မြန်မာ လမ်းမကြီးများပေါ်သို့ ဖြတ်သန်းခြင်း

“နယ်စပ်ကို ကားဖြင့် ဖြတ်ကျော်ရသည့် ခရီးသည် အလွန်စိတ်ဝင်စားစရာ ကောင်းသည့်ခရီး ဖြစ်သည်။ ကျေးလက်၏ အနံ့အသက်များနှင့် လွတ်လပ်မှု များကိုပါ ခံစားနေရသည်”
- ပီရာဝပ် ဂျရိယဆုံဘတ်

ကျေးလက်ကို ဖြတ်သန်းပြီး အမြန်ကားလမ်း တစ်လျှောက် ကျွန်တော် မောင်းနေပါတယ်။ ကျွန်တော် ဖြတ်သန်းခဲ့တဲ့ လမ်းဘေး ဝဲယာတစ်ဖက် တစ်ချက်မှာ မိုးကုပ် စက်ဝိုင်းအောက် ကျယ်ပြောလှတဲ့ လယ်ကွင်းတွေ တရိပ်ရိပ် ကျန်ခဲ့တယ်။ မွန်လက်ရာ သက်ငယ်တဲအိမ် တွေကလည်း ကျွန်တော့် မျက်စိထဲမှာ မေ့ဖျောက် မရနိုင်တဲ့ မြင်ကွင်းတွေ ဖြစ်ပါတယ်။ နေရာတိုင်းမှာ မွန် လက်ရာ စေတီပုထိုး တွေကိုလည်း ဖူးတွေ့နေရတယ်။ ကောက်ရိတ်သိမ်းချိန် ရောက်ပြီ ဖြစ်လို့ လယ်ကွင်းပြင် ကြီးတစ်ခုလုံး ရွှေရောင်တွေ ဖုံးထားတယ်။ ဒီမြင်ကွင်းတွေ အားလုံးက ကျွန်တော့်ကို လွန်ခဲ့သော နှစ်ပေါင်း ၂၅၀၀ ဆီက “သုဝဏ္ဏဘုမ္မိ” အရှေ့တောင်အာရှ ရွှေခေတ်ဆီသို့ ပြန်ပြီး အမှတ်ရစေပါတယ်။

ကျွန်တော်ဟာ ထိုင်းနိုင်ငံကနေ မြန်မာနိုင်ငံကို ကားနဲ့ ခရီးထွက်လာတဲ့ အဖွဲ့တစ်ဖွဲ့နဲ့အတူ ပါလာပါ တယ်။ တာ့ခ်ခရိုင် မဲဆောက်ကနေ နယ်စပ်ကို ဖြတ်ပြီး မြန်မာနိုင်ငံထဲကို မြဝတီကနေ ဝင်ရတဲ့ ခရီးစဉ် ဖြစ်ပါတယ်။ မြဝတီ ဆိုတာက ထိုင်းနိုင်ငံရဲ့တစ်ဖက်ကမ်းမှာ ရှိနေတဲ့ မြို့တစ်မြို့ ဖြစ်ပါတယ်။

နိုင်ငံခြားသားတွေကို မြန်မာနိုင်ငံက နိုင်ငံအတွင်း ကိုယ်ပိုင်ကားတွေနဲ့ ဝင်ခွင့် ပြုလိုက်ကြောင်း သိထားပေမယ့် ခွင့်ပြုချက် ရဖို့ကတော့ သိပ်လွယ်တဲ့ ကိစ္စတစ်ရပ် မဟုတ်ပါဘူး။ မော်တော်ယာဉ် မောင်းသူတွေ အနေနဲ့ အထောက်အထား စာရွက်ပေါင်း များစွာအပြင် ဘယ်ကိုသွားမယ်ဆိုတဲ့ ခရီးစဉ်ကို သေသေချာချာချ ပြရတာတွေ ရှိရတယ်။ ဒါပေမဲ့ အပင်ပန်းခံရ ကျိုးနပ်ပါတယ်။ ကျွန်တော်တို့ရဲ့ ခရီးစဉ်ကို ခွင့်ပြုချက် ရရှိလိုက်ပါတယ်။

မြဝတီကနေ လေတဝူးဝူး တိုက်နေတဲ့ တောင်ပေါ်လမ်းကို ကျွန်တော်တို့ ဖြတ်ကျော် ခဲ့ကြတယ်။ အဲဒီက တစ်ဆင့် မြန်မာနိုင်ငံမှာ ထင်ရှားတဲ့ တန်ခိုးကြီးဘုရား တစ်ဆူရှိရာ ကျိုက်ထိုမြို့ကို ကျွန်တော်တို့ ရောက်ခဲ့ ကြတယ်။

ကျိုက်ထီးရိုး တောင်ထိပ်ပေါ်မှာ ကျိုက်ထီးရိုး ဘုရားကို တည်ထားပါတယ်။ ကျွန်တော်တို့ နိုင်ငံခြားသား တွေက ‘Golden Rock’ လို့ သိကြတဲ့ အဲဒီ ‘ရွှေစေတီ’ နေရာဟာ မွန်ပြည်နယ်ရဲ့ နာမည်ကျော် ဘုရားဖူး ခရီးစဉ်တစ်ခု ဖြစ်ပါတယ်။ ကျောက်ဆောင်ကြီး အစွန်းမှာ အံ့သြဖွယ်ရာ ဟန်ချက်နဲ့ တည်နေတဲ့ ကျောက်တုံးကြီးတစ်တုံး အပေါ်က စေတီတစ်ဆူဟာ ဘုရားရှင်ရဲ့ ဆံတော် ကိန်းဝပ်တော်မူရာလို့ ဆိုပါတယ်။

စိမ်းလန်း စိုပြည်နေတဲ့ မွန်ပြည်နယ်ကို ဖြတ်ပြီးတော့ ကျွန်တော်တို့ မြောက်ပိုင်း ရှမ်းပြည်နယ်ဘက်ကို ခရီးဆက်ခဲ့ကြ ပြန်ပါတယ်။ တောင်တန်း ကုန်းမြင့်ကြီး ပေါ်မှာရှိတဲ့ သာမောဖွယ် အင်းလေးကန်ကြီးမှာ အေးချမ်းစွာနဲ့ ကျွန်တော်တို့ တစ်ည အိပ်ခဲ့ပါတယ်။

အင်းလေးကန်ကြီးဆိုတာ သိပ်အကြီးကြီး မဟုတ်ပေမယ့် အင်းသားတွေရဲ့ ဓလေ့၊ စရိုက်၊ ပုံစံတွေကတော့ ဆွဲဆောင်မှု အပြည့် ရှိပါတယ်။ အထူးသဖြင့် သူတို့ရဲ့ ရေပေါ်အိမ်လေးတွေပေါ့။ အင်းသား အများစုဟာ လယ်ယာလုပ်ငန်းနဲ့ ငါးဖမ်းတဲ့ အလုပ်တွေကို လုပ်ကိုင်ကြတယ်။ ငါးဖမ်းလှေတွေကို ခြေထောက်တွေနဲ့ လှော်လာတဲ့ ထူးခြားတဲ့ စတိုင်တွေဟာ ကျော်ကြားပါတယ်။ လှော်တက်ကို ခြေတစ်ဖက် ကထိန်း၊ နောက်ခြေ တစ်ဖက်တည်းနဲ့ လှေပေါ်မှာ ရပ်ပြီး လှေလှော်ပုံက ထူးဆန်းတဲ့ မြင်ကွင်း ဖြစ်နေပါတယ်။ သူတို့ လှေကို ထိုင်လှော်လို့လည်း မဖြစ်နိုင်ပါဘူး။ ကျူပင်တွေ ဖုံးနေတဲ့ ကျွန်းတွေ ကြားထဲမှာ ထိုင်လှော်ဖို့ မဖြစ်နိုင်လို့ သူတို့ မတ်တတ်ရပ် လှော်ကြတာလို့ ထင်ပါတယ်။

အင်းလေးကန်ကနေ ယာဉ်တန်းကြီးက မြန်မာနိုင်ငံရဲ့ ခြောက်သွေ့တဲ့ အပိုင်းမှာ ထင်ရှားတဲ့ နေပြည်တော်ကို ဆင်းလာကြပါတယ်။ မြန်မာနိုင်ငံရဲ့ မြို့တော်အသစ် တစ်ခုပါ။ ရှစ်လမ်းသွား ကား လမ်းမကြီးတွေနဲ့ လွှတ်တော်ဆီကို ရှုမဆုံးနိုင်တဲ့ လမ်းကျယ်ကြီးအတိုင်း မြင်တွေ့ခဲ့ ရတယ်။ မြို့တော်တစ်ဝိုက် အိမ်ရာ စီမံကိန်းသစ်တွေကို ဆောက်လုပ်နေတာလည်း တွေ့မြင်ခဲ့ရတယ်။

နေပြည်တော် ရောက်တဲ့သူတိုင်း ဥပ္ပါတသန္တိဘုရားကြီးဆီကို အရောက်သွားဖူးလေ့ ရှိကြတယ်။ ရန်ကုန်မှာရှိတဲ့ ရွှေတိဂုံ စေတီတော်ကြီးနဲ့ ပုံတူတည်ထားတာ လို့လည်း ဆိုပါတယ်။ စေတီကြီးရဲ့ အောက်ခြေမှာ ဆင်ဖြူတော်တွေထားတဲ့ နေရာလည်း ရှိတယ်။ ဆင်ဖြူဆိုလို့ ဆွတ်ဆွတ်ဖြူတဲ့ ဆင်ကို မြင်ခဲ့ရတာတော့ မဟုတ်ပါဘူး။ နီကြင်ကြင်၊ ညိုတိုတိုဆင်ကိုပဲ ဆင်ဖြူ အမှတ်နဲ့ မြင်ခဲ့ကြရတယ်။

နေပြည်တော် မြို့သစ်ကနေ မြောက်ဘက် မြို့တော်ဟောင်း မန္တလေးကို အမြန်လမ်းမကြီးက တစ်ဆင့် ဖြတ်သန်းခဲ့ပါတယ်။ မြန်မာ့ရှေးဟောင်း အမွေအနှစ် ယဉ်ကျေးမှုများ စုစည်းရာ မြို့တော်လည်း ဖြစ်ပါတယ်။ မန္တလေးကို ကားမောင်းသွားရတာ အတော်လေး အဆင်ပြေတယ်။ ဘာကြောင့်လဲဆို တော့ မြို့တည်ပုံက လေးထောင့်ကျကျနဲ့ သွားလာရလွယ်ကူ တဲ့အတွက် ဖြစ်ပါတယ်။ မန္တလေး နန်းတော်ကြီးကတော့ တကယ့်ကို ခမ်းနားကြီးကျယ် လှပါပေတယ်။ ပတ်လည် မြို့ရိုး ပြာသာဒ်တွေ ကြားမှာ ကြီးကျယ်စွာနဲ့ နန်းတော်ကြီးကို တည်ထားခဲ့တာ ဖြစ်ပါတယ်။

နန်းတော်ကြီးဟာ မဟာမိတ်တွေရဲ့ ဗုံးဒဏ်ကြောင့် ဒုတိယ ကမ္ဘာစစ် အတွင်းက ပျက်စီးခဲ့ရပေမယ့် မြန်မာတွေရဲ့ အတိတ်ကို ပြန်လည်သတိရ နှိုးဆွနိုင်တဲ့ ဇာတိမာန်နေရာ တစ်နေရာအနေနဲ့ ရှေးမူမပျက် ပြန်လည် တည်ဆောက်ခဲ့တာ ဖြစ်ပါတယ်။

မဟာမြတ်မုနိ ဘုရားကြီးကို မြန်မာနိုင်ငံရဲ့ တန်ခိုးအကြီးဆုံးနဲ့ ရှေးဟောင်း ဘုရားကြီးတစ်ဆူ အဖြစ် ကျွန်တော်တို့ ဝင်ဖူးခဲ့ပါသေးတယ်။ ပုဂံသို့မသွားမီ ကျွန်တော်တို့ နောက်ဆုံးဖူးတွေ့ ခဲ့တဲ့ တန်ခိုးကြီး ဘုရားလည်း ဖြစ်ပါတယ်။

ကျွန်တော်တို့ အဖွဲ့ဟာ ကိုယ်ပိုင်ကားလေးနဲ့ ဆိုတော့ အတော်လေး အဆင်ပြေတယ်။ ကျယ်ပြောလှ တဲ့ ပုဂံဧရိယာတစ်ဝိုက် နေရာအနှံ့ ကားနဲ့လျှောက်ကြည့်၊ ဓာတ်ပုံတွေ ရိုက်နိုင်တဲ့ အခွင့်အရေးတွေ အများကြီးရခဲ့တယ်။

ပုဂံကတစ်ဆင့် ကျွန်တော်တို့အဖွဲ့ အမြန်လမ်းမကြီး အတိုင်း ရန်ကုန်မြို့ဘက်ကို ဦးတည် ထွက်ခဲ့ ပြန်ပါတယ်။ ပုဂံကဆိုရင် ကီလိုမီတာ ၆၅၀ လောက် ဝေးတဲ့ နေရာကိုပေါ့။ ကျွန်တော်တို့ရဲ့ အပြေးအလွှား ခရီးစဉ် အတွင်း မွန်တို့ရဲ့ ရှေးဟောင်း အမွေအနှစ်များ စုစည်းတည်ရှိရာ ပဲခူးမြို့ကို ဝင်ခဲ့ပါသေးတယ်။ ရွှေမော်ဓော ဘုရားကြီးဟာ ပဲခူးမြို့ရဲ့ ထင်ရှားတဲ့ ရှေးဟောင်းအမွေ အနှစ်တစ်ခု ဖြစ်ပါတယ်။ မြို့ရဲ့အမြင့်ဆုံး ကုန်းမြင့်ပေါ်မှာ တည်ထားတဲ့ စေတီတော်ကြီးလည်း ဖြစ်ပါတယ်။ ဗုဒ္ဓရဲ့ ဆံတော်တွေနဲ့ ၁၀ ရာစုလောက်က တည်ထား ကိုးကွယ်ခဲ့ပြီး အမြင့် ၁၁၂ ဒသမ ၅ မီတာရှိတယ် လို့လည်း သိရတယ်။ မြေငလျင် ဒဏ်ကြောင့် အကြိမ်ကြိမ် ပြိုပျက်ခဲ့ရပြီး မြေခ ခဲ့ရတဲ့ ထီးတော်ကြီးရဲ့ အစိတ်အပိုင်း တစ်နေရာကို စေတီတော် ရင်ပြင်ပေါ်မှာ ဒီအတိုင်း ရှိနေခဲ့တာကိုလည်း တွေ့ခဲ့ရတယ်။

ပဲခူးကနေ အမှတ် (၈) အမြန်လမ်းမကြီး အတိုင်း ကျယ်ပြောလှတဲ့ သံလွင်မြစ် ရှုခင်းတွေကို မြင်ရဖို့ မော်လမြိုင် မြို့ဘက်ကို ကျွန်တော်တို့ ထွက်ခဲ့တယ်။ မြန်မာနဲ့ ထိုင်းနိုင်ငံ မယ်ဟောင်ဆောင် ပြည်နယ်ကို သံလွင်မြစ်ကြီးက ပိုင်းခြားထားပါတယ်။ သံလွင်မြစ်က သေးတယ်လို့ ထင်ရပေမယ့် မော်လမြိုင်ကို ရောက်ချိန်မှာ နှစ်ကီလိုမီတာလောက် ကျယ်ဝန်းတဲ့ မြစ်ကြီး ဖြစ်သွားပါပြီ။

မော်လမြိုင်မြို့ဟာ တကယ့်ကို လှပတဲ့ ဆိပ်ကမ်းမြို့ တစ်မြို့ ဖြစ်ပါတယ်။ ဗြိတိသျှ ဘားမားခေတ် (၁၈၂၆-၁၈၅၂) က ပထမဦးဆုံး မြို့တော် ဖြစ်ခဲ့ပြီး ဗြိတိသျှတို့ရဲ့ ခရစ်ယာန် အယူဝါဒ၊ အိန္ဒိယက ဟိန္ဒူ အယူဝါဒ ယဉ်ကျေးမှုတွေ ပေါင်းစုနေပေမယ့် မွန်ယဉ်ကျေးမှုနဲ့ ဗုဒ္ဓဘာသာ ယဉ်ကျေးမှုများ အထွန်းကားဆုံး မြို့တစ်မြို့လို့လည်း ဆိုနိုင်ပါတယ်။

ကျွန်တော်တို့ဟာ မော်လမြိုင်ကနေ ထွက်ခွာပြီး အမှတ် (၈) အမြန် လမ်းမကြီးပေါ်ကို ပြန်တက်ရပြန ပါတယ်။ နောက်တစ်ကြိမ် မြဝတီကို ပြန်ရောက်ခဲ့ပြီး ထိုင်း-မြန်မာနယ်စပ်ကို ဖြတ်ကျော်လို့ ထိုင်းနိုင်ငံအတွင်း ပြန်လည် ဝင်ရောက်ခဲ့ပါတယ်။ ကျွန်တော်တို့ ခရီးစဉ်ဟာ စုစုပေါင်း ကီလိုမီတာ ၂၇၀၀ ရှိခဲ့ပါတယ်။

(မေလ ၃၀ ရက်နေ့ထုတ် Bangkok Post သတင်းစာပါ Peerawat Jairyasombat ရေးသားသော On The Road in Myanmar ခရီးသွား ဆောင်းပါးကို မြန်မာမှုပြုပါတယ်။)
The Voice Weekly

ဆာလာယန်းက သတိပေးသံ

ထိုင်းနိုင်ငံ ပြီးလျှင် မြန်မာလုပ်သား အများဆုံး သွားရောက် အလုပ် လုပ်ကိုင်ကြသော မလေးရှားနိုင်ငံ၌ လွန်ခဲ့သည့် ရက်ပိုင်းက ဖြစ်ပွားခဲ့သည့် အုပ်စုဖွဲ့ အကြမ်းဖက်မှုများကြောင့် မြန်မာနိုင်ငံသား ငါးဦး သေဆုံးခဲ့ပြီးနောက် မလေးရှားနိုင်ငံရောက် မြန်မာများ၊ ရွှေ့ပြောင်း လုပ်သားများ၏ ဘဝ လုံခြုံမှုမှာ စိုးရိမ်မှတ်သို့ ရောက်ရှိ လာခဲ့သည်။

ဇွန်လ ၇ ရက်နေ့ နံနက်ပိုင်းကလည်း ကွာလာလမ်ပူမြို့ ဆူဗန်းဂျာယာတွင် မြန်မာနိုင်ငံသား ခြောက်ဦး နေထိုင်သော နေအိမ်ကို အုပ်စုလိုက် ဝင်ရောက် အကြမ်းဖက်မှု ထပ်မံ ဖြစ်ပွားခဲ့ရာ မြန်မာနိုင်ငံသား တစ်ဦး ဓားဒဏ်ရာ ရရှိခဲ့သဖြင့် ကွာလာလမ်ပူ ဆေးရုံ တွင် ဆေးကုသနေရပြီး နှစ်ဦး ပျောက်ဆုံးနေ ကြောင်း ကပုန်း နာရေးကူညီမှုအသင်းမှ တာဝန်ရှိသူ တစ်ဦးက ပြောကြားသည်။

အကြမ်းဖက်မှုများ စတင်ခဲ့သည့် ကွာလာလမ်ပူမြို့ရှိ ဟင်းသီးဟင်းရွက် ရောင်းချသည့် နေရာ ဆာလာယန်းနှင့် အန်းပန်းရွာသစ် အပါအဝင် ဆက်တိုက် ဖြစ်ပွားလာသည့် ယင်း အကြမ်းဖက်မှုများ သည် မြန်မာနိုင်ငံ၏ အရပ်သား အစိုးရသစ် လက်ထက် ပြည်ပရောက် မြန်မာရွှေ့ပြောင်း လုပ်သားများ၏ လုံခြုံရေးနှင့် အကာအကွယ် ပေးရေးကို ဗြောင်ကျကျ စိန်ခေါ်လိုက်ခြင်း ဖြစ်သည်။

“မြန်မာတွေအတွက် လုံခြုံမှု မရှိတော့ဘူး။ အလုပ်သမားတွေ အပြင် မထွက်ရဲကြဘူး”ဟု မလေးရှားနိုင်ငံ ကွာလာလမ်ပူတွင် လုပ်ကိုင်နေသည့် မြန်မာ အလုပ်သမား ဦးအောင်ဘိုက ဖွင့်ဟသည်။

အကြမ်းဖက်မှု ဂယက်များကြောင့် မြန်မာနိုင်ငံသားများ စိုးရိမ် ကြောက်လန့်မှု မြင့်တက်နေသော်လည်း မြန်မာအစိုးရနှင့် မလေးရှား အစိုးရတို့က မြန်မာနိုင်ငံသားများ၏ လုံခြုံရေး အတွက် လုပ်ဆောင်ပေးမှု မရှိကြောင်း အလုပ်သမားများက ဝေဖန်ကြသည်။

မြန်မာနိင်ငံသားများ၏ လုံခြုံရေးနှင့် ပတ်သက်၍ မြန်မာသံအမတ် ဦးတင်လတ်က မလေးရှားနိုင်ငံ နိုင်ငံခြားရေး ဝန်ကြီးဌာန ဇွန်လ ၅ ရက်နေ့တွင် တွေ့ဆုံ ခဲ့ကြောင်း မြန်မာသံရုံးထံမှ သိရှိရသည်။

အကြမ်းဖက်မှု ဂယက်များကြောင့် မြန်မာ အလုပ်သမား အချို့ ပြည်တော်ပြန်ရန် ပြင်ဆင် နေကြပြီပြီး အချို့မှာမူ နိုင်ငံကူးလက်မှတ် မရှိသဖြင့် ပြည်တော်ပြန်ရန် အခက်အခဲ ကြုံတွေ့ နေရကြောင်း မလေးရှားရောက် မြန်မာလုပ်သားများက ပြောကြားသည်။

“မိန်းကလေး ခုနစ်ယောက်က မနေရဲလို့ ပြန်ဖို့ လုပ်နေကြပြီ” ဟု မလေးရှားနိုင်ငံ ဂျိုဟိုးရှိ အလုပ်သမားတစ်ဦး ဖြစ်သူ ဦးရွှေထွန်းက ဇွန်လ ၆ ရက်နေ့က ပြောကြားသည်။ တစ်ယောက်တည်း ဆိုပါက အပြင်မထွက်ရဲ ကြကြောင်း ၎င်းက ထပ်မံပြောဆိုသည်။

မေလ ၃၀ ရက်နေ့က စတင်ခဲ့သည့် အကြမ်းဖက် ခံရမှုများကြောင့် ဇွန်လ ၆ ရက်နေ့တွင် မလေးရှားရောက် မြန်မာ အတိုက်အခံ အုပ်စုများက မလေးရှား ရောက် မြန်မာနိုင်ငံသားများကို တရား ဥပဒေကြောင်း အရ အကာအကွယ်ပေးရန် မလေးရှားနိုင်ငံဆိုင်ရာ မြန်မာ သံရုံးရှေ့တွင် တောင်းဆိုခဲ့ကြသည်။

မြန်မာနိုင်ငံသားများ အကြမ်းဖက်ခံရမှုကို သတင်း အမှောင်ချ ခဲ့သည်ဟုဆိုကာ မလေးရှား နိုင်ငံဆိုင်ရာ မြန်မာသံအမတ်ကိုပါ ရာထူးက နုတ်ထွက်ပေးရန် မြန်မာအတိုက်ခံ အုပ်စုများဖြစ်သော ပြည်ပရောက် ၈၈ မျိုးဆက် ကျောင်းသားအဖွဲ့၊ NLD YOUTH (LA) Malaysia. GSC အထွေထွေ သပိတ်ကော်မတီနှင့် KEPONG နာရေးကူညီမှု အသင်းတို့က တောင်းဆို ခဲ့ကြသည်ကို တွေ့ရှိရသည်။

မြန်မာနိုင်ငံသားများ သေဆုံး၊ ဒဏ်ရာရရှိခဲ့သည့် ယင်းအကြမ်းဖက်မှု ကျူးလွန်သူများကို ချက်ချင်း စုံစမ်း ဖော်ထုတ်၍ ဥပဒေနှင့်အညီ အရေးယူပေးရန်၊ အကြမ်းဖက်မှုများ ထပ်မံ မဖြစ်ပွားရေး အတွက် မြန်မာနိုင်ငံ နိုင်ငံခြားရေး ဝန်ကြီးဌာန ဒုတိယဝန်ကြီး ဦးဇင်ယော်က မြန်မာနိုင်ငံဆိုင်ရာ မလေးရှား သံအမတ်ကို ဇွန်လ ၄ ရက်နေ့တွင် သတိပေးခဲ့သည်။ သတိပေးပြီး တစ်ရက်အကြာ ဇွန်လ ၅ ရက်နေ့တွင် ကွာလာလမ်ပူ မြို့တော်တွင် စစ်ဆင်ရေး တစ်ရပ် အနေဖြင့် ဖမ်းဆီးခဲ့ရာ မြန်မာနိုင်ငံ သား ၁၀၀၀ ကျော် ဖမ်းဆီး ခံခဲ့ရကြောင်း မလေးရှားနိုင်ငံ သတင်းဌာန The Star တွင် ဖော်ပြထားသည်။

ဖမ်းဆီးခံရသူများ အနက် တရားဝင် အထောက်အထား မရှိသူများကို ဖမ်းဆီး အရေးယူမည် ဖြစ်ပြီး မြန်မာနိုင်ငံသို့ ပြန်ပို့ ခံရနိုင်ကြောင်း မလေးရှားရောက် မြန်မာများထံမှ သိရှိရသည်။

အော်ပရာစီခေါ် ယင်းစစ်ဆင်ရေးကြောင့် မလေးရှားနိုင်ငံ ကွာလာလမ်ပူမြို့ရှိ မြန်မာ စားသောက်ဆိုင်များ၊ စီးပွားရေး လုပ်ငန်းများ တည်ရှိသည့် Kota Raya အဆောက်အအုံ၊ အကြမ်းဖက်မှုများ ဖြစ်ပွားခဲ့သည့် ဆာလာယန်း အပါအဝင် မြန်မာ အများစု နေထိုင်သည့် နေရာများတွင်လည်း ဝင်ရောက် စီးနင်းခံခဲ့ရသည်။

မလေးရှားတွင် ဖြစ်ပွားသည့် ဆူပူ အကြမ်းဖက်မှု များသည် ပြည်ပရောက် မြန်မာ အလုပ်သမားများကို ရိုက်ခတ်မှု ရှိခဲ့သည့်အပြင် မြန်မာနိုင်ငံတွင် မလေးရှား အလုပ်သမား ဈေးကွက်ကိုလည်း ရိုက်ခတ်မှု များရှိခဲ့သည်။

“မလေးရှားနိုင်ငံသို့ ထွက်ခွာ ခါနီးမှ မိဘတွေက စိုးရိမ်ပြီး အစီအစဉ်ဖျက်ဖို့ တောင်းဆိုတာရှိတယ်”ဟု ကျောက်တံတား မြို့နယ်ရှိ ပြည်ပ အလုပ်အကိုင် ရှာဖွေရေး အေဂျင်စီ တစ်ခုမှ အုပ်ချုပ်မှု ဒါရိုက်တာ တစ်ဦးက ဆိုသည်။

မလေးရှားနိုင်ငံသို့ အလုပ်သမား စေလွှတ်မည့် နေရာတွင် အလုပ်ရှင်က လုံခြုံရေး အတွက် အာမခံမှသာ စေလွှတ်သွားမည် ဖြစ်ကြောင်း ၎င်းက ထပ်လောင်းပြောဆိုသည်။

ဂျော်ဒန်နိုင်ငံ CMJ အထည်ချုပ် စက်ရုံလုပ်ငန်းတွင် အလုပ် လုပ်ကိုင်နေသည့် ဒေါ်မအိအိကမူ “ထူးထူးခြားခြားတော့ ဘာမှမဖြစ်သေးဘူး။ ဒါပေမဲ့ သတိထားပြီး နေနေကြတယ” ဟု ရှင်းပြသည်။

အကြမ်းဖက်မှုများ ထပ်မံ မဖြစ်ပွားရေးအတွက် မြန်မာအစိုးရက မလေးရှားအစိုးရကို သံတမန် နည်းလမ်းများအရ သတိ ပေးထားသော်လည်း အကြမ်းဖက်မှုများ ထပ်မံ ဖြစ်ပွားလာမှုသည် မလေးရှား အပြင် ပြည်ပရောက် မြန်မာများ၏ လုံခြုံရေး၊ အကာအကွယ် ပေးမှုများမှာ မေးခွန်း ထုတ်စရာ ဖြစ်လာ ခဲ့သည်။ ပြဿနာ ဖြစ်ပွားမှုများတွင် ထိရောက်သည့် သံတမန် နည်းလမ်းများဖြင့် ချက်ချင်း အရေးယူ လုပ်ဆောင်ပေးရန် အဓိကအရေးကြီးသည်။

လျစ်လျူရှု ခံလာရသည့် ပြည်ပရောက် မြန်မာအလုပ်သမားများ အရေးကို အရပ်သား အစိုးရသစ် လက်ထက်တွင် အရေးယူ လုပ်ဆောင်ပေးမှုများ ရှိလာပြီ ဖြစ်သော်လည်း ထိထိရောက်ရောက် ဖြေရှင်း ပေးနိုင်မှုများ အားနည်း နေသေးကြောင်း ပြည်ပရောက် မြန်မာလုပ်သားအရေး ဆောင်ရွက်သူများက ဝေဖန်ကြသည်။ ထိုင်းနိုင်ငံတွင် ဖြစ်ပွားခဲ့သည့် အသက် ၁၂ နှစ်အရွယ် ကရင် တိုင်းရင်းသူ၏ ရေနွေးပူ လောင်း နှိပ်စက်ခံရမှု ကျူးလွန်သူများကို သုံးလကျော် ကြာထိ ဖမ်းဆီးနိုင်ခြင်း မရှိသေးမှုက ယင်းအားနည်းမှုများကို သက်သေ ထူနေသည်။

အိမ်နီးချင်းနိုင်ငံ ဖြစ်သည့် အင်ဒိုနီးရှားနိုင်ငံကမူ အင်ဒိုနီးရှား အိမ်အကူများ မလေးရှားနိုင်ငံတွင် နှိပ်စက် ခံရမှုများကြောင့် စေလွှတ်မှုများ ရပ်ဆိုင်းပြီး အိမ်အကူနှင့် ပတ်သက်သည့် အကာအကွယ်ပေးရေး မူဝါဒများကို တင်းကျပ်၍ အခွင့်အရေးနှင့် လုံခြုံမှုများကို ကာကွယ် ဖြေရှင်းပေးမှု ရှိခဲ့သည်။

အချို့နိုင်ငံများက ဥပဒေများ ပြဋ္ဌာန်း၍ အကာအကွယ်ပေးသည်။

ဖိလစ်ပိုင်နိုင်ငံကမူ ရွှေ့ပြောင်း လုပ်သားများအတွက် ဥပဒေတစ်ရပ် ထုတ်ပြန်၍ အကာအကွယ် ပေးထားပြီး မူဝါဒပိုင်း ဆိုင်ရာ သတ်မှတ်ချက်များ၊ သတ်မှတ်ချက် မမီသည့် နိုင်ငံများကို လုပ်သား စေလွှတ်မှု တားမြစ်ချက်၊ တရားမဝင် လုပ်သားခေါ်ယူမှု၊ အရေးယူ အပြစ်ပေးမှုများ အပါအဝင် အခွင့်အရေး အကာအကွယ်ပေးသည့် အချက်များစွာ ထည့်သွင်းကာ ၁၉၉၅ ခုနှစ် က စတင် ပြဋ္ဌာန်းကာ အကာအကွယ် ပေးထားသည်။

