June 14, 2013
ရှမ်းပြည် ပြန်လည်ထူထောင်ရေး ကောင်စီ အနေဖြင့် ရှမ်းပြည်နယ်အတွင်း မူးယစ်ဆေးဝါး တိုက်ဖျက်ရေးလုပ်ငန်းများ ဆောင်ရွက်ရာတွင် မြန်မာအစိုးရ၊ ကုလသမဂ္ဂ အပါအ၀င် ပြည်တွင်းပြည်ပ အဖွဲ့အစည်းများနှင့် ပူပေါင်း ဆောင်ရွက်သွားမည် ဖြစ်ကြောင်း ရှမ်းပြည် ပြန်လည်ထူထောင်ရေး ကောင်စီ ဥက္ကဋ္ဌ ဒုတိယဗိုလ်ချုပ်ကြီး ယွက်စစ်က ပြောဆိုလိုက်သည်။
ရန်ကုန်မြို့တွင် ရောက်ရှိနေသော ဒုတိယဗိုလ်ချုပ်ကြီး ယွက်စစ်သည် ကုလသမဂ္ဂ မူးယစ်ဆေးဝါးနှင့် မှုခင်းဆိုင်ရာရုံး (UNODC) မှ မြန်မာနိုင်ငံဆိုင်ရာ ကိုယ်စားလှယ် Mr. Jason Eligh နှင့် ဇွန်လ ၁၃ ရက်နေ့ မနက်ပိုင်း တွေ့ဆုံအပြီး ထိုသို့ ပြောဆိုလိုက်ခြင်း ဖြစ်ကြောင်း သိရှိရသည်။
ယခင်က မူးယစ်ဆေးဝါး တိုက်ဖျက်ရေး အတွက် အစိုးရနှင့် ရှမ်းပြည် ပြန်လည်ထူထောင်ရေး ကောင်စီတို့ သဘော တူညီချက်များ ရှိသော်လည်း တိုက်ပွဲများ တလျှောက်လုံး ဖြစ်ပွား နေသည့်အတွက် အကောင်အထည်ဖော်နိုင်ခဲ့ခြင်း မရှိကြောင်း၊ ယခု အပစ်အခတ် ရပ်စဲ ထားချိန်တွင် ဘိန်းတိုက်ဖျက်ရေး၊ ဖွံ့ဖြိုး တိုးတက်ရေး၊ ဘိန်းအစားထိုး သီးနှံ စိုက်ပျိုးနိုင်ရေးတို့ကို အာရုံစိုက် လုပ်ဆောင်သွားမည်ဟု ဒုတိယဗိုလ်ချုပ်ကြီးယွက်စစ်က ဆိုသည်။
မြန်မာနိုင်ငံမှ ဘိန်းခင်းတခု (ဓာတ်ပုံ – UNODC)
“အရင်က မူးယစ်ဆေးဝါး တိုက်ဖျက်ဖို့ အစိုးရနဲ့ သဘောတူညီ ထားခဲ့တာတွေက စက္ကူပေါ်မှာပဲ ရှိပါတယ်။ ဒါပေမယ့် အခုအချိန်မှာတော့ သဘောတူညီချက် တွေကို အကောင်အထည် ဖော်ဖို့ ကျနော်တို့ လာပြီးဆွေးနွေးတာပါ။ ကျနော်တို့ တလျှောက်လုံး မြန်မာစစ်တပ်နဲ့ တိုက်ပွဲဝင် နေရပါတယ်။ ပြည်သူလူထု အတွက် ဘာမှ မလုပ်နိုင်ခဲ့ပါဘူး။ အခု ကျနော်တို့ အပစ်ရပ်ထားပါတယ်။ ဖွံ့ဖြိုးတိုးတက်ရေးတွေ၊ ဘိန်း အစားထိုး စိုက်ပျိုးနိုင် ဖို့တွေ ကျနော်တို့ အာရုံစိုက် နေပါတယ်။ အခု လောလောဆယ် မှာကို UNODC နဲ့ ပူးပေါင်း ပြီးတော့ မိုးနဲနဲ့ မိုင်းပန်မြို့တွေမှာ ဖွံ့ဖြိုးရေး စီမံကိန်းတွေ လုပ်နေပါတယ်” ဟု ၎င်းက ရှင်းပြသည်။
မြန်မာနိုင်ငံ၏ မူးယစ်ဆေးဝါး ထုတ်လုပ် ရောင်းချမှုတွင် ရှမ်းပြည်နယ်သည် အများဆုံး ပါဝင်ပတ်သက်နေပြီး စိုက်ပျိုး ဧရိယာ ကျယ်ပြန့်ခြင်း၊ ဘိန်းစိုက်ပျိုးမှု အပေါ် မှီခိုနေရသည့် လူဦးရေ များပြားခြင်း၊ ဘိန်းစိုက်ပျိုးမှုတွင် လက်နက်ကိုင် အဖွဲ့အစည်း များ ပါဝင် ပတ်သက်နေခြင်း စသည်တို့ကြောင့် မူးယစ်ဆေးဝါး ပြဿနာ ဖြေရှင်းရာတွင် အခက်အခဲများ ကြုံတွေ့ နေရကြောင်း၊ မြန်မာနိုင်ငံတွင် ဘိန်းစိုက်ပျိုး ထုတ်လုပ်မှု တဖြည်းဖြည်း ပြန်လည် မြင့်တက်လျက် ရှိရာ ဘိန်းစိုက်ပျိုးမှု တိုက်ဖျက်ရေး ကို ချက်ချင်း အကောင်အထည် ဖော်နိုင်ရန် ခက်ခဲကြောင်း UNODC ၏ မြန်မာနိုင်ငံဆိုင်ရာ ကိုယ်စားလှယ် Mr.Jason Elighက ပြောသည်။
