ကလေးစစ်သား ၇ဝ နီးပါး လွှတ်ပေးမှု ကုလသမဂ္ဂကြိုဆို

မြန်မာအစိုးရက အသက်မပြည့်သေးတဲ့ ကလေးစစ်သား ၆၈ ဦးကို ဒီကနေ့လွှတ်ပေးလိုက်တဲ့အပေါ် ကြိုဆိုကြောင်း ကုလသမဂ္ဂက ကြေညာချက်ထုတ်ပြန် ပြောဆိုလိုက်ပါတယ်။

ကလေးစစ်သားပပျောက်ရေးနဲ့ ပတ်သက်ပြီး ကုလသမဂ္ဂနဲ့ မြန်မာအစိုးရတို့ သဘောတူလက်မှတ်ရေးထိုး ခဲ့ပြီးနောက်ပိုင်း ကလေးစစ်သား အများဆုံးလွှတ်ပေးလိုက်တာလည်း ဖြစ်ပါတယ်။

မြန်မာအစိုးရဟာ ပြီးခဲ့တဲ့လ ဇူလိုင် ၈ ရက်နေ့က ကလေးစစ်သား ၄၂ ယောက်ကို တတိယအကြိမ်မြောက် လွှတ်ပေးခဲ့ပြီး တစ်လမပြည့်ခင်ကာလမှာ ကလေးစစ်သား ၆၈ ယောက်ကို ထပ်မံလွှတ်ပေးလိုက်တာဖြစ်ပါတယ်။ ဒါဟာ မြန်မာအစိုးရရဲ့ အကောင်းဘက်ကို ဦးတည်နေတဲ့ ခြေလှမ်းတစ်ရပ်ဖြစ်တယ်လို့ မြန်မာနိုင်ငံဆိုင်ရာ ကုလသမဂ္ဂဌာနေကိုယ်စားလှယ် Ashok Nigam က ပြောပါတယ်။

မြန်မာအစိုးရဟာ ၂ဝ၁၂ ခုနှစ်၊ ဧပြီလ ၂၈ ရက်နေ့က နိုင်ငံအတွင်း ကလေးစစ်သားပပျောက်ရေးနဲ့ အဓမ္မလုပ်အားပေးခိုင်းစေမှု ပပျောက်ရေးအတွက် ၃ နှစ်စီမံကိန်း သဘောတူညီချက်တစ်ရပ်ကို ILO နဲ့ သဘောတူလက်မှတ်ရေးထိုးခဲ့သလို အရွယ်မရောက်သေးတဲ့ ကလေးသူငယ်များအား စစ်သားအဖြစ်အသုံးပြုနေမှုကို ၂ဝ၁၅ မတိုင်မီ ရှာဖွေဖော်ထုတ်ကာ စစ်တပ်မှနုတ်ထွက်ခွင့်ပြုရေး ကုလလုံခြုံရေးကောင်စီရဲ့ ဆုံးဖြတ်ချက်ကိုလည်း သဘောတူညီထားပါတယ်။
RFA Burmese

တိုင်းနှင့် ပြည်နယ်လွှတ်တော်ဆိုင်ရာဥပဒေ လွှတ်တော်နှင့် သဘောထားကွဲလွဲ၍ နိုင်ငံတော်သမ္မတ လက်မှတ်မထိုး

ရန်ကုန်၊ သြဂုတ် ၇
ပြည်ထောင်စုလွှတ်တော်က သြဂုတ်လ ၆ ရက်နေ့တွင် ပြဋ္ဌာန်းလိုက်သည့် တိုင်းဒေသကြီး သို့မဟုတ် ပြည်နယ် လွှတ်တော်ဆိုင်ရာ ဥပဒေပါ အချက် ကိုးချက်တွင် လွှတ်တော်နှင့် သဘောထား ကွဲလွဲနေသောကြောင့် နိုင်ငံတော်သမ္မတ ဦးသိန်းစိန်က လက်မှတ် မရေးထိုးခြင်းဖြစ်ကြောင်း အစိုးရ သတင်း ထုတ်ပြန်ရေးအဖွဲ့က ယနေ့ ထုတ်ပြန်သည်။

အဆိုပါ ဥပဒေကြမ်းပါ အချက် ကိုးချက်မှာ အခြေခံဥပဒေ၊ တည်ဆဲ ဥပဒေ များနှင့် ညီညွတ်ရန် လိုအပ်ချက်များ ရှိနေခြင်းကြောင့် နိုင်ငံတော်သမ္မတက လက်မှတ် ရေးထိုးနိုင်ခြင်း မရှိကြောင်း ပြည်ထောင်စု လွှတ်တော် နာယကထံ သြဂုတ်လ ၅ ရက်နေ့တွင် သဝဏ်လွှာ ပေးပို့ထားကြောင်း အစိုးရ သတင်း ထုတ်ပြန်ရေးအဖွဲ့က ဆိုသည်။

အဆိုပါ ဥပဒေကြမ်းကို နိုင်ငံတော်သမ္မတ လက်မှတ် ရေးထိုးနိုင် ရန် ပြည်ထောင်စု ရှေ့နေချုပ်၊ ဥပဒေ ပညာရှင်များ၊ ဘာသာရပ်ဆိုင်ရာ ကျွမ်းကျင်သူများနှင့် ညှိနှိုင်းပြီး အခြေခံ ဥပဒေနှင့် ညီညွတ်ရန် ဆောင်ရွက် ကာ လွှတ်တော်သို့ သဘော မှတ်ချက် ကိုးခုဖြင့် ပြန်လည် ပေးပို့သော်လည်း လွှတ်တော်က မူလအတိုင်းသာ အတည်ပြုလိုက်ကြောင်း အဆိုပါ ထုတ်ပြန်ချက်တွင် ဖော်ပြထား သည်။

“သမ္မတ လက်မှတ် မထိုးလည်း ဥပဒေက အတည်ဖြစ်တယ်။ အမေရိကန်မှာ လိုတော့ သမ္မတက ဗီတို အာဏာနဲ့ ပယ်လို့မရဘူး” ဟု သီပေါမြို့နယ် ပြည်သူ့လွှတ်တော် ကိုယ်စားလှယ် ဦးရဲထွန်းက ယခု ဥပဒေ ပြဋ္ဌာန်းခြင်းနှင့် ပတ်သက်၍ ပြောကြားသည်။

ယင်းသို့ သမ္မတနှင့် လွှတ်တော် သဘောထား မကိုက်ညီသည့် အခြေအနေ တွင် ပြဋ္ဌာန်းပြီး ဥပဒေများ အခြေခံ ဥပဒေနှင့် ညီညွတ်ရေး စိစစ်ရန်အတွက် အခြေခံ ဥပဒေ ပုဒ်မ ၃၂၂ (ခ) အရ နိုင်ငံတော် ဖွဲ့စည်းပုံ အခြေခံဥပဒေ ဆိုင်ရာ ခုံရုံးတွင် တာဝန်ရှိကြောင်း သတင်း ထုတ်ပြန်ရေး အဖွဲ့၏ ထုတ်ပြန်ချက်အရ သိရသည်။

ဖွဲ့စည်းပုံ အခြေခံဥပဒေ ပုဒ်မ ၁၀၆ (ဂ) တွင် ပြည်ထောင်စုလွှတ်တော် က ပြန်လည် ပေးပို့သော ဥပဒေကြမ်းကို သတ်မှတ် ကာလ (ပြန်လည် ရရှိသည့်နေ့၏ နောက်တစ်နေ့မှ ခုနစ်ရက်) အတွင်း နိုင်ငံတော်သမ္မတ လက်မှတ်ရေးထိုးခြင်း မပြုလျှင် ဥပဒေကြမ်းသည် နိုင်ငံတော်သမ္မတ၏ လက်မှတ် ရေးထိုးချက်ကို ရရှိပြီးသကဲ့သို့ ဥပဒေ ဖြစ်လာရမည်ဟု ဖော်ပြ ပါရှိသည်။
The Voice Weekly

ဆရာတော် အရှင်ဆန္ဒာဓိကမှ ရှစ်လေးလုံးငွေရတုအခမ်းအနားသို့ ငွေကျပ် (၂၅)သိန်း လှူဒါန်း

ဆရာတော် အရှင်ဆန္ဒာဓိကမှ ရှစ်လေးလုံးငွေရတုအခမ်းအနားသို့ ငွေကျပ် (၂၅)သိန်းကို ပေးအပ်လှူဒါန်းခဲ့သည်။
8888 silver jubilee
Popular Myanmar News Journal

ရှစ်လေးလုံးငွေရတုအထိမ်းအမှတ် သံဃာတော်များကို ဆွမ်း၊ သင်္ကန်း ဆက်ကပ်

ရန်ကုန်-သြဂုတ်၈
ယနေ့ရန်ကုန်တွင်ကျင်းပနေသည့် ရှစ်လေးလုံးငွေရတုအထိမ်းအမှတ် သံဃာတော်များအား ဆွမ်း၊ သင်္ကန်း ဆက်ကပ် ပွဲတွင် သံဃာတော် အပါး (၁၅၀) အတွက် ဓနုဖြူဒေါ်စောရီ (မြေနီကုန်းဆိုင်ခွဲ) မှ ဒါနပြု လှူဒါန်းခဲ့ပြီး ဇောတိကသင်္ကန်းတိုက်မှ သင်္ကန်းများ လှူဒါန်းခဲ့သည်။
8888 silver jubilee
Popular Myanmar News Journal

၈ လေးလုံး နဲ့ စစ်မှန်တဲ့ အပြောင်းအလဲ

စစ်တပ် အနေနဲ့ အုပ်ချုပ်ရေးမှာ မစွက်သင့်တော့

8 သြဂုတ်လ 2013
၈ လေးလုံး လှုပ်ရှားမှု အပြည့် အဝ မအောင်မြင် ခဲ့ပေမယ့် အဖူးအပွင့်ကို စမြင် ရပြီ၊ အပြောင်းအလဲ အတွက် ဒီမိုကရေစီ အင်အားစု တွေ ညီဖို့ လိုတယ်လို့ ၈၈ မျိုးဆက် ကျောင်းသား ခေါင်းဆောင် တယောက် ဖြစ်တဲ့ မင်းကိုနိုင် က ဘီဘီစီကို ပြောကြား ပါတယ်။

ပြည်သူတွေ ခံစား နေရတဲ့ မပြည့်စုံမှု၊ မငြိမ်းချမ်းမှု တွေ ပပျောက်မှသာ စစ်မှန်တဲ့ အပြောင်းအလဲ ရမယ် လို့လည်း သူက ပြောပါတယ်။

စစ်မှန်တဲ့ ပြောင်းလဲမှု ရဖို့ ဖွဲ့စည်းပုံ ပြင်ဆင်ရေး၊ ပြည်တွင်း ငြိမ်းချမ်းရေး၊ အုပ်ချုပ်ရေးမှာ မစွက်တဲ့ ပရိုဖက်ရှင်နယ် စစ်တပ် ဖြစ်ဖို့ တွေ လိုတယ်လို့ သူက ထောက်ပြ ပါတယ်။

၈၈ လှုပ်ရှားမှု တုန်းက လမ်းစဉ် ပါတီ အစိုးရက ပါတီစုံ ရွေးကောက်ပွဲ ကမ်းလှမ်း ပေမယ့် အတိုက်အခံ လက်ခံ နိုင်တဲ့ ဖွဲ့စည်းပုံ ဥပဒေ မရှိ၊ သက်တမ်းရှည် အာဏာရ ပါတီနဲ့ မယှဉ်လို တဲ့ အတွက် ရွေးကောက်ပွဲကို ပယ်ချပြီး ကြားဖြတ် အစိုးရ တောင်းခဲ့ ရာက မညှိနှိုင်း နိုင်ဘဲ အာဏာ သိမ်းခံရ တယ်လို့ မင်းကိုနိုင်က ရှင်းပြပါတယ်။

ဆုံးဖြတ်ချက်ချ

 ရန်ကုန်မှာ ကျင်းပနေတဲ့ ၈ လေးလုံး ငွေရတု ဆွေးနွေးပွဲ ကနေပြီး

- ဒီမိုကရက်တစ် ဖက်ဒရယ် ပြည်ထောင်စု ဖော်ဆောင်ရေး

 - ၂၀ဝ၈ ဖွဲ့စည်းပုံ အခြေခံဥပဒေ ပြင်ဆင်ရေး(သို့မဟုတ်) အသစ် ပြန်လည် ရေးဆွဲရေး

- အားလုံး ပါဝင်တဲ့ အမျိုးသား ပြန်လည် သင့်မြတ်ရေး ညီလာခံ တရပ် ကျင်းပရေး

အချက်တွေကို သြဂုတ်လ ၇ ရက် နေ့က ဆုံးဖြတ်ချက် ချခဲ့ ကြတယ် လို့ သိရပါတယ်။

ဒီကနေ့ အခမ်းအနားကို ၈ လေးလုံးက ပေါ်ထွက်လာတဲ့ အတိုက်အခံ ခေါင်းဆောင် ဒေါ်အောင်ဆန်း စုကြည် တက်ရောက် မိန့်ခွန်းပြောမှာ ဖြစ်ပါတယ်။

၈ လေးလုံး အုံကြွမှု အတွင်း သိန်းနဲ့ချီတဲ့ နိုင်ငံသားတွေ ပါဝင် လှုပ်ရှား ခဲ့ပြီး စစ်အာဏာသိမ်း အစိုးရရဲ့ ချေမှုန်းမှု ကြောင့် ကျရှုံး ခဲ့ရပါတယ်။

ကျင်းပနေတဲ့ ၈ လေးလုံး ပွဲဟာ မြန်မာ့ ပြုပြင် ပြောင်းလဲရေးရဲ့ အရေးကြီးတဲ့ ပြယုဂ် ဖြစ်ကြောင်း ဘီဘီစီ အရှေ့တောင် အာရှ သတင်းထောက် က ပြောကြား ပါတယ်။
ဘီဘီစီ မြန်မာပိုင်း

မြန်မာ ပဋိပက္ခဒေသများကို မသွားရန် ဗြိတိန်နိုင်ငံသားများကို ဗြိတိန်အစိုးရ တားမြစ်

ရန်ကုန်၊ သြဂုတ် ၇
ပဋိပက္ခများ ဖြစ်ပွားခဲ့သည့် ရခိုင်ပြည်နယ်နှင့် မန္တလေးတိုင်းဒေသကြီး မိတ္ထီလာ အနီးဝန်းကျင်ဒေသများနှင့် ကချင်ပြည်နယ် ဒေသများကို ဗြိတိန်နိုင်ငံသားများ သွားရောက် လည်ပတ်ခြင်း မပြုကြရန် ဗြိတိန် နိုင်ငံခြားရေးနှင့် ဓနသဟာယ ဝန်ကြီးရုံးက သြဂုတ်လ ၆ ရက်နေ့တွင် သတိပေး ထုတ်ပြန်လိုက်သည်။

ယင်းနေရာများအပြင် အစိုးရနှင့် လတ်တလော တိုက်ပွဲ ဖြစ်ပွားခဲ့သည့် ရှမ်းပြည်နယ်မြောက်ပိုင်းနှင့် မွန်ပြည်နယ်တို့ကိုလည်း သွားရောက်ခြင်း မပြုလုပ်ကြရန် ယင်းထုတ်ပြန်ချက်တွင် ဖော်ပြသည်။

ရခိုင်ပြည်နယ်တွင် ငပလီကမ်းခြေနှင့် သံတွဲလေဆိပ်မှအပ ကျန်ဒေသများသို့ မသွားရန်၊ မန္တလေးတိုင်းဒေသကြီးတွင် မိတ္ထီလာ၊ မလှိုင်၊ သာစည်နှင့် ဝမ်းတွင်း ဒေသများသို့ မသွားရန်၊ ကချင်ပြည်နယ်တွင် မြစ်ကြီးနား၊ ဗန်းမော်နှင့် ပူတာအိုတို့မှအပ ကျန်နေရာဒေသများ အပါအဝင် မြန်မာနှင့် နယ်နိမိတ်ထိစပ်ရာ ထိုင်း၊ လာအိုနှင့် တရုတ်နိုင်ငံတို့၏ နယ်စပ်ဒေသများသို့ လည်ပတ်ခြင်း မပြုရန် ဗြိတိန် နိုင်ငံခြားရေးဝန်ကြီးဌာနက တားမြစ်ထားသည်။

လူစုလူဝေးဖြင့် လှုပ်ရှားမှုများတွင် မပါဝင်ရန်နှင့် ယင်းဖြစ်ရပ်များကို ဓာတ်ပုံ ဗီဒီယို မှတ်တမ်းတင်ခြင်း၊ တပ်မတော်နှင့် ရဲတပ်ဖွဲ့ကို မှတ်တမ်းတင်ခြင်းများ မပြုလုပ်ရန် ယင်းဌာနက သတိပေးထားသည်။

မြန်မာနိုင်ငံတွင် လွတ်လပ်စွာ လှုပ်ရှားပြောဆိုခွင့်ကို ပိတ်ပင်တားဆီးချက်များ ရှိနေပြီး ဗြိတိန်သံရုံး တာဝန်ရှိသူများ အနေနှင့်လည်း မြန်မာ့အာဏာပိုင်များ၏ ခွင့်ပြုချက် တစ်စုံတစ်ရာ မပါရှိဘဲ ရန်ကုန်မြို့တော်၏ ပြင်ပသို့ ထွက်ခွာခြင်း မပြုရန် တားမြစ်ထားကြောင်း ဗြိတိန် နိုင်ငံခြားရေးဝန်ကြီးဌာနထံမှ သိရှိရသည်။

ဗြိတိန်နိုင်ငံက တားမြစ်လိုက်သည့် ဒေသများသည် ခရီးသွားများ သွားရောက်မှု နည်းပါးသည့် ဒေသများဖြစ်ပြီး ပဋိပက္ခ ဖြစ်ပွားသည့် ဒေသများကို ခရီးသွားလုပ်ငန်းများကလည်း ခရီးစဉ် စီစဉ်ခြင်း မရှိသဖြင့် ယင်းတားမြစ်မှုသည် ခရီးသွားလုပ်ငန်းအတွက် ထူးထူးခြားခြား ပြောင်းလဲမှုရှိနိုင်မည် မဟုတ်ကြောင်း ခရီးသွားလုပ်ငန်းရှင်များ အဖွဲ့ချုပ်မှ ဒုတိယဥက္ကဋ္ဌ ဦးမောင်မောင်ဆွေက ပြောကြားသည်။

မြန်မာနိုင်ငံသို့ ၂၀၁၁ ခုနှစ် အတွင်းက ဗြိတိသျှလူမျိုး ၇၃၀၀ ဝန်းကျင် လာရောက်လည်ပတ်ခဲ့ပြီး ပြဿနာတစ်စုံတစ်ရာ ဖြစ်ပွားခဲ့ခြင်း မရှိကြောင်း ဗြိတိန် နိုင်ငံခြားရေးနှင့် ဓနသဟာယဝန်ကြီးရုံး၏ စာရင်းဇယားများအရ သိရသည်။

အလားတူ အမေရိကန်နှင့် မလေးရှားနိုင်ငံတို့ကလည်း မန္တလေးတိုင်းဒေသကြီး မိတ္ထီလာ၊ ပဲခူးတိုင်းဒေသကြီးတို့တွင် ပဋိပက္ခများ ဖြစ်ပွားခဲ့သော ဒေသများကို သွားရောက် လည်ပတ်ခြင်း မပြုရန် တားမြစ်ခဲ့ကြသည်။
Photo: မြန်မာ ပဋိပက္ခဒေသများကို မသွားရန် ဗြိတိန်နိုင်ငံသားများကို ဗြိတိန်အစိုးရ တားမြစ် ရန်ကုန်၊ သြဂုတ် ၇ ပဋိပက္ခများ ဖြစ်ပွားခဲ့သည့် ရခိုင်ပြည်နယ်နှင့် မန္တလေးတိုင်းဒေသကြီး မိတ္ထီလာ အနီးဝန်းကျင်ဒေသများနှင့် ကချင်ပြည်နယ် ဒေသများကို ဗြိတိန်နိုင်ငံသားများ သွားရောက် လည်ပတ်ခြင်း မပြုကြရန် ဗြိတိန် နိုင်ငံခြားရေးနှင့် ဓနသဟာယ ဝန်ကြီးရုံးက သြဂုတ်လ ၆ ရက်နေ့တွင် သတိပေး ထုတ်ပြန်လိုက်သည်။ ယင်းနေရာများအပြင် အစိုးရနှင့် လတ်တလော တိုက်ပွဲ ဖြစ်ပွားခဲ့သည့် ရှမ်းပြည်နယ်မြောက်ပိုင်းနှင့် မွန်ပြည်နယ်တို့ကိုလည်း သွားရောက်ခြင်း မပြုလုပ်ကြရန် ယင်းထုတ်ပြန်ချက်တွင် ဖော်ပြသည်။ ရခိုင်ပြည်နယ်တွင် ငပလီကမ်းခြေနှင့် သံတွဲလေဆိပ်မှအပ ကျန်ဒေသများသို့ မသွားရန်၊ မန္တလေးတိုင်းဒေသကြီးတွင် မိတ္ထီလာ၊ မလှိုင်၊ သာစည်နှင့် ဝမ်းတွင်း ဒေသများသို့ မသွားရန်၊ ကချင်ပြည်နယ်တွင် မြစ်ကြီးနား၊ ဗန်းမော်နှင့် ပူတာအိုတို့မှအပ ကျန်နေရာဒေသများ အပါအဝင် မြန်မာနှင့် နယ်နိမိတ်ထိစပ်ရာ ထိုင်း၊ လာအိုနှင့် တရုတ်နိုင်ငံတို့၏ နယ်စပ်ဒေသများသို့ လည်ပတ်ခြင်း မပြုရန် ဗြိတိန် နိုင်ငံခြားရေးဝန်ကြီးဌာနက တားမြစ်ထားသည်။ လူစုလူဝေးဖြင့် လှုပ်ရှားမှုများတွင် မပါဝင်ရန်နှင့် ယင်းဖြစ်ရပ်များကို ဓာတ်ပုံ ဗီဒီယို မှတ်တမ်းတင်ခြင်း၊ တပ်မတော်နှင့် ရဲတပ်ဖွဲ့ကို မှတ်တမ်းတင်ခြင်းများ မပြုလုပ်ရန် ယင်းဌာနက သတိပေးထားသည်။ မြန်မာနိုင်ငံတွင် လွတ်လပ်စွာ လှုပ်ရှားပြောဆိုခွင့်ကို ပိတ်ပင်တားဆီးချက်များ ရှိနေပြီး ဗြိတိန်သံရုံး တာဝန်ရှိသူများ အနေနှင့်လည်း မြန်မာ့အာဏာပိုင်များ၏ ခွင့်ပြုချက် တစ်စုံတစ်ရာ မပါရှိဘဲ ရန်ကုန်မြို့တော်၏ ပြင်ပသို့ ထွက်ခွာခြင်း မပြုရန် တားမြစ်ထားကြောင်း ဗြိတိန် နိုင်ငံခြားရေးဝန်ကြီးဌာနထံမှ သိရှိရသည်။ ဗြိတိန်နိုင်ငံက တားမြစ်လိုက်သည့် ဒေသများသည် ခရီးသွားများ သွားရောက်မှု နည်းပါးသည့် ဒေသများဖြစ်ပြီး ပဋိပက္ခ ဖြစ်ပွားသည့် ဒေသများကို ခရီးသွားလုပ်ငန်းများကလည်း ခရီးစဉ် စီစဉ်ခြင်း မရှိသဖြင့် ယင်းတားမြစ်မှုသည် ခရီးသွားလုပ်ငန်းအတွက် ထူးထူးခြားခြား ပြောင်းလဲမှုရှိနိုင်မည် မဟုတ်ကြောင်း ခရီးသွားလုပ်ငန်းရှင်များ အဖွဲ့ချုပ်မှ ဒုတိယဥက္ကဋ္ဌ ဦးမောင်မောင်ဆွေက ပြောကြားသည်။ မြန်မာနိုင်ငံသို့ ၂၀၁၁ ခုနှစ် အတွင်းက ဗြိတိသျှလူမျိုး ၇၃၀၀ ဝန်းကျင် လာရောက်လည်ပတ်ခဲ့ပြီး ပြဿနာတစ်စုံတစ်ရာ ဖြစ်ပွားခဲ့ခြင်း မရှိကြောင်း ဗြိတိန် နိုင်ငံခြားရေးနှင့် ဓနသဟာယဝန်ကြီးရုံး၏ စာရင်းဇယားများအရ သိရသည်။ အလားတူ အမေရိကန်နှင့် မလေးရှားနိုင်ငံတို့ကလည်း မန္တလေးတိုင်းဒေသကြီး မိတ္ထီလာ၊ ပဲခူးတိုင်းဒေသကြီးတို့တွင် ပဋိပက္ခများ ဖြစ်ပွားခဲ့သော ဒေသများကို သွားရောက် လည်ပတ်ခြင်း မပြုရန် တားမြစ်ခဲ့ကြသည်။
The Voice Weekly

လူကြီးတွေကိုယ်တိုင် အောက်ခြေအထိဆင်းပြီး လေ့လာသုံးသပ်ဖို့ လို

မေး ။ ။ ဒီသေနတ်ပစ်အားကစားနည်းကို ဘာကြောင့် စိတ်ဝင်စားခဲ့တာလဲ။

ဖြေ ။ ။ ကျွန်တော်အရင်က တပ်မတော်ရေကပါ။ အဲဒီကနေ တိုင်းနယ်ပြည်နယ်ပြိုင်ပွဲတွေပစ်ပြီး သေနတ် ပစ်အဖွဲ့ချုပ်ကို ရောက်လာတာပါ။

မေး ။ ။ အစ်ကို သေနတ်ပစ်အားကစားနည်းကို ဘယ်နှစ်လောက်က စကစားခဲ့တာလဲဗျ။

ဖြေ ။ ။ သေနတ်ပစ်အဖွဲ့ချုပ်ကို ရောက်တာက ၁၉၉၇ ခုနှစ်ပါ။ ၁၉၉၈ လောက်မှာသေနတ်ပစ် ကစားနည်း မကစားဖြစ်ဘဲ အခြားလုပ်ငန်းတွေ လုပ်ခဲ့ပါသေးတယ်။ ၂၀၀၇ ခုနှစ် ထိုင်းနိုင်ငံမှာကျင်းပတဲ့ ၂၄ ကြိမ် မြောက် အရှေ့တောင်အာရှ အားကစားပြိုင်ပွဲကျမှ ပြန်ကစားဖြစ်တာပါ။ လက်ရွေးစင်စ ဖြစ်တာလည်း ၂၀၀၇ ခုနှစ်ကျမှ စဖြစ်တာပါ။

