မင်းလှခံတပ်နှင့် ကွေ့ချောင်းခံတပ်အကြောင်း ရေးဖွဲ့ထားသည့် ကဗျာများ ရွတ်ဆိုခဲ့ကြပြီး ဂီတပညာရှင်များမှ တေးသီချင်းများဖြင့် ဖျော်ဖြေခဲ့ကြကြောင်း၊ ကျဆုံးခဲ့သည့် မြန်မာသူရဲကောင်းများအတွက် စုပေါင်းအမျှ ပေးဝေခဲ့ကြကြောင်း သိရသည်။
Eleven Media Group

၂၀၁၅ ရွေးကောက်ပွဲနဲ့ ဒေါ်အောင်ဆန်းစုကြည်ရဲ့ သမ္မတဖြစ်ခွင့်

ဗြိတိန်ကာကွယ်ရေး ဦးစီးချုပ် General Sir David Richards၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ NLD ပါတီဥက္ကဋ္ဌ ဒေါ်အောင်ဆန်းစုကြည်တို့အား ဇွန် ၃ ရက်က တွေ့ရစဉ်

Monday, 10 June 2013
တစ်ပတ်အတွင်း နိုင်ငံရေး သတင်းသုံးသပ်ချက်

ပြီးခဲ့တဲ့ ရက်သတ္တပတ်မှာ ဖြစ်ပွားခဲ့တဲ့ နိုင်ငံရေးအရ ထင်ရှားတဲ့ အဖြစ်အပျက်တွေဟာ မြန်မာနိုင်ငံမှာ ဖော်ဆောင်နေတဲ့ နိုင်ငံရေး၊ စီးပွားရေး ပြုပြင်ပြောင်းလဲ မှုတွေနဲ့ အမျိုးသား ပြန်လည်စည်းလုံး ညီညွတ်ရေးအပေါ် အကျိုးသက်ရောက်မှု ဘယ်လောက်ရှိနိုင်တယ် ဆိုတာကို ဆင်ခြင်နိုင်ဖို့ တင်ပြလိုက်ပါတယ်။

ဗြိတိန်ကာကွယ်ရေး ဦးစီးချုပ်၏ မြန်မာနိုင်ငံခရီး

ဗြိတိန်ကာကွယ်ရေး ဦးစီးချုပ် General Sir David Richards ဟာ မြန်မာနိုင်ငံသို့ ဇွန် ၂ ရက်မှ ၄ ရက်အထိ လာရောက်လည်ပတ် ခဲ့ပါတယ်။ ဒါဟာ နှစ်ပေါင်းများစွာအတွင်း အနောက်နိုင်ငံ တစ်နိုင်ငံမှ ကာကွယ်ရေးဦးစီးချုပ် တစ်ဦး မြန်မာနိုင်ငံသို့ ပထမဆုံး လာရောက်လည်ပတ်ခြင်းလည်း ဖြစ်ပါတယ်။

ဗြိတိန်ကာကွယ်ရေး ဦးစီးချုပ်ရဲ့ မြန်မာနိုင်ငံ ခရီးစဉ်အတွင်း သမ္မတဦးသိန်းစိန်၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်သူ့လွှတ်တော်နှင့် အမျိုးသား လွှတ်တော်ဥက္ကဋ္ဌများ၊ အတိုက်အခံခေါင်းဆောင် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့နဲ့ တွေ့ဆုံဆွေးနွေး ခဲ့ပါတယ်။ ထို့ပြင် ရှမ်းတိုင်းရင်းသားများ ဒီမိုကရေစီ အဖွဲ့ချုပ်ဥက္ကဋ္ဌ ဦးခွန်ထွန်းဦးနှင့်လည်း တွေ့ဆုံဆွေးနွေးခဲ့ပါတယ်။

ထိုသို့တွေ့ဆုံ ဆွေးနွေးခဲ့ရာမှာ နှစ်နိုင်ငံ ဆက်ဆံရေး တိုးမြှင့်ရေး၊ နှစ်နိုင်ငံ တပ်မတော်များအကြား ပူးပေါင်းဆောင်ရွက်ရေးနဲ့ နှစ်နိုင်ငံ စစ်သံမှူးများ ထားရှိရေးတို့ကို ဆွေးနွေးခဲ့ပါတယ်။ ဒါ့အပြင် လုံခြုံရေးကဏ္ဍ ပြုပြင်ပြောင်းလဲရေးရဲ့ အရေးပါပုံ၊ မြန်မာနိုင်ငံရဲ့ ဒီမိုကရက်တစ် အကူးအပြောင်းမှာ အထောက်အပံ့ဖြစ်မယ့် စစ်တပ်ရဲ့ အခန်းကဏ္ဍ၊ အမျိုးသားပြန်လည် ရင်ကြားစေ့ရေး၊ အနာဂတ်မှာ ပူးပေါင်းလေ့ကျင့်ရေး တို့ကိုလည်း ဆွေးနွေးခဲ့ပါတယ်။

မြန်မာနိုင်ငံဆိုင်ရာ ဗြိတိသျှ သံရုံးမှာလည်း အောက်တိုဘာလက စတင်ပြီး စစ်သံမှူးတစ်ဦး ခန့်အပ်ထားရှိ သွားမယ်လို့ General Sir David Richards က အတည်ပြုပြောကြား ခဲ့ပါတယ်။

General Sir David Richards အတွက်တော့ မြန်မာနိုင်ငံ ခရီးစဉ်ဟာ ပုဂ္ဂိုလ်ရေး အရလည်း အရေးပါနေပါတယ်။ ဘာလို့လဲဆိုတော့ သူ့ဖခင်ဟာ ဒုတိယ ကမ္ဘာစစ်အတွင်း မြန်မာနိုင်ငံမှာ အမြောက်ပစ် သမားအဖြစ် တိုက်ပွဲဝင်ခဲ့လို့ ဖြစ်ပါတယ်။

ပုဒ်မ ၄၀၁ ကို နိုင်ငံရေး လက်နက်အဖြစ် အသုံးပြုမှာ မဟုတ်

သမ္မတ ဦးသိန်းစိန်က ဇွန် ၄ ရက်မှာ ရေဒီယိုမိန့်ခွန်း ပြောကြားခဲ့ရာမှာ ပုဒ်မ ၄၀၁ ကို နိုင်ငံရေး လက်နက်တစ်ခု အနေနဲ့ အသုံးချပြီး အရေးယူခြင်း ပြုလုပ်ဖို့ အစီအစဉ် မရှိကြောင်း ထည့်သွင်းပြောကြား ခဲ့ပါတယ်။ ထို့ပြင် အစိုးရ အနေနဲ့ အမျိုးသားပြန်လည် စည်းလုံးညီညွတ်ရေးအတွက် စေတနာသန့်သန့်နဲ့ နိုင်ငံရေး အကျဉ်းသားများ လွတ်မြောက်ရေးကို လုပ်ဆောင်နေခြင်း ဖြစ်ပြီး အချိန်အတိုင်းအတာ တစ်ခုယူခြင်းကလွဲ၍ တခြားနိုင်ငံရေး အမြတ်ထုတ်လိုမှု မရှိကြောင်း၊ မကြာမီမှာ အမှန်တကယ် ယုံကြည်ချက်ကြောင့် အကျဉ်းကျခံ နေရသူများအားလုံး ပြန်လည်လွတ်မြောက်တော့မှာ ဖြစ်ကြောင်းလည်း ပြောကြားခဲ့ပါတယ်။

