ဦးခေါင်းတွင်အရိုက်ခံရသည့် ကျောင်းသားမိသားစုက ၀န်ကြီးဒေါ်ဘောက်ဂျာသို့ တိုင်ကြား

ဇူလိုင်လ ၁၀ ရက် ၂၀၁၃
အရိုက်ခံရသည့် မောင်ဆိုင်းလတ်အောင် မိသားစုများက ဇွန်လိုင်လ ၉ရက်နေ့တွင် ကျောင်းသား ကိုရိုက်သည့် အင်္ဂလိပ်စာ ဘာသာပြဆရာမကို အရေးယူပေးပါရန် ကချင်ပြည်နယ်အစိုးရအဖွဲ့ လူမှုရေးနှင့်ပညာရေး ၀န်ကြီးဌာနသို့ တိုင်ကြားစာ တင်လိုက်ကြောင်းသိရသည်။

မောင်းဆိုင်းလတ်အောင်၏အဖွားက “အဲဒီ ဆရာမကို အလုပ်ပြုတ်သွားအောင် အရေးယူပေး ဆိုတဲ သဘောနဲ့ မဟုတ်ဘူး နောက်နောင် တစ်ခြားကျောင်းသားတွေကို ဒီလိုကိုယ်ထိလက်ရောက် နာကျင်စေအောင် မပြုလုပ်ဖို့ ရည်ရွယ်ချက်နဲ့ပါ” ဟုပြောသည်။

ဆက်လျက်ပြီး ထိုကဲ့သို့ တိုင်ကြားသည့်အတွက် အရေးယူခံရလျှင်လည်း ကျောင်းပြောင်းရုံလောက်သာ ဖြစ်ခိုင်းစေချင်
ကြောင်းပြောသည်။

ကျောင်းသားကို ရိုက်သည့် ဆရာမသည် အလယ်တန်းပြ ဖြစ်ပြီး အ.လ.က (၆)ထခွဲရှိ န၀မတန်း (၃)ခန်းစလုံးတွင် အင်္ဂလိပ်ဘာသာကို သင်ကြားနေကြောင်းလည်း သိရသည်။

ကျောင်းသားများကို ရိုက်သည့်အခါ ဦးခေါင်းတွင်သာ ရိုက်လေ့ရှိကြောင်း အရိုက်ခံရသည့် ကျောင်းသားက ပြောသည်။

လွန်ခဲ့သောနှစ် ၂၀၁၁ ခုနစ်တွင် (၇)တန်းတွင် တစ်ခန်းလုံးကို သင်ထောက်ကူပစ္စည်း ဖြစ်သည့် ထောက်ချွန်ဖြင့် တစ်ခန်းလုံးရှိကျောင်းသားအားလုံးကို ဦးခေါင်းတွင် ထောက်ချွန်ဖြင့် ထိုးပေးသည့် အတွက် ကျောင်းသား (၅)ဦးမှာ သွေးထွက်သံယိုဖြစ်သွားကြောင်းသိရသည်။

သွေးထွက်သံယိုဖြစ်သွားသည့် ကျောင်းသားတစ်ဦး၏မိခင်ဖြစ်သူက “အဲဒီတုန်းက ကျွန်မကလေးရဲ့ ဦးခေါင်း ၁ လက်မလောက် နက်သွားတယ်” ဟုပြောသည်။

အပြင်ဆေးခန်းများတွင်သာ ကုသမှုများပြုလုပ်ခဲ့ရသည်။ထိုအချိန်မှစကာ ထိုကျောင်းမှ ကျောင်းပြောင်းသွား ကြောင်းလည်းသိရသည်။

ထောက်ချွန်ဖြင့် အထိုးခံရသည့် ကလေး၏ မိခင်မှာလည်း မိမိသားကို ပညာသင်ကြား ပေးနေသည့် ဆရာမ ဖြစ်သည့်အတွက် မိမိသားအတွက် ယူကျုံးမရ ဖြစ်သော်လည်း သည်းခံလိုက်ရကြောင်း နှင့် ကုသစရိတ်ကိုထိုဆရာမနှင့် ကျောင်းမှထာက်ပံခြင်း မရှိကြောင်း ပြောသည်။

ယခုအချိန်တွင် ထောက်ချွန်ဖြင့်အထိုးခံရသည့် ကျောင်းသားမှာ အ.ထ.က ၁ တွင်(၁၀)တန်းကို ပညာသင် ကြားလျက်ရှိကြောင်း မိခင်ဖြစ်သူက ပြောသည်။
အ.လ.က(၆) ထခွဲ သည်ယခင်တုန်းက အလယ်တန်းအထိသာ ဖြစ်ပြီး အခုနောက်ပိုင်းတွင် အထက်တန်း ထခွဲ အဖြစ်သင်ကြားနေကြောင်းလည်း သိရသည်။

မောင်ဆိုင်းလတ်အောင် ကို ၃.၇.၂၀၁၃ ရက်နေ့တွင် သူမစာသင်နေစဉ် စာအုပ်တွင် ပုံဆွဲနေသည် ဟုဆိုကာ ဦးခေါင်းကို တုတ်ဖြင့် (၂၇)ချက်ခန့် ရိုက်လိုက်သည့် အတွက် အာရုံကြောထိခိုက်မှု ရှိ မရှိကို ဆက်လျက် စောင့်ကြည့် ရအုံးမည် ဖြစ်ကြောင်းဆရာဝန်က အဖွားဖြစ်သူကိုပြောကြောင်းလည်း သိရသည်။

ကျောင်းအုပ်ဆရာမကြီး ကရိုက်သည့်ဆရာမ ကိုန၀မတန်းတွင် မသင်ကြားစေတော့ကြောင်း ပြောသည်။
Monywa Times

ရွှေဘိုနယ်တွင် မိုးခေါင်သောကြောင့် ရိုးရာဓလေ့ မိုးခေါ်လွန်ဆွဲပွဲများ နေရာအနှံ့ ကျင်းပ

Thursday, 11 July 2013
စစ်ကိုင်းတိုင်းဒေသကြီး ရွှေဘိုမြို့နယ်တွင် ဆိုးရွားစွာ မိုးခေါင်လျက်ရှိနေပြီး ရိုးရာဓလေ့ဖြစ်သော မိုးခေါ်လွန်ဆွဲပွဲများကို နေရာအနှံ့အပြား ကျင်းပလျက် ရှိသည်။

"ရာသီဥတုက တအားပူနေတယ်။ မိုးကလည်း လုံးဝကို မရွာတာလေ။ ပြီးခဲ့တဲ့ တစ်ပတ်ကပဲ ရွှေဘိုစည်ပင်ဈေးကြီးမှာ လွန်ဆွဲခဲ့တယ်" ဟု စည်ပင်ဈေးမှ ကိုမြင့်နိုင်က ပြောကြားသည်။

မိုးခေါင်မှုကြောင့် စိုက်ပျိုးရေးနှင့် အဓိက အသက်မွေးဝမ်းကျောင်းပြုရာ ဒေသဖြစ်သော ရွှေဘိုတွင် ဆိုးဝါးစွာ အခက်ကြုံလျက်ရှိပြီး ရိုးရာဓလေ့ဖြစ်သော မိုးခေါ်လွန်ဆွဲပွဲများကို ကျင်းပကြခြင်း ဖြစ်သည်။
"မိုးက တအားခေါင်နေတယ်။ အဲဒါကြောင့် ရပ်ကွက်ထဲက လူငယ်လူကြီး အားလုံးပေါင်းပြီး လွန်ဆွဲကြတာလေ။ တက္ကသိုလ် ကျောင်းသူကျောင်းသားလေးတွေ ပါဝင်ဆွဲကြတာ။ ရိုးရာအငွေ့ အသက်လေးလည်းပါတော့ ပျော်စရာကောင်းတယ်။ မိုးတကယ်ရွာခဲ့ရင် ပိုပြီးပျော်စရာ ကောင်းမှာ" ဟု သခွတ္တောရပ်တွင် နေထိုင်သူ ကိုထွေးက ဆိုသည်။

"မနှစ်က လွန်ဆွဲပွဲပြီးတော့ မိုးကတောက်လျှောက် ရွာတယ်။ အဲဒီတော့ ပျော်လိုက်ရတာ။ ခဏပဲ မိုးကလုံးဝ ပျောက်သွားတာ။ ဒီနှစ်အဲလို မဖြစ်ပါစေနဲ့ပဲ ဆုတောင်းရမှာ။ မိုးမရွာရင် တောင်သူတင်မကဘူး။ တောင်သူကို အားပြုရောင်းရတဲ့ စည်ပင်ဈေးကြီးလည်း သိသိသာသာ အရောင်းပါးသွားတာလေ" ဟု စည်ပင်ဈေးဆိုင်ခန်း ပိုင်ရှင်တစ်ဦးက ပြောကြားသည်။

ရွှေဘိုနယ်တွင် ပုဂံခေတ်ကတည်းက တည်ထားကိုးကွယ်ခဲ့သော သမိုင်းဝင် ရွှေတန်ဆာဘုရား အညာဆန်ပွဲ၊ မိုးခေါ်လွန်ဆွဲပွဲနှင့် ငါးရံ့မင်း ပူဇော်ပွဲများကို ရိုးရာဓလေ့ စရိုက်အဖြစ် နှစ်စဉ်ကျင်းပလေ့ ရှိသည်။

အလယ်ပိုင်း မြေလတ်ဒေသဖြစ်သော ရွှေဘိုတွင် နှစ်စဉ်မိုးနည်းလေ့ ရှိသော်လည်း လွန်ခဲ့သည့် ဆယ်စုနှစ်အတွင်း ရာသီဥတု လွန်ကဲသော ဖြစ်စဉ်များ သိသာစွာ ဖြစ်ပွားခဲ့ပြီး တောင်သူများ ဆိုးရွားစွာ အခက်ကြုံနေခဲ့ရသည်။
Eleven Media Group

ဗုဒ္ဓဂယာဗုံးပေါက်ကွဲမှုနှင့် သံသယရှိသူ ၄ ဦးကို ဖမ်းဆီးထား

ဗုဒ္ဓဂယာတွင် ဖြစ်ပွားခဲ့သော ဗုံးပေါက်ကွဲမှုများအတွက် ဖမ်းဆီးထိန်းသိမ်းထားသူ (၄)ဦးထိ ရှိလာပြီဟု အိန္ဒိယ သတင်းဌာနများက ဖော်ပြခဲ့သည်။ အင်္ဂါနေ့တွင် စုစုပေါင်း လူ(၄)ဦးကို အိန္ဒိယ ရဲတပ်ဖွဲ့က ဖမ်းဆီးထားပြီး စုံစမ်းမှုများလည်း ဆက်လက် လုပ်ဆောင်နေဆဲ ဖြစ်သည်။

တနင်္ဂနွေနေ့ (ဇူလိုင် ၇ ရက်) က ပေါက်ကွဲမှုများတွင် ဗုဒ္ဓဘာသာဝင်တို့၏ အထွဋ်အမြတ် ဘာသာရေးမြေ၌ ပျက်စီးမှု အနည်းငယ်မျှ ဖြစ်ပေါ်ခဲ့ပြီး ရဟန်းတော်များ အပါအဝင် လူအချို့ ဒဏ်ရာရခဲ့သော်လည်း အသေအပျောက် မရှိခဲ့ချေ။ ရဲတပ်ဖွဲ့သည် လုံခြုံရေး ကင်မရာ မှတ်တမ်းများကို အခြေခံကာ မသင်္ကာသည့် သံသယ တရားခံများကို ရှာဖွေ ဖမ်းဆီးနေခြင်း ဖြစ်သည်။

ဗုံးပေါက်သည့် မဟာဗောဓိ ဘုရားကျောင်းတော် အပါအဝင် ယင်းဧရိယာ တစ်ဝိုက်တွင် တပ်ဆင်ထားသည့် လုံခြုံရေး ကင်မရာ (၁၆)လုံးမှ မှတ်တမ်းများကို အခြေခံကာ ရဲများက သံသယ စက်ကွင်းကို ကျဉ်းမြောင်းပစ်နိုင်ရန် ကြိုးစားနေသည်။

"ဗုံးခွဲမှုမှာ ပါဝင်တယ်လို့ သံသယရှိသူ (၄)ယောက်ကို ကျွန်တော်တို့ ဖမ်းဆီးထားပါတယ်။ ပန်တာမှာ သူတို့ကို ထိန်းသိမ်းထားတာပါ"ဟု ဘီဟာရဲတပ်ဖွဲ့ တာဝန်ရှိသူ တစ်ဦးက ဆိုသည်။ အိန္ဒိယ အမျိုးသား ထောက်လှမ်းရေး အေဂျင်စီ (NIA)က သံသယ တရားခံများကို လျှို့ဝှက်နေရာ တစ်ခုတွင် စစ်ဆေး မေးမြန်းနေကြောင်း သိရသည်။

ရဲများ၏ အဆိုအရ လုံခြုံရေး မှတ်တမ်းဗီဒီယိုများကို လေ့လာရာတွင် သံသယဝင်လောက်စရာ အခြေအနေရှိသူ (၆)ဦးထိ တွေ့ရှိခဲ့ပြီး ကျန်(၂)ယောက်ကို ဆက်လက် စုံစမ်းနေဆဲဟု သိရသည်။ လုံခြုံရေး ကင်မရာ မှတ်တမ်းအရ လူ(၃)ဦးသည် ဘုရားကျောင်း အတွင်းသို့ အခွင့်မရှိသော ဝင်ပေါက်များမှ ဝင်ရောက်လာပြီး (၂)ဦးမှာ ယင်းတို့ ဝင်သွားသည့် ဝင်ပေါက်များအနီး ရပ်ထားသော ကားများဘေး၌ ရပ်စောင့်နေသည်။ ကျန်တစ်ဦးမှာ အရပ်အမြင့်ဆုံးဖြစ်ပြီး ပခုံးပေါ်တွင် အိတ်တစ်လုံး ထမ်းသွားသည်ကို တွေ့မြင်ရသည်။

သို့သော်လည်း လုံခြုံရေး ကင်မရာ အရည်အသွေး ညံ့ဖျင်းမှုနှင့် မှတ်တမ်းတင်နိုင်သည့် ကင်မရာ (၁၆)လုံးသာ ရှိခဲ့ခြင်းက ထောက်လှမ်းရေး တာဝန်ရှိသူများအတွက် ပြဿနာများ ကြုံနေစေကြောင်း သိရသည်။ လတ်တလောတွင် ရဲတပ်ဖွဲ့သည် ဘုရားကျောင်း ထိန်းသိမ်းမှု ကော်မီတွင် ပါဝင်သူများအနက် (၆)ဦးကိုလည်း စောင့်ကြည့်စာရင်း သတ်မှတ်ထားပြီး ခရီးဝေး ထွက်ခွာပါက မိမိတို့ကို အကြောင်းကြားရန် အသိပေးထားသည်။ ယင်းတို့သည် လွန်ခဲ့သော (၆)လအတွင်းကမှ ကော်မတီတွင် အလုပ်လုပ်ခဲ့သူများ ဖြစ်သည်။
Planet Myanmar Network

ဒုတိယ ကမ္ဘာစစ်အတွင်းက ဗုံးထိမှန်ပြီး နစ်မြုပ်သွားသော ကုန်တင်သင်္ဘောအား ပြန်လည်ဆယ်ယူသွားမည်

Thursday, 11 July 2013
ဒုတိယ ကမ္ဘာစစ်အတွင်းက ဗုံးထိမှန်ပြီး ကျွန်းစုမြို့နယ်၊ ဂဏန်းကျွန်းမော်ထိပ်ရှိ ရေအောက်တွင် နစ်မြုပ်ခဲ့သော အင်္ဂလိပ်ကုန်တင် သင်္ဘောအား ပြန်လည်ဆယ်ယူ သွားမည်ဖြစ်ကြောင်း သိရသည်။

မြိတ်မြို့နှင့် မျက်နှာချင်းဆိုင်တွင်ရှိသော ပထက်တောင်၏ တောင်ဘက်၊ ဂဏန်းကျွန်း မော်ထိပ်တွင် ၁၉၄၂ ခုနှစ်က အင်္ဂလန်နိုင်ငံမှ ကုန်တင်သင်္ဘောမှာ ဂျပန်တို့၏ ဗုံးဆန်ကြောင့် နစ်မြုပ်ခဲ့ကြောင်း သိရသည်။ အဆိုပါ သင်္ဘောမှာ ပေ ၃၀၀ ရှည်လျားပြီး အကျယ်မှာ ပေ ၄၀ ကျော်ကာ သင်္ဘောအား ပြန်လည်ဆယ်ယူရန်အတွက် လုပ်ငန်းရှင်များက စုပေါင်းကာ အစိုးရထံမှ လေလံရရှိပြီး လုပ်ဆောင်ခွင့် ရထားကြောင်း သိရသည်။ "အဲဒီသင်္ဘောကို ဆယ်ယူဖို့ စီစဉ်နေတာ တစ်နှစ်လောက် ရှိပါပြီ။ အရင်က ဒေသခံတွေ လာရောက်ပြီး ရေငုပ်ယူကြလို့ ရှေးဟောင်း ပန်းကန်တွေနှင့် အသုံးအဆောင်တွေ ရသွားကြတယ်လို့ သိရတယ်။

ပြီးခဲ့တဲ့ ဧပြီနှင့်ဇွန်လမှာ ကျောက်မီးသွေးသုံး ဘွိုင်လာနှစ်လုံး ဆယ်ယူထားပြီးလာမယ့် ပွင့်လင်းရာသီရောက်ရင် သင်္ဘောကိုယ်ထည်နှင့် စက်ပစ္စည်းတွေကို စတင်ဆယ်ယူသွားမယ်လို့ သိရတယ်" ဟု သင်္ဘော ဆယ်ယူသူများနှင့် နီးစပ်သူ ဦးမြတ်ကိုက ပြောကြားခဲ့သည်။

သင်္ဘော၏တန်ချိန်ကို ခန့်မှန်းနိုင်ခြင်း မရှိသေးသော်လည်း ဆယ်ယူရရှိခဲ့သည့် ကျောက်မီးသွေးသုံး ဘွိုင်လာအိုးများအတွက် အသုံးပြုခဲ့ရသည့် ကုန်ကျစရိတ်မှာ ကျပ်သိန်းတစ်ထောင် ကျော်ခဲ့ကြောင်း သိရသည်။ ကျောက်မီးသွေးသုံး ဘွိုင်လာအိုး တစ်လုံး၏ အမြင့်မှာ ၁၃ ပေခွဲရှိပြီး အလျားမှာ ၁၅ ပေရှိကာ တန် ၅၀ အလေးချိန်ရှိကြောင်း သိရသည်။ အဆိုပါ ကုန်တင်သင်္ဘော၏ ကုန်ခန်းကို ဆယ်ယူနိုင်ခြင်း မရှိသေးဘဲ စက်ခန်းကို လာမယ့်ပွင့်လင်းရာသီတွင် စတင်ဆယ်ယူ သွားမည်ဖြစ်ကြောင်း သိရသည်။

မြိတ်မြို့နှင့် မျက်နှာချင်းဆိုင်တွင်ရှိသော ပထက်တောင်၏ တောင်ဘက်၊ ဂဏန်းကျွန်း မော်ထိပ်တွင် ၁၉၄၂ ခုနှစ်က အင်္ဂလန်နိုင်ငံမှ ကုန်တင်သင်္ဘောမှာ ဂျပန်တို့၏ ဗုံးဆန်ကြောင့် နစ်မြုပ်ခဲ့ . . . . .