မေး ။ ။ သေနတ်ပစ်ကစားနည်းကို စတင်ကစားတဲ့အချိန်မှာ ဘယ်လို အခက်အခဲတွေရှိခဲ့သလဲ။

ဖြေ ။ ။ စပစ်တုန်းက သေနတ်တို့၊ ကျည်ဆံတို့က အခုချိန်လောက် မပေါပါဘူး။ အခုက အရင်ထက်စာရင် တော်ပါသေးတယ်။ အရင်တုန်းကဆို ဘာမှမရှိပါဘူး။ မရှိတဲ့ကြားထဲကပဲ လေ့ကျင့်ရတာပါ။

မေး ။ ။ လက်ရွေးစင်အဆင့် အောင်မြင်မှုလေးတွေ ပြောပေးပါဦး။

ဖြေ ။ ။ ၂၀၀၇ ယိုးဒယားဆီးဂိမ်းနဲ့ ၂၀၁၁ အင်ဒိုနီးရှားဆီးဂိမ်းပြိုင်ပွဲနှစ်ခုမှာ ဆုတံဆိပ် မရပါဘူး။ ဒါပေမဲ့ ၂၀၁၁ ခုနှစ် မလေးရှား နိုင်ငံမှာကျင်းပခဲ့တဲ့ ၃၆ ကြိမ်မြောက် ဆီဇာပြိုင်ပွဲမှာ ငွေတံဆိပ်တစ်ခုနဲ့ ကြေးတံဆိပ် တစ်ခု ရခဲ့ပါတယ်။

မေး ။ ။ အရင်တုန်းက လေ့ကျင့်ရေးမှာ လေ့ကျင့်ရတဲ့ အသုံးအဆောင်ပစ္စည်းနဲ့ အခုလေ့ကျင့်ရတဲ့ အသုံးအဆောင်ပစ္စည်း ကွာဟချက်လေး ပြောပေးပါဦး။

ဖြေ ။ ။ နည်းနည်းတော့ ကွာပါတယ်။ အခုဆိုရင် တရုတ်နည်းပြနဲ့ လေ့ကျင့်တယ်။ တရုတ်နည်းပြက နည်း နည်း စည်းစနစ်ကြီးတယ်။ သူပြောတဲ့အချိန်မှာ အကုန်လုံး အတိအကျမျိုးပဲ လိုချင်တယ်။ အရင်တုန်းက နည်းပြတွေက အဲဒီလောက်ထိ တိတိကျကျ မရှိခဲ့ပါဘူး။ တရုတ်နည်းပြလက်ထက်မှာ ကျည်ဆံတွေ၊ သေ နတ်တွေက ပိုပြီးပေါပေါသီသီ သုံးစွဲလာနိုင်တဲ့အတွက် အရင်ထက်စာရင် ပိုအဆင်ပြေပါတယ်။

မေး ။ ။ ဒီလို အထောက်အကူပစ္စည်းက အောင်မြင်မှုအတွက် ဘယ်လောက် အရေး ပါတယ်လို့ ထင်သလဲ။

ဖြေ ။ ။ သေနတ်တွေ၊ ကျည်ဆံတွေ အများကြီးပံ့ပိုးမှုတွေရလာလို့ အောင်မြင်ဖို့ ပိုပြီးများလာတယ်။ ဒါပေမဲ့ အဲဒီထဲမှာ အခက်အခဲတွေ အနှောင့်အယှက်တွေကတော့ အများကြီးပါပဲ။ အခက်အခဲ အနှောင့်အယှက် ဆိုတာ အတွင်းရော၊ အပြင်ရောပေါ့။ အနှောင့်အယှက်တွေက ကိုယ်ကိုယ်တိုင်လည်း ဘာမှလုပ်လို့မရဘူး။ လူကြီးတွေ ကိုယ်တိုင်လာပြီး ကစားသမားနဲ့ သီးသန့်ဆွေးနွေးမှပဲ ဖြေရှင်းနိုင်မှာပါ။

မေး ။ ။ လာမယ့်ဆီးဂိမ်းမှာ သေနတ်ပစ် ကစားနည်းကနေ ရွှေတံဆိပ်လေးခုရဖို့ မှန်းထားတယ် ဆိုတဲ့ အပေါ်မှာရော။

ဖြေ ။ ။ ရွှေရမှာတော့ ကျိန်းသေပါတယ်။ ဒါပေမဲ့ တစ်ခုလား၊ နှစ်ခုလား၊ သုံးခုလား ဆိုတာတော့ မမှန်းတတ ပါဘူး။

မေး ။ ။ သေနတ်ပစ်အားကစားနည်းက စိတ်လဲတည်ငြိမ်ရတယ်ပေါ့နော်။ စိတ်ပိုင်းဆိုင်ရာနဲ့ပတ်သက် ပြီး ဘယ်လိုလေ့ကျင့်လဲ။

ဖြေ ။ ။ မနက် ၈ နာရီထိုးတာနဲ့ ၁၅ မိနစ် တရားထိုင်ရပါတယ်။ တရုတ်နည်းပြက နေ့တိုင်း ၁၅ မိနစ်စီ တရား ထိုင်ခိုင်းပါတယ်။ ဒါပေမဲ့ နောက်ပိုင်းနည်းပြက လေ့ကျင့်ရေး တင်လာတဲ့အခါကြတော့ တရားကို သီးသန့် မထိုင်တော့ဘဲ ဂိုးကမ့်ကနေ လယ်ဝေး အားကစားလေ့ကျင့်စခန်းကိုလာတဲ့ လမ်းမှာပဲ ကားပေါ်မှာ စကားမပြောဘဲ ငြိမ်ငြိမ်သက်သက်နဲ့ တရားထိုင်ခိုင်းပါတယ်။

မေး ။ ။ တရားထိုင်တာ ဒီထက်ပိုပြီး အချိန်ပေးထိုင်သင့်တယ်လို့ အစ်ကို့အနေနဲ့ ထင်လား ။

ဖြေ ။ ။ အများကြီး လေ့ကျင့်စရာတော့ မလိုဘူးလို့ ထင်ပါတယ်။ ဘာဖြစ်လို့လဲဆိုတော့ သေနတ်ပစ် အား ကစားနည်းက စိတ်ပိုင်းရော၊ ရုပ်ပိုင်းပါ နှစ်ခုစလုံးပေါင်းစပ်ပြီး လုပ်ရတာဖြစ်လို့ပါ။ ရုပ်ပိုင်းဆိုင်ရာအတွက် လည်း အမြဲတမ်းလေ့ကျင့်နေဖို့ လိုပါတယ်။

မေး ။ ။ နောက်ဆုံးအဆင့် လူရွေးချယ်ပွဲမှာပါနိုင်ဖို့အတွက် ဘယ်လိုပြင်ဆင်နေလဲ။

ဖြေ ။ ။ အခုတရုတ်က ပြန်လာတဲ့ A အဆင့်အဖွဲ့က ဒီ ၈ လပိုင်း ၅ ရက်မှာ ပြန်ရောက်လာပါပြီ။ ကျန်ခဲ့တဲ့ ကျွန်တော်တို့ B အဖွဲ့နဲ့ပေါင်းပြီး လူရွေးပွဲ ပြန်လုပ်မှာပါ။ လူရွေးပွဲအပြီးအထိ စောင့်ရပါဦးမယ်။ နောက်ဆုံး အဆင့် ပါနိုင်ဖို့အတွက် တရုတ်နည်းပြနဲ့ သေချာလေ့ကျင့်နေပါတယ်။ နောက်ဆုံး အဆင့်ထိပါဖို့ များပါ တယ်။

မေး ။ ။ လက်ရှိသေနတ်ပစ်အဖွဲ့ချုပ်မှာ ဘယ်လိုအားနည်းချက်၊ ဘယ်လို လိုအပ်ချက်မျိုးတွေ ရှိနေ သေးတယ်လို့ထင်လဲ။

ဖြေ ။ ။ ကျွန်တော်တို့က အဖွဲ့ချုပ်မှာ အငယ်တန်းအဆင့် ဖြစ်တဲ့အတွက် ပြောလို့ မရပါဘူး။ အကောင်းဆုံး က လူကြီးတွေ ကိုယ်တိုင် အောက်ခြေအထိဆင်းပြီး လေ့လာသုံးသပ်ဖို့ လိုပါတယ်။ သူတို့ကိုယ်တိုင် ကစား သမားတစ်ယောက်ချင်းစီရဲ့ စိတ်ထဲမှာ ရှိနေတာကိုစုံစမ်းရင် ပိုကောင်းမှာပါ။ ဘယ်အရာမဆိုထင်သာ မြင် သာရှိဖို့လိုတယ်လို့ ကျွန်တော့်အနေနဲ့ ထင်ပါတယ်။

မေး ။ ။ လက်ရှိသေနတ်ပစ်အဖွဲ့ချုပ်မှာ ကစားသမားအင်အား လုံလောက်မှုရှိတယ်လို့ ထင်လား။

ဖြေ ။ ။ လူအင်အားကတော့ လုံလောက်မှုရှိတယ်လို့ ထင်ပါတယ်။ ဘာဖြစ်လို့လဲဆိုတော့ တစ်သင်းကို ကစားသမား သုံးယောက်စီပဲ ပါမှာလေ။ အခုက တစ်သင်းမှာ ကစားသမား ခြောက်လောက်ရှိနေပြီး အဲဒီ အထဲကနေမှ ကစားသမားသုံးယောက်ကို အပြီးသတ် ပြန်ရွေးရမှာပါ။

မေး ။ ။ သေနတ်ပစ်ကစားသမား တစ်ယောက်အနေနဲ့ လိုက်နာသင့်တဲ့ စည်းကမ်းတွေက ဘာတွေများလဲ။

ဖြေ ။ ။ အဓိက,က လက်နက်ခဲယမ်းတွေနဲ့လုပ်နေတဲ့အတွက် သေချာဂရုစိုက်ဖို့ လိုပါတယ်။ နောက်ပြီး သေနတ်ပစ်ကွင်းထဲ ၀င်လာရင် နံရံမှာကပ်ထားတဲ့ ကစားသမားတွေ လိုက်နာရမယ့်အချက် ၁၀ ချက်ရှိပါ တယ်။ အဲဒီ ၁၀ ချက်က အရေးကြီးဆုံးပါပဲ။

မေး ။ ။ အစ်ကိုအနေနဲ့ ပထမဆုံး သေနတ်ပစ်ပြိုင်ပွဲမှာ ဘယ်လို စိတ်လှုပ်ရှားမှုမျိုး ဖြစ်လဲ။

ဖြေ ။ ။ စစချင်းတုန်းက တော်တော် ရင်တုန်ပါတယ်။ တစ်ခါတစ်လေ သေနတ်တောင်လွတ်ကျမှာစိုးရတယ်။ အဲဒီလောက်ထိ ရင်တုန်ခဲ့တာပါ။ ဒါပေမဲ့ နောက်ပိုင်း ပစ်ရင်း ပစ်ရင်း အတွေ့အကြုံများလာတော့ ဒါတွေက ဘာမှ မဟုတ်တော့ပါဘူး။

မေး ။ ။ အစ်ကိုအနေနဲ့ သေနတ်ပစ် အားကစားနည်း ဆီးဂိမ်းမှာအောင်မြင်ဖို့အတွက် ဘယ်လိုအကြံ ပေးချင်လဲ။

ဖြေ ။ ။ လေ့ကျင့်မှုပိုင်း၊ နည်းပြပိုင်းလည်း လုံလောက်မှုရှိပါတယ်။ ကျွန်တော်မြင်တာ တစ်ခုက ကစားသမား တွေ စိတ်ပိုင်းဆိုင်ရာ၊ စိတ်ချမ်းသာမှု ကျေနပ်မှုရှိဖို့ လိုမယ်လို့ ထင်ပါတယ်။ အဲဒါအရေးကြီးတယ်လို့ မြင်ပါ တယ်။ ကစားသမားတွေ စိတ်ပျော်ရွှင်မှ လေ့ကျင့်ရေးမှာ အကောင်းဆုံး လေ့ကျင့်နိုင်မှာပါ။
သောကြာ
Mizzima - News in Burmese

ဒဂုံဆိပ်ကမ်း မြေကွက်ဈေး နှစ်လအတွင်း ၃၀ ရာခိုင်နှုန်းတက်ဟုဆို

ရန်ကုန်၊ သြဂုတ် ၆
ဝင်ငွေနည်း လူတန်းစားများအတွက် ရည်ရွယ်သည့် အိမ်ရာလုပ်ငန်းများ လုပ်ကိုင်နေသည့် ဒဂုံမြို့သစ် (ဆိပ်ကမ်း) မြို့နယ်ရှိ မြေကွက် ဈေးနှုန်းများမှာ မေလကုန်ပိုင်းမှ စတင်၍ တဖြည်းဖြည်း တက်လာရာ ယခုအချိန်တွင် ၃၀ ရာခိုင်နှုန်းခန့်အထိ မြင့်တက်လာကြောင်း ရန်ကုန်မြို့ အခြေစိုက် အိမ်၊ ခြံ၊ မြေ အကျိုးဆောင်များက ပြောကြားသည်။

ဒဂုံမြို့သစ် (ဆိပ်ကမ်း) မြို့နယ်ရှိ အိမ်ရာ စီမံကိန်းများ ရုပ်လုံးပေါ်လာခြင်းနှင့် မြို့ပြဧရိယာ တိုးချဲ့မည့် သတင်းများကြောင့် ရင်းနှီးမြှုပ်နှံသူများနှင့် ဝယ်ရောင်းသမားများက မြေကွက်များကို ဝယ်ယူကာ ဈေးမြှင့် ခေါ်ဆိုနေသဖြင့် ဈေးနှုန်းများ မြင့်တက်လာရခြင်း ဖြစ်ကြောင်း စိုင်းခွန်နောင် အိမ်၊ ခြံ၊ မြေ အကျိုးဆောင် လုပ်ငန်းမှ မန်နေဂျာ ဦးရန်အောင်က ပြောဆိုသည်။
“မေလတုန်းက အဓိက လမ်းမကြီးတွေပေါ်မှာ ရှိတဲ့ ပေ ၄၀ x ပေ ၆၀ မြေ တစ်ကွက်ကို ၇၀၀ (ကျပ်သိန်း) လောက်ပဲ ရှိတာ။ အခု ၁၀၀၀ (ကျပ်သိန်း) ကျော်လောက် ဖြစ်သွားတယ်” ဟု ၎င်းက ဆိုသည်။

ယင်းမြို့နယ်ရှိ အိမ်ရာ စီမံကိန်းများ ဆောက်လုပ်လျက်ရှိသော (၆၀) ရပ်ကွက် နှင့် (၆၁) ရပ်ကွက် တို့ရှိ မြေကွက်များကို အဓိကထား၍ ဈေးနှုန်းမြှင့် ခေါ်ဆိုလျက် ရှိသော်လည်း အရောင်းအဝယ်သည် သိသိသာသာ တက်လာခြင်း မရှိဘဲ ပုံမှန်အတိုင်းသာ ရှိကြောင်း ပြည်ကြီးတံခွန် အိမ်၊ ခြံ၊ မြေ အကျိုးဆောင် လုပ်ငန်းမှ မန်နေဂျာ ဦးနေဇော်အောင်က ပြောဆိုသည်။

အဆိုပါ မြို့နယ်တွင် မြေကွက် ဈေးနှုန်းများ တက်လာသော်လည်း ရန်ကုန်မြို့ရှိ အိမ်၊ ခြံ၊ မြေ ဈေးနှုန်း များသည် ပုံမှန်အတိုင်းသာ ရှိပြီး အရောင်းအဝယ် အေးကာ အငှားသာ ဖြစ်ကြောင်း ရန်ကုန် အခြေစိုက် အကျိုးဆောင်များထံမှ သိရသည်။
The Voice Weekly

တကောင်းတောင်ထွက် ရောင်စုံကျောက် ဈေးကွက်ဝင်

ထီးချိုင့်၊ သြဂုတ် ၆
မန္တလေးတိုင်းဒေသကြီး သပိတ်ကျင်းမြို့နယ် တကောင်းတောင် စီမံကိန်းအနီးရှိ တကောင်းတောင်ခြေမှ ထွက်ရှိသော အဖြူ၊ အနီ၊ အနက်၊ အစိမ်း၊ မီးခိုး၊ အဝါ၊ အပြာရောင် အစရှိသော ရောင်စုံ ကျောက်များကို မန္တလေးမှ ကုန်သည်များနှင့် တရုတ်လူမျိုး အချို့က ပိဿာချိန် နှင့် စက်၍ ဝယ်ယူလျက် ရှိသည်ဟု ကျောက်တူးလုပ်သား ဦးနေမင်းက ပြောကြားသည်။

ကျောက်များသည် တောင်ထဲတွင် အကြောလိုက် အမြောင်းလိုက် ရှိနေပြီး ကျောက်တူးသူများက ကျောက်ကြောကို ရှာဖွေ တူးဖော်ရကြောင်း ကောင်းသည့် ကျောက် တစ်ပိဿာကို ၈၀၀၀ ကျပ်ဈေး ရှိကာ အနိမ့်ဆုံး တစ်ပိဿာ ၄၀၀၀ ကျပ် ရှိသည်ဟု ၎င်းက ဆိုသည်။

တကောင်းတောင် အနီးတစ်ဝိုက်ရှိ ရွာများမှ ပုံမှန် အလုပ်မရှိသူများ လာရောက် တူးဖော်ကြပြီး နေ့စဉ် ကျောက် ရှာဖွေသူ ၂၀၀ ခန့် ရှိကာ ကျောက်တူးသမား တစ်ဦးကို တစ်ရက်လျှင် ၁၅,၀၀၀ ကျပ်ခန့် ဝင်ငွေရှိကြောင်း ဒေသခံများက ဆိုသည်။

လမ်းစဉ်ပါတီခေတ်တွင် ဂျာမန်လူမျိုး ဘူမိဗေဒ ပညာရှင် တစ်ဦးနှင့်အဖွဲ့ လာရောက် ကွင်းဆင်း လေ့လာရာ သတ္တု ၁၂ မျိုးခန့် ထွက်နိုင်သည်ဟု ပြောခဲ့ဖူးကြောင်း ကွင်းဆင်းစဉ်က လိုက်ပါ လမ်းပြ ခဲ့သူ အသက် ၆၀ အရွယ် ဦးထွန်းဝင်းက ဆိုသည်။
“ဒါ ရတနာသိုက်ကြီး၊ အင်မတန် အဖိုးတန်တယ်” ဟု တောင်ပေါ်မှ ကောက်ယူလာသော အစိမ်းရောင် သန်းနေသည့် ကျောက်တုံး တစ်တုံးကို လက်ပေါ်တင်လျက် ၎င်းက ပြောသည်။

တကောင်းတောင် နီကယ် စမ်းသပ် တိုင်းတာရေးနှင့် ဖြစ်မြောက်နိုင်စွမ်း လေ့လာမှု လုပ်ငန်းကို ၂၀၁၁ ခုနှစ် ဇူလိုင်လ ၅ ရက်တွင် ခွင့်ပြုမိန့် ထုတ်ပေးခဲ့ပြီး လွန်တွင်းပေါင်း ၁၃၅ တွင်းနှင့် အစမ်းကျင်း ၁၈၄ ကျင်း တူးဖော် စမ်းသပ်ခဲ့ရာ၌ ပျမ်းမျှ နီကယ် ၂ ရာခိုင်နှုန်း ပါဝင်သော နီကယ် သတ္တုသိုက် ပမာဏ တန်ချိန် ၃၄ ဒသမ ၁၄သန်း တိုင်းတာ တွက်ချက် ရရှိခဲ့သည်ဟု အစိုးရထုတ် သတင်းစာများတွင် ဖော်ပြပါရှိသည်။
ဇော်လင်းထွန်း
The Voice Weekly

၈၈၈၈ သမိုင်းဓါတ်ပုံထဲက ဆရာဝန်နဲ့ စကားပြောခြင်း

ရှစ်လေးလုံးအရေးတော်ပုံကာလ စစ်အာဏာသိမ်းချိန်မှာ သမိုင်းဝင်ဓါတ်ပုံ တပုံဖြစ်ခဲ့တဲ့ ကျောင်းသူလေး မ၀င်းမော်ဦးကို ကယ်ဆယ်ဖို့ ကြိုးစားခဲ့တဲ့ ဆရာဝန်တဦးဖြစ်သူ ဒေါက်တာဝင်းဇော်ရဲ့ အဲဒီ့အချိန်တုန်းက မြင်ကွင်း ပြောပြချက်တချို့ကို ကောက်နှုတ်တင်ဆက်ထားပါတယ်။

DVB TV News

အချုပ်ခန်းအတွင်း သေဆုံးမှု လွှတ်တော်ကို တိုင်ကြားစာပို့

Wednesday, August 07, 2013
နှစ်ကြိမ်တိုင် ပလပ်ခံရသည့် ပန်းတောင်းမြို့ စံပြ ရဲစခန်းတွင် ရန်ဖြစ်မှုကြောင့် အဖမ်းခံထားရစဉ် ဦးသန်းထွန်း အချုပ်ခန်းအတွင်း ဖူးရောင် ညိုမည်း နံရိုးကျိုး ဒဏ်ရာများဖြင့် သေဆုံးခဲ့မှုနှင့်ပတ်သက်၍ မိသားစုဝင်များက ပြည်သူ့လွှတ်တော် တရားစီရင်ရေးနှင့် ဥပဒေရေးရာ ကော်မတီထံသို့ တိုင်ကြားစာ ကို သြဂုတ်လ ၅ ရက်နေ့က ပေးပို့ခဲ့ကြောင်း သေဆုံးသူ၏ ဇနီး ဒေါ်မြင့်ဌေးက ပြောကြားသည်။

ပြည်ခရိုင် ပန်းတောင်းမြို့နယ် ဒန့်ဒလွန်အုပ်စု ကြာအင်းကွက်သစ်နေ ဦးသန်းထွန်းမှာ တစ်ရွာတည်းနေ ဦးနီနှင့် ရန်ဖြစ်ခဲ့မှုကြောင့် ပန်းတောင်းမြို့ စံပြ ရဲစခန်းတွင်ချုပ်နှောင်ခံရပြီး လေးရက်အကြာတွင် သေဆုံး ခဲ့ခြင်း ဖြစ်ကြောင်း ယင်းသို့ သေဆုံးရခြင်းနှင့် ပတ်သက်၍ ပြစ်မှု ကျူးလွန်သူများကို အရေးယူပေးရန်အတွက် ရဲစခန်းတွင် တိုင်ကြားခဲ့ရာ လက်မခံသဖြင့် မြို့နယ်နှင့် ခရိုင် တရားရုံးများကို ဦးတိုက်လျှောက်ကာ တရားစွဲဆိုသော်လည်း စခန်းမှူးနှင့် တာဝန်ကျ ရဲတပ်သား များအား တရားစွဲရန် ခွင့်ပြုမိန့် လိုအပ်သည်ဟုဆိုကာ အမှုကို နှစ်ကြိမ်တိုင်တိုင် ပလပ်ခဲ့ခြင်း ဖြစ်ကြောင်း၊ ယင်းကြောင့် အမှုမှန် ပေါ်ပေါက်ရန်အတွက် ထပ်မံ၍ ပြည်သူ့လွှတ်တော် တရားစီရင်ရေး နှင့် ဥပဒေရေးရာ ကော်မတီထံသို့ တိုင်ကြားစာ ပေးပို့ခြင်း ဖြစ်ကြောင်း ၎င်းက ဆက်လက် ပြောကြား သည်။

“တိုင်းတရားရုံးကို တက်ဖို့ကျတော့ ငွေအင်အား မတတ်နိုင်ဘူးလေ။ စခန်းမှာ နှိပ်စက် ရိုက်နှက် သတ်တဲ့ တရားခံကို ပေါ်စေချင်တယ်” ဟု ဒေါ်မြင့်ဌေးက ဆိုသည်။

သေဆုံးသူ၏ ဘယ်ညာ မျက်လုံး တစ်ဝိုက်တွင် ညိုမည်းနေသည်ကို တွေ့ရပြီး သေဆုံးမှုမှာ နံရိုးကျိုး သည့် ဒဏ်ရာကြောင့် သေဆုံးခဲ့သည်ဟု ပန်းတောင်းမြို့နယ် ကျန်းမာရေးဦးစီး ဌာနမှူး ဒေါက်တာသင်းသင်းလှိုင်၏ ဆေးစာတွင် ဖော်ပြ ရေးသားထားသည်။

အဆိုပါ ရဲစခန်းမှ သေမှုသေခင်း အမှတ် (၂၇/၂၀၁၃) ဖြင့် မြို့နယ် တရားရုံးတွင် စစ်ဆေးသောအခါ ရဲများနှင့် အချုပ်သားများကို သက်သေ တင်သွင်းထားပြီး ဓမ္မတာသဘောအရ သေနေ့စေ့ ၍ သေဆုံးခြင်း ဖြစ်ကြောင်း စစ်ဆေး တွေ့ရှိသည်ဟု အမိန့်ချခဲ့ခြင်းမှာ တရားခံ အစစ်အမှန်များကို ဖုံးကွယ်ပေးထားခြင်းဟု သံသယ ရှိကြောင်း ဦးသန်းထွန်း သေဆုံးမှုတွင် လိုက်ပါ ဆောင်ရွက်ပေးနေ သည့် တရားလွှတ်တော် ရှေ့နေ ဦးမြင့်အေးက သုံးသပ် ပြောကြားသည်။
The Voice Weekly

ဒိုတ်ဦး ဆေးရုံကြီးမှာ မြွေဆေးကော ခွေကိုတ်ရင် ထိုးတဲ့ ဆေးကော နှစ်မျိုးလုံးမရှိပါဘူး လို့ သိရပါတယ်

ဒိုတ်ဦးမြို့ နယ် ပြည်သူ့ ဆေးရုံယနေ့  7း00 အချိန်လောက်က သူငယ်ချင်းခွေကိုတ် ခံရတယ်ကြာလို့ အိမ်သွားတော့  ဆေးရုံးသွားပြီ ဆိုတာနဲ့ ဘဲ ( ဒိုတ်ဦး မြို့ နယ်ပြည်သူ့ ဆေးရုံး ကြီး ) ကိုလိုက်သွားခဲ့ ပါတယ်။

လမ်းမာဘဲ သူငယ်ချင်းနဲ့ တွေ့ လို့ အတူတူဘဲဆေးရုံးသွားလိုက်တယ်။ ဆေးရုံရောက်တော့ ဆရာမတွေနေတဲ့ နေရာ တရာမတွေကို တွေ့ တော့ ဆရာမ ခွေရူးကိုတ်ခံရလို့  လို့ ပြောလိုက်တယ်။ ဒါပေမဲ့  ဆရာမ တွေ ထမလာပါဘူး ဆရာဝန်ကြီးရဲ့ သားလား / ဆွေမျိုးလားမသိပါဘူး ရောက်နေလို့ တဲ့ လာနာစီ မလာဘူးဗျာ။

