သမ္မတမိန့်ခွန်း အမြန်ဆုံး အကောင်အထည်ဖော်ရန် နိုင်ငံ/အကျဉ်းသားဟောင်းများ အဖွဲ့တိုက်တွန်း

ရန်ကုန်၊ ဇွန် ၆
နိုင်ငံတော်သမ္မတ ဦးသိန်းစိန် ဇွန်လ ၄ ရက်နေ့က ပြောကြားခဲ့သော ရေဒီယို မိန့်ခွန်းတွင် နိုင်ငံရေး အကျဉ်းသားအားလုံး ကို မကြာမီလွှတ်ပေး မည် ဖြစ်ပြီး မိမိဆန္ဒ အနေနှင့် နိုင်ငံရေး အကျဉ်းသားများ မရှိ စေလိုဟု ဆိုသော ပြောကြားချက်ကို အမြန်ဆုံး အကောင်အထည်ဖော်ရန် နိုင်ငံရေး အကျဉ်းသားဟောင်းများအဖွဲ့(FPPS) က တိုက်တွန်းကြောင်း ထုတ်ပြန် ကြေညာသည်။

သမ္မတဦးသိန်းစိန်၏ ရေဒီယိုမိန့်ခွန်း တွင် နိုင်ငံရေး အကျဉ်းသားများ ကိစ္စ ဆောင်ရွက်ရာတွင် ပြန်လည် စိစစ်ရန် ရှိသည်များ အတွက် အချိန်ကာလတစ်ခု ယူထားသည်မှ လွဲ၍ နိုင်ငံရေး အမြတ်ထုတ်လိုမှု မရှိဘဲ လွတ်ငြိမ်း ချမ်းသာခွင့် ပြုထားသည့် နိုင်ငံရေး အကျဉ်းသားများကိုလည်း ပုဒ်မ ၄၀၁ ဖြင့် အရေးယူမည် မဟုတ်ကြောင်း ထည့်သွင်း ပြောကြားသည်။

နိုင်ငံရေး အကျဉ်းသားများ အားလုံး လွတ်မြောက် လာစေရေးအတွက် ယခင်က ရာဇဝတ် ပြစ်မှုများဖြင့် တွဲ၍ ပြစ်ဒဏ်ချမှတ် ထားသည်များကို လက်ကျန် နိုင်ငံရေး အကျဉ်းသား စိစစ်ရေးကော်မတီက ပြန် လည်စိစစ် ဆောင်ရွက်နေပြီး အချို့ကိစ္စရပ်များ တွင် အစိုးရဘက်က လက်မခံမှုများရှိ ကြောင်း FPPS မှ နိုင်ငံရေး အကျဉ်းသားဟောင်း ဦးတင်မောင်ဦးက ဆိုသည်။

“ဥပမာ-ကျွန်တော်တို့ တင်ထားတဲ့ စာရင်းမှာ နျူကလီးယား ကိစ္စနဲ့ အကျဉ်း ကျနေတဲ့ ဗိုလ်မှူး ဝင်းနိုင်ကျော်ဆိုရင် နိုင်ငံရေး အကျဉ်းသားအဖြစ် အစိုးရက လက်မခံဘူး”ဟု ၎င်းက ဆိုသည်။

နိုင်ငံတော်သမ္မတ ပြောကြားခဲ့သည့် ပြစ်မှုဆိုင်ရာ ကျင့်ထုံးဥပဒေ ပုဒ်မ (၄၀၁)(က)ကို နိုင်ငံရေး လက်နက်တစ်ခုအဖြစ် အသုံးချပြီး အရေးယူ ဆောင်ရွက်မည် မဟုတ်ကြောင်း ပြောကြားချက်ကို ဝမ်းမြောက်စွာ ကြိုဆိုကြောင်း၊ ထို့အပြင် ယင်း ပုဒ်မအရ လွတ်မြောက်ပြီး ဖြစ် သည့် နိုင်ငံရေး အကျဉ်း သားများ အားလုံးကိုလည်း ကျန်ရှိနေသေး သော ကြွေးကျန် အားလုံးကို ပယ်ဖျက်ကြောင်း ကြေညာချက် အမြန်ဆုံး ထုတ်ပြန်ပေးရန် လိုအပ်ပါကြောင်း နိုင်ငံရေး အကျဉ်းသားဟောင်းများ အဖွဲ့၏ သဘောထား ကြေညာ ချက်တွင် ထည့်သွင်း တောင်းဆိုထားသည်။

နိုင်ငံတော်သမ္မတ ဦးသိန်းစိန် ဦးဆောင်သော အရပ်သားအစိုးရ လက်ထက်တွင် အကျဉ်းသားပေါင်း ၁၅၀၀ ကျော်ကို လွတ်ငြိမ်း ချမ်းသာခွင့် လေးကြိမ် ပြုခဲ့ရာတွင် နိုင်ငံရေးအကျဉ်းသား ၄၀၀ နီးပါး ပါဝင် ကြောင်း နိုင်ငံရေးသမားများက ဆိုသည်။
The Voice Weekly