သံဖြတ်လေ အိုးပေါက်ကွဲမှုတစ်ခုဖြစ်ပွား

စော်ဘွားကြီးကုန်း ကျောက်စိမ်း ၆လမ်းတွင်ရှိသော ငွေလမင်းသံပစ္စည်းရောင်း ၀ယ်ရေးဆိုင်တွင် ယနေ့(ဧပြီ၂၃) မွန်းလွဲ ၂နာရီခွဲတွင် ပေါက်ကွဲမှု တစ်ခုဖြစ်ပွားခဲ့ပါသည်။

သံဖြတ်လေ အိုးပေါက်ကွဲမှုတစ်ခုဖြစ်ပွားခဲ့သောကြောင့် ကလေးငယ်တစ်ဦးအပါအ၀င် ၃ဦးသေဆုံးပြီး ၅ဦးဒဏ်ရာရသွားကြောင်း ထိုနေရာတွင် ရောက်ရှိနေသော သတင်းထောက်က သတင်းပေးပို့သည်။
7Day News Journal
( ထပ်မံရရှိသည့်အချက်အလက်များကို ဆက်လက်ဖော်ပြပေးပါမည်)

ကျောင်းသားသမဂ္ဂ အတွင်းရေးမှူး ကိုရဲမင်းဦး ရုံးထုတ်စစ်ဆေး

မြန်မာနိုင်ငံအနေနဲ့ ဒီမိုကရေစီနဲ့ မယဉ်ပါးသေးကြောင်း၊ ဒီမိုကရေစီကို သွားဖို့ မီဒီယာလွတ်လပ်ခွင့်ပေးရမယ် ဖြစ်ကြောင်း တရားရုံး ၃ ရုံးမှာ တရားစွဲခံထားရတဲ့ ကျောင်းသားသမဂ္ဂ အဖွဲ့ချုပ် ဖြစ်မြောက်ရေးကော်မတီ အတွင်းရေးမှူး ကိုရဲမင်းဦးက ပြောပါတယ်။

ဧပြီ ၂၂ ရက် ဗဟန်းတရားရုံးကို ရုံးထုတ်စစ်ဆေးစဉ် တရားရုံးအတွင်းကို မီဒီယာ တွေ အပါအ၀င် သာမန်ပြည်သူလူထုကို ၀င်ရောက်ကြားနာခွင့် မပေးတဲ့အပေါ်မှာ ပြောဆုိုလုိုက်တာ ဖြစ်ပါ တယ်။

မီဒီယာတွေနဲ့ ပြည်သူတွေကို ၀င်ခွင့်မပေးတဲ့အတွက် တရားရုံးပြင်ပမှာ လုံခြုံရေးရဲ တချို့နဲ့ သံဃာတော် တချို့ အခြေအတင် အငြင်းပွားခဲ့ကြပါတယ်။

ကိုရဲမင်းဦးဟာ ကျောက်တံတား တရားရုံး၊ ဗဟန်းတရားရုံး နဲ့ သာကေတမြို့နယ် တရားရုံးတွေမှာ နိုင်ငံတော် တည်ငြိမ်အေးချမ်းမှုကို ပျက်ပြားအောင် လုပ်မှု ပုဒ်မ ၅၀၅ (ခ)၊ ပုဒ်မ ၁၅၄ တို့နဲ့ တရားစွဲခံထားရသူ ဖြစ်ပါတယ်။
DVB TV News

ပြည်မြို့ နာရီဆိုင်တွင် လူတစ်ဦး သေဆုံး

ပြည်၊ဧပြီ ၂၂။
ပြည်မြို့ မြို့လယ်ခေါင်၊ လမ်မတော်လမ်းမရှိ အောင်ပိုင်ဖြိုး နာရီဆိုင်ပိုင်ရှင်ဖြစ်သူ ဒေါ်နီနီအောင် အသက်(၅၂)သည် နေအိမ်ရေချိုးခန်းထဲ၌ မျက်နှာဖူးရောင်ဒဏ်ရာများနှင့် လဲကျသေဆုံးမှုဖြစ်ပွားခဲ့ကြောင်း  ပြည်မြို့ အမှတ်(၂)ရဲစခန်းမှ ဒုရဲအုပ် လှိုင်မိုးဝေက ပြောကြားသည်။

“ကျွန်တော်တို့ဆီ ည(၁၀)နာရီက ဖုန်းဝင်လာတယ်။ အခင်းဖြစ်တဲ့နေရာ ဘယ်သူမှမ၀င်ရဲဘူး။ အရှေ့တံခါးက၀င်တယ်။ ပစ္စည်းတွေ ပွလံကျဲနေတယ်။ နေရာတစ်ကွက် ဖရိုဖရဲဖြစ်နေတယ်။ ရေချိုးခန်းတံခါးကို ဆွဲဖွင့်လိုက်တော့  ရေချိုးခန်းတံခါးကို ဆွဲဖွင့်လိုက်တော့အလောင်းကိုတွေ့ရတော့တာပဲ”ဟု ၎င်းက ပြောကြားသည်။

ဆိုင်ရှိ ပစ္စည်းများအနည်းငယ် ပျောက်ဆုံးနေသည်ဟု ယူဆရကြောင်း၊ သေဆုံးသူ၏ အစ်မဖြစ်သူက စာရင်းများပြုစုနေပြီ ဖြစ်ကြောင်း၊ သေဆုံးသူ၏ သားဖြစ်သူကို မေးမြန်း၍ မရသေးကြောင်း မြို့မရဲစခန်းမှ သိရသည်။

အမှုကို ပ-၂၉၁/၂၀၁၃ ပုဒ်မ၃၀၂ဖြင့် အရေးယူဆောင်ရွက်ထားပြီး စခန်းမှူးဒုရဲမှူး ဦးဝင်းခိုင်မှ တာဝန်ယူစစ် ဆေးဆောင်ရွက်လျက် ရှိကြောင်း မြို့မရဲစခန်းမှ သိရသည်။
ကိုရေခဲ(ပြည်)
The Myanma Age

နိုင်ငံခြားမှာ ဆုတွေယူပေးခဲ့သူ ၁၁ နှစ်သမီး ရေကူးမယ် မဆုမိုးသိမ့်စံနှင့် အင်တာဗျူး

ရန်ကုန်၊ ဧပြီ ၂၂။
ပြီးခဲ့တဲ့ မတ်လနဲ့ အခု ဧပြီလအတွင်း နိုင်ငံတကာ ပြိုင်ပွဲတွေဖြစ်တဲ့ စင်္ကာပူနဲ့ ထိုင်းနိုင်ငံတွေမှာ သွားပြိုင်ပြီး ဆုတံဆိပ် ၂၀ နီးပါး ရယူကာ နိုင်ငံဂုဏ်ဆောင်ပေးနိုင်ခဲ့သူက အသက် ၁၁ နှစ်သာ ရှိသေးတဲ့ ရေကူးချန်ပီယံ မဆုမိုးသိမ့်စံ ပဲဖြစ်ပါတယ်။ သူမဟာ အသက် ၅ နှစ်(သူငယ်တန်း) အရွယ်ကတည်းက ရေကူးသင်တန်းတက်ပြီး ကျောင်းပြိုင်ပွဲတွေ၊ ပြည်နယ်နှင့် တိုင်းပြိုင်ပွဲတွေမှာ ဆုတံဆိပ်ပေါင်း ၈၀ ကျော်ရရှိထားသူလည်းဖြစ်ပါတယ်။ အဲဒီလို နိုင်ငံဂုဏ်ဆောင် ပေးနိုင်ခဲ့တဲ့ ရေကူးမယ် မဆုမိုးသိမ့်စံနဲ့ အင်တာဗျူးကို စာဖတ်ပရိသတ် အတွက် တင်ဆက်ပေးလိုက်ပါတယ်။

*MMA:* ဘယ်အချိန်လောက်ကတည်းက ရေကူးသင်တန်းတွေတက်ပြီး ပြိုင်ပွဲဝင်ခဲ့တာလဲ။

*မဆုမိုးသိမ့်စံး* သမီး သူငယ်တန်းကတည်းက နွေရာသီရေကူးသင်တန်းတက်ပြီး ပြိုင်ပွဲတွေ စ၀င်ခဲ့တာပါ။ ပထမဆုံးပြိုင်တာကတော့ မြို့နယ်ပေါင်းစုံ ကျောင်းပြိုင်ပွဲမှာ ၀င်ပြိုင်တာပါ။ ပြိုင်ပွဲအမျိုးအစား ၄ မျိုးဝင်ပြိုင်တာ ၄မျိုးစလုံး ဆုရပါတယ်။ ရွှေ ၂ ခုနဲ့ ငွေ ၂ ခုရတာပါ။

*MMA:* အခု နိုင်ငံတကာ ပြိုင်ပွဲတွေ မပြိုင်ခင် မြန်မာနိုင်ငံအတွင်းမှာ ပြိုင်ခဲ့တဲ့ ပြိုင်ပွဲတွေနဲ့ ဆုတံဆိပ်တွေ ဘယ်လောက်ရခဲ့ဖူးလဲ။

*မဆုမိုးသိမ့်စံး *ပြိုင်ပွဲပေါင်း ၂၀ ကျော်ပြိုင်ခဲ့ဖူးတယ်။ ဆုတံဆိပ်က ၈၀ ကျော်လောက်ရထားတယ်။ ရွှေနဲ့ ငွေတွေများတယ်။ ရွှေက ၆၀ ကျော်နဲ့ ငွေက ၂၀ ကျော်ရှိတယ်။  ကြေးကတော့ နည်းပါတယ်။ ပြီးတော့ သက်တမ်းအလိုက် အကောင်းဆုံး ရေကူးကစားသမားဆုလည်း ၃ နှစ် ဆက်တိုက်ရဖူးတယ်။ ၂၀၁၀ ခုနှစ် ကနေ ၂၀၁၂ ခုနှစ် အထိပါ။

*MMA:* ပြီးခဲ့တဲ့ မတ်လက စင်္ကာပူနိုင်ငံမှာ သွားပြီး ပြိုင်တယ်သိရတယ်။ ဘာပြိုင်ပွဲကို သွားပြိုင်တာလဲ။ ပြီးတော့ အဲဒီမှာ ဘာဆုတွေရခဲ့လဲ။

*မဆုမိုးသိမ့်စံး* စင်္ကာပူမှာက ၄၄ ကြိမ်မြောက်ဖြစ်တဲ့ Singapore National Age Group Swimming Championship 2013 ပြိုင်ပွဲကို သွားပြိုင်တာပါ။ စင်္ကာပူ၊ သြစတြေးလျနဲ့ အန္ဒိယ စတဲ့ နိုင်ငံတွေ အပါအ၀င် အသင်းပေါင်း ၂၂ သင်း ၀င်ပြိုင်တဲ့ ပြိုင်ပွဲကို သွားပြိုင်တာပါ။ အဲဒီထဲမှာ အာရှ၊ အာစီယံ နိုင်ငံ ၁၀ နိုင်ငံပါဝင်တယ်လို့ သိရပါတယ်။ အသက် ၁၀ နှစ်နဲ့ ၁၂ နှစ်ကြားပြိုင်ပွဲမှာ
ဝင်ပြိုင်တာပါ။ အဲဒီမှာ ပြိုင်ပွဲ ၁၀ မျိုး ၀င်ပြိုင်ပါတယ်။ ရွှေ ၇ ခုနဲ့ ငွေ ၃ ခု ရခဲ့ပါတယ်။

*MMA:* သင်္ကြန် မတိုင်ခင်က ထိုင်းနိုင်ငံမှာ သွားပြိုင်တဲ့ ပြိုင်ပွဲကရော ဘာပြိုင်ပွဲလဲ။ ပြီးတော့
ဘာဆုတွေ ရခဲ့လဲ။

*မဆုမိုးသိမ့်စံး *ထိုင်းနိုင်ငံမှာ သွားပြိုင်တဲ့ ပြိုင်ပွဲက Thailand National Age Group Swimming Championship 2013 ပါ။ ဘန်ကောက်မှာ သွားပြိုင်ရတာပါ။ အဲဒီပြိုင်ပွဲကို ဟောင်ကောင်၊  သြစတြေးလျစတဲ့ နိုင်ငံတွေကလည်း ၀င်ပြိုင်ကြပါတယ်။ သမီးကတော့ အဲဒီပြိုင်ပွဲမှာ တစ်ဦးချင်း ၈ ပွဲ ၀င်ပြိုင်ပြီး၊ အသင်းလိုက် ၃ ပွဲ ၀င်ပြိုင်ပါတယ်။ အသင်းလိုက်က ၃ ပွဲလုံး ရွှေရပါတယ်။ အသက် ၁၁နှစ်၊ ၁၂ နှစ်တန်းမှာ ၀င်ပြိုင်တာပါ။ တစ်ဦးချင်းမှာတော့ ရွှေ ၆ ခုနဲ့ငွေ ၂ ခု ရရှိပါတယ်။ ပြီးတော့ အဲဒီပြိုင်ပွဲရဲ့ အကောင်းဆုံး ရေကူးကစားသမားဆု ဒုတိယလည်း ရရှိခဲ့ပါတယ်။

*MMA:* စင်္ကာပူမှာ ယှဉ်ပြိုင်ရတာနဲ့ ထိုင်းနိုင်ငံမှာ သွားပြီး ယှဉ်ပြိုင်ရတာ ဘယ်ပြိုင်ပွဲက ညီမအတွက် ပိုခက်ခဲလဲ။

*မဆုမိုးသိမ့်စံး* ထိုင်းနိုင်ငံမှာ သွားပြီး ပြိုင်ရတာ ပိုခက်ခဲပါတယ်။ ထိုင်းနိုင်ငံက သူတို့ ကစားသမားတွေအများကြီး ၀င်ပြိုင်တဲ့အတွက် ပိုပြီးတော့ အားစိုက် ကြိုးပမ်းရပါတယ်။

*MMA:* အခု နိုင်ငံတကာ ပြိုင်ပွဲတွေမှာ ဆုတံဆိပ်တွေရရှိတော့ ဆုကြေးအနေနဲ့ရော ပေးတာရှိလား။

*မဆုမိုးသိမ့်စံး* ဟုတ်၊ ရှိပါတယ်။ စင်္ကာပူမှာ ရခဲ့တဲ့ ဆုတွေအတွက် သုံးသိန်း ခုနှစ်သောင်းရပါတယ်။ ရွှေတစ်ခုကို လေးသောင်းနှုန်း၊ ငွေ တစ်ခုကို သုံးသောင်းနှုန်းနဲ့ရတာပါ။ ထိုင်းမှာ ပြိုင်လို့ရတဲ့ ဆုတံဆိပ်တွေအတွက်တော့ အခုထိ ဆုကြေး မရသေးပါဘူး။

*MMA:* အဲဒီ နိုင်ငံတကာ ပြိုင်ပွဲတွေအတွက် ဘယ်လို ကြိုတင်ပြင်ဆင်မှုတွေ ပြုလုပ်ခဲ့ရလဲ။

*မဆုမိုးသိမ့်စံး* ပဏာမ နိုင်ငံလက်ရွေးစင် ရွေးချယ်ခံရပြီး လေ့ကျင့်ချိန် ၆ လလောက်ရှိခဲ့တယ်။ အဲဒီမှာလည်း မနက်တစ်ချိန်၊ ညနေ တစ်ချိန် ပုံမှန် လေ့ကျင့်ဖြစ်တယ်။ ရေကူး အဖွဲ့ချုပ်မှာ စတင်ရွေးချယ်ခံရတာက ပြီးခဲ့တဲ့ ၂၀၁၂ ခုနှစ် စက်တင်ဘာ ၁၂ ရက်နေ့ကပါ။

*MMA:* ပြည်တွင်းပြိုင်ပွဲနဲ့ ပြည်ပ ပြိုင်ပွဲတွေ ယှဉ်ပြိုင်ရတာ ဘာတွေ ကွာခြားချက်ရှိလဲ။

*မဆုမိုးသိမ့်စံး *ပြည်တွင်းမှာ ပြိုင်တာကတော့ ကိုယ့်အချင်းချင်းတွေပြိုင်တော့ သိပ်မသိသာဘူး။ ပြည်ပမှာကျတော့ စိတ်လှုပ်ရှားတယ်။ ကိုယ့်နိုင်ငံမှာ မဟုတ်တဲ့ အတွက်ကြောင့် ကြောက်စိတ်ဝင်မိတာတော့ ရှိတယ်။ ဒါကြောင့် ပိုကြိုးစားဖြစ်တယ်။ နိုင်ငံခြားပြိုင်ပွဲအတွက် ပိုကြိုးစားရသလို ပိုလည်း အားစိုက်ရပါတယ်။

*MMA: *အခုက ပဏာမ လက်ရွေးစင်ပဲဖြစ်သေးတယ်ဆိုတော့ လက်ရွေးစင်ရွေးချယ်ခံရဖို့အတွက်ရော မျှော်လင့်ထားလား။ ဘာတွေရော ပြင်ဆင်ထားလဲ။

*မဆုမိုးသိမ့်စံး* နောက်လာမယ့် ပြိုင်ပွဲက ဘယ်အချိန်ဆိုတာ မသိရသေးပေမယ့် အခုအချိန်ကတည်းက မနက်ရော၊ ညနေရော ပုံမှန်လေ့ကျင့်ခန်းတွေ ဆင်းဖြစ်နေ ပါတယ်။ ပြီးတော့ လက်ရွေးစင်အဖြစ် ရွေးချယ်ခံထားရဖို့အတွက်လည်း မျှော်လင့်ထားပါတယ်။

*MMA:* လာမယ့် မြန်မာ့နိုင်ငံမှာ လက်ခံကျင်းပမယ့် ဆီးဂိမ်းစ်ပြိုင်ပွဲမှာ ပါဝင်ခွင့်ရဖို့အတွက် ရောမျှော်လင့်ထားလား။

*မဆုမိုးသိမ့်စံး* ဟုတ်၊ လာမယ့် ဆီးဂိမ်းစ်မှာ ပါဝင်ခွင့်သာရမယ်ဆိုရင် ဆုတံဆိပ်တွေရရှိအောင် အစွမ်းကုန် ကြိုးစားသွားမှာပါ။
The Myanma Age

ဘော်စတွန်ဗုံးခွဲမှု သံသယတရားခံ ညီအစ်ကိုနှစ်ဦးနှင့် ဆက်နွယ်သူ ၁၂ ဦးကို FBI ရှာဖွေလျက်ရှိ

Monday ,April22 ,2013
အမေရိကန် ထောက်လှမ်းရေးဌာန FBIသည် တစ်ချိန်က အားကောင်းခဲ့ပြီး ယခုအခါ တိမ်မြုပ်နေသည့် အကြမ်းဖက် အဖွဲ့အစည်း တစ်ခုမှ ဆက်နွယ်သူ (၁၂)ဦးကို ရှာဖွေနေကြောင်း သိရှိရသည်။ ဘော်စတွန် မာရသွန် အပြေးပြိုင်ပွဲတွင် ဗုံးခွဲမှု ဖြစ်ပွားခဲ့သည့် ကိစ္စနှင့် ပတ်သက်ပြီး အဓိက သံသယတရားခံ ညီအစ်ကို နှစ်ဦးကို ကြိုးကိုင် ကူညီခဲ့သည်ဟု ယူဆရသော အဆိုပါ အကြမ်းဖက် အဖွဲ့အစည်းကို FBIက ဖြန့်ကျက် လေ့လာနေခြင်း ဖြစ်သည်။

ရဲများက တာမာလန်ဆာနေ့ဗ်နှင့် ဇိုခါဆာနေ့ဗ်တို့ ညီအစ်ကို နှစ်ဦးသည် ပြင်းထန်ဆိုးရွားလှသည့် အကြမ်းဖက်မှုကို ကျူးလွန်ရန် စနစ်တကျ လေ့ကျင့်ပေးခြင်း ခံထားရကြောင်း အလေးအနက် ယုံကြည်ထားသည်။

FBI အေးဂျင့်ပေါင်း (၁၀၀၀)ကျော်တို့သည် တနင်္ဂနွေနေ့ ညပိုင်းက စတင်ကာ ပစ်မှတ်အဖြစ် သတ်မှတ်ထားသည့် အကြမ်းဖက် အဖွဲ့နှင့် ဆက်စပ်သူများကို ရှာဖွေနေပြီး မသင်္ကာသူ တစ်ဦးကို ဖမ်းဆီးထားကြောင်း သိရသည်။

