SEA Games အတွက် ပြင်ဆင်နေသည့် မြန်မာ့လက်ရွေးစင် အမျိုးသမီး ဘော်လီဘောအသင်းသည် ထိုင်းနိုင်ငံတွင် ကျင်းပသည့် ကလပ် အသင်းပြိုင်ပွဲတွင် ခုနစ်သင်း ယှဉ်ပြိုင်ရာ နှစ်ပွဲနိုင် လေးပွဲရှုံးနှင့် ဆဋ္ဌမ အဆင့်ဖြင့် ကျေနပ်ခဲ့ရကြောင်း မြန်မာနိုင်ငံ ဘော်လီဘော အဖွဲ့ချုပ်မှ သတင်းထုတ် ပြန်ထားသည်။
ထိုင်းနိုင်ငံက ကလပ်အသင်း ခုနစ်သင်းနှင့် မြန်မာအသင်းတို့ အုပ်စု ပတ်လည် ခြောက်ပွဲ ကစားခဲ့ရာ နှစ်ပွဲအနိုင်ရပြီး အသင်းလိုက် အဆင့်တွင် ဆဋ္ဌမနေရာ ရရှိခဲ့ကြောင်း မြန်မာနိုင်ငံ ဘော်လီဘော အဖွဲ့ချုပ်မှ တာဝန်ရှိသူတစ်ဦးက ပြောကြားသည်။
ယင်းပြိုင်ပွဲကို အရှေ့တောင်အာရှဇုန် ကမ္ဘာဖလား ပြိုင်ပွဲဝင်ရန် လက်ရည်စမ်းသည့် အနေနှင့် ဝင်ရောက် ယှဉ်ပြိုင်ခြင်း ဖြစ်ကြောင်း အမျိုးသမီး အသင်းနည်းပြချုပ် ဦးသိန်းဆွေက ပြောကြားသည်။
မြန်မာလက်ရွေးစင် အမျိုးသမီး ဘော်လီဘော အသင်းသည် ဇွန်လ ၁၄ ရက် နေ့မှ ၁၆ ရက်နေ့အထိ ဗီယက်နမ်နိုင်ငံတွင် ကျင်းပမည့် ကမ္ဘာဖလား (အရှေ့တောင်အာရှဇုန်) ပြိုင်ပွဲဝင်ရန် ထိုင်းနိုင်ငံ ဘန်ကောက်မြို့တွင် လေ့ကျင့်မှုများ ပြုလုပ်နေကြောင်း ၎င်းက ပြောဆိုသည်။
The Voice Weekly
