ဧက လေးဆယ်မြေနေရာဟု လူသိများနေသော စစ်ကိုင်းတိုင်းဒေသကြီး လွှတ်တော်ရုံးတည်ဆောက်ရန် ပြင် ဆင်လျက်ရှိသည့် မြေနေရာသည် မူလလက်ငုတ်နေထိုင်သူများနှင့် သက်ဆိုင်ရာ အာဏာပိုင်များကြား မကြာ ခဏ မြေယာအငြင်ပွားမှုများ ဖြစ်ပေါ်လျက်ရှိရာ ယခုလ ၂ ရက်နေ့ မနက် ၉ နာရီအချိန်ခန့်က လွှတ်တော်ရုံး တည်ဆောက်ရန် အတွက် လူနေအိမ်အချို့ ဖယ်ရှားခံရကြောင်း မုံရွာမြို့ခံ တစ်ဦးမှ ပြောကြားသည်။
အဆိုပါ အငြင်းပွားလျက်ရှိသော မြေနေရာသည် မုံရွာမြို့ အိုးဘိုတောင်မြို့သစ်ရပ်ကွက် ကွင်းအမှတ် ( ၃၃၃ - က) ကွေ့ကြီး အနောက်ကွင်း ဧရိယာအကျယ်အ၀န်း ( ၁၆၇ ဒသမ ၇၄ )ဧကအား မြို့တိုးချဲ့မြေအဖြစ် မုံရွာနယ် အုပ်ချုပ်ရေးမှုးရုံး၏ ၁၆. ၂. ၂၀၁၃ ရက်စွဲပါ စာအမှတ် ၅/ ၄၃ - ၃၉ / ဦး ၆ ( ၀၃၇၂ ) အမိန့်စာများအရ သတ် မှတ်ထားပြီးဖြစ်ကြောင်း၊ လွှတ်တော်ရုံးမြေနေရာအတွက် (၂၀ ဒသမ ၄၈) ဧကအတွင်း ကျူးကျော်ဝင်ရောက် နေ ထိုင်လျက်ရှိသော လူနေအိမ် (၇၇)လုံးအား မြေနေရာ အစားထိုးပြန်လည် ချထားနိုင်ရေးအတွက် ၂၉.၁၁.၂၀၁၁ ရက်နေ့ခန့်က အိုးဘိုတောင် ရပ်ကွက်ရှိ မြ၀တီ ဘုန်းကြီးကျောင်း၌ စစ်ကိုင်းတိုင်းဒေသကြီး အစိုးရအဖွဲ့၊ စည်ပင်သာယာရေ ၀န်ကြီး ဦးတင်ဝင်း ဦးဆောင်သောအဖွဲ့မှ ပြောင်းရွှေ့ရမည့်မြေနေရာများအတွက် မဲနှိုက်စနစ်ဖြင့် နေရာချထားပေးခဲ့ဖြစ်ပြီးဖြစ်ကြောင်း မုံရွာမြို့နယ် အုပ်ချုပ်ရေးမှုးရုံးရှိ မှတ်တမ်းများတွင် ဖော်ပြထားသည်။
“ အစားထိုးမြေနေရာအဖြစ် ပေ ၂၀x ၈၀ ကိုတော့ မဲနှိုက်စနစ်နဲ့ ချထားပေးတာတော့ရှိပါတယ်။ မိသားစု နေထိုင်နိုင်ဖို့ အမှန်တကယ် မဖြစ်နိုင်ပါဘူး။ ချပေးမြေနေရာက အလွန်ကို ကျင်းကြပ်လွန်းတာကြောင့် ပြောင်းရွေ့ နေထိုင်လိုသူ မရှိကျတာဖြစ်ပါတယ်..” ဟု ပြောင်းရွေ့နေထိုင်ရန် နေရာချထားပေးခြင်းခံသူ ဒေသခံတစ်ဦးမှ mizzima သတင်းဌာနသို့ ပြောပြသည်။
မုံရွာမြို့နယ် အုပ်ချုပ်ရေးမှုး ဦးညွှန့်စိုးမှ လက်မှတ်ရေးထိုး၍ ဖေဖော်ဝါရီလ ၁၆ ရက်နေ့တွင် အဆိုပါ မြေယာ အငြင်းပွားသူများထံ ထုတ်ဆင့်ခဲ့သော အမိန့်စာ၌ နေအိမ် ပြောင်းရွေ့စရိတ်နှင့် လျော်ကြေးငွေ (၉ ဒသမ ၇၀၇) သန်းအား လက်ဝယ်အရောက်ပေးလျော်ခဲ့ပြီးဖြစ်ကြောင်း၊ ပြောင်းရွေ့ပြီး အိမ်ခြေ (၅၂)ဦး၊ အိမ်ဝန်းကျယ်(၄)ဦး၊ ပြောင်းရွေ့ရန်ကျန်ရှိသူ (၂၁)ဦး ခန့်ရှိကြောင်း၊ အစိုးရ စီမံကိန်းမြေနေရာ ဖြစ်သည့်အတွက် အမြန်ဆုံးပြောင်းရွေ့ နေထိုင်ပေးရန် လေးကြိမ်တိုင်တိုင် အသိပေးအကြောင်းကြားထားပြီးဖြစ်ကြောင်း ဖော်ပြထားသည်။