မြန်မာနိုင်ငံတွင် ရွှေ့ပြောင်း အလုပ်သမားများအတွက် ဥပဒေတစ်ရပ် အမြန်ဆုံး ပေါ်ထွက်လာရန် ကြိုးပမ်း လုပ်ဆောင်နေဆဲသာ ရှိနေသေးသည်။

ပြုပြင် ပြောင်းလဲမှုများကြောင့် ကမ္ဘာ့ ထိပ်တန်းနိုင်ငံများကပါ အသိအမှတ် ပြုခံလာရသည့် မြန်မာနိုင်ငံ အစိုးရအတွက် မလေးရှားနိုင်ငံ ဆာလာယန်းက စတင်ခဲ့သည့် အကြမ်းဖက်မှုများမှာ အစိုးရ တရားဝင် စာရင်းအရ လေးသန်းကျော်ရှိသည့် ပြည်ပရောက် မြန်မာ ရွှေ့ပြောင်းအလုပ်သမားများ၏ ဘဝ လုံခြုံရေးအတွက် ထပ်ဆင့် သတိပေးလိုက်ခြင်း ဖြစ်သည်။
အောင်မြင့်ထွန်း
The Voice Weekly

ဘဝနှင့် လူ့အဖြစ်၏ရွာပြင်ရောက်နေရဆဲ မိအေးနှစ်ခါနာ HIV သားကောင်များ

HIV ရောဂါဖြင့် ကွယ်လွန်သူများအား အောက်မေ့ဖွယ် အဋ္ဌမအကြိမ်မြောက် မီးထွန်းဆုတောင်းပွဲတွင် ဒေါ်အောင်ဆန်းစုကြည် မီးထွန်းဆုတောင်းနေစဉ်(ဓာတ်ပုံ - သူရထွန်း)

လှိုင်သာယာရှိ အထည်ချုပ်စက်ရုံ တစ်ခုမှ ဒုစက်ရုံမှူး ဦးအောင်ဝင်းဖြစ် သူအား စက်ရုံအတွင်း လုပ်ငန်းခွင် ကျန်းမာရေးဆေးစစ်ပြီးနောက် စက်ရုံ ပိုင်ရှင်မှ ရုတ်တရက်အလုပ်မှထုတ်ပစ် လိုက်သည်ဆိုသော သတင်းက စက်ရုံ တစ်ခုလုံးကို အုတ်အော်သောင်းနင်း ဖြစ်သွားစေသည်။သို့သော် လွန်ခဲ့သော တစ်လက လုပ်ငန်းခွင်အတွင်း ဝန်ထမ်းများအား ဆေးစစ်ပြီးချိန်၌ ဦးအောင်ဝင်းထံ၌ HIV ပိုးတွေ့ရှိသည်ဟူသော သတင်း ထွက်ပေါ်လာမှုနှင့်အတူ မကြာမီရက် ပိုင်းအတွင်းမှာပင် သူ့အား စက်ရုံပိုင် ရှင်က ခေါ်တွေ့ကာ လုပ်အားခ သုံးလ စာပေး၍ အလုပ်မှထုတ်ခဲ့သည့်အတွက် ဒုစက်ရုံမှူး ဦးအောင်ဝင်း ဘဝမှ ဆိုက် ကားဆရာဦးအောင်ဝင်းဘဝ သို့ ရောက် ရှိသွားခဲ့သည်။

ဦးအောင်ဝင်းရဲ့ အလုပ်ပြုတ်ခဲ့ သည့်စက်ရုံမှ စက်ရုံလုပ်သားတစ်ဦးဖြစ်သူ ဦးညွန့်တင် (အမည်ပြောင်း) က ”ကျွန် တော့်မှာလည်း ငယ်ငယ်က မှားခဲ့တဲ့ အမှားတစ်ခုကြောင့် HIV ပိုးကူးစက်ခံထားရပေမယ့် လုပ်ဖော်ကိုင်ဖက်တွေနဲ့ အလုပ်ရှင်သိသွားရင် အလုပ်ဖြုတ်ပစ် လိုက်မှာ၊ ကျွန်တော့်ကို ဝိုင်းပြီးကဲ့ရဲ့ရှုတ် ချကြမှာကို စိုးရိမ်တဲ့အတွက် ဒီရောဂါရှိ တာကို မပြောရဲဘူး။ စက်ရုံမှာ ဆေးစစ် ပြီဆိုရင်လည်း နေမကောင်းဘူးဆိုတဲ့ အကြောင်းပြချက်နဲ့ ရှောင်နေရတယ်” ဟု ပြောသည်။

မြန်မာနိုင်ငံတွင် HIV ပိုးကူးစက် ခံထားရသည့် အသက် ၁၅ နှစ်မှ ၄၉ နှစ်ကြားရှိ လူဦးရေနှစ်သိန်းကျော် ရှိ သည့်အနက် အသိပညာရှင်၊ အတတ် ပညာရှင်များစွာနှင့် တပ်မတော်အရာရှိ များစွာ ပါဝင်ပြီး ၎င်းတို့အား အလုပ်မှ ထုတ်ပယ်ခြင်း၊ အလုပ်မခန့်ထားခြင်းတို့ မှာ လူ့စွမ်းအား အရင်းအမြစ်များစွာ ဖြုန်းတီးရာရောက်နေသည်ဟု HIV ပိုး ကူးစက်ခံထားရသူများ ကွန်ရက်အဖွဲ့ ဥက္ကဋ္ဌဦးမျိုးသန့်အောင်က ပြောသည်။

မြန်မာနိုင်ငံတွင် HIV ပိုးရှိသူများ အနေဖြင့် မည်မျှပင်အသိပညာ၊ အတတ်ပညာများစွာ ပိုင်ဆိုင်ကျွမ်းကျင် ထားကြသော်လည်း အလုပ်အကိုင် ရရှိရေးမှာ လူအများစုက အကြောင်းအမျိုး မျိုးကြောင့် ထိုရောဂါကူးစက်ခံထားရသူများအပေါ် ခွဲခြားဆက်ဆံခြင်းဟူသော တံတိုင်းများဖြင့် ကာရံတားဆီးထား သည့်အတွက် ထင်သလောက်မလွယ် ကူ။ ဦးအောင်ဝင်းသည် ထိုစက်ရုံ၌ ဒုစက်ရုံမှူးအဖြစ် တာဝန်ထမ်းဆောင်ခဲ့သည်မှာ ဆယ်စုနှစ်တစ်စုမျှ မကတော့။ အောက်ခြေဝန်ထမ်းများနှင့် သာမက စက်ရုံပိုင်ရှင်နှင့်လည်း ညီအစ်ကိုရင်း တမျှ ရင်းနှီးကျွမ်းဝင်သူတစ်ဦးလည်း ဖြစ်သည်။

ခန့်မှန်းချေအားဖြင့် မြန်မာနိုင် ငံရှိ စီးပွားရေးလုပ်ငန်းများ၏ ၉ဝ ရာခိုင်နှုန်းက ထိုရောဂါပိုးရှိသော ကျွမ်း ကျင်လုပ်သားများအား အလုပ်မခန့် ကြကြောင်း Myanmar Business Coalition on AIDS (MBCA) မှ ဒေါက်တာ ကေဇင်စိုးက ဆိုသည်။လုပ်ငန်းခွင်အတွင်း ကျန်းမာရေး အရ ဆေးစစ်မှုသည် လုပ်ငန်းလိုအပ် ချက်အရ ကောင်းမွန်သော လက္ခဏာ ဖြစ်သော်လည်း တစ်ခါစစ်ဆေးရုံဖြင့် HIV ပိုးရှိ၊ မရှိအား ချက်ချင်းသိနိုင်ရန် မလွယ်ကူသည့်အတွက် လုပ်ငန်းခွင် အတွင်းရှိ ဝန်ထမ်းတစ်ဦးဦးတွင် HIV ပိုးကူးစက်ခံထားရမှုအား မသိနိုင်ပေ။ ထိုဆောင်ရွက်ချက်မှာ HIV ပိုးရှိသူ လုပ်သားများအား ခွဲခြားဆက်ဆံမှုတစ် ခုပင်ဖြစ်သည့်အတွက် ကုန်သည်/စက် မှုအသင်းချုပ်လက်အောက်ရှိ ကုမ္ပဏီ ပေါင်း ၇၇ ခု၊ UNAIDS နှင့် MBCA တုိ့အကြား သဘောတူလက်မှတ်ရေးထိုး ကာ လုပ်ငန်းခွင် အတွင်း ဆေးစစ်ခြင်း အားပယ်ဖျက်ရန် စီစဉ်ဆောင်ရွက်နေ သည်။

”စီးပွားရေး လုပ်ငန်းရှင်တွေ တော်တော်များများက HIV နဲ့ ပတ် သက်ရင် အသိပညာရှိကြပေမယ့် သူတို့ ဝန်ထမ်းတွေနဲ့ လုပ်ငန်းခွင်မှာ HIV ပိုး မကူးစက်အောင် ဆေးစစ်ခြင်းက အကောင်းဆုံး နည်းလမ်းလို့ ထင်နေ ကြတယ်။ တကယ်က ဘယ်လောက်ပဲ ဆေးစစ်စစ် HIV ပိုးက ဆေးစစ်ပြီး ၆ ပတ်ကနေ ၆ လကြား ကာလမှာပဲ တွေ့နိုင်တဲ့အတွက် ဒီနည်းလမ်းက အသုံးမဝင်ဘူး။ အဓိက အသုံးဝင်တာ က ဝန်ထမ်းတွေကို HIV နဲ့ ပတ်သက် တဲ့ ဗဟုသုတပေးခြင်းကသာ အကောင်း ဆုံးဖြစ်သလို HIV ပိုးရှိတဲ့ ဝန်ထမ်းတွေ ကိုလည်း အလုပ်ကထုတ်ပစ်တာတွေ မလုပ်သင့်ဘဲ တခြားလူတွေ မသိအောင် လျှို့ဝှက်ပေးထားဖို့နဲ့ ခွဲခြားမှု မလုပ်ဖို့ လိုတယ်” ဟု ၎င်းက ဆက်ပြောသည်။ HIV ကူးစက်ခံထားရသော ဝန်ထမ်းမှ အခြားဝန်ထမ်းတစ်ဦးအား လုပ်ငန်းခွင် အတွင်း ရောဂါပိုး အလွယ်တကူ မကူးစက်စေနိုင် သည့် အတွက် ထို အလုပ်သမားအား အလုပ်မှ ထုတ်ပစ် ခြင်းသည် ခွဲခြားဆက်ဆံရာ ရောက်ရုံမျှမက ၎င်း၏ စိတ်ပိုင်းဆိုင်ရာ၊ စားဝတ်နေရေးနှင့် ဘဝရပ်တည်ရေးတို့ကို ထိခိုက်ကာသက်တမ်းစေ့ မနေနိုင်တော့သည့်ဘဝ အခြေအနေများသို့ ရောက်ရှိသွားခဲ့ရသူ အများအပြားရှိ နေသည်။

အကယ်၍ HIV ပိုးရှိပြီး အလုပ် လုပ်ကိုင်နိုင်စွမ်းရှိသူ ဝန်ထမ်းများအားလုပ်ငန်းရှင်ဘက်မှ အလုပ်ထုတ်ပစ်ခြင်း မပြုခဲ့ပါက လုပ်ငန်းခွင်အတွင်း အနည်းဆုံး ၁ဝ နှစ်ထက်မက တာဝန်ထမ်း ဆောင်နိုင်မည် ဖြစ်သည့်အပြင် အတွေ့ အကြုံရှိသော ဝန်ထမ်းကောင်းတစ် ယောက်အားဆုံးရှုံးရမည်မဟုတ်။ အဆို ပါဝန်ထမ်း၏ စိတ်ဓာတ်စွမ်းအား မြင့်တက်လာကာ လုပ်ငန်းအပေါ် သစ္စာစောင့်သိမှုနှင့်အလုပ်လုပ်နိုင်စွမ်းမှာ ပိုမို မြင့်တက်လာနိုင်ကြောင်း၊ တစ်ဖက်တွင် ထိုဝန် ထမ်းနှင့် အဆိုပါ ဝန်ထမ်းအပေါ် မှီခို အားထားနေရသည့် မိသားစုများ၏ ဘဝရပ်တည်ရေး အတွက်လည်း အ ထောက်အပံ့ပေးရာ ရောက်ကြောင်း ဒေါက်တာကေဇင်စိုးက ဆိုသည်။

HIV ပိုးရှိသူတွေကို အလုပ်က ထုတ်မပစ်ဘဲ လက်ခံထားတဲ့အတွက် အောင်မြင်နေတဲ့ ကုမ္ပဏီတွေ၊ အိမ်နီး ချင်းထိုင်းနိုင်ငံမှာ အများအပြားပဲ။ သူတို့ဆီကနေ မြန်မာနိုင်ငံကို တင်သွင်း နေတဲ့ မုန့်ထုတ်လုပ်ရေးကုမ္ပဏီတစ်ခု ဆိုရင် HIV ပိုးရှိသူတွေနဲ့ပဲ လုပ်ကိုင်နေ ကြတာဖြစ်ပြီး တော်တော် လည်း အောင် မြင်တယ်” ဟု ၎င်းက ပြောသည်။ထို့အပြင် ထိုင်းအစိုးရကလည်း အားပေးသည့်အနေဖြင့် ၎င်းကုမ္ပဏီ၏ ကုန်သွယ်ခွန်ကို အခြားကုမ္ပဏီများထက် ၂ ရာခိုင်နှုန်းလျှော့ယူသည့် သာဓကများ ရှိပြီး မြန်မာနိုင်ငံတွင်မူ ယခု

ဒီလိုမျိုး မရှိဘဲ ခွဲခြားဆက်ဆံမှုများမှာ နေရာ တိုင်းလိုလို၌ ရှိနေဆဲဖြစ်၍ အစိုးရနှင့် ပြည်သူအားလုံးက ဝိုင်းဝန်း တိုက်ဖျက် ရန် လိုသည်ဟု ၎င်းက ရှင်းပြသည်။ံHIV ပိုးရှိသူအား အလုပ်ထုတ်မှု၊ မထုတ်မှုနှင့် ပတ်သက်၍ နိုင်ငံတစ်ခုနှင့် တစ်ခု ပြဋ္ဌာန်းချက် မတူညီသော်လည်း နိုင်ငံခြားတိုင်းပြည်အများစုတွင် HIV ပိုးရှိသူများအား ခွဲခြားမှုမရှိရန် တိတိကျ ကျ ဥပဒေဖြင့် ပြဋ္ဌာန်းပေးထားသည်။ ပြည်ပနိုင်ငံများ၏ အလုပ်သမားဥပဒေ တွင် ဝန်ထမ်း၌ HIV ရှိပါက အလုပ် မထုတ်ပစ်ရဘဲ စောင့်ရှောက်မှု ပေး ရမည်ဟု တိကျစွာ ရေးထားခြင်းမျိုးရှိ ကြောင်း UNAIDS ဝန်ထမ်းဟောင်း ဒေါက်တာ စိုးနိုင်က ပြောသည်။

”တချို့နိုင်ငံတွေမှာ သူတို့ကို ကာ ကွယ်ရမယ်ဆိုတာရှိတယ်။ မြန်မာမှာတော့ မရှိဘူး” ဟု ၎င်းကပြောသည်။ မြန်မာနိုင်ငံတွင်လည်းခွဲခြားမှုမရှိရဟူ၍ဥပဒေတွင် တိတိကျကျ ပြဋ္ဌာန်းပေးပါက ပို၍ ကောင်းမွန်မည်ဟု၎င်းကအကြံပြုသည်။အလုပ်သမားဥပဒေတို့တွင် မပါရှိ သလိုလုပ်သားများ အခွင့်အရေး အများ စုကိုကာကွယ်ရန်ရေးဆွဲထားသည့် ၂ဝ၁၄ ခုနှစ်တွင် စတင်အသက် ဝင်လာတော့ မည့် လူမှုဖူလုံရေးဥပဒေ သစ်တွင်လည်းံHIV ပိုးရှိသူများအား ခွဲခြားဆက်ဆံမှု မရှိစေရန် ပြဋ္ဌာန်းထားခြင်းမျိုး မပါရှိ ကြောင်း လူမှုဖူလုံရေးအဖွဲ့ဥက္ကဋ္ဌ ဦးယု လွင်အောင်က ပြောသည်။ခုခံအားကျဆင်းမှု ရောဂါတိုက် ဖျက်ရေး စီမံချက် မန်နေဂျာ ဒေါက်တာ မြင့်ရွှေက HIV ရှိ၊ မရှိ သွေးစစ်ခြင်း ဖြင့်မည်သို့သော အဖြေရသည်ဖြစ်စေ ပြင်းထန်သော စိတ်သောကနှင့် လူမှုရေး ပြဿနာ များကို ဖြစ်ပေါ်စေနိုင်သည့် အတွက် လေးလေးနက်နက် ဆွေးနွေး တိုင်ပင်ပြီးမှသာ ကာယကံရှင်၏ဆန္ဒ အတိုင်း စစ်ဆေးသင့်ပြီး ရရှိလာသော အဖြေကိုလည်း လုံခြုံလျှို့ဝှက်ထားသင့် ကြောင်း သူ့အမြင်ကို ပြောသည်။

အေအိုင်ဒီအက်စ် တိုက်ဖျက်ရေး မြန်မာနိုင်ငံစီးပွားရေးလုပ်ငန်းများ၏ ပူးပေါင်းဆောင်ရွက်မှုအဖွဲ့ (MBCA) က လုပ်ငန်းရှင်အနေဖြင့် ရောဂါကူးစက်ခံရသည့် ဝန်ထမ်းအပေါ် ကိုယ်ချင်း စာစိတ်ထား၍ နှစ်သိမ့်ဆွေးနွေးမှု ခံယူစေခြင်း၊ လုပ်ငန်းခွင်အတွင်း အခြား သူများမရိပ်မိစေရန် HIV ။ဗှီု ကျန်းမာရေးပညာပေးမှု အစီအစဉ်များ ပြုလုပ်ခြင်း၊ ကျန်းမာရေးနှင့်လူမှုရေး အထောက်အပံ့များ ပေးခြင်းတို့ကိုသာ ဆောင်ရွက်သင့်ပြီး ခွဲခြားပစ်ပယ် အပြစ်တင်ခြင်း၊ နှိမ့်ချဆက်ဆံခြင်း၊ သတင်းအချက်အလက်များပေါက်ကြား စေခြင်း၊ အလုပ်မှထုတ်ပယ်ရပ်ဆိုင်းခြင်း နှင့် ရောဂါရရှိလာပုံနောက်ကြောင်း ပြန်စစ်ဆေးခြင်းတို့ကို မလုပ်သင့် ကြောင်း အကြံပြုထားသည်။HIV ရှိသူတွေကို အလုပ်ထုတ် တာ၊ အလုပ်မခန့်တာဟာ ခွဲခြားဆက်ဆံတာပါပဲ။ ခွဲခြားဆက်ဆံခြင်းရဲ့ အဓ်ိက အကြောင်းတရားကတော့ အကြောက်တရားပဲ။ လူတွေက ကိုယ်နဲ့ မတူတဲ့ အယူအဆရှိတဲ့သူ၊ ကိုယ်နဲ့မတူတဲ့ ပုဂ္ဂိုလ်တွေကို မလိုလားဘူး။ အခြေခံအားဖြင့် အကြောက်တရားပဲ။ ကိုယ်နဲ့ မတူတဲ့ လူဆိုရင်ကိုယ့်အတွက် အန္တရာယ်ရှိတယ်ထင်ပြီး ခွဲခြားဆက်ဆံကြတယ်။ ခွဲခြားဆက်ဆံတဲ့ သူတွေဟာ HIV ရောဂါရှိသူတွေအပေါ် မကောင်းတာလုပ်လို့ ဖြစ်တာဆိုပြီး ပြောကြတယ်။ ခွဲခြားကြတယ်။ အဲဒီလူတွေကို HIV/AIDS ပညာပေးတွေ လုပ်တော့လည်း ဒီလူတွေကစာရိတ္တ မကောင်းလို့ ဖြစ်ရတာဆိုပြီး ခွဲခြားဆက်ဆံကြပြန် တယ်။ သတ္တိနည်းတဲ့သူတွေသာ ခွဲခြားဆက်ဆံတယ်။ ခွဲခြားဆက်ဆံသူတွေ ဟာ လူတန်းစားရဲ့ သဘာဝ နားမလည်ခြင်းနဲ့ လက်မခံခြင်းပဲ။ ဒီလို ခွဲခြား ဆက်ဆံနေတာဟာ ဗဟုသုတနည်းလို့ လည်းပါတယ်။ အမှန်က HIV ပိုး ကူး စက်ခံထားရသူတွေကို ကရုဏာပေးရမယ်။ ခွဲခြားဆက်ဆံမှုဟာ ခွဲခြားဆက်ဆံသူတွေက ပိုပြီး ရှက်ဖို့ကောင်းသလို၊ ပိုပြီးလည်း စိတ်ဓာတ်နိမ့်ကျတယ်” ဟု NLD ပါတီဥက္ကဋ္ဌ ဒေါ်အောင်ဆန်းစု ကြည်က AIDSဖြင့်ကွယ်လွန်သူများ အတွက် အောက်မေ့ဖွယ်မီးထွန်းဆု တောင်းပွဲတွင် ပြောသည်။

HIV/AIDS နှင့်ပတ်သက်၍ အသိပညာဖြန့်ဝေမှုများ ပြည်တွင်း၌ ကျယ်ကျယ်ပြန့်ပြန့် ပြုလုပ်လျက်ရှိသည် ဆိုသော်လည်း ထိုရောဂါသည်များအ ပေါ် ခွဲခြားဆက် ဆံမှုမှာလျော့ကျသွား ခြင်းမရှိ။ HIV ပိုးရှိသူများကိုပစ်ပယ် ခြင်း၊ အလုပ်ထုတ်ပယ်ခြင်းများ နေရာ အနှံ့ရှိနေဆဲ ပင်ဖြစ်၍ HIV/AIDS ကူးဆက်ခံ ရောဂါဝေဒ နာရှင် အများစု မှာ အလုပ်လက်မဲ့ဖြင့် ဘဝရပ်တည်ရေး မှာ ခက်ခဲနေဆဲမြဲဖြစ်သည်။
သူရထွန်း၊ မာလာသန်း
Popular Myanmar News Journal

ဒါဖတ်ပြီးမှ အကြမ်းဖက်ဖို့ စဉ်းစားပါ

ဓာတ်ပုံ- ဂျေမောင်မောင် (အမရပူရ)

ဒီမနက် ဘတ်စ်ကားပေါ်မှာ သင့်ခြေထောက်ကို မွတ်ဆလင်ဟု ထင်ရသူတစ်ဦးက တက်နင်းခဲ့ပါသလား။ ဒါမှမဟုတ် သင့်ပတ်ဝန်းကျင်မှာ မွတ်ဆလင်ဟု ယူဆရသူတစ်ဦးက သံဃာတော်တစ်ဦးကို စက်ဘီးဖြင့် ၀င်တိုက်ခဲ့ပါသလား။ ဘာမှအရေးယူဆောင်ရွက်မှုမပြုလုပ်မီ ဒီဆောင်းပါးကိုအရင်ဖတ် ကြည့်ပါ။

ဆက်တိုက်ဖြစ်ပွားနေသည့် ဘာသာရေးလူမျိုးရေးပဋိပက္ခများက မြန်မာ့နိုင်ငံရေးပြုပြင်ပြောင်းလဲမှုများကို တစ်စစီဆုတ်ဖြဲပစ်ဖို့ ကြိုးစားနေသည်။ ဆယ်စုနှစ်ငါးစုခန့် မျက်စိလည်လမ်းမှားနေခဲ့ပြီး လမ်းကြောင်းပြန် တည့်ဖို့ ကြိုးစားနေသည့် လူ့အဖွဲ့အစည်းကို နောက်ပြန် လှည့်ဖို့အားထုတ်သည့် ပြဿနာဖြစ်သည်။

ဘာကြောင့် ဘာသာရေးလူမျိုးရေးပဋိပက္ခများကို ပြည်ထောင်စုသားတိုင်းက အပြင်းအထန်ဆန့်ကျင်သင့်သည် ယခုပဋိပက္ခများကပြည်ထောင်စု အနာဂတ်ကို ဘယ်လို ခြိမ်းခြောက်နေသည်ဆိုသည့် အကြောင်းရင်းခုနစ်ချက်ကို ဖော်ပြပါမည်။

 ဘာသာရေးပဋိပက္ခများကို ဆန့်ကျင်သင့်သည့် အကြောင်းရင်း ၇ ချက်
၁။ ပြည်ထောင်စုဟူသည် လူနည်းစုများ၏ နေအိမ်လူနည်းစု မွတ်ဆလင်များကို တိုက်ခိုက်ခြင်းသည် ပြည်ထောင်စုတွင်းရှိ အခြားသော လူနည်းစုများကြားမှာလည်း မလုံခြုံစိတ်ကို ပျံ့နှံ့စေသည်။ လူနည်းစုများဖြစ်သည့် ခရစ်ယာန်၊ ဟိန္ဒူဘာသာဝင်များ အပါအ၀င် တိုင်းရင်းသား အားလုံး၏ စိတ်တွင် တစ်နေ့လူအများစုနှင့် ပြဿနာဖြစ်လျှင် အကာအကွယ်မဲ့ အနိုင်ကျင့်ခံရမည်ဆိုသည့် မလုံခြုံသည့်စိတ်က ပြည်ထောင်စု စိတ်ဓာတ်ကို အပြင်းအထန်ထိခိုက်စေပါသည်။ ပြည်ထောင်စုမပြိုကွဲရေးကို ရာသက်ပန်ကြွေးကြော်နေခဲ့သည့် တပ်မတော်နှင့် ဗိုလ်ချုပ်ကြီး ဟောင်းများနှင့် ဖွဲ့ စည်းထားသော အစိုးရအဖွဲ့တွင် တာဝန်ရှိပါသည်။ တိတ်ဆိတ်နေသော အတိုက်အခံသည်လည်း လူနည်းစုများ၏ အခွင့် အရေးအတွက်တာဝန်ရှိပါသည်။

၂။ အဝေးရောက် မိသားစုဝင်များအင်ဒိုနီးရှား၊ မလေးရှားနိုင်ငံများအပါအ၀င် မွတ်ဆလင်နိုင်ငံအသီးသီးနှင့် ကမ္ဘာတစ်လွှားမှာ အလုပ်လုပ်ကိုင်၊ အခြေချနေထိုင်နေကြသည့် မြန်မာတို့အတွက် လုံခြုံရေးအရ စိုးရိမ်စရာအကောင်းဆုံးအခြေအနေ ရင်ဆိုင်နေရသည်။ ပြည်တွင်းမှအစွန်းရောက် သူ၊ မသမာသူအချို့ကြောင့် ပြည်တွင်းပြည်ပမိသားစုဝင်အများအပြား စိုးရိမ်ပူပန်နေကြရသည်။ ပြည်ပမှာ အလုပ်လုပ်ကိုင်နေကြသည့် မြန်မာ ရွှေ့ပြောင်း အလုပ်သမားများ၏ ပြည်တွင်းသို့ ငွေပြန်လွှဲမှုသည် ဒေါ်လာ ဆယ်ဘီလီယံ အနည်းဆုံးရှိနိုင်သည်ဟု The Economist မဂ္ဂဇင်းကြီး၏ ဆောင်းပါးတစ်စောင်ကဆိုသည်။ ဤငွေပမာဏသည် မြန်မာနိုင်ငံက နှစ်စဉ်ရောင်းချနေသည့် သဘာဝဓာတ်ငွေ့မှ ရရှိသည့်ငွေထက် အမြောက် အမြားပိုပါသည်။ ပြည်သူအများစုကို ထမင်းကျွေးနေသည့် ကဏ္ဍဖြစ်သည်။

၃။ ဖွံ့ဖြိုးတိုးတက်မှုဆိုင်ရာလုပ်ငန်းများ နှစ်ငါးဆယ်ကျော် ခေတ်နောက်ကျကျန်နေခဲ့ပြီး နိုင်ငံတကာအကူအညီနှင့် ပြန်လည်ဖွံ့ဖြိုးအောင် ကြိုးစားနေသည့် နိုင်ငံတစ်နိုင်ငံအတွက် အကြီးမားဆုံးပြဿနာဖြစ်သည်။ အကြမ်းဖက်မှုရှိနေသည့် မည်သည့်လူ့အဖွဲ့အစည်းကိုမျှ ဖွံ့ဖြိုး တိုးတက်အောင်လုပ်၍မရပါ။ နိုင်ငံတကာမှ အကူအညီအထောက်အပံ့များ ရနေသည့်တိုင် ဆင်းရဲမွဲတေမှုကို ခ၀ါမချနိုင်သည့် နိုင်ငံအများ
အပြား ရှိသည်။ အိမ်နီးချင်းဘင်္ဂလားဒေ့ရ်ှနိုင်ငံမှာ တစ်နှစ်လျှင်နိုင်ငံတကာမှ အကူအညီပျမ်းမျှ ၁ ဒသမ ၂ ဘီလီယံဒေါ်လာရရှိနေသည်။
သို့သော် ဘင်္ဂလားဒေ့ရ်ှနိုင်ငံလမ်းများပေါ်တွင် ယာဉ်တိုက်ခိုက်မှုကြောင့် နှစ်စဉ်ဆုံးရှုံးနေသည့် စရိတ်က ၁ ဒသမ ၂ ဘီလီယံဒေါ်လာရှိနေသည်။ မထင်မှတ်သည့် ပြဿနာတစ်ခုတည်းကြောင့် နိုင်ငံတကာကအကူအညီအားလုံးကို ဆုံးရှုံးနေသည့် အခြေအနေဖြစ်သည်။ မြန်မာနိုင်ငံတွင်တော့ ဘာသာရေး၊ လူမှုရေးပဋိပက္ခများကို မထိန်းချုပ်နိုင်လျှင် ဖွံ့ဖြိုးတိုးတက်မှုလုပ်ငန်းများ လုပ်ကိုင်ဖို့မဖြစ်နိုင်ပါ။

၎။ ဗုဒ္ဓဘာသာ၏ ပုံရိပ်ရွှေဝါရောင်တော်လှန်ရေးနောက်ပိုင်း နိုင်ငံတကာအသိုင်းအ၀ိုင်းက မြန်မာဗုဒ္ဓဘာသာနှင့် သံဃာတော်များအပေါ် ထားရှိသည့် လေးစားယုံကြည်မှုအပေါ် ယခုပဋိပက္ခများက ထိခိုက်မှုရှိပါသည်။ နိုင်ငံတကာက၀ိုင်းဝေဖန်၍ အကဲဆတ် ပြန်လည်ရန်တွေ့မည့် အစား မိမိလူ့အဖွဲ့အစည်းအတွင်းမှာ အနိုင်ကျင့်အကြမ်းဖက်မှုများ မရှိစေဖို့ ကြိုတင်တားမြစ်နိုင်မှသာ ဂုဏ်သိက္ခာကို ပြန်ဆယ်နိုင်လိမ့်မည်။
“လူအချင်းချင်းလှည့်ပတ်ခြင်း ကင်းရှင်းကြပါစေ။ အထင်သေးခြင်းအချင်းချင်း ကင်းရှင်းကြပါစေ။ ဆင်းရဲလိုခြင်းအချင်းချင်း ကင်းရှင်းကြပါစေ။ တို့မေတ္တာစွမ်း ကမ္ဘာလွှမ်းငြိမ်းချမ်းကြပါစေ”

