ဆုတောင်းတိုင်းသာ(အသံလွှင့်ဇာတ်လမ်း)

ရုပ်ရှင်သရုပ်ဆောင် လူရွှင်တော် မောင်မေတ္တာနဲ့ အဖွဲ့သားတွေ စီစဉ်တင်ဆက်တဲ့ “အကျိုးမျှော် နှိုးဆော်ပါရစေ” အသံလွှင့်ဇာတ်လမ်း အစီအစဉ်သစ် ဖြစ်ပါတယ်။ ဒီတပတ်မှာတော့ “ ဆုတောင်းတိုင်းသာ ” အစီအစဉ်ကို နားဆင်ရမှာပါ။
RFA Burmese

လင်းလင်း တစ်ကိုယ်တော် ရှိုး

သင်္ကြန်အတွင်း Plus 3 Band နဲ့ အတူ ချောင်းသာမှာ ဖြတ်သန်းခဲ့တဲ့ လင်းလင်း က ပထမအခွေ “စဉ်းစားပါ” နဲ့ ဒုတိယအခွေ “အမှန်တရား” တို့ နောက်မှာ တတိယတစ်ကိုယ်တော် အခွေကို ထွက်ရှိလာတော့ မှာဖြစ်ကြောင်း ဆိုပါတယ်။

“နာမည်ကတော့ မစဉ်းစားရသေးဘူး။ သင်္ကြန်အပြီး တစ်လ၊ နှစ်လ အတွင်း မှာ ထွက်နိုင် ပါလိမ့်မယ်။ ဒီအခွေမှာ ကျွန်တော် ပြောချင်တဲ့ အကြောင်း အရာတွေ၊ ကျွန်တော် ပို့ချင်တဲ့ မက်ဆေ့ခ်ျတွေ ကို ရောက် အောင် ပို့ပေးထားပါတယ်။ အချစ်သီချင်း အနေနဲ့ သုံးပုဒ်၊လေးပုဒ် လောက် ပဲပါမယ်။ ကျွန်တော့်ရဲ့ ပထမ အခွေနဲ့ ဒုတိယအခွေမှာ ပုံစံတွေ၊ အကြောင်း အရာတွေ မတူသလို အခုတတိယ အခွေက လည်း ရှေ့က အခွေ တွေနဲ့ မတူဘဲ ကွဲထွက် သွားမယ်။ ၁ဝ တန်း ဖြေသလိုပေါ့။ ဒီနှစ် မှာ ဒီပုံစံ နဲ့ဖြေ သလို နောက်နှစ်မှာ ဒီပုံစံ ဖြစ်ချင်မှလည်း ဖြစ်မှာပေါ့။ ဒီ တတိယ အခွေ ထွက်ပြီးသွားရင် ဒီနှစ်ထဲမှာပဲ ကျွန် တော့်ရဲ့တစ် ကိုယ် တော် ရှိုးလုပ် ဖြစ် မယ်” လို့လင်းလင်း က ပြောပါတယ်။
မျိုးမောင်
Popular Journal

ဘာသာပေါင်းစုံ စုပေါင်းသွေးလှူပွဲ

ဓာတ်ပုံ - မင်းမင်းထွန်း

ဧပြီလ ၂၇ ရက် မနက် ၈ နာရီ ၃၀ မိနစ်က ရန်ကုန်မြို့အမျိုးသားသွေးလှူဘဏ်၌ လူမျိုးဘာသာပေါင်းစုံ ညီညွတ်မှုသွေးကွန်ယက် မှ ဘာသာပေါင်းစုံပါဝင်သော သွေးလှူဒါန်းပွဲကြီးတစ်ခုကိုကျင်းပခဲ့သည်။ အဆို လူမျိုးဘာသာပေါင်းစုံ ညီညွတ်မှုသွေးကွန်ယက်ကို သွေးမေတ္တာ ပရဟိတအသင်းအပါအဝင် တခြားအသင်းအဖွဲ့ ၃၃ ဖွဲ့ဖြင့် ဧပြီ ၁၈ ရက်နေ့က ဖွဲ့စည်းခဲ့ဖြစ်သည်။
ထက်လူလူ
Popular Journal




 

ကမ္ဘာနှင့် မြန်မာ ဓါတ်ပုံပညာရှင်များပူပေါင်းပြီး မမေ့နိုင်စရာပုံရိပ်များကို ရိုက်ကူးသွားမည်

(ဓာတ်ပုံ - ဘိုဘို၊ မဇ္ဈိမ)

ကမ္ဘာ့ထိပ်သီး ဓာတ်ပုံပညာရှင်များနှင့် မြန်မာနိုင်ငံမှ ဓာတ်ပုံ ပညာရှင်များပူးပေါင်းကာ မြန်မာနိုင်ငံအတွင်း ၇ ရက်တာလှည့်လည်သွားလာပြီး မြန်မာနိုင်ငံ၏ လူမျိုးများ၊ မြေယာရခင်း၊ စီးပွားရေး လုပ်ငန်းများနှင့် ရိုးရာယဉ်ကျေးမှုတို့၏ မမေ့နိုင်စရာပုံရိပ်များကို ရိုက်ကူးသွားမည့် 7 Days in Myanmar: A Multimedia Showcase ပရောဂျက် သတင်းစာ ရှင်းလင်းပွဲကို ၂၀၁၃ ခုနှစ် ဧပြီလ ၂၇ ရက် မွန်းလွဲ ၂း၀၀ နာရီတွင် ရန်ကုန်မြို့ Chatrium Hotel တွင်ကျင်းပပြုလုပ်စဉ်။

၎င်း ပရောဂျက်သည် ဧပြီလ ၂၇ ရက်မှ မေလ ၄ ရက်အထိ ကြာမြင့်မှာဖြစ်ပြီး နိုင်ငံတကာမှ ဓာတ်ပုံပညာရှင် ၂၁ ယောက်နှင့် မြန်မာနိုင်ငံမှ ဓာတ်ပုံပညာရှင် ၉ ယောက် စုစုပေါင်း ၃၀ ဦးပါဝင် ရိုက်ကူးမည်ဖြစ်သည်။

အဓိကရည်ရွယ်ချက်မှာ မြန်မာနိုင်ငံ၏ သမိုင်းဝင်အချိန်ပုံရိပ်များကို ကြီးမားသော ဓာတ်ပုံအသားပေး စားပွဲတင်စာအုပ် 7 Days in Myanmar စာအုပ်အနေဖြင့် ၂၀၁၃ ခုနှစ်ဒီဇင်ဘာလတွင် ကမ္ဘာတစ်ဝန်းသို့  ဖြန့်ချီသွားမည် ဖြစ်သည်။
Mizzima - News in Burmese

ဂျပန် ဝန်ကြီးချုပ် ရှင်ဇိုအာဘေး ကားငါးစီးဆင့် တိုက်မှုတွင် ပါဝင်သော်လည်း ဒဏ်ရာမရ

ယနေ့ ဧပြီလ ၂၇ ရက်နေ့ တွင်  တိုကျိုမြို့ရှိ အကောက်ဂိတ်တစ်ခု၌ ယာဉ်ငါးစီးဆင့်တိုက်မှုတွင်  ဂျပန်ဝန်ကြီးချုပ် ရှင်ဇိုအာဘေး  လိုက် ပါစီးနင်း လာသော ယာဉ်တန်းပါဝင်ခဲ့ကြောင်းသိရသည်။ ယင်းသို့ ပါဝင်သော်လည်း ဝန်ကြီးချုပ်မှာ မည်သည့် ဒဏ်ရာမျှမ ရရှိကြောင်း ရဲတပ်ဖွဲ့ က ပြောကြားသည်။

ဝန်ကြီးချုပ်၏  ယာဉ်နှင့် အတူလိုက်ပါလာသော ရဲကားတစ်စီးမှ အစောင့် ၂ ဦးမှာ မျက်နှာတွင် ဒဏ်ရာအနည်းငယ်ရရှိခဲ့ သည် ဟု မြို့တော် ရဲဌာနမှ ပြောခွင့်ရ ပုဂိုလ်တစ်ဦးက ပြောကြားသည်။ အာဘေး၏ ယာဉ်ရှေ့မှ ရဲကားသည် အကောက်ဂိတ်တွင် ရုတ်တရက် ရပ် လိုက် သဖြင့် နောက်မှလိုက်လာသည့် ဝန်ကြီးချုပ်၏ ယာဉ်တန်းမှ ဝင်တိုက်ခဲ့ခြင်းဖြစ်သည်။ ဝန်ကြီးချုပ်၏  ယာဉ်တန်းနောက်မှ ရဲကား နှစ်စီး နှင့် သတင်းထောက်များလိုက်ပါလာသည့် ဆလွန်းကားတစ်စီးမှာလည်း ယာဉ်တိုက်မှုတွင် ပါဝင်ခဲ့ကြောင်း ၄င်း အရာ ရှိမှ ပြော ကြားခဲ့သည်။

စစ်အေးခေတ်ကာလအတွင်း မြောက်ကိုရီးယားက ပြန်ပေးဆွဲထားခဲ့သော ဂျပန်နိုင်ငံသားများ ကို ပြန်လည်လွှတ်ပေး ရန် မြောက်ကိုရီးယား ကို တောင်း ဆိုသည့် လူထုအစည်းအဝေးပွဲတစ်ခုသို့တက်ရောက်ရန်အသွားတွင် ယခုကဲ့သော ယာဉ်တန်းဆင့် တိုက်မှုဖြစ်ခဲ့ခြင်းဖြစ်သည်။
Yangon Media Group

လိုအပ်လျှင် သက်ဆိုင်ရာဆေးရုံကိုအရေးယူဖို့အထိ ပြုလုပ်သွားမည်

ရန်ကုန်၊ ဧပြီ ၂၇။
ဆေးရုံးများရှိ လူနာများတွင် သွေးလိုအပ်သောကြောင့် သွေးလှူအသင်းများက သွားရောက်
လှူဒါန်းသော အခါတွင်  ဆေးရုံနှင့် သွေးလှူအသင်းများကြား ပြဿနာတက်သော ကိစ္စများတွင်
သက်ဆိုင်ရာ ဆေးရုံအား အရေးယူနိုင်သည်အထိ သွေးကွန်ယက်(ရန်ကုန်)မှ လုပ်ဆောင်ရန် ရည်ရွယ်ထားကြောင်း သိရသည်။

“တခါတခါမှာ သွေးအသင်းတွေနဲ့ ဆေးရုံတွေနဲ့ ပြဿနာတွေ တက်ပါတယ်။ အဲ့ဒါတွေကိုလည်း
ခေါင်းငုံ့ခံပြီး အလုပ်လုပ်ခဲ့ကြပါတယ်။ တခုခုဖြစ်လို့ရှိရင် ဘယ်ဆေးရုံကတော့ ဘာပြောလိုက်တယ် ဘာလုပ်လိုက်တယ်ဟေ့ဆိုပြီး ကွန်ယက်ကို ပြောလို့ရပါတယ်။ အဲ့ဒါတွေကို ဒီကွန်ယက်ရဲ့ လစဉ်အစည်းအဝေးတွေမှာ ကွန်ယက်တွေ စုပေါင်းပြီးတော့ အဲ့ဒီဆေးရုံကို ကန့်ကွက်စာ ထုတ်ပါမယ်။ တတ်နိုင်လို့ လိုအပ်လာရင် အဖွဲ့အစည်းတွေအားလုံးပေါင်းပြီး တရာစွဲသင့်ရင် စွဲပါမယ်”ဟု သွေးမေတ္တာ ပရဟဟိတအသင်း(ရန်ကုန်)၏ ဒုဥက္ကဋ္ဌဝေဠုကျော်က အမျိုးသားသွေးလှူဘဏ်၌ ယနေ့ပြုလုပ်သော ဘာသားပေါင်းစုံစုပေါင်းသွေးလှူဒါန်းပွဲတွင် ပြောကြားသည်။

ယင်းဘာသာပေါင်းစုံ သွေးလှူဒါန်းပွဲသို့ သွေးမေတ္တာ ပရဟိတအသင်း(ရန်ကုန်)၊ ဟိန္ဒူလူငယ်များအသင်း၊
(၅၉)လမ်းဗလီ (ကုရ်အာန်-ပျံ့ပွားရေးအဖွဲ့)၊ စေတနာရှင် ပရဟိတအသင်း၊ ချစ်သွေးရှင် ပရဟိတအသင်း၊ ပုညသင်္ဂဟအသင်း(ရွှေတိဂုံ)၊ ၈၈ငြိမ်းချမ်းရေးနှင့် ပွင့်လင်းလူ့အဖွဲ့အစည်း၊ ဝေဠုကျော် ဖောင်ဒေးရှင်း၊ ပရဟိတအဖွဲ့များနှင့် လူ့မှုရေးအဖွဲ့အစည်း စုစုပေါင်း (၃၃)ခုမှ လာရောက်လှူဒါန်းကြကြောင်း သိရသည်။

“ခုမှ ကျွန်မ ပထမဦးဆုံး သွေးလာလှူတာပါ။ သွေးပရက်ရှာ မပြည့်လို့ မလှူရပါဘူး။
ဒီလိုဘာသာပေါင်းစုံ သွေးလှူပွဲကြီးမှာ မလှူလိုက်ရလို့ စိတ်တော့မကောင်းဘူး။ နောက်တစ်ခါမှပဲ
လှူဖြစ်အောင် လှူလိုက်တော့မယ်”ဟု ဘာသာပေါင်းစုံ စုပေါင်းသွေးလှူပွဲတွင် လာရောက်
လှူဒါန်းသော်လည်း မလှူလိုက်ရသူ မဖြူသီက ပြောကြားသည်။

အဆိုပါ သွေးလှူဘဏ်မှ ၂၀၁၂ခုနှစ်တွင် တိုင်းဒေသကြီးနှင့် ပြည်နယ် (၆)ခုသို့ ဆက်သွယ်နိုင်ခဲ့ပြီး
သွေးယူနစ်ပေါင်း (၃၉၁၉၈)လုံး ပေးနိုင်ခဲ့ကြောင်း အမျိုးသားသွေးဌာန တွဲဖက်ပါမောက္ခ
ဒေါက်တာဒေါ်သီတာအောင်၏ ပြောကြားချက်အရ သိရသည်။

ယင်းသွေးလှူဘဏ်တွင် အရေးပေါ်သွေးလိုအပ်နေသော ဆေးရုံများနှင့် နီးစပ်သော သွေးအလှူရှင်များကို
ဆက်သွယ်ဆောင်ရွက်ပေးနိုင် မည့် ဆော့ဝဲလ်အသစ်လည်း ရေးဆွဲနေပြီး နောက်သုံးလခန့် အကြာတွင်
အသုံးပြုနိုင်လိမ့် မည်ဖြစ်ကြောင်းကိုလည်း ဆက်လက်သိရသည်။
အောင်သိုက်
The Myanmar Age

ဒေါ်အောင်ဆန်းစုကြည် ဒီကနေ့ည မွန်ဂိုလီးယားကို ခရီးထွက်

၂၇.၀၄.၂၀၁၃
၁။ ဒေါ်အောင်ဆန်းစုကြည် ဒီကနေ့ည မွန်ဂိုလီးယားကို ခရီးထွက်ပါမယ်။ ကိုရီးယားလေကြောင်းနဲ့ည ၁၁ နာရီ ထွက်မယ်။

၂၈.၄.၂၀၁၃ မွန်ဂိုလီးယားနို င်ငံ အူလန်ဘာတာ (Ulaanbaatar) မြို့သို့
ရောက်ရှိမည်။

၂၉.၄.၂၀၁၃ Ministerial Meeting of the Community of Democracies အစည်း အဝေးသို့ တက်ရောက်မည်။

၃၀.၄.၂၀၁၃ မွန်ဂိုလီးယား သမ္မတ Tsakhiagiin Elbegdorj နှင့်
ဒေါ်အောင်ဆန်းစုကြည်တို့ ပူးတွဲ၍ ‘Mongolian and Myanmar: Road to Freedom and Lessons Learned’ အကြောင်း ပူးတွဲ မိန့်ခွန်းပြောကြားမည်။

၃.၅.၂၀၁၃ မြန်မာပြည်သို့ ပြန်လည်ရောက်ရှိမည်ဟု သတင်း ရရှိပါတယ်။
BBC Burmese

ဒေါ်စုကိုဘာဖြစ်လို့များလူတွေက သည်လောက်တော င်သဲသဲလှုပ်ဖြစ်နေကြရသလဲ။ ကဲကိုကဲလွန်းတယ်လား။

ပြောပြန်ရင်လည်း အောင်ခိုင်လွန်ရာကျမလားမသိပါဘူး။
နယူးယောက်မှာ ထိုင်းဝန်ကြီးချုပ် ဒေါ်ရင်လတ် အင်္ဂလိပ်လို ပြောတော့ တနာရီမပြည့်ခင်အချိန်အတွင်း အင်္ဂလိပ်စာ အလုံး ၄၀ မှားလို့ဆိုပြီး FB မှာဝေဖန်ပြီး ပြောကြဆိုကြ ဒေါ်စုနဲ့နှိုင်းယှဉ်ကဲ့ရဲ့ကြတယ်ဗျ။ တချို့ကလည်း ဒေါ်စုကို ချီးကျူးပါ.. သူများကိုတော့ မကဲ့ရဲ့ပါနဲ့ စသဖြင့် ပြောကြပါတယ်။ ကျနော်စဉ်းစားမိတယ်။ ဒေါ်စုကို မနှစ်သက်တဲ့သူ ဘက်က စိတ်ကူးယဉ်ပြီးတော့ပေါ့လေ။ ဘာဖြစ်လို့များ ဒေါ်စုကို လူတွေက (မြန်မာသာမက တကမ္ဘာလုံး) သည်လောက်တောင် သဲသဲလှုပ်ချစ်ကြ လေးစားကြ ချီးကျူးကြ တသသ တရွရွ တမမ တဖွဖွ ဖြစ်နေရလဲ။ ကဲကိုကဲလွန်းတယ်.။ ဒေါ်စုကို အောက်တန်းကျမိုက်ရိုင်းစွာ အပုပ်ချ ရေးသားနေတဲ့ ၀က်ဆိုက်တခုမှာလည်း ဒေါ်စုရဲ့မကောင်းကွက်တွေကို ရှာကြံပြီး လုပ်ကြံအပုပ်ချကြတယ်။ သန်းပေါင်း ၆၀ လူဦးရေမှာ သူဦးဆောင်မှပဲ တိုင်းပြည် တိုးတက်ပြောင်းလဲ တော့မှာလား.. သူတယောက်ပဲ ရှိသလားလို့။ ဒီလိုပြောင်းပြန် တမင်စဉ်းစားကြည့်ကာမှ အဖြေတွေကပေါ်လာပါတယ်။

၁။ ဘာသာစကား...မြန်မာလူဦးရေ သန်း ၆၀စလုံး အင်္ဂလိပ်စာကျွမ်းကျင်နေဖို့မလိုပါဘူး။ ဂျပန် ထိုင်း တရုတ်တို့မှာလည်းပြည်သူတိုင်း အင်္ဂလိပ်စာ မကျွမ်းကြပါဘူး။သို့သော် နိုင်ငံ အုပ်ချုပ်သူခေါင်းဆောင်များ လူကြီးများ ကတော့ vocabulary, pronunciation, intonation, tone, grammar, usage, ကအစ ကျွမ်းကျင်နေရမှာပါ။ ဒါမှ နိုင်ငံတကာနဲ့ ဆက်ဆံလို့အဆင်ပြေမှာပါ။ ဒီအရည်အချင်းဒေါ်စုမှာ ၁၀၀% ရှိတယ်။

