 |
| ပြဿနာများကို ငြိမ်းချမ်းစွာ ဖြေရှင်းနိုင်ရေး ဗုဒ္ဓသာသနာတော်ဆိုင်ရာ သြ၀ါဒခံယူပွဲနှင့် အကြိုညှိနှိုင်း ဆွေးနွေးပွဲ အခမ်းအနားကို ရန်ကုန်မြို့တွင် ဇွန် ၁၃ ရက်က ပြုလုပ်စဉ် (ဓာတ်ပုံ-အောင်ဇော်ထွန်း) |
မြန်မာနိုင်ငံတွင် ဖြစ်ပွားခဲ့သည့် ပဋိပက္ခများကြောင့် နိုင်ငံတကာတွင် ဗုဒ္ဓဘာသာအပေါ် အထင်လွဲမှားမှုများ ရှိနေရာ ဗုဒ္ဓဘာသာကို ငြိမ်းချမ်းသည့် ဘာသာအဖြစ် ကမ္ဘာက သိစေရန်နှင့် ပြဿနာများအား ငြိမ်းချမ်းစွာ ဖြေရှင်းနိုင်ရေး ဗုဒ္ဓသာသနာတော်ဆိုင်ရာ သြ၀ါဒခံယူပွဲနှင့် အကြိုညှိနှိုင်း ဆွေးနွေးပွဲကို ဇွန် ၁၃ ရက်မှ စတင်ပြီး ရန်ကုန်တိုင်း ဒေသကြီး မှော်ဘီမြို့ရှိ ဓမ္မဒူတဇေတ၀န်တောရ ဆေကိန္ဒာရာမ ကျောင်းတိုက်တွင် ကျင်းပခဲ့သည်။
အဆိုပါ အခမ်းအနားကို ဇွန် ၁၃ ရက်နှင့် ၁၄ ရက်တို့တွင် ကျင်းပသွားမည်ဖြစ်ပြီး အခမ်းအနားသို့ နိုင်ငံတော် သံဃမဟာနာယကအဖွဲ့ ဥက္ကဋ္ဌ၊ မန္တလေးတိုင်း ဒေသကြီး ဗန်းမော်ကျောင်းတိုက် ဆရာတော်၊ မလေးရှားနိုင်ငံ ပီနန်းဆရာတော် ဘဒ္ဒန္တပညာဝံသ အပါအ၀င် မြန်မာနိုင်ငံ တစ်ဝန်းရှိ ဆရာတော် သံဃာတော်အပါး နှစ်ရာဝန်းကျင် တက်ရောက်ပြီး ဆွေးနွေးလျက်ရှိသည်။
နိုင်ငံတော် သံဃမဟာနာယကအဖွဲ့ ဥက္ကဋ္ဌ မန္တလေးတိုင်းဒေသကြီး ဗန်းမော်ကျောင်းတိုက် ဆရာတော်က ''ယနေ့ နိုင်ငံအခြေအနေမှာ ပဋိပက္ခများ ဖြစ်ပေါ်နေပြီး အဲဒီပဋိပက္ခတွေကို သံဃာတော် အရှင်သူမြတ်များ အနေနဲ့ ဖြေရှင်းပြီး ငြိမ်းချမ်းအောင် လုပ်ကိုင်ဆောင်ရွက် နေကြသည့်အတွက် အထူးပဲ ကျေနပ်အားရမိပါတယ်။ ထိုသို့ ဗုဒ္ဓနည်းကျ ငြိမ်းချမ်းစွာ ဖြေရှင်းနေကြပါလျက် နိုင်ငံတကာ မီဒီယာများက ဗုဒ္ဓဘာသာကို အမျိုးမျိုး ပုတ်ခတ်ပြီး ဂုဏ်သရေ ညှိုးနွမ်းအောင် နည်းမျိုးစုံ အမှားသတင်းတွေ လွှင့်နေကြတာကို တွေ့နေကြရတဲ့အတွက် အထူးစိတ်မကောင်း ဖြစ်မိပါတယ်။ လွဲမှားစွာ ဖော်ပြနေတဲ့ လုပ်ကြံသတင်း မီဒီယာများကြောင့် နိုင်ငံတကာက ဗုဒ္ဓဘာသာအပေါ်ကို အထင်လွဲ အမြင်လွဲ ဖြစ်နေကြပါတယ်။ ဒါကြောင့် ဖြစ်ပေါ်နေတဲ့ ပဋိပက္ခဖြစ်စဉ်ရဲ့ အမှန်ကို အတိအကျ ဖော်ထုတ်ဖို့ လိုအပ်ပါတယ်။ ကမ္ဘာကိုလည်း ကြေညာဖို့ လိုအပ်ပါတယ်'' ဟု မိန့်ကြားခဲ့သည်။
ဗုဒ္ဓနည်းကျ ငြိမ်းချမ်းစွာ ဖြေရှင်းနေကြပါလျက် နိုင်ငံတကာ မီဒီယာများက ဗုဒ္ဓဘာသာကို အမျိုးမျိုး ပုတ်ခတ်ပြီး ဂုဏ်သရေ ညှိုးနွမ်းအောင် နည်းမျိုးစုံ အမှားသတင်းတွေ လွှင့်နေကြတာကို တွေ့နေကြရတဲ့အတွက် အထူးစိတ်မကောင်း ဖြစ်မိပါတယ်။ လွဲမှားစွာ ဖော်ပြနေတဲ့ လုပ်ကြံသတင်း မီဒီယာများကြောင့် နိုင်ငံတကာက ဗုဒ္ဓဘာသာအပေါ်ကို အထင်လွဲ အမြင်လွဲ ဖြစ်နေကြပါတယ်...
အဆိုပါ ဆွေးနွေးပွဲကို ကဏ္ဍခုနစ်ခုဖြင့် ကျင်းပသွားမည်ဖြစ်ပြီး (၁) ပဋိပက္ခများကို ဗုဒ္ဓနည်းကျ ဖြေရှင်းရေးကဏ္ဍ၊ (၂) ဥပဒေဆိုင်ရာ ကဏ္ဍ၊ (၃) နိုင်ငံသားအားလုံး ငြိမ်းချမ်းစွာ နေထိုင်နိုင်ရေးကဏ္ဍ၊ (၄) ပညာရပ် လေ့လာရေးကဏ္ဍ၊ (၅) သတင်းနှင့် ပြန်ကြားရေးကဏ္ဍ၊ (၆)အဖွဲ့အစည်း အဆင့်ဆင့် စေ့စပ်ညှိနှိုင်းရေး ကဏ္ဍ၊ (၇) အသိပေး စည်းရုံးရေး ကဏ္ဍတို့ ဖြစ်သည်။
အခမ်းအနား နံနက်ပိုင်းအပြီး သတင်းစာ ရှင်းလင်းပွဲတွင် ဆရာတော် အရှင်ဆေကိန္ဒက ''ဒီအခမ်းအနား ကျင်းပရတဲ့ အဓိကအကြောင်းရင်းက ဗုဒ္ဓဘာသာဆိုတာ ငြိမ်းချမ်းတဲ့ ဘာသာအဖြစ် တစ်ကမ္ဘာလုံးက သတ်မှတ်ထားပြီးသား။ ဗုဒ္ဓဘာသာကို တစ်ကမ္ဘာလုံးက ငြိမ်းချမ်းတဲ့ ဘာသာအဖြစ်သိပြီး သိပ်မကြာဘူး ပြဿနာတွေ ဖြစ်ခဲ့ရတယ်။ ဘာမှမဟုတ်တဲ့ တစ်ခုခုလေးကြောင့် ပြယုဂ်လေးကြောင့် မှန်တာမှားတာတော့ မပြောလိုဘူးပေါ့။ ဒီဟာလေးကြောင့်ပဲ ဗုဒ္ဓဘာသာကြီးဟာ တစ်ကမ္ဘာလုံးမှာ နာမည်ပျက်အောင် လုပ်နေကြတာမျိုး ဖြစ်နေလို့ ဆရာတော်ကြီးတွေက ဗုဒ္ဓဘာသာကို ငြိမ်းချမ်းတဲ့ ဘာသာအဖြစ်သိဖို့ ရှေ့ဆက်ပြီး ငြိမ်းချမ်းအောင် ဖြေရှင်းဖို့ လုပ်ဆောင်သွားကြမှာပါ။ အားနည်းချက် ဆိုတာက လမ်းစဉ်မူဝါဒနဲ့ ၀န်ထမ်းနဲ့ ဆိုတာတော့ ကွာတာပေါ့။ လမ်းစဉ်မူဝါဒ ကောင်းဦးတော့ ၀န်ထမ်းအနေနဲ့ တစ်ယောက်တလေတော့ ဖောက်မှာပဲ'' ဟု မိန့်ကြားသည်။
