ယူရိုပါလိဂ် ၃၂ သင်းရှုံးထွက်အဆင့် ဒုတိယအကျော့ပွဲစဉ် (ဖေဖေါ်ဝါရီ ၂၂)

လီဗာပူးလ် ၃ - ၁ ဇင်းနစ် (Goal and Match Highlights)
* နှစ်ကျော့ပေါင်းရလဒ် ၃ ဂိုးစီ တူညီသော်လည်း အဝေးကွင်းဂိုး စည်းမျဉ်းအရ ဇင်းနစ်က ၁၆ သင်းအဆင့်သို့ တက်ရောက်သည်။ Planet Myanmar Network

အစိုးရနဲ့ လက်နက်ကိုင် တိုင်းရင်းသား အဖွဲ့တွေကြား ငြိမ်းချမ်းရေးရဖို့ အရေးမှာ ကြားဝင်ဆောင်ရွက်ပေးဖို့ ဂျပန်အစိုးရက အထူးသံတမန်တဦးကို ခန့်အပ်

မျက်မှောက် မြန်မာ့နိုင်ငံရေး အပြောင်းအလဲထဲ ခက်ခဲတဲ့ အပိုင်းတခုဖြစ်တဲ့ အစိုးရနဲ့ လက်နက်ကိုင် တိုင်းရင်းသား အဖွဲ့တွေကြား ငြိမ်းချမ်းရေးရဖို့ အရေးမှာ ကြားဝင်ဆောင်ရွက်ပေးဖို့ ဂျပန်အစိုးရက အထူးသံတမန်တဦးကို ခန့်အပ်လိုက်ပါတယ်။

ခန့်အပ်ခံခဲ့ရသူကတော့ မြန်မာနိုင်ငံအတွက် လူသားချင်းစာနာတဲ့ အကူအညီ အထောက်အပံ့တွေ ကို ရှေးဦးမဆွကထဲက ပေးနေခဲ့တဲ့ နီပွန်ဖောင်ဒေးရှင်းရဲ့ ဥက္ကဌ မစ္စတာ ယိုဟီအီ ဆာဆာကာဝါ (ပုံ) ဖြစ်ပါတယ်။

လက်နက်ကိုင်တိုင်းရင်းသားအဖွဲ့တွေနဲ့ရော၊ ၈၈ မျိုးဆက်တွေနဲ့ရော၊ ယူကေ အစိုးရ အပါအ၀င် နိုင်ငံတကာ အသိုင်းအ၀ိုင်းနဲ့ပါ လက်တွဲလို့ မြန်မာ့အမျိုးသား ပြန်လည် သင့်မြတ်ရေးအတွက် အကောင်းဆုံး ဆောင်ရွက် သွားမယ်လို့ မစ္စတာ ဆာဆာကာဝါက ဘီဘီစီကို ပြောပါတယ်။

မီဒီယာတွေ ပွင့်လင်းလာမှု အပါအ၀င် နှစ်နှစ်တာ ကာလအတွင်း အစိုးရရဲ့ ဒီမိုကရေစီရေး ပြောင်းလဲ ဆောင်ရွက်မှုတွေဟာ တိုးတက်မှုတွေ မြင်နေရတော့ အရှိန် မကျစေဘဲ ဆက်လက် မြှင့်တင် ဆောင်ရွက်စေဖို့ရာမှာ နိုင်ငံတကာ အသိုင်းအ၀ိုင်းနဲ့အတူ ဂျပန်အစိုးရမှာလည်း ကူညီ ထောက်ပံ့ပေးဖို့ တာဝန်ရှိတယ်လို့ ခံယူပါတယ်လို့ သူက ဆိုပါတယ်။

