ပြည်ပသို့ အလုပ်သမား စေလွှတ်နေသော ပြည်ပအလုပ်အကိုင် ရှာဖွေရေးအေဂျင်စီများအနေဖြင့်
နေရာတိုင်းတွင် အမြတ်မထုတ်သင့် ဟု အလုပ်သမား၊အလုပ်အကိုင်နှင့် လူမှုဖူလုံရေးဝန်ကြီးဌာနမှ ဒုဝန်ကြီးဦးမြင့်သိန်းကပြည်ပအလုပ်အကိုင် ရှာဖွေရေး အေဂျင်စီအသင်းဖွဲ့စည်းခြင်း စည်းဝေးပွဲတွင်ပြောကြားသည်။
“ဒီနေ့ခေတ် အလုပ်ရှင်နဲ့ အလုပ်သမားဆိုတာ Labourprotective ကိုတွက်ပြီးသွားတဲ့ခေတ် ကို ရောက်နေပြီ။လူများများလွှတ်ပြီးဝန်ဆောင်ခ နည်းနည်းယူမယ်ဆိုရင်ကိုယ်လည်း အကျိုးအမြတ်ရှိမယ်။ အတ္တ ပရကိုကြည့်ပြီးလုပ်ကြဖို့ လိုတယ်” ဟု ယင်းက ဆက်လက်ပြောကြားသည်။
ပြည်ပအလုပ်အကိုင် အေဂျင်စီများအနေဖြင့် မိမိပို့ဆောင်ပေးသည့်အလုပ်သမားနှင့် ပတ်သတ်၍ များစွာ တာဝန်ရှိကြောင်း၊အေဂျင်စီအချင်ချင်းညှိညှိနှိုင်းနှိုင်းနှင့် စနစ်တကျ လုပ်ဆောင်ရန် လိုအပ်ကြောင်း၊ LabourMerket Information ကို သေချာလေ့လာရန်လိုအပ်ကြောင်း၊ နိုင်ငံတကာလုပ်ထုံး လုပ်နည်း များအရ အထောက်အထားများမှာ အလုပ်သမားများ လက်ဝယ်တွင်ရှိရမည်ဖြစ်ပြီး ပတ်စပို့ ကော် ပီနှင့် လေဘာကတ် စသည်တို့အနည်းဆုံး ရှိနေရမည်ဖြစ်ကြောင်း ဦးမြင့်သိန်းက ပြောကြားသည်။
“ကျွန်တော်တို့ ကွင်းဆင်းလေ့လာရသလောက်တော့ လွှတ်တဲ့အေဂျင်စီတွေမှာတာဝန် မကျေတာ တော်တော်များများ တွေ့ရတယ်။ အဲ့ဒီက အလုပ်သမားတွေမှာဘယ်အေဂျင်စီက ပို့ပေးတယ်ဆိုတာတောင် မသိကြဘူး။ ဒီဘက်ကတော့တရားဝင်လွှတ်တာပဲ။ ဒါပေမယ့် ဟိုဘက်သွားပြီး စစ်လိုက်လို့ အထောက်အထားတွေမရှိဘူးဆိုရင် ပို့ပေးတဲ့ အေဂျင်စီတွေကို အရေးယူသွားမယ်” ယင်းကပြောကြားသည်။
ယင်းကိစ္စရပ်များမှာ အေဂျင်စီများတွင်သာ မဟုတ်ဘဲ အလုပ်သမား၊အလုပ်အကိုင်နှင့် လူမှုဖူလုံရေး ဝန်ကြီးဌာနတွင်ပါ တာဝန်ရှိပြီး ကိုယ့်တာဝန်ကိုယ်ယူကြရမည်ဖြစ်ကြောင်း၊ အေဂျင်စီများအနေဖြင့် တာဝန်ယူရုံနှင့်မပြီးဘဲပွင့်လင်းမြင်သာမှုရှိရန်လည်း လိုအပ်ကြောင်း သိရသည်။မြန်မာပြည်တွင် ၁၉၉၀ ခုနှစ်မှ ၂၀၁၃ခုနှစ် ဇန်နဝါရီလအထိ ထိုင်း၊ စင်ကာပူ၊မလေးရှား၊ ဂျပန် စသည့်နိုင်ငံများသို့ အမျိုးသား အလုပ်သမားဦးရေ ၁၅၃၄၀၆ဦး တရားဝင် ပို့ဆောင်ပေးခဲ့ပြီး ဖြစ်ကြောင်း၊ ထိုင်းရွှေ့ပြောင်းအလုပ်သမား ၂ သန်းခွဲနီးပါးရှိပြီး ၁.၂၃သန်းကို အထောက်အထားထုတ်ပေးနိုင်ပြီဖြစ်ကြောင်း၊ ကျန်ရှိသည့် အလုပ်သမားများ အတွက်လည်း အထောက်အထားများထုတ်ပေးနိုင်ရန်စီစဉ်လျက်ရှိကြောင်း သိရသည်။ ရည်မွန်
The Myanma Age