နိုင်ငံရေး အကျဉ်းသားတွေကို နည်းနည်းစီ လွှတ်ပေးပြီး လက်နက်သဖွယ် အသုံးချနေတယ် ဆိုတဲ့ဝေဖန်မှုများ ထွက်ပေါ်နေမှုအပေါ် သမ္မတက ပြန်လည်ချေပ လိုက်တာပဲ ဖြစ်ပါတယ်။

ဒါပေမယ်လို့ မြန်မာနိုင်ငံမှာ နိုင်ငံရေး အကျဉ်းသားများ လွတ်လာတဲ့ အခါတိုင်းဟာ နိုင်ငံရေးအရ ထူးခြားတိုက်ဆိုင်မှုများ ရှိနေပါတယ်။ သမ္မတ ဦးသိန်းစိန် အရေးကြီးတဲ့ ပြည်ပနိုင်ငံများ၊ အစည်းအဝေးများသို့ မသွားခင်၊ မြန်မာနိုင်ငံသို့ နိုင်ငံတကာ ခေါင်းဆောင်များ မလာရောက်ခင်တို့မှာ နိုင်ငံရေး အကျဉ်းသားတွေကို လွှတ်ပေးလေ့ ရှိတာကို တွေ့ရပါတယ်။

သမ္မတရာထူးနဲ့ ဒေါ်အောင်ဆန်းစုကြည်

အတိုက်အခံခေါင်းဆောင် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က လာမယ့် ၂၀၁၅ ခုနှစ်မှာ သူဟာသမ္မတအဖြစ် ၀င်ရောက်ယှဉ်ပြိုင် အရွေးခံလိုကြောင်း၊ ဒါနဲ့ပတ်သက်လို့ ပွင့်ပွင့်လင်းလင်းပဲ ဆိုရမှာဖြစ်ကြောင်း၊ ဒါပေမယ့် သမ္မတရာထူးအတွက် အရည်အချင်း ပြည့်မီဖို့ ဖွဲ့စည်းပုံ အခြေခံဥပဒေကို ပြင်ဆင်ရမှာဖြစ်ကြောင်း ပြောကြားခဲ့ပါတယ်။

ဒေါ်အောင်ဆန်းစုကြည်ကနေ ပြည်တော်မှာ ဇွန် ၆ ရက်က ကျင်းပတဲ့ အရှေ့အာရှ ကမ္ဘာ့စီးပွားရေးဖိုရမ် မြန်မာ့အနာဂတ် ဆွေးနွေးပွဲမှာ ထိုကဲ့သို့ ပြောကြားခဲ့တာ ဖြစ်ပါတယ်။

မြန်မာနိုင်ငံရဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေဟာ ကမ္ဘာပေါ်မှာ ပြင်ဖို့အခက်ခဲဆုံး ဖွဲ့စည်းပုံ အခြေခံဥပဒေ ဖြစ်တယ်လို့ ဒေါ်အောင်ဆန်းစုကြည်က ပြောကြားထားပါတယ်။

၂၀၀၈ ခုနှစ် ဖွဲ့စည်းပုံ အခြေခံ ဥပဒေထဲက နိုင်ငံတော် အကြီးအကဲဆိုတဲ့ အခန်းဟာ ၎င်းကိုဦးတည်ရေးဆွဲ ထားတယ်လို့ ထင်ကြောင်းနဲ့ နိုင်ငံတစ်နိုင်ငံရဲ့ အရေးအကြီးဆုံး ဥပဒေတစ်ခုကို ပုဂ္ဂိုလ်ရေး ဆိုင်ရာများနဲ့ ထည့်သွင်းမရေးဆွဲသင့်ကြောင်း ဒေါ်အောင်ဆန်းစုကြည်က ဂျပန်နိုင်ငံ ခရီးစဉ်အတွင်းမှာ ပြောထားဖူးပါတယ်။

နိုင်ငံတော် သမ္မတနဲ့ ဒုတိယ သမ္မတများရဲ့ အရည်အချင်း ပြဋ္ဌာန်းချက်ကို ပြင်ဆင်လိုပါက ပြည်ထောင်စုလွှတ်တော် ကိုယ်စားလှယ်အားလုံးရဲ့ ၇၅ ရာခိုင်နှုန်းကျော်က ပြင်ဆင်ဖို့ သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပပြီး ဆန္ဒမဲ ပေးပိုင်ခွင့်ရှိသူ အားလုံးရဲ့ ထက်ဝက်ကျော် ဆန္ဒမဲဖြင့်သာ ပြင်ဆင်ရမှာ ဖြစ်ပါတယ်။

ဒါကြောင့်လည်း ပြည်သူ့လွှတ်တော် ကိုယ်စားလှယ် တစ်ဦးလည်းဖြစ်တဲ့ ဒေါ်အောင်ဆန်းစုကြည်က ဖွဲ့စည်းပုံ အခြေခံဥပဒေ ပြင်ဆင်ဖို့အတွက် အရပ်သားလွှတ်တော် ကိုယ်စားလှယ် ၇၅ ရာခိုင်နှုန်းအပြင် အနည်းဆုံး ရဲရင့်တဲ့ တပ်မတော်သား လွှတ်တော်ကိုယ်စားလှယ် တစ်ဦးလိုတယ်လို့ ပြောကြားထားပါတယ်။

ဒါကြောင့် ဖွဲ့စည်းပုံ အခြေခံဥပဒေ ပြင်ဆင်ရေးအတွက် ၂၅ ရာခိုင်နှုန်းသော တပ်မတော်သား လွှတ်တော်ကိုယ်စားလှယ်တွေရဲ့ မဲတွေက အဓိက ကျနေပါတယ်။

တကယ်လို့ ဒေါ်အောင်ဆန်းစုကြည် အနေနဲ့ တပ်မတော်သား လွှတ်တော်ကိုယ်စားလှယ်တွေကို စည်းရုံးနိုင်ပြီး ဖွဲ့စည်းပုံ အခြေခံဥပဒေကို ပြင်ဆင်နိုင်ခဲ့ပါက ၂၀၁၅ ခုနှစ် ရွေးကောက်ပွဲမှာ ဒေါ်အောင်ဆန်းစုကြည်အတွက် အဓိကပြိုင်ဖက် ဖြစ်လာနိုင်တာကတော့ လက်ရှိသမ္မတ ဦးသိန်းစိန်နဲ့ ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့ပဲ ဖြစ်ပါတယ်။

ဘာပဲဖြစ်ဖြစ် လာမယ့် ၂၀၁၅ ခုနှစ် ရွေးကောက်ပွဲမှာ သမ္မတ ဘယ်သူဖြစ်လာမလဲ ဆိုတာကိုတော့ တပ်မတော်ကပဲ ဆုံးဖြတ်ပေးဖွယ် ရှိပါတယ်။
Eleven Media Group 