မြန်မာဟာ ဒေသတွင်းမှာ လူဦးရေ သန်း ၆၀ ရှိတဲ့ နိုင်ငံကြီး တနိုင်ငံ ဖြစ်တယ်၊ ဒီမိုကရေစီရေးနဲ့ မျက်မှောက် နိုင်ငံရေး အပြောင်းအလဲတွေ ဆောင်ရွက်မှုမှာ အရှိန်ရနေတဲ့ မြန်မာ ရှေ့ဆက်ဖို့ ကိစ္စဟာ တရုတ်တနိုင်ငံထဲရဲ့ တာဝန် မဟုတ်သလို ဂျပန်တနိုင်ငံထဲရဲ့ တာဝန်လည်း မဟုတ်ဘူး၊ အားလုံးရဲ့ တာဝန်ဖြစ်လို့ ဂျပန်က အထူးသံတမန် ခန့်တဲ့နည်းတူ တခြားနိုင်ငံတွေကလည်း အထူးသံတမန်တွေ ခန့်ပြီး ၀ိုင်းကူ ဆောင်ရွက်ဖို့ လိုတယ်လို့ နီပွန်ဖောင်ဒေးရှင်း ဥက္ကဌက ပြောပါတယ်။

မြန်မာ့ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးအတွက် ပါဝင်ကူညီ ဆောင်ရွက်ရမယ့် အထူးသံတမန် တာဝန်ဟာ ကြီးလေးတာကို သူ သဘောပေါက်ကြောင်းလည်း မစ္စတာ ဆာဆာကာဝါက ဘီဘီစီကို ပြောပါတယ်။BBC Burmese

၂၇ ထပ်အမြင့်ရှိ Kabar Aye Executive Residence အဆောက်အအုံကို ကမ္ဘာအေးစေတီ လမ်းပေါ်တွင် ပထမဆုံးအဖြစ် ဆောက်လုပ်ခွင့်ပြု

