ဇွန်လ ၁၄ ရက် ၂၀၁၃
ပြည်တော်ပြန် အနုပညာရှင်များထဲတွင် ပါဝင်သည့် သီးလေးသီးလူရွှင်တော် အဖွဲ့မှ ပန်းသီးသည် အခြားလူမှုရေး လုပ်ငန်းများတွင် ပါဝင်ခြင်းမပြုဘဲ သီးခြားရပ်တည်တော့မည်ဖြစ်ကြောင်း သီးလေးသီးအဖွဲ့ဝင်တစ်ဦးဖြစ်သည့် ပန်းသီးက မဇ္ဈိမသို့ ပြောကြားလိုက်သည်။
''သီးလေးသီးအဖွဲ့ထဲကနေ လုံးဝခွဲထွက်လိုက်တာမျိုးတော့ မဟုတ်ပါဘူး။ အဖွဲ့အစည်းအနေနဲ့ လုပ်ကိုင်ရတဲ့အခါမှာ အဆင်မပြေတာလေးတွေ ရှိလာတဲ့အတွက် ဒီလိုကိစ္စမျိုးတွေဆိုရင်တော့ မပါဝင်တော့ပါဘူး။ ဒါပေမဲ့ အနုပညာ လုပ်ငန်းဖြစ်တဲ့ အငြိမ့်ကတာမျိုး၊ ဖျော်ဖြေရတာမျိုးတွေ ဆိုရင်တော့ သီးလေးသီးရဲ့ ဧည့်သည်အဖြစ် ပါဝင်နေဦးမှာပါ။
ကျွန်တော် ပြည်ပမှာနေကတည်းက တစ်ကိုယ် တော်ပြက်လုံးတွေ ဖန်တီးချင်တဲ့စိတ်ကူး ကြောင့်လည်း ပါပါတယ်။ လက်ရှိမှာတော့ ဇာတ်ကားတွေ ကျွန်တော် လက်ခံရိုက်ကူးနေပါတယ်'' ဟု ပန်းသီးက မဇ္ဈိမသို့ ပြောကြားလိုက်သည်။
ပန်းမြတ်ဇော်
Mizzima - News in Burmese
ပန်းသီး လူမှုရေးလုပ်ငန်းများတွင် သီးခြားရပ်တည်မည်
Labels:
အနုပညာသတင်း