အမေရီကန်အမည်ပျက် စာရင်းဝင် ဒုဗိုလ်ချုပ်ကြီး

စစ်လက်နက် ထုတ်လုပ်ရေး ဆိုင်ရာ ဒုတိယ ဗိုလ်ချုပ်ကြီး သိန်းဌေး

2 ဇူလိုင်လ 2013
ကုလ သမဂ္ဂ ဆုံးဖြတ်ချက်ကို ဖောက်ဖျက်ပြီး မြောက်ကိုရီးယားနဲ့ လက်နက် အရောင်းအဝယ် လုပ်နေတယ်ဆိုပြီး မြန်မာ အဆင့်မြင့် စစ်အရာရှိကြီး တဦးကို အမေရိကန် အစိုးရက အမည်ပျက် စာရင်း ထည့်သွင်း လိုက်ပါတယ်။

ဒုတိယ ဗိုလ်ချုပ်ကြီး သိန်းဌေးဟာ မြောက်ကိုရီးယားက စစ်ပစ္စည်းတွေ ဆက်ပြီး ဝယ်ယူနေတဲ့ အတွက် မြောက်ကိုရီးယားရဲ့ အဏုမြူနဲ့ ဒုံးလက်နက် စီမံကိန်း တွေအတွက် ဝင်ငွေရဖို့ ကူညီရာ ကျတယ်လို့ အမေရိကန် ဘဏ္ဍဍာရေး ဌာနက ထုတ်ပြန်ပါတယ် ။

မြောက်ကိုရီးယားနဲ့ စစ်ရေး ဆက်ဆံမှုတွေ ဖြတ်တောက်ရေးမှာ တိုးတက်မှုတွေ ရှိလာတဲ့အတွက် မြန်မာ အစိုးရကိုတော့ ပစ်မှတ် မထားဘူးလို့ ကြေညာချက်မှာ ပါရှိပါတယ်။

ပါဝင်တဲ့ စစ်ပစ္စည်း အမျိုးအမည်တွေကိုတော့ အမေရိကန် ဘက်က မထုတ်ပြန်ပါဘူး။
ဘီဘီစီ (မြန်မာပိုင်း)

မုံရွာ-မန္တလေး အဝေးပြေး ကားလမ်းဘေး ယုန်သား ရောင်းချသူ များပြားလာ

စစ်ကိုင်းမြို့ အုန်းတော ကျေးရွာနှင့် နှုံးတွင်းကျေးရွာ အကြား မုံရွာ-မန္တလေး အဝေးပြေး ကားလမ်းမကြီးပေါ်၌ ယုန်သား ရောင်းချသူ များပြား လာရခြင်းသည် ရွှေမင်းဝံ ထိန်းသိမ်း သစ်တော အတွင်း သဘာဝ ယုန်မျိုးစိတ်များ ပြုန်းတီး လာနိုင်သည့် အတွက် စိုးရိမ်ပူ ပန် မိကြောင်း မုံရွာ သဘာဝ ပတ်ဝန်းကျင် စိမ်းလန်း စိုပြည်ရေး သစ်ပင်စိုက် အဖွဲ့မှ ဦးမောင်မောင်စိုးတင့်က ပြောကြားခဲ့ သည်။

''ယုန်တစ်ကောင် ရဖို့ဆိုရင် လက်နှိပ်ဓာတ်မီး အားကောင်းကောင်းနဲ့ လိုက်ရှာရတယ်။ ယုန်ကို တွေ့ပြီဆိုတာနဲ့ မီးကို စိုက်ပြီး ထိုးထားရတယ်။ ပြီးမှ လောက်လေးခွနဲ့ ပစ်ပြီး လိုက်ရတာပါ'' ဟု ယုန်သား ရောင်းချနေသူ နှုံးတွင်းရွာ သားတစ်ဦးက ပြောကြားခဲ့သည်။ ယုန် တစ်ကောင် ၏ ရောင်းဈေးနှုန်းထားမှာ ငွေကျပ် ရှစ်ထောင်မှ တစ်သောင်း နှစ်ထောင်ကျပ် အထိ ဖြစ်ကြောင်း ယုန်လိုက်သူ နှစ်ယောက် တစ်ဖွဲ့ဆိုလျှင် တစ်ည လေးငါးကောင်ခန့် ရရှိကြောင်း သိရသည်။

အဆိုပါ လမ်းမကြီးသည် နေ့စဉ် နိုင်ငံခြားသား ဧည့်ခရီးသွားများ ဥဒဟို ဝင်ထွက် သွားလာလျက် ရှိရာ ယုန်သား ရောင်းချ သူများသည် ယုန်ကောင်လေး များ၏ ခြေထောက်စုံအား ကြိုးဖြင့်ချည်ကာ သစ်ကိုင်းခြောက်တွင် ဇောက်ထိုးဆွဲ၍ ရောင်းချနေခြင်း ဖြစ်သည်။

၎င်းမြင်ကွင်းကို အထူး စိတ်ဝင်စားလျက် ရှိသည့် နိုင်ငံခြားသား ဧည့်ခရီးသွားများ သည် ၎င်းတို့ စီးနင်းလာသော ကားများကို ယင်းနေရာ၌ ရပ်တန့်စေပြီး ယုန် သား ရောင်းချ နေသူများကို အမှတ်တရ ဓာတ်ပုံများ ရိုက်ကူးလေ့ ရှိကြောင်း ကိုယ်တိုင် မြင်တွေ့ဖူးသူ နတ်ခရိုင် ကျေးရွာသား တစ်ဦးက ပြောကြားခဲ့သည်။
မြ၀တီ

ဟင်္သာတခရိုင်မှ ခိုင်းနွားလေးရာခန့် အပတ်စဉ် နယ်ကျော်မှောင်ခိုသယ်

ဟင်္သာတ၊ ဇူလိုင် ၁
ဟင်္သာတခရိုင်တွင်း မြို့နယ်များမှ သန်မာသည့် ခိုင်းနွားများကို ဒေသခံနွား ဝယ်ရောင်းပွဲစားများက တစ်ဆင့်ခံ ဝယ်ယူပေးမှုဖြင့် ရက်သတ္တတစ်ပတ်လျှင် နွားကောင်ရေ ၄၀၀ ဝန်းကျင် နယ်မြေကျော် မှောင်ခို သယ်ဆောင်နေကြောင်း နွားကုန်သည်များထံမှ သိရသည်။

နယ်စပ်ဒေသ မြဝတီမြို့၊ မူဆယ်မြို့တို့မှ နွားဆင်းဝယ်သူများအပြင် ရန်ကုန်မြို့ရှိ မြို့မအမဲသတ် လိုင်စင်ရှိသူများထံမှ ပိုလျှံ အသားများကိုသာ ဝယ်ယူပြီး အမဲခြောက်လုပ်ငန်း လုပ်ကိုင်ခွင့်ရသည့် အိမ်တွင်းမှု လိုင်စင်ရသူတို့က ခိုင်းနွား အရှင်များတရား မဝင်ဝယ်ယူသည့်အတွက် ဟင်္သာတခရိုင် အတွင်းမှ ခိုင်းနွားများကို ဧရာဝတီမြစ် ဖြတ်သန်း၍ ပဲခူးတိုင်းဒေသကြီး ဥက္ကံမြို့ နွားပွဲသို့ မှောင်ခိုဖြတ်သန်း ပို့ဆောင်ခြင်း ဖြစ်ကြောင်း ယင်းကုန်သည်များက ပြောဆိုသည်။

ကြံခင်း၊ မြန်အောင်မြို့နယ်တို့မှ မြစ်တစ်ဖက်ကမ်း ပဲခူးတိုင်းဒေသကြီး ထိန်တော၊ မိုးညိုလမ်းကြောင်းမှ လည်းကောင်း၊ အင်္ဂပူမြို့နယ် ညောင်ကျိုး၊ သဒ္ဓမ္မကျွန်းတို့မှ ပဲခူးတိုင်းဒေသကြီး ဥက္ကံမြို့ဘက်သို့ လည်းကောင်း ဧရာဝတီမြစ် ဖြတ်သန်း၍ ရက်သတ္တတစ်ပတ်လျှင် နွားကောင်ရေ ၁၅၀ ကျော် မှောင်ခို သယ်ဆောင်နေကြောင်း နွားဝယ်ရောင်း ကုန်သည် ဦးစိုးမင်းထွန်းက ပြောကြားသည်။

ဟင်္သာတမြို့ မြစ်ဆိပ်များ၊ ဇလွန်မြို့နယ် ဒေါင့်ကြီးမြစ်ဆိပ်၊ ဇလွန်မြစ်ဆိပ်၊ ဟင်္သာတခရိုင် အတွင်းမှ သက္ကာယ်ကျွန်း၊ ဇီးတောရွာတို့ဘက်မှ တစ်ပတ်လျှင် အနိမ့်ဆုံးကောင်ရေ ၃၀၀ ကျော် မှောင်ခို သယ်ဆောင်နေကြောင်း လုပ်သက်ရင့် နွားဝယ်ရောင်းကုန်သည် ဦးမြင့်ထွန်းက ပြောဆိုသည်။

ယခင်က နွားမှောင်ခိုများကို ညဘက် အတန်းလိုက် ခိုးထုတ်သဖြင့် အုပ်စုလိုက် ဖမ်းဆီးရမိမှု အကြိမ်ကြိမ်ရှိခဲ့ပြီး လက်ရှိ နွားမှောင်ခို သယ်ဆောင်သူများမှာ နွားနှစ် ကောင်ကို လှည်းထမ်းပိုး တပ်ဆင်၍ လယ်ယာသုံးပုံစံဖြင့် တစ်ဆင့်စီစုဆောင်း ခိုးထုတ်ခြင်း ဖြစ်ကြောင်း ဟင်္သာတခရိုင် အထူး မှုခင်းနှိမ်နင်းရေး အဖွဲ့မှ ရဲအုပ်မြင့်ခိုင်က ပြောကြားသည်။
The Voice Weekly

ဆံပင်တွေကို ညှပ်လိုက်တာနဲ့ မခံမရပ်နိုင်အောင် မူးလာပြီးနောက်တော့ သတိလစ်သွားတဲ့ လူထူးဆန်းလေး မောင်လီတိ

Tuesday, July 02, 2013
ဇူလိုင်လ(၁)ရက်နေ့က  သတင်းတာဝန်နဲ့ တာချီလိတ်မြို့နယ် မိုင်းဟဲ(အောက်)ကျေးရွာအုပ်စုအတွင်းရှိ ပန်စလိမူလတန်းကျောင်းလေးကို ရောက်ရှိသွားခဲ့ပါသည်။ ပန်စလိမူလတန်းကျောင်းမှာ ကျောင်းသူ၊ကျောင်းသား (၁၄၇)ဦး ပညာသင်ကြားနေပြီး ရိုးသားလှတဲ့ အာခါနဲ့ လားဟူရင်သွေးငယ်လေးများ ဖြစ်ကြပါသည်။

ကျောင်းစာသင်ခန်းထဲကို ၀င်သွားတာနဲ့ သံပြိုင်ညီညီသီဆိုကြတဲ့ နှုတ်ဆက်တေးလေးဟာ မြို့ကြီးပြကြီးက ကျောင်းတွေမှာတောင် တခါမှမတွေ့ဖူးတဲ့ နှုတ်ဆက်တေးသံလေးပါ၊ မြန်မာလို မပီမသ ၀ဲတဲတဲနဲ့ သီဆိုတဲ့ နှုတ်ဆက်တေးသံလေးကတော့ ကျွန်တော့်ရင်မှာ တသက်မမေ့နိုင်တော့ပါ။

ဒီကျောင်းသူကျောင်းသားလေးတွေကို လိုက်လံနှုတ်ဆက်ရင်း ထူးခြားတဲ့ ကျောင်းသားလေးတစ်ယောက်ကို သွားတွေ့တာနဲ့ သတင်းသမားပီပီ ဓါတ်ပုံတွေရိုက်၊ သိချင်တာတွေကို မေးမြန်းကြည့်ခဲ့သည်။ သူ့ပုံလေးကိုကြည့်ပါ၊ ရိုးသားတဲ့ သွင်ပြင်လေးမှာ ရှည်လျားလှတဲ့ ဆံပင်တွေက သူ့အလှကိုဖျက်နေသလိုပါပဲ။

"သားဆံပင်တွေရှည်နေတယ်၊ ကျောင်းသားဆိုတာ ဆံပင်ရှည်မထားရဘူး"လို့ ပြောလိုက်မိတော့ "ဟုတ်ကဲ့ ဦးဦး သားလဲ ဆံပင်ရှည်မထားချင်ပါဘူး၊ ဒါပေမယ့် သားဆံပင်တွေက ငယ်ငယ်လေးထဲက ဖြတ်လို့မရဘူး၊ ဆံပင်တွေကို ညှပ်လိုက်တာနဲ့ သားမခံမရပ်နိုင်အောင် မူးလာပြီးနောက်တော့ သတိလစ်သွားတော့တယ်၊ အဲ့ဒါကြောင့် ဆံပင်တွေကို အကုန်ညှပ်လို့မရပဲ အခုလို တပိုင်းတစ အရှည်ထားနေရတာပါ"ဟု ယဉ်ကျေးစွာဖြင့် ပြန်လည်ဖြေကြားသွားပါသည်။

" ဒီကလေးနံမည်က မောင်လီတိပါ၊ အသက်က ၃၁-၁၂-၁၉၉၈မှာ မွေးတာဆိုတော့ (၁၅)နှစ်ပြည့်ခါနီးပါပြီ၊ အခု ဒီကျောင်းမှာ စတုတ္တတန်းတက်ရောက်သင်ကြားနေတာပါ။ မိဘတွေကတော့ မိုင်းဟဲကျေးရွာအုပ်စု၊ ၀ိန်းဝရွာမှာ နေထိုင်တဲ့ အာခါတိုင်းရင်းသား ဦးအားဆောင်နဲ့ ဒေါ်ဘူးတီးတို့ရဲ့ သားသမီး (၁၁)ဦးအနက် အငယ်ဆုံးသားပါ၊ သူ့ဆံပင်တွေကို ညှပ်လို့မရဘူး၊ ညှပ်တာနဲ့ မူးလာပြီး သတိလစ်သွားတော့တာပဲ၊ ဘာကြောင့်ဆိုတာတော့ ကျွန်မတို့လဲ သိပ်တော့နားမလည်ဘူး၊ သူတို့မိသားစုက အရင်ကတော့ မိရိုးဖလာ နတ်ကိုးကွယ်သူတွေပါ၊ အခုတော့ ခရစ်ယာန်ဘာသာဝင်တွေဖြစ်နေပါပြီ၊ အချို့ပြောကြတာကတော့ မိရိုးဖလာနတ်ကိုးကွယ်သူတွေအနေနဲ့ အခုလိုထူးခြားတဲ့ သူတွေရှိတတ်တယ်လို့ ပြောကြပါတယ်။ ဒါကြောင့် သူ့ဆံပင်ကို အကုန်ညှပ်လို့ မရပဲ နတ်နေကိုင်း သဘောမျိုးချန်ထားပေးရတာပါ"ဟု တာဝန်ခံကျောင်းအုပ်ဆရာမကြီး ဒေါ်လွန်းနွယ်နွယ်ရီမှ ရှင်းပြသည်။

မည်သို့ပင်ဆိုစေကာမူ ယခုလို ဆံပင်ညှပ်၍မရသည့်အဖြစ်ကတော့ ကျွန်တော့်ဘ၀တွက် တသက်မှတခါကြုံရသည့်အဖြစ်မို့ မှတ်တမ်းပြုမိပါသည်။ လူထူးဆန်းလေး မောင်လီတိအား ကိုယ်တိုင်သွားရောက်တွေ့ဆုံလိုပါက တာချီလိတ်-ဘိုရှီး-မိုင်းခုတ်လမ်းမကြီးအတိုင်း (၅)မိုင်ခန့်သွားရောက်လျှင် ပန်စလိကျေးရွာလေးသို့ ရောက်ရှိပါမည်။ အဆိုပါရွာလေးရှိ အခြေခံပညာမူလတန်းကျောင်းတွင် ပညာသင်ကြားနေသော မောင်လီတိအား တွေ့ဆုံနိုင်ပါကြောင်း။
မောင်ယဉ်ကျေး
Tachileik Online News

လမ်းဘေးဈေးရောင်းသူ အချို့ကို စတင်ဖမ်းဆီး

ရန်ကုန်၊ ဇူလိုင် ၁
ရန်ကုန်မြို့တော်ရှိ မြို့တွင်း သုံးမြို့နယ်တွင် သတ်မှတ်ချိန်အတွင်း ဈေးရောင်းချရန် ထုတ်ပြန်မှုကို လိုက်နာခြင်း မရှိသည့် ဈေးရောင်းချ သူများကို ဇူလိုင်လ ၁ ရက်နေ့မှ စတင်ကာ ဖမ်းဆီးလျက် ရှိကြောင်း ရန်ကုန်မြို့တော် စည်ပင်သာယာရေး ကော်မတီ (Y.C.D.C) စီမံရေးရာဌာန အရာရှိတစ်ဦး က The Voice သို့ ပြောကြားသည်။

ရန်ကုန်မြို့တွင်း မြို့နယ်များဖြစ်သည့် ကျောက်တံတား၊ ပန်းဘဲတန်း၊ လသာ မြို့နယ်များရှိ လမ်းမကြီး ပလက်ဖောင်း ပေါ်တွင် ဈေးရောင်းချမှု အများဆုံးဖြစ်ပြီး ညနေ ၃ နာရီ မှ ည ၈ နာရီ အထိ ဈေးရောင်းချရန် စည်းကမ်းချက် ထုတ်ပြန်ထားသော်လည်း ဈေးရောင်းချသူများနှင့် စည်ပင် ဝန်ထမ်းများအကြား ဖမ်းဆီးရာတွင် ခိုက်ရန် ဖြစ်ပွားမှု များလာခြင်းကြောင့် ဈေးသည်များကို ဖမ်းဆီးအရေးယူရန် စောင့်ကြည့်လျက် ရှိကြောင်း၊ ပလက်ဖောင်းပေါ်တွင် ဈေးရောင်းချသူများ ယခင်ထက် များပြား လာခြင်းကြောင့် စည်းကမ်း ပြန်လည် တင်းကျပ်ရခြင်း ဖြစ်ကြောင်း ၎င်းက ဆက်လက်ပြောကြားသည်။

ရန်ကုန်မြို့တွင်း ဈေးရောင်းချသူများကို သတ်မှတ်ချိန် ပြင်ပ၌ လမ်းသွယ်များတွင် ရောင်းချခွင့် ပြုထားပြီး၊ ပလက်ဖောင်းပေါ်တွင် ဈေးရောင်းချမှုကို ညနေ ၃ နာရီ နောက်ပိုင်းမှ ည ၈ နာရီ အထိသာ ရောင်းချရန် ၂၀၁၂ ခုနှစ် မေလက ရန်ကုန်မြို့တော် စည်ပင်သာယာရေး ကော်မတီက စည်းကမ်းချက် ထုတ်ပြန်ထားသည်။

“ဈေးသည်တွေကို မနက်ကနေ ညနေအထိ ရောင်းလို့ရနိုင်မယ့် နေရာတစ်ခု လုပ်ပေးစေချင်တယ်။ အခု ၃ နာရီ ကတည်းက စဖွင့်ပြီးရောင်းတာ ညနေ ၅ နာရီ ကျော်တဲ့အထိ ဈေးဦး မပေါက်သေးဘူး။ ပလက်ဖောင်းကို ဖျက်ပြီး ကားပါကင် လုပ်တော့မယ်ဆိုတော့ ကျွန်တော်တို့ ထမင်းငတ်ကိန်း ဆိုက်ပြီ” ဟု ကျောက်တံတားမြို့နယ် အနော်ရထာလမ်းပေါ်တွင် လျှပ်စစ်ပစ္စည်း ရောင်းချနေသူ အမျိုးသားတစ်ဦးက ပြောကြားသည်။

ပလက်ဖောင်းပေါ်တွင် ဈေးသည်များ ရှင်းသွားသဖြင့် လမ်းလျှောက်၍ ပိုမို ကောင်းမွန်လာပြီး ပလက်ဖောင်းကို ဖျက်၍ ကားပါကင် တည်ဆောက် နေခြင်းကြောင့် လမ်းလျှောက်ရန်နေရာ ကျဉ်းမြောင်း နေသဖြင့် ပလက်ဖောင်းကျယ်ကျယ် ဆောင်ရွက်ပေး သင့်ကြောင်း ပန်းဘဲတန်း မြို့နယ်တွင် အလုပ်လုပ်ကိုင်သူ ရုံးဝန်ထမ်းတစ်ဦးက ပြောကြားသည်။

ဈေးရောင်းရန် သတ်မှတ်ထားသည့် စည်းကမ်းချက်များကို မလိုက်နာသော ဈေးသည်များကို အရေးယူရန် စည်ပင် ရဲတပ်ဖွဲ့ဝင် ၃၀၀ ကျော် အသုံးပြုကာ စည်းကမ်းကြပ်မတ် အရေးယူလျက် ရှိကြောင်း (Y.C.D.C) စီမံရေးရာဌာနထံမှ သိရှိရသည်။

ရန်ကုန်မြို့တော်ရှိ ကျောက်တံတား၊ ပန်းဘဲတန်း၊ လသာမြို့နယ်တို့တွင် ဈေးရောင်းချသူ ၅၀၀၀ ခန့် ရှိကြောင်း ရန်ကုန် မြို့တော် စည်ပင်သာယာရေး ကော်မတီ စီမံရေးရာဌာနထံမှ သိရှိရသည်။
ဥမ္မာလွင်
The Voice Weekly

မန္တလေး အထင်ကရလမ်းများတွင် ယာယီမဏ္ဍပ်ထိုး၍ မျိုးစောင့်ဥပဒေ လက်မှတ်များစုဆောင်း

မန္တလေး၊ ဇူလိုင် ၁
မန္တလေးမြို့တော် အထင်ကရ လမ်းများပေါ်တွင် မဏ္ဍပ်များထိုး၍ မျိုးစောင့်ဥပဒေ ထောက်ခံသည့် လက်မှတ် စုဆောင်းခြင်း အစီအစဉ်များကို ဇူလိုင်လဆန်းပိုင်းအတွင်း ပြုလုပ်လျက် ရှိကြောင်း ယင်းလက်မှတ်ထိုး ကောက်ယူသူများတွင် ပါဝင်သူ ဦးသိန်းထွန်းက The Voice သို့ပြောကြားသည်။

“ကျွန်တော်တို့ ဘာသာဝင်တွေ အနေနဲ့ ပထမတော့ တွန့်ဆုတ်တွန့်ဆုတ် ရှိလိမ့်မယ်လို့ ထင်ရပေမယ့် စိတ်ဝင်စားမှု ရှိကြပါတယ်။ လမ်းသွားလမ်းလာတွေ စိတ်ဝင်တစားနဲ့ ဆိုင်ကယ်တွေ၊ ကားတွေရပ်ပြီး လက်မှတ် လာထိုးတာကို တွေ့ရပါတယ်” ဟု ၎င်းကဆိုသည်။

အဆိုပါ မျိုးစောင့်ဥပဒေ ထောက်ခံလက်မှတ် ရေးထိုးခြင်း အစီအစဉ်များကို ဇူလိုင်လ ၁ ရက်နေ့တွင် ၄၃ x ၄၄ လမ်းကြား ၈၂ လမ်းပေါ်တွင် ပြုလုပ်လျက် ရှိပြီး ဇူလိုင်လ ၂ ရက်နေ့နှင့် ၃ ရက်နေ့တို့တွင် ၃၄ လမ်း ၈၃ x ၈၄လမ်းကြားတို့တွင် နံနက် ၈ နာရီမှ ညနေ ၅ နာရီအထိ ပြုလုပ်သွားမည် ဖြစ်ကြောင်း ဇူလိုင်လ ၁ ရက်နေ့ည မတ္တရာမြို့တွင် ကျင်းပသော ဦးဝီရသူ၏ တရားပွဲတွင်လည်း ထောက်ခံလက်မှတ် ကောက်ယူခဲ့ကြောင်း ဦးသိန်းထွန်းက ထပ်မံပြောကြားသည်။

“အမျိုးဘာသာ၊ သာသနာအတွက် ကောင်းတဲ့ကိစ္စပါ။ ဥပဒေမဲ့ ဖြစ်နေတဲ့ အခြေအနေတွေမှာ ဥပဒေနဲ့ လုံလုံခြုံခြုံ ဖြစ်လာနိုင်တဲ့အတွက် အကောင်းဆုံး လုပ်ဆောင်ချက်တစ်ခုလို့ မြင်ပါတယ်။ အမျိုးသမီးတွေ သာမကပဲ အမျိုးသားတွေ အတွက်လည်း ကောင်းတဲ့ အစီအစဉ်တစ်ခုပါ” ဟု အဆိုပါ ထောက်ခံလက်မှတ် လာရောက်ထိုးသူ မဟာအောင်မြေမြို့နယ် ရှမ်းပွဲရပ်ဒေသခံ အသက် ၅၅ နှစ်အရွယ် ဒေါ်သောင်းသောင်းက ဆိုသည်။

မန္တလေးမြို့ အထင်ကရ လမ်းမများဘေးတွင် ယာယီမဏ္ဍပ်များ ထိုး၍ မျိုးစောင့်ဥပဒေ လက်မှတ်ထိုးခြင်း အစီအစဉ်များကို မန္တလေးမြို့ပေါ်ရှိ ဘုံဆွမ်းလောင်းအသင်း လေးသင်းမှ အဖွဲ့ဝင်များ စုစည်းကာ ဆောင်ရွက်ခြင်း ဖြစ်ပြီး ဇူလိုင်လ ၁ ရက်နေ့ ညနေအထိ လက်မှတ် ၁၃၀၀ ကျော် ရရှိကြောင်း အဆိုပါအသင်း များထံမှ သိရသည်။

“အဲဒီနေရာက ဖြတ်လျှောက်တော့ လက်မှတ်ထိုးဖို့ ဖိတ်ခေါ်တာရှိတယ်။ သေချာ မဖတ်ရသေးတဲ့အတွက် မထိုးဖြစ်သေးပါဘူး” ဟု ယင်းလက်မှတ်ထိုး စုဆောင်းရာအနီး ဘုရားကြီး ဈေးတန်းတွင် နိဗ္ဗာန်ကုန် ရောင်းသူတစ်ဦးက ပြောကြားသည်။

ယင်းအပြင် လူမှုပရဟိတအဖွဲ့ ၅၀ ခန့်ကလည်း ယင်းဥပဒေလက်မှတ်ထိုးခြင်း အစီအစဉ်ကို ဆောင်ရွက်နေကြသည်ဟု အဆိုပါပရဟိတ အဖွဲ့များထံမှ သိရသည်။

အမျိုးသမီး အခွင့်အရေးများကို ချိုးဖောက်သည်ဟု ဝေဖန်မှုများ ထွက်ပေါ်နေသည့် အဆိုပါ မျိုးစောင့် ဥပဒေကို အမျိုးသမီးများ၏ အခွင့်အရေးများနှင့် ဂုဏ်သိက္ခာကို မြှင့်တင်ပေးရန် ရေးဆွဲ ထားခြင်း ဖြစ်သည်ဟုဆိုပြီး ယင်းဥပဒေကို ဥပဒေ ပညာရှင်များနှင့် နောက်ဆုံးအဆင့် ပြင်ဆင်ပြီး ပြည်သူလူထု၊ သံဃာထု ထောက်ခံမှုဖြင့် လွှတ်တော်သို့ တင်ပြသွားမည် ဖြစ်ကြောင်း ငါးကျမ်းပြန်ကျောင်းတိုက် ဆရာတော် ဒေါက်တာဘဒ္ဒန္တဓမ္မပီယက မိန့်ကြား (သတင်းဖော်ပြပြီး The Vol.1,No.70)သည်။

မြန်မာနိုင်ငံတွင် ပြဋ္ဌာန်းထားသည့် ၁၉၅၄ ခုနှစ် ဗုဒ္ဓဘာသာဝင် မိန်းမများ အထူးထိမ်းမြားခြင်းနှင့် အမွေဆက်ခံမှု အက်ဥပဒေတွင်လည်း ဗုဒ္ဓဘာသာ မဟုတ်သည့် အခြားဘာသာဝင်များက ၎င်း၏ဘာသာကို စွန့်လွှတ်ရန် မလိုဘဲ မြန်မာဗုဒ္ဓဘာသာဝင် အမျိုးသမီးများကို လက်ထပ်နိုင်သည့် ဥပဒေဖြစ်ကြောင်း၊ ဗုဒ္ဓဘာသာဝင် အမျိုးသမီးများသည် အခြားဘာသာဝင်များ လက်ထပ်ရန် ဘာသာပြောင်းနေရကြောင်း မျိုးစောင့်ဥပဒေ ပြဋ္ဌာန်းရေး စာတမ်းတွင် ဖော်ပြထားသည်။
The Voice Weekly

ထိုင်းဘုရင့်သမီးတော် မဟာချက်ကရီ သီရိဒုံ၏ ရန်ကုန်မြို့ကို လေ့လာရေးခရီး (ရုပ်/သံ)

မြန်မာပြည်သူတွေ အကြား လူသိများပြီး ချစ်ခင်ခြင်းခံရတဲ့ ထိုင်းဘုရင့်သမီးတော် မဟာချက်ကရီ သီရိဒုံဟာ တော်ဝင်တပ်ဖွဲ့ဝင် တွေနဲ့အတူ ဇူလိုင် ၂ရက်နေ့က ရန်ကုန်မြို့ကို လေ့လာရေးခရီး အဖြစ် တစ်ရက်ကြာ ရောက်ရှိလာခဲ့ ပါတယ်။

The Voice Weekly

ရှမ်းပြည်နယ်မြောက်ပိုင်း မူးယစ်နှိမ်နင်းရေး တပ်ဖွဲ့ဝင်များ တိုက်ခိုက်ခံရ

လားရှိုး၊ ဇူလိုင် ၂။
ရှမ်းပြည်နယ် မြောက်ပိုင်း မူးယစ်တပ်ဖွဲ့ဝင်များ ရှာဖွေရေးတာဝန် ထမ်းဆောင်နေစဉ် ဇွန်လ
(၂၅)ရက်နေ့က ချောင်းမြောင်း တိုက်ခိုက်ခံရကြောင်း တိုက်ခိုက်ခံရသော မူးယစ်တပ်ဖွဲ့ဝင်များက
မြန်မာ့ခေတ်သို့ ပြောကြားသည်။

၎င်းတိုက်ခိုက်ခံရမှုမှာ ရဲအုပ်စန်းဝင်းအောင် ဦးဆောင်သော အဖွဲ့ဝင် ရှစ်ဦးမှ ဇွန်လ ၂၅ရက်နေ့ ညနေ ၆နာရီတွင် နမ္မတီးရွာနှင့် လွယ်လင်ကန်ကျေးရွာကြားရှိ နမ့်ခမ်း – မုံးယီသွား ကားလမ်းပေါ်တွင် ရှာဖွေရေးတာဝန် ထမ်းဆောင်နေစဉ် လမ်းမအပေါ်ဖက် ကမ်းပါးပေါ်မှ လက်ပစ်ဗုံးဖြင့် ပစ်ခတ်သွားခြင်းဖြစ်ကြောင်း မူဆယ်ဆေးရုံတွင် တက်ရောက် ဆေးကုသ ခံနေသော ဒုတပ်ကြပ် အောင်မျိုးထွဋ်ကပြောသည်။

“ကျနော်တို့တွေ တာဝန်ထမ်းဆောင်တဲ့ နေရာမှာ အထက်လူကြီးက ပေးတဲ့အမိန့်အတိုင်း သွားလာ လှုပ်ရှားရတာ မှုခင်းရရှိမှု နည်းတာနဲ့ အထက်ကဖိအားပေးတယ်။ တာဝန် ထမ်းဆောင်တော့လည်း တစ်ဖက်ရန်သူကို သတိထား နေရတယ်။ ကိုယ်ဖြစ်ရင်တော့ ကိုယ်ပဲခံရတာ”ဟု တိုက်ခိုက် ခံရမှုတွင် ဒဏ်ရာရရှိသော မူဆယ်မြို့ ပြည်သူ့ဆေးရုံတွင် တက်ရောက်ကုသနေသော မူးယစ်တပ်ဖွဲ့ဝင် တစ်ဦးက ပြောသည်။

ချောင်းမြောင်းတိုက်ခိုက်မှု ဖြစ်စဉ်များသည် ယင်ခင်တာဝန် ထမ်းဆောင်စဉ်က ဖမ်းဆီးခဲ့သည့်
ပြစ်မှုများအပေါ်တွင် မကျေနပ်သူများမှ လက်တုန့်ပြန်ခြင်း ဖြစ်နိုင်ကြောင်း မူးယစ်တပ်ဖွဲ့ဝင်များက
သုံးသပ် ပြောကြားသည်။

“ကျနော်တို့အဖွဲ့ ရှစ်ယောက်မှာ (၃)ယောက် ဒဏ်ရာတယ်။ ရဲအုပ်စန်းဝင်း အောင်ရယ်၊ ဒုတပ်ကြပ်
အောင်မျိုးထွဋ်ရယ်၊ ရဲတပ်သားရန်ဖြိုးအောင်ရယ် သုံးဦးပါ။ ရဲတပ်သား ရန်ဖြိုးအောင်က မျက်စိ မိုင်းစထိမှန်လို့ ၂၆ရက်နေ့ မနက်မှာပဲ  မန္တလေး ဆေးရုံကို ပို့လိုက်ပါပြီ။ ကျနော်တို့တွေ ဒီလိုချောင်းပြီး ပစ်ခံရတာတော့ တစ်ခါမှမဖြစ်ဖူးဘူး။ ထိပ်တိုက်တွေ့ရတဲ့ ဖြစ်စဉ်မျိုးတွေတော့ ရှိခဲ့ပါတယ်”ဟု မူဆယ်မြို့ပြည်သူ့ဆေးရုံတွင် ဆေးကုသမ ခံယူနေသည့် ရဲအုပ်စန်းဝင်းအောင်က ပြောသည်။