FBIနှင့် နီးစပ်သူ တစ်ဦးက "အဖွဲ့အစည်းအနေနဲ့ ခုကိစ္စကို ဒီညီအစ်ကို နှစ်ယောက်တည်း လုပ်ဆောင်ခဲ့တယ်လို့ ဘယ်လိုမှ မယုံပါဘူး။ ဖောက်ခွဲခဲ့တဲ့ ပစ္စည်းတွေရဲ့ ဖွဲ့စည်းပုံက အဆင့်အတန်း မြင့်လွန်းတယ်။ ဒီလက်နက်မျိုး ဘယ်လိုလုပ်တယ် ဆိုတာကို Googleကနေတော့ သူတို့ညီအစ်ကို ရှာတွေ့မယ်ပုံ မပေါ်ဘူး"ဟု ပြောကြားခဲ့သည်။

၎င်းကပင် "ပြောရရင် ဖန်တီးမှုက ခေတ်ရှေ့ပြေးလွန်းတယ်။ တစ်ယောက်ယောက်က ဒီကျွမ်းကျင်မှုမျိုးကို သူတို့ညီအစ်ကိုဆီ မျှဝေခဲ့ပုံပဲ။ အေးဂျင့်တွေကတော့ အဖွဲ့ဝင် (၁၂)ယောက် ပါဝင်တဲ့ အဲဒီအဖွဲ့အစည်းဟာ သူတို့လုပ်ဆောင်မယ့် အကြမ်းဖက်ကိစ္စ အထမြောက်လာမယ့် နေ့မျိုးကို နှစ်တော်တော်ကြာအောင် အချိန်ယူ စောင့်ဆိုင်းနေခဲ့တယ်လို့ ယူဆထားတယ်"ဟုလည်း ဆက်လက် ပြောဆိုသွားသည်။
Planet Myanmar Network

ကမ္ဘာ့အသိဥာဏ် ပစ္စည်းမူပိုင်ခွင့်နေ့ ပထမဆုံးအကြိမ် ကျင်းပမည်

22 Apr, 2013
ကမ္ဘာ့အသိဥာဏ် ပစ္စည်းမူပိုင်ခွင့်နေ့ကို မြန်မာနိုင်ငံတွင် ပထမဦးဆုံးအကြိမ်ကျင်းပပြုလုပ်သွားမည်ဖြစ်ကြောင်း သိပ္ပံနှင့် နည်းပညာဝန်ကြီးဌာနက သိရှိရသည်။

အဆိုပါနေ့ကို (၁၉၉၉)ခုနှစ် အောက်တိုဘာလတွင် WIPO (World Intellectual Property Organization)က ဧပြီလ (၂၆)ရက်နေ့ကို ရွေးချယ်သတ်မှတ်ခဲ့ပြီး (၂၀၀၀)ခုနှစ်တွင် စတင်ကျင်းပခဲ့ကြောင်း သိရှိရသည်။

"ကမ္ဘာမှာဒီလိုနေ့ကျင်းပခဲ့တာ ဆယ်စုနှစ်တစ်ခုတောင်ကျော်သွားပြီ၊ ဒီမှာလည်း ပြီးခဲ့တဲ့ ငါးနှစ်လောက်က ဥပဒေ ဆိုင်ရာအဖွဲ့အစည်းတွေအနေနဲ့ အဖွဲ့အစည်းလိုက် အထိမ်းအမှတ်ပွဲတွေလုပ်တာတော့ရှိတယ်။ အစိုးရ အနေနဲ့တော့ ဒီနှစ်မှ စလုပ်ဖြစ်တာပါ"ဟု သိပ္ပံနှင့်နည်းပညာဝန်ကြီးဌာနမှ တာဝန်ရှိသူတစ်ဦးကပြောသည်။

အဆိုပါနေ့ကို အထိမ်းအမှတ်နေ့အဖြစ် မကျင်းပဘဲ ဆွေးနွေးပွဲအနေဖြင့် ကျင်းပသွားမည်ဖြစ်ကြောင်း၊ ဆွေးနွေးပွဲကို ရန်ကုန်မြို့ မြန်မာ့ သိပ္ပံနှင့် နည်းပညာ ဦးစီးဌာနတွင် ကျင်းပရန်စီစဉ်ဆောင်ရွက် လျက်ရှိကြောင်း သိပ္ပံနှင့် နည်းပညာ ၀န်ကြီးဌာနက သိရှိရသည်။

"ဒီပွဲကို အထိမ်းအမှတ်ပွဲပုံစံမဟုတ်ဘဲ ဆွေးနွေးပွဲပုံစံနဲ့ ကျင်းပသွားမှာပါ။ မူပိုင်ခွင့် ဥပဒေဆိုတာအားလုံးနဲ့ ဆိုင်တယ် တီထွင်တဲ့ သူတွေ ပြည်သူတွေ ရဲ့ ရပိုင်ခွင့်တွေ ၊ခံစားပိုင်ခွင့်တွေနဲ့ ပါတ်သတ်လို့ နားလည်သွားစေချင်တယ်"ဟု သိပ္ပံနှင့် နည်းပညာ ၀န်ကြီးဌာနမှ တာဝန်ရှိသူတစ်ဦးက ပြောသည်။

ထိုကျင်းပပြုလုပ်မည့် ကမ္ဘာ့အသိဥာဏ် ပစ္စည်းမူပိုင်ခွင့်နေ့တွင် သိပ္ပံနှင့် နည်းပညာ ၀န်ကြီးဌာန အပြင် ဥပဒေဆိုင်ရာ အဖွဲ့အစည်းများ၊ IT နည်းပညာ ဆိုင်ရာ ပညာရှင်များ ပါဝင်ဆွေးနွေးကြမည်ဖြစ်ကြောင်း သိရှိရသည်။

 "ပြည်ပရင်းနှီးမြုပ်နှံမှုတွေဝင်လာရင် မူပိုင်ခွင့် ဥပဒေဆိုတာတော့ ပြကိုပြဌာန်းရမှာ၊အဲဒီဥပဒေတွေ ရှိလာရင် နည်းပညာခွေတွေကို အခုလို လွယ်လွယ်ကူကူ မရနိုင်တော့ဘူး၊ ကောင်းတာကတော့ Software တစ်ခုရေး နိုင်ရင် အဲဒီအတွက် ကာကွယ်မှု နဲ့ ရပိုင်ခွင့်တွေရှိလာနိုင်မယ်။ပြည်သူတွေအနေနဲ့ အဲဒီအသိဥာဏ် တွေရှိထားရင် ပိုကောင်းမယ်ထင်တယ်"ဟု ပရိုဂရမ်ရေးဆွဲသူပညာရှင်တစ်ဦးက ဆိုသည်။

အဆိုပါနေ့ အထိမ်းအမှတ်ပွဲကို မြန်မာနိုင်ငံမှ ‘တီထွင်ဖန်တီးမှုသော့ချက် မျိုးဆက်သစ်တို့ရဲ့ အသက်’ဟု နိုင်ငံတကာဆောင်ပုဒ် (CREATIVITY –the next generation)ကို အကြမ်းမျဉ်းဘာသာပြန်ထားကြောင်း၊ လူတိုင်း တီထွင်ဖန်တီးမှုကို စိတ်ဝင်စားလာစေရန်နှင့် ကျောင်းနေအရွယ်မှ လုပ်ငန်းခွင်ဝင်ရောက်ချိန်အထိ ကြံဆသွားနိုင်ရန်နှင့် အသိဥာဏ်တိုးပွားသွားစေရန် အတွက် ဟောပြောပွဲများ၊ ပြိုင်ပွဲများကိုလည်း ထည့်သွင်းရခြင်းဖြစ်ကြောင်း သိရသည်။
လွင်ထူးကို(မြစ်မခ)
Myit Makha Mediagroup

ရွာသားများစပါးစိုက်ရန် မြေခုတ်ထွင်ရှင်းလင်းမှုအပေါ် UWSA အဖွဲ့မှ တားမြစ်ခဲ့

22.4.2013
မိုင်းဆတ်မြို့ မိုင်းတွမ်းတောင်ပေါ်ကျေးရွာအုပ်စု၊ ဟွေပူကျေးရွာမှ ရွာသားများအား UWSA အဖွဲ့မှ မြေခုတ် ထွင်ရှင်း လင်းမှုများအပေါ် တားမြစ်ခဲ့ကြောင်း သိရှိရသည်။

၎င်းကျေးရွာသားများ စုပေါင်းခုတ်ထွင်ရှင်းလင်း၍ စပါးစိုက်ပျိုးရန်အတွက် ပြုပြင်ထားသည့်မြေ (၁၀)ဧက ခန့်အား UWSA အဖွဲ့ ၄င်းတို့ပိုင် မိုင်းထလန်ကျေးရွာနှင့်နီးသဖြင့် မလုပ်ကြရန်နှင့် ဆက်လုပ်ပါက စိုက်ပျိုးထားသည့် အပင်များကို သိမ်းယူမည်ဖြစ်ကြောင်း ဧပြီလအတွင်း (၂)ကြိမ် ခေါ်ယူပြောဆို ခဲ့သည် ဟု ရွာခံတောင်သူတစ်ဦး၏ ပြောပြချက်အရ သိရသည်။

`` မနေ့က ကျွန်တော်တို့ကို UWSA အဖွဲ့က ထပ်ပြီးခေါ်ပြောတယ်။ ကျွန်တော်တို့တောင်ယာတွေ အနီးက ချောင်းရေ ခမ်းမှာစိုးတဲ့အတွက် တောင်ယာမလုပ်ဖို့ ပြောတယ်။ ထိုင်း - မြန်မာဘိန်းအစားထိုး ဖွံ့ဖြိုးရေး စီမံကိန်းက ဒီချောင်းကို ဆည် ခံပြီးတော့ မိုင်းကန်ဒေသသောက်သုံးရေ ဖူလုံအောင် ပေးနေ ရတာလို့ အကြောင်းပြပြီး ပြောတယ်။

လွန်ခဲ့တဲ့(၄)နှစ် လောက်က ရွာနားမှာပဲ တောင်ယာ လုပ်စားကြ ပါတယ်။ အဲဒီတုန်းက UWSA အဖွဲ့ရဲ့ နွားခြံထဲက နွားတွေဟာ တောင်ယာတွေထဲကို ၀င်စားတယ်။ လျော်ကြေးမရတဲ့အပြင် မကြာခဏပြဿနာတက်ခဲ့ပါတယ်။ လွန်ခဲ့တဲ့နှစ်နှစ်လောက် ကစပြီးတော့ ဒီဘော်ဘူးချောင်းအနီးတစ်ဝိုက်ကိုပြောင်းပြီး လုပ်ကြတာပါ။ ဒီနေရာမှာ ကျွန်တော်တို့ကို စပါးမစိုက်စေချင်ရင် ရွာနားက UWSA အဖွဲ့ရဲ့ နွားခြံတွေ နေရာပြောင်းပေးပေါ့။ အဲဒီလိုဆိုရင်တော့ ကျွန်တော်တို့ ရွာနားမှာပဲ ပြန်လုပ် ကြမယ်´´ဟု ဟွေပူကျေးရွာအုပ်ချုပ်ရေးရုံးအဖွဲ့မှ တာဝန်ရှိသူတစ်ဦး မှ ပြောခဲ့သည်။

ဟွေပူရွာသားအများစုမှာ ရှမ်းလူမျိုးများနှင့် အခါလူမျိုးများဖြစ်ပြီး UWSA အဖွဲ့၏ အနိုင်ကျင့်မှု များကြောင့် နောင်အနာဂတ်အရေးအတွက် စိုးရိမ်လျှက်ရှိကြောင်း သိရှိရသည်။
Shan News

စပစ်ဖိုင်းယား တိုက်လေယာဉ်အပိုင်းအစ တွေ့ရှိပြီ

ဒုတိယကမ္ဘာစစ်အတွင်းက မြန်မာနိုင်ငံမှာ မြှုပ်နှံထားတဲ့ တိုက်လေယာဉ်တွေနဲ့ ပတ်သက်တဲ့ အပိုင်းအစတွေကို တွေ့ရှိပြီလို့ တူးဖော်ရေးမှာ ပါဝင်တဲ့ မြန်မာဘူမိဗေဒပညာရှင်တဦးက ပြောပါတယ်။

ရန်ကုန်တိုင်းဒေသကြီး မင်္ဂလာဒုံ အပြည်ပြည်ဆိုင်ရာလေဆိပ်အနီးမှာ မြှုပ်နှံထားတဲ့ စပစ်ဖိုင်းယားလေယာဉ်နဲ့ ပတ်သက်တဲ့ အပိုင်းအစတွေ လွန်ခဲ့တဲ့ရက်ပိုင်းက တွေ့ရှိခဲ့တယ်လို့ ရှာဖွေရေးမှာပါတဲ့ ဘူမိဗေဒပါမောက္ခ (အငြိမ်းစား) ဒေါက်တာစိုးသိန်းက ပြောပါတယ်။

အငြိမ်းစား ဘူမိဗေဒပါမောက္ခ ဦးစိုးသိန်း

“ပစ္စည်းတွေက အကုန်မြှုပ်ထားတာ၊ အပိုင်းအစတွေတွေ့တာ မှန်တယ်။ ပထမအဖွဲ့ပြောတာ မတွေ့ဘူးဆိုတာ မှားတယ်။ သူတို့က မှတ်တမ်းသေချာမလုပ်ဘူးလေ။ နောက် ကျနော်လည်း စနစ်တကျလုပ်ထားတာ၊ အောက်မှာအကုန် ကျနော်လည်း တွေ့တဲ့အပိုင်းတွေပြတယ်။ ပစ္စည်းတွေရှိတာမှန်တယ်လေ။ ကျနော်တို့က အပေါ်ကိုဆွဲတင်ဖို့နဲ့ထုတ်ယူဖို့ပဲ လုံးပန်းနေရတာ။ မြန်မာပြည်မှာ အစင်းပေါင်း ကျနော်ရတဲ့စာရင်းက ၁၄၀၊ သူတို့စာရင်းအရ အားလုံးပေါင်း ၁၆၀ ရှိတယ်။ အများကြီးပဲ။”

ဒါ့အပြင် မြစ်ကြီးနားမှာ လေယာဉ် တူးဖော်ဖို့အတွက်တော့ လေယာဉ်တွေကို ရှာဖွေခဲ့တဲ့ ဒေးဗစ်ကင်ဒဲလ်က ဘယ်လို လုပ်ဆောင်မလဲဆိုတာကို မသိသေးဘူးလို့ သူက ပြောပါတယ်။

လေယာဉ်တူးဖော်ရှာဖွေရေးကို နိုင်ငံတော်အစိုးရ၊ ရွှေတောင်ပေါ်ကုမ္ပဏီနဲ့ ဘီဂျေစီကုမ္ပဏီတို့က အကျိုးတူ ပူးပေါင်းလုပ်ဆောင်နေတာ ဖြစ်ပါတယ်။

ကနဦးပိုင်းက ဒီရှာဖွေရေးလုပ်ငန်းကို ကုန်ကျစရိတ်တွေ ထောက်ပံ့ခဲ့တဲ့ ၀ါလ်းဂိမ်းမင်း ကုမ္ပဏီက လေယာဉ် အစိတ်အပိုင်းတွေ ထည့်သွင်းထားတဲ့ သေတ္တာတွေကို မင်္ဂလာဒုံ လေတပ်စခန်းမှာ မြှုပ်နှံခဲ့ခြင်းမရှိဘူးလို့ ကြေညာခဲ့ပါတယ်။ ဒါပေမယ့် တူးဖော်ရာမှာ ပါဝင်တဲ့ ရွှေတောင်ပေါ်ကုမ္ပဏီက တွေ့မယ်လို့ ယုံကြည်ပြီး ဆက်လက်ရှာဖွေမယ်လို့ ထုတ်ပြန်ခဲ့ပါတယ်။

ဒုတိယကမ္ဘာစစ်အတွင်းက မြန်မာနိုင်ငံမှာ ဗြိတိသျှစပစ်ဖိုင်းယား စုစုပေါင်း ၁၂၄ စင်း မြှုပ်နှံထားပြီး အစီး ၃၀ ကျော်ကို မင်္ဂလာဒုံလေဆိပ်ဝန်းကျင်မှာ မြှုပ်နှံထားတယ်လို့လည်း ယူဆပြီး ရှာဖွေနေကြတာ ဖြစ်ပါတယ်။
DVB

ဆဌမမြောက် ပုဂ္ဂလိက Myanmar Newsweek နေ့စဉ်သတင်းစာကို ဧပြီလ ၂၀ ရက်နေ့က စတင်ထုတ်ဝေ

Myanmar Newsweek ဟာ အပတ်စဉ် သတင်းဂျာနယ် ထုတ်ဝေနေတဲ့ ဂျာနယ်တိုက်က ထုတ်ဝေတာဖြစ်ပြီး ပိုင်ရှင်ကတော့ ဒေါက်တာတင်အောင်ခိုင် ဖြစ်ပါတယ်။ စပြီး ထုတ်ဝေတဲ့ အဲဒီ သတင်းစာမှာ စာမျက်နှာ ၁၆ မျက်နှာ ပါဝင်ပြီး လမ်းဘေး ဂျာနယ်ဆိုင်တစ်ချို့က တစ်စောင် ကျပ် ၂၀၀ နဲ့ရောင်းချပါတယ်။

ဒါ့အပြင် ဧပြီ ၂၅ ရက်နေ့မှာ ဆဲဗင်းဒေး သတင်းစာ၊ မေလ ၁ ရက်နေ့မှာ ရန်ကုန်တိုင်းမ်၊ မေလ ၃ ရက်နေ့မှာ ဒေးလီး အလဲဗင်း၊ မေလ ၇ ရက်နေ့မှာ မက်ဆင်ဂျာ နေ့စဉ် စတဲ့ ပုဂလိက သတင်းစာ ၄ စောင် ဆက်တိုက် ထုတ်ဝေလာဦးမယ်လို့ သက်ဆိုင်ရာ ဂျာနယ်တိုက်တွေက ကြေငြာထားပါတယ်။ ပြန်ကြားရေးဝန်ကြီးဌာနဟာ ပုဂလိက နေ့စဉ် သတင်းစာ လျောက်ထားသူတွေအနက် ၁၆ ဦးကို ထုတ်ဝေခွင့်ပြုထားပြီး ဒီကနေ့အချိန်ထိ ၆ စောင် ထုတ်ဝေနေပြီ ဖြစ်ပါတယ်။
DVB TV News

Samsung Galaxy S4 ထက်တောင်သာသည်ဟု ဆိုသော Xiaomi

Xiaomi ကို ဟိုအရင်က ကြားတောင်မကြားဖူးပါဘူး။ တရုတ်အခြေ ဆိုက် စမတ်ဖုန်း ထုတ်လုပ်တဲ့ ကုမ္မဏီတစ်ခု ဖြစ် ပါတယ်။

သို့ပေမယ့် နှစ်အနည်းငယ် အတွင်း ကမ္ဘာ့အကြီးဆုံး စမတ်ဖုန်း ကုမ္မဏီ တစ်ခု ဖြစ်လာမယ်ဆိုတာ ကြိ်မ်းသေနေပြီ ဖြစ်ကြောင်း သိရပါတယ်။

၂၀၁၂ ခုနှစ်အတွင်း ဟန်းဆက်ပေါင်း ၇.၁၉ သန်း ရောင်းချရပြီး ၂၀၁၃ မှာ ၂ ဆ မက ဈေးကွက်မြင့်တက်ဖို့ သေချာနေပါတယ်။ ၂၀၁၁ ခုနှစ် နွေကုန်တဲ့အထိ ဖုန်း မရောင်းခဲ့ပါဘူး။ သို့ပေမယ့် တစ်နှစ်ကျော် ကာလအတွင်း သူ့ရဲ့  ကြိုးပမ်းချက်က ကမ္ဘာ့ စမတ်ဖုန်း ဈေးကွက်ကို တုန်လှုပ်ခြောက်ခြားစေခဲ့ပါတယ်။