၅။ ပတ်ဝန်းကျင်နှင့် သင့်တင့်လျောက်ပတ်စွာနေထိုင်ခြင်း မြန်မာနိုင်ငံတည်ရှိသည့် အရှေ့တောင်အာရှတိုက်ငယ်၏ လူဦးရေထက်ဝက်ကျော် သည် အစ္စလာမ်ဘာသာဝင်များဖြစ်ပါသည်။ ဘာသာရေးအခြေခံသည့် မီးကိုမွှေးလျှင် ကိုယ့်နိုင်ငံသာမကဘဲ ဒေသတွင်းမှာမည်မျှကူးစက်လောင် ကျွမ်းမည်ကို ဆင်ခြင်တွေးတော၍ ရနိုင်လိမ့်မည်။

အာဆီယံဥက္ကဋ္ဌလုပ်မည်ဆိုလျှင် ဥက္ကဋ္ဌနေရာနှင့် ထိုက်တန်သည့်ကျင့်ကြံမှုကို ပြသဖို့လိုသည်။ အာဆီယံအလှည့်ကျ ဥက္ကဋ္ဌအခွင့်အရေးမှ မြန်မာနိုင်ငံအနေဖြင့် ရစရာအများအပြားရှိသည်။ မိုက်မဲသည့် လုပ်ရပ်များဖြင့် ထိုအခွင့်အရေးကို မဆုံးရှုံးသင့်ပါ။

၆။ တရားဥပဒေစိုးမိုးရေးမည်သည့် အကြောင်းပြချက်နှင့်မဆို တရားဥပဒေကို ချိုးဖောက်ဖို့ ကြိုးစားအားထုတ်မှုသည် ဗိုင်းရပ်စ်ပိုးကဲ့သို့ ပျံ့နှံ့မှုလွယ်ကူသည်။ ဘာသာရေး၊ လူမျိုးရေးပဋိပက္ခတွေသည် လူ့အဖွဲ့အစည်းအတွင်းတွင် အခြားသောတရားဥပဒေချိုးဖောက်မှုအမျိုးမျိုး
ကို ရက်ရောစွာ ဖိတ်ခေါ်နေသည်။ ပြည်သူအချင်းချင်း နှိပ်စက်ဖိနှိပ်မှုသည် အစိုးရ၊ လက်နက်ကိုင်တပ်ဖွဲ့များ၊ မဟာသူဌေးကြီးများနှင့် နိုင်ငံ ဖြတ်ကျော်အဖွဲ့အစည်းများကိုလည်း ပြည်သူများအပေါ် မတရားဖိနှိပ်မှုပြုလုပ်ဖို့ အားပေးတိုက်တွန်းသယောင်ဖြစ်သည်။ဥပဒေအထက်မှာ မည်သူမှ မရှိရပါ။

၇။ တပ်မတော်ကြီးလည်း ချီလာပါပြီ၊ အထက်ပါ အချက်ခြောက်ချက်ကို ဖတ်ပြီးသည့်တိုင် နားမ၀င်သေးသူများအတွက် နောက်ဆုံးအချက် နံပါတ်ခုနစ်ဖြင့် သတိပေးဖို့ ကြိုးစားပါမည်။ အကြမ်းဖက်မှုနှင့် မငြိမ်သက်မှုသည် စစ်တပ်အုပ်ချုပ်ရေးကို တိုက်ရိုက်ဖိတ်ခေါ်ခြင်းဖြစ်ပါသည်။ နှစ်ငါးဆယ်သည် လုံလောက်သော ခြောက်အိပ်မက်ရှည်တစ်ခုဖြစ်ပြီး ထိုအိပ်မက်ကို ပြန်မက်ချင်သူ အများအပြားရှိမည်ဟုမထင်ပါ။ တပ်မတော်သားများအပါအ၀င် ဖြစ်ပါသည်။

အရပ်ဘက်ကိစ္စများတွင် တပ်မတော်မပါဝင်ဘဲ ဖြေရှင်းနိုင်သည့် အစွမ်းအစ ကျွန်တော်တို့မှာရှိကြောင်း သက်သေပြဖို့လိုပါသည်။ မြန်မာနိုင်ငံသည် ယဉ်ကျေးသော လူ့အဖွဲ့အစည်းတစ်ခုဖြစ်ကြောင်း သက်သေပြဖို့ ကျွန်တော်တို့ အားလုံးမှာတာဝန်ရှိသည်။
ရဲမိုး
7Day News Journal

ပိတ်ဆို့တားမြစ်ထားတာ ဖွင့်ပေးသူကို ကိုဖိုးရင်လုပ်သလို မလုပ်သင့်

June 3, 2013
မြန်မာနိုင်ငံအပေါ် ပိတ်ဆို့တားမြစ်ထားတာတွေကို အီးယူကပြန်ဖွင့် ပေးလိုက်ပြီ ဆိုသည့်သတင်းသည် မင်္ဂလာ သတင်း ဖြစ်သည်။ အီးယူက လက်နက်တင်ပို့ ရောင်းရမှုမှအပ ကျန်တာထွေ အကုန်လုံးခွင့်ပြုလိုက်ပြီ ဆိုသည့်သတင်းသည် မြန်မာတွေကိုသာမက တစ်ကမ္ဘာလုံးကိုပင် အံ့သြသွားစေခဲ့သည်။

နှစ်ပေါင်းငါးဆယ်မျှ နာမည်ဆိုးဖြင့် ကျော်ကြားခဲ့သော မြန်မာနိုင်ငံကို အုပ်ချုပ်သူ စစ်အာဏာရှင်တွေအပေါ်မှာ အီးယူက လိုက်လျောလှချည်လား၊ ရက်ရောလှချည်လားလို့ တအံ့တသြ ပြောကြသည်။ အချိန်မတန်သေးဘူး လို့တောင် တချို့ကပြောကြသည်။

အီးယူကလည်း ခြေမြန်လက်မြန် ခွင့်ပြုလိုက်လျော လိုက်တာတာ သူ့အကြောင်းနှင့်သူ ရှိပေလိမ့်မည်။ တရုတ်၊ ဂျပန်နှင့် အမေရိကန်တို့ လက်ဦးမှုရယူထားကြပြီးဖြစ်လို့ မိမိတို့ နောက်ကျကျန်ရစ်မှာကို စိုးရိမ်တာဖြစ်မည်။ ဆွမ်းတော်ကြီးလောင်းပွဲနှင့် လွဲသွားမှာကို ကြောက်လို့ ပိတ်ဆို့ထားတာတွေကို ကမန်းကတန်း ဖွင့်ပါဟ၊ ခွင့်ပြုပါဟလုပ်တာ ဖြစ်မည်။

မြန်မာနိုင်ငံသည် စစ်အာဏာရှင်တို့ လက်အောက်မှာ နှစ်ပေါင်း ငါးဆယ်မျှ နေခဲ့ရသော်လည်း သယံဇာတပေါဆဲ ဖြစ်သည်။ စီးပွားရေးလုပ်ဖို့၊ ရင်းနှီးမြုပ်နှံဖို့ အကောင်းဆုံးတိုင်းပြည်အဖြစ် ရှိနေသေးသည်။ လူသားရင်းမြစ် ဖြစ်သည့် အလုပ်သမားပေါများသည်။ လုပ်အားခ ဈေပေါပေါဖြင့် ရနိုင်သေးသည့် နိုင်ငံဖြစ်သည်။ မကျေနပ်တာကို ဆန္ဒပြခြင်းဆိုတဲ့ အလုပ်ကို အခုမှကြားဖူးသည့် လူမျိုးတွေနေထိုင်ရာ တိုင်းပြည် ဖြစ်သည်။ နောက်မကျသေးဘူး၊ လုပ်စားလို့ကောင်းသေး သည့် နိုင်ငံဖြစ်သည်။ နိုင်ငံမြေကျယ်ဝန်းသည်။ လူဦးရေ သန်းခြောက်ဆယ်ကျော်မျှသာ ရှိသည်။ လူမနေသည့် မြေတွေ အများအပြားရှိနေသေးသည်။ စောစောဝယ်ထားလျှင် နေရာချောင်ချောင် ရနိုင်သေးသည်လို့ ယုံကြည်နေကြသည်။

မြန်မာနိုင်ငံသည် ချမ်းသာ၊ ချောမောသဘောကောင်းပြီး လက်မထပ်ရသေးသည့် အမျိုးသမီးနှင့် တူသည်။ ခုနှစ်ပြည်ထောင်မင်းတွေက ထိမ်းမြားရစ်ပတ် လက်ထပ်လိုကြသည်။ အတူနေပထွေးက အလိုမတူဘဲပေါင်းသင်းနေလို့ ဗွက်ပေါက်ပြီး ပျက်စီးနေတာကို မသိသည့် အိမ်နီးချင်းတိုင်းပြည်တွေနှင့် အဝေးကွင်းမှာ ဂိုးသွင်းကောင်းသူတွေက လက်ထပ်လိုကြတာ ဖြစ်သည်။ ပထွေး၏ လက်ချက်ဖြင့် အပျိုရည်ပျက်နေပြီးဖြစ်သော်လည်း အချိုးအဆစ်ပြေပြစ်ပြီး ဖူဖူဖောင်းဖောင်းတွေက အကောင်းပကတိ ရှိနေကြသေးလို့ လိုချင်သူတွေက သွားရည်ကျနေကြတာ ဖြစ်သည်။

သတို့သမီးဘက် ဆွေမျိုးတွေဖြစ်သည့် ကျွန်တော်တို့ ပြည်သူတွေကလည်း အကြိမ်ကြိမ်သန္ဓေပျက် ကျဖူးသည့် သတို့သမီး၏ အပြစ်အနာအဆာတွေကို ဖုံးဖုံးဖိဖိလုပ်ပြီး လာရောက်နေသူတွေကို ကြိုဆိုရ မည်ဖြစ်သည်။ ခိုင်းနွား တစ်ရှဉ်းနှင့် လယ်တစ်ကွင်း တင်တောင်းသူတို့ကိုလည်း လက်ခံရမည်။ ရွှေစင် ကိုယ်အလေးချိန်အတွက်ပေးပြီး တင်တောင်းသူတို့ကိုလည်း လက်ခံရမည်။ တောင်ညာစံတင်ပါမည်ဆို သည့် ဘုရင်ကိုလည်း လက်ခံရပါမည်။

မြန်မာနိုင်ငံမှာ ဒီမိုကရေစီမရှိခြင်း၊ လူ့အခွင့်အရေးချိုးဖေါက်ခြင်း၊ ဥပဒေစိုးမိုးမှု မရှိခြင်း၊ အုပ်ချုပ်သူတို့ကို ဆန့်ကျင့်သည့် ပြည်သူတွေကို ဖမ်းဆီးထောင်ချခြင်း၊ သတ်ဖြတ်ခြင်း၊ စီးပွားရေး လက်ဝါးကြီးအုပ်ခြင်း စသည့် စစ်အာဏာရှင်တို့ကျူးလွန်ခဲ့ကြသည့် ပြစ်မှုမျိုးစုံတို့ကြောင့် ကုလသမဂ္ဂနှင့် ကမ္ဘာ့နိုင်ငံကြီးတွေက စီးပွားရေးနှင့် လူမှုရေးပိတ်ဆို့ တားမြစ်မှုတွေကို ပြုလုပ်ခဲ့တာဖြစ်သည်။

ဟော ...အခုတော့ သမ္မတကြီး ဦးသိန်းစိန် ဦးဆောင်သည့် အစိုးရသည် ဒီမိုကရေစီလမ်းကြောင်း ကို လျှောက်နေသည်။ တင်းကျပ်မှုတွေကို တဖြည်းဖြည်းလျော့ပေးနေသည်။ နိုင်ငံရေးအကျဉ်းသားတွေကို လွှတ်ပေးနေသည်။ တရားဥပဒေ စိုးမိုးရေးကို အလေးထားဆောင်ရွက်နေသည်။ နိုင်ငံတကာ ရင်းနှီးမြှုပ်နှံ မှုတွေကို ပွင့်လင်းမြင်သောစွာ ဖိတ်ခေါ်နေသည်။

လာဘ်စားသူများကို ဖော်ထုတ်အရေးယူနေသည်ဆိုသည့် ကောင်းသတင်းတွေကြောင့် နိုင်ငံတကာက ရင်းနှီးမြှုပ်နှံလိုသူတွေနှင့်အတူ အီးယူအဖွဲ့ဝင် နိုင်ငံတွေကပါ မြန်မာနိုင်ငံကို လာရောက်ပြီး ရင်းနှီးမြှုပ်နှံလုပ်ကိုင်ကြတော့မည် ဖြစ်သည်။ မြန်မာနိုင်ငံအပေါ် ပိတ်ဆို့တားမြစ်ထားတာတွေ ကို ဖြေလျှော့ပေးလိုက်ပြီး ဖြစ်သည်။

ဖွင့်ပေးလိုက်ပြီဆိုတော့ ဝင်လာကြတော့မည့် ရင်းနှီးမြှုပ်နှံသူတွေ ဧည့်သည်တွေကို နွေးထွေးလိုက်လှဲစွာ ကြိုဆိုကြရမည် ဖြစ်သည်။ ဧည့်ဝတ်ကျေပွန်ရမည်။ အလုပ်အကိုင်နှင့် ငွေကြေးပေးဖို့ လာသူတွေကို ကျေး ဇူး သိတတ်ရမည်။ ကျေးဇူးတုံ့ပြန်ရမည်။ သူတို့လုပ်သည့်အလုပ်တွေ အောင်မြင်အောင် ဝိုင်းကူပံ့ပိုးကြရ မည်။ ကတိကဝတ်တွေကို မချိုးဖောက်ဘဲ လိုက်နာကျင့်သုံးကြရမည်။ စိတ်အနှောင့်အယှက်ဖြစ်အောင် မလုပ်မိဖို့ သတိထားရမည်။ ထမင်းခွံသည့်လက်ကို မကိုက်ဖို့ သတိထားကြရမည်။ ပိတ်ဆို့တားမြစ်ထား တာတွေကို ဖွင့်ပေးသည့်ကျေးဇူးကို ထောက်ထားရမည်ဖြစ်သည်။ ခွင့်လွှတ် ကြေအေးပေးသူကို အကောင်းဆုံးလုပ်ရင်းဖြင့် တုံ့ပြန် ပေးဆပ်ရမည် ဖြစ်သည်။

ကျွန်တော့်ဘကြီး ဦးကြာခိုင်ကို ကျွန်တော့်ယောက်ဖ ကိုဖိုးရင်လုပ်သလို မလုပ်သင့်ဟု သတိပေးချင် ပါသည်။ ကျွန်တော့်အသက် ဆယ်နှစ်သားအရွယ်က ဖြစ်သည်။ ကျွန်တော့်ဘကြီး၏ သမီးကြီး မအေးယဉ်နှင့် ကိုဖိုးရင်တို့ကို နှစ်ဖက်မိဘတွေက သဘောတူပြီး လက်ထပ်ထိမ်းမြားပေးရန် စီစဉ်ကြသည်။ ကျွန်တော့် အမ်မတစ်ဝမ်းကွဲ မမကြီး မအေးယဉ်က နာမည်နှင့်လိုက်အောင် ယဉ်သည်။ အေးသည်။ မင်းကတော်ရုပ်ဖြင့် ယဉ်ယဉ်လေးလှသည်။ ကိုဖိုးရင်ဆိုတာကလည်း ကျွန်တော်တို့ရွာမှာတော့ ပျိုတိုင်းကြိုက်တဲ့ လူပျိုဖြစ်သည်။ ရွာသူကြီး ဦးရွှေဆိုင်၏တူ၊ ဘုရာဒကာ၊ ကျောင်းဒကာ ရွာသူဌေး ဦးအောင်မြိုင်၏ တစ်ဦးတည်းသောသား မြို့ကျောင်းနေဖူးသူ၊ အင်္ဂလိပ်စာ ဖတ်တတ်သူဖြစ်လို့ ရွာစူပါစတား ဖြစ်သည်။ ရွာမျက်နှာဖုံးတို့၏ သားနှင့်သမီး မင်္ဂလာဆောင်ကြတော့မည် ဆိုတော့ ရွှေနဲ့မြ၊ နေနဲ့လ ဖြစ်သွားတော့သည်။

ကျွန်တော့်အစ်မကြီး မအေးယဉ်ကလည်း လင်ရတော့မည်ဆိုပြီး အရမ်းဝမ်းသာနေ သည်။ စေ့စပ်ပွဲလုပ် သည့်နေ့မှာပင် သတို့သမီးလိုဝတ်ဆင်ပြီး ယောက္ခမလောင်းတွေကို ကန်တော့သည်။ တစ်သက် လုံး ဆေးမဆိုးခဲ့သည့် နှုတ်ခမ်းကို သူ့ညီမမလှယဉ်က ဆေးဆိုးပေးလို့ နီရဲပြီးလှနေသည်။ ကိုဖိုးရင်တောင် တအားရင်ခုန်နေတာ ဖြစ်မည်။ မလှယဉ်ကလည်း သတို့သမီး အပျိုရံအဖြစ် တာဝန်ယူရသူ ဖြစ်လို့ အစွမ်းကုန် အလှပြင်ထားသည်။ စေ့စပ်ပွဲ ပြီးပြီဖြစ်လို့ မင်္ဂလာဆောင်ရက် သတ်မှတ်လိုက်ကြသည်။

ပြသာနာက မင်္ဂလာဆောင်မည့်နေ့မှာပင် ဖြစ်တော့သည်။ သတို့သားလောင်း ကိုဖိုးရင်သည် မင်္ဂလာဆောင် အိမ်တက်ရမည့်အချိန်မှာ ဘယ်ရောက်နေမှန်းမသိရဘဲ ပျောက်နေသည်။ ထူးဆန်းတာက ကျွန်တော့် အစ်မအလတ်လည်း ပျောက်နေသည်။ အပူတပြင်း လိုက်လံစုံစမ်းတော့မှ ကိုဖိုးရင်သည် သတို့သမီး မအေးယဉ်ကို လက်မထပ်ရသေးမီ သတို့သမီးအရံလုပ်မည့် ညီမအငယ် မလှယဉ်ကို ခိုးပြေးတာ သိကြရတော့သည်။ စေ့စပ်ပွဲ လုပ်သည့်နေ့က ကိုဖိုးရင်သည် သူတို့သမီး မအေးယဉ်ကို စိတ်မဝင်စားဘဲ အပျိုရံလုပ်မည့် ညီမ အငယ်မလှယဉ်ကို စိတ်ဝင်စားပြီး လှည့်ကြည့် လှည့်ကြည့်လုပ်နေတာကို သတိရလာကြသည်။ မင်္ဂလာပွဲလည်းပျက်တော့သည်။ ဘကြီးဦးကြာခိုင်သည် အကြီးအကျယ်အရှက်ရပြီး ကိုဖိုးရင်ကို သေခန်းဖြတ်သည်။ သူ့သမီး အငယ်မ မလှယဉ် ကိုလည်း အမွေဖြတ်သည်။ အိမ်နားမလာရ၊ တွေ့ရာသချိုင်း ကြေညာထားသည်။ ကိုဖိုးရင်ကို သားမက်အဖြစ် အသိအမှတ်မပြုကြောင်း ရပ်ရွာကို ကြေညာထားသည်။ ကိုဖိုးရင်၏ မိဘတွေက ရွာဦးကျောင်း ဆရာတော် ဘုရားကြီး၏ အကူအညီဖြင့် တောင်းပန်သည်။ ဘကြီးဦးကြာခိုင်က သွေးပူနေဆဲဖြစ်လို့ ပိတ်ဆို့တားမြစ်မှုတွေကို ဖွင့်မပေးနိုင်ကြောင်း အကြောင်းပြန်သည်။

ကိုဖိုးရင်နှင့်အစ်မလေး မလှယဉ်တို့က ရွာမှ မိုင်၂ဝ ဝေးသည့် မကျည်းတောရွာမှာ အခြေချနေထိုင်ကြ သည်။ မကျည်းတောရွာမှာ ဦးလေးဦးဖဲသာအောင်၏ မိသားစု နေထိုင်သည်။ ဦးလေးဖဲသာအောင်သည် အမေ့မောင် ဖြစ်သည်။ ဓါတ်၊ ဗိန္ဓော၊ ပယောဂကုသည့် တိုင်းရင်းဆေးဆရာ ဖြစ်သည်။

ပယောဂဖမ်းထားလို့ ရူးနေသည့် အရူးမ အပျိုကိုဆေးကုသရင်း အရူးမနှင့် ညားသွားလို့ ဆွေးမျိုးစု က သေခန်းဖြတ်ပြီး အမွေခန်း ရပ်ခံထားရသူ ဖြစ်သည်။ ဦးလေးဖဲသာအောင်နှင့် ကိုဖိုးရင်တို့ ဝါသာနာတူ၊ စရိုက်တူ ပေါင်းမိသွားကြခြင်း ဖြစ်သည်။

ကိုဖိုးရင်နှင့် အစ်မလေးမလှယဉ်တို့ အိမ်ထောင်သက် ဆယ်နှစ်လောက်အကြာမှာ ဘကြီးဦးကြာခိုင် ကွယ်လွန်သည်။ ကြီးတော်ကြီးက စိတ်ကိုဖြေလျှော့လိုက်ပြီး ကိုဖိုးရင်နှင့် မလှယဉ် တို့ကို ပိတ်ဆို့ထားတာတွေ ဖြေလျှော့ပေးလိုက်သည်။ သမီးကိုရော၊ မြေးတွေကိုပါချစ်လို့ ရွာကို ပြန်လာနေကြရန် ခေါ်ယူလိုက်ပြီး အတူနေကြသည်။ မိသားစုပြန်လည်ပေါင်းစည်းကြပြီဖြစ်လို့ ဝမ်းသာကြသည်။ လူသာဓုခေါ်၊ နတ် သာဓုခေါ်၊ ရွာဦးကျောင်း ဆရာတော်ကြီးပါ သာဓုခေါ်ရသည့် အခြေအနေ ဖြစ်သွားသည်။

တစ်ရွာလုံးကလည်း ဝမ်းသာကြသည်။ ကိုဖိုးရင်ကို ပိတ်ဆို့ထားမြစ်ထားတာတွေ ဖွင့်ပေးလိုက် လို့ နှစ်ဖက်ဆွေမျိုးတွေနှင့် တစ်ရွာလုံးက ဝမ်းသာပျော်ရွှင်နေကြသော်လည်း မခံချိမခံသာနှင့် မျက်နှာထားစရာ နေရာမရှိဖြစ်နေရာတာက ကျွန်တော့်အစ်မကြီး မအေးယဉ် ဖြစ်သည်။ သူတို့သမီးဘဝက အပျိုကြီး ဖြစ်ခဲ့ရလို့ ရှက်ပြီး အိမ်ထဲက အိမ်ပြင်မထွက်ရဲဘဲ တစ်နှစ်လောက်နေခဲ့ရတာကို မမေ့နိုင် ဖြစ်နေသေးသည်။ အခုတော့ မိမိ၏ ခင်ပွန်းလောင်းဖြစ်ခဲ့သူ ကိုဖိုးရင်နှင့် သူ့ဇနီးမယားဖြစ်နေသည့် ညီမ မလှယဉ်တို့က အိမ်ပေါ် ပြန်ရောက်လာ ကြသည်။ တူလေ၊ တူမလေးတွေကလည်း တီတီတာတာ ချစ်စရာဖြင့် အိမ်သာယာနေသည်။ ကိုဖိုးရင်ကလည် လူရည်လည်သည်။ အထာနပ်သည်။ အစ်မကြီး မအေးယဉ်ကို ခြေထောက်ဖက်ပြီး ရှိမခိုးရုံတမယ် အနူးအညွှတ်တောင်းပန်သည်။ သူ့မယားထက်ပိုပြီး ဂရုစိုက်ပြသည်။ အားလုံး အဆင်ပြေသွားပြီ ဖြစ်သည်။

မကြာပါဘူး ကျွန်တော့်အထင်ပြောရလျှင် တစ်နှစ်လောက်ပဲကြာမည် ထင်သည်။ ကိုဖိုးရင်သည် အစ်မကြီးမ အေးယဉ်ကို ခိုးပြေးပါလေတော့သည်။ ဦးလေးဖဲသာအောင်နေထိုင်ရာ မကျဉ်းတောရွာကို သွားပြီး နေထိုင်သည်။ ကောင်းကြရောလားဗျာ၊ ဒါမျိုး လုပ်သင့်သလား၊ ပိတ်ဆို့တားမြစ်ထားတာတွေ ဖွင့်ပေးသူ၏ မျက်နှာကိုထောက်သင့်သည်ဟု ထင်သည်။
အဏ္ဏဝါစိုးမိုး
Mizzima - News in Burmese

လားရှိုးပဋိပက္ခနဲ့ အသံပိုကျယ်လာတဲ့ စက်မှုဇုန် အလုပ်သမားတွေရဲ့ မကျေနပ်မှုများ

03 June 2013
လားရှိုး ပဋိပက္ခကြောင့် ပျက်စီးဆုံးရှုံးမှုများကို ပြန်လည်ရှင်းလင်း နေမှုအား မေ ၃၁ ရက်က တွေ့ရစဉ်

တပတ်အတွင်း သတင်းသုံးသပ်ချက်

ဒီတစ်ပတ် သတင်းတွေထဲမှာတော့ ရှမ်းပြည်နယ် လားရှိုးမြို့မှာ ဖြစ်ပွားခဲ့တဲ့ ပဋိပက္ခဖြစ်စဉ်နဲ့ အကြမ်းဖက်မှု တချို့ဟာ သတင်းခေါင်းကြီး ဖြစ်ခဲ့ပြီး အားလုံးက နားစွင့်ခဲ့ရတဲ့ သတင်းဖြစ်ခဲ့ပါတယ်။ မေ ၂၈ ရက်နေ့မှာ စတင်ဖြစ်ပွားခဲ့ပြီး ရက်အနည်းငယ် အတွင်းမှာပဲ အခြေအနေ တည်ငြိမ်မှု ရသွားပေမယ့် ပဋိပက္ခ ဖြစ်စဉ်တွေရဲ့ ဂယက်ကြောင့် လားရှိုးမြို့မှာ ခဏတာ တိတ်ဆိတ်သွားခဲ့ ရတယ်လို့ ဆိုရမှာပါ။ ၂၀၁၂ ခုနှစ် ကတည်းက အသံထွက်ခဲ့တဲ့ စက်မှုဇုန် အလုပ်သမားတွေရဲ့ ဆန္ဒပြမှုတွေဟာ အခုချိန်ထိ တည်ငြိမ်မှု မရသေးဘဲ ဆက်လက်ရှိနေဆဲ ဖြစ်ပါတယ်။ စက်မှုဇုန် အလုပ်သမားတွေရဲ့ အသံတွေဟာ ဒီတစ်ပတ်ထဲမှာ ပိုမိုကျယ်လောင်လာခဲ့ပြီး အလုပ်သမား အခွင့်အရေးအတွက် ရက်ရှည်ဆန္ဒပြမှုတွေဟာ ဆက်တိုက်ဖြစ်ပေါ် လာခဲ့ပါတယ်။ ဒါကြောင့် တစ်ပတ်အတွင်း သတင်းသုံးသပ်ချက်ထဲမှာ စက်မှုဇုန် အလုပ်သမားတွေရဲ့ ရက်ရှည် ဆန္ဒပြမှုတွေကို ထည့်သွင်းဖော်ပြမှာ ဖြစ်သလို အမြန်လမ်းနဲ့ ပတ်သက်လို့ အယ်ဒီတာ့ အာဘော်ကြောင့် The Daily Eleven သတင်းစာပို့တဲ့ ကားတွေ အမြန်လမ်းမပေါ် ဖြတ်သန်းခွင့် ပိတ်ပင်ခံခဲ့ ရတယ်ဆိုတဲ့ သတင်းကိုလည်း ဒီတစ်ပတ် စိတ်ဝင်စားစရာကောင်းသည့် လူပြောများတဲ့ သတင်းအဖြစ် တင်ဆက်မှာ ဖြစ်ပါတယ်။ ဒါ့အပြင် ဦးနေမျိုးဝေက ဇေကမ္ဘာ ဦးခင်ရွှေကို ပုဒ်မ ၅၀၀ နဲ့ တရားစွဲဆိုမှုကို ဒဂုံမြို့နယ် တရားရုံးက လက်ခံစစ်ဆေး တော့မယ်ဆိုတဲ့ သတင်းတွေကို ဒီတစ်ပတ်အတွက် ပြန်လည်သုံးသပ် ဖော်ပြပေးလိုက် ရပါတယ်။

ဘယ်သူ ဖန်တီးတာလဲ
ရှမ်းပြည်နယ် လားရှိုးမြို့မှာ မေ ၂၈ ရက် ညနေပိုင်းက အမျိုးသမီးတစ်ဦးကို ဓာတ်ဆီနဲ့ပက်ပြီး မီးရှို့ရာမှတစ်ဆင့် ဖြစ်ပွားခဲ့တဲ့ ပဋိပက္ခဟာ ပြီးခဲ့တဲ့ ရခိုင်၊ ပဲခူး၊ မိထ္တီလာ၊ ဥက္ကံ စတဲ့ဒေသတွေမှာ ဖြစ်ခဲ့တဲ့ ပုံစံနဲ့ အလားသဏ္ဍာန် တူခဲ့ပါတယ်။ ပြဿနာတစ်ခုကို စဖန်တီးမယ်။ ပြီးရင် လူစုလူဝေးနဲ့ အကြမ်းဖက်မှုတွေ လူသတ်မီးရှို့ ဖျက်ဆီးမှုတွေ လုပ်မယ်။ နေရာဒေသ မတူတာ ပြဿနာ အစပြုပုံ မတူတာကလွဲရင် ဇာတ်လမ်းနဲ့ ဇာတ်ညွှန်းကတော့ အတူတူပဲ ဖြစ်နေပါတယ်။ အခု လားရှိုးဖြစ်စဉ်မှာ အမျိုးသမီးတစ်ဦးကို မီးရှို့ပြီးသတ်ဖြတ်မှု အစ္စလာမ် ဘာသာဝင် အမျိုးသား တစ်ဦးရဲ့ စတင်လုပ်ဆောင်မှုကနေ ကြီးကျယ်သွားရပါတယ်။ ပြဿနာ ဖန်တီးခဲ့တဲ့ အဲဒီအမျိုးသားကို ဖမ်းမိတဲ့ အချိန်မှာ သူ့လက်ထဲမှာ မူးယစ်ဆေးဝါးတွေ လက်ဝယ်တွေ့နေ ပြန်ပါတယ်။ ဒါကို ဆက်စပ်ကြည့်ရင် ပြဿနာဟာ သာမန်ဖြစ်ရိုးဖြစ်စဉ် ပုံစံမျိုး မဟုတ်တာ တွေ့ရပါလိမ့်မယ်။ အမျိုးသမီးကို မီးရှို့ခဲ့တဲ့ တရားခံဟာ လားရှိုးဇာတိလည်း မဟုတ်ပါဘူး။ ရက်ပိုင်းအတွင်း ပြဿနာကို လာဖန်တီးတဲ့ပုံမျိုး စုံစမ်းမှုတွေအရ သတင်းထွက်ခဲ့ပါတယ်။ တရားခံဟာ ဒါမတိုင်မီ အရင်က အခြားဒေသတွေမှာလည်း ခုလို ပဋိပက္ခတွေဖြစ်ဖို့ ကြိုးစားခဲ့တဲ့သူလို့ ပြောဆိုမှုတွေ ရှိလာပါတယ်။ ဒီနေရာမှာ မေးစရာကတော့ ဒီလိုလုပ်ခဲ့တယ် ဆိုတာကိုသိရင် အချိန်မီဘာလို့ မတားခဲ့တာလဲ။ ပဋိပက္ခတွေနဲ့ အကြမ်းဖက်မှုတွေမှာ ပါဝင်ပတ်သက်တဲ့သူတွေ နောက်ကွယ်က ကြိုးကိုင်တဲ့သူတွေ ဒီအချိန်ထိ ဘာလို့ မဖော်ထုတ် နိုင်သေးတာလဲ။ တာဝန်ရှိတဲ့ ထောက်လှမ်းရေး အဖွဲ့အစည်းတွေ အနေနဲ့ အဖြေမဖော်နိုင်သေးတာဟာ ဘာကြောင့်လဲ။ စတာတွေက မေးစရာ ဖြစ်လာပါတယ်။ မေ ၂၈ ရက်မှာ ဒီရာဇ၀တ်မှု စဖြစ်ပြီး နောက်တစ်နေ့မှာ အကြမ်းဖက် ဖျက်စီးမှုတွေ ဘာသာရေး အသွင်ဆောင်တဲ့ သတ်ဖြတ်မှုတွေ ဖြစ်လာရပါတယ်။ ဒါကြောင့်ပဲ ပျက်ဆီးဆုံးရှုံးမှုနဲ့အတူ သေဆုံးဒဏ်ရာ ရမှုတွေလည်း ရှိခဲ့ပါတယ်။ ရက်အနည်းငယ် အတွင်းမှာ အဖွဲ့အစည်း အသီးသီးကနေ တည်ငြိမ်မှုရဖို့ ကြိုးစားခဲ့သလို တာဝန်ရှိသူတွေကလည်း ပဋိပက္ခတွေအပေါ် မှန်ကန်တဲ့ အဖြေ၊ ရလဒ်တွေကို အများပြည်သူထံ ချပြဖို့ လိုပါလိမ့်မယ်။ ဒါဟာ နိုင်ငံရဲ့ သိက္ခာနဲ့လည်း ဆိုင်ပါတယ်။