၂။ ဗသုသုတ .... something special, everything normal ဆိုတဲ့ စကားလို အရာရာသော ရှုတ်ထွေး ကျယ်ဝန်းလှသော ပြသနာကိစ္စကြီးငယ် တွေကို အကြမ်းဖျဉ်း(မှန်ကန်စွာ) ခြုံငုံဆင်ခြင်နိုင်သော အထွေထွေ ဗဟုသုတနဲ့ အရေးကြီးသော အကြောင်းအရာတွေကို အဂတိတရားမပါ အမြင်ကြည်လင် မတိမ်းမစောင်း စေ့ငုသေချာ ဂဃနဏသိဖို့လိုပါတယ်။ ဒီအရည်အချင်းဒေါ်စုမှာ ၁၀၀% ရှိတယ်။

၃။ ရုပ်ရည် ....လူတိုင်းဟာ ရုပ်ရှင်မင်းသားမင်းသမီးလိုချောမော လှပနေစရာမလိုပါဘူး။ သို့သော် နိုင်ငံခေါင်းဆောင်ဆိုတာ လူဘုံအလယ်မှာ တင့်တယ်ခန့်ငြား ကျက်သရေရှိသော မျက်နှာမြင် ချစ်ခင်လေးစား လောက်သော (ဒီခေါင်းဆောင်ဟာ အတွင်းစိတ်ကောင်းပါ့မလား..ဟု သံသယ လုံးဝမရှိနိုင်လောက်သော) မျက်လုံး နှုတ်ခမ်း နဲ့ မျက်နှာ သွင်ပြင်ရှိရ ပါမယ်။ အ၀တ်အစားအရောင် ဒီဇိုင်း ရွေးချယ်မှု ကိုယ်နေလှုပ်ရှားဟန် များကလည်း ခန့်ငြားတည်ငြိမ် မဟော့ရမ်း မကလက် ပဲ ဆင့်ရှိအတန်းရှိ နန်းဆန်ရပါမယ်။ ဒီအရည်အချင်းဒေါ်စုမှာ ၁၀၀% ရှိတယ်။ ဒါတောင် အသက်ကြီးသွားလို့။ ခုနေများ ၅၀ကျော်လောက်ဆို ကောင်းလေစွ။

၎။ ပညာ ......တက္ကသိုလ်ကရတဲ့ဘွဲ့မှ ပညာလို့မပြောနိုင်ပါဘူး။ လူမှာ အတတ်ပညာ အသိပညာ နှစ်မျိုးမျှတစွာ ရောစပ်နေဖို့လိုအပ်တဲ့နေရာမှာ နာမည်ကျော်ကမ္ဘာ့တက္ကသိုလ်ကြီးက နိုင်ငံေ၇း ဆိုင်ရာဘာသာရပ်မှာ ရခဲ့တဲ့ ဘွဲ့အပြင် နိုင်ငံတကာမှာလုပ်ကိုင်ခဲ့တဲ့ အတွေ့အကြုံများနဲ့ ရေးသားခဲ့တဲ့ စာအုပ်များစွာ၊ ရောက်လေရာမှာ လေ့လာဆည်းပူးတတ်တဲ့အကျင့်၊ အိမ်မှာ အကျဉ်းကျနေစဉ်ဖတ်ရှုခဲ့တဲ စာအုပ်များစွာကြောင့် ဒီအရည်အချင်း လည်းဒေါ်စုမှာ ၁၀၀% ရှိတယ်။

၅။ သီလ သမာဓိ......နိုင့်ငံခေါင်းဆောင် ဆိုတာ သာမန်ပြည်သူလို သီလမလုံ တရားမရှိ နေချင်သလို နေမရပါ။ ကြံဖန်ပြောရရင် ဒေါ်စုဟာ လူမျိုးခြားကိုလက်ထပ်ခဲ့ခြင်းကလွဲလို့ ဘာမှ အပြစ်ပြောစရာ မရှိအောင်ဘ၀တလျှောက်လုံးနေထိုင်ခဲ့သူဖြစ်ခြင်း၊ (လူမျိုးခြားဆိုပေမဲ့ ဒေါ်စုအား ချစ်ခင်လေးစား တန်ဘိုးထားနားလည်ပေးတတ်တဲ့ ပညာရှိတဲ့ မိမိနှင့် သားများ ကိုပါ ဗုဒဘာသာသို့ပြောင်းလဲခဲ့နိုင်တဲ့ ခင်ပွန်းကောင်းဖြစ်ပါတယ်။)၊ အိမ်တွင်းအကျဉ်းကျစဉ် ၀ိပသနာတရားအားထုတ်မှုကို မပြတ်လေ့ကျင့် ပွားများခဲ့ခြင်း ဆရာတော်ကြီးများရဲ့ဆုံးအမကို မပြတ်ခံယူခြင်း တို့ကြောင့် ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၆။ သတိ...သာမန်လူတိုင်းဟာ မနော ၀စီ ကာယကံများကို အချိန်နဲ့အမျှပြုနေကြရာမှာ အမှတ်တမဲ့ သတိကင်းမဲ့လျက်နဲ့ အမှားများစွာ ပြုပြောတွေးနေမိတတ်ပါတယ်။ ဒေါ်စုရဲ့ အမူအရာ စကားလုံး ကိုယ်နေ ဟန်ပန် တို့ကိုကြည့်ပါ။ ထိုင်နေလျှင် ခါးစန့် ခါးမတ်၊ ဦးခေါင်းကိုမတ်၊ ပျင်းပျင်းရိရိကြောကို မမှီ၊ ဒူးကိုဘယ်တော့မှမချိတ်၊ မိန့်ခွန်းများပြောရာမှာ မည်သည့်ဘာသာစကားကိုပြော ပြော လေသံအတက်အကျက မမြင့်လွန်း မနိမ့်လွန်း မနှေးလွန်း မမြန်လွန်း၊ ပျာယာမခတ်။ ရှူးရှူးရှဲရှဲမရှိ။ မှားလို့ပြန်ပြောရသည်ဆိုသည် မရှိသလောက်ရှား။ ဒါကသတိကပ်နေခြင်းရဲ့ သက်သေ။ အသံကလည်း ပီသ၊ မျက်နှာအမူအရာက တည်သင့်လျှင်တည် ရီသင့်လျှင်ရီ ပြုံးတန်ပြုး ထုံပေပေ ပေါတောတော စပ်ဖြဲဖြဲ ဘယ်ခါမှမရှိ၊ ။ သည်လောက်မအားသည့်ကြားက အ၀တ်အစား ဘိုသီဘတ်သီ မရှိ။ ဒါကြောင့် သတိ ဟူသော...ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၇။ အသံ..... အဆိုတော်များ တမျိုးစီ အသံကောင်းကြပါတယ်။ သီချင်း မဆိုလည်း အသံကောင်းသူ များစွာရှိပါတယ်။ ဒါပေမဲ့ လူတိုင်းရဲ့အသံများမှာ အရောင်လေးတွေပါကြပါတယ်။ အားငယ်သံ မောက်မာသံ အထက်စီးသံ မာနသံ ကြွားဝါသံ ပညာရှိသံ ပညာမဲ့သံ ရိုးသားသံ မြို့ပြသံ ကျေးလက်သံ ဟန်ဆောင်သံ တရားသံ ဆရာကြီးသံ...ပွဲစားသံ ..ထုံထိုင်းသံ..ပျင်းရိသံ...စသဖြင့်။ နိုင်ငံခေါင်းဆောင်၏အသံကတော့ ပညာရှိသံ ပြတ်သားတိကျသံ ရိုးသားဖြူစင်သံနဲ့ တိုင်းသားပြည်သူများအပေါ် မေတ္တာစေတနာငွေ့ လွှမ်းခြုံနေတဲ့ အသံဖြစ်ရပါမယ်။ ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၈။ မျိုးရိုး....ဘယ်လောကမှာမဆိုအောင်မြင်လာမဲ့သူဟာ ရှေ့ကမျိုးရိုးရှိချင် မှရှိမှာပါ။ မျိုးရိုးရှိတိုင်းလည်း ဆက်ခံတဲ့သားသမီးမြေးမြစ်က အဖြစ်ရှိ ချင်မှရှိမှာပါ။ ဗိုလ်မင်းရောင် ဗိုလ်ချုပ်အောင်ဆန်းစတဲ့ သတ္တိပြောင်တဲ့ မျိုးရိုးကို ထိန်းသိမ်းနိုင်တဲ့သွေးနဲ့ မျိုးရိုးအရည်အချင်းမျိုး အကိုမှာတောင် မရှိဘဲ ဒေါ်စုမှာသာလျှင် ၁၀၀% ရှိပြန်ပါတယ်။ အင်မတန် မြန်မာဆန်ပြီး အနေအထိုင် လိမ်မာ ကျစ်လျစ်တဲ့မိခင် ဒေါ်ခင်ကြည့်ရဲ့ သွန်သင်ဆုံးမမှု ဟာလည်း မြန်မာဆန်တဲ့ သတ္တိရှိရဲရင့်တဲ့ သမီးကောင်းလေးကို ပေါ်ထွန်းစေ ခဲ့တာဟာ ငြင်းမရပါဘူး။

၉။ စွန့်လွှတ်အနစ်နာခံသောစိတ်..... နေက္ခမ္မပါရမီလို့ပြောရင် လွန်မလား မသိ။ တိုင်းပြည်ကို ခေါင်းဆောင်မဲ့သူဟာ ပုဂိုလ်ရေးရာ family / personal ခံစားချက်တွေကို အတတ်နိုင်ဆုံး လျစ်လှူရှုနိုင်ရပါမယ်။ မိမိဘ၀နဲ့ အချိန်တွေ စိတ်အာရုံတွေကို နိုင်ငံနဲ့ပြည်သူအတွက် ပေးဆပ်နိုင်ရပါမယ်။ ထိုအရည်အချင်း ဒေါ်စုမှာ ၁၀၀% ရှိကြောင်းကတော့ မိန်းမတသန်းမှာ တယောက်တွေ့ရနိုင်ခဲ့တဲ့ ခင်ပွန်းနဲ့ သားတွေရဲ့ ဘ၀အဆင်ပြေမှုတွေကို လုံးလုံးလျားလျား လျစ်လျူရှုခဲ့တဲ့ ဒေါ်စုရဲ့စိတ်ထားမျိုးကတော့ အထူးပြောစရာမလိုတော့ပါဘူး။

၁၀။ မေတ္တာ..... သတ္တလောကကြီးကို ထိန်းချုပ်ပြောင်းလဲနိုင်စွမ်းရှိသော အရာဟာ စစ်မှန်တဲ့မေတ္တာပါပဲ။ မိမိ မိသားစုဝင် သုံးယောက်က် သန်းပေါင်း ၆၀သော လူသားတွေအတွက် မေတ္တာကြီးစွာထားခဲ့သူပါ။ မေတ္တာတရားနဲ့ပြည့်ဝလွှမ်းခြုံနေတဲ့မျက်ျနှာ မျိုး လူတိုင်းမှာ မတွေ့နိုင်ပါဘူး။ ထိုအရည် အချင်း မေတ္တာဓါတ်မျိုး ဒေါ်စုမှာသာ ၁၀၀% ရှိကြောင်း ဦးနှောက်မှန်တဲ့ လူတိုင်းရဲ့နှလုံးသားက ခံစားလို့ရပါတယ်။

ပြောခဲ့တဲ့ အချက် (၁၀)ချက်အပြင် အခြားများစွာသော ထူးခြားအရည်အချင်း များနဲ့ပြည့်စုံတဲ့ ဒေါ်စုနဲ့ တူညီပြည့်မှီတဲ့ အခြား မြန်မာအမျိုးသမီးတဦးဦး မရှိနိုင်ပါဘူး။ တခုတူရင် တခု လိုနေမှာပါ။

ဒါ့ေ ကြာ င့်.....
မြန်မာနိုင်ငံရှေ့ရေးအတွက် ဦးဆောင်ရမဲ့ နှစ်တရာတခါ ပေါ်ပေါက်ခဲတဲ့ မရှိမဖြစ်တဲ့ ဒေါ်အောင်ဆန်းစုကြည်အပေါ် သည်လောက်တောင် သဲသဲလှုပ်ချစ်ကြ လေးစားကြ ချီးကျူးကြ တသသ တရွရွ တမမ တဖွဖွ ဖြစ်နေကြတဲ့ လူတွေ လုံးဝ မလွန်ပါဘူး ။ကျနော်အခုလို ထင်မြင်ရေးသားမိတာလည်း မလွန်ပါဘူး... ဒေါ်စုကို ချစ်ရင်လေးစားရင် ချစ်နေယုံနဲ့ မပြီးပဲ မိမိတို့ရောက်ရာနေရာတိုင်းမှာ ပြတ်သားရဲရင့် ထက်မြက် တည်ငြိမ်စွာ မြန်မာလူမျိုးသိက္ခာထိန်းကြပါ လို့ရဲရဲကြီးပြောရင်း..
အောင်ခိုင် (၂၄-၄-၂၀၁၂)

ကြွက်နို့တွေအတွက် သဘာဝနည်းလမ်းကောင်းများ

အရေပြားပေါ်မှာ ဖြစ်လာတဲ့ရောဂါဖြစ်ဖြစ်၊ အရေပြားပြသနာပဲဖြစ်ဖြစ် အတော်စိတ်ညစ်ရပါတယ်နော်။ လှလှတွေ ပျက်တာကိုး။:P ရုပ်ဆိုးဆိုးကြွက်နို့လေးတွေ အရေပြားပေါ်မှာပေါ်လာရင်တော့ ပိုဆိုးတာပေါ့။ ရုပ်ဆိုးဆိုးကြွက်နို့ဆိုလို့ ရုပ်ချောတဲ့ ကြွက်နို့ရှိလို့ဟုတ်ဘူး။ :P မာမာကြမ်းကြမ်းနဲ့ အရောင်ကလည်း ညိုသလိုလို မီးခိုးရောင်လိုလို မဲသလိုလိုနဲ့ဆိုတော့ ကြွက်နို့အဖုတွေက ရုပ်ဆိုးတာပဲလေ။ သူတို့ရုပ်ဆိုးတာ အရေးမကြီးဘူး။ ကိုယ်က အလှပျက်တာပေါ့။ အဲ့ဒီတော့ရုပ်ဆိုးဆိုးကြွက်နို့လေးတွေအကြောင်းကို လေ့လာကြည့်ရအောင်ပါ။


ကြွက်နို့ဟာ Human Papilloma Virus (HPV) ကြောင့် ဖြစ်တာပါ။ အဲ့ဒီအကောင်လေးတွေက ဆယ်ကျော်သက်တွေနဲ့ လူကြီးတွေကို ပိုမျက်စိကျတတ်တယ်နော်။ ဖြစ်လာပြီဆိုလည်း မျက်နှာလှလှလေးဆိုပြီး ချန်ထားတယ်မရှိဘူး။ တစ်ကိုယ်လုံး ပေါ်ချင်တဲ့နေရာ ပေါ်လာတတ်တာလေ။ ဒီလောက်ဆိုးတဲ့ ကြွက်နို့တွေကို နှိမ်နင်းရေးနည်းတွေ အများကြီးရှိပါတယ်။ ဆေးလိမ်း၊ ခွဲစိတ်၊ မီးရှို့ နည်းမျိုးစုံပါပဲ။ ဒါတွေကလည်း အရေပြားအထူးကုဆရာဝန်ကြီးတွေနဲ့ သေချာလုပ်ရမှာပါ။

လိမ်းဆေးတွေက ပြင်းတော့ အခန့်မသင့်ရင် ဒုက္ခရောက်နိုင်တယ်။ ကိုယ့်ဟာကိုယ်ခွဲလို့မရ၊ မီးရှို့တာလဲ လူတိုင်းသိတဲ့မီးနဲ့ ရှို့တာမဟုတ်တော့လေ။ ဒီတော့ ဆရာဝန်ကြီးတွေဆီသွားဖို့ အဆင်မပြေသေးဘူးဆိုရင် အန္တရာယ်ရှိနိုင်တဲ့နည်းတွေကို ရမ်းသမ်းပြီးလက်တည့်မစမ်းဘဲ အိမ်မှာအလွယ်တကူလုပ်နိုင်တဲ့ နည်းလေးတွေကို စမ်းကြည့်ရအောင်။

ကြက်သွန်ဖြူ
အနံ့ကနဲနဲဆိုးပေမဲ့ အစွမ်းထက်တယ်နော်။ ကြက်သွန်ဖြူကို ကြိတ်ချေပြီး ကြွက်နို့ပေါ် အုံလိုက်ပါ။ ပြီးတော့ ပတ်တီးစည်းရပါမယ်။ ၄ - ၅ နာရီကြာတဲ့အခါ ပတ်တီးကို ဖယ်လိုက်ပြီး ရေနွေးလေးနဲ့ ဆေးပါ။ ကြွက်နို့ပျောက်သွားတဲ့အထိ နေ့တိုင်းလုပ်ပေးရမယ်နော်။

နာနတ်သီး
ကြွက်နို့က နာနတ်သီးကို ကြောက်တယ်တဲ့။ နာနတ်သီးအရည်ကို ကြွက်နို့ပေါ်တို့ပြီး ရေမဆေးဘဲ ဒီတိုင်းသာ ပစ်ထားလိုက်။ ပြီးတော့ နေ့တိုင်းသာ ပုံမှန်လုပ်ပေးရင် ရက်အနည်းငယ်အတွင်းမှာပျောက်တယ်လို့ သုတေသနတွေထဲမှာ ဖော်ပြထားပါတယ်ရှင်။

ကြက်ဆူဆီ
ကြွက်နို့ကိုတိုက်တဲ့အခါ အံ့ဖွယ်အစွမ်းထက်တဲ့ ကြက်ဆူဆီကို သုံးကြည့်ပါ။ စွမ်းပေမယ့် လွယ်တယ်နော်။ ကြက်ဆူဆီကို ကြွက်နို့ထဲစိမ့်ဝင်အောင် လိမ်းပေးရုံပါပဲ။ တရက်၂ကြိမ် လိမ်းပေးရမှာပါ။ ကြွက်နို့တွေဟာ တဖြည်းဖြည်း ခြောက်လာပြီး ပျောက်သွားပါလိမ့်မယ်။

ငှက်ပျောသီး
ငှက်ပျောသီးကို အရေပြားပြသနာတိုင်းမှာ သုံးလို့ရတယ်နော်။ ခဲတလုံးနဲ့ငှက်နှစ်ကောင်ပစ်ဆိုသလို ကြွက်နို့တွေပျောက်စေတဲ့အပြင် တခြားအနာအဆာတွေပါပျောက်ပြီး အသားအရေပိုလှလာအောင် ငှက်ပျောသီးက အစွမ်းပြနိုင်တယ်လေ။ ငှက်ပျောသီးကို အခွံခွာပြီးရင် စားလိုက်။ :P နောက်တာ ဟုတ်ဘူးနော်။ ခုက အခွံကိုပဲသုံးမှာလေ။ ငှက်ပျောသီးခွံကို သေးသေးလေးဖြစ်အောင်လုပ်ပြီး ကြွက်နို့ပေါ်ကပ်၊ ပြီးတော့ ပတ်တီးထပ်ပတ်၊ ပြီးတော့ ၁၂ နာရီတစ်ခါပြန်လဲ၊ ကြွက်နို့တွေပျောက်သွားတဲ့အထိလုပ်၊ ကြွက်နို့တွေမျိုးပြုတ်ရောတဲ့။

လ္ဘက်ဆီ
လ္ဘက်ဆီက ၀က်ခြံတွေကို ကောင်းကောင်းနှိမ်နင်းပေးသလို ကြွက်နို့တွေကိုလည်း ပျောက်ကင်းစေနိုင်တယ်လေ။ လ္ဘက်ဆီကို ၀ါဂွမ်းမှာဆွတ် ကြွက်နို့ပေါ်ကပ်ပြီး ပတ်တီးစီးထားဖို့ လိုပါတယ်။ ပြီးတော့ အနည်းဆုံး ၇ ရက်ထားပါ။ အရေပြားဆရာဝန်ကြီးတွေ ထောက်ခံထားတဲ့ နည်းလေးပါပဲ။