Eleven Media Group ၏ အင်္ဂလိပ် ၀က်ဘ်ဆိုက်အား ပထမဆုံး တိုက်ခိုက်ခံရခြင်း

www.eleven-myanmar.com (အင်္ဂလိပ်)

Monday, 10 June 2013

Eleven Media Group ၏ အင်္ဂလိပ်ဘာသာဖြင့် လွှင့်တင်ထားသော www.elevenmyanmar.com တိုက်ခိုက်ခံရသည့်အတွက် အဆိုပါ ၀က်ဘ်ဆိုက်သို့ စာဖတ်သူများ ၀င်ရောက်ကြည့်ရှုနိုင်ခြင်း မရှိခဲ့ကြောင်း သိရသည်။

ဇွန်လ ၈ ရက် ညပိုင်းက BHG အမည်ရှိ ဟက်ကာအဖွဲ့ တစ်ခုက www.elevenmyanmar.com အား တိုက်ခိုက်ခဲ့ခြင်းဖြစ်ကြောင်း သိရသည်။ ယင်းကဲ့သို့ တိုက်ခိုက်ခြင်းနှင့် ပတ်သက်၍ ၎င်းတို့၏ ရေးသားချက်တွင် Eleven Media Group CEO အား ပုဂ္ဂိုလ်ရေး ဝေဖန်တိုက်ခိုက်မှုများကို ထည့်သွင်းရေးသားခဲ့ကြောင်း သိရသည်။

ဇွန် ၇ ရက် The Daily Eleven သတင်းစာ၏ "နောက်ကွယ်မှာ ဘယ်သူတွေ ရှိနေလဲ" ဟူသည့် ခေါင်းစဉ်ဖြင့် ရေးသားခဲ့သော အယ်ဒီတာ့အာဘော် ပါရှိခဲ့ပြီးနောက် ဇွန် ၈ ရက်တွင် တိုက်ခိုက်ခံခဲ့ရခြင်း ဖြစ်သည်။ အဆိုပါ အယ်ဒီတာ့အာဘော်၌ မြန်မာနိုင်ငံတွင် ဖြစ်ပေါ်ခဲ့သော ပဋိပက္ခများနှင့် ပတ်သက်၍ သုံးသပ်ရေးသားခဲ့ပြီး ဘာသာရေး ပဋိပက္ခများ ဖြစ်ပေါ်စေရန် နည်းမျိုးစုံသုံး၍ ဖန်တီးလှုံ့ဆော်မှုများ၊ ၀ါဒဖြန့်ချိမှုများ ရှိနေကြောင်း၊ နောက်ကွယ်မှ ရည်ရွယ်ချက်ရှိရှိ လုပ်ဆောင်နေသူများကို ဖော်ထုတ်သင့်ကြောင်း စသည်ဖြင့် ရေးသားခဲ့ခြင်း ဖြစ်သည်။

"လှုံ့ဆော်မှုတွေနဲ့ ပတ်သက်ရင် အရေးယူမှု အားနည်းတာကို ထောက်ပြတာပါ။ ဘန်ကောက်မှာ ကျင်းပတဲ့ (၆၅)ကြိမ်မြောက် ကမ္ဘာ့သတင်းစာများ ညီလာခံမှာ နိုင်ငံတကာ မီဒီယာတွေကို မြန်မာနိုင်ငံက ပဋိပက္ခ ကိစ္စတွေနဲ့ ပတ်သက်ပြီး ဗုဒ္ဓဘာသာဝင်တွေနဲ့ မွတ်စလင်တွေ အကြားက အမုန်းတရားကြောင့် မဟုတ်ဘဲ နောက်ကွယ်က ဖန်တီးလှုံ့ဆော် မှုတွေကြောင့်ဆိုတာ ရှင်းပြခဲ့ပါတယ်။

 ဒါကို နိုင်ငံတကာကလည်း သိနေပါတယ်။ ပြည်သူတွေကလည်း သိနေပါတယ်။ ဗုဒ္ဓဘာသာလည်း ထိခိုက်ရတယ်။ ၀ါဒဖြန့်ချိ လှုံ့ဆော်မှုတွေကြောင့် ဖြစ်ရတာတွေက တိုင်းပြည်ရဲ့ ဂုဏ်သိက္ခာကို ထိခိုက်စေပါတယ်။ နိုင်ငံတကာ မျက်နှာစာမှာ မြန်မာနိုင်ငံရဲ့ image လည်း ထိခိုက်တယ်။ ဒါ့ကြောင့် အစိုးရက ကိုင်တွယ်ဖြေရှင်းဖို့လိုပြီး သမ္မတမှာလည်း တာဝန်ရှိပါတယ်။

အတိုက်အခံခေါင်းဆောင် ဒေါ်အောင်ဆန်းစုကြည်နဲ့ လွှတ်တော်ကလည်း ၀ါဒဖြန့်ချိရေး ယန္တရားနဲ့ ပတ်သက်ပြီး ဖိအားပေးစေ ချင်ပါတယ်။ လူများစု ဗုဒ္ဓဘာသာ ၀င်တွေကို လှုံ့ဆော်ပြီး လူနည်းစု မွတ်စလင်တွေကို ၀ိုင်းပယ်ဖို့၊ မွတ်စလင် စီးပွားရေးတွေ သပိတ်မှောက်ဖို့ အမုန်းပွား လှုံ့ဆော်မှု (Hate campaign)တွေကို ကျွန်တော်တို့ လုံးဝလက်မခံပါဘူး။ ပြည်သူတွေ နားမယောင်ဖို့ အရေးကြီးပါတယ်။ ဒါတွေဟာ အာဏာရှင်ဝါဒ ဖြန့်ချိရေး ယန္တရားရဲ့ လှုံ့ဆော်မှုကြောင့် ဖြစ်ပါတယ်" ဟု Eleven Media Group ၏ CEO ဒေါက်တာသန်းထွဋ်အောင်က ပြောပါသည်။

လူများစု ဗုဒ္ဓဘာသာ ၀င်တွေကို လှုံ့ဆော်ပြီး လူနည်းစု မွတ်စလင်တွေကို ၀ိုင်းပယ်ဖို့၊ မွတ်စလင် စီးပွားရေးတွေ သပိတ်မှောက်ဖို့ အမုန်းပွား လှုံ့ဆော်မှု (Hate campaign)တွေကို ကျွန်တော်တို့ လုံးဝလက်မခံပါဘူး။ ပြည်သူတွေ နားမယောင်ဖို့ အရေးကြီးပါတယ်။ ဒါတွေဟာ အာဏာရှင်ဝါဒ ဖြန့်ချိရေး ယန္တရားရဲ့ လှုံ့ဆော်မှုကြောင့် ဖြစ်ပါတယ် . . . . .