“UNODC အနေ နဲ့ အစိုးရမှာ ရှိနေတဲ့ သက်ဆိုင်ရာဌာနတွေကို အကောင်းဆုံး အထောက်အပံ့ပေးဖို့ အမြဲတမ်း အဆင်သင့် ရှိနေပါတယ်။ မူးယစ်ဆေးဝါး ပပျောက်ရေးမှာ ပူးပေါင်း ပါဝင်မယ့် အဖွဲ့အစည်းတွေ ကိုလည်း အားပေးသွားမှာပါ။ ဘိန်းစိုက် တောင်သူတွေရဲ့ အစားအစာနဲ့ လုံခြုံရေးက အရေးအကြီးဆုံး ဖြစ်နေပါတယ်။ လုံခြုံရေး ဆိုတဲ့ နေရာမှာ စားဖို့၊ ရေ၊ ပညာရေး၊ ကျန်းမာရေးတွေ အားလုံး ပါဝင်ပါတယ်။ ဆိုးသွမ်း မိုက်မဲလို့ ဘိန်း စိုက်ပျိုးနေတာ မဟုတ်ပါဘူး။ စားစရာ မရှိလို့ ဘိန်းစိုက်နေတာပါ။ သူတို့အတွက် အစားအစာ၊ ရေ၊ ပညာရေး၊ ကျန်းမာရေးတွေ ဖြည့်ဆည်း ပေးရပါမယ်။ ဘိန်း အစားထိုး သီးနှံတွေ ရောင်းဖို့ ဈေးကွက် ဖန်တီးပေးရပါမယ်။ အဲဒီလို ထိထိရောက်ရောက် လုပ်နိုင်ဖို့ဆိုရင် အပစ်အခတ်တွေ အားလုံး လုံးဝ ရပ်စဲဖို့ လိုနေပါတယ်။ ဒါမှပဲ ကျနော်တို့ အဖွဲ့တွေ အားလုံး ၀င်ရောက် ကူညီနိုင်မှာ ဖြစ်ပါတယ်” ဟု Mr.Jason Elighက ဆိုသည်။
UNDOC အနေဖြင့် မြန်မာနိုင်ငံတွင် ဘိန်းစိုက်ပျိုးမှု တိုက်ဖျက်ရေး လုပ်ဆောင်ရာ၌ ရှမ်းပြည် ပြန်လည်ထူထောင်ရေး ကောင်စီ ကဲ့သို့ တခြား တိုင်းရင်းသား လက်နက်ကိုင် အဖွဲ့အစည်းများနှင့် ပူးပေါင်းဆောင်ရွက်ရန် အစီအစဉ် ရှိ၊ မရှိကိုမူ Mr.Jason Eligh က ထုတ်ဖော် ပြောဆိုခြင်း မရှိပေ။
မြန်မာနိုင်ငံသည် အာဖဂန်နစ္စတန် ပြီးလျှင် မူးယစ်ဆေးဝါး စိုက်ပျိုးထုတ်လုပ်မှု ဒုတိယ အများဆုံးနိုင်ငံအဖြစ် ဆက်လက် တည်ရှိနေကြောင်း၊ တကမ္ဘာလုံး၌ မူးယစ်ဆေးဝါး သုံးစွဲသူပေါင်း ၂၇ သန်းခန့်ရှိပြီး တနှစ်လျှင် သုံးစွဲသူ၏ ၁ ရာခိုင်နှုန်း နီးပါး သေဆုံးမှု ရှိကြောင်း၊ ဘိန်းဖြူနှင့် ကိုကင်းသုံးစွဲမှုကြောင့် တနှစ်လျှင် လူ ၂ သိန်း ၀န်းကျင် သေဆုံးမှုရှိကြောင်း UNODC ၏ ၂၀၁၂ ခုနှစ် အစီရင်ခံစာ၌ ဖော်ပြထားသည်။
မြန်မာနိုင်ငံ၏ ဘိန်းစိုက်ပျိုး ထုတ်လုပ်မှု သည် ကမ္ဘာပေါ်တွင် ဒုတိယအဆင့် ရှိနေပြီး ဘိန်းစိုက်ပျိုးမှုကို မှီခိုနေရသည့် မိသားစုပေါင်း ၃ သိန်းကျော် ရှိနေကြောင်း UNODC ၏ ထုတ်ပြန်ချက်အရ သိရှိရသည်။
နန်းသီရိလွင်
ဧရာဝတီ