နယူးယောက် မှာ လုပ်တဲ့ Drive Into Mobile Conference မှာ အဖိတ်ကြားခံရလို့ Xiamoi ကုမ္မဏီ ပူးတွဲ တည်ထောင်သူ/ ဥက္ကဌ Bin Lin တက်ရောက်ပါတယ်။ တက်ရောက်စဉ် သူပြောတဲ့ စကားတွေထဲမှာ ပညာရစရာတွေ ရှိနေပါတယ်။ ဒီလိုပါ -

"ယနေ့စမတ်ဖုန်း ဈေးကွက်က လွန်ခဲ့တဲ့ နှစ် ၂၀ က ကွန်ပြူတာတွေ ရောင်းပေါက်သလိုပဲဗျ။ Demand အရမ်းများပါတယ်။ ကျနော်တို့ ဒီဈေးကွက်ဝင်ဖို့ ဆုံးဖြတ်လိုက်တာ မမှားပါဘူး။

ဈေးကွက်လိုအပ်ချက်ကိုကြည့်လိုက်ပါတယ်။ ဒါကြောင့် အလယ်အလတ် တန်းနဲ့ အထက်တန်း နှစ်မျိုး သုံးနိုင်မယ့် စမတ်ဖုန်း အမျိုးအစားများကို ရွေးချယ်ပြီး ထုတ်လုပ်ခဲ့ပါတယ်။ ယနေ့ HTC နောက်ဆုံးပေါ်တွေနဲ့ ယှဉ်လို့ရပါတယ်။ ကျနော်တို့ ကုန်ပစ္စည်းကို အရည်အသွေးပိုင်းမှာ အာမခံပါတယ်။

လက်ရှိ ထုတ်ထားတဲ့ Xiaomi MI-2 မှာပါတဲ့ ဟာ့ဒ်ဝဲ၊ ဆော့ဖ်ဝဲများက ယနေ့နောက်ဆုံးပေါ်တွေချည်းပါပဲ။ Samsung Galaxy S4 မှာ ပါတဲ့ processor နဲ့ အခြားအစိတ်အပိုင်းတွေတောင် တူပါတယ်။ ကျနော် တို့ တစ်ခု ထူးခြားတာက ဈေးနှုန်းပါ။ ပစ္စည်းချင်း တူတာတောင် ကျနော် တို့က ဈေးနှုန်းသက်သက်သာသာနဲ့ ရောင်းပါတယ်။ လက်ရှိ Samsung Galaxy S4 ထက် ဈေးတစ်ဝက်တောင် သက်သာပါတယ်။

ကျနော်တို့ ဝဘ်ဆိုဒ်မှာ ငါးမိနစ်တိုင်း ဟန်းဆက် အလုံးရေ ၃ သန်း ရောင်းချနေရပါတယ်။ ကမ္ဘာ့ပထမဆုံးပါ။ Xiaomi MI-2 အပြင် အခြားသောသ ကမ္ဘာ့အဆင့်မှီ စမတ်ဖုန်းများ ဆက်လက် ထုတ်လုပ် သွားအုံးမှာပါ"

Xiamoi ဟာ တရုတ်ပြည်မ အခြေဆိုက် Huawei ကိုတောင် ကျော်လွန် လို့ ဖုန်းအလုံးရေအများဆုံးရောင်းချရတဲ့ ကုမ္မဏီကြီး တစ်ခုအဖြစ် ၂၀၁၃ တွင်ဖြစ်လာနိုင်တယ်လို့ ခန့်မှန်းထားကြောင်း သိရပါတယ်။
Ref: techblog
Aung Kham (TSJ team), TechSpace Journal

အာဆီယံခေါင်းဆောင်များ လာမည့်ဆွေးနွေးပွဲတွင် ရေပိုင်နက်ဆိုင်ရာ သဘောတူညီရေး ဦးစားပေးဆွေးနွေးမည်

ဘန်ဒါဆရီဘက်ဂဝန်၊ ဧပြီ ၂၂။
အာဆီယံခေါင်းဆောင်များသည် ယခုတစ်ပတ် ဘရူနိုင်းနိုင်ငံတွင် ကျင်းပမည့် စည်းဝေးပွဲတွင် တရုတ်နိုင်ငံနှင့် ရေပိုင်နက်အငြင်းပွားနေမှုအ ပေါ် အချင်းချင်း သဘောချင်းမတိုက်ဆိုင်ခဲ့ခြင်းကို အဆုံးသတ်ပြီး
ညီညွတ်ရေးလမ်းကြောင်းကို ဦးတည်ဆွေးနွေးမည်ဖြစ်ကြောင်း သိရသည်။

တရုတ်နိုင်ငံသည် သဘာဝသယံဇာတကြွယ်ဝသည့် တောင်တရုတ်ပင်လယ်အတွင်း ရေပိုင်နက်အားလုံးနီးပါးကို ၎င်းတို့၏နယ်မြေအဖြစ် တိုးမြှင့်ပြောကြားနေမှုကို ဆန့်ကျင်သောအားဖြင့် ဆွေးနွေးပွဲကိုပြုလုပ်ခြင်းဖြစ်သည်။

အာဆီယံအဖွဲ့ဝင်နိုင်ငံများဖြစ်သော ဘရူနိုင်း၊ မလေးရှား၊ ဖိလစ်ပိုင်နှင့် ဗီယက်နမ်တို့သည်
တောင်တရုတ်ပင်လယ်တွင်းတွင်တည်ရှိကြပြီး ၎င်းတို့နှင့် ရေပိုင်နက်အငြင်းပွားမှုများ ရှိနေခြင်းဖြစ်သည်။

လွန်ခဲ့သည့်နှစ်က ဖိလစ်ပိုင်နှင့် ဗီယက်နမ်နိုင်ငံများမှ အာဆီယံနိုင်ငံများကို အတူတကွဖြေရှင်းရန်
တောင်းဆိုခဲ့သော်လည်း တရုတ်နှင့် နီးစပ်သော မဟာမိတ်ဖြစ်သည့် ကမ္ဘောဒီးယားက ကန့်ကွက်သောကြောင့်အထမမြောက်ခဲ့ပေ။

အင်ဒိုနီရှား နိုင်ငံခြားရေးဝန်ကြီး မာတီနာတာလက်ဂဝါသည် ဗုဒ္ဓဟူးနေ့တွင် စတင်မည့်ဆွေးနွေးပွဲတွင်
အာဆီယံနိုင်ငံများသည် တောင်တရုတ် ပင်လယ်အတွင်းတွင် ပူးပေါင်းရှေ့ပြေးတပ်ကို ထားရှိရမည်ဖြစ်ကြောင်း အလေးထားဆွေးနွေးမည်ဖြစ်သည်။

“အာဆီယံ အင်အားတောင့်မှ တိုးတက်မှုတွေ လုပ်ဆောင်နိုင်မှာဖြစ်တယ်၊ ကျွန်တော်တို့တွေ
တစ်သားတည်းဖြစ်နေရပါမယ်” ဟု ၎င်းက ပြော ကြားခဲ့သည်။

ဘရုနိုင်းအနေနှင့် ယခုနှစ်ဆွေးနွေးပွဲတွင် အာဆီယံအုပ်စု နှင့် တရုတ်နိုင်ငံတို့ကြား ဥပဒေနှင့်ညီမျှသည့်ကျင့်ဝတ်ပုံစံတစ်ခုကို ယခုနှစ်အကုန် တွင် ရရှိရန် ရည်ရွယ်ထားကြောင်း သိရသည်။

ဖိလစ်ပိုင်သမ္မတ အကွီနိုသည် ၎င်းကျင့်ဝတ်ပုံစံအတွက် အကြိုကောက်ချက်တစ်ခုချနိုင်ရေးကို တိုက်တွန်းမည်ဖြစ်ကြောင်း နိုင်ငံခြားရေး ဝန်ကြီးဌာနပြောရေးဆိုခွင့်ရှိသူ ရာအူးလ် ဟာနန်ဒက်ဇ်က သတင်းထောက်များကို မကြာမီကပြောကြားခဲ့သည်။

သို့သော်  တရုတ်နိုင်ငံသည် အာဆီယံအဖွဲ့ကြီးနှင့် ဆွေးနွေးသည်ထက် တစ်နိုင်ငံချင်းနှင့်သာ
တိုက်ရိုက်ဆွေးနွေးလိုစိတ်ရှိနေသောကြောင့် ယခုနှစ်ကုန်အထိ ပြီးပြတ်နိုင်မည်မဟုတ်ဟု လေ့လာသူများက ဆိုသည်။

တရုတ်နိုင်ငံသည် တောင်တရုတ်ပင်လယ်အတွင်းရှိ ဖိလစ်ပိုင်၊ ဗီယက်နမ်၊ မလေးရှား နှင့် ဘရူနိုင်းနိုင်ငံအနီးရေပိုင်နက်များပင် ၎င်းတို့ အပိုင်ဖြစ်သည် ဟု ပြောကြားထားသည်။ တရုတ်နှင့်ဗီယက်နမ်သည် ၁၉၇၄ခုနှစ်နှင့် ၁၉၈၈ခုနှစ်တို့တွင် ဒေသတွင်း ကျွန်းများအငြင်းပွားမှုကြောင့် စစ်ရေးပဋိပက္ခများ ရှိခဲ့သည်။

ယခုနှစ်မတ်လ နှောင်းပိုင်းတွင် တရုတ်နိုင်ငံက မလေးရှားနိုင်ငံကမ်းစပ်နှင့် ကီလိုမီတာ ၈၀သာဝေးကွာသောနေရာများအထိ ရောက်ရှိနိုင်သည့် သင်္ဘောများနှင့် တောင်တရုတ်ပင်လယ်အတွင်းတွင်
နယ်မြေကျယ်ကျယ်ပြန့်ပြန့် ကင်းလှည့်မည်ဟု ကြေညာချက်ထုတ်ပြန်ခဲ့သော ကြောင့် တရုတ်နှင့်
ဘက်ပြိုင်နေရသောနိုင်ငံများသည် ပိုမိုလှုပ်လှုပ်ရှားရှားဖြစ်လာကြသည်။

ယခု တစ်ခေါက်အာဆီယံဆွေးနွေးပွဲတွင် ၂၀၁၅ အာဆီယံစီးပွားရေးအသိုင်းအဝိုင်းကို တည်ထောင်ရေးကိုလည်းအလေးထားဆွေးနွေးမည် ဖြစ်ကြောင်း သိရသည်။ မေ ၅ တွင်ကျင်းပမည့် ရွေးကောက်ပွဲအတွက် အာရုံစိုက်နေရသည့် မလေးရှားဝန်ကြီးချုပ်သည် ယခု ဆွေးနွေးပွဲကို တက်ရောက်မည် မဟုတ်ကြောင်း သိရသည်။
Ref: AFP
The Myanma Age

ပေးထားတဲ့ကတိက၀န်ကျေဖို့ လမ်းပွင့်နေပါပြီလို့ ဆိုလာသူ ဒေါ်ဖြူဖြူသင်း

ဓာတ်ပုံ – အောင်သိုက်
ရန်ကုန်၊ ဧပြီ ၂၂။
မြန်မာ့ဒီမိုကရေစီရေး အပြောင်းအလဲဖြစ်စဉ် များထဲတွင် အရေးကြီးသော မှတ်တိုင်များထဲတွင် ၂၀၁၂
ဧပြီလ(၁)ရက်နေ့က ကျင်းပပြုလုပ်ခဲ့သော ကြားဖြတ် ရွေးကောက်ပွဲသည် ဒီမိုကရေစီ ပြောင်းလဲရေး
ဖြစ်စဉ်များအတွက် ချန်ထားခဲ့၍ မရသော နေ့တစ်နေ့ပင်ဖြစ်သည်။

ယင်းကြားဖြတ် ရွေးကောက်ပွဲတွင် အများစု အနိုင်ရရှိခဲ့သော အမျိုးသား ဒီမိုကရေစီ အဖွဲ့ချုပ် သည်လဲ
လွှတ်တော်တွင်း နိုင်ငံရေးကို အခြေခံ ဥပဒေပြင်ဆင်ရေး၊ တရားဥပဒေ စိုးမိုးရေးနှင့် တည်ငြိမ်အေးချမ်းရေး၊ ပြည်တွင်းငြိမ်းချမ်းရေးများ ရရှိရန်အတွက် ဆောင်ရွက်သွားမည်ဟု ထိုစဉ်က ပြည်သူများကို ကတိက၀တ်ပြုခဲ့ ကြသည်။ ထို့အတွက်ကြောင့်ပင် ပြည်သူများက အမျိုးသား ဒီမိုကရေစီအဖွဲ့ချုပ်မှ ကိုယ်စားလှယ်များကို တခဲနက် မဲပေးရွေးချယ်ခဲ့ကြသည်မှာ တစ်နှစ် တင်းတင်း ပြည့်ခဲ့ပြီဖြစ်သည်။

ထို့ကြောင့် ကုန်လွန်ခဲ့သော တစ်နှစ်တာကာလအတွင်း အမျိုးသား ဒီမိုကရေစီ အဖွဲ့ချုပ်မှ ရွေးချယ်တင်မြောက်ခြင်း ခံရသူ မင်္ဂလာတောင်ညွန့်မြို့နယ် ပြည်သူ့ လွှတ်တော် ကိုယ်စားလှယ် ဒေါ်ဖြူဖြူသင်းနှင့် သွားရောက်တွေ့ဆုံမေးမြန်းခဲ့သည်။

MMA။    ။အစ်မရေ အစ်မပြည်သူ့လွှတ်တော်က ဖွဲ့ထားတဲ့ ကော်မတီတွေထဲမှာ ဘယ်ကော်မတီမှာ ပါတယ်ဆိုတာရယ် ကော်မတီရဲ့ တာဝန်က ဘာလဲဆိုတာကို အရင်ဆုံးပြောပြပေးပါဦး။

PPT။      ။ပြည်သူ့လွှတ်တော် စီးပွါးရေးနှင့် စီမံကိန်းဖွံ့ဖြိုးတိုးတက်ရေး ကော်မတီဝင်ပါ။    
ကော်မတီရဲ့ အဓိကတာဝန်က အစိုးရကပြုလုပ်နေတဲ့ စီမံကိန်းတွေဟာ အမှန်တကယ် လိုအပ်မှုရှိ မရှိဆိုတာရယ် တကယ်လို့ လုပ်ဖို့လိုအပ်တယ် ဆိုရင်လဲ ဘတ်ဂျက်စာရင်းတွေကို ပြန်လည် စီစစ်ပေးရတာပါ။ ဒီမှာလုပ်ကိုင်ရတာ နည်းနည်းတော့ အခက်အခဲရှိတယ်ပေါ့ ဘာဖြစ်လို့လဲဆိုတော့ တစ်ချို့ဝန်ကြီးဌာနတွေ အနေနဲ့ ဘတ်ဂျက်တင်ပြတာ နောက်ကျမှုလေးတွေ ရှိတဲ့အခါကျတော့ နည်းနည်းတော့ ခက်ခဲတာလေးတွေရှိတယ်။ နောက်ပိုင်းမှာ ကော်မတီ တစ်ခုတည်းက ကိုင်တာမျိုး မလုပ်တော့ပဲ လွှတ်တော်ထဲမှာ ရှိတဲ့ကော်မတီတွေက နေပြီးတော့ စီမံကိန်းတွေကို ခွဲပြီးစစ်တာတို့ လုပ်ကိုင် ဆောက်ရွက်ရပါတယ်။ တစ်ချို့ဝန်ကြီးဌာနတွေကလဲ စီမံကိန်းတွေ ဘတ်ဂျက်တွေ တက်မလာတာလဲ ရှိတယ်။ ဒါတွေကို ပြန်ပြီးတင်ပေးဖို့ ဆွေးနွေးရတာတွေလည်း ရှိပါတယ်။

MMA။      ။အစ်မရေ ဒီလွှတ်တော်သက်တမ်း တစ်နှစ်အတွင်း မှာပေါ့နော် အမျိုးသား ဒီမိုကရေစီအဖွဲ့ချုပ်က နေပြီးတော့ ရွေးကောက်ပွဲမှာ ပြည်သူတွေကို ပေးထားတဲ့ ကတိက၀တ်တွေ ပြည်တွင်းငြိမ်းချမ်းရေး၊ တရားဥပဒေ စိုးမိုးရေး နဲ့ အခြေခံဥပဒေ ပြင်ဆင်ရေးကို ဆောင်ရွက်သွားမယ်လို့ ပြောထားခဲ့တာ ရှိတယ်ပေါ့။ အဲဒီ လုပ်ငန်းစဉ်တွေကို ဘယ်အတိုင်းအတာထိ လုပ်ဆောင်ပြီးပြီလဲ ဆိုတာကို သိပါရစေ။

PPT။         ။ဒါကတော့ အားလုံးလလည်း သိပြီးသားဖြစ်မှာပါ။ အဲဒါကတော့ အမျိုးသား ဒီမိုကရေစီအဖွဲ့ချုပ် အနေနဲ့ တရားဥပဒေ စုိုးမိုးရေး ကိစ္စတွေကို  ကော်မတီ ဖွဲ့ပြီးတော့ လုပ်နေတာတွေရှိတယ်။ တစ်ချို့အရာတွေမှာလဲ ထင်သာမြင်သာမရှိ သေးတာလဲ ရှိတာပေါ့။ အမှုတွဲပေါင်းကလည်း ကော်မတီကို ခြောက်ထောင်ကျော် ခုနှစ်ထောင်လောက် ရောက်နေတာတွေ ရှိတယ်။ ဒေါ်အောင်ဆန်းစုကြည် ခေါင်းဆောင်တဲ့ ကောမတီရှိသလို အခြားကော်မတီ တစ်ခုလည်းရှိတယ်။ အဲဒီကော်မတီကို သူရဦးအောင်ကို ဦးဆောင်တဲ့အဖွဲ့က လုပ်ဆောင်နေတာပါ။

တရားဥပဒေ စိုးမိုးရေးနဲ့ ပတ်သက်ပြီးတော့လောလောဆယ် အခြေအနေမှာ မတရားတဲ့ ကိစ္စတွေကို လွှတ်တော်ထဲမှာ ကြားနာတာ အမျိုးသား လွှတ်တော်နဲ့ ပြည်သူ့လွှတ်တော် ပေါင်းပြီးတော့ ကြားနာမှုတွေ လုပ်တာတွေတော့ ရှိပါတယ်။ တစ်ချို့ ကိစ္စတွေဆိုရင် ကော်မတီကနေပြီးတော့ သက်ဆိုင်ရာ မြို့နယ်အလိုက်ကို အမှုတွဲတစ်ခုခြင်းစီ အလိုက်ပေါ့။ လိုအပ်ချက်တွေရှိလာရင်သက်ဆိုင်ရာ တရားရုံးတွေနဲ့ ချိတ်တွဲ ဆောင်ရွက်နေတာတွေ ရှိတယ်။ အဲဒီလိုဆောင်ရွက်လိုက်တဲ့ အခါကျတော့ တစ်ချို့ အရာတွေဆိုရင် အစဉ်ပြေသွားတာ ရှိတယ်။ တစ်ချို့ကိစ္စတွေ ကျတော့လဲ တရားမမှုလို အမှုမျိုးတွေ ဆိုရင်တော့ အရမ်းနှစ်တွေ ကြာနေတာတွေရှိတယ်။ ဒါတွေကို ကော်မတီက နေပြီးတော့ တဖြည်းဖြည်းခြင်း ဆောင်ရွက်နေပါတယ်။တရားဥပဒေ စိုးမိုးရေးနဲ့ ပတ်သက်ပြီး တစ်ဘက်က အခုလို ဆောင်ရွက်နေသလို အရင်ဥပဒေ အဟောင်းတွေကို ပြန်လည်ပြင်ဆင် အသစ်ရေးဆွဲနိုင်ဖို့ကို ပြည်သူ့လွှတ်တော်ကနေပြီးတော့ ဆောင်ရွက်နေပါတယ်။