ဝါဒဖြန့်ချိရေး ယန္တရား အားကောင်းနေဆဲဖြစ်ပြီး လူထုမောင်ကာဠု၊ We love True၊ Opposite eye ကဲ့သို့သော ၀ါဒဖြန့် လှုံ့ဆော်မှုများ ပြုလုပ်နေသည့် facebook account များတွင် အခြားသူများ အလွယ်တကူ မသိနိုင်သည့် အစိုးရနှင့် တပ်မတော်၏ အတွင်းသတင်း အချို့ကို ဖော်ပြရေးသားခြင်း၊ အစိုးရကို ထောက်ခံခြင်း၊ သမ္မတကြီးအား ပုဂ္ဂိုလ်ရေး ထောက်ခံခြင်းများ၊ အတိုက်အခံနှင့် လွှတ်တော်၊ မီဒီယာများကို ပုတ်ခတ်ရေးသား ခဲ့ကြသည်။

Eleven Media Group သည် The Daily Eleven နေ့စဉ် သတင်းစာနှင့် Weekly Eleven News ဂျာနယ်၊ First Eleven Sports ဂျာနယ်၊ Premier Eleven Sports ဂျာနယ်တို့ကို ထုတ်ဝေလျက်ရှိပြီး www.news-eleven.com(မြန်မာ)၊ www.eleven-myanmar.com(အင်္ဂလိပ်)၊ Eleven Media Group facebook တို့တွင်လည်း သတင်းများ ၀င်ရောက်ဖတ်ရှု နိုင်ပါသည်။

Eleven Media Group ၏ www.elevenmyanmar.com (အင်္ဂလိပ်) ၀က်ဘ်ဆိုက်အား ပထမဆုံး တိုက်ခိုက်ခံရခြင်းဖြစ်ပြီး www. news-eleven.com (မြန်မာ)၀က်ဘ်ဆိုက်နှင့် Facebook တို့သည်လည်း ယခုကဲ့သို့ တိုက်ခိုက်ခံရမှုများ ရှိခဲ့ပြီး ဖြစ်သည်။

Eleven Media Group ၏ အင်္ဂလိပ်ဝက်ဘ်ဆိုက် တိုက်ခိုက်ခံရပြီး မိနစ်ပိုင်း အတွင်းမှာပင် လူထုမောင်ကာဠု၊ We love True အစရှိသော ၀ါဒဖြန့်ချိရေး သမားများ၏ Facebook စာမျက်နှာများတွင် ဤသတင်းအား ဖော်ပြခဲ့ပါသည်။
Eleven Media Group

တာဝန်သိပြည်သူတွေဖြစ် ဖို့ ဒေါ်အောင်ဆန်းစုကြည် တိုက်တွန်း

အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်
ဇွန်လ ၉ ရက်နေ့က ပြင်ဦးလွင်မြို့ ဒေသခံပြည်သူများနဲ့ တွေ့ဆုံစဉ်
Photo : RFA/ Moe Thu Aung

2013-06-09      
ပြည်သူတွေအနေနဲ့ တာဝန်ယူတတ်တဲ့ စိတ်ဓါတ်မျိုးရှိမှ အုပ်ချုပ်တဲ့အစိုးရကို ပြည်သူက ချုပ်ကိုင်လို့ရမှာ ဖြစ်တယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌဒေါ်အောင်ဆန်းစုကြည်က ဒီကနေ့ ပြောလိုက်ပါတယ်။

ဒေါ်အောင်ဆန်းစုကြည်ဟာ ဒီနေ့ မန္တလေးတိုင်း ပြင်ဦးလွင်မြို့ မီးပုံးပျံကွင်းမှာ ဒေသခံပြည်သူတွေနဲ့ တွေ့ဆုံရာမှာ တချို့ကိစ္စတွေမှာ အစိုးရအာဏာပိုင်တွေကလည်း တာဝန်မရှိသလို ပြုမူနေတာတွေ့ရသလို၊ ပြည်သူတွေဖက်ကလည်း တာဝန်မရှိဘူးဆိုပြီး လှစ်လျူရှုထားတာတွေ တွေ့နေရကြောင်း ပြောခဲ့ပါတယ်။

“ ကျွန်မတို့ငယ်ငယ်တုံးက ပြည်သူ့နီတိဆိုတာ ကျောင်းမှာသင်ခဲ့ရတယ်၊ ကလေးတိုင်း ကလေးတိုင်းက ပြည်သူ့နီတိဆိုတာ သင်ရတယ်၊ ပြည်သူ့နီတိဆိုတဲ့ အဓိပ္ပါယ်က ပြည်သူများရဲ့တာဝန်၊ အခုကျတော့ ကျွန်မတို့ ဘယ်လိုဖြစ်နေလဲဆိုတော့ ကျွန်မတို့နိုင်ငံမှာ အစိုးရကလည်း တချို့ကိစ္စတွေ သူတာဝန်မရှိသလိုနေတယ်၊ ပြည်သူကလည်း တာဝန်မယူဘူးဆိုတော့ ကျွန်မတို့နိုင်ငံတိုးတက်ရေးအတွက် ဘယ်သူက တာဝန်ယူမှာလည်းလို့ မေးစရာတွေဖြစ်လာတယ်၊ ကျွန်မတို့ ပြည်သူတွေ ကျွန်မမေတ္တာရပ်ခံချင်ပါတယ် တာဝန်ယူလိုက်ပါ၊ အဲ့လိုတာဝန်ယူမှ အစိုးရကို ကိုယ်က ချုပ်ကိုင်ထားလို့ရမှာ ကိုယ်ကတာဝန်မယူဘဲနဲ့ ကိုယ့်အစိုးရကို ချုပ်ကိုင်ထားလို့ရမှာမဟုတ်ဘူး”

ဒါ့အပြင် အခွန်ဘဏ္ဍာငွေတွေကို ဘယ်လိုနေရာတွေမှာ အသုံးပြုနေလဲဆိုတာ အစိုးရက မရှင်းပြတဲ့အတွက် ပြည်သူတွေဟာ အခွန်ဆောင်ချင်စိတ်မရှိကြတာဖြစ်ကြောင်းနဲ့ ဒါတွေဟာ တရားဥပဒေစိုးမိုးမှုမရှိတာနဲ့ ဆက်စပ်ကြောင်း ထည့်သွင်းပြောခဲ့ပါတယ်။

ပြင်ဦးလွင်မြို့ ဒေသခံတွေဖက်ကလည်း သူတို့လိုအပ်ချက်တွေထဲက လျှပ်စစ်မီး အလုံအလောက် မရတဲ့ အခက်အခဲနဲ့ လမ်းပန်းဆက်သွယ်ရေးအခက်အခဲတွေကို တင်ပြခဲ့ပါတယ်။

ဒေါ်အောင်ဆန်းစုကြည်ဟာ ကြားဖြတ်ရွေးကောက်ပွဲကတည်းက ပြင်ဦးလွင်မြို့ကို လာရောက်ပြီး ဒေသခံ ပြည်သူလူထုနဲ့ တွေ့ဆုံဖို့ စီစဉ်ခဲ့ပေမယ့် ဒီကနေ့မှ အထမြောက်ခဲ့တာလို့ သိရပါတယ်။