စက်မှုဇုန်က ဆန္ဒပြမှုများ
မေလအတွင်း လှိုင်သာယာ မြို့နယ်မှာရှိတဲ့ စက်မှုဇုန်တွေမှာ အလုပ်သမား အခွင့်အရေး လုပ်ခလစာ အခွင့်အရေးအတွက် ရက်ရှည်ဆန္ဒပြမှုတွေ ဆက်တိုက်ဖြစ်ခဲ့ပါတယ်။ လှိုင်သာယာ စက်မှုဇုန် ၂ ရှိ ဘိုဆန်းပိုက်စက်ရုံ ဟုန်စိန်ပီနံအိတ်စက်ရုံ သုံးထပ်ကြီး အထည်ချုပ်စက်ရုံ YesOne အထည်ချုပ်စက်ရုံ၊ ဆာကူရာ အထည်ချုပ်စက်ရုံ၊ Esquare ဖိနပ်စက်ရုံ၊ ရွှေလင်ပန်း စက်မှုဇုန်ရှိ ဆုလာဘ်ထက်သာ အထည်ချုပ်စက်ရုံ၊ ငွေပင်လယ် စက်မှုဇုန်ရှိ စံကောင်းပီနံအိတ် စက်ရုံ၊ လှိုင်သာယာစက်မှုဇုန် ၅ ရှိ ငွေကံ့ကော် အထည်ချုပ်စက်ရုံတို့ ဖြစ်ပြီး အစာငတ်ခံ ဆန္ဒပြမှု အချို့လည်း ရှိခဲ့ပါတယ်။ ဒီလို ဆန္ဒပြမှုတွေဟာ ခုလိုစီးပွားရေး အခွင့်အလမ်းကောင်းတွေ ရှိလာတဲ့အချိန် နိုင်ငံတကာ ရင်းနှီးမြှုပ်နှံမှုတွေ ၀င်ဖို့ဆိုင်းပြင်းနေတဲ့ အချိန်မှာ နိုင်ငံအတွက် သိက္ခာကျစရာ ဖြစ်ရပ်တွေထဲက တစ်ခုအဖြစ် ရှိနေတယ်လို့ ဆိုရပါမယ်။ စားဝတ်နေရေးအတွက် မလုံလောက်တဲ့ အခြေအနေ အလုပ်သမား အခွင့်အရေး အပြည့်အ၀ မရတဲ့ အချိန်မှာ အခုလို ဖြစ်ရပ်တွေကတော့ ဆက်ရှိနေဦးမှာပါ။ အလုပ်ရှင် အလုပ်သမား နှစ်ဖက်စလုံးအတွက် ဘယ်လိုမျှတမှုရှိအောင် လုပ်ပေးနိုင်မလဲ၊ အုံကြွမှုတွေ မဖြစ်လာခင် တာဝန်ရှိသူတွေ အနေနဲ့ စနစ်တကျ ကိုင်တွယ်ဖြေရှင်းပေးဖို့ လိုပါလိမ့်မယ်။ အနာသိရင်တော့ ဆေးရှိရမှာပါ။ အလုပ်သမားတွေ မရှိရင် အလုပ်ရှင် ဖြစ်လာမှာ မဟုတ်သလို အလုပ်ရှင် မရှိရင် စက်ရုံအလုပ်ရုံတွေ မရှိရင်လည်း နိုင်ငံရဲ့ စီးပွားရေးဟာလည်း ကောင်းနိုင်စရာ မရှိပါဘူး။ စက်မှုဇုန်တွေထဲက မကျေနပ်တဲ့ အသံတွေ အမြန်စဲသွားဖို့ လိုပါတယ်။

အမြန်လမ်းနှင့် အယ်ဒီတာ့အာဘော်
မေ ၂၆ ရက်ထုတ် The Daily Eleven သတင်းစာပါ အမြန်လမ်းနဲ့ ပတ်သက်တဲ့ အယ်ဒီတာ့အာဘော်ကြောင့် The Daily Eleven သတင်းစာပို့တဲ့ကားတွေ အမြန်လမ်းမပေါ်က ဖြတ်သန်းခွင့် ပိတ်ပင်ခံခဲ့ ရပါတယ်။ The Daily Eleven သတင်းစာအနေနဲ့ မေ ၂၆ ရက်အယ်ဒီတာ့အာဘော်မှာ မေ ၂၅ ရက်နံနက်ပိုင်းက ရန်ကုန်-မန္တလေး အမြန်လမ်းမပေါ်မှာ ဖြစ်ပွားခဲ့တဲ့ လူ ၁၁ ဦး သေဆုံးခဲ့ရတဲ့ ယာဉ်မတော်တဆမှုကို အခြေခံပြီး ဝေဖန်ထောက်ပြ ရေးသားခဲ့ပါတယ်။ ဒီလို ရေးသားမှု အပြီးမှာ သတင်းစာတိုက်က ကားတွေ အမြန်လမ်းမ အသုံးပြုခွင့် ပိတ်ပင်ခံလိုက် ရတာပါ။ ဒီသတင်းဟာလည်း အများပြည်သူကြားမှာ ပြောစရာ အဖြစ်ရဆုံး သတင်းတစ်ပုဒ် ဖြစ်ခဲ့ရပါတယ်။ အချို့က ဒီသတင်းကြောင့် ပြက်ရယ်ပြုခဲ့ ကြသလို တချို့က နှာခေါင်းရှုံ့ခဲ့ကြပြီး အချို့ကလည်း အစိုးရ အုပ်ချုပ်မှု ယန္တရားအပေါ် မေးခွန်းထုတ်ကြ ပြန်ပါတယ်။ ဒီသတင်းစာအာဘော်နဲ့ ပတ်သက်ပြီး သမ္မတရဲ့ ပြောရေးဆိုခွင့်ရှိသူ ဦးရဲထွဋ်က သူ့ရဲ့ဖေ့ဘုတ် စာမျက်နှာကနေ ပြန်လည်တုံ့ပြန် ရေးသားတာတွေ ထင်မြင်ချက် မှတ်ချက်ပေးသူတွေကြား အပြန်အလှန် ကျယ်ကျယ်ပြန့်ပြန့် ပြောဆိုမှုတွေ ပြုလုပ်ခဲ့ပါတယ်။ ဒီနေရာမှာ တာဝန်ရှိတဲ့သူနဲ့ နိုင်ငံတကာမှာရှိတဲ့ အမြန်လမ်းတွေရဲ့ စံချိန်စံညွှန်း မြန်မာပြည်မှာရှိတဲ့ အမြန်လမ်းတွေရဲ့ စံချိန်စံညွှန်း စတာတွေအပေါ် နှိုင်းယှဉ်တွက်ချက် ပြတာတွေ လမ်းဖောက်လုပ် တည်ဆောက်မှုအတွက် ကုန်ကျစရိတ်တွေ ထိန်းသိမ်းစောင့်ရှောက် စရိတ်တွေ ပွင့်လင်းမြင်သာမှုရှိစွာ အများပြည်သူကို ချပြဖို့ လိုပါလိမ့်မယ်။ ဘာပဲဖြစ်ဖြစ် အခုလို အယ်ဒီတာ့အာဘော်ကြောင့် လမ်းအသုံးပြုမှု ပိတ်ပင်ခံလိုက်ရတဲ့ သတင်းဟာ အာရှသတင်းအတွင်း ပျံ့နှံ့ခဲ့ပြီး ထူးခြားတဲ့ သတင်းတစ်ပုဒ်အဖြစ် သတ်မှတ်ခံခဲ့ ရတဲ့အထိ ပါပဲ။

ဦးခင်ရွှေနဲ့ ပုဒ်မ ၅၀၀
လွှတ်တော်အမတ် တစ်ဦးလည်းဖြစ် စီးပွားရေး လုပ်ငန်းရှင် တစ်ဦးလည်းဖြစ်တဲ့ ဇေကမ္ဘာဦးခင်ရွှေကို တောင်သူလယ်သမားအရေး ဆောင်ရွက်နေတဲ့ ဦးနေမျိုးဝေက ပုဒ်မ ၅၀၀ နဲ့ တရားစွဲထားတဲ့ အမှုကို ဒဂုံမြို့နယ် တရားရုံးက လက်ခံစစ်ဆေးမယ်ဆိုတဲ့ သတင်းကလည်း သတင်းစာမျက်နှာတွေမှာ စိတ်ဝင်စားဖွယ်ကောင်းတဲ့ သတင်းဖြစ်ပါတယ်။ ရန်ကုန်တိုင်းဒေသကြီး အစိုးရအဖွဲ့ရုံးမှာ ဇေကမ္ဘာ ကုမ္ပဏီဥက္ကဋ္ဌ ဦးခင်ရွှေက လယ်ယာမြေ စုံစမ်းစစ်ဆေးရေး ကော်မရှင်နဲ့ လုပ်ငန်းရှင်တွေ တွေ့ဆုံပွဲမှာ ဦးနေမျိုးဝေရဲ့ ဂုဏ်သိက္ခာ ကျဆင်းအောင် ပြောဆိုခဲ့ပြီး ဂျာနယ်ထဲမှာ ဖော်ပြခဲ့လို့ အခုလို အမှုဖွင့်ခဲ့တာပဲ ဖြစ်ပါတယ်။ ဒီအမှုကိုတော့ ဇွန် ၁၀ ရက်မှာ စတင်စစ်ဆေးတော့မှာပါ။
EMG

တကယ်ပဲ မျှော်လင့်ရတော့မှာလား . . .

03 June 2013
ကချင်ပြည်နယ် ၀ိုင်းမော်မြို့နယ်ရှိ မိုင်းနားကချင် ဒုက္ခသည်စခန်း (RC)ရှိ စစ်ပြေးဒုက္ခသည်များအား မေ ၃၁ ရက်က တွေ့ရစဉ် (ဓာတ်ပုံ - နေထွန်းနိုင်)

တစ်ပတ်အတွင်း နိုင်ငံရေးသတင်း သုံးသပ်ချက်

ပြီးခဲ့တဲ့ ရက်သတ္တပတ်မှာ ဖြစ်ပွားခဲ့တဲ့ နိုင်ငံရေးအရ ထင်ရှားတဲ့ အဖြစ်အပျက်တွေဟာ မြန်မာနိုင်ငံမှာ ဖော်ဆောင်နေတဲ့ နိုင်ငံရေး၊ စီးပွားရေး ပြုပြင်ပြောင်းလဲမှုတွေနဲ့ အမျိုးသား ပြန်လည်စည်းလုံး ညီညွတ်ရေးအပေါ် အကျိုးသက်ရောက်မှု ဘယ်လောက်ရှိနိုင်တယ် ဆိုတာကို ဆင်ခြင်နိုင်ဖို့ တင်ပြလိုက်ပါတယ်။

ကချင်လူထုက သောင်းသောင်းဖျဖျ ကြိုဆိုခြင်းကို ခံရတဲ့ KIO
မေ ၂၈ ရက်မှာ စတင်ပြုလုပ်မယ့် ငြိမ်းချမ်းရေး ဆွေးနွေးပွဲအတွက် မေ ၂၇ ရက်မှာ မြစ်ကြီးနားမြို့ကို ရောက်ရှိလာတဲ့ KIO ငြိမ်းချမ်းရေး ကိုယ်စားလှယ်အဖွဲ့ကို ကချင်ဒေသခံ သောင်းဂဏန်းလောက်က ကြိုဆိုခဲ့ကြပါတယ်။ အဲဒီထဲမှာ အများစုက လူငယ်တွေ ဖြစ်ကြတာကို တွေ့ရပါတယ်။သူတို့ဟာ ဓားနှစ်လက်ပါ KIA တီရှပ်တွေ ၀တ်ဆင်ကာ အလံကို ဝှေ့ယမ်းပြီး ကြိုဆိုခဲ့ကြတာ ဖြစ်ပါတယ်။

ဒါဟာ KIO အနေနဲ့ ကချင်ပြည်နယ် တစ်ခုလုံးကို ကိုယ်စားမပြုသည့်တိုင် ကချင်လူမျိုးကိုတော့ ကိုယ်စားပြုပြီး KIO အနောက်မှာ ကချင်လူထု ရှိနေကြောင်း ပြသနေပါတယ်။ ငြိမ်းချမ်းရေးကို ဘယ်လောက်ထိ တောင့်တနေတယ် ဆိုတာကိုလည်း ဖော်ပြနေပါတယ်။

ကချင်ပြည်နယ်အတွင်း တပ်မတော်နဲ့ KIA တို့အကြား တစ်ကျော့ပြန် တိုက်ပွဲများ ၂၀၁၁ ခုနှစ် ဇွန် ၉ ရက်မှာ စတင်ခဲ့ပါတယ်။ ကချင်ပြည်နယ် ဗန်းမော်ခရိုင် မိုးမောက်မြို့နယ်မှာ တိုက်ပွဲတွေ စတင်ဖြစ်ပွားခဲ့ပေမယ့် နောက်ပိုင်းမှာ မြစ်ကြီးနားမြို့နယ်၊ ၀ိုင်းမော်မြို့နယ်၊ မန်စီမြို့နယ်တို့သို့ပါ ကူးစက်လာခဲ့ပါတယ်။ တိုက်ပွဲဖြစ်ပွားတဲ့ နှစ်နှစ်တာ ကာလအတွင်း ကချင်ပြည်နယ် အတွင်းမှာရှိတဲ့ ကျေးရွာပေါင်း ၃၀၀ ခန့်မှ ဒေသခံ တစ်သိန်းလောက်ဟာ ဒုက္ခသည် စခန်းတွေမှာ နေထိုင်နေရဆဲ ဖြစ်ပါတယ်။

သုံးရက်တာ ကြာမြင့်တဲ့ ငြိမ်းချမ်းရေး ဆွေးနွေးပွဲ
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနဲ့ KIO ငြိမ်းချမ်းရေး ကိုယ်စားလှယ် အဖွဲ့တို့ဟာ သုံးရက်တာ ကြာမြင့်တဲ့ ဆွေးနွေးပွဲအတွင်း ငြိမ်းချမ်းရေးအတွက် ပွင့်ပွင့်လင်းလင်း ဆွေးနွေးခဲ့ကြတာကို တွေ့ရပါတယ်။ ဒါဟာ နှစ်နှစ်တာ ကာလအတွင်း (၁၅) ကြိမ်မြောက် တွေ့ဆုံဆွေးနွေးခြင်းလည်း ဖြစ်ပါတယ်။

စစ်ရေးဆိုင်ရာ တွေကိုတော့ နှစ်ဖက်စစ်ခေါင်းဆောင်များ တံခါးပိတ် ဆွေးနွေးခဲ့ကြပြီး ကချင်ပြည်နယ်မှာ ဖြစ်နေတဲ့ တိုက်ပွဲတွေသာမက ရှမ်းပြည်နယ်မှာ ဖြစ်ခဲ့တဲ့ တိုက်ပွဲတွေ အကြောင်းကိုလည်း ဆွေးနွေးခဲ့ကြပါတယ်။

အစိုးရ ငြိမ်းချမ်းရေး ကိုယ်စားလှယ် အဖွဲ့ကို ၀န်ကြီးဦးအောင်မင်းနဲ့ ကာကွယ်ရေး ဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး မြင့်စိုးတို့က ဦးဆောင်ခဲ့ပါတယ်။ KIO ငြိမ်းချမ်းရေး ကိုယ်စားလှယ်အဖွဲ့ကို ဦးဆွမ်လွတ်ဂမ်နဲ့ KIA ဒုတိယစစ်ဦးစီးချုပ် ဗိုလ်ချုပ်ဂွမ်မော်တို့က ဦးဆောင်ခဲ့ပါတယ်။ ဆွေးနွေးပွဲကို လေ့လာသူအဖြစ် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ် မစ္စတာ ဗီဂျေနမ်ဘီးယားနဲ့ တိုင်းရင်းသား လက်နက်ကိုင် အဖွဲ့တချို့လည်း တက်ရောက်ခဲ့ပါတယ်။

ကချင်ပြည်နယ်အတွင်း ဖြစ်ပွားနေတဲ့ ပဋိပက္ခတွေ ချုပ်ငြိမ်းဖို့နဲ့ ငြိမ်းချမ်းရေး ဖြစ်ပေါ်စေဖို့အတွက် အစိုးရနဲ့ KIO ကိုယ်စားလှယ် အဖွဲ့နှစ်ဖွဲ့ စလုံးဟာ ကချင်လူထုနဲ့ သီးခြားစီ တွေ့ဆုံခဲ့ကြ ပါသေးတယ်။

အချက်ခုနစ်ချက်ကို သဘောတူ
ဆွေးနွေးပွဲမှာ အစိုးရဘက်က ငြိမ်းချမ်းရေးရရှိဖို့ အဓိကထား ဆွေးနွေးခဲ့ပြီး KIO ဘက်က နိုင်ငံရေးဆွေးနွေးပွဲ ဘယ်လိုလုပ်မလဲဆိုတဲ့ နည်းစနစ်ပိုင်းတွေကို ဆွေးနွေးခဲ့ပါတယ်။ တန်းတူရည်တူ အခွင့်အရေး ရရှိရေး၊ ကိုယ်ပိုင်အုပ်ချုပ်ခွင့် ပြဋ္ဌာန်းခွင့် ရရှိရေး စတဲ့နိုင်ငံရေး ဆွေးနွေးမှုတွေကို အကြိတ်အနယ် ဆွေးနွေးခဲ့ကြပါတယ်။

ဒီလို အကြိတ်အနယ် ဆွေးနွေးပြီးတဲ့ အခါမှာ အချက်ခုနစ်ချက်ကို သဘောတူညီမှု ရရှိခဲ့ပါတယ်။ ဒီအချက်တွေထဲမှာ နိုင်ငံတော် အစိုးရနှင့် KIO တို့ နိုင်ငံရေး ဆွေးနွေးမှုများ ဆက်လက်ဆောင်ရွက်သွားရန် သဘောတူသည်။ နှစ်ဖက်တပ်ဖွဲ့များမှ ပစ်ခတ်တိုက်ခိုက်မှုများ လျှော့ချခြင်း၊ တိုက်ပွဲများ ထပ်မံမဖြစ်ပွားအောင် ထိန်းသိမ်းခြင်းတို့ကို ဆောင်ရွက်သွားရန် သဘောတူသည်။ နယ်မြေလုံခြုံရေးအရ နေရပ်စွန့်ခွာ ရွှေ့ပြောင်းနေထိုင်သည့် ပြည်သူများအတွက် ပြန်လည်ထူထောင်ရေး ကိစ္စများကို ညှိနှိုင်းကာ ဆက်လက်ဆောင်ရွက်သွားရန် သဘောတူသည်။ စတဲ့ အချက်တွေ ပါဝင်ပါတယ်။

အစိုးရနဲ့ KIO တို့ရဲ့ ငြိမ်းချမ်းရေး ဆွေးနွေးပွဲတိုင်းမှာ အပစ်အခတ် ရပ်စဲရေး သဘောတူညီချက် စာချုပ်လက်မှတ် ရေးထိုးနိုင်ဖို့ အစိုးရဘက်မှ အစဉ်တစိုက် ဆွေးနွေးလေ့ရှိပြီး KIO ဘက်ကလည်း အပစ်အခတ် ရပ်စဲရေး မလုပ်ဘဲ နိုင်ငံရေး ဆွေးနွေးဖို့ တောင်းဆိုလေ့ ရှိပါတယ်။

အစိုးရနဲ့ KIO တို့ရဲ့ သုံးရက်ကြာ ဆွေးနွေးပွဲမှာ အပစ်အခတ် ရပ်စဲရေး သဘောတူညီချက် မရရှိခဲ့ပေမယ့်လည်း တပ်မတော်အနေနဲ့ ငြိမ်းချမ်းရေးကို ဆက်လက်ဆောင်ရွက်မယ်လို့ ဒုတိယဗိုလ်ချုပ်ကြီး မြင့်စိုးက ပြောကြားပါတယ်။

ကချင်ပြည်နယ်ရှိ ဒုက္ခသည် စခန်းတွေက စစ်ပြေးဒုက္ခသည်တွေ တစ်လအတွင်း နေရပ်ပြန်နိုင်ရေးကို ကြိုးပမ်းသွားမယ်လို့လည်း ဦးအောင်မင်းက ပြောကြားပါတယ်။

တစ်ကယ်ပဲ မျှော်လင့်ရတော့မှာလား
KIO ကိုယ်စားလှယ်အဖွဲ့ မြစ်ကြီးနားကနေ လိုင်ဇာမြို့သို့ ပြန်တဲ့အခါမှာ ကချင်လူငယ်တွေ ထောင်ချီလိုက်ပါ ပို့ဆောင်ခဲ့ပါတယ်။ ဒါပေမဲ့လို့ KIO ကိုယ်စားလှယ်အဖွဲ့ အပြန်လမ်းမှာ ရှမ်းတိုင်းရင်း သားတချို့က ၀ိုင်းမော်မြို့မှာ ဆန္ဒပြကြပါတယ်။ ကချင်ပြည်နယ်တွင်းရှိ ရှမ်းမျိုးနွယ်စုများကို ပေါ်တာဆွဲခြင်း၊ စစ်သားအဖြစ် စုဆောင်းခြင်းမှ ရပ်တန့်ပါစတဲ့ ဆိုင်းဘုတ်များ ကိုင်ဆောင်ပြီး ဆန္ဒပြခဲ့ခြင်း ဖြစ်ပါတယ်။

ကေအိုင်အို/ကေအိုင်အေ အပါအ၀င် တိုင်းရင်းသား လက်နက်ကိုင်တွေနဲ့ ထာဝရငြိမ်းချမ်းရေး ရရှိရေးဟာ တိုင်းရင်းသားတွေ လက်ခံနိုင်လောက်တဲ့ ဖက်ဒရယ်စနစ် ကျင့်သုံးတဲ့ ဒီမိုကရေစီစနစ် ပေါ်ထွန်းလာရေးဟာ အရေးကြီးပါတယ်။ ဒီမိုကရေစီ စနစ်ကို အခြေခံပြီး စစ်မှန်တဲ့ ဖက်ဒရယ်စနစ် ကျင့်သုံးနိုင်ရေးအတွက် ဖွဲ့စည်းပုံအခြေခံ ဥပဒေကို ပြင်ဆင်နိုင်ရေးဟာ အရေးပါလာပြီ ဖြစ်ပါတယ်။ အပစ်အခတ် ရပ်စဲရေး အခြေအနေ တစ်ခုမှ ထာဝရ ငြိမ်းချမ်းရေး အခြေအနေသို့ ရောက်ရှိဖို့ရာမှာ ဖွဲ့စည်းပုံ အခြေခံဥပဒေကို ပြင်ဆင်နိုင်ပြီး စစ်မှန်တဲ့ ဖက်ဒရယ်စနစ် ဖြစ်ပေါ်လာရေးမှာ အဓိက ကျပါတယ်။
EMG

စံချိန်တင် ပြည်ပတင်ပို့မှုအလွန် ပြည်တွင်းဆန်ဈေးကွက်

ရန်ကုန်မြစ်ကို ဖြတ်သန်းတိုက်ခတ်လာသည့် မိုးငွေ့ပါသည့် မနက်ခင်းလေသည် လူအုပ်ကြားထဲ တိုးဝင်လာသည်။

အသက် ၄၀ အရွယ် အမျိုးသားတစ်ဦးက လက်ထဲမှ ဆန်စများကို ကြဲပက်လိုက်စဉ် ခိုတစ်ကောင်လန့်ပြီး ခုန်လိုက်သည်။ နေရာကား ရန်ကုန်ဆိပ်ကမ်းမြို့နယ် ဝါးတန်းဆိပ်ကမ်း မြန်မာနိုင်ငံ ဆန်စပါးလုပ်ငန်းရှင်များ အသင်း ဆန်စပါးကုန်စည် ဒိုင်ရှေ့တွင်ဖြစ်သည်။

လယ်ယာစိုက်ပျိုးရေးကို အခြေခံထားသည့် မြန်မာနိင်ငံ၏ အဓိက ဆန်ဈေးကွက်ဖြစ်သည့် ရန်ကုန်ဆန် လက်ကားဈေးကွက်တွင် ဆန်ကြမ်းအနေဖြင့်မိုး၊ နွေနှစ်မျိုး၊ ဆန်ချောတွင် ပေါ်ကျွဲ၊ တောင်ပျံ၊ ပေါ်ဆန်း၊ ပေါ်ဆန်းတွင်လည်း မြစ်ဝကျွန်းပေါ်နှင့် ရွှေဘိုပေါ်ဆန်းဟူ၍ အကြမ်းအား ဖြင့်ရှိသည်။

အချော လေးမျိုး၊ အကြမ်း နှစ်မျိုး ခြောက်မျိုးရှိပြီး ဆန်တစ်မျိုးချင်းတွင်လည်း အနိမ့်စ၊ အလတ်စ၊ အမြင့်စ အကြမ်းအားဖြင့် သုံးမျိုးခန့်ရှိ၍ ယေဘုယျအားဖြင့် ဆန် အမျိုးအစားပေါင်း ၁၈ မျိုးအထက်ရှိကြောင်း စုံစမ်းသိရှိရသည်။

ဝါးတန်းကုန်စည်ဒိုင်သည် ဆန်ချော၊ ဆန်ကြမ်းဆန်ကွဲ ဆန်စမျိုးစုံ ၁၈ မျိုးထက် မနည်းရောင်းချနေသည့် ပင်မဈေးကွက်ကြီး ဖြစ်သည်။ ယင်းဈေးကွက်သည် အထူးသဖြင့် ဧရာဝတီတိုင်း မြောင်းမြ၊ ဖျာပုံ၊ ဒေးဒရဲ၊ ကျိုက်လတ်၊ လပွတ္တာ၊ ပုသိမ်၊ ဘိုကလေး၊ မော်လမြိုင်ကျွန်းမြို့များမှဆန်များ ရန်ကုန်ကိုတင်ပို့ရာနှင့် ဘုရင့်နောင်မှ ဆန်ပွဲရုံ ပိုင်ရှင်များက ရန်ကုန်မြို့ စည်ပင်သာရေး နယ်နိမိတ်အတွင်းရှိ မြို့နယ်များမှ ဆန်လက်လီဆိုင်များ၊ အထက်အညာ၊ မြဝတီ၊ မူဆယ်နယ်စပ်များကို သာမက အာဖရိကတိုက်၊ ဂျပန်နှင့် ဥရောပနိုင်ငံ တချို့သို့လည်း တင်ပို့ရန် ဆန်ဝယ်ယူ စုဆောင်းရောင်းဝယ်သည့် ဆန်ဈေးကွက်ကြီး ဖြစ်သည်။

လက်ရှိ ဝါးတန်းဆန်စပါးကုန်စည်ဒိုင်တွင် ဆန်ချောဈေးသည် အမြင့်၌ငြိမ်နေပြီး ဆန်ကြမ်းမှာ သင်္ကြန်မတိုင်မီအချိန် ဈေးနှုန်းနှင့် နှိုင်းယှဉ်လျှင် တစ်အိတ် ၅၀၀၀ ခန့် ဈေးတက်လာပြီး ဆန်ကြမ်းဈေး အတက်ကြမ်းနေသည်ဟု ဆန်ရောင်းဝယ်ရေးလုပ်ငန်း အတွေ့အကြုံနှစ် ၂၀ ကျော်ရှိ ဦးချမ်းက ပြောကြားသည်။
"ဆန်ကြမ်းက နမူနာတောင် ကြည့်လို့မရဘူး။ တံဆိပ်ပြောတယ်။ အိတ် ၁၀၀ မှာလို့ အိတ် ၅၀ ရရင် ကံကောင်းတာပဲ" ဟု ၄င်းကဆိုသည်။

ဆန်ကြမ်းဈေး မြင့်တက်လေ့ရှိသည့် အချိန်သည် ပုံမှန်ထက် နှစ်လခန့် စောနေပြီး လက်ရှိ ပေါက်ဈေးသည် ပြီးခဲ့သည့်နှစ်က ရာသီသိမ်းချိန် အပိတ်ဈေးကို ရောက်ရှိနေသည်။

သင်္ကြန်မကျမီက တစ်အိတ် ၁၄၀၀၀ ကျော်ခန့်ရှိသော ဆန်ကြမ်းရှယ်ဈေးနှုန်း သည် သင်္ကြန်ပြီးနောက်ပိုင်း တစ်ရက်လျှင် တစ်အိတ် ၂၀၀ မှ ၅၀၀ ကျပ်အကြား ဈေး တောက်လျှောက် တက်လာကာ နှစ်ပတ်ခန့် အတွင်း ဆန်ကြမ်းရှယ်တစ်အိတ် ၁၈၅၀၀ ကျပ် ခန့်အထိ ဖြစ်သွားကြောင်း ၄င်းကဆိုသည်။

၂၀၁၂-၂၀၁၃ ဘဏ္ဍာရေးနှစ်တွင် ဆန်နှင့် ဆန်ထွက်ပစ္စည်း တင်ပို့မှုသည် တန်ချိန် ၁၆ သန်းအထိရှိခဲ့ပြီး စံချိန်တင် တင်ပို့နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ စာရင်းဇယားများ အရသိရသည်။

ပင်လယ်ရေကြောင်း ပုံမှန်ကုန်သွယ်ရေးမှ ၅၇၇၃၄၈ တန်၊ တန်ဖိုးအားဖြင့် ကန်ဒေါ်လာ ၂၀၂ ဒသမ ၉၈၁ သန်း တင်ပို့နိုင်ခဲ့ပြီး နယ်စပ်ကုန်သွယ်ရေးမှ တင်ပို့မူသည် တန်ချိန် ၇၅၆၉၁၈၊ တန်ဖိုးအားဖြင့် ကန်ဒေါ်လာ ၃၂၅ ဒသမ ၀၃၆ သန်းရှိကြောင်း ယင်းစာရင်းများအရ သိရသည်။