ပြည်တွင်းငြိမ်းချမ်းရေး အတွက်လဲ အခုဆိုရင် အစိုးရကဦးဆောင်ပြီးတော့ လုပ်နေတယ်။ ဒါပေမဲ့လည်း အဲဒါက အခုချိန်ထိ သိပ်ပြီးတော့ အောင်မြင်တာကို မတွေ့ရသေးဘူး။ ဒါနဲ့ပတ်သက်ပြီးတော့လဲ ဒေါ်အောင်ဆန်းစုကြည်ကိုယ်တိုင်က အဆက်မပြတ် လွှတ်တော်ထဲကို စရောက်တဲ့ အချိန်ကနေပြီးတော့ အခုလွှတ်တော်ပြီးဆုံးသွားတဲ့ အထိကိုကချင်ပြည်နယ် အရေးကိစ္စတွေ အခြားတိုင်းရင်းသား ကိစ္စတွေကို  လိုအပ်မယ်ဆိုရင် အချိန်မရွေးသူလုပ်မယ်ဆိုပြီးတော့ တင်ပြထားတာတွေရှိတယ်။ အမျိုးသား ဒီမိုကရေစီအဖွဲ့ချုပ်အနေနဲ့ပြည်တွင်းငြိမ်းချမ်းရေးနဲ့ ပတ်သက်ပြီးတော့ ရွေးကောက်ပွဲ ၀င်စဉ်ကပေးထားတဲ့ ကတိကိုအကောင်အထည်ဖော်နိုင်ဖို့ လုပ်ဆောင်ချင်တယ်။ ဒါပေမဲ့ ဒီလိုကိစ္စမျိုးဆိုတာက အားလုံးပူးပေါင်း ဆောင်ရွက်မှသာ အစဉ်ပြေမှာပါ။ အစိုးရအနေနဲ့ကော နိုင်ငံရေး ပါတီတွေ အနေနဲ့ ကောပေါ့နော်။

အခုဆိုရင် လက်နက်ကိုင်အဖွဲ့တွေကော အားလုံးကနေပြီးတော့ ပူးပေါင်းဆောင်ရွက်မှသာ ဖြစ်မှာပါ။
အခုချိန်ထိတော့ လုပ်ကိုင် ဆောင်ရွက်နိုင်ဖို့ ကမ်းလှမ်းထားတာ အားလုံးလဲ သိပါတယ်။ ပြည်တွင်း
ငြိမ်းချမ်းရေးအတွက် လုပ်ကိုင်ဆောင်ရွက်ဖို့ အမြဲတမ်း အစဉ်သင့် ရှိနေတယ် ဆိုတာကိုတော့ အမြဲတန်းပြောနေတာပါ။

အခြေခံဥပဒေ ပြင်ဆင်ရေးနဲ့ ပတ်သက်လို့လည်း အဖွဲ့ချုပ်အနေနဲ့ အမြဲတန်း ပြောနေတာပါ။ ထူးဆန်းတာကအခုလွှတ်တော် နောက်ဆုံးရက်မှာ ပြည်ထောင်စ ကြံ့ခိုင်ရေးနဲ့ဖွံ့ဖြိုးရေး ပါတီကနေပြီးတော့ ပြင်ဆင်ဖို့အတွက်ကို ပြည့်သူ့လွှတ်တော်မှာတင်ပြီး ပြည်ထောင်စု လွှတ်တော်ကနေ အဲဒါကိုလုပ်ဖို့ကို ဆုံးဖြတ်ချက် ချလိုက်တယ်။ လွှတ်တော်ကိုယ် စားလှယ်အားလုံးကလဲ ဒါကို သဘောတူတယ်။ ပြီးတော့ ပြင်ဆင်မယ်၊ ပယ်ဖျက်မယ်၊ လိုအပ်ရင်အသစ်ပြန်ရေးဆွဲမယ် ဆိုပြီးတော့ လေ့လာသုံးသပ်ရေး ကော်မတီကို ဖွဲ့စည်းတာဝန်ပေးထားတာ ရှိပါတယ်။

အဖွဲ့ချုပ်က ပြည်သူကို ပေးထားတဲ့ ကတိက၀တ်တွေအတွက် နှစ်ချက်ကတော့ လုပ်ကိုင်ဆောင်ရွက်ဖို့ လမ်းစပွင့်နေတယ်လို့ပဲ ပြောလို့ရပါတယ်။ ပြည်တွင်းငြိမ်းချမ်းရေး နဲ့ ပတ်သက်လို့ကတော့ အမြဲတန်း ကမ်းလှမ်းပြီးအစဉ်သင့် ရှိနေတယ် ဆိုတာကို အစိုးရသိအောင် ပြောထားပြီးပါပြီ။

အမျိုးသား ဒီမိုကရေစီအဖွဲ့ချုပ် အနေဖြင့် လွှတ်တော်တွင်း နိုင်ငံရေးကို ဆောင်ရွက်မှုတစ်နှစ်တာကာလအတွင်း ပြည်သူကို ပေးထားသော ကတိက၀တ်များကို တည်အောင် အစဉ်တစ်စိုက် ကြိုးစားနေသလိုတစ်ဘက်ကလဲ အဖွဲ့ချုပ်ကိုယ်စားလှယ်များ အနေဖြင့် မိမိတို့သက်ဆိုင်ရာ မဲဆန္ဒရှင် ပြည်သူများ၏ လတ်တစ်လောအခက်အခဲများကိုလည်းဒေသအလိုက်သက်ဆိုင်ရာ အာဏာပိုင် များနှင့် ညှိနှိုင်းဆောင်ရွက်ပေးလျှက်ရှိကြောင်း ဒေါ်ဖြူဖြူသင်း (မင်္ဂလာတောင်ညွန့် ) ပြည်သူ့လွှတ်တော် ကိုယ်စားလှယ်က မြန်မာ့ခေတ်သို့ ပြောကြားခဲ့သည်။
မြင့်ကျော်
The Myanma Age

မြန်မာစာပေ ဖွံ့ဖြိုးတိုးတက်ရေး ဒုတိယအကြိမ်စည်းဝေးကျင်းပ

ရန်ကုန် ဧပြီ ၂၂
မြန်မာစာပေဖွံ့ဖြိုးတိုးတက်ရေး အလုပ်ရုံဆွေးနွေးပွဲလုပ်ငန်းကော်မတီ ဒုတိယအကြိမ်အကြိုညှိနှိုင်းအစည်းအ ဝေးကို ရန်ကုန်မြို့ တော်ဝင်စင်တာ Level 3 တွင် ဧပြီ ၂ဝ ရက် မွန်းလွဲ ၁ နာရီက ကျင်းပခဲ့သည်။

အခမ်းအနားတွင် ဆရာသစ္စာနီ၊ ဆရာကိုတာတို့မှ အလုပ်ရုံဆွေးနွေးပွဲ နှင့် ပတ်သက်၍ ကျယ်ကျယ်ပြန့်ပြန့် ဆွေးနွေးခဲ့ပြီး ဆရာဖေမြင့်မှ ဆွေးနွေး မေးမြန်းချက်များအား ပြန်လည်ရှင်း လင်း ဖြေကြားခဲ့သည်။

မြန်မာစာပေဖွံ့ဖြိုးတိုးတက်ရေး အလုပ်ရုံဆွေးနွေးပွဲကို မေလ ၁၁ ရက်နေ့တွင် အမျိုးသားကဇာတ်ရုံ၌ ကျင်းပရန်စီစဉ်ထားပြီး စာတမ်းဖတ်ပွဲ နှင့်စာအုပ်ဈေးရောင်းပွဲများပါ ထည့် သွင်းကျင်းပမည်ဖြစ်သည်။
စာတမ်းဖတ်ပွဲတွင် ဆရာဖေမြင့် က မြန်မာစာပေအတွက်သုံးသပ်ချက် စာတမ်း၊ ဆရာမဂျူးက စာပေ အရည် အသွေးကျဆင်းလာခြင်းနှင့် ပြုပြင် ရေး နည်းလမ်းများစာတမ်း၊ ဆရာဦး ထွန်းဦးက မြန်မာစာအုပ်လုပ်ငန်း အ ခြေအနေသုံးသပ်ချက်နှင့်အကြံပြုချက် စာတမ်း၊ ဆရာ မောင်ခင်မင်(ဓနုဖြူ) က မြန်မာစာပေ အရေးအသားကျ ဆင်းလာခြင်းနှင့် မြှင့်တင်ရန်နည်း လမ်းများစာတမ်း၊ ဆရာမောင်ဇေယျာ က စာပေအသိပညာမြှင့်တင်ရေး အ သင်းအဖွဲ့များအကြောင်း စာတမ်း တို့ကို တင်သွင်းဖတ်ကြားကြမည်ဖြစ် ကြောင်း သိရသည်။

အခမ်းအနားတွင် မြန်မာစာပေ ဖွံ့ဖြိုးတိုးတက်ရေး အလုပ်ရုံဆွေးနွေးပွဲ ကို အောင်မြင်စွာကျင်းနိုင်ရေးအတွက် ဆပ်ကော်မတီအသီးသီးမှ ညှိနှိုင်းဆွေး နွေးခဲ့ကြပြီး တက်ရောက်လာသူများမှ လည်း မိမိတို့၏ အမြင်များကို လွတ် လပ်ပွင့်လင်းစွာ ဝင်ရောက်ဆွေးနွေး ခဲ့ကြသည်။
UTA
Popular Myanmar News Journal

Samsung ဈေးသက်သာ Galaxy ဖုန်း Star နှင့် Pocket Neo

Samsung တို့ Galaxy S4 ထွက်ရှိတော့မှာပါ။ ထုံးစံ အတိုင်း ဈေး ကွက် ရောင်းတန်းဝင် ဈေးနှုန်းသက်သာ ဟန်းဆက် နှစ်မျိုးလည်း ထွက်ရှိတော့မှာ ဖြစ်ပြီး Samsung Galaxy Star နဲ့ Samsung Galaxy Pocket Neo လို့အမည်ပေး ထားပါတယ်။

နှစ်ခုလုံးမှာ တူညီနေတဲ့ specification များကတော့

- ၃ လက်မ OVGA မျက်နှာပြင်
- Android 4.1 Jelly Bean
- ကင်မရာ ၂ megapixel (ရှေ့ ကင်မရာမပါ)
-512 MB of RAM
- dual SIM capibility
- Internal memory - 4GB
- micro SD ကဒ် ထပ်ဖြည့်နိုင်

စတာတွေ ဖြစ်ပါတယ်။ အဓိက ကွဲပြားတာကတော့

Galaxy Star မှာ CPU 1 GHz အထိ ပါရှိပြီး Pocket Neo ကတော့ 850 MHz ပဲ ရှိပါတယ်။ သို့ပေမယ့် Pocket Neo မှာ ဒီဂျစ်တယ် သ့လိုက်အိမ်မြောင် ပါရှိတယ်လို့ ဆိုပါတယ်။

ဒီတော့ ယင်းဖုန်းနှစ်လုံး ဈေးနှုန်းက ကွာခြားမှာ မဟုတ်ပါဘူး။ ဒီဇိုင်းက တည်း သိပ်မကွဲပြားပါဘူး။ ကန်ဒေါ်လာ ၁၀၀ နဲ့ ၁၄၀ ကြားမှာ ပေါက်ဈေးရှိနိုင်တဲ့ ဖုန်းများ ဖြစ်ကြောင်း သိရ ပါတယ်။
Ref: techblog
Aung Kham (TSJ team), TechSpace Journal

အမဲသားတွင်း ဓာတုဆေးများပါဝင်သည်ဟု သတင်းများကြောင့် စိုးရိမ်လျက်ရှိ

22.4.2013
ရှမ်းပြည်နယ်ကျောက်မဲမြို့ သားငါးဈေးကွက်တွင်းရှိ အမဲသားများတွင် ကျန်းမာရေးထိခိုက်စေနိုင် သော ဓာတုဆေးများပါဝင်သည့် သတင်းများကြောင့် ဒေသခံများအနေဖြင့် စိုရိမ်မှုများဖြစ်ပေါ်လျက် ရှိကြောင်း သိရှိရသည်။

ထိုကဲ့သို့ ကောလဟလများထွက်ပေါ်နေသော်လည်း သားငါးဈေးကွက်တွင်း ဈေးနှုန်းနှင့် အရောင်းအ ၀ယ်ကျဆင်းမှုမရှိကြောင်း သားငါးရောင်းချနေသူများက ပြောဆိုသည်။

အဆိုပါဒေသရှိ သားငါးဈေးကွက်တွင် အမဲသား (ရှယ်) တစ်ပိသာလျှင် ၇၀၀၀ (ခုနှစ်ထောင်)ကျပ်နှင့် (ရိုးရိုး)တစ်ပိသာလျှင် ၆၀၀၀ (ခြောက်ထောင်)ကျပ်ဈေးကွက်ရှိကြောင်း သိရှိရသည်။

"ရောင်းအားကအရင်လိုပါပဲ။ ဒိုင်ကယူရတဲ့ဈေးကနည်းနည်းတက်တော့ လက်ကားဈေးကွက်မှာတော့ နည်းနည်းတော့တက်ပါတယ်။ ဘာမှတော့ဖြစ်တာမကြာပါဘူး။ စားတဲ့သူတွေလဲ ၀ယ်ယူစားသုံးနေကြ ပါတယ်"ဟု ကျောက်မဲမြို့၊ ဒေသခံ အမဲသားအရောင်းဆိုင်ပိုင်ရှင်တစ်ဦးက ပြောသည်။

အဆိုပါဒေသတွင်းရှိ အမဲသားများတွင် ကျန်းမာရေးထိခိုက်နိုင်သော ဓာတုဆေးများပါဝင်သည့် သတင်းများမှာ မတ်လပိုင်းတွင် ဒေသအချို့၌ ဖြစ်ပွားခဲ့သော ပဋိပက္ခများနောက်ပိုင်း ယခုကဲ့သို့ သတင်းများထွက်ပေါ်ခဲ့ခြင်းဖြစ်ကြောင်း ဒေသခံများက ပြောဆိုသည်။

"ကောလဟလဆိုတာကတော့ ဒီလိုပဲပြောနေကြမှာပဲ၊ အစားအစာဆိုတာကတော့ အမြဲတမ်းသေချာ စီစစ်ပြီးစားသောက်ရင် အန္တရာယ်ကင်းနိုင်ပါတယ်"ဟု ကျောက်မဲမြို့ရှိ အထွေထွေရောဂါကုဆရာဝန် တစ်ဦးက ပြောဆိုသည်။

အဆိုပါကောလဟလများထွက်ပေါ်နေသော်လည်း လက်ရှိအချိန်ထိ ကျန်းမာရေးထိခိုက်ဖြစ်ပွားမှု မရှိသေးကြောင်း ဆေးကုသဌာနက သိရှိရသည်။

"အမဲသားထဲမှာ မစားသင့်တဲ့ ဆေးဝါးတွေထည့်ပြီးရောင်းတယ်လို့ သတင်းတွေထွက်နေတော့ စားသုံး သူတွေစိုးရိမ်နေတယ်။ ကျွန်မတို့လည်း စိုးရိမ်တာပဲ။ အခုလောလောဆယ်တော့ ၀ယ်မစားဖြစ်တော့ ဘူး"ဟု ကျောက်မဲမြို့မှ ဒေသခံ အိမ်ရှင်မတစ်ဦးက ပြောသည်။
Myit Makha Mediagroup

IT နှင့် လယ်ယာကဏ္ဍတို့တွင် အိန္ဒိယက ကူညီမည်

Monday, April 22, 2013
မြန်မာနိုင်ငံသို့ စွမ်းဆောင်ရည် မြှင့်တင်ရေးလုပ်ငန်းများကို အိန္ဒိယနိုင်ငံက အားသွန်ခွန်စိုက် ဆောင်ရွက်ပေးသွားမည် ဖြစ်ပြီး သတင်းနည်းပညာ၊ ကျွမ်းကျင်မှုဖွံ့ဖြိုးတိုး တက်ရေး၊ စိုက်ပျိုးရေး ကဏ္ဍများတွင် အဓိက ဆောင်ရွက်သွားမည်ဟု အိန္ဒိယ အခြေစိုက် Hindustan Times သတင်းစာကြီး၌ တနင်္လာနေ့က ရေးသားထားသည်။

အိန္ဒိယနိုင်ငံအတွက် အဓိက အိမ်နီးချင်းနိုင်ငံလည်းဖြစ်၊ အရှေ့တောင်အာရှနိုင်ငံများအနက် ကုန်းမြေချင်း ဆက်စပ်နေသည့် တခုတည်းသော နိုင်ငံလည်းဖြစ်သော မြန်မာနိုင်ငံသို့ ဆောင်ရွက်ပေးမည့် လုပ်ငန်းများ ထဲတွင် မြန်မာ သတင်းနည်းပညာ တက္ကသိုလ် (MIIT) တခု တည်ထောင်ရေးလည်း ပါဝင်သည်။

ထိုလုပ်ငန်းအတွက် ဝန်ကြီးချုပ် မန်မိုဟန်ဆင်း၏ ကျွမ်းကျင်မှု ဖွံ့ဖြိုးတိုးတက်ရေးလုပ်ငန်း အကြံပေး အရာရှိ အက်စ်ရာမာဒိုရွိုင်း (S Ramadorai) က ဦးဆောင်ပြုလုပ်သွားမည် ဖြစ်သည်။

လယ်ယာကဏ္ဍအတွက်မူ မြန်မာနိုင်ငံတွင် စပါးဇီဝ နည်းပညာဥယျာဉ် (Rice Bio Park) တခု တည်ထောင်ရာ တွင် အကူအညီပေးရန် စိုက်ပျိုးရေးသိပ္ပံပညာရှင် အမ်အက်စ်ဆွာမိနသန်  (M.S.Swaminathan) က ဦးဆောင်ပြုလုပ်မည် ဖြစ်သည်။

ထို့ပြင် နာဂ ကိုယ်ပိုင်အုပ်ချုပ်ခွင့်ရဒေသအတွင်း ဖာလာစေ့ စိုက်ပျိုးရေးလုပ်ငန်းလည်း အိန္ဒိယက ဆောင်ရွက် သွားမည် ဖြစ်သည်။

မြန်မာနိုင်ငံဆိုင်ရာ အိန္ဒိယ သံအမတ်ကြီးအဖြစ် ခန့်ထားမည့် ဂေါတမ်မူခိုးပါဒရေး  (Gautam Mukhopadhyay) သည်လည်း ထိုသို့ အရည်အချင်းမြှင့်တင်ရေး လုပ်ငန်းများ ဆောင်ရွက်ရာတွင် ကျွမ်းကျင်သူ ပါရဂူတဦး ဖြစ်သည်ဟု သတင်းစာကြီးက ရေးသားထားသည်။ ၎င်းမှာ ယခင်က အာဖဂန်နစ္စတန် နိုင်ငံတွင် အလားတူ လုပ်ငန်းများကို အောင်မြင်စွာ ဆောင်ရွက်ခဲ့သူဖြစ်သည်။  ယခုကဲ့သို့ မြန်မာနိုင်ငံက ဒီမိုကရေစီစနစ်သို့ ပြောင်းလဲရေးအတွက် ကနဦး ခြေလှမ်းများ လှမ်းနေချိန်၊ အိမ်နီးချင်း အရှေ့တောင်အာရှ နိုင်ငံအတွင်း အိန္ဒိယနိုင်ငံ၏ အကျိုးစီးပွါးများ မြင့်မားစွာ ရှိနေချိန်တွင် သူက ထိုသို့အရေးပါသော ရာထူးကို ထမ်းရွက်ရခြင်း ဖြစ်သည်ဟု ဆိုသည်။

အိန္ဒိယ-မြန်မာဆက်ဆံရေးတွင် ကျွမ်းကျင်မှု ဖွံ့ဖြိုးတိုးတက်ရေး လုပ်ငန်းသည် အရေးပါသော အခန်းကဏ္ဍမှ ပါဝင်သည်။

အိန္ဒိယ-မြန်မာ စက်မှုသင်တန်း ဗဟိုဌာနကို HMT(I) က ပခုက္ကူတွင် ဖွင့်လှစ်ထားပြီးဖြစ်ကာ ဒုတိယ ဗဟိုဌာနတခုကို မြင်းခြံမြို့တွင် ထပ်မံဖွင့်လှစ်မည် ဖြစ်သည်။

