DKBA နှင့် နယ်ခြားစောင့်တပ်တိုက်ပွဲမှာ တပ်မတော်ကြောင့်ဟု KNU/KNLA စွပ်စွဲ

မြဝတီ၊ မေ ၆
တိုးတက်သော ဗုဒ္ဓဘာသာကရင် အမျိုးသားတပ် (DKBA) နှင့် နယ်ခြား စောင့်တပ်(BGF)တို့၏ တိုက်ပွဲများ ဖြစ်ပွားခြင်းမှာ တပ်မတော်က နောက်ကွယ် မှ ဖန်တီးခြင်းကြောင့်ဖြစ်သည်ဟု KNU/KNLA ငြိမ်းချမ်းရေးကောင်စီ အမှုဆောင် ကော်မတီဝင် ဗိုလ်မှူးချုပ်တိမသေက စွပ်စွဲ ပြောကြားသည်။

မေလ ၆ ရက်နေ့ကမြဝတီမြို့ရှိ KNU/KNLA ငြိမ်းချမ်းရေးကောင်စီမှ ဗျူဟာမှူး တိုက်ဂါး၏နေအိမ်တွင် ပြုလုပ်သော သတင်းစာရှင်းလင်းပွဲတွင် ၄င်းကယင်းသို့ ပြောကြားခြင်းဖြစ်သည်။
"တပ်မတော်က နောက်ကွယ်မှာ မရှိရင် ဒီအခြေအနေ ဖန်တီးလို့မရဘူး" ဟု ၄င်းကဆိုသည်။

DKBA နှင့် BGF တို့သည် ဧပြီလ ၂၇ ရက်နေ့က မြိုင်ကြီးငူဒေသ မီဇိုင်းတောင် ကြောတွင် တိုက်ပွဲများ ဖြစ်ပွားခဲ့ပြီးနောက် လှိုင်းဘွဲ့အခြေစိုက် ခမရ ၃၃၈ ဗိုလ်မှူး ထွန်းထွန်းဝင်းက မေလ ၂ ရက်နေ့မှ မေလ ၄ ရက်နေ့ နေ့လယ် ၁၂ နာရီအတွင်း DKBA တပ်များ မြိုင်ကြီးဒေသမှ ဆုတ်ခွာပေးရန် အကြောင်း ကြားလာကြောင်း DKBA မှ ဗိုလ်မှူးကြီး စောဆန်းအောင်က ပြောကြားသည်။
"တကယ်တမ်း ဆုတ်ပေးရမယ် ဆိုရင် ဆုတ်ပေးဖို့နေရာ မရှိတော့ဘူး။ ဒီထက်တက်လာရင်တော့ ခုခံကာကွယ် မှာပဲ" ဟု ၄င်းကဆိုသည်။

ယင်းကိစ္စနှင့်ပတ်သက်၍ မြန်မာ ငြိမ်းချမ်းရေးစင်တာသို့ ဆက်သွယ်မေးမြန်း ရာ "ဒီလိုဖြစ်တာ တပ်မတော်ကြောင့် မဟုတ်ပါဘူး။ အရင်ကတည်းက BGF နဲ့ DKBA ကြားထဲမှာ အဖွဲ့ကွဲပြဿနာ တွေရှိတယ်။ တပ်က ဖယ်ခိုင်းတာကလည်း စီမံကိန်းနေရာတွေကို ကျော်လာရင်တော့ ဖယ်ခိုင်းမှာပဲ” ဟု ယင်းစင်တာမှ တာဝန်ရှိသူ တစ်ဦးကဆိုသည်။

DKBAတပ်သားသစ် တစ်ဦးက BGF စက်လှေကိုပစ်ခတ်ရာတွင် BGF တပ်သားတစ်ဦး သေဆုံးသွားကြောင်း၊ ယင်းတပ်သားနှင့် သေနတ်ကို သက်ဆိုင်ရာရဲစခန်း သို့ အပ်နှံခဲ့ပြီး ဖြစ်သော်လည်း ဧပြီလ ၂၇ ရက်နေ့ နံနက်ပိုင်းတွင် DKBA နှင့် BGF တို့ တိုက်ပွဲဖြစ်ပွားကြောင်း ၄င်းကဆိုသည်။

ထိုင်း-မြန်မာနယ်စပ်မြို့ဖြစ်သော မြဝတီမြို့နယ်အတွင်း DKBA နှင့် BGF တို့ တိုက်ပွဲဖြစ်ပြီးနောက် ကရင်တိုင်းရင်းသား လက်နက်ကိုင် အဖွဲ့အစည်းများ ယူနီဖောင်း ဝတ်စုံဝတ်ခြင်း၊ လက်နက်ကိုင်ဆောင်ခြင်းများ မပြုလုပ်ရန် တပ်မတော်က အကြောင်းကြား ထားကြောင်း ယင်းလက်နက်ကိုင် အဖွဲ့အစည်းများထံမှ သိရသည်။

KNU/KNLA ငြိမ်းချမ်းရေး ကောင်စီမှ ဗျူဟာမှူး ဗိုလ်မှူးကြီးတိုက်ဂါး က "ကျွန်တော်တို့ ယူနီဖောင်းမဝတ်ဘူး။လက်နက်မကိုင်ဘူး ဆိုရင် စစ်တပ်ကရော လိုက်နာမှာလား။ စစ်တပ်က လက်နက်ကိုင်ပြီး သွားနေပြီးမှ ကျွန်တော်တို့ကို လာပြောတဲ့အတွက် လက်မခံနိုင်ဘူး" ဟု မှတ်ချက် ပေးသည်။

DKBA နှင့် BGF တို့ တိုက်ပွဲသည် ကရင်တိုင်းရင်းသား လက်နက်ကိုင် အဖွဲ့အစည်း အချင်းချင်း ဖြစ်ပွားခြင်းဖြစ်ပြီး ငြိမ်းချမ်းရေး တည်ဆောက်နေဆဲ ကာလတွင် ကရင်အချင်းချင်း တိုက်ပွဲ ဖြစ်ပွားခြင်းမှာ ရှက်ဖွယ်ကိစ္စ ဖြစ်ကြောင်း ကရင်လက်နက်ကိုင် အဖွဲ့အစည်းများက ပြောဆိုကြသည်။
The Voice Weekly