on Friday, 22 February 2013 16:16

ရန်ကုန်မြို့တော် စည်ပင်သာယာရေး ကော်မတီသို့ ဆောက်လုပ်ခွင့် တင်ပြလာသော အထပ်မြင့် အဆောက်အအုံကြီးများအနက် ပထမဆုံးအဖြစ် ကမ္ဘာအေးစေတီ လမ်းပေါ်တွင် ၂၇ ထပ် အမြင့်ရှိ (Kabar Aye Executive Residence) အား ဆောက်လုပ်ခွင့်ပြုခဲ့ကြောင်း ရန်ကုန်မြို့တော်စည်ပင်သာ ယာရေး ကော်မတီ၊ အထပ်မြင့် အဆောက်အအုံများ ဆောက်လုပ်မှုဆိုင်ရာ စံချိန်စံညွှန်းများ စစ်ဆေးရေးနှင့် ကြီးကြပ်ရေးအဖွဲ့မှ သတင်းရရှိသည်။
ရန်ကုန်မြို့တော် စည်ပင်သာယာရေး ကော်မတီ၊ အထပ်မြင့် အဆောက်အအုံများ ဆောက်လုပ်မှုဆိုင်ရာ စံချိန်စံညွှန်းများ စစ်ဆေးရေးနှင့် ကြီးကြပ်ရေးအဖွဲ့သို့ တင်ပြထားသော အထပ်မြင့် အဆောက်အအုံကြီး ၁၅ လုံးခန့်ရှိရာ ၄၄ ထပ်၊ ၃၈ ထပ်၊ ၂၇ ထပ် စသည်တို့ ပါဝင်ပြီး အဆိုပါအဆောက်အအုံများ ဆောက်လုပ် ခွင့် ပြုနိုင်ရန် ရန်ကုန်တိုင်း ဒေသကြီး အစိုးရအဖွဲ့သို့ တင်ပြခဲ့သည်။ယင်းအဆောက်အအုံများအနက် ကမ္ဘာအေးစေတီပေါ်တွင် ၂၇ ထပ်ရှိ (Kabar Aye Executive Residence) အဆောက်အအုံကို ရန်ကုန်တိုင်း ဒေသကြီး အစိုးရအဖွဲ့မှ ယခုလို ဆောက်လုပ်ခွင့် ပြုခဲ့ခြင်း ဖြစ်သည်။
၂၇ ထပ် အမြင့်ရှိ (Kabar Aye Executive Residence) ကို Ever Seiko Co.Ltd မှ ကမ္ဘာအေး စေတီလမ်း၊ အမှတ် (၆၅) ဘီတွင် ဆောက်လုပ်မည်ဖြစ်ကြောင်း၊ ယင်းအဆောက်အအုံမှာ မြေပေါ် ၂၇ ထပ်အပြင် မြေအောက် Basement သုံးထပ်လည်း ပါဝင်မည်ဖြစ်သည်။
ထို့ပြင် အဆောက်အအုံ၏ အမြင့်သည် ပင်လယ်ရေမျက်နှာပြင် အထက် ၄၀၆ ပေရှိမည်ဖြစ် ပြီး ရွှေတိဂုံ စေတီတော်၏ အမြင့်ထက် ကျော်လွန်ခြင်း မရှိစေရန် စိစစ်ခွင့်ပြုခဲ့ခြင်း ဖြစ်ကြောင်း၊ ထို့ပြင် အဆိုပါ အဆောက်အအုံတွင် ယာဉ်ရပ်နားသည့် နေရာကိုလည်း အလုံအလောက် တင်ပြလာကြောင်း သိရသည်။
ရန်ကုန်မြို့တော် စည်ပင်သာယာရေး ကော်မတီမှ အထပ်မြင့် အဆောက်အအုံများအား စစ်ဆေးကြီးကြပ်နိုင်ရန် ပြီးခဲ့သည့် ၂၀၁၂ ခုနှစ် အောက်တိုဘာလက အထပ်မြင့် အဆောက်အအုံ များ ဆောက်လုပ်မှုဆိုင်ရာ စံချိန်စံညွှန်းများ စစ်ဆေးရေးနှင့် ကြီးကြပ်ရေးအဖွဲ့ကို ဖွဲ့စည်းခဲ့သည်။
ယင်းသို့ ဖွဲ့စည်းပြီးနောက်ပိုင်း အဖွဲ့သို့ ဆောက်လုပ်ခွင့် တင်ပြလာသော အထပ်မြင့် အဆောက် အအုံများအနက် ယခု (Kabar Aye Executive Residence) မှာ ဦးဆုံး ခွင့်ပြုခဲ့သည့် အဆောက်အအုံ ဖြစ်ကြောင်း သိရသည်။
ရန်ကုန်မြို့တော် စည်ပင်သာယာရေး ကော်မတီ၊ အထပ်မြင့် အဆောက်အအုံများ ဆောက်လုပ်မှုဆိုင်ရာ စံချိန်စံညွှန်းများ စစ်ဆေးရေးနှင့် ကြီးကြပ်ရေးအဖွဲ့မှ တာဝန်ရှိသူ တစ်ဦးက “(Kabar Aye Executive Residence) က ကျွန်တော်တို့ အထပ်မြင့် အဆောက်အအုံ စစ်ဆေးကြီးကြပ်ရေး ကော်မတီကို တင်ပြလာတဲ့ အထပ်မြင့် အဆောက်အုံတွေအနက် ပထမဆုံး ခွင့်ပြုခဲ့တာ ဖြစ်ပါတယ်။ အခြား တင်ပြထားတဲ့ အဆောက်အအုံတွေကိုလည်း အမြင့်ပေ ကန့်သတ်ချက်၊ ကားပါကင် လုံလောက်မှု ရှိမရှိ စိစစ်နိုင်ဖို့ တိုင်းဒေသကြီး အစိုးရအဖွဲ့ကို တင်ပြထားဆဲ ဖြစ်ပါတယ်” ဟု ပြောသည်။
ထို့ပြင် ကမ္ဘာအေးစေတီ လမ်းပေါ်ရှိ ကုက္ကိုင်းအနီးတွင် ၂၇ ထပ် အမြင့် အဆောက်အအုံတွင် လူနေအိမ်ခန်းများ၊ ရုံးခန်းများ၊ နားနေခန်းများအပြင် ကားပါကင်များလည်း ပါဝင်သည့် Diamond Valley Rises-Business Centre ကိုလည်း နိုင်ငံတော်သမ္မတ၏ ခွင့်ပြုချက်ဖြင့် Aye Family ကုမ္ပဏီ လိမိတက်မှ ဆောက်လုပ်မည်ဖြစ်ပြီး အဆိုပါ အခန်းများကို ၂၀၁၃ ခုနှစ် ဇန်န၀ါရီ ဒုတိယပတ်မှ စတင်ရောင်းချ ပေးလျက်ရှိသည်။
Eleven Media Group

