ရုရှားသမ္မတပူတင်က အမေရိကန်သည် အမေရိကန် စုံစမ်းရေးအစီအမံများကို ပေါက်ကြားစေခဲ့သူ စနိုးဒန်အားရုရှားတွင် ပ်ိတ်မိနေစေခဲ့ကြောင်း စွပ်စွဲပြီး စနိုးဒန်သည်လည်း ရုရှားမှ တတ်နိုင်သမျှ
မြန်ဆန်စွာ ထွက်ခွာသွားမည်ဖြစ်ကြောင်း တနင်္လာနေ့တွင် ပြောကြားသည်။
“သူသွားမယ့်နေရာ သေချာပြီဆိုရင် သူတကယ် ထွက်သွားမှာပါ” ဟု ပူတင်က မှတ်ချက်ပြုသည်။
“သူဟာရုရှားကို မဖိတ်ခေါ်ဘဲ ရောက်လာတယ်။ ကျွန်တော်တို့ဆီ ရည်ရွယ်ပြီး လေယာဉ်စီးလာတာ မဟုတ်ဘူး၊ ဒီကနေတစ်ဆင့် ပြောင်းစီးဖို့ ရောက်လာတာပါ” ဟု ပူတင်ကဆိုသည်။
“ဒါပေမယ့် သူလေယာဉ်စီးတယ် ဆိုရင်ပဲ အဲဒါကိုသိတဲ့ ကျွန်တော်တို့ရဲ့မိတ်ဆွေ အမေရိကန်နိုင်ငံက သူနောက်ထပ် လေယာဉ်မစီးနိုင်အောင် ပ်ိတ်လိုက်တယ်လေ”ဟု ဆက်လက် ပြောကြားသည်။
ယခုကဲ့သို့ ပြောဆိုခြင်းသည် စနိုးဒန် လေယာဉ်ကွင်းတွင် အခွင့်အရေး လှုပ်ရှားတက်ကြွသူများ
ရှေ့နေများနှင့် လွန်ခဲ့သည့် ရက်သတ္တပတ် သောကြာနေ့ တွေ့ဆုံပြီးချိန်မှစ၍ ပြည်သူများထံ
၎င်းနှင့်ပတ်သက်၍ ပထမဆုံး မှတ်ချက်ပြုခြင်းဖြစ်သည်။
စနိုးဒန်သည် ဟောင်ကောင်မှ မော်စကိုသို့ ဇွန် ၂၃ တွင်ရောက်ရှိလာခြင်းဖြစ်ပြီး ၎င်းနေ့တွင်ပင်
အမေရိကန်က ၎င်း၏ပတ်စ်ပို့ကို ပယ်ဖျက်လိုက်သည်။
စနိုးဒန်သည် မော်စကိုမှ ကျူးဘားရှိ ဟားဗားနားမြို့သို့ သွားရောက်ရန် ကြိုတင်လက်မှတ်
မှာထားသော်လည်း လေယာဉ် မစီးလိုက်ရဘဲ လေယာဉ်စီးမည့် ခရီးသည်များ ထွက်ခွာရာ
နေရာတွင် ပိတ်မိနေခဲ့သည်။
ပူတင်က အမေရိကန်သည် အခြားနိုင်ငံများကိုလည်း ခြောက်လှန့်ထားပြီး နိုင်ငံအများအပြားက
၎င်းကိုလက်မခံတော့ကြောင်း စနိုးဒန် ရုရှားနိုင်ငံတွင်း ပိတ်မိနေစေရန် အမေရိကန်ကသာ
လုပ်ဆောင်ခဲ့ကြောင်း ပြောကြားသည်။
စနိုးဒန်က ခိုလှုံခွင့် လက်ခံသည့် နိုင်ငံများရှိသော လက်တင်အမေရိက နိုင်ငံများသို့ မထွက်ခွာမီ ရုရှားတွင်ယာယီခိုလှုံခွင့် ရချင်ကြောင်း သောကြာနေ့ တွေ့ဆုံပွဲတွင် ပြောကြားခဲ့သည်။
၎င်းသည် အစောပိုင်းတွင် ရုရှားသို့ ခိုလှုံခွင့်တောင်းခဲ့သော်လည်း ရုရှားအစိုးရက ထပ်မံဖွင့်ချခြင်းများ
ရပ်ဆိုင်းပါက လက်ခံမည်ဆိုသောကြောင့် ခိုလှုံခွင့်ကို လက်လျှော့ခဲ့သည်။
လွန်ခဲ့သည့် ရက်သတ္တပတ်က ယာယီခိုလှုံခွင့် တောင်းခံခဲ့ရာတွင် စနိုးဒန်က အမေရိကန် အကျိုးစီးပွားကိုထပ်မံမထိခိုက်စေရန် ကတိပေးကြောင်း ပြောကြားခဲ့သည်။
“သူ့ရဲ့နောက်ဆုံး ထုတ်ပြန်ချက်ကိုကြည့်ရတာ သူတနည်းတဖုံတော့ ပြောင်းလဲ လာတဲ့ပုံပဲ။ ဒါပေမယ့် ခုထိတော့အခြေအနေ သေချာရှင်းလင်းသေးတာ မဟုတ်ဘူး”ဟု ပူတင်က ပြောကြားပြီး
စနိုးဒန် ခိုလှုံခွင့်ကို လက်ခံမခံပြောကြားခြင်း မရှိပေ။
လက်ရှိတွင် သမ္မတပူတင်သည် စက်တင်ဘာ အစောပိုင်းတွင်ပြုလုပ်မည့် ဂျီ ၂၀ ဆွေးနွေးပွဲအပြီး မော်စကိုတွင်သမ္မတအိုဘားမားနှင့် တွေ့ဆုံ ဆွေးနွေးမည်ဖြစ်သည်။
ပူတင်က “ရုရှားဟာ အမေရိကန်နဲ့ ချိတ်ဆက်မှုတွေရှိတယ်။ စနိုးဒန်ရဲ့လုပ်ဆောင်ချက်တွေကြောင့် အမေရိကန်နဲ့ရုရှားကြား ချိတ်ဆက်မှုတွေ မပျက်စီးစေချင်ဘူး”ဟု စနိုးဒန်နှင့် ပတ်သက်၍
ရှင်းရှင်းလင်းလင်း ပြောကြားသည်။
စနိုးဒန်သည် သူ၏လုပ်ဆောင်မှုများအား ဆက်လက် လုပ်ဆောင်မည်ဟု ပြောကြားထားကြောင်း ပူတင်ကဆက်လက်ပြောကြားပြီး “အဲလိုလုပ်မယ်ဆိုလည်း ကျွန်တော်တို့ မပါဘဲလုပ်တာ ဖြစ်မှာပါ၊
ကျွန်တော်တို့မှာ လုပ်စရာတွေ ရှိသေးတယ်”ဟု ပူတင်က ပြောကြားသည်။
Ref:AFP
မြန်မာ့ခေတ်