“ အဲ့ဒီ ဧက လေးဆယ် မြေနေရာကိစ္စနဲ့ ပတ်သက်ပြီး ဇွန်လ ၂၅ ရက်နေ့ နေ့လည်ပိုင်းက မြို့နယ်အုပ်ချုပ်ရေး မှုး စီးနင်းလာတဲ့ ကားရှေ့မှာ မညိုမာ ဆိုတဲ့ ကောင်မလေးက အသက်အသေခံမည်ဟုဆိုကာ လဲလျောင်းအိပ်နေ ခဲ့တာတောင် ရှိခဲ့ပါတယ်..” ဟု မုံရွာမြို့ခံ ပြည်သူတစ်ဦးမှလည်း mizzima သတင်းဌာနသို့ ပြောပြသဖြင့် သိရှိရ သည်။
စစ်ကိုင်းတိုင်းဒေသကြီး လွှတ်တော်ရုံးတည်ဆောက်ရန် မြေယာရှင်းလင်းခြင်း ဆောင်ရွက်ရာတွင် လူနေအိမ်အချို့မှ ဖယ်ရှားပေးခြင်းမရှိသည့်အတွက် ဟုဆိုကာ မုံရွာမြို့၊ အိုးဘိုတောင်ရပ်ကွက်၊နေ ဦးရွှေရ ဆိုသူ အပေါ် မြို့နယ်တရားရုံးမှ ပြစ်မှုကြီးအမှုအမှတ် ၃၇၃၅/ ၂၀၁၃ ၊ အထက်မြန်မာပြည်မြေနှင့် အခွန်စည်းမျဉ်း နည်းဥပဒေ အရ ထုတ်ပြန်ထားသော နည်းဥပဒေ ၆၉(၂) ရုံးတော်သို့ ထုချေရှင်းလင်းရန် ပျက်ကွက်ခဲ့သည့် အတွက် ဖမ်းဝရမ်းထုတ်ဆင့်ခဲ့ခြင်းဖြစ်ကြောင်း ရဲဌာနပိုင် မှတ်တမ်းများအရ သိရသည်။
“ ဒီလ (၁) ရက်နေ့က ဦးရွှေရကို မြို့နယ်တရားရုံးက ရုံးချိန်းခေါ်တယ်..။ တရားသူကြီးကနေ အပြစ်ရှိလားလို့ မေးတဲ့အခါမှာ ..ဦးရွှေရက ဟုတ်ကဲ့အပြစ်ရှိပါတယ်လို့ဖြေလိုက်တဲ့အခါ လွှတ်ပေးလို့ မဖြစ်နိုင်တော့ တာကြောင့် ထောင်တစ်လချလိုက်ပါတယ်..” ဟု မုံရွာမြို့နယ် တရားရုံရှိ တရားရေး ၀န်ထမ်းတစ်ဦးမှ ပြောပြသည်။
ဧက လေးဆယ်မြေနေရာဟု လူသိများနေသော စစ်ကိုင်းတိုင်းဒေသကြီး လွှတ်တော် ရုံးတည်ဆောက်ရန် ပြင် ဆင်လျက်ရှိသည့် မြေနေရာသည် မူလလက်ငုတ်နေထိုင်သူများနှင့် သက်ဆိုင်ရာ အာဏာပိုင်များကြား မကြာခဏ မြေယာအငြင်ပွားမှုများ ဖြစ်ပေါ်လျက်ရှိရာ မကြာမီ အဆင်ပြေနိုင်ဖွယ် ရာရှိသည်ဟု ဇွန်လ ၂၉ ရက်နေ့ မွန်းလွှဲ ၁ နာရီအချိန်ခန့်က ပုလဲမြို့မဲဆန္ဒနယ် ပြည်သူ့လွှတ်တော်ကိုယ်စားလှယ်( NLD) ဒေါ်ခင်စန်းလှိုင်မှ ဒေသခံ မြေယာအငြင်းပွားသူများထံ ယင်းကဲသို့ ပြောကြားသည်။
ThanLarWaddy Times