ယင်းသို့တိုက်ခိုက်ခံရမှု မဖြစ်ပွားမီ ဆယ်ရက်ခန့်က ၎င်းနေရာတွင် ဘိန်းစိမ်း (၅)ကီလိုနှင့်
မန်ဝိန်းကြီးအပေါက်နားတွင်း ဆေးကဒ် (၃)ကဒ် ဖမ်းဆီးမိခဲ့ကြောင်း၊ ယင်းကဲ့သို့ဖမ်းဆီးမှုများ
ပြုလုပ်နေသဖြင့် မူယစ်ဆေးဝါး ရောင်းဝယ် ဖောက်ကားသူများမှ မကျေနပ်သဖြင့် ချောင်းမြောင်း
တိုက်ခိုက်ခြင်း ဖြစ်နိုင်ကြောင်း အတိုက်ခိုက်ခံရသော မှုခင်းတပ်ဖွဲ့ဝင်များမှ သုံးသပ်ပြောကြားသည်။

ယခုတိုက်ခိုက်ခံရပြီးနောက်ပိုင်း မူးယစ်တပ်ဖွဲ့ဝင်များအနေဖြင့် ရှာဖွေရေးတာဝန်များ ထမ်းဆောင်ရာတွင် တာဝန်နှင့်အတူ မိမိအသက်အန္တရာယ် အတွက်ပါ စိုးရိမ်စိတ်များဖြင့် ပိုမိုဂရုပြုနေရကြောင်း၊ သတိရှိနေရသည်ဟု ဆိုရာတွင်နေမြေ အခြေအနေပေါ်လိုက်၍ တာဝန်ထမ်းဆောင်ရခြင်းဖြစ်ကြောင်း၊ မူးယစ် တပ်ဖွဲ့ဝင်များက ပြောကြသည်။
စိုင်းကံသာ (လားရှိုး)
မြန်မာ့ခေတ်

ဒဂုံတက္ကသိုလ်ကျောင်းသားသမဂ္ဂ ရွေးကောက်ပွဲကျင်းပ၊ ကျောင်းသား ၅ ဦး ခေါ်ယူသတိပေးခံရ

ရန်ကုန်၊ ဇူလိုင် ၂။
ဒဂုံတက္ကသိုလ်ကျောင်းသားသမဂ္ဂ၏ ပထမဆုံး အမှုဆောင် ရွေးကောက်ပွဲကို ယမန်နေ့ နေ့လည်က
ဒဂုံတက္ကသိုလ်ဝန်းတွင်းရှိ နားနေဆောင်(၂)တွင် ပြုလုပ်ခဲ့သောကြောင့် ကျောင်းသား ၅ဦးကိုကျောင်းအုပ်ချုပ်ရေးအဖွဲ့မှ ခေါ်ယူသတိပေးခဲ့ကြောင်း သိရသည်။

“ပွဲမစခင် ၁၁နာရီ ၄၅မိနစ်မှာ ကျောင်းအာဏာပိုင် ဆရာ၊ဆရာမ ၂၀ ကျော်လောက်က ပွဲဖျက်ဆီးတဲ့ပုံစံ၊ လူစုခွဲတဲ့ပုံစံမျိုး လာလုပ်သွားပြီး ကျောင်းသားငါးယောက်ကိုလည်း ခေါ်သွားတယ်”ဟု သင်္ချာအထူးပြုကျောင်းသားကိုပိုင်ရဲသူက ပြောကြားသည်။

ရွေးကောက်ပွဲ မပြုလုပ်မီ ဆရာ၊ဆရာမ(၂ဝ)ဦးခန့်မှ နားနေဆောင်(၂)သို့လာရောက်၍ ကျောင်းသား
ငါးဦးကို ခေါ်သွားခြင်းဖြစ်ပြီး ကျောင်းသားရေးရာဌာနတွင် ပါမောက္ခချုပ်အပါအဝင်
ဆရာတချို့တွေ့ဆုံခဲ့ကြောင်းသိရသည်။

“သူတို့က ကျောင်းထဲမှာ မလုပ်ဖို့တားတယ်၊ ကျွန်တော်တို့က အပြင်မှာ သွားလုပ်ရင်လည်း ပုဒ်မ ၁၈ တွေ ရဲတွေနဲ့ ညှိမှာစိုးလို့ ဖြစ်ချင်တာဖြစ်ဆိုပြီး ကျောင်းထဲမှာပဲ ဆက်လုပ်ဖို့ ဆုံးဖြတ်ခဲ့ကြတာပါ”ဟု ခေါ်ယူ သတိပေးခံရသောကျောင်းသားတစ်ဦးက ပြောကြားသည်။

ယင်းကိစ္စနှင့် ပတ်သက်၍ ဒဂုံတက္ကသိုလ် ပါမောက္ခချုပ်ဒေါက်တာလှထူးကို မြန်မာ့ခေတ်မှ ဆက်သွယ်
မေးမြန်းခဲ့သော်လည်း ပြန်လည်ဖြေကြားရန် ငြင်းဆိုခဲ့သည်။

ယင်းသို့ ကျောင်းသားများ ခေါ်ယူသတိပေးခံခဲ့ရသော်လည်း ဒဂုံတက္ကသိုလ် ဆရာ၊ဆရာမများ အသင်းကမူ ကျောင်းသားသမဂ္ဂ ရွေးကောက်ပွဲကို ဝင်ရောက်ကူညီပေးခဲ့သည်။

“မြန်မာ့သမိုင်းတလျှောက်မှာ ကျောင်းသားသမဂ္ဂဟာ အစဉ်အလာ ကြီးမားခဲ့ပါတယ်၊
ဗိုလ်ချုပ်အောင်ဆန်းကအစ ဒီကျောင်းသားတွေရဲ့ ဦးဆောင်မှုနဲ့ပဲ လွတ်လပ်ရေးနဲ့ ဒီမိုကရေစီအရေးတို့မှာ အောင်ပွဲဆင်နိုင်ခဲ့ကြတယ်၊ဒီနေ့ခေတ် ကျောင်းသားတွေကလည်း သူတို့ရဲ့ ရပိုင်ခွင့်တွေအတွက် ဒီလိုအသင်းအဖွဲ့တွေ ရှိသင့်ပါတယ်၊ ထောက်ခံတဲ့အနေနဲ့ ပူးပေါင်းပြီး ကူညီဆောင်ရွက်ပေးတာပါ”ဟု ဒဂုံတက္ကသိုလ် ဆရာ၊ဆရာမများ အသင်း၏ အတွင်းရေးမှူးဖြစ်သူ ရူပဗေဒဌာနမှ လက်ထောက်ကထိက ဦးဇော်မျိုးလှိုင်က ပြောသည်။

အရှေ့တိုင်းပညာဌာနမှ ဒေါက်တာအာကာမိုးသူက “သူတို့ ကြောက်နေသေးတယ်၊ ပြုပြင်ပြောင်းလဲရေး အသစ်တစ်ခုကို သူတို့ မကြိုဆိုရဲသေးဘူး၊ အလုပ်ပြုတ်မှာကြောက်တယ်၊ အပေါ်က လူကြီးတွေ ဆူမှာကိုကြောက်တယ်၊ ဒီလိုအကြောက်တရားတွေအုပ်ချုပ်သူအဖွဲ့အစည်းထဲမှာ ရှိနေသ၍ ပြုပြင်ပြောင်းလဲလို့ မရသေးဘူးဆိုတာ သက်သေတစ်ခုပါပဲ”ဟု ၎င်း၏ အမြင်ကို ပြောကြားသည်။

အဆိုပါ ဒဂုံတက္ကသိုလ်ကျောင်းသားသမဂ္ဂ ရွေးကောက်ပွဲကို ကျောင်းသား၊ ကျောင်းသူ (၄၁)ဦး
တတ်ရောက်မဲပေးခဲ့ပြီး အမှုဆောင်ကောင်မတီဝင် (၉)ဦး ရွေးချယ်ခဲ့ကြသည်။
ထက်နောင်နောင်
မြန်မာ့ခေတ်

အမည် မသိ ကျုံးရေပြင် လူသေအလောင်း

မန္တလေး-ဇူလိုင် ၂
မန်းကျုံးရေပြင်တွင် ယခုလ ၁ရက်နေ့တွင်တွေ့ရှိခဲ့သော အသက် လေးဆယ်အရွယ်အမည်မသိ အမျိုးသား၏အလောင်းမှာ မည်သူမှန်းမသိရှိရသေးကြောင်း တိုင်းဒေသကြီးရဲတပ်ဖွဲ့မှူးရုံးမှ သတင်းရရှိသည်။

အောင်မြေသာစံမြို့နယ်၊ ၂၆ - ၇၅လမ်းထောင့်ကျုံးရေပြင်တွင် အဆိုပါအမျိုးသားမှာပြင်ပဒဏ်ရာမရှိဘဲ ရေနစ်သေဆုံးသည်ဟု ယူဆရသဖြင့် ဓမ္မတာအတိုင်းသေဆုံးခြင်းဟုတ်မဟုတ် ရဲအုပ်ကမ်အောင်မြင့်မှ တရာလိုပြုလုပ် အမှတ် ၂နယ်မြေရဲစခန်းမှ သေမှုသေခင်း အမှတ် ၃၄/၂၀၁၃အရအမှုဖွင့်အရေးယူထားကြောင်း ရဲမှတ်တမ်းများက ဖော်ပြသည်။
ဖိုးလပြည့်
Popular Myanmar News Journal

လိုင်စင်မဲ့ နိုင်ငံခြားသား ဆရာဝန်များရှိသော ဆေးခန်းများကို ထိထိရောက်ရောက် အရေးယူမည်

ရန်ကုန်၊ ဇူလိုင် ၁
ရန်ကုန်တိုင်းဒေသကြီး အတွင်းရှိ လိုင်စင်မဲ့ နိုင်ငံခြားသားဆရာဝန်များ ခန့်ထားသော ပုဂ္ဂလိက အထူးကုဆေးခန်း များကို ခွင့်ပြုချက်လိုင်စင် သိမ်းရုံမက တည်ဆဲဥပဒေ အတိုင်း ထိထိရောက်ရောက် အရေးယူသွားမည် ဖြစ်ကြောင်း ရန်ကုန် တိုင်းဒေသကြီး အစိုးရအဖွဲ့ ပြောရေးဆိုခွင့် ရှိသူတစ်ဦးက The Voice သို့ ပြောကြားသည်။

ပုဂ္ဂလိက ဆေးခန်းများတွင် မှတ်ပုံတင် မရှိသော ဆေးနှင့် ဆေးပစ္စည်းများကို အသုံးပြုခြင်း၊ ဆေးကောင်စီနှင့် တိုင်းရင်း ဆေးကောင်စီ၏ မှတ်ပုံတင်မရှိဘဲ ဆေးကုသခြင်း၊ ကြော်ငြာများတွင် လူနာကို ဆွဲဆောင်သော စာသားများ လွန်လွန်ကျွံကျွံ သုံးစွဲခြင်းတို့ကို စစ်ဆေးတွေ့ရှိပါက ထိထိရောက်ရောက် အရေးယူမည် ဖြစ်ကြောင်း ၄င်းက ဖြည့်စွက်ပြောကြားသည်။

ပြီးခဲ့သော ဇွန်လလယ်ခန့်က ရန်ကုန်တိုင်း ဒေသကြီးအတွင်း ပုဂ္ဂလိက အထူးကု ဆေးခန်းငါးခုကျော်ခန့်ကို စစ်ဆေးခဲ့ပြီး တိုင်းဒေသကြီး တစ်ခုလုံး ခြုံငုံမိစေရန် မြို့နယ်ကျန်းမာရေး ဦးစီးဌာနများ ကို ညွှန်ကြားထားကြောင်း ၄င်း၏ ပြောကြားချက်များအရ သိရသည်။

ထို့အပြင် ယခုလအတွင်း ရန်ကုန် တိုင်းဒေသကြီး အတွင်းရှိ ပုဂ္ဂလိကဆေးခန်း လုပ်ငန်းရှင်များကို ခေါ်ယူကာ သတိပေး ညွှန်ကြားချက်များ ပေးသွားရန်ရှိကြောင်း အဆိုပါပြောရေးဆိုခွင့်ရှိ ပုဂ္ဂိုလ်က The Voice သို့ ပြောဆိုသည်။

မြန်မာနိုင်ငံ ဆေးကောင်စီ ဥပဒေတွင် ကောင်စီက ထုတ်ပေးသော ဆေးကုခွင့် လိုင်စင်မရှိဘဲ ဆေးကုသသည်ကို တားမြစ်ထားပြီး အဆိုပါကောင်စီပါ ဥပဒေများကို ဖောက်ဖျက်ကြောင်း စစ်ဆေး တွေ့ရှိပါက ထောင်ဒဏ်ငါးနှစ်နှင့် ငွေဒဏ်များ ချမှတ် နိုင်ကြောင်း အဆိုပါဆေးကောင်စီက ထုတ်ပြန်သည်။
Living Color ၊ ဇန်ဘို
The Voice Weekly

Arizona တောမီး မီးသတ် ၁၉ ယောက်သေ

တောမီး မီးသတ်အသေများ

02.07.2013
တနင်္ဂနွေနေ့တုံးက လောင်ခဲ့တဲ့ တောမီးကို ငြိမ်းသတ်ရင်း မီးသတ်သမား ၁၉ ဦး သေဆုံးသွားတဲ့ အမေရိကန် ပြည်ထောင်စု အနောက်တောင်ပိုင်း၊ အာရီဇိုးနားပြည်နယ်ဆီကို အထူးမီးသတ်တပ်ဖွဲ့ဝင်တွေ တိုးပြီး စေလွှတ်နေပါတယ်။ တောမီးဟာ အခုထိ ငြိမ်းသတ်လို့ မရသေးဘဲ ဖြစ်နေတာပါ။

ရုတ်တရက်ကျရောက်လာတဲ့ လေပြင်းမုန်တိုင်းကြောင့် တောမီးလောင်ခဲ့ပြီး hot- shot လို့ခေါ်တဲ့ အထူး မီးသတ်တပ်ဖွဲ့တွေက မီးကို ငြိမ်းသတ်ဖို့ ကြိုးစားခဲ့ကြပါတယ်။ အရေးပေါ် ခိုလှုံရာ - မီးတားထားတဲ့နေရာတွေထိအောင် မီးတောက်တွေက လွှမ်းခြုံသွားခဲ့ပြီး မီးသတ်သမားတွေ သေဆုံးခဲ့ကြရတာ ဖြစ်ပါတယ်။

အခု တောမီးဟာ နှစ်ပေါင်း ၈၀ အတွင်း အမေရိကန် မီးသတ်တပ်ဖွဲ့ဝင်တွေ တာဝန်ထမ်းဆောင်ရင်း သေဆုံးခဲ့ရတဲ့ အရေအတွက်ဟာ ၂၀၀၁ ခုနှစ်၊ စက်တင်ဘာ ၁၁ ရက် တိုက်ခိုက်မှုပြီးရင် ဒုတိယမြောက် အများဆုံးဖြစ်ပါတယ်။

မီးငြိမ်းသတ်ဖို့ ကြိုးပမ်းနေတဲ့ မီးသတ်တပ်ဖွဲ့ဝင် အရေအတွက်ဟာ တနင်္လာနေ့က ၂၀၀ လောက် ရှိနေရာကနေ နောက်ထပ် ၂ ဆလောက်တိုးဖို့ ခန့်မှန်းထားကြောင်းလည်း သက်ဆိုင်ရာ တာဝန်ရှိသူတွေက ပြောပါတယ်။

အာဖရိကကို ရောက်နေတဲ့ သမ္မတ အိုဘားမားက သေဆုံးသွားတဲ့ မီးသတ်တပ်ဖွဲ့ဝင်တွေကို သူရဲကောင်းတွေအဖြစ် ဂုဏ်ပြုခေါ်ဆိုလိုက်ပြီး မီးသတ်တပ်ဖွဲ့ဝင်တွေရဲ့ မိသားစုတွေနဲ့အတူ ကြေကွဲ ဝမ်းနည်းကြောင်းလည်း ပြောကြားခဲ့ပါတယ်။

အာရီဇိုးနားပြည်နယ် အုပ်ချုပ်ရေးမှူး ဂျဲန် ဘရူဝါ က ဒီ တောမီးလောင်တာကို အမှောင်တိုက် လွှမ်းတဲ့နေ့ - လို့ သတ်မှတ်ခေါ်ဆိုလိုက်ပါတယ်။
ဗွီအိုအေ (မြန်မာပိုင်း)

မူဆယ်မြို့တွင် ဂိမ်းလောင်းကစားဆိုင်နှင့် လောင်းကစားနေသူများအား ဖမ်းဆီးအရေးယူ

2.7.2013
၃၀-၆-၂၀၁၃ ရက်နေ့ ၁၂၃၀ အချိန် မူဆယ်မြို့မရဲစခန်းမှတပ်ဖွဲ့ဝင်များသည် မူဆယ်မြို့နယ်၊ မန်ဝိန်းရပ်ကွက်၊ ပြည်ထောင်စုလမ်းမဘေး၊ အမှတ်(မ၀/၂၄)တွင် တီဗွီဂိမ်းလောင်းကစားပြုလုပ်နေကြောင်း သတင်းအရ သက်သေများနှင့်အတူ ၀င်ရောက်ရှာဖွေစစ်ဆေးခဲ့သည်။