နယ်စပ်ကုန်သွယ်ရေးတွင် မြဝတီနယ်စပ်ထက် တရုတ်နယ်စပ်မှ တင်ပို့မှုပိုများပြီး တစ်ရက်လျှင် အိတ်သုံးသောင်းခန့် ရှိကြောင်း ဘုရင့်နောင်ဈေးကွက် ပိတောက်လမ်းရှိ ဆန်ရောင်းဝယ်ရေး လုပ်ငန်းရှင်တစ်ဦးက ပြောကြားသည်။

ယမန်နှစ်က ရာကျော်နှင့် ငစိန်ဆန်များသာ တရုတ်နိုင်ငံကို တင်ပို့နိုင်ခဲ့သော်လည်း ယခုနှစ်တွင် ဆန်အမျိုးအစားစုံ တင်ပို့နေကာ ဖွဲနုကိုလည်း တင်ပို့နေကြောင်း ၄င်းကဆိုသည်။

ယခင်နှစ်တွင် တရုတ်နယ်စပ် ကုန်သွယ်ရေးသို့ ဆန်အလုံးအရင်းနှင့် တင်ပို့ခဲ့ပြီး လက်ကျန် ဆန်ပမာဏကိုခန့်မှန်းရန် ခက်ခဲနေကြောင်း၊ ယခင်က ဆန်ဈေးတက်ရသည့် အကြောင်းအရင်းတွင် ပြည်တွင်း လှောင်လက် အချင်းချင်း ဈေးကြိုက်၍ဝယ်ပြီး တက်ဈေးမျှော်မှန်းကာ လှောင်ကြခြင်း ဖြစ်၍ ပြည်တွင်း၌ပင် ဂိုဒေါင်ပြောင်း လည်ပတ်သည့်သဘောဖြစ်ကြောင်း၊ ယခု ဆန်ဈေးတက်သည်မှာ ပြည်ပသို့ ထွက်သွားခြင်းဖြစ်၍ ဆန်လက်ကျန်မည်မျှရှိသည်ကို ခန့်မှန်းရန် မဖြစ်နိုင်ကြောင်း ဘုရင့်နောင် စိန်ပန်းလမ်းမှ ဆန်ရောင်းဝယ်ရေး လုပ်ငန်းရှင်တစ်ဦးက ပြောကြားသည်။
"တရုတ်က အကုန်ဝယ်တယ်၊ ဆန်ကွဲ အစုတ်အပြတ်ပါမကျန် ဝယ်တာ"ဟုပြည်ပသို့ ဆန်စီးထွက်ပြီး ဆန်ဈေးအချိန်မတိုင်ခင် တက်ရသည့် အကြောင်းရင်းကို ရှင်းပြသည်။

မြန်မာနိုင်ငံ၏ပြည်ပသို့ ပုံမှန်ဆန်မတင်ပို့နိုင်ခဲ့၍ ဈေးကွက်ပျောက် သလို ဖြစ်နေရာမှ ဈေးကွက်ပြန်ရလာပြီး ၂၅ မှတ် အမျိုးအစားတန် နိမ့်ဆန်များ အာဖရိကနိုင်ငံများကို တင်ပို့နေရာမှာ ဆန်အရည်အသွေး သတ်မှတ်ချက်တွင် အကဲဆတ်သည့်ဂျပန် နှင့် ဥရောပနိုင်ငံများကို အရည်အသွေးကောင်း ဆန်များ တင်ပို့လာနိုင်ကြောင်း မြန်မာနိုင်ငံ ဆန်စပါးလုပ်ငန်း အသင်းချုပ်ဥက္ကဋ္ဌ ဦးချစ်ခိုင်က ဆိုသည်။

မြန်မာနိုင်ငံ၏ ဆန်ဈေးကွက် အစဉ်အလာအရ သင်္ကြန်အပြီးတွင် နွေစပါးများ လှိုင်လှိုင်ထွက်ရှိချိန် ဖြစ်၍ ဆန်ဈေး တက်လေ့တက်ထရှိသည့် အချိန်မဟုတ်။

နှစ်စဉ် ဆန်ဈေးတက်ချိန်သည် ထွန်တုံးပိတ်ချိန်ဟု ခေါ်သည့် ဇူလိုင်၊ သြဂုတ်၊ စက်တင်ဘာ လများဖြစ်သဖြင့် ယခုနှစ်ဆန်ဈေးတက်သည်မှာ စောနေကြောင်း၊ ရန်ကုန် ဆန်ဈေးတက်သည့် အရှိန်နှင့် နယ်စပါးဈေးသည်လည်း တင်း ၁၀၀ ကိုကျပ် ၈၀၀၀၀ ခန့် ဈေးမြင့်လာပြီး လေးသိန်း အထိရောက်နေကြောင်း မြောင်းမြမြို့မှ ဆန်စက်လုပ်ငန်းရှင် တစ်ဦးက ပြောကြားသည်။

ယခုနှစ်တွင် မိုးခေါင်မှုကြောင့် နွေစပါးစိုက် ဒေသတချို့ ရေမရသည့် အခက်အခဲကြောင့် နွေစပါးမျှော်မှန်းသလောက် မထွက်ဖြစ်နေ၍ နွေစပါး ပေါ်ပြီးခါစမှာပင် စပါးဈေးနှင့် ဆန်ဈေး တစ်ပြိုင်နက်တည်း တက်ခဲ့ကြောင်း ၄င်းက ဆက်လက်ရှင်းပြသည်။

လက်ရှိဒေါ်လာဈေး ၉၆၀ ခန့်ဖြစ်လာချိန်တွင် သင်္ဘောတင်သည့်သူများ ဆန်ဝယ်ယူစုဆောင်း မှု မြင့်တက်နေပြီး လက်ရှိဈေးသည် အမြင့်ဆုံးဖြစ်နေသည်ဟု ယူဆသည့် ဘုရင့်နောင် လှောင်လက် များနှင့် ရန်ကုန် လက်လီဆိုင်များက ရောင်းကုန်သလောက်သာ ဝယ်တော့ပြီး လှောင်ရန်စိတ် မကူးကြတော့ကြောင်း တောင်ဒဂုံမြို့နယ် စည်ပင်လမ်းမှ ဆန်လက်လီရောင်းချသူ တစ်ဦးက ပြောကြားသည်။

မြန်မာနိုင်ငံ ဆန်စပါးအသင်းချုပ်ကမူ ဆန်ဈေးများ မြင့်တက်လာချိန်တွင် အချိန်ကိုက် အရန်ဆန်များ ထုတ်ရောင်းပေးမည်ဟု ကြေညာထားသည်။

နှစ်စဉ် ဆန်ပိုလျှံသည့် မြန်မာနိုင်ငံတွင် ဆန်ပြတ်လပ်ရန် မဖြစ်နိုင်သော်လည်း ဒေါ်လာဈေး တက်သည့်အရှိန်၊ တရုတ်နယ်စပ် ဝယ်လိုအား ကြီးကြီးမားမားရှိနေသည့် အရှိန်၊ ရာသီဥတုကြောင့် ဆန်အထွက် ဆုတ်ယုတ်ခဲ့သည့် အကျိုးဆက်တို့ကြောင့် ဆန်လက်ကျန် နည်းပါးလာလျှင် ပြည်ပသို့စံချိန် တင် တင်ပို့မှုနှင့်အတူ ပြည်ပဆန်ဈေးကွက် သည်လည်း စံချိန်တင်ဈေးနှုန်းများ ရောက်သည်အထိ မြင့်တက်နိုင်သည်ဟု ဆန်ရောင်းဝယ်ရေး လုပ်ငန်းရှင်များက ခန့်မှန်းထားကြသည်။

လက်ရှိနွေစပါး ပေါ်ဆဲအချိန်တွင် လယ်သမားများ စပါးရောင်းနေဆဲ ဖြစ်ပြီး လယ်သမားအတွက် စပါးဈေးကောင်းရရန် စပါးဈေးမြင့်ရန် ကြိုးစားလုပ်ဆောင်ထားရကြောင်း မြန်မာနိုင်ငံ ဆန်စပါးလုပ်ငန်း အသင်းချုပ် ဒုတိယဥက္ကဋ္ဌ ဦးအောင်သန်းဦးက ပြောကြားသည်။
"လက်ရှိ အနေအထားက ဈေးနှုန်း ခန့်မှန်းရ စောသေးတယ်။ စားသုံးသူနဲ့ လယ်သမားနှစ်ဖက်စလုံး မျှတအောင် ထိန်းညှိပေးသွားမယ်"ဟု ၄င်းကဆိုသည်။

ယခုဆန်ကြမ်းဈေး ရောက်နေသည့် ဈေးနှုန်းသည် ပြီးခဲ့သည့်နှစ်က စပါးဟောင်း ပြတ်ချိန် စပါးအသစ် မပေါ်ခင် စပ်ကူးမပ်ကူး ဈေးနှုန်းဖြစ်နေကြောင်း တရုတ်မှအဝယ် ဆက်တိုက်ရှိနေပြီး ငွေဈေးဆက်မြင့် နေလျှင် ဆန်ဈေးကျရန်ထက် အတက်ကိုသာ ဦးတည်နိုင်သည်ဟု ဝါးတန်းကုန်စည်ဒိုင် အခြေစိုက် ဆန်ရောင်းဝယ်ရေး လုပ်ငန်းရှင် ဦးချမ်းက ဆိုသည်။

မြန်မာနိုင်ငံသည် ၁၉၆၀-၁၉၆၃ ခုနှစ်က ကမ္ဘာပေါ်တွင် ထိပ်တန်းဆန် တင်ပို့သည့်နိုင်ငံ ဖြစ်ခဲ့ပြီး ဆန်တန်ချိန် ၁ ဒသမ ၇ သန်းအထိ တင်ပို့နိုင်ခဲ့သည်။
နိုင်မင်းဝေ
The Voice Weekly

ခြေတစ်လှမ်းတိုးလာသော ဓားနှစ်လက် ငြိမ်းချမ်းရေး

အနီနှင့်အစိမ်းရောင် အလယ်တွင် ဓားနှစ်လက် ကန့်လန့်ဖြတ်ထားသော အလံကို မြစ်ကြီးနားရှိ ကချင်လူမျိုးတို့၏ လက်ထဲတွင် ကိုယ်စီကိုင်ဆောင်လျက် သောင်းချီသော လူအုပ်ကြီးသည် ကချင်အမျိုးသားသီချင်းကို သံပြိုင် ဟစ်အော်နေကြသည်။

ထိုမြင်ကွင်းမှာ ပြည်ထောင်စုငြိမ်းချမ်ရေး ဖော်ဆောင်ရေးလုပ်ငန်း ကော်မတီနှင့် ကေအိုင်အိုအဖွဲ့ တို့မြစ်ကြီးနားတွင် ငြိမ်းချမ်းရေး ဆွေးနွေးရန်အတွက် ကေအိုင်အိုငြိမ်းချမ်းရေး ကိုယ်စားအဖွဲ့ကို မြစ်ကြီးနား ဒေသခံများက မေလ၂၇ ရက် နေ့တွင် ကြိုဆိုကြခြင်း ဖြစ်သည်။
ယင်းကဲ့သို့ မြစ်ကြီးနားလူထုက ကေအိုင်အိုအဖွဲ့ကို လူသောင်းချီကြိုဆိုခြင်း သည် ပထမဆုံး မြင်ရသည့် မြင်ကွင်း ဖြစ်ကြောင်းဒေသခံ တို့က တူညီစွာပြောဆိုကြသည်။
"ဒီနေ့ကို ဓားနှစ်လက်အလံ လေပေါ်ပျံဝဲတဲ့နေ့လို့ ပေးထားတယ်" ဟု ကေအိုင်အို ငြိမ်းချမ်းရေး အဖွဲ့ကို လာရောက်ကြိုဆိုသည့် ကချင်လူငယ်ခေါင်းဆောင် တစ်ဦးက ဆိုသည်။

အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကေအိုင်အိုတို့၏ ငြိမ်းချမ်းရေး ဆွေးနွေးပွဲတွင် တိုက်ပွဲများ ရပ်စဲနိုင်ရေးကို ဆွေးနွေးနိုင်မည်ဟု မျှော်လင့်ကြောင်း ကြိုဆိုသည့် စစ်ဘေးရှောင် ဒုက္ခသည်များက တူညီစွာပြောဆိုသည်။

"တိုက်ပွဲရပ်ဖို့ သဘောတူညီရင်တော့ အိမ်ပြန်ချင်တယ်" ဟု အသက် ၈၁ အရွယ် ဦးဖော်မိုင်ဂမ်က ရင်ဖွင့် ပြောပြသည်။

ယခုလအတွင်းတွင် တပ်မတော်နှင့် ကေအိုင်အိုတို့ တိုက်ပွဲများ ဖြစ်ပွားခြင်း မရှိသော်လည်း နေရပ်ပြန်ရန်မှာမူ ကေအိုင်အို နှင့် တပ်မတော်တို့ အပစ်အခတ် ရပ်စဲရေး လက်မှတ် မထိုးလျှင် တိုက်ပွဲပြန်ဖြစ်မည်ကို စိုးရိမ်သောကြောင့် နေရပ်ကို မပြန်ခြင်းဖြစ်ကြောင်း ဒေသခံတို့က တူညီစွာ ပြောဆိုကြသည်။

သို့သော် ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ကေအိုင်အိုတို့ ဆွေးနွေးပွဲသည် အပစ်အခတ် ရပ်စဲရေး သဘောတူညီမှုကို စာချုပ်ချုပ်ဆိုနိုင်ခြင်း မရှိပေ။ ယင်းဆွေးနွေးပွဲတွင် ယခင် ဆွေးနွေးခဲ့ကြသည့် အတိုင်း အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီက အပစ် အခတ်ရပ်စဲရေး သဘောတူညီမှု စာချုပ်ချုပ် ဆိုပြီး နိုင်ငံရေးအရ ဆက်လက်ဆွေးနွေးရန် သဘောထား ရှိသော်လည်း ကေအိုင်အိုဘက်ကမူ အပစ်အခတ်ရပ်စဲရေး သဘောတူညီမှု လက်မှတ်မထိုးဘဲ နိုင်ငံရေး ဆွေးနွေးရန်သာ ဆန္ဒရှိနေသည်။ သို့သော် ယခုဆွေးနွေးပွဲ တွင် အပစ်အခတ်ရပ်စဲရေး သဘောတူညီမှု မပါဝင်သော်လည်း အချက်ခုနစ်ချက် ပါသည့် သဘောတူညီချက် တစ်ရပ် ချမှတ်နိုင်ခဲ့သည်။

ယင်းသဘောတူညီချက် ခုနစ်ချက်တွင် နိုင်ငံရေးဆွေးနွေးမှုများ ဆက်လက်ဆောင်ရွက်ရန်၊ နှစ်ဖက် ပစ်ခတ်တိုက်ခိုက်မှုများ လျှော့ချခြင်းနှင့် တိုက်ပွဲများ ထပ်မံ မဖြစ်ပွားအောင် ထိန်းသိမ်းရန်၊ နှစ်ဖက် ကိုယ်စားလှယ်များ ပါဝင်သော စောင့်ကြပ်ကြီးကြပ်ရေး အဖွဲ့ ဖွဲ့စည်းရန်၊ နယ်မြေလုံခြုံရေး အရ နေရပ်စွန့်ခွာ ရွှေ့ပြောင်းနေထိုင်သော ပြန်လည်ထူထောင်ရေး ကိစ္စရပ်များကို ညှိနှိုင်းကာဆောင်ရွက် ရန်၊ တပ်ပိုင်းဆိုင်ရာ တပ်နေရာချထားမှုများ ဆက်လက် ညှိနှိုင်းဆောင်ရွက်ရန်၊ ကေအိုင်အို ကိုယ်စားလှယ် နှင့် အလုပ်အဖွဲ့ (Technical Team) ကို မြစ်ကြီးနားတွင် ထားရှိရန်နှင့် နောက် တစ်ကြိမ် ဆွေးနွေးပွဲတွင် ယခုတက်ရောက်သော ကိုယ်စားလှယ်များ တက်ရောက်ရမည် ဖြစ်ပြီး အခြားအဖွဲ့များကို ဖိတ်ကြားလိုပါက နှစ်ဖက်ညှိနှိုင်း ဆောင်ရွက်ရန် တို့ပါဝင်သည်။
ယင်းသဘောတူညီချက် နှင့်ပတ်သက်၍ ကာကွယ်ရေးဝန်ကြီးဌာနမှ ဒုတိယ ဗိုလ်ချုပ်ကြီးမြင့်စိုးက "အပစ်အခတ် ရပ်စဲရေး လက်မှတ်မထိုးနိုင်လို့ ငြိမ်းချမ်းရေး အလှမ်းကွာတဲ့သဘော မဟုတ်ပါဘူး။ ငြိမ်းချမ်းရေးအတွက် ဆက်လက်ဆွေးနွေးသွားမှာ ဖြစ်ပါတယ်" ဟုဆိုသည်။

တရုတ်ပြည်သူ့သမ္မတနိုင်ငံ ရွှေလီမြို့တွင် ဆွေးနွေးခဲ့ရာတွင် နှစ်ဦးနှစ်ဖက် သဘောတူ ကြေညာချက် ထုတ်ပြန်နိုင်သည် မှအပ လက်မှတ်ရေးထိုးနိုင်ခြင်း မရှိခဲ့သော်လည်း ယခုဆွေးနွေးပွဲသည် သဘောတူလက်မှတ် ရေးထိုးနိုင်သည့် အဆင့်သို့ တက်လာခဲ့ပြီဖြစ်သည်။
သို့သော် ပညာရေး၊ လူမှုရေး၊ စီးပွားရေးဆုံးရှုံး ပျက်စီးခဲ့ရသော ဒုက္ခသည်များအဖို့မူ လိုချင်သည့်အဖြေနှင့် လွဲနေဆဲ ဖြစ်သည်။

"ဒုက္ခသည်စခန်းမှာ နေရတာစားစရာ တွေရပေမယ့်မပျော်ဘူး။ ကိုယ့်အိမ်လို စားချင်တိုင်း မစားနိုင်ဘူး" ဟု မိုင်းနား KBC ဒုက္ခသည်စခန်းတွင် နေထိုင်သူတစ်ဦးက ရင်ဖွင့်သည်။

တိုက်ပွဲများ ဖြစ်ပွားခဲ့ခြင်းကြောင့် နေရပ်စွန့်ခွာလာသည့် ဒုက္ခသည်များမှာ အပစ်အခတ်ရပ်စဲခြင်းကို လိုချင်၍မဟုတ်ဘဲ နယ်မြေ တည်ငြိမ်အေးချမ်းခြင်းကိုသာ လိုချင်ခြင်းဖြစ်သောကြောင့် ကေအိုင်အို အနေဖြင့် အကောင်အထည်ဖော် ဆောင်ရွက်သွားမည်ဖြစ်ကြောင်း ဗိုလ်ချုပ်ဂွမ်မော်က မှတ်ချက် ပေးသည်။

တပ်မတော်နှင့် ကေအိုင်အေတို့ နှစ်နှစ်တာတိုက်ပွဲကာလအတွင်းတွင် တိုက်ပွဲပေါင်း ၂၄၀၀ကျော် ဖြစ်ပွားခဲ့ပြီး လက်ရှိတွင်လည်း ရှမ်းပြည်နယ်မြောက်ပိုင်း ကေအိုင်အေ တပ်မဟာ(၄) နယ်မြေတွင် တိုက်ပွဲများ ဖြစ်ပွားနေဆဲဖြစ်သည်။

အထက်ပါ သဘောတူညီမှုလက်မှတ် ရေးထိုးမှု မတိုင်မီ တစ်ရက်အလိုတွင် ကာကွယ် ရေးစီးဦးစီးချုပ်၏ အာဏာကုန် လွဲအပ်ထားသော ဒုတိယဗိုလ်ချုပ်ကြီးမြင့်စိုးနှင့် ကေအိုင်အေ ဒုတိယ ကာကွယ်ရေးဦးစီးချုပ် ဗိုလ်ချုပ်ဂွမ်မော်တို့ တပ်ပိုင်းဆိုင်ရာ ကိစ္စများ ဆွေးနွေးခဲ့သော်လည်း သဘောတူလက်မှတ် ထိုးရာတွင်ဆက်လက်ဆွေးနွေးရန်သာ ပါဝင်ခဲ့သည်။

လေ့လာအကဲခတ်သူတို့၏ အဆိုအရမူ တပ်ပိုင်းဆိုင်ရာ ကိစ္စရပ်များ ဆွေးနွေးရာတွင် သဘောတူညီချက် မရရှိသေး၍ အပစ်အခတ်ရပ်စဲရေးကို လက်မှတ်မထိုးခြင်း ဖြစ်နိုင်ကြောင်း မှတ်ချက်ပေးသည်။

ကေအိုင်အိုအတွက် အပစ်အခတ် ရပ်စဲရေးသည် ငြိမ်းချမ်းရေး ဆွေးနွေးပွဲ အတွက် အခရာတော့ မဟုတ်ပေ။ နိုင်ငံရေးဆွေးနွေးမှုဖြင့်သာ ငြိမ်းချမ်းရေးဆွေးနွေးမည်ဟု ဆိုခဲ့သည့်အတိုင်း ဆွေးနွေးမှုများသာ ဆက်လက်ပြုလုပ်ပြီးမှသာ အပစ်အခတ် ရပ်စဲရေးကို သဘောတူညီမည့် အနေအထားရှိနေသည်။ သို့သော် အကြိမ်ကြိမ် ဆွေးနွေးမှုအဆင်မပြေခဲ့သော ကေအိုင်အိုသည် ယခုဆွေးနွေးပွဲတွင် သဘောတူညီမှု ရရှိသည်အထိ အစိုးရနှင့် လက်မှတ်ရေးထိုးနိုင် ခဲ့ခြင်းသည် ခြေလှမ်းတစ်လှမ်း တက်လာခြင်းပင် ဖြစ်သည်။

အစိုးရအနေဖြင့် အခြားတိုင်းရင်းသားများကဲ့သို့ အပစ်ရပ်စဲရေး သဘောတူညီမှု လက်မှတ်ထိုးခြင်း လုပ်ဆောင်ပြီးမှ တိုက်ပွဲများ ပြန်လည်ဖြစ်ပွားခြင်း ဖြစ်ပွားမည်ဆိုပါက ဆက်လက်ညှိနှိုင်းရန် လွယ်ကူမည် မဟုတ်ကြောင်း လက်နက်ကိုင် တိုင်းရင်းသားအဖွဲ့အစည်းများမှ လေ့လာသူတို့က သုံးသပ်သည်။
"ကေအိုင်အိုက အစိုးရနဲ့ ဖြတ်သန်းမှု များလာတဲ့အတွက် တော်တော်လေး ဂရုစိုက်ရလိမ့်မယ်"ဟု တိုင်းရင်းသား လေ့လာသူတစ်ဦးက ဆိုသည်။

လက်ရှိ အချက်ခုနစ်ချက်ပါသော သဘောတူညီမှုသည် ရှေ့ဆက်လုပ်ကိုင်မည့် အချက်အလက်များကို ကနဦးချုပ်ဆိုခြင်း ဖြစ်သည့်အတွက် ကေအိုင်အို အနေဖြင့် ရှေ့တိုးနောက်ဆုတ် လုပ်နိုင်သည့် အခြေအနေ ဖြစ်သောကြောင့် တစ်ဦးနှင့်တစ်ဦး ယုံကြည်မှုဖြင့် လုပ်ဆောင်ရန် အရေးကြီးကြောင်း တိုင်းရင်းသား လေ့သာသူတို့က မှတ်ချက်ပေးကြသည်။

ကေအိုင်အို ငြိမ်းချမ်းရေး ကိုယ်စားလှယ်အဖွဲ့ကို သောင်းချီသော လူအုပ်ကြီးသည် ဓားနှစ်လက်အလံကို ကိုင်ဆောင်၍ ကြိုဆိုခဲ့သည်။ အဖြေကားထွက်လာပြီ။ ကေအိုင်အို သည် အချက်ခုနစ်ချက်ကို သဘောတူ လက်မှတ်ထိုးခြင်းဖြင့် အစိုးရ၏ ငြိမ်းချမ်းရေးတံတားကို ဖြတ်ကူးရန် သံသယများဖြင့် ခြေတစ်လှမ်းတိုးလိုက်ပြီဟု ဆိုရမည် ဖြစ်သည်။
မင်းထက်စံ
The Voice Weekly

အကြောင်းရှာတော့ ခေါင်းချာချာလည်

ပြီးခဲ့သော မိုးတွင်းကာလ တာမွေအဝိုင်းထိပ် ရေကြီးရေလျှံနေသည့် မြင်ကွင်း

မြန်မာနိုင်ငံ၏ လူဦးရေ ၁ဝပုံ ၁ပုံ ခန့်ရှိသော စီးပွားရေးမြို့တော် ရန်ကုန်၏ မိုးကာလကမူ အတော်ပင်ရုန်းရင်းဆန် ခတ်နိုင်လှသည်။မိုးရွာသည်။ မိုးရွာ သည်နှင့် ရေကြီး ရေလျှံသည်။ ရေလျှံသည်နှင့် ကားလမ်း များပိတ်သည်။ ယင်းအပြင် အခြားသော ပြဿနာများကလည်း များစွာ . . .”မနေ့က မိုးရွာတယ်လေ။ ဆိုင်က ဆိုင်းဘုတ်လုပ်တဲ့ ဖိုင်ဘာပြားတွေဆို မနည်းဘူး ရေထဲပါသွားတာ။ တစ်သိန်းဖိုးဝန်းကျင်လောက် ရှိတယ်” ဟု ရန်ကုန်မြို့၏ ဈေးကွက်တစ်နေရာ ဖြစ်သော တာမွေမြို့နယ် ၁၃၈ လမ်းထိပ်တွင် ဆိုင်းဘုတ်ရေးသူ ဦးဝင်းဌေးက ပြောသည်။

မိုးတွင်းကာလ ရန်ကုန်မြို့၏ အဓိကပြဿနာ မှာ မိုးရွာသည့်အချိန်တိုင်း ရေကြီးရေလျှံမှု ဖြစ် ပေါ်နေခြင်း ဖြစ်သည်။ရေကြီးရေလျှံဖြစ်ပေါ်ရသည့် အကြောင်းရင်း များထဲ တွင် မြောင်းများအတွင်း အမှိုက်များ ပိတ် ဆို့နေခြင်းမှာ တစ်ခုအပါအဝင် ဖြစ်သည်။ရန်ကုန် စည်ပင်သာယာနယ်နိမိတ်အတွင်း တစ်နေ့ အမှိုက်တန်ချိန် ၁၆ဝဝ ခန့် ထွက်သည်။ သို့သော် ယင်းအမှိုက်များ အားလုံးမှာ နောက်ဆုံး စွန့်ပစ်အမှိုက်ပုံသို့ မရောက်။ ထွက်ရှိအမှိုက်များထဲ မှ တန် ၁ဝဝခန့်မှာ နေအိမ်များမှ မီးရှို့ဖျက်ဆီးခြင်း နှင့် နောက်ဖေးလမ်းကြားများအပါအဝင် မြောင်း ကြိုမြောင်းကြားများအတွင်းသို့သာ စည်းကမ်းမဲ့ စွန့်ပစ်နေမှု များရှိနေသည်ဟု ပတ်ဝန်းကျင်ထိန်း သိမ်းရေးနှင့် သန့်ရှင်းရေးဌာနမှ သိရသည်။

နောက်ဖေးလမ်းကြားများနှင့် မြောင်းများအ တွင်းရောက်ရှိသွားသော ထိုစည်းကမ်းမဲ့အမှိုက် များ စွန့်ပစ်မှုဒဏ်ကို မိုးတွင်းကာလ၌ မြို့နေ ပြည်သူများ ရေကြီးရေလျှံခြင်း ဒဏ်အဖြစ် တန်ပြန် ခံစားကြရသည်။ရန်ကုန်စည်ပင်က ယခုနှစ် မိုးတွင်းကာလ အတွက် စည်ပင်နယ်နိမိတ်အတွင်းရှိ မြောင်းများ အားလုံးကို နုန်းများ၊ အမှိုက်များ ဆယ်ယူပေးသွား မည်ဟု ဆိုသည်။ယခင်နှစ်အထိ နှစ်စဉ်နှစ်တိုင်း ရန်ကုန်မြို့ တွင်း၌ ရေကြီးရေလျှံမှု ဖြစ်ပေါ်တတ်သော နေရာ ၅ ခုရှိသည်။ရန်ကုန်စည်ပင်မှ ထုတ်ဖော်ပြောကြား သော ယင်းနေရာ ၅ ခုမှာ မင်္ဂလာတောင် ညွန့်မြို့နယ်ရှိ မြန်မာ့ဂုဏ်ရည်လမ်း (လမ်း ၉ဝ၊ ၉၁လမ်း၊ မန္တလေးလမ်း ဝန်းကျင်)၊ ၁၃၆ လမ်း (မင်္ဂလာမွန် ဈေးနှင့် ယုဇနပလာဇာ)၊တာမွေ အဝိုင်းထိပ်၊ ရန်ကင်းမြို့ နယ် မြောက်မြင်းပြိုင် ကွင်းလမ်းပတ်ဝန်းကျင် နှင့် သင်္ဃန်းကျွန်းမြို့နယ် ဝေဇယန္တာလမ်း (ဝေဇယန္တာရှောပင်းစင်တာအရှေ့ ဘက်ဝန်းကျင်) နေရာများဖြစ်သည်။

ယခုနှစ်အတွက်မူ မိုးများစွာရွာသွန်းမှု မရှိ သေး၍ ရေကြီးရေလျှံသည့်နေရာများကို အတိ အကျမပြောကြားနိုင်သေးဟု စည်ပင်ကဆိုသည်။မြို့ပြစီမံကိန်းပညာရှင်များကမူ ရန်ကုန်မြို့ ရေကြီးရေလျှံဖြစ်ပွားနေမှုများမှာ ရေစိမ့်ဝင်ဧရိယာ ဖြစ်သည့် ပန်းခြံများ၌ လူဦးရေတိုးပွားလာမှုအရ အဆောက်အအုံများဆောက်ခြင်း၊ ရေနုတ်မြောင်း များ တည်ရှိသောလမ်းများ၌ မြောင်းများအားပိတ် ၍ လူနေအိမ်များတည်ဆောက်ခြင်းနှင့် ရေစိမ့် ဝင်နိုင်သော မြေသားလမ်းများနေရာတွင် ကွန်က ရစ်လမ်းများခင်းခြင်း တို့ကြောင့်ဖြစ်သည်ဟု သုံး သပ်ထားသည်။ ယင်းအပြင် မိုးရွာသွန်းပါက မြောင်းများထဲမှ သယ်ထုတ်ထားသည့် အမှိုက်များ အချိန်မီမသိမ်း ဆည်းနိုင်ခြင်းက လည်း မြောင်းပိတ်ဆို့ရေလျှံခြင်း ကို သံသရာလည်စေသည်။