ဒေါ်အောင်ဆန်းစုကြည် ပြောကြားချက်တွေကို RFA သတင်းထောက် မဇင်မာဝင်း ကောက်နှုတ်တင်ပြထားတာကိုလည်း တဆက်ထဲနားဆင်နိုင်ပါတယ်။
RFA (မြန်မာပိုင်း)

မြစ်ဆုံစီမံကိန်းရပ်ဖို့ တရုတ်ကုမ္ပဏီကို ၈၈ တိုက်တွန်း

ယူနန်ပြည်နယ်ရောက် ကိုမြအေးဦးဆောင်သော ၈၈ မျိုးဆက် (ငြိမ်းချမ်းရေးနဲ့ပွင့်လင်းလူ့အဖွဲ့အစည်း) (ဂျွန် ၆၊ ၂၀၁၃။ ဓာတ်ပုံ ၈၈ မျိုးဆက်)

10.06.2013
မြန်မာနိုင်ငံ၊ ကချင်ပြည်နယ် မြစ်ဆုံဒေသက ရေအားလျှပ်စစ်စီမံကိန်းကို အဆုံးသတ်ဖို့ တရုတ်နိုင်ငံ၊ ယူနန်ပြည်နယ်ကို တစ်ပတ်ကြာ ခရီးသွား ရောက်နေတဲ့ ၈၈ မျိုးဆက် ကျောင်းသားတွေက စီမံကိန်း အကောင်အထည်ဖော်ဆောင်နေတဲ့ ကုမ္ပဏီတာဝန်ရှိသူတွေနဲ့ တွေ့ဆုံချိန်မှာ တောင်းဆို လိုက်ကြပါတယ်။ လတ်တလော ရပ်ဆိုင်းထားတဲ့ စီမံကိန်းကို ရပ်တန့်ဖို့အတွက် အခုလို တောင်းဆိုခဲ့ကြတာပါ။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

တရုတ်-မြန်မာ နှစ်နိုင်ငံ ရင်းနှီးမှုရစေဖို့ ဖွဲ့စည်းထားတဲ့ တရုတ်အစိုးရရဲ့ China Myanmar Friendship Association ရဲ့ ဖိတ်ကြားချက်နဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ငြိမ်းချမ်းရေးနဲ့ တိုင်းရင်းသားရေးရာတာဝန်ခံ ကိုမြအေးနဲ့ တောင်သူလယ်သမားရေးရာ တာဝန်ခံ ကိုထွန်းမြင့်အောင်တို့ ဦးဆောင်တဲ့အဖွဲ့ဟာ တရုတ်နိုင်ငံ၊ ယူနန်ပြည်ခရီးစဉ်ကို ပြီးခဲ့တဲ့ ဗုဒ္ဓဟူးနေ့က စတင်ခဲ့တာပါ။

ကြာသာပတေးနေ့က ယူနန်တက္ကသိုလ် ပါမောက္ခတွေနဲ့ တွေ့ဆုံဆွေးနွေးခဲ့ကြသလို ယူနန်ပြည်နယ်မှာရှိတဲ့ CPI- China Power Investment Company ကိုပါ သွားရောက်ခဲ့ပြီး မြန်မာနိုင်ငံ၊ ကချင်ပြည်နယ်ထဲမှာ CIP ကုမ္ပဏီရဲ့ ရင်းနှီးမြှုပ်နှံမှုတွေနဲ့ ပတ်သက်ပြီး ဆွေးနွေးခဲ့ကြတယ်လို့ ၈၈ မျိုးဆက် ကျောင်းသားအဖွဲ့က ကိုအံ့ဘွယ်ကျော်က ပြောပါတယ်။

“သူတို့ကတော့ မြစ်ဆုံနဲ့ပတ်သက်ပြီးတော့ ဘယ်လို နိုင်ငံတကာအရ ပတ်ဝန်းကျင်ထိန်းသိမ်းရေးကိစ္စတွေရော အကုန်လုံးလုပ်ထားပါတယ်ဆိုတဲ့ အကြောင်းတွေကို ပြပါတယ်။ ကိုမြအေးလှမ်းပြောတယ်။ ဓာတ်ပုံတွေနဲ့ကော၊ ဗွီဒီယိုတွေနဲ့ကော အချက်အလက်အရကော ပြပါတယ်-တဲ့။ မြစ်ဆုံနဲ့ပတ်သက်ပြီး သူတို့ကတော့ ဆက်လုပ်ချင်တယ်ပေါ့ဗျာ။”

CPI ကုမ္ပဏီ တာဝန်ရှိသူတွေက သူတို့ တာဝန်ယူတည်ဆောက်နေတဲ့ မြစ်ဆုံရေအားလျှပ်စစ်စီမံကိန်းကို နိုင်ငံတကာ စံချိန်စံညွှန်းတွေနဲ့အညီ သဘာဝပတ်ဝန်းကျင်ကို ပျက်စီးမှု အနည်းဆုံးဖြစ်အောင် လုပ်ဆောင်မှာမို့ ဆက်လက် လုပ်ကိုင်ချင်ကြောင်း ပြန်လည် ပြောကြားခဲ့ပေမဲ့ သူတို့တည်ဆောက်ရမယ့် ရေကာတာစီမံကိန်းနေရာဟာ မြန်မာနိုင်ငံရဲ့ ယဉ်ကျေးမှု သမိုင်းပြယုဒ်တစ်ခုဖြစ်တာမို့ ဆက်ပြီးမလုပ်ဖို့ ၈၈ မျိုးဆက် ကျောင်းသားတွေက ပန်ကြားခဲ့တယ်လို့ ဆိုပါတယ်။

“ကျနော်တို့ မူအရကတော့ လက်မခံနိုင်ဘူး။ လက်မခံနိုင်တဲ့အကြောင်းရင်းတွေကိုလည်း ကိုမြအေးက ပြောခဲ့ပြီးပြီ။ ၈၈ ဘက်က အနေနဲ့ကတော့ မြစ်ဆုံ ရေအားလျှပ်စစ်စီမံကိန်းကို လုံးဝ လက်မခံနိုင်ပါဘူး။ လက်မခံနိုင်ရခြင်း အကြောင်းရင်းတွေကတော့ အချက် သုံးချက်ပေါ့နော်-အဓိက-ကတော့။ တစ်အချက်က ကချင်ပြည်နယ်မှာ မြစ်ဆုံဟာ တကယ့် Landmark ဖြစ်တဲ့အတွက်ကြောင့်မို့လို့ ကချင်အမျိုးသားတရပ်လုံးကလည်း လက်မခံနိုင်ဘူး၊ နောက်တစ်ခုက ဧရာဝတီမြစ် ဖြစ်တဲ့အတွက်ကြောင့်မို့လို့ ဧရာဝတီမြစ်ဟာ ကျနော်တို့ တမျိုးသားလုံးရဲ့ အသက်သွေးကြောဖြစ်တယ်၊ နောက်ပြီးတော့ ဒီဥစ္စဟာ သမိုင်းတန်ဖိုးလည်းရှိတယ်။”