ထိုသို့ရှာဖွေရာ ဂိမ်းဆိုင်အတွင်း၌ ဂိမ်းစက်များ၊ လောင်းကြေးငွေကျပ်(၇၂၂၀၀၀ိ/-)တို့နှင့်အတူ ဂိမ်းစက်တာဝန်ခံ သက်နိုင်ထွန်း(၂၀)နှစ်နှင့် ဆိုင်အလုပ်သမားများဖြစ်သော ကျော်နန်း(၁၈)နှစ်၊ မသီရိမေ(၂၁)နှစ်၊ မူဆယ်မြို့နယ်၊ စယ်လန့်ရွာနေ မဆိုင်ဟွမ်(၁၆)နှစ်၊ မယိမ်းမိုင်(၁၇)နှစ်၊ မဌေးဟွမ်(၁၇)နှစ်၊ မူဆယ်မြို့၊ ကောင်းမှုတုံရပ်ကွက်နေ မနေခြည်ဝင်း(၂၁)နှစ်တို့အပြင် ဂိမ်းလာရောက်ကစားနေသူများဖြစ်သော နမ့်ခမ်းမြို့၊ နောင်စန့်ကုန်း ရပ်ကွက်နေ စိုင်းလိတ်(၂၃)နှစ်၊ မူဆယ်မြို့၊ တောင်ရပ်ကွက်နေ စိုင်းသန်းစိန်(၂၆)နှစ်နှင့် အိုက်လျှန်(၃၂)နှစ်၊ ဈေးရပ်ကွက်နေ လိုင်းဝမ်(၄၁)နှစ်၊ စက်မှုရပ်ကွက်နေ ထက်လွင်ဦး(၃၂)နှစ်နှင့် စွမ်စော်ရပ်ကွက်နေ သန်းထွေး (၃၅)နှစ်တို့အား တွေ့ရှိဖမ်းဆီးရမိခဲ့သဖြင့် သက်နိုင်ထွန်းပါ(၁၃)ဦးအား မူဆယ်မြို့မရဲစခန်း(ပ)၁၃၄/၂၀၁၃၊ လောင်းကစားဥပဒေပုဒ်မ ၁၃(က)/၁၄(က) ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်

ယနေ့လူငယ် နောင်ဝယ်လူကြီး

ရုပ်ရှင်သရုပ်ဆောင် လူရွှင်တော် မောင်မေတ္တာနဲ့ အဖွဲ့သားတွေ စီစဉ်တင်ဆက်တဲ့ “အကျိုးမျှော် နှိုးဆော်ပါရစေ” အသံလွှင့်ဇာတ်လမ်း အစီအစဉ်သစ် ဖြစ်ပါတယ်။ ဒီတပတ်မှာတော့ “ယနေ့လူငယ် နောင်ဝယ်လူကြီး” အစီအစဉ်ကို နားဆင်ရမှာပါ။
RFA Burmese

သားနှစ်ယောက်ရဲ့ ဝါသနာကို ပြောပြတဲ့ မျိုးကြီး

လက်ရှိ မြန်မာပြည် ရော့ခ်လော ကမှာ အအောင်မြင်ဆုံး ရော့ခ် ကာ တွေထဲက တစ်ဦး ဖြစ်တဲ့ မျိုးကြီးဟာ ခုလို အောင်မြင်မှု ရရှိဖို့ ကြိုးပမ်းတဲ့ ခရီးလမ်းမှာ သေချာ စနစ် တကျ သင်ကြားပြသမှု မရှိခဲ့ပေမယ့် ကိုယ်တိုင် လက်လှမ်းမီရာ အားထုတ်မှုတွေ၊ ပါရမီ တွေနဲ့ ဖြတ်သန်း ခဲ့တာဖြစ်ပါတယ်။ သူတို့ ခေတ်တုန်းက သင်တန်းကျောင်း တွေ ရှားပါးပုံ ကို မျိုးကြီးက အနည်းငယ် ပြန်ပြောပြတာက “သင်တန်း လေးတွေတော့ ရှိတယ်။ ဂစ်တာ သင်တန်း၊ အဆို သင်တန်းလေးတွေ စသဖြင့် လက်လှမ်းမီ သလောက် လေ့လာ ရတယ်။ ဂစ်တာ သင်တန်းတော့ တက်ဖူးတယ်။ ပြီးတော့ သီအိုရီပိုင်း ကိုတော့ ကိုဇာလျန်း သင်တဲ့ သီအိုရီ ပိုင်း သင်တန်း ရှိတယ်။ အခုတော့ တစ်နေရာ တည်းမှာ အစုံသင်လို့ရ တဲ့ ကျောင်းတွေ ရှိတယ်။ ကျွန်တော် တို့ ငယ်ငယ်ကတော့ သင်တန်း တစ်ခုစီက သတ်သတ်ပေါ့။ ခုတော့ တစ် နေရာတည်းမှာ အကုန် သင်နိုင် တယ်” လို့ မျိုးကြီး ကပြောပါတယ်။
လက်ရှိအချိန်မှာ သားနှစ်ဦးလည်း ရရှိနေပြီ ဖြစ်တဲ့ မျိုးကြီးကို သားသမီး တွေနဲ့ ပတ်သက်ပြီး မေးကြည့်တော့ “သားနှစ်ယောက် ရှိတယ်။ အကြီးက ၁၂နှစ်၊ အငယ်က ၃နှစ်။ အငယ်လေး ကတော့ မြူးဇစ်ဘက်ကို စိတ်ဝင်စား တယ်။ အကြီးကတော့ ကွန်ပျူတာ ဘက်ကို ပိုအားသန်တယ်။ အငယ် လေးကြီးလာလို့ စိတ် ဝင်စားရင်တော့ ကိုကိုလွင် ဖွင့်တဲ့ Legacy သင်တန်း ကျောင်းမှာထားမယ်။ တအားတော့ ထိန်းချုပ်တာမျိုး မလုပ်ပါဘူး။ သူတို့ စိတ်ကြိုက် လုပ်ခွင့်ပေးမှာပါ”လို့ သားတွေနဲ့ ပတ်သက် တာ ကို ပြောပြပါတယ်။ မျိုးကြီးအနေနဲ့ သူ့ရဲ့ နောက်ထပ်အခွေ အတွက် လုံးပန်းနေပြီး IC show တွေကို တော့ ဇူလိုင်လကုန်မှာ ပြန်စဖို့ ရှိတယ်လို့ လည်း သိရပြီး IC အနေနဲ့ အခွေ တစ်ခွေထွက်လာဖို့ လည်း ရှိတယ်လို့ သိရပါတယ်။

“LMN တို့၊ ရာစုသစ်တို့လို အတွဲခွေမျိုးတော့ ထွက်ဖို့မရှိသေးဘူး။ IC Live show နှစ် ၂ဝပြည့် အခွေတော့ ရှိတယ်။ အဲဒါက ရိုက်ထားတာ ကြာပြီ။ အဲဒီထဲမှာ Live Show ဆိုတော့ သီချင်း အဟောင်းတွေပဲ ဖြစ်မှာပါ” လို့ ပြောပြခဲ့ပါတယ်။ ဇူလိုင် ၂၇ ရက် နေ့မှာ ဦးကိုကိုလွင် ဖွင့်လှစ်ခဲ့တဲ့ နိုင်ငံတကာ အဆင့်မီ Legacy ဂီတ သင်တန်းကျောင်း နဲ့ ပတ်သက်ပြီးလည်း မျိုးကြီးက “ကိုကို့ (ကိုကိုလွင်) အတွက်လည်း ဝမ်းသာတယ်။ လာသင်မယ့် သင် တန်းသားတွေ အတွက်လည်း နိုင်ငံတကာ အဆင့်မီ ဖြစ်တဲ့အတွက် ဝမ်းသာစရာကြီးပေါ့။ သင်တဲ့ ဆရာတွေ လည်းကောင်း တယ်။ သင်တဲ့ ပုံစံတွေလည်း ကျွန် တော်တို့ မြင်မိ သလောက်တော့ ကောင်းပါတယ်။ အဲဒီ အတွက် ဝမ်းသာပါ တယ်”လို့ ပြောပြခဲ့ပါ တယ်။
ရဲရဲ
Popular Journal

မြန်မာ အိမ်ဖေါ်တွေ စင်္ကာပူ အလိုရှိ

2013-07-02      
ပုံနှိပ်ပါ ရှယ်ပါ မှတ်ချက်ပေးပါ အီးမေးလ်
စင်္ကာပူနိုင်ငံမှာ မြန်မာအိမ်ဖေါ်တွေ အလိုရှိနေတယ်လို့ The Star သတင်းက ဖေါ်ပြပါတယ်။

စင်္ကာပူမှာ အင်ဒိုနီးရှားနဲ့ ဖိလစ်ပိုင်အိမ်ဖေါ်တွေ ဈေးကြီးမြင့်လာနေတဲ့အတွက် ဈေးပေါတဲ့ မြန်မာအိမ်ဖေါ်တွေကို ငှားရမ်းချင်နေကြတယ်လို့ ဆိုပါတယ်။

အင်ဒိုနီးရှားအိမ်ဖေါ်တွေကို ငှားရမ်းတဲ့အခါ အကျိုးဆောင်ကုမ္ပဏီတွေကို ကော်မရှင်ခအပါအဝင် စင်္ကာပူဒေါ်လာ လေးထောင်လောက်ပေးရပြီး၊ ဖိလစ်ပိုင်အိမ်ဖေါ်တွေကို စင်္ကာပူဒေါ်လာ နှစ်ထောင့်ငါးရာလောက် ပေးရပါတယ်။

မြန်မာအိမ်ဖေါ်တွေကတော့ စင်္ကာပူဒေါ်လာ တစ်ထောင်အောက်သာရှိတယ်လို့ ဆိုပါတယ်။

လခအနေနဲ့လည်း အင်ဒိုနီးရှားအိမ်ဖေါ်တွေနဲ့ ဖိလစ်ပိုင်အိမ်ဖေါ်တွေကို တစ်လစင်္ကာပူဒေါ်လာ ၄၅ဝ - ၅ဝဝ လောက်ပေးရပြီး၊ မြန်မာအိမ်ဖေါ်ကို တစ်လ စင်္ကာပူဒေါ်လာ ၄ဝဝ အောက်သာ ပေးရပါတယ်။

ဒါ့ပြင် မြန်မာအိမ်ဖေါ်တွေဟာ အကျိုးဆောင်ကုမ္ပဏီကို ဒေါ်လာ ၃၃ဝဝ ပြန်ပေးရမှာဖြစ်တဲ့အတွက် လုပ်ခလစာ ရှစ်လစာလောက်မရဘဲ အလုပ်လုပ်ပေးရပါတယ်။

ဒါကြောင့် စိတ်ပျက်ပြီး ထွက်ပြေးသူတွေများတယ်လို့ The Star သတင်းက ဆိုပါတယ်။
RFA (မြန်မာပိုင်း)

သားသမီးများ မိဘထံသွားရောက်လည်ပတ်ရန် ဥပဒေထုတ်ပြန်

ဘေဂျင်း၊ ဇူလိုင် ၁။
နိုင်ငံတွင်း အသက်ကြီးလူဦးရေ တိုးပွားလာနေချိန်တွင် တရုတ်၌ မိသားစုဝင်များ အနေဖြင့် အသက်ကြီးဆွေမျိုးများထံ သွားရောက်လည်ပတ်ရမည့် ဥပဒေတစ်ခု တနင်္လာနေ့တွင် အသက်ဝင်တော့မည်ဖြစ်သည်။

သားသမီးများ မရှိသည့် ဗလာအိမ်များ အရေအတွက် တိုးလာနေသောကြောင့် စိုးရိမ်မှုများ ရှိလာရာ
၎င်းဥပဒေသည် သားသမီးများ အနေဖြင့် မိဘများထံသွားရောက် လည်ပတ်ခြင်းများ လုပ်ဆောင်ရမည်ဖြစ်ကြောင်း အစိုးရပိုင် ဂလိုဘယ်တိုင်းမ်စ် သတင်းစာတွင် ပါရှိသည်။

တရုတ်နိုင်ငံ၏ တိုးတက်မှု အရှိန်မြင့်လာခြင်းကြောင့် မိရိုးဖလာမိသားစုဝင်များ တိုးလာခြင်းကို
စိန်ခေါ်မှုများ ရှိလာနေပြီး သက်ကြီးပုဂ္ဂိုလ်များကို မေ့ပျောက်နေကြကာ ဆိုးဝါးစွာဆက်ဆံ
ခံနေရကြောင်း သတင်းများထွက်ပေါ်ခဲ့ရာ နိုင်ငံတဝှမ်း အံ့သြတကြီးဖြစ်ခဲ့ရသည်။

လွန်ခဲ့သည့်နှစ်က အရှေ့ပိုင်းနယ်မြေ ကျန်ဇူရှိ လယ်သမားတစ်ဦးသည် ၎င်း၏အသက်တစ်ရာ ရှိပြီဖြစ်သည့် အမေဖြစ်သူကို ဝက်ခြံထဲတွင် ထားရှိကြောင်း ဒေသတွင်း မီဒီယာက ထုတ်ဖော်ပြပြီးနောက် အွန်လိုင်းပေါ်တွင် ဝေဖန်မှုများ ကြုံတွေခဲ့ရသည်။

တရုတ်လူဦးရေ၏ ၁၄ ရာခိုင်နှုန်း သို့မဟုတ် လူ ၁၉၄သန်းသည် အသက်ခြောက်ဆယ်ကျော်အရွယ်ဖြစ်ကြကြောင်း အမျိုးသားစာရင်းအင်းဗျူရိုမှ မကြာမီက စာရင်းများအရသိရသည်။

လူဦးရေထိန်းချုပ်ရန် ၁၉၇၀နှစ်များတွင် စတင်သည့် တရုတ်နိုင်ငံ၏အငြင်းပွားဖွယ် ကလေးတစ်ဦးမွေးဖွားခွင့်ပေါ်လစီရလာဒ်တစ်ခုအဖြစ် နိုင်ငံတွင်းတွင် အသက်ကြီး ပုဂ္ဂိုလ်အရေအတွက် တိုးတက်လာနေသည်။

တရုတ်နိုင်ငံတွင် သားသမီးများတရုတ်နိုင်ငံတွင်း အခြားဒေသများသို့ အလုပ်သွားရောက်လုပ်ကိုင်
နေကြသောကြောင့် အသက်ကြီးပုဂ္ဂိုလ် များစွာသည် သားသမီးများ မရှိသည့် ဗလာအိမ်များတွင်
အထီးကျန်စွာ နေကြရသည်။

သို့သော် အင်တာနက်အ သုံးပြုသူများသည် တရုတ်မိသားစုပုံစံတွင် လွန်စွာရိုသေကြရသည့် အသက်ကြီး ပုဂ္ဂိုလ်များအား စိုးရိမ်စိတ်များပြားလာကြပြီး လက်ရှိဖြစ်စဉ်များကို တရုတ်နိုင်ငံ အင်တာနက်လိုင်းပေါ်တွင် ဝေဖန်များ ပြုလုပ်ကြသည်။

“နိုင်ငံတနိုင်ငံမှာ မိဘတွေကို ရိုသေဖို့ ဥပဒေရေးရသလား” ဟု တရုတ်နိုင်ငံသား တစ်ဦး၏ ဝေဖန်စကားတွင် ပါရှိသည်။

“ဒါဟာနိုင်ငံကို စော်ကားလိုက်တာပါပဲ” ဟု နောက်တစ်ခုတွင် ဖော်ပြထားသည်။

အခြားတစ်ခုကလည်း “ အစိုးရဟာ အသက်ကြီးသူတွေကို ကာကွယ်ဖို့ ဥပဒေကိုသုံးတယ်၊ ဒါပေမယ့် တကယ်တော့ အဲဒါဟာ သားသမီးတွေကို အဖြစ်ပုံချလိုက်တာပါပဲ” ဟု ဝေဖန်ထားသည်။

“အစိုးရဟာ ကလေးတစ်ယောက် ပေါ်လစီလုပ်ကတည်းက ဒီပြဿနာကို ဘယ်လိုတွေ လုပ်သင့်တယ်ဆိုတာ တွေးခဲ့သင့်တယ်” ဟု အခြားဝေဖန်ချက်တစ်ခုက ပြောကြားသည်။

ရှန်ဟိုင်း သတင်းစာတွင် ဥပဒေသစ်သည် မိဘများအား ညှိနှိုင်းရေး လျှောက်ထားနိုင်ခွင့် သို့မဟုတ်
ရုံးတော်သို့ အမှုတင်နိုင်ခွင့်ကို ပေးမည်ဖြစ်ကြောင်း ဖော်ပြထားပြီး ကျွမ်းကျင်သူများက ဥပဒေသည်
မည်မျှအထိ အာဏာ သက်ရောက်မည် မည်မျှ အချိန်ြကာနိုင်မည်ကို ရှင်းလင်းစွာ မသိရှိကြပေ။

“ပိုမိုများပြားတဲ့ စံချိန်စံညွှန်းတွေ ထပ်ထည့်ဖို့လိုနေတယ်” ဟု ပီကင်း တက္ကသိုလ်မှ လူမှုဗေဒနှင့် လူသားဗေဒ အင်စတီကျူး ပါမောက္ခ ကျားကျူလျန်က ဂလိုဘယ်တိုင်းမ်စ်ကို ပြောကြားသည်။