သံပုရာရည်
သံပုရာရည်ကိုလည်း အရေပြားပြသနာတော်တော်များများမှာ သုံးတယ်နော်။ ကြွက်နို့ကို နှိမ်နင်းဖို့ကတော့ သံပုရာရည်ကို ကြွက်နို့ပေါ်သုတ်လိမ်းပြီး မိနစ်၂၀ ကြာတဲ့အခါ ရေဆေးချလိုက်ရုံပါပဲ။ တစ်ရက်ကို နှစ်ကြိမ်လုပ်ပါ။ သံပုရာရည်ရဲ့ အက်ဆစ်ဓာတ်က ကြွက်နို့ကိုပျောက်စေပါတယ်။

ရှားစောင်းလက်ပတ်
ရှားစောင်းလက်ပတ်ဆိုတာနဲ့ အသားအရေလှစေတဲ့အပြင် ဆေးဘက်လဲဝင်တယ်ဆိုတာ သိကြတယ်နော်။ ခုလည်း ကြွက်နို့ကို နှိမ်နင်းပေးအုံးမှာပါ။ ရှားစောင်းလက်ပတ်ထဲက ဂျလ်တွေကို ကြွက်နို့ပေါ်လိမ်းပေးရုံပါပဲ။ တရက်ကို ၃ ကြိမ်သာလုပ်ပါ။ တစ်ပတ်လောက်ကြာတဲ့အခါ သိသိသာသာ သက်သာလာမှာပါ။
ဆရာဝန်ဖြစ်ပြီး ဗိန္ဓောနည်းတွေပေးနေလို့ အံသြမသွားပါနဲ့အုံး။ သဘာဝဆေးဖက်ဝင်အပင်တွေကလည်း စွမ်းတာပဲ။ ရင်နှင်းတို့ကျောင်းတက်တုန်းက သဘာဝဆေးဖက်ဝင်အပင်တွေနဲ့ တိုင်းရင်းဆေးကို ဘာသာရပ်တစ်ခုအနေနဲ့တောင် သင်ခဲ့ရတယ်လေ။ တကယ်က သဘာဝတရားကြီးက သူ့ရဲ့ရင်သွေးလေးတွေအတွက် လိုတာတွေ စီစဉ်ပေးပြီးသားပါ။ သဘာဝဆေးဘက်ဝင်အပင်တွေရဲ့အစွမ်းကို စမ်းကြည့်ပါဦးနော်။
(ရင်နှင်းငယ်)
ပိုပိုဇော်(သဘာဝအားအင်)
Myawady News

ရခိုင်မှာ ဘင်္ဂါလီစာရင်းကောက် ရိုဟင်ဂျာ လက်မခံ

26 ဧပြီလ 2013
ဒေသခံတွေက သူတို့ကိုယ်သူတို့ ရိုဟင်ဂျာတွေလို့ ပြောဆိုပြီး အစိုးရကတော့ ဘင်္ဂါလီလို့ပဲ ခေါ်ပါတယ်။

အစိုးရက ရခိုင်ပြည်နယ်မှာ ဘင်္ဂါလီ လူဦးရေစာရင်း ကောက်တဲ့အခါ စစ်တွေ၊ သက်ကယ်ပြင်ဘက်က လူတစုက သူတို့ကို ရိုဟင်ဂျာလို့ အစိုးရက စာရင်းမသွင်းပေးတဲ့အတွက် အစိုးရ တာဝန်ရှိသူတွေနဲ့ ဒေသခံတွေကြား ရုန်းရင်းဆန်ခတ် ဖြစ်ပြီး ဒဏ်ရာရမှုတွေ ရှိခဲ့ပါတယ်။

အစိုးရတာဝန်ရှိသူတွေဘက်က နှစ်ဦး ဒဏ်ရာရပြီး၊ ဘင်္ဂါလီ လူငယ်တဦး ခြေထောက်ကို ရာဘာကျည်နဲ့ ပစ်ခတ်ခံခဲ့ရတယ်လို့ ဘီဘီစီက စုံစမ်းသိရပါတယ်။

သက်ဆိုင်ရာ တာဝန်ရှိသူတွေက လူစာရင်း ကောက်တဲ့အခါ ဘင်္ဂါလီလို့ပဲ စာရင်းသွင်းတာကို ဒေသခံတွေက သူတို့ဟာ ရိုဟင်ဂျာတွေ ဖြစ်တယ်လို့ တောင်းဆို ရေးသွင်းခိုင်းပြီး အစိုးရ တာဝန်ရှိသူတွေက မရေးပေးတဲ့အခါ ရိုဟင်ဂျာ၊ ရိုဟင်ဂျာလို့ အော်ဟစ်ကြပြီးနောက်မှာ ထိပ်တိုက် ရင်ဆိုင်မှု ဖြစ်တာပါလို့ ရခိုင်ပြည်နယ် အစိုးရရဲ့ ပြောရေးဆိုခွင့် အဖွဲ့ဝင် ဦးဝင်းမြိုင်က ဘီဘီစီကို ပြောပါတယ်။

ဒေသခံတွေဘက်က ခဲတွေနဲ့ ပေါက်ခဲ့သလို အစိုးရ တာဝန်ရှိသူတွေဘက်ကလည်း တုန့်ပြန် အရေးယူ ဆောင်ရွက်ခဲ့တာတွေ ရှိတယ်လို့လည်း သူက ဆိုပါတယ်။

အခုတော့ ဘင်္ဂါလီ လူစာရင်း ကောက်ယူမှုကို ပြဿနာဖြစ်တဲ့ နေရာတွေမှာ ယာယီ ရပ်ဆိုင်းထားမယ်၊ ကျန်တဲ့ ရခိုင်ပြည်နယ်တွင်းက နေရာတွေမှာတော့ ဆက်လက် ကောက်ယူသွားမယ်လို့ သိရပါတယ်။

ရခိုင်ပြည်နယ်တွင်း ဘင်္ဂါလီ လူစာရင်း စာရင်းကောက်ယူမှုကို ဒီကနေ့ကစလို့ မေလ ၁၅ ရက်အထိ ကောက်ယူမှာ ဖြစ်ပါတယ်။
BBC Burmese

ဒါလဲဟုတ်တာပဲ

FB-ပဲခူး သတင်းစဉ်

ငါလေ...လုပ်လိုက်ရဟွန်း

FB-စကားပြောနေသော ကာတွန်းလေးများ

ဝန်ထမ်းအင်အားခြောက်ဆတိုးမည် FDA ကို ဦးစီးဌာနအဖြစ် တိုးချဲ့ဖွဲ့စည်းမည်

နယ်စပ်ကုန်သွယ်ရေးစခန်းများ၊ တိုင်းဒေသကြီးနှင့် ပြည်နယ်များတွင် အစားအသောက်နှင့် ဆေးဝါးကွပ်ကဲရေးစခန်းများ တိုးချဲ့ဖွင့်လှစ်သွားမည်ဖြစ်ကြောင်း နေပြည်တော်ရှိ အစားအသောက်နှင့် ဆေးဝါးကွပ်ကဲရေးဌာန FDA မှ တာဝန်ရှိသူက ပြောသည်။

FDA သည် အဆိုပါစခန်းများ တိုးချဲ့ရေးအတွက် ၀န်ထမ်းအင်အားကို ခြောက်ဆခန့်တိုးမြှင့်ခန့် ထားရန် စီစဉ်နေကြောင်းလည်း ၎င်းကပြောသည်။ လက်ရှိ ဖွဲ့စည်းပုံအရ FDA တွင် ၀န်ထမ်းအင်အား ၁၁၄ ဦးခန့်ထားရာမှ အရာထမ်း ၁၅၀ နှင့် အမှုထမ်း ၅၁၅ ဦးတို့ အပါအ၀င် ၀န်ထမ်းအင်အား ၆၆၅ ဦးအထိ ပါဝင် သည့်ဖွဲ့စည်းပုံသို့ အသစ်တိုးချဲ့ ဖွဲ့စည်းမည်ဖြစ်ကြောင်း ၎င်းကပြောကြားသည်။

FDA သည် လက်ရှိအချိန်တွင် နေပြည်တော်၊ ရန်ကုန်နှင့် မန္တလေးမြို့များတွင် အစားအသောက်နှင့် ဆေးဝါးကွပ်ကဲရေးဌာနများ ဖွင့်လှစ်ထားပြီး ၀န်ထမ်းအင်အားတိုးချဲ့ ပြီးပါက အခြားတိုင်းဒေသကြီးနှင့် ပြည်နယ်များတွင်လည်း ဌာနခွဲများ တိုးချဲ့ဖွင့်လှစ်သွားမည်ဖြစ်ကြောင်း အဆိုပါ တာဝန်ရှိသူကပြောသည်။

ပြီးခဲ့သည့်နှစ် စက်တင်ဘာလမှစတင်ပြီး နယ်စပ်ကုန်သွယ်ရေးစခန်းနှစ်ခုဖြစ်သည့် မြ၀တီနှင့် မူဆယ်တို့တွင် ဖွင့်လှစ်ထားသည့် အစားအသောက်နှင့်ဆေးဝါးကွပ်ကဲ ရေးရုံးခွဲများကဲ့သို့သော ရုံးခွဲများကို လည်း အခြားနယ်စပ်ကုန်သွယ်ရေးစခန်းများတွင် ဖွင့်လှစ်မည်ဟုလည်း အဆိုပါတာဝန်ရှိသူကပြောသည်။

“ဆေးဝါးအတုဝင်တာကတော့ တရုတ်နဲ့အိန္ဒိယ အများဆုံးပဲ။ ပုံမှန်လမ်းကြောင်းက စစ်ပေမယ့် မှောင်ခိုလမ်းကြောင်းဘက်ကလည်း အတုတွေ ၀င်နိုင်တယ်။ ဆေးဝါးအတုအပြင် အရည်အသွေးလျှော့ပြီး သွင်းနေတာတွေလည်း စစ်ဆေးဖို့ အရေးကြီးတယ်”ဟု မင်္ဂလာဈေးမှ ဆေးကုန်သည်တစ်ဦးက ပြောသည်။
 7Day News Journal

လက်ပံတောင်းတောင်တွင် ရဲတပ်ဖွဲ့ဝင်များနှင့်ဒေသခံများ ထိပ်တိုက်တွေ့ ၁၈ ဦးဒဏ်ရာရ

ပုဒ်မ ၁၄၄ ထုတ်ပြန်ထားသော လက်ပံတောင်းတောင် ကြေးနီစီမံကိန်းနယ်မြေအတွင်း ဧပြီလ ၂၄ ရက် နံနက်ပိုင်းက လုံခြုံရေးတပ်ဖွဲ့ဝင်များနှင့် ကွန်ရက်တစ်ခုမှ အဖွဲ့ဝင်အချို့ ပါဝင်သော ဒေသခံများ ပဋိပက္ခဖြစ်ပွားခဲ့ရာ ရဲအရာရှိများ အပါအ၀င် ၁၈ ဦးခန့် ဒဏ်ရာ ရရှိခဲ့ပြီး ဒေသခံအချို့ကို ထိန်းသိမ်းထားကြောင်း သတင်းရရှိသည်။

ဆားလင်းကြီးမြို့နယ်၊ ဆည်တည်းရွာအနီးရှိ ပုဒ်မ ၁၄၄ ထုတ် ပြန်ထားသော လယ်မြေအတွင်း ကြေးနီစီမံကိန်းကန့်ကွက်သူများနှင့် ထိပ်တိုက်တွေ့ဆုံပြီးနောက် နှစ်ဖက်စလုံး ထိခိုက်ဒဏ်ရာ ရရှိခဲ့ခြင်း ဖြစ်သည်။

“ပထမအယောက် ၇၀ လောက်ရှိတယ်။ တားမြစ်နယ်မြေထဲ မလုပ် ဖို့ပြောတယ်။ သူတို့ရန်ပြုဖို့ ကြိုးစား ကြတော့ ဒိုင်းတွေနဲ့ အသံပေးလှန့် လိုက်တော့ ပြန်သွားကြတယ်။ ပြီးမှလူစုပြီး ပြန်လာတာ အယောက် ၂၀၀ လောက်ရှိတယ်”

“ကျွန်တော်တို့က ဦးဆောင်တဲ့ကွန်ရက်အဖွဲ့ဝင်တစ်ယောက်ကို ဖမ်းဆီးဖို့လုပ်တော့ ဖြစ်ကြတာ။ သူတို့က ခဲတွေ၊ စက်ဘီး ကုံးသီးတွေနဲ့ ပစ်တယ်။ တုတ်နဲ့ဝင်ရိုက်တယ်။ ကျွန်တော်တို့က ပထမနောက်ကို ဆုတ်တယ်။ လူစုခွဲဖို့ ပြောလို့မရတော့မှ မိုးပေါ်ကိုခြောက်လှန့်ပြီး ပစ်တာပါ” ဟု မုံရွာခရိုင်ရဲတပ်ဖွဲ့မှူး ရဲမှူးကြီးတင်ထွန်းက ပြောသည်။

ထိပ်တိုက်တွေ့ဆုံမှုကြောင့် ၎င်းနှင့် စစ်ကိုင်းတိုင်းရဲတပ်ဖွဲ့မှူး၊ မြို့နယ်မှူးအပါအ၀င် လုံခြုံရေးတပ် ဖွဲ့ဝင် ၁၅ ဦး ဒဏ်ရာရရှိခဲ့ပြီး ဒေသခံများမှ သုံးဦးဒဏ်ရာရရှိခဲ့ရာ တစ်ဦးမှာ လက်မောင်းတွင် သေနတ်ဒဏ်ရာ ရရှိခဲ့ခြင်းဖြစ်ကြောင်း အထက်ပါ ပုဂ္ဂိုလ်ကဆက်လက်ပြောသည်။

ထိပ်တိုက်တွေ့ဆုံမှုတွင် ဒေသခံများက ပုလင်းထဲ ဓာတ်ဆီထည့် ပြုလုပ်သော လက်လုပ်မီးလောင်ဗုံးများကို အသုံးပြုခဲ့သည်ဟု ရဲတပ်ဖွဲ့က စွပ်စွဲပြောဆိုခဲ့ပြီး ဒေသခံများကမူ လုံခြုံရေးတပ်ဖွဲ့ဝင်များ အင်အားသုံးမှုကြောင့်ဟု တုံ့ပြန်ပြောဆိုကြသည်။

“ကိုယ့်လယ်ကိုယ် ပြန်ထွန်ဖို့ ကြိုးစားတာ။ သက်ဆိုင်ရာက တားလို့ဖြစ်ရတာ” ဟု မိုးကြိုးပြင်(မြောက်) ရွာသားတစ်ဦးက ပြောသည်။

ဒဏ်ရာရရှိသော ဒေသခံ သုံး ဦးကို မုံရွာပြည်သူ့ဆေးရုံကြီးသို့ ပို့ ဆောင်ထားပြီး စိုးရိမ်စရာအခြေအ နေမရှိဟု ဒေသခံလူမှုရေး အဖွဲ့အစည်းများထံမှ သတင်းရရှိသည်။

ကွန်ရက်အဖွဲ့တစ်ခုမှ အဖွဲ့ ၀င်တစ်ဦးနှင့် ဒေသခံနှစ်ဦးကို ထိန်း သိမ်းထားကြောင်း မုံရွာခရိုင်ရဲတပ် ဖွဲ့မှ ဆက်လက်သတင်းရရှိသည်။

“အားလုံးကို ဥပဒေနဲ့အညီ ထိန်းထိန်းသိမ်းသိမ်းဖြစ်စေချင်ပါတယ်။ တရားဥပဒေကို ချိုးဖောက် ရင်တော့ တာဝန်အတိုင်း ဆောင်ရွက်ရပါတယ်”ဟု စစ်ကိုင်းတိုင်း ရဲ တပ်ဖွဲ့မှ အဆင့်မြင့်အရာရှိတစ်ဦးက ပြောသည်။

အဆိုပါ ဖြစ်စဉ်များတွင် ရန်ကုန်ပြည်သူ့အကျိုးဆောင်ကွန် ရက်မှ ကိုအောင်စိုး၊ ကိုထက်၊ ရန်ကုန်ဝိဇ္ဇာ/သိပံ္ပ ကျောင်းသား သမဂအဖွဲ့မှ ကိုသောင်းထိုက်ဦးတို့ ပါဝင်ပြီး ယင်းကွန်ရက်အဖွဲ့ဝင်များ ၏ သွေးထိုးလှုံ့ဆော်မှုများကြောင့် ဒေသခံရွာသားများက လက်လုပ် မီးလောင်ဗုံးဖြင့် ပစ်ခတ်ခြင်းအပါ အ၀င်အကြမ်းဖက်လုပ်ရပ်များကို ပြုလုပ်ခဲ့ခြင်းဖြစ်ကြောင်း နိုင်ငံတော်ပိုင်ရုပ်သံဌာနများမှတစ်ဆင့် ပြည် ထဲရေးဝန်ကြီးဌာနက ထုတ်ပြန်ကြေညာခဲ့သည်။

တာဝန်ရှိသူများ အနေဖြင့် လက်ပံတောင်းတောင် စုံစမ်းစစ် ဆေးရေး ကော်မရှင် အစီရင်ခံစာနှင့် အညီ ဆောင်ရွက်ပေးနေပြီး ဥပဒေနှင့်အညီ ဆောင်ရွက်ကြရန် သတိ ပေးခဲ့သော်လည်း ဆူပူအကြမ်းဖက်မှု များ ဆိုးရွားလာခဲ့သဖြင့် သတိပေးခြောက်လှန့်ပစ်ခတ်မှုများကို ဆောင်ရွက်ရခြင်းဖြစ်ကာ မင်းမဲ့စရိုက်ဆန်ဆန် လုပ်ဆောင်မှုကြောင့် ဖမ်းဆီး ရမိသူများအား ထိရောက်စွာအရေး ယူဆောင်ရွက်သွားမည့်အပြင် ပြစ်မှုကျူးလွန်သူများကိုလည်း ဖော်ထုတ်အရေးယူ ဆောင်ရွက်သွား မည်ဖြစ်ကြောင်း ထုတ်ပြန်ကြေညာခဲ့သည်။

“အခုပါတဲ့သူတွေက လျော်ကြေးမယူကြတဲ့သူများပါတယ်။ ဘာပဲပြောပြော ခဏခဏ ဒီလိုဆူပူတာတွေက မကောင်းဘူး။ အေးအေးချမ်းချမ်းပဲ ပြီးစေချင်တယ်”ဟု ၀က်မှေးကျေးရွာသားတစ်ဦးက ပြောသည်။

၈၈ မျိုးဆက်ကျောင်းသားများ အဖွဲ့ကလည်း အခင်းဖြစ်ပွားပြီး နောက် ယနေ့နေ့ခင်းပိုင်းတွင် ပြည်သူတို့၏ ငြိမ်းချမ်းစွာလှုပ်ရှားမှုများအား အကြမ်းဖက်နှိမ်နှင်းခြင်းကို လုံးဝလက်မခံနိုင်ကြောင်း၊ ပုဒ်မ ၁၄၄ ထုတ်ပြန်ထားသည့်မြေကို အခြေပြုလုပ်ကိုင်စားသောက်နေရသော လယ်သမားများကို မည်သည့်အာမခံချက်ပေးနိုင်မည်ကို အစိုးရက ညှိနှိုင်းအဖြေရှာရန် လိုအပ်ကြောင်း သဘောထားထုတ်ပြန်ခဲ့သည်။

၂၀၁၀ ပြည့်နှစ်အတွင်း စတင်ခဲ့ သော လက်ပံတောင်းတောင်ကြေးနီ စီမံကိန်းကို ဒေသခံများက ဆက်တိုက်ကန့်ကွက်ခဲ့ကြရာ ယမန်နှစ် နိုဝင်ဘာ ၂၉ ရက်တွင် အထွေထွေ သပိတ်စခန်းများကို အင်အားသုံး ဖြိုခွဲခံရပြီး သံဃာတော်အများစု အပါအ၀င် ဒေသခံများ ဒဏ်ရာပြင်း ထန်စွာရရှိခဲ့၍ ဝေဖန်မှုများစွာရှိ သည်။

