“လွန်ခဲ့တဲ့ ၁၂ လတုန်းက ဘန်ကောက်မှာ ကြေညာခဲ့တုန်းက လူတွေကသံသယရှိခဲ့ပါတယ်။ မဖြစ်နိုင်ဘူးလို့လည်း ပြောခဲ့ကြပါတယ်။ အခုတော့ ကျွန်တော်တို့ အောင်အောင်မြင်မြင်လုပ်နိုင်ခဲ့ပါပြီ” ဟု ကမ္ဘာ့စီးပွားရေးဖိုရမ်ကျင်းပရေး အကြီးတန်းညွှန်ကြားရေးမှူးက မစ္စတာ Sushant က ပြောကြားသည်။
ထို့အပြင် စီးပွားရေးဖိုရမ်သို့ တက်ရောက်ဆွေးနွေးခဲ့ကြသော ကမ္ဘာ့စီးပွားရေးဖိုရမ်ပူးတွဲဥက္ကဋ္ဌများအနေဖြင့် ယခုဆွေးနွေးပွဲမှ အခြားသူများကို မျှဝေလိုသော၊ ပြန်ပြောလိုသည်များ ပြောပေးရန် ကြေညာလိုက်သောအခါ “ဒေါ် အောင်ဆန်းစုကြည်တစ်ယောက် လွန်ခဲ့တဲ့သုံးနှစ်ကမှ နေအိမ်
အကျယ်ချုပ်က လွတ်မြောက်လာတယ်ဆိုတာကို သတိရဖို့ ကိုယ့်ကိုယ်ကိုယ် ဆွဲဆိတ်ကြည့်ရပါ့မယ်။ သူဒီမှာ ငြင်းခုံဆွေးနွေးနေတာကို မြင်ရတာ မယုံကြည်စရာပါဘဲ”ဟု ကမ္ဘာ့စီးပွားရေးဖိုရမ် ပူးတွဲဥက္ကဋ္ဌတစ်ဦးဖြစ်သော ကုလသမဂ္ဂဖွံ့ဖြိုးမှုအစီအစဉ် (UNDP) အုပ်ချုပ်ရေးမှူးမစ္စတာ ဟယ်လင်က ဆက်လက်ပြောသည်။
GE ကုမ္ပဏီ၏ အကြီးအကဲဖြစ်သူ မစ္စတာ John ကလည်း “စွမ်းအင်အကြောင်း ပြောခဲ့ပါတယ်။ ဒေသတွင်းနိုင်ငံအကြောင်း ပြောခဲ့ပါတယ်။ လူသားအရင်းအမြစ်ဖွံ့ဖြိုးရေးကိစ္စ ပြောခဲ့ပါတယ်။ ကျွန်တော်ပြောချင်တာကတော့ မြန်မာအစိုးရကို ချီးကျူးချင်ပါတယ်။ ပထ၀ီနိုင်ငံရေးအရ ရရှိနေတဲ့ အခွင့်အရေးတွေကို ရအောင်ယူပြီးတော့ နောင်မျိုးဆက်အတွက်ရော လက်ရှိလူတွေအတွက် လုပ်ဆောင်ဖို့ပါ” ဟု မှတ်ချက်ပေးသည်။
“နိုင်ငံတကာအသိုင်းအ၀ိုင်းအတွက် ကျွန်တော့်ရဲ့ သတင်းစကားကတော့ ထောက်ခံအားပေးမှုဆက်ပြီး လုပ်သွားပါဆိုတာပါပဲ။ ဒီမိုကရေစီ ပြုပြင်ပြောင်းလဲရေးလုပ်ငန်းစဉ်ဟာ စိတ်ကူးမျှော်မှန်းထားတဲ့အတိုင်း ဆက်ဖြစ်သွားဖို့ အရေးကြီးတယ်ဆိုတာ အသေအချာပါပဲ” ဟု ကမ္ဘာ့စီးပွားရေးဖိုရမ် နောက်ဆုံးနေ့တွင် ဗြိတိသျှဝန်ကြီးချုပ်ဟောင်း တိုနီဘလဲကပြောကြားသည်။