"မိုးရာသီလည်း ရောက်နေပြီး ဒီနေရာက ရေတိုးပတ်ဆိုရင် ရေစီးသန်တဲ့ အတွက် လုပ်ကိုင်ဖို့ အဆင်မပြေတော့ဘူး။ ရေငုပ်တဲ့ အဖွဲ့တွေကလည်း ရန်ကုန်ကဖြစ်နေပြီး အခုပြန်သွားပါပြီ။ သင်္ဘောကို ဆယ်ယူရင် ရေအောက်မှာ တစ်စစီဖြုတ်ပြီး ဆယ်ယူသွားမှာပါ" ဟု ဦးမြတ်ကိုက ပြောကြားသည်။
eleven media group

လစာ ကျပ်တစ်သိန်းအထက်ရသူများကို ဆမ်ဆောင်း အရစ်ကျရောင်းမည်

ရန်ကုန်၊ ဇူလိုင် ၁၀
ပုံမှန်လစာ ကျပ်တစ်သိန်းအထက် ရရှိသော ဝန်ထမ်းများကို ဆမ်ဆောင်း ကုမ္ပဏီထုတ် အီလက်ထရွန်နစ် ထုတ်ကုန်များ၊ မိုဘိုင်းလ်ဖုန်းနှင့် တက်ဘလက်များ အရစ်ကျစနစ်ဖြင့် ရောင်းချမည် ဖြစ်ကြောင်း ပန်းဆိုးတန်းလမ်း ဆမ်ဆောင်း အရောင်းပြခန်းမှ တာဝန်ရှိသူ ဦးကျော်ကျော်ဝင်းကိုက The Voice သို့ပြောကြားသည်။

အဆိုပါ အစီအစဉ်ကို ပန်းဆိုးတန်း၊ လသာ၊ ဗိုလ်အောင်ကျော်နှင့် လှည်းတန်းဆိုင်ခွဲ လေးခုစလုံးတွင် ပြုလုပ်မည်ဖြစ်ပြီး လစာကျပ်တစ်သိန်းနှင့် အထက်ရရှိသော အစိုးရဝန်ထမ်းများ၊ ကုမ္ပဏီဝန်ထမ်းများ မည်သူမဆို လာရောက်ဝယ်ယူနိုင်ကြောင်း ၎င်းကပြောဆိုသည်။

ပစ္စည်းတန်ဖိုး၏ ၁ ဒသမ ၄ ရာခိုင်နှုန်း အတိုးနှုန်းဖြင့် မိုဘိုင်းလ်ဖုန်းများကို ခြောက်လမှ တစ်နှစ်အထိ အရစ်ကျ ပေးသွင်းနိုင်ပြီး အခြားအီလက်ထရွန်နစ် ပစ္စည်းများကိုမူ တစ်နှစ်ခွဲမှ ၂ နှစ်အထိ အရစ်ကျ ပေးသွင်းနိုင်ကြောင်း အဆိုပါ အစီအစဉ် ပြုလုပ်နေသည့် O2 Mobile မှသိရသည်။

“ပစ္စည်းသွားထုတ်ရင် Application Fees ငါးထောင်ပေးရမယ် လို့ ပြောတယ်။ သူတို့ဘက်က စာရွက်စာတမ်းတွေ စိစစ်ပြီးရင် အကြောင်းပြန်ကြားမယ်လို့ ပြောတယ်။ ဘာပဲပြောပြော တစ်နှစ်လောက်ခွဲ သွင်းရမှာဆိုတော့ မဆိုးပါဘူး” ဟု တယ်လီဖုန်းဖြင့် ဆက်သွယ် စုံစမ်းခဲ့သူ ဒေါ်သိင်္ဂီစိုးက ပြောကြားသည်။

ကုန်ပစ္စည်းများ ဝယ်ယူလိုသူသည် နိုင်ငံသားစိစစ်ရေးကတ်ပြား မိတ္တူ၊ ရပ်ကွက် ထောက်ခံစာ၊ အိမ်ထောင်စုစာရင်း မိတ္တူနှင့် အာမခံပေးမည့် ပုဂ္ဂိုလ်တစ်ဦး၏ ထောက်ခံချက် မူရင်းတို့ လိုအပ်မည်ဖြစ်ကာ ထောက်ခံပေးမည့် ပုဂ္ဂိုလ်သည် ကုမ္ပဏီမှ တာဝန်ရှိသူများ အပါအဝင် ကုမ္ပဏီက ယုံကြည်ရမည့် မည်သူမဆို ထောက်ခံပေးနိုင်ပြီး ထောက်ခံချက်ပေးမည့် သူများ၏ မှတ်ပုံတင် မိတ္တူနှင့် ရပ်ကွက်ထောက်ခံစာများ လိုအပ်မည်ဟု ကုမ္ပဏီထံမှ သိရသည်။
The Voice Weekly

နောက်ပြန်ကြီး

Mizzima Cartoon

ပုဒ်မ ၁၈ ဖျက်သိမ်းပေးရန်ဆန္ဒပြသူ ကိုထင်ကျော်ပုဒ်မ ၁၈ ဖြင့်တရားစွဲခံရ

ကြာသပတေးနေ့၊ ဇူလိုင်လ ၁၁ ရက် ၂၀၁၃
ဇူလိုင် ၁၀ရက်တွင် ကျောက်တံတားမြို့နယ် တရားရုံးရှေ့၌ ပုဒ်မ ၁၈ (ခွင့်ပြုချက်မရှိဘဲ ဆန္ဒဖော်ထုတ်မှု)ကို ဆန့်ကျင်၍ ဖျက်သိမ်းပေးရန် နံနက်၁၀နာရီမှ ၁၁နာရီ ၀န်းကျင်အထိ တစ်ကိုယ်တော်ဆန္ဒပြသူ ကိုထင်ကျော်အား ကျောက်တံတားမြို့နယ် ရဲစခန်းမှ ပုဒ်မ၁၈ဖြင့် တရားစွဲဆိုထားသည်ပာု ၎င်းက မဇ္ဈိမကို ပြောသည်။

၎င်းက “ပုဒ်မ၁၈ကို ပယ်ဖျက်ပေးဖို့ ဆန္ဒပြတာပါ။ အဓိကကတော့ ပုဒ်မ ၁၈ ဥပဒေက ရှေ့နောက်မညီပါဘူး။ ပြည်သူတွေရဲ့ မူလလုပ်ပိုင်ခွင့်တွေကို မဖျောက်ဖျက်စေချင်ပါဘူး”ဟု ပြောသည်။

ယခုတစ်ကြိမ်သည် ၁၀ ကြိမ်မြောက် တရားစွဲခံရခြင်းဖြစ်ပြီး ကိုထင်ကျော်သည် တစ်ကိုယ်တော်ဆန္ဒပြမှု ငါးကြိမ်၊ စုပေါင်းဆန္ဒပြမှု ခြောက်ကြိမ် စုစုပေါင်း ၁၁ကြိမ် ဆန္ဒပြခဲ့ပြီး ဆန္ဒပြမှုကြောင့် မြို့နယ် ခြောက်မြို့ နယ်မှ ပုဒ်မ ၁၈ဖြင့် အမှု ၁၀ ခုတရားစွဲဆိုခြင်း ခံထားရသည်ဟုလည်း ၎င်းကပြောသည်။

ကိုထင်ကျော်သည် ၂၀၀၇ ခုနှစ်တွင် လောင်စာဆီနှင့် ကုန်ဈေးနှုန်းမြင့်တက်မှု နှင့် ပတ်သက်ပြီးတစ်ကိုယ်တော် ဆန္ဒပြမှုကြောင့် ခန်္တီးအကျဉ်းထောင်တွင် ထောင်ဒဏ် ၁၂နှစ်ခွဲ ကျခံခဲ့ရသည်။ ယင်းနောက် ၂၀၁၂ ခုနှစ်ဇန်န၀ါရီ ၁၃ ရက်နေ့တွင် နိင်ငံတော်သမ္မတ၏ အထွေထွေလွတ်ငြိမ်းချမ်းသာခွင့်ဖြင့် လွတ်ငြိမ်းခဲ့သည်။

ကိုထင်ကျော်သည် ၂၀၀၇ ခုနှစ်က ကုန်ဈေးနှုန်းကျဆင်းရေး လှုပ်ရှားမှုအဖွဲ့ဝင်ဖြစ်ပြီး ထောင်မှလွတ်မြောက်လာပြီးနောက်ပိုင်း လက်ပံတောင်းတောင်ကိစ္စ၊ လျှပ်စစ်မီးကိစ္စအပြင် မြေသိမ်းခံရခြင်းနှင့် ပတ်သက်သည့် ကိစ္စရပ်များတွင် ဆန္ဒပြခဲ့သည်။
ယုဝေ
Mizzima - News in Burmese

ဗုဒ္ဓဂယာရှိ မဟာဗောဓိစေတီကို ပြန်လည်ဖူးမြင်လေ့လာခွင့်ပြု

တနင်္ဂနွေနေ့ကဖြစ်ပွားခဲ့သော ဗုံးပေါက်ကွဲမှုများကြောင့် ခေတ္တပိတ်ထားခဲ့ရသည့် ဗုဒ္ဓဂယာရှိ မဟာဗောဓိစေတီ တော်ကို မနေ့က ညနေ ၆း၀၀ နာရီမှစတင်ကာ ဘုရားဖူး ခရီးသွားများပြန်လည်ဝင်ရောက်ခွင့်ပြုခဲ့ပါတယ်။

လူထောင်ပေါင်းများစွာဟာလည်း မဟာဗောဓိစေတီတော် ၀င်းအတွင်း ၀င်ရောက်ကြဖို့ တန်းစီစောင့်ဆိုင်းနေခဲ့ကြတယ်လို့ သိရှိရပါတယ်။

ဘီဟာမြို့ရဲတပ်ဖွဲ့နှင့် မဟာဗောဓိစေတီတော်ဂေါပက အဖွဲ့မှ စေတီတော်ကြီးလုံခြုံရေးအတွက် စစ်ဆေးရှာဖွေမှု များပြုပြီးမှ ၀င်ရောက်ခွင့်ပြုခဲ့ခြင်းဖြစ်ပြီး၊ မဟာဗောဓိ စေတီတော်စောင့်ရှောက်ရေးကော်မတီဝင်တစ်ဦးဖြစ်တဲ့ အာဗင်ဆင်းက “ ညနေ ၆း၀၀နာရီ ဂိတ်ဖွင့်ပေးလိုက်တာနဲ့ လူပေါင်းများစွာဟာ တိုးဝှေ့ဝင်ရောက်လာကြပါ တယ်။ ” ဟု ပြောကြားခဲ့ပါတယ်။
ref: The Times of India
မစိုးရိမ်တိုက်သစ် ရတနာပုံနေပြည်တော် မဟာအောင်မြေ

ကျယ်ရမှာက မျက်စိ၊ ကျဉ်းရမှာက ဖင်ခေါင်းကွ

မင်းတို့ နေရာတကာ ကျယ်ကျယ်ကျယ်ကျယ် မလုပ်နဲ့၊ သင်္ကန်းပါတယ်ဆိုပြီး ဘာမှ အထက်စီးက ဆက်ဆံစရာ မလိုဘူး၊ ကိုယ်နဲ့ မပတ်သက်တဲ့ နေရာ ကိုယ်ဟာ ဘာမှ အရေးမပါဘူး၊ တဦးချင်းပဲ ဖြစ်ဖြစ် အဖွဲ့လိုက် အုပ်စုပဲဖြစ်ဖြစ် ဘာမှ သွားကျယ်စရာ သွားရှုပ်စရာ မလိုဘူး၊ သူတို့ ကိစ္စနဲ့ သူတို့ ရှင်းသွားလိမ့်မယ်၊

မင်းတို့ လုပ်ရမှာက စာပေပရိယတ်၊ အဲဒီအထဲက ပေးတဲ့ အသိပညာနဲ့ မသိသူ သိအောင် လမ်းပြပေးရမှာ၊ ဒါ မင်းတို့ရဲ့ တာဝန်၊ ကိုယ့်ကိုယ်ကို လူစွမ်းကောင်းလုပ်ပြီး ဖင်ခေါင်းတော့ မကျယ်နဲ့၊ မင်းတို့ဟာက ဘာမှ မဟုတ်ဘူး၊ တချို့ လမ်းသွားတာကစ ကားလာရင် ဖယ်မပေးချင်ကြဘူး၊ မတော်လို့ တိုက်သွားရင် ကိုယ်အရင် ခံရမှာ၊ နောက် သူရောကိုယ်ပါ မဖြစ်သင့်တဲ့ ပြဿနာ ဖြစ်မယ်၊ ဘာမှ ကောင်းကျိုးထွက်မလာဘူး၊

အေး မင်းတို့ မှတ်ထား၊ ” ကျယ်ရမှာက မျက်စိ၊ ကျဉ်းရမှာက ဖင်ခေါင်းကွ၊ ခုတော့ မင်းတို့က ကျယ်ရမယ့် မျက်စိက ကျဉ်းပြီး ကျဉ်းရမယ့် ဖင်ခေါင်းက ကျယ်နေကြတယ် ” ။ နောက် ခဏခဏ မကြားရစေနဲ့ ။ ။

(၁၃၆၅-ခု)
မစိုးရိမ်တိုက်သစ်ကြီးများ၏
ပဓာနမဟာနာယကချုပ်ဆရာတော်ကြီး
ကျေးဇူးတော်ရှင် ဘဒ္ဒန္တရာဇဓမ္မာဘိဝံသ
(အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ)
မစိုးရိမ်တိုက်သစ် ရတနာပုံနေပြည်တော် မဟာအောင်မြေ

ကတိများအတိုင်း မဆောင်ရွက်ပါက တင်ဒါအောင် ကုမ္ပဏီများ ဒေါ်လာသန်း ၂၀၀ လျော်ကြေးပေးရမည်

Thursday, 11 July 2013 03:51
ဆက်သွယ်ရေး၊ သတင်းအချက်အလက်နှင့် နည်းပညာ ဒုတိယ၀န်ကြီး ဦးသောင်းတင် ရှင်းလင်းစဉ်
တင်ဒါရ ပြည်ပတယ်လီဖုန်း အော်ပရေတာ လုပ်ငန်းနှစ်ခု၏ သတင်းစာ ရှင်းလင်းပွဲကို ဇူလိုင် ၁၀ ရက်တွင် နေပြည်တော်၌ ပြုလုပ်ခဲ့ပြီး တင်ဒါအောင် ပြည်ပတယ်လီဖုန်း အော်ပရေတာလုပ်ငန်း နှစ်ခုအနေဖြင့် လိုင်စင်တွင် ပါဝင်သည့် ကတိများအတိုင်း မဆောင်ရွက်ပါက ဒေါ်လာသန်း ၂၀၀ လျော်ကြေးပေးရမည်ဟု ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန ဒုတိယ၀န်ကြီး ဦးသောင်းတင်က ပြောကြားသည်။

နေပြည်တော်တွင် ပြုလုပ်ခဲ့သည့် သတင်းစာ ရှင်းလင်းပွဲသို့ ဆက်သွယ်ရေး၊ သတင်းအချက်အလက်နှင့် နည်းပညာ ၀န်ကြီးဌာနမှ တာဝန်ရှိသူများ၊ Telenor ကုမ္ပဏီနှင့် Ooredoo ကုမ္ပဏီမှ တာဝန်ရှိသူများ တက်ရောက်ခဲ့သည်။

ဒုတိယ၀န်ကြီး ဦးသောင်းတင်က "တင်ဒါအရွေးခံရတဲ့သူတွေ ရသွားပြီး နောက်မှမလုပ်တော့ဘူးဆိုတာ မဖြစ်ရအောင် ပထမဆုံး ကျွန်တော်တို့ Bid Bound လို့ ခေါ်ပါတယ်။ ဒေါ်လာ ၁၀ သန်း ပေးထားရပါတယ်။ အရွေးခံလိုက်ရတယ်။ ပြီးတော့မှ မလုပ်တော့ဘူးဆိုပြီး နောက်ဆုတ်မယ်ဆိုရင် ပထမဆုံး ကိုယ့်စကားကိုယ် တည်ဖို့ပေါ့။ ဒုတိယက သူတို့နှစ်ယောက်ကို ရွေးပြီးပါပြီ။ မနေ့ကနဲ့ ဒီနေ့မှာ ကျွန်တော်တို့နဲ့ ဆွေးနွေးပြီး သူတို့လက်ခံပြီ။ လက်ခံပြီဆိုတာနဲ့ Bid Bound က ဒေါ်လာ ၂၅ သန်း ဖြစ်သွားပါပြီ။ သူတို့ လက်ခံပြီးမှ နောက်ဆုတ်တယ်ဆို ၂၅ သန်းကို ကျွန်တော်တို့က ယူမှာဖြစ်ပါတယ်။ ခုနပြောတဲ့ commit လုပ်ထားတဲ့ ဘယ်နှစ်နှစ်အတွင်း ဘာလုပ်ကြမယ်ဆိုတာ စာရွက်ထဲမှာ ဖြည့်ထားတဲ့ဟာနဲ့ လိုင်စင်ထုတ်ပေးရင် အဲဒီလိုင်စင်က မတူပါဘူးခင်ဗျာ။ တစ်ယောက်က ဒီလိုပြောထားရင် ပြောထားတဲ့အတိုင်း လိုင်စင်မှာ တစ်ခါတည်း ထည့်ထားပါတယ်။ အဲဒီ လိုင်စင်ထဲမှာ ပြောထားတဲ့အတိုင်း မဖြစ်ခဲ့ရင် သန်း ၂၀၀ တင်ထားရပါတယ်။ performance bound လို့ ခေါ်ပါတယ်။ တင်ပြီးမှ လိုင်စင်ထုတ်ပေးမှာ ဖြစ်ပါတယ်။ အဲဒီလိုင်စင်ထဲမှာ သူတို့ပြောထားတာ အကုန်လုံးပါမှာ ဖြစ်ပါတယ်။ အဲပြောထားတဲ့အတိုင်း မလုပ်ရင် အဲဒီသန်း ၂၀၀ ထဲက penalty နုတ်နုတ်သွားမှာ ဖြစ်ပါတယ်။ ပြီးရင် အဲဒါကို ပြန်ဖြည့်ရပါမယ်။ အပြောကောင်းတိုင်း ရတာမဟုတ်ပါဘူး။ ပြောတဲ့အတိုင်း လုပ်ဖို့လိုပါတယ်" ဟု ပြောကြားသည်။