မြစ်ဆုံဒေသဟာ ကချင်တိုင်းရင်းသားတွေရဲ့ အထင်ကရနေရာ၊ အရေးကြီးတဲ့ အထိမ်းအမှတ်နေရာဖြစ်သလို မြန်မာတမျိုးသားလုံးက အထူးတန်ဖိုးထားတဲ့ ယဉ်ကျေးမှု သမိုင်းပြယုဒ်ဖြစ်နေပြီး မြန်မာနိုင်ငံ အထက်အောက် ကုန်သွယ်စီးပွားနဲ့ ကူးသန်းသွားလာရေးအတွက် တနိုင်ငံလုံးက အားထားနေရတဲ့ ဧရာဝတီမြစ်ကြောင်းအစမို့ ဒီလိုနေရာမျိုးကို ကြီးမားတဲ့ရေကာတာကြီးတွေနဲ့ အစားမထိုးနိုင်ကြောင်း ရှင်းပြခဲ့ကြပြီး ဒီ မြစ်ဆုံဆည် ရေအားလျှပ်စစ်စီမံကိန်းကို လုံးဝ ရပ်ဆိုင်းပေးဖို့ တောင်းဆိုခဲ့တယ်လို့ ဆိုပါတယ်။

CPI ကုမ္ပဏီတာဝန်ရှိသူတွေက မြန်မာနိုငငံကို လာရောက်ပြီး ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းနဲ့ ထပ်မံတွေ့ဆုံဆွေးနွေးဖို့ ဆန္ဒရှိကြောင်း ပြောကြားခဲ့တယ်လို့ ပြောပါတယ်။

မြစ်ဆုံရေအားလျှပ်စစ်စီမံကိန်းကို ရပ်ဆိုင်းပစ်ဖို့အတွက် မြန်မာနိုင်ငံအတွင်း ဆန့်ကျင်ဆန္ဒပြပွဲတွေကြောင့်၂၀၁၁ ခုနှစ်၊ စက်တင်ဘာလမှာ သမ္မတဦးသိန်းစိန်က သူ့ရဲ့ သမ္မတသက်တမ်းအတွင်း ရပ်ဆိုင်းထားဖို့ ကတိပြုခဲ့ပါတယ်။ ဒါဟာ ၂၀၁၅ ခုနှစ်မှာ ကုန်ဆုံးတော့မှာမို့ မြစ်ဆုံ ရေကာတာအတွက် ရာနှုန်းပြည့် အခြေချပြီးဖြစ်နေတဲ့ CPI ကုမ္ပဏီက လုပ်ငန်းပြန်စဖို့အတွက် ဆန္ဒရှိနေတာပါ။

ဧရာဝတီမြစ်ကြောင်းအစ မေခ၊ မလိခမြစ်နှစ်သွယ်ပေါ်မှာ တည်ဆောက်မယ့် ဆည်ကြီး ၇ ခုနဲ့ မြစ်ခွဲလေးတွေထဲ တည်ဆောက်မယ့် ဆည်အသေး ၆ ခုစလုံးကို ရပ်ဆိုင်းထားခဲ့ပြီး သူတို့  ကုမ္ပဏီက လုံခြုံရေးအစောင့် ၈၀-၉၀ လောက်ပဲ ချန်ထားတဲ့ ဒီစီမံကိန်းကို ပြန်ပြီးစနိုင်အောင် CPI ကုမ္ပဏီက ကြိုးစားနေတာပါ။ ဒါပေမဲ့ ဒါကို ပြန်စနိုင်အောင် ပြည့်စုံတဲ့ EIA လို့ခေါ်တဲ့ သဘာဝပတ်ဝန်းကျင် ထိခိုက်မှုဆိုင်ရာ ဆန်းစစ်မှု အစီရင်ခံစာ လိုအပ်နေတာ ဖြစ်ပြီး ဒါကလည်း ကချင်ပြည်နယ်တွင်း တိုက်ပွဲတွေကြောင့် သေသေချာချာ မလုပ်နိုင်ဘဲဖြစ်နေတာပါ။ ကိုမြအေးဦးဆောင်တဲ့ ၈၈ မျိုးဆက် ကျောင်းသားများအဖွဲ့ဟာ ဂျွန်လ ၁၁ ရက်၊ အင်္ဂါနေ့မှာ ရန်ကုန်ကို မပြန်ခင် ကူမင်းဒေသ အစိုးရအဖွဲ့နဲ့ တရုတ်ကွန်မြူနစ်ပါတီ အရာရှိကြီးတွေနဲ့လည်း တွေ့ဆုံအုံးမှာ ဖြစ်ပါတယ်။
ဒေါ်ခင်မျိုးသက်
ဗွီအိုအေ (မြန်မာပိုင်း)

ပြည်သူ့လွှတ်တော်ဥက္ကဋ္ဌ ဦးရွှေမန်း သမ္မတတာဝန်ယူဖို့ ဆန္ဒရှိ

ပြည်သူ့လွှတ်တော်ဥက္ကဋ္ဌ ဦးရွှေမန်းနှင့် ဗွီအိုအေအယ်ဒီတာ ဦးသိန်းထိုက်ဦး။ (ဂျွန် ၉၊ ၂၀၁၃။) ဓာတ်ပုံ/ ဗွီအိုအေ (မြန်မာပိုင်း)

10.06.2013
အမေရိကန် ပြည်ထောင်စုကို ပထမဆုံးအကြိမ် လွှတ်တော်ကိုယ်စားလှယ် တဦးအဖြစ်နဲ့ ရောက်ရှိလာတဲ့ ပြည်သူ့လွှတ်တော် ဥက္ကဋ္ဌ သူရဦးရွှေမန်း အနေနဲ့ အစိုးရအကြီးအကဲ သမ္မတတဦးအဖြစ် တာဝန်ယူဖို့ ဆန္ဒရှိတဲ့အကြောင်း ပြောဆိုလိုက်ပါတယ်။ အမေရိကန် ပြည်ထောင်စုမှာ လွှတ်တော်ရေးရာ ကိစ္စရပ်တွေကို လေ့လာဖို့ ခရီးစဉ်တစိတ်တပိုင်းအဖြစ်နဲ့ ရောက်ရှိလာတဲ့ ခရီးစဉ်အတွင်း ဗွီအိုအေနဲ့ သီးသန့်တွေ့ဆုံမေးမြန်းရာမှာ ဦးရွှေမန်း ကအခုလို ပြောလိုက်တာပါ။

၂၀၁၅ ခုနှစ်မှာ နောက်တကြိမ် ရွေးကောက်ပွဲတွေ ကျင်းပတဲ့အခါ သမ္မတအဖြစ် တာဝန်ယူဖို့ ဆန္ဒရှိတဲ့အကြောင်း ထုတ်ဖော်ပြောဆိုထားတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အတွက်ကတော့ လက်ရှိ အခြေခံဥပဒေအရ ကန့်သတ်ခံထားရတာပါ။ ဒါပေမဲ့လည်း အများသဘောတူ လက်ခံတယ်ဆိုရင်တော့ ၂၀၀၈ ခုနှစ် အခြေခံဥပဒေပါ အချက်အလက်တွေကို သူ့အနေနဲ့ ကန့်ကွက်မှ မဟုတ်တဲ့အကြောင်းလည်း ဦးရွှေမန်း ကပြောပါတယ်။