ထို့အပြင် ကော်မရှင်ဥက္ကဋ္ဌ လူထုခေါင်းဆောင် ဒေါ်အောင်ဆန်းစုကြည်ကို ကန့်ကွက်ဆန္ဒပြသည်အထိ ဖြစ်ပွားခဲ့ပြီး ဆနပြမှုများ နောက်ကွယ်တွင် ကြိုးကိုင်လှုပ်ရှား သူများ ရှိနေကြောင်းလည်း ဝေဖန်ပြောဆိုမှုများ ထွက်ပေါ်လာခဲ့ သည်။

ယနေ့ဖြစ်စဉ်တွင် မြန်မာနိုင်ငံ ရဲတပ်ဖွဲ့မှ ၁၅ ဦး ဆူပူအကြမ်းဖက်သူ သုံးဦး ဒဏ်ရာရရှိခဲ့ပြီး စစ်ကိုင်းတိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး၏ ကြီးကြပ်မှုဖြင့် တိုင်းဒေသကြီးရဲတပ်ဖွဲ့နှင့် အမှတ် (၁၆) ရဲတပ်ရင်းတို့က လုံခြုံရေးဆောင်ရွက်နေကြောင်း သတင်းရရှိသည်။
 7Day News Journal

မန်ယူ ရန်ပုံငွေပွဲမှ ရရှိငွေနှင့် ဒေါ်လာ သုံးသောင်း သုံးနေရာလှူမည်

ရန်ကုန်၊ ဧပြီ ၂၆။
လာမည့် မေလ (၉)ရက်နေ့တွင် သုဝဏ္ဏကွင်း၌ ကျင်းပမည့် မန်ယူ ကစားသမားဟောင်းများနှင့်
မြန်မာအသင်းတို့၏ ရန်ပုံငွေ ခြေစမ်းပွဲစဉ်မှ ရရှိသော ကွင်းဝင်ကြေးငွေကို နေရာ သုံးနေရာသို့
ခွဲဝေ လှူဒါန်းမည် ဖြစ်ပြီး ဧရာဝတီဖောင်ဒေးရှင်းမှလည်း ဒေါ်လာ သုံးသောင်း လှူဒါန်းမည်
ဖြစ်ကြောင်း သိရသည်။

ဘောလုံးအဖွဲ့ချုပ် ဥက္ကဌ ဦးဇော်ဇော်က “ ဒီပွဲစဉ်ကရတဲ့ ကွင်းဝင်းကြေးနဲ့ စပွန်စာရတဲ့
ငွေကြေးတွေကို နေရာသုံးနေရာခွဲဝေ လှူဒါန်းသွားမှာပါ၊ လောလောဆယ်တော့
ဧရာဝတီဖောင်ဒေးရှင်းက အဲဒီ သုံးနေရာအတွက် ဒေါ်လာ တစ်သောင်းစီ သုံးသောင်း လှူဖို့
စီစဉ်ထားပါတယ်”ဟု ယနေ့ ညနေ ၄ နာရီခွဲက Park Royal Hotel ၌  ပြုလုပ်သော စာနယ်ဇင်း
ရှင်းလင်းပ္ပွဲ္ပ္ပတွင် ပြောကြားသည်။

အဆိုပါ ပွဲစဉ်ကို ဧရာဝတီ ဖောင်ဒေးရှင်း၊ CEA Myanmar နှင့် Park Royal Hotel
တို့ကစီစဉ်ခြင်းဖြစ်ပြီး ရရှိမည့် ကွင်းဝင်ကြေးငွေများ ကို ဘုန်းတော်ကြီးသင်ပညာရေးကျောင်း၊
ဆေးရုံနှင့် HIV ပြန်လည်ထူထောင်ရေး လုပ်ငန်းများသို့ လှူဒါန်းသွားမည် ဖြစ်ကြောင်း သိရသည်။

မြန်မာနိုင်ငံသို့ ပထမဆုံး လာရောက်သည့် မန်ယူ ကစားသမားဟောင်းများသည်  မြန်မာနိုင်ငံ
ဘောလုံးအားကစားနည်း ပြန့်ပွားအောင် ကူညီလိုသည့်အပြင် လူမှုရေးလုပ်ငန်းများကိုလည်း လုပ်ကိုင်လိုသည်ဟု သိရကြောင်း ဘောလုံးအဖွဲ့ချုပ် ဥက္ကဌ ဦးဇော်ဇော်က ဆက်လက် ပြောကြားသည်။

၁၉၉၉ ခုနှစ်က မန်ချက်စတာ ယူနိုက်တက် အသင်းနှင့်အတူ ဆုဖလား သုံးလုံး ရရှိခဲ့သော အင်ဒီကိုးလ်၊ ဒင်းနစ်အာဝင် တို့အပါအဝင် မန်ယူ ကစားသမားဟောင်း များ ဖြစ်ကြသည့် လီရှပ်နှင့် ဘလက်မိုးတို့လည်း ပါဝင်လာမည် ဖြစ်ပြီး မြန်မာအသင်းဘက်မှ လက်ရွေးစင် စီနီယာ ကစားသမားများ၊ မြန်မာနေရှင်နယ်လိဂ် မှ နိုင်ငံခြားသား ကစားသမားများ ပါဝင်ကစားကြမည် ဖြစ်ကြောင်း သိရသည်။

ကွင်းဝင်ကြေးကိုလည်း ပုံမှန် နှုန်းထားအတိုင်း (၁ဝဝဝ)ကျပ်နှင့် (၅ဝဝ)ကျပ်သာ သတ်မှတ် ထားကြောင်း
သိရပြီး ပွဲမစမီ ဖျော်ဖြေရေးများနှင့်လည်း တင်ဆက်သွားမည် ဟု သိရသည်။
ထက်နောင်နောင်
The Myanmar Age

မြန်မာပြည်တွင် ကမ္ဘာ့အသိဉာဏ် ပစ္စည်းနေ့ အခမ်းအနား ပထမဆုံးအကြိမ်ကျင်းပ

ရန်ကုန်၊ ဧပြီ ၂၆။
ကမ္ဘာ့အသိဉာဏ်ပစ္စည်းနေ့ အခမ်းအနားကို ကမ္ဘာအေး ဘုရားလမ်းပေါ်ရှိ မြန်မာ့သိပ္ပံနှင့် နည်းပညာ
သုတေသန ဦးစီးဌာန၌ ဧပြီလ ၂၆ ရက်တွင် “တီထွင်ဖန်တီးချက် မျိုးဆက်သစ်အတွက်” ဟူသော ဆောင်ပုဒ်ဖြင့် ပထမဆုံးအကြိမ် ကျင်းပပြုလုပ်ခဲ့ကြောင်း သိရသည်။

Wipo Convention ကို ၁၉၇၀ ခုနှစ်မှစ၍ ကျင်းပခဲ့ပြီး မြန်မာနိုင်ငံသည် ၂၀၀၁ ခုနှစ်တွင် Wipo ၏
၇၆ ကြိမ်မြောက် အဖွဲ့ဝင်နိုင်ငံ ဖြစ်လာကြောင်း၊ သို့သော် ယခုမှ ယင်းပွဲကို ပထမဆုံးအကြိမ်
စတင်ကျင်းပခြင်း ဖြစ်ကြောင်း သိရသည်။

“အသိဉာဏ်ပစ္စည်း မူပိုင်ခွင့်ဟာ လူသားအားလုံးနဲ့ သက်ဆိုင်တယ်။ မူပိုင်ခွင့်ဟာ Intellectual Property
ကို ကာကွယ်ပေးတာ မရှိဘူးဆိုရင် အသစ်အသစ်တွေကို သွားနိုင်မှာ မဟုတ်ဘူး။ လူသားတွေရဲ့ တီထွင်ဖန်တီးနိုင်မှု
စွမ်းရည်ဟာ ကန့်သတ်လို့ မရတဲ့အတွက် ဒီအရင်းအမြစ်တွေကို အသုံးချပြီး စီးပွားရေး၊ လူမှုရေးနဲ့
သိပ္ပံနည်းပညာတွေကို တိုးတက်အောင် လုပ်ရမယ်” ဟု မြန်မာ့သိပ္ပံနှင့် နည်းပညာ သုတေသန ဦးစီးဌာနမှ
ညွှန်ကြားရေးမှူးချုပ် ဦးဝင်းခိုင်မိုးက ပြောကြားသည်။

ယနေ့ ပြုလုပ်သော ကမ္ဘာ့အသိဉာဏ်ပစ္စည်းနေ့ အခမ်းအနားသည် မူပိုင်ခွင့်ဆိုင်ရာ အသိပညာ ဗဟုသုတ
ဖွံဖြိုးတိုးတက်ရန် အတွက်သာ မဟုတ်ဘဲ လူထုကြားတွင် အသိဉာဏ်ပစ္စည်း မူပိုင်ခွင့်ဆိုင်ရာ အခွင့်အရေးများကို
ထိရောက်စွာ အသုံးပြုနိုင်ခွင့်အပြင် စီးပွားရေး၊ လူမှုရေး ကဏ္ဍများပါ ပိုမိုတိုးတက်လာစေရန်
ရည်ရွယ်ကြောင်း ယင်းက ဆက်လက် ပြောကြားသည်။

“၂၀၀၆ မှာ private centre အနေနဲ့ ကျင်းပခဲ့တယ်။ ၂၀၀၉ လောက်ကစပြီး Intellectual
Property နဲ့ ပတ်သတ်လို့ ဂုဏ်ပြုဆု ပေးတာမျိုးတွေ ရှိခဲ့ပေမယ့် ဝန်ကြီးဌာန အနေနဲ့တော့ ဒါ
ပထမဆုံးအကြိမ် ကျင်းပခြင်းဖြစ်တယ်” ဟု တရားလွှတ်တော်ရှေ့နေ ဦးအောင်စိုးဦးက ပြောသည်။

ကမ္ဘာ့ အသိဉာဏ်ပစ္စည်း ဆိုင်ရာ အဖွဲ့အစည်း  Wipo က  Wipo Convention ကို ၁၉၇၀ ခုနှစ်မှစ၍
ကျင်းပခဲ့ပြီး ကမ္ဘာ့အသိဉာဏ် ပစ္စည်းနေ့ကို ဗဟုသုတများဆိုင်ရာ ဖွံ့ဖြိုးတိုးတက်မှု၊ တီထွင်ဖန်တီးနိုင်မှု
စွမ်းအား မြှင့်တင်နိုင်စေရန်၊ အဖွဲ့ဝင်နိုင်ငံများအတွင်း အသိဉာဏ်ပစ္စည်း မူပိုင်ခွင့်ဆိုင်ရာ ကိစ္စရပ်များ
မျှဝေနိုင်ရန် ရည်ရွယ်၍ ကျင်းပခဲ့ခြင်းဖြစ်ကြောင်း၊ မြန်မာနိုင်ငံသည် ၂၀၀၁ ခုနှစ်တွင် Wipo ၏ ၇၆
ကြိမ်မြောက် အဖွဲ့ဝင်နိုင်ငံ ဖြစ်လာကြောင်း၊ သို့သော် ယခုမှ ကမ္ဘာ့အသိဉာဏ် ပစ္စည်းနေ့ အခမ်းအနားကို
ပထမဆုံးအကြိမ် စတင်ကျင်းပခြင်း ဖြစ်ကြောင်း သိရသည်။
ရည်မွန်
The Myanmar Age

ပြည်မြို့တွင် ကားတိုက်ခံရသည့် ကလေးငယ် အခြေအနေ စိုးရိမ်ရ

ပြည်၊ ဧပြီ ၂၅။
ပြည်မြို့ ဈေးကြီးအနီး (AEC) စတိုးဆိုင်အရှေ့တွင် ယမန်နေ့ ည(၈)ခန့်က ဖြစ်ပွားခဲ့သည့်
ယာဉ်တိုက်မှုတွင် အတိုက်ခံရသည့် ကလေးငယ်၏ အခြေအနေမှာ စိုးရိမ်ရသည့် အခြေအနေရှိနေပြီး
ရန်ကုန်ဆေးရုံကြီးသို့ အချိန်မီ ပို့ဆောင်ရန်လိုအပ်ကြောင်း ကလေး မိခင်ဖြစ်သူက ပြောကြားသည်။

“ကလေးက ခြေထောက်ကိုင်တာတောင် အကိုင်မခံဘူး။ ဗိုက်အောင့်တယ်၊ ဗိုက်အောင့်တယ်ဆိုပြီး အော်နေတယ်။
ရန်ကုန်ဆေးရုံကြီး ပို့ရ မယ် လို့ ဆရာဝန်က ပြောတယ် ” ဟု မိခင်ဖြစ်သူက မြန်မာ့ခေတ်သို့ ပြောကြားသည်။

ယာဉ်တိုက်ခံရသူ မဇွန်ပွင့်ဖြူခေါ် အသက် ခြောက်နှစ်အရွယ် ကလေးငယ်မှာ ဆီးအိမ်အက်ကွဲဒဏ်ရာရရှိပြီး
ဘယ်ဘက်ခါး သုံးချက်ချုပ်ရကာ ရင်ဘတ်တစ်ခုလုံး ပွန်းပဲ့ဒဏ်ရာများရရှိခဲ့ကြောင်း ပြည်မြို့
ပြည်သူ့ဆေးရုံကြီးမှ သိရသည်။

ပြည်မြို့၊ အမှတ်(၁)ရဲစခန်းမှ တာဝန်ရှိသူတစ်ဦးက “သူတို့က အမှုလာတိုင်တာ နောက်ကျတယ်။
ဘယ်လိုတိုက်မိတယ်ဆိုတာ ကျွန်တော်တို့ မသိလိုက်ရဘူး။  မျက်မြင်အခြေအနေလည်း မတွေ့လိုက်ရဘူး။ အခုတော့
ကားလည်း သွားသိမ်းထားပြီးပြီ”ဟု  မြန်မာ့ခေတ်သို့ ပြောကြားသည်။

အသက် ၂၆ နှစ်ရှိ အောင်ကိုဟိန်း မောင်းနှင်လာသော ဒိုင်နာအစိမ်းရောင်သည် ကလေးငယ်ကို ဘေးဘက်မှ
ဝင်ရောက် တိုက်မိခဲ့ကြောင်း၊ အဆိုပါ အမှုကို ပြည်မြို့ အမှတ်(၁)ရဲစခန်းတွင် ပ-၈/၃၃၈(ယာဉ်)ဖြင့်
အရေးယူထားကြောင်း အမှတ်(၁)ရဲစခန်းမှ သိရသည်။
ကိုရေခဲ(ပြည်)
The Myanma Age

တာမွေ ရာပြည့်ဈေး တိုးချဲ့ဆောက်လုပ်ရာ၌ လက်ရှိဈေးသူဈေးသားများ နေရာပြန်မရမည်ကို စိုးရိမ်

ရန်ကုန်၊ ဧပြီ ၂၆။
လာမည့် မေလ ၄ရက်နေ့မှစတင်၍ တာမွေမြို့နယ်ရှိ ရာပြည့်ဈေးအား ၁၂ထပ်တိုက်ဆောက်လုပ်မှုကြောင့်
ယင်းကန်ထရိုက် ဆောက်လုပ်ပြီးစီးသွားပါက နေရာ ပုံမှန်ပြန်မရမည်ကို စိုးရိမ်နေကြကြောင်း ယင်းဈေးတွင်နှစ်ပေါင်း ၂၀ကျော်ကြာရောင်းချလျက်ရှိကြသည့် သားငါးတန်းမှ ဈေးရောင်းသူအချို့၏
ပြောကြားချက်အရ သိရသည်။

“အခုက ဈေးဝန်ထမ်းတွေက ၅လပိုင်း ၁ရက်နေ့ ဈေးပြောင်းရွှေ့ရမယ်ဆိုပြီး ဒီလ ၇ရက်နေ့က
သတိပေးစာလာကပ်သွားတယ်။ ဘာမှ သေ သေချာချာလည်းမပြောဘူး။ ဘယ်ကုမ္ပဏီမှန်းလည်း မပြောတော့။ ဈေးသည်တွေက သဘောမတူဘူးဖြစ်နေတယ်။ ပိုဆိုးတာက ဒီဈေးကို ၁၂ ထပ် တိုက်ဆောက်ပြီး မြေညီထပ်မှာ ပေးမယ်လို့ ပြောထားပေမယ့် တကယ်လက်မှတ်ထိုးပြီး တရားဝင်လုပ်ပေးတာမျိုးမရှိတော့ အားလုံးက ပုံမှန်နေရာပြန်မရမှာ စိုးရိမ်နေကြတယ်”ဟု အဆိုပါဈေးတွင် တစ်ဆိုင်တည်းရှိသည့် အမဲသားရောင်းချနေသူ ဒေါ်လှဝင်းက ပြောကြားသည်။

ထို့ပြင် ယင်းသို့ အဆင့်မြင့်ဆောက်လုပ်မည်ဖြစ်သည့်အတွက် ပြန်လည်နေရာချထားပေးခြင်းများအား
အာမခံတရားဝင်စာချုပ်သဘောမျိုးဖြင့် မပေးပါက ယင်းနေ့တွင် ဖယ်ရှားပေးမည်မဟုတ်ကြောင်းနှင့်
၁၂ထပ်တိုက် ဆောက်လုပ်သည့်အချိန်၌လည်း ယခင်က ဗဟန်းမြို့နယ်ရှိ ဗိုလ်စိန်မှန်ကွင်းတွင်
ပြောင်းရွှေ့ရောင်းချရန် စီစဉ်ပေးမည်ဆိုသော်လည်း ယခုတွင် တာမွေအခွန်လွတ်ဈေး၌
နေရာချထားပေးခြင်းမှာ အဆင်မပြေ မှုများ ရှိနေကြောင်း သားငါးတန်း၌ ဝက်သားရောင်းချသူ
ဒေါ်ချိုချိုမြင့်က ဆိုသည်။

ယင်းသို့ စိုးရိမ်မှုများရှိနေခြင်းနှင့် စပ်လျဉ်း၍ အောင်ကောင်းကျော်ကုမ္ပဏီ၏ CEO ဖြစ်သူ
ဦးအေးစိုးမှ ယင်းရာပြည့်ဈေးအား ၁၂ထပ်တိုက် အဖြစ် ပြန်လည်ပြုပြင်ဆောက်လုပ်ရာတွင်
နှစ်နှစ်ခန့်အချိန်ယူဆောက်လုပ်မည်ဖြစ်ကြောင်းနှင့် လက်ရှိရောင်းချနေသည့် ဈေးသည်များ အတွက်လည်း
မြေညီထပ်ဆောက်လုပ်ပြီးစီးပါက ပြန်လည်နေရာချပေးသွားရန် သက်ဆိုင်ရာများနှင့် အာမခံထားပြီးကြောင်း ဧပြီလ ၂၆ရက် နေ့တွင် အဆိုပါဈေး အား လေ့လာကြည့်ရှုစဉ် ဈေးသူဈေး သားများနှင့်တွေ့ဆုံ၍ ပြောကြားချက်မှ သိရသည်။

