ရှစ်လေးလုံး အင်အားစုများ ပြည်တော်ပြန်ရန် ဗီဇာခက်ခဲ

ရန်ကုန်၊ ဇွန် ၁၁
ရန်ကုန်မြို့တွင် ကျင်းပမည့် (၂၅) နှစ်ပြည့် ရှစ်လေးလုံး ငွေရတု အခမ်းအနားအတွက် ကမ္ဘာ့နိုင်ငံ အနှံ့အပြားရောက်ရှိနေသော ရှစ်လေးလုံး မျိုးဆက် အင်အားစု မြန်မာများသည် ပြန်လာရန် ဆန္ဒပြင်းပြနေကြသော်လည်း ပြည်ဝင်ခွင့်ဗီဇာ ခက်ခဲနေကြောင်း ၁၉၈၈ ဂျွန်၏ ထင်ရှားသော ကျောင်းသားခေါင်းဆောင် ဦးမောင်မောင်ကျော်က ပြောကြားသည်။

ပြည်ပရောက် မြန်မာနိုင်ငံသားများ၏ နိုင်ငံတကာဗီဇာ မူဝါဒနှင့် ပတ်သက် ၍ ပြည်ထောင်စုဝန်ကြီး ဦးစိုးသိန်း၊ ဦးအောင်မင်းတို့နှင့် တွေ့ဆုံ သွားမည်ဖြစ်ကြောင်း၊ ပြည်ပရောက် မြန်မာများသည် နိုင်ငံ ပြုပြင်ပြောင်းလဲရေး လုပ်ငန်းစဉ်များတွင် ပူးပေါင်းပါဝင်ရန် ကောင်းမွန်သော သဘောထားများ ဖြင့် ပြည်တွင်းသို့ ပြန်လည် လာရောက်လိုခြင်းဖြစ်ကြောင်း ၎င်းက ရှင်းပြသည်။

"အလည်အပတ်ဗီဇာ ထုတ်ပေးဖို့ ဒီကအစိုးရကို မေတ္တာရပ်ခံသွားမှာပါ" ဟု ဦးမောင်မောင်ကျော်က ဆိုသည်။

ပြည်ပရောက် မြန်မာလူမျိုး ဗီဇာလျှောက်ထားရာတွင် စာရွက်စာတမ်း အချက်အလက် မပြည့်စုံပါက သက်ဆိုင်ရာ မြန်မာသံရုံးက ဗီဇာ မထုတ်ပေးကြောင်း၊ မြန်မာနိုင်ငံသို့ အလည်အပတ် လာမည်ဆိုလျှင် မခက်ခဲနိုင်ကြောင်း နိုင်ငံတော်သမ္မတ အကြံပေးပုဂ္ဂိုလ် ဦးရဲထွဋ်က ပြော ကြားသည်။

"သမ္မတရုံးကို အကူအညီတောင်းရင် စဉ်းစားပေးမှာပါ။ ပြန်လာချင်သူ မှန်သမျှ ကူညီနေတာပဲ" ဟု ၎င်းက ဆိုသည်။

ဥရောပနိုင်ငံများဖြစ်သော နယူးဇီလန်နှင့် သြစတြေးလျနိုင်ငံတို့ရှိ မြန်မာသံရုံးများတွင် ပြည်တော်ပြန်လာ ရန် ဗီဇာလျှောက်ထားရာ အငြင်းခံရပြီး အကြောင်းပြချက်တစ်ခုခုပေးပြီး ငြင်းလွှတ်နေသည်ဟု ဦးမောင်မောင်ကျော်က ပြောဆိုသည်။

ရှစ်လေးလုံး ငွေရတုအခမ်းအနားကို ၈၈ မျိုးဆက်ကျောင်းသား များနှင့် မြန်မာနိုင်ငံလုံးဆိုင်ရာကျောင်းသား များ ဒီမိုကရက်တစ်တပ်ဦး၊ လူ့ဘောင်သစ် ဒီမိုကရက်တစ်ပါတီ စသည့်ပြည်ပရောက် နိုင်ငံရေး တက်ကြွ လှုပ်ရှားသူ ၈၈ အင်အားစုများနှင့် ပူးပေါင်းကျင်းပ မည်ဖြစ်ကြောင်း ထုတ်ဖော် ကြေညာထားသည်။

ရှစ်လေးလုံး ငွေရတုအခမ်းအနားကို ၂၀၁၃ ခုနှစ် သြဂုတ်လ ၆ ရက်နေ့မှ ၈ ရက်နေ့ထိ သုံးရက်တိုင်တိုင် ကျင်းပသွားမည်ဖြစ်ကြောင်း ယင်းအခမ်း အနား ကျင်းပရေးလုပ်ငန်း ကော်မတီအဖွဲ့ဝင် ဦးဥာဏ်လင်းက ဆိုသည်။
The Voice Weekly