အခြား ပူးပေါင်းဆောင်ရွက်မည့် နယ်ပယ်များမှာ အိန္ဒိယ အကူအညီဖြင့် ဆောင်ရွက်မည့် မြန်မာ-အိန္ဒိယ အင်္ဂလိပ်ဘာသာ ဗဟိုဌာန (MICELT)၊ မြန်မာ-အိန္ဒိယ စွန့်ဦးတီထွင် လုပ်ငန်းရှင်များ ဖွံ့ဖြိုးရေး ဗဟိုဌာန (MIEDC) နှင့် အိန္ဒိယ-မြန်မာ သတင်းနည်းပညာ ကျွမ်းကျင်မှုမြှင့်တင်ရေး  လုပ်ငန်း (IMCEITS)တို့ ဖြစ်ကြ သည်။

သမ္မတ ဦးသိန်းစိန်သည် ၂၀၁၁ ခုနှစ်၊ အောက်တိုဘာလတွင် တကြိမ်နှင့် ၂၀၁၂ ခုနှစ်၊ ဒီဇင်္ဘာလတွင် တကြိမ် အိန္ဒိယနိုင်ငံသို့ လာရောက်ပြီး နိုင်ငံ့ခေါင်းဆောင်ချင်း ဆွေးနွေးပွဲများအပြင် စိုက်ပျိုးရေးဆိုင်ရာ ဇီဝနည်းပညာ သုတေသနဌာနများသို့လည်း သွားရောက်လေ့လာခဲ့ဖူးသည်။

ဒေါ်အောင်ဆန်းစုကြည်သည်လည်း ၂၀၁၂ ခုနှစ်၊ နိုဝင်္ဘာလအတွင်းက အိန္ဒိယနိုင်ငံသို့ လာရောက်စဉ် နည်းပညာသိပ္ပံများနှင့် သုတေသနဌာနများသို့လည်း သွားရောက်လည်ပတ်ခဲ့သည်။

၂၀၁၂ ခုနှစ်၊ မေလကုန်ပိုင်းကလည်း အိန္ဒိယ ဝန်ကြီးချုပ် မန်မိုဟန်ဆင်း က မြန်မာနိုင်ငံသို့ လာရောက် လည်ပတ်ခဲ့ပြီး ကဏ္ဍမျိုးစုံ ပါဝင်သည့် နှစ်နိုင်ငံ သဘောတူစာချုပ်များ ချုပ်ဆိုနိုင်ခဲ့ကြသည်။ ထို့ပြင် အိန္ဒိယမှ မြန်မာနိုင်ငံအား ထုတ်ချေးထားသော အမေရိကန် ဒေါ်လာ သန်း ၅၀၀ တန် ချေးငွေနှင့် ပတ်သတ်၍လည်း ပြန်ဆပ်ရမည့် ကာလကို နောက်ဆုတ် ပေးရန် သဘောတူညီနိုင်ခဲ့ကြသည်။
 Mizzima - News in Burmese

အရိုးဓာတ်မြေသြဇာ စက်ရုံ တည်ဆောက်

စိုက်ပျုိးရေးလုပ်ငန်းများအတွက် မြေပြုပြင်ရန် အထူးအသုးံဝင်လှသော အမဲရိုး ဓာတ်မြေသြဇာ စက်ရုံကို မုံရွာမြို့နယ် စည်ပင်သာယာရေးအဖွဲ့မှ မုံရွာမြို့ နတ်လူထိပ်ပန်ရပ်ကွက် ဘိုးဘွားရိပ်သာ အနီးတွင် တည်ထောင် လည်ပတ် ထုတ်လုပ်လျှက် ၇ှိကြောင်းသိရသည်။ အဆိုပါ ဓာတ်မြေသြဇာကို သဘာဝမြေသြဇာ အဖြစ် စိုက်ပျုိးရေးသမားများက အသုးံပြု လျှက်ရှိပြီး ဈေးကွက် သို့စတင်တင်ပို့နေပြီဖြစ်သည်။

"အရိုးဓာတ်မြေသြဇာက မြေဆီလွှာကိုပြုပြင်ထိန်းသိမ်းပေးရာမှာအထူးကောင်းတယ်၊ဧရာဝတီတိုင်းမှာဆိုရေငန်ဝင်တဲ့လယ်မြေတွေမှာ အဲဒီမြေသြဇာသုြးံ ပီးအချဉ်ဓာတ် အငန်ဓာတ်ကိုထိန်းပေးတယ် အဲဒီမှာပိုအသုးံများ တယ်၊ နောက်ပြီးနေရောင်ခြည် ကနေအပင်အစာချက်လုပ်ဖို့ အထူးစွမ်း အားတွေ ထုတ်ပေးတယ် အပင်ရဲ့ အမ်ဇိုင်း စနစ်ကို ဓာတ်ကူပြုပေး တယ် " ဟု ဓာတ်မြေသြဇာ၏ အသုးံဝင်ပုံကို ထုတ်လုပ်သူ တစ်ဦးမှ ရှင်းပြသည်။

အဆိုပါဓာတ်မြေသြဇာ တွင် ကယ်စီယံ၊မက္ကနီစီယံ ၊ဖော့ပလပ်နှင့်ဆိုဒီယမ် ပိုတက် ယူ၇ီးယားဓာတ်များပါဝင်ကြောင်းသိရပြီးမုံရွာမြို့ နယ် စည်ပင် မှ ၂၀၁၂ ခုနှစ်အတွင်း စက်၇ုံကို တည်ထောင်လည် ပတ်ခဲ့ပြီး မြေသြဇာကို ၀ယ်ယူလိုသူများအား လက်လီလက်ကားရောင်း ချပေး လျှက်ရှိကြောင်းသိရသည်။
ကိုသစ္စာ-မုံရွာ
Yangon Media Group

မွန်တိုင်းရင်းသား စာပေကို လာမယ့် ၂၀၁၃-၁၄ စာသင်နှစ်မှာ စသင်မယ်

လာမယ့် ၂၀၁၃-၁၄ စာသင်နှစ်ကစပြီး မွန်တိုင်းရင်းသား စာပေကို မွန်ပြည်နယ်အတွင်းက စာသင်ကျောင်းတွေမှာ ကျောင်းချိန်ပြင်ပ ဘာသာရပ်တစ်ခုအနေနဲ့ စသင်မယ်လို့ မွန်ပြည်နယ် အစိုးရလူမှုရေးနဲ့ ယဉ်ကျေးမှုဝန်ကြီး ဒေါက်တာမင်းနွယ်စိုးက ဒီဗွီဘီ ကိုပြောပါတယ်။

ခုလို မွန်စာကိုကျောင်းချိန်ပြင်ပမှာ သင်ကြားဖို့ ပြည်ထောင်စု အစိုးရက ခွင့်ပြုထားပြီးဖြစ်သလို ပထမတန်းနဲ့ ဒုတိယ တန်း မွန်စာပေသင်ရိုးညွှန်းတန်းတွေကိုလည်း ဗဟို အစိုးရဆီ ပို့ထားပြီးပြီလို့ သူက
ရှင်းပြပါတယ်။ မွန်စာပေကို ပုံမှန်စာသင်ချိန် အတွင်းသင်ကြားခွင့်ရဖို့ကိုတော့ ပြည်ထောင်စုအဆင့် လွှတ်တော်မှာ တင်သွင်းဆုံးဖြတ်ပြီးတဲ့ အချိန်ကျမှသာ အကောင်အထည်ဖော်နိုင်မယ်လို့ သူက ပြောပါတယ်။
DVB TV News

ဘော်စတွန် ဗုံးဖောက်ခွဲမှု သံသယရှိသူမှာ ကျန်းမာရေး အခြေအနေ ဆိုးရွားနေ

Monday, 22 April 2013
ဘော်စတွန် မာရသွန်ပြိုင်ပွဲတွင် ဗုံးဖောက်ခွဲမှုအတွက် ဒုတိယမြောက် သံသယရှိသူ Dzhokhar Tsarnaev သည် ဒဏ်ရာရရှိလျက် အဖမ်းခံရပြီးနောက် ဆေးရုံတက်နေရကာ ယင်းတိုက်ခိုက်မှု ဖြစ်စဉ်နှင့် ပတ်သက်သော မေးခွန်းများကို မဖြေနိုင်သည်အထိ အခြေအနေ ဆိုးရွားနေကြောင်း တာဝန်ရှိသူများက ပြောကြားခဲ့သည်။

အသက် ၁၉ နှစ်ရှိ Dzhokhar မှာ လည်ချောင်းတွင် ဒဏ်ရာရရှိခဲ့သည်ဟု စီအင်န်အင်န်နှင့် အခြားသတင်းဌာနများက ဖော်ပြခဲ့ကြပြီး သူ၏ အစ်ကိုဖြစ်သူ အသက် ၂၆ နှစ်ရှိ Tamerlan Tsarnaev မှာ စီးနင်းရှာဖွေမှု ပြုလုပ်စဉ် အပြန်အလှန် ပစ်ခတ်မှုအတွင်း သေဆုံးခဲ့သည်။

Dzhokhar ၏ အခြေအနေမှာ ပြင်းထန်သော်လည်း တည်ငြိမ်မှုရှိကာ အသက်ရှင်မည်ဟု မျှော်လင့်ကြောင်း မက်ဆာချူးဆက်ပြည်နယ် အုပ်ချုပ်ရေးမှူး ဒေးဗစ်ပက်ထရစ်က ပြောကြားခဲ့သည်။ လူသုံးဦး သေဆုံးခဲ့ပြီး လူ ၁၈၀ ခန့် ဒဏ်ရာရရှိခဲ့သော မာရသွန် ပြိုင်ပွဲတွင် ဗုံးဖောက်ခွဲမှု၊ ရဲတပ်သားတစ်ဦး သေဆုံးစေခဲ့ပြီး တစ်ဦးမှာ ဒဏ်ရာပြင်းထန်ခဲ့စေသည့် ပစ်ခတ်မှုများအတွက် မေးခွန်းများစွာ ရှိနေပြီး ယင်းမေးခွန်းများကို Dzhokhar က ဖြေဆိုရန် လိုအပ်နေကြောင်းလည်း သူက ပြောခဲ့သည်။ Dzhokhar ကို စစ်ဆေးမေးမြန်းရန်နှင့် တရားစွဲဆိုမှု ပြုလုပ်ရန်အတွက် ကိုင်တွယ်ဖြေရှင်းရမည့် ကိစ္စမှာ အမေရိကန် တာဝန်ရှိသူများအတွက် ခက်ခဲသော ဆုံးဖြတ်ချက်များ ချမှတ်ရမည်ဖြစ်သည်။
Ref:AFP, Eleven Media Group

မန္တလေး ဘူတာကြီးတွင် အထက်တန်း အိပ်စင်တွဲတစ်တွဲ မီးလောင်မှု ဖြစ်ပွား

မန္တလေးတိုင်း ဒေသကြီး မန္တလေးမြို့ မန္တလေး ဘူတာကြီး ဘူတာရုံ သံလမ်းအမှတ် (၁ဝ)တွင် ရပ်နားထားသော ရထားတွဲ အမှတ် BNUEZ-12665 အထက်တန်း အိပ်စင် ရထား တွဲဆိုင်းသည် ယနေ့ ညနေ ၄ နာရီ ၁ဝ မိနစ်တွင် မီးလောင်မှု ဖြစ်ပွားခဲ့ပြီး ညနေ ၄ နာရီ ၂၅ မိနစ်တွင် မီးငြှိမ်း သတ်နိုင်ခဲ့ကြောင်း သိရသည်။

အဆိုပါ မီးလောင်မှု ဖြစ်ပွားရာ ရထားတွဲနေရာသို့ မီးသတ်တပ်ဖွဲ့မှ မီးသတ်ယာဉ် ၃၅ စီး၊ သန္ဓေမီး သတ်တပ်ဖွဲ့ဝင် ၃၈ ဦးနှင့် အရန်မီး သတ်တပ်ဖွဲ့ဝင် ၁၅၅ ဦးတို့ဖြင့် မီး ငြှိမ်းသတ် ခဲ့ကြပြီး မီးလောင်မှုကြောင့် ထိခိုက် ဒဏ်ရာ ရရှိမှု၊ သေဆုံးမှု မရှိကြောင်း သိရသည်။

အဆိုပါ မီးလောင်မှု ဖြစ်ပွားရာ နေရာသို့ မန္တလေးတိုင်းဒေသကြီး အစိုးရ အဖွဲ့ဝင် လမ်းပန်းဆက်သွယ်ရေးဝန်ကြီး ဦးကျော်ဆန်း၊ အထက်မြန်မာပြည် မီးသတ်ဦးစီးဌာန ညွှန်ကြားရေးမှူး ဦးအောင်ကျော်၊ တိုင်းမီးသတ် ဦးစီးမှူး ဦးကျော်တိုးနှင့်အဖွဲ့ ရောက်ရှိခဲ့ပြီး မီးလောင်ကျွမ်းရခြင်း၏ အကြောင်းအရင်းကို စုံစမ်း စစ်ဆေးလျက် ရှိကြောင်း သတင်း ရရှိသည်။ မြ၀တီ

ဦးအောင်မင်း မြန်မာများနဲ့ နယူးယောက်မှာ တွေ့ဆုံ

ပြည်ထောင်စုဝန်ကြီး ဦးအောင်မင်း။

21.04.2013
မြန်မာနိုင်ငံရဲ့ ငြိမ်းချမ်းရေးလုပ်ငန်းစဉ်မှာ ပြည်ပရောက် မြန်မာလူငယ်တွေ ပါဝင်ကူညီလာနိုင်အောင်လို့ အတတ်နိုင်ဆုံး ကူညီသွားမှာဖြစ်တယ်လို့ မြန်မာအစိုးရရဲ့ ငြိမ်းချမ်းရေးဖော်ဆောင်ရေးဝန်ကြီး ဦးအောင်မင်း က နယူးယောက် မြန်မာမိသားစု တွေနဲ့ တွေ့ဆုံပွဲမှာ ပြောကြားလိုက်ပါတယ်။ အမေရိကန်ပြည်ထောင်စု နယူးယောက်မြို့မှာ ၀န်ကြီး ဦးအောင်မင်း ဦးဆောင်တဲ့ ကိုယ်စားလှယ်အဖွဲ့နဲ့ နယူးယောက် မြန်မာမိသားစုတွေ တနင်္ဂနွေနေ့က တွေ့ဆုံချိန် ပြောဆိုခဲ့တာဖြစ်ပါတယ်။ ဒါ့အပြင် လက်ရှိ အစိုးရရဲ့ ပြုပြင်ပြောင်းလဲ အခြေအနေတွေအပေါ်မှာလည်း အပြန်အလှန် ဆွေးနွေးခဲ့ကြတယ်လို့ ဆိုပါတယ်။ အပြည့်အစုံကိုတော့ မနန္ဒာချမ်း က တင်ပြထားပါတယ်။

အမေရိကန်ပြည်ထောင်စု နယူးယောက်မြို့က UN Plaza မှာ အမေရိကန်ဒေသစံတော်ချိန် တနင်္ဂနွေနေ့ နေ့ခင်းပိုင်းက အစိုးရရဲ့ ပြည်ထောင်စု ငြိမ်းချမ်းရေးဝန်ကြီး ဦးအောင်မင်း၊ လူဝင်မှုကြီးကြပ်ရေ ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးခင်ရီ၊ ရှေ့နေချုပ် ဦးထွန်းထွန်းနဲ့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်တင့် တို့နဲ့ နယူးယောက်မြန်မာမိသားစုတွေ တွေ့ဆုံခဲ့ကြတာပါ။

ဒီတွေ့ဆုံပွဲမှာ လက်ရှိ မြန်မာနိုင်ငံက ပြုပြင်ပြောင်းလဲမှု အခြေအနေတွေအပေါ် အစိုးရ၀န်ကြီးတွေဘက်ကလည်း ရှင်းလင်းတင်ပြခဲ့သလို၊ တက်ရောက်လာသူ မြန်မာမိသားစုတွေကလည်း ဆောင်ရွက်သင့်တာတွေနဲ့ပတ်သက်လို့ အကြံပြု တင်ပြခဲ့ကြတာပါ။ ဒါ့အပြင် နယူးယောက် ကိုလံဘီယာတက္ကသိုလ်က မြန်မာကျောင်းသူကျောင်းသားတွေလည်း လာရောက်ကြပြီး ငြိမ်းချမ်းရေးလုပ်ငန်းစဉ်မှာ သူတို့ ပါဝင်နိုင်ဖို့အရေး ဆွေးနွေးမေးမြန်းခဲ့ကြတယ်လို့ ၀န်ကြီး ဦးအောင်မင်းတို့နဲ့ အတူလိုက်ပါလာသူ  ငြိမ်းချမ်းရေးအကျိုးဆောင် ဦးလှမောင်ရွှေ က ဗွီအိုအေကို ပြောပြပါတယ်။

“အဓိက ကတော့ အစိုးရဘက် ၀န်ကြီးတွေဘက်ကလည်း သူတို့ရဲ့ ပြုပြင်ပြောင်းလဲမှု ဆောင်ရွက်နေတဲ့ကိစ္စတွေ၊ ငြိမ်းချမ်းရေး ဆောင်ရွက်နေတဲ့ကိစ္စတွေ။ နောက်ပြီးတော့ နိုင်ငံတကာမှာရောက်နေတဲ့ မြန်မာတွေဘက်က ကူညီနိုင်တဲ့ကိစ္စတွေကို ကျနော်တို့ ကျနော်တို့ ဆွေးနွေးတယ်။ နောက်ပြီးတော့ ဒီဘက်က မြန်မာအသိုင်းအ၀ိုင်းဘက်ကလည်း လူငယ်အများစုကတော့ သူတို့က ငြိမ်းချမ်းရေးဖြစ်စဉ်မှာ ပါဝင်နိုင်ဖို့နဲ့ ပါဝင်ချင်တဲ့ဆန္ဒနဲ့ ပြောတယ်။ အထူးသဖြင့်တော့ ကိုလံဘီယာတက္ကသိုလ်မှာ တက်နေတဲ့ မြန်မာကျောင်းသား ၁၀ ယောက်ကျော်လောက် သူတို့ အုပ်စုလိုက်လာပြီးတော့ ဆွေးနွေးပွဲမှာ လာဆွေးနွေးတာရှိပါတယ်။ အဲဒီတော့ လူငယ်တွေလည်း ငြိမ်းချမ်းရေးဖြစ်စဉ်မှာ ပါဝင်နိုင်မှု၊ တိုင်းရင်းသားလူငယ်တွေနဲ့ မြန်မာငြိမ်းချမ်းရေးစင်တာလို နေရာမျိုးမှာ ဆွေးနွေးနိုင်မှုတွေကို ၀န်ကြီးအနေနဲ့ အားလုံးကို သဘောတူတယ်။ သူလည်း အတတ်နိုင်ဆုံး ၀ိုင်းကူပေးမယ်။ လူငယ်တွေရော လူကြီးတွေရောကိုလည်း ကြိုဆိုတယ်ပေါ့နော်။”

ဒါ့အပြင် ပြည်ပရောက် မြန်မာနိုင်ငံသားတွေနဲ့ သက်ဆိုင်တဲ့ ဗီဇာကိစ္စ၊ နိုင်ငံသားရေးရာ ကိစ္စရပ်တွေနဲ့ပတ်သက်ပြီး တက်ရောက်လာသူ မြန်မာမိသားစုတွေ မေးမြန်းရာမှာတော့  လူဝင်မှုကြီးကြပ်ရေး၊ ပြည်သူ့အင်အား ၀န်ကြီးဌာန ပြည်ထောင်စု ၀န်ကြီး ဦးခင်ရီ နဲ့ မြန်မာသံအမတ်ကြီး ဦးကျော်တင့်တို့က အဓိက ဖြေကြားခဲ့ကြတယ်လို့ ဦးလှမောင်ရွှေ က ပြောပါတယ်။