“ပထမတော့ ဗဟန်းက ဗိုလ်စိန်မှန်ကွင်းမှာ ရောင်းချဖို့ စီစဉ်ပေးသေးပါတယ်။ ဒါပေမယ့် ဗဟန်းကလူတွေက တာမွေကလူတွေကို လက်မခံ ဘူး။ ပြီးတော့ အဲဒီကွင်းကိုသွားကြည့်တဲ့ ကျွန်တော်တို့ကုမ္ပဏီကဝန်ထမ်းတချို့ကိုလည်း ဖမ်းဆီးထားလို့ သွားထုတ်ပေးရတာတွေ ရှိတယ်။ ဘယ်လိုမှညှိလို့မဆင်မပြေဘူး။ အဲဒါကြောင့် ယာယီအနေနဲ့ ဒီဈေးရဲ့ ကိုက် ၁၀၀ပတ်လည်မှာရှိတဲ့ အခွန်လွတ်ဈေးမှာ နေရာချပေးရတာ ဖြစ် ပါတယ်။ ဒီတိုက်ဆောက်တဲ့အခါမှာ မြေညီထပ်ပြီး တာနဲ့ သူတို့ကို နေရာပြန်ပေးမှာပါ”ဟု ၎င်းက သတင်းမီဒီယာများသို့ ပြောကြားသည်။

အဆိုပါ ရာပြည့်ဈေး၌ လက်ရှိရောင်းချနေသည့် ဈေးဆိုင်ခန်းပေါင်း ၅၀၀နီးပါးခန့်ရှိကြောင်း
သိရှိရပြီး ယင်းဆောက်လုပ်မှုပြီးစီးပါကလည်း သင်္ကန်းကျွန်းဈေးထက် သာအောင်
အဆင့်မြင့်ပြုလုပ်သွားမည်ဖြစ်ကာ ဈေးဆိုင်များ၏ လုံခြုံရေးများအတွက်လည်း
လုံခြုံရေးကင်မရာများနှင့် မီးအချက်ပေးစနစ်များ တပ်ဆင်ပေးသွားရန် စီစဉ်ထားကြောင်း ထပ်မံသိရသည်။
TMA
The Myanma Age

၂၀၁၅ အာဆီယံ ညီညွတ်ရေးအိမ်မက် အကောင်အထည် မပေါ်

ဘန်ဒါဆရီဘက်ဂဝန်၊ ဧပြီ၂၅။
အာဆီယံအဖွဲ့ကြီး၏ ယခုနှစ် ပထမဆုံးသော နိုင်ငံခေါင်းဆောင်းများအစည်းအဝေးတွင်
လက်ရှိအကောင်အထည်ဖော်မည့် အာဆီယံ စီးပွား ရေး အသိုင်းအဝိုင်းဖြစ်ရေး ရည်ရွယ်ချက်ကို ၂၀၁၅အကုန်တွင်
စတင်မည့်ယခင်ရည်ရွယ်ချက်အစား ၎င်းနှစ်ကို နောက်လာမည့်နှစ်များတွင် အကောင်အထည်ဖော်နိုင်ရန်ကြိုးပမ်းမည့်
အမှတ်အသားနှစ်အဖြစ် ခေါ်ဆိုမည်ဖြစ်ကြောင်း သိရသည်။

အဖွဲ့ဝင်နိုင်ငံများသည် ဆယ်နိုင်ငံအတွင်း မတူကွဲပြားသော လူဦးရေသန်း ၆၀၀ မှ အလုပ်သမားများ
နိုင်ငံအချင်းချင်း အဆီးအတားမဲ့ သွား လာ လုပ်ကိုင်နိုင်ရေး အခက်အခဲကို လျှော့ချရာတွင်လည်းကောင်း၊
နိုင်ငံအချင်းချင်း  အခွန်လွတ်ကုန်သွယ်နိုင်ရေးစသည့် နိုင်ငံရေးရည်မှန်းချက်များတွင် နောင်တရစရာ
အဖြစ်နှင့် နှေးကွေးသောတိုးတက်မှုတို့ကြောင့် ယခုကဲ့သို့ပြောဆိုကြခြင်းဖြစ်သည်။

နဂိုက ရည်မှန်းခဲ့သော ၂၀၂၀မှ ရှေ့တိုးရည်မှန်းသော ၂၀၁၅ရည်မှန်းချက်
ရောက်ရှိရေးနှောင့်နှေးမှုသည် တရုတ်နှင့် လက်ရှိကြုံနေရသည့် ရေပိုင်နက် အငြင်းပွားမှုကိစ္စတွင်
ကွဲပြားသောအမြင်များနှင့်ရင်ဆိုင်ရချိန်တွင်လည်း အာဆီယံ၏ တည်ရှိမှုကိုလည်း သက်ရောက်မှုများ ရှိနေ
မည်ဖြစ်သည်။

“၂၀၁၅မိုင်တိုင်နှစ်လွန်မြောက်တဲ့အချိန်မှာလည်း အာဆီယံနိုင်ငံအသိုင်းအဝိုင်းကြီးတည်ထောင်ရေးဟာလည်း
ဆက်လက်လုပ်ဆောင်ရမယ့် လုပ်ငန်းစဉ်ဖြစ်ပါတယ်” ဟု ဘရူနိုင်းဝန်ကြီးချုပ်နှင့် ဆူလတန် ဟက်ဆာနယ် ဘိုလ်ကီယည
ကကြာသပတေးနေ့တွင် ကျင်းပခဲ့သည့် ဆွေး နွေးပွဲအပြီးသတ် သတင်းစာရှင်းလင်းပွဲ တွင် ပြောကြားခဲ့သည်။

နိုင်ငံအချင်းချင်းကြားက မတူညီသောတိုးတက်မှုအဆင့်ကြောင့် စိန်ခေါ်မှုများရှိနေကြောင်း ၎င်းက
ဆက်လက်ပြောကြားသည်။

ဆွေးနွေးပွဲနောက်ဆုံးအဆင့်အထိ ၂၀၁၅ ပန်းတိုင်အတွက် တိကျသောထုတ်ပြန်ချက်များမရရှိခဲ့ဘဲ
အာဆီယံနိုင်ငံခေါင်းဆောင်များက အာဆီယံ စီးပွားရေး အသိုင်းအဝိုင်းကို
တည်ထောင်ရေးအတွက်ရင်းနှီးမြှပ်နှံရေးသဘောတူညီရမည် ဟု ပြောကြားချက်သာရှိခဲ့ကြောင်း သိရသည်။

နိုင်ငံများအကြားအဆီးအတားမရှိသောပုံစံသည် နိုင်ငံ၏ အကျိုးစီးပွားကို ကာကွယ်ရန်ရည်ရွယ်သည်ဟု
ပုံစံမြင်နေသူများနှင့် ဆုံးဖြတ်ချက်ချ ခြင်း မစောစေခြင်းဖြင့် ချမ်းသာသောနိုင်ငံများနှင့်
ဆင်းရဲသောနိုင်ငံများကြားကွာဟချက်ကို ချိတ်ဆက်နိုင်မည်ဟု ထင်သူများကြား ကွဲလွဲချက် များရှိနေကြောင်း
သိရသည်။

“တချို့တွေ တော်တော်ကို ပြတ်ကျန်ခဲ့ပြီ” ဟု မနီလာရှိ အာရှဖွံ့ဖြိုးရေးဘဏ်မှ
အကြီးတမ်းစီးပွားရေးပညာရှင် ဂျာယန့်မက်နွန်က မဲခေါင်ဒေ သ နိုင်ငံများကို ရည်ညွှန်းပြောကြားသည်။

ရင်းနှီးမြှပ်နှံသူများနှင့် နိုင်ငံများစွာမှ စီးပွားရေးလုပ်ငန်းရှင်များသည် အာဆီယံအဖွဲ့ကြီးကို
စုပေါင်းရေးကို ပိုမိုလိုလားကြသည်။

ချမ်းသာသောနိုင်ငံ ခြောက်နိုင်ငံတွင် တင်သွင်းကုန်အားလုံးနီးပါးတွင် ကုန်စည်ကြပ်ခွန်ကို
လုံးဝမရှိသည်အထိလျှော့ချပြီး လွတ်လပ်စွာ ကုန် သွယ်မှုပြုလုပ်သည်အထိ တိုးတက်မှုအများအပြားလည်း
အာဆီယံနိုင်ငံတစ်ချို့တွင် ရှိနေသည်။

အာဆီယံအဖွဲ့သည် ၁၉၆၇ စစ်အေးကာလ ပဋိပက္ခများ ၊စစ်တပ်အာဏာသိမ်းမှုများဖြစ်ပေါ်နေချိန်တွင်
စတင်ဖွဲ့စည်းခဲ့ပြီး ပဋိပက္ခများ၊ ကုန် သွယ်ရေးနှင့် ရင်းနှီးမြှပ်နှံရေးဆောင်ရွက်ရာာတွင်
အောင်မြင်သောအုပ်စုတစ်စုဖြစ်သည်။

Ref:Reuters

သေဆုံးသူ အယောက်သုံးရာကျော်အတွက် ဘင်္ဂလားဒေ့ရ်ှလုပ်သားများ ဆန္ဒပြ

ဆာဗာ၊ဧပြီ ၂၆။
ပြိုကျနေသောအဆောက်အဦးအတွင်း ကယ်ဆယ်ရေးလုပ်သားများအချိန်နှင့် တပြေးညီကယ်ဆယ်ခဲ့သော်လည်း
သေဆုံးသူဦးရေ ၃၀၀ ကျော်ခဲ့ရာ အနောက်တိုင်းတံဆိပ်တပ် အထည်ချုပ်စက်ရုံမှ အထည်ချုပ်လုပ်သားများသည်
လုပ်ဖော်ကိုင်ဖက်များအတွက် ဆန္ဒဖော်ထူတ်မှုများပြုလုပ်ခဲ့ရာ ယနေ့ ရဲများနှင့် ပဋိပက္ခဖြစ်ပွားခဲ့သည်။

လူအုပ်ကလည်း ဝါးလုံးပိုင်းများကိုင်ဆောင်ပြီး လမ်းများပိတ်ဆို့ကာ ဒါကာမြို့ပြင်ပရှိ ဂါဇီပါ အထည်ချုပ်စက်ရုံဝန်းရှိ စက်ရုံများကို တိုက်ခိုက်ခြင်းများပြုလုပ်ခဲ့ရာ ရဲများက မျက်ရည်ယိုဗုံးများနှင့် ရော်ဘာကျည်ဆံများနှင့် ဒေါသထွက်နေသောလူအုပ်ကို ပစ်ခတ်ခဲ့ကြောင်း သိရသည်။

“အခြေအနေက အရမ်းထိခိုက်လွယ်နေတယ်၊ အလုပ်သမား ထောင်ပေါင်းများစွာ ဆန္ဒပြတဲ့လူအုပ်ကြီးထဲပါဝင်လာတယ်” ဟု ဂါဇီပါရဲတပ်ဖွဲ့ထိန်းချုပ်ခန်းမှ အမ် အဆာဒူဇာမန်က အေအက်ဖ်ပီကို ပြောကြားသည်။

ဆန္ဒပြမှုသည် ရှစ်ထပ်အဆောက်အဦး ပြိုကျပြီးနောက် ကြာသပတေးက လူ ၂၉၀ သေဆုံးကြောင်း
သတင်းထွက်ပေါ်လာပြီးချိန်တွင် စတင်ခဲ့ကြောင်း သိရသည်။

ကယ်ဆယ်ရေးသမားများသည် အပျက်အစီးများထဲမှ ညတွင်းချင်း လူ ၄၅ ဦးကယ်နိုင်ခဲ့သောကြောင့် ပိတ်မိနေသောသူများ၏ ဆွေမျိုးများ မျှော်လင့်ချက်များ တက်လာသော်လည်း အပျက်အစီးများကြားတွင် လူများစွာကျန်ရှိနေသည့်အတွက် ရုတ်တရက်အုံကြွမှုဖြစ်လာကြောင်း သိရသည်။

ပိုင်ရှင်များက အကောင်းပကတိကျန်နေသော လုပ်သား၃၀၀၀ကို အက်ကွဲကြောင်းများရှိနေမှန်းသိပြီးလျက်ဖြစ်သောစက်ရုံသို့ လာရောက်အလုပ်ဆင်းခိုင်းခဲ့သည် ဟူသောအဖြစ်မှန်ပေါ်လာသောအခါ လူများ၏ ဒေါသပိုမိုပြင်းထန်လာကြောင်း သိရသည်။

ဗြိတိန်နိုင်ငံမှ စရိတ်နည်းအဝတ်အထည်လုပ်ငန်းဖြစ်သည့် ပရီမာခ် နှင့် စပိန်မှ မန်းဂိုး လုပ်ငန်းတို့သည် ယခုပြိုကျသော အဆောက်အဦးတွင် ၎င်းတို့၏ အဝတ်အထည်များကို ချုပ်လုပ်နေကြောင်းပြီး အခြားလုပ်ငန်းများအဖြစ် ဝယ်မာတ် နှင့် ပြင်သစ်မှ ကယ်ရီဖောတို့ကို လည်းစစ်ဆေးနေကြောင်း သိရသည်။

အီတလီမှ ဘီနက်တန်အထည်လုပ်ငန်းသည်လည်း ယခုပြိုကျသောစက်ရုံမှ အမှာစာများရှိခဲ့ကြောင်း ဆန္ဒပြသူများကတွေ့ရှိထားသော်လည်း ၎င်းလုပ်ငန်း က ငြင်းချက်ထုတ်ထားသည်။

အမေရိကန်နိုင်ငံ ဆန်ဖရန်စ္စကိုတွင် ဆန္ဒပြသူများရှိနေသောကြောင့် အမေရိကန်နိုင်ငံမှ ကုမ္ပဏီများသည်
ယခုစက်ရုံတွင်လာရောက်ရင်းနှီးမြှပ်နှံထားမှုရှိမရှိကို အတည်မပြုနိုင်သေးကြောင်း အမေရိကန်နိုင်ငံမှ
ပြောကြားကြောင်းသိရသည်။

အပျက်အစီးနေရာတွင်လည်း နွမ်းနယ်နေသော စစ်သားများ၊ မီးသတ်သမားများနှင့် စေတနာ့ဝန်ထမ်းများသည် ဆက်လက်ရှာဖွေနေပြီး ရှာဖွေခြင်း တတိယမြောက်ရက်ဖြစ်လာသည်။

၎င်းကဲ့သို့လုပ်ဆောင်နေသောရာသို့ ပူဆွေးနေသောဆွေမျိုးများထောင်ပေါင်းများစွာ လာရောက်ခဲ့ရာ ရဲများက မျက်ရည်ယိုဗုံးများနှင့် လူစုခွဲခဲ့ရသည်။

လက်ရှိအခြေအနေတွင် အပျက်အစီးများကြားတွင်ပိတ်မိနေသော အလောင်းများထံမှ အနံ့ဆိုးများထွက်လာနေပြီဖြစ်ကြောင်း သိရသည်။
Ref:AFP
The Myanma Age

ဆန္ဒပြချီတက်သူများ ရဲတပ်ဖွဲ့၏ ပိတ်ဆို့မှုအပေါ် မည်သို့ ဆောင်ရွက်မည်ကို ဆက်လက်ဆွေးနွေး

ဆားလင်းကြီး၊ ဧပြီ ၂၆။
ဧပြီလ ၂၅ ရက်က ဖမ်းဆီးခံခဲ့ရသော ရန်ကုန်ပြည်သူ့ အကျိုးဆောင်ကွန်ယက်အဖွဲ့ဝင် ကိုအောင်စိုးနှင့်
ဆည်တဲရွာသားနှစ်ဦး ပြန်လွှတ်ပေးရန် ဆန္ဒပြ တောင်းဆိုမှုကို ယနေ့ နေ့လည်ပိုင်းက ပြုလုပ်ခဲ့ရာ ၀က်မှေးရွာသစ်ရှေ့ အရောက်တွင် ရဲတပ်ဖွဲ့ဝင်များက စည်းသုံးစီးတား၍ စည်းများအား မကျော်ရန်နှင့် ကျော်လွန်ပါက အရေးယူ ရှင်းလင်းမည်ဟု အသိပေး တားမြစ်ခဲ့သည့် အတွက် မည်သို့ ဆက်လက် လုပ်ကိုင်သွားမည်ကို
ဝက်မှေးရွာသစ်တွင် ဆွေးနွေးတိုင်ပင်လျက် ရှိကြကြောင်း ဒေသခံတစ်ဦးထံမှ သိရသည်။

“ဝက်မှေးရွာသစ်ရှေ့တည့်တည့်မှာ လုံထိန်းအင်အား ၂၀၀ လောက်နဲ့ ပိတ်ထားတယ်။ လုံးဝ လမ်းမဖွင့်ပေးတဲ့
အတွက်ကြောင့် ဒေသခံတွေ အနေနဲ့ ထိပ်တိုက် ရင်ဆိုင်ဖို့ ဖြစ်လာတဲ့ အခါကျ ကျွန်တော်တို့ အနေနဲ့ မဖြစ်သင့်တာတွေ မဖြစ်ရအောင် ငြိမ်းငြိမ်ချမ်းချမ်နဲ့ နောက်ပြန်ဆုတ်ပေးခဲ့ပါတယ်”ဟု ဒေသခံ တစ်ဦးဖြစ်သူ ကိုစန်းမောင်က ပြောကြားသည်။

ဧပြီ ၂၅ ရက်နေ့တွင် ပုဒ်မ ၁၄၄ထုတ်ပြန်ထားသည့် မြေပေါ်တွင် ထွန်ယက်ကြသောကြောင့် ကိုအောင်စိုး၊
ဦးမောင်ဆန်းနှင့် ကိုစိုးသူတို့ကို ရိုက်နှက် ဖမ်းဆီးသွားခဲ့ကြောင်း၊ ထို့နောက် ဒေသခံပြည်သူများနှင့် ရဲတပ်ဖွဲ့ဝင်များကြား ရုန်းရင်းဆန်ခတ် ဖြစ်ပွားခဲ့သောကြောင့် နှစ်ဖက်ထိခိုက် ဒဏ်ရာများ ရရှိခဲ့ကြကြောင်းလည်း သိရသည်။

ထို့သို့ အကြမ်းဖက် ဖမ်းဆီးအရေးယူမှုကြောင့် ယနေ့နံနက်၌ လက်ပံတောင်းတောင် ကြေးနီစီမံကိန်း အနီးရှိ
ဝက်မှေး၊ ဆည်တဲ၊ ကံတောရွာသစ်တို့မှ လူအင်အား ၅၀၀ ခန့်ဖြင့် ဖမ်းဆီး အရေးယူထားသူများအား လွှတ်ပေးရေး၊ မိမိလယ်ယာမြေပေါ်တွင် ထွန်ယက်လုပ်ကိုင်ခွင့် ရရှိရေး စသည်တို့ကို တောင်းဆိုပြီး ညောင်ပင်ကြီး ရဲစခန်းရှေ့သို့ ထွက်ခွာလာခဲ့ခြင်းဖြစ်ကြောင်း၊ ထိုသို့ချီတက်လာသည့်အပေါ် ရဲတပ်ဖွဲ့မှစည်းသုံးစည်းတား၍ ပိတ်ဆို့ထားခဲ့ကြောင်း၊ ထိုစည်းသုံးစည်းတွင် တတိယစည်းကို ကျော်လာပါက ပစ်ခတ်နှိမ်နင်းမည်ဟု သတိပေး ပြောဆိုကြောင်း၊ ထို့ကြောင့် ထိပ်တိုက်ရင်ဆိုင်ရန် မဖြစ်နိုင်သည့်အတွက် မည်သို့ ဆက်လက် လုပ်ဆောင်မည်ကို ဆွေးနွေးနေကြ ဖြစ်ကြောင်း ကိုစန်းမောင်က ဆက်လက်ပြောကြားသည်။