ထို့ပြင် "ကျွန်တော်တို့ဘက်ကတော့ မမှားအောင် လုပ်ရမှာပေါ့။ ကျွန်တော်တို့က ကြိုပြီးပြောထား ပြီးသားပဲ။ ကျွန်တော်တို့မှာ Law မရှိသေးဘူး။ Law က လွှတ်တော်မှာ လုပ်နေတယ်။ Law ပြီးသွားရင် Law နဲ့ ကိုက်ညီတဲ့ လိုင်စင်ထုတ်ပေးမယ်။ သူတို့ သိပြီးသားပဲ။ သိပြီးမှ သူတို့ဝင်ကြတာ။ ၀င်ပြီးမှ နုတ်ထွက်ရင် လျော်ကြေးက အခုက ၂၅ သန်း၊ ပြီးရင် သန်း ၂၀၀ ထဲက ပြောတာတွေ မလုပ်ရင် နုတ်သွားမှာ။ နှစ်ယောက်ပေါင်း သန်း ၂၀၀ တင်ပြီးမှ လိုင်စင်ထုတ်ပေးမှာပါ" ဟု ဦးသောင်းတင်က ဆိုသည်။

လုပ်ငန်းများ စတင်ပြီး ခြောက်လအတွင်း လူဦးရေ တစ်သန်းအထက် မြို့ကြီးငါးမြို့တွင် တယ်လီဖုန်းကွန်ယက် လွှမ်းခြုံနိုင်ရန် ဆောင်ရွက်ရမည်ဟု ဦးသောင်းတင်က ပြောကြားသည်။
Eleven Media Group

အခြားဘာသာများကို မထိခိုက်စေဘဲ ဗုဒ္ဓဘာသာအပေါ် ဘာသာဝင်များ ယုံကြည်ချက် ခိုင်မာစေရန် သံဃာတော်များက ဓမ္မ၀ိနယနှင့်အညီ ဆောင်ရွက်ရန် လိုအပ်ဟု မိုးကုတ်ဝိပဿနာ အဖွဲ့ချုပ် နာယက ဆရာတော်ကြီးများ မိန့်ကြား

အမျိုး၊ ဘာသာ၊ သာသနာ စောင့်ရှောက်ရေးနှင့် ပတ်သက်၍ နာယက ဆရာတော်ကြီးများထံမှ သြ၀ါဒခံယူပွဲ ကျင်းပစဉ် (ဓာတ်ပုံ- အောင်ဇော်ထွန်း)

Thursday, 11 July 2013
အမျိုး၊ ဘာသာ၊ သာသနာ စောင့်ရှောက်ရေးအတွက် အခြားဘာသာများကို မထိခိုက်စေဘဲ ဗုဒ္ဓဘာသာအပေါ် ဘာသာဝင်များ ယုံကြည်ချက် ခိုင်မာစေရန် သံဃာတော်များက ဓမ္မ၀ိနယနှင့်အညီ ဆောင်ရွက်ရန်လိုအပ်ဟု ဇူလိုင် ၁၀ ရက်က ရန်ကုန်တိုင်းဒေသကြီး ဗဟန်းမြို့နယ် နတ်မောက်လမ်းရှိ မိုးကုတ်ဝိပဿနာ တရားစဉ်နှင့် လုပ်ငန်းစဉ် ပြန့်ပွားရေး အဖွဲ့ချုပ်တွင် ကျင်းပသည့် အမျိုးဘာသာ သာသနာတော်ကို ဓမ္မ၀ိနယနှင့်အညီ ထိန်းသိမ်းစောင့်ရှောက်ရေးအတွက် မိုးကုတ်ဝိပဿနာ အဖွဲ့ချုပ် နာယက ဆရာတော်ကြီးများထံမှ သြ၀ါဒခံယူပွဲတွင် နာယက ဆရာတော်ကြီးများက မိန့်ကြားသည်။

အဆိုပါ အခမ်းအနားသို့ မိုးကုတ်ဝိပဿနာ တရားစဉ်နှင့် လုပ်ငန်းစဉ်ပြန့်ပွားရေး အဖွဲ့ချုပ်၏ ဓမ္မကထိက၊ ကမ္မဋ္ဌာနာစရိယ သံဃာတော် စုစုပေါင်းအပါး ၁၅၀ ကျော် တက်ရောက်ခဲ့သည်။
နာယက ဆရာတော် ဦးအဂ္ဂဥာဏက "အမျိုး၊ ဘာသာ၊ သာသနာနဲ့ ပတ်သက်၍ ဟောပြောတဲ့အခါ မည်သည့်ဘာသာကိုမျှ မထိခိုက်အောင် တစ်ပါးသူတွေကို စိတ်အနှောင့်အယှက် မဖြစ်အောင် အထူးစောင့်စည်းပြီး ကိုယ့်လူမျိုး၊ ကိုယ့်ဘာသာ၊ ကိုယ့်သာသနာကို ရှေ့တန်းထား၍ သက်ဝင်ယုံကြည်အောင် ဟောပြောဖို့ လိုအပ်ပါတယ်။ တပည့်တော်တို့အားလုံး အစွန်းလွတ်အောင်နေပြီး ဖြောင့်မှန်သော တရားကို ရှေးရှုပြီး ဆောင်ရွက်ကြဖို့ လိုအပ်ပါတယ်" ဟု မိန့်ကြားသည်။

နာယက ဆရာတော်ကြီး ဒေါက်တာစန္ဒာဝရာဘိဝံသက "နိုင်ငံရေးခေါင်းဆောင် တစ်ယောက်က ပြောပါတယ်။ ဘာလဲဆိုတော့ ကိုယ့်ဘာသာကနေ သူများဘာသာကို ပြောင်းသွားတာဟာ ကိုယ့်ဘာသာအပေါ်မှာ ယုံကြည်ချက် မခိုင်မာလို့၊ ယုံကြည်ချက် ခိုင်မာနေတဲ့ ပုဂ္ဂိုလ်များအတွက် ဘယ်ဥပဒေမှ ထုတ်စရာ မလိုပါဘူးဆိုပြီး ပြောသွားတာကို တပည့်တော်တို့ တွေ့လိုက်ရပါတယ်။ ဒါဟာဟုတ်ပါတယ်။ ဘယ်ဘာသာပဲ ကိုးကွယ်ကိုးကွယ် ယုံကြည်မှုပါပဲ။ ဘယ်လောက်ပဲ ဥပဒေတွေနဲ့တားတား ယုံကြည်မှု မခိုင်မာရင် တခြားဘာသာ ပြောင်းသွားမှာပါ" ဟု မိန့်ကြားသည်။
ဗုဒ္ဓဘာသာနှင့် ပတ်သက်ပြီး လူကြီးများကိုယ်တိုင် အသေအချာသိရှိသူ ရှားပါးသည့်အတွက် ကလေးရော လူကြီးပါ ဘာသာသာသနာနဲ့ ပတ်သက်ပြီး သိအောင်လုပ်ဆောင် ပေးရမည်ဖြစ်ကြောင်း၊ လူကြီးများ၏ စိတ်ထဲတွင် ဘာသာသာသနာနဲ့ ပတ်သက်ပြီး ပြည့်ပြည့်၀၀ နားလည်မှု ရှိမှသာ သားသမီးများအား ပြန်လည်သွန်သင် နိုင်မည်ဖြစ်ကြောင်း . . . . .

အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က "ဘာသာတရားကို ကာကွယ်တာဟာ အဓိကက ယုံကြည်မှုပဲ။ ဒီဘာသာကို လိုက်စားသူတွေရဲ့ ယုံကြည်မှု ခိုင်မာရင် ဘယ်အရာကမှ ဘယ်သူကမှ လာလှုပ်လို့မရဘူး" ဟု ဇွန် ၂၅ ရက် ပြည်သူ့လွှတ်တော် အစည်းအဝေး ရပ်နားစဉ် မီဒီယာများနှင့် တွေ့ဆုံစဉ် ပြောကြားခဲ့သည်။

"ယုံကြည်မှု မခိုင်မာသေးတဲ့ ပုဂ္ဂိုလ်တွေကို ယုံကြည်မှုခိုင်မာအောင် လုပ်ပေးရမှာ အရှင်ဘုရားတို့ တပည့်တော်တို့ရဲ့ အဓိက တာဝန်ပါ။ ကိုယ့်ဘာသာဝင်တွေရဲ့ စိတ်ထဲမှာ ဘာသာသာသနာနဲ့ ပတ်သက်လို့ ခိုင်မာတဲ့ ယုံကြည်မှုဖြစ်အောင် ယုံကြည်မှု အပြည့်အ၀ ရရှိအောင် လုပ်ရပါမယ်။ ယုံကြည်မှု ခိုင်မာအောင်လုပ်ဖို့ တစ်ခုတည်းသော နည်းလမ်းက သံဃာပါပဲ။ ဘုရားတရားပေါ် ယုံကြည်ချက် ခိုင်မာဖို့ တာဝန်သည် သံဃာတော် အရှင်သူမြတ်တွေဆီမှာပဲ ရှိတယ်။ အရှင်ဘုရားတို့ တပည့်တော်တို့ ပေါ့ပေါ့တန်တန် နေလို့မရဘူး။ သံဃာတော်အရှင် သူမြတ်တွေက ဘာသာရေးနဲ့ ပတ်သက်တဲ့ ဆုံးမစကားတွေ ပြောပေးရပါမယ်" ဟု နာယက ဆရာတော်ကြီး ဒေါက်တာစန္ဒာဝရာဘိဝံသက ဆက်လက်မိန့်ကြားသည်။

ထိုသို့ ဆုံးမစကားများ ပြောကြားရာတွင် ဗုဒ္ဓဘာသာနှင့် ပတ်သက်ပြီး လူကြီးများကိုယ်တိုင် အသေအချာသိရှိသူ ရှားပါးသည့်အတွက် ကလေးရော လူကြီးပါ ဘာသာသာသနာနဲ့ ပတ်သက်ပြီး သိအောင်လုပ်ဆောင် ပေးရမည်ဖြစ်ကြောင်း၊ လူကြီးများ၏ စိတ်ထဲတွင် ဘာသာသာသနာနဲ့ ပတ်သက်ပြီး ပြည့်ပြည့်၀၀ နားလည်မှု ရှိမှသာ သားသမီးများအား ပြန်လည်သွန်သင် နိုင်မည်ဖြစ်ကြောင်း ဒေါက်တာစန္ဒာဝရာဘိဝံသက မိန့်ကြားသည်။

လွန်ခဲ့သည့် နှစ်များအတွင်း ဘာသာသာသနာအတွက် လုပ်ဆောင်ခဲ့သည့် သံဃာတော် အရှင်သူမြတ်အချို့သည် အဖွဲ့အစည်း အချို့၏ ခုတုံးလုပ်မှုကို ခံခဲ့ရကြောင်း၊ ထိုသို့ ခုတုံးလုပ်ခံခဲ့ရခြင်းမှာ လောကအကြောင်းကို ကျယ်ကျယ်ပြန့်ပြန့် မလေ့လာခဲ့သည့်အတွက် ဖြစ်သောကြောင့် သံဃာတော်များ အနေဖြင့် ဒါယကာ၊ ဒါယိကာမများကို အသိဥာဏ် ဖွံ့ဖြိုးအောင် လုပ်ဆောင်ပေးရမည် ဖြစ်သကဲ့သို့ သံဃာတော်များ အနေဖြင့်လည်း လေ့လာမှုများ ပြုလုပ်သင့်ကြောင်း ဒေါက်တာစန္ဒာဝရာဘိဝံသက အခမ်းအနားသို့ တက်ရောက်လာသည့် သံဃာတော်များအား တိုက်တွန်းပြောကြားသည်။  
နိဂုံးချုပ်တွင် ဆရာတော် ဒေါက်တာစန္ဒာဝရာဘိဝံသက "ကမ္ဘာအရပ်ရပ်က တပည့်တော်တို့ကို ထင်ကြေးပေးနေတဲ့ ဘာသာရေး လူမှုရေး အကြမ်းဖက် အစွန်းရောက်ဆိုပြီး စွပ်စွဲတယ်။ အဲဒါတွေကိုလည်း မဟုတ်ပါဘူးဆိုတာ ပြောပေးနိုင်ရမယ်။ ကိုယ်ကိုယ်တိုင်လည်း အဲဒီလိုမဖြစ်အောင် နေထိုင်ရပါမယ်။ ဘာသာသာသနာနဲ့ ပတ်သက်တဲ့ ယုံကြည်မှုကို တည်ဆောက်ပေးနိုင်ရမယ်။ အဲဒီလို လုပ်မယ်ဆိုရင် တပည့်တော်တို့ သာသနာသည် တပည့်တော်တို့ လက်ထက်မှာ ဘယ်တော့မှ ကွယ်ပျောက်မသွားနိုင်ဘူးဆိုတာ အပြည့်အ၀ ယုံကြည်ပါတယ်" ဟု မိန့်ကြားသည်။

အမျိုး၊ ဘာသာ၊ သာသနာ စောင့်ရှောက်ရေး လုပ်ငန်းစဉ်ကို သံဃမဟာနာယကအဖွဲ့၊ အစိုးရ၊ ပြည်သူတို့နှင့် လက်တွဲဆောင်ရွက်သွားရန်၊ သံဃာထု၏နောက်တွင် ဥပဒေပညာရှင်များ အဖွဲ့၊ နိုင်ငံတကာကို သိမြင်သည့် သံဃာတော်များဖြင့် ညီညွတ်ခြင်း၊ ခွင့်လွှတ်ခြင်း၊ သည်းခံခြင်းတို့ဖြင့် ဆောင်ရွက်သွားကြရန် သီတဂူဆရာတော် ဦးဥာဏိဿရက မိန့်ကြားထားသည်။                
Eleven Media Group

တယ်လီနော ၂၅ ကျပ်၊ အော်ရီဒူး ၄၅ ကျပ်

ရန်ကုန်၊ ဇူလိုင် ၁၀
တင်ဒါအောင် ပြည်ပဆက်သွယ်ရေး ကုမ္ပဏီနှစ်ခုဖြစ်သော တယ်လီနောနှင့် အော်ရီဒူးတို့က ၎င်းတို့၏ ဝန်ဆောင်မှုပေးမည့် တယ်လီဖုန်းခေါ်ဆိုခ နှုန်းထားများကို ဇူလိုင် လ ၁၀ ရက်နေ့တွင် တရားဝင် ထုတ်ပြန်လိုက်ရာ ကုမ္ပဏီနှစ်ခုလုံးက ဆင်းကတ် တစ်ကတ်လျှင် ၁၅၀၀ ကျပ် သတ်မှတ်လိုက်ပြီး တစ်မိနစ် ဖုန်းခေါ်ခများကို တယ်လီနောက ၂၅ ကျပ်နှင့် အော်ရီဒူးက ၄၅ ကျပ် ကျသင့်မည် ဖြစ်ကြောင်း သတ်မှတ်ကြေညာလိုက်သည်။

တင်ဒါအောင် ပြည်ပဆက်သွယ်ရေး ကုမ္ပဏီနှစ်ခုနှင့် ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနတို့ ပူးပေါင်း၍ နေပြည်တော်တွင် ပြုလုပ်သော သတင်းစာရှင်းလင်းပွဲတွင် ထိုသို့ ရှင်းလင်းပြောကြားခြင်း ဖြစ်သည်။

နော်ဝေအခြေစိုက် တယ်လီနောကုမ္ပဏီက ဆင်းကတ်တန်ဖိုး ၁၅၀၀ ကျပ်နှင့် ဖုန်းခေါ်ဆိုခ တစ်မိနစ်လျှင် အများဆုံး ၂၅ ကျပ်နှုန်းဖြင့် ခေါ်ဆိုခွင့်ပြုမည်ဟု ထုတ်ပြန်ခဲ့သည်။

ကာတာ ဆက်သွယ်ရေးကုမ္ပဏီ အော်ရီဒူးကလည်း ဆင်းကတ်တစ်ခု တန်ဖိုးကို ၁၅၀၀ ကျပ် သတ်မှတ်ထားပြီး ဖုန်းခေါ်ဆိုခများကို တစ်မိနစ် ၄၅ ကျပ်ထက် မကျော်ဘဲ သုံးစွဲခွင့်ပြုသွားမည်ဟု ဆိုသည်။

တယ်လီနောသည် ငါးနှစ်အတွင်း မိုဘိုင်းလ်ကွန်ရက်အတွင်း Voice (ဖုန်းပြောဆိုမှု) မြန်မာနိုင်ငံတစ်ဝှမ်း ၈၃ ရာခိုင်နှုန်းနှင့် Data (အချက်အလက်ပေးပို့မှု) မြန်မာနိုင်ငံတစ်ဝှမ်း ၈၇ ရာခိုင်နှုန်း အသုံးပြုနိုင်မည် ဖြစ်ကာ ဆက်သွယ်ရေး ဝန်ဆောင်မှုများကို ၂၀၁၄ ဒုတိယနှစ်ဝက်တွင် စတင်အသုံးပြု ခွင့်ပြုသွားမည်ဟု ဆိုသည်။

တယ်လီနောကုမ္ပဏီက ပထမငါးနှစ်အတွင်း ကုမ္ပဏီမှ တရားဝင် ဖွင့်လှစ်မည့် အရောင်းဌာန ခုနစ်သောင်းနှင့် လက်ခွဲဆိုင်ပေါင်း ကိုးသောင်းခွဲခန့်အထိ ဖွင့်လှစ်ထားရှိသွားမည် ဖြစ်ကာ မိုဘိုင်းလ် ငွေပေးချေမှုများ၊ ကျန်းမာရေးဝန်ဆောင်မှုများ၊ စိုက်ပျိုးရေးကဏ္ဍများအတွက် ဆက်သွယ်ရေး ဝန်ဆောင်မှုများ ဆောင်ရွက်ပေးသွားမည်ဟု ဆိုသည်။

အော်ရီဒူးက လုပ်ငန်းစတင်ပြီး ငါးနှစ်ကာလအတွင်း Data နှင့် Voice အသုံးပြုမှု ၈၄ ရာခိုင်နှုန်းအထိ ရောက်ရောက် ရှိစေရန် ဆောင်ရွက်ပေးသွားမည် ဖြစ်ပြီး SIM Card အရောင်းဌာန နှစ်သိန်းလေးသောင်းနှင့် လက်ခွဲအရောင်းဌာန လက်ခွဲ ခုနစ်သိန်းနှစ်သောင်းအထိ ဖွင့်လှစ်သွားမည် ဖြစ်ကြောင်း ကုမ္ပဏီမှတာဝန်ရှိသူတစ်ဦးက ဆိုသည်။

