ဘိန်းဘုရင်ဦးခွန်ဆာ၏ အဖွဲ့မှခွဲထွက်ခဲ့ပြီး ဘိန်းမှောင်ခိုလုပ်ငန်းကို ဆက်လက်လုပ်ကိုင်နေခဲ့သူဟု အစိုးရသတင်းစာများက ဖော်ထုတ်ရေးသားခြင်းကိုခံခဲ့ရသည့် ဘိန်းသောင်းကျန်းသူဟောင်း ဒုတိယ ဗိုလ်ချုပ်ကြီးရွက်ဆစ်နှင့်အဖွဲ့ အစိုးရနှင့်ငြိမ်းချမ်းရေးဆွေးနွေးမှုများကို ပြုလုပ်ခဲ့ရာတွင်ရွက်ဆစ်အဖွဲ့မှာ အင်အားအနည်းအကျဉ်းသာရှိသော်လည်း အရေးတယူလုပ် ဖို့လိုကြောင်း၊ နိုင်ငံတော်သမ္မတ ဦးသိန်းစိန်ကိုယ်တိုင် အဖွဲ့ကြီးငယ်မရွေး ကိုယ်တိုင်တွေ့ဆုံ၍ ငြိမ်းချမ်းရေး ဆွေးနွေးသည်ဆိုသည်မှာ သည်းခံ ခွင့်လွှတ်စိတ်ရှည်ပြီး သဘောထားကြီးမားသည်ကို ပြကြောင်း အစိုးရသစ်လက်ထက် ပြည်တွင်းငြိမ်းချမ်းရေး/ ကော်မတီခေါင်းဆောင်ဟောင်း ဦးအောင်သောင်းက မြန်မာသံတော်ဆင့်သို့ပြောကြားခဲ့သည်။ ငြိမ်းချမ်းရေး လုပ်ငန်းများကို ယခင်ဗိုလ်ချုပ်မှူးကြီးသန်းရွှေ အစိုးရလက်ထက် အစအဆုံးပါဝင်ခဲ့ပြီး ဘိန်းသောင်းကျန်းသူများနှင့် အနီးကပ်တွေ့ဆုံခဲ့ရသော ဗိုလ်မှူးကြီးဟောင်း တစ်ဦးလည်းဖြစ်သည့် ဦးအောင်သောင်းက “ ဒါနဲ့ပတ်သက်ပြီးတော့ သူတို့လည်း နာမည်ကြီးခဲ့တာမှန်ပါတယ်။ သို့သော် ကျွန်တော်တို့အနေနဲ့က ငြိမ်းချမ်းရေးလုပ်တဲ့အခါကျတော့ မင်းဒါတွေရှိနေတယ်ဆိုပြီးတော့ သူမကောင်းတာတွေ ဖော်နေရင် ငြိမ်းချမ်းရေးဆွေးနွေးလို့ မရဘူး။ သူ့မှာလည်းနယ်စပ်မှာအခြေခံထားတဲ့ အင်အားတစ်စုရှိတယ်။ ဒုက္ခပေးနေတဲ့ အင်အားရှိတယ်။ တာချီလိတ်တို့၊ မိုင်းဆတ်တို့၊ မိုင်းတုံတို့၊ နောက်ရှိသေးတယ် လွယ်လန်း ဒေသ။ ဒီနေရာမှာသူတို့ကလည်း ကြီးစိုးနေတာဆိုတော့ ကျွန်တော်တို့ရဲ့ မှောင်ခိုလမ်းကြောင်းတွေအားလုံးကို၊ အ၀င်အထွက်တွေအားလုံးကိုလည်း သူတို့နဲ့ မကင်းနိုင်ဘူး။ မကင်းဘဲနဲ့တော့ ငြိမ်းချမ်းမှုကမရနိုင်ဘူး။ ပြည်သူတွေအတွက်ကလည်း ဒုက္ခရောက်နေတယ်ဆိုတော့ ဒီငြိမ်းချမ်းရေးက ရကိုရမှဆိုတဲ့အနေအထား အဲဒါမှ သူ့အပေါ်မှာလည်း သူလက်ခံနိုင်ဖို့အတွက်က သူမကောင်းတာပြောနေစရာ မလိုတော့ဘူး။ ကောင်းတာလေးတွေပဲ ရွေးနုတ်ပြီးပြောတော့မယ်ဆိုတဲ့ သဘောက အခုသူတို့လုပ်နေတဲ့သဘောလေးက။ ဆိုတော့ ရွက်ဆစ်ကတော့ ကျွန်တော်တို့နဲ့ ဆက်သွယ်တာမဟုတ်ဘူး။ ကျွန်တော်လည်း ငြိမ်းချမ်းရေး လုပ်ခဲ့တော့ သူက ဟန်ညောင်ရွှေကနေ တစ်ဆင့် ဆက်သွယ်တယ်။ သူတို့ဆက်သွယ်လို့ ကျွန်တော်တို့ လုပ်ခဲ့တယ်။ အစိုးရအနေနဲ့ကတော့ သဘောထားကြီးစွာနဲ့ မသိချင်ယောင်ဆောင်ပြီးတော့ စိတ်ထား ကောင်းကောင်းနဲ့ ညှိညှိနှိုင်းနှိုင်းလေးနဲ့ ငြိမ်းချမ်းရင်ပြီးရော သူလည်း လက်နက်ကိုင်ပဲ အင်အားလည်း အနည်းအကျဉ်းရှိတယ်ဆိုတော့ ဒီအင်အားလေးလည်း ငြိမ်းချမ်းအောင်ဆိုပြီးတော့ ပထမဦးဆုံး အင်အားနည်းတဲ့ အဖွဲ့ချင်းလိုအင်အားနည်းတဲ့အဖွဲ့တောင် သူတို့ကအရေးတယူလုပ်တာကိုး။ သူတို့ အဖွဲ့ကတော့ အဲဒီထက် အရေးတယူလုပ်ဖို့တော့ လိုတာပေါ့။ နယ်စပ်လည်း ဖြစ်နေတာကိုး ဒါကြောင့်အစိုးရကလည်း ဒီလောက်ကတော့ သည်းခံခွင့်လွှတ်စိတ်ရှည်ပြီးတော့ သဘောထားကြီးကြီးနဲ့ လုပ် တယ်လို့ထင်တယ်။ ဒါကတော့ ဆက်ကြည့် ရဦးမှာပေါ့။ အဲဒါတွေကို တစ်ဖက်ကလည်း စွန့်လွှတ်ပြီးတော့မှ အားလုံး ဥပဒေနဲ့မညီတာတွေ မလုပ်တော့ဘဲနဲ့ ဒီလိုပဲ အစိုးရပို့တဲ့လမ်းကြောင်းပေါ် တက်လာမယ်ဆိုရင်တော့ ၀မ်းပန်းတသာ ကြိုရမယ့်သဘောမှာရှိတာပေါ့။ လူတွေကတော့ မှားတာ မှန်တာရှိမှာပေါ့”ဟု ပြောသည်။
အစိုးရက ဘိန်းသောင်းကျန်းမှုကို လျစ်လျူရှု၍ ဒုတိယဗိုလ်ချုပ်ကြီးရွက်ဆစ်နှင့်အဖွဲ့ကို အရေးတယူ ငြိမ်းချမ်းရေး ဆွေးနွေးနေသည်မှာ ၀ အဖွဲ့က ကိုယ်ပိုင်အုပ်ချုပ်ရေး/ပြည်နယ် တောင်းဆို သည့်ကိစ္စကိုချုပ်ကိုင်ချင်လို၍ နိုင်ငံရေး ကစားကွက်ရွှေ့သည်ဆိုခြင်း ဖြစ်နိုင်မဖြစ်နိုင်အတွက်လည်း