ဘိန်းဖြူများ သယ်ဆောင်လာသူ ဆိုင်ကယ်သမားနှစ်ဦးကိုဖမ်းမိ

လားရှိုး၊ ဖေဖော်ဝါရီ၊ ၂၂။

လားရှိုးမြို့၊ လားရှိုးမူးယစ်(အထူး)အဖွဲ့မှ ကြိုတင်သတင်းရရှိ ထားချက်အရ မသင်္ကာဖွယ် ဆိုင်ကယ်တစ်စီးကို ရှာဖွေစစ်ဆေးရာ ဆိုင်ကယ်ကြား၌ ညှပ်၍သယ်လာသော စောင်အိတ် နှစ်အိတ်ထဲရှိ ရောင်စုံပလပ်စတစ် ခွက်ထဲမှဘိန်းဖြူအမှုန့်များကို ရှာဖွေဖမ်းဆီး တွေ့ရှိခဲ့သည်ဟု လားရှိုးရဲစခန်းမှ တာဝန်ရှိသူများက ပြောကြားသည်။

ယမန်နေ့ည ၆း၃၀နာရီခွဲ အချိန်၌ လားရှိုးမြို့နယ်၊ ဟိုပိတ်ကျေးရွာအထွက် ကျောက်တောင်အနီးတွင် မူးယစ်(အထူး)အဖွဲ့မှ ကြိုတင်သတင်းရရှိထား၍ စောင့်ဆိုင်းနေစဉ် ဆွေမြင့်မောင်းနှင်လာ၍
နောက်က စိုးထွန်းစီးနှင်းလိုက်ပါလာသော လိုင်စင်မဲ့ ဆိုင်ကယ်တစ်စီးအား အသိသက်သေများနှင့် ရှာဖွေစစ်ဆေးခဲ့ခြင်း ဖြစ်ကြောင်း သိရသည်။

၎င်းဆိုင်ကယ်ခွကြား၌ ညှပ်၍ သယ်ဆောင်လာသော စောင်အိတ်ထဲရှိ ရောင်စုံပလပ်စတစ် ခွက်များထဲမှ ဘိန်းဖြူအမှုန့်များကို ရှာဖွေတွေ့ရှိခဲ့သည်။ ဆပ်ပြာခွက် တစ်ခွက်လျှင် ဘိန်းဖြူမှုန့် အလေးချိန်(၁၂)ဂရမ်စီ ပါသော ဆပ်ပြာခွက်(၇၇)ခွက်နှင့် အလေးချိန်(၉၂၄)ဂရမ် တန်ဖိုးအားဖြင့် ၁၇၅သိန်းကျော် ရှိကြောင်း သိရသည်။

အဆိုပါ တရားခံနှစ်ဦးမှ တရားခံဆွေမြင့်သည်လွန်ခဲ့သော တစ်နှစ်ကျော်ကစစ်ကိုင်းတိုင်းဒေ သကြီး ရွှေဘိုမြို့နယ်ရှိ ခလရ(၄၂) တပ်ရင်းမှ တပ်ပြေးစစ်သားတစ်ဦး ဖြစ်နေသည်ဟု လည်းသိရသည်။ မူးယစ်ဆေးဝါး သယ်ဆောင်ရောင်းဝယ်သူ ထိုနှစ်ဦးအား လားရှိုးမြို့ အမှတ်(၂)ရဲစခန်းက မူးယစ်(ပ)၂၅/၂၀၁၃၊ မူးစိတ်ပုဒ်မ၁၅/၁၉(က)/၂၁အရ အမှုဖွင့် အရေးယူထားကြောင်း သိရသည်။
ထွန်းထွန်း
The Myanma Age