တော်တော်လေးပြောမ သူနာပြု နှစ်ရောက်ရောက်လာတယ် ခွေး ကိုတ် ခံရတဲ့ ဒဏ်ရာကို ဆေးကြောပေါ့ ဗျာ နဲနဲကြာတော့ ဆရာမရောက်လာတယ် အဲ့ ဒါနဲ့  ဆရာမကို ခွေးရူးကိုတ်ရင်ထိုးတဲ့ ဆေး ထိုးပေးပါလို့  ပြောတော့  ဆရာမ က ပြောပါတယ် မရှီဘူးတဲ့  ။ ဒါဆို ပိုးသတ်ဆေးကော ဆိုတော့ လဲမရှိဘူးတဲ့  (ဒိုတ်ဦး မြို့ နယ် ပြည်သူ့ ဆေးရုံ ) နော်။ လမ်းဘေးဆေးခန်းမဟုတ်ပါဘူး။
ဒါနဲ့ ဘဲ ဆေးကို အပြင်မာဝယ်ပြီး အပြင်ဆေးခန်းမာ ဘဲထိုး လိုက်ရပါတယ်။

(တကယ်လို့ များ ရွာသူ ရွာသားတွေ မြွေကိုတ် ခံရရင်ကော ဘယ်လိုလုပ်မလဲ အသေခံရမာလား။ အခုလိုခွေးကိုတ်ခံရရင်ကော)
ဘယ်လို ယုံကြည်ပေးရမာလဲ ဒီဆေးရုံကြီးကို ...ဆရာမ နာမည်တော့  မပြောတော့ ပါဘူး။

သေချာ တာကတော့ ဒိုတ်ဦး ဆေးရုံကြီးမှာ မြွေဆေးကော ခွေကိုတ်ရင် ထိုးတဲ့ ဆေးကော နှစ်မျိုးလုံးမရှိပါဘူး လို့ သိရပါတယ် ....
ဆေးရုံမာများရှိသင့် တဲ့ ဆေး မဟုတ်လို့ များလားဗျာ။
EZ EZ
The Bago Weekly News

တမလွန်ရောက် ဇနီး၏အမည်ဖြင့် တန်ဖိုးနည်းဖုန်းပေါက်၍ ထုတ်သွားသူ ရာအိမ်မှူးအား အရေးယူပေးရန် တိုင်ကြား

ငါးလကျော်က သေဆုံးခဲ့သော ဇနီး၏ အမည်ဖြင့် တန်ဖိုးနည်းဖုန်း ပေါက်၍ ထုတ်သွားခဲ့သော ရာအိမ်မှူး အား အရေးယူပေးရန် ရပ်ကွက်နေသူ တစ်ဦးက အင်းစိန်မြို့နယ် အုပ်ချုပ်ရေး မှူးထံသို့ တိုင်တန်းလိုက်သည်။ရန်ကုန်တိုင်းဒေသကြီး အင်းစိန် မြို့နယ်၊ ပိန္နဲကုန်းရပ်ကွက်မှ ရပ်ကွက် အုပ်ချုပ်ရေးအဖွဲ့ဝင် ရာအိမ်မှူး တစ်ဦး ဖြစ်သူက ဇူလိုင် ၃ဝ ရက်တွင် ပိန္နဲ ကုန်းရပ်ကွက် တန်ဖိုးနည်းဖုန်း ရောင်း ချရေးကော်မတီမှ ပေါက်မဲအမှတ် ၇၄ ဖြင့် ထုတ်ယူသွားခဲ့ခြင်း ဖြစ်သည်ဟု တိုင်တန်းသူ ဦးဘိုဘိုတင်က ဆိုသည်။”သေဆုံးသွားတဲ့သူ အမည်သုံးပြီး မမှန်မကန်လုပ်တဲ့အတွက် တိုင်တာ”ဟု ၄င်းက ပြောသည်။

အဆိုပါ ရာအိမ်မှူး၏ ဇနီးမှာ ၂ဝ၁၃ ခုနှစ် မတ်လ ၇ ရက်နေ့တွင် သေဆုံးပြီးဖြစ်ကြောင်း နာရေးကြော်ငြာ နှင့်တကွ ၄င်းက တိုင်တန်းခြင်းဖြစ် သည်ဟုဆိုသည်။”ရာအိမ်မှူးက လုပ်ပိုင်ခွင့်ကို ဆန့် ကျင်ပြီး၊ လုပ်ပိုင်ခွင့်အာဏာကိုအလွဲသုံး စားလုပ်တယ်။ ဒါကို အရေးယူပေးဖို့လို တယ်”ဟု ဦးဘိုဘိုတင်က ဆက်ပြော သည်။ပိန္နဲကုန်းရပ်ကွက် ရာအိမ်မှူးဖြစ် သူ ဦးသန်းဝင်းက ¤င်းအနေဖြင့် ထုတ် ယူခဲ့ကြောင်းဝန်ခံခဲ့ပြီး လုပ်ပိုင်ခွင့်ကို အလွဲသုံးစားလုပ်ခြင်း မဟုတ်ေ ကြာင်း ငြင်းဆိုခဲ့သည်။”အခုသေဆုံးသွားတဲ့ ကျွန်တော့် ဇနီးက အိမ်ထောင်ဦးစီးဖြစ်တယ်။

သန်းခေါင်စာရင်းထဲမှာ ဖျက်လည်းမ ဖျက်ရသေးဘူး။ ဖုန်းကိုကျွန်တော် မလျှောက်ဘူး။ ကျွန်တော့်အိမ်က မသိ လို့ လျှောက်လိုက်တယ်။ မဲပေါက်တာ ကလည်း လူ ၈ဝဝ ကျော်ထဲမှာမှ မဲနှိုက် လိုက်လို့ ကံထူးပြီးပေါက် သွားတာ”ဟု ရာအိမ်မှူး ဦးသန်းဝင်းက ပြောသည်။ထိုဖုန်းပေါက်စဉ် ယူသင့်၊ မယူ သင့်ကို ရပ်မိ၊ ရပ်ဖများက ဆုံးဖြတ်ပေး ၍ မိမိယူခြင်းဖြစ်ပြီး၊ မိမိတို့အိမ်ထောင် စုက တန်ဖိုးနည်းဖုန်း မဲပေါက် ခဲ့ခြင်းမှာ ယခုတစ်ခေါက်မှ ပထမဦးဆုံးအကြိမ်ဖြစ်သည်ဟု ၄င်းက ဆက်ပြောသည်။

”ကျွန်တော်တို့ ရပ်ကွက်အုပ်ချုပ် ရေးမှူးနဲ့အဖွဲ့ဝင်တွေကို ဖုန်းမလျှောက် ဖို့မှာထားပါတယ်။ ဒီအတိုင်းပဲ မလျှောက် ပါဘူး။ အခုဖုန်းကိုလည်းပြန်လိုချင်ရင် ပြန်ယူနိုင်ပါတယ်”ဟု ဦးသန်းဝင်းက ထပ်လောင်းဆိုသည်။
မင်းသုအောင်၊ ရန်နိုင်
Popular Myanmar News Journal

ချစ်သူက အဆိပ်သောက်သေသဖြင့် အမျိုးသားတစ်ဦး မိမိကိုယ်ကို အဆုံးစီရင်

ဗုဒ္ဓဟူးနေ့၊ သြဂုတ်လ ၀၇ ရက် ၂၀၁၃
ချစ်သူမိန်းကလေးက အဆိပ်သောက်ပြီး အဆုံးစီရင်သွားသောကြောင့် အမျိုးသားတစ်ဦး မိမိကိုယ်ကို ကြိုးဆွဲချ အဆုံးစီရင်မှုတစ်ခု သြဂုတ် ၅ ရက်က မင်္ဂလာဒုံမြို့နယ်တွင် ဖြစ်ပွားခဲ့ကြောင်း ရန်ကုန်တိုင်း ရဲတပ် ဖွဲ့မှူးရုံးက သတင်းထုတ်ပြန်သည်။

အဆိုပါ အမှုအခင်းသည် မင်္ဂလာဒုံမြို့နယ်မှ အပိုင် ( ၆)တွင် ဖြစ်ပွားခဲ့ခြင်းဖြစ်ပြီး ကြိုးဆွဲချ သေဆုံးသွား သည့် အမျိုးသားမှာ အသက် ၂၁ နှစ်အရွယ် လူငယ်တစ်ဦးဖြစ်ကြောင်းလည်း ရဲဌာနက အတည်ပြုထားသည်။

သေဆုံးသူ၏ ရည်းစားဖြစ်သူ မိန်းကလေးငယ်သည် တိုက်ကြီးမြို့ရှိ သူ့၏နေအိမ်တွင် လွန်ခဲ့သော ၁၃ ရက်ခန့်က အဆိပ်သောက် သေဆုံးခဲ့သဖြင့် ယခုရက်ပိုင်းအတွင်း ၎င်းလူငယ်သည် စိတ်ညစ်သဖြင့် သေချင်ကြောင်း မိဘများကို မကြာခဏ ပြောကြားလေ့ရှိသည်ဟု ရဲမှတ်တမ်းတွင် ဖော်ပြထားသည်။

ယခုသေဆုံးသွားသည့် လူငယ်သည် သူ့အိမ်မှ အမြင့် ၁၀ ပေခန့်ရှိသော ထုပ်တန်းတွင် လျှပ်စစ်မီးပူသုံး ၀ါယာကြိုးဖြင့် လည်ပင်းကို ချည်လျှက် ဆွဲကြိုးချခဲ့ခြင်း ဖြစ်သည်။ ထိုဖြစ်ရပ်ကို ဈေးရောင်းရာမှ ပြန်လာသော မိဘများက မြင်သဖြင့် ၀ါယာကြိုးကို ကတ်ကြေးဖြင့် အမြန်ဖြတ်ချခဲ့သော်လည်း အသက်မမီဘဲ သေဆုံးခဲ့ရခြင်းဖြစ်သည်ဟု ရဲဌာန၏ ထုတ်ပြန်ချက်တွင် ပါရှိသည်။

အလောင်းတွင် ပြင်ပဒဏ်ရာ တစ်စုံတစ်ရာ မတွေ့ရသော်လည်း ထိုလူငယ်သေဆုံးမှုသည် မိမိကိုယ်ကို ကြိုးဆွဲချ၍ သေဆုံးခြင်း တကယ်ဟုတ်မဟုတ် သေချာစေရန် ရဲများက အလောင်းကို အင်းစိန်ဆေးရုံသို့ ပို့ဆောင် စစ်ဆေးနေကြောင်းလည်း ဆက်လက်ထုတ် ပြန်ထားသည်။

ထိုလူငယ် မိမိကိုယ် အဆုံးစီရင်သည့် သြဂုတ် ၅ ရက် တစ်ရက်တည်းတွင် ကြည့်မြင်တိုင်မြို့နယ်တွင် အသက် ၄၅ နှစ် အရွယ် အမျိုးသားတစ်ဦး ပုဆိုးကိုကျစ်ပြီး ကိုယ့်ကိုယ်ကိုယ် ဆွဲကြိုးချ အဆုံးစီရင်မှု တစ်ခု၊ အင်းစိန်မြို့နယ်တွင် အသက် ၅၆ နှစ်အရွယ် အမျိုးသားကြီးတစ်ဦး ကြိုးဆွဲချ သေဆုံးမှု တစ်ခုတို့ ဖြစ်ပွားခဲ့ကြောင်း ရန်ကုန်တိုင်း ရဲတပ်ဖွဲ့၏ မှုခင်းမှတ်တမ်းတွင် ဖော်ပြထားပါသည်။

ရန်ကုန်တိုင်းတွင် ယခုနှစ်ဆန်းမှ ပြီးခဲ့သည့် မေ ၁၆ ရက်အထိ ရက်ပေါင်း ၁၃၀ ကျော် ကာလအတွင်း မိမိကိုယ်ကို အဆုံးစီရင်မှုပေါင်း ၈၀ ကျော်ဖြစ်ပွားခဲ့ကြောင်း တိုင်းရဲ တပ်ဖွဲ့က မဇ္ဈိမကိုဖြေကြားသည့် မှုခင်းဆိုင်ရာ အချက်အလက်များတွင် ပါရှိသည်။
ဇော်ဇော်ထွေး
Mizzima - News in Burmese

ကျွဲဆည်ကန် ကားကြီးဝင်း အနီးတွင် ကျပ်သိန်းတစ်ရာကျော် ခိုးယူ လူသတ်မှုဖြစ်

မန္တလေး၊ သြဂုတ် ၆
မန္တလေးမြို့တော် ပြည်ကြီးတံခွန်မြို့နယ် ကျွဲဆည်ကန် အဝေးပြေးယာဉ် ရပ်နားစခန်းဝင်းအနီးရှိ ရွှေပြည်မန္တလာတိုက်တန်းတွင် နေထိုင်သူအမျိုးသမီးကြီး တစ်ဦးအားသတ်၍ ကျပ်သိန်းတစ်ရာကျော် ခိုးယူမှု ဇူလိုင်လ ၅ ရက်နေ့ မွန်းလွဲ ၃ နာရီအချိန်ခန့်က ဖြစ်ပွားခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးထံမှ သိရသည်။

ချမ်းမြသာယာရပ်ကွက် ရွှေပြည်မန္တလာ တိုက်တန်း ပထမထပ် အဆောင် (၂)၊ အခန်း (၈) တွင် နေထိုင်သူ ဒေါ်ဂျမ်းတော အသက် ၆၇ နှစ်သည် မီးဖိုခန်း အတွင်း နဖူးပေါက်ပြဲဒဏ်ရာရ၍ သတိလစ်နေကြောင်း ဒေါ်ဂျမ်းတောသားဖြစ်သူက တွေ့ရှိကာ မန္တလေးဆေးရုံကြီးသို့ ပို့ဆောင်စဉ် လမ်းတွင် သေဆုံးသွားခဲ့ကြောင်း သေဆုံးသူ၏သမီးဖြစ်သူ ဒေါ်မြင့်က The Voice သို့ ပြောကြားသည်။

ယင်းအမှုနှင့် ပတ်သက်၍ ရွှေပြည်မန္တလာ တိုက်တန်းတွင် နေထိုင်သူနှစ်ဦးကို သံသယရှိသဖြင့် ခေါ်ယူစစ်ဆေး မေးမြန်းလျက်ရှိကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောဆိုသည်။

"သုံးလွှာတိုက်ခန်း ပထမထပ်က အိမ်မှာ မိသားစုလေးယောက် နေတာ။ လေးနှစ်အရွယ် တူမလေးရယ်၊ အန်တီတို့ လင်မယားနှစ်ယောက်ရယ် နေကြတာ။ နေ့ခင်းဘက်မှာ အလုပ်သွားကြတာ။ အိမ်မှာ အမေရယ်၊ တူမလေးရယ် ကျန်ခဲ့တာ။ ကလေးက ကံကောင်းတယ်။ အပြင်မှာထွက်ပြီး ဆော့နေတာ။ ဓာတ်သိထဲကပဲ ဖြစ်မှာပါ။ နေ့ခင်းကြောင်တောင်ကြီး ပတ်ဝန်းကျင်ကလည်း မသိလိုက်ဘူးတဲ့။ အစ်ကိုက အိမ်ကိုလာလည်ရင်းနဲ့ တွေ့လိုက်တာ။ ဖြစ်နေတာက ၂ နာရီလောက် ကတည်းက နေမှာပေါ့။ ဘယ်သူသတ်တယ် ဆိုတာ အမြန်ဆုံး သိချင်ပါတယ်" ဟု သေဆုံးသူ၏ သမီးအရင်းဖြစ်သူက ပြောကြားသည်။

သေဆုံးသူ၏ သမက်ဖြစ်သူ ဦးဉာဏ်ရွှင်သည် နေအိမ်အတွင်း စစ်ဆေးရာ အိပ်ခန်းခုတင်၏ ယာဘက်နံဘေး တံခါးပေါက်အနီး ထားရှိသော သံသေတ္တာမှာ ပွင့်နေပြီး သေတ္တာအတွင်း ထားရှိသည့် ငွေသားကျပ်နှစ်သိန်းနှင့် ရွှေထည်ပစ္စည်း ၁၅ ကျပ်သား စုစုပေါင်း ၁၁,၉ဝဝ,ဝဝဝ ကျပ်ဖိုး ပျောက်ဆုံးသွားခဲ့ကြောင်း အဆိုပါ ရုံးမှတ်တမ်းများအရ သိရသည်။

"ပတ်ဝန်းကျင်ကလည်း ဘာမှမသိလိုက်ဘူး။ လပြည့်၊ လကွယ် ဘုံဆွမ်း လောင်းပွဲရှိတော့ ဓာတ်စက်သံနဲ့ဆိုတော့ ဘာမှမကြားရဘူး။ ဘာမှမသိလိုက်ဘူး" ဟု အခင်းဖြစ်ပွားရာ အခန်းနှင့်မျက်နှာချင်းဆိုင်အခန်းတွင် နေထိုင်သူ အသက် ၆၅ နှစ်အရွယ် အမျိုးသားတစ်ဦးက ပြောကြားသည်။

အဆိုပါဖြစ်စဉ်အား ဦးဉာဏ်ရွှင်က တရားလိုပြု တိုင်တန်း၍ ပြည်ကြီးတံခွန် မြို့နယ် (မြို့မရဲစခန်း) က (ပ) ၃၇၆/၂၀၁၃ ပြစ်မှုပုဒ်မ ၃၀၂/၃၉၂ အရ အမှုဖွင့် အရေးယူ ဆောင်ရွက်လျက်ရှိကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးထံမှ သိရသည်။
The Voice Weekly

၈၈ စိတ်ဓာတ်

တဖြည်းဖြည်းစုလာတာ

တကယ်တော့ ရှစ်လေးလုံး အရေးတော်ပုံဟာ ၁၉၈၈ခုနှစ် သြဂုတ်လ ၈ရက်နေ့ကျမှ ပေါ်လာ တာမဟုတ်ပါဘူး။တဖြည်း ဖြည်းစု လာတာပါ။တစ်ရိပ်ရိပ်တက်လာ တာပါ။ ၁၉၇၄၊ ၁၉၇၅၊ ၁၉၇၆၊ ၁၉၇၇ တောက်လျှောက် ဦးသန့် အရေးအခင်း၊အလုပ်သမား အရေးအခင်း၊မှိုင်းရာပြည့်၊ ခွန် လေးလုံးဆိုတာတွေက အစပျိုး ခဲ့တာပါ။ တစ်ပါတီ အာဏာရှင် မဆလအစိုးရဟာ နိုင်ငံရေးနဲ့ ပတ် သက်လာရင် ခပ်ကြမ်းကြမ်းကိုင် တွယ်ခဲ့ပါတယ်။သိကြတဲ့ အတိုင်း ပါပဲ။

၁၉၆၂ခုနှစ် အာဏာသိမ်း ပြီးကတည်းက တက္ကသိုလ် ကျောင်း သား နိုင်ငံရေး လှုပ်ရှားသူတွေ ကို ရက်ရက်စက်စက် ချေမှုန်း ခဲ့တာပါ။စာပေနယ်အနု ပညာနယ် က ပညာရှင်တွေလည်း ကျွန်းပို့ခံ ရတဲ့အထိတော်လှန်ရေး ကောင်စီ ပွဲကြမ်းခဲ့တာကို အတိုက်အခံ နိုင်ငံရေးသမားတွေ
အလူးလူး အလိမ့်လိမ့်ခံခဲ့ကြရပါတယ်။ ဒီ အရိုးတွေဟာ၁၉၈၈မှာ ပြန်တွန် တယ်လို့ ဆိုရမှာပေါ့။

၁၉၈ဝမှာ သာသနာသန့် ရှင်း ရေးနဲ့အတူ မဆလအစိုး ရက ၂/၈ဝ အမိန့်ကို ကြေညာပြီး အထွေထွေ လွတ်ငြိမ်းချမ်းသာ ခွင့်ပေးခဲ့တယ်။ နိုင်ငံရေးအရ ကစားကွက်တစ်ခု ဖွင့်လိုက်တာ ပါ။တကယ်တမ်းတော့ ပြည်ပ ရောက် အတိုက်အခံတွေ ဘယ်လိုပဲ ပြန်လာလာ ထောင်ထဲကလူတွေ ဘယ်လိုပဲပြန်လွတ်လွတ် ရင် ထဲက ဝေဒနာ တွေလျော့ပါးသွား ခဲ့တာ
မဟုတ်ပါဘူး။အဘက် ဘက်က ယိုယွင်းခြစားနေတဲ့ နိုင်ငံတော် ယန္တရား ကြီးတစ်ခုလုံး ဟာ ကျွန်တော့်အတွက်တော့ အငြိမ့်ဇာတ်ခုံကြီးပါပဲ။ သရော် စရာ ပြက်လုံးပေါင်းများစွာကို မွေးဖွားပေးနေသလိုပါပဲ။

ဆာလဖာဒိုင်အောက်ဆိုဒ်

ကျွန်တော် တက္ကသိုလ် ကျောင်းသား ဘဝမှာတင် စတွေ့ ရတဲ့ ပညာရေးကမောက်ကမ ဖြစ်စဉ်ဟာ ကျွန်တော့်ကို ဇာဂနာ လို့လူသိစေခဲ့တဲ့ပညာရေး ပြက်လုံး တစ်ခုဖြစ်စေခဲ့ပါတယ်။

အင်္ဂလိပ် လို အခေါ်အဝေါ် မှန်သမျှမြန်မာ ဘာသာနဲ့ ပြောင်းရမယ်ဆိုတဲ့ အာဏာရှင်ရဲ့ မိန့်ကြားချက်ကို ပညာရှိဆရာကြီးတွေခမျာ မဖြစ် မနေ ဘာသာ လိုက်ပြန်နေရရှာပါ တယ်။

ဥပမာဆိုရရင် ဆာလဖာ ဒိုင်အောက်ဆိုဒ်ကို ကန့်ဒိုင် အောက်ဆိုဒ်လို့ ရေးရတယ်။ ကဲ ဗျာမခက်ပေဘူးလား။ ဒိုင်အောက် ဆိုဒ်က မြန်မာစကားလား။ ဒီတော့ ကျွန်တော် တို့ကပြက်လုံး လုပ်တာပေါ့။ မော်တော်ကား ကိုဗမာလို ဘယ်လိုခေါ်မလဲ။ ဂီယာကို၊ လီဘာကို၊ ကလပ်ခ်ကို ဗမာလို ဘယ်လိုခေါ်မလဲပေါ့။ ပရိသတ်ကတော့ တအုန်းအုန်းနဲ့ ရယ်လို့။ပွဲလည်း
ပြီးရောဇာဂနာ လည်းကံကောင်းလို့ အဖမ်းမခံ ရတယ်။ကျောင်းတော့ ခြောက်လ ထုတ်ခံလိုက်ရပါတယ်။

ဒါတွေဟာ ရှစ်လေးလုံး အရေးတော်ပုံကြီးဆီ ဦးတည်သွားနေတဲ့ မီးပွားလေးတွေပါပဲ။ မဆလခေတ်မှာ အင်မတန် နာမည် ကြီးတဲ့ လူကြီးတစ်ယောက်က တော့ တစ်ဒသမငါးလို့ အမည်ရ
တဲ့၊မျက်မှန်ကြီးလို့လည်း ခေါ်တဲ့ ထောက်လှမ်းရေးဗိုလ်ချုပ် တင်ဦးပါပဲ။အခု Market Place ဖွင့်ထားတဲ့နေရာမှာ သူရဲ့ထောက်လှမ်းရေးဌာနချုပ်ပေါ့။ သူက အရပ်သားသတင်းပေးတွေကို လက်သပ်မွေးပြီး အစိုးရကို ဆန့် ကျင်တဲ့သူမှန်သမျှ ဆွဲစေ့တော့ တာပါပဲ။ အဆိုးဆုံးခံရသူတွေ ကတော့စာရေးဆရာ၊ကဗျာ ဆရာ နဲ့ အနုပညာရှင်တွေပါ။

ဒီတော့ အနုပညာလောကထဲမှာ သူ့ကို ရွံ့ ကြမုန်းကြတယ်။၁၉၈၃ခုနှစ် လောက်မှာသူ့ကို ပျားဂေဟာ ကိစ္စ နဲ့ ဖမ်းလိုက်တော့ အားလုံးလန့် သွားတယ်။နောက်ဆက်တွဲ ထောက် လှမ်းရေးမှန်သမျှပြုတ်။ သူတို့နဲ့ အဆက်အသွယ်ရှိသူမှန် သမျှဖြုတ် ဆိုတော့ အုတ်အော်သောင်း တင်းပေါ့။နာမည်ဆိုးနဲ့ ကျော် ကြားတဲ့ ထောက်လှမ်းရေးကြီး လည်း
ဗုန်းဗုန်းလဲသွားလိုက်တာ မြောက်ကိုရီးယားက ကင်မင်ချူးတို့၊ဇင်မိုတို့ အာဇာနည်ကုန်းဗုံးခွဲ တာ ဘယ်ထောက်လှမ်းရေးကမှ မသိလိုက်ကြပါဘူး။ (ဒီအကြောင်း ထည့်ပြောတာ တိုက်ဆိုင်လွန်း လို့ပါ။ထောက်လှမ်း ရေးအကြီးအကဲ ဦးတင်ဦးကို ဖမ်းလိုက် ချိန်မှာ အာဇာနည်ကုန်းဗုံးကွဲ တယ်။

နအဖအစိုးရလက်ထက် ထောက်လှမ်းရေးအကြီးအကဲ ဦးခင်ညွန့်ကို
ဖမ်းလိုက်တဲ့အခါ မြေနီကုန်း City Mart ၊ပုဇွန်တောင် ကုန်သွယ်ရေးစင်တာ။ရှစ်မိုင် junction 8 သုံးနေရာဆက်တိုက် ဗုံးကွဲတယ်။ ခုထိ လက်သည်မမိဘူး။)

ပျားကေဒါနဲ့ မဆလကေဒါ

ထောက်လှမ်းရေး ဦးတင်ဦး နဲ့ကျွန်တော်နဲ့ ၁၉၈၈ ခုနှစ် အရေးတော်ပုံအပြီး ထောင် ထဲမှာဆုံခဲ့ရတယ်။ သူ့အပြော အရ မဆလပါတီထဲမှာ အားပြိုင် မှုတွေရှိခဲ့တယ်။