ထို့အပြင် လမ်းမများ ပေါ်ရှိ မြောင်းဖုံးများမှာ ခိုင်ခံ့မှုမရှိ၍ ရေတိုးပါက ပွင့်အန်လာခြင်း၊ ဌာနမှ အမှိုက်များ ရှင်းလင်းနေစဉ်မြောင်းဖုံးများဖွင့်လှစ်ထားခဲ့ခြင်းများလည်း ရှိ ပြီး
တစ်ခါတစ်ရံ မိလ္လာအိုးများ ပွင့်တတ်ခြင်းများ ရန်ကုန်မြို့လူထု ကြုံကြိုက်နေရသည်။နှစ်စဉ်ရေကြီးရေလျှံတတ်သော တာမွေအဝိုင်း ထိပ်တွင် ကွမ်းရောင်းသည်မှာ ၅ နှစ်သက်တမ်း ရှိပြီဖြစ်သူ ဦးထွန်းဝင်းမင်းက ”တကယ်ရေကြီးလို့ရှိ ရင်ကားလမ်းတွေပေါ် မိန်းကလေးတွေ မဆင်းရဲ ဘူး။ ယောက်ျားလေးတွေက ဝိုင်းပြီး ကူဆွဲခေါ်ရ တယ်။ ကားတွေလည်း တန်းစီပြီး ပျက်တော့တာပဲ”ဟု နှစ်စဉ်နှစ်တိုင်းကြုံတွေ့နေရမှုကို ပြောပြသည်။ တာမွေသား ဦးထွန်းဝင်းမင်း၏ အဆိုအရ ၎င်းတို့ မြို့နယ်သို့ မိုးမကျမီ ရန်ကုန်စည်ပင်မှ မြောင်းများလာရောက် ဖော်ဆောင်သော်လည်း နေရာအနှံ့တော့မဟုတ်။ ကွက်ကျားရိုက်သွား ခြင်းဖြစ်သည်။ မြောင်း ပေါက်များမှာလည်း ကျဉ်းနေ၍ မိုးရွာပြီးသည်နှင့် ရေက တန်းမကျဘဲ ရေကျရန် အချိန် ၄/၅ နာရီ ခန့် စောင့်ရသည်ဟု ဆိုသည်။

”လူတွေကမမြင်ဘဲ စမ်းတဝါးဝါး သွားနေရ တဲ့အတွက် မြောင်းထဲ ထိုးကျမှာပဲ စိုးရိမ်နေရတာ”ဟု ၎င်းက မိုးကာလရေလျှံပါက ဖြစ်ပွားလေ့ရှိသော အခြေအနေကို ဆက်ပြော သည်။ ရန်ကုန်မြို့နေပြည်သူများ ပြောကြားချက် အရ ရေကြီးရေလျှံမှုအတွက် ရန်ကုန်စည်ပင်မှ မြောင်းများ လာရောက် ရှင်းလင်းပေးသည့် အတွက် ငွေကြေးရယူမှုတော့ မရှိ။ သို့သော် ရေလျှံ၍ ဖုန်းဆက်အကြောင်းကြားပါက ရက်အတန်ကြာမှ လာရောက်ဆောင်ရွက်ပေးသည်။ ယင်းအပြင် ရှင်းလင်းရန် လိုအပ်နေ သည့် နေရာအားလုံး ကို တော့ ဆောင်ရွက်ခဲ့မှု မရှိပေ။တာမွေမြို့နယ် ကျိုက္ကဆံလမ်းတွင် နေထိုင်ပြီး တာမွေ အဝိုင်းထိပ်၌ ကွမ်းရောင်းသူ မရွှေစင်ဦးက ”ရေကြီးလို့ရှိရင် ဖုန်းဆက်တာပေါ့။ လေး၊ ငါးခါ ဆက်မှ လာပြီးဓာတ်ပုံတွေ ဘာတွေ ရိုက်သွား တာ” ဟု ၎င်း၏ ကိုယ်တွေ့ကို ပြောသည်။

ဧပြီလမှ စတင်၍ ရန်ကုန်စည်ပင်မှ မိုးကာလ ရေကြီးရေလျှံမှုမဖြစ်ပေါ်စေရေးအတွက် မြို့တွင်း မြို့နယ်များအပါအဝင် မြို့စွန်များ၌ ရေဆင်းမြောင်း များ မြေသားကွန်ကရစ် တည်ဆောက်ခြင်းနှင့် ရေ မြောင်းအတွင်း အမှိုက်၊ သဲ၊ အုတ်ခဲကျိုးများ ရှင်း လင်းခြင်းများ ပြုလုပ်နေသည်ဟု ၎င်းတို့ ကော်မတီ မှ ထုတ်ဝေသည့် မြို့တော်သတင်းစာတွင် ဖော်ပြ ထားသည်ကို စဉ်ဆက်မပြတ်တွေ့ ရှိရသည်။ကော်မတီမှ နှစ်စဉ်နှစ်တိုင်း ယင်းကဲ့သို့ ပြု လုပ်နေသည်ဟု ကြားသိရသော်လည်း ရေကြီးရေ လျှံမှုများက နှစ်စဉ်ကြုံကြိုက်မြဲ။ တစ်ပေမှ နှစ်ပေ အထိ မြင့်တက်စမြဲပင်။ရန်ကုန်စည်ပင် အင်ဂျင်နီယာဌာန (လမ်းနှင့် တံတား)မှ အမည်မဖော်လိုသော အကြီးတန်းအရာ ရှိတစ်ဦးက ”မြောင်းရှင်းတယ်ဆိုတာ တစ်ခါရှင်းပြီး ပြီးရမှာ။ အခုဟာက အမှိုက်ထပ်ပစ်တော့ ထပ် ပိတ်တာပဲ။ ဒီအမှိုက်တွေ ပြည်သူကပဲ ပစ်တာ”ဟု ပြောသည်။

ပြည်သူ့ထံမှရရှိသော အခွန်ငွေဖြင့် ရေမြောင်းဆယ်ခြင်း၊ ရေပိုက်များသွယ် တန်းခြင်း၊ လမ်းခင်းခြင်း၊ လမ်းမီးများ ထွန်းခြင်း အစရှိသည်များ အားလုံးကို ဆောင်ရွက်ရသည့်အတွက် လက်ရှိလူထု ထံမှရရှိသော အခွန်ငွေဖြင့် လောက်ငမှု မရှိကြောင်း ၎င်းက ဆက်ပြောသည်။၂ဝ၁၂-၂ဝ၁၃ ဘတ်ဂျက်နှစ်ကမူ ရန်ကုန် စည်ပင်၏ဘတ်ဂျက်ရငွေအားလုံး၏ ၂၁ ရာခိုင်နှုန်း ကိုမူ လမ်း/တံတားဌာနအတွက် အသုံးပြုခဲ့သည်။ရန်ကုန်တိုင်းဒေသကြီး လွှတ်တော်ကိုယ်စား လှယ်ဦးကျော်က ရန်ကုန်မြို့တွင်း မိုးကာလတိုင်း ရေကြီးရေလျှံမှု ဖြစ်ပေါ်နေခြင်းမှာ တိုးပွားလာ သော လူဦးရေအရ အသစ်ပြုပြင်တည်ဆောက် သင့်သော ရေနုတ်မြောင်းများ တိုးချဲ့ ဆောင်ရွက် နိုင်မှုမရှိဘဲ အဟောင်းကိုသာ ပြုပြင်ဖာထေးနေ သည့်အတွက် ဖြစ်သည်ဟု မှတ်ချက်ပေးသည်။ပြီးခဲ့သည့် လွှတ်တော် အစည်းအဝေးအရ လည်း လမ်းတံတားနှင့် ရေနုတ်မြောင်းများ ပြုလုပ် ရန် ဘတ်ဂျက်ငွေ ပိုမိုသုံးစွဲမည်ဟု ကြားသိရ၍ စီမံကိန်းတွေကို အပြောဖြင့် မပြီးဆုံးစေဘဲ လက် တွေ့ အကောင်အထည်ဖော်ဆောင်ရွက်စေလိုသည် ဟု ဆက်လက် ပြောသည်။

”ပြုပြင်ရေးကို လုပ်တဲ့အခါ စေတနာပါဖို့ လို တယ်။ ကိုယ့်အိတ်ထဲကိုပဲထည့်ဖို့ စဉ်းစားရင် တိုး တက်မှာ မဟုတ်ဘူး။ ဒုံရင်းက ဒုံရင်းပဲ ဖြစ်နေမှာ”ဟု ဦးကျော်က ပြောသည်။၎င်း၏ အတွေ့အကြုံအရ မိုးရေကြောင့် ရေ ကြီးရေလျှံခြင်းအပြင် ဒီရေတိုးခြင်းများကြောင့် လသာ၊ စဥ့်အိုးတန်းလမ်း၊ ၁၇ လမ်း၊ ၁၈ လမ်း အစရှိသည့် နေရာများတွင် မိုးတွင်းကာလ၌ ရေ နစ်မြုပ်မှုများဖြစ်ပေါ်ပြီး ဗန္ဓုလလမ်းနှင့် အနော်ရ ထာလမ်းများ၌လည်း မြေအောက်မိလ္လာအိုးများ အန်ထွက်ခြင်းများ ဖြစ်ပေါ်တတ်သည်ဟု ဆိုသည်။

ရန်ကုန်သည် စက်မှုဖွံ့ဖြိုးဆဲ နိုင်ငံ၏ စီးပွား ရေးမြို့တော်ဖြစ်သည့်အလျောက် စက်ရုံ၊ အလုပ်ရုံ များတွင် အလုပ်လုပ်ကိုင်သူထက် လက်လုပ်လက် စားနှင့် ဈေးသည်များ ပိုမိုများပြားသည်ဟု မြို့ ပြဖွံ့ဖြိုးမှု စီမံကိန်းပညာရှင် ဒေါက်တာကျော်လတ် က ပြောကြားခဲ့ဖူးသည်။သို့ဖြစ်ရာ နိုင်ငံ၏ လူဦးရေအများဆုံးနေ ထိုင်ရာဖြစ်သည့် အပြင် ဈေးသည်များ များပြားပြီး ရေကြီးရေလျှံမှု နှစ်စဉ်ဖြစ်သော ရန်ကုန်မြို့၏ လမ်းမကြီးများပေါ်တွင် မိုးတွင်းကာလ မြင်ကွင်းက ရုန်းရင်းဆန်ခတ်နိုင်လှသည် မှာ ပြေးကြည့်ရန်ပင် မလိုတော့။ပြဿနာတစ်ခုကို ဖြေရှင်းရန် ယင်း ပြဿနာပေါ်ပေါက်လာရသည့် အကြောင်းအရင်းကို စေ့ငုသေချာစွာ ရှာဖွေ ဆန်းစစ်ရန် လိုသည်။ ယခုတော့ …
ဝေမာထွန်း ၊ခိုင်နွယ်ဦး
Popular Myanmar News Journal

ငါးမန်း ကိုက်ကြ သူများ

ဓာတ်ပုံ- ကျော်ဇင်သန်း

“ငါးမန်းပွက်ပြီ .. ငါးမန်းပွက်ပြီ”
မီးစက်သံ တဖုန်းဖုန်းကို ကျော်ထွက်လာသော အသံဖြစ်၏။ ပင်လယ်ကမ်းစပ်မှ လာသည့် အသံမဟုတ်။ ဆယ်ပေပတ်လည် အခန်းကျဉ်းတစ်ခုဆီမှ ဖြစ်သည်။

စီးကျနေသည့် ချွေးသီး ချွေးပေါက်များကို သုတ်နေချိန်လည်းမရှိ။ မီးရောင်စုံလင်းလာသည့် စက်ခုံပေါ်မှ ကိန်းဂဏန်းများနှင့်အတူ ကိုတင်လှ(အမည်ပြောင်း) စိတ်လှုပ်ရှားစွာထအော်မိခြင်း ဖြစ်သည်။

ငါးမန်းပွက်သည်ဆိုသည်က လှိုင်၊ ကမာရွတ်၊ အင်းစိန်၊ တောင်ဥက္ကလာပစသည့် ရန်ကုန်မြို့ လူနေရပ်ကွက်များ၌ ခေတ်စားနေသည့် အရပ်ခေါ် ငါးမန်းရုံများ (ကာစီနိုရုံ) အောင်နိုင်ခြင်း စကားရပ် ဖြစ်သည်။

ရောင်စုံလိုက်ကာလေးများ ချထားပြီး ဆိုင်းဘုတ်မတင်၊ မထင်မရှား အခန်းကျဉ်းကလေးများတွင် ဖွင့်ထားသည့် ကာစီနိုလောင်း
ကစားရုံလေးများက တရားဝင် ခွင့်ပြုထားသလိုပင် ရန်ကုန်မြို့ လူနေထူထပ်သော နေရာများ၌ တွင်တွင်ကျယ်ကျယ် ပြန်လည်ဖွင့်လှစ်လာနေခြင်း ဖြစ်သည်။

စိတ်အပန်းဖြေကစားခြင်းဟု ဆိုသော်လည်း စွဲစွဲလမ်းလမ်းဖြင့် အလောင်းအစားဆန်ဆန် ကစားလာခြင်းတို့ကြောင့် စီးပွား၊ လူမှုဘ၀များ ဆုံးရှုံးကြရသည်အထိ ဖြစ်လာသည်။

“ဒီနေ့တော့ ကံကောင်းပြီ။ သူ့ကို စောင့်နေတာကြာပြီ။ ဘေးတိုက်တွေ ကျတာပဲ များတယ်” ဟု ချွေးပြိုက်ပြိုက်နှင့် အကျပင် မကပ်နိုင်အောင် ဇောကပ်နေသည့် ကိုတင်လှက ပြောသည်။

“နိုင်ပြီဆိုတော့ ခပ်ပါးပါးပဲ။ ရှုံးပြီဆိုရင်တော့ တစ်နေကုန်ရှာထားသမျှ အုံနာခတောင် မကျန်ဘူး။ မိသားစုစားဝတ်နေရေး အလွန်ဒုက္ခရောက်တယ်” ဟု တက္ကစီ ယာဉ်မောင်းတစ်ဦးက ဆိုသည်။

ယခုဖွင့်လှစ်ကြသည့် ကာစီနိုဂိမ်းစက်များမှာ ငမန်း၊ စင်ရော်၊ ကျီးကန်း၊ ခို၊ ၀က်ဝံ၊ ခြင်္သေ့ စသည်ဖြင့် အရုပ်များစွာ ပါဝင်သည်။ အရုပ်တစ်ခုချင်းစီလိုက်၍ ခလုတ်ခုံပေါ်မှ လျော်ပေးမည့်ငွေပမာဏမှာတူညီမှု မရှိဘဲ ကွဲပြားသည်။

မိမိလောင်းကြေး ထိုးလိုက်သည့် ပမာဏပေါ်မူတည်၍ လျော်ကြေးငွေရပါက လေးဆ၊ ခြောက်ဆ၊ ရှစ်ဆ၊ ဆယ့်နှစ်ဆနှင့် ငါးမန်းပွက်ပါက ၂၄ ဆ အထိ လျော်ကြေးရနိုင်ကြောင်း ယင်းကာစီနိုကို စွဲမြဲစွာ ကစားသူက ပြောသည်။

ကာစီနိုစက်မှ ပေးလျော်မှုမှာ လျှပ်စစ်ကိန်းဂဏန်းလေးများဖြစ်ပြီး ယင်းကိုဆိုင်ရှင်လည်းဖြစ်၊ ဒိုင်လည်းဖြစ်သူက ငွေကြေးနှင့် ပြန်လည်ပေးလျော်သည်။ စက်တွင်ပါဝင်သော အကောင်များထဲမှ မိမိကြိုက်နှစ်သက်သည့် အကောင်ကို ရွေးပြီး ထိုးနိုင်သည်။ မိမိထိုးထားသည့် အကောင်ကျပါက လျော်ကြေးငွေကို သတ်မှတ်ပေးထားသည့် အဆပမာဏအတိုင်းရသည်။

“မြို့နယ် တစ်မြို့နယ်မှာ ကာစီနိုဆိုင်လေးတွေ ငါးဆိုင်လောက် ရှိတယ်” ဟု တောင်ဥက္ကလာပမြို့နယ်မှ ငါးမန်းကာစီနိုဖွင့်လှစ်ထားသည့် ဆိုင်ရှင်တစ်ဦးက ဆိုသည်။

ကာစီနို လောင်းကစားဆိုင်များကို ယခင်က ဂိမ်းစင်တာကြီးများ၌သာ ဖွင့်လှစ်ကြသည်။ မိမိကစားလိုသည့် ပမာဏကို ငွေကြေးပေး၍ ၀ယ်ယူရသော်လည်းအနိုင်ရပါက တန်ဖိုးနှင့်ညီမျှသည့် လက်ဆောင်ပစ္စည်း အစားအစာများသာ ပြန်လည်လဲလှယ်ပေးသည်။ ငွေကြေးထုတ်ပေးခြင်းမရှိပေ။

“ငွေပြန်လဲပေးရင် အလောင်းအစား ၀ိုင်းကြီးလိုဖြစ်ပြီး ပြဿနာများလို့ အခုလို ပြောင်းလိုက်တာ။ ပိုင်ရှင်က ငွေပိုလိုချင်တာပေါ့” ဟု ရန်ကုန်မြို့ ကလေးကစားကွင်း တစ်ခုမှ ကာစီနိုတာဝန်ခံဟောင်း တစ်ဦးက ဆိုသည်။

ယခုကာစီနိုဂိမ်းစက်များမှာ လူနေရပ်ကွက်များသို့ ရောက်ရှိချိန်တွင် ငွေကြေးနှင့် အလျော်အစားပြုလုပ်လာသဖြင့် လူတန်းစားမျိုးစုံနှင့် လက်လှမ်းမီရာသို့ ရောက်လာသည်။

နေ့စဉ်ဝင်ငွေကောင်းသူများ၊ အလောင်းအစား ၀ါသနာပါသူများအတွက် ကာစီနိုဂိမ်းဆိုင်များမှာ ကွန်းခိုရာနေရာ တစ်ခုဖြစ်လာ
သည်။

ကစားစဉ်တွင် အနိုင်ရတတ်သော်လည်း စွဲစွဲလမ်းလမ်း ကစားမိပါက အရှုံးဆက်တတ်သည်။ ထိုသို့ အရှုံးဆက်သည့်အခါ လောင်းကစားသူများက မကျေနပ်မှုများကြောင့် စက်များ၊ ခလုတ်ခုံများ ထုရိုက်ချိုးဖဲ့ဖျက်ဆီးမှုများရှိကြောင်း တောင်ဥက္ကလာပမြို့နယ်မှ ဆိုင်တာဝန်ခံမန်နေဂျာတစ်ဦးက ရှင်းပြသည်။

“ကျောင်းဝတ်စုံနဲ့ဆိုရင်တော့ လုံးဝလက်မခံဘူး။ လူကြည့်ပြီးတော့ ဖွင့်ပေးရတာပေါ့။ ဒီအလုပ်က အရမ်းသည်းခံရတယ်” ဟု ယင်းမန်နေဂျာက ဆိုသည်။

ယခု ဖွင့်လှစ်ထားသည့် ကာစီနိုဂိမ်းများမှာ စတင်ကစားမည်ဆိုပါက အနည်းဆုံး ကျပ်တစ်ထောင်ခန့် ပေးရသည်။ ၂၀၀၀ ပြည့်နှစ်ဝန်းကျင်က ကာစီနိုဂိမ်းများ ကစားရာတွင် အကြွေစေ့များ ၀ယ်ယူ၍ ကစားခဲ့ရသည်။ ယင်းအချိန်က အကြွေစေ့တစ်စေ့လျှင် တစ်ဆယ်ကျပ် ၀န်းကျင်သာရှိပြီး အနည်းဆုံး ကျပ် ၅၀ မှ ကျပ် ၁၀၀ အတွင်း စတင်ကစားနိုင်သည်။ ယင်းအချိန်မှာ လောင်းကြေးအနိုင်ရ
မည်ဆိုပါက အကြွေစေ့များကို စက်မှ ထုတ်ယူပြီး ဆိုင်ရှင်ထံ၌ ပြန်လည်လဲယူရသည်။ ယခုကာစီနိုဂိမ်းများမှာတော့ စက်ခရင် အကွက်လေးထဲမှ ဒစ်ဂျစ်တယ်ကိန်းဂဏန်းများကိုသာ အတိုးအလျော့ပြုလုပ်ပေးသည်။ ကာစီနိုဂိမ်းစက်များကို လျှို့ဝှက်ဂဏန်းများဖြင့် တည်ဆောက်ထားပြီး ပိုင်ရှင်က နေ့စဉ် ပြောင်းလဲပေးလေ့ရှိသည်။

“ဆော့တာကြာတော့ တွက်လို့ရမယ် ထင်ပေမယ့် တကယ်မဲပြီးဆော့ရင် ပါသမျှကုန်တာပဲ” ဟု တောင်ဥက္ကလာ ကာစီနိုဂိမ်းဆိုင်တွင် ကစားနေသူတစ်ဦးက ဆိုသည်။

ကာစီနိုဂိမ်းများကို ကစားသူများမှာ စိတ်ထွက်ပေါက်အနေဖြင့် အပျင်းပြေစတင် ကစားကြသည်။
ငွေကြေးအနည်းငယ်ဖြင့် စတင်ကြသည်။ စက်နှင့်အပြိုင်ဉာဏ်စမ်းကစားရသည့် ဂိမ်းမျိုးဖြစ်သည့်အပြင် ငွေကြေးပါထည့်ဝင်လောင်း ရသည့်အတွက် ပိုမိုအာရုံစိုက်ပြီးစွဲလမ်းတတ်ကြောင်း ၎င်းက ရှင်းပြသည်။

တရားဝင်ခွင့်ပြုချက်မရှိ ဖွင့်ထားသည့် ရပ်ကွက်များအတွင်းမှ ကာစီနိုဂိမ်းဆိုင် အသေးလေးများမှာ ရပ်ကွက်မြို့နယ်မှ သက်ဆိုင် ရာ
အဖွဲ့အစည်းများကို တစ်လလျှင် ကျပ်ငါးသိန်းမှ ခုနစ်သိန်းကြားပေး၍ ဖွင့်လှစ်ကြခြင်းဖြစ်သည်။ ဂိမ်းဆိုင်တစ်ဆိုင်၏ တစ်ရက်ဝင်ငွေမှာ အနည်းဆုံးကျပ်သုံးသိန်းမှ ဆယ်သိန်းကြားရှိကြောင်း သိရသည်။

ဂိမ်းဆိုင်တစ်ဆိုင် ဖွင့်လှစ်ရန်အတွက် တရုတ်နိုင်ငံထုတ် ဂိမ်းစက်ရှစ်လုံးတစ်တွဲကို ကျပ်သိန်း ၃၀ ၀န်းကျင်ဖြင့် နယ်စပ်မှ တစ်ဆင့်တင်သွင်းကြကြောင်း သိရသည်။

နှစ်လုံး၊ သုံးလုံးထီများ အ နည်းငယ် ငြိမ်သက်ချိန်တွင် ဘော လုံးပွဲများက နေရာယူခဲ့သည်။ ယခုလည်း ရန်ကုန်၊ မန္တလေးမြို့ ကြီးများတွင် ကာစီနိုဂိမ်းများက ကြီးစိုးနေသည်။ ကျေးလက်ဒေ သများတွင်လည်း ချဲထီ၊ နှစ်လုံးထီများနှင့် လောင်းကစားများ၏ နှိပ်စက်မှုများက နိုင်ငံတော်သမ္မတကြီး ဦးသိန်းစိန်ကပင် နှုတ်မှ ဖွင့်ဟတားဆီးရသည်အထိ ဖြစ်လာသည်။

“မိုးစပါး၊ နွေစပါးပဲဖြစ်ဖြစ် စိုက်ပျိုးရေးအတွက် ထောက်ပံ့ကြေးပေးရင် ချဲမထိုးဖို့၊ လောင်းကစားမလုပ်ဖို့ သတိပေးရတယ်” ဟု ဆန်စပါးအထူးပြုကုမ္ပဏီတစ်ခုမှ ဒါရိုက်တာတစ်ဦးက ပြောဖူးသည်။
ပြည်သိမ်း၊ ချစ်ဝိုင်း
7Day News Journal

ဘဝကို စိန်ခေါ် ပြီး မသန်စွမ်းသူများ အခွင့်အရေးလှုပ်ရှားနေသူ စုပုံချစ်

“ကျွန်မက စာသင်ချိန်မှာ ခြေထောက်နဲ့ပဲ သင်ပါတယ်။ ဘာဖြစ်လို့လဲဆိုတော့ ကျွန်မမှာ က ဘယ်ဘက်ခြေထောက်တစ် ချောင်းပဲ ကောင်းလို့ပါ။ ကျွန်မ ၅တန်းလောက်အထိ ပြဿနာ မရှိခဲ့ပါဘူး။ ခွဲခြားပြီးလည်း ဆက်ဆံမခံခဲ့ရပါဘူး။ ၆တန်း နှစ်မှာ စပြီးတော့ တွေ့ရပါပြီ။ အတန်းထဲမှာ ၁ မှ ၁ဝအထိ အဆင့်ဝင်တဲ့သူတွေ ကွန်ပျူတာ ခန်းသွားရမယ်။ ဝန်ကြီးလာရင် လည်း နှုတ်ဆက်ရမယ်ဆိုတော့ သမီးလည်း မတ်တတ်ရပ်တာ ပေါ့။ ဒါပေမဲ့ သမီးမပါခဲ့ရဘူး။ ဒါနဲ့ အဖေ့ကို ကျောင်းကို ပြော ခိုင်းတော့ ပါရမယ်။ နောက် တစ်ခေါက် တက်ရမယ်ဆိုပြီး မပါခဲ့ရပါဘူး။ နောက်ပြီး ကြား ရတာက မင်္ဂလာယူတဲ့အချိန် မှာ အမင်္ဂလာပါ ဘာလို့ထည့်ရ မှာလဲလို့ အပြောခံခဲ့ရပါတယ်။ အခုခေတ် မှာ မသန်စွမ်းတွေကို အမြင် ပြောင်းသင့် ပါပြီ။ ပြီး တော့အားလုံးသော အဖွဲ့အစည်း တွေက ပညာရေးကို လုပ်တဲ့ အခါမှာ မသန်စွမ်းတွေလည်း ရှိပါသေးလားဆိုတာကို တွေး ပေး ဖို့ ပြော ချင်ပါတယ်”

အထက်ပါ စကားကို ပြော ဆိုခဲ့ သူမှာ အသက် ၂၅ နှစ် အရွယ် မွေးရာပါ ကိုယ်ခန္ဓာ မသန်စွမ်းသူလေး မစုပုံချစ်ဖြစ် သည်။ ၂ဝ၁၂ခုနှစ်၊ မတ်လ ၃ ရက်နေ့တွင် ရန်ကုန်မြို့ သမိုင်း မြို့မစာသင်တိုက်တွင်MDG Focus (သြစတေးလျ)နှင့် အသောက ဖောင်ဒေးရှင်းတို့မှ စီစဉ်ကျင်းပသည့် ‘မြန်မာ့ ပညာ ရေးနှီးနှောဖလှယ်ပွဲ’ တွင် ပြော ဆိုခဲ့ခြင်းဖြစ်သည်။

ငယ်ဘဝနှင့် စုပုံချစ်

မွေးရာပါလက်နှစ်ဖက် မသန်စွမ်းဖြစ်ခဲ့ရသူ မစုပုံချစ် ကို ၁၉၈၉ ခုနှစ်၊ စက်တင်ဘာလ ၅ရက်နေ့တွင် ဒေါက်တာအုန်း ကျော်နှင့် ဒေါ်ခင်ဆွေလဲ့ တို့မှ မွေးဖွားခဲ့သည်။ တက္ကသိုလ်ဝင် တန်းစာမေးပွဲကို ၂ဝဝ၅ခုနှစ် တွင် အောင်မြင်ခဲ့ပြီး သင်္ချာ၊ဓာတုဗေဒ၊ရူပဗေဒနှင့်ဇီဝဗေဒ ဘာသာရပ်တို့ကို ဂုဏ်ထူးဖြင့် အောင်မြင်ခဲ့သည်။ ၂ဝ၁ဝခုနှစ် တွင် ရန်ကုန်အနောက်ပိုင်း နည်းပညာတက္ကသိုလ် (လှိုင် သာယာ)မှ B.Tech (IT)နှင့် B.E(IT) ဘွဲ့ကိုရရှိခဲ့သည်။ ယင်း နောက်သတင်းနှင့် နည်းပညာ အင်ဂျင်နီယာမဟာတန်း ပထမ နှစ်ကို တက်ရောက်နေစဉ် ၂ဝ၁၃ ခုနှစ် သြစတြေးလျနိုင်ငံ အစိုးရ ၏ ရာနှုန်းပြည့် ပညာသင် ထောက်ပံ့မှုဖြင့် မူဝါဒပိုင်းဆိုင် ရာ ဘာသာရပ်အတွက် မဟာ တန်းကို သြစတြေးလျနိုင်ငံ၌ ပညာဆည်းပူးေ နပြီဖြစ်သည်။

သြစတြေးလျရောက် စုပုံချစ်

မစုပုံချစ်သည် ၂ဝ၁၃ခု နှစ်၊ ဖေဖော်ဝါရီ ၂ဝရက်နေ့တွင် သြစတြေးလျနိုင်ငံ၊ ဆစ်ဒနီမြို့ရှိ University of New South Wales တွင် တစ်နှစ်နှင့် ရှစ်လကြာ ပညာသင်ကြားရန် မြန်မာ နိုင်ငံမှ ထွက်ခွာသွားခဲ့သည်။ စုပုံချစ်သည်Master of Policy Studies ကိုသင်ယူရ မည် ဖြစ်ပြီး မူဝါဒပိုင်းနှင့် ပတ်သက် သော ဘာသာရပ် ရှစ်ခုပါဝင် သည်။ သူသည် မြန်မာနိုင်ငံ မသန်စွမ်းကျောင်းသား၊ ကျောင်း သူများအနက် ပထမဆုံးအကြိမ် နိုင်ငံခြား ပညာသင်ဆုရရှိခဲ့သူ တစ်ဦးလည်းဖြစ်သည်။သူ မူဝါဒ ဘာသာကိုလေ့လာသင် ယူရခြင်း မှာ မသန်စွမ်းသူများ၏ ရပိုင် ခွင့်များ၊ ဥပဒေများကို သိရှိနား လည်နိုင်ရန်နှင့် မသန်စွမ်းသူ များ၏အခွင့်အရေးများနှင့် ရပိုင် ခွင့်များကို လေ့လာနိုင်ရန်တို့ ကြောင့်ဖြစ်ကြောင်းပြောခဲ့ သည်။နိုင် ငံတော်သမ္မတကြီးနှင့်စုပုံချစ် သြစတြေးလျ နိုင်ငံသို့ အလည် အပတ်ရောက်ရှိခဲ့သော ပြည်ထောင်စုသမ္မတ မြန်မာ နိုင်ငံတော်သမ္မတ ဦးသိန်း စိန် သည် ၂ဝ၁၃ခုနှစ်၊မတ်လ ၁၈ ရက်နေ့ ညနေပိုင်းတွင် သြစ တြေးလျပညာသင်ဆုရရှိသော မြန်မာပညာသင်များအား ရင်း ရင်းနှီးနှီး တွေ့ဆုံနှု တ်ဆက်ရာ တွင် စုပုံချစ်လည်း တစ်ဦးအပါ အဝင်ဖြစ်ခဲ့သည်။