အီကြာကွေးမှာ ဓာတုပစ္စည်းပါနေ

မြန်မာနိုင်ငံမှာ လူတွေနေ့စဉ် စားသုံးနေတဲ့ ငရုတ်သီးမှုန့်၊ လက်ဖက်နဲ့ ငါးပိရည် ကအစ ဝက်အူချောင်း၊ ပုဇွန်ခြောက် စတဲ့ စားသောက်ကုန် တွေထဲက တံဆိပ် အခိျု့ မှာ စက်ရုံလုပ်ငန်းသုံး ဓာတု ပစ္စည်းတွေ ပါဝင်နေ တယ်လို့ အစိုးရက ကြေညာ ထားတာ ရှိပေမယ့် ထိရောက်တဲ့ စစ်ဆေး အရေးယူမှု တွေကို အခုထိ မလုပ်နိုင်ဘဲ ရှိနေပါတယ်။အခုနောက်ဆုံး လက်ဖက်ရည်ဆိုင်မှာ ရောင်းနေကြတဲ့ အီကြာကွေး ထဲမှာ အမိုးနီးယားပါတဲ့ ဓာတုပစ္စည်းတွေ ထည့်သုံးနေတာကို စားသုံးသူ ကာကွယ်ရေး အသင်း ဆိုတဲ့ လူမှုဝန်ထမ်း အဖွဲ့ အစည်းတခုက ရှာဖွေ တွေ့ရှိထားတယ်လို့ ဆိုပါတယ်။အဖွဲ့ခေါင်းဆောင် ဦးဗအုပ်ခိုင်က အမိုးနီးယားဟာ ကျောက်ကပ်နဲ့ အသည်းကို ပျက်စီးစေပြီး ကင်ဆာရောဂါပါ ဖြစ်ပွားနိုင်တယ်လို့ ဆိုပါတယ်။ဒါပေမယ့် မြန်မာတနိုင်ငံလုံး၊ ဒါမှမဟုတ် ရန်ကုန်တမြို့လုံး အတိုင်းအတာနဲ့ ဓာတုပစ္စည်းတွေ ဘယ်လောက် ကျယ်ကျယ်ပြန့်ပြန့် သုံးနေလဲ လိုက်စုံစမ်းဖို့ သူတို့မှာ အင်အားမရှိဘူးလို့ သူကပြောပါတယ်။ဒီတော့ တနိုင်ငံလုံး အတိုင်းအတာနဲ့ လက်လှမ်း အမီနိုင်ဆုံး ဖြစ်တဲ့ အစိုးရ ဘက်ကို မေးကြည့်တော့ လောလောဆယ် လာတိုင်ကြားရင်တော့ အရေးယူပါတယ်လို့ အစားအသောက် နဲ့ ဆေးဝါး ကွပ်ကဲရေး ဌာ န ညွန်ကြားရေးမှူး ဒေါက်တာ ဇော်ဝင်းက ဆိုပါတယ်။ဒါပေမယ့် တကယ်တမ်း ဈေးကွက်ထဲမှာ ရောင်းနေတဲ့ စားသောက်ကုန်တွေထဲမှာ ဓာတုပစ္စည်းတွေ ဘယ်လောက်ပါသလဲ ဆိုတာ အစိုးရက ထိထိရောက်ရောက် လိုက်ပြီး စုံစမ်းစစ်ဆေး အရေးယူတာ မရှိပါဘူး။အဲဒီလို စားသောက်ကုန်မှာ ပါဝင်တဲ့ ဓာတုပစ္စည်းတွေကြောင့် ကင်ဆာရောဂါလို ဆိုးရွားတဲ့ ကျန်းမာရေးအကျိုးဆက်တွေ ဖြစ်လာနိုင်တယ်လို့ ကျန်းမာရေး ၀န်ထမ်းတွေ၊ ကျွမ်းကျင်သူတွေက အကြိမ်ကြိမ် သတိ ပေးနေကြပါတယ်။ဘီဘီစီ