အော်ရီဒူး၏ ဆက်သွယ်ရေး ဝန်ဆောင်မှုများ စတင်အသုံးပြုနိုင်မည့် အချိန်ကိုမူ ယခုထိ ထုတ်ဖော် ပြောကြားခြင်း မရှိသေးပေ။

မိုဘိုင်းလ်ဖုန်းမှတစ်ဆင့် သီးနှံဈေးနှုန်း၊ ရာသီဥတု၊ ကုန်ပစ္စည်း အငှားဝန်ဆောင်မှုများ ဆောင်ရွက်ပေးသွားမည် ဖြစ်သည့်အပြင် အင်တာနက်အသုံးပြုမှု အဆင်ပြေစေရန် Tele Center ၁၀,၀၀၀ ကို နိုင်ငံအနှံ့အပြားတွင် ဖွင့်လှစ်သွားမည် ဖြစ်ကြောင်း အော်ရီဒူးထံမှ သိရှိရသည်။

လူမှုတာဝန်သိမှု အစီအစဉ် (Corporate Social Responsibility) အတွက် ၁၀ နှစ်အတွင်း အမေရိကန်ဒေါ်လာ သန်း ၆၀ အသုံးပြုသွားမည် ဖြစ်ကာ နိုင်ငံတစ်ဝန်းရှိ အထက်တန်း၊ အလယ်တန်း၊ ဆေးရုံ၊ တက္ကသိုလ်နှင့် စာကြည့်တိုက်များကို အင်တာနက်ကွန်ရက် လွှမ်းခြုံစေမည်ဟု အော်ရီဒူးက ထုတ်ပြန်ခဲ့သည်။

ပြည်တွင်းဝန်ထမ်း ၉၉ ဒသမ ၉ ရာခိုင်နှုန်း ခန့်အပ်သွားမည် ဖြစ်ကာ 4G ကွန်ရက် ရရှိရန် ဆောင်ရွက်သွားမည်ဟု အဆိုပါကုမ္ပဏီမှ အာရှပစိဖိတ်ဒေသဆိုင်ရာ အမှုဆောင်အရာရှိချုပ် Ross Cormack ကပြောကြားသည်။

လက်ရှိ CDMA မိုဘိုင်းလ်ဖုန်း သုံးစွဲနေသူတစ်ဦးဖြစ်သည့် ဦးကျော်ကျော်လင်းက “ဘယ်လိုပဲဖြစ်ဖြစ် ကောင်းပါတယ်။ တယ်လီနောကိုတော့ အရင်ကတည်းက သဘောကျနေတာ အခုသူက ဈေးပို သက်သာတော့ သူ့ကိုပဲသုံးဖြစ်မယ်” ဟု မှတ်ချက်ပေးသည်။

တယ်လီနောကုမ္ပဏီသည် 2G စနစ် စတင်သုံးစွဲ ခွင့်ပြုသွားမည်ဖြစ်ပြီး နောက်ပိုင်းတွင်မူ 3G စနစ် မိုဘိုင်းလ်ဝန်ဆောင်မှုများ ပေးအပ်သွားမည် ဖြစ်သည်။ အော်ရီဒူး ကုမ္ပဏီကမူ စတင်ဝန်ဆောင်မှု ပေးအပ်စဉ်ကာလတွင် 3G စနစ်စတင်သုံးစွဲ ခွင့်ပြုသွားမည်ဖြစ်ကာ နောက်ပိုင်းတွင် 4G စနစ် အသုံးပြုခွင့် ပြုသွားမည်ဟု ဆိုထားသည်။

နိုင်ငံတကာမှ စိတ်ဝင်စားနေသည့် မြန်မာ့ဆက်သွယ်ရေးကဏ္ဍတွင် ဆက်သွယ်ရေး အော်ပရေတာလုပ်ငန်း လုပ်ကိုင်ခွင့် အတွက် နော်ဝေအခြေစိုက် တယ်လီနောနှင့် ကာတာနိုင်ငံမှ အော်ရီဒူး ကုမ္ပဏီတို့ကို လိုင်စင် ချထားပေးခဲ့ပြီး နှစ်ပတ်အကြာ တရားဝင် သတင်းစာရှင်းလင်းပွဲ ပြုလုပ်ခဲ့ခြင်း ဖြစ်သည်။

မည်သူနှင့်မျှ ယှဉ်ပြိုင်စရာမလိုဘဲ အလိုအလျောက် လုပ်ပိုင်ခွင့် ရထားသည့် မြန်မာတယ်လီကွန်းနှင့် ရတနာပုံ တယ်လီကွန်းတို့ကမူ ၎င်းတို့ပေးအပ်မည့် ဝန်ဆောင်မှုများနှင့် ပတ်သက်၍ တစ်စုံတစ်ရာ ထုတ်ဖော်ပြောဆိုခြင်း မရှိသေးပေ။
The Voice Weekly

ကားဘီးပေါက်သည်ကို ဗုံးပေါက်ဟု ကောလာဟလထွက်

တောင်ငူ၊ ဇူလိုင် ၁၀
ပဲခူးတိုင်းဒေသကြီး ပဲခူးမြို့ဈေးပိုင်း ရပ်ကွက် ရန်ကုန်-မန္တလေး လမ်းဟောင်းရှိ အမှတ် (၃) အခြေခံပညာအထက်တန်း ကျောင်းရှေ့တွင် ကားဘီးပေါက်သည်ကို ဗုံးပေါက်ကွဲသည်ဟု ကောလာဟလ ထွက်ပေါ်လာသောကြောင့် ဇူလိုင်လ ၁၀ ရက် နံနက်ပိုင်းက အဆိုပါကျောင်းရှေ့သို့ ကျောင်းသားမိဘများ စုဝေးရောက်ရှိလာကြောင်း ပဲခူးမြို့ ဒေသခံများက The Voice သို့ ပြောကြားသည်။

ကျောင်းရှေ့တွင် ကားဘီးပေါက်ခြင်းကို ကျောင်းတွင်း ဗုံးပေါက်ကွဲခြင်း ဖြစ်သည်ဟု ကောလာဟလ ထွက်ပေါ်ခဲ့ခြင်း ဖြစ်ပြီး သက်ဆိုင်ရာ တာဝန်ရှိသူများက သွားရောက် ဖြေရှင်းခဲ့သဖြင့် နံနက် ၁၀ နာရီခန့်တွင် အခြေအနေ တည်ငြိမ်ခဲ့ကြောင်း ပဲခူးတိုင်းဒေသကြီး တိုင်းရဲတပ်ဖွဲ့မှူးရုံးမှ တာဝန်ကျ ရဲအရာရှိတစ်ဦးက ပြောကြားသည်။

အဆိုပါကျောင်းတွင် ဗုံးပေါက်ကွဲသည်ဟု ဇူလိုင်လ ၁၀ ရက်နေ့ ၉ နာရီခန့်က သတင်းများ ထွက်ပေါ်လာသဖြင့် ကျောင်းသားမိဘ ရာနှင့်ချီ၍ ကျောင်းရှေ့ကို ရောက်ရှိလာသဖြင့် ပဲခူးတိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးသက်ထွန်း လာရောက်ဖြေရှင်း ခဲ့ကြောင်း ပဲခူးမြို့ ရုံးကြီးရပ်ကွက်နေ ဒေါ်အိမ့်ချိုသာက ဆိုသည်။

“ဆိုင်ကယ်ကယ်ရီသမား တစ်ယောက်က အ.ထ.က (၃) ကျောင်းမှာ ဗုံးပေါက်ကွဲတယ်ဆိုပြီး အော်သွားလို့ ပြေးလာတာ” ဟု ပဲခူးမြို့မှ ကျောင်းသားမိဘတစ်ဦးက ဆိုသည်။

ပဲခူးမြို့မဈေးကြီး၌ နံနက် ၈နာရီခန့်တွင် အမျိုးသမီးတစ်ဦးက အခြေခံပညာ အထက်တန်းကျောင်း အမှတ် (၃)ကျောင်းတွင် ဗုံးပေါက်ကွဲသည်ဟု အော်ဟစ်ပြောဆိုရာမှ ကျောင်းသား မိဘများ ကျောင်းရှေ့ကို သွားရောက်စုဝေးခြင်း ဖြစ်ကြောင်း ဒေသခံ အချို့၏ ပြောဆိုချက်များအရ သိရှိရသည်။

အဆိုပါ ကောလာဟလများ ထွက်ပေါ်ချိန်တွင် စာသင်ကျောင်းတွင် ကျန်းမာရေးနှင့် ပတ်သက်သည့် အခမ်းအနားတစ်ခု ပြုလုပ်နေချိန် ဖြစ်ပြီး ဗုံးပေါက်ကွဲမှု၊ ဗုံးတွေ့ရှိမှု မရှိခဲ့ကြောင်း၊ ဗုံးပေါက်ကွဲသည့် ကောလာဟလ သတင်းကြောင့် ကျောင်းသားမိဘများ စုဝေးလာခဲ့မှသာ ယင်းကောလာဟလကို သိရှိခြင်း ဖြစ်ကြောင်း အဆိုပါ အထက်တန်း ဆရာမတစ်ဦးက ဆိုသည်။

“ကျောင်းသားတွေကို ပြန်မလွှတ်ပါဘူး။ ကျောင်းတံခါးကလည်း ပိတ်ထားတာပါ” ဟု ၎င်းက ထပ်မံပြောကြားသည်။

ယင်းဖြစ်ရပ်သည် ပြည်သူလူထုကို အထိတ်တလန့် ဖြစ်စေရန်၊ ပဋိပက္ခ ဖြစ်ပွားစေရန် ရည်ရွယ်၍ လှုံ့ဆော်ခြင်း ဖြစ်နိုင်သကဲ့သို့ အပျော်သဘောဖြင့် လုပ်ဆောင်ခြင်းလည်း ဖြစ်နိုင်ကြောင်း၊ လှုံ့ဆော်မှုများကို သိလျှင်သိချင်း အရေးယူ ဆောင်ရွက်သွားမည်ဖြစ်ပြီး ပြည်သူများ အနေနှင့်လည်း ကောလဟလများကို မယုံဘဲ ဝိုင်းဝန်းတားဆီးပေးရန် လိုအပ်ကြောင်း နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က ဆိုသည်။

ပဋိပက္ခဖြစ်အောင် ကောလာဟလများ ဖြန့်ကာလှုံ့ဆော်မှုများသည် ရန်ကုန်၊ မန္တလေး၊ ပဲခူးတိုင်းဒေသကြီးတို့ အပါအဝင် နေရာအနှံ့အပြားတွင် ဖြစ်ပေါ်ခဲ့သည်။

“ပဋိပက္ခဖြစ်အောင် လုပ်နေတဲ့ မြေအောက်လှုပ်ရှားမှု အဖွဲ့အစည်းလိုမျိုး ရှိနေတယ်။ ကောလာဟလဖြန့်တာ လှုံ့ဆော်တာတွေက နေရာတစ်ခုနဲ့တစ်ခု တူနေတယ်” ဟု ပြည်သူ့ လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီ အဖွဲ့ဝင် ဒေါ်ဒွဲဘူက သုံးသပ်သည်။

လှုံ့ဆော်မှုများမှတစ်ဆင့် ပဋိပက္ခအဖြစ် မကူးပြောင်းရေး အတွက် ပြည်သူများ အနေနှင့်လည်း ဝိုင်းဝန်းဆောင်ရွက်ပေးရန် လိုအပ်ကြောင်း ၎င်းကဆိုသည်။
The Voice Weekly

မြွေတောင် သတ္တုစီမံကိန်း လုပ်သား ၁၃၀၀ ကျော် အသုံးပြုမည်

ကလေး၊ ဇူလိုင် ၁၀
နီကယ်နှင့် သတ္တုရိုင်းများ တူးဖော်ရနိုင်မည်ဟု ခန့်မှန်းထားကြသော ချင်းပြည်နယ်မြောက်ပိုင်း တီးတိန်မြို့နယ် အတွင်းရှိ မြွေတောင် သတ္တုစီမံကိန်းတွင် လုပ်သား ၁၃၀၉ ဦးခန့် အသုံးပြုသွားမည် ဖြစ်ကြောင်း အဆိုပါစီမံကိန်းကို တာဝန်ယူ တူးဖော်မည့် North Mining Investment ကုမ္ပဏီမှ ဘူမိဗေဒ အရာရှိချုပ် ဦးလင်းမြင့်က The Voice သို့ ပြောကြားသည်။

“စီမံခန့်ခွဲရေးဝန်ထမ်း ၈၂ ဦးနဲ့ ထုတ်လုပ်ရေးလုပ်သား ၁၂၂၇ ဦးကို ခန့်အပ်သွားမှာ ဖြစ်ပါတယ်။ ခန့်အပ်တဲ့ နေရာမှာလည်း ခြောက်လ သင်တန်းပေးပြီး ခန့်အပ်သွားမှာပါ” ဟု ၎င်းကဆိုသည်။

အဆိုပါ လုပ်သားများတွင် မြန်မာလူမျိုး အလုပ်သမား အနည်းဆုံး ၉၉၃ ဦး ခန့်အပ်သွားမည် ဖြစ်ပြီး လာရောက်လုပ်ကိုင်မည့် နိုင်ငံခြားသား အလုပ်သမားများက ဒေသခံပြည်သူများအပေါ် လူမှုကျင့်ဝတ် ချိုးဖောက်မှုများ မဖြစ်ပေါ်စေရန်အတွက် ၎င်းတို့မရောက်ခင် သက်ဆိုင်ရာ အဖွဲ့အစည်းများသို့ နှစ်ပတ်ကြိုတင် အကြောင်းကြားပေးမည် ဖြစ်ကြောင်း၊ အလုပ်ခန့်အပ်မှု စာချုပ်တွင် ဒေသခံပြည်သူနှင့် လက်ထပ်ထိမ်းမြားလျှင် အလုပ်မှ ရပ်စဲသွားမည် ဖြစ်ကြောင်း ၎င်းက ဆက်လက် ပြောကြားသည်။

လက်ရှိ ကုမ္ပဏီအနေနှင့် သတ္တုတွင်းဝန်ကြီးဌာနသို့ စီမံကိန်းဆိုင်ရာလုပ်ငန်း သဘောထားများကို တင်ပြထားပြီဖြစ်ပြီး အကျိုးအမြတ် ခွဲဝေမှုနှင့် ပွင့်လင်းမြင်သာမှု ကိစ္စရပ်တို့ကို အမှတ်(၁) သတ္တုတွင်း လုပ်ငန်းနှင့် ညှိနှိုင်းဆဲ ဖြစ်ကြောင်း အမှတ်(၁) သတ္တုတွင်းလုပ်ငန်း ဦးဆောင်ညွှန်ကြားရေးမှူး ဦးကျော်ဆန်းက ပြီးခဲ့သည့် မေလ ၁၇ ရက်နေ့က ကျင်းပခဲ့သော တီးတိန်မြို့ အလုပ်ရုံ ဆွေးနွေးပွဲတွင် ပြောဆိုခဲ့သည်။

မြန်မာနိုင်ငံ ရင်းနှီးမြှုပ်နှံမှု ဥပဒေအရ နိုင်ငံခြားကုမ္ပဏီများ အနေနှင့် မြန်မာ အလုပ်သမားများ ခန့်အပ်ရာတွင် ကျွမ်းကျင်မှု မလိုအပ်သော အလုပ်သမားဆိုပါက ပထမနှစ်တွင် ၂၅ ရာခိုင်နှုန်း၊ ဒုတိယနှစ်တွင် ၅၀ ရာခိုင်နှုန်း၊ တတိယနှစ်တွင် ၇၅ ရာခိုင်နှုန်းကို ခန့်အပ်မည်ဖြစ်ပြီး ကျွမ်းကျင်မှု လိုအပ်ပါက ညှိနှိုင်းရမည် ဖြစ်ကြောင်း ဦးကျော်ဆန်းက ဆက်လက်ပြောဆိုသည်။
The Voice Weekly

မြန်မာ့တိုင်းရင်းဆေးနှင့် အနောက်တိုင်း ဆေးပညာ အသိအမှတ်ပြု ဆရာဝန်များ မဟုတ်ဘဲ လိုင်စင်မရှိသည့် တရုတ်ဆေးဆရာ အများအပြား ထိုးဖောက်ဝင်ရောက်နေ

ကျန်းမာရေးဝန်ကြီး ဒေါက်တာဖေသက်ခင် (ဓာတ်ပုံ-ငြိမ်းဇော်လင်း)

Thursday, 11 July 2013
မြန်မာ့တိုင်းရင်းဆေးနှင့် အနောက်တိုင်း ဆေးပညာ အသိအမှတ်ပြု ဆရာဝန်များ မဟုတ်ဘဲ လိုင်စင်မဲ့ တရုတ်ဆေးဆရာများ ထိုးဖောက်ဝင်ရောက်လျက်ရှိကြောင်း ကျန်းမာရေး ၀န်ကြီးဌာန ပြည်ထောင်စုဝန်ကြီး ဒေါက်တာဖေသက်ခင်က ဇူလိုင် ၁၀ ရက်တွင် ပြုလုပ်သော ပြည်သူ့လွှတ်တော် အစည်းအဝေး၌ ပြောကြားသည်။

ဒဂုံမြို့သစ် (ဆိပ်ကမ်း)မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါက်တာနေလင်း၏ ဆေးကုခန်းများနှင့် ဆေးဝါးများ၏ ကြော်ငြာများနှင့် ပတ်သက်၍ မြန်မာနိုင်ငံ ဆေးကောင်စီ အနေဖြင့် ဆေးကုထုံး မှန်ကန်မှု ရှိမရှိ၊ ကြော်ငြာကဏ္ဍများတွင် မည်သည့်အချက်အလက်များအပေါ် အခြေခံ၍ တရားဝင်ကြော်ငြာခွင့်ပြုချက် ပေးမှုကို သိရှိလိုသည့် မေးခွန်းအပေါ် ပြန်လည်ဖြေကြားရာတွင် ယင်းသို့ထည့်သွင်း ပြောကြားခဲ့ခြင်း ဖြစ်သည်။

ဆေးကုနေတဲ့ ဆရာဝန်ကလည်း အနောက်တိုင်း ဆရာဝန်လည်း မဟုတ်ဘူး။ တိုင်းရင်းဆေးဆရာဝန်လည်း မဟုတ်တဲ့အတွက် အရေးယူပေးဖို့ သက်ဆိုင်ရာ အာဏာပိုင် အဖွဲ့အစည်းတွေကို အကြောင်းကြားတဲ့အခါမှာ အလွန်လည်ပါတယ်။ ဆိုင်းဘုတ်ကို အ၀တ်စလေးနဲ့၊ ဗီနိုင်းတို့ ဘာတို့နဲ့ ဖုံးလိုက်တယ်။ ဖုံးလိုက်ပြီးတော့ သူတို့ရဲ့ ဆေးခန်းတွေက ဆေးခန်းလည်း မကဘူး။ ရုံးလည်းရှိတယ်။ လူတွေက ဆက်ပြီးတော့ ၀င်ထွက်နေတယ်။ ဆေးခန်းတော့ ပိတ်လိုက်ပါပြီ ဆိုပေမယ့် ကျိတ်ပြီးတော့ ဆက်ကုနေကြတယ် . . . . .