ထူးချွန်ဆုများနှင့် စုပုံချစ်

စုပုံချစ်သည် မြန်မာနိုင်ငံ ကိုယ်အင်္ဂါ မသန်စွမ်းသူများ အသင်းတွင် အလုပ်အမှုဆောင် အဖြစ်ဆောင်ရွက်ခဲ့သည့်အပြင် အခြားမသန်စွမ်းသူများ အသင်း အဖွဲ့များသို့ သွားရောက်၍ လည်း စိတ်ဓာတ်မြှင့်တင်ရေး အကြောင်း ဟောပြောပို့ချမှု များရှိခဲ့သည်။သူမ၏ မဆုတ် မနစ်သော ဇွဲ၊ လုံ့လ၊ ဝီရိယ၊ ကြံ့ခိုင်သော စိတ်ဓာတ်တို့ကို ဂုဏ်ပြုသောအားဖြင့် ဆုတံဆိပ် များစွာ ရရှိခဲ့သည်။ စိတ်ဓာတ် ကြံ့ခိုင်ထူးချွန် ဆု ၂ဝဝ၁ခုနှစ် (မြန်မာအမျိုး သမီးများနေ့ အခမ်းအနား)၊ အထင်ပေါ်ဆုံး ကျောင်းသူဆု (၂ဝဝ၁ခုနှစ်၊ မြန်မာ့သွင်ပြင် အိုင်တီလူငယ့်အမြင်ပြပွဲ)၊ ဆယ် စုနှစ်ထူးချွန်ဆု ကျောင်း သူ (၂ဝဝ၄ ခုနှစ်)၊ ဌာနဆိုင်ရာ မသန်စွမ်းထူးချွန်ဆု (၂ဝ၁၅ ခုနှစ် အပြည်ပြည်ဆိုင် ရာ မသန်စွမ်းသူများနေ့)၊ပထမ တန်းမှ တက္ကသိုလ်ဝင်တန်းအ ထိ အတန်းစဉ်ဆုပေါင်း ၅ဝကျော် ရရှိခဲ့သူဖြစ်သည်။
Popular Journal

ဒီရာသီကို ဘယ်လိုကူးမလဲ

မြန်မာနိုင်ငံ၏ ရာသီဥတုအမျိုး အစား သုံးမျိုးရှိရာတွင် လက်ရှိ ပျက်စီးသွားသော သဘာဝတရားများကြောင့် နွေရာသီဆို ပူလွန်းခြင်း၊ မိုးရာသီဆို မိုးသည်းထန်ခြင်းနှင့် ဆောင်းရာသီ ကာလတွင် အအေးပေါ့လာခြင်းတို့ ရင်ဆိုင်နေရ သည်။ ယင်းသို့ ပြောင်းလဲလာသော မူလ အနေအထား မဟုတ်သည့် ရာသီဥတုများ ကြားတွင်မှ ယခုကာလသည် ပူပြင်းခြောက် သွေ့သော နွေရာသီနှင့် စွတ်စိုသည့် မိုးရာသီ ကာလသို့ အကူးအပြောင်း မုတ်သုံဝင်ရောက်သည့် ကာလဖြစ်သည့် ယခုရက်များ အတွင်းလည်း နေပူတစ်လှည့် မိုးရွာတစ်ခါဖြင့် ဖြတ်သန်းနေရသည်။ မိုးစတင်ရွာသွန်း နေပါပြီ။ သို့သော် နွေရာသီကာလကို ဖြတ်သန်းရန်လည်း ကျန်ရှိနေသေးသည်။

ယခုနှစ်နွေရာသီတွင် ထူးခြားသော သတိပြုဖွယ်ရာအဖြစ် ကျေးလက်ရော မြို့ပြပါမကျန် ခရမ်းလွန်ရောင်ခြည် အကြောင်း ယေဘုယျသိရှိပြီး ဆောင်ရန်၊ ရှောင်ရန်များ လိုက်နာဆောင်ရွက်ကြကာ အချင်းချင်း တစ်ဆင့်သတိပေးကာ နှိုးဆော် တိုက်တွန်းမှုကြောင့် ကြိုတင်ကာကွယ်မှု များလည်း ပိုမိုပြုလုပ်လာကြသည်ကို တွေ့ရ သည်။ သို့သော် မေလဆန်းပိုင်းအထိ အပူ ရှိန်မြင့်တက်လျက် ရှိရာမှ အပူပိုင်း မုန်တိုင်း မဟာစင်ကြောင့် ယခုလ ဒုတိယပတ်မှ စတင်ကာ ဒေသအလိုက် မိုးရွာသွန်းမှုများ ဖြစ်ခဲ့သည်။ အပူချိန်ပြင်းနေသည့် အချိန် ရွာသောမိုးကြောင့် အပူဒဏ် သက်သာသွားသည်မှာတော့ အမှန်ပင်။

ကျန်းမာရေးအခင်းအကျင်း

မည်သို့ပင်ဖြစ်စေ နွေရာသီသည် အသက်ရွယ်ငယ်လွန်းသူ၊ အသက်ကြီး လွန်းသူ၊ ကျန်းမာရေး ချို့တဲ့သူနှင့် အရက် သောက်သုံးသူများအတွက် အန္တရာယ် ပေါင်းများစွာကို လက်ကမ်းကြိုလင့် သကဲ့သို့ ဖြစ်ရာ အပူဒဏ်မြင့်မားမှုကြောင့် အရေပြား၊ မျက်စိနှင့် ခန္ဓာကိုယ်တွင်း အစိတ်အပိုင်း အချို့ကို ထိခိုက်ပျက်စီးစေနိုင်ပြီး အမှုမဲ့ အမှတ်မဲ့နေထိုင်လျှင် မလိုလားအပ်သော နောက်ဆက်တွဲ ဆိုးကျိုးများလည်း တိုးပွားလာမည် ဖြစ်သည်။

အပူအအေး ရုတ်တရက် ပြောင်းလဲမှုကြောင့် ကျန်းမာရေးအတွက်လည်း ကြိုတင် ပြင်ဆင်ကာကွယ်မှုများ ပိုလာသည်။ ရာသီဥတု အပြောင်းအလဲကြောင့်ဖြစ်သော တုပ်ကွေး ရောဂါများ၊ အမှည့်လွန် အသီးများကြောင့် ဖြစ်သော ဝမ်းပျက်ဝမ်းလျှောရောဂါများ၊ အပူရှိန်ကြောင့် မျက်စိနာခြင်းတို့ ခံစားရနိုင် သည့်အတွက် ဆောင်ရန်၊ ရှောင်ရန်များ သတိပြုရန်လိုလာသည်။
အထူးသဖြင့် နွေရာသီတွင် ချွေးထွက်လွန်ခြင်းကြောင့် မောပန်းနွမ်းနယ်မှုဒဏ် ပိုခံစားရသဖြင့် ရေဓာတ်ပြန်လည် ဖြည့်ဆည်းပေးရန် လိုအပ်သည်။ ရေများများ သောက်သုံးခြင်း၊ ဓာတ်ဆားရည် သောက်သုံးခြင်းတို့ဖြင့် လိုအပ်နေသော စွမ်းရည်ကို ဖြည့်ပေး နိုင်သည်။ ထို့ပြင် စားသောက်မှုပိုင်းတွင် လည်း ဗီတာမင် စီ၊ အေ ၊ ကေ အစရှိသဖြင့် အစုံအလင်လိုအပ်သည်။

မည်သည့်ရာသီဥတုတွင် ဖြစ်စေ ကျန်းမာရေးအတွက် အစားအသောက်ပိုင်း၊ အဝတ်အစားပိုင်းနှင့် နေထိုင်မှုပိုင်းအရ ဆင်ခြင်နေထိုင်စရာ များစွာရှိရာ နွေရာသီတွင် ကလေးသူငယ်များ နေပူထဲ အကာအကွယ် မယူဘဲ ထွက်ခြင်း၊ အပူရှိန်မြင့်ချိန် အရက် အလွန်အကျွံ သောက်သုံးခြင်းတို့ကို ရှောင်ကြဉ်ရမည့်အပြင် ရောဂါအခံရှိသော သက်ကြီးရွယ်အိုများကို ဂရုစိုက်ပေးရန် လိုအပ်ပါသည်။ မိုးရာသီတွင်မူ ရေနှင့် အစားအစာပိုင်း ဆိုင်ရာတို့ကို များစွာ သတိပြုသင့်ပြီး လမ်းဘေး အစားအစာများ၊ အမှည့်လွန် အသီးများနှင့် မသန့်ရှင်းသော ရေတို့သည် ဝမ်းပျက်ဝမ်းလျှောရောဂါများ ကို အလွယ်တကူ ဖြစ်စေနိုင်သည့်အတွက် သတိနှင့်ယှဉ် စားသောက်ပေးရမည်။

အထူးသတိပြုစရာ

ပူအိုက်စွတ်စိုချိန်နှင့် မိုးကာလတို့၏ ကျန်းမာရေးဆိုင်ရာ အထူးသတိပြုစရာ အမှတ်သညာမှာ တုပ်ကွေးပင်။ ယခုကဲ့သို့ ပူအိုက်စွတ်စိုသော ရာသီဥတုတွင် ကလေး သူငယ်များ၌လည်း ခြင်မှတစ်ဆင့် ကူးစက်သော သွေးလွန်တုပ်ကွေးရောဂါ ဖြစ်ပွားခြင်းသည် အဓိက အန္တရာယ်ကြီးဖြစ်ပြီး ကျန်းမာရေးဝန်ကြီးဌာန အနေနှင့်ရော မိသားစုများအနေဖြင့်ပါ ကြိုတင်ကာကွယ်မှုများ စတင်လုပ်ဆောင်သင့်သည့် ကာလပင် ဖြစ်သည်။ နွေနှင့် မိုးအကူး ကြားကာလ၏ ကြောက်စရာအန္တရာယ်သည် ကူးစက်လွယ်သော တုပ်ကွေးရောဂါပင်။
"တုပ်ကွေးကို ကာကွယ်ဖို့ အများနဲ့ ဆိုင်တဲ့နေရာတွေကို ထိကိုင်ပြီးတာနဲ့
လက်ကို သေချာဆေးတတ်တဲ့ အကျင့်ရှိရင် တုပ်ကွေးရာသီမှာတောင် တုပ်ကွေးဖြစ်နိုင်စွမ်းက ၈၅ ရာခိုင်နှုန်းထိ နည်းပါးသွားတယ်" ဟု အထွေထွေရောဂါကု ဆရာဝန် ဒေါက်တာသီဟသစ်က ပြောကြားသည်။

မြန်မာနိုင်ငံသည် အပူပိုင်းဒေသနှင့် နီးသော သမပိုင်းဒေသ ဖြစ်သည့်အတွက် နွေနှင့် မိုးအကူးကာလသည် ပူအိုက်စိုစွတ်မှု အမြင့်ဆုံးဖြစ်ပြီး လေထုနှင့် ပတ်ဝန်းကျင် ပူနွေးစွတ်စိုမှုများကြောင့် ဗက်တီးရီးယား နှင့် ဗိုင်းရပ်စ်များ ပိုပေါက်ဖွားနိုင်သဖြင့် အသက်ရှူလမ်းကြောင်း ကူးစက်ရောဂါများကို အထူးသတိပြုကြရန် လိုအပ်သည်။ လေထုအတွင်း ဗိုင်းရပ်စ်ပိုးများ ရှူရှိုက်မိခြင်းနှင့် အများနှင့်သက်ဆိုင်သော နေရာများမှ ပစ္စည်းများကို ကိုင်မိရာမှ တစ်ဆင့် တုပ်ကွေးရောပါပိုး ကူးစက်ခံရမှု ပိုများသည်။

"အဓိက ကာကွယ်ဖို့က အအေးမမိဖို့ပဲ။ အအေးမိရင် ခန္ဓာကိုယ်ရဲ့ ကိုယ်ခံအားစနစ် ခေတ္တရပ်ဆိုင်းသွားပြီးတော့ အနားမှာရှိတဲ့ ရောဂါပိုးတစ်ခုခု ဝင်နိုင်တယ်၊ အိပ်ရေး ပျက်ရင်လည်း ကိုယ်ခံအား ကျတတ်တယ်" ဟု ဒေါက်တာ သီဟသစ်က ပြောကြားသည်။

မိုးရာသီအကူးအပြောင်းတွင် လမ်းဘေးအသုပ်စုံနှင့် အစားအစာများ ကိုင်တွယ်သောလက် မသန့်ရှင်းမှုအပြင် အမျှင်ဓာတ် ပိုများသော ပိန္နဲသီးကဲ့သို့ ရာသီပေါ်အသီးများ၊ အမှည့်လွန်သီးများကို စားသုံးခြင်းကလည်း ဝမ်းပျက်ဝမ်းလျှော ရောဂါကို အဖြစ် များစေသည်။ ယင်းကြောင့် အများနှင့် သက်ဆိုင်သောနေရာများသို့ သွားရောက်ပြီးတိုင်း လက်ကိုဆေးကြော သင့်ရာ ရေအဆင်သင့်မရှိပါက ရေမလိုဘဲ အသုံးပြုနိုင်သော လက်သန့်ဆေးရည် များလည်း ဆောင်ထားသင့်ကြောင်း တိုက်တွန်း လိုသည်။

ရာသီအကူးမှာ ဝတ်ဆင်စရာ

ရာသီဥတုကိုလိုက်၍ သင့်လျော်ရာရာ ဝတ်ဆင်ကြရရာတွင် နွေရာသီမကျ မိုးရာသီမကျ ကြားကာလ ဖြစ်နေသော်လည်း နွေရာသီတွင်ပိုမိုအသုံးဝင်သည့် ချည်သား ပွပွရောင်းရောင်း အရောင်နု အဝတ်အထည်များသာ ဝတ်ဆင်သင့်သေး သည်။ ချည်သားကဲ့သို့ အဝတ်အထည်မှသာ မိုးရာသီတွင် နွေးထွေးပြီး ရေစိုလျှင်ခြောက် လွယ်နိုင်သကဲ့သို့ နွေရာသီတွင်လည်း အပူဒဏ်မှ ကာကွယ်နိုင်မည်။ သို့ရာတွင် မိုးတွင်းရောက်ရှိပြီဆိုက လုပ်ငန်းခွင်တွင် အဝတ်အထည်အနည်းဆုံး တစ်စုံခန့် အပို ထားရှိရန်လိုအပ်ပါသည်။ှ

သတိပြုသင့်သည်က ခရမ်းလွန် ရောင်ခြည်သည် မိုးတွင်းတွင်လည်း ရှိနေခြင်းပင်။ ခရမ်းလွန်ရောင်ခြည်ကို နွေရာသီ တွင်သာ ကာကွယ်ရမည်မဟုတ်၊ မိုးရာသီ တွင်လည်း ဆက်လက်ကာကွယ်သွားရမည် ဖြစ်ရာ နေရောင်နှင့် တိုက်ရိုက်ထိတွေ့မှုကို ရှောင်ရဦးမည်ပင်။ ကမ္ဘာ့ကျန်းမာရေး အဖွဲ့က ခရမ်းလွန်ရောင်ခြည် ရည်ညွှန်းကိန်း ၃ ထက် ကျော်ပါက နေရောင်ကာကွယ်မှု စတင်လုပ်ဆောင်သင့်ကြောင်း နှိုးဆော်ထားသည်။ ပြီးခဲ့သည့် ဧပြီလက မြန်မာ နိုင်ငံ၏ အနိမ့်ဆုံး ခရမ်းလွန်ရောင်ခြည် ရည်ညွှန်းကိန်းသည် ၈ အထိရှိပြီး အပြင်းဆုံးအဆင့်တွင် ရှိကာ ရန်ကုန်မြို့ တွင်လည်း ရည်ညွှန်းကိန်း ပမာဏ ၁၂ အထိ ရှိသည့်အတွက် လူကို အန္တရာယ်ဖြစ်စေသော အဆင့်တိုင် ရောက်ရှိခဲ့သည်။ ခရမ်းလွန် ရောင်ခြည်ကို နေ့တစ်နေ့ ၏ အပူဆုံးအချိန် တွင် တိုင်းတာခြင်းဖြစ်ပြီး နေရာဒေသ၊ အချိန်ကာလပေါ်လိုက်၍ ရည်ညွှန်းကိန်း ပမာဏချင်း ကွဲပြားခြားနားနိုင်သည်။

ခရမ်းလွန်ရောင်ခြည်သည် ရေ၊ သဲ ကဲ့သို့ အခြားရောင်ပြန်ဟပ်နိုင်သော မျက်နှာပြင်ပေါ်တိုင်းတွင် ရောင်ပြန်ဟပ်ခြင်းကြောင့် ရောင်ခြည်သင့်သူများသည် ယူဗီဒဏ်ကို နှစ်ဆတိုး ခံစားရစေသည်။ ခရမ်းလွန်ရောင်ခြည် ထိတွေ့မှုကာလ ကြာရှည်လာလျှင် အရေပြားကင်ဆာ၊ မျက်စိတိမ်စွဲခြင်း တို့အထိ ဖြစ်ပေါ်လာနိုင်ပြီး ရေတိုထိတွေ့မှုများပါက လူတစ်ဦးချင်းစီ၏ ကိုယ်ခံအားအလိုက် အရေပြားလောင်ခြင်း နှင့် မျက်စိရောဂါ အမျိုးမျိုးခံစားရနိုင်သည်။ သို့ဖြစ်ရာ ရာသီဥတု အကူးအပြောင်းတွင် လိုက်လျောညီထွေရှိသည့် အဝတ်အထည်များ ဝတ်ဆင်ရသကဲ့သို့ ရာသီဥတုဒဏ်ကို အကာအကွယ် ပြုနိုင်သည့် အသုံးအဆောင် များလည်း ဂရုပြုသုံးစွဲရမည်ပင်။

ယခုကဲ့သို့ ရာသီဥတုမျိုးတွင် သတိနှင့် သွားလာစားသောက် နေထိုင်ကြရန် အထူး လိုအပ်သည်။ ရာသီဥတု ဖောက်ပြန်မှုများ လည်း တစ်နေ့ထက်တစ်နေ့ ပိုလာပြီး သက်ရှိလူသားတို့တွင် မလိုလားအပ်သော နောက်ဆက်တွဲ ပြဿနာများနှင့် ရင်ဆိုင် နေကြရသည်။ ရာသီဥတုပြောင်းလဲမှုကို သဘာဝပတ်ဝန်းကျင် ပညာရှင်များက တီထွင် ဖန်တီးပြုပြင်နေသည့် အချိန် လူသားများ ဘက်ကလည်း သတိပြုနေထိုင်ရန်၊ လိုက်နာ သင့်သည်တို့ကို လိုက်နာရန် အချိန်အခါ ကျရောက်နေပြီး ကျန်းမာရေးဆိုင်ရာ အန္တရာယ်များအတွက် သဘာဝဘေးအန္တရာယ် တို့ကို နားစွင့် နေထိုင်ရသကဲ့သို့ပင် ဆေးပညာရှင်၊ ဆရာဝန်တို့၏ သတိပေးနှိုးဆော်ချက် များကိုလည်း အစဉ်အမြဲ နားထောင်ရ ပေမည်။ သို့မှသာ ရာသီဥတုကို မှီခိုနေရသော မြန်မာနိုင်ငံရှိ လူဦးရေ သန်း ၆၀ ၏ ကျန်းမာရေးလည်း ပျက်စီးဆုံးရှုံးမှု လျော့နည်းသွားနိုင် မည်ဖြစ်သည်။
လဲ့ရည်မြင့်
The Voice Weekly

နှလုံးလှ ကချေသည်

ဗုံသံများက ရှုပ်ထွေးသောစည်းချက်များဖြင့် တရိပ်ရိပ်တုန်ခါလို့ နေပါသည်။ နီကီတာဂီရာနှင့် ကချေသည် နှစ်ဦးတို့၏ မြန်ဆန်လှသော ခြေထိုးကကွက်များက ကျက်သရေအပြည့်နှင့် လှုပ်ရှားနေ၏။ မွန်ဘိုင်းခန်းမ ထဲမှာဖြစ်သည်။ ပရိသတ်များက အပြည့်။ အားလုံး ကျောက်ကပ်ဝေဒနာရှင် များ ဖြစ်ကြပေသည်။

ကကွက်များက ဇာတ်ရှိန်အမြင့်ဆုံးသို့ ရောက်လာလေလေ သူမခြေထောက်တွေက နာလာပြီး ရင်ဘတ် လေးလံလာ၏။ သို့သော် ဂီရာတစ်ယောက် ကကွက်တွေကို ရပ်တန့်မပစ်လိုက်ပါချေ။ ကျောက်ကပ်ဝေဒနာရှင် တွေကို သူမ စိတ်မပျက်သွားစေလိုပါ။ သူမကိုယ်တိုင်လည်း ထိုဝေဒနာ ခံစားနေရသည် မဟုတ်ပါလား။

ပြီးခဲ့တဲ့နှစ်ပေါင်း ၂၀ လောက်က ဂီရာ့ကျောက်ကပ်များ မကောင်းတော့ဘဲ သူ့မိခင်လှူထားသည့် ကျောက်ကပ်ကလည်း သူ့ခန္ဓာကိုယ်ထဲ သိပ်ပြီးအဆင်မပြေ။ "ငါဘာလို့များ အသက်ဆက် ရှင်နေရတာလဲ" ဆိုသည့် မေးခွန်းကိုသာ ပျော်ရွှင်မှုကင်းမဲ့နေသည့် မိန်းကလေး တစ်ယောက်အဖြစ် ကိုယ့်ကိုယ်ကိုယ် ထပ်တလဲလဲ မေးနေမိသည်။

သူမ၏ဆရာဝန် ဒေါက်တာမိုဟန်ရာဂျာပါကား လည်း ဂီရာတစ်ယောက် ကျန်းမာရေးနဲ့ နပန်းလုံးလိုက်၊ ခွေးကလေးနဲ့ ဆော့လိုက်၊ ကိုယ့်ကိုယ်ကိုယ်သနားလိုက် လုပ်နေတာကို စိတ်မကောင်းဖြစ်မိသည်။

"ငယ်လည်းငယ်၊ ပညာလည်းတတ်တဲ့ မိန်းကလေး တစ်ယောက်ဖြစ်ပြီး ဘာဖြစ်လို့ အချိန်ဖြုန်းနေတာလဲ" ဟု ခပ်ပြတ်ပြတ်ပဲ မေးချလိုက်သည်။ "မင်းဟာတခြား အသုံးဝင်တာ တစ်ခုလောက် လုပ်နိုင်ပါတယ်" ဟုလည်း ပြောလိုက်သည်။
နီကီတာဂီရာလည်း ဆတ်ခနဲနာသွားပြီး ချက်ချင်း ပြန်မေးလိုက်သည်။
"လူနာတစ်ယောက်ဟာ ဘယ်လိုမျိုး ခံစားနေရမယ်ဆိုတာ ဆရာသိလို့လား"
"ဆရာလည်း ၂၉ နှစ်လောက်တုန်းက Heart Attack ဖြစ်ဖူးတယ်။ ခဏခဏလည်း နှလုံးခွဲစိတ်ခံ ခဲ့ရတယ်။ ဒါပေမဲ့အချည်းနှီးဖြစ်နေတဲ့ဘဝနဲ့ သူများ အသနားခံဘဝကို အဖြစ်မခံနိုင်ဘူး" ဟု ဒေါက်တာ ရာဂျာပါကားက ပြန်ပြော၏။

နီကီတာဂီရာ ရှက်သွားမိသည်။ သူမ ဘဝတွင် တစ်ခုခုတော့ လုပ်ရမည်ဟုလည်း ဆုံးဖြတ်လိုက်၏။ သို့သော် ဘာလုပ်ရမည် နည်းဆိုသည့် မေးခွန်းကဖြစ်လာသည်။

ထိုမေးခွန်း၏အဖြေကို ၁၉၉၉ ဖေဖော်ဝါရီလောက်မှာ ရလိုက်ပါသည်။ မိတ်ဆွေတစ်ယောက်၏ အက အစီအစဉ်တစ်ခုတွင် ဖြစ်ပေ၏။ ကျန်းမာရေးကောင်းစဉ်က ဂီရာသည် အိန္ဒိယရိုးရာ အက ဘရတနာတီရမ်ကို စိတ်ဝင်တစား လေ့လာသောကျောင်းသူ တစ်ဦးဖြစ်ခဲ့၏။ စိတ်ထဲ စွဲနေပြီးသားဖြစ်သော ဂီတသံများနှင့် ဇာတ်စင်နောက်တွင် ပြင်ကြ ဆင်ကြရှုပ်ထွေးနေသော အခြေ အနေများက သူမကို စိတ်လှုပ်ရှားစေခဲ့လေသည်။

နောက်နေ့ အကအတန်းကို ပြန်စတက်တော့သည်။ နှစ်လလောက်ပဲ ကြာပါသည်။ ဒေါက်တာရာဂျာပါကား ကို အထူးအဆန်း တစ်ခုသွားပြော၏။ ဆေးရုံနှစ်စဉ်ပွဲမှာ ဝင်ပြီးတော့ တင်ဆက်ချင်သည်ဟု။

ကကွက်များကြားမှာ ဂီရာ လွင့်မျောပစ်လိုက်သည်။ သြဘာသံတွေ ဟိန်းသွားပြီး အတွေးတစ်ခုကလည်း လက်ခနဲ ခေါင်းထဲရောက်လာ ပေတော့သည်။ ဆင်းရဲသည့် ကျောက်ကပ်ဝေဒနာရှင်များ အတွက် အက အနုပညာဖြင့် ရန်ပုံငွေ ရှာပေးနိုင်သည် ဆိုသည့်အတွေး ဖြစ်သည်။ ကျောက်ကပ်အတွင်း မှ ရေပိုနှင့် အညစ်အကြေး တို့ကို ဖယ်ထုတ်သန့်စင်ပေးရသည့် တစ်နည်းအားဖြင့် ကျောက်ကပ်ဆေးရသည့် လုပ်ငန်းသည် တော်တော် အကုန်အကျများ၏။

"ကျောက်ကပ်ဆေးရတာ ဈေးကြီးတယ်လေ။ လူတော်တော်များများက မတတ်နိုင်တော့ အဲဒီအဆင့်ကို ကျော်ကြရတယ်" ဟု နီကီတာဂီရာက ပြောပြသည်။

သူမ မထင်မှတ်လောက်အောင်ပင် အလှူငွေတွေ ဝင်လာသည်။ ၁၉၉၉ ခုနှစ်နိုဝင်ဘာလ လောက်ကစပြီး တိုင်းပြည်အနှံ့ လှည့်ပြီး ရန်ပုံငွေရှာခဲ့ရာ အမေရိကန်ဒေါ်လာ ခုနစ်သောင်းကျော် အထိ ရခဲ့သည်။ ကျောက်ကပ် လူနာ ၆၅ ဦး အထောက်အပံ့ရခဲ့ပြီး လူနာ ၁၃ ဦးကို ကျောက်ကပ်ဆေးရန် အတွက် ပုံမှန် ထောက်ပံ့ထားပေးနိုင်သည်။

"ကျွန်မခန္ဓာကိုယ်နဲ့ ကျတော့ ကရတာ ခက်တယ်ရှင့်" ခရီးသွားလိုက် ကပြဖျော်ဖြေလိုက် လုပ်နေသည့် ဂီရာကပြောပြသည်။ "ဒါပေမဲ့ ကျွန်မနိုင်သရွေ့တော့ အသုံးဝင်တဲ့ဘဝ နဲ့ပဲ အသက်ရှင်ချင်တယ်"

(Reader’s Digest မဂ္ဂဇင်းမှ Charity in Motion ကိုဘာသာပြန်ဆိုပါသည်။)
သန့်ဇင်စိုး
The Voice Weekly

လူသေလူဖြစ်ပြဿနာ ဗိုလ်ချုပ် နှင့် ပတ်သတ်ဟုဆို

May 23, 2013
သို့
တူမောင် ဦးလေးစာရေးလိုက်တယ် ကွာ။ အကြောင်းကတော့ ““လူသေလူ ဖြစ်””ကျမ်းစာအုပ်နဲ့ပတ်သက်လို့ မြန်မာ တစ်နိုင်ငံလုံးဂယက်ထခဲ့ဖူးတဲ့အကြောင်း လေးတစ်ခုကို ငါ့တူသိအောင်ပြောပြချင် လို့ဆိုပါတော့ ငါ့တူ။

အဲဒီသတင်းဟာ သူ့ခေတ်သူ့အခါ က ဘယ်လောက်ကြီးတောင် Hot  လိုက် သလဲဆိုရင် ““လူသေလူဖြစ်””စာအုပ် ကြောင့် စာမူပြုစုရေးသားသူဆရာတော် သျှင်ဥက္ကဋ္ဌခမျာ ရုံးရောက်ဂတ်ရောက် ဖြေရှင်းရ၊ အကျဉ်းထောင်မှာ သီတင်း သုံးတော်မူရ၊ နိုင်ငံတော်သံဃာ့ဝန်ဆောင် အဖွဲ့ရဲ့ ပကာသနိယကံအကြဉ်ခံလိုခံရနဲ့ အုံးအုံးကျွက်ကျွက်တွေ ဖြစ်လို့ပေါ့ကွာ။

အဲဒီတုန်းက ရေပန်းစားခဲ့တဲ့ ပုဂ္ဂလိ က သတင်းစာတွေဖြစ်တဲ့ အထောက် တော်သတင်းဖမ်းပြီး ကွန်မြူနစ်ပင်ရင်းဌာနချုပ်ကြီးကို မိပြီ၊ ဓာတ်တော်၊ ဆံတော်၊ အံတော်တွေ ကိုဘယ်သို့ရေးသည်၊ ဘုရားတွေကို ဘယ်ညာရေးသည်””ဆိုပြီး တဖျော်တပါး ဆော်ကြနှက်ကြဆိုပဲကွ။ ဗမာ့ခေတ်မျက်နှာဖုံးမည်းနဲ့ (ရောင် စုံမပေါ်သေး)သုံးပေမဲ့ အထောက်တော် လောက်မစုံလင်ဘူးဆိုပဲကွ။ မြန်မာ့အသံ ကလည်း ဟိုးလေးတကြော်ကြော် လွှင့် ပေးဆိုပဲကွ။

““လူသေလူဖြစ်””စာအုပ်ကို စိတ်ဝင် စားလွန်းလို့ ငါဖတ်ကြည့်ပြန်တော့လည်း မြန်မာလိုရေးထားတဲ့စာပေမဲ့ ငါရဲ့အဆံ ချောင်ဦးနှောက်ကြောင့် သိပ်မရှင်းလှ ဘူး။ သခင်မြတ်ဆိုင်ကိုယ်ဆိုင် ဆရာ တော်ကို အင်တာဗျူးထားတဲ့စာအုပ် ဖတ်တော့လည်း ဉာဏ်မမီပြန်ဘူး။ ခက်ပါဘိငါ့နှယ်နော်။
လွန်ခဲ့တဲ့နှစ်(၃)လောက်က ပခူး တိုင်းအနောက်ပိုင်းပြည်မြို့နယ် ၀က်ထီး ကန်ကို ငါရောက်တယ်။ ခေပဒူပမင်း သားပုံပြင်နဲ့ဆက်စပ်တဲ့ ၀က်ပုံစံရေကန် ကြီးတစ်ကန်ရှိတယ်။ အဲဒီဝက်ထီးကန် ဟာ နယ်ချဲ့တော်လှန်ရေးခေတ်ဦးအခါ က ရှမ်းမောင်နှမဦးဆောင်ပြီး အင်္ဂလိပ် တွေကို တိုက်ပွဲဝင်ခဲ့တဲ့နေရာပဲ။ မင်းတို့ သမိုင်းမှာ သင်ရတဲ့ဝက်ထီးကန်တိုက်ပွဲ ဆိုတာလေကွာ။ အေး အဲဒီရေကန်ကြီး ကိုဖြတ်ပြီး လှေနဲ့သွားရင် အရွာဈေးဆို တဲ့ရွာကြီးရှိတယ်။ အဲဒီကနေသွားရင် သစ်ချိုပင်ရွာဆိုတာရှိတယ်။ အဲဒီရွာက နေဆက်သွားရင် ရွာထူးရွာဆန်းတစ်ရွာ ရှိတယ်။ (နာမည်တော့ မေ့တေ့တေ့ဖြစ် နေလို့ထားလိုက်ပါတော့)အဲဒီရွာထူးဆန်း က ဘာတွေထူးခြားသလဲဆိုရင် ရွာအင်္ဂါ နှင့်အညီ ရှိသင့်ရှိအပ်တဲ့ ဘုန်းကြီး ကျောင်းမရှိဘူး၊ နေအိမ်တွေမှာဘုရားစင် မရှိဘူး။ သုဿန်မထားဘူး၊ သူ့အိမ်ကိုယ့် အိမ် မြှုပ်ဆိုပဲကွ။ သရဏဂုံမတင်ဘူးဆိုပဲ ကွ။ ဘာဖြစ်လို့ဒီလိုဖြစ်ရတာလဲ ငါမေး ကြည့်တော့ သူတို့က သျှင်ဥက္ကဋ္ဌရဲ့ ““လူ သေလူဖြစ်””စာအုပ်ဖတ်ထားပြီး ဒီလို ကျင့်သုံးနေကြတာဆိုပဲကွ။ ငါဖြင့် အံ့သြ လိုက်တာကွာ။ ငါ့စိတ်ထဲမှာတော့ တစ် ခုခုလွဲချော်နေသလို ခံစားခဲ့ရပါတယ်။

