လယ်သမားအရေး ဦးဆောင်သူ အချုပ်ခန်းတွင် သေဆုံးခဲ့မှု ပြင်ဆင်ချက် အယူခံဝင်မည်

ပြည်၊ ဇွန် ၁၂
ပဲခူးတိုင်းဒေသကြီး အနောက်ပိုင်း ပန်းတောင်းမြို့နယ် ဖန်ခါးပင် ကြိုးဝိုင်းတွင် ကျွန်းစိုက်ခင်း စိုက်ပျိုးလျက် ရှိသော အမျိုးသား သယံဇာတ ဖွံ့ဖြိုးတိုးတက်ရေး ကုမ္ပဏီနှင့် ဒေသခံများ ဖြစ်ပွားနေသော လယ်ယာမြေ အငြင်းပွားမှုတွင် တောင်သူများဘက်မှ ဦးဆောင်နေသော ဦးသန်းထွန်းကို ရဲစခန်းတွင် ချုပ်နှောင်ထားစဉ် သေဆုံးသွားခဲ့သည့်ကိစ္စနှင့် ပတ်သက်၍ ခရိုင်တရားရုံးထံ ပြင်ဆင်ချက်တက် (အယူခံ) ဝင်ရောက်မည်
ဖြစ်ကြောင်း သေဆုံးသူ၏ဇနီး ဒေါ်မြင့်ဌေးထံမှ သိရသည်။

မေလ၂၃ ရက်နေ့က စံပြရဲစခန်းတွင် ချုပ်နှောင်ထားစဉ် သေဆုံးသူ ဒန့်ဒလွန်အုပ်စု ကြာအင်းရွာသား ဦးသန်းထွန်းသည် အရက်ကြောင်
ကြောင်ကာ အချုပ်ခန်း သံတိုင်နှင့် ဆောင့်၍ ရရှိသောဒဏ်ရာဖြင့်
သေဆုံးသည်ဟု ရဲစခန်းက သာမန် သေမှုသေခင်း ဖွင့်သည်ကို မကျေနပ်၍ အမှုမှန် ပေါ်ပေါက်ရန် စခန်းမှူး ဦးဆန်းလင်းကို ပန်းတောင်း တရားရုံးတွင် ဦးတိုက်လျှောက်ကာ တရားစွဲ ဆိုခဲ့သော်လည်း ပလပ်ခံရကြောင်း ၎င်းကဆိုသည်။

ပန်းတောင်းမြို့နယ်တွင် ဖန်ခါးပင် ကြိုးဝိုင်းတွင် ကျွန်းစိုက်ခင်း စိုက်ပျိုးလျက် ရှိသော အမျိုးသား သယံဇာတ ဖွံ့ဖြိုးတိုးတက်ရေး ကုမ္ပဏီနှင့် ဒေသခံများ ဖြစ်ပွားနေသော လယ်ယာမြေ အငြင်းပွားမှုတွင် ဦးသန်းထွန်းသည် ခေါင်းဆောင် ပါဝင်သူဖြစ်ခြင်း၊ ရဲများ၏ စစ်ဆေးမေးမြန်းမှုကို လေးကြိမ်တိုင် ခံခဲ့ရသူဖြစ်ခြင်း၊ တရားစွဲဆိုခံရသော လယ်သမား ၁၇ ဦးတွင် ပါဝင်နေခြင်းနှင့် ဒဏ်ရာဒဏ်ချက်များဖြင့်
သေဆုံးသွားမှုတို့ ဆက်စပ်ပါက သွေးရိုးသားရိုး သေဆုံးမှု မဟုတ်နိုင်
ကြောင်း လူ့ အခွင့်အရေး လှုပ်ရှားသူ တစ်ဦးဖြစ်သူ ဦးမင်းမင်း (သံလွင်ခက် စွမ်းအင်မြှင့်တင်မှု ပညာဒါန သင်တန်းကျောင်း)က မှတ်ချက်ပြု ပြောကြားသည်။

“ကိုသန်းထွန်းက ရဲတွေပြောသလို အရက်ကြောင် ကြောင်လို့ သေတယ်ပဲ ထားဦး။ ရဲစခန်းရဲ့ ထိန်းသိမ်း စောင့်ရှောက်မှုအောက်မှာ ရှိနေတဲ့ အချုပ်သားတစ်ဦး သေဆုံးသွားရတာနဲ့ ပတ်သက်ပြီးတော့ စခန်းမှူးနဲ့တကွ ရဲတပ်ဖွဲ့ဝင်တွေ အားလုံးမှာ အပြည့်အဝ တာဝန်ရှိတယ်” ဟု ၎င်းကဆိုသည်။

ဦးသန်းထွန်းသည် ပန်းတောင်း ရဲစခန်း စခန်းမှူး ဦးဆန်းလင်းက မေလ ၂၂ ရက်နေ့ညက အချုပ်ထဲတွင် ရှိစဉ်က အရက်ကြောင် ကြောင်ကာ အချုပ်သံတိုင်နှင့် ဆောင့်၍ ဒဏ်ရာ ရရှိခဲ့သောကြောင့်မေလ ၂၃ ရက် နံနက်က ဆေးရုံကို ပို့ခဲ့သော်လည်း သေဆုံးခဲ့သဖြင့် သေမှုသေခင်း အမှတ်စဉ် ၄/၂၀၁၃ ဖွင့်ကာ စုံစမ်း စစ်ဆေးနေကြောင်း စခန်းမှူး ဦးဆန်းလင်းက ပြောကြားခဲ့သည်။

ဦးသန်းထွန်းသည် တစ်ရွာတည်းနေ ဦးနီနှင့် ခိုက်ရန် ဖြစ်ပွားခဲ့သည့်အတွက် ခိုက်ရန် ဖြစ်ပွားခဲ့မှု ပုဒ်မ (၃၂၄) ဖြင့် အမှုဖွင့်ခံရပြီး အာမခံ ရရှိခဲ့သော်လည်း ဦးနီ၏ ဆေးစာအရ ပုဒ်မ (၃၂၆) ဖြင့် ပြောင်းလဲ အမှုဖွင့်ကာ အချုပ်ဖြင့် ထားစဉ် လေးရက်အကြာတွင် သေဆုံးခဲ့ခြင်း ဖြစ်ကြောင်းပန်းတောင်းမြို့နယ်ရဲစခန်းထံမှ စုံစမ်း သိရှိရသည်။

“(၃၂၄)နဲ့ အမှုစွဲဆိုပြီး အာမခံနဲ့ ပြန်လွှတ်ထားတဲ့သူကို တစ်လ ကျော်
ကျော်မှ (၃၂၆) နဲ့ ပြောင်းတယ်လို့ ဆိုပြီး တရားရုံးကို တရားစွဲတင်ခြင်း မပြုဘဲ ရဲစခန်းမှာ ပြန်လည် ချုပ်နှောင်ထားတာက ရဲတပ်ဖွဲ့ရဲ့ လုပ်ဆောင်ချက်ဟာ ပြဋ္ဌာန်းထားတဲ့ လုပ်ထုံးလုပ်နည်းနဲ့ မညီဘူး”ဟု တရားလွှတ်တော်ရှေ့နေ ဦးကျော်ဌေးက သုံးသပ် ပြောဆိုသွားသည်။
The Voice Weekly