သီတင်း ၂ ပတ်နီးပါးကြာ အမေရိကန် ခရီးစဉ်အတွင်းမှာတော့ လွှတ်တော်ရေးရာ တာဝန်ရှိသူတွေနဲ့အတူ ဦးရွှေမန်းဟာ အမေရိကန် လွှတ်တော်တွင်းက တာဝန်ရှိသူတွေနဲ့ တွေ့ဆုံသွားဖို့ရှိပြီး မြန်မာနိုင်ငံက လွှတ်တော်ရဲ့ အရည်အသွေး မြင့်မားအောင် လုပ်ဆောင်နိုင်မယ့် နည်းလမ်းတွေကို လေ့လာဖို့ ရည်ရွယ်ထားတာပါ။ လတ်တလောခရီးစဉ် အစနေ့အဖြစ် ဒေသစံတော်ချိန် တနင်္ဂနွေနေ့ နှောင်းပိုင်းမှာတော့ ၀ါရှင်တန် မြန်မာသံရုံးမှာ အမေရိကန်ရောက် မြန်မာနိုင်ငံသားတွေနဲ့ တွေ့ဆုံခဲ့တာလည်း ဖြစ်ပါတယ်။
ဦးသိန်းထိုက်ဦး
ဗွီအိုအေ (မြန်မာပိုင်း)

လစ်ဗျား စစ်ဦးစီးချုပ် ရာထူးက နုတ်ထွက်

နှုတ်ထွက်သွားတဲ့ လစ်ဗျား စစ်ဦးစီးချုပ်

10 ဇွန်လ 2013
လစ်ဗျား နိုင်ငံက ကြည်းတပ် စစ်ဦးစီးချုပ် Youssef al-Mangoush ရာထူးကနေ နုတ်ထွက် လိုက်ပါတယ်။

ဘန်ဂါဇီမြို့မှာ ကန့်ကွက် ဆန္ဒပြသူ တွေနဲ့ ပြည်သူ့စစ် အဖွဲ့ တဖွဲ့ကြား လူ ၃ဝ သေဆုံးခဲ့ရတဲ့ အဓိကရုဏ်း နောက်ပိုင်း စစ်ဦးစီးချုပ် နုတ်ထွက်လွှာ တင်တာကို မနေ့က အမျိုးသား လွှတ်တော်က လက်ခံ လိုက်တာ ဖြစ်ပါတယ်။

ဘန်ဂါဇီမှာရှိတဲ့ Libya Shield Brigade လို့ ခေါ်တဲ့ ပြည်သူ့စစ် အဖွဲ့ စစ်ဌာနချုပ် အပြင်ဘက်မှာ အဲဒီအဖွဲ့ကို ဖျက်သိမ်းဖို့ စနေနေ့က စုရုံးပြီး တောင်းဆို ဆန္ဒပြ ကြစဉ်မှာ ဆန္ဒပြသူ တွေနဲ့ ပြည်သူ့စစ်တွေ ခိုက်ရန် ဖြစ်ပွား ခဲ့ကြတာပါ။

လစ်ဗျားမှာ ၂၀၁၁ ခု ကဒါဖီ သေဆုံးခဲ့ပြီး ကတည်းက လက်နက်ကိုင် ပြည်သူ့စစ်တွေ ရှိနေတဲ့ ကိစ္စကို ဖြေရှင်းဖို့ အစိုးရက ကြိုးစား နေခဲ့ ပါတယ်။

အခုတော့ ဘန်ဂါဇီမှာရှိတဲ့ Libya Shield Brigade ရဲ့ စစ်စခန်း အားလုံးကို စစ်တပ်က ထိန်းချုပ်ဖို့ အမိန့်ထုတ်ခဲ့ပြီး မကြာခင်မှာ စစ်ဦးစီးချုပ်ကို နုတ်ထွက်ခွင့် ပြုကြောင်း ကြေညာ ခဲ့တာ ဖြစ်ပါတယ်။

အခု စစ်ဦးစီးချုပ်ကို မထွက်ရင်လည်း မကြာခင် ဖယ်ရှား ပစ်တော့မှာ ဖြစ်တယ်လို့ ဘီဘီစီ သတင်းထောက်က ပြောပါတယ်။

သူဟာ လစ်ဗျားက ပြည်သူ့စစ်တွေနဲ့ ပတ်သက်တဲ့ ပြသနာ အများအပြား အတွက် တာဝန်ရှိသူ၊ ထိထိရောက်ရောက် မကိုင်တွယ် နိုင်သူလို့ မြင်ကြ ပါတယ်။

သေဆုံးသူတွေ အတွက် အမျိုးသား လွှတ်တော်က ဝမ်းနည်းကြောင်း အထိမ်း အမှတ် ၃ ရက် သတ်မှတ်ခဲ့ သလို သေဆုံးမှုတွေနဲ့ ပတ်သက်လို့ စုံစမ်း စစ်ဆေးဖို့ တရားသူကြီး တဦးကိုလည်း ခန့်အပ် ခဲ့ပါတယ်။

စစ်ဦးစီးချုပ် နေရာမှာ သူ့ရဲ့ လက်ထောက် ဖြစ်သူကို ယာယီ ခန့်ထား လိုက်တယ် လို့ ဆိုပါတယ်။

အခု သေဆုံးမှုတွေ ဖြစ်ခဲ့တဲ့ ပြည်သူ့စစ် ဌာနချုပ် ကိုလည်း အထူး တပ်ဖွဲ့ တဖွဲ့က ထိန်းသိမ်း ကွပ်ကဲနေတယ်လို့ စစ်တပ် ပြောခွင့်ရ ပုဂ္ဂိုလ်က ပြောပါတယ်။

ဒါ ခဏပဲလား၊ ဒီပြည်သူ့စစ် အဖွဲ့ကို ဖျက်သိမ်းပြီး စစ်တပ်က ရေရှည် ထိန်းသိမ်း တော့မှာလား ဆိုတာ ကိုတော့ သဲသဲကွဲကွဲ မသိရဘူးလို့ ဘီဘီစီ သတင်းထောက်က ပြောပါတယ်။

အမျိုးသား လွှတ်တော်က Libya Shield Brigade ပြည်သူ့စစ်အဖွဲ့ကို တိုက်ရိုက် ဝေဖန် တာမျိုး မလုပ်ခဲ့ ပါဘူး။

လစ်ဗျား အာဏာပိုင် တွေဟာ လက်နက်ကိုင် ပြည်သူ့စစ်တွေနဲ့ ပတ်သက်ရင် တည့်တည့် မပြောရဲ ကြသလို ထိပ်တိုက် ရင်ဆိုင် မပြောရဲ ကြတဲ့ အားနည်းချက် ရှိတယ်လို့ ဘီဘီစီ သတင်းထောက်က ပြောပါတယ်။