နေပြည်တော်တွင် ဇွန်လ ၅ ရက်မှ ၇ ရက်အထိ သုံးရက်တာ ကျင်းပခဲ့သော (၂၂) ကြိမ်မြောက် ကမ္ဘာ့စီးပွားရေးဖိုရမ်သို့ နိုင်ငံပေါင်း ၅၅ နိုင်ငံမှ ပုဂ္ဂိုလ် ၁,၀၀၀ ကျော် တက်ရောက်ခဲ့သည်။ ထိုတက်ရောက်ခဲ့သော ပမာဏသည် ကျင်းပခဲ့သော ကမ္ဘာ့စီးပွားရေးဖိုရမ်သမိုင်းတစ်လျှောက် အများဆုံးဖြစ်သည်။
ကမ္ဘာ့စီးပွားရေးဖိုရမ်ကို မြန်မာသမ္မတဦးသိန်းစိန်၊ ဗီယက်နမ်ဝန်ကြီးချုပ်နှင့် လာအိုဝန်ကြီးချုပ်တို့က တက်ရောက်ဖွင့်လှစ်ပေးခဲ့ပြီး သမ္မတ ဦးသိန်းစိန်က ပထမဦးဆုံးအကြိမ် အင်္ဂလိပ်ဘာသာဖြင့် မိန့်ခွန်းပြောကြားသည်။
သုံးရက်တာကာလအတွင်း ဆွေးနွေးပွဲပေါင်း ၃၀ ကျင်းပခဲ့ပြီး နိုင်ငံရေး၊ စီးပွားရေး၊ လူမှုရေး၊ စွမ်းအင်၊ ဘဏ္ဍာရေး၊ ပညာရေး၊ ကျန်းမာရေး၊ အလုပ်အကိုင်အခွင့်အလမ်းနှင့် သတင်းနှင့်နည်းပညာ ကဏ္ဍတို့ ပါဝင်ခဲ့သည်။ သီးသန့် စကားပြောခြင်းကဏ္ဍအတွက် မြန်မာသမ္မတ ဦးသိန်းစိန်နှင့် ဖိလစ်ပိုင်သမ္မတ အကွီနိုတို့တက်ရောက်ဆွေးနွေးခဲ့ကြပြီး အနာဂတ်မြန်မာနိုင်ငံ စကားစစ်ထိုးပွဲတွင် အမျိုးသားဒီမိုကရေစီ
အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၊ သမ္မတရုံးဝန်ကြီးဌာန၊ ပြည်ထောင်စုဝန်ကြီး ဦးစိုးသိန်းနှင့် နိုင်ငံရေး အကျဉ်းသူဟောင်း မဇင်မာအောင် တို့ ပြောဆိုခဲ့ကာ ထိုစကားစစ်ထိုးပွဲတွင် ကမ္ဘာ့စီးပွားရေးဖိုရမ်တက်ရောက်သူ အများဆုံးဖြစ်ခဲ့သည်။
ကမ္ဘာ့စီးပွားရေးဖိုရမ်ဖွင့်ပွဲ အခမ်းအနားတွင် သမ္မတဦးသိန်းစိန်က “မြန်မာ့သမိုင်းမှာ အရေးကြီးတဲ့အချိန် ကာလတစ်ခုမှာ လူကြီးမင်းတို့ မြန်မာနိုင်ငံဆီရောက်လာကြတာပါ။ ကျွန်တော်တို့ဟာ စစ်အုပ်ချုပ်ရေးကနေ ဒီမိုကရေစီကူးပြောင်းဖို့ အပြင်းအထန်လုပ်ဆောင်နေပါတယ်။ စီးပွားရေးကိုလည်း ဗဟိုချုပ်ကိုင်တဲ့ စီးပွားရေးကနေ လွတ်လပ်တဲ့ဈေးကွက်ပေါ်မှာ အခြေခံတဲ့ စီးပွားရေးစနစ်ကို ကူးပြောင်းဖို့ လုပ်နေပါတယ်။ ဒီလိုလုပ်နေတဲ့နေရာမှာ အောင်မြင်မှုရရှိဖို့အတွက် နိုင်ငံခြားရင်းနှီးမြှုပ်နှံမှုတွေက အရေးကြီးပါတယ်”ဟု ပြောကြားကာ နိုင်ငံခြား ရင်းနှီးမြှုပ်နှံမှုတွေကို ဖိတ်ခေါ်ခဲ့သည်။