“၀န်ကြီးတွေကတော့ ဗီဇာနဲ့ နိုင်ငံသားရေးရာ ကိစ္စတွေ အဲဒါတွေကိုပြောတာများပါတယ်။ ကျနော်တို့ အမေရိကန်ကိုရောက်နေတဲ့ တချို့လူတွေကျတော့လည်း တခြားနိုင်ငံသားအဖြစ် ခံယူထားတာတို့၊ Green Card ရှိတာတို့၊ မြန်မာပက်စ်ပို့စ်စာအုပ် သက်တမ်းကျော်တဲ့ကိစ္စတို့။ နောက်ပြီးတော့ ဗီဇာနဲ့ပတ်သက်ပြီးတော့ ပြုပြင်ပြောင်းလဲချင်တဲ့ကိစ္စမျိုး၊ လွယ်အောင်လုပ်တဲ့ ကိစ္စမျိုး အပါအ၀င်၊ အဲဒါမျိုးတွေက ပိုများပါတယ်။ အဲဒါကတော့ ၀န်ကြီးဦးခင်ရီက အဓိကနဲ့ သံအမတ်ကြီးက ဖြေပါတယ်။ အဲဒီတော့ သူတို့ရဲ့ လိုအပ်ချက်တွေအပေါ်မှာ ကျနော်တို့ ဥပဒေနဲ့အညီပေါ့နော် ဆောင်ရွက်ပေးနိုင်တဲ့ကိစ္စတွေ၊ သူတို့ထောက်ပြတာကိုလည်း ကျနော်တို့အနေနဲ့ ၀န်ကြီးတွေနဲ့ ကြိုးစားပြီးဆောင်ရွက်နိုင်မယ့် ကိစ္စတွေကို ဆွေးနွေးသွားကြတယ်။”

အမေရိကန်စံတော်ချိန် နေ့ခင်း ၁ နာရီခွဲကနေ ၄ နာရီအထိ ပြုလုပ်တဲ့ ဒီတွေ့ဆုံပွဲကို ကုသလမဂ္ဂ အတွင်းရေးမှူးချုပ် ဘန်ကီမွန်းရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဗီဂျေး နမ်ဘီးယားလည်း လေ့လာသူအဖြစ် တက်ရောက်ခဲ့တယ်လို့ ငြိမ်းချမ်းရေးအကျိုးဆောင် ဦးလှမောင်ရွှေ က ပြောပါတယ်။ ဒီတွေ့ဆုံပွဲကို နယူးယောက်မှာရှိတဲ့ မြန်မာတွေ တော်တော်များများ တက်ရောက်ခဲ့တယ်လို့ ဆိုပါတယ်။ ဒီလို နယူးယောက်ခ်က UN Plaza မှာ မြန်မာအစိုးရ၀န်ကြီးတွေနဲ့ နယူးယောက်က မြန်မာတွေ တွေ့ဆုံနေစဉ် အပြင်ဘက်မှာလည်း မြန်မာနိုင်ငံသား ၂၀ ကျော်က ဆန္ဒပြခဲ့ကြပါတယ်။
VOA Burmese

ဦးအောင်မင်း အဖွဲ့နဲ့ တွေ့ ဆုံပွဲကို ဆန္ဒပြ

နယူးယောက်က ဆန္ဒပြသူတွေ

နယူး 22 ဧပြီလ 2013
ပြည်ထောင်စု ဝန်ကြီး ဦးအောင်မင်း ဦးဆောင်တဲ့ ငြိမ်းချမ်းရေး ဖော်ဆောင်ရေး အဖွဲ့ နယူးယောက်ကို ရောက်ရှိနေပြီး မနေ့က ကုလသမဂ္ဂ ပလာဇာမှာ မြန်မာမိသားစု တချို့နဲ့ တွေ့ဆုံဆွေးနွေး ခဲ့ပါတယ်။

ပြည်ထောင်စု ဝန်ကြီး ဦးအောင်မင်း၊ ပြည်ထောင်စု ဝန်ကြီး ဦးခင်ရီ နဲ့ ဒုတိယရှေ့နေချုပ် ဦးထွန်းထွန်းဦး တို့က လက်ရှိ မြန်မာနိုင်ငံ အပြောင်းအလဲ၊ လူမှုရေးနဲ့ စီးပွားရေး ပြုပြင် ပြောင်းလဲရေး ကြိုးပမ်းမှု တွေကို ရှင်းပြခဲ့ပြီးနောက် တက်ရောက်သူ တွေက မေးခွန်းတွေ မေးခဲ့ကြပါတယ်။

အဓိကအားဖြင့် လောလောဆယ် ဖြစ်ပွားခဲ့တဲ့ မိတ္ထီလာ၊ လက်ပံတောင်းတောင်နဲ့ ရခိုင်ဒေသက ပဋိပက္ခတွေနဲ့ ပတ်သက်လို့ မေးမြန်းခဲ့တာကို ဝန်ကြီးတွေက ပြန် ဖြေခဲ့ကြပါတယ်။ တက်ရောက်ဆွေးနွေးကြသူ ၈ဝ လောက်ရှိတယ်လို့ ဒီဆွေးနွေးပွဲ ဖြစ်မြောက်အောင် စီစဉ်ခဲ့တဲ့ ၈၈ ကျောင်းသားဟောင်း ဦးတင်မောင်အေးက ပြောပါတယ်။

သူတို့အနေနဲ့ ဦးသိန်းစိန် အစိုးရရဲ့ အပြောင်းအလဲ လုပ်နေတာကို ၁ဝဝ ရာခိုင်နှုန်း ထောက်ခံလို့ ဒီပွဲကို စီစဉ်တာမဟုတ်ဘဲ ရောက်တုန်း ရောက်ခိုက် မြန်မာ နိုင်ငံသား တွေ ရင်းရင်းနှီးနှီး တွေ့ပြီး မေးချင်တာ မေးလို့ ရအောင် စီစဉ်တာလို့ ပြောပါတယ်။

တချို့က ဆန္ဒပြခဲ့ကြပြီး ဆန္ဒပြသူ ၄ဝ ကျော်ခန့်ရှိပြီး ဆန္ဒပြသူတွေက အတု အယောင် ရွှေရည်စိမ် ဒီမိုကရေစီကို မလိုလားကြောင်း၊ လိမ်ညာမှုတွေ ရပ်ပြီး အစစ်အမှန် လမ်းကြောင်းကို လျှောက် ဖို့ တောင်းဆိုကြောင်း ဆန္ဒပြပွဲကို ဦးဆောင်တဲ့ နိုင်ငံတကာ မြန်မာအမျိုးသား ကွန်ဂရက် ဖောင်ဒေးရှင်း ဥက္ကဋ္ဌဌ ဦးရဲထွဋ် က ပြောပါတယ်။
BBC Burmese

အမေရိကန်လူ့အခွင့်အရေးချိုးဖောက်ဟု တရုတ်ဝေဖန်

21.04.2013
အမေရိကန်ပြည်ထောင်စုဟာ ကိုယ့်နိုင်ငံသားတွေကို ကိုယ်ပြန်ထောက်လှမ်းနေ သလို အမျိုးသမီးတွေနဲ့ လူနည်းစုတိုင်းရင်းသားတွေအပေါ် ခွဲခြားဆက်ဆံမှုတွေ လုပ်နေရုံသာမက သေနတ်ကိုင်ဆောင်ခွင့်ကို မထိန်းချုပ်နိုင်ဘဲ ရာဇ၀တ်ပြစ်မှုတွေ ကျုးလွန်ခွင့်ပြုထားတယ်လို့ တရုတ်အစိုးရက စွပ်စွဲလိုက်ပါတယ်။

အမေရိကန်အစိုးရက တရုတ်အစိုးရရဲ့ လူ့အခွင်အ့ရေး ချိုးဖောက်မှုတွေအတွက် ဝေဖန်တာကို တရုတ်အစိုးရက တနင်္ဂနွေနေ့မှာ အခုလို တုံ့ပြန်လိုက်တာပါ။

အမေရိကန်နိုင်ငံရဲ့ ရွေးကောက်ပွဲ မဲဆွယ်မှုတွေမှာ နိုင်ငံရေးဆိုင်ရာ အလှူငွေလက်ခံပြီး နိုင်ငံရဲ့ ဒီမိုကရေစီစနစ်ကို ပျက်စီးစေတဲ့အပြင် ဘာသာရေးဆိုင်ရာ ခွဲခြားဆက်ဆံမှုတွေလည်း တိုးလာတာ တွေ့ရတယ်လို့ တရုတ်အစိုးရနိုင်ငံတော်ကောင်စီ ၀န်ကြီးများအဖွဲ့ရဲ့ တနင်္ဂနွေနေ့က ထုတ်ပြန်တဲ့ နှစ်ပတ်လည် အစီရင်ခံစာကို Xinghua သတင်းက ဖော်ပြထားပါတယ်။

ဒါ့အပြင် အမေရိကန်တွေရဲ့ အီရတ်နဲ့ အာဖဂန်နစ္စတန် နိုင်ငံတွေမှာ ဆင်နွှဲတဲ့ စစ်ပွဲတွေအတွင်း လူ့အခွင့်အရေး ချိုးဖောက်မှုတွေလုပ်ခဲ့တယ်လို့လည်း စွပ်စွဲထားပါတယ်။

တရုတ်အစိုးရရဲ့ ဒီအစီရင်ခံစာဟာ အမေရိကန် နိုင်ငံခြားရေးဌာနရဲ့ ကမ္ဘာတလွှား လူ့အခွင့်အရေး ချိုးဖောက်မှုဆိုင်ရာ စစ်ဆေးတွေ့ရှိချက် နှစ်ပတ်လည် စာတမ်းထုတ်ပြန်ခဲ့တာကို တုံ့ပြန်လိုက်တာဖြစ်ပါတယ်။   အမေရိကန်အစိုးရရဲ့ သောကြာနေ့ကထုတ်ပြန်တဲ့ စာတမ်းထဲမှာ တရုတ်နိုင်ငံမှာ အစိုးရက နိုင်ငံရေးတက်ကြွလှုပ်ရှားသူတွေကို ပုံမှန်ခြိမ်းခြောက် အကြပ်ကိုင်နေတာနဲ့အတူ  ဖိနှိပ်ညှင်းပမ်းမှုတွေ အရင်အတိုင်းပဲ ရှိနေသေးတယ်လို့ ပြောကြားခဲ့တာပါ။

တရုတ်နဲ့ အမေရိကန် နှစ်နိုင်ငံကြား ဆက်ဆံရေးဟာ လူ့အခွင့်အရေး ချိုးဖောက်မှုနဲ့ဆက်နွယ်ပြီး ဆယ်စုနှစ်ပေါင်းများစွာ တင်းမာမှုတွေ ရှိနေခဲ့တာ ဖြစ်ပါတယ်။
ဗွီအိုအေ (မြန်မာဌာန)

အကြမ်းဖက်မှုတိုက်ဖျက်ရေး အမေရိကန်နဲ့ ရုရှားပူးပေါင်းမည်

ရုရှားသမ္မတ Vladimir Putin (၀ဲ) နဲ့ အမေရိကန်သမ္မတ Barack Obama (ဇွန်လ ၁၈ ရက်၊ ၂၀၁၂)။

21.04.2013
ဘော်စတွန်မြို့က မာရသွန်အပြေးပြိုင်ပွဲမှာ ဗုံးဖောက်ခွဲခံရပြီးတဲ့နောက်မှာ အကြမ်းဖက်မှု တိုက်ဖျက်ရေးအတွက် နှစ်နိုင်ငံ ပိုမိုပူးပေါင်းပြီး လက်တွဲ လုပ်ဆောင်မယ်လို့ အမေရိကန်နဲ့ ရုရှားတို့က ကတိပြုလိုက်ကြပါတယ်။

သောကြာနေ့ညနေက ဘော်စတွန် ဗုံးခွဲမှုနဲ့ အလိုရှိနေတဲ့ ရုရှားနိုင်ငံ Chechen နယ်သား ဇိုခါ ဆာနေယက်ဗ် (Dzhokhar Tsarnaev) ကို အမေရိကန်အစိုးရက ဖမ်းဆီးနိုင်ခဲ့တဲ့နောက် စနေနေ့က အမေရိကန်နဲ့ ရုရှား ၂ နိုင်ငံခေါင်းဆောင် ၂ ဦး တယ်လီဖုန်းနဲ့ ဆက်သွယ်ပြီး အခုလို ပြောကြားခဲ့တယ်လို့ အမေရိကန်သမ္မတ အိမ်ဖြူနဲ့ Kremlin တို့က ကြေညာချက်တွေ ထုတ်ပြန်ခဲ့တာပါ။

တနင်္လာနေ့က ဖြစ်ပွားခဲ့တဲ့ ဗုံးဖေါက်ခွဲမှုအတွင်း သေဆုံးခဲ့ရသူတွေနဲ့ ပတ်သက်ပြီး အမေရိကန်သမ္မတ ဘရက်အိုဘားမား ဆီကို ရုရှားသမ္မတ ဗလာဒီမီယာပူတင် (Vladimier Putin) က ထပ်တလဲလဲ ၀မ်းနည်းကြေကွဲရကြောင်း ပြောကြားခဲ့တယ်လို့  Kremlin က ပြောပါတယ်။  နှစ်နိုင်ငံကြား လုံခြုံရေးကိစ္စရပ်တွေကို ပိုမိုအနီးကပ်လက်တွဲ လုပ်ဆောင်ကြဖို့ နည်းလမ်းတွေအတွက် သမ္မတ ပူတင် က ဆွေးနွေးလိုတယ်လို့ဆိုပါတယ်။

အမေရိကန် သမ္မတ အိမ်ဖြူတော်ကလည်း ဘော်စတွန် တိုက်ခိုက်မှုနောက်ဆက်တွဲ စုံစမ်းစစ်ဆေးမှုအပါအ၀င် အကြမ်းဖက်တိုက်ဖျက်ရေးနဲ့ပတ်သက်ပြီး ရုရှားနိုင်ငံက အနီးကပ်ပူးပေါင်းဆောင်ရွက်မယ်လို့ ကမ်းလှမ်းလိုက်တာကြောင့် ၀မ်းသာတဲ့အကြောင်း တုံ့ပြန်လိုက်ပါတယ်။
ဗွီအိုအေ (မြန်မာဌာန)

လန်ဒန် မာရသွန်တွင် လုံခြုံရေးတင်းကျပ်စွာချထား

လန်ဒန်၊ ဧပြီ ၂၁။
ဘော်စတွန်မာရသွန်ပြေးပွဲ ဗုံးပေါက်ကွဲမှုကြောင့် တနင်္ဂနွေ လန်ဒန်မာရသွန်ပွဲကို လုံခြုံရေးတင်းကျပ်ထားပြီး သေဆုံးခဲ့သူများနှင့် ဒဏ်ရာရ ရှိသူတို့ကို အမှတ်ရရေး ခေတ္တ ငြိမ်သက်နေမည့်
အစီအစဉ်လည်းပါဝင်ကြောင်း သိရသည်။

အားကစားချန်ပီယံများနှင့် အပျော်တန်းပြိုင်ပွဲဝင်များသည် ပြိုင်ပွဲမစတင်မီ ဒေသစံတော်ချိန် ၁၀
နာရီတွင် စက္ကန့်၃၀ ကြာ ခေတ္တငြိမ်သက်စွာ ရပ်နေကြမည်ဖြစ်သည်။

စကော့တလန်ယတ်ရဲတပ်ဖွဲ့သည် ရဲအရာရှိ ၄၀ ရာခိုင်နှုန်းကို တိုးမြှင့်ချထားမည်ဖြစ်ပြီး အရေအတွက်ကို အတိအကျဖေါ်ပြမထားချေ။ တိုးမြှင့်ထားသော လုံခြုံရေးများသည် ပြိုင်ပွဲလမ်းကြောင်းတစ်လျှောက်ပြိုင်ပွဲဝင် ၃၆၀၀၀ နှင့် သောင်းချီသော ပရိတ်သတ်ကို လုံခြုံစေလိမ့်မည်ဟု ၎င်းတို့ကမျှော်လင့်ထားကြသည်။

၎င်းတပ်ဖွဲ့အပြင် အရာရှိများနှင့် ရှာဖွေရေး ခွေးများလည်း ချထားမည်ဖြစ်သည်။

မင်းသား ဟယ်ရီသည်လည်း ယခုပွဲတွင် တက်ရောက်ဆုချီးမြှင့်မည်ဖြစ်ပြီး ဘော်စတွန်ဗုံးပေါက်ကွဲခြင်းကြောင့်အစီအစဉ်ပြောင်းလဲမည့် အခြေအနေမျိုးကို မင်းသားဟယ်ရီ၏ ရုံးမှ ထုတ်ပြန်ထားခြင်းမရှိပေ။

အပြေးသမားများကို လေးစားမှုအမှတ်အသားအဖြစ် ဖဲကြိုးနက် ဝတ်ဆင်ထားကြရန် တိုက်တွန်းထားပြီး
ပြိုင်ပွဲကျင်းပသူများက ပြိုင်ပွဲအဆုံး သတ်ထိရောက် သူတိုင်းအတွက် ၂ ပေါင်စီကို ဘော်စတွန် ဗုံးကွဲ
ဓားစာခံများကို ထောက်ပံ့ပေးရေး လှူဒါန်းရန် တောင်းဆိုထားသည်။ ပြိုင်ပွဲ ဝင် သုံးပုံတစ်ပုံကျော်သည်
လှူဒါန်းရေးတွင် ပါဝင်ကူညီကြမည်ဖြစ်သည်။

ခေတ္တငြိမ်သက်နေခြင်းကို မာရသွန်ပြေးပွဲစတင်ရာ ဂရင်းနစ်ပန်းခြံနှင့် ဘလက်ဟိသ်ရှိတာထွက်နေရာသုံးခုတွင် ပြုလုပ်ကြမည်ဖြစ်သည်။

“ကျွန်တော်တို့ဟာ ခုလို နိုင်ငံတကာအပြေးသမားအုပ်စုအတွက် ခက်ခဲတဲ့ကာလအတွင်း ဘော်စတွန်ကကျွန်တော်တို့လုပ်ဖော်ကိုင်ဖက်တွေ၊ မိတ်ဆွေတွေကို ကျွန်တော်တို့ရဲ့ အားပေးထောက်ပံ့မှုကို ပြသချင်ပါတယ်”ဟု ပြေးပွဲဒါရိုက်တာ ဟူးဘရာရှာက ပြောကြားသည်။

“ကျွန်တော်တို့မာရသွန်ပွဲရဲ့အဓိက ရည်ရွယ်ရင်းဟာ ပျော်ရွှင်မှုပေးဖို့နဲ့ ဒုက္ခများတဲ့ကမ္ဘာမှာအောင်မြင်မှု ရရှိစေတဲ့ အသိကိုရစေဖို့ဖြစ်ပါတယ်” ဟု ၎င်းက ပြိုင်ပွဲဝင်များထံ သောကြာနေ့က ပေးပို့သော အီးမေးလ်တွင် ရေးသားထားသည်။

မာရသွန်ပြေးပွဲသည် ၂၆.၂မိုင်ရှည်လျားမည်ဖြစ်ပြီး လန်ဒန်အရှေ့တောင်ပိုင်းတွင်စတင်တာထွက်ကာ
မြို့တော်၏ ထင်ရှားသော နေရာများကို ဖြတ်၍ ဘာကင်ဟန်နန်းတော်အနီးတွင် ပန်းဝင်မည်ဖြစ်သည်။

ဘော်စတွန်ဗုံးပေါက်ကွဲမှုကြောင့် လူသုံးဦးသေဆုံးခဲ့ပြီး ၁၈၀ခန့်ဒဏ်ရာရရှိခဲ့သည်။

စကော့တလန်ယတ်ရဲတပ်ဖွဲ့သည် အက်ဖ်ဘီအိုင်၊ ဘော်စတွန်ရဲတပ်ဖွဲ့တို့နှင့် ရင်းနှီးသောဆက်ဆံမှုရှိသော်လည်း ဗုံးခွဲခဲ့သောလူနှစ်ဦးသည် လန်ဒန်မာရသွန် ကို ခြိမ်းခြောက်နိုင်မည် ဟု မထင်ထားကြချေ။
Ref:AFP
The Myanma Age

စိုးရိမ်မှုတွေကြားကပဲ လန်ဒန်မာရသွန်ပွဲ ပြုလုပ်

လန်ဒန် မာရသွန်မြင်ကွင်းတရပ်။ (ဧပြီလ ၂၁ ရက်၊ ၂၀၁၃)

21.04.2013
ဗြိတိန်နိုင်ငံ လန်ဒန်မြို့တော်မှာ တနင်္ဂနွေနေ့ကကျင်းပခဲ့တဲ့ မာရသွန်ပြိုင်ပွဲမှာ လူပေါင်း ထောင်ချီပါဝင်ဆင်နွဲခဲ့ကြပါတယ်။ မာရသွန် ပြေးပွဲမစခင်မှာ ပြီးခဲ့တဲ့သီတင်းပတ်က ဘော်စတွန် မာရသွန်ပွဲဗုံးပေါက်ကွဲမှုမှာ သေဆုံးထိခိုက်သူတွေအတွက် စက္ကန့် ၃၀ ငြိမ်သက်ဂုဏ်ပြုခဲ့ပါတယ်။