ဦးအောင်သောင်းက သုံးသပ်ဖြေကြားရာတွင် ““အဲဒါကတော့ မဟုတ်ပါဘူး။ အဲလို လုပ်လို့မရဘူး။ ရွက်ဆစ်ကိုကိုင်လို့ရရ၊ မရရ ၀နဲ့ယှဉ်လို့ မရဘူး။ လုံးဝယှဉ်လို့မရဘူး။ သို့သော် ရွက်ဆစ်နဲ့ဆိုင်တာကတော့ ၀ ရှိပါတယ်။ ၀ တပ်ဖွဲ့လေးတွေရှိတယ်။ ဟိုယခင်တုန်းက အကြောင်းအမျိုးမျိုးကြောင့် ဥပဒေပြုပေးခဲ့တာလေး တွေရှိတယ်။ လွယ်လန်းဒေသတို့၊ အိုမာဂျင်း အနောက်ဘက်ဒေသတို့၊ အာချီးဒေသတို့ အဲဒီနားလေးမှာ ၀ ကိုပေးထားတာရှိတယ်။ ရာဘာတွေဘာတွေ စိုက်တယ်။ တော်တော်လည်း ဖြစ်မြောက်တယ်။ ဆိုတော့ အဲဒီနားလေးမှာ ၀ တပ်ဖွဲ့ရှိတယ်။ အဲဒါကတော့ အစွန်အဖျား လောက်ပါ။ အင်အားအနည်းငယ်။ လက်နက်ကိုင်အဖွဲ့ထဲမှာ အင်အား အများဆုံးကလည်း ၀ တပ်ဖွဲ့ပါပဲဆိုတော့ ယွက်ဆစ်ကို ရတာ၊ မရတာနဲ့ကတော့ Balance လုပ်လို့မရပါဘူး။ ဘယ်အဖွဲ့မှ လုပ်လို့မရဘူး။ အဲတစ်ခုတော့ ရှိတယ်။ ကျန်တာတွေ အားလုံးရပြီဆိုရင်တော့ ၀ ကတော့ မနေသာဘူးပေါ့။ ပေါ်လွင်လာမယ်။ ထင်ပေါ်လာမယ်။ ၀ ကလည်း အဲလိုလုပ်ဖို့ မလိုဘူး။ ကျွန်တော်ကိုယ်တိုင် ငြိမ်းချမ်းရေး ကော်မတီအနေနဲ့ လက်မှတ် ထိုးပေးထားတာကိုး။ ဆက်လက်ပြီးတော့ ဒီစာချုပ်က တည်မြဲနေမှာပဲ။ မပျက်ပြယ်ဘူး။ ဘာမှမပျက်ပြယ်ဘူး။ ၀ကလည်း မတော်လှန်ဘူး။ ဘယ်တော့မှလည်း ခွဲမထွက်ဘူး။ ဒီ့ထက် တိုးတက်တဲ့ လမ်းကြောင်းကိုပဲ သွားတော့မယ်လို့ ကျွန်တော်ထင်တယ်။ ရွက်ဆစ်နဲ့တော့ ဘာမှမဆိုင်ဘူး””ဟု မြန်မာသံတော်ဆင့်သို့ပြောသည်။
ဒုတိယဗိုလ်ချုပ်ကြီးရွက်ဆစ်သည် သမ္မတဦးသိန်းစိန်နှင့်တွေ့ဆုံပြီးနောက် ရန်ကုန်နှင့်မန္တလေးတို့တွင် မီဒီယာများ၊ နိုင်ငံရေးစိတ်ပါဝင်စားသူများနှင့်လည်း တွေ့ဆုံဆွေးနွေးမှုများပြုခဲ့သလို ဒေါ်အောင်ဆန်းစုကြည် ထံသို့လည်း သွားရောက်၍ မူးယစ်ဆေးဝါးကိစ္စရပ်များ ဆွေးနွေးခဲ့သည်။
Myanmartandawsint Newspaper