မြန်မာနိုင်ငံတွင် တရားဥပ ဒေစိုးမိုးမှုအားနည်းနေခြင်းနှင့် အခြေခံအဆောက်အအုံမရှိခြင်းတို့ကြောင့်ရင်းနှီးမြှုပ်နှံသူ အများစုမှာ လာရောက် လေ့လာသည့် အဆင့်တွင်သာရှိနေသေးကြောင်းဒေါ်အောင်ဆန်းစုကြည်က ပြောကြားသည်။
ဒေါ်အောင်ဆန်းစုကြည်အနေနှင့် မြန်မာနိုင်ငံသားများ အလုပ်အကိုင်ရရှိရေး၊ စွမ်းအင်ကဏ္ဍ၊ ရင်းနှီးမြှုပ်နှံမှုကဏ္ဍ၊ ကျွမ်းကျင်လုပ်သား မွေးထုတ်ရေးကိစ္စ၊ အသက်မွေးဝမ်းကျောင်း ပညာရေးနှင့် စွမ်းအင်ကဏ္ဍတို့တွင် အဓိက ဆွေးနွေးခဲ့သည်။
အသက်မွေးဝမ်းကျောင်းဆိုင်ရာ သင်တန်းများကို ရန်ကုန်တစ်ဝိုက်မှာသာမက မဖွံ့ဖြိုးသည့် နေရာများနှင့် တိုင်းရင်းသားဒေသများ အထိပါ တိုးချဲ့ဖွင့်လှစ်ရန် တိုက်တွန်းခဲ့ပြီး ထိုသို့ဖွင့်လှစ်နိုင်မှသာ အားလုံးပါဝင်သော ဖွံ့ဖြိုးမှုဖြစ်ကြောင်း ပြောကြားသည်။
“လူသားအရင်းအနှီးဆိုတာ နှစ်သက်စရာ စေးကပ်တဲ့ အရင်းအနှီးပါပဲ။ အကယ်၍သာ ခင်ဗျားရဲ့ အဖွဲ့အစည်းမှာ လူသားအရင်းအနှီး ကောင်းကောင်း ဖွံ့ဖြိုးအောင် လုပ်နိုင်ရင် စိတ်တူကိုယ်တူ လူတွေကို ဆွဲဆောင်နိုင်ပါတယ်။ လူငယ်ဘွဲ့ရတွေမေးတာက ငါ့ကိုဖွံ့ဖြိုးတိုးတက် အောင် ဒီအဖွဲ့အစည်းက ဘာလုပ်ပေးမလဲဆိုတဲ့မေးခွန်းဖြစ်ပါတယ်” ဟု စင်ကာပူစီမံခန့်ခွဲရေးတက္ကသိုလ်ပါမောက္ခက Taking Myanmar To Work အစီအစဉ်တွင် ပြောကြားခဲ့သည်။
မြန်မာနိုင်ငံဘဏ္ဍာရေးနှင့် ပတ်သက်၍ အင်္ဂလန်အခြေစိုက်စတမ်းတက်ချာတာဘဏ် အမှုဆောင်အရာရှိချုပ်က မြန်မာနိုင်ငံ၏ဘဏ္ဍာရေး စနစ်သည် အလွန်ရှေးကျသော အခြေခံအဆင့်မှာသာရှိပြီး တရားဝင်လုပ်ထုံးလုပ်နည်းများ အကောင်အထည်ဖော်ရာတွင် အရည်အချင်း မပြည့်ဝသူများကြောင့် မရေရာမှုများ ရှိနေကြောင်း မှတ်ချက်ပေးပြောကြားသည်။