ပြည်ထောင်စုဝန်ကြီး ဒေါက်တာဖေသက်ခင်က "ကျွန်တော်တို့မှာ ဆေးကုသခွင့် ပေးထားတာက လိုင်စင်က အနောက်တိုင်း ဆေးပညာဘက်က တစ်အုပ်စုရှိတယ်။ တိုင်းရင်းဆေးပညာဘက်က တစ်အုပ်စု ရှိတယ်။ အနောက်တိုင်း ဆေးပညာဘက်က ဆရာဝန်ဆိုရင် ဆရာဝန်မှတ်ပုံတင်ရယ်၊ ဆေးကုသခွင့် လိုင်စင်ရယ် နှစ်မျိုးပါ။ အရင်တုန်းကတော့ လူတွေက တစ်မျိုးတည်း ရောထွေးပြီး သုံးနေကြတာ။ ဆမဆိုတာ ဆေးကုသခွင့် လိုင်စင်ဖြစ်ပါတယ်။ Licence of Practice  ဖြစ်ပါတယ်။ Registration ဆိုတာက ဆရာဝန် မှတ်ပုံတင်ထားတာ ဖြစ်ပါတယ်။ တချို့တွေက ဆရာဝန်တော့ ဆရာဝန်ဆေးကုသခွင့် လိုင်စင်ကို ယာယီရုပ်သိမ်း ထားတာမျိုးလည်း ရှိတတ်တယ်။ အကြောင်းအမျိုးမျိုးကြောင့်။ ဒီလိုပဲ သခ လို့ခေါ်တဲ့ သွားဆရာဝန်၊ သွားနဲ့ခံတွင်း ဆရာဝန်များမှတ်ပုံတင် ရှိပါတယ်။ သူနာပြုတွေ ဘာတွေကတော့ သားဖွားတွေမှာ သူတို့ရဲ့ မှတ်ပုံတင်ကောင်စီက ပေးထားတာ ရှိပါတယ်။ တိုင်းရင်းဆေးမှာလည်း တဆလို့ခေါ်တဲ့ မြန်မာ့တိုင်းရင်းဆေးက ပေးထားတဲ့မှတ်ပုံတင် ရှိပါတယ်။ အခုရန်ကုန်မှာ စမ်းချောင်းမြို့နယ်၊ လသာမြို့နယ်၊ ကြည့်မြင်တိုင် မြို့နယ်တို့မှာ အဓိက ဖြစ်နေတာက တရုတ်ဆေးဆရာလို့ခေါ်တဲ့ ဆေးဆရာတွေကို။ အဲဒါတွေက အနောက်တိုင်း ဆေးဆရာဝန် မဟုတ်တဲ့ အတွက်လည်း ဆမ၊ ခုနကလိုပေါ့။

Registration မှာက Common Registration,Temporarily Registration, Limited  Registration စသည်ဖြင့် ရှိတဲ့အခါမှာ အနောက်နိုင်ငံက ဆရာဝန်ကြီးတွေ ကျွန်တော်တို့နိုင်ငံက မြန်မာဆရာဝန်များနဲ့ ပူးပေါင်းပြီး ကုမယ်။ အဲဒီအခါကျရင် ကျွန်တော်တို့က သူတို့ရဲ့ CV တွေ၊ ဘာတွေကို စစ်ဆေးပြီး ဘယ်ကျောင်းက အောင်တယ်ဆိုတာတွေရယ် စစ်ဆေးပြီးတော့ Limited Registration ပေါ့။ အချိန်ကို ကန့်သတ်တယ်။ နေရာကို ကန့်သတ်တယ်။ Field ပေါ့နော်။ ကလေးဆိုလည်း ကလေးပေါ့။ လူကြီးဆိုလည်း လူကြီးပေါ့။ ကလေးဆိုလည်း ခွဲစိတ်တဲ့အခါမှာ ကန့်သတ်တယ်။ နောက်ပြီးတော့ မြန်မာဆရာဝန်ကြီးများနဲ့ ပူးပေါင်း၍ သို့မဟုတ် မြန်မာဆရာဝန်များရဲ့ ကြီးကြပ်မှု အောက်တွင်ဆိုပြီး ဒါမျိုးကန့်သတ်တဲ့ အခါမှာ နိုင်ငံတကာ ပူးပေါင်းဆောင်ရွက်မှု ဆိုတာလည်း မထိခိုက်ဘူး။ ကျွန်တော်တို့နိုင်ငံက နိုင်ငံသားတို့ရဲ့ အခွင့်အရေး ဆိုတာကိုလည်း ကာကွယ်ပြီးသား ဖြစ်တယ်။ ဒီလိုကျွန်တော်တို့က တစ်ဖက်က ကျင့်သုံးနေတဲ့ အချိန်မှာ ခုနကလို အနောက်တိုင်း ဆေးပညာအရလည်း Registration ထုတ်ပေးလို့မရ။

တိုင်းရင်းဆေးလည်း မဟုတ်ဘဲ ဒီဆေးပညာရှင်လို့ ခေါ်တဲ့သူတွေကို ၀င်လာပြီးတော့ ကုနေတဲ့အခါမှာ အဲဒီဟာလေးကို ကျွန်တော်တို့ အနေနဲ့ Enforce လုပ်ရတာ တိုင်းရင်းဆေးကို ပြောတော့လည်း သူနဲ့အကြုံးမ၀င်ဘူး ပြောတယ်။ ဆေးကောင်စီနဲ့လည်း အကြုံးမ၀င်ဘူး။ ကျွန်တော်တို့က အဲဒီအခါမှာ ကျွန်တော်တို့ ထုတ်ပေးလိုက်တာက ဒီဆေးခန်းမှာ ဆေးခန်းကလည်း ပုဂ္ဂလိက ကျန်းမာရေး စောင့်ရှောက်မှု လုပ်ငန်းများ ကော်မတီကလည်း ဆေးခန်းလိုင်စင်လည်း ထုတ်ပေးမထားဘူး။ ဆေးကုနေတဲ့ ဆရာဝန်ကလည်း အနောက်တိုင်း ဆရာဝန်လည်း မဟုတ်ဘူး။ တိုင်းရင်းဆေးဆရာဝန်လည်း မဟုတ်တဲ့အတွက် အရေးယူပေးဖို့ သက်ဆိုင်ရာ အာဏာပိုင် အဖွဲ့အစည်းတွေကို အကြောင်းကြားတဲ့အခါမှာ အလွန်လည်ပါတယ်။ ဆိုင်းဘုတ်ကို အ၀တ်စလေးနဲ့၊ ဗီနိုင်းတို့ ဘာတို့နဲ့ ဖုံးလိုက်တယ်။ ဖုံးလိုက်ပြီးတော့ သူတို့ရဲ့ ဆေးခန်းတွေက ဆေးခန်းလည်း မကဘူး။ ရုံးလည်းရှိတယ်။ လူတွေက ဆက်ပြီးတော့ ၀င်ထွက်နေတယ်။

ဆေးခန်းတော့ ပိတ်လိုက်ပါပြီ ဆိုပေမယ့် ကျိတ်ပြီးတော့ ဆက်ကုနေကြတယ်။ အဲဒါကို ကျွန်တော်တို့က မြို့နယ်ဆရာဝန်တွေနဲ့ ဆက်ပြီးထောက်လှမ်းတဲ့အခါမှာ ရုံးခန်းတွေက Apartment  တွေ အများကြီးရှိတဲ့ နေရာကြီးတွေမှာ ဖွင့်ထားတဲ့ အခါကျတော့ လှေကားက တက်သွားရင် သူ့ဆေးခန်းကို သွားတာလား၊ တခြားရုံးခန်းကို သွားတာလား သိဖို့ခက်တယ်။ ရုံးခန်းလို့ ပြောပြီးတော့ အဲဒီဆေးခန်းတွေကို သွားပြီးကုနေတာကျတော့ သိဖို့ခက်တယ်။ အဲဒီတော့ ကျွန်တော်တို့က တစ်ခါရန်ကုန်တိုင်းဒေသကြီးနဲ့ အထွေထွေ အုပ်ချုပ်ရေး ဦးစီးဌာနကို ထပ်ပြော။ ထပ်ပြီးတော့ သွားကြည့်ပါဦး။ ပိတ်ချင်ယောင်ဆောင်ပြီးတော့ ဆက်ဖွင့်နေတယ်။ ဆိုလိုတဲ့သဘောက Laws တွေ By law တွေ ဘယ်လိုပဲရှိရှိ Enforcement က အားနည်းလို့ရှိရင် ကျွန်တော်တို့ လုပ်ရမှာ ဖြစ်ပါတယ်။

Enforcement ဆိုတာကလည်း ကျွန်တော်တို့ ကျန်းမာရေးဝန်ကြီးဌာန အနေနဲ့ကတော့ ဒီဟာတွေသည် စည်းကမ်းနဲ့ မညီပါဘူး။ အရေးယူပေးပါလို့၊ ကျွန်တော်တို့မှာ ဖမ်းပိုင်ခွင့်၊ ဆွဲထုတ်ပိုင်ခွင့်တို့ ဘာမှမရှိပါဘူး။ ဒီလိုပဲEnforcement လို့ပြောတဲ့အခါမှာ တစ်ဖက်ကလည်း Public Education က လိုပါတယ်။ ကျွန်တော်တို့ လူတွေသည် စနစ်တကျနဲ့ မှန်မှန်ကန်ကန် ကုဖို့သူ့ထက်ကို ဆေးတစ်လုံးတည်းနဲ့ ၉၆ ပါးသော ရောဂါတစ်ခါတည်းနဲ့ တစ်သက်စာပျောက်တယ် ဆိုတာမျိုးကိုပဲ လိုချင်နေကြတဲ့ လူကများတော့ ဒီထဲမှာပညာတတ်တွေလည်း ပါနေကြတဲ့ကိစ္စ ဖြစ်ပါတယ်" ဟု  ပြောကြားသည်။

ရိုဟင်ဂျာ တရားဝင်လက်ခံရေး မြန်မာအစိုးရကို အင်ဒိုနီးရှား ဖိအားပေး

အင်ဒိုနီးရှား နိုင်ငံခြားရေးဝန်ကြီး Marty Natalegawa (၃၀ ဇွန် ၂၀၀၁၃)

10.07.2013
မြန်မာနိုင်ငံတွင်းမှာရှိနေတဲ့ ရိုဟင်ဂျာ မူဆလင်တွေကို တရားဝင် အသိအမှတ်ပြုဖို့အတွက် အင်ဒိုနီးရှားအစိုးရက မြန်မာအစိုးရကို ဖိအားပေးနေပါတယ်။ အင်ဒိုနီးရှားနိုင်ငံနဲ့ တခြားပြည်ပမှာ နိုင်ငံရေး ခိုလှုံခွင့် တောင်းခံနေတဲ့ ရိုဟင်ဂျာ အရေအတွက်က တိုးလာနေတဲ့အချိန်မှာ အင်ဒိုနီးရှား နိုင်ငံခြားရေးဝန်ကြီး မာတီ နာတလီ ဂါဝါ (Marty Natalegawa) က မြန်မာအစိုးရကို ပြည်တွင်းမှာ မတူကွဲပြားတဲ့ လူမှု အသိုင်းအ၀ိုင်း နှစ်ရပ်ကြားမှာ အကြမ်းဖက်မှုတွေ ဖြစ်ပွားနေတာ အဆုံးသတ်အောင် လုပ်ဆောင်ဖို့ လိုတယ်လို့ တိုက်တွန်းလိုက်ပါတယ်။ ဒီအကြောင်း ဗွီအိုအေ သတင်းထောက် Ron Corben က ဘန်ကောက်မြို့ကနေ သတင်းပေးပို့ထားတာကို ဒေါ်လှလှသန်း က တင်ပြထားပါတယ်။

အင်ဒိုနီးရှား နိုင်ငံခြားရေးဝန်ကြီး မာတီ နာတလီ ဂါဝါက မြန်မာအစိုးရအနေနဲ့ ဒီမိုကရေစီ ပြုပြင်ပြောင်းလဲမှုများ ဆက်လက် ဖော်ဆောင်သွားဖို့ လိုအပ်တဲ့အကြောင်းနဲ့ တချိန်တည်းမှာပဲ ပြည်တွင်းမှာ ရောက်ရှိနေတဲ့ နိုင်ငံမဲ့ ရိုဟင်ဂျာ မူဆလင်တွေရဲ့ တရားဝင် ရပိုင်ခွင့်တွေကိုလည်း အသိအမှတ်ပြုရမှာ ဖြစ်တယ်လို့ ပြောကြားသွားပါတယ်။

လွန်ခဲ့တဲ့နှစ်က မြန်မာနိုင်ငံတ၀ှမ်း အထူးသဖြင့် ရခိုင်ပြည်နယ်မှာ မူဆလင်နဲ့ ဗုဒ္ဓဘာသာဝင်တွေအကြား အကြမ်းဖက်မှုတွေကြောင့် လူ ၂၀၀ ကျော် သေဆုံးခဲ့ရပြီး လူပေါင်း သောင်းနဲ့ချီ အိုးအိမ်မဲ့ ဖြစ်ခဲ့ကြရပါတယ်။ အဲ့ဒီအထဲ ရိုဟင်ဂျာ ဒုက္ခသည်တွေဟာ သောင်းနဲ့ချီ ပါဝင်ခဲ့တာ ဖြစ်ပါတယ်။ မြန်မာနိုင်ငံမှာ ရောက်ရှိနေတဲ့ ၈ သိန်းလောက်ရှိတယ်ဆိုတဲ့ ရိုဟင်ဂျာ အများစုကို မြန်မာအစိုးရက နိုင်ငံသား ခံယူခွင့် မပြုပါဘူး။

အင်ဒိုနီးရှား နိုင်ငံခြားရေးဝန်ကြီး မာတီ နာတလီ ဂါဝါ က တင်းမာမှုတွေ လျော့ပါးရေးအတွက် ပထမဦးဆုံး ခြေလှမ်းအဖြစ် ရိုဟင်ဂျာတွေကို မြန်မာအစိုးရက တရားဝင် အသိအမှတ်ပြုမယ်ဆိုတဲ့အတွက် အင်ဒိုနီးရှားအနေနဲ့ အားတက်မိတဲ့အကြောင်း ဘန်ကောက်မြို့တော်မှာ ဗုဒ္ဓဟူးနေ့က ကျင်းပခဲ့တဲ့ သတင်းစာရှင်းလင်းပွဲမှာ သတင်းထောက်တွေကို အခုလို ပြောကြားခဲ့ပါတယ်။

“ဒီနေရာမှာ နိုင်ငံသားအဖြစ် အသိအမှတ်ပြု ခံယူနိုင်ရေးကိစ္စ ရှိနေပါတယ်။ ဒီကိစ္စဟာ နိုင်ငံရေးအရရော၊ ဥပဒေကြောင်းအရရော ပတ်သက်နေပါတယ်။ မြန်မာအစိုးရက ဒီကိစ္စကို အခြေခံကျကျ ကိုင်တွယ်ဖြေရှင်းပေးမယ်ဆိုလို့ ကျနော်တို့ အားတက်မိပါတယ်။ ရိုဟင်ဂျာတွေအနေနဲ့ တရားဝင် အသိအမှတ်ပြု ခံရပြီး အခြားကျန် နိုင်ငံသားတွေနဲ့အတူ ဥပဒေအရ အခွင့်အရေးတွေကို ရရှိစေမှာဖြစ်ပါတယ်။”

မြန်မာအာဏာပိုင်တွေအနေနဲ့ နိုင်ငံသားတွေဖြစ်ကြတဲ့ တိုင်းရင်းသားအုပ်စုတွေထဲမှာ ရိုဟင်ဂျာတွေ မပါဝင်ဘူးဆိုတာကို ကာလကြာရှည် ခံယူထားတာဖြစ်ပါတယ်။ ဒါ့အပြင် သူတို့တွေဟာ အိမ်နီးချင်း ဘင်္ဂလားဒေ့ရ်ှက တရားမ၀င် ရောက်လာကြတဲ့ ဘင်္ဂါလီတွေ ဖြစ်တယ်လို့လည်း ပြောဆိုခဲ့တာဖြစ်ပါတယ်။

မစ္စတာ နာတလီ ဂါဝါ က မြန်မာနိုင်ငံမှာ လူများစုဖြစ်တဲ့ ဗုဒ္ဓဘာသာဝင်တွေနဲ့ လူနည်းစု မူဆလင်တွေအကြား တဘက်နဲ့တဘက် ယုံကြည်မှု မရှိကြတာ တွေ့ရပြီး၊ အဲ့ဒီကတဆင့် သွေးထွက်သံယိုမှုတွေ ဖြစ်ပွားခဲ့တာ တွေ့ရတယ်လို့ ဆိုပါတယ်။ အင်ဒိုနီးရှားအနေနဲ့လည်း ၁၉၉၀ ခုနှစ်များ နှောင်းပိုင်းက ဒီမိုကရေစီ စတင်ဖော်ဆောင်ရာမှာ အလားတူ အကြမ်းဖက် တိုက်ခိုက်မှုမျိုးတွေ ရင်ဆိုင်ခဲ့ရတာဖြစ်ပြီး၊ ဖြေရှင်းယူခဲ့ရတာဖြစ်တယ်လို့ အင်ဒိုနီးရှား နိုင်ငံခြားရေးဝန်ကြီးက ပြောပါတယ်။

ဒါကြောင့်လည်း လူမှုအသိုင်းအ၀ိုင်းတွေကို ပြန်လည်တည်ဆောက်ရာမှာ မြန်မာအာဏာပိုင်တွေကို အင်ဒိုနီးရှားရဲ့ အတွေ့အကြုံ မျှဝေပေးဖို့ အဆင်သင့်ရှိတယ်လို့လည်း သူက ပြောပါတယ်။