ဘန်ဂါဇီမှာ ဥပဒေမဲ့ အနေအထားမျိုး ဆက်ဖြစ်နေတဲ့ အတွက် ပြည်သူ့စစ် တွေကို အတော် များများက အပြစ်တင် ကြပြီး ဒီအဖွဲ့တွေ ဖျက်သိမ်းဖို့ မနှစ်က လူ ထောင် ချီပြီး လမ်းတွေပေါ်ထွက် ဆန္ဒပြ ခဲ့ကြပါတယ်။

ပြီးခဲ့တဲ့ ဧပြီလက ထရီပိုလီ မြို့တော်က ဝန်ကြီးဌာန တချို့ကို ပြည်သူ့စစ်တွေ ဝိုင်းရံ ပိတ်ဆို့ခဲ့ ပြီးနောက် သူတို့ အပေါ် လူတွေရဲ့ မကျေနပ်မှု ပိုပြီး တိုးပွား လာခဲ့တာ ဖြစ်ပါတယ်။
ဘီဘီစီ (မြန်မာပိုင်း)

ထောက်လှမ်းရေး သတင်းပေးသူ အမည် ဖွင့်ထုတ်

စီအိုင်အေ လက်ထောက် အရာရှိ ဟောင်းက ဖွင့်ချခဲ့

Monday, June 10, 2013
ကမ္ဘာ တလွှားက ကွန်ပျူတာနဲ့ တယ်လီဖုန်း ကွန်ယက် ဆက်သွယ်မှု တွေကို ထောက်လှမ်း ခြေရာခံတဲ့ အမေရိကန် ထောက်လှမ်းရေး အစီအစဉ် အကြောင်း ဖော်ထုတ် ခဲ့သူရဲ့ အမည် နာမကို ဂါးဒီးယန်း နဲ့ ဝါရှင်တန် ပို့စ် သတင်းစာ ကြီးတွေမှာ နာမည်နဲ့ တကွ ဖွင့်ချ လိုက်ပါပြီ။

ဒီလို ဖော်ထုတ် ခဲ့တဲ့ စီအိုင်အေ လက်ထောက် အရာရှိ ဟောင်း Edward Snowden က လွတ်လပ်စွာ ပြောဆိုခွင့် ရှိတဲ့ ဘယ်နိုင်ငံမှာ မဆို ခိုလှုံခွင့် တောင်းခိုမှာ ဖြစ်တယ်၊ ဒီကိစ္စ အတွက် ဘာမှ လုပ်ဆောင်မှု မရှိတဲ့ အမေရိကန် သမ္မတ အိုဘားမားကို စိတ်ပျက်မိတယ်လို့ ပြောဆို လိုက်ပါတယ်။

အမေရိကန် လှိျု့ဝှက် ထောက်လှမ်းရေး အဖွဲ့ တွေက အစိုးရ တရပ်ရဲ့ အာဏာကို ကျော်လွန်ပြီး ဒီမိုကရေစီကို ခြိမ်းခြောက် နေတယ်လို့ အသက် ၂၉ နှစ် အရွယ် စီအိုင်အေ လက်ထောက် အရာရှိ ဟောင်း Edward Snowden က ဗီဒီယို သတင်း တပုဒ်မှာ ပြောဆို ခဲ့ပါတယ်။

ဒီလို ဖွင့်ချ လိုက်တဲ့ အတွက် အမေရိကန်ရဲ့ လှိျု့ဝှက် သတင်း ထောက်လှမ်းနေမှု ပမာဏ အပေါ် အကျယ်အပြန့် ဆွေးနွေး ပြောဆိုမှုတွေ ရှိလာပါတယ်။

မစ္စတာ Snowden ဟောင်ကောင်က ဟိုတယ် တခုမှာ တည်းခို နေတယ်လို့ ဂါးဒီးယန်းက ပြောဆိုပါတယ်။

သူ့ကို အမေရိကန် အာဏာပိုင် တွေ ဘက်က သူ့ကို တုံ့ပြန် ဒဏ်ခတ် လာမှာကို မျှော်လင့် ပြီးသား ဖြစ်ကြောင်းလဲ သူက ဆိုပါတယ်။

ဒီအချိန် မှာပဲ အလွန် အရေးကြီးတဲ့ ထောက်လှမ်းရေး အစီအစဉ် ပေါက်ကြားမှု အတွက် တရားရေး ဌာနကို လွှဲအပ် လိုက်ပြီ ဖြစ်ကြောင်း အမေရိကန် အမျိုးသား လုံခြုံရေး ဌာန ပြောခွင့်ရ ပုဂ္ဂိုလ် ဝါရှင်တန်မှာ ပြောကြား လိုက်ပါတယ်။

ဒီလို လှိျု့ဝှက် သတင်း အချက်အလက်ကို သိရှိသူ အဖို့ ဥပဒေ အရ ကာကွယ် စောင့်ထိန်းဖို့ လိုက်နာရမယ့် တာဝန်ရှိတယ်လို့ ထောက်လှမ်းရေး ရုံး ကြေညာချက်မှာ ပါရှိ ပါတယ်။

ဥရောပ တုံ့ပြန်

အမေရိကန် ထောက်လှမ်းရေး အစီအစဉ် ကိစ္စကြောင့် အလွန် ပူပန် စိုးရိမ် မိတယ်လို့ ဂျာမန် အစိုးရ က ထုတ်ပြန် လိုက်ပါတယ်။

ဒီ ထောက်လှမ်းရေး အစီအမံကို အလွန် ဆိုးသွမ်းတဲ့ လုပ်ရပ် ဖြစ်ကြောင်း အချက်အလက် ကာကွယ်ရေး မင်းကြီး Peter Schaar က ပြောဆိုပါတယ်။

ဒီ အစီအစဉ်ရဲ့ ရည်ရွယ်ချက် တွေကို ရှင်းပြဖို့ အမေရိကန် အစိုးရကို သူက တောင်းဆို လိုက်ပြီး ဂျာမန် နိုင်ငံသားတွေရဲ့ ပုဂ္ဂိုလ်ရေး လွတ်လပ်ခွင့် ကို ဂျာမနီ အစိုးရ အနေနဲ့ ကာကွယ် ပေးရမှာ ဖြစ်ကြောင်းလဲ ပြောဆိုပါတယ်။

တင်းကျပ်တဲ့ ဗြိတိသျှ ထောက်လှမ်းရေး ဥပဒေ တွေကို ရှောင်လွှဲဖို့ အတွက် အမေရိကန် ထောက်လှမ်းရေး အချက်အလက် တွေကို ဗြိတိသျှ ထောက်လှမ်းရေး တွေက သုံးခဲ့တယ် ဆိုတဲ့ စွပ်စွဲမှုတွေကို ဖြေရှင်းဖို့ လဲ ဗြိတိသျှ အာဏာပိုင် တွေ ကို တောင်းဆို ခဲ့ကြပါတယ်။

ဗြိတိသျှ နိုင်ငံခြားရေး ဝန်ကြီး ဝီလျံ ဟိဂ် တနင်္လာနေ့ ပါလီမန်မှာ ကြေညာချက် တခု ထုတ်ပြန်ဖို့ ရှိပါတယ်။
ဘီဘီစီ (မြန်မာပိုင်း)