ယခုအချိန်တွင် ရဲတပ်ဖွဲ့ဝင်များမှ အင်အား ၃၀၀ ခန့်ဖြင့် ပိတ်ဆို့ထားသည့်အတွက် ဆက်လက် ထွက်ခွာရန်
မဖြစ်နိုင်သေးကြောင်း၊ မိမိတို့ဘက်မှ မည်သို့ ဆက်လက်လုပ်ကိုင်မည်ကို ဆွေးနွေးညှိနှိုင်းပြီး အချိန်ထိ စောင့်ကြည့်မည်ဖြစ်ပြီး ရဲတပ်ဖွဲ့ဝင်များဘက်မှ အကြမ်းဖက်မှုများ လုပ်ဆောင်လာပါက တုံ့ပြန် ရင်ဆိုင်သွားမည်ဖြစ်ကြောင်း၊ ရင်ဆိုင်ရန်လည်း အသင့်ပြင်ဆင်ထားကြောင်း ဒေသခံပြည်သူတစ်ဦးက ပြောကြားသည်။
ဝေယံ
The Myanmar Age

ဘော်စတွန် ဗုံးခွဲသမား နယူးယောက် သွားဖို့ ပြင်ဆင်ခဲ့

NewYork မြို့တော်ဝန် မိုက်ကယ် ဘလွန်းဘာ့ဂ်

26 ဧပြီလ 2013
အသက်မသေဘဲ ကျန်ရစ်တဲ့ ဘော်စတွန် မာရသွန် ဗုံးခွဲသူ အဖြစ် သင်္ကာမကင်း ဖြစ်ခံရသူက အမေရိကန် ထောက်လှမ်းရေး အဖွဲ့ FBI ကို ပြောရာမှာ သူနဲ့ သူ့အကို တို့ဟာ နယူးယောက်မြို့က Times Square နေရာမှာ နောက်ထပ် ဖောက်ခွဲမှုတွေ ဆက်လုပ်ဖို့ ပြင်ထားတယ်လို့ နယူးယောက် မြို့တော်ဝန် Michael Bloomberg က ပြောပါတယ်။

ပြီးခဲ့တဲ့ ကြာသပတေးနေ့တုန်းက သူတို့ ညီအကို နှစ်ယောက်ဟာ ကားတစင်းကို အပိုင်စီးပြီး နယူးယောက်ကို သွားဖို့ ဆုံးဖြတ်ထားတယ်လို့ ဆေးရုံပေါ်မှာ ကုသမှု ခံယူနေရင်း စစ်ဆေး မေးမြန်း သူတွေကို ဂျော်ခါ ဆာနာရက်ဖ်က ပြောခဲ့ကြောင်း မစ္စတာ ဘလွန်းဘာ့ဂ် က ဆိုပါတယ်။

ဒါ့အပြင် သူတို့ဟာ ပိုက်အသုံးပြုပြီး လုပ်ထားတဲ့ ဗုံးငါးလုံးနဲ့ ပေါင်းအိုး သုံးပြီး ထုတ်လုပ်ထားတဲ့ ဗုံးတလုံး စုစုပေါင်း ဗုံး ခြောက်လုံးကို ယူသွားဖို့ စီစဉ်ထားတယ်လို့လည်း သိရပါတယ်။

အဲဒီ ပေါင်းအိုးသုံးလုပ်ထားတဲ့ ဗုံးကြောင့် ဘော်စတွန် မာရသွန် ပေါက်ကွဲမှုမှာ လူသုံးယောက် သေဆုံးပြီး အများအပြား ဒဏ်ရာ ရခဲ့တာ ဖြစ်ပါတယ်။

အပိုင်စီးလာတဲ့ ကားကို ဆီဖြည့်ဖို့ ရပ်နားစဉ်မှာ ကားပိုင်ရှင်က လွတ်မြောက်သွားပြီး ရဲကို အကြောင်းကြားခဲ့တာကြောင့် သူတို့ အစီအစဉ် ပျက်ပြား သွားခဲ့ရတယ်လို့ ဆိုပါတယ်။
BBC Burmese

မဟာအောင်ဆန်း(သို့မဟုတ်)မြန်မာပြည်ကကြယ်နီ

April 25, 2013
သမိုင်းဆိုတာ ဟောင်းလေတန်ဖိုး ကြီးလေပါပဲ။ နိုင်ငံတစ်နိုင်ငံပဲဖြစ်ဖြစ်၊ လူ ပုဂိ်္ဂုလ်တစ်ဦးတစ်ယောက်ပဲဖြစ်ဖြစ် အချိန် ကြာလာတာနဲ့အမျှ သမိုင်းတန်ဖိုးမြင့် တက်လာတတ်ပါတယ်။ ကုန်ကုန်ပြောရ ရင် အိုးခြမ်းပဲ့လေးတစ်ခုကတောင် သူ့ သမိုင်းနဲ့သူရှိနေတတ်တယ်။

အိုးခြမ်းပဲ့ဆိုပြီး တန်ဖိုးမဲ့လိမ့်မယ် မထင်လိုက်ပါနဲ့။ သူ့မှာ ဖွဲ့တည်နေတဲ့ အချိန်ကာအလျှောက် သူ့ခေတ်သူ့ကာလ က လူနေမှုစနစ်ကို ပြောပြနေတယ်။ သာမာန်လူတွေနားမလည်နိုင်ပေမဲ့ သမိုင်း ပညာရှင်တွေကတော့ အိုးခြမ်းပဲ့ကပြော တဲ့ သမိုင်းကိုနားလည်နေကြတယ်။

အိုးခြမ်းပဲ့မှာပါဝင်နေတဲ့ ရွှံ့မြေအမျိုး အစား၊ သူ့မှာ ကပ်ငြိနေတဲ့ နွယ်၊ မြက်၊ သစ်ရွက်၊ သူ့ကိုအလှဆင်ထားတဲ့ ပန်းချီ၊ အနုပညာ အားလုံးပေါင်းစပ်ကြည့်လိုက် ရင် သမိုင်းမှတ်တမ်းတစ်စောင်ရနိုင်တဲ့ အထိ အိုးခြမ်းပဲ့တစ်ခုဟာ သမိုင်းဝင် ပစ္စည်းဖြစ်သွားတတ်ပါတယ်။ ဒါကြောင့် မို့လည်း ဆရာတင်မိုးပြောခဲ့သလို အလှ ကိုယ်စီရှိကြတာချည်းပါပဲ။

အခုဆိုရင် ရှေးဟောင်းယဉ်ကျေးမှု နယ်မြေဖြစ်တဲ့ ပုဂံအာနန္ဒာဘုရားမှာ နံရံ ဆေးရေးပန်းချီတွေကို ပြန်လည်ဖော်ထုတ် နေပြီ။ နှစ်ပေါင်းများစွာ ချေးညှော်တွေ ကပ်နေတဲ့ နံရံဆေးရေးပန်းချီတွေ၊ ထုံး သုပ်ထားလို့တိမ်မြုပ်ပျောက်ကွယ်နေတဲ့ ပန်းချီတွေကို အိနိ်္ဒယနိုင်ငံရဲ့အကူအညီ နဲ့ ပြန်လည်ဖော်ထုတ်နေတာကိုဖြင့် ကျေးဇူးတင်ဂုဏ်ယူဝမ်းမြောက်မိပါတယ်။

နံရံဆေးရေးပန်းချီတွေကလဲ ပုဂံ ခေတ်ရဲ့ လူနေမှုဘ၀ကို အတန်အသင့် ပြောပြနိုင်မယ်ထင်ပါတယ်။ ပုဂံမှာရှိတဲ့ ဂူဘုရားတွေရဲ့ နံရံဆေးရေးပန်းချီတွေဟာ ဖြင့် ပုဂံခေတ်ရဲ့ လူမှုရေး၊ စီးပွားရေး၊ နိုင်ငံရေး၊ ယဉ်ကျေးမှုတွေကို အများကြီး ပြောပြနေတာလေ့လာတွေ့ရှိရပါတယ်။ နှစ်ပေါင်းထောင်ချီကြာမြင့်နေပြီဖြစ်တဲ့ ပုဂံရှေးဟောင်းယဉ်ကျေးမှုနယ်မြေဟာ ဖြင့် တန်ဖိုးကြီးမားတဲ့ သမိုင်းအမွေအနှစ် တွေကို ချန်ရစ်ခဲ့တာတော့ အမှန်ပါပဲ။

ဒီလိုပါပဲ မြန်မာ့သမိုင်းမှာ ပထမ မြန်မာနိုင်ငံတော်ကြီးကို တည်ထောင်ခဲ့ တဲ့ အနော်ရထာ၊ ဒုတိယမြန်မာနိုင်ငံ တော်ကြီးကို တည်ထောင်ခဲ့တဲ့ ဘုရင့် နောင်ကျော်ထင်နော်ရထာ၊ တတိယ မြန်မာနိုင်ငံတော်ကြီးကို တည်ထောင်ခဲ့ တဲ့ အလောင်းဘုရား ဦးအောင်ဇေယျ၊ နောက်ဆုံးစတုတ္ထမြန်မာနိုင်ငံတော်ကြီး ကို တည်ထောင်ခဲ့တဲ့ ဗိုလ်ချုပ်အောင်ဆန်း။

ဗိုလ်ချုပ်အောင်ဆန်းနဲ့ ခေတ်ပြိုင် လုပ်ဖော်ကိုင်ဖက် နိုင်ငံရေးသမားအချို့ ကတော့ ဒီအဆိုကို သဘောတူကောင်း မှ တူကြမှာပါ။ ဒါပေမဲ့လည်း ပြည်သူလူ ထုတစ်ရပ်လုံးရဲ့ရင်ထဲမှာရှိခဲ့တာက ဗိုလ် ချုပ်အောင်ဆန်းပါပဲ။ (၁၈၈၅ ခုနှစ်၊ နိုဝင်ဘာလ ၂၈ ရက်)နေ့ကတည်းက သူ့ကျွန်ဖြစ်ခဲ့ရတဲ့ မြန်မာနိုင်ငံကို လွတ် လပ်ရေးလမ်းကြောင်းပေါ်တင်ပေးခဲ့တဲ့ သူဟာ ဗိုလ်ချုပ်အောင်ဆန်းပါ။ လွတ် လပ်ရေးမီးရှူးတိုင်ကို ထွန်းညှိပေးခဲ့တဲ့ သူဟာ ဗိုလ်ချုပ်အောင်ဆန်းပါ။ ကျန်တဲ့ သူတွေက လွတ်လပ်ရေးမီးရှူးတိုင်ကို ၀ိုင်း ၀န်းထိန်းသိမ်းရင်း လက်ဆင့်ကမ်းသယ် ယူလာတဲ့သူတွေပဲဖြစ်ပါတယ်။ ဒါကြောင့် မို့လည်း ဗိုလ်ချုပ်အောင်ဆန်းကို စတုတ္ထ မြန်မာနိုင်ငံတော်ကြီး တည်ထောင်ခဲ့တဲ့ သူလို့ ပြည်သူတစ်ရပ်လုံးက ဂုဏ်ပြုခေါ် ဝေါ်ခဲ့တာပါ။
ဗိုလ်ချုပ်အောင်ဆန်း၊ သခင်အောင် ဆန်း၊ ဦးအောင်ဆန်းလို့ခေါ်ဝေါ်နေကြ တာဟာဖြင့် ပြည့်စုံလုံလောက်မှုမရှိဘူး ထင်ပါတယ်။ ကျွန်တော်သဘောပြောရ ရင် ““မဟာအောင်ဆန်း””လို့တောင် ခေါ် လိုက်ချင်တယ်။

ခေါ်လည်းခေါ်ထိုက်မယ်လို့ထင်ပါ တယ်။ ပုဂံခေတ်ကနေ မျက်မှောက်ခေတ် အထိ သူ့လိုယောက်ျားမျိုးဘယ်နှစ်ယောက် ပေါ်ထွန်းခဲ့ဖူးလို့လဲ။ စစ်ရေးအမြင်၊ နိုင်ငံ ရေးအမြင်၊ စီးပွားရေးအမြင်၊ လူတန်းစား အမြင် ဘက်ပေါင်းစုံအမြင်ကျယ်ကျယ် နဲ့ ရှုမြင်သုံးသပ်ခဲ့တဲ့ ခေါင်းဆောင်တစ် ယောက်ပါ။ ပဒေသရာဇ်ခေါင်းဆောင် တွေလို လူမျိုးကြီးဝါဒကျင့်သုံးပြီး နိုင် ထက်စီးနင်းအနိုင်ယူတာမျိုးမလုပ်ခဲ့ဘူး။ အားလုံးတန်းတူအခွင့်အရေးပေးပြီး တိုင်း ရင်းသားစည်းလုံးညီညွတ်ရေးကို ဖော် ဆောင်ပေးခဲ့တယ်။ ဗမာတစ်မျိုးသားလုံး လွတ်လပ်ပြီး တိုင်းရင်းသားတွေကတော့ နယ်ချု့လက်အောက်မှာ ကျွန်သားပေါက် ဘ၀ရောက်နေမှာကို မလိုလားဘူး။ ဗမာ တစ်ကျပ်၊ ရှမ်းတစ်ကျပ်၊ ကချင်တစ်ကျပ်၊ မွန်တစ်ကျပ်၊ ကရင်တစ်ကျပ်၊ ရခိုင်တစ် ကျပ်၊ အားလုံးအေးတူပူအမျှ သာယာဝ ပြောတဲ့ မြန်မာနိုင်ငံအဖြစ် အမှန်တကယ် သူမြင်ချင်တယ်။ ဒါကြောင့်မို့လဲ ပင်လုံ စာချုပ်ကို သည်းခံခွင့်လွှတ်နားလည်မှု တွေပေးပြီး ညီညွတ်ရေးစာချုပ် ချုပ်ဆို နိုင်အောင် သူကြိုးပမ်းခဲ့တယ်။ သူကွယ် လွန်ပြီးကာမှ နိုင်ငံတော်ဝါးအစည်းပြေ သွားတာဟာ သူ့ရဲ့ပယောဂမဟုတ်တော့ ပါဘူး။ ဗိုလ်ချုပ်အောင်ဆန်းကတော့ သူ့ရဲ့နောက်ဆုံးထွက်သက်အထိ နိုင်ငံ တော်ရဲ့သမိုင်းပေးတာဝန်ကို ကျေပွန်စွာ ထမ်းဆောင်သွားခဲ့တဲ့သူပါ။ ဒါကြောင့်မို့ လဲ ဗိုလ်ချုပ်အောင်ဆန်းကို ကျွန်တော်တို့ ရဲ့ ကြီးမြတ်သော ခေါင်းဆောင်ကြီးအဖြစ် ““မဟာအောင်ဆန်း””ရယ်လို့ ဂုဏ်ပြုခေါ် ဝေါ်လိုက်ချင်တာပါ။

အဲဒီမဟာအောင်ဆန်းဆိုတဲ့ လူ တစ်ယောက် ကျွန်တော်တို့ချောက်မြို့ကို ရေက်လာခဲ့ဖူးတယ်။ သူနဲ့ပတ်သက်တဲ့ သမိုင်းတစ်ခုဟာဖြင့် ပြောစမှတ်ဖြစ်ပြီး ကျန်ရစ်စေချင်သလို နောင်လာနောင် သားတွေလည်း အတုယူစေချင်တယ်။ ဒီ သမိုင်းတစ်ကွက်ကိုလဲ အသက်(၈၀) ကျော်နေပြီဖြစ်တဲ့ အဘဦးဝင်းမောင်ဆီ က ကြားခဲ့ရလို့ မှတ်တမ်းတင်လိုက်ရတာ ပါ။ မြန်မာနိုင်ငံမှာ သခင်အရေအတွက် တွေ လျော့နည်းလို့လာပါပြီ။ မြန်မာနိုင်ငံ ရဲ့လွတ်လပ်ရေးသမိုင်းဟာ သခင်တွေ မပါရင် မပြည့်စုံပါဘူး။ မြန်မာ့လွတ်လပ် ရေးနဲ့ သခင်တွေရဲ့ အခန်းကဏ္ဍဟာ ဒင်္ဂါးတစ်ပြားရဲ့ခေါင်းနဲ့ ပန်းလိုခွဲခြားပစ် လို့မရပါဘူး။ သခင်တွေရဲ့ လွတ်လပ်ရေး ကြိုပမ်းမှု အတိုင်းအတာတစ်ခုကြောင့် မြန်မာလွတ်လပ်ရေးရတာပါလို့ပြောရင် ငြင်းနိုင်မယ်မထင်ပါဘူး။ ဒါကြောင့်မို့လဲ သခင်ဆိုရင် ဦးညွှတ်ဂုဏ်ပြုချင်တော့တာ ပါပဲ။

အဘဦးဝင်းမောင်ပြောပြလို့ သခင် အောင်ဆန်း၊ ဗိုလ်ချုပ်အောင်ဆန်း၊ ဦး အောင်ဆန်း၊ မဟာအောင်ဆန်းဟာ ချောက်မြို့ကို ၁၉၄၇ ခုနှစ် မတ်လ (၂၃) ရက်နေ့မှာရောက်လာခဲ့ပါတယ်။ ချောက် ကိုမလာခင်ချောက်မြို့ရဲ့ မြောက်ဖက်မှာ ရှိတဲ့ စဥ့်ကူဆိုတဲ့မြို့ကို အရင်သွားပါ တယ်။ စဥ့်ကူမြို့မှာရှိတဲ့ ဦးစံလှ-ဒေါ်ဖြူ လှရဲ့တိုက်မှာ တည်းခိုနားနေပြီး မြို့သူ မြို့သားတွေကို မိန့်ခွန်းပြောပါတယ်။ ဗိုလ်ချုပ်အောင်ဆန်းကို မြို့လူထုက သြ ဘာစာတွေဖတ်ပြီး ကြိုဆိုဂုဏ်ပြုတာကို ဗိုလ်ချုပ်ကမကြိုက်ပါဘူး။ ဒီတော့လည်း ရှင်းရှင်းပဲပြောလိုက်တယ်။ ““သြဘာစာ ဖတ်နေလို့ လွတ်လပ်ရေးမရနိုင်ဘူး အချင်းချင်း ညီညီညွတ်ညွတ်စည်းစည်း လုံးလုံးလုပ်မှ လွတ်လပ်ရေးရနိုင်မယ်လို့ ပြောသွားခဲ့ပါတယ်။””

ခြောက်မြို့က ပြည်သူ့ရဲဘော်တွေ ကလဲ ဗိုလ်ချုပ်အောင်ဆန်းကို စဥ့်ကူမြို့ ထိသွားပြီး ကြိုကြပါတယ်။ အဲဒီတုန်းက ပြည်သူ့ရဲဘော်ဆိုတဲ့သူတွေကတော့ ဗိုလ် မြတ်ကျော်၊ စလေဗိုလ်ဝ၊ သခင်သံခဲ၊ သခင်စံဦး၊ သခင်ခင်မောင်ညို၊ သခင်ခင် မောင်ဖြူတို့ဖြစ်တယ်လို့ သိရပါတယ်။

ဗိုလ်ချုပ်အောင်ဆန်းရဲ့သားတပည့် တွေဖြစ်တဲ့ ပြည်သူ့ရဲဘော်တွေဟာ ချောက်မြို့ကနေပြီး စဥ့်ကူးမြို့အထိ လာ ကြိုနေတာကိုတွေ့ရတော့ ဗိုလ်ချုပ်အောင် ဆန်းက ဒီလိုပြောပါသတဲ့။ ““ငါ့ကို လာ ကြိုစရာလဲမလိုဘူး၊ စောင့်ရှောက်စရာ လည်းမလိုဘူး။ မင်းတို့တကယ်စောင့် ရှောက်ရမှာက ပြည်သူလူထုပဲ””လို့ ပြော ပါသတဲ့။
ဟုတ်ပါတယ်။ လက်နက်ကိုင်အဖွဲ့ အစည်းဆိုတာ ကိုယ့်ခေါင်းဆောင်ကို ကာကွယ်ဖို့ထက် ကိုယ့်နိုင်ငံသားတွေကို ကာကွယ်ဖို့က ပဓာနကျပါတယ်။ တကယ် တော့ နိုင်ငံသားတွေဆိုတာ အားကိုးရာ မဲ့တဲ့သူတွေပါ။ သူတို့ရဲ့ဘ၀ဟာ လုံခြုံ မှုမရှိပါဘူး။ တရားဥပဒေစိုးမိုးရေးနဲ့ တည် ငြိမ်အေးချမ်းနေတဲ့ ကာလမျိုးမှာသာ နိုင်ငံသားတွေရဲ့ လူနေမှုဘ၀က လုံခြုံ တာပါ။ လွတ်လပ်ရေးမရသေးတဲ့ ကြား ကာလမျိုးမှာ လက်နက်ကိုင်သောင်းကျန်း သူတွေရဲ့ ရမ်းကားမှုတွေကြောင့် ပြည်သူ လူထုဟာ ကျီးလန့်စာစားဖြစ်နေကြရ တယ်။ အဲဒီလိုကျီးလန့်စာစား ဘ၀ရောက် နေကြတဲ့ ပြည်သူလူထုကို ပြည်သူ့ရဲ ဘော်တွေအနေနဲ့ စောင့်ရှောက်ရမယ် လို့ ဗိုလ်ချုပ်အောင်ဆန်းက သြ၀ါဒခြွေ သွားခဲ့ခြင်းဖြစ်ပါတယ်။