Gereenwich က တာထွက်ပြီး လန်ဒန်မြို့ရဲ့ အထင်ကရနေရာတွေဖြစ်တဲ့ Tower Bridge တံတား၊ ပါလီမန်အဆောက်အဦး အစရှိတဲ့နေရာတွေကို ဖြတ်ကာ Buckingham နန်းတော်ရှေ့ ပန်းတိုင်အထိ မိုင်ပေါင်း ၂၆ မိုင်ရှည်တဲ့ ပြေးလမ်းတလျှောက်မှာ လုံခြုံရေးကို တင်းတင်းကြပ်ကြပ် ချထားပါတယ်။ အနံ့ခံခွေးတွေနဲ့ ရဲသား ရာနဲ့ချီကလည်း မသင်္ကာတဲ့ အထုတ်တွေကို စစ်ဆေးရှာဖွေခဲ့ကြပါတယ်၊။

ဘော်စတွန်မှာ ဗုံးကွဲထားတဲ့အတွက် စိုးရိမ်ပေမဲ့ ဘော်စတွန် မာရသွန် အပြေးသမားတွေနဲ့ စည်းလုံးမှုရှိတယ်ဆိုတာကို ပြသချင်တဲ့အတွက် မာရသွန်ပြိုင်ပွဲကိုဝင်ရတာဖြစ်တယ်လို့ အပြေးသမားတော်တော်များများက ပြောကြပါတယ်။ ကင်ညာနိုင်ငံက Priscah Jeptoo က အမျိုးသမီးပွဲအတွက် ရွှေတံဆိပ်ရခဲ့သလို Ethiopian နိုင်ငံက Tsegaye Kebede က အမျိုးသားပွဲအတွက် ရွှေတံဆိပ်ဆုရခဲ့ပါတယ်။ ဆုရရှိသူတွေကို တော်ဝင်မင်းသား Harry က ဆုချီးမြှင့်ခဲ့ပါတယ်။

တနင်္ဂနွေနေ့က လန်ဒန်မာရသွန်မှာ လူပေါင်း ၃ သောင်း ၄ ထောင်လောက် ဝင်ပြီးပြေးခဲ့ကြပါတယ်။ ဘော်စတွန်ဗုံးခွဲမှုမှာ သေဆုံး ထိခိုက်သူတွေအတွက် အပြေးသမားတယောက် ပန်းဝင်တိုင်း ရန်ပုံငွေ ၃ ဒေါ်လာ လှူမယ်လို့ လန်ဒန်မာရသွန် စီစဉ်သူတွေက ပြောပါတယ်။
ဗွီအိုအေ (မြန်မာဌာန)

Boston အပြင် အခြားတိုက်ခိုက်မှုတွေလုပ်ဖို့ အစီအစဉ်ရှိခဲ့ပုံရ

ဘော်စတွန်ဗုံးဖောက်ခွဲမှု သံသယရှိသူ Tsarnaev ညီအစ်ကို။

21.04.2013
ဘော်စတွန် မာရသွန်ဗုံးခွဲမှုလုပ်တယ်လို့ သံသယရှိသူ ညီအစ်ကို ၂ ယောက်ဟာ နောက်ထပ်တိုက်ခိုက်မှုတွေလုပ်ဖို့လည်း စီစဉ်ခဲ့ကြတယ်လို့ စုံစမ်းစစ်ဆေးသူတွေက ယုံကြည်ကြောင်း ထိပ်တန်းရဲအရာရှိတယောက်က ပြောလိုက်ပါတယ်။ Tsarnaev ညီအစ်ကိုနဲ့ ရဲတွေကြား သောကြာနေ့က အပြန်အလှန်ပစ်ခတ်ခဲ့ကြပြီးနောက်မှာ ဖွက်ထားတဲ့ အိမ်လုပ်ဖောက်ခွဲရေးပစ္စည်းတွေကို အာဏာပိုင်တွေ ရှာတွေ့ခဲ့တယ်လို့ ဘော်စတွန်မြို့ ရဲမှူးကြီး Ed Davis က CBS ရုပ်သံရဲ့ တနင်္ဂနွေနေ့ Face the Nation အစီအစဉ်မှာ ပြောကြားခဲ့တာဖြစ်ပါတယ်၊

အခင်းဖြစ်တဲ့နေရာမှာ မပေါက်ကွဲသေးတဲ့ဗုံးတွေနဲ့ ပြန့်ကြဲနေခဲ့ပြီး Tsarnaev ညီအစ်ကို ခိုးသွားတယ်ဆိုတဲ့ကားထဲမှာ အိမ်လုပ်ဖောက်ခွဲရေးပစ္စည်း တခုကို ရဲကရှာတွေ့တယ်လို့ ရဲမှူးကြီးကပြောပါတယ်။ အပြန်အလှန်ပစ်ခတ်ခဲ့မှုအတွင်း အသက် ၂၆ နှစ်အရွယ် Tamerlan သေဆုံးခဲ့ပါတယ်။ အဲဒီတုန်းကတော့ သူ့ညီ Dzhokhar ထွက်ပြေးလွတ်မြောက်ခဲ့ပေမဲ့ တနင်္ဂနွေနေ့နှောင်းပိုင်းမှာ သူ့ကို ဖမ်းမိခဲ့ပါတယ်။

အသက် ၁၉ နှစ်အရွယ် Dzhokhar ဟာ ပြင်းထန်တဲ့ဒဏ်ရာနဲ့ ဆေးကုသခံနေရဆဲဖြစ်ပါတယ်။ ဒဏ်ရာနဲ့ ဆေးအရှိန်တွေကြောင့် လောလောဆယ် စကားပြောနိုင်တဲ့ အခြေအနေမှာ မရှိသေးပါဘူး။ သူ့ကုတ်ပိုးနဲ့ လည်ပင်းတဝိုက်မှာ သေနတ်ဒဏ်ရာတခု ရထားတယ်လို့ ဘော်စတွန်မြို့တော်ဝန် Thomas Menino က ABC ရုပ်သံကိုပြောခဲ့ပါတယ်။

ဒီဒဏ်ရာဟာ သူ့ဖာသာသူလုပ်လို့ရတဲ့ ဒဏ်ရာဖြစ်ကောင်းဖြစ်မယ်လို့ စုံစမ်းစစ်ဆေးသူတွေက ပြောပါတယ်။ Dzhokhar Tsarnaev ရဲ့ အခြေအနေတိုးတက်လာရင် မေးမြန်းစစ်ဆေးဖို့ FBI အကြမ်းဖက်မှုတန်ပြန်ရေး အထူးကျွမ်းကျင်သူတယောက်က အသင့်ရှိနေပါတယ်။
ဗွီအိုအေ (မြန်မာဌာန)

မုံရွာတက္ကသိုလ်တွင် ထိုင်းကျောင်းသားများ လာရောက်ပညာသင်ကြားရန်ရှိ

အသစ်ဆောက်လုပ်နေသော မုံရွာတက္ကသိုလ်တွင်

အောင်ဇေလတ်။ မုံရွာ၊ဧပြီ၊ ၂၁
မုံရွာတက္ကသိုလ်တွင် လာမည့်ပညာသင်နှစ်၌ ထိုင်းကျောင်းသားများလာရောက်ပညာသင်ကြားရန်ရှိကြောင်း သိရပါသည်။

မြန်မာမှုပညာရပ်ကို အင်္ဂလိပ်ဘာသာဖြင့်လာရောက်သင်ကြားမည် ဖြစ်ပြီး မုံရွာဒေသတွင်း ယျဉ်ကျေးမှု များကိုလည်းလေ့လာသင်ကြားသွားမည်ဖြစ်ကြောင်း တက္ကသိုလ်နည်းပြတစ်ဦးကပြောကြားသည်။

ဇေယျာပဒေသာ ဖောင်ဒေးရှင်း ဥက္ကဌ ဒေါက်တာမောင်ထူး၏ အဆက်အသွယ်နှင့် ထိုင်းတက္ကသိုလ်တစ်ခုမှ လာရောက်သင်ကြားခြင်းဖြစ်ပြီး ထိုကျောင်းသားများကို သင်ကြားမည့် သင်ခန်းစာများကို မုံရွာတက္ကသိုလ်မှ တာဝန်ယူရေးဆွဲနေကြောင်း သတင်းရရှိပါသည်။
The Villager News

NLD ပညာရေး ကွန်ရက် မြန်မာနိုင်ငံ တဝှမ်း ခရီးဆက်

2013-04-21
NLD ပညာရေး ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်ဟာ ဒီရက်အပိုင်းအတွင်းမှာ စစ်ကိုင်းတိုင်း၊ မကွေးတိုင်းနဲ့ ကချင် ပြည်နယ်တွေကို သွားရောက်ပြီး၊ ပညာရေး သင်ကြားမှု ဘာသာရပ်ဆိုင်ရာ ဆွေးနွေးပွဲတွေ ကျင်းပမယ်လို့ သိရပါတယ်။

နိုင်ငံလုံးဆိုင်ရာ ပညာရေးညီလာခံ ကျင်းပနိုင်ဖို့အတွက် ဒေသခံလူထုတွေရဲ့ ပညာသင်ကြားရေး အခြေအနေ တွေကို သွားရောက်ဆွေးနွေးမှာဖြစ်တယ်လို့ အဲဒီကွန်ရက်က ညှိနှိုင်းဆောင်ရွက်ရေးမှူး ဒေါက်တာ သိန်းလွင်က RFA ကို ပြောပါတယ်။

"ရည်ရွယ်ချက်ကပညာရေးမူဝါဒအတွက် ကျောင်းဆရာတွေ၊အငြိမ်းစားကျောင်းဆရာတွေ၊တိုင်းရင်းသား ခေါင်းဆောင်တွေရော၊ကျောင်းသား

မိဘတွေရော၊ဘာသာရေးအဖွဲ့အစည်းတွေရောပေါ့။သူတို့ရဲ့ အယူအဆ ဘယ်လိုရှိတယ်ဆိုတာ ဆွေးနွေးပွဲလုပ်တာ"

ပြီးခဲ့တဲ့ ရက်တွေက ပဲခူးနဲ့ မန္တလေးတိုင်းက ဒေသခံတွေနဲ့ သွားရောက်ဆွေးနွေးခဲ့ပြီး၊တခြားပြည်နယ်နဲ့ တိုင်းတွေကိုလည်း ထပ်မံသွားရောက်ဖို့ရှိတယ်လို့ ဒေါက်တာသိန်းလွင်က ပြောပါတယ်။

နိုင်ငံလုံးဆိုင်ရာ ပညာရေးညီလာခံကို လာမယ့် ဇွန်လအတွင်း ရန်ကုန်မြို့မှာ ကျင်းပဖို့ စီစဉ်ထားတဲ့ အပြင် အဲဒီ ညီလာခံက ပညာရေးမူဝါဒမူကြမ်း ရေးဆွဲပြီး လွှတ်တော်ကို တင်သွင်းမှာ ဖြစ်ပါတယ်။
RFA Burmese

ကျပ် ၁၅သိန်း မှသည် ၁၅၀၀ ကျပ်ဆီသို့ မြန်မာ့မိုဘိုင်းလ် ခေတ်ပြောင်း

ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနအား ဆက်သွယ်ရေး သတင်းအချက်အလက် နည်းပညာဝန်ကြီးဌာန အဖြစ် ဝန်ကြီးဌာနအမည်ကို ၂၀၁၂ ခုနှစ်ကတည်းက ပြင်ဆင်သတ်မှတ် လိုက်ပါသည်။ ဖုန်းကတ်များကို အလကား ပေးသင့်ကြောင်း ပြောကြားခဲ့သည်။

အိုင်တီလောကတွင် နာမည်ကြီး သည့် KMD အုပ်စု အကြီးအကဲ ဦးသောင်းတင် ကို ဒုတိယဝန်ကြီးအဖြစ် ခန့်အပ်လိုက်ပြီး နောက် ဖုန်းဆင်းမ်ကတ်များကို လူတိုင်း သုံးစွဲနိုင်ရေးနှင့် မြန်မာနိုင်ငံ ဆက်သွယ်ရေး တစ်ခေတ်အပြောင်းကို မျှော်လင့် လာနိုင်ကြသည်။

မြန်မာ့ဖုန်းဈေးကွက်သည် နှစ်သိန်းတန် ဖုန်းမှသည် နှစ်သောင်းတန်ဖုန်းအထိ သို့လော သို့လော အဖြေရှာမရဖြစ်နေသည်။ သမ္မတကိုယ်တိုင် တန်ဖိုးနည်းဖုန်း ကိစ္စ ပြောလာသဖြင့် လူစိတ်ဝင်စားမှု အများ အပြားရခဲ့ရာမှ ယခုနှစ်ဧပြီလတွင် ဖုန်းလိုင်း ဈေးကို မျှော်လင့်မထားသည့် ၁၅၀၀ ကျပ် ဖြင့် သုံးနိုင်မည်ဆိုသည့် သတင်းက ပြည်သူများ စိတ်ဝင်စားမှုအရဆုံး သတင်းတစ်ပုဒ် ဖြစ်သွားခဲ့သည်။ မြန်မာ့တယ်လီဖုန်း ဈေးကွက်၌ ဆက်သွယ်ရေးဝန်ကြီးဌာန ချုပ်ကိုင်မှုအောက်တွင် ၁၅ သိန်း၊ ၅ သိန်း၊ ၂ သိန်းမှသည် ယခုနောက်ဆုံး ၁၅၀၀ ကျပ် အထိ အဆင့် လျှော့ချလိုက်ခြင်းကြောင့် ယခင်တန်ဖိုးကြီးမြင့်စွာ ဈေးနှုန်းများပေးပြီး ကိုင်တွယ်ခဲ့ရသူများ အနေနှင့် စိတ်မခံချိ မခံသာ ဖြစ်စရာကောင်းလှကြောင်း တန်ဖိုးကြီးလိုင်းကြေး ပေးကာ ဖုန်းကိုင်ဆောင်ခဲ့ ရသူများက ဆိုသည်။

ဖုန်းကတ်များကို မှောင်ခိုမှု ကင်းစေရေးအတွက် ရန်ကုန်အပါအဝင် တိုင်းဒေသကြီးများနှင့် ပြည်နယ် ၁၁ ခုတွင် CDMA 800 ကတ်များကို ဦးစားပေး ရောင်းချသွားမည်ဟု ဆိုလာသည်။ CDMA 800 MHz ဖုန်းကတ်များကို ရခိုင်၊ ချင်းနှင့် ကယားပြည်နယ်များမှအပ အခြားပြည်နယ် နှင့် တိုင်းဒေသကြီး များတွင် တစ်လ လိုင်းကတ် သုံးသိန်းခွဲ ရောင်းချသွားမည်ဟု မြန်မာ့ ဆက်သွယ်ရေးလုပ်ငန်းမှ အင်ဂျင်နီယာချုပ် ဦးဌေးဝင်းက ပြောကြားခဲ့သည်။

တာဝန်ရှိသူများက ပြည်နယ်နှင့် တိုင်းအလိုက် လိုင်းကတ်များကို ရောင်းချပေးမည် ဆိုသော်လည်း ကတ်အရေအတွက် မည်မျှရောင်းချပေးမည်ကို လျှို့ဝှက်ထားခြင်းကြောင့် ပွင့်လင်းမြင်သာမှု မရှိသေးဟု ဆိုရမည်ဖြစ်သည်။ ထို့ပြင် သင်္ကြန်မတိုင်မီ ကတည်းက ရပ်ကွက်အုပ်ချုပ်ရေးရုံးများ ရှေ့တွင် ရပ်ကွက်အတွင်း သန်းခေါင်စာရင်း ဖြင့် နေထိုင်သူများကို အိမ်ထောင်စုဝင် တစ်ဦး လျှောက်စနစ်ဖြင့် CDMA 800 MHz ကတ်များချပေးမည်ဟု ကြေညာချက်များ ထွက်လာသည်။ လျှောက်ထားသူ များသည် အစိုးရဝန်ထမ်းမဟုတ်သူ ဖြစ်ရမည် ဆိုသဖြင့် အစိုးရဝန်ထမ်းများ အတွက် သီးခြားအစီအစဉ် ရှိသလောဆိုသည့် မေးခွန်းများထွက်လာသည်။ နှစ်သိန်းတန် ဖုန်းကို ဝန်ထမ်းများအား အကြွေးစနစ်ဖြင့် ရောင်းချပြီးဖြစ်သဖြင့် အကြွေးကျေအောင် ဆပ်ရဦးမည်လော မသိ။

၁၅၀၀ ကျပ်တန်ဖုန်းလိုင်းကို ယခု ရပ်ကွက်အုပ်ချုပ်ရေး အဖွဲ့များမှ တစ်ဆင့် ဖြန့်ချိပေးသည့် စနစ်တွင် မဲဖောက်ပေးမည် ဖြစ်ပြီး ကတ်မည်မျှရ၍ မည်မျှမဲဖောက်ပေး မည်ကိုမူ မသိရပေ။

မိုဘိုင်းလ်တစ်ခေတ်ဆန်းသစ်

မြန်မာနိုင်ငံတွင် CDMA တယ်လီဖုန်း စနစ်ကို ၁၉၉၇ ခုနှစ်တွင် အသုံးပြုနိုင်ပြီး GSM စနစ်ကို ၂၀၀၁ ခုနှစ်တွင် စတင်တပ်ဆင် အသုံးပြုနိုင်ခဲ့သည်။

မြန်မာ့ဆက်သွယ်ရေး လုပ်ငန်းသည် GSM မိုဘိုင်းလ်ဖုန်း တိုးချဲ့တပ်ဆင်ခြင်း စီမံကိန်းကို ၁၄-၃-၂ဝ၁၂ နေ့မှ စတင်ကာ ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းပြည်နယ် များတွင် ပထမအဆင့် အနေဖြင့် လိုင်းအင်အား ၁၉၅,၃၀၀ ကို တပ်ဆင်ပေးခဲ့သည်။

တိုင်းဒေသကြီးများဖြစ်သည့် စစ်ကိုင်း၊ တနင်္သာရီ၊ ပဲခူး၊ မကွေး၊ ဧရာဝတီ၊ မန္တလေး၊ နေပြည်တော်တို့တွင်လည်း ၂၀-၃-၂၀၁၂ နေ့မှစတင်ပြီး တန်ဖိုးနည်း GSM ဖုန်းများ ကို စတင်ရောင်းချ ပေးနိုင်ရေး ပထမအဆင့် အနေနှင့် တပ်ဆင်ပေးမည့် လိုင်းအင်အား မှာ ၄၃၅,၆၀၀ ဖြစ်သည်။

ဖွံ့ဖြိုးဆဲနိုင်ငံ တစ်နိုင်ငံတွင် မိုဘိုင်းလ်ဖုန်း သိပ်သည်းဆ ၁၀ ရာခိုင်နှုန်းတိုးခြင်း သည် တိုင်းပြည်ဝင်ငွေ (GDP) ကို ၁ ဒသမ ၂ ရာခိုင်နှုန်းခန့် တိုးတက်စေရန် ကြံဆောင် ခြင်းဟု ဆိုထားပါသည်။ နိုင်ငံတကာ မိုဘိုင်းလ်ဖုန်း အော်ပရေတာများ၏ အဖွဲ့ အစည်းတစ်ခုဖြစ်သော GSM အဖွဲ့၏ ထုတ်ပြန်ချက်အရ မိုဘိုင်းလ်ဖုန်း သိပ်သည်းဆ ၁၀ ရာခိုင်နှုန်းတိုးတိုင်း ကုန်ထုတ်စွမ်းအား ၄ ဒသမ ၂ ရာခိုင်နှုန်း တိုးတက်လာနိုင်သည် ဟုဆိုထားသည်။ အပြည်ပြည်ဆိုင်ရာ ကြေးနန်းအဖွဲ့ (ITU) ၏ လေ့လာတွေ့ရှိချက် တွင်လည်း ဖွံ့ဖြိုးဆဲနိုင်ငံများတွင် တယ်လီဖုန်း လိုင်းသစ်တစ်ခုကို တပ်ဆင်အသုံးပြုတိုင်း တိုင်းပြည်ဝင်ငွေ GDP အမေရိကန် ဒေါ်လာ ၄၅၀၀ ခန့် တိုးပွားစေသည်ဟု ဆို ထားသည်။