“လက်ရှိ ဥပဒေက လိုက်နာရမယ့်ဥပဒေဆိုတာထက် သားသမီးတွေရဲ့ဘာသာတရားအရလိုက်နာနေထိုင်မှု ရိုးရာအစဉ်အလာတန်ဖိုးတွေကို လူငယ်တွေ ပြန်အာရုံစိုက်အောင် သတိပေးသလိုဖြစ်နေတယ်” ဟု ၎င်းက ဆက်လက် ပြောကြားလိုက်သည်။
Ref: AFP
မြန်မာ့ခေတ်

အီဂျစ်စစ်တပ်က ရာထူးနှုတ်ထွက်ရေးအတွက် သမ္မတအား ၄၈ နာရီအချိန်ပေး

ကိုင်ရို၊ ဇူလိုင် ၂။
အီဂျစ် သမ္မတ မိုဟာမက် မော်စီ နှုတ်ထွက်ရေး လူသန်းပေါင်းများစွာ လမ်းပေါ်ထွက် ဆန္ဒဖော်ထုတ်
တောင်းဆိုမှု ၄၈ နာရီအတွင်း မရရှိပါက ဝင်ရောက်ပတ်သက်ရမည်ဖြစ်ကြောင်း အီဂျစ်စစ်တပ်က ယမန်နေ့က သတိပေး ပြောကြား လိုက်သည်။

နိုင်ငံပိုင်တီဗွီနှင့် ရေဒီယိုတို့တွင်ထုတ်လွှင့်သော ကြေညာချက်တစ်ခုတွင် အီဂျစ်စစ်တပ်က ပြည်သူများ၏ တောင်းဆိုမှုများပြည့်ဝရေးကို တောင်းဆိုကြောင်းနှင့် ပါတီများအား နောက်ဆုံးအခွင့်အရေးအနေနှင့် နိုင်ငံတွင်းဖြစ်ပွားနေသော သမိုင်းတင်သည့် အခြေအနေများအတွက် တာဝန်ယူရန် ၄၈ နာရီ ပေးကြောင်း အထပ်ထပ် ပြောကြားသည်။

“တကယ်လို့ ဒီကာလတွင်းမှာ လူထုတောင်းဆိုမှု မပြီးပြည့်ခဲ့ရင်တော့ စစ်တပ်ဟာ ရှေ့ဆက်မယ့်လမ်းစဉ်နဲ့ လုပ်ငန်းစဉ်များကို လုပ်ဆောင်ဖို့ ကြေညာသွားပါမယ်” ဟု ကြေညာချက်တွင် ပါရှိသည်။

စစ်တပ်ပြောရေးဆိုခွင့်ရှိသူတစ်ဦးက နိုင်ငံတွင်း ဆယ်စုနှစ်များစွာ လွှမ်းမိုးလာသော စစ်တပ်အစဉ်အလာအရ စစ်တပ်အာဏာသိမ်းပေါ်လစီ လုပ်ရန်ခွင့်မပြုကြောင်း တနင်္လာနေ့ညပိုင်းတွင် ပြောကြားသည်။

ထုတ်ပြန်လိုက်သော ကြေညာချက်သည် အဖြေတစ်ခု မြန်ဆန်စွာရရှိရေး တစ်နိုင်ငံလုံး
ယေဘုယျဆုံးဖြတ်ချက်ရရှိရေးတို့အတွက် တွန်းအားပေးရန်သာဖြစ်ပြီး စစ်တပ်သည်နိုင်ငံရေးနှင့် အုပ်ချုပ်ရေး အသိုင်းအဝိုင်း မဖြစ်ချင်ကြောင်း ကာနယ် အာမက်အလီက ပြောကြားသည်။

စစ်တပ်သည် နိုင်ငံ၏ နိုင်ငံရေးတွင် တိုက်ရိုက် အခန်းကဏ္ဍမှ မပါဝင်ချင်ကြောင်း ပြောကြားသော်လည်း ဗိုလ်ချုပ်များသည် အီဂျစ်နိုင်ငံ၏ ပထမဆုံးလွတ်လပ်စွာ ရွေးကောက်ခံသမ္မတ မိုဟာမက်မော်စီအား အစိုးရ ပြန်လည်တည်ဆောက်ရေး အတွက် ဖိအားပေးနေကြသည်။

အစိုးရပြန်လည်တည်ဆောက်ရေးတွင် အစိုးရအဖွဲ့အတွင်း မွတ်ဆလင်ညီနောင်များပါတီလွှမ်းမိုးမှုလျှော့ချရေး၊ သမ္မတနှင့် လွှတ်တော်ရွေးကောက်ပွဲများ ဆောလျင်စွာကျင်းပရန် တောင်းဆိုခြင်းများ ပါဝင်ကြောင်း အီဂျစ် ရာထူးကြီး အုပ်ချုပ်ရေးအဖွဲ့ဝင်နှင့် နီးစပ်သည့်အသိုင်းအဝိုင်းမှ သိရသည်။

အီဂျစ်နိုင်ငံ တာရီရင်ပြင်ရှိ ဆန္ဒပြသူများသည် ရေဒီယိုလိုင်းများနှင့် ဖုန်းများမှ စစ်တပ်၏ ကြေညာချက်ကို နားဆင်ပြီး နောက် သြဘာပေးကြပြီး စစ်တပ်ရဟတ်ယာဉ်များ ဝေဟင်မှဝဲပျံသွားသည်ကို
အီဂျစ်အလံများဝှေ့ယမ်းခြင်း၊ စစ်တပ်ဆိုင်ရာစာတမ်းများကိုင်ဆောင်ကာ အော်ဟစ်မှုများ၊ ညအချိန်တွင်အလံများဝှေ့ယမ်းခြင်း၊ ဟွန်းမှုတ်ခြင်းများနှင့် မီးပန်းဖောက်ခြင်းများ ပြုလုပ်ခဲ့ကြသည်။

“လူတိုင်းဟာ မော်စီတရားဝင် အာဏာမဲ့ရေးနဲ့ ညီနောင်ပါတီ တရားဝင်အာဏာမဲ့ရေးကို ပြောနေကြတယ်၊ လူတိုင်းအောင်ပွဲခံနေတယ်” ဟု တနင်္လာနေ့ ဆန္ဒပြပွဲကို ဝင်နွဲနေသည့် အီဂျစ် စာရေးဆရာ ဘက်ဆန်ဆာဘရိုင်းက ပြောကြားသည်။

အီဂျစ်နိုင်ငံ သမ္မတရုံးက စစ်တပ်မှ ထုတ်ပြန်ခဲ့သည့် ကြေညာချက်သည် သမ္မတက သုံးသပ်ထားခြင်း
မဟုတ်သေးကြောင်း၊ အီဂျစ်နိုင်ငံသည် တတ်နိုင်သရွေ့ မည်သည့် အခြေအနေတွင်မဆို နိုင်ငံ နောက်ပြန်ဆွဲသွားမည်ကို ခွင့်ပြုမည် မဟုတ်ကြောင်း အင်္ဂါနေ့တွင် ပြောကြားသည်။

ဆန္ဒပြပွဲကြောင့် အစိုးရဝန်ကြီး ငါးဦး တနင်္လာနေ့တွင် နှုတ်ထွက်သွားကြပြီး နောက်ဆုံးနှုတ်ထွက်သွားသူသည် နိုင်ငံခြားရေးဝန်ကြီး မိုဟာမက်ကာမယ်အားမ်ဖြစ်ကြောင်း အီဂျစ်အစိုးရပိုင်
သတင်းဋ္ဌာနတွင် ဖော်ပြသည်။

ယမန်နေ့က ဆန္ဒပြသူများသည် ရွေးကောက်ပွဲမတိုင်မီ သမ္မတမော်စီဦးစီးခဲ့သည့် မွတ်ဆလင်ညီနောင်များရုံးချုပ်သို့ တိုက်ခိုက်ကြပြီး လက်နက်များ ကိုင်ဆောင်ဝင်ရောက်ကြကာ ရုံးကိုမီးရှို့ခဲ့ကြသည်။

ဆန္ဒပြပွဲကြောင့် တနင်္ဂနွေနေ့နှင့် တနင်္လာနေ့နှစ်ရက်ပေါင်းတွင် လူ ၁၆ ဦးသေဆုံးခဲ့ပြီး ၇၈၉
ယောက် ဒဏ်ရာရရှိခဲ့ကြောင်း ကျန်းမာရေးဝန်ကြီးက ပြောကြားသည်ဟု အီဂျစ်သတင်းဋ္ဌာနတွင် ဖော်ပြသည်။
Ref:CNN
မြန်မာ့ခေတ်

ဦးအောင်မင်း နုတ်ထွက်စာ တင်သွင်းထားသည်ဟု သတင်းများ ထွက်ပေါ်

ရန်ကုန်၊ ဇူလိုင် ၁
နိုင်ငံတော်သမ္မတထံ နုတ်ထွက်စာ တင်သွင်းထားသည်ဟု သတင်းများ ထွက်ပေါ်နေသော နိုင်ငံတော် သမ္မတရုံးဝန်ကြီး ဦးအောင်မင်းသည် အစိုးရ အဖွဲ့မှ နုတ်ထွက်မည်မဟုတ်ကြောင်း မြန်မာ ငြိမ်းချမ်းရေး စင်တာ၏ အကြီးတန်း အကြံပေးနှင့် ငြိမ်းချမ်းရေး လုပ်ငန်းစဉ်များတွင် ဦးအောင်မင်းနှင့် လက်တွဲ လုပ်ကိုင်နေသူ ဦးလှမောင်ရွှေက The Voice သို့ ပြောကြားသည်။

နိုင်ငံတော်သမ္မတရုံး ဝန်ကြီး ဦးအောင်မင်းသည် နုတ်ထွက်စာ တင်ရန် အစီအစဉ်မရှိကြောင်း ငြိမ်းချမ်း ရေး လုပ်ငန်းစဉ်များကိုသာ အာရုံစိုက် လုပ်ကိုင်လျက်ရှိကြောင်း ၎င်းက ဆက်လက် ပြောကြားသည်။

“ပြည်ခိုင်ဖြိုးပါတီ ဗဟိုကော်မတီကို ဝန်ကြီးအချို့ နုတ်ထွက်စာ တင်တယ်။ အဲဒီပေါ် အခြေခံပြီး ဒီသတင်းတွေ ထွက်လာတာ။ နောက် ဦးအောင်မင်းက ပြီးခဲ့တဲ့နှစ်တုန်းက နုတ်ထွက်စာ တင်ဖူးတယ်။ အဲဒါတွေရောပြီး ဦးအောင်မင်း နုတ်ထွက်တယ် ဖြစ်လာတာ” ဟု ဦးလှမောင်ရွှေက ဆိုသည်။

ဇွန်လ ၂၉ ရက်နေ့က နေပြည်တော်ရှိ စက်မှု ဝန်ကြီးဌာနရုံးတွင် ပြုလုပ်ခဲ့ သည့် ပြည်ထောင်စုဝန်ကြီး အချို့နှင့် သတင်း မီဒီယာများ တွေ့ဆုံပွဲတွင် သမ္မတရုံးဝန်ကြီး ဦးစိုးသိန်းက ဦးအောင်မင်း နုတ်ထွက်စာ တင်ခြင်းသည် ဒီမိုကရေစီ အစိုးရတစ်ရပ်၏ လုပ်ဆောင်ချက်ဖြစ်ကြောင်း ပြောဆိုထားသည်။

အဆိုပါ သတင်းမီဒီယာ ဆွေးနွေးပွဲသို့ ဦးအောင်မင်း တက်ရောက်လာမှု မရှိခြင်းနှင့် သမ္မတရုံးဝန်ကြီး ဦးစိုးသိန်း၏ ဖြေကြားချက်များကို ကိုးကား ၍ ပြည်တွင်း မီဒီယာအချို့နှင့် အင်တာနက် စာမျက်နှာများတွင် ပြည်ထောင် စုဝန်ကြီး ဦးအောင်မင်း နုတ်ထွက်စာ တင်ထားကြောင်း ဖော်ပြထားသည်။

ပြည်ထောင်စုဝန်ကြီး ဦးအောင်မင်းသည် ၂၀၁၂ ခုနှစ် စက်တင်ဘာလတွင် ရထား ပို့ဆောင်ရေး ဝန်ကြီးဌာန ပြည်ထောင်စုဝန်ကြီး အဖြစ်မှ နိုင်ငံတော် သမ္မတရုံး ဝန်ကြီးအဖြစ် ပြောင်းလဲ ခန့်အပ်ခြင်း ခံထားရသူ ဖြစ်သည်။
The Voice Weekly

တစ်ရက်တည်း လူသေဆုံးမှု ခြောက်မှု

ရန်ကုန်၊ ဇူလိုင် ၁
ရန်ကုန်တိုင်းဒေသကြီး မြို့နယ် လေးခုတွင် ဇွန်လ ၃၀ ရက်နေ့က လူသေဆုံး မှု ခြောက်မှု ဖြစ်ပွားခဲ့ ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်း သိရှိရသည်။

မှော်ဘီ၊ ကျောက်တံတား၊ လှိုင်သာယာနှင့် ကော့မှူးမြို့နယ်တို့တွင် အသက် ခြောက်နှစ်အရွယ် ကိုရင် တစ်ပါး ၊ အသက် ၁၇ နှစ်အရွယ် တက္ကသိုလ်ဝင်တန်း ကျောင်းသား တစ်ဦး၊ အသက် ၁၉ နှစ်အရွယ် လူငယ် တစ်ဦးတို့ အပါအဝင် အမျိုးသား ငါးဦးနှင့် အမျိုးသမီး တစ်ဦး သေဆုံး ခဲ့ကြောင်း အဆိုပါ ရဲတပ်ဖွဲ့မှူးရုံး၏ ထုတ်ပြန်ချက်များအရ သိရှိရသည်။

အဆိုပါ သေဆုံးမှုများသည် ကြိုးဆွဲချ သေဆုံးမှုတစ်ခု၊ ရေထဲမှ အလောင်းပေါ် သေဆုံးမှုတစ်ခု၊ လမ်းတွင် သေဆုံးမှုတစ်ခု၊ ရေနစ် သေ ဆုံးမှုတစ်ခု၊ ချော်လဲ သေဆုံးမှုတစ်ခု၊ လယ်ကန်သင်းပေါ်တွင် သေဆုံးမှု တစ်ခုတို့ ဖြစ်ပွားခဲ့ကြောင်း ရန်ကုန်တိုင်း ရဲတပ်ဖွဲ့မှူးရုံး၏ စာရင်းများအရ သိရသည်။

ဇွန်လ ၃၀ ရက်နေ့၊ နံနက် ၇ နာရီ ခန့်က လှိုင်သာယာမြို့နယ် (၆)ရပ်ကွက်၊ သီရိမင်္ဂလာလမ်းရှိ ဗာဒံပင်တွင် အသက် ၁၉ နှစ် မိုးကျော်သည် ကြိုးဆွဲ ချ သေဆုံးခဲ့ပြီး အဆိုပါနေ့ နံနက် ၈နာရီအချိန်က မှော်ဘီမြို့နယ် (၄) ရပ်ကွက်ရှိ မှော်ဘီ ချောင်းကူး တံတားအနီးတွင် ရေနစ် ပျောက်ဆုံးနေသော အမျိုးသား တစ်ဦး၏ အလောင်း ပြန်ပေါ်လာခဲ့ကြောင်း မြို့နယ် ရဲစခန်းများ၏ ထုတ်ပြန်ချက်အရ သိရ သည်။

တတိယမြောက် လူသေဆုံးမှုအဖြစ် ကျောက်တံတားမြို့နယ် (၁)ရပ်ကွက် ဆူးလေဘုရားလမ်းရှေ့ ပလက်ဖောင်းပေါ်တွင် ဇွန်လ ၃၀ ရက်နေ့ နံနက် ၉ နာရီက အသက် ၅၀ ခန့်ရှိ အခြေအနေမဲ့ အမျိုးသမီး တစ်ဦး သေဆုံး ခဲ့ပြီး ကော့မှူး မြို့နယ် မကျည်းပင် ကျေးရွာရှိ လယ်ကွင်းတွင် လယ်ထွန်နေသူ တစ်ဦး လယ်ကန်သင်းရိုးကို မှီ၍ သေဆုံးမှု တစ်ခု နံနက် ၁၀နာရီက ဖြစ်ပွားခဲ့ကြောင်း ရန်ကုန် တိုင်းဒေသကြီး ရဲတပ်ဖွဲ့မှူးရုံးထံမှ သိရှိရသည်။

လှိုင်သာမြို့နယ် (၁၈) ရပ်ကွက် ကင်းဝန်မင်းလမ်း နေထိုင်သူ တက္ကသိုလ် ဝင်တန်း ကျောင်းသား အသက် ၁၇နှစ် အရွယ် မောင်သက်ကိုကိုသည် အဆိုပါနေ့ မွန်းလွဲ ၂နာရီအတွင်း ပဒံကျေးရွာ၊ ရန်ကုန်-ပုသိမ် လမ်းမဘေး ရှိ ရေမြောင်းအတွင်း ရေနစ် သေဆုံးခဲ့ရာ တစ်ရက်အတွင်း ပဉ္စမြောက် လူသေဆုံးမှု ဖြစ်ခဲ့ရသည်။