တကယ်တော့ လက်နက်ကိုင်အဖွဲ့ အစည်းဆိုတာ မီးလိုပါပဲ။ သုံးတတ်ရင် မိတ်ဆွေ၊ မသုံးတတ်ရင် ရန်သူပါပဲ။ နိုင်ငံ တစ်နိုင်ငံမှာ လက်နက်ကိုင်အဖွဲ့အစည်း ဆိုတာ ရှိသင့်ပါတယ်။ သူ့ရဲ့အခန်းကဏ္ဍ ကို ပစ်ပယ်ထားလို့မရပါဘူး။ သူလဲအရေး ပါတဲ့အဖွဲ့အစည်းတစ်ခုဖြစ်ပါတယ်။ နိုင်ငံ တော်ရဲ့ လုံခြုံရေး၊ အေးချမ်းသာယာ ရေးဟာ (လက်နက်ကိုင်အဖွဲ့အစည်း)ရဲ့ ခံယူချက်အမြင်ပေါ်မှာ မူတည်နေပါ တယ်။ ဗိုလ်ချုပ်အောင်ဆန်းက ပြည်သူ့ ရဲဘော်တွေကို ပြောခဲ့သလို ပြည်သူလူထု ရဲ့ အသက်အိုးအိမ်စည်းစိမ်တွေကို စောင့် ရှောက်တဲ့အဖွဲ့အစည်းအဖြစ် ရပ်တည် နေသမျှကာလပတ်လုံး ပြည်သူလူထုရဲ့ မေတ္တာကိုရရှိနေကြမှာပဲဖြစ်ပါတယ်။ ပြည်သူလူထုနဲ့ စိတ်သဘောထားချင်းကွဲ တဲ့နေ့ဟာလဲ တိုင်းပြည်ပျက်တဲ့နေ့ပဲဖြစ် ပါလိမ့်မယ်။

ဒီကနေ့ မြန်မာနိုင်ငံတော်ဟာ ဒီမို ကရေစီနိုင်ငံတော်သစ်ပြန်လည်တည် ဆောက်ဖို့အတွက် အရှိန်ယူနေဆဲကာလ ဖြစ်ပါတယ်။ စစ်အစိုးရရဲ့ အုပ်ချုပ်မှု အောက်မှာ နှစ်ပေါင်းများစွာ ခံစားလာ ခဲ့ရတဲ့ စိတ်ဝေဒနာတွေကို ပြန်လည်ကု စားနေကြရတဲ့ ကာလမျိုးပါ။ ရင်ထဲမှာ မွန်းကြပ်နေအောင် ဖိနှိပ်ခံစားလာခဲ့ရတဲ့ ပြည်သူလူထုဟာ ဒီမိုကရေစီ ရေကြည် တစ်ပေါက်သောက်ရဖို့အတွက် ဘယ် လောက်ရုန်းကန်ခဲ့ရတယ်ဆိုတာ အားလုံး အသိပဲဖြစ်ပါလိမ့်မယ်။ ရဟန်းရှင်လူ၊ ပြည်လူ/ပြည်သားတွေနဲ့ အနာဂတ်ရဲ့ မျိုးဆက်သစ်လူငယ်တွေရဲ့ ဘ၀တွေ အများကြီး ရင်းနှီးပေးဆပ်ခဲ့ကြရပါတယ်။  နံနက်ခင်းရဲ့ နေရောင်ခြည်နဲ့ အတူရှင် သန်ကြီးပြင်းကြရမယ့် သားကောင်းရတ နာတွေဟာ အမှောင်လွှမ်းသောကာလ တွေနဲ့ ရင်ဆိုင်ကြုံတွေ့ရလို့ တိုင်းပြည် ချောက်ထဲကျရောက်သွားကြရပြန်ပါ တယ်။ နိုင်ငံအတွက် ပြန်လည်ထူထောင် ရေးမှာ တစ်တပ်တစ်အား ပါဝင်ရမယ့် သူတွေဟာ နိုင်ငံတော်အချုပ်အခြာအာ ဏာတည်တံ့ခိုင်မြဲရေးအတွက် အသက် ပေးစတေးခံလိုက်ကြရတယ်။ ဒီလိုနဲ့ပဲ မြန်မာနိုင်ငံတော်ကြီးဟာ တစ်ကနေပြီး ပြန်စကြရတဲ့ အခြေအနေမျိုးကြုံခဲ့ကြ ရပြန်ပါတယ်။ အခြားနိုင်ငံတွေက ရှေ့ကို ခြေလှမ်း လေး၊ ငါးဆယ်ရောက်နေပေမဲ့ ပြည်ထောင်စုမြန်မာနိုင်ငံတော်ကြီးကဖြင့် အကြိမ်ကြိမ်အခါခါ တစ်ကပြန်စနေရလို့ ခရီးမတွင်နိုင်ဘဲဖြစ်ခဲ့ရပါတယ်။

မျက်မှောက်ခေတ်ကမ္ဘာကြီးရဲ့ တောင်းဆိုချက်နဲ့အတူ ပြည်သူတစ်ရပ် လုံးကလဲ ဒီမိုကရေစီအလင်းရောင်သစ်ကို မြင်တွေ့လိုလှပါပြီ။ ပြည်သူတစ်ရပ်လုံး လျှောက်လှမ်းကြရမယ့် ဒီမိုကရေစီလမ်း မကြီးပေါ်မှာ လက်နက်ကိုင်အဖွဲ့အစည်း တစ်ခုဖြစ်တဲ့ မြန်မာတပ်မတော်က လက် တွဲညီညီလိုက်ပါနိုင်ကောင်းရဲ့လို့ ခံစားမိ ပါတယ်။ ကာကွယ်ရေးဦးစီးချုပ် ဗိုလ်ချုပ် မှူးကြီးမင်းအောင်လှိုင်ကိုယ်တိုင်ကလည်း ဗိုလ်ချုပ်အောင်ဆန်းရဲ့ ဆန္ဒနဲ့တစ်ထပ် တည်းကျတဲ့ မိန့်ခွန်းတစ်ရပ်ကို သူ့ရဲဘော် တွေကို ပြောပြခဲ့ပါတယ်။
တကယ်တော့ စစ်သားကောင်း တစ်ယောက်ဟာ စစ်စည်းကမ်းတွေကို တိတိကျကျ လိုက်နာပြီး လက်နက်အား ကိုး အနိုင်ကျင့်ဗိုလ်ကျစိုးမိုးတာမျိုးတွေ သာ မလုပ်ဘူးဆိုရင် သိကြားမင်းက လက်အုပ်ချီရှိခိုးရမယ့် ယောက်ျားကောင်း၊ ယောက်ျားမြတ်များသာဖြစ်ပါတယ်။ ဒီလိုယောက်ျားကောင်း၊ ယောက်ျားမြတ် တွေ ဖြစ်လာနိုင်အောင်လည်း တပ်မတော် ရဲ့ ဖခင်ကြီးဖြစ်တဲ့ ဗိုလ်ချုပ်အောင်ဆန်း အပါအ၀င် တပ်မတော်ခေါင်းဆောင်တွေ ဟာ လေ့ကျင့်ပျိုးထောင်ပေးခဲ့ကြဖူးပါ တယ်။

ဗိုလ်ချုပ်အောင်ဆန်းကတော့ သူ့ရဲ ရဲဘော်တွေကို ပြစ်ပြစ်နှစ်နှစ်ဝေဖန်ပြီးတဲ့ နောက် ချောက်မြို့ကိုရောက်ရှိလာပါ တော့တယ်။ ချောက်မြို့ကိုရောက်တယ် ဆိုရင်ပဲ ရေနံမြေမန်နေဂျာဆိုတဲ့သူတွေ နဲ့ အလိုတော်ရိတွေ၊ မြို့မျက်နှာဖုံးတွေက ဗိုလ်ချုပ်ကို ထမင်းစားပွဲနဲ့ ဧည့်ခံဖျော် ဖြေဖို့ကြိုးစားပါတယ်။ ဒီနေရာမှာ ပို စတာတိုက်ပွဲလေးတစ်ခုဖြစ်သွားတယ်လို့ မှတ်သားရပါတယ်။

ဒီလိုပါ။ ဈေးအနောက်ဖက် ခေတ် သစ်စတိုးပိုင်ရှင် ဦးခင်မောင်ဖြူ၊ ဒေါ်သန်း ရီတို့ရဲ့ ဆိုင်ရှေ့မှာ ““ဗိုလ်ချုပ်၊ အလိုတော် ရိတွေက ဗိုလ်ချုပ်ကို ညာတော့မယ် သတိထားပါ”” ဆိုတဲ့ ပိုစတာကိုကပ်ပြီး တိုက်ပွဲဝင်ခဲ့သတဲ့။ ဗိုလ်ချုပ်အောင်ဆန်း ရဲ့အပါးတော်မြဲ ဗိုလ်ထွန်းလှက ဒီသတင်း ကို ဗိုလ်ချုပ်ကို အသိပေးလိုက်ပါတယ်။ ဗိုလ်ချုပ်လဲ မန်နေဂျာနဲ့ အလိုတော်ရိ တွေရဲ့ ဖိတ်ကြားချက်ကို လက်မခံတော့ ဘဲ (ယခု သာသနာ့ဗိမာန်)ရှိတဲ့ မြေကွက် လပ်မှာရောက်နေကြတဲ့ ချောက်မြို့သူ/ မြို့သားတွေဆီကို တိုက်ရိုက်သါားပြီး မိန့်ခွန်းပြောပါတော့တယ်။ နံနက် (၁၀) နာရီလောက်ရှိပြီလို့ သိရပါတယ်။

အဲဒီလူထုဟောပြောပွဲမှာ ဗိုလ်ချုပ် က ပုံပြင်တစ်ပုဒ်ကို ဥပမာဆောင်ပြီး ပြောသွားတယ်လို့ အဘဦးဝင်းမောင်က ပြောပြပါတယ်။ အဲဒီပုံပြင်ကတော့ ဘုရင် ဖြစ်ဖို့ ကံဇာတာရှိတဲ့သူတစ်ယောက်ကို ရွှေထီးဆောင်းရလိမ့်မယ်လို့ ဗေဒင်က ဟောပေမဲ့ ဘုရင်ဖြစ်ထိုက်လောက်တဲ့ ကြိုးစားအားထုတ်မှုမရှိဘဲ ပေါ့ပေါ့နေ၊ ပေါ့ပေါ့စားမိလို့ နောက်ဆုံးသုသာန်မှာ အားပြတ်ပြီးလဲနေတုန်း ဘုရင်ကသနား လို့ ရွှေထီးဆောင်းပေးလိုက်ရတယ်ဆိုတဲ့ ပုံပြင်ကိုပြောပြီး ချောက်မြို့သူ/မြို့သား တွေလဲ လွတ်လပ်ရေးတော့ရမှာပဲဆိုပြီး ပေါ့ပေါ့နေ၊ ပေါ့ပေါ့စားကြရင်တော့ လွတ်လပ်ရေးမရဘဲ သူ့ကျွန်ဘ၀နဲ့ သေ ကြရလိမ့်မယ်လို့ ပြောခဲ့တယ်ဆိုပဲ။ လူထု ဟောပြောပွဲအပြီးမှာတော့ အမျိုးသမီး ခေါင်းဆောင် သခင်မဒေါ်တင်ရွှေ(ရွာ ဟောင်း)က ဘူးသီးငါးပေါင်းကြော်နဲ့ ဧည့်ခံလိုက်တယ်လို့လဲ ရှေးဖြစ်ဟောင်း အောက်မေ့ဖွယ်အဖြစ် အဘဦးဝင်း မောင်က ပြန်ပြောင်းပြောပြတာကို မှတ် တမ်းတင်ရင်း ဒီမိုကရေစီခရီးလမ်းမှာ အပ္ပမာဒေန သမ္ပာဒေထလို့ပဲ နိုးဆော် လိုက်ပါရစေလားခင်ဗျာ။
သိန်းမြင့်ညို(ချောက်)
The Hot News

George W. Bush ပြတိုက်ဖွင့်လှစ်

George W. Bush ပြတိုက်

25.04.2013
သက်ရှိထင်ရှား အမေရိကန် သမ္မတ ၅ ဦးဟာ ကြာသပတေးနေ့တုန်းက သမ္မတ ဂျော့ဒဗလျူ ဘုရှ် စာကြည့်တိုက်နဲ့ ပြတိုက် ဖွင့်ပွဲ တက်ရောက်ဖို့ တက္ကဆက် ပြည်နယ် Dallas ကို စုဝေး ရောက်ရှိခဲ့ပါတယ်။ ဒီမိုကရေစီ စနစ်နဲ့ အုပ်ချုပ်မယ်လို့ သံဓိဌာန် ချထားတဲ့ သမ္မတ တိုင်းဟာ ကိုယ့်အကျိုးစီးပွား ထက် နိုင်ငံတာဝန်ကို ပိုပြီး လုပ်ဆောင်ကြရမှာ ဖြစ်တယ်လို့လည်း သမ္မတဟောင်း ဂျော့ဒဗလျူ ဘုရ်ှက ပြောဆိုလိုက်ပါတယ်။

အခု အမေရိကန် သမ္မတ ပြတိုက်မှာတော့ ရီပက်ပလီကန် သမ္မတရဲ့ ၈ နှစ်တာ သမ္မတသက်တမ်းအတွင်း တွေ့ကြုံခဲ့ရတဲ့ အတွေ့အကြုံတွေကို အသေးစိတ် ပြသထားမှာ ဖြစ်ပါတယ်။ မစ္စတာ ဘုရ်ှဟာ ၂၀၀၁ ခုနှစ်ကနေ ၂၀၀၉ ခုနှစ် အတွင်း တာဝန်ထမ်းဆောင်ခဲ့တဲ့ အမေရိကန်ရဲ့ ၄၃ ယောက်မြောက် သမ္မတ ဖြစ်ပါတယ်။

သူ့ရဲ့ သမ္မတ သက်တမ်း ၂ ခု အတွင်း အမေရိကန် ပြည်ထောင်စုဟာ လူပေါင်း ၃ ထောင်လောက် သေဆုံးခဲ့ရတဲ့ ၂၀၀၁ ခုနှစ် စက်တင်ဘာ အကြမ်းဖက် တိုက်ခိုက်ခံခဲ့ရပါတယ်။ သူ့လက်ထက်မှာဘဲ အမေရိကန်က အာဖဂန် နစ္စတန်နဲ့ အီရတ် နိုင်င်တွင်းမှာ စစ်ပွဲ စတင်ခဲ့ပြီး ၂၀၀၅ ခုနှစ်မှာ ဟာရီကန်း ကက်ထရီနားလည်း တိုက်ခတ် ဖျက်ဆီးခဲ့ပြန်ပါတယ်။ ၁၉၃၀ ပြည့်လွန်နှစ်တွေ ကတည်းကနေ အကြီးမားဆုံး စီးပွားကျမှုကိုလည်း ကြံ့ကြံ့ခံ ခဲ့ရပါတယ်။

သမ္မတ ဘရက်ခ် အိုဘားမား၊ သမ္မတဟောင်း ဘီလ်ကလင်တန်နဲ့ သမ္မတဟောင်း ဂျင်မီကာတာ တို့ကတော့ သမ္မတဟောင်း ဂျော့ဒဗလျူ ဘုရ်ှရဲ့ အာဖရိက အတွင်း လုပ်ဆောင်ခဲ့မှုတွေ အပေါ်မှာ ချီးကျူးခဲ့ကြပါတယ်။ မစ္စတာ ဘုရ်ှရဲ့ ဆူဒန်နိုင်ငံတွင်းမှာ ငြိမ်းချမ်းရေး သဘောတူ စာချုပ် ရရှိရေး တွန်းအားပေး လုပ်ဆောင်မှုက အစ AIDS နဲ့ ငှက်ဖျား ရောဂါ တိုက်ဖျက်မှုတွေ အတွက် လုပ်ဆောင်ခဲ့တဲ့ အပေါ်မှာ ချီးကျူး ပြောဆိုခဲ့ကြတာပါ။

သမ္မတဟောင်း ဂျော့ HW ဘုရ်ှကတော့ သူ့သားကြီး သမ္မတဟောင်း ဂျော့ဒဘလျူ ဘုရ်ှကို ဂုဏ်ပြု လှုဒါန်းပွဲကို တက်ရောက်ခွင့်ရတဲ့ အတွက်လည်း ကျေးဇူးတင်တဲ့အကြောင်း ပရိတ်သတ်ကို ပြောဆိုခဲ့ပါတယ်။
ဗွီအိုအေ (မြန်မာပိုင်း)

Galaxy S4 smartphone အသစ်ကို ကြာသာပတေးနေ့မှာ ပွဲထုတ်(ရုပ်/သံ)

တောင်ကိုရီးယား ကမ္ဘာကျော် ဆမ်ဆောင်း အီလက်ထရောနစ်ကုမ္မဏီက Galaxy S4 smartphone အသစ်ကို ကြာသာပတေးနေ့မှာ ပွဲထုတ်လာပါတယ်။ လာမယ့် သောကြာနေ့ကစလို့ တောင်ကိုရီးယား ဈေးကွက်ထဲမှာ စတင်ရောင်းချမှာဖြစ်ပြီး ဧပြီလ ကုန်ပိုင်းမှာ ကမ္ဘာ့နိုင်ငံပေါင်း ၁၅၀ မှာ ရောင်းချသွားမယ်လို့ ဆိုပါတယ်။
DVB TV News

ပစ်မှတ်ထဲမှာ NY လည်းပါသေး

ဘော်စတွန်ဗုံးခွဲမှု သံသယရှိသူညီအစ်ကို

25.04.2013
ဘော်စတန်မာရသွန် ဗုံးခွဲမှုနဲ့ ပတ်သက်တဲ့ သံသယရှိသူတွေဟာ နယူးယောက်မြို့ကိုလည်း ပစ်မှတ်ထားခဲ့တာဖြစ်တယ်လို့ နယူးယောက်မြို့တော်ဝန်က ပြောလိုက်ပါတယ်။ အဲဒီလူတွေဟာ နယူးယောက်မြို့က Times Square ကို တိုက်ခိုက်ဖို့အတွက် ရည်မှန်းထားတာလို့ ပြောပါတယ်။

သံသယရှိသူ ၂ ယောက်ထဲက အသက်ရှင်လျှက်ဆက်ပြီး ကျန်ရှိနေတဲ့ ဂျော်ဟား ဆားနားယဗ် (Dzhokhar Tsarnaev) က  သူနဲ့ သူအစ်ကို တမာလန် တို့ဟာ နယူးယောက်မြို့ကို ကားမောင်းသွားပြီး ၊ ဖေါက်ခွဲမှုတွေ ထပ်လုပ်ဖို့ စီစဉ်ထားတယ်လို့ စုံစမ်းစစ်ဆေးသူတွေကို ပြောခဲ့ကြောင်း နယူးယောက်မြို့တော်ဝန် Michael Bloomberg က ကြာသာပတေးနေ့မှာ ပြောကြားခဲ့ပါတယ်။