ဦးနေဝင်းဟာ တိုင်းပြည်ကိုရေရှည်ထိန်းထားဖို့ ခက်လာတယ်။ စီးပွားရေး လုံးဝ စုတ်ပြတ်နေတယ်။ဒီတော့ ဦးတင်ဦး လက်ထဲကို တိုင်းပြည်ကို ဘယ်ပုံ စီမံသင့်သလဲလို့ အပ်လိုက်တယ်။ ဒီအခါမှာ ပျားဂေဟာ ထူထောင် ပြီး ပျားကေဒါတွေ မွေးထုတ် တော့တာပါပဲ။ ဘွဲ့ရပညာတတ် တွေ အားလုံးဟာ ပျားဂေဟာကို ပဲဦးတည်ကြတော့တယ်။ သင်္ဘော သားတွေ၊ ဆရာဝန်တွေခေတ် မစားတော့ဘူး။ ပျားတွေ ခေတ် ထလာတယ်။ ပျားကေဒါနဲ့ မဆလကေဒါ အားပြိုင်လာတယ်။ မဆလက မင်္ဂလာဒုံမှာ ဗဟိုနိုင်ငံ ရေးတက္ကသိုလ်ဆိုပြီး ကျောင်းဖွင့် တယ်။ ကေဒါမွေးတယ်။

ဦးတင်ဦးနဲ့ပြိုင်ဘက်က ဦးစိန်လွင် တို့အုပ်စု။ ဦးတင်ဦးက သူ့ကေဒါ တွေကို နေရာကောင်းတွေ ပို့ တယ်။ ဆိုပါတော့ ဒုတိယဝန်ကြီး တော်တော်များများဟာ သူပျား တွေချည်းပဲ။

ပညာရေးဌာနမှာ တောင် သူ့ပျားတွေကို ညွှန်ချုပ် လိုနေရာပေးထားတယ်။ ထုံးစံ အတိုင်း အာဏာရှင်ဆိုတာ သူ့ခုံ ကိုလှုပ်လာရင် မကြိုက်တော့ဘူး လေ။ ခွင့်ပြုတုန်းက ခွင့်ပြုခဲ့ ပေမယ့် တကယ်တမ်းကျတော့ သဘောထားမကြီးနိုင်ပါဘူး။ အကုန်ဆွဲဖမ်းပစ်လိုက်တော့တာ ပါပဲ။ ဒါက ဘာကိုပြနေသလဲ ဆိုရင် မဆလထဲမှာ မညီမညွတ် ဖြစ်နေတယ်(ဒါမှမဟုတ်) ဦး နေဝင်းကဘယ်သူ့ကိုမှမယုံကြည် ဘူးဖြစ်နေတယ်လို့ ဆိုရမှာပါ။

ပိုက်ဆံသိမ်းပြီ

တိုင်းပြည်စီးပွားရေးလည်း မကောင်း၊ နိုင်ငံရေးကလည်း မငြိမ်တဲ့အချိန်မှာ ချိန်ကိုက်ဗုံး တစ်လုံးပေါက်သွားတယ်။ပိုက် ဆံတွေကို ပြန်သိမ်းတဲ့ကိစ္စပါ။ ပြည်သူတွေ တော်တော် အထိနာ သွားတယ်။ အစိုးရကို မကျေနပ် မှု ဒီဂရီအမြင့်ဆုံးပါပဲ။ ဖြစ်ချင် တော့ ကုလားဗမာအဓိကရုဏ်း တွေက ပြည်မှာ၊ တောင်ကြီးမှာ ဖြစ် လာခဲ့တယ်။ (ဒါတွေကလည်း ဖော်မြူလာလို
ဖြစ်နေတယ်။ တစ်ခုခု ပေါက်ကွဲတော့မယ်ဆိုရင် ကုလား ဗမာပြဿနာပေါ်လာ လေ့ ရှိနေတယ်။ သတိပြုစရာပါ)

မတ်လ ၁၃ရက်နေ့ည ကြို့ ကုန်းမှာ ကျောင်းသားနဲ့ အရပ် သား ရန်ဖြစ်တဲ့ ပြဿနာဟာ ဘာမှ မကြီးပါဘူး။ ဒါပေမဲ့ ကိုင် တွယ်ပုံကရိုင်း လွန်းလှလေတယ်။ မောင်ဖုန်းမော်နဲ့ မောင်စိုးနိုင်တို့ အသတ်ခံခဲ့ရတယ်။ ရန်ကုန် တက္ကသိုလ်နဲ့ စက်မှုတက္ကသိုလ် ပေါင်းမိသွားတော့တာပါပဲ။ ဒီပွဲ အပြီးမှာကျောင်းသားတွေ အဖမ်း ခံရတယ်။ ဒီတုန်းက ကျွန်တော်
ဆရာဝန်ဖြစ်နေပြီ။ ကျောင်းသား မဟုတ်တော့ဘူး။ ဒါပေမဲ့ တက္က သိုလ်ကို မခွာနိုင်သေးဘူး။ တက္က သိုလ် အပန်းဖြေရိပ်သာမှာ ကျောင်းသား တွေစုပြီးတိုင်ပင်ရင် ကျွန်တော်တို့ အရိုင်းတို့ရောက် ရောက်သွားတယ်။ မောင်မောင် ကျော်တို့ မိုးသီးတို့က စာရွက်တွေ ဝေချင်တယ်ဆို ကျွန်တော်တို့က ယူပြီးဝေပေးတယ်။ အဲဒီအချိန် ဌေးကြွယ်တို့၊ လှမျိုးနောင်တို့က ထောင်ထဲရောက်နေပြီပေါ့။

ကျွန်တော်တို့ မြပုဏ္ဏမာအဖွဲ့သား တွေဟာ တက္ကသိုလ်အနုပညာ အသင်းကို အခြေခံဖွဲ့ထားတာ ဖြစ်လို့ ကျောင်းသားစိတ် အပြည့် နဲ့ပါ။ ဖိုးဖြူဆိုရင်
ကြေညာချက် တော်တော်များများကို ဖယောင်း စက္ကူပေါ်မှာရေးပေးတယ်။အရိုင်း ကဒီဇိုင်းဆွဲတယ်။ ၈၈တုန်းက ဒီ ဇိုင်းသားသားဆိုတာ အရိုင်းပဲပေါ့။
အရိုင်းရောကျွန်တော်ရော

ကြေကွဲနေတယ်

၁၉၈၈၊ ဇွန်အရေးအခင်း ဖြစ်တော့ ကျွန်တော်တို့ မျက်စိ ရှေ့တင်။ကျွန်တော်နေတာ မြေနီ ကုန်းဆိုတော့ အားလုံးမျက်မြင် ကိုယ်တွေ့ပဲ။ ကျွန်တော်ရော အရိုင်းပါ အိပ်မပျော်ကြဘူး။

စားလို့လည်းမရဘူး။ ကိုယ်ဘာမှ မလုပ်ပေးနိုင်တာကို ကြေကွဲနေ တယ်။ အဲဒီအချိန်မှာ သြဂုတ် ၈ ရက်နေ့ လူထုတိုက်ပွဲစမယ်ဆိုတာ လိုင်းကျလာတော့ ကျွန်တော်တို့ ပါဝင်မယ်လို့ ဆုံးဖြတ်လိုက်တယ်။ ဇာဂနာ၊ အရိုင်းဆိုတာ လူသိ နေတဲ့လူ တွေဖြစ်နေပြီ။ ပြီးတော့ မြန်မာ့အသံ ရုပ်မြင်သံကြားဝင်း ထဲ ဥဒဟိုသွားနေနိုင်တဲ့ အခွင့် လည်း ရနေတော့ စနည်းနာရတာ ပေါ့။ ဦးစိန်လွင် ကိုယ်တိုင်ကွပ်ကဲ တဲ့အဖွဲ့ မြန်မာ့အသံ စတူဒီယို အေ အရှေ့မှာ ကွပ်ကဲရေး ရုံးဖွင့် တယ်လေ။ ကျွန်တော်နဲ့အရိုင်း က မယောင်မလည်နဲ့ သူတို့နား သွားသွားပြီး

သတင်းထောက် လှမ်းတယ်။ ၂၂က တပ်တွေ ရောက်လာပြီ။ သနက (၃)နဲ့ (၅)ကိုမြို့လုံခြုံရေးအတွက်နေရာယူ ခိုင်းလိုက်ပြီ။ ဒါဆိုရင် သြဂုတ် ၈ ရက်နေ့ကိုဖြိုခွင်းတော့မယ်ပေါ့။

ရန်ကုန်ဟာငရဲခန်းလို ဆူလို့ညံလို့

ကျွန်တော်အသားတွေ တုန် လာတယ်။ ကျွန်တော့်သူငယ်ချင်း တွေ ညီအစ်ကိုတွေကတော့ မြန်မာ့အသံရှေ့ကနေ မဆလ အစိုးရ အလိုမရှိဆိုတာတွေ အော်ပြီးမြို့ထဲချီတက်သွားကြပြီ။

ကိုယ်ဘာလုပ်နိုင်သလဲ။ မသိ။ ဘာမှမလုပ်နိုင်။ ဒါပေမဲ့ လိုက် ပြောလို့တော့ရတာပဲ။ အရေးထဲ အရိုင်းက လူအုပ်နဲ့ပါသွားပြီ။ ကျွန်တော်မြန်မာ့အသံ မြောက် ဘက်ပေါက်ကနေထွက်ပြီး မြို့
ထဲကို တက္ကဆီနဲ့လိုက်တော့ လူ အုပ်ကမြို့တော်ခန်းမရှေ့ မရောက် သေး။ ကျွန်တော်နဲ့သိတဲ့လူတွေ တစ်ယောက်မှမတွေ့။ အကော် ဒီယံဦးအုန်းကျော်ရဲ့ ဧရာဝတီ တေးသံသွင်းမှာ ဝင်ထိုင်ရင်း လူ အုပ်ကိုမျှော်။ ဟော ဗိုလ်ချုပ် လမ်းဘက်က တက်လာပါပကော။ နည်းတဲ့လူတွေ မဟုတ်။ မြို့တော် ခန်းမရှေ့ရောက်တော့ တရား တွေဟောကြ၊ စကားတွေပြော ကြ။

ကျွန်တော်နဲ့တွေ့သူ အား လုံးကို တပ်ကပစ်လိမ့်မယ်လို့ လိုက်ပြောပေမယ့် အားလုံးက ရယ်သွမ်းသွေးလို့ရယ်။ ပစ်ပါစေ ပေါ့။ ကျွန်တော်လက်ပိုက်ပြီးပဲ ကြည့်နေဖို့ရှိတော့တယ်။ ညရှစ် နာရီလောက်ကျ တော့ တစ်မြို့ လုံး မီးတွေမှောင်ကျ သွားတယ်။ သမ္မတရုံဘက် စစ်ကားတွေ အမှောင်ထဲမှာ မီးစုံဖွင့်ပြီး အရှိန် နဲ့ မောင်းချလာလိုက်တာ။ စိတ် ထဲတော့ သွားပြီလို့
တွက်လိုက် မိပါတယ်။ ဆူးလေဘုရားကို အဲဒီစစ်ကားတွေ ပတ်ပြီး ရပ် လိုက်တော့ မြို့တော်ခန်းမရှေ့က သပိတ်တပ်က အေးအေးရယ်။ ထမင်းအစားမပျက်။ ဒုန်းဒုန်း စပစ်တော့မှ လူသံတွေ ပွက် လောရိုက်လို့။ ရန်ကုန်ဟာ ငရဲ ခန်းလို ဆူလို့ညံလို့။ ကျွန်တော် လည်း ပြေးမိပြေးရာ ပြေးထည့် လိုက်တော့ ဘယ်တွေရောက် ကုန်မှန်း မသိတော့ဘူး။

၁၉၈၈ ရဲ့ သြဂုတ်၈ရက်ညဟာ သွေးစက် စွန်းထင်းခဲ့ပြီ။ အမှောင်ထဲမှာ ဘယ်နှယောက်ကျဆုံးခဲ့ပြီလဲ မသိ။ ကျွန်တော်လည်းမသိ။ ဘယ်သူ မှလည်းသိမယ်မထင်။ ခု ၂၅နှစ်ပြည့်ပြီ။ မြို့တော်ခန်းမ
ရှေ့ရောက်တိုင်း ဒီမြင်ကွင်းပဲ ပြန်ပြန်မြင်နေတယ်။

၈၈စိတ်ဓာတ်

မြင်ကွင်းတင် ဘယ်ဟုတ်ပါ့ မလဲ။ ဒီလူတွေ ဒီမျက်နှာတွေကိုပဲ ပြန်ပြန်မြင်နေတယ်။ ၈၈တုန်းက သေချင်သေပါစေဆိုပြီး ကျော ချင်း ကပ်ခဲ့သူတွေ လက်ချင်းချိတ် ခဲ့သူတွေ ခုတော့ အချင်းချင်းပြန် တိုက်နေကြပြန်ပေါ့။ ၈၈စိတ် ဓာတ်ဆိုတာ တစ်ခုတည်းပါ။ ဦး တည်ချက်တူရင် တွဲလုပ် ကြတာ ပါ။ ရှစ်လေးလုံးငွေရတုဖြစ် ဖြစ်၊ စိန်ရတုဖြစ်ဖြစ် အရေးကြီးတာ ၈၈ စိတ်ဓာတ်လေးအလံ ထူစေ့ချင်ပါတယ်။
ဇာဂနာ
Popular Journal

မြပုဏ္ဏမာ အငြိမ့်အဖွဲ့သားတွေ ပြောပြတဲ့ ရှစ်လေးလုံး

ခေတ်ဆိုး၊စနစ်ဆိုးကြောင့် ၁၉၈၈မှာ မြန်မာနိုင်ငံ တစ်ဝန်း လုံး ရှိ ပြည်သူတစ်ရပ်လုံး လူထု အုံကြွမှု ဖြစ်ပေါ်ခဲ့ရာ ပြည်သူ တစ်ရပ်လုံးနှင့်အတူ မြပုဏ္ဏမာ အငြိမ့်အဖွဲ့သားများကလည်း
စင်ပေါ်၌ တက်ညီလက်ညီ ပြက် လုံးထုတ်ပြီး ဖျော်ဖြေပေးရုံ သာမက အများပြည်သူကြား ထဲတွင် ဆန္ဒပြလှုပ်ရှားခဲ့ကြ သည့် အတွေ့အကြုံများကို ပြန် လည်ပြောပြခဲ့ကြပါသည်။

ဂေါ်ဇီလာ

" မှတ်မှတ်ရရကိုဖုန်းမော် သေပြီး၊ နောက်နှစ် သန်လျင်မှာ ပွဲကတာ ကျွန်တော်ပြက်လုံး တစ်လုံးပြက်လိုက်တာ မရည် ရွယ်ဘဲ လုံးဝရင်ထဲက ရှိနေတဲ့ စကားပါ။မင်းသမီးထွက် လာတဲ့ အခန်းပေါ့။ မင်းသမီးကပြောတယ်။ ကျွန်မမှာ ချစ်သူရှိတယ် ပြောလိုက်တော့ လူရွှင်တော်က ကျွန်တော်ပဲ ကျွန်တော်ပဲ။

သန်လျင် မှာ ထဘီထုပ်ခိုးတာ ကျွန်တော်ပဲလို့ ပြက်ရမှာကို
အဲဒီမှာ ကျွန် တော်က ကောင်မလေးချစ်သူ ကျွန်တော်သိတယ်။ ဘယ်သူလဲ လက်ညှိုးထောင် ပြီး ကျွန်တော်ပဲ၊ ကျွန်တော်ပဲ။ဖုန်းမော်ပစ် သတ် တာကျွန်တော်ပဲလို့ ပြောလိုက် တဲ့ အချိန်မှာအားလုံး ငြိမ်ကျသွားတာပဲ။

ကျွန်တော့်ရင်ထဲ ကနေ လွှတ်ခနဲထွက်လာတယ်။ ဒါလည်း စင်ပေါ်မှာ တကယ်ခံ စားရတဲ့အတွေ့အကြုံထဲက ရုတ်တရက် ထွက်သွားတဲ့အမှတ်
တရပါ။ကျွန်တော်တို့ အနုပညာ သမားက လူပိုသိကြလို့ပါ။တကယ် အရေးပါတာက တိုင်းသူပြည် သားအားလုံး အရေးပါတယ် "

ဖိုးဖြူ

" ကိုဇာဂနာနဲ့ ဇာတ် သဘင် အနုပညာရှင် တွေပေါင်းပြီး တော့ လှုပ်ရှားခဲ့တယ်။ အဖွဲ့ လည်း အနုပညာရှင် တွေစုံ တော့ စင်ပေါ်တက် လိုက်တာနဲ့ အာလုံးက ပါဝင်လာတယ်။ ၈၈မှာ သက်ရှိထင်ရှား ကြုံ တွေ့ခဲ့ရတဲ့ လူတစ်ယောက် အနေနဲ့ပါဝင်ခဲ့ပေမယ့် အခု ချိန်ထိအပြည့်အဝ အောင်မြင်မှု မရသေးပါဘူး။

အနုပညာရှင်ပဲ ဖြစ်ဖြစ်၊ ပြည်သူ နိုင်ငံသားတစ် ယောက်အနေနဲ့ပဲဖြစ်ဖြစ် ဘာပဲ ပြောပြောကျရာနေရာကနေ အုတ်တစ်ချပ်သဲတစ်ပွင့်အဖြစ် ပါဝင်နိုင်ပါစေ"

ကင်းကောင်

" ကျောင်းသားအနေနဲ့ တစ် နိုင်ငံလုံးကဆန္ဒ ပြတော့ကိုယ် လည်း ပြတာပေါ့။ ၈၈နောက် ဆုံးပတ်မှာ ထွက်ပြေးရတယ်။ ဘယ်လောက်ပြေးလဲဆိုတာ တစ်ကိုယ်လုံးချွေးတွေက ရေချိုး ထားတဲ့အတိုင်းပဲ။ တက္ကသိုလ် ထဲမှာ ထမင်းထုပ်ဝေတယ်။ ဒံပေါက်ဆိုင်က ဒံပေါက်ဝေ ပေါ့။ ဒါလည်း အမှတ်တရပါပဲ"

ငှက်ပျောကြော်

" တက္ကသိုလ်ဘွဲ့ရကျောင်း သူ ကျောင်းသားများ အသင်းဆိုတဲ့ ခေါင်းစဉ်အောက်မှာ ပါဝင်ခဲ့တယ်။ ခိုင်ခင်ဦးပါတယ်။ အဲဒီတုန်းက ခိုင်ခင်ဦးက တက္ကသိုလ်ကျောင်းပြီး အောင် မြင်နေတဲ့
မင်းသမီးတစ် ယောက်ပေါ့။

အရေးတော်ပုံ တစ်ခုဖြစ်လာတိုင်း အနုပညာရှင်တွေ တက်တက်ကြွကြွ ပါဝင် တယ်။ ဒီလူတွေက ပြည်သူချစ် တာကိုး။ချစ်တဲ့စိတ်နဲ့လုပ်ကြ တယ်။
တချို့ကလည်း ခံယူချက် မရှိဘဲချစ်တဲ့စိတ်တစ်ခုနဲ့ လုပ် တဲ့ သူလည်းရှိတယ်။ ဒီလူတွေ တကယ့် ခံယူချက်နဲ့လုပ်တာ ဆိုပြီးတော့ ငါတို့လည်းလုပ် မယ်၊ ပါရမယ်ဆိုပြီး လုပ်တာ လည်းရှိတယ်။ "
ပေါ်ပြူလာအဖွဲ့

ရှစ်လေးလုံးအရေးတော်ပုံ ရက်စွဲဒိုင်ယာရီ

မတ်လ
၇-၃-၈၈၊ ဗိုလ်မှူးချုပ်ဟောင်း အောင်ကြီးက ဗိုလ်နေဝင်းထံ စာ တစ်စောင်ရေးသားပေးပို့။ ၁၂-၃-၈၈၊ ရန်ကုန် စက်မှု တက္ကသိုလ်မှ ကျောင်းသား တချို့ နှင့် ကြို့ကုန်းရပ်ကွက်အတွင်းရှိ လူငယ်အချို့ စန္ဒာဝင်း လက် ဖက်ရည်ဆိုင်တွင် ခိုက်ရန်ဖြစ် ပွား။ဇော်ဇော်(ခ)ညီညီလွင် နှင့်အတူ ကျောင်းသား၅ဦး အားအရေးယူ။
၁၃-၃-၈၈၊ ရန်ကုန်စက်မှု တက္ကသိုလ်တွင် မကျေနပ်မှုဖြစ် ပွား နေသော ကျောင်းသားများ အား စစ်တပ်(လုံထိန်း)များက သေနတ်နှင့် ပစ်ခတ်ဖြေရှင်း သဖြင့်ပဉ္စမနှစ် ကုန်ထုတ်ဓာတု ဗေဒအဓိက ကျောင်းသား ကို ဖုန်းမော်ကျဆုံး။

၁၄-၃-၈၈၊ မကျေနပ်မှုကြီး ထွားနေသော ရန်ကုန်စက်မှု တက္ကသိုလ်မှ ကျောင်းသားများ နေထိုင်ရာ ကျောင်းဝင်း အား စစ်တပ်မှ ဝင်ရောက်စီးနင်းကာ ကျောင်းသားအများအပြားကို ဖမ်းဆီးပြီး၊ရန်ကုန်စက်မှုတက္ကသိုလ် ကို ရက်အကန့် အသတ်မရှိ ပိတ်လိုက်ကြောင်းည၈နာရီ၌ မြန်မာ့အသံမှ ကြေညာ။ မြေ အောက် ကျောင်းသားသမဂ္ဂများက RIT အဖြစ်အပျက်နှင့် ပတ်သက်ပြီး ကြေညာချက်များ၊ တောင်းဆိုချက်များ ထုတ်ပြန်။

၁၅-၃-၈၈၊ RIT အရေးအခင်း နှင့်ပတ်သက်ပြီး အစိုးရမှ အမှန် အတိုင်း ဖြေရှင်းပေးရန်အပါအဝင်" ကျောင်းသားထုအခွင့် အရေး ကာကွယ်ရေးကော်မတီ" တစ်ရပ်ဖွဲ့စည်းရေးကို ကျောင်း သားများက တောင်းဆို။

၁၆-၃-၈၈၊ ရန်ကုန်တက္ကသိုလ် ကျောင်းဝင်းအတွင်း ကန့်ကွက် ဆန္ဒပြနေကြသော ကျောင်း သားများအား စစ်တပ်ကဝိုင်း၊ ဆန္ဒပြကျောင်းသားများ ကျောင်း ဝင်းအပြင်ထွက်ပြီး ရန်ကုန် တက္ကသိုလ်(လှိုင်)သို့ ချီတက်စဉ် စစ်တပ်နှင့်လုံထိန်းများက တံတား ဖြူတွင် တားဆီးပြီးအကြမ်း ဖက်ဖြိုခွင်းခဲ့၍ ကျောင်းသားအချို့ သေဆုံး၊အများအပြား ဒဏ်ရာ ရ အဖမ်းခံကြရ (တံတားနီ အရေးအခင်း) တက္ကသိုလ် အား လုံးကို ရက်အကန့် အသတ်မရှိ ပိတ်လိုက်ကြောင်း စစ်အစိုးရက ည၈နာရီတွင် မြန်မာ့အသံမှ ကြေညာ။

၁၆-၃-၈၈၊ ရန်ကုန်စက်မှု တက္ကသိုလ် ကျောင်းသား အရေး အခင်းနှင့်ပတ်သက်ပြီး စုံစမ်း စစ်ဆေးတင်ပြရန် စုံစမ်းရေး ကော်မရှင်ကို မဆလနိုင်ငံတော် ကောင်စီမှအမိန့်ကြေညာစာ အမှတ်၄၅/၈၈ဖြင့် ဖွဲ့စည်းပေးခဲ့။

၁၇-၃-၈၈၊ ကျောင်းသားများ ဦးဆောင်ပြီး ရန်ကုန်မြို့လယ် တွင် ဆန္ဒပြပွဲကျင်းပ။ လူထုက ထောက်ခံပြီး ပူးပေါင်းပါဝင်။
၁၈-၃-၈၈၊ ရန်ကုန်မြို့လယ်တွင် ဆန္ဒပြပွဲများ ဆက်လက်ဖြစ်ပွား၊ အကြမ်းဖက်မှုအချို့လည်း ဖြစ် ပွား။ စစ်တပ်(လုံထိန်းများ)က မျက်ရည်ယို ဗုံးသုံး၍ အကြမ်း ဖက်ဖြိုခွဲ၊လူ ၄ဝကျော်သေဆုံး ခဲ့ရကြောင်း မဆလစစ်အစိုး ရက နောက်ပိုင်းတွင်ဝန်ခံရ)

ဧပြီ
၂-၄-၈၈၊ ၁၉၈၈ခုနှစ်၊ မတ်လ က လေဖြတ်သွားခဲ့သော နေထိုင် မကောင်းသည့် မိခင်ကြီးကို ပြုစုရန် ဒေါ်အောင်ဆန်းစုကြည် မြန်မာနိုင်ငံသို့ ပြန်လာ။ ဒေါ်အောင် ဆန်းစုကြည်သည် ၁၉၆ဝခုနှစ် မိခင်ကြီး အိန္ဒိယနိုင်ငံဆိုင်ရာ မြန်မာသံအမတ်ကြီးအဖြစ် ခန့် အပ်ခံရစဉ်မှစတင်ကာ မြန်မာ ပြည်မှ ထွက်ခွာသွားခဲ့သည်။ ၂၇ နှစ်အတွင်း မြန်မာပြည်သို့ ခေတ္တ ၈ကြိမ်ပြန်လာခဲ့ပြီး နိုင်ငံသားအဖြစ် ဆက်လက်ရပ် တည်နေသည်။ ၁၉၈၆ခုနှစ် အာဇာနည်နေ့တွင် ဖခင်ကြီး၏ အုတ်ဂူ၌ လွမ်းသူ့ပန်းခွေချကန် တော့သည်။

မေလ
၉-၅-၈၈၊ ဗိုလ်အောင်ကြီးက ဗိုလ်နေဝင်းထံ စာမျက်နှာ ၄ဝ ပါ အိတ်ဖွင့်ပေးစာ တစ်စောင် ထွက်လာ။ (နိုင်ငံရေးကိစ္စ လုပ် ဖော်ကိုင်ဖက်များကို ဝေဖန်)
၃ဝ-၅-၈၈၊ရက်အကန့် အသတ် မရှိ ပိတ်ထားခဲ့သော တက္ကသိုလ် များကို ပြန်လည်ဖွင့်လှစ်။ မြေ အောက် ကျောင်းသား သမဂ္ဂဝင် များ လှုပ်ရှားမှုများစတင်။ ကျောင်း သားများသမဂ္ဂမှ " သပိတ် မှောက်ပန်ကြားလွှာ" ကိုဖြန့်ချိ။