ယင်းနေ့ ည ၈ နာရီ ၃၀ မိနစ်က မှော်ဘီမြို့နယ်၊ (၁)ရပ်ကွက်၊ ရွှေကျောင်း ကျောင်းတိုက်မှ အသက် ၆နှစ် အရွယ်၊ ဝါတော် တစ်ဝါရှိ ကိုရင် ရှင်ဣန္ဒြသည် ကိုရင် ၂၂ ပါးနှင့်အတူ ဘုရားဝတ်ပြုရန် သွားစဉ် မီးပျက်၍ ပြေးသွားရာမှ ချော်လဲ သဖြင့် နောက်ပြန်လဲ ရာ နောက်စေ့နှင့် သမံတလင်း ရိုက်မိရာမှ သတိလစ် သေဆုံး ခဲ့ကြောင်း မှော်ဘီ ရဲစခန်းထံမှ သိရှိရသည်။

လူသေဆုံးမှုများနှင့် ပတ်သက်၍ သက်ဆိုင်ရာ မြို့နယ်အသီးသီး ရဲစခန်းများက သေမှု သေခင်းများ ဖွင့်လှစ်၍ စစ်ဆေးလျက်ရှိကြောင်း အဆိုပါမြို့နယ် ရဲစခန်းများထံမှ သိရှိရသည်။

လူသေဆုံးမှုများသည် ၂၀၁၃ ခုနှစ် ဇန်နဝါရီလမှ ဇွန်လ ၃၀ ရက်နေ့ အထိ မှော်ဘီမြို့နယ်တွင် ၂၉ မှု၊ လှိုင်သာယာမြို့နယ်တွင် ၆၈ မှု၊ ကျောက် တံတားမြို့နယ်တွင် ခြောက်မှု၊ ကော့မှူးမြို့နယ်တွင် လေးမှု အပါအဝင် စုစုပေါင်း လူသေဆုံးမှု ၁၀၇ မှု ဖြစ်ပွားခဲ့ကြောင်း အဆိုပါ မြို့နယ် ရဲစခန်း များ၏ သေမှုသေခင်း စာရင်းများအရ သိရှိရသည်။
The Voice Weekly

သင်္ဃန်းကျွန်း ယာဉ်ရှစ်စီး ဆင့်တိုက်

ရန်ကုန်၊ ဇူလိုင် ၁
ရန်ကုန်တိုင်းဒေသကြီး သင်္ဃန်းကျွန်း လေးထောင့်ကန်လမ်း ပြည်ထောင်စု ခုံးတံတား အဆင်းတွင် ဇွန်လ ၃၀ ရက်နေ့ ညနေ ၄ နာရီ ၄၅ မိနစ်က သစ်လုံးတင်ယာဉ် တစ်စီး ဘရိတ်ပေါက်ရာက ယာဉ် ရှစ်စီးဆင့် တိုက် မှု ဖြစ်ပွားခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်း သိရှိရ သည်။

သစ်လုံးများ တင်ဆောင်လာသည့် နီဆန်း အမျိုးအစား သစ်လုံးတင်ယာဉ် သည် ဘရိတ်ပေါက်ကာ Swift အနက်ရောင် ယာဉ်၊ Toyota အဖြူရောင် အငှားယာဉ်၊ Toyota ငွေရောင်ယာဉ်၊ Light Truck အပြာရောင်ယာဉ်၊ Probox ယာဉ်၊ SURF ခဲရောင်ယာဉ်၊ Toyota ခဲရောင်ယာဉ်၊ SURF မီးခိုးရောင် ယာဉ်တို့ကို ဆက်တိုက် ဆင့်တိုက်မှု ဖြစ်ပွားခဲ့ကြောင်း၊ အဆိုပါ ယာဉ်ရှစ်စီး ဆင့်တိုက်မှုကြောင့် တိုယိုတာ အငှားယာဉ်ပေါ်မှ လိုက်ပါလာ သည့် အသက် ၄၁ နှစ်အရွယ် အမျိုးသမီး တစ်ဦးနှင့် တိုယိုတာ ခဲရောင် ယာဉ်ပေါ်မှ လိုက်ပါလာသူ အသက်ခြောက်နှစ်အရွယ် ကလေးငယ် တစ်ဦး တို့ ဒဏ်ရာရရှိခဲ့ကြောင်း အဆိုပါ အမှုကို စစ်ဆေးသည့် ယာဉ်မှူးစစ် ရဲအရာရှိက ပြောကြားသည်။

“ဘရိတ်ပေါက်ပြီး ကားက ဆင်းသွားတာ။ ယာဉ်မောင်းလည်း အတတ်နိုင် ဆုံး အထိအခိုက် နည်းအောင် ရှောင်ရင်းနဲ့ ဖြစ်သွားတာ။ ကလေးတော့ ခေါင်းပေါက်လို့ လေးချက် ချုပ်ရတယ်” ဟု ၎င်းက ရှင်းပြ သည်။

အဆိုပါ ယာဉ်တိုက်မှုကြောင့် သစ်လုံးတင် ယာဉ်မောင်း ဦးအေးမင်းဦးကို ယာဉ်(ပ) ၁၉ /၁၃ ၊ ပုဒ်မ ၂၇၉/၃၃၈ ဖြင့် အမှုဖွင့် အရေးယူထားကြောင်း သင်္ဃန်းကျွန်းမြို့နယ် ရဲစခန်းထံမှ သိရှိရသည်။
The Voice Weekly

စနိုဒင် ရုရှားမှာ ခိုလှုံခွင့် တောင်းခံ

ရုရှား သမ္မတ ပူတင် သတင်းစာ ရှင်းလင်းပွဲ ကျင်းပ

2 ဇူလိုင်လ 2013
ထွက်ပြေး တိမ်းရှောင်နေရတဲ့ အမေရိကန် ထောက်လှမ်းရေး အရာရှိဟောင်း အက်ဒွပ် စနိုဒင် ဟာ ပြီးခဲ့တဲ့ တနဂင်္နွေနေ့တုန်း သူတို့ဆီမှာ နိုင်ငံရေး ခိုလှုံခွင့် လျှောက်ထားခဲ့တယ်လို့ ရုရှား နိုင်ငံခြားရေး အရာရှိက ပြောပါတယ်။

မစ္စတာ စနိုဒင်ကို ခိုလှုံခွင့် ပေးမယ့်သူ ရှိလို့ သူကလည်း သွားချင်တယ် ဆိုရင် မတားပါဘူး ၊ သူရုရှားမှာ နေချင်တယ် ဆိုရင်တော့ တခုတော့ လိုက်နာရမယ် ၊ မိတ်ဖက် အမေရိကန်တွေကို ထိခိုက်စေမယ့် လုပ်ဆောင်ချက်တွေကို ရပ်ပစ်ရမယ်လို့ ရုရှား သမ္မတ ပူတင်က ပြောပါတယ်။

မစ္စတာ စနိုဒင်ဟာ အီကွေဒေါ နိုင်ငံကို မသွားဖြစ်ခဲ့ဘဲ အခုတော့ ရုရှား နိုင်ငံတကာ လေဆိပ်ထဲမှာ ရှိနေတယ်လို့ ယူဆနေကြပါတယ်။

အီကွေဒေါ အစိုးရကို မစ္စတာ စနိုဒင်က ပေးတဲ့ စာထဲမှာ သူ့ကို ခိုလှုံခွင့် ပေးဖို့ စဉ်းစားခဲ့တဲ့ ရဲရင့်တဲ့ စိတ်ဓါတ် အပေါ် ချီးကျူး စကား ပြောကြားခဲ့ပြီး အမေရိကန်ရဲ့ တရားနည်းလမ်း မကျတဲ့ လူဖမ်းပွဲကို သူက ရှုတ်ချ လိုက်ပါတယ်။
ဘီဘီစီ (မြန်မာပိုင်း)

မောင်တောမြို့ကိုရောက်နေတဲ့ ဘင်္ဂလားဒေ့ရ်ှနိုင်ငံက ရခိုင် ဒုက္ခသည်တွေကို ရက္ခအလင်းတန်းအဖွဲ့သွားရောက်ကူညီ

ရခိုင်ပြည်နယ် မောင်တောမြို့ကိုရောက်နေတဲ့ ဘင်္ဂလားဒေ့ရ်ှနိုင်ငံက ဒုက္ခသည်တွေကို ရက္ခအလင်းတန်းအဖွဲ့သွားရောက်ကူညီပေးတဲ့ သတင်းကို ခွန်ဘသာက တင်ဆက်ထားပါတယ်။
ရုိုက်ကူး ကုိုကိုကြည်

DVB TV News

ဗုဒ္ဓဘာသာဝင်အမျိုးသမီးက ဘုန်းကြီးတစ်ပါး၏ခေါင်းအား ပန်းအိုးဖြင့်ရိုက်

မုံရွာမြို့နယ်၊ ဇလုပ်ကျေးရွာ၊ သီရီမင်္ဂလာသုဓမ္မာကျောင်းတိုက်တွင် နှစ်လည်ဆွမ်းကျွေးတရားနာပွဲ ကျင်းပပြုလုပ်နေသည့်အချိန်တွင် အမျိုးသမီးလူအုပ်စုတစ်စု ရောက်ရှိလာပြီး တရားဟောဆရာတော်များနှင့် ပဋိပက္ခဖြစ်ပွားရာမှတစ်ဆင့် အမျိုးသမီးတစ်ဦးက ဘုန်းကြီးတစ်ပါး၏ခေါင်းအား ပန်းအိုးဖြင့်ရိုက်ခဲ့သော အမှုဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ (၂၈.၆.၂၀၁၂)နေ့တွင် အဆိုပါကျောင်းတိုက်တွင် ပျံလွန်တော်မူသွားသော ကျောင်းထိုင်ဆရာတော် ဥူးဥာဏောဘသ၏ တစ်နှစ်ပြည့် ဆွမ်းကျွေးတရားတော်နာပွဲအား နံနက်(၆း၃၀)အချိန်မှစ၍ မုံရွာမြို့နယ် သံဃနာယကဆရာတော် ဦးဝိဇ္ဇောဘာသအပါအ၀င် ပင့်သံဃာ(၇)ပါးတို့အား ပင့်ဖိတ်ပြုလုပ်ခဲ့သည်ဟု သိရသည်။ ထိုအချိန်တွင် ဇလုပ်ကျေးရွာတွင် နေထိုင်သူများဖြစ်ကြသည့် အရေအတွက် (၂၈)ဦးပါဝင်သည့် ရွာသူအုပ်စုတစ်စုသည် သံတူရွင်း၊တုတ်၊ခဲ အစရှိသည်တို့အား ကိုင်ဆောင်ပြီး ဝင်ရောက်လာကာ သံဃာတော်များအား ဆဲရေးတိုင်းထွာခြင်းများ ပြုလုပ်ခဲ့ကြသည်ဟု ဆိုသည်။ ထိုအချိန်တွင် သံဃာတော်တစ်ပါးမှ အဆိုပါဖြစ်စဉ်အား လက်ကိုင်ဖုန်းဖြင့် ရိုက်ကူးနေစဉ်တွင် ဇလုပ်ရွာသူ မဇင်မာအေးမှ ထိုလက်ကိုင်ဖုန်းအား လုယူခဲ့ကြောင်း၊ ထိုသို့ပြုလုပ်သည်ကို ဆရာတော်ဦးဏ္ဍန္ဒကနှင့် ဦးဇင်းဦးဝါသေဌတို့မှ ဝင်ရောက်တားမြစ်ရာမှတစ်ဆင့် မရွှေမုန်းက အနီးရှိ ဘုရားပန်းအိုးအား ကောက်ယူကာ ဦးဝါသေဌအား ရိုက်လိုက်သဖြင့် ဦးဝါသေဌ နဖူးကွဲသွားခဲ့ကြောင်း သိရသည်။ ထို့နောက် မမြင့်မြင့်သန်းဆိုသူက သူမစီးလာသောဖိနပ်ဖြင့် ဆရာတော် ဦးဏ္ဍန္ဒက အားရိုက်ရာ ဆရာတော်၏ ဂုတ်ပိုးကို ထိမိခဲ့သည်။

ထိုကဲ့သို့ ပြုမူမှုများကြောင့် တရားနာပွဲအား ရပ်ဆိုင်းလိုက်ရပြီး ဆရာတော်များ ပြန်လည်ကြွချီရာတွင် ထိုအမျိုးသမီးအုပ်စုမှပင် အမျိုးမျိုးညစ်ညမ်းစွာ ဆဲရေးတိုင်းထွာခဲ့သည်ဟုဆိုသည်။ သံဃာတော်များဘက်မှ ငြိမ်းချမ်းစွာဖြင့် မည်သည့်တုံ့ပြန်မှုကိုမျှ မပြုလုပ်ခဲ့ကြောင်းလည်း သိရသည်။ ယင်းနောက် အာဏာပိုင်များနှင့် ရဲများရောက်ရှိလာပြီးနောက် လူစွဲကွဲသွားခဲ့ပြီး ကျောင်းတိုက်ကိုလည်း ချိတ်ပိတ်ခဲ့ကြောင်း သိရသည်။ အဆိုပါကိစ္စနှင့်ပတ်သတ်ပြီး သံဃာတော်များဘက်မှ ဦးဇာဂရမှ မုံရွာအမှတ်(၁) ရဲစခန်းတွင် တိုင်ကြားခဲ့သည်ဟု ထပ်မံသိရှိရသည်။

အဆိုပါရွာသည် အုပ်စုနှစ်ခြမ်းကွဲနေပြီး ယခုပြဿနာမှာ သူ့ဆရာတော်၊ ငါ့ဆရာတော် ကျောင်းထိုင်နေရာ လုရာမှတစ်ဆင့် ဖြစ်ပွားခဲ့ခြင်း ဖြစ်သည်ဟု ရွာခံများကို မေးမြန်းမှုများအရ သိရသည်။ ယခုအမျိုးသမီးများ၏နောက်ကွယ်တွင် အားပေးလှုံ့ဆော်သူ ရွာခံမျက်နှာဖုံး အချို့လည်းရှိနေပြီး လက်ရှိကျောင်းထိုင်အဖြစ် သီတင်းသုံးနေသောဆရာတော်သည် အဆိုပါရွာခံလူပုဂ္ဂိုလ်များ ကိုးကွယ်လိုသည့် ဆရာတော်မဟုတ်သည့်အတွက် ယခုကဲ့သို့ ပြုမူခဲ့ခြင်းဖြစ်နိုင်ကြောင်း ရွာခံများ၏ ပြောကြားချက်များအရ သိရှိရသည်။ Connection နှေးသောကြောင့် ဗီဒီယိုဖိုင်အား တင်မရဖြစ်နေပါသည်။ မကြာခင်တင်ပေးသွားမည် ဖြစ်ပါသည်။
ThanLarWaddy Times

Google ကယ်မှ ဒေါက်တာဆိတ်ဖွား ပေါ်မည်

ဇူလိုင်လ ၀၂ ရက် ၂၀၁၃
လွှတ်တော်ကို ဝေဖန်သည်ဟုဆိုသော ဒေါက်တာဆိတ်ဖွားဆိုသူ ကလောင်ပိုင်ရှင်ကို အမေရိကန်နိုင်ငံအခြေစိုက် Google ကုမ္ပဏီကသာ ဖော်ထုတ်နိုင်မည်ဟု ဒေါက်တာဆိတ်ဖွား စုံစမ်းစစ်ဆေးရေးကော်မရှင်၏ ဥက္ကဋ္ဌဖြစ်သူ ဦးမြညိမ်းက ဇူလိုင် ၁ရက်က ပြည်ထောင်စုလွှတ်တော်တွင် ပြောကြား လိုက်သည်။

၎င်းက နည်းပညာအရ အင်တာနက် လိပ်စာရှာဖွေရန် အခက်အခဲရှိသောကြောင့် Google ကုမ္ပဏီကသာ ဖော်ထုတ်ပေးရန် ဖြစ်နိုင်သည် ဟု ပြောဆိုသွားခဲ့ခြင်းဖြစ်သည်။

ဆက်သွယ်ရေး အချက်အလက် နည်းပညာဝန်ကြီးဌာနနှင့် Myanmar Computer Emergency Response Team (mm CERT) တို့၏ တင်ပြချက်များကို ဦးမြညိမ်းက လွှတ် တော်၌ပြန်လည်ပြောဆိုခဲ့ခြင်းဖြစ်သည်။

ဖေဖော်ဝါရီလ ၈ ရက်က စတင်ဖွဲ့စည်းခဲ့သော လွှတ်တော်အမတ် ၁၇ ဦးပါသည့် အဆိုပါကော်မရှင်မှာ လေးလနီးပါး စစ်ဆေး ခဲ့ပြီးမှ ထိုရလဒ်ကို လွှတ်တော်၌တင်ပြနိုင် ခဲ့ခြင်းဖြစ်သည်။

ကော်မရှင်သည် ဒေါက်တာဆိတ်ဖွား မည်သူမည်ဝါဖြစ်သည်ကို စုံစမ်းရာ၌ ဆက်သွယ်ရေးသတင်းအချက်အလက် နည်းပညာ ဝန်ကြီးဌာနနှင့် Myanmar Computer Emergency Response Team (mm CERT) အပါအဝင် ပြန်ကြားရေးဝန်ကြီးဌာန၊ ကွန် ပျူတာကျွမ်းကျင်သည့် တပ်မတော်သား လွှတ်တော် ကိုယ်စားလှယ်များနှင့် ပူးပေါင်း စစ်ဆေးခဲ့ပြီး စာနယ်ဇင်းအသိုင်းအဝိုင်းကို လည်း ခေါ်ယူစစ်ဆေးမှုများရှိခဲ့သည်။