‎ရန်ကုန် ယူနိုက်တက် တိုက်စစ်မှူး ကျော်ကိုကို မြန်မာဘောလုံး ပရိသတ်ကြီးကို အနူးအညွတ် တောင်းပန်

Yangon United Football Club
ရန်ကုန် ယူနိုက်တက် တိုက်စစ်မှူး ကျော်ကိုကိုက ပြီးခဲ့သည့် ရက်ပိုင်းအတွင်း ဖြစ်ပွားခဲ့သည့် ကိစ္စများနှင့် ပတ်သက်၍ ဘောလုံးအဖွဲ့ချုပ် ဥက္ကဌ ဦးဇော်ဇော် အပါအဝင် တာဝန်ရှိသူများနှင့် မြန်မာဘောလုံး ပရိသတ်ကြီးကို အနူးအညွတ် တောင်းပန်လိုကြောင်း မီဒီယာများ နှင့် တွေ့ဆုံသည့် အချိန်တွင် ပြောကြားသည်။ ကျော်ကိုကိုသည် ပြီးခဲ့သည့် ဖေဖေါ်ဝါရီလ (၂၀) ရက်နေ့က ဖြစ်ခဲ့သည့် ကိစ္စကြောင့် မြန်မာ့လက်ရွေးစင် ဘောလုံးအသင်းမှ ပြန်လည်စေလွှတ်ခြင်း ခံခဲ့ရသူဖြစ်သည်။

‘ ပထမဆုံး အနေနဲ့ ကျွန်တော့် အခြေအနေကို ရှင်းပြချင်ပါတယ်။ ဒဏ်ရာကနေ ကျွန်တော် သက်သာတာ မကြာသေးပါဘူး။ ဒါကြောင့် ခြေစွမ်းပိုင်းက အရင်ကလို ဒေါင်ဒေါင်မြည် မဟုတ်ဘူး။ အဲဒီအတွက် အမြဲတမ်း အားမလို အားမရ ဖြစ်နေပါတယ်။ နောက်တစ်ချက်က ဆီးဂိမ်းပြိုင်ပွဲပါ။ ဆီးဂိမ်းမှာ ကျွန်တော်တို့ မြန်မာအသင်း အောင်မြင်မှု မရမှာကို အရမ်းစိုးရိမ်နေတယ်။ ဥက္ကဌကြီး ဦးဇော်ဇော်ကလည်း ဆီးဂိမ်းမှာ အောင်မြင်မှု ရအောင်ယူဖို့ အမြဲမှာကြားပါ တယ်။ ပြောချင်တာက ကျွန်တော့်မှာ ဖိအားရှိနေတယ် ဆိုတဲ့သဘောပါ။ အခုဖြစ်သွားတဲ့ ကိစ္စကလည်း ဖိအားတွေကို ရင်ဆိုင်တဲ့နေရာမှာ ပုံစံလွဲသွားလို့ နည်းပြတွေကို စော်ကားသလို ဖြစ်သွားပါတယ်။ အဲဒီအတွက် အရမ်း ဝမ်းနည်းပါတယ်။ ဥက္ကဌကြီးကိုလည်း ဖုန်းဆက်ပြီး တောင်းပန်ထားပါတယ်။ နည်းပြကြီး ပတ်ဆောင်ဟွာ နဲ့ ကျန်တဲ့ဆရာတွေ အားလုံးကို ကျေနပ်တဲ့အထိ တောင်းပန်သွားမှာပါ ’ ဟု ကျော်ကိုကိုက မီဒီယာများ၏ မေးမြန်းမှုကို ဖြေကြားသည်။