ဇွန်လ
၈-၆-၈၈၊ ဗိုလ်အောင်ကြီးက ဗိုလ်နေဝင်းထံပေး စာတစ် စောင် ထွက်လာ။ (တံတားဖြူ အရေး အခင်းအကြောင်း၊ ဗိုလ်ချုပ်ကြီး လက်ရှောင်နေပါ။)
၁၄-၆-၈၈၊ ညနေ ၄နာရီဝန်း ကျင် ရန်ကုန်တက္ကသိုလ် တောင် ငူဆောင် ရှေ့တွင် တရားဟော။ " နေဝင်းအလိုမရှိ" မဆလအလို မရှိ" ကြွေးကြော်။ ပါမောက္ခချုပ် ဒေါက်တာချစ်ဆွေရောက် လာပြီး မလုပ်ဖို့တောင်းပန်။ ညနေ ၅နာရီ ၃ဝ မိနစ်တွင်ပြီး။
၁၅-၆-၈၈၊ နံနက် ၁၁နာရီဝန်းကျင် ဂျပ်ဆင်ရှေ့ မြက်ခင်းပြင် တွင် တရားဟောပွဲစတင်။ လူပိုများလာပြီး RC ရှေ့သို့ တရားပွဲ ရွှေ့သွား။ ညနေမှောင်စပျိုးမှ တရားပွဲရပ်နား။

၁၆-၆-၈၈၊ မွန်းလွဲပိုင်းမှ စတင်ကာ ဘွဲ့နှင်းသဘင်ခန်းမရှေ့တွင် တရားပွဲများစတင်။ စစ်ကား များ ကျောင်းဝင်းအပြင်တွင် ဝိုင်းထား။ တရားပွဲအောင်မြင်။

၁၇-၆-၈၈၊ သောကြာနေ့။ တရား ပွဲများ ဘွဲ့နှင်းသဘင်ရှေ့တွင် ဆက်လက်ဖြစ်ပွား။ ကိုမိုးသီး ဇွန် စတင်တရားဟော၊ ကျောင်း သားထု၏ ထောက်ခံအားပေး မှုကိုရရှိ။စစ်ကား များကျောင်း ဝင်းအပြင်မှ ဝိုင်းထား၊ တရားပွဲ အောင်မြင်။

၂ဝ-၆-၈၈၊ တနင်္လာနေ့ တရားပွဲ များ ဘွဲ့နှင်းသဘင်ရှေ့တွင် ဆက် လက်ဖြစ်၊အင်အား တစ်သောင်း ခန့်ရှိလာ။ကျောင်းသားထု၏ အဆုံးအဖြတ်ကို ခံယူရာ မိုးသီး ဇွန်တို့ အယူအဆကို ကျောင်းသား ထုက တစ်ခဲနက်ထောက်ခံ။ညနေမှောင်မှ တရားပွဲပြီး။

၂ဝ-၆-၈၈၊ ည၈နာရီ ရန်ကုန် တက္ကသိုလ်(ပင်မ၊ဗိုလ်တထောင်၊ လှိုင်၊ ကြည့်မြင်တိုင်) ရန်ကုန် စက်မှုတက္ကသိုလ်၊ ရန်ကုန် စီးပွားရေး တက္ကသိုလ်တို့ကို ရက် အကန့်အသတ်မရှိ ပိတ်လိုက်ကြောင်း မြန်မာ့အသံ မှ ကြေညာ။

၂၁-၆-၈၈၊ ရန်ကုန်တက္ကသိုလ် ပိတ်လိုက်သဖြင့် ကျောင်းသား
လူငယ်များက ကျောင်းအပြင် တွင်စုရုံးကာ ဆန္ဒပြရင်း မြို့ လယ်သို့ချီတက်။ ဆန္ဒပြ ကျောင်း သားထုအား မြေနီကုန်းတွင် စစ်တပ်က ဟန့်တားရာမှ အဓိကရုဏ်း ဖြစ်ပွား။

၂၁-၆-၈၈၊ ကျောင်းပိတ်ရာတွင် မပါဝင်သော ရန်ကုန်ဆေး တက္ကသိုလ် -၁ လမ်းမတော်တွင် ကျောင်းသားများနှင့် လုံထိန်း တို့ အဓိကရုဏ်းဖြစ်ပွား။
၂၁-၆-၈၈၊ ည ၈နာရီ မြန်မာ့ အသံမှ တစ်နိုင်ငံလုံးရှိ တက္ကသိုလ်၊ ကောလိပ်၊သိပ္ပံများကို ရက် အကန့်အသတ်မရှိပိတ်လိုက် ကြောင်း၊ရန်ကုန်မြို့တော် စည် ပင်သာယာရေး နယ်နိမိတ် အတွင်း ည၆နာရီမှ နံနက် ၆ နာရီအတွင်း ညမထွက်ရအမိန့်၊ ရန်ကုန်စည်ပင်သာယာရေး နယ်နိမိတ်အတွင်း စစ်အုပ်ချုပ် ရေးဒေသအဖြစ် ကြေညာကြောင်း အစိုးရက အမိန့်များထုတ်ပြန်။

၂၂-၆-၈၈၊ နေ့ထုတ်မဆလ သတင်းစာများတွင် ဇွန်
၂၁ရက် နေ့ မြေနီကုန်းအဖြစ် အပျက်တွင် ရဲ၆ဦးသေဆုံး။ အကြမ်း ဖက်သမား ၃ဦးသေဆုံးကာ ၇၇ဦး ကို ဖမ်းဆီးထားကြောင်း ဖော်ပြထား။
၂၉-၆-၈၈၊ ရန်ကုန်မြို့တော် စည်ပင်သာယာရေးနယ်နိမိတ် အတွင်း ညမထွက်ရအမိန့်ကို ည၈နာရီမှ နံနက်၎နာရီသို့ ပြောင်း လဲ သတ်မှတ်ကြောင်း မြန်မာ့ အသံမှ ကြေညာ။

ဇူလိုင်လ
၇-၇-၈၈၊ ၈၈မတ်လအရေး အခင်းများတွင် အဖမ်းခံထား ရသော ကျောင်းသား ၁၄၁ဦး၊ အားလုံး ပြန်လွတ်လာ။
၁၆-၇-၈၈၊ ပြည်မြို့တွင် ဗုဒ္ဓဘာသာနှင့် မွတ်ဆလင်ဘာ သာဝင်အချို့ အကြားတွင် ဘာသာရေးအဓိကရုဏ်း များ ဖြစ်ပွား။စစ်အုပ်ချုပ်ရေး ဥပဒေ ထုတ်ပြန်။

၁၉-၇-၈၈၊ တောင်ကြီးမြို့ တွင်ဗုဒ္ဓဘာသာနှင့် မွတ်ဆလင် ဘာသာဝင်အချို့တို့ အဓိကရုဏ်း ဖြစ်ပွား။ စစ်အုပ်ချုပ်ရေး ဥပဒေ ထုတ်ပြန်။
၂၂-၇-၈၈၊ BBC မှအထူး သတင်းထောက် ခရစ္စတိုဖာဂါးနက်သည် Tourist Visa ဖြင့် ရန်ကုန်သို့ ရောက်ရှိလာ။

ရန်ကုန်မြို့တွင် ကျောင်းသားခေါင်းဆောင်အချို့ အပါအဝင် လျှို့ဝှက်တွေ့ဆုံခြင်း၊ အင်တာဗျူးပြီး ရန်ကုန်နှင့်နယ်သတင်း လတ်လတ်ဆတ်ဆတ်များကို BBC ကဖော်ပြပေးသဖြင့် တစ်နိုင်ငံလုံး သိရှိရ။ ပြောက်ကျားဆန္ဒပြတိုက်ပွဲဆင်နေသော ကျောင်းသား လူငယ်များအား တက်စေခဲ့။

၂၃-၇-၈၈၊ မဆလပါတီ အရေး ပေါ် ညီလာခံစတင်ကျင်းပ။ ပါတီဥက္ကဋ္ဌဦးနေဝင်းသည် တိုင်းပြည်သို့ ရေဒီယိုမှ မိန့်ခွန်း ပြော။ ပါတီဥက္ကဋ္ဌအဖြစ် ဦးနေ ဝင်းနုတ်ထွက်။ ဦးစိန်လွင် သမ္မတဖြစ်လာ။

၂၄-၇-၈၈၊ ကျောင်းသား လူငယ်လေးများ ရွှေတိဂုံဘုရား ပေါ်တွင် သပိတ်စခန်းဖွင့်။ ပြည်ထဲရေးနှင့် သာသနာရေး ဝန်ကြီးဖြစ်စဉ်က သံဃာတော် များအပေါ် မောက် မောက်မာမာ ဆက်ဆံခဲ့သည့် ဦးစိန်လွင်လို လူစားမျိုးအား သမ္မတ ခန့်အပ် ခြင်းကို သံဃာထုကမကျေ နပ်ကြောင်း ဟောပြောကြ။

၂၈-၇-၈၈၊အစိုးရက တရားပွဲကို ဖြိုခွဲလိုက်။
၂၉-၇-၈၈၊ နေ့ထုတ် မဆလစစ် အစိုးရ သတင်းစာများတွင် ဆူပူလိုသူ လူတစ်စုတို့၏လုပ် ရပ်မျိုးဟုဖော်ပြ။

၂၉-၇-၈၈၊ နိုင်ငံခြားမှ မြန်မာ ဘာသာဖြင့် ထုတ်လွှင့်သော အသံလွှင့် ဌာနများက သတင်း ဖော်ပြ။
၂၉-၇-၈၈၊ ဗိုလ်မှူးချုပ်ဟောင်း အောင်ကြီးနှင့်အဖွဲ့အား ဖမ်း ဆီး (ဦးအောင်ရွှေ၊ ဦးကြည် မောင်၊ဦးခင်ညို သံအမတ်ကြီး ဟောင်း ဦးဘရွှေတို့ပါဝင်) အေပီ သတင်းထောက် ဦးစိန်ဝင်းကို လည်း ဖမ်းဆီးလိုက်။

သြဂုတ်လ

၃-၈-၈၈၊ မဆလနိုင်ငံတော် ကောင် စီကြေညာချက် ၅/၈၈ ရန်ကုန်မြို့တော်၊ မြို့နယ်များ တွင် အရေးပေါ် အခြေအနေ ကြေညာ၊စစ်အုပ်ချုပ်ရေး ဥပဒေ ထုတ်ပြန်။

၆-၈-၈၈၊ BBC အသံလွှင့်ဌာန က ရန်ကုန်မြို့ရှိ ကျောင်းသား ခေါင်းဆောင်တစ်ဦးနှင့် တွေ့ ဆုံမေးမြန်းခန်းတွင် " ရှစ်လေး လုံး နေ့" တွင် တစ်နိုင်ငံအတိုင်း အတာဖြင့် အထွေထွေသပိတ် ကြီး ဆင်နွှဲသွားမည်ဟု ပြောဆို။
၆-၈-၈၈၊ မဆလ စစ်အစိုးအရ အား ဆန့်ကျင်ကန့်ကွက် ကြောင်း ထုတ်ဖော်မှုတစ်ရပ်အနေဖြင့် ည၈နာရီတိတိတွင် သံပုံးတီးတော ထုတ်ဆန္ဒပြကြရန် ကျောင်းသား သမဂ္ဂမှ တိုက်တွန်းနှိုး ဆော် ထားမှုအရ ည ၈နာရီ တိတိတွင် ရန်ကုန်မြို့အနှံသံပုံးတီး သံကြီး များ တစ်ခဲနက် ပေါ်ထွက်လာ။

၈-၈-၈၈၊ နံနက် ၁၁နာရီခန့်မှ စတင်ကာ ရှစ်လေးလုံး ဆန္ဒပြပွဲ ကြီး ဖြစ်ပွားခဲ့။အင်အား သောင်း နှင့်ချီသော လူထုစစ်ကြောင်း ကြီးများကြောင့် စစ်တပ်၏ အတားအဆီးမှန် သမျှပြိုဆင်း သွား။ " စိန်လွင် ၆တန်း တဇောက် ကန်း"၊ "ဘဲဥတစ်လုံးနှစ်ကျပ် ခွဲ စိန်လွင့်ခေါင်းကိုခွဲ" စသော ကြွေး ကြော်သံများမှစကာ" တစ်ပါတီ အာဏာရှင်စနစ်အလိုမရှိ" ၊ " ဒီမို ကရေစီရရှိရေး" တို့ကို ကြွေး ကြော်ခဲ့။ ရန်ကုန်တစ်မြို့တည်း သာမက နယ်မြို့အတော်များ များတွင်ပါ ချီတက်ဆန္ဒပြမှု ဖြစ်ပွားခဲ့။

၈-၈-၈၈၊ ည၁၁နာရီတွင် ရန်ကုန်မြို့တော်ခန်းမရှေ့တွင် စုဝေးဆန္ဒပြ တရားဟောနေ သော လူထုကို စစ်တပ်မှ စတင် ပစ်ခတ်ချေမှုန်း။ ရန်ကုန်မြို့ အနှံ့ပစ်ခတ်ခြင်း ဆန္ဒပြသူများ ကိုသာမက မီးထွန်းထားသော အိမ်များအပါအဝင် မည်းမည်း မြင်ရာ ပစ်ခတ်မှုကြောင့်လည်း ကောင်း နိုင်ငံတစ်ဝန်းလုံးရှိ မြို့အတော်များများ ပါပစ်ခတ် မှုကြောင့် ထိခိုက်သေကျေ ဒဏ်ရာရမှုများခဲ့။

၉-၈-၈၈၊ စစ်တပ်မှ ပစ်ခတ်မှု ကြောင့် ရန်ကုန်မြို့တွင် အထူး သဖြင့် အထက်တန်းကျောင်း သားလေးများ သွေးမြေကျခဲ့ရ။
၉-၈-၈၈၊ စစ်ကိုင်းမြို့တွင် ဆန္ဒပြလူထုကို စစ်တပ်၏ ပစ်ခတ်မှုကြောင့် ကျောင်းသား များ၊ လူထုနှင့် သံဃာတော်များ၊ အမျိုးသမီးများပါ သေကျေဒဏ် ရာရခဲ့။ (စုစုပေါင်း ၃၁၇ ဦး သေ ဆုံးခဲ့သည်ဟု နဝတမှဝန်ခံခဲ့)
၉-၈-၈၈၊ ရန်ကုန် ပြည်သူ့ဆေး ရုံကြီးရှေ့တွင် စစ်တပ်မှ ဝင် ရောက် ပစ်ခတ်။

၁ဝ-၈-၈၈၊ ရန်ကုန် ဆင်ခြေဖုံး ရပ်ကွက်နေ လူထုမှ မဆလ စစ်အစိုးရအား "လမ်းပိတ်ဆို့ ရေး" တိုက်ပွဲဆင်။
၁၁-၈-၈၈၊ ရန်ကုန်မြို့တွင် မြို့ လယ်နှင့် အချက်အချာကျသော နေရာများတွင် မဆလ စစ်အစိုးရ ဆန့်ကျင်ရေးစာများ၊ သရော် ကာတွန်းများ ရေးဆွဲကပ်ထား။ Poster Campaing။

၁၂-၈-၈၈၊ ရန်ကုန်ဆေးရုံကြီး (အထွေထွေရောဂါကု ဆေးရုံ ကြီး) ကို စစ်တပ်၏ ပစ်ခတ်မှု ကြောင့် သူနာပြုဆရာ၊ ဆရာမ အချို့ ဒဏ်ရာရရှိ။
၁၂-၈-၈၈၊ မဆလပါတီ ၉၂ ကြိမ်မြောက် ဗဟိုအလုပ်အမှု ဆောင်ကော်မတီ အစည်း အဝေး ဦးစိန်လွင်အား လမ်းစဉ်ပါတီ ဥက္ကဋ္ဌနှင့်ဗဟိုကော်မတီဝင် အဖြစ်မှ နုတ်ထွက်ခွင့်ပြုလိုက်။ ဒေါက်တာ မောင်မောင့်ကို သမ္မတအဖြစ် ရွေးချယ်ခဲ့။

၁၄-၈-၈၈၊ ရန်ကုန်ဆေးရုံကြီး တွင် သပိတ်စခန်းစတင်ဖွင့် လှစ်။ ဟောပြောပွဲများ Poster Campaing များ လုပ်ဆောင်ခဲ့ကြ။
၁၄-၈-၈၈၊ ဒီမိုကရေစီရေး ပုဂ္ဂလိက သတင်းစာစောင်များ ဂျာနယ်များ ထွက်ပေါ်လာ။ ဗမာနိုင်ငံလုံးဆိုင်ရာ ကျောင်း သားသမဂ္ဂအဖွဲ့ချုပ်(ယာယီ)မှ "သမဂ္ဂသတင်းစာ" လည်း ထွက် ပေါ်လာ။
၁၅-၈-၈၈၊ ရှေ့နေများကောင်စီ (Bar Council )ကြေညာချက် ထွက် ပေါ်လာ။

၁၈-၈-၈၈၊ စစ်တက္ကသိုလ် ကျောင်း ဆင်းဆရာ၊ဆရာမများ သမဂ္ဂမှ " စစ်တက္ကသိုလ်ကျောင်းဆင်း (ကြည်း၊ရေ၊လေ)အရာရှိ များသို့ ပန်ကြားလွှာ" ထုတ်ပြန်။
၂၁-၈-၈၈၊ ဆေးရုံကြီး သပိတ် စခန်းမှ မြို့တွင်းသို့ စတင်ထွက် ဆန္ဒပြ။ကျောင်းသားများ၊ လူငယ် များ၊ပြည်သူလူထု၊ အလုပ် သမားများ၊မြို့နယ် အသီးသီး ကိုယ်စားပြု လူထုများ၊ထင်ရှား သော စာပေပညာရှင်များ၊ အဆို တော်များ၊ရုပ်ရှင် သရုပ်ဆောင် များ အသီးသီးဆိုင်းဘုတ် ထောင်ကာပါဝင် ဆန္ဒပြ။

၂၁-၈-၈၈၊ ဒေါ်အောင်ဆန်းစု ကြည် လူထုလှုပ်ရှားမှုတွင် ပါဝင်ရေးအတွက် ကြည့်မြင် တိုင် ဗိုလ်သူရလမ်းရှိ နေအိမ် တစ်အိမ်တွင် ဒေါ်အောင်ဆန်း စုကြည်နှင့်ရှေ့နေများ၊ ဆရာဦး ဝင်းတင်၊ ဆရာမောင်သော် က အပါအဝင် စာပေပညာရှင်များ နိုင်ငံရေးသမားကြီးများ တွေ့ ဆုံ ဆွေးနွေး။
၂၃-၈-၈၈၊ ဗမာ့တပ်မတော် မျိုးချစ် တပ်မှူးဟောင်းကြီး ၁၅ဦးလက်မှတ်ရေးထိုးထား သော စာထွက်လာ။

၂၄-၈-၈၈၊ ရန်ကုန်ဆေးရုံကြီး သပိတ်စခန်းတွင် ဒေါ်အောင် ဆန်း စုကြည် ပထမဆုံးအကြိမ် စတင် တရားဟော။ " ကျောင်း သားလှုပ်ရှားမှု ကော်မတီ" SCS ကို ဖွဲ့စည်း။

၂၅-၈-၈၈၊ စစ်တပ်များ လူထု မြင်ကွင်းမှ ကွယ်ပျောက်သွား။ တစ်နိုင်ငံလုံးအနှံ့ သပိတ်စခန်း များ ပေါ်လာ။ သမဂ္ဂများ၊ အဖွဲ့အစည်းအသီးသီးများ ပေါ်ထွက်လာ။

၂၅-၈-၈၈၊ ရန်ကုန်မြို့လယ် လမ်း ၃ဝတွင် စစ်ထောက်လှမ်း ရေး ၆ဦးကို ဒေါ်အောင်ဆန်း စုကြည်အား အပုပ်ချထားသော စာရွက်စာတမ်းများ (နောက် တစ်နေ့ ဒေါ်အောင်ဆန်းစု ကြည်တရားပွဲအား ရုန်းရင်း ဆန်ခတ်ဖြစ်စေရန် ရည်ရွယ်ရေး သားထားသောစာများ) ပါဝင် သည့် ပတ်ဘလစ်ကာ ကားတစ် စီးကို လူထုက ရှာဖွေဖော်ထုတ် ဖမ်းဆီးရမိ လိုက်သည်။

၂၅-၈-၈၈၊ မဆလစစ်အစိုးရမှ ဖမ်းဆီး ထားသော ဦးအောင်ကြီး ကို မွန်းလွဲပိုင်းတွင် ပြန်လွှတ် ပေးလိုက်။ ညနေပိုင်းတွင် စမ်း ချောင်း ပဒုမ္မာကွင်း၌ ဦး အောင်ကြီးက တရားဟောပွဲ ချက်ချင်းကျင်းပ။ (စစ်တပ် ကို စိတ်နဲ့တောင်မပစ်မှားနဲ့)

၂၆-၈-၈၈၊ ရွှေတိဂုံဘုရား အနောက်ဘက်မုခ်တွင် ဒေါ် အောင်ဆန်းစုကြည်က လူထု တရားပွဲ ကျင်းပ။
၂၇-၈-၈၈၊ မဆလ ကာကွယ် ရေးဝန်ကြီးဟောင်း ဗိုလ်ချုပ် ကြီး ဟောင်းဦးတင်ဦး ရန်ကုန် ဆေးရုံကြီး သပိတ် စခန်းတွင် တရားစတင်ဟော။

၂၈-၈-၈၈၊ ဗမာနိုင်ငံလုံး ဆိုင်ရာ ကျောင်းသားသမဂ္ဂများအဖွဲ့ချုပ် ညီလာခံကြီးကို ရန်ကုန်တက္ကသိုလ် ရှိ သမဂ္ဂအဆောက် အအုံဟောင်း နေရာတွင် ကျင်းပ။ ဥက္ကဋ္ဌ မင်းကိုနိုင်၊ အထွေထွေအတွင်း ရေးမှူး မိုးသီးဇွန်တို့ပါဝင်သော ဗကသများ အဖွဲ့ချုပ်ကို ညီလာ ခံမှ ရွေးချယ်ခဲ့။

၃၁-၈-၈၈၊ လူထုဆန္ဒပြပွဲနှင့် ဒီမိုကရေစီအရေးတော်ပုံသို့ တပ်မတော် (ရေ)မှ ရဲဘော်များ ပူးပေါင်းပါဝင်လာခြင်းကိစ္စ အတွက် စာရေးဆရာ မောင် သော်က (ဗိုလ်မှူးဟောင်း ဘ သော်) သူငယ်ချင်းဖြစ်သူ ဧရာဝတီရေတပ်စခန်း ဌာန ချုပ်မှူး ဗိုလ်မှူးကြီးသန်းညွန့် ထံစာရေးသား။

စက်တင်ဘာလ
၁-၉-၈၈၊ နိုင်ငံတော်သမ္မတ ဒေါက်တာမောင်မောင်က တိုင်း ပြည်သို့ ရေဒီယို မိန့်ခွန်းပြော။

၂-၉-၈၈၊ Bar Council ကြေညာချက်တွင် ၄၇ အခြေခံ ဥပဒေကို ပြန်လည်အသက် သွင်း၍ ၇-၉-၈၈ နေ့နောက် ဆုံးထားပြီး ကြားဖြတ်အစိုးရ တစ်ရပ်ကို ဖွဲ့စည်းပေးရန်၊ ဖွဲ့စည်း မပေးပါက အထွေထွေ သပိတ်ကြီး ဆက်မှောက်မည်ဟု ဖော်ပြထား။

၎-၉-၈၈၊ အမေရိကန်နိုင်ငံ နိုင်ငံ ခြားရေးရာ ကော်မတီဝင် နှင့် အာရှပစိဖိတ်ရေးရာ ဆပ် ကော်မတီ ဥက္ကဋ္ဌမစ္စတာစတီ ဗင်ဂျေဆိုလာ့ဇ် ရန်ကုန်မြို့သို့ တစ်ရက်တာခရီး ရောက်လာ။
၆-၉-၈၈၊ ရန်ကုန်တွင် အထွေ ထွေ သပိတ်ကော်မတီကို ကိုယ်စားလှယ်ပေါင်း ၁ဝဝ ကျော်ဖြင့် ဖွဲ့စည်း။
၇-၉-၈၈၊ မြန်မာ့အသံနှင့် ရုပ်မြင် သံကြားသမဂ္ဂ စတင်ဖွဲ့ စည်း။
၉-၉-၈၈၊ ဦးနုက သတင်းစာရှင်း လင်းပွဲကျင်းပပြီး မိမိသာလျှင် တရားဝင် ဝန်ကြီးချုပ်ဖြစ် ကြောင်းကြေညာ။ တပ်မတော် (လေ)မှ ရဲဘော်များ လူထု ဆန္ဒပြပွဲသို့ စတင်ပူးပေါင်း ပါဝင်လာ။

၁ဝ-၉-၈၈၊ မဆလပါတီ အရေး ပေါ်ညီလာခံနှင့် အရေးပေါ် ပြည်သူ့လွှတ်တော် အစည်း အဝေးကျင်းပ။ ရွေးကောက်ပွဲအား ယနေ့မှစတင်၍ ၃လ တင်းတင်း ပြည့်သောနေ့တွင် ကျင်းပပေးမည်ဟု ကြေညာ။
၁၂-၉-၈၈၊ " ဗမာ့တပ်မတော် (ရေ)နှင့် (လေ)တို့မှ မဆလပါ တီ ဗဟိုကော်မတီသို့ သတိပေးချက်" ဟူသော စာတစ်စောင် ထွက်လာ။
၁၃-၉-၈၈၊ ရန်ကုန်ဆေး တက္ကသိုလ်-၁တွင် ဗကသများ အဖွဲ့ချုပ်မှနိုင်ငံ ရေးခေါင်း ဆောင် ၅ဦး(ဦးနု၊ ဦး အောင် ကြီး၊ ဦးတင်ဦး၊ ဗိုလ်မှူး အောင်နှင့် ဒေါ်အောင်ဆန်း စုကြည်) တို့နှင့် တွေ့ဆုံပြီး " ယာယီကြားဖြတ် အစိုးရ" ဖွဲ့ စည်းနိုင်ရေးအတွက် အစည်း အဝေးတစ်ရပ်ပြုလုပ်။ မည်သည့် ဆုံး ဖြတ်ချက်မှ မကျ။ လူကြီး များအကြား တူညီတဲ့သဘော ထား မရရှိခဲ့။

၁၄-၉-၈၈၊ ဗမာပြည်ကွန်မြူ နစ်ပါတီမှ တပ်များ မိုင်းယန်း မြို့ကို စတင်တိုက်ခိုက်။ ၂၃-၉-၈၈မှ ၃ဝ-၉-၈၈အထိ တိုက်ပွဲ များ ပြင်းထန်စွာဖြစ်ပွားခဲ့။ ၁၆-၉-၈၈၊ မဆလနိုင်ငံတော် ကောင်စီ ကြေညာချက် အမှတ် ၁၄/၈၈ထုတ်ပြန်။ တပ်မတော်၊ ရဲနှင့် ဝန်ထမ်းများကို မဆလ ပါတီ၊ ပါတီဝင်အဖြစ်မှ နုတ် ထွက်ခွင့်ပြုလိုက်။

