ရော်နယ်လ်ဒို၏ စာချုပ်သက် (၂၀၁၅)ခုနှစ်တွင် သက်တမ်း ကုန်ဆုံးမည် ဖြစ်ပြီး ပီရက်ဇ်က မိမိတို့သည် ပေါ်တူဂီ လက်ရွေးစင် ကစားသမားကို ဆက်ထိန်းသွားမည်ဟု ပြောဆိုထားသည်။ ယခုအခါ ဥက္ကဋ္ဌကြီးက ရော်နယ်လ်ဒိုသည် ကစားသမားဘဝ ပြီးဆုံးချိန်ထိ ဘာနေဗျူးတွင်သာ ရှိနေလိမ့်မည်ဟု မှတ်ချက်ပြုသွားခဲ့သည်။
အသက်(၂၈)နှစ်ရှိ ရော်နယ်လ်ဒိုသည် ၎င်း၏ အနာဂတ်ကို တိတိကျကျ ပြောဆိုထားခြင်း မရှိသေးချေ။ ပီရက်ဇ်ကမူ "ရော်နယ်လ်ဒိုက ရီးယဲလ်မှာပဲ ဘောလုံးသမားဘဝ အဆုံးသတ်ချင်တာပါ။ ရီးယဲလ်ကလည်း သူ့ကို အသင်းမှာ ကစားရင်းပဲ အနားယူသွားစေချင်တယ်"ဟု ဆိုသည်။
၎င်းက "ကျွန်တော်တို့ စာချုပ်သစ်အတွက် ဘာမှ မဆွေးနွေးရသေးဘူး။ ဒါကလည်း သူလောလောဆယ် အားလပ်ရက် အနားယူနေလို့ပါ။ ဒါပေမဲ့ ရော်နယ်လ်ဒို ဒီမှာပဲ ကစားရင်း အနားယူမယ်ဆိုတာ သံသယ မရှိပါဘူး။ ဇနီဒင်း ဇီဒန်းနဲ့ တခြား ထိပ်သီး ဘောလုံးသမား တချို့လိုပဲ ဆိုပါတော့"ဟု ဆက်လက် ပြောကြားခဲ့သည်။
ပီရက်ဇ်က တော့တင်ဟမ် ဟော့စပါး တောင်ပံလူ ဂါရတ်သ်ဘေးလ်ကို ခေါ်ယူနိုင်ကြောင်း ထင်ကြေးများနှင့် ပတ်သက်ပြီး "သူဟာ ကစားသမားကောင်း တစ်ယောက်ဖြစ်ပြီး ကျွန်တော်တို့နဲ့ ခင်မင်ရင်းနှီးမှုရှိတဲ့ ကလပ်အသင်း တစ်ခုမှာ ကစားနေတာပါ။ ဒါပေမဲ့ ကျွန်တော်တို့ သူ့အတွက် ဘာကမ်းလှမ်းမှုမှ မလုပ်ခဲ့ပါဘူး"ဟု ငြင်းဆိုသွားသည်။
Planet Myanmar Network