နည်းပြ ပတ်ဆောင်ဟွာ နှင့် ကျော်ကိုကိုတို့ ကြားတွင် မပြေလည်မှုများ ရှိနေသည် ဆိုသော စကားနှင့် ပတ်သက်၍ ကျော်ကိုကိုက ယခုလိုပြောသည်။ ‘ နည်းပြကြီးက ကျွန်တော်ကို အမြဲတမ်း ဂရုတစိုက်နဲ့ စကားပြောပါတယ်။ ရည်ရွယ်ချက်ကို အခုထက် ပိုထားဖို့၊ နိုင်ငံခြားအထိ ထွက်ကစားနိုင်တဲ့ အနေအထား ရောက်အောင် ကြိုးစားဖို့ အမြဲပြောပါတယ်။ ကျွန်တော် ကြိုးစားလို့ ဆိုပြီး ဖိနပ်တစ်ရံ ဆုချဖူးတယ်။ စောဒကတက်တယ် ဆိုတာလည်း မဟုတ်ပါဘူး။ ကျွန်တော့်ကစားပုံ ပိုကောင်းအောင် ဘယ်လိုလုပ်ရမယ် ဆိုတာ အကြံတောင်းရင်း နားလည်မှု လွဲတာပဲရှိပါတယ်။ ဘောလုံးသမားနဲ့ နည်းပြဆိုတာ ဆရာ တပည့် အဆင့်တောင် မဟုတ်ပါဘူး။ သားအဖ ပုံစံမျိုး ဆက်ဆံတာပါ။ ဖြစ်ခဲ့တဲ့ ကိစ္စအတွက် လက်အုပ်ချီပြီး တောင်းပန်မှာပါ။ ခွင့်လွှတ်မယ်လို့လည်း မျှော်လင့်ပါတယ် ’ ဟု ကျော်ကိုကိုက ပြောကြားသည်။

အကယ်၍ လက်ရွေးစင် အသင်းက ပြန်လည်ရွေးချယ်ခြင်း မပြုခဲ့လျှင်လည်း စိတ်ပျက်ခြင်း မရှိဘဲ အမြဲကြိုးစားသွားမည် ဟု ကျော်ကိုကိုက ယခုလိုဆိုသည်။ ‘ ကျွန်တော်က မြန်မာပါ၊ မြန်မာ့ လက်ရွေးစင် အသင်းအတွက် အမြဲ ကစားပေး ချင်ပါတယ်။ ဒီစိတ်က ကျွန်တော် သေတဲ့အထိ ပျောက်မှာမဟုတ်ဘူး။ လက်ရွေးစင် အသင်းကသာ ပြန်လက်ခံမယ် ဆိုရင် အစွမ်းကုန် ပေးဆပ်ဖို့ အမြဲတမ်း ရှိပါတယ်။ အခု ကိစ္စကြောင့် ရန်ကုန် ယူနိုက်တက် အသင်းက အရေးယူမယ် ဆိုရင်လည်း လက်ခံပါမယ်။ ရန်ကုန် အသင်းကို ကျွန်တော်က ကိုယ့်မိသားစုလို့ သဘောထားပါတယ်။ ကျွန်တော့်ကြောင့် ကျွန်တော့် မိသားစု နာမည် ပျက်သွားရင်၊ ဂုဏ်သိက္ခာထိပါး သွားတယ်ဆိုရင် တောင်းပန်ပါတယ်။ ကျွန်တော့် မိသားစုက ပေးတဲ့ ပြစ်ဒဏ်ကို ကျေကျေနပ်နပ်ကြီး ခံပါမယ်။ မိသားစုက သားတစ်ယောက်ကို ဘယ်လောက်ပဲ စိတ်ဆိုးပါစေ ရိုက်နှက်ဆုံးမပြီးရင်တော့ သားတစ်ယောက်လို အသိအမှတ် ပြန်ပြုမှာပါ။ ကျွန်တော် ဒီလိုပဲ မျှော်လင့်ပါတယ်’ ဟု ကျော်ကိုကို ကဆိုသည်။Yangon United Football Club