၁၇-၉-၈၈၊ ငြိမ်းချမ်းစွာဆန္ဒပြ နေသော လူထုအား ရန်ကုန်မြို့၊ ကမ်းနားလမ်းရှိ ကုန်သွယ်ရေး ရုံးချုပ်ပေါ်တွင် တပ်စွဲထား သော စစ်တပ်က ပစ်ခတ်သဖြင့် ဆန္ဒပြသူတစ်ဦး ဒဏ်ရာရ။ လူထုက မကျေနပ်၊သံဃာ တော် များ ဦးဆောင်ကာ ထိုတပ်မှ လက်နက်များကို စနစ်တကျ တက်သိမ်း။
၁၇-၉-၈၈၊ မှ အောက်တိုဘာ ၁ဝ ရက်နေ့အထိ၊ KIO ဥက္ကဋ္ဌ ဦးဘရန်ဆိုင်းနှင့် အတွင်းရေး မှူး ဦးဇောင်း ဟရားတို့ ဂျပန် နိုင်ငံသို့ ရောက်ရှိပြီး သတင်း ထောက်များ၊ (အာဏာရ) လစ်ဘရယ်ဒီမိုကရက် တစ်ပါ တီမှ လွှတ်တော် အမတ်များနှင့် တွေ့ဆုံခဲ့။

၁၈-၉-၈၈၊ ညနေ၄နာရီ နိုင်ငံ တော်အာဏာကို တပ်မတော်မှ သိမ်းပိုက်လိုက်ကြောင်း၊ "နဝတ" အဖွဲ့ဖွဲ့စည်းလိုက်ကြောင်း ကြေညာ။
၁၈-၉-၈၈၊ နဝတအဖွဲ့ ကြေညာ ချက်အမှတ် ၁/၈၈နှင့် ၂/၈၈ (လူ ၅ဦးထက်ပိုမစုရ)တို့ ထုတ်ပြန်ကြေညာကာ အာဏာသိမ်းခဲ့သည်။
Popular Journal

အနုပညာနယ်ပယ်အသီးသီးမှ ရှစ်လေးလုံးအရေးတော်ပုံကာလမှတ်မှတ်ရရ ဖွင့်ဟသံ

မာမာအေး
" အဲဒီအချိန်တုန်းက အိမ်ထဲမှာပဲ နေတယ်။ အိမ်မှာနေရင်းနဲ့တောင် ရင် တထိတ်ထိတ်ဖြစ်ရတယ်။ ပစ်ကြခတ်ကြတဲ့အသံတွေကြားတော့ စိတ်မ ချမ်းသာဘူးပေါ့နော်။ အိမ်မှာက အန်တီရဲ့ အမေနဲ့ နှစ်ယောက်ပဲရှိ တယ်။ ဒီရပ်ကွက်ကို ဗုံးကြဲမယ်၊ ဘာလုပ်မယ်ဆိုပြီး အသံတွေ ကြားရ တော့ ကလေးတွေကိုလည်း တခြားကို ပို့ထားတယ်။ အစိုးရကလည်း လက်နက်ဆိုတာ ဘာလက်နက်မှမထားရဘူး ဆိုတော့ လောက်လေးခွ တောင် မရှိဘူး။

မြို့ထဲကနေ သတင်းတစ်ခုကြားရင် ဟုတ်မှန်းလည်း မသိ မဟုတ်မှန်းလည်း မသိ။စိတ်တွေ ဆင်းရဲပြီးတော့ ဘာမှ မဖြစ်ကြပါနဲ့ လုိ့တောင် ဆုမတောင်းနိုင်ခဲ့ဘူး။အန်တီက မြန်မာ့အသံကနေ ထွက် ခဲ့တာ ၇၇ခုနှစ်ကတည်းကပါ။ တချို့က ရောနေတယ်။ အန်တီအေး ကို ၈၈ကျမှ ထွက်တယ်လို့ ထင်နေကြတယ်။ ၈၈မှာတုန်းက ကျန်းမာရေးမကောင်းဘူး။ ခဏခဏမူးလဲတာတွေဖြစ်ဖြစ် သွား တော့ မလုပ်တော့ဘူး။ နိုင်ငံတော်ကို ကူညီချင်တယ်ဆိုရင်လည်း အပြင်ကပဲ လုပ်တော့မယ်ဆိုပြီး ထွက်ခဲ့တာပါ။ ၈၈ကတော့ တကယ်ကို ဒီမိုကရေစီရသင့်ပြီမို့လို့ ပြည်သူတွေက တောင်း ဆိုကြတာလေ။ ဒီမိုကရေစီရဖို့ အခွင့်အရေးတွေပေါ်လာတဲ့ အချိန်မှာ ဒီထက်ပိုရအောင်လို့ ဝိုင်းဝန်းပြီး ဖော်ထုတ်သင့်ပါတယ်လုိ့ ပြောချင်ပါတယ်"

မောင်စိန်ဝင်း(ပုတီးကုန်း)

" ၈၈တုန်းက ဆရာကစက်ရုံမှာ အင်ဂျင်နီယာဖြစ်နေပြီလေ။ အဲဒီ စက်ရုံကအလုပ်သမားတွေနဲ့အ တူတူပဲ လှုပ်ရှားကြတာပေါ့။ စင်ပေါ်မှာရွတ်တဲ့ကဗျာအရှည်ကြီးပေါ့။ အဲဒီအထဲကမှ အကျုံးဝင်နိုင်တဲ့ ကဗျာလေးကို ရွတ်ပြမယ်။ အဲဒီ အပုဒ်လေးက " အသက်များစွာ စတေး၊ ရဟန်းရှင်လူ ကျောင်းသား ပြည်သူတို့ရဲ့သွေးများနဲ့ နီမောင်းမောင်း အရောင်ဖြာ ဟောဟိုမှာ ဒီမိုကရေစီရောင်နီပျို့တက် အရုဏ်တက်ပြီ လက်တစ်ကမ်းမှာ အလင်းဖြာတဲ့ အရုဏ်ကို ရိုကျိုးမြတ်နိုးစွာ ထိန်းသိမ်း၊ ငြိမ်းချမ်း စွာစောင့်ရှောက်၊ ဤကမ္ဘာမှာ ပြည်သူလောက် ကြီးမြတ်သော အရာရှိသည်မရှိ ပြည်သူ၏ဆန္ဒလောက် စူးရှသောကဗျာသည်မရှိ၊ ပြည်သူ၏ လှုပ်ရှားမှုမြင် ကွင်းလောက်ကောင်းမွန်သော ပန်းချီသည်မရှိ၊ ပြည်သူသည် ပြည်သူ့အတွက် လက်နဲ့မရေး အသက်နဲ့ရေး၏ ဆေးနဲ့မခြယ်သွေး နဲ့ခြယ်၏၊

ဘယ်သူကြည့်ကြည့် ညွှတ်တုံ့မိစရာ ဇာတိမာန်ထက်၊ ကြက်သီး ထစရာဟောဒီမှာ မဟာသူရဲကောင်းများ ပန်းချီကား" ဆိုတဲ့ ကဗျာပေါ့။ ကျွန်တော် ကိုယ်တိုင်ရေးပြီးတော့ အဲဒီတုန်းက စင်ပေါ်မှာရွတ်တယ်။ ရွတ်ပြီး ကတည်းက အိမ်ကိုထောက်လှမ်း ရေးတွေလာတော့ မီးရှို့တဲ့အထဲကို ပါသွားရော။ အံ့သြဖို့ကောင်းတာက အဲဒီကဗျာကိုကာ တွန်းဆရာဦးဖေသိန်းရဲ့သမီးမပွင့်ဆီကပြန်ရတယ်။"

အရိုင်း
" ၈၈ အရေးအခင်းတုန်းကဆို အနုပညာသမားလည်းဖြစ်နေပြီ။ ဒီအလုပ်တွေလုပ်ရင် တစ်နေ့မှာ အဖမ်းခံရမယ်။ ကိုယ့်ကိုယ်ကိုယ် ခံနိုင်ရဲ့လားလို့မေးပြီးမှ လုပ်တာ။ ဆေးရုံကြီးမှာ သံစည်ပိုင်းပြတ်ပေါ် ကနေ စပီကာမပါဘဲ တရားတွေ တက်ဟောခဲ့တာ မှတ်မှတ်ရရပါပဲ။ ကျောင်းထဲမှာ အဝိုင်း ခံရတဲ့အချိန်က မင်းကိုနိုင်၊ မောင်မောင်ကျော်၊ ကိုကိုကြီးတို့ တကယ့်ကျောင်းသားခေါင်းဆောင်တွေ တရားတက်ဟောတဲ့ အချိန်။

ဦးရိုင်းတို့က အဓိပတိလမ်းမပေါ်မှာထိုင်ပြီး လက်ခုပ်တီး၊ သူတို့တွေ ဝါဒဖြန့်စာတမ်းတွေရေးနိုင်ဖို့အတွက် စာအုပ်တွေ လှူကြတာပေါ့။ နောက်ရက်တွေကျတော့ ရန်ကုန်ဆေးရုံကြီး ရောက်သွားတာ။ အဲဒီမှာ သူငယ် ချင်းတွေ အကုန်ပြန်စုပြီး ဦးဇာဂနာ၊ ဦးမိုးဝင်းတို့၊ ကိုညီဝင်းစိန်၊ ဦးဇင်ဝိုင်းတို့နဲ့စုပြီး တရားဟောကြတာ၊စုပြီး လက်မှတ် တွေထိုးကြတာ။ အလုပ်သမားအဖွဲ့အစည်း၊ အနုပညာအဖွဲ့ အစည်း၊ ကျောင်းသားအဖွဲ့ အစည်းတွေ၊ တခြားအဖွဲ့အစည်းတွေ အကုန်ပေါင်းစည်းမိကြတာ။ ဒါက ဘယ်သူကမှ ဘယ်အမိန့်နဲ့မှ ဖျောက် ဖျက်လို့မရတဲ့ သမိုင်းရဲ့ မှတ်တိုင်အစစ်ပဲလေ။ "

ဗေလုဝ
" ၈၈တုန်းက အစအဆုံးကို ပါဝင်ခဲ့တာပါပဲ။ တစ်တိုင်းတစ်ပြည် လုံးပါပဲ။ ကျွန်တော်က ၈ရပ်ကွက်မှာ သပိတ်ခေါင်းဆောင်လုပ်ခဲ့တယ်။ အားလုံး တာဝန်ကျေခဲ့ကြတာပါ။ ၈၈ကတော့ အထင်ကရနေ့ပါပဲ။

ပြည်သူ တွေအားလုံးအသက်သွေး ချွေးတွေပေးခဲ့ရတာ ဖြစ်တဲ့အတွက် ဒီကလေးတွေအတွက် အင်မတန်အောက်မေ့ဖွယ်ရာနေ့ ကလေးပါ။ဖြစ်စေချင်တာကတော့ အသက်ပေးသွားတဲ့လူတွေ အတွက် အလှူ အတန်းတွေလုပ်ပြီး ဆုတောင်းပေးစေချင်ပါတယ်။ တိုင်း ပြည်ကြီး ကတော့ ဆက်သွားနေဦးမှာပါပဲ။ ဒီလိုမျိုး အသက်သွေးချွေးတွေ ပေးဆပ်ရတာမျိုး မတွေ့ချင်မမြင်ချင်တော့ပါဘူး"

ဂျေညီညီ

" ကျွန်တော့် ကျေးဇူးရှင်ပြည်သူ တွေကို အစော်ကားခံနေ ရတယ်ဆိုတဲ့ ခံစားချက်အသိနဲ့ ဒီထဲမှာ ထဲထဲဝင်ဝင် ပါဖြစ်သွားတာပါ။ အဲဒီတုန်းက ပြည်သူ့ဆေးရုံကြီးက တော့ စုရပ်ပဲပေါ့။ ပထမဆုံးတော့ ကိုအံ့ကျော်တို့တွေ၊ ကိုဇာဂနာတို့တွေ လှုပ်ရှားနေကြပြီ။ နောက်ပိုင်းမှာ ကျွန်တော်တို့ ဂီတသမားတွေလည်း ပါဝင်လှုပ်ရှား ကြရာမှာ ကျွန်တော်က တော်တော်လေးထဲထဲဝင်ဝင်လုပ် လိုက်မိတယ်ပေါ့ဗျာ။

ဆေးရုံကြီးထဲမှာပဲ ဟောပြောနေရာကနေ လမ်း တွေပေါ်ထွက်ပြီး လူထုကို စည်းရုံး ကြတယ်။ ၈၈ အတွက် ကို တာဆူကြတဲ့အချိန်မှာ အဲဒါကြီးကို ဆိုင်းဘုတ်ဖြုတ်ချပြီး မြန်မာနိုင်ငံဂီတပညာရှင်များသမဂ္ဂဆိုတာ ယာယီဖွဲ့တယ်။ အနုပညာ သမားဖြစ်နေတဲ့အတွက် လူထုကို စည်းရုံးတဲ့နေရာမှာ ပိုထိ ရောက်မယ် ဆိုတဲ့ အဲဒီအားနဲ့ ဒီအရေးအခင်းကြီး ကို ပါဝင်ဆင် နွှဲခဲ့တာပါ။ ကျွန်တော်လည်း အများကြီးဟောပြောခဲ့တယ်။ အဲဒီ ဖြတ်သန်းခဲ့တဲ့ အတွေ့အကြုံအရပြောရရင် လူငယ်တွေ လေ့လာကြ ပါ။ ကမ္ဘာကြီးမှာ ဘာတွေဖြစ်နေလဲ၊ ကိုယ့်နိုင်ငံနဲ့ ဘယ်လို အပ်စပ်မလဲ လေ့လာပါ။ အဲဒီအချိန်တုန်းက ကျွန် တော်တုိ့တွေ ဘာမှမသိခဲ့ရဘဲ လုပ်ခဲ့ရတာ။ အခုကတော့ ပွင့်လင်းမြင်သာ မှုလည်း ရှိနေပြီဆိုတော့လေ့လာပါ။ ပြီးရင် ကိုယ့်ကိုယ်ကိုယ် ကောင်း အောင်ကြိုးစားပါ။ ပြီးရင် ကိုယ့်ဘေး က လူတွေအတွက် လည်းကောင်းအောင် ကြိုးစားလုပ် ပေးပါ"

နိုင်မြန်မာ(တေးရေး)
" ၈၈ကို ရိုးရိုးလေးပဲ သုံးသပ်တယ်။ ကိုယ့်တိုင်းပြည်ကောင်းအောင် တစာ စာနဲ့ ကျွန်တော်တို့ ပြောလာခဲ့ကြတာ။ ကိုယ့်တိုင်းပြည်ကို တကယ်မချစ်ဘဲနဲ့ ဒီလိုပြောနိုင်ဖို့ မလွယ်ဘူး။ ၈၈တုန်း က ကျွန်တော့်အသက်က ၂၈၊ ၂၉ ပေါ့။ လူငယ်ထက် လူရွယ်ပိုင်းပေါ့။ ခေတ်အဆက်ဆက်မှာ တိုင်းပြည်တစ် ခုကို တိုးတက်ဖို့အတွက် အရင်ဆုံးစပြီး တံခါးခေါက်ကြတာ ဒီအရွယ်တွေပါ။ ၈၈မှာ ကျွန်တော်က သီချင်းလောကထဲကို အသက် ၂၃နှစ်မှာ ဝင်တယ်။ ၂၃ နှစ်လောက်ကစပြီး ဝင်လာပြီး တော့ အသက် ၂၈နှစ်လောက်မှာ ဒီလူထုအရေးတော်ပုံဖြစ်တယ်။

အမှန်ကတော့ ရှင်းရှင်းပြောရရင် ဘယ်သူ့ကိုမှ တိုက်ခိုက်ဖို့ဆိုတဲ့ စိတ်မျိုးနဲ့ နေလာခဲ့ကြတာမဟုတ်ဘူး။ ကိုယ့်မျက်စိရှေ့မှာ၊ ကိုယ့်တိုင်းပြည်မှာ ကိုယ်နေနေတာ။ ကိုယ့်ပြည်သူလူထုတွေ ဘယ်လိုဒုက္ခတွေ၊ဘယ်လိုကျပ်တည်း ကျဉ်းမြောင်းမှုတွေကို ဘယ်လိုကျော်လွှားနေကြတယ်ဆိုတာကို မြန်မာနိုင်ငံနဲ့ နှစ်ရှည် လများ ဝေးကွာနေရင်မသိနိုင်ဘူး။ ဒါပေမဲ့ ဒီမှာအမြဲနေတဲ့ သူကတော့ အကုန်သိတယ်။ အဲဒီသိတဲ့အပေါ်မှာ ရုန်ြး<ွကမှုတွေ စိတ်ထဲမှာ ဖြစ်တယ်။ ဒေါသထွက်စရာတွေတွေ့ရင် ဒေါသထွက်တယ်။ မတရားလုပ်တာမြင်ရင် မကျေနပ်ဘူး။ ဒါကြောင့်မို့လို့ ၈၈ အရေးအခင်းကြီးဖြစ်တယ်။ ကျွန်တော်တို့က ပါဝင်ကပြရတဲ့ခေတ် ရဲ့ ဇာတ်ကောင်တွေပါပဲ။"

မိုးမင်း
" ကျွန်တော်က (၈၈)ကာလမှာ ၂၁နှစ်အရွယ်ပေါ့။ ကျွန်တော်တို့ တွေက အနုပညာသမားတွေလည်း ဖြစ်တော့ ဟောပြောပွဲတွေမှာ ပါဝင်လှုပ်ရှားခဲ့ တယ်။ အနုပညာရှင်တွေကို လိုက်လံ စည်းရုံးခြင်းပေါ့။ မိမိတို့ အနုပညာ သမားတွေက တစ်တပ်တစ်အားပါဝင်တယ်ဆိုရင် ပြည်သူတွေ ကလည်း ပါဝင်ပြီးတော့ လှုပ်ရှားချင်လာမှာလေ။ အဲဒီကာလမှာ ကျွန်တော့်အနေနဲ့က အနုပညာသမားထက် စာရင်ကျောင်းသားတစ် ယောက်ရဲ့ စိတ်ပဲရှိတယ်။ ဘာကြောင့်လဲဆိုတော့ ကျောင်းပြီးတာ က မကြာသေးဘူးလေ။ကျောင်းသားတွေကို ဆုံးမမှုက ကြမ်းတမ်း လွန်းတယ်ဆိုပြီးတော့ မခံမရပ်နိုင်ဖြစ်ခဲ့ရတယ်။ပြည်သူတွေရဲ့ ဒုက္ခ၊ အခက်အခဲတွေကို မြင်တွေ့နေရတဲ့အတွက်ကြောင့် လူငယ်တစ် ယောက်အနေနဲ့ မခံစားနိုင်ခဲ့ဘူး။

အဲ့ဒီစိတ်ရင်းနဲ့ ဝင်ရောက်လှုပ်ရှား ခဲ့တယ်။ မိမိရဲ့အသက်ကို စွန့်ပြီးတော့ တိုင်းပြည်အတွက်၊ လူမျိုးကောင်းကျိုးအတွက် လုပ်ဆောင်နိုင်သော စိတ်ဓာတ်မျိုး တွေကျတော့ မဖြစ်မနေကို မွေးထုတ်ထားသင့်တယ်။ ရှစ်လေးလုံး က အမှတ်တရလည်းဖြစ်တယ်။ သူ့ရဲ့ ခုနှစ်နဲ့ နေ့ရက်အချိန်ကာလ က အလွန်ကို တိုက်ဆိုင်နေတယ်။ ဒါကြောင့် ဒီနေ့လေးကို ကျွန်တော်တို့ နိုင်ငံရဲ့ အထိမ်းအမှတ်တစ်ခုအနေနဲ့ ထားသင့်တဲ့ နေ့ရက်တစ်ခုလို့တော့ ကျွန်တော်မျှော်လင့်ပါတယ်"

လူမင်း

" ၈၈ဆိုတာ အစ်ကိုတို့ မြန်မာ နိုင်ငံရဲ့ သမိုင်းမှာ ဘယ်လိုမှ ချန် ထားလို့မရတဲ့ စာမျက်နှာတစ်ခုပါ။ ကျောင်းသားတွေနဲ့လည်း ဆိုင်တာ မဟုတ်ဘူး။ မြန်မာပြည်မှာရှိတဲ့ လူ ထုလူတန်းစားတစ်ရပ်ပါဝင်ဆင်နွှဲ ခဲ့တဲ့ ၈၈အရေးတော်ပုံ၊ အဲဒါကြောင့် မို့လို့ အခုအစ်ကိုတို့ ရနေတဲ့ ဒီမိုကရေစီရဲ့ အသီးအပွင့်တွေစားသုံးခွင့် ရနေတယ်ဆိုတာ အဲဒီတုန်းက စပြီး ပြုစုပျိုးထောင်ခဲ့လို့ပေါ့။ အလကား ရလာတာမဟုတ်ဘူး။ အဲဒါကြောင့် အားလုံးနဲ့ဆိုင်တယ်။ တစ်တိုင်းတစ် ပြည်လုံးနဲ့လည်း ဆိုင်တယ်။အဲဒီလို မျိုးခံယူချက်ကြောင့် ပညာရှင်တွေနဲ့လည်း ဆိုင်တယ်။

ကိုယ့်စိတ်ထဲမှာ လည်း အဲဒီလိုမျိုး ခံယူထားတယ်။ အမှန်အတိုင်းပြောရရင် ၈၈တုန်းက အစ်ကိုက ၁၈နှစ်သားပဲရှိသေးတယ်။ အခုချိန်မှာ ကိုယ်ပြောသလောက် ကိုယ်တွေးခေါ်သလောက် အဲဒီ အချိန်တုန်းက အစ်ကို Óဏ်မမီခဲ့ ပါဘူး။ ကိုယ့်တိုင်းပြည်ရဲ့သမိုင်းကိုတော့ ဒီတိုင်းပြည်မှာနေတဲ့ သူတိုင်း သိထားသင့်ပါတယ်"

ဒါရိုက်တာကြည်ဖြူသျှင်
" ဆန္ဒပြတဲ့ ကာလတုန်းကဆိုရင် အစ်မရဲ့အဖေနဲ့ဦးလေးတွေက မြို့ တော်ခန်းမရှေ့သွားကြတယ်။ ဆန္ဒ ပြတဲ့သူတွေကို သွားအားပေးတယ်။ အဲဒီတုန်းက ကျွန်မအရွယ်က ၆တန်း လောက်ပဲရှိသေးတယ်။ ကျွန်မနဲ့ ကစားဖော်တွေ ၉တန်းလောက် ရှိနေပြီ။ သူတို့တွေက ပါဝင်ပြီး ဆန္ဒပြကြတယ်။ မြို့တော်ခန်းမရှေ့မှာ အစာငတ်ခံ ဆန္ဒပြကြ တဲ့အထဲမှာ ကျွန်မတို့ သူငယ်ချင်းတွေပါတော့ သွားတွေ့ပြီး အားပေးစကားပြောတယ်။ မြို့တော်ခန်းမရှေ့မှာ အစာငတ်ခံ ဆန္ဒပြကြတာကလည်း ရက်တွေက မနည်းတော့ဘူး။ လူပေါင်း များစွာက ဆန္ဒပြခဲ့ကြတယ်။

ဟောပြောပွဲတွေ လုပ်ကြတယ်။၈ရက်နေ့ ညမှာတော့ ပြေးသံတွေ၊ သေနတ်သံတွေ ဆူညံနေအောင် ကြားခဲ့ရတယ်။ သိပ်ကိုကြေကွဲစရာကောင်းတဲ့ အခြေအနေ ဆိုးကြီးကို ဖြစ်သွားတယ်။ ကမ္ဘာတည်သရွေ့ ရှစ်လေးလုံး ဆိုတာကြီးက ဘယ်တော့မှ မမေ့သင့်တဲ့ နေ့တစ်နေ့ပါပဲ။ အဲဒီ ရက်ရောက်တိုင်း ၈၈ရဲ့ညကို အိပ်မက်ဆိုးကြီးတစ်ခုလိုပဲ ကျွန်မ အမြဲတမ်းမှတ်မိနေတယ်။
ပေါ်ပြူလာအဖွဲ့
Popular Journal

မြန်မာနိုင်ငံရောက် ဗြိတိန်နိုင်ငံသားတွေ အတွက် လုံခြုံရေးဆိုင်ရာ သတိပေးချက်ထုတ်ပြန်

မြန်မာနိုင်ငံတွင်းက ဒေသတချို့ကို မသွားကြဖို့ ဗြိတိန်အစိုးရက ဗြိတိန်နိုင်ငံသားတွေကို သတိပေးနှိုးဆော်ထား ပါတယ်။

ဒီလအတွင်း အယ်လ်ခိုက်ဒါ အဖွဲ့ရဲ့ အကြမ်းဖက် လုပ်ရပ်တွေ ပေါ်ပေါက်လာနိုင်တယ်လို့ Interpol နိုင်ငံတကာ ရဲတပ်ဖွဲ့ရဲ့ သတိပေးချက်အရ အမေရိကန် နဲ့အနောက်နိုင်ငံတွေက အစ္စလာမ်နိုင်ငံတွေမှာရှိတဲ့ သူတို့ သံရုံးအသီးသီးကို ပိတ်ခိုင်းတာတွေ၊ သူတို့ နိုင်ငံသားတွေကို ထွက်ခွာခိုင်းတာတွေ ဆောင်ရွက် နေချိန်မှာ ဗြိတိန်အစိုးရ နိုင်ငံခြားရေး နဲ့ ဓနသဟာယရုံး က မြန်မာနိုင်ငံ နဲ့ပတ်သက်ပြီး အင်္ဂါနေ့က သတိပေးချက် ထုတ်ပြန်ခဲ့တာပါ။

အဲဒီ ထုတ်ပြန်ချက်မှာ ဗုဒ္ဓဘာသာ နဲ့ မူဆလင် ပဋိပက္ခတွေဖြစ်ပွားခဲ့တဲ့ မြန်မာနိုင်ငံ ရခိုင်ပြည်နယ်ကိုငပလီ ကမ်းခြေ ကလွဲပြီး မသွားကြဖို့၊ သံတွဲလေဆိပ်ကိုသာ အသုံးပြုကြဖို့ တိုက်တွန်းထားပါတယ်။

ဒါ့ပြင် မြန်မာနိုင်ငံအလယ်ပိုင်း မိတ္ထီလာ၊ မလှိုင်၊ သာစည် နဲ့ ၀မ်းတွင်းမြို့နယ်တွေ ကိုလည်းမသွားကြဖို့ သတိပေးထားပါတယ်။

လက်နက်ကိုင်ပဋိပက္ခတွေပေါ်ပေါက်နေတဲ့ ကချင်ပြည်နယ်ကိုလည်း မြစ်ကြီးနား၊ ဗန်းမော်၊ ပူတာအို မြို့တွေကလွဲပြီး ကျန်တဲ့နေရာတွေကို မသွားကြဖို့ ဆော်သြထားပါတယ်။

အလားတူ အပစ်အခတ်တွေ လတ်တလော ဖြစ်ပွားနေတဲ့ ရှမ်းပြည်နယ် အပြင်၊ မြန်မာ နဲ့ထိစပ်နေတဲ့ ထိုင်း၊ လာအို၊ တရုတ် နယ်စပ်တွေကိုလည်း သတိထားကြဖို့လည်း ထုတ်ပြန်ချက်မှာဖော်ပြထားပါတယ်။

ဆန္ဒပြပွဲတွေ နဲ့လူစုလူဝေးတွေကို ရှောင်ရှားကြပြီး၊ စစ်တပ်၊ ရဲ နဲ့ဆန္ဒပြပွဲတွေကို ဓါတ်ပုံ၊ဗီဒီယို မရိုက်ကြ ဖှိုလည်း သတိပေးထားပါတယ်။ ရန်ကုန်မြို့က ဗြိတိသျှသံရုံးဝန်ထမ်းတွေကိုလည်း သတ်မှတ်ထားတဲ့နေရာတွေကလွဲပြီး၊ မြန်မာအစိုးရ ခွင့်ပြုချက်မရဘဲ ရန်ကုန်မြို့ပြင်ပကို သွားခွင့်မပြုကြောင်း ဖေါ်ပြထားပါတယ်။
RFA Burmese

ဘယ်နှစ်နှစ်...အထိလဲအဘ..