ပြည်ထောင်စုလွှတ်တော်နာယက ဦးခင်အောင်မြင့်ကလည်း ယခုကဲ့သို့ ဒေါက်တာ ဆိတ်ဖွားဆိုသော ကလောင်ပိုင်ရှင်ကို မည် သူမည်ဝါဖြစ်ကြောင်း လွှတ်တော်အမတ်များ၏ ကော်မရှင်က အတိအကျမစုံစမ်းနိုင်ခဲ့သော်လည်း ယခုကဲ့သို့ နောက်နောင်တွင် လုံးဝမပြုရန် လွှတ်တော်မှတစ်ဆင့် သတိပေးခဲ့သည်။

ကော်မရှင်၏ လေ့လာတွေ့ရှိချက်အရ ဆောင်းပါးတွင်ပါရှိသည့် ''ဥပဒေအထက် တွင် လွတ်တော်ရှိသလား'' တွင် ပါဝင်သော အသုံးအနှုန်းများမှာ လွှတ်တော်၏ လုပ်ဆောင်ချက်များနှင့် လွှတ်တော်အမတ်များ၏ ဂုဏ်သိက္ခာကို စော်ကားခြင်းနှင့် ပြည်သူ လူထုက အထင်အမြင်လွဲမှားပြီး အကြည်ညို ပျက်စေခြင်းတို့ တွေ့ရှိရပါသည်ဟု ဦးမြညိမ်းက လွှတ်တော်တွင်ရှင်းပြခဲ့သည်။

ကော်မရှင်၏ စုံစမ်းစစ်ဆးစဉ်ကာလက ခေါ်ယူမေးမြန်းထားသူများ၏ ပြောဆိုချက် များကို ဦးမြညိမ်းက လွှတ်တော်တွင် အသေး စိတ်ဖတ်ကြားခဲ့သည်။

ယင်းကဲ့သို့ဖတ်ကြားခဲ့ခြင်းအပေါ် မြန်မာနိုင်ငံစာနယ်ဇင်း ကောင်စီ(ယာယီ)၏ အ တွင်းရေးမှူး ဦးကျော်မင်းဆွေက အများပြည် သူသို့ ထုတ်ပြန်ရန်မဟုတ်သည့် ပြောစကား များကို အသေးစိတ်ပြန်ပြောနေသဖြင့်''နောင် မှာ လွှတ်တော်ကော်မရှင်တစ်ခုခုက ခေါ် မေးရင် အမှန်အတိုင်း၊ စိတ်ထဲရှိတဲ့အတိုင်းပွင့်ပွင့်လင်းလင်း ပြောကြပါဦးမလား''ဟု လူမှုကွန်ရက် အင်တာနက်စာမျက်နှာတွင် ထောက်ပြပြောဆိုထားသည်။

Above of Law ဟုအမည်ရသည့် ဥပဒေ အထက်တွင် လွှတ်တော်ရှိသလားဆိုသည့် ဆောင်းပါး ကို Voice of Myanmar ဟုအမည်ရသည့် အင်တာနက် ဘလော့ဂ်ဂါ တွင် ဒေါက်တာဆိတ်ဖွားကလောင်ဖြင့် ရေး သားသူကို ဖော်ထုတ်ပေးရန် ဇန်နဝါရီလ ၁၇ ရက်တွင် ဒေါက်တာစိုးရင်က အရေးကြီး အဆိုတင်သွင်းခဲ့ပြီးနောက် ကော်မရှင်ဖွဲ့၍ စစ်ဆေးခဲ့ခြင်းဖြစ်သည်။
မင်းမင်း
Mizzima - News in Burmese

တိုင်းမဂ္ဂဇင်းတွင် ဖော်ပြသည့် ဇူလိုင်လ ၁ရက်ထုတ် မျက်နှာဖုံးစာမျက်နှာတစ်ခုသာ ဖြန့်ဝေခွင့် ပိတ်ခြင်းဖြစ်

ရန်ကုန်၊ ဇူလိုင် ၁။
တိုင်းမဂ္ဂဇင်းတွင် ဖော်ပြခဲ့သည့် ဇူလိုင်လ ၁ ရက်ထုတ် “The Face of Buddhist TERROR” ဆောင်းပါးမျက်နှာဖုံးတစ်ခုသာ ဖြန့်ဝေခွင့် ပိတ်ခဲ့ခြင်း ဖြစ်ပြီး နောက်ပိုင်း ထုတ်ဝေမည့်  စာစောင်များအား
ပိတ်ပင်သွားမည် မဟုတ်ကြောင်း နေပြည်တော်၌ ပြုလုပ်သော သတင်းမီဒီယာသမားများနှင့် တွေ့ဆုံပွဲတွင် ပြန်ကြားရေးဝန်ကြီးဌာန ဒုတိယဝန်ကြီး ဦးရဲထွဋ်က ပြောကြားသည်။

“ဒီမျက်နှာဖုံးကြောင့် ပြည်တွင်းမီဒီယာတွေမှာ ဘာသာပြန်တွေပါလာပြီး ဒါကို အစိုးရက မလုပ်ဘူးလား။ မလုပ်ရင် ကိုယ့်ဘာသာကိုယ် မီးရှို့ပစ်မယ်တို့ ဘာတို့ ဖြစ်လာတယ်။ ကျုပ်တို့ဘာသာ ဟိုသံရုံးရှေ့ဆန္ဒသွားပြမယ်။ ဒီသံရုံးရှေ့ ဆန္ဒသွားပြမယ်လို့ ဖြစ်လာတယ်။ အဲဒါကနေ တဖြည်းဖြည်း ဘာသာရေးကို နွယ်လာလို့။ မဟုတ်ဘူး အစိုးရဘက်ကနေ ဒါကို ပိတ်လိုက်ပြီ အရေးယူမှု တစ်စုံတစ်ရာလုပ်လိုက်ပြီ ဒီကိစ္စနဲ့ ပတ်သက်ပြီး ဒီမှာပဲ ရပ်တော့ဆိုတဲ့ မက်ဆိပ်ကို ပေးချင်လို့ ဒါကို လုပ်လိုက်တာ။ ကျန်တဲ့ Issue တွေနဲ့ မဆိုင်ပါဘူး” ယင်းက ဆက်လက် ပြောကြားသည်။

ယင်းဆောင်းပါးနှင့် ပတ်သက်၍ ပြည်တွင်းမီဒီယာများတွင် ဖော်ပြသော ဆောင်းပါးအများစုသည်
အပြုသဘောဆောင်ပြီး ငြိမ်းအေးရာ ငြိမ်းအေးကြောင်းထက် ပွဲဆူစေသည့် အရေးအသားများ
ပိုများကြောင်း၊ ထိုအခါ ပြည်သူလူထု၏ ငြင်းခုန်မှု အရှိန် ပိုမိုမြင့်မားလာပြီး ဝေဖန်မှုများမှာ
ဘာသာရေးဘက်ကို ရှေးရှုလာသည့်အတွက် အစိုးရကလည်း ယင်းကိစ္စကို အလေးထားသည်ကို သိစေချင်၍ ယင်းကဲ့သို့ ဖြန်ဝေခွင့် ပိတ်ခဲ့ခြင်းဖြစ်ကြောင်း သိရသည်။

“ဒီကိစ္စကို ပြန်ကြည့်လိုက်ရင် အစိုးရက လွယ်လွယ်နဲ့ တိုင်းမဂ္ဂဇင်းကို ပိတ်တယ်ပေါ့။ ကျွန်တော်တို့ အများကြီး စဉ်းစားပြီးမှ ဦးအောင်ကြည်နဲ့ ကျွန်တော်တို့ အဖွဲ့တွေ ခေါင်းချင်းရိုက်ပြီး ဒါကိုပိတ်လိုက်ရင် ဘာဖြစ်နိုင်မလဲ ဒါကိုပိတ်ရင် မီဒီယာဘက်က မီဒီယာလွတ်လပ်ခွင့်ကို နှောင့်ယှက်ရာ ကျမလား အဲလို အခါခါ စဉ်းစားဆုံးဖြတ်ပြီးမှ ဒီလိုဆုံးဖြတ်ခဲ့တာ ဖြစ်တယ်” သမ္မတရုံးမှ ပြည်ထောင်စုဝန်ကြီး ဦးစိုးသိမ်းက ပြောကြားသည်။

ထို့ပြင် ပြည်တွင်းမီဒီယာများ အနေဖြင့် သတင်း၊ ဆောင်းပါးများ ရေးသားသည့်အခါ ပဋိပက္ခမဖြစ်အောင် ရေးသားသင့်ကြောင်း၊ ၎င်းတို့ အစိုးရအနေ၏ ပထမ ရည်ရွယ်ချက်မှာ ယင်းမဂ္ဂဇင်း
ဖြန့်ဝေသည့် အင်းဝစာအုပ်တိုက်ကိုသာ ဖြန့်ဝေခွင့် ရပ်ရန်ဖြစ်သော်လည်း ပြည်တွင်းမီဒီယာများမှ  မျိုးစုံ ဝိုင်းဝန်းရေးသားခဲ့သည့် အတွက် ယင်းမဂ္ဂဇင်း၏ ဇူလိုင်လထုတ် ဆောင်းပါးကို မဖော်ပြရန်
ပိတ်ပင်ခဲ့ခြင်းဖြစ်ကြောင်း၊ ထပ်မံ ထွက်ရှိမည့် မဂ္ဂဇင်းအား ဖြန့်ဝေခြင်း ပိတ်ထားမည် မဟုတ်ကြောင်း သိရသည်။
ရည်မွန်
မြန်မာ့ခေတ်

ညမထွက်ရအမိန့်ထုတ်ပြီး သံတွဲ အခြေအနေ ပြန်တည်ငြိမ်

ရခိုင်ပြည်နယ် စစ်တွေမြို့မှာ မီးလောင်နေတဲ့ အိမ်တွေဘက် လုံခြုံရေး ရဲတပ်ဖွဲ့ဝင်တွေ အပြေးအလွှားသွားနေစဉ် (၁၂ ဇွန် ၂၀၁၂)

01.07.2013
အမျိုးသမီးငယ်တစ်ဦးကို မတော်မတရား ပြုတယ်ဆိုတဲ့သတင်းကြောင့် ရခိုင်ပြည်နယ် သံတွဲမြို့မှာ ပြီးခဲ့တဲ့ညက မီးရှို့အကြမ်းဖက် တိုက်ခိုက်တာတွေ ဖြစ်ခဲ့ပေမဲ့ ဒီမနက်မှာတော့ အခြေအနေတွေက ငြိမ်သက်သွားပြီလို့ ပြည်နယ်အစိုးရရဲ့ ပြန်ကြားရေး တာဝန်ခံတစ်ဦးက ပြောပါတယ်။ လောလောဆယ်မှာတော့ ပြစ်မှုကျူးလွန်တယ်လို့ သံသယရှိသူတွေကို ဖမ်းဆီးလိုက်ပြီး ဒီအကြမ်းဖက် မီးရှို့မှုကြောင့် တဲအိမ်တစ်လုံးနဲ့ နေအိမ်အချို့ မီးလောင်ခဲ့ပေမဲ့ ထိခိုက်သေဆုံးတာတော့ မရှိဘူးလို့ ပြောပါတယ်။  ရခိုင်ပြည်နယ် သံတွဲမြို့က နောက်ဆုံးအခြေအနေကို ဗွီအိုအေသတင်းထောက် ကိုမိုးဇော်က တင်ပြထားပါတယ်။

သံတွဲမြို့မှာ ဇွန်လ ၃၀ ရက်နေ့ညက ဖြစ်ပွားခဲ့တဲ့ အကြမ်းဖက်တာတွေဟာ   အာဏာပိုင်တွေက ညမထွက်ရအမိန့် ထုတ်ပြန်ပြီး ထိန်းသိမ်းလိုက်တဲ့နောက် ရုန်းရင်းဆန်ခတ်ဖြစ်နေတာတွေဟာ   ပြန်လည် ငြိမ်သက်ခဲ့တာဖြစ်ပါတယ်။ သံတွဲမြို့ရဲ့ အခြေအနေကိုတော့ ပြည်နယ်အစိုးရရဲ့ ပြန်ကြားရေးအဖွဲ့ အတွင်းရေးမှူး ဦးဝင်းမြိုင် က ပြောပါတယ်။

“ဒီနေ့မနက်ကတော့ ရာဇ၀တ်မှု ကျူးလွန်တယ်ဆိုတဲ့သူ နှစ်ယောက်ကိုတော့ ဖမ်းမိထားပါပြီ။ အခြေအနေကတော့ အေးအေးဆေးဆေးပါပဲ။ ၁၂ နာရီနောက်ပိုင်း ညမထွက်အမိန့်ကို လိုက်အော်ပြီးတဲ့နောက်ပိုင်းမှာ ဘာမှ ပြဿနာ ကြီးကြီးမားမား မရှိတော့ပါဘူး။ ဒီမနက်အထိ အေးအေးဆေးဆေးပါပဲ။”

သံတွဲမြို့မှာ အခုလို အကြမ်းဖက်တာတွေ စတင်ဖြစ်ရတဲ့အကြောင်းရင်းကိုတော့ -

“သြော် သံတွဲဖြစ်စဉ်က ဒီလိုပါ။ ၂၉ ရက်နေ့ကပေါ့ အမျိုးသမီးတစ်ယောက်က သူ့အဒေါ်ဆီကနေပြီးတော့ သံတွဲကို ပြန်လာတယ်။ သံတွဲကနေမှ တာလေးမှာ နေပြီး တောင်ကုတ်သွားဖို့ သူ စီစဉ်တယ်ပေါ့။ အဲ့လို စီစဉ်တုန်းမှာ ဆိုင်ကယ် ကယ်လီသမားတစ်ယောက်က လိုက်ပို့ပေးမယ်ဆိုပြီး ခေါ်သွားတာ။ အဲ့လို ခေါ်သွားတဲ့ဟာကို တခါ ည မိုးချုပ်လို့ဆိုပြီး မသွားဖြစ်လို့ အဲ့ဒီ ဆိုင်ကယ် ကယ်လီရဲ့အဒေါ်ဆီမှာ အိပ်ကြတယ်။ အဲ့ဒီညမှာ ဘုရားသွားမယ်ဆိုပြီးတော့လည်း အရင်ဖြစ်ကြတယ်ပေါ့။ ည ၉ နာရီလောက်မှာ။ မသွားဖြစ်ဘူး။ အဲ့ဒီညမှာ ပြဿနာ နည်းနည်းဖြစ်ကြတယ်။ တခါ အဲ့ဒီကနေ ပြန်လာတယ်။ မနက်ကျတော့ ၈ နာရီလောက်မှာတခါ တောင်ကုတ်ကို သွားမယ်ဆိုပြီးတော့ ဆိုင်ကယ်နဲ့ ပြန်ထွက်တယ်။ ထွက်ပြီးမှတခါ အဲ့လို ပြဿနာဖြစ်တယ်။ ပြဿနာဖြစ်တဲ့အခါကျတော့ ရုန်းရင်းဆန်ခတ်ဖြစ်တယ်။ ဖြစ်တော့ ကောင်မလေးကို ထားပစ်ခဲ့တယ်။ အဲ့ဒီမှာ ဘေးနားက တစ်ယောက်က မြင်တော့ ဘာဖြစ်လဲ ဘာညာမေးပြီးတော့ ရဲစခန်းကို ပို့ပေးတယ်။ ဖြစ်စဉ်ကတော့ အဲ့ဒါပါပဲ။”

နောက်ပိုင်း ဆက်လက်ပြီး ပဋိပက္ခတွေ ဖြစ်ပွားလာတဲ့အကြောင်းကိုတော့ သူက အခုလို ဆက်ပြောပါတယ်။

“သူ ရဲစခန်းကို ပို့တဲ့အချိန်မှာ ၄ နာရီခွဲ ၅ နာရီလောက်ပေါ့။ ၅ နာရီလောက်ကျတော့ ဒီလူ ၄၀၊ ၅၀ လောက်က သတင်းမေးတာလည်း ရှိမှာပေါ့ဗျာ။ လာကြည့်တာတွေလည်း ရှိမယ်။ စုံစမ်းတာလည်းရှိမှာပေါ့။ လူများလာတဲ့အတွက် လုံခြုံရေးအဖွဲ့ကနေ အရေးယူ ဆောင်ရွက်မယ်ဆိုပြီးတော့ ရှင်းလိုက်တဲ့အတွက် ပြန်သွားကြတယ်။ အဲ့ဒီ ပြန်သွားပြီးတော့ လမ်းမှာတွေ့တဲ့ ကုန်တင်ကား နှစ်စင်းကိုပေါ့ ရပ်ကွက်နားမှာရှိတဲ့ ကုန်တင်ကားနှစ်စင်းကို မှန်တွေ ဘာတွေ ရိုက်ခွဲကြတယ်။ အဲ့ဒါကိုလည်း လုံခြုံရေးအဖွဲ့က တားဆီးလိုက်တော့ ပြီးသွားပြီးတော့ တခါ ၉ နာရီလောက်ကျမှ တဲအိမ်တစ်လုံးကို မီးရှို့တယ်လို့ သတင်းရတယ်။ သတင်းရတော့ အဲ့ဒီမှာ လုံခြုံရေးအဖွဲ့ကပဲ သွားပြီး ၀ိုင်းဝန်းမီးငြိမ်းသတ်တယ်။ ၄ - ၅ အိမ် တစ်လုံးမှာ သူက  လောင်တဲ့အထဲ ပါသွားတယ်။ လောင်တာတော့ အဲ့ဒီအိမ် ၂ လုံးထဲပါပဲ။ နောက် အဲ့ဒီမှာ ဆိုင်ကယ်လ် ၁ စီး၊ ၂ စီး ပျက်စီးတာ၊ စက်ဘီး ၁ စီး ပျက်စီးတာ အဲ့လောက်ပါပဲ။ လူ ထိခိုက်တာ ဘာညာ ဘာမှ မရှိပါဘူး။”