သို့သော် နိုင်ငံခြားငွေလဲနှုန်း သတ်မှတ်ခြင်း၊ ဘဏ်လုပ်ငန်းအတွက် လုပ်ပိုင်ခွင့်များဖွင့်ပေးခြင်း၊ ဆက်သွယ်ရေးအတွက် ပြည်ပကုမ္ပဏီများ လိုင်စင်ချထားပေးခြင်းတို့၌ လွန်စွာမြန်ဆန်အောင် ဆောင်ရွက်နိုင်ကြောင်း အသိအမှတ်ပြုပြီး မြန်မာနိုင်ငံသည် ဈေးကွက်စီးပွားရေးကျင့် သုံးနေသော နိုင်ငံဖြစ်သွားပြီဟုလည်း မှတ်ချက်ပေးခဲ့သည်။
အိန္ဒိယနိုင်ငံအခြေစိုက် တာတာကားကုမ္ပဏီအနေဖြင့် မန္တလေးမြို့၌ အသက်မွေးဝမ်း ကျောင်းဆိုင်ရာနည်းပညာတစ်ခုကို စက်တင်ဘာလတွင် ဖွင့်လှစ်မည်ဟု ကမ္ဘာ့စီးပွားရေးဖိုရမ်၌ ကြေညာခဲ့သည်။
နေပြည်တော်၌ ပြုလုပ်သော ကမ္ဘာ့စီးပွားရေးဖိုရမ်တွင် အမေရိကန်ထိပ်တန်းကုမ္ပဏီကြီးဖြစ်သည့် GE ကုမ္ပဏီက မြန်မာနိုင်ငံအတွက် ဖောင်ဒေးရှင်းတစ်ခုတည်ထောင်၍ ပညာရေးနှင့် ကျန်းမာရေးကဏ္ဍတွင် ကူညီရန် ကြေညာပြီး မိုက်ခရိုဆော့ဖ်ကုမ္ပဏီကလည်း နည်းပညာအကူအညီပေးမည်ဟု ကြေညာသည်။
ကမ္ဘာ့လူငယ်ခေါင်းဆောင်များအဖွဲ့က မြန်မာနိုင်ငံရှိ ကလေးသူငယ်များ အာဟာရဖွံ့ဖြိုးရေးဆောင်ရွက်ရန် ကြေညာပြီး မြန်မာ၊ ဗီယက်နမ်၊ ကမ္ဘောဒီးယားနှင့် လာအိုနိုင်ငံ လေးနိုင်ငံဗီဇာတစ်ခုတည်းဖြင့် လည်ပတ်ရန် သဘောတူညီခဲ့ကြသည်။
ယခုကျင်းပသော ကမ္ဘာ့စီးပွားရေးဖိုရမ်ကို မြန်မာနိုင်ငံရှိ တက္ကသိုလ်ကျောင်းများမှ ကျောင်းသား ၁၂၀ ကျော်အား အတွေ့အကြုံရရန် ကမ္ဘာ့ စီးပွားရေးဖိုရမ်ကျင်းပသူများနှင့် လက်တွဲလုပ်ကိုင်စေခဲ့သည်။
“ဒီနိုင်ငံရဲ့ တကယ့်အခြေအနေကို နားလည်သွားတာပေါ့။ ဒီနိုင်ငံက ဒီလိုပွဲကြီးကျင်းပနိုင်တဲ့ စွမ်းရည်ရှိတယ်ဆိုတာ သိသွားတာပေါ့။ ၂၀၁၄ အတွက် စိတ်ပူတဲ့လူတွေအတွက်လည်း ဒီလိုစွမ်းရည်ရှိတာ သိသွားတာပေါ့။ နိုင်ငံတော်အတွက် အများကြီးအတွေ့အကြုံရတယ်”ဟု ကမ္ဘာ့စီးပွားရေးဖိုရမ် မြန်မာနိုင်ငံတွင် ကျင်းပရန် ဖိတ်ခေါ်ခဲ့သည့် သမ္မတရုံးဝန်ကြီး ဦးစိုးသိန်းကပြောသည်။
“ဒီစီးပွားရေးဖိုရမ်ကနေရလိုက်တာကို ပြောရရင် အနာဂတ်မြန်မာ့စီးပွားရေးဖွံ့ဖြိုးတိုးတက်မှုမှာ မြန်မာ့လူငယ်တွေရဲ့ အလုပ်အကိုင်အခွင့် လမ်းအတွက် သေချာပေါက်မဟုတ်ရင်တောင် လမ်းစတစ်ခုတော့ ပေါ်ပေါက်လာတယ်။ နောက်ပြီးဒီဖိုရမ်ကြီးကို နိုင်ငံတကာက လုပ်ငန်းရှင်