ပြုပြင်ပြောင်းလဲမှုများ ပြုလုပ်နေသည့် မြန်မာနိုင်ငံတွင် ဖြစ်ပွားခဲ့သည့် ပြဿနာများအား ဘာသာရေး ခေါင်းဆောင်များ၊ တိုင်းပြည် ခေါင်းဆောင်များနှင့် လူမှုရေး အဖွဲ့အစည်းများ ၀ိုင်းဝန်းစွမ်းဆောင်မှု မပြုပါက ပဋိပက္ခအခြေအနေများ ပိုမိုဆိုးရွားနိုင်ကြောင်းလည်း ဆရာတော်က မိန့်ကြားသည်။
''ဒီခေတ်ကာလ ဒီအပြောင်းအလဲမှာ ဒီလောက်ပဲ ဖြစ်လာတာဟာ ဘာသာရေး ခေါင်းဆောင်တွေ တိုင်းပြည်ခေါင်းဆောင်တွေ၊ လူမှုအဖွဲ့အစည်းတွေ အကုန်လုံးက စွမ်းဆောင်နိုင်ကြလို့ ဒီလောက်လေး ဖြစ်လာတာ။ မဟုတ်ရင် ဒါထက်ဆိုးတဲ့ အခြေအနေမျိုးတွေ ဖြစ်သွားနိုင်တဲ့ အပြောင်းအလဲပါ'' ဟု ဆရာတော် အရှင်ဆေကိန္ဒက ဆက်လက်မိန့်ကြားသည်။
အဆိုပါ အခမ်းအနားသို့ တက်ရောက်လာကြသော ဆရာတော် သံဃာတော်များက မလေးရှားနိုင်ငံတွင် ဖြစ်ပွားခဲ့သည့် ပဋိပက္ခ ဖြစ်စဉ်နှင့် ပတ်သက်ပြီး ၀မ်းနည်းကြောင်း၊ မလေးရှားနိုင်ငံတွင် အခက်အခဲ ဖြစ်နေသည့် မြန်မာနိုင်ငံသားများကို မြန်မာတိုင်းရင်းသား စီးပွားရေး လုပ်ငန်းရှင်များ၊ အဖွဲ့အစည်းများ ပြည်သူများက အကူအညီ ပေးနေမှုများအတွက် ၀မ်းမြောက်ဝမ်းသာ ဖြစ်မိကြောင်းနှင့် မလေးရှားနိုင်ငံရှိ မြန်မာနိုင်ငံသားများအား အကူအညီပေးလိုသူများ၊ ထောက်ပံ့လိုသူများ၏ လှူဒါန်းမှုများအား လက်ခံပြီး ထောက်ပံ့ကူညီမှု ပေးသွားရန်တို့ကို သဘောတူ လက်ခံခဲ့ကြသည်။ ဗုဒ္ဓသာသနာတော်ဆိုင်ရာ သြ၀ါဒခံယူပွဲနှင့် အကြိုညှိနှိုင်းဆွေးနွေးပွဲ၏ ဆွေးနွေးပွဲရလဒ် ကြေညာချက် တစ်စောင်ကို ဇွန် ၁၄ ရက်တွင် ထုတ်ပြန်သွားမည် ဖြစ်ကြောင်း သိရသည်။
Eleven Media Group