“ဖြေရှင်းရမယ့် ကိစ္စရပ် ရှိနေတယ်ဆိုတာကို ကျနော်တို့ သိထားပါတယ်။ ဒါဟာလည်း မြန်မာနိုင်ငံရဲ့ ဒီမိုကရေစီ ဖော်ဆောင်ရေး ကြိုးပမ်းအားထုတ်မှုတွေရဲ့ အစိတ်အပိုင်းအဖြစ် ပါဝင်တယ်ဆိုတာ ကျနော်တို့ ယုံကြည်ပါတယ်။ ဒါကို သီးခြားခွဲထားလို့ မရနိုင်ပါဘူး။ ဒါကြောင့် မြန်မာအစိုးရကို ကျနော်တို့ အရင်က ပြောထားပြီးဖြစ်တဲ့အတိုင်း ဒီမိုကရေစီ အသွင်ကူးပြောင်းရာမှာ ဒါတွေကို တပြိုင်တည်း ဖော်ဆောင်သွားရမှာပါ။ အချိန်ပိုင်းခြားထားလို့ မရပါဘူး။ တချိန်တည်းမှာ လူမှုအသိုင်းအ၀ိုင်းတွေအကြား တင်းမာမှုတွေ ဖြစ်ပွားနေတဲ့ကိစ္စနဲ့ နိုင်ငံတွင်း ဖြစ်ပွားနေတဲ့ ပဋိပက္ခတွေကို ဖြေရှင်းဖို့ လိုပါတယ်။”

ရိုဟင်ဂျာ ထောင်ပေါင်းများစွာတို့ဟာ ပြည်ပမှာ နိုင်ငံရေးခိုလှုံခွင့် တောင်းခံဖို့အတွက် လှေတွေနဲ့ အန္တရာယ်ကြီးလှတဲ့ ပင်လယ်ခရီးလမ်းကနေ ထွက်ပြေးကြရာမှာ ဘယ်နှစ်ဦး သေဆုံးခဲ့ကြတယ်ဆိုတာတော့ အတိအကျ မသိနိုင်ပါဘူး။ အင်ဒိုနီးရှားအနေနဲ့ ဒီနှစ်အတွင်း ဒေသန္တရ ညီလာခံတရပ် ကျင်းပပြီး ဒေသတွင်းမှာ လူမှောင်ခိုကူးမှု တိုက်ဖျက်ရေးနဲ့ လှေစီးပြေး ဒုက္ခသည်တွေ အရေအတွက် လျော့ပါးရေးအတွက် ကြိုးပမ်းဆောင်ရွက်ဖို့ အစီအစဉ်ရှိတယ်လို့လည်း သိရပါတယ်။
ဒေါ်လှလှသန်း
ဗွီအိုအေ (မြန်မာပိုင်း)

မြီးကောင်ပေါက် ကိုယ်ဝန် ပြဿနာ

မိန်းကလေးငယ် ကိုယ်ဝန်ဆောင်မှုတွေ ရှိနေ

10 ဇူလိုင်လ 2013
ဇူလိုင်လ ၁၁ ရက် နေ့မှာ ကျရောက်တဲ့ ကမ္ဘာ့ လူဦးရေနေ့ ဆောင်ပုဒ်က မြီးကောင်ပေါက် ကိုယ်ဝန် ပြဿနာ ဖြစ်ပါတယ်။

ကမ္ဘာမှာ တနှစ်ကို အသက် ၁၈ နှစ် အောက် မိန်းကလေး ၁၆ သန်းလောက် ကလေးမွေး နေရပြီး နောက် ၃ သန်းကျော်က အန္တရာယ် ကြီးတဲ့ နည်းတွေနဲ့ ကိုယ်ဝန်ဖျက်ချ နေရတယ်လို့ ကုလ သမဂ္ဂ လူဦးရေ ရန်ပုံငွေ အဖွဲ့က ထုတ်ပြန် ပါတယ်။

မိန်းကလေး တွေကို ငယ်ငယ်ရွယ်ရွယ်နဲ့ အိမ်ထောင် ချပေးတာ၊ ကျူးလွန် စော်ကား ခံရတာ၊ ပညာသင်ခွင့် ဆုံးရှုံးတာ စတဲ့ လူ့အခွင့်အရေး ချိုးဖောက် ခံရမှု တွေနဲ့ သေဆုံး ချည့်နဲ့ တဲ့ထိ ကျန်းမာရေး နောက်ဆက်တွဲ ဆိုးကျိုး တွေကြောင့် ဒီပြဿနာကို ကုလသမဂ္ဂ က မီးမောင်း ထိုးပြတာ ဖြစ်ပါတယ်။

အိုင်ယာလန် နိုင်ငံ မှာတော့ ကိုယ်ဝန်ဖျက်ချခွင့် ဆိုင်ရာ ဥပဒေ ကို လွှတ်တော်မှာ အခြေအတင် ငြင်းခုံ နေကြပါတယ်။

အရေးပေါ် ကျန်းမာရေး အခြေအနေမှာ အမျိုးသမီးတွေကို သန္ဓေ ဖျက်ခွင့် ပေးတဲ့ ပြင်ဆင်ချက် ၁၆ဝ ကျော် ပါတဲ့ ဥပဒေကို လွှတ်တော်မှာ အများစု ထောက်ခံမဲနဲ့ တင်သွင်း ခဲ့ပေမယ့် အစိုးရက ပယ်ချ ခဲ့ပါတယ်။

ဒါပေမဲ့ ဝန်ကြီးချုပ်က ဒီဥပဒေအရေး ကြာသပတေးနေ့ လွှတ်တော်မှာဆက်လက် ဆွေးနွေးခွင့် ပြုခဲ့ပါ တယ်။

ပဋိသန္ဓေ မလိုချင်ဘဲ လွယ်ရတာတွေ အဆုံးသတ်ဖို့၊ ဘေးကင်း စိတ်ချရတဲ့ မီးဖွားမှု တွေ ဖြစ်ဖို့နဲ့ လူငယ် ဘဝ အညွန့်တလူလူ တက်နေဖို့ ရည်ရွယ်တယ်လို့ ကမ္ဘာ့ လူဦးရေ နေ့မှာ ကုလသမဂ္ဂက ထုတ်ပြန် လိုက်ပါတယ်။

မြန်မာနိုင်ငံ အနေနဲ့ လူဦးရေတိုးပွားမှု ထိန်းချုပ်ဖို့ လိုအပ်ပြီလို့ မပြောနိုင်သေး ပေမယ့် ကျန်းမာရေး လူမှုရေး ရှုထောင့်အရ မိသားစု သားဆက်ခြား စီမံကိန်းတော့ ရှိဖို့ လိုအပ်တယ်လို့ ပညာပေးရေး လုပ်ဆောင် နေသူတွေက ပြောပါတယ်။
ဘီဘီစီ (မြန်မာပိုင်း)

အီဂျစ်မွတ်ဆလင်ခေါင်းဆောင်တွေကို ဖမ်းဝရမ်းထုတ်

မစ္စတာ ဘဒီး ကတော့ ငြိမ်းချမ်းစွာ ပြုလုပ် နေတဲ့ တော်လှန်ရေးလို့ ပြောပါတယ်

အီဂျစ် နိုင်ငံတော် ရှေ့နေရုံး ကနေ မွတ်ဆလင် ညီနောင်များ အဖွဲ့ ခေါင်းဆောင် မိုဟာမက် ဘဒီး နဲ့ တခြား ထိပ်တန်း ခေါင်းဆောင် အတော် များများကို ဖမ်းဝရမ်း ထုတ်လိုက် ပါတယ်။

တနင်္လာနေ့က ကိုင်ရိုမြို့ စစ်တန်းလျား အနီး လူပေါင်း ၅၀ ကျော် သေဆုံး ခဲ့ရတဲ့ အကြမ်းဖက် မှုကို အဲဒီ ခေါင်းဆောင်တွေက လှုံ့ဆော်ဖန်တီးခဲ့တာလို့ စွပ်စွဲပြီး အခုလိုဖမ်းဝရမ်းထုတ်လိုက် တာလည်း ဖြစ်ပါတယ်။

အဲဒီတုန်းက သေဆုံးသွားသူ အများစုဟာ မစ္စတာမော်စီကို ထောက်ခံကြတဲ့ သူတွေ ဖြစ်ကြပါတယ်။

မွတ်ဆလင် ညီနောင်များအဖွဲ့ ကတော့ လုံခြုံရေး တပ်ဖွဲ့တွေဟာ အစုံလိုက် အပြုံလိုက် သတ်ဖြတ်မှုကို ကျူးလွန် ခဲ့တယ်လို့ စွပ်စွဲ ပြောကြားပါတယ်။

ဒါပေမယ့်လို့ စစ်တပ်နဲ့ ရဲကတော့ ကိုယ့်ကိုယ်ကို ကာကွယ်တဲ့ အနေနဲ့ ပစ်ခတ် တာသာ ဖြစ်တယ်လို့ ပြောပါတယ်။

အသစ် ခန့်အပ်ထားတဲ့ ကြားဖြတ် ဝန်ကြီးချုပ်ကတော့ အစိုးရတရပ် ဖွဲ့စည်းဖို့အတွက် ဆက်လက် ကြိုးပမ်း ဆောင်ရွက်နေပါတယ်။
ဘီဘီစီ (မြန်မာပိုင်း)

အာဇာနည်နေ့ကို ဂုဏ်ပြု ကြိုဆိုသောအားဖြင့်

FB-ဟာဂျူလီ ကသာ

ဘော်စတွန် ဗုံးကွဲမှု စွဲချက်တွေ ငြင်းဆန်

Tsarnaev ရုံးထုတ်ချိန် လုံခြုံရေး အပြည့်ချ

10 ဇူလိုင်လ 2013
ဘော်စတွန် မာရသွန် ဗုံးကွဲမှု လက်သည်လို့ စွဲဆို ခံရတဲ့ Dzhokhar Tsarnaev က လူအများကို သေကြေပျက်စီး စေတဲ့ လက်နက် သုံးတယ် ဆိုတဲ့ စွဲချက် အပါအဝင် စွဲချက်တွေ အားလုံး အတွက် သူ့မှာ အပြစ်မရှိဘူးလို့ ထွက်ဆို သွားပါတယ်။

လူ ၃ ယောက် သေဆုံးပြီး ၂၆ဝ ကျော် ဒဏ်ရာ ရခဲ့တဲ့ ဧပြီလ တိုက်ခိုက်မှု အပြီး မစ္စတာ Tsarnaev ဘော်စတွန် တရားရုံး တရုံးမှာ ပထမဆုံး အကြိမ် ထွက်ဆို ခဲ့တာ ဖြစ်ပါတယ်။

ချက်ချင် လူမျိုး အသက် ၁၉ နှစ် အရွယ် ကျောင်းသားကို လက်ထိပ်ခတ်ပြီး ရုံးထုတ် လာချိန်မှာ ရုံးထဲမှာ လူပရိသတ် အပြည့် ရှိနေပါတယ်။

သားတယောက် အသက်ဆုံးပြီး နောက်တယောက် တရားခံ ဖြစ်နေတဲ့ Tsarnaev တို့ အမေ Liz Norden လည်း တရားခွင်မှာ ရှိပါတယ်။

ကြားနာပွဲ အချိန်တိုတွင်း အဆုံးသတ် သွားပြီးနောက် မစ္စတာ Tsarnaev မိသားစုကို နှုတ်ဆက်ပြီး တရားခွင်ကနေ ပြန်လည် ခေါ်ဆောင် သွားပါတယ်။

ခပေါင်းချောင်းတွင် အမျိုးသားတစ်ဦး၏အလောင်းတွေ့

Photo google

တောင်ငူ၊ ဇူလိုင် ၈
ပဲခူးတိုင်းဒေသကြီး တောင်ငူမြို့ ခပေါင်းတံတားထိပ်အနီး ခပေါင်းချောင်းရေပြင်ရှိ ဒိုက်ပုံတွင် ဇူလိုင်လ ၈ ရက်နေ့ နံနက် ၉ နာရီခန့်က အသက် (၅၀) အရွယ်ခန့်ရှိ သေဆုံးနေသည့် အမျိုးသားတစ်ဦး၏ အလောင်းကို တွေ့ရှိခဲ့ကြောင်း တောင်ငူမြို့ အမှတ် (၁) ရဲစခန်းမှ ရဲအုပ်အောင်ကျော်လွင်က The Voice သို့ပြောကြားသည်။

သေဆုံးသူ ဦးတင်ဝင်း (၅၀) နှစ်သည် အုတ်တွင်းမြို့နယ် တောပုကျေးရွာအုပ်စု သိုက်ကုန်း ကျေးရွာတွင် နေထိုင်ပြီး ဇူလိုင်လ ၆ ရက်နေ့ နေ့လယ် ၁ နာရီခန့်တွင် ညီ၊ သားကြီးမောင်သန်းနိုင်ဦး (၁၆) နှစ်နှင့်အတူ ဇီးပင်သာရွာမှ ကင်းဆိပ်ကျေးရွာသို့ ဝါးပို့ရန် ဝါးဖောင်ဖြင့် မျောလာစဉ် ဇီးပင်သာရွာနှင့် တစ်မိုင်အကွာတွင် ဖောင်ကိုရပ်တန့် (ဂွဲသတ်) စဉ် အရှိန်လွန်ကာ ပြုတ်ကျသေဆုံးခဲ့ခြင်း ဖြစ်ကြောင်း သေသူ၏သားဖြစ်သူ မောင်သန်းနိုင်ဦးက ပြောကြားသည်။

“အဖေက တစ်မနက်လုံး အရက်သောက်တာ မူးပြီးထတောင် မထနိုင်တာကို ဆင်းပြီးဖောင်ရပ်ဖို့ ပြင်တုန်း အခုလိုဖြစ်သွားတာပါ။ ကျွန်တော်လည်း ဆင်းဆယ်ပါသေးတယ်။ ရေကျနေတော့ မမီဘူး ဖြစ်သွားတယ်။ ရွာကအမျိုးတွေနဲ့ ချောင်းထဲလိုက်ရှာပါတယ်။ ခုမှတွေ့တာ” ဟု ၎င်းကဆိုသည်။

အဆိုပါ ရေနစ်သေဆုံးမှုကို သေမှုသေခင်းအမှတ် ၄/၂၀၁၃ ဖြင့် အမှုဖွင့်ဆောင်ရွက်လျက် ရှိကြောင်း တောင်ငူမြို့ အမှေတ် (၁) ရဲစခန်းထံမှ စုံစမ်းသိရှိရသည်။
The Voice Weekly

လက်ပံတောင်းတောင် ထွန်တုံးတိုက်ပွဲဝင်သူများ ထောင်ဒဏ်ချမှတ်၊ ကူညီသူတစ်ဦး ထောင်ဒဏ် ၁၁ နှစ်အထိ ချမှတ်ခံရ

ဗုဒ္ဓဟူးနေ့၊ ဇူလိုင်လ ၁၀ ရက်
လက်ပံတောင်းတောင် ကြေးနီစီမံကိန်း ဧရိယာအတွင်း ထွန်တုံးတိုက်ပွဲ ဆင်နွှဲသူများကို ရွှေဘိုခရိုင်၊ ရွှေဘိုမြို့နယ် တရားရုံးမှ ယခုလ ၈ ရက်တွင် ပြစ်ဒဏ်များ ချမှတ်လိုက်ရာ ယင်းတို့အထဲတွင် ပါဝင်သူတစ်ဦးမှာ ထောင်ဒဏ် ၁၁နှစ်ထိ ချမှတ်ခံရသည်ဟု တရားရုံးမှ တာဝန်ရှိသူတစ်ဦးကပြောသည်။

ပြစ်ဒဏ်ချမှတ်ခံရသူများမှာ ဒေသခံ ဆည်တဲရွာသားနှစ်ဦးနှင့် ရန်ကုန်မှ ထွန်တုံးတိုက်ပွဲကူညီရန်သွားခဲ့သူတစ်ဦးဖြစ်သည်။ အမိန့်ချမှတ်ခဲ့ရာတွင် ဆည်တည်းရွာသား နှစ်ဦးဖြစ်သူ ကိုစိုးသူနှင့် ဦးမောင်စန်းတို့ကို ပြစ်မှုဆိုင်ရာ ဥပဒေပုဒ်မ(၁၈၈)၊ ပုဒ်မ(၁၄၃) (ဥပဒေနှင့် ဆန့်ကျင်သည့် စုဝေးမှု ပုဒ်မ (၅၀ဝ)၊ ပုဒ်မ(၃၃၂)၊ စီတန်းလှည့်လည်ခွင့်ဆိုင်ရာ ဥပဒေပုဒ်မ (၁၈)တို့ဖြင့် ထောင်ဒဏ် နှစ်နှစ် ခြောက်လချမှတ်ခဲ့သည်။ ထွန်တုံး တိုက်ပွဲဝင်ရန်ကူညီသူ ရန်ကုန်ပြည်သူ့အကျိုးဆောင်ကွန်ရက်မှ ကိုအောင်စိုးကို ထောင်ဒဏ် ၁၁ နှစ် ခြောက်လချမှတ်ခဲ့ခြင်းဖြစ်သည်ဟု ဥပဒေပညာရှင် ဦးစောကျော်ကျော်မင်းက မဇ္ဈိမကိုပြောသည်။

လျော်ကြေးငွေ မယူထားသော လယ်ယာမြေများတွင် လယ်ထွန်သည့်အတွက် ဧပြီလ ၂၅ ရက်တွင် ရဲတပ်ဖွဲ့ဝင်များက အကြမ်းဖက် ဝင်ရောက်ရိုက်နှက်ခဲ့ပြီး ထိုနေရာတွင်ရောက်ရှိနေသော ရန်ကုန်ပြည်သူ့အကျိုးဆောင်ကွန်ရက်မှ ကိုအောင်စိုးနှင့် ဆည်တည်းရွာမှ လယ်သမားနှစ်ဦးဖြစ်သူ ကိုစိုးသူနှင့် ဦးမောင်စန်းတို့အား ဖမ်းဆီးခဲ့ခြင်းဖြစ်သည်။ ယင်းသို့ ပြစ်ဒဏ်ချမှတ်လိုက်သော်လည်း မိမိဘက်မှ ခုခံကာကွယ်ပြောဆိုပိုင်ခွင့်မရကြောင်း ၎င်းတို့၏ရှေ့နေကပြောသည်။

ရှေ့နေ ဦးအောင်သူရိန်ထွန်းက “ပါဝါလည်းရရော သူတို့ကို အမိန့်ချဖို့ အသင့်ဖြစ်နေပြီ။ ကျွန်တော့်ဘက်က ဘာမှကာကွယ် ပြောဆိုခွင့်မရခဲ့ဘူး”ဟု ဆိုသည်။

ဆည်တည်းရွာဟောင်းမှ ဒေသခံတစ်ဦးက “မေလထဲတုန်းက တိုင်းရဲတပ်ဖွဲ့က ထုတ်ပြန်ကြေညာတဲ့စာထဲမှာ ကိုအောင်စိုး ဆိုသူကို အမှုသုံးမှုနဲ့ ထောင်ဒဏ် တစ်နှစ် နဲ့ ခြောက်လချမှတ်ခဲ့ပြီး ကျန်အမှုငါးမှုအတွက်လည်း ဆက်လက်ပြီး စစ်ဆေးနေတယ်ဆိုတာ ရေးသားထားပါတယ်။ ဒေသခံရွာသား နှစ်ဦးကိုတော့ အဲ့ဒီတုန်းကခြောက်လစီ အမိန့်ချထားခဲ့တယ်လို့ သိရပါတယ်”ဟု ပြောသည်။