ဒါပေမဲ့ ဧပြီလ ၁၅ ရက်နေ့က ဘောစတန်ဗုံးပေါက်ကွဲမှုဖြစ်ပြီး ရက်ပိုင်းအတွင်းမှာပဲ တာမာလန်သေဆုံးပြီး၊ ဂျော်ဟားလည်း ဖမ်းဆီးခံရတာကြောင့်၊ နယူးယောက်မြို့မှာ ဖောက်ခွဲမှုတွေ လုပ်မယ့်အစီအစဉ်ဟာ ပျက်သွားခဲ့တာဖြစ်ပါတယ်။

၂၀၀၁ ခုနှစ်တုန်းက အကြမ်းဖက်သမားတွေရဲ့ တိုက်ခိုက်မှုကြောင့် လူပေါင်း ၃ ထောင်လောက် သေဆုံးခဲ့တဲ့ နယူးယောက်မြို့ဟာ ပစ်မှတ်အဖြစ် ရှိနေတုန်းပဲလို့ သူက ပြောပါတယ်။ တချိန်တည်းမှာ ဆာနာယဗ်ညီအစ်ကို ၂ ယောက်ဟာ ဒီဗုံးခွဲတိုက်ခိုက်မှုကို လုပ်ခဲ့တာမဟုတ်ဘူးလို့ သူတို့ရဲ့ မိဘတွေက ရုရှားနိုင်ငံမှာ ပြောလိုက်ပြီး ၊ အမေရိကန် အာဏာပိုင်တွေဟာ တာမာလန်ကို မလိုအပ်ဘဲ သတ်ခဲ့တာဖြစ်တယ်လို့ အမေဖြစ်သူက စွပ်စွဲလိုက်ပါတယ်။
ဗွီအိုအေ (မြန်မာပိုင်း)

အမေရိကန်ကုန်သွယ်ရေးအရာရှိ မြန်မာနိုင်ငံရောက်

အမေရိကန်နိုင်ငံ၊ ကုန်သွယ်ရေးဆိုင်ရာ ထိပ်တန်းအရာရှိ Demetrios Marantis

25.04.2013
အမေရိကန် နဲ့ မြန်မာနိုင်ငံကြားမှာ ကုန်သွယ်ရေးနဲ့ ရင်းနှီးမြှုပ်နှံမှုတွေ ပြန်လည် တည်ဆောက်နိုင်မယ့် နည်းလမ်းတွေကို ဆွေးနွေးဖို့ အတွက် အမေရိကန်နိုင်ငံရဲ့ကုန်သွယ်ရေးဆိုင်ရာ ထိပ်တန်းအရာရှိ Demetrios Marantis ဟာ မြန်မာအစိုးရ တာဝန်ရှိသူတွေနဲ့ တွေ့ဆုံခဲ့ကြပါတယ်။ အမေရိကန် ကုန်သွယ်ရေးထိပ်တန်းသံတမန် Marantis ဟာ နေပြည်တော်ကို မနေ့ကြာသပတေးနေ့က သွားရောက်ခဲ့ပြီး၊ မြန်မာအစိုးရ သမ္မတရုံးဝန်ကြီး ဦးစိုးသိန်း ကူးသန်းရောင်းဝယ်ရေးဝန်ကြီး ဦးဝင်းမြင့် နဲ့ အလုပ်သမားဝန်ကြီး ဦးမြင့်သိန်း တို့ နဲ့ တွေ့ဆုံခဲ့ပါတယ်။

ဒီတွေ့ဆုံဆွေးနွေးမှုအတွင်း - မြန်မာနိုင်ငံကို အမေရိကန်နိုင်ငံရဲ့ ကုန်သွယ်ရေး ဆိုင်ရာ အထူးအခွင့်အရေး (Generalize System of Preferences – GSP အစီအစဉ် ပေးအပ်ဖို့ကိစ္စ အပါအ၀င် ၂ နိုင်ငံကြား ကုန်သွယ်ရေး ရင်းနှီးမြုပ်နှံမှုဆိုင်ရာ သဘောတူညီချက်ရရှိရေး နဲ့ မြန်မာနိုင်ငံ အာဆီယံ အလှည့်ကျ ဥက္ကဋ္ဌဖြစ်လာမယ့် ၂၀၁၄ မှာ စီးပွားရေးဆက်ဆံမှု တိုးမြှင့်ရေး အလားအလာကောင်းတွေကိုလည်း တဲ့အခါမှာ စဉ်းစားနေတယ်လို့ သူက ပြောခဲ့ပါတယ်။ GSP အစီအစဉ်အရ ဖွံ့ဖြိုးဆဲ့နိုင်ငံတွေအနေနဲ့ သူတို့နိုင်ငံကနေ အမေရိကန်နိုင်ငံကို တင်သွင်းတဲ့ ထုတ်ကုန်တွေကို အခွန်မပေးရဘဲ တင်သွင်းခွင့်ရမှာဖြစ်ပါတယ်။

ဒီကနေ့မှာတော့ Mr.Marantis ဟာ အမေရိကန် စီးပွားရေး လုပ်ငန်းရှင်တွေ အပါအ၀င် ၊ မြန်မာနိုင်ငံက ပါမောက္ခတွေနဲ့ ကျောင်းသားလူငယ်တွေနဲ့ ရန်ကုန်မြို့မှာရှိတဲ့ အမေရိကန်စင်တာမှာ တွေ့ဆုံမှာကြမှာဖြစ်ပါတယ်။
ဗွီအိုအေ (မြန်မာပိုင်း)

မိတ္ထီလာသံဃာတွေ စာဖြေဖို့ပြင်၊ ဒုက္ခသည် အိမ်ပြန်

စာသင်သားတွေ စာမေးပွဲ ဖြေကြရတော့မယ်။

25 ဧပြီလ 2013
အစိုးရဓမ္မာစရိယနဲ့ ပထမပြန်စာမေးပွဲတွေကို မေလ ၂ ရက်မှာ တတိုင်းပြည်လုံး ကျင်းပတော့မှာ ဖြစ်တဲ့အတွက် မိတ္ထီလာက ရဟန်းနဲ့ ရှင်တွေလည်း စာမေးဖြေဖို့ ပြင်ဆင်နေကြရပြီ ဖြစ်ပါတယ်။

ရက်ကပ်မှ သိတဲ့အတွက် စာသင်သားတွေ နည်းနည်းတော့ ကသီမယ်လို့ မိတ္ထီလာမြို့နယ် သံဃာ့မဟာနာယကအဖွဲ့ အတွင်းရေးမှူးနဲ့ သာသနာ့ ဝေပုလ္လကျောင်းတိုက်က ဆရာတော် ဦးဝါယမက ဘီဘီစီကို ပြောပါတယ်။

ဗုဒ္ဓဘာသာတွေနဲ့ မွတ်ဆလင်တွေ အရင်လို ညီညွတ်စွာ ပြန်လည် နေထိုင်နိုင်ရေးကို ဘာသာပေါင်းစုံအဖွဲ့တွေနဲ့ ဧပြီ ၂၇ မှာ မိတ္ထီလာမှာ စည်းဝေး တွေ့ဆုံပွဲ လုပ်ဖို့ ရှိတယ်၊ ဒါပေမဲ့ အချိန်ယူ လုပ်ကြရမယ်လို့လည်း ဆရာတော်က မိန့်ပါတယ်။

၉၆၉ လှုပ်ရှားမှုတွေ မိတ္ထီလာမှာ မရှိဘူး၊ သံဃာ့ကွန်ရက်လည်း ဖွဲ့ထားတာ မရှိဘူးလို့ ဦးဝါယမက ပြောပါတယ်။

တချိန်တည်းမှာပဲ ပြီးခဲ့တဲ့ မတ် ၂၀ က စခဲ့တဲ့ လူမျိုးရေး ပဋိပက္ခအပြီး ဒုက္ခသည်စခန်း ခြောက်ခုမှာ နေထိုင်နေကြရတဲ့ ဗုဒ္ဓဘာသာနဲ့ မွတ်ဆလင် ဒုက္ခသည် တချို့လည်း အစိုးရ အစီအမံတွေနဲ့ ကိုယ့်အိမ်ရာ နေရာတွေဆီ ပြန်နေကြပါတယ်။

တချို့ပြန်ပေမယ့် တချို့လည်း ဒုက္ခသည်စခန်းတွေမှာ ဆက်လက်နေထိုင်နေကြသေးတယ်၊ ဈေးဆိုင်တွေလည်း အကုန်အစုံ ပြန်ဖွင့်တာမျိုးတော့ မရှိဘူးလို့ ခရိုင်အားကစားကွင်းမှာ ဒုက္ခသည်အဖြစ် ခိုလှုံနေရတဲ့ ဦးကိုကြီးက ဘီဘီစီကို ပြောပါတယ်။
ဘီဘီစီ

ဗြိတိန်မင်းသား ဟယ်ရီ သြစတြေးလျတပ်၌ ပူးတွဲတာဝန်ထမ်းဆောင်မည်

25 Apr, 2013
တော်ဝင်မင်းသားဟယ်ရီ သြစတြေးလျစစ်တပ်၌ ပူးတွဲတာဝန်ထမ်းဆောင်ရန်အတွက် စီစဉ် ဆောင်ရွက်နေကြောင်း သတင်းဖော်ပြချက်များအရ သိရှိရသည်။

အိမ်ရှေ့မင်းသား ချားလ်စ်၏ သားတော် ၂၈-နှစ်အရွယ်ရှိ မင်းသားဟယ်ရီသည် သြစတြေးလျ စစ်တပ်တွင် ၆-လတာခန့် တပ်ဖွဲ့တစ်ခုခု၌ တရားဝင် ဝင်ရောက်လျက်ဖြစ်စေ၊ လေ့လာသူ တစ်ဦးအနေဖြင့်ဖြစ်စေ တာဝန်ထမ်းဆောင်ရန် စီစဉ်လျက်ရှိကြောင်း ကြာသပတေးနေ့ထုတ် နယူးစ်လိမိတက်သတင်းစာတွင် ရေးသား   ဖော်ပြထားသည်။

တော်ဝင်အမှုထမ်းများနှင့် လုံခြုံရေးအရာရှိများက တော်ဝင်မင်းသားတစ်ဦးအား တာဝန်ထမ်းဆောင် ခွင့်ပေးခြင်းမှာ စွန့်စားရာရောက်ကြောင်း၊ တင်ပြချက်အရ ကာကွယ်ရေးဝန်ကြီးဌာနအနေဖြင့် မင်းသား တာဝန်ထမ်းဆောင်မည့် ကာလ ၆-လတာကာလအတွက် အသေအချာ စီမံဆောင်ရွက် ရှိကြောင်းကိုလည်း ဖော်ပြပါရှိသည်။

မင်းသား၏ လန်ဒန်ကလဲရင့်စ် အိမ်တော်ဝန်ထမ်းများ၊ ဗြိတိသျှတပ်မတော်နှင့် သြစတြေလျ တပ်မတော်တို့မှ သက်ဆိုင်ရာအရာရိများသည် တာဝန်ထမ်းဆောင်မည့် အချိန်ကာလ နှင့် နေရာဌာနများအတွက် အသေးစိတ်စီစဉ်နေကြောင်းကိုလည်း သိရသည်။

အေအက်ဖ်ပီ သတင်းဌာန၏ မေးမြန်းချက်ကို သြစတြေလျကာကွယ်ရေးဌာနမှ အတည်ပြုခြင်း သို့မဟုတ် ငြင်းဆိုခြင်း မပြုဘဲ ကလဲရင့်စ် အိမ်တော်သို့ ဆက်သွယ်မေးမြန်းရန် လမ်းလွှဲပေးခဲ့ ကြောင်းကိုလည်း သိရသည်။

သတင်းစာ၏ ဖော်ပြချက်အရ မင်းသားသည် တော်ဝင်မြင်းတပ်တပ်ရင်းမှ ဗိုလ်ကြီး အဆင့်ရှိ အရာရှိတစ်ဦးဖြစ်ပြီး အာဖဂန်နစ်စတန်တွင် ၂-ကြိမ်တိုင် တာဝန်ထမ်းဆောင်ခဲ့ကြောင်း၊ ယခုလည်း သြစတြေးလျစစ်သားများနှင့်အတူပူးတွဲ တာဝန်ထမ်းဆောင်ရန် စိတ်အားထက်သန်လျက် ရှိကြောင်း ရေးသားဖော်ပြထားပါသည်။

မင်းသားဟယ်ရီသည် တာဝန်ထမ်းဆောင်ရာမှ ဇန်နဝါရီလအတွင်းက အိမ်သို့ပြန်ရောက်လာပြီး၊ အာဖဂန်နစ္စတန်တွင် အပါချီ ဟယ်လီကော့ပတာတွဲဖက် ပိုင်းလော့ အဖြစ်တာဝန်ထမ်းဆောင်စဉ် သူ၏ ကွန်ပြူတာဂိမ်း ကျွမ်းကျင်မှုအားဖြင့် တာလီဘန်များကို သတ်ဖြတ်ရာတွင် ပိုမို စွမ်းဆောင် နိုင်ခဲ့ကြောင်း ပြောဆိုသဖြင့် မကျေနပ်မှုအငြင်းပွားမှုများ ဖြစ်ပေါ်ခဲ့ကြောင်းကိုလည်း သိရသည်။
သတင်း- ဘန်ကောက်ပို့စ် အွန်လိုင်း
ညွန့်အောင် ( မြစ်မခ )
Myit Makha Mediagroup

အခမဲ့အမှုများ၌ အဓမ္မပြုကျင့်မှု အများဆုံးပါဝင်

24 Apr, 2013
ရန်ကုန်တိုင်းဒေသကြီး မြို့နယ်(၅)ခု၌ အခမဲ့အမှုလိုက် ဖြေရှင်းပေးရသည့် အမှု(၂၀)ကျော်အနက် အဓမ္မပြုကျင့်မှုမှာ အများဆုံးပါဝင်ကြောင်း အကျိုးဆောင်ပေးနေသည့် Youth Legal Clinic အဖွဲ့က ဆိုသည်။

Youth Legal Clinic အဖွဲ့မှာ ရန်ကုန်တိုင်းဒေသကြီးရှိ သာကတေ၊ လှိုင်သာယာ၊ ဒလ၊ ဒေါပုံ၊ ဒဂုံဆိပ်ကမ်း မြို့နယ်များ၌ အမျိုးသမီးအကြမ်းဖက်ခံရမှုနှင့် ပတ်သက်သည့်အမှုများအား အခမဲ့အမှုလိုက်ပေးလျက်ရှိ ကြောင်း သိရှိရသည်။       

အင်တာနက်ပေါ်မှ ညစ်ညမ်းဇာတ်ကားများ ကြည့်ရှု့ခြင်း ၊ ဖုန်းများတွင်လည်း ညစ်ညမ်းဓာတ်ပုံများတင် ထားခြင်းမှာ အမျိုးသမီးများ အဓမ္မကျင့်ခံရစေနိုင်ရန် တွန်းအားပေးသည့် သဘောသက်ရောက်စေနိုင်ကြောင်း ဥပဒေအသိုင်းအ၀ိုင်းနှင့် လူမှုရေးအဖွဲ့အစည်းများက သုံးသပ်ပြောဆိုသည်။

"လှိုင်သာယာဘက်က တက်လာတဲ့အမှုတွေဆိုရင် အဲ့ဒီလို အခွေတွေကိုထိုင်ကြည့်ရင်းနဲ့ မောင်နှမနှစ်ယောက် ဖြစ်သွားတာမျိုးတို့   ၊ ကောင်လေးက ကောင်မလေးကို ဖုန်းထဲကနေပြပြီးတော့ ကောင်မလေး ကို စိတ်ပါလာအောင် လုပ်တာတွေ ရှိလာတာမို့လို့ ဒါတွေက Rate မှုတွေကို လမ်းကြောင်းပေးနေ သလိုဖြစ်ပါတယ်  " ဟု Youth Legal Clinic အဖွဲ့ဥက္ကဌ အထက်တန်းရှေ့နေ ဒေါ်လှလှရီက ပြောသည်။

အဓမ္မကျင့်မှုများ မဖြစ်ပေါ်စေရန်အတွက် လူငယ်လူရွယ်များအနေဖြင့် ငယ်စဉ်ကတည်း ဘာသာရေး အသိ တရားများ လေ့လာမှတ်သားထားသင့်ကြောင်း၊ ၄င်းအမှုများ ဖြစ်ပေါ်လာပါကလည်း နိုင်ငံတော် အစိုးရအနေဖြင့် အခြားနိုင်ငံများနည်းတူ ထိရောက်ဟန့်တားသောပြစ်ဒဏ်များကို တိတိကျကျချ မှတ်ပေးရန် လိုအပ်ကြောင်း လူမှုအဖွဲ့အစည်းများက အကြံပြုပြောဆိုသည်။ 

"ပုံတွေတွေ့ရင်တော့ လှုံ့ဆော်စိတ်ပေါ်လာမှာပဲ။ အိုင်တီ တိုးတက်လာတာနဲ့အမျှ ဒါတွေကို တားမြစ်ဖို့က ခက်တယ်။ လူကိုထိန်းထားတာ ဘာသာတရားပဲ ဒါကြောင့် ငယ်ငယ်ကတည်းက လူငယ်တွေအတွက် သွန်သင်မှု လိုတယ်။ ပြီးတော့ အမှုတွေပေါ်လာရင် တရားဥပဒေအရ ထိရောက်တဲ့ ပြစ်ဒဏ်ပေးဖို့လိုတယ် " ဟု အပြည်ပြည်ဆိုင်ရာလူမှုရေး အဖွဲ့အစည်းတစ်ခုတွင် တာဝန်ထမ်း ဆောင်ခဲ့ဖူးသော ဦးညွန့်အောင်ကပြောသည်။   

အင်တာနက်ဆိုင်အချို့ရှိ ကွန်ပျူတာစက်များထဲ၌  ညစ်ညမ်းသောဇာတ်ကားများ နှင့် ဓာတ်ပုံများ ထည့်သွင်းထားမှုများ ရှိကြောင်းကိုလည်း အင်တာနက်သုံးစွဲသူများထံက သိရှိရသည်။ 

"ဟိုတလောက ဆိုင်မှာ သွားထိုင်တာ။ ဖွင့်လိုက်တာနဲ့ computer screen ပေါ်မှာ သီချင်းထင်လို့ ဖွင့်လိုက်တာ အဲ့ဒီလို ဇာတ်ကားတွေ ပေါ်လာတယ်။ ပထမကြည့်သွားတဲ့ လူတွေ မပိတ်ဘဲကျန်ခဲ့တာလားမသိဘူး။ ဘာပဲ ပြောပြော ဆိုင်တွေအနေနဲ့ သူတို့ဆိုင် လူဝင်အောင်လို့ ဒီလိုကားတွေမထည့်ထားသင့်ပါဘူး။ " ဟု ကြည့်မြင်တိုင်မြို့နယ်မှ အင်တာနက်သုံးစွဲသူ အမျိုးသမီး တစ်ဦးက ပြောသည်။

မုဒိမ်းမှုဖြစ်ပေါ်ပါက ပုဒ်မ(၃၇၆)ဖြင့် အရေးယူနိုင်ပြီး ထိုပုဒ်မအရ ထောင်ဒဏ် (၁၀)နှစ် (သို့) တစ်သက်တစ်ကျွန်း (သို့)ငွေဒဏ် (သို့) ထောင်ဒဏ်နှင့်ငွေဒဏ်နှစ်ရပ်စလုံး ချမှတ်နိုင်ကြောင်း  သိရှိရသည်။
ယမင်း (မြစ်မခ)
Myit Makha Mediagroup