တွေ အများကြီးတက်ရောက်ကြတယ်။ နိုင်ငံ့ခေါင်းဆောင်တွေလည်း တက်ရောက်ကြတယ်။ သူတို့ရဲ့ ဆွေးနွေးမှုတွေကို ကြည့်မယ်ဆိုရင် မြန်မာနိုင်ငံရဲ့ စီးပွားရေးအပေါ် အခြေခံထားတာတွေ့ရတယ်။ ဒါတွေဟာအနာဂတ်တိုင်းပြည်အတွက်၊ လူငယ်ထုအတွက် အားရကျေနပ် စရာလည်းဖြစ်ပါ တယ်”ဟု မြန်မာနိုင်ငံလူငယ်များအစည်းအရုံး (Myanmar Youths Union-MYU) ဥက္ကဋ္ဌ ဦးဇွဲရန်နိုင်က မှတ်ချက်ပေးသည်။
ကမ္ဘာ့စီးပွားရေးဖိုရမ်တွင် တက်ရောက်လာသူအများစုက လူသားအရင်းအမြစ်ဖွံ့ဖြိုးရန်၊ ဆက်သွယ်ရေးလုပ်ငန်းများ ကောင်းမွန်ရန်နှင့် ကောင်းမွန်သောအုပ်ချုပ်ရေးစနစ်ဖြစ်လာရန် အကြံပြုခဲ့သည်။
မြန်မာ့စီးပွားရေးဖိုရမ်တွင် အမေးများသော မေးခွန်းမှာ မြန်မာနိုင်ငံသည် နောက်ကြောင်းပြန်လှည့်နိုင်သလားဟူ၍ဖြစ်ပြီး ထိုမေးခွန်း နှင့်ပတ်သက်၍ ဗြိတိန်ဝန်ကြီးချုပ်ဟောင်းတိုနီဘလဲက “နောက်ကြောင်းပြန်လှည့်နိုင်သလားဆိုတာကတော့ ကြီးမားတဲ့ စကားလုံးတစ်ခုပါ။ သေချာတာကတော့ ပြည်တွင်းပြည်ပက အခုလုပ်ငန်းစဉ်ကို ထောက်ခံအားပေးမှုကြီးကြီးမားမား ရှိနေတယ်ဆိုတာပါ။ ဒါကြောင့်နောက်ကြောင်း ပြန်လှည့်ချင်တဲ့ ဘယ်သူမဆို နေရာတိုင်းမှာ အတိုက်အခံအများကြီးနဲ့ ရင်ဆိုင်ရမယ်လို့ ကျွန်တော် ထင်ပါတယ်”ဟု ဖြေကြားသည်။
ဒေါ်အောင်ဆန်းစုကြည်ကမူ “ဒီလုပ်ငန်းစဉ်က နောက်ပြန်လှည့်နိုင်သလားဆိုတာဟာ နှစ်ဖက်စလုံးကလူတွေရဲ့ စိတ်သဘောထား၊ ခံယူချက်ကို ပြောင်းနိုင်သလားဆိုတဲ့အပေါ်မှာ မူတည်ပါတယ်။ နိုင်ငံရဲ့ လူများစုက ဒီလုပ်ငန်းစဉ်ကို ရှေ့ဆက်သွားဖို့ ခိုင်မာတဲ့ သန္ဒိဋ္ဌာန်ပေါ်မှာလည်း မူတည်ပါတယ်။ ဒါဟာလွယ်ကူတာတော့ မဟုတ်ပါဘူး။ ဒါပေမဲ့ ကျွန်မတို့ လုပ်နိုင်လိမ့်မယ်ဆိုတာ ကျွန်မယုံကြည်ပါတယ်”ဟု ပြောကြားခဲ့သည်။
အောင်သူရ
7Day News Journal
မြန်မာ့မြေပေါ်မှ သမိုင်းဝင်စီးပွားရေးဖိုရမ်
Labels:
ဆောင်းပါး