ပြစ်ဒဏ်ချခံရသူ သုံးဦးကို ဇွန်လ ၂ ရက်ကပင် ပြစ်ဒဏ်များ အသီးသီးချမှတ်ထားပြီးလည်းဖြစ်ရာ ယခုတစ်ကြိမ်နှင့်ပေါင်းပါက ကျခံရသည့်ပြစ်ဒဏ် များသွားခြင်းဖြစ်သည်။ ဇွန် ၂ ရက်က ပြစ်ဒဏ်များတွင် ၄င်းတို့ကို ပုဒ်မ ၃၃၃ (တာဝန်ဝတ္တရား ဆောင်ရွက်နေသော ပြည်သူ့ဝန်ထမ်းကို နာကျင်စေမှု)၊ ၄၄၇ (စီမံကိန်း ဧရိယာအတွင်းကျော်နင်းမှု)၊ ၁၄၃ (ဥပဒေနှင့် ဆန့်ကျင်သည့် စုဝေးမှု)၊ ၃၄ (အကြံအစည်တစ်ခုကို အထမြောက်စေရန် တစ်ဦးထက်ပိုသော လူများစုဝေးမှု) စသည့် အမှုများနှင့် ဆားလင်းကြီးတရားရုံးတွင် အမှုဖွင့်ထားခဲ့ပြီး ထောင်ဒဏ်ခြောက်လမှ တစ်နှစ်ခွဲအထိ ပြစ်ဒဏ်အသီးသီး ချမှတ်ခဲ့ပြီးဖြစ်သည်။

ယင်းအမှုကို ဆားလင်းကြီးမြို့နယ် တရားရုံး၌ ကြားနာစစ်ဆေးမည်ဆိုပါက မလိုလားအပ်သည့် ပြဿနာများ ဖြစ်ပေါ်စေနိုင်သည်ဟု သက်ဆိုင်ရာမှ ယုံကြည်သည့်အတွက် ပြစ်မှုဆိုင်ရာ ကျင့်ထုံးဥပဒေ ပုဒ်မ ၅၂၆ အရ စစ်ကိုင်းတိုင်းဒေသကြီး တရားလွှတ်တော်ရုံးသို့ တင်ပြလျှောက်ထားခဲ့ရာ ၎င်းအမှုများအား ရွှေဘိုခရိုင်၊ ရွှေဘိုမြို့နယ်တရားရုံးသို့ပြောင်းရွှေ့ကြားနာစစ်ဆေးခဲ့ခြင်းဖြစ်သည်။

ပြစ်ဒဏ်ကျခံနေရသူများအတွက် ရွှေဘိုခရိုင်တရားရုံးသို့ အယူခံဝင်မည်ဟုလည်း ၎င်းတို့၏ရှေ့နေက ပြောသည်။
ကိုတိုးကြီး (မုံရွာ) ၊ ခိုင်ခိုင်
Mizzima - News in Burmese

ကြိုးကိုင်သူမမိသေးသည့် ရခိုင်ပဋိပက္ခတွင် ဖမ်းထားသူ ၁၂၀ဝ ခန့် ရှိ

ရခိုင်ပြည်နယ်မှ ပဋိပက္ခများနှင့်ဆက်စပ်၍ ပြစ်မှုကျူးလွန်သူဟု သံသယရှိသဖြင့် ဖမ်းဆီးထားသူ ၁၂၀ဝ ဦးခန့်ရှိကြောင်း ရခိုင်ပြည်နယ် နယ်စပ်ရေးရာနှင့် လုံခြုံရေး ဝန်ကြီး ဗိုလ်မှူးကြီးထိန်လင်းက ဇူလိုင် ၉ ရက်က မဇ္ဈိမ၏မေးမြန်းမှုကို ဖြေကြားသည်။

သို့သော် နောက်ကွယ်က ကြိုးကိုင်သူများကိုမူ ထိုသူများထဲတွင် စစ်ဆေးမတွေ့ရှိကြောင်း ပြည်နယ်ဝန်ကြီးက ဆိုသည်။

ရန်ကုန်မြို့ရှိ နိုင်ငံခြားရေးဝန်ကြီးဌာန ဆက်ဆံရေးရုံးတွင် ရခိုင်ပြည်နယ် အစိုးရအဖွဲ့နှင့် ကုလအဖွဲ့များ၊ လူမှုရေး အသင်းအဖွဲ့များနှင့် တွေ့ဆုံပွဲကို ဇူလိုင် ၉ ရက်က ပြုလုပ်ခဲ့ပြီး ပြည်နယ် လုံခြုံရေးဝန်ကြီး ဗိုလ်မှူးကြီး ထိန်လင်းလည်း တက်ရောက်သဖြင့် မဇ္ဈိမကမေးမြန်းရာ ယင်းကဲ့သို့ဖြေကြားခဲ့ခြင်းဖြစ်သည်။

ရာဇဝတ်မှုကျူးလွန်ကြောင်း သံသယရှိသဖြင့် ဖမ်းဆီးထားသူများသည် ပြစ်မှုပေါင်း ၂၇၅ ခုဖြင့်ဆက်စပ် ဖမ်းဆီးခဲ့ခြင်းဖြစ်ပြီး ပြစ်မှု ၂၀ဝ ခန့်မှာ ပြစ်ဒဏ်ချမှတ် ပြီးပြီဖြစ်ပြီး တရားရုံးက အပြစ်ပေးလိုက် သူ ၅၀ဝ ကျော်ရှိပြီဟုလည်း သူက အသေးစိတ်ရှင်းပြခဲ့သည်။

ရခိုင်ပြည်နယ်တွင် ဖြစ်ပွားနေသော အမြင်မတူသည့် လူအုပ်စုနှစ်ခုကြားမှ ပဋိပက္ခများက ပြည်နယ်၏ မြို့နယ် ၁၃ ခု သို့ ကူးစက်ခဲ့ပြီး နိုင်ငံအနှံ့အပြားသို့လည်း ပျံ့နှံ့ခဲ့ရသည်။

ဖမ်းဆီးအရေးယူထားသူများနှင့်ပတ်သက်ပြီး “အမှုအားလုံးက သာမန်ပြစ်မှုတွေဖြစ်ပါတယ်”ဟု ရခိုင်ပြည်နယ် လုံခြုံရေးဝန်ကြီးက ဆိုသည်။

သူက “ကြိုးကိုင်မှုတွေ လှုံ့ဆော်မှုတွေရှိတယ်ဆိုတာ ကျွန်တော်တို့ ထင်မြင်ယူဆချက်သာ ဖြစ်ပါတယ်။ သက်သေအထောက်အထား မပြနိုင်သေးပါဘူး”ဟုလည်း သူကပြောကြားခဲ့သည်။

သမ္မတကဖွဲ့ပေးလိုက်သည့် ရခိုင်ပြည်နယ် ပဋိပက္ခစုံစမ်းစစ်ဆေးရေးကော်မရှင်၏ အစီရင်ခံစာတွင် ပဋိပက္ခများ၏ နောက်ကွယ်တွင် ကြိုးကိုင်နေသူများရှိနေသည်ဟု ဖော်ပြထားသည်။

ရခိုင်ပြည်နယ်အစိုးရအဖွဲ့၏ သတင်းပြန်ကြားရေးဆပ် ကော်မတီဥက္ကဋ္ဌဖြစ်သည့် ပြည်နယ်ဥပဒေချုပ် ဦးလှသိန်းကလည်း ပဋိပက္ခများနှင့်ဆက်စပ်သော အမှုများနှင့်ပတ်သက်၍ “တချို့အမှုတွေက သက်သေအထောက်ထားမခိုင်လုံလို့ ကြန့်ကြာနေတာဖြစ်သလို လတ်တလော ပိတ်သိမ်းထားတဲ့အမှုတွေလည်းရှိပါတယ်”ဟု ပြောကြားခဲ့သေးသည်။
ကေဇင်ဦး
Mizzima - News in Burmese

ဘော်စတွန်မာရသွန် ဗုံးခွဲမှု သံသယတရားခံကို ပထမဆုံးအကြိမ် တရားရုံးတွင် စစ်ဆေးမည်

ပြီးခဲ့သည့် ဧပြီလ ၁၅ ရက်က အမေရိကန်ပြည်ထောင်စု ဘော်စတွန်မြို့တွင် ကျင်းပသော မာရသွန်ပြိုင်ပွဲကို ဗုံးခွဲတိုက်ခိုက်ခဲ့သည့် သံသယတရားခံ ဇိုခါ ဆာနေ့ဗ်အား ဗုဒ္ဓဟူးနေ့ (ဇူလိုင် ၁၀ ရက်) တွင် ပထမဆုံးအကြိမ် တရားရုံးထုတ် စစ်ဆေးမည်ဖြစ်သည်။

အသက် ၁၉ နှစ်အရွယ် ဆာနေ့ဗ်အား ဘော်စတွန်မာရသွန် ဗုံးပေါက်ကွဲမှု ဖြစ်ပွားအပြီး ၄ ရက်အကြာ ဧပြီ ၁၉ ရက်တွင် ဒဏ်ရာဖြင့် ဖမ်းဆီးရမိခဲ့သည်။ ဘော်စတွန်မာရသွန် ဗုံးဖောက်ခွဲမှုကို အဓိက စီစဉ်ဆောင်ရွက်သူဖြစ်ကြောင်း ဆာနေ့ဗ်က ထွက်ဆိုထားသည့် ၎င်း၏အကိုဖြစ်သူမှာမူ ရဲတပ်ဖွဲ့နှင့် အပြန်အလှန် ပစ်ခတ်မှုအတွင်း ဧပြီ ၁၈ ရက်က သေဆုံးခဲ့သည်။
Planet Myanmar Network

ဘန်ကောက်တွင် အမေရိကန်တစ်ဦးအား ဓားဖြင့်ခုတ်သတ်သည့် တက္ကစီယာဉ်မောင်းကို ဖမ်းဆီးရမိ

(ဓာတ်ပုံ - ရဲတပ်ဖွဲ့၏ ဖမ်းဆီးပြီးခံရပြီးနာက် ပီလ်ကင်တန်အား ဓားဖြင့်ခုတ်ခဲ့ပုံကို တက္ကစီယာဉ်မောင်း Chidchai က သရုပ်ပြစဉ်)

ထိုင်းနိုင်ငံ ဘန်ကောက်တွင် အမေရိကန်တစ်ဦးကို ဓားဖြင့်ခုတ်သတ်ခဲ့သည့် တက္ကစီယာဉ်မောင်းကို ဖမ်းဆီးရမိဆီးရမိခဲ့ကြောင်း ထိုင်းရဲတပ်ဖွဲ့က တနင်္လာနေ့တွင် ကြေညာသည်။ အသက် ၃၂ နှစ်အရွယ် တက္ကစီယာဉ်မောင်းက ပြစ်မှုကျူးလွန်ကြောင်း ဝန်ခံခဲ့သည်ဟု ရဲတပ်ဖွဲ့ အရာရှိက ပြောကြားသည်။

အမေရိကန်လူမျိုးက တက္ကစီးအငှားခ ကျသင့်ငွေ ၅၁ ဘတ် (၁.၆၀ ဒေါ်လာ) မပေးဘဲ တက္ကစီပေါ်မှ ဆင်းသွားကြောင်း၊ ၎င်းကကျသင့်ငွေ တောင်းသော်လည်း မပေးနိုင်ဟုဆိုကာ ငြင်းဆိုသဖြင့် တက္ကစီတွင် အသင့်ဆောင်ထားသော အရှည် ၁၂ လက်ရှိသော တောခုတ်ဓားဖြင့် အကြိမ်ကြိမ် ခုတ်ခဲ့ကြောင်း တက္ကစီယာဉ်မောင်းက ဝန်ခံခဲ့သည်။

စနေနေ့ (ဇူလိုင် ၆ ရက်) က ဘန်ကောက်မြို့ရှိ လူစည်းကားရာ ‪#‎Sukhumvit‬ လမ်းတွင် ဖြစ်ပွားခဲ့သော အဆိုပါဖြစ်ရပ်ကို အနီးအနားရှိ လုံခြုံရေးကင်မရာတွင် မှတ်တမ်းတင်နိုင်ခဲ့ခြင်း ဖြစ်သည်။ လုံခြုံရေးကင်မရာ ဗီဒီယိုမှတ်တမ်းတွင် တက္ကစီယာဉ်မောင်းက တောခုတ်ဓားဖြင့် လွှဲခုတ်လိုက်စဉ် အခုတ်ခံရသူက လက်ဖြင့်ကာရင်း တက္ကစီယာဉ်မောင်းကို လှမ်းဆွဲရန် ကြိုးပမ်းခဲ့သည်ကို တွေရသည်။

ထို့နောက် ရုန်းရင်းဆန်ခတ်ဖြစ်ကာ ၎င်းတို့နှစ်ဦးလုံး ကင်မရာမြင်ကွင်းမှ ပျောက်ကွယ်သွားခဲ့သည်။ စက္ကန့်ပိုင်းမျှအကြာတွင်မူ ဓားကိုင်ထားသည့် တက္ကစီယာဉ်မောင်းမှာ ကင်မရာမြင်ကွင်းတွင် ပြန်ပေါ်လာပြီး အဆိုပါနေရာမှ ထွက်ပြေးသွားသည်ကို တွေ့ရှိရသည်။

အသတ်ခံရသည့် အသက် ၅၁ နှစ်အရွယ် အမေရိကန်လူမျိုး ပီလ်ကင်တန်မှာ အမေရိကန်စက်ယန္တရားကုမ္ပဏီ ‪#‎Caterpillar‬ ‪#‎Inc‬. တွင် အလုပ်လုပ်ကိုင်သူဖြစ်ပြီး ထိုင်းနိုင်ငံတွင် နေထိုင်သည်မှာ အနည်းဆုံး ၃ နှစ်ကြာပြီဖြစ်သည်။

တရားခံဖြစ်သူ တက္ကစီယာဉ်မောင်း Chidchai အား စစ်ဆေးရာတွင် ၎င်းအား ပီလ်ကင်တန်က တက္ကစီမီတာကို အကြံအဖန်လုပ်သည်ဟု စွပ်စွဲကြောင်း၊ ထို့နောက် ယာဉ်ကြောပိတ်ဆို့သည့်နေရာတွင် တက္ကစီပေါ်မှ ဆင်းသွားကြောင်း ထွက်ဆိုသည်။

ပီလ်ကင်တန်အား တက္ကစီငှားရမ်းခ တောင်းသည့်အခါ ၎င်းအား ကော်ဖီဖြင့် ပက်ခဲ့ကြောင်း၊ ထို့နောက် တက္ကစီတွင် ဆောင်ထားသည့် တောခုတ်ဓားကို ဆွဲကာ ပ်ီလ်ကင်တန်နောက်သုို့ လိုက်သွားခဲ့ကြောင်း ယာဉ်မောင်း Chidchai က ဆက်လက်ထွက်ဆိုသည်။

လုံခြုံရေးကင်မရာ၏ ဗီဒီယိုမှတ်တမ်းကို ကြည့်ရှုပြီးနောက် ရဲတပ်ဖွဲ့က မည်သူမည်ဝါဖြစ်ကြောင်း ရှာဖွေအတည်ပြုကာ တက္ကစီယာဉ်မောင်း Chidchai အား တနင်္ဂနွေနေ့က ၎င်း၏နေအိမ်တွင် ဖမ်းဆီးခဲ့သည်။ Chidchai ကို လူသတ်မှုနှင့် လက်နက်ကိုင်ဆောင်မှုတို့ဖြင့် စွဲချက်တင်ထားကြောင်း သိရှိရသည်။
Planet Myanmar Network

သွေးလွန်တုပ်ကွေး ဖြစ်ပါက ငွေအတွက်မပူဘဲ ကလေးဆေးရုံကြီးသို့ အမြန်လာရန် နှိုးဆော်

ရန်ကုန် ကလေးဆေးရုံကြီးတွင် သွေးလွန်တုပ်ကွေး ကလေးလူနာတဦးကို သူနာပြုများ ပြုစုနေစဉ် (ဓာတ်ပုံ – စတိဗ် တက္ကနာ / ဧရာဝတီ)

9/7/2013
ကလေးငယ်များ သွေးလွန်တုပ်ကွေးဝေဒနာ ခံစားရပြီး သွေးလန့်ခြင်းအတွက် ရန်ကုန်ကလေး ဆေးရုံကြီးတွင် ဆေးဝါးများ လိုအပ်သည်ထက် ပိုမို ဖြည့်တင်းထားပြီဖြစ်ရာ ငွေကြေး အဆင်မပြေမှုကြောင့် ဆေးရုံ အရောက်နောက်ကျခြင်း မဖြစ်စေလို ကြောင်း ရန်ကုန် ကလေးဆေးရုံကြီးမှ ဆေးရုံအုပ်ကြီး ဒေါက်တာသန်းထိုက်က ဧရာဝတီသို့ ပြောသည်။

“မိဘတွေကို မှာချင်တာက နိုင်ငံတော်က ဆေးဝါးနဲ့ ပတ်သက်လို့ အလုံအလောက် ဖြန့်ဖြူးပေးထားတာ ရှိတယ်။ ကလေး ဆေးရုံမှာ သွေးလွန်တုပ်ကွေးနဲ့ ပတ်သက်တဲ့၊ ဆေးသွင်း ကုသရမယ့် ဆေးပုလင်းတွေ လုံလောက်တာထက် ပိုလျှံပြီး ရှိတယ်။ ဆေးသွင်းပြီး ကုသရမယ့် ငွေရေးကြေးရေး ကုန်ကျစရိတ် မလိုဘူး။ ဒါကြောင့် ဆေးရုံသွားရင် ငွေကုန်မှာပဲ ဆိုပြီးတော့ ဒီ သွေးလွန်တုပ်ကွေး အတွက် ငွေရှာပြီးမှ မလာပါနဲ့၊ စိတ်ပူတယ်ဆိုရင် ချက်ချင်းသာ လာခဲ့ပါ” ဟု ဒေါက်တာ သန်းထိုက်က ပြောသည်။

မြန်မာနိုင်ငံတွင် သွေးလွန်တုပ်ကွေး ရောဂါကို ကာကွယ်တားဆီးရေး လုပ်ငန်းများ လုပ်ဆောင်ရန် ယခု ၂၀၁၃ ခုနှစ် အတွက် ကျပ် သိန်း ၁၅၀၀ ချထားပေးကြောင်း ကျန်းမာရေးဝန်ကြီးဋ္ဌာန၊ သွေးလွန်တုပ်ကွေး ဋ္ဌာနစိတ်မှ သိရသည်။