FB-Lin San Letpanpya

တားမြစ်ခဲ့သော်လည်း မန်းတွင် ဆန္ဒထုတ်ဖော်

မန္တလေး-သြဂုတ်၆
တိုင်းမ် မဂ္ဂဇင်းအားကန့်ကွက်ပွဲနှင့် အကြမ်းဖက်ဗုံးခွဲတိုက်ခိုက်သည်များကို ရှုတ်ချခြင်းကို ယနေ့နေ့လယ် ၂နာရီခန့်တွင် သံဃာအပါး ၅၀၀ခန့်နှင့် လူအင်အား ၂၀၀နီးပါးပါဝင်သောဆန္ဒထုတ်ဖော်သည်။

ခရိုင်အုပ်ချုပ်ရေးမှူးနှင့် သက်ဆိုင်ရာများကမပြုလုပ်ရန် တောင်းပန်လျှောက်ထားသော်လည်း ဆန္ဒထုတ်ဖော်မှု ပြုလုပ်ခဲ့ကြကြောင်း ဆန္ဒထုတ်ဖော်သူတစ်ဦးကပြောသည်။

အဆိုပါဆန္ဒထုတ်ဖော်မှုကို ယခုလ ၂ရက်နေ့တွင် တရားဝင်စာတင်သော်လည်း ခွင့်ပြုမိန့်မရရှိဘဲ သံဃာတော်များအနေဖြင့် မီဒီယာများ ဘက်လိုက်ရေးသားမှုကြောင့် ဗုဒ္ဓဘာသာညိုးနွမ်းရခြင်း၊ ဗုဒ္ဓ ဘာသာဝင်များအား အကြမ်းဖက်ဗုံးခွဲတိုက်ခိုက်ခြင်းများကို ရှုံ့ချသောအနေဖြင့်သာ ငြိမ်းချမ်းစွာဆန္ဒထုတ်ဖော်ရခြင်းဖြစ်ကြောင်း ဦးဆောင်သံဃာတော်တစ်ပါးက မိန့်ကြားသည်။
ဖိုးလပြည့်
Popular Myanmar News Journal

ဆင်းကတ် အလွဲသုံးစားဟု NLD မြစ်သားမြို့နယ် အတွင်းရေးမှူး စွပ်စွဲခံရ

မြစ်သား၊ သြဂုတ် ၆မန္တလေးတိုင်းဒေသကြီး မြစ်သားမြို့နယ် အမျိုးသား ဒီမိုကရေစီအဖွဲ့ချုပ် (NLD) ပါတီ၏ အတွင်းရေးမှူးကို သြဂုတ်လတွင် ပါတီအတွက် ဝေစုရသည့် တန်ဖိုးနည်း ၁၅၀၀ ကျပ်တန် ဆင်းကတ်များ အလွဲသုံးစား ပြုလုပ်သည်ဟုဆိုကာ တိုင်းဒေသကြီး ပါတီ စည်းကမ်း ထိန်းသိမ်းရေး ကော်မတီ ထံသို့ သြဂုတ်လ ၅ ရက်နေ့က တိုင်ကြားခဲ့ကြောင်း အဆိုပါမြို့နယ် မြို့မ အနောက် ရပ်ကွက် NLD ပါတီ ဥက္ကဋ္ဌ ဦးခင်အောင်လင်းက The Voice သို့ ပြောကြားသည်။

ပါတီအတွက် ရရှိသည့် နံပါတ် ၂၅၆၀၀ ဖြင့်စသော GSM ဆင်းကတ် သုံးကတ်အား ပါတီ အဖွဲ့ဝင်များ ကို ချထားပေးခြင်း မရှိဘဲ တစ်ကတ်လျှင် ကျပ်တစ်သိန်းဖြင့် ရောင်းချခဲ့ခြင်းကို မြို့နယ် အထွေထွေ အုပ်ချုပ်ရေးမှူး ထံလည်း တိုင်ကြားထားကြောင်း သြဂုတ်လ ၂ ရက်နေ့တွင် နံပါတ် ၃၃၄၂ ဖြင့်စသော CDMA ဆင်းကတ် နှစ်ကတ်ကို ကျပ် ခြောက်သောင်းဖြင့် ထပ်မံ ရောင်းချခဲ့ခြင်းကြောင့် တိုင်းဒေသကြီး ပါတီ စည်းကမ်း ထိန်းသိမ်းရေး ကော်မတီထံသို့ တိုင်ကြားရခြင်း ဖြစ်ကြောင်း ၎င်းက ပြောကြားသည်။

အဆိုပါ ဆင်းကတ် ရောင်းချမှုအတွက် အလုပ် အမှုဆောင် အစည်းအဝေး ခေါ်ယူကာ စုံစမ်း စစ်ဆေးရေး ကော်မတီ ဖွဲ့၍ ဖြေရှင်း မည် ဖြစ်ကြောင်း မန္တလေးတိုင်းဒေသကြီး စည်းကမ်း ထိန်းသိမ်းရေး ကော်မတီ ဥက္ကဋ္ဌ ဦးလှသောင်းက ပြောကြားသည်။

ပါတီရုံး ဆောက်လုပ်စဉ်က ကုန်ကျစရိတ်များ အကြွေးတင်နေခြင်းကြောင့် မြို့နယ်ပါတီ အမှုဆောင် အဖွဲ့၏ ဆုံးဖြတ်ချက်ဖြင့် ဖုန်း ဆင်းကတ်များ ကို ရောင်းချရခြင်း ဖြစ်ကြောင်း ဖုန်း ဆင်းကတ်များ ရောင်းချခဲ့သူ NLD ပါတီ မြစ်သားမြို့နယ် အတွင်းရေးမှူးဖြစ်သူ ဦးဇော်ဇော်က The Voice သို့ ပြော ကြားသည်။

“ပါတီအကျိုးအတွက် ရောင်းတာပါ။ လစဉ် အစည်းအဝေးကို ပုံမှန်မတက်ဘဲ စိတ်ခံစားချက်အတိုင်း အပြုသဘော မဆောင်ဘဲ အပျက်ဘက် မြင်တာ ပါတီရဲ့ ဂုဏ်သိက္ခာ ညှိုးနွမ်းစေပါတယ်။ တိုင်တာ ထက် ပိုကောင်းအောင် လုပ်လို့ရတဲ့နည်းတွေ အများကြီး ရှိပါတယ်” ဟု ၎င်းက ဆိုသည်။

အဆိုပါ ပါတီ အတွင်းရေးမှူးသည် ဆင်းကတ်များကို မေလတွင် တစ်ကတ်၊ ဇွန်လတွင် နှစ်ကတ်နှင့် ယခုအကြိမ် သြဂုတ်လတွင် ငါးကတ် အပါအဝင် စုစုပေါင်း ရှစ်ကတ်ကို ရောင်းချခဲ့သည်ဟု မြို့မ အနောက်ရပ်ကွက် ရပ်/ကျေး ဥက္ကဋ္ဌ ဦးခင်အောင်လင်းက ပြောကြားသော်လည်း စုစုပေါင်း ခြောက်ကတ် ကိုသာ ရောင်းချခဲ့ကြောင်း ဦးဇော်ဇော်က ပြောဆိုသည်။
The Voice Weekly

ငါးရှဥ့် တင်ပို့မှု လေးလအတွင်း ကန်ဒေါ်လာ ၁၈ သန်းကျော် ရရှိ

ရန်ကုန်၊ သြဂုတ် ၆
တရုတ်နိုင်ငံသို့ အဓိက တင်ပို့လျက်ရှိသော ငါးရှဥ့် တင်ပို့မှု လေးလအတွင်း အမေရိကန် ဒေါ်လာ ၁၈ သန်းကျော် ရရှိထားကြောင်း ငါးရှဥ့် လုပ်ငန်းရှင်များ အသင်းထံမှ သိရသည်။

ပြည်ပသို့ ငါးရှဥ့် တင်ပို့မှုမှ လက်ရှိ ၂၀၁၃-၂၀၁၄ ဘဏ္ဍာနှစ်အတွက် အမေရိကန် ဒေါ်လာ သန်း ၃၀ ရရှိရန် လျာထား ဆောင်ရွက်လျက် ရှိကြောင်း၊ ဘဏ္ဍာရေးနှစ်အစ ဧပြီလ ၁ ရက်နေ့မှ ဇူလိုင်လ ၂၈ ရက်နေ့ အထိ လေးလအတွင်း ငါးရှဥ့် ပို့ကုန် ရငွေ အမေရိကန်ဒေါ်လာ ၁၈ သန်းကျော် ရရှိထားရာ ငါးရှဥ့် ပို့ကုန် လျာထားချက်၏ ၆၀ ရာခိုင်နှုန်းကျော် တင်ပို့နိုင်ခဲ့ခြင်း ဖြစ်ကြောင်း ရန်ကုန်တိုင်း ဒေသကြီး ငါးလုပ်ငန်း ဦးစီးဌာန၏ စာရင်းများအရ သိရသည်။

ငါးရှဥ့် ကုန်ကြမ်း ထွက်အားကောင်းသည့် မိုးတွင်းကာလ ဖြစ်သော်လည်း ကုန်ကြမ်းရှားပါးမှုကြောင့်ငါးရှဥ့် ဈေးကောင်းနေခြင်း ဖြစ်ကြောင်း မြန်မာနိုင်ငံ ငါးရှဥ့် လုပ်ငန်းရှင်များအသင်း ဥက္ကဋ္ဌ ဦးဘသော်က ပြောကြားသည်။

သြဂုတ်လအတွင်း ငါးရှဥ့် တစ်ပိဿာလျှင် ကျပ် ၆၀၀၀ ဝန်းကျင်ရှိပြီး ငါးရှဥ့် ရှားပါးသည့်အချိန် ဖြစ်သည့် အောက်တိုဘာလခန့်တွင် ငါးရှဥ့်ဈေး မြင့် လာနိုင်ကြောင်း ပြည်တွင်း ငါးရှဥ့် လုပ်ငန်းရှင်များ က သုံးသပ်သည်။

“ဒီအတိုင်း ပြည်ပကို ဆက်ပို့မယ် ဆိုရင် မနှစ်က ပြည်ပ တင်ပို့ခဲ့တဲ့ အမေရိကန် ဒေါ်လာ ၄၈ သန်း ထက်ကျော်ပြီး သန်း ၆၀ နီးပါး ပို့နိုင်ပါ လိမ့်မယ်” ဟု မြန်မာနိုင်ငံ ငါးလုပ်ငန်း အဖွဲ့ချုပ် အထွေထွေ အတွင်းရေးမှူး ဦးဝင်းကြိုင်က ဆိုသည်။

ငါးရှဥ့်ကို ပြည်တွင်း၌ စမ်းသပ် မွေးမြူမှု အနည်းငယ်သာ ရှိပြီး သဘာဝ ဖမ်းဆီးရမိမှုဖြင့် ပြည်ပသို့ တင်ပို့လျက်ရှိရာ နယ်စပ်စခန်းများဖြစ်သော မူဆယ်၊ ချင်းရွှေဟော်တို့မှ တရုတ် ဈေးကွက်သို့ အဓိက တင်ပို့လျက် ရှိကြောင်း ရန်ကုန်တိုင်းဒေသကြီးအခြေစိုက် ငါးရှဥ့် လုပ်ငန်းရှင် တစ်ဦးက ပြောကြားသည်။

လက်ရှိ ဘဏ္ဍာနှစ်အတွက် ရေထွက်ကုန် ပစ္စည်း ပြည်ပ တင်ပို့ရာ ပထမ လေးလ ကာလအတွင်း ငါးရှဥ့် တင်ပို့မှု လျာထားချက် အမေရိကန် ဒေါ်လာ သန်း ၃၀ တွင် ၆၀ ရာခိုင်နှုန်း တင်ပို့ထားပြီး ပို့ကုန်ရငွေ ရရှိမှု စာရင်းတွင် အများဆုံး နေရာတွင် ရပ်တည်လျက် ရှိပြီး ရေချိုငါး တင်ပို့မှုသည် လျာထားချက် အမေရိကန် ဒေါ်လာ သန်း ၁၂၀ တွင် ၂၂ ရာခိုင်နှုန်းသာ တင်ပို့နိုင်၍ ပို့ကုန် ရငွေ ရရှိမှု စာရင်းတွင် အောက် ဆုံးတွင် ရောက်ရှိလျက်ရှိကြောင်း ရန်ကုန်တိုင်းဒေသကြီး ငါးလုပ်ငန်း ဦးစီးဌာန၏ စာရင်းများအရ သိရသည်။
The Voice Weekly

တောင်ငူတွင် ဆန်ကြမ်းပြတ် ရန်ကုန်မှ ပြန်သွင်း

တောင်ငူ၊ သြဂုတ် ၆
အစဉ်အလာ ဆန်ဈေးကွက် စီးဆင်းမှု အနေအထားအရ ရန်ကုန်သို့သာ တင်ပို့လေ့ရှိသော ပဲခူးတိုင်း ဒေသကြီး တောင်ငူခရိုင်မှ ထွက်ရှိသော ဆန်ကြမ်းများကို မူဆယ် ဈေးကွက်သို့ စုပုံ တင်ပို့နေခြင်းကြောင့် တောင်ငူ ဈေးကွက်တွင် ဆန်ကြမ်း ပြတ်လပ်ပြီး ရန်ကုန်မှ တစ်ဆင့် ပြန်လည် တင်သွင်းနေ ရကြောင်း တောင်ငူမြို့နယ် စပါး ပွဲစားကြီးများနှင့် ဆန် ကုန်သည်ကြီးများက The Voice သို့ ပြောကြားသည်။

ကုန်သည်များ လက်ထဲတွင် စပါးနှင့် ဆန် နည်းလာချိန် ဆန်ကြမ်း ပြတ် လာသဖြင့် ဧရာဝတီ တိုင်းဒေသကြီးမှ ထွက်သည့် ဆန်ကြမ်းများ ရန်ကုန်ဈေးကွက်မှ တစ်ဆင့် အလုံးအရင်းဖြင့် တောင်ငူ ဈေးကွက် သို့ ပြန်လည် တင်ပို့လာကြောင်း တောင်ငူမြို့ ဘုရားလမ်း လမင်း ဆန်ပွဲရုံ ပိုင်ရှင် ဦးသိန်းလွင်က ပြောကြားသည်။

ပြီးခဲ့သည့် လများက ထန်းတပင်၊ ဇရပ်ကြီး၊ ဖြူး၊ ညောင်ပင်သာနှင့် ကညွှတ်ကွင်း ဒေသတို့မှ တောင်ငူ ဈေးကွက်သို့ နေ့စဉ် ဆန်အိတ်ပေါင်း ၁၀၀၀ ကျော် ဝင်ရောက်ခဲ့ပြီး အထက်အညာ ဒေသများနှင့် မူဆယ်မှ တစ်ဆင့် တရုတ်ပြည် ဈေးကွက်သို့ တစ်ရက်လျှင် ဆယ်ဘီးယာဉ် သုံးစီးမှ ငါးစီးအထိ ပြန်လည် တင်ပို့ခဲ့ရသော တောင်ငူမြို့တွင် လက်ရှိ၌ စားသုံးရန် ဆန်ကြမ်းကိုပင် ရန်ကုန် ဈေးကွက်မှ နေ့စဉ် အိတ်ရေ ၈၀၀ မှ ၁၀၀၀ အကြားကို ပြန်လည် တင်သွင်းနေရကြောင်း တောင်ငူမြို့ခံ ဆန်စပါး ကုန်သည်ကြီးများနှင့် ဆန်စက် ပိုင်ရှင်များက ပြောကြားသည်။

ဆန်ကြမ်းကို ယခုကဲ့သို့ ရန်ကုန်မှ ပြန်လည် တင်သွင်းနေရသဖြင့် ဇူလိုင်လ တွင် သုခ (ရှယ်) ဆန်ကြမ်း တစ်အိတ် ကျပ် ၁၉,၅၀၀ ခန့်မှ သြဂုတ်လ ၄ ရက်နေ့တွင် ငွေကျပ် တစ်ထောင်ကျော် မြင့်တက်ခဲ့ပြီး လက်ရှိတွင် ၂၁,၅၀၀ ကျပ်ဖြင့် လည်းကောင်း ဧရာမင်း (ရှယ်) တစ်အိတ်လျှင် ကျပ် ၂၃,၀၀၀မှ ယခု ကျပ် ၂၄,၀၀၀ ဖြင့် ရောင်းချလျက်ရှိကြောင်း တောင်ငူမြို့ (၁၉) ရပ်ကွက်နေ ဆန်ကုန်သည် ဦးသက်နိုင်က ပြောကြားသည်။

တောင်ငူ ဈေးကွက်တွင် သုခအုပ်စုနှင့် ဧရာမင်း အုပ်စု စပါးတင်း တစ်ရာကို ကျပ် ငါးသိန်းပေးကာ ဝယ်ယူသော်လည်း လက်ရှိတွင် တောင်သူလက်ထဲ စပါး လက်ကျန် မရှိ၍ ဝယ်မရကြောင်း တောင်ငူမြို့ ဆန်ကုန်သည်ကြီး များနှင့် ဆန်စက် ပိုင်ရှင်ကြီးများထံမှ စုံစမ်း သိရှိရသည်။

ဇူလိုင်လအတွင်း ပြည်တွင်းမှ ထွက်ရှိသော ဆန်ကို နယ်စပ် လမ်းကြောင်းမှ ဆန်တင်ပို့မှုခွင့်ပြုခဲ့သဖြင့် တောင်ငူ ဈေးကွက်မှ ဆန်ကို တရုတ်နိုင်ငံသို့ အဓိကထား တင်ပို့ခဲ့ရာ ယွမ်ငွေဈေး မြင့်မားနေခြင်း ကြောင့် မူဆယ် ဈေးကွက်တွင် ဆန်ကြမ်းများ ပုံကာ ပြည်တွင်း စားသုံးမှုကို ယခုကဲ့သို့ ထိခိုက်လာ သည့် အတွက် မြန်မာနိုင်ငံ ဆန်စပါး ကုန်သည်ကြီး များ အသင်းအနေနှင့် ဆန်တင်ပို့မှု စနစ်ကို ပြန်လည် သုံးသပ်စေ လိုကြောင်း တောင်ငူမြို့ခံ ဆန်စပါး ကုန်သည်ကြီး အချို့က အကြံပြု ပြောကြားသည်။

၂၀၁၂-၂၀၁၃ ဘဏ္ဍာရေးနှစ်တွင် ဆန်စပါး အထူးပြု ကုမ္ပဏီပေါင်း ၅၂ ခုမှ နယ်စပ်ဒေသနှင့် ရန်ကုန် မြို့တော်မှ တစ်ဆင့် ဆန်တန်ချိန် ၁,၃၉၉,၈၂၉ ဒသမ ၄၅၂ တန် တင်ပို့ ရောင်းချခဲ့ကြောင်း၊ ပဲခူးတိုင်း ဒေသကြီး တွင် နွေစပါး စိုက်ဧက ၈၈၄,၀၁၁ ဧက၊ မိုးစပါး စိုက်ဧက ၁၇၁,၇၇၃ ဧက စုစုပေါင်းစိုက်ဧက ၁,၀၅၅,၇၈၄ ဧက ရှိကြောင်း မြန်မာနိုင်ငံ ဆန်စပါး ကုန်သည်ကြီးများအသင်း ပဲခူးတိုင်းဒေသကြီး အရှေ့ခြမ်း ဥက္ကဋ္ဌ ဦးမောင်မောင်ကျော်က ပြောကြားသည်။
The Voice Weekly

ဗိုလ်ချုပ်ရုပ်ရှင်အတွက် ထုတ်လုပ်မှုအကြံပေး မစ္စစ်ကိတ်ဂျိမ်း(စ်) မြန်မာနိုင်ငံ သို့ ရောက်ရှိ

Wednesday, August 07, 2013
ဗိုလ်ချုပ်ရုပ်ရှင် ရိုက်ကူးရန်အတွက် သြစတြေးလျမှ ထုတ်လုပ်မှု အကြံပေး မစ္စစ် ကိတ်ဂျိမ်း(စ်)သည် မြန်မာနိုင်ငံတို့ ဇူလိုင် ၅ ရက်တွင် ရောက်ရှိလာကြောင်း ဦးသူရ(ခေါ်) ဇာဂနာက မဇ္ဈိမသို့ ပြောသည်။

အဆိုပါ ရိုက်ကူးရန်အတွက် ၎င်းသည် ကုန်ကျစရိတ်တွက်ချက်မှုများ၊ ဆက်တင် အခမ်းအနားပြင်ဆင်ရာတွင် သက်သာသော ကုန်ကျစရိတ်များဖြစ်စေရန်နှင့် ရုပ်ရှင်ရိုက်ကူးရာတွင် ပါဝင်သရုပ်ဆောင်မည့်သူများကို အပြီးသတ်ရွေးချယ်နိုင်ရေး အတွက် ဆွေးနွေးညှိနှိုင်းရန် လာရောက်ခြင်းလည်း ဖြစ်သည်။

ဇာဂနာက “သူနဲ့ အဆက်အသွယ်ရတာ ရှစ်လလောက် ရှိပါပြီ။ သူက နိုင်ငံတကာက ရိုက်ကူးရေးတွေမှာ အကြံပေးအနေနဲ့ လုပ်ကိုင်နေရတော့ လုံးဝမအားတဲ့အတွက် အချိန်ရရင် ထုတ်လုပ်မှုမှာ အကူအညီပေးဖို့ ကမ်းလှမ်းထားတာပါ။ သူ့အနေနဲ့ ရုပ်ရှင်တစ်ကား ရိုက်ကူးတော့မယ်ဆိုရင် ရိုက်ကူးမယ့်ဇာတ်ဝင်ခန်းတွေကို နေရာဒေသ အလိုက် အသေးစိတ် တွက်ချက်ပေးပါတယ်။ အဲဒီလိုတွက်ချက်ပေးတော့ ထုတ်လုပ်ရေးအပိုင်းမှာ ကုန်ကျမယ့် ကုန်စရိတ်တွေ အများကြီးသက်သာသွားမှာ ဖြစ်ပါတယ်။ ဒီလုပ်ငန်းစဉ်ကို မြန်အောင် ဇာတ်ညွှန်းရေးပေးတယ်။ ဇာတ်ညွှန်းက ရိုက်ကွင်းပေါ်မှာ လည်း ပြင်ရတာရှိတယ်။ အဲဒီအဖွဲ့ကို အလုပ်လုပ်လို့ရအောင် ကြားကနေပြီး ပေါင်းစပ်ပေးတယ်။ တတိယတစ်ချက်က ဒါရိုက်တာအဖွဲ့ကို အလုပ်လုပ်လို့ အဆင်ပြေအောင် အာဏာပိုင်တွေနဲ့ တင်ပြမှုတွေအတွက် ဆောင်ရွက်ပေးတယ်။ ဥပမာ- ဂျပန်၊ ယိုးဒယားတွေဆီကို သွားရိုက်မယ်ဆိုရင် တင်ပြရမယ့် အကြောင်းအရာတွေကို လုပ်ပေးရတာမျိုးပေါ့။ အရေးကြီးဆုံးအချက်က ပိုက်ဆံရဲ့အသုံးပြုမှုအပိုင်းကို တွက်ချက်ဖော်ပြပေးတာပါ” ဟု ဆိုသည်။

ဒါ့အပြင် သူသည် ရုပ်ရှင်ရိုက်ကူးရေးတွင် ပါဝင်သည့် အစိတ်အပိုင်းများဖြစ်ကြသည့် Pre-Production၊ Production၊ Post Production အပိုင်းများတွင်လည်း အသေးစိတ် ဆောင်ရွက်ပေးရ မည် ဖြစ်သည်။ ဗိုလ်ချုပ်ရုပ်ရှင်ဇာတ်ကား ရိုက်ကူးရန်အတွက် ဒါရိုက်တာများသည် ဇာတ်ဝင်ခန်း၏ အသုံးပြုမည့်အခန်းနှင့် အတူ နိုင်ငံအလိုက် ရိုက်ကူးသွားမည့်အစီအစဉ်များကို ဆွေးနွေးကြ မည် ဖြစ်သည်။

ဗိုလ်ချုပ်ဇာတ်ကား ရိုက်ကူးရန်အတွက် ကုန်ကျစရိတ်များကို ဒေါ်အောင်ဆန်း စုကြည်က ကုန်ကျခံမည် ဖြစ်သည်။

ဗိုလ်ချုပ်ရုပ်ရှင်ဇာတ်ကားတွင် ပါဝင်သရုပ်ဆောင်ရန် ရွေးချယ်ထားသူများအား ပြင်သစ်နိုင်ငံမှ ဆရာများဖြင့် သင်ကြားလျက်ရှိပြီး ဗိုလ်ချုပ်နေရာတွင် ကမ္ဘောဇအသင်းမှ ကျော်ကျော်မျိုးက သရုပ်ဆောင်မည် ဖြစ်သည်။ ဗိုလ်ချုပ်ကတော် ဒေါ်ခင်ကြည်နေရာတွင် သင်းမြတ်နန္ဒာလှိုင်နှင့် ပုသိမ်မှ အခြားတစ်ယောက်အား သြဂုတ် ၆ ရက်တွင် ထုတ်လုပ်မှုအကြံပေး မစ္စစ်ကိတ်ဂျိမ်း(စ်)က အကဲဖြတ်ရွေးချယ်မည် ဖြစ်သည်။

