 |
| ဓါတ်ပုံ google |
ရန်ကုန်-မန္တလေး ရထားလမ်း စဥ့်ကိုင်မြို့နယ်နှင့် စဥ့်ကူးမြို့နယ် အတွင်းတွင် ဇွန်လ၂၃ ရက်နေ့ တစ်ရက်တည်း နှစ်ကြိမ်ခန့် ရထားတိုက်မိပြီး လူနှစ်ဦး သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးထံမှ သိရသည်။
မန္တလေးတိုင်းဒေသကြီး စဥ့်ကိုင်မြို့နယ် မန္တလေး-ရန်ကုန် ရထားသံလမ်း မိုင်တိုင်အမှတ် (၃၆၇/၁-၂) ကြားနှင့် မိုင်တိုင်အမှတ် (၃၇၀/၁၁-၁၂) ကြား နေရာတို့တွင် ဇွန်လ ၂၃ ရက် နံနက် ၆ နာရီက လူနှစ်ဦး ရထားတိုက်ခံရ၍ သေဆုံးခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးထံမှ သိရသည်။
“လူတွေက ညဘက်အချိန်မှာ သံလမ်းပေါ်မှာ အရက်မူးပြီး အိပ်တာတွေကြောင့် အခုလို အဖြစ်များ နေတာပါ။ ဒီလိုမျိုးတွေ မဖြစ်ရအောင် ရပ်ကွက် အုပ်ချူပ်ရေးမှူးအဖွဲ့တွေကနေ ညဘက် ရထား သံလမ်းပေါ်မှာ မအိပ်ဖို့တွေကို သတိပေးတာတွေလည်း လုပ်ရပါတယ်” ဟု မြန်မာ့မီးရထား တိုင်း (၃) မှ တာဝန်ရှိသူ တစ်ဦးက The Voice သို့ ပြောကြားသည်။
စဥ့်ကိုင်မြို့နယ် ရထားလမ်း မိုင်တိုင်အမှတ် ၃၇၄၊ ပုလိပ် ဘူတာရုံအနီး ရန်ကုန်-မန္တလေး၊ အမှတ် (၁) အဆန် စာပို့ ရထားသည် ဇွန်လ ၂၀ ရက်နေ့ နံနက် ၅ နာရီ ၁၀ မိနစ် အချိန်ကလည်း စဥ့်ကိုင်မြို့ နေသူ တစ်ဦးကို တိုက်မိသဖြင့် သေဆုံးခဲ့ကြောင်း အဆိုပါ ရဲတပ်ဖွဲ့မှူးရုံးထံမှ ထပ်မံ သိရသည်။
The Voice Weekly