“သွေးလွန်တုပ်ကွေးက ၄ နှစ်တကြိမ် အဖြစ်များတယ်။ ဒီနှစ်နည်းနည်း အဖြစ်များတဲ့ အတွက် နိုင်ငံတော်က ဘတ်ဂျက်နဲ့ ရေထဲမှာခပ်တဲ့ အဘိတ်ဆေး ခတ်ဖို့နဲ့ ဆေးမှုတ်ဖို့ ဘတ်ဂျက် ချပေးတယ်” ဟု သွေးလွန်တုပ်ကွေး ဌာနစိတ်မှ ဒုတိယ ညွှန်ကြားရေးမှူး ဒေါက်တာနီနီအေးက ပြောသည်။

သွေးလွန်တုပ်ကွေး ရောဂါကြောင့် နောက်ဆက်တွဲ သွေးလန့်ခြင်း လက္ခဏာသည် ၂၄ နာရီမှ ၄၈ နာရီအထိ ကြာတတ်ပြီး စောလျဉ်စွာ ကုသမှု မရရှိပါက အသက်သေဆုံးနိုင်သည်အထိ ဖြစ်တတ်ရာ၊ ဆေးရုံသို့ အမြန်ဆုံး ပို့ဆောင် ပေးရန် လိုအပ်ကြောင်း ရန်ကုန် ကလေးဆေးရုံမှ ဆေးရုံအုပ်ကြီးက ပြောသည်။

“နောက်ကျပြီး မလာနဲ့၊ နေ့နေ့ ညညမရွေး ချက်ချင်း လာခဲ့စေချင်တယ်။ သွေးလန့်တဲ့ လက္ခဏာတွေ ရှိရင် မစောင့်ပါနဲ့။ ချက်ချင်း လာပါ။ ညမိုးချုပ်နေပြီ၊ ဒီအချိန်သွားလည်း ဆေးရုံမှာ ဘယ်သူမှ ရှိမှာမဟုတ်ဘူး။ မနက်ကျမှ သွားမယ် မလုပ်ပါနဲ့။ စပြီး သွေးလန့်တဲ့ အချိန်နဲ့ စနစ်တကျ ဆေးသွင်းကုတဲ့အချိန်က ဝေးလေလေ၊ ကြာလေလေ ကလေးသေဖို့ များလေလေပဲ။ ၁၂ နာရီကျော် သွားရင် သိပ်မကောင်းဘူး။ ၂၄ နာရီကျော်သွားရင် မကောင်းဘူး။ ၄၈ နာရီ ကျော်သွားရင်တော့ သေဖို့ များသွားပြီ” ဟု ဒေါက်တာသန်းထိုက်က ရှင်းပြသည်။

သွေးလွန်တုပ်ကွေးကြောင့် အပြင်းအထန် ဖျားနေသည့် အချိန်သည် အသက်အန္တရာယ် စိုးရိမ်ရသောအချိန် မဟုတ်သေးဘဲ၊ ရုတ်တရက် အဖျားကျပြီးနောက် ကလေးငယ်၏ ဒူးခေါင်းနှင့် တံတောင်ဆစ် အောက်ပိုင်း ခြေနှင့် လက်များ အေးစက်စေးထန်း နေခြင်း၊ ဆီးသွားနည်းလာခြင်း၊ အဖျားကျသွားသော်လည်း ကလေးသဘာဝ ဆော့ခြင်း၊ အစာစားခြင်းများ မပြုလုပ်ခြင်း၊ မကြာ ခဏ ဗိုက်နာခြင်း၊ အော့အန်ခြင်း၊ နားနှင့်နှာခေါင်းမှ သွေးလျှံခြင်း၊ အရွယ်မတိုင်မီ ရာသီသွေးဆင်းခြင်း၊ အမည်းရောင် ၀မ်း သွားခြင်းများ၊ ခန္ဓာကိုယ် အနှံ့တွင် အနီစက်များ ပေါ်လာခြင်းတို့သည် အသက်အန္တရာယ် စိုးရိမ်ရသော သွေးလန့်ခြင်း လက္ခဏာများ ဖြစ်ကြောင်း သိရသည်။

သွေးလွန်တုတ်ကွေး သွေးလန့်ခြင်းကြောင့် ၁ ပတ်ကြာဆေးရုံ တက်ခဲ့ရသည့် ၈ နှစ်အရွယ် ကလေးငယ်၏ မိခင်ဖြစ်သူ ဒေါ်တင်နွယ်ဦးက “သမီးလေး ဆေးရုံတက်ရတာ ၁ ပတ်တိတိ ကြာတယ်။ နှာခေါင်းသွေးလျှံတဲ့ အဆင့်အထိ ဖြစ်တယ်။ ဆရာဝန်တွေ၊ ဆရာမတွေ အရမ်းကို ဂရုစိုက်တယ်။ အရမ်းကို ကျေးဇူးတင်ပါတယ်။ ဆေးသွင်းဖို့အတွက် ဆေးဝယ်စရာ မလိုဘူး။ ဆေးရုံက ဆေးတွေနဲ့ပဲ ကုပေးတယ်။ ဆေးရုံမှာ မရှိတဲ့ ဆေးတချို့လောက်ပဲ အပြင်ဆိုင်မှာ ၀ယ်ရတယ်။ တပတ်လုံးမှာမှ ဆေးဖိုး ကျပ် ၂ သောင်းလောက်ပဲ ကုန်ပါတယ်” ဟု ဧရာဝတီသို့ ပြောသည်။

ယခုနှစ် ဇန်န၀ါရီ ၁ ရက်မှ စတင်၍ ပြီးခဲ့သည့် ဇွန်လကုန်အထိ ရန်ကုန် ကလေးဆေးရုံကြီးသို့ သွေးလွန်တုပ်ကွေး ရောဂါကြောင့် တက်ရောက် ဆေးကုသခံခဲ့သူ ၁၇၂၇ ဦးရှိပြီး သေဆုံးသူ ၇ ဦး ရှိခဲ့ကြောင်း သိရသည်။
Irrawaddy

နေပြည်တော် ဆေးရုံလေးရုံ စီမံကိန်း ဆိုင်းငံ့ထားမှုမှ ဘတ်ဂျက်ငွေများအနက် ကျပ်ငါးဘီလျံအား ရန်ကုန် ပြည်သူ့ဆေးရုံကြီး အဆင့်မြှင့်တင်ရာတွင် အသုံးပြုရန် လျာထား

Tuesday, 09 July 2013
နေပြည်တော်တွင် ဆောက်လုပ်ရန် စီစဉ်ထားသည့် ခုတင် ၅၀၀ ဆံ့ ဆေးရုံလေးရုံကို ဆိုင်းငံ့ထားပြီး ယင်းဆေးရုံများ ဆောက်လုပ်ရာတွင် ကုန်ကျမည့် ဘတ်ဂျက်ငွေများ အနက် ကျပ်ငါးဘီလျံအား ရန်ကုန် ပြည်သူ့ဆေးရုံကြီး အဆင့်မြှင့်တင်ရာတွင် အသုံးပြုရန် လျာထားကြောင်း သိရသည်။

ယင်းပြောကြားချက်ကို ဇူလိုင် ၇ ရက် က မြန်မာနိုင်ငံ ဆရာဝန်အသင်း၌ ကျင်းပခဲ့သည့် ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် မြန်မာနိုင်ငံ ဆရာဝန်အသင်း ဗဟိုအလုပ် အမှုဆောင် အဖွဲ့ဝင်များ တွေ့ဆုံပွဲတွင် ပြည်သူ့လွှတ်တော် ကျန်းမာရေး မြှင့်တင်မှု ကော်မတီဥက္ကဋ္ဌ ပါမောက္ခ ဒေါက်တာဦးကျော်မြင့်က ပြောကြားခဲ့ခြင်း ဖြစ်သည်။

ကျန်းမာရေး ၀န်ကြီးဌာန အနေနဲ့ တင်ထားတာ ငွေလုံးငွေရင်းထဲမှာ စိစစ်ကြည့်တဲ့ အခါမှာ နေပြည်တော်မှာ ခုတင် ၅၀၀ ဆံ့ ဆေးရုံတွေကို တည်ဆောက်ဖို့ပါ။ အဲဒါတွေက အလွန်များတဲ့ အတွက် ခေတ္တဆိုင်းငံ့ထားပြီး ဒီလိုဆိုင်းငံ့ ထားရာကနေ ထွက်လာတဲ့ ငွေထဲကမှ ပြည်သူ့လွှတ်တော် ဥက္ကဋ္ဌထံ မလိုအပ်ပါဘူးဆိုပြီး တင်ပြခဲ့တယ်...

''၂၀၁၃-၁၄ ဘတ်ဂျက်မှာဆိုရင် ကျန်းမာရေး ၀န်ကြီးဌာန အနေနဲ့ တင်ထားတာ ငွေလုံးငွေရင်းထဲမှာ စိစစ်ကြည့်တဲ့ အခါမှာ နေပြည်တော်မှာ ခုတင် ၅၀၀ ဆံ့ ဆေးရုံတွေကို တည်ဆောက်ဖို့ပါ။ အဲဒါတွေက အလွန်များတဲ့ အတွက် ခေတ္တဆိုင်းငံ့ထားပြီး ဒီလိုဆိုင်းငံ့ ထားရာကနေ ထွက်လာတဲ့ ငွေထဲကမှ ပြည်သူ့လွှတ်တော် ဥက္ကဋ္ဌထံ မလိုအပ်ပါဘူးဆိုပြီး တင်ပြခဲ့တယ်။ လွှတ်တော်မှာဆက်ပြီး တင်ပြတာက ဒီငွေတွေကို လုံးဝ မဖြတ်ဘဲနဲ့ ကျန်းမာရေးနဲ့ ပတ်သက်တဲ့ တခြားကဏ္ဍမှာ သုံးစွဲဖို့ လျာထားခဲ့ပါတယ်။ ဒီနှစ်မှာဆိုရင် ရန်ကုန်ဆေးရုံကြီး မြှင့်တင်ဖို့အတွက် ငါးဘီလျံကို သုံးစွဲဖို့ လျာထားကြောင်း တင်ပြလိုပါတယ်'' ဟု ပါမောက္ခ ဒေါက်တာဦးကျော်မြင့်က ပြောကြားခဲ့ခြင်း ဖြစ်သည်။

နေပြည်တော် ခုတင် ၅၀၀ ဆံ့ ဆေးရုံလေးရုံ စီမံကိန်းမှ ထွက်ရှိလာသည့် ကျပ် ၁၂ ဘီလျံ နီးပါးကို အခြေခံ ပြည်သူ့ ကျန်းမာရေးကဏ္ဍ၊ ရန်ကုန်ပြည်သူ့ ဆေးရုံကြီး ပြုပြင်ရန်နှင့် တောင်ကြီး ဆေးတက္ကသိုလ် တည်ဆောက်ရာတွင် အသုံးပြုမည် ဖြစ်ကြောင်းလည်း ကျန်းမာရေး ၀န်ကြီးဌာန ပြည်ထောင်စုဝန်ကြီး ဒေါက်တာဖေသက်ခင်က ဖေဖော်ဝါရီ ၁၈ ရက်တွင် ပြုလုပ်ခဲ့သည့် ပြည်ထောင်စုလွှတ်တော် အစည်းအဝေးတွင် ပြောကြားခဲ့ပြီးဖြစ်သည်။

ရန်ကုန် ပြည်သူ့ဆေးရုံကြီး ပြုပြင်မွမ်းမံရေးနှင့် အဆင့်မြှင့်တင်ရေး ကော်မတီတွင် ဒေါ်အောင်ဆန်းစုကြည် ဥက္ကဋ္ဌအဖြစ် ပါဝင်ပြီး ပြည်သူ့လွှတ်တော် ကိုယ်စားလှယ်များ၊ နိုင်ငံ့ဝန်ထမ်းများ၊ စေတနာရှင်များဖြင့် ဖွဲ့စည်းထားကြောင်း သိရသည်။

ထို့ပြင် ရန်ကုန်ပြည်သူ့ ဆေးရုံကြီး ပြုပြင်မွမ်းမံမှု လုပ်ငန်းများ ပြုလုပ်နိုင်ရန် အတွက် ယခင်ကျန်းမာရေး ၀န်ကြီးဌာန မြေနေရာတွင် ရန်ကုန်ပြည်သူ့ ဆေးရုံကြီး တိုးချဲ့လူနာဆောင်သစ် ဆောက်လုပ်လျက်ရှိပြီး ယင်းတိုးချဲ့ဆောင် ပြီးစီးပါက မူလဆေးရုံဟောင်းမှ လူနာများ အားလုံးကို ရွှေ့ပြောင်း နေရာချထားပေးမည် ဖြစ်ကြောင်းနှင့် လူနာများ ရွှေ့ပြောင်းပြီးပါက မူလဆေးရုံဟောင်းမှ ပင်မဆေး ကုသဆောင်များ အားလုံးကို ပြုပြင် မွမ်းမံမှု လုပ်ငန်းများ ပြုလုပ်သွားမည် ဖြစ်ကြောင်းလည်း သိရသည်။
Eleven Media Group

ကနေဒါ ရေနံစ်ိမ်းတင် ရထားတွဲ ပေါက်ကွဲမီးလောင်မှု (ရုပ်/သံ)

စနေနေ့ (ဇူလိုင် ၆ ရက်) က ကနေဒါနိုင်ငံ Quebec ဒေသရှိ Lac Megantic မြို့ငယ်လေးတွင် ရေနံစ်ိမ်းတင် ရထားတွဲ လမ်းချော်ရာမှ ပေါက်ကွဲမီလောင်မှု ဖြစ်ပွားခဲ့ရာ အနည်ဆုံး လူ ၁၃ ဦးသေဆုံးပြီး အခြား လူ ၅၀ ဝန်းကျင် ပျောက်ဆုံးလျက်ရှိသည်။ ရထားတွဲမှာ လမ်းချော်သွားပြီးနောက် Lac Megantic မြို့လေး၏ မြို့လယ်ခေါင်သို့ ရောက်ရှိကာ ပေါက်ကွဲမီးလောင်မှု ဖြစ်ပွားခဲ့ခြင်းဖြစ်သည်။

Planet Myanmar Network

ဂျပန်တွင် အပူဒဏ်ကြောင့် လူ ၃ ဦးသေဆုံးကာ ထောင်နှင့်ချီ၍ ဆေးရုံသို့ တင်ပို့ရ

ဂျပန်နိုင်ငံတွင် အပူဒဏ်ကြောင့် တစ်ပတ်အတွင်း လူ ၃ ဦးသေဆုံးပြီး အခြား လူပေါင်း ၂,၅၀၀ ကို ဆေးရုံသို့ တင်ပို့လိုက်ရကြောင်း အစိုးရက ယနေ့ (ဇူလိုင် ၉ ရက်) ထုတ်ပြန်ပြောကြားသည်။

ယာမာနာရှီတွင် ယနေ့ အပူချိန်မှာ ၃၅ ဒီဂရီ ဆဲလ်စီယပ်စ် အထိ မြင့်တက်ခဲ့ပြီး အခြားနေရာများတွင်လည်း အပူချိန်မှာ ၃၅ ဒီဂရီ ဆဲလ်စီယပ်စ်အထိ မြင့်တက်ခဲ့သည်။ ဇူလိုင်လ ပထမပတ်အတွင်း အပူဒဏ်ခံစားရမှုကြောင့် လူပေါင်း ၂,၅၉၄ ဦးအား ဆေးရုံသို့ တင်ပို့ခဲ့ရပြီး ယင်းတို့အနက်မှ ၃ဦး သေဆုံးခဲ့ခြင်းဖြစ်သည်။

အပူဒဏ်ကြောင့် သေဆုံးသူများနှင့် ဆေးရုံသို့ တင်ပို့လိုက်ရသူများ၏ ၄၂ ရာခိုင်နှုန်းမှာ အသက် ၆၅ နှစ်နှင့်အထက် ရှိသူများဖြစ်ကြောင်း သဘာဝဘေးအန္တရာယ် ကာကွယ်ရေး အေဂျင်စီက ပြောကြားသည်။ ဂျပန်တွင် ယခုသီတင်းများအတွင်း အပူလှိုင်းဖြတ်သန်းမှု ဖြစ်ပေါ်နေသဖြင့် အစိုးရက အပူဒဏ်ကာကွယ်ရေး သတိပေးချက်များကို ထုတ်ပြန်ပေးလျက်ရှိသည်။
Planet Myanmar Network

NLDမှ အာဇာနည်နေ့ အကြိုဂုဏ်ပြုခြင်းအခမ်းအနားပြုလုပ်

ရန်ကုန်၊ ဇူလိုင် ၉။
ရန်ကုန်မြို့၊ မြောက်ဥက္ကာလာမြို့နယ်တွင် (၆၆)နှစ်မြောက် အာဇာနည်နေ့ကို အကြိုဂုဏ်ပြုခြင်းနှင့်
ဆွမ်းကပ်လှူခြင်းကို ယနေ့ နံနက် (၆)နာရီတွင် (ဃ)ရပ်ကွက် NLD ရုံး၌ လူဦးရေ နှစ်ရာခန့်ဖြင့် ပြုလုပ်ခဲ့ကြောင်း သိရသည်။

“ခေါင်းဆောင်ကြီးတွေကို အစဉ်လေးစားလို့ လုပ်ဖြစ်တာပါ။ ဆွမ်းကပ်တာကတော့ ခေါင်းဆောင်ကြီးတွေ ကောင်းရာသုဂတိ လားပါစေဆိုတဲ့ ဆန္ဒနဲ့ပါ”ဟု အမှုဆောင်ဥက္ကဌ ဒေါက်တာ ဌေးကြွယ်က ပြောကြားသည်။

၎င်းအခမ်းနားတွင် နိုင်ငံတော်အလံကို အလေးပြုခြင်း၊ ကျဆုံးသွားခဲ့သော အာဇာနည်များအား
အလေးပြုခြင်းနှင့် သံဃာတော်(၅)ပါးအား ဆွမ်းများဆပ်ကပ်လှူဒါန်းခဲ့ကြောင်း သိရသည်။

ယင်းဇူလိုင်လ ၁၉ ရက်နေ့တွင် ကျရောက်မည့် ၆၆ နှစ်မြောက် အာဇာနည်နေ့ကို ဂုဏ်ပြုသောအားဖြင့် ‘အာဇာနည်များသို့ ဦးညွှတ်ခြင်း’ အခမ်းအနားကိုလည်း အရပ်ဘက် လူ့အဖွဲ့အစည်းများမှ
စုပေါင်း၍ ယုဒဿန်ခမ်းမတွင် ယမန်နေ့ နံနက်ပိုင်းက ကျင်းပပြုလုပ်ခဲ့ကြသည်။
ပိုင်လေး
မြန်မာ့ခေတ်