အခုပုံပါအတိုင်း ပန်းတနော်မြို့နယ် ။ အောက်ကန်စင်းတော ကျေးရွာမှာ ဇန်န၀ါရီလ (၂) ရက်နေ့ နေ့လည်က အခုလို ကျေးရွာလူထု တစ်ရာခန့်ကို စကားပြောဆိုခဲ့မှု၊ ဆိုပြီး ရဲတပ်ဖွဲ့က စွဲချက်တင် တရားစွဲပါတယ်။
ကျနော့်  ပြောဆိုချက်ထဲမှာ မပါသော ဧရာဝတီတိုင်းဒေသကြီးက ရဲတပ်ဖွဲ့ဝင်တွေ အားလုံးဟာ အကျင့်ပျက် လာဘ်စားနေသူတွေဖြစ်တယ် ဆိုတဲ့ စကားတလုံးကို ရဲကခေါ်လာတဲ့ သက်သေ ငါးယောက်ကို တသံထဲ သင်ပေးပြီး ထွက်ဆိုစေတယ်။ ရဲတပ်ဖွဲ့ကို အကြည်ညိုပျက်စေသော စကားလုံးကို ပြောဆိုသုံးနှုန်းခဲ့တယ်လို့ စွပ်စွဲတယ်။
ကျနော်ကလည်း တရားရုံးတော်ကို လျောက်ထားလိုက်ပါတယ်။ အခုလို သက်သေတွေကို တသံတည်းသင်ပေးပြီး ထွက်ဆိုချက်ပေးခိုင်းတိုင်း ယုံကြည်ဖွယ် ရှိမရှိ စဉ်းစားတတ်တဲ့ စီရင်ဆုံးဖြတ်မှုမျိုးကို ထွက်ပေါ်စေချင်တယ်။ ပြီးတော့ တရားမျှတခြင်း၊ နိုင်ငံတော်နဲ့ နိုင်ငံသားတို့ အကျိုးစီးပွားကို ရှေးရှုခြင်း။ ပြကတော့ လက်ငင်း အခြေအနေတွေကို အမှန် အတိုင်း ရှုမြင်သုံးသပ်ပြီး အမှန်တရားနဲ့ အများပြည်သူ အကျိုးစီးပွား အတွက် ရပ်တည်ကာကွယ် ဆုံးဖြတ်သော တရားစီရင်ရေး စနစ် ဖြစ်လာ မလာ သိရှိလိုခြင်းတို့ကြောင့်မိမိ ဘက်က တရားခံပြ သက်သေ မခေါ်ပဲ ကိုယ်တိုင် လျောက်လှဲချက် ပေးခဲ့ပါတယ်။
ရဲဘက်က စွပ်စွဲတဲ့ လူထု ဟောပြောပွဲ အခမ်းအနားကြီး ဟုတ်မဟုတ် ဓါတ်ပုံကိုကြည့် သိနိုင်ပါတယ်။
ရွာတရွာ ရဲ့ လမ်းနံဘေး ကွက်လပ်မှာ လမ်းကြုံလို့ စကားပြောတာကိုပဲ ပုဒ်မ ( ၁၈) နဲ့ စွဲလို စွဲ။ မပြောခဲ့သော စကား တခွန်းကို အတင်းလုပ်ဇာတ်ထွင် စွပ်စွဲပြီး တရားစွဲလိုစွဲ ။ အဲဒီလို တရားစွဲတာကိုလည်း ဆင်ခြင်တုံတရားနဲ့ ဆုံးဖြတ်သင့်တဲ့ တရားရုံးတော်ဆိုတာကြီးက လက်ခံပြီး အပြစ်ရှိတယ်လို့ ဆုံးဖြတ် ။
ဒါဏ်ငွေ ဆောင်ရင်ဆောင် ၊ ဒါဏ်ငွေ မဆောင်ရင် ထောင်သုံးလ ကျခံစေ တဲ့ ...............
ကျနော် သင်ခဲ့တဲ့ အမိ စစ်တက္ကသိုလ် က ကျောင်းဆင်းပြီးတော့ ကျနော့် သိစိတ်ရော ။ မသိစိတ်မှာပါ စွဲမြဲ ထင်ကျန်ခဲ့တဲ့ ခိုင်မာသော ခံယူချက် က တခုပဲ ရှိပါတယ်။
D.S.A ....NEVER SURRENDER
အမျိုး၊ ဘာသာ ၊ သာသနာ တိုင်းပြည်နဲ့ လူမျိုး အတွက် ဖိစီးနှိပ်စက် တတ်သူ ဘယ်သူ တဦးတယောက်ကိုမဆို ဘယ်တော့မှ လက်မြှောက် အရှုံးမပေးဘူး။
နေမျိုးဇင်