ရိုက်ကူးမှုအတွက် ဆက်တင်များ ဖန်တီးလုပ်ကိုင်ရန် လိုအပ်သည့်အတွက် ဂျာမနီနိုင်ငံမှ Studio နှင့် ယိုးဒယားမှ Studio တို့ကို ကမ်းလှမ်းထားကြောင်း ကော်မတီမှ တာဝန်ရှိသူက ဆိုသည်။
Mizzima News

တပ်ရင်းမှူးက အရပ်သားကို ဆဲဆိုရိုက်နှက်မှု ကာချုပ်ထံ တိုင်မည်

၆၈ နှစ်မြောက် တပ်မတော်နေ့ အခမ်းအနား (ဓာတ်ပုံ – ဂျေပိုင် / ဧရာဝတီ)

August 6, 2013
ဧရာဝတီတိုင်း ရေကြည်မြို့နယ် ငါးသိုင်းချောင်းမြို့နယ်ခွဲ အခြေစိုက် အမှတ် (၃၄၄) တပ်ရင်းမှူးက အရပ်သားတဦးကို ဆဲဆို ရိုက်နှက်သည့်အတွက် ကုန်းပြင် ရဲစခန်း၌ အမှုဖွင့်ထားပြီး တပ်မတော် ကာကွယ်ရေး ဦးစီးချုပ်ထံသို့လည်း တိုင်ကြားမည်ဟု သတင်းရရှိရသည်။

ဇူလိုင်လ ၂၈ ရက်နေ့ ညနေပိုင်းက ကားသမား ကိုစိုးလှိုင်သည် ငါးသိုင်းချောင်းမြို့မှ ရခိုင်ပြည်နယ် ဂွမြို့သို့ Light Truck ကားဖြင့် ခရီးသည်နှင့် ကုန်စည်များ တင်ဆောင် မောင်းနှင်လာခဲ့ရာ မြောက်စန်းကျေးရွာ အရောက်တွင် အရပ်ဝတ်ဖြင့် ဆိုင်ကယ်စီး လူ ၂ ဦးက လမ်းကြောအလယ် ပိတ်ဆို့၍ မောင်းနှင်နေသဖြင့် ဟွန်းတီး၍ လမ်းတောင်းခဲ့ကြောင်း၊ ဆိုင်ကယ်သမားက ဖယ်ရှားမပေးဘဲ ၅ မိနစ်ခန့် ဆက်လက် မောင်းနှင်နေသည့် အတွက် ကျော်တက်ရာမှ ပြဿနာ ပေါ်ပေါက်ခြင်း ဖြစ်ကြောင်း သိရသည်။

“ဆိုင်ကယ်က ကျနော့်ကားနဲ့ ထော်လာဂျီ ကြားထဲကနေ ကျော်တက်သွားတယ်။ ပြီးတော့ လမ်းလယ်ခေါင် ယာဉ်ကြောကနေ ပိတ်မောင်းနေတော့ ကျနော်က ဟွန်းအကြိမ်ကြိမ်တီးပြီး လမ်းတောင်းတယ်။ မဖယ်ပေးဘူး။ ဖြည်းဖြည်းပဲ နောက်က မောင်းပြီး လိုက်တာ ၅ မိနစ်လောက် ကြာတယ်။ မဖယ်ပေးတော့ လမ်းကျယ်တဲ့ နေရာရောက်တော့ ကျနော်က ဘေးကနေ ကျော်တက်ပြီးတော့ စိတ်တိုနေတာနဲ့ မင်းတို့ ***လို မောင်းနေတာလားလို့ ဆဲလိုက်မိတယ်။ အဲဒီမှာ ဆိုင်ကယ်ကို ကျနော့် ကားရှေ့မှာ ပိတ်ရပ်ပြီးတော့ ကားထဲမှာ ထိုင်နေတဲ့ကျနော့်ကို ပါးပိတ်ရိုက်ပြီး မင်းငါ့ကို ဘာမှတ်နေလဲ။ ငါတပ်ရင်းမှူးကွလို့ ပြောတယ်” ဟု ကားသမားကိုစိုးလှိုင်က ပြောသည်။

ထိုသို့ ရိုက်နှက်ခံနေသည့်အတွက် ကားသမား ကိုစိုးလှိုင်နှင့် ခရီးသည်များကပါ တောင်းပန်သော်လည်း တပ်ရင်းမှူး ဗိုလ်မှူး စိုးမြင့်က မကျေနပ်ဘဲ ကားမောင်းလိုင်စင်နှင့် ကားလိုင်စင်များကိုပါ အဓမ္မ သိမ်းဆည်းသွားခဲ့ကြောင်း အခင်းဖြစ်ပွားချိန်တွင် ကားပေါ်၌ အတူလိုက်ပါခဲ့သူ ကိုစိုးလှိုင်၏ဇနီး မနှင်းဆီက ပြောသည်။

သူက ဆက်လက်၍ “တပ်ရင်းမှူးက မေးတယ်။ မင်း ဘယ်က ကားလဲဆိုတော့ ကျနော် ငါးသိုင်းချောင်းက ကားပါလို့ ကိုစိုးလှိုင်က ပြန်ဖြေတယ်။ အဲဒီမှာ အမေတွေ နှမတွေ အကုန်တပ်ပြီး ဆဲတော့တာပဲ။ ကျမက တပ်ရင်းမှူးမှန်း မသိလို့ပါဆိုပြီး လက်အုပ်ချီပြီး တောင်းပန်တယ်။ ကိုစိုးလှိုင်ကလည်း တောင်းပန်တယ်။ ဒါပေမယ့် မရဘူး။ သူက ကားတံခါးကို ဆွဲဖွင့်ပြီး ပေးစမ်း မင်းရဲ့ လိုင်စင်တွေ ၀ှီးတက်တွေဆိုတော့ ကိုစိုးလှိုင်က ပိုက်ဆံအိတ်ထဲကနေ ထုတ်နေတုန်း အိတ်ကို အတင်း လုယူပြီး လိုင်စင်နဲ့ ၀ှီးတက်ကို ယူထားပြီး ပိုက်ဆံအိတ်ကို လွှင့်ပစ်လိုက်တယ်။ ပြီးတော့ မင်းတို့ကားကို ၅၆၂ တပ်ကို ဖမ်းခိုင်းထားလိုက်မယ်လို့ ပြောတာနဲ့ ကျမတို့လည်း နောက်ကြောင်း ပြန်လှည့်လာပြီးကုန်းပြင်ရဲစခန်းမှာ ၀င်ပြီး အမှုဖွင့်ခဲ့တာ” ဟု ပြောသည်။

အဆိုပါ အမှုအား ရေကြည်မြို့နယ် ကုန်းပြင်ရဲစခန်းက ပြစ်မှု နံပါတ် – ၁၅/၂၀၁၃ ဖြင့် လက်ခံ၍ အမှုဖွင့်ပေးထားပြီး တပ်ရင်းမှူး ဗိုလ်မှူး စိုးမြင့်အား ပုဒ်မ ၂၉၄ (ဆဲဆိုမှု)၊ ၃၂၃ (နာကျင်စေမှု) တိုဖြင့် ကားသမား ကိုစိုးလှိုင်က တရားလိုပြုလုပ်၍ အမှုဖွင့်ထားကြောင်း စုံစမ်းသိရှိရသည်။ ကိုစိုးလှိုင်၏ တိုင်တန်းမှုကြောင့် ကုန်းပြင်ရဲစခန်းက ခလရ (၃၄၄) တပ်ရင်းမှူးအား စခန်းသို့ ခေါ်ယူ၍ လိုအပ်သည်များ မေးမြန်းစစ်ဆေးခဲ့ပြီး တပ်ရင်းမှူးကလည်း ကိုစိုးလှိုင်အား ပုဒ်မ ၂၉၄ (ဆဲဆိုမှု)ဖြင့် တန်ပြန် အမှုဖွင့်ထားကြောင်း ကုန်းပြင် ရဲစခန်းနှင့် နီးစပ်သူတဦးက ပြောသည်။

“စခန်းက ချက်ခြင်း အမှုဖွင့်ပေးခဲ့ပြီး ကိုစိုးလှိုင်ကိုလည်း ကုန်းပြင်ဆေးရုံမှာ ညတွင်းချင်း ဆေးစစ်ချက် ယူခိုင်းခဲ့တယ်။

တပ်ရင်းမှူးကိုလည်း စခန်းကိုခေါ်ပြီးတော့ ရဲလုပ်ထုံးအရ စစ်ချက်နဲ့ သက်သေခံ ပစ္စည်းသိမ်းယူတာတွေ လုပ်တယ်။ အခုက တရားခံက စစ်သား ဖြစ်နေတော့ တရားလို တရားခံ စစ်ချက်တွေနဲ့ သက်သေတွေ ပေါ်ပေါက်ချက်တွေ ရယူပြီးတာနဲ့ သူ့

သက်ဆိုင်ရာတပ်ကို အကြောင်းကြားတာတွေ လုပ်ပေးမယ်လို့ သိရတယ်” ဟု ၎င်းက ပြောသည်။

ရဲစခန်းက တပ်ရင်းမှူးထံမှ သက်သေခံ ပစ္စည်းအဖြစ် ကိုစိုးလှိုင်ထံမှ သိမ်းယူသွားသည့် ကားမောင်းလိုင်စင်နှင့် ကားလိုင်စင်၊ ဆိုင်ကယ် စီးနင်းစဉ်က ၀တ်ဆင်ခဲ့သည့် အရပ်သား ၀တ်စုံတို့ကို သိမ်းဆည်းထားကြောင်း သိရသည်။

“ဖြစ်သွားတဲ့ ကိစ္စက တပ်ရင်းမှူး တယောက်အနေနဲ့ လူသား တယောက်အပေါ်မှာ လူသားမဆန်တဲ့ ဆက်ဆံမှုမျိုး လုပ်ဆောင်တယ်လို့ ကျနော်တို့ သုံးသပ်ပါတယ်။ ဒီကိစ္စကို သက်ဆိုင်ရာ ကာချုပ် အထိ၊ မြန်မာနိုင်ငံ လူ့အခွင့်အရေး ကော်မရှင်အထိ ကျနော်တို့ တင်ပြပြီးတော့ အရေးယူ ဆောင်ရွက်ပေးဖို့ တွန်းအားပေးသွားမှာ ဖြစ်ပါတယ်” ဟု ပုသိမ်အခြေစိုက် လူ့အခွင့်အရေး စောင့်ကြည့်ကာကွယ်ရေး ကွန်ရက် (HRWDN) အဖွဲ့ဝင် ဦးထွန်းရွှေက ပြောသည်။

ဒီမိုကရေစီ အပြောင်းအလဲကာလတွင် ယခုကဲ့သို့ ဖြစ်ရပ်များမှာ တပ်မတော်နှင့် ပြည်သူကြား အပြန်အလှန် ယုံကြည်မှု၊ နားလည်မှု ပိုမို ကျဆင်းစေကြောင်း ပုသိမ်အခြေစိုက် အမျိုးသား ဒီမိုကရေစီကွန်ရက်မှ ဒေါက်တာ သန်းထိုက်က ပြောသည်။

“ဒီဖြစ်ရပ်ကို ကြည့်ပြီးတော့ တပ်မတော်သားတွေဟာ အခုထက်ထိ သူတို့ကိုယ်သူတို့ အခွင့်ထူးခံ လူတန်းစားအဖြစ် ခံယူ နေသလားလို့ ကျနော် သံသယ ရှိပါတယ်။ လမ်းတောင်းတာကို လမ်းမပေးဘဲ ညစ်ပြီးတော့ မောင်းတာကိုက သူတို့ကိုယ်သူတို့ အခွင့်ထူးခံဆိုတဲ့ သဘောမျိုး ခံယူသုံးသပ်ပုံရတယ်” ဟု ဆိုသည်။

သူ့ရဲ့ရာထူးကို ဖော်ပြပြီးတော့ ကိုယ်ထိလက်ရောက် ရိုက်တယ်ဆိုတာက လူမှုရေး ရှုထောင့်အရရော၊ တိုင်းပြည်ရဲ့ ဒီမိုကရေစီ အပြောင်းအလဲ နိုင်ငံရေး အခင်းအကျင်းအရပါ လက်ခံလို့ မရပါဘူး” ဟု ဒေါက်တာ သန်းထိုက်က ဆက်ပြောသည်။

ယင်းသို့ တပ်ရင်းမှူး၏ ရိုက်နှက်ခံရသည့် ဖြစ်စဉ်ဖြစ်ရပ်နှင့် ပတ်သက်ပြီး ကိုစိုးလှိုင်နှင့် ဇနီးဖြစ်သူ မနှင်းဆီတို့က ပုသိမ်မြို့ရှိ အမျိုးသား ဒီမိုကရေစီ ကွန်ရက်ရုံးခန်းတွင် သြဂုတ်လ ၃ ရက်နေ့က သတင်းစာရှင်းလင်းပွဲ တရပ်ပြုလုပ်ကာ မီဒီယာများ၊ လူမှုကွန်ရက်များနှင့် စိတ်ပါဝင်စားသည့် ပြည်သူများသို့ ရှင်းပြခဲ့ကြောင်း သိရသည်။

အလားတူ ပြီးခဲ့သည့် မေလ ၂၃ ရက်နေ့က ပုသိမ်လေတပ် စခန်းဌာနချုပ်မှ ဗိုလ်ကြီး ဖြိုးပြည့်အောင် ကိုယ်ပိုင်အမှတ် (လေ – ၃၂၆၂) က နေအိမ်ရှေ့တွင် ကားလာရပ်သည့် ဦးမျိုးဝေနှင့် ဇနီးဖြစ်သူအား ရိုက်နှက်ခဲ့သဖြင့် အဆိုပါ ဗိုလ်ကြီးအား တပ်မတော်က ခုံရုံးဖွဲ့ စစ်ဆေး၍ အပြစ်ပေး အရေးယူရန် ဆောင်ရွက်နေဆဲဖြစ်ကြောင်း သိရသည်။
ဆလိုင်းသန့်စင်
ဧရာဝတီ

ပြည်ပပညာတော်သင် စရိတ်ငြိမ်းစေလွှတ်မည်

ရန်ကုန်၊ သြဂုတ် ၆
ရန်ကုန်နှင့် မန္တလေးတက္ကသိုလ် တို့တွင် ပညာသင်ကြားကြမည့်ကျောင်း သားကျောင်းသူများကို ကမ္ဘာ့တက္ကသိုလ် ၁ဝ ခုကျော်က ပညာသင်ဆု များပေး အပ်သွားမည်ဟု ပညာရေးဝန်ကြီးဌာန အဆင့်မြင့်ပညာဦးစီးဌာန ညွှန်ကြား ရေး မှူးချုပ်က ဆိုသည်။

နှစ်ပေါင်း ၂ဝ နီးပါးခန့် ဘွဲ့ကြို သင်တန်းများ မဖွင့်လှစ်ခဲ့သည့် ရန် ကုန်နှင့် မန္တလေးတက္ကသိုလ်နှစ်ခုကို ၂ဝ၁၃-၂ဝ၁၄ ပညာသင်နှစ်တွင် ပြန် လည်ဖွင့်လှစ်တော့မည်ဖြစ်ရာ အဆို ပါတက္ကသိုလ်နှစ်ခုတို့တွင် တက်ရောက် ကြမည့် ကျောင်းသားကျောင်းသူများ ထဲမှ ထူးချွန်သူများကို စေလွှတ် မည် ဖြစ်သည်။

ထိုသို့စေလွှတ်ရာတွင် ရန်ကုန် နှင့် မန်းတက္ကသိုလ်မှ ဘွဲ့ရပြီးမှမဟုတ် ဘဲ ပထမနှစ်တွင်ဖြစ်စေ၊ ဒုတိယ နှစ်တွင်ဖြစ်စေထူးချွန်ပါက စေလွှတ် သွားမည့်အစီအစဉ်ဖြစ်ပြီး လူဦးရေ ကန့်သတ်ထား ခြင်းမရှိပေ။

”တကယ့်ကို ထူးချွန်သူတွေကို ဝင်ခွင့်လက်ခံမှာဖြစ်တဲ့အတွက် သူတို့ လည်း ပြုစုပျိုးထောင်လိုတယ်ဆိုပြီး အပြိုင်အဆိုင်ကမ်းလှမ်းကြတာ”ဟု ၄င်းက ဆက်ပြောသည်။

၂ဝ၁၃ ခုနှစ် ပညာသင်နှစ်အ တွက် တက္ကသိုလ်ဝင်ခွင့်စိစစ်ရေးအဖွဲ့ က ဘာသာရပ်တစ်ခုစီ၌ ၁၅ ဦးစီဖြင့် ရန်ကုန် နှင့်မန္တလေးတက္ကသိုလ်တို့တွင် စုစုပေါင်း ၃ဝဝ ဦးစီ လက်ခံသင်ကြား ပေးမည်ဟု ထုတ်ပြန်ကြေညာခဲ့သည်။

ဘာသာရပ် ၂ဝ ကို ဝင်ခွင့်ရမှတ် အမြင့်ဆုံး ၅ဝဝ မှ ၄၃ဝ နှင့်အထက်ဟု ဘာသာရပ်တစ်ခုချင်းစီအပေါ် အ ရည်အချင်းသတ်မှတ်ေ ကြာင်း   ဖော်ပြ ပေးထားသည်။

တောင်ကိုရီးယား၊ ဂျပန်၊ အမေ ရိကန်၊ ထိုင်းနှင့် ဥရောပသမဂ္ဂအဖွဲ့ဝင် နိုင်ငံတို့ဆီသို့ စေလွှတ်မည်ဟုသိရသည်။

”တော်ရင်တော်သလို ပညာသင် ဖို့ လွှတ်သွားမှာ။ တို့တွေကတော့ အများကြီးကို စေလွှတ်ချင်တာပဲ”ဟု ၄င်းက ထပ်လောင်းဆိုသည်။

 သိပ္ပံထူးချွန်၊ ဝိဇ္ဇာထူးချွန်တို့ထဲမှ ထူးချွန်သူကို ရွေးချယ်ခြင်းဖြင့် ပြည်ပ သို့စေလွှတ်မည့်အစီအစဉ်အပြင် ရန် ကုန်နှင့်မန္တလေးတက္ကသိုလ်တို့၌ တက် ရောက်ခွင့်ရကျောင်းသား/သူများကို တစ်လလျှင်ကျပ်တစ်သိန်းစီ ပညာသင် ထောက်ပံ့ကြေးကိုပါ ထည့်သွင်းထား ကြောင်း ပညာရေး ဝန်ကြီးဌာနမှ သတင်း ရရှိသည်။

ပြည်ပသို့ စေလွှတ်ခံရသူကိုလည်း ၄င်းတက်ရောက်ရမည့် တက္ကသိုလ်နှင့် နိုင်ငံက ကုန်ကျစရိတ်အဝဝကို တာ ဝန်ယူမည်ဖြစ်သည်။
မင်းသုအောင်
Popular Myanmar News Journal

ဘကကျောင်းဆရာ၊ ဆရာမများအတွက် ပထမဆုံး အစိုးရထောက်ပံ့ငွေ သက်ဆိုင်ရာ ဒေသတာဝန်ရှိသူများထံ စတင်ပေးပို့

ရန်ကုန်၊ သြဂုတ် ၃
ဘကဆရာများအတွက် ပြီးခဲ့သည့် သုံးလစာကို သြဂုတ်လအတွင်း စုပေါင်း ထောက်ပံ့နိုင်ရန်သာသနာရေးဝန်ကြီးဌာန ကတိုင်းဒေသကြီးနှ င့် ပြည်နယ်အသီးသီး တို့ရှိဘကကျောင်းများ ကြီးကြပ်ရေးအဖွဲ့ တို့ထံ စတင်ပေးပို့နေပြီဟု သိရသည်။

အစိုးရ၏ ထောက်ပံ့မှုမရဘဲ ဘုန်း တော်ကြီးများကသာ ထောက်ပံ့ပေးနေရ သောဘကကျောင်းဆရာ၊ ဆရာမ တို့ကို ၂ဝ၁၃-၂ဝ၁၄ ဘဏ္ဍာနှစ် တွင် နိုင်ငံတော် က လစဉ်ထောက်ပံ့ငွေပေးမည်ဖြစ်ရာ ပြီးခဲ့သော ဧပြီ၊ မေ၊ ဇွန် သုံးလစာအတွက် ယခုမှစတင်ကာပေးပို့ခြင်းဖြစ်ကြောင်း သာသနာရေးဝန်ကြီးဌာန ညွှန်ကြား ရေးမှူး ဦးမောင်နီက ပြောသည်။

”ဝေးကွာတဲ့နေရာတွေ အထိဆို တော့ သုံးလစာထောက်ပံ့မှုကို ဘကဆရာ တွေ ဒီလထဲမှာပဲ ရရှိကြမှာပါ” ဟု ၄င်းက ပြောသည်။

 ထောက်ပံ့ငွေကို တိုင်းဒေသကြီး၊ ပြည်နယ်၊ ဘကကျောင်းများ ကြီးကြပ် ရေး အဖွဲ့၊ ထိုမှ မြို့နယ်ကြီးကြပ်ရေးမှူး တို့ဆီသို့ သွား၍ ဘက ကျောင်း အုပ်  ချုပ်သူတို့ထံ ရောက်ရှိမည်ဖြစ်ကြောင်း ပြီးမှသာ ဘကဆရာ၊ ဆရာမတို့က ထောက်ပံ့ငွေရမည်ဟု ဦးမောင်နီက ဆက်ပြောသည်။

 ယခုနှစ်တွင် ဘကဆရာများကို တစ်ဦးလျှင် ၄င်းတို့ သင်ကြားရသည့် အတန်းစဉ်အလိုက် ထောက်ပံ့ငွေ ၃၆ဝဝဝ ကျပ်မှ အများဆုံး ၄၅ဝဝဝ ကျပ် စီ ရရှိမည်ဖြစ်ရာ ကနဦးစာရင်းအရ ဆရာ၊ ဆရာမ ၆၅ဝဝ ကျော်ရှိပြီး ဘက ကျောင်းပေါင်း ၁၄ဝဝကျော်တွင် တာဝန် ထမ်းဆောင်နေကြကြောင်း သာသနာ ရေးဝန်ကြီးဌာနစာရင်းအရ သိရသည်။

”ထောက်ပံ့ငွေ ၁ နှစ်လုံးစာ အ တွက် ငွေကျပ် ၃ ဘီလျံနိုင်ငံတော် ဆီက အသုံးစရိတ်ရထားပါတယ်” ဟု ဦးမောင်နီက ထပ်လောင်းပြောသည်။

   ပဲခူးမြို့ရှိ ဘုန်းတော်ကြီးသင် မူလ တန်းလွန်ကျောင်း အုပ်ချုပ်ရေးဆရာတော် က ထောက်ပံ့ငွေပေးမှုကြောင့်  လစဉ် တွေးပူရသော အခက်အခဲ အတွက် အသက်ရှူချောင်ရသည်ဟု မိန့်သည်။

သာသနာရေးဝန်ကြီးဌာနက ယခု သြဂုတ်လ ကုန်ပိုင်းမှ စကာ လစဉ် ထောက်ပံ့ငွေပေးနိုင်ဖို့ တိုင်းဒေသကြီး၊ ပြည်နယ်တို့ထံ အချိန်မီပေးပို့သွား ရန် စီစဉ်ထားပြီးဖြစ်ကြောင်း ပေါ်ပြူလာ နယူးစ်သို့ ဆိုသည်။

ပညာရေးဌာန၏ ထုတ်ပြန်မှုအရ ဘကကျောင်းများတွင် မူလတန်းမှစကာ အထက်တန်းအထိ ကျောင်းသား၊ ကျောင်းသူ ၂၅ဝဝဝဝ ကျော်က ပညာ သင်ယူနေသည်ဟု သိရသည်။
Popular Myanmar News Journal

တစ်နေ့တည်း၌ ဆွဲကြိုးချသေဆုံးမှု သုံးခုဖြစ်ပွား

ရန်ကုန်၊ သြဂုတ် ၆။
သြဂုတ်လ ၅ရက်နေ့တွင် အင်းစိန်မြို့နယ်၊ မင်္ဂလာဒုံမြို့နယ်နှင့် ကြည့်မြင်တိုင်မြို့နယ်တို့၌ မနက် ၃နာရီမှ နေ့လည် ၁၂နာရီ အတွင်း ဆွဲကြိုးချသေဆုံးမှု သုံးခု ဖြစ်ပွားခဲ့ဖြစ်ပွားခဲ့ကြောင်း ရန်ကုန်တိုင်းရဲဌာနမှ သိရသည်။

မင်္ဂလာဒုံမြို့နယ် ပေါက်ကုန်း ရပ်ကွက်တွင် အသက်နှစ်ဆယ့်တစ်နှစ်အရွယ် သေဆုံးသူသည် နံနက် ၃နာရီခန့်တွင်နေအိမ်အမြင့် (၁၀)ပေခန့်မြင့်သော ထုတ်တန်းတွင် လျှပ်စစ်ဝါယာကြိုးဖြင့် ဆွဲကြိုးချသေဆုံးခဲ့ခြင်း၊ ကြည့်မြင်တိုင်မြို့နယ်ရှိ ဘလုတ်ညွှန့်ရပ်ကွက်တွင်း နေထိုင်သူသည် နံနက်ခြောက်နာရီခန့်၌ ၎င်းနေအိမ်ဘေးရှိ အမြင့်(၅)ပေခန့်ရှိသော သစ်သားတန်းတွင် ကြိုးဆွဲချ
သေဆုံးခဲ့ခြင်း၊ အင်းစိန်မြို့နယ်အတွင်း သေဆုံးမှုမှာ အသက် (၅၆)နှစ် အရွယ်ရှိ၍ နေ့လည် ဆယ့်နှစ်နာရီခန့်တွင် နေအိမ်တွင် တစ်ယောက်တည်း ရှိနေစဉ် အရက်သောက်၍ ဂယောင်ခြောက်ခြားဖြစ်ကာ အမြင့်(၆)ပေခန့်ရှိသော သစ်သားတန်းတွင် လျှပ်စစ်မီးကြိုးအားချဉ်၍ သေဆုံးခဲ့ခြင်းဖြစ်ကြောင်း သိရသည်။

ယင်းအမှုနှင့်ပတ်သက်၍ ဓမ္မတာအတိုင်းသေဆုံးမှု ဟုတ်/မဟုတ်အား သက်ဆိုင်ရာ ရဲဌာနများမှ တာဝန်ရှိသူများက စစ်ဆေးလျက်ရှိကြောင်း သိရသည်။
ပိုင်လေး
မြန်မာ့ခေတ်