ဝက်ထီးကန်နယ်တစ်ဝိုက်ဆိုတာ သျှင်ဥက္ကဋ္ဌရဲ့ သြဇာနဲ့ သိပ်ကင်းကြတာ မဟုတ်ဘူး။ ““ကျောက်ကွင်းအရေးတော် ပုံ””ဟာ ကမ္ဘာကျော်ခဲ့တာကိုးကွ။ ဗုဒ္ဓဘာ သာကြီး ရေစုန်မမျောအောင် ဘာသာ မျိုးစုံနှံ့စပ်၊ နိုင်ငံမျိုးစုံရောက်ဖူးတဲ့ ရှင် ဥက္ကဋ္ဌကျေးဇူးနဲ့ သူကြီးဦးလှောင်အပါ အ၀င် ဗုဒ္ဓဘာသာဝင်သူတော်စင်တွေ ကိုယ်စား ၀ါဒတိုက်ပွဲ အပြိုင်နွှဲနိုင်ခဲ့တာ ကိုးကွ။
သျှင်ဥက္ကဋ္ဌရဲ့ သာမန်နှင့်မတူ တမူ ထူးခြားတဲ့ အသိဉာဏ်စွမ်းရည်ကို လူမျိုး ခြားဘာသာခြားတွေက အတော်လန့်ကြ တယ်။ သျှင်ဥက္ကဋ္ဌဟာ ဘာသာရေးမှာ နှိုက်နှိုက်ချွတ်ချွတ် နှံ့စပ်ထူးချွန်ရုံတင် မဟုတ်ဘဲ တော်လှန်ရေးကိစ်္စလည်း စိတ်ဝင်စားတယ်။ ဗမာ့ကာကွယ်ရေးတပ် ကို နေရှင်နယ်ကျောင်းသားတွေနဲ့ ဖွဲ့ ထားတယ်။ ဂဠုန်ဦးစောက မျိုးချစ်ဂဠုန် နီတပ်လုပ်ချင်လို့ တောင်းဆိုတော့ လိမ္မာ ပါးနပ်စွာ ငြင်းဆန်ဖူးတယ်။ နေသူရိန် အစည်းအဝေးတက်တော့ ဘုရင်ခံ ဒေါ် မန်စမစ်က စက္ကူဖြူစီမံကိန်း (စင်းမလား စီမံကိန်း)အကောင်အထည်ဖော်ဖို့ ခရစ် ယာန်ဂိုဏ်းချုပ်ဘစ်ရှော့ဝက်(စ်)နဲ့ ဘုန်း ကြီးအက်ပယ်တန်တို့က ရွှေတိဂုံစေတီ အနောက်တောင်အရပ်က အိမ်(၁)အိမ် ကို သျှင်ဥက္ကဋ္ဌပင့်ပြီး စည်းရုံးတယ်။ (၂) ရက်စည်းရုံးတယ်။ မအောင်မြင်ဘူး။ ဒေါ် ငြိမ်းသာဆိုတဲ့ မြန်မာအမျိုးသမီးကြီးက ဆရာတော်ကို ထပ်စည်းရုံးတယ်။ ““လူ မျိုးလည်းသစ္စာမဖောက်နိုင်၊ တိုင်းပြည် လည်း သစ္စာမဖောက်နိုင်၊ သာသနာ တော်ကိုလည်း ရောင်းမစားနိုင်ဘူး တကာမကြီး””တဲ့ကွ။ ကိုင်း ပြတ်ကရော။

ဒီမယ်ဒို့တူ အမျိုးဘာသာသာသနာ ကို မြတ်နိုးတဲ့ပညာတတ်ဆရာတော်၊ မျိုး ချစ်စိတ်အပြည့်ရှိတဲ့ ဆရာတော်ဟာ ငါ တို့ဉာဏ်မမှီတဲ့ ““လူသေလူဖြစ်””ကိစ္စကို ဘာကြောင့်ရေးသလဲ။ အကြောင်းတော့ ရှိရမယ်ပေါ့။ အောင်မယ်လေးဗျာ။ ဒီ ကျမ်းစာအုပ်ကို ဘယ်သူရေးခိုင်းတယ် ထင်သတုန်း။ လွတ်လပ်ရေးဖခင်ကြီး ဗိုလ်ချုပ်အောင်ဆန်းကိုယ်တိုင်ရေးခိုင်း တာပါတဲ့ဗျာ။ ၁၉၄၇ ခုနှစ် ဇွန်လ (မကျ ဆုံးမီရက်ပိုင်းအလို)မှာတာဝါလိန်းလမ်းက ဗိုလ်ချုပ်အိမ်ကို ဆွမ်းစားပင့်လို့ ကြွရာက စခဲ့တာကွ။ ဆစ်လူမျိုး(ခေါ်)ပန်ချာပီလူ မျိုးတွေတိုက်ပွဲမှာ ကျည်ဆန်နောက် ကျောကမှန်ရင် ငရဲကိုလားတယ်။ ရှေ့ တည့်တည့်ကမှန်ရင် နတ်ပြည်လားတယ် လို့ အယူရှိတဲ့အကြောင်း ဗိုလ်ချုပ်က ဆရာတော်ကိုလျှောက်သတဲ့ကွ။ ဂျပန် လူမျိုးတွေမှာလည်း တိုက်ပွဲမှာ ကျဆုံးရင် အသေပြတ်တယ်လို့ အယူရှိကြောင်း လည်း လျှောက်သတဲ့ကွ။ ဒီလိုအယူ အဆနဲ့ အယုံအကြည်ရှိလာအောင် စာပေအဘိဓမ္မာယုတိ်္တခိုင်ခိုင်လုံလုံရေးပြီး ရဲစိတ်ရဲမာန်သွင်းပေးထားကြောင်း လျှောက်သတဲ့ကွ။

ဆရာတော့်အနေနဲ့ အဲဒီလို စာပေမျိုးပြုစုပေးနိုင်မည်ဆိုပါက အလွန်တန်ဖိုးရှိမည်ဖြစ်ကြောင်း လျှောက်လို့ ““လူသေလူဖြစ်””စာအုပ်ပေါ်လာတာတဲ့ ဟေ့။ ရဲစိတ်ရဲမာန်ကျမ်းနဲ့ ဘာသာတရား ဘယ်လိုလုပ်ရောသွားရှာပါလိမ့်ကွာ။

ငါ့တူစဉ်းစားကြည့် ဗိုလ်ချုပ်သာ သက်ရှိထင်ရှားရှိခဲ့ရင် လူသေလူဖြစ်ကြောင့် အာဇာနည်သူရဲကောင်းတွေ ပွားများလာမလား၊ အယူဝါဒဂိုဏ်းဂဏ တွေကွဲပြားကုန်မလား မစဉ်းစားတတ်ပါဘူး။ ငါ့တူ။ ဗိုလ်ချုပ်ကိုချစ်ချစ်၊ နိုင်ငံနဲ့ လူမျိုးကိုချစ်ချစ်၊ ရဲစိတ်ရဲမာန်ပဲသွင်းသွင်း ““လူသေလူဖြစ်ရဲ့ နက်နဲခြင်းဟာ အမှန်လား၊ အမှားလား ကွဲပြားအောင် ””
လေဗျောက်အိုး
The Hot News

ဟီးရိုးပုဂ္ဂိုလ်များ နှင့် ဇီးရိုး ပြည်သူများ

အမည်းရောင်ကနေ အဖြူရောင်ကို ပြောင်းတဲ့အခါ ကြားကတစ်ဆင့်ခံ ပေးပါတဲ့။ ပြောင်းလဲမှုတွေကို ဆန္ဒ မစောစေဖို့ ပြောတဲ့စကား နားလည် ကျေနပ်မိပေမယ့် ကြားခံအရောင်မှာ ရပ်သွားမလား။ တစ်ဆင့် တစ်ဆင့်နဲ့ ကြားခံသွားမယ့် ကာလက ခေတ်တစ် ခေတ်စာ စီးမျောဦးမလား။ အားလုံးက တော့ ထုသားပေသား ကျဆဲ။ ဥပဒေမူကြမ်းရေးတဲ့ နှစ်နှစ်ဆယ် ဝန်းကျင်၊ ထွက်လာတော့လည်း တစ် ယောက်တည်း အပြေးပြိုင်တာ ပထမရ ခဲ့ပြန်ပေါ့။ ပြီးတော့ ပြီးတော့ ဟိုဟာ မပီပြင် ဒီဟာမပီပြင်နဲ့ ပြန်ပြင်ဖို့က ခပ်များများမို့ ပရိသတ်က ခါးတားတား တွေကို ဝါးစားရင်းနဲ့ အချိုစားရမယ့် နေ့ကို အမှတ်မရှိ စောင့်နေတုန်း။ တို့ ဟီးရိုးကြီးတွေက ကိုယ့်စည်း ရိုးကိုခတ်တာကိုပဲ မြို့စည်းရိုးလိုလို၊ ဘာလိုလို၊ ဟိုလိုလို၊ ဒီလိုလို (Zero Citizen) ဇီးရိုးပြည်သူတွေကတော့ မိုး ပြိုမှာကြောက်တဲ့ ဖားလို စိုးတထိတ် ထိတ်ပို။ (အထိနာခဲ့ဖူးတာကိုး)သင်္ဘောနစ်တာကို ဝိုင်းဝန်းကယ် တဲ့လူတွေက ဆုတံဆိပ်တွေ အမျိုးမျိုးရ။ ရပ်မိရပ်ဖတွေလည်း မျက်နှာပန်းတွေ လှလို့ ရေနစ်တဲ့သူတွေကတော့ အခုထိ တစ်ယောက်မှ အသက်ရှင်လျက် မတွေ့ ရသေးပါဘူး။ တို့ကိုထိရင် မချိအောင် နာတဲ့သူ ဘယ်နားသွားရှာရပါ့။

ဒါတို့တိုင်း တို့ပြည် . . . တို့ မြန်မာပြည် . . .
 မြန်မာပြည် ဗုဒ္ဓဘာသာ အမျိုးသားတိုင်းပြည် . .  .
တိုင်းရင်းသား ငါတို့ လူ မျိုး . . .

ဟိုတစ်တို့ သည်တစ်တို့နဲ့ သတိရတဲ့ သီချင်းစာသားတစ်ပိုင်းတစ်စလေး။ အတိအကျမရပေမယ့်လည်း သံစဉ်တီး လုံးလေးရောချလို့ သီချင်းလေးက အရမ်း ဆိုလို့ကောင်းတယ်။ သီချင်း ကောင်းပေမယ့် သတင်း မကောင်းဘူး။ သူ့လူမျိုး သူ့ဘာသာကိုထိရင် မချိ အောင်နာတဲ့လူတွေက အဝေးကြီးတွေ ဆီကနေ ရေတစ်တန် ကုန်းတစ်တန်နဲ့ ကူညီကြ၊ စောင့်ရှောက်ကြ၊ ကာကွယ်ကြ နဲ့။ သူတို့လူတွေတောင် သူတို့ဆီ မခေါ်ချင်ဘဲနဲ့ အနောက်ကပံ့ပိုး အရှေ့က မားမားရပ်လို့ တို့မြေကို တို့တစ် တွေနဲ့ ယှဉ်ပြီး အမွေပြိုင်လု ခိုင်းနေတာများ အားကျမိပါရဲ့။အဖေတို့ အမေတို့ရေ သားသားတို့ မီးမီးတို့လည်း အဲ့သည်ပုံ အချစ်ခံ ချင်လှပါရဲ့။

”အမျိုးဘာသာ သာသနာကို ကာကွယ်စောင့်ရှောက်ရမည်” ဆိုတဲ့ ဆောင်ပုဒ်လေး။ ဟိုနား သည်နားခဏ ခဏ တွေ့ဖူးတယ်။ အဲ့သည် ဆောင်ပုဒ် လေးရဲ့ အရှေ့မှာ ”မြန်မာပြည်၏” ကို ထည့်ရေးပေးကြပါဦး။ နောင်လာနောက်သားတွေ ကိုယ်ဖို့မှန်းမသိ သူဖို့မှန်းမသိ ဖြစ်ကုန်မှာစိုးလို့ပါ။ စိုးတထိတ်ထိတ်နဲ့ မိုးရိပ်တွေကြားက လျှပ်စီးအလင်းတွေ ကိုကြောက်တယ်။ မိုးကြိုးပစ်ရင် တစ်ကိုယ်လုံး မည်းတယ်ဆိုပဲ။

လယ်သမားတွေ ဘဝရှေ့ရေးအတွက် လယ်တွေကို သိမ်းတယ်။ ငါးတွေ ကိုကုန်းပေါ်တင်သလို မျိုးပေါ့။ စေတနာ ရှေ့ထား အလျော်အစားပေးတယ်။ တိုင်းပြည်ကြီးပွားဖို့ ရေခွန် မီးခွန်တွေတိုးတယ်။ ဖုန်းကတ်တွေ ဈေးသက်သာ လို့ ပြောခတွေ မျက်ဖြူဆိုက်လို့ အနစ် နာခံရှာတယ်။ ဒါတောင်ခွဲတမ်း တ ကယ် အလိမ္မာကြီးတယ်။ အမှည့်ခြွေ ခြွေတယ်ဆိုတာ အင်မတန် စားလို့ချိုသတဲ့။

ဆင်းရဲတဲ့တို့များကို ချမ်းသာသုခ ရစေချင်လို့ ခေါင်းတွေကို ဖြတ်ယူပြီး လက်ထဲကို ပိုက်ဆံတွေ ထည့်တော့ ဘယ်ပါးစပ်နဲ့ စားရပါ့မလဲ။ အင်း – - – တို့များလည်း ဟီးရိုးကြီး တို့နေတဲ့ အိမ်မြေတွေကို မရောင်းမနေရစနစ်နဲ့ အတင်း ကြီးဝယ်ချင်လှပါရဲ့။ (ငွေရှိရင် ပြောပါတယ်)လူလတ်တန်းစား၊ အလုပ် သမား၊ ဆင်းရဲသားတွေ အဆင်ပြေစေဖို့ ကား တွေကို သွင်းတယ်။ ကားတွေ ကျပ်လွန်း လို့ အလုပ်သွား အလုပ်ပြန်ကို ကား အခွန်ရတဲ့ငွေတွေနဲ့ လေယာဉ်အကြို အပို့ လုပ်ပေးဦးမယ်ထင်တယ်။ မှတ်ပုံ တင်တွေ မိတ္တူကူးထား၊ နီးစပ်ရာလူ အရင်စီးရမယ်။

လူသားချင်းစာနာတတ်တဲ့ စိတ်နဲ့ တခြားက ဒုက္ခသည်တွေကို သနားလွန်း လို့တဲ့။ အိမ်သားတွေကို ရွာပြင်ထုတ်ပြီး ဧည့်သည်တွေကို နေရာပေးတယ်။ ဝေဿန္တရာလို ချစ်ခြင်းအပြစ်ကင်းဖို့ ရာထူးတွေစွန့် ဆုတံဆိပ်တွေစွန့်ပြီး တောထဲသွား တရားအားထုတ်ကြလည်း အကောင်းသားနော်၊ အနည်းဆုံးတော့ ဝိဇ္ဇာတွေဖြစ် ဇော်ဂျီတွေဖြစ်ပြီး တိုင်း ပြည်ကို လိုတရဆေးကြိမ်လုံးနဲ့ တို့တို့ပြီး လိုရာဖန်ဆင်းကြပါတော့။ (အခုလည်း ဝိဇ္ဇာတွေလို စွမ်းပါရဲ့)ဟီးရိုးတွေရဲ့ ဘဝရှေ့ရေး၊ အနာ ဂတ်ရှေ့ရေးမှာ ဖြိုးမောက်စည်ပင်ဖို့ တို့တစ်တွေ တစ်ယောက်တစ်ရွာ နောက် တစ်ခါ မဆုံရတော့အောင် မီးမုန်တိုင်း ထဲဖြတ်ပြေးခိုင်းတယ်။ အနိုင်ရသူအ တွက် ဆုက ”ဒိုင်း” ဆု၊ ပန်းဝင်တဲ့သူတွေ များလွန်းလို့ ပေးလိုက်တဲ့ဆုတွေ။ တစ် ဒိုင်းဒိုင်းနဲ့ တစ်တောလုံးညံ တစ်တောင် လုံးညံလို့။

တိုင်းပြည်အတွက် တိုင်းပြည်အ တွက်နဲ့တိုင်းပြည်ဆိုတာ ဟီးရိုး (Hero) တွေကိုကိုယ်စားပြုတာလား။ ဇီးရိုး (Zero) တွေကို ကိုယ်စားပြုတာလားဆိုတာ တွေးမိတိုင်း အသည်းတယားယားနဲ့ နားမလည်နိုင်သေးတဲ့ ကိုယ့် အိုင်ကျူ (IQ) လို လူတွေတိုင်း အူတူတူ ငူတူတူ ဖြစ်နေပေမယ့် ဖော်လံဖားတွေကတော့ လူလူသူသူ၊ ဈေးနှုန်းတွေတက်တော့ မြေကြီးက ရွှေသီးပြီး နှစ်ဘယ်လောက် နေနေ ကျူးကျော်ဆိုလား၊ နေနေချင်း မရှင်းခဲ့တာ၊ အခုမှ ရုံးတက်ကြတယ် ထင်ရဲ့။ အစိုးရပိုင်မြေ ဖယ်ပေးတဲ့။

”အခုတော့ -  တို့သိပြီ . . .” အစိုးရ ဆိုတာ ပြည်သူမဟုတ်ဘူး။ လမ်းဘေး က ခွေးတွေ အိမ်ရှေ့လာအိပ်လို့ ရိုက် ထုတ်တဲ့ပုံစံမျိုးနဲ့ သက်သက်ညှာညှာပါ ပဲ၊ ဘူဒိုဇာ(Bulldozer)နဲ့ ထိုးမယ် ဆိုတဲ့ သားချော့တေးကလေးနဲ့။ တစ် ပြည်သူမရွှေထားနဲ့ အပြင်လူ တရုတ် ကုလားတွေကိုတော့ ရာထောင်ချီတဲ့ မြေဧကတွေမှာ နှစ် (၆ဝ) လုပ်ကိုင်ခွင့်နဲ့ နှစ်တစ်ရာလုပ်ကိုင်ခွင့်နဲ့ နေရာအ ကျယ်ကြီးတွေပေးလို့ တိုင်းပြည်ကောင်း စားအောင် လုပ်ပေးနေတာတောင်မှ တို့ ပြည်သူတွေထဲမှာ ငါးပေပတ်လည် လောက်နဲ့ နေရသူတွေရှိသေး။ တော် တော်လည်း တုံးအတဲ့ အသုံးမကျတဲ့ အမုန်းညထဲက ပြည်သူဇီးရိုးတွေ။ ရေ မြင့်တာတောင် ကြာမမြင့်လာဘူး။ဟီးရိုး ပုဂ္ဂိုလ် (Hero Men) တွေနဲ့ ဇီးရိုးပြည်သူ (Zero Citizen)  တွေ လကွယ်ညအခါသမယမှာ မီးသီး ပုဂ္ဂိုလ်တွေနဲ့ ဆီးသီးပြည်သူတွေ၊ လင်း နေတဲ့အရောင်ကို အားယူပြီး ဆန်ကော ထဲက ဆီးသီးတွေကို ကစားနေ စားနေ ကြတယ်။ စေတနာစကားတွေ ခဏ ခဏ မပြောပါနဲ့ နာတာရှည် ဝေဒနာ နားမို့ မကြားနိုင်တော့ဘူး။

မိုးမလင်းခင် အတိုးအရင်း အရင် တွက်နေရတဲ့ ဘဝတွေကို ပဲဟင်းတိုက် ဆန္ဒမဲတောင်းပြီးမှ ရွာမလိုလိုနဲ့ မည်းတဲ့ မိုးက ကောင်းကင်ကြီးတစ်ခုလုံး အ မှောင်အတိပဲ။ တွေးမိတိုင်း ရင်ထဲမှာနာ တယ်။ ကိုးစားရတော့မလိုလိုနဲ့ ကျိုး သွားတဲ့ မြားတွေကောင်းကင်မှာ ပလူပျံ နေခဲ့ပြီး၊ သားရဲရန်ထက် မြားကျိုးဒဏ် မမှန်ဖို့လည်း ဂရုစိုက်နေရပြီ၊ ဟီးရိုးတွေ ကတော့ အားကျိုးမာန်တက် ကိုယ့်ဖို့ ကိုယ်လုပ်နေကြတုန်း။ကောင်းရင် ငါ ငါ။ မကောင်းရင် သူ သူနဲ့။ ဟိုဘက်ထိုးသည်ဘက်ထိုး လက်ညှိုးကြီးတွေ။ ငါ ငါဆိုတဲ့ အလှည့် ကျမှ အရှိန်မထိန်းနိုင်ဘဲ ကိုယ့်မျက်လုံး ကိုယ် တည့်တည့်ကြီး ထိုးမိမှာတော့ သနားတယ်။

လူနည်းစုကို ညှာတာပါ။ လူသား ချင်းစာနာပါဆိုတဲ့ အကြင်နာစကား လေး တစ်ခွန်းက ရင်နာစရာ အိပ်မက် ဆိုးတွေကို မသေမချင်း မက်ခိုင်းရက် တယ်။ အိမ်သားက ငါးယောက် လက် နက်ကိုင် ဓားပြက သုံးယောက်ဆိုရင် ရောလို့ မေးခွင့်ရှိပါသလား။ ကြမ်းကျွံရင် နုတ်လို့ရပေမယ့် စကားကျွံ ရင် နုတ်လို့ မရဘူး။ စကားတွေ အရမ်းအရမ်း မပြောကြပါနဲ့ ဟီးရိုးတို့ရေ။ ဟီးရိုး ကြီးတို့ ခေတ်ဖြစ်နေလို့ပါ။ စေတနာမှန် ရိုးသားတဲ့လူနာစောင့်က လူနာကို ဆေး မှားတိုက်သလိုမျိုး “good faith”  ဆိုတဲ့ (သဘောရိုး)လို့ နားလည်ပေးဖို့ရာ ပေးဆပ်ရတဲ့ ထုထည်နဲ့ တန်ဖိုးကိုတော့ တွက်ဆနှိုင်းချင့်စေချင်ပါတယ်။ Óဏ် မပါတဲ့ စေတနာဟာ ဝေဒနာကို တိုး စေပါတယ်။ ‘ရွာလွန်ရွက်တိုက်’၊ ‘အလှမ်း ကျယ် အလယ်လပ်’ စကားပုံလေးတွေ ရဲ့ အဓိပ္ပာယ်သိအောင် နီးရာလူကို လက်တို့မေးကြည့်ပါဦး။ ဇီဝတဒါန မြောက်ချင်တဲ့ သူတော်ကောင်း တွေက ကြောင်ချင်းကိုက်တာကို အိမ်က ကြောင်ကိုသတ်ပြီး အပြင်က ကြောင်ကို ကယ်ကြတယ်တဲ့။ သာဓု သာဓု။

ကိုယ့်သရဖူ ကိုယ်ထိန်းရင်း ကိုယ့် လုံချည်အထုံးပြေပြီး ကျွတ်ကျတာ တောင် မကောက်အားကြတော့ဘူး။ အရှက်ဆိုတာ ကြည့်တဲ့လူ အတွက်ပေါ့။ နောက် လူတွေ ကျော်တက်မှာ ကြောက် ရ ”ငါသိ ..ငါတတ် ..ငါ့အရပ် . . ငါ့ဇာတ် ငါနိုင်အောင် ကမယ် ဟဲ့” လို့ ကြိမ်းဝါးပြီး ရှေ့ကနေ ကိုးရိုးကား ယား ဦးဆောင်နေတဲ့ ဦးသျှောင် ဟီးရိုး (Hero) ကြီးတွေက ပြည်သူ ဇီးရိုး (Zero) တွေ ကို ‘လက်ခုပ်ထဲကရေ’ လို့ပဲ သဘော ထားနေရော့သလား။ အိမ်သာခွက်လို့ပဲ သဘောထားနေရော့သလား ‘မော့ ကြည့်လည်း ဘာအရေးလဲ၊ ဒါရှက်စရာ မဟုတ်၊ မင်းအလုပ်မင်းလုပ်၊ ငါကတော့ ငုတ်တုတ် ငုတ်တုတ် လုံးလုံးမလှုပ်’ လို့ တိတ်တိတ်ကလေးများ အံကြိတ်ပြီး တစ်ကိုယ်တည်း တီးတိုးရေရွတ်နေသေး လား။

စမ်းသပ်ကာလတွေနဲ့ ခဏခဏ ပြောင်းနေတဲ့ ပေါ်လစီ (Policy)  တွေ ‘မင်းမှာသစ္စာ လူမှာကတိ’ ဆိုတဲ့ စကား လေး မြန်မာမှန်ရင် ကြားဖူးမှာပေါ့။ အမြည်းကျွေးရင်း ဟင်းမြည်းရင်းနဲ့ ဟင်းစားတွေကုန်ပြီး စားတော်ကဲတွေက ဝဝလာပေမယ့် တကယ်တမ်း စားရမယ့် သူတွေက ငါးပိတို့စရာနဲ့ ဝမ်းစာဖြည့်လို့ ဟာနေတဲ့ဝမ်း ငြိမ်ရင်ပဲ ကျေနပ်လို့၊ နပ် မမှန်တဲ့ ဒုက္ခတွေကို ရင်ဆိုင်ဖူးလို့တဲ့။ ဒါနဲ့လည်း ကျေနပ်နေနိုင်ရဲ့။ မျက်မမြင် ဆီက ပတ္တမြားကို ဒိုးပစ်ဖို့ဆိုပြီး ကျောက်ခဲဈေးပေးဝယ်ရက်တယ်။

သေရင်ထားခဲ့ရမယ့် ရာထူးစည်း စိမ်တွေအတွက် ကွေးသောလက်မဆန့်မီ ဆန့်သောလက်မကွေးမီ လူဖြစ်ကျိုးနပ်ဖို့ ဘုရားဟောတဲ့ တရားကို ပီပြင်အောင် လေ့လာသွားကြပါဦး။ အေးစက်တောင့် တင်း အနံ့ပြင်းမှ မထိရက် အကြင်နာ ကင်းလို့ အဝတ်တစ်ထည် ကိုယ်တစ်ခုနဲ့ ခန္ဓာကြီးကို အိမ်သူသက်ထားက မီးပုံ ကျ အရိုးလေး ကောက်ဖို့တောင် မဝံ့ရဲ နိုင်ဘူး။ ‘အမောင်တို့ရေ အသိတစ်ဝက် နဲ့ပဲ ဆင်ခြင်ပါဦး။ အတိတ်စေတနာ ဘုန်းကံကောင်းလို့ အရာဝင် ပါရမီရှင် ဘဝမှာ ခဏကွယ်နေတဲ့ လောဘအတ္တ ကိုပယ် လည်ရမယ့် သံသရာအတွက် အများအကျိုး ဆောင်သွားကြပါဦး။ အသင့်အကျိုးလည်း ကုဋေကဋာ’

အံ့သြစရာ ကောင်းလောက် အောင် လိုအပ်ချက်တွေ များလွန်းတယ်။ လွမ်းတာကို နာတာနဲ့ မဖြေချင်ပေမယ့် အသီးတစ်ရာ အညှာတစ်ခက် အမှား တစ်ရာ အမှန်တစ်ချက်ဆိုတော့လည်း မကျွမ်းကျင်တာလား။ ငြမ်းဆင်တာ လား။ အများနစ်နာမယ့် ယာဉ်မောင်းဆို ရင်တော့ အချိန်မနှောင်းခင် ကားပေါ် က မြန်မြန်သာ ဆင်းကြပါတော့။ ဆုံး ရှုံးရမယ့် ဘဝတွေ အရမ်းများတယ်။

ငိုချင်လျက်လက်တို့။ နဂိုအရင် ထက် ဇာတ်ပို့တွေက သရုပ်ဆောင် ပို ကောင်းလာတယ်။ ဇာတ်ပို့ဆုတွေ ပေး လိုက်တာများ လက်မလည်ဘူး။ ဟို အရင်တစ်ရက်က ခေတ်ပျက်တုန်း မြေ တွေတူးပြီး အုတ်ဖုတ် ဘုရားတည်တဲ့ အလှူရှင်တွေ စလွယ်တွေလွယ်ပြီး ဆု တွေယူကြတယ်။ နတ်ပြည် မှာ ပြာသာဒ် တွေပေါ်နေပြီမို့ တို့တွေ လည်း အား ကျမိပါရဲ့။ သူတို့အတွက် တို့တစ်တွေက ပါရမီဖြည့်ဖက် ဒီတစ်သက်ပေ့ါ။  လမ်းဖြောင့်ဖြောင့်လျှောက်ရင် ခရီးမထောက်တာသိလျက်နဲ့ လမ်း ရှောင်လို့ လမ်းမြောင်က လျှောက်ပုံ ထောက်တော့ ရတနာသိုက်ရှိရာကို မြေပုံ အညွှန်းနဲ့ သွားနေတယ်ထင်ပ။ မတင်မကျနဲ့ ဆင်ဝှေ့ရန်ရှောင် လုပ် လိုက် မထီမဲ့မာန်ထောင်လုပ်လိုက်နဲ့ အရှုပ်တွေ ထပ်အောင်လုပ်ပြီး ပြန်ပြန် ရှင်းနေတာနဲ့ပဲ အချိန်တွေ ကုန်လှပေါ့။ နေအရှိန်ကျန် ညနေခင်းမှာ သေကြိမ် ဖန်ဖန်လည်း များလှပါပြီ။ ကောင်းမွန် စွာ မှေးစက်လို့ နောက်တစ်နေ့ မနက်ကို မြန်မြန်ရောက်ချင်ပြီမို့

စိတ်ကူးယဉ် အိပ်မက် ငြိမ်းချမ်း ပါရစေတော့ . . .
စိတ်ကူးယဉ် အိပ်မက် ငြိမ်းချမ်းပါ ရစေတော့ . . .
လေဒီဒိုင်းမွန်း
Popular Myanmar News Journal