၂၀၁၂ ခုနှစ်တွင် မြန်မာနိုင်ငံ၏ တယ်လီဖုန်း အသုံးသည် လူဦးရေ၏ ၅ ရာခိုင်နှုန်းမျှပင် မရှိသေးပေ။ ထိုအချိန်၌ အိမ်နီးချင်း ကမ္ဘောဒီးယားနိုင်ငံတွင် လူဦးရေ၏ ၅၇ ရာခိုင်နှုန်း၊ လာအိုတွင် ၆၄ ရာခိုင်နှုန်းနှင့် ထိုင်းနိုင်ငံတွင် ၁၀၀ ရာခိုင်နှုန်းကျော် တယ်လီဖုန်းများကို အသုံးပြုနေကြပြီ ဖြစ်သည်။

မြန်မာနိုင်ငံတွင် မိုဘိုင်းလ်ဖုန်း တစ်လုံးကို အမေရိကန်ဒေါ်လာ ၄၅ မှ ၁၅၀၀ ခန့်အထိ ပေးကိုင်နေကြရသည်။ SIM ကတ် တစ်ကတ်ကိုလည်း ယမန်နှစ်က အထိ အမေရိကန်ဒေါ်လာ ၁၅၀ မှ ၃၅၀ ခန့် အထိ ဝယ်သုံး နေကြရသေးသည်။ ယခုနှစ် ဧပြီလတွင်မှ မိုဘိုင်းလ်ဖုန်း လိုင်းကို မြန်မာ ကျပ်ငွေ ၁၅၀၀ ဖြင့် လာမည့် ၂၄ ရက်နေ့မှ စတင်သုံးနိုင်မည် ဖြစ်ကြောင်း ဆက်သွယ် ရေးနှင့် သတင်းအချက်အလက် နည်းပညာ ဝန်ကြီးဌာနက ထုတ်ပြန်ကြေညာခဲ့သည်။ အဆိုပါ သတင်းကြေညာချက်တွင် CDMA 800 MHz မိုဘိုင်းလ်ဖုန်းနှင့် WCDMA ကို စတင်ရောင်းချမည်ဖြစ်ပြီး CDMA 800 MHz မရနိုင်သေးသည့် ဒေသများတွင် WCDMA ကို ဦးစားပေးရောင်းချသွား မည် ဟုဆိုသည်။

နိုင်ငံတကာနှင့်ယှဉ်

မြန်မာနိုင်ငံတွင် လူဦးရေ ၆၂ သန်း ခန့်ရှိပြီး လူဦးရေ၏ ၉ ရာခိုင်နှုန်းခန့်သာ မိုဘိုင်းလ်ဖုန်းများကို သုံးစွဲနိုင်ကြသေး သည်။ ၂၀၁၆ ခုနှစ်တွင် နိုင်ငံလူဦးရေ၏ ၈၀ ရာခိုင်နှုန်းခန့် မိုဘိုင်းလ်ဖုန်းများ သုံးစွဲရန် လျာထားသတ်မှတ် ထားကြောင်း ပြည်တွင်း သတင်းထုတ်ပြန်ချက်များအရ သိရှိရသည်။
ကမ္ဘောဒီးယားတွင် လူဦးရေ၏ ၇၀ ရာခိုင်နှုန်း၊ လာအိုတွင် ၈၇ ရာခိုင်နှုန်း၊ ထိုင်းတွင် ၁၀၀ ရာခိုင်နှုန်းကျော် မိုဘိုင်းလ် ဖုန်းများကို သုံးစွဲနေကြသည်။

မြန်မာနိုင်ငံ မိုဘိုင်းလ်စနစ်တွင် သုံးစွဲနေသည့် ရေဒီယိုလှိုင်းပမာဏမှာ GSM အတွက် 900 MHz နှင့် 1800 MHz စနစ်ဖြစ်ပြီး WCDMA အတွက် 800 MHz စနစ်၊ UMTS အတွက် 2100 MHz စနစ်များဖြစ်ကြသည်။

မြန်မာနိုင်ငံတွင် ယမန်နှစ် ဒီဇင်ဘာလ အထိ မိုဘိုင်းလ်ဖုန်း သုံးစွဲသူ ၅ ဒဿမ ၄၄ သန်းရှိကြောင်း သိရသည်။ နိုင်ငံလူဦးရေ အချိုးနှင့်ကြည့်လျှင် ၉ ရာခိုင်နှုန်း ခန့်သာ သုံးစွဲနိုင်သေးသည့် သဘော ဖြစ်သည်။ လူဦးရေ၏ ၁ ဒဿမ ၃ ရာခိုင်နှုန်းသည် လိုင်းဖုန်းများကို သုံးစွဲနေကြပြီး broadband အင်တာနက် သုံးစွဲနိုင်သူဦးရေမှာ သုည ဒဿမ ၀၃ ရာခိုင်နှုန်းဖြစ်သည်။

နာဂစ်ပြီးချိန်မှ စတင်ပြီး CDMA 450 နှင့် တစ်နိုင်ငံလုံးတယ်လီဖုန်း ပြောဆိုနိုင်ရေး ဆောင်ရွက်ခဲ့သည်။ CDMA 450 ဖုန်းသည် Coverage ပေါင်းစုံသုံးနိုင်သည့် ဖုန်းမဟုတ်ပေ။ အိမ်နီးချင်း နိုင်ငံများကို ယူသွားပြီး အသုံးပြုနိုင်သည့် International Roaming ရရှိနိုင်သည့် ဖုန်း စနစ်လည်းမဟုတ်ပေ။ ထို့ကြောင့် GSM စနစ်ကို ထပ်မံတပ်ဆင် အသုံးပြုရသည်။

အပြောင်းအလဲများဖြင့် တစ်ခေတ်ဆန်း

ဆက်သွယ်ရေး၊ သတင်းအချက်အလက် နှင့် နည်းပညာ ဝန်ကြီးဌာနသည် စာတိုက်၊ ကြေးနန်း၊ တယ်လီဖုန်းဆိုင်ရာ ဆက်သွယ်ရေး ဥပဒေ၊ နည်းဥပဒေများကို ခေတ်စနစ် နှင့်လျော်ညီစေရန် ပြင်ဆင်ရေးဆွဲပါမည် ဟု ဆိုထားသည်။ ထို့ပြင် ပြည်တွင်း၊ ပြည်ပ ကုမ္ပဏီများအား PPP (Public, Private, Partnership) ပုံစံဖြင့် ပါဝင်ရင်းနှီးမြှုပ်နှံ ဆောင်ရွက်ခွင့်များလည်း ပေးတော့မည် ဖြစ်ကြောင်း ဆိုလာသည်။

၂၀၁၃ ခုနှစ်မှစတင်ပြီး မြန်မာ့ ဆက်သွယ်ရေး လုပ်ငန်းအား နိုင်ငံတော် ဘတ်ဂျက်အပေါ် မှီခိုခြင်းအသုံးပြုခြင်း မရှိသည့် ကော်ပိုရေးရှင်းအဖြစ် ပြောင်းလဲမည် ဖြစ်ကြောင်း ၂၀၁၃-၂၀၁၄ ဘဏ္ဍာနှစ် ဆက်သွယ်ရေးဝန်ကြီးဌာန၏ လွှတ်တော်သို့ တင်သွင်းသော အမျိုးသားစီမံကိန်း ဥပဒေ ကြမ်းအရ သိရှိရသည်။ ထို့ပြင် နိုင်ငံခြား အထောက်အပံ့နှင့် ချေးငွေများ ရယူကာ GSM/UMTS မိုဘိုင်းလ်တယ်လီဖုန်း များကို တိုးချဲ့တပ်ဆင်သွားမည် ဟုလည်း ယင်းအစီရင်ခံစာတွင် ဖော်ပြထားသည်။

ဆက်သွယ်ရေးကဏ္ဍတွင် ပြုပြင်ပြောင်းလဲရေး အနေနှင့်
၁။ ဖြေလျှော့ခြင်း (Liberalization)
၂။ နည်းဥပဒေများကို ပြန်လည် ပြင်ဆင်ရေးဆွဲခြင်း (Modernization)
၃။ ဆက်သွယ်ရေး ဈေးကွက်ပြိုင်ဆိုင်မှု ပေးခြင်း (Competition)
၎။ နိုင်ငံပိုင်အချိုးအစားများစွာ သိမ်းပိုက်ထားရာမှ ပုဂ္ဂလိကပိုင်အဖြစ် လျှော့ချ အသွင်ကူးပြောင်းခြင်း (Privatization) တို့ကို ပြုလုပ်မည်ဟုလည်း ဆိုထားသည်။

ဝန်နှင့်အားမျှရန်လို

ရန်ကုန်တွင် လူဦးရေ ခြောက်သန်းခန့် ရှိသည်။ လက်ရှိ ရန်ကုန်တွင် ဖုန်းအသုံးပြု နေသည့် ဦးရေ ၃ သိန်းကျော် ၄ သိန်းခန့် ရှိသည်။ လူဦးရေ ၅ သန်းခွဲခန့် ဖုန်းမသုံး နိုင်သည့် အနေအထားတွင်ရှိသည်။ ၅သန်း ခွဲတွင် လက်ရှိရောင်းဈေးနှုန်း ၂ သိန်းဖြင့် ၁၀ ရာခိုင်နှုန်း ဝယ်နိုင်မည်ဆိုလျှင်၊ နောက်ထပ် လူဦးရေ ၅ သိန်းခွဲလောက် ဖုန်းဝယ် သုံးကြလျှင် ယခုတည်ဆောက်ထားသော Network ကွန်ရက်မှာ သုံးသိန်းခွဲခန့်သာ ခံနိုင်သဖြင့် ကွန်ရက်ပြိုလဲသွားနိုင်ကြောင်း ယမန်နှစ် ၂၄-၃-၂၀၁၃ နေ့တွင် ရန်ကုန်မြို့ MICT Park ရှိ မြန်မာအင်ဖိုတက်ခ် အစည်းအဝေးခန်းမ၌ ကျင်းပသည့် မြန်မာ့ သတင်းအချက်အလက်နှင့် ဆက်သွယ်ရေးနည်းပညာ ဖွံ့ဖြိုးတိုးတက်ရေး ကော်ပိုရေးရှင်း လီမိတက် ၂၀၁၀-၂၀၁၁ ဘဏ္ဍာနှစ် ဒဿမ အကြိမ်မြောက် နှစ်ပတ်လည် အထွေထွေ အစည်းအဝေးတွင် ဆက်သွယ်ရေး၊ စာတိုက် နှင့် ကြေးနန်းဝန်ကြီးဌာန ဒုတိယဝန်ကြီး ဦးတင့်လွင်က ပြောကြားခဲ့သည်။ ဦးတင့်လွင် က ဈေးချလိုက်ရင် ဝယ်လိုအား တက်လာမည်၊ ဝယ်လိုအားတက်လာလျှင် ခံနိုင်ဝန်ရှိရန် အရေးကြီးသည်၊ ငွေရေးကြေးရေးနှင့် နည်း ပညာအခက်အခဲ မရှိသော်လည်း နေရာ ဒေသအလိုက် ရနိုင်ရန်အခက်အခဲရှိသည်၊ တည်ဆောက်ရန် အချိန်လိုအပ်သည်ဟု ပြောကြားခဲ့ဖူးသည်။

ယခုအခါ ရန်ကုန်မြို့တွင် တပ်ဆင် ထားသော မိုဘိုင်းလ်ဖုန်းလိုင်း အင်အား၏ ၉၅ ရာခိုင်နှုန်းခန့်ကို သုံးစွဲခွင့်ရနေပြီ ဖြစ်ကြောင်း ဆက်သွယ်ရေး၊ သတင်းအချက်အလက်နှင့် နည်းပညာ ဝန်ကြီးဌာန၏ ထုတ်ပြန်ချက်အရ သိရှိရသည်။ လက်ရှိ အနေအထားတွင် မြန်မာနိုင်ငံ၌ Roof-top Mobile Antenna (အိမ်ခေါင်မိုး မိုဘိုင်းလ် အင်တင်နာ) များ တပ်ဆင်ရန် အမြောက်အမြား လိုအပ်နေသေးပြီး တိုးချဲ့တပ်ဆင်နိုင် ခြင်းမရှိပါက ဆက်သွယ်ပြောဆိုမှုများ ပြတ်တောက်နိုင်ကြောင်း အဆိုပါဌာန၏ သတင်း Website တွင် ရေးသားဖော်ပြ ထားသည်။

အနာဂတ် မြန်မာ့ဆက်သွယ်ရေးနှင့် နည်းပညာ

မြန်မာနိုင်ငံတွင် ဆက်သွယ်ရေးကဏ္ဍ ပြုပြင်ပြောင်းလဲမှု အစီအစဉ်များအရ မိုဘိုင်းလ်ဖုန်းများကို တိုးချဲ့တပ်ဆင်ရန် အောက်ပါ အတိုင်း လျာထားကြောင်း MPT သတင်း Website တွင်ဖော်ပြထားသည်။

တိုးချဲ့တပ်ဆင်မည့် မိုဘိုင်းလ်တယ်လီဖုန်းလိုင်း အင်အားမှာ
၂၀၁၃-၁၄ ၁၀ သန်း
၂၀၁၄-၁၅ ၁၄ သန်း
၂၀၁၅-၁၆ ၁၅.၅ သန်း
စုစုပေါင်း ၃၉.၅ သန်း ဖြစ်သည်။

ထိုသို့တိုးချဲ့ တပ်ဆင်ပြီးနောက် ဖြစ်ပေါ်လာမည့် တယ်လီဖုန်း သိပ်သည်းဆ မှာ ၂ဝ၁၅-၁၆ တွင် ၇၅ ရာခိုင်နှုန်းမှ ၈၀ ရာခိုင်နှုန်းအထိ ရှိလာမည်ဖြစ်သည်။ တယ်လီဖုန်း သိပ်သည်းဆကို လူ ၁၀၀ လျှင် ဖုန်းမည်မျှ အသုံးပြုနိုင်သနည်း ဆိုခြင်းနှင့် တိုင်းတာပါသည်။ ထို့ကြောင့် မြန်မာနိုင်ငံ တွင် ၂၀၁၅-၁၆ တွင် လူဦးရေ ၇၅ ရာခိုင်နှုန်း မှ ၈၀ ရာခိုင်နှုန်းအထိ မိုဘိုင်းလ်ဖုန်းများ သုံးစွဲခွင့် ရရှိလာမည်ဖြစ်သည်။ ထိုသို့ဖြစ် လာစေရန် ပြည်သူများ လက်လှမ်းမီသည့် ဈေးနှုန်းများဖြစ်လာရန် လိုပါသည်။

မြန်မာနိုင်ငံတွင် ၂၀ဝ၁ ခုနှစ်က စတင်ပြီး GSM မိုဘိုင်းလ်ဖုန်းများကို သုံးစွဲနိုင်သော်လည်း အကန့်အသတ်ဖြင့်သာ သုံးစွဲနိုင်ကြသည့် အနေအထားတွင် ရှိခဲ့သည်။ GSM စနစ် မိုဘိုင်းလ်ဖုန်း သုံးစွဲ ခွင့်ရရေးအတွက် ထိုစဉ်က ရင်းနှီးရသည့် ငွေကြေးပမာဏမှာ မြန်မာငွေ ၄ ဒသမ ၅ သန်း (ဒေါ်လာ ၅၂၅၀) ခန့် ဖြစ်သည်။ ထိုအဆင့်မှ GSM စနစ်ဖုန်းသုံးစွဲခွင့်ကို ယမန်နှစ်က ငွေကျပ် ၂ သိန်းအထိ လျှော့ချ ပေးခဲ့သည်။ ယခုနှစ် ဧပြီလမှစတင်ပြီး CDMA စနစ်ကို ငွေကျပ် ၁၅၀၀ ဖြင့် ဝယ်ယူ သုံးစွဲခွင့်ရမည်ဟု ဆိုထားသော်လည်း လူထု အတွင်း ဖြန့်ချိမှုမှာ ရပ်ကွက်အတွင်း မဲစနစ် ဖြင့် ဖြန့်ချိမည် ဖြစ်ကြောင်းနှင့် အရေအတွက် မည်မျှဖြန့်ချိမည်ကို မသိရသေးပေ။

လက်ရှိအခြေအနေတွင် မြန်မာနိုင်ငံ ၌ လူ ၁၀၀ လျှင် ငါးဦးခန့်သာ ဖုန်းသုံးစွဲနိုင်သည့် အနေအထားတွင် ရှိနေသေးသည်။ GSM စီမံကိန်း ပြီးဆုံးလျှင် လူဦးရေ ထက်ဝက်ကျော် မိုဘိုင်းလ်ဖုန်းများကို သုံးစွဲ လာနိုင်မည်ဟု ယူဆရသည်။

ဆက်သွယ်ရေးကဏ္ဍ၏ Reform Plan အရ ကုမ္ပဏီများဖြင့် ပြန်လည်ဖွဲ့စည်းပြီး နှစ်အလိုက် တယ်လီဖုန်း သိပ်သည်းဆနှင့် မိုဘိုင်းလ်လိုင်းများကို တိုးချဲ့တပ်ဆင်သွားရန် ရည်ရွယ်ထားကြောင်း သိရသည်။

GSM နှင့် CDMA စနစ်များ ကွာခြားချက်


နှစ်မျိုးစလုံး ဒစ်ဂျစ်တယ်စနစ်ဖြင့် အသုံးပြုနိုင်သည်။ GSM စနစ်ကို ကိုရီးယား နှင့် ဂျပန်နိုင်ငံမှအပ ကျန်နိုင်ငံများတွင် အသုံးပြုနေသည်။ CDMA ကို အာရှတိုက်နှင့် အမေရိကတိုက် တို့တွင်သာ အသုံးပြုသည်။

GSM စနစ်ကို SIM (Subscriber Identification Module) ကတ်ဖြင့်သာ အသုံးပြုနိုင်သည်။ CDMA စနစ်ကို ဝန်ဆောင်မှုပေးသည့် ကုမ္ပဏီ၏ ကန့်သတ်ထားသော ဖုန်းများတွင်သာ အသုံးပြုနိုင်သည်။
GSM စနစ်သည် အသံအရည် အသွေး ၃၅ ကီလိုမီတာအတွင်း ကောင်းစွာ အသုံးပြုနိုင်သည်။ CDMA စနစ်သည် Cell Site ပိုမိုကျယ်ပြန့်စွာ အသုံးပြုနိုင် သည်။

GSM သည် နိုင်ငံတကာတွင် အသုံးပြုနိုင်သည့် (International Roaming) စနစ်ဖြစ်သည်။ CDMA ကို နိုင်ငံတကာတွင် အသုံးပြု၍ မရနိုင်ပေ။ GSM စနစ်ကို တန်ဖိုးနည်းဖုန်း များတွင် ထည့်သုံးနိုင်သည်။ CDMA စနစ်ကို တန်ဖိုးကြီးသော Multi-mode, Multi-band ဖုန်းများတွင်သာ အသုံးပြုနိုင်သည်။ GSM စနစ်သည် ရေဒီယိုလှိုင်း အများအပြား သုံးနိုင်သည်။ CDMA စနစ် တွင် လှိုင်းတစ်မျိုးတည်း ကိုသာ အသုံးပြု နိုင်သည်။

CDMA သည် Channel တစ်ခုတည်းနှင့် အထူး Code များကို အသုံးပြုပြီး ကွန်ရက် ချိတ်ဆက်နိုင်သည်။ ထို့ကြောင့် CDMA က ဧရိယာချင်းတူလျှင် GSM ထက်သာသည်။ CDMA တွင် လိုင်းကျသွားမှုများ၊ အသံတိုးတိမ် သွားမှုများ နည်းသည်။

GSM နည်းပညာသည် ရိုးစင်းသဖြင့် ဘက်ထရီကို ကြာရှည်စွာ အသုံးပြုနိုင်ပြီး CDMA ဖုန်းများသည် ဘက်ထရီ အကုန်မြန်တတ်သည်။
The Voice Weekly