ပြန်ကြားရေးအဖွဲ့အတွင်းရေးမှူးဦးဝင်းမြိုင်ကတော့ ဒီကနေ့မနက်မှာ ဈေးနဲ့ ကျောင်းတွေလည်း ပုံမှန်ဖွင့်ထားတယ်။ ရခိုင်ပြည်နယ်က တခြားမြို့ရွာတွေမှာလည်း အေးချမ်းစွာပဲ ရှိနေတယ်လို့ ပြောပါတယ်။

သံတွဲဒေသခံ အစ္စလာမ်ဘာသာဝင်တစ်ဦးကတော့ ဒွါရာဝတီမြို့သစ်ဘက်မှာ အကြမ်းဖက်တာတွေ အများဆုံးဖြစ်ခဲ့ပြီး၊ အိမ် ၆လုံးမီးရှို့ခံရသလို အိမ် ၃၀ ကျော် ဖျက်ဆီးခံရတယ်လို့ ပြောပါတယ်။

“မီးရှို့ခံရတဲ့အိမ်က ၆ လုံးပေါ့ မီးရှို့ခံရတာ ၆ လုံး မူဆလင် အိမ်တိုင်းလိုလိုက အဖျက်ခံရတယ်ပေါ့နော် အနည်းအများတော့ ရှိတာပေါ့။ အပျက်အစီးက အိမ်ခြေက သူကပြောတာက ၃၈ အိမ်လောက် ရှိတယ်လို့ ပြောပါတယ်။”

သံတွဲမီးသတ်တပ်ဖွဲ့ကို ဆက်သွယ်မေးမြန်းရာမှာတော့ အိမ် ၅ လုံး မီးလောင်ကြောင်းပြောပေမဲ့ အဖျက်စီးခံရတယ်ဆိုတာကိုတော့ မသိကြောင်း တာဝန်ကျဝန်ထမ်းတစ်ဦးက ပြောပါတယ်။ သံတွဲမြို့က ဒေသခံ အမျိုးသမီးတစ်ဦးကတော့ ဒီကနေ့ သံတွဲမြို့မှာ ဈေးတွေ၊ ကျောင်းတွေ တရားဝင် ပိတ်တာမရှိပေမဲ့ လာတဲ့သူမရှိကြောင်း ပြောပါတယ်။

“ဈေးဆိုင်တွေကတော့လေ သူတို့ မူဆလင်တွေကတော့ မဖွင့်ဘူး။ မဖွင့်ဘူးဆိုတာက မူဆလင် အကုန်လုံးတော့လည်း မဟုတ်ဘူး။ တချို့တလေပဲ ဖွင့်တယ်။ ဗုဒ္ဓဘာသာဆိုင် ဆိုရင်လည်း နည်းနည်းပါးပါးလေးပဲ။ အများစုကတော့ မဖွင့်ဘူးပေါ့။ ၄ - ၅ - ၁၀ ဆိုင်လောက်ပဲ ရှိမယ်။ ဖွင့်တဲ့ဆိုင်တွေကလည်း ဘယ်နှစ်နာရီလောက်ပဲ ရှိမလဲဆိုရင် ၁၁ နာရီလောက်ပဲ။ ဈေးဝယ်တဲ့သူလည်း မရှိ၊ ဘာလဲမရှိဆိုတော့ အကုန် သိမ်းပြီးတော့ ပြန်လာကြတာ။ ၁၂ နာရီလောက်ဆို။ မီးတွေ ဘာတွေကလည်း သိပ် စိတ်မချရဘူး။ စိတ်မချရတော့ တောတွေဘာတွေဆိုရင် ပြန်ပြီးတော့ ကိုယ့်သားသမီးလေးကိုယ် ခေါ်ကြတယ်။ တရားဝင် မပိတ်ပေမဲ့လို့ ကျောင်းသားတွေက မရှိဘူးပေါ့။”

ပြီးခဲ့တဲ့ညက ဖြစ်ပျက်ခဲ့တဲ့ ပဋိပက္ခဟာ လတ်တလော အခြေအနေမှာ ငြိမ်သက်နေပေမဲ့ မြို့ခံလူထုတွေဟာ စိုးရိမ်ထိတ်လန့်နေဆဲ ဖြစ်တယ်လို့
ပြောပါတယ်။ ဒီနေ့ထုတ် မြန်မာ့အလင်းသတင်းစာမှာတော့ ကောလဟာလ သတင်းတွေ ထွက်ပေါ်ခဲ့တာကြောင့် သံတွဲမြို့မှာ လူစုလူဝေးနဲ့ ရုန်းရင်းဆန်ခတ်ဖြစ်ပြီး၊ တာဝန်ရှိသူ မြို့မိမြို့ဖတွေက ၀ိုင်းဝန်းထိန်းသိမ်းခဲ့တာကြောင့် လူစုကွဲသွားကြောင်း မလိုလားအပ်တဲ့ ပြဿနာတွေ ထပ်မဖြစ်အောင် ညဘက် အပြင်မထွက်ဖို့ တာဝန်ရှိသူတွေက မေတ္တာရပ်ခံထားကြောင်း ဖော်ပြ ထားပါတယ်။

ဗုဒ္ဓဘာသာဝင်တွေနဲ့ မူဆလင်တွေအကြား လွန်ခဲ့တဲ့ မေလက စတင်ခဲ့တဲ့ ပဋိပက္ခတွေကြောင့် နိုင်ငံတ၀ှမ်းမှာ လူပေါင်း ၂၄၀ ကျော်လောက် သေဆုံးခဲ့ရပြီး ၁ သိန်းခွဲလောက်ဟာ အိုးမဲ့အိမ်မဲ့ ဖြစ်နေရပါတယ်။
ကိုမိုးဇော်
ဗွီအိုအေ (မြန်မာပိုင်း)

ထိုင်းဘုရင့် သမီးတော် သီရိဒုံ မြန်မာပြည်ကို သွားမယ်

ထိုင်း တော်ဝင် မင်းသမီး သီရိဒုံ

2 ဇူလိုင်လ 2013
ထိုင်းဘုရင့် သမီးတော် မဟာ ချက်ကရီ သီရိဒုံဟာ ဒီကနေ့ အင်္ဂ࿿ါနေ့မှာ မြန်မာ နိုင်ငံကို တစ်ရက်ကြာခရီး သွားရောက်မှာ ဖြစ်ပါတယ်။

ထိုင်းနိုင်ငံ Chulachomklao Royal Academy တော်ဝင် စစ် တက္ကသိုလ်ရဲ့ သမိုင်း ဌာန ပါမောက္ခ တစ်ယောက် ဖြစ်တဲ့ မင်းသမီး သီရိဒုံက အဲဒီ တက္ကသိုလ်က ဗိုလ်လောင်း တွေကို လေ့လာရေး ခရီး ခေါ်သွားမှာ ဖြစ်ပါတယ်။

ရန်ကုန်ကို ရောက်ခိုက်မှာ မင်းသမီးသီရိဒုံဟာ ရွှေတိဂုံ ဘုရားကို သွားရောက် ဖူးမျှော်မှာ ဖြစ်ပြီး သမိုင်းဝင် နေရာ တချို့ကိုလည်း သွားရောက် လေ့လာမယ်လို့ သိရ ပါတယ်။

အခု တကြိမ်ဟာ လက်ရှိ မြန်မာ အစိုးရ သစ် တက်လာပြီးတဲ့နောက် မင်းသမီး သီရိဒုံရဲ့ ပထမဆုံး မြန်မာ နိုင်ငံ ခရီးစဉ်လည်း ဖြစ်ပါတယ်။
ဘီဘီစီ (မြန်မာပိုင်း)

ဒေါက်တာဆိတ်ဖွား ဘယ်သူလဲ သိလျက် မဖော်ထုတ်

1 ဇူလိုင်လ 2013
နေပြည်တော်က ပြည်သူ့လွှတ်တော် အဆောက်အဦပြီးခဲ့တဲ့ ဇန္နဝါရီလ အတွင်းက အင်တာနက် စာမျက်နှာမှာ ဥပဒေ အထက်တွင် လွှတ်တော်ရှိ နေသလားဆိုတဲ့ ဆောင်းပါးနဲ့ ဝေဖန်ခဲ့သူ ဆောင်းပါးရှင် ဒေါက်တာဆိတ်ဖွား ဟာ ဘယ်သူလည်း ဆိုတဲ့ ပဟေဌိ ကို စုံစမ်း ဖေါ်ထုတ် ဖို့ ဖွဲ့စည်းပေးထားတဲ့ လွှတ်တော် ကော်မရှင် က ပထမ အကြိမ် လွှတ်တော် သတ္တမ ပုံမှန် အစည်းအဝေးမှာ ကြေညာမယ် လို့ ဇွန်လ က ပြောခဲ့ပါတယ်။

ဒါပေမယ့် မနေ့က ကျင်းပတဲ့ ပြည်ထောင်စု လွှတ်တော် မှာ ဒီကိစ္စ အဆုံးသတ်လိုက်ပါပြီ။ ဒေါက်တာ ဆိတ်ဖွား လို့ စွပ်စွဲခံရသူတွေ အထဲမှာ ပါဝင်တဲ့ ပြန်ကြားရေး ဝန်ကြီးဌာန ဒုတိယ ဝန်ကြီး ဦးရဲထွဋ် က သူဟာ နာမည် အရင်းနဲ့သာ ဖေ့စ်ဘုတ် မှာ ရေးသားတာ ကို လူတိုင်းသိပြီး ဖြစ်ကြောင်း၊ ကိုယ်ယုံကြည်တာကို ရေးတဲ့ကိစ္စမှာ နာမည်ဝှက် သုံးစရာ မလိုပုံ၊ မတ်လ ၂၂ ရက်နေ့ နောက်ပိုင်းမှာ တကြိမ်သာ ခေါ်ယူ မေးမြန်းပြီး နောက်ထပ် ခေါ်ယူခြင်း မရှိတဲ့ အကြောင်း ဘီဘီစီ ကို ပြောပါတယ်။

ဒေါက်တာဆိတ်ဖွား ကို ပြည်ထောင်စု လွှတ်တော်က ကော်မရှင်ဖွဲ့ပြီး အရေးယူဖို့ ပြည်ထောင်စု ကြံ့ခိုင်ရေး နဲ့ ဖွံ့ဖြိုးရေး ပါတီ က ပြည်သူ့လွှတ်တော် ကိုယ်စားလှယ် ဒေါက်တာစိုးရင်က ဖေဖေါ်ဝါရီလက ကျင်းပတဲ့ လွှတ်တော် အစည်းအဝေးမှာ အဆိုတရပ် တင်သွင်းခဲ့တာပါ။

ဒေါက်တာဆိတ်ဖွား ကိုဖေါ်ထုတ်နိုင်ဖို့ အစိုးရ ဝန်ကြီးဌာန တွေ က အကြီးတန်း အရာရှိတွေ နဲ့ ပုဂ္ဂလိက သတင်းဂျာနယ်တွေက အယ်ဒီတာ ၇ ဦး ကိုလည်း ခေါ်ယူ စစ်ဆေးခဲ့ပါသေးတယ်။

အခုလို ဖြစ်ပျက်မှုအပေါ်မှာ လွှတ်တော်ကို စာနယ်ဇင်းသမားတွေ ဝေဖန်မှုမပြုနိုင်အောင်ပြတဲ့ အသွင်ဆောင်ကြောင်း နိုင်ငံရေး အကဲခတ်တွေက ရှုမြင်နေကြပါတယ်။
ဘီဘီစီ (မြန်မာပိုင်း)

နိုင်ငံတကာရှိ ၈၈ မျိုးဆက်များ၏ ၂၅ နှစ်မြောက် ပထမဆုံးအကြိမ် ညီလာခံ အမေရိကန်နိုင်ငံတွင် ကျင်းပမည်

ရန်ကုန်၊ ဇူလိုင် ၁။
နိုင်ငံတကာရှိ ၈၈ မျိုးဆက်များ၏ ၂၅ နှစ်မြောက် ပထမဆုံးအကြိမ် တွေ့ဆုံပွဲ ညီလာခံကို အမေရိကန်နိုင်ငံ အင်ဒီးယန်းနားပြည်နယ်ရှိ ဖို့စ်ဝေးတက္ကသိုလ်တွင် လာမည့် ဇူလိုင် ၅ ရက်၌ ကျင်းပပြုလုပ်သွားမည် ဖြစ်ကြောင်း ၈၈ မျိုးဆက်တစ်ဦးဖြစ်သူ အမေရိကန်နိုင်ငံသား ကိုမောင်မောင်ကျော်က မြန်မာ့ခေတ်သို့ ပြောကြားသည်။

ယင်းပွဲ ပြုလုပ်ရခြင်း၏ အဓိက ရည်ရွယ်ချက်မှာ ၂၅ နှစ်အတွင်း သမိုင်းမှတ်တိုင်တစ်ခု စိုက်ထူခြင်းဖြစ်ပြီး နောင်အနာဂတ်အတွက် လုပ်ဆောင်ဖွယ်ရာများကို ဆုံးဖြတ်ချက်တစ်ခုအနေဖြင့် ချမှတ်သွားမည်ဖြစ်ကြောင်း သိရသည်။

“၈၈ ဆိုတာ မျိုးဆက်က တစ်ခုတည်း ရှိပါတယ်။ ၈၈ မျိုးဆက်တိုင်းဟာ ဒီမိုကရေစီ အရေးကိုပဲ တောင်းပါတယ်။ ဒီမိုကရေစီ အရေးကို မတောင်းတဲ့ ၈၈ မျိုးဆက်ဆိုတာ မရှိပါဘူး။ ကျွန်တော်တို့တွေ နိုင်ငံရေး လှုပ်ရှားမှုတွေ လုပ်တဲ့အခါ တစ်ကြိမ်တစ်ခါတုန်းကတော့ တလှေတည်းစီးပြီး တခရီးတည်းသွားခဲ့ကြတယ်။ ခုချိန်မှာ တလှေတည်းစီးပြီး မသွားကြပေမယ့် တခရီးတည်း သွားနေတုန်းပါပဲ။ ဒါကြောင့် ကျွန်တော်တို့ရဲ့ ပန်းတိုင်ဟာ တစ်ခုတည်းပါပဲ” ဟု ယင်းက ဆက်လက်ပြောကြားသည်။

ယင်းညီလာခံတွင် မြန်မာနိုင်ငံရှိ နိုင်ငံရေး အဖွဲ့အစည်းများမှ ၁၂ ဦး ဖိတ်ကြားခြင်းခံရပြီး
တစ်ဦးတစ်ယောက်ချင်း ဖိတ်ကြားခံရသည်လည်း ရှိကြောင်း၊ လက်ရှိတွင် ယင်းညီလာခံသို့ မြန်မာနိုင်ငံမှ ၆ ဦး တက်ရောက်မည်ဟု သိရှိရပြီး မည်သူ တက်ရောက်မည်ဆိုသော စာရင်း အတိအကျကိုမူ မသိရသေးကြောင်း ညီလာခံကော်မတီမှ အဖွဲ့ဝင် တစ်ဦးထံမှ သိရသည်။

“ခုလောလောဆယ်တော့ သွားတဲ့သူတွေလည်း သွားနေကြပါပြီ။ ကိုဘသက်အောင်တို့၊ ကိုထွန်းကြည်တို့တော့ သွားပြီလို့ သိရတယ်။ ဒီနေ့ပဲ ဦးသိန်းထွန်းလည်း သွားမယ်လို့ သိရတယ်ခင်ဗျ။ ဘယ်သူတွေ တက်မယ်ဆိုတာတော့ အတိအကျ မသိသေးဘူး။ ကျွန်တော်လည်း ဟိုရောက်မှပဲ
သိရမှာ”ဟု ၎င်းက ပြောသည်။

ယင်းညီလာခံကို ညီလာခံ ကော်မတီအနေဖြင့် ဦးဆောင်ကျင်းပခြင်းဖြစ်ပြီး ၃ ရက်ကြာ  ကျင်းပပြုလုပ် သွားမည်ဖြစ်ကြောင်း၊ အမေရိကန် ပြည်ထောင်စု၊ ကနေဒါ၊ ထိုင်း၊ ဖင်လန်၊ သြစတေးလျ၊ နယူးဇီလန် စသည်တို့မှ ၈၈ မျိုးဆက် ကိုယ်စားလှယ်ပေါင်း ၃၅၀ ခန့် တက်ရောက်မည်ဟု ခန့်မှန်းထားပြီး မြန်မာနိုင်ငံရှိ နိုင်ငံရေး အဖွဲ့အစည်းများ၊ တိုင်းရင်းသား ပါတီများမှလည်း ယင်းညီလာခံအတွက် သဝဏ်လွှာများ ပေးပို့ထားကြောင်း သိရသည်။
ရည်မွန်
မြန်မာ့ခေတ်