ကိုလူချောအဖွဲ့နှင့် ထာဝရမန္တလေးတို့ အလှူ

ကွယ်လွန်သူ ဦးခင်မောင်တင့် အသက် ( ၆၈ )နှစ်အားရည်စူး၍ ကိုလူချောအဖွဲ့နှင့် ထာဝရမန္တလေးတို့မှ ဓမ္မရံသီ ဓမ္မာရုံသို့ ရွက်ဖျင်တဲ ၂လုံး တန်ဘိုးကျပ် ( ကိုးသောင်းငါးထောင် )ကို လှူဒါန်းခဲ့ပါတယ်။ဦးခင်မောင်တင့်က တစ်ချိန်က ရီမြင့်ရုပ်ရှင်ထုတ်လုပ်ရေး ရဲ့ တစ်ပင်တိုင် ရှုတင်မန်နေဂျာ အဖြစ်တာဝန်ထမ်းဆောင်ပြီး သင်္ကြန်မိုး ရုပ်ရှင်ဇတ်ကားဖြင့် အောင်မြင်ခဲ့သည့် ရှုတင်မန်နေဂျာတစ်ဦးဖြစ်သည်။ဖေဖော်ဝါရီလ ၁၅ ရက်နေ့ နေ့လည်မှာ ကွယ်လွန်ခဲ့ကြောင်းသိရသည်။
ထူးထူး Popular Journal ဓာတ်ပုံ အိသွဲ့ ( တန့်ယန်း )

ကျော်ကိုကိုနှင့် မီဒီယာများ တွေ့ဆုံနိုင်ရန် စီစဉ်နေ

ရန်ကုန်၊ ဖေဖော်ဝါရီ - ၂၂

ပဏာမ မြန်မာ့လက်ရွေးစင် ဘောလုံးအသင်းမှ ထုတ်ပယ်ခြင်းခံရသော တိုက်စစ်မှူးကျော်ကိုကိုအား မီဒီယာများနှင့် တွေ့ဆုံပေးရန်အတွက် စီစဉ်နေကြောင်း ရန်ကုန်ယူနိုက်တက်ဘောလုံးအသင်း အမှုဆောင်အရာရှိချုပ်က ပြောသည်။

မြန်မာ့လက်ရွေးစင်တိုက်စစ်မှူး ကျော်ကိုကိုသည် နည်းပြ၏ သင်ကြားမှုများကို အကြိမ်ကြိမ် ဝေဖန်ပုတ်ခတ်မှုများ ပြုလုပ်ခဲ့ သည့်အပြင် အသင်း၏ အုပ်ချုပ်သူနှင့် နည်းပြအဖွဲ့ဝင်များအပေါ် ရိုင်းပျသည့် အပြုအမှုများ လုပ်ဆောင်ခဲ့သည်ဆိုကာ ဖေဖော်ဝါရီ ၂၀ ရက်တွင် ပဏာမလက်ရွေးစင် အသင်းမှ ထုတ်ပယ်ခြင်း ခံရသည်။

“ကျွန်တော်တို့ဘက်က ကျော်ကိုကိုနဲ့ တွေ့ပြီးတော့ ဆွေးနွေးနေပါတယ်။ သူတကယ်ပဲ မှားသလား။ မှားရင်တောင်းပန်ဖို့ အတွက် ဖြစ်သင့်တာက မြန်မာတို့က သူကိုမီဒီယာနဲ့ တွေ့ပေးပြီး သူ့ရဲ့ စိတ်ခံစားချက်ကို ပြောပြစေချင်ပါတယ်” ဟု ရန်ကုန်ယူနိုက်တက် ဘောလုံးအသင်း အမှုဆောင် အရာရှိချုပ် ဦးမင်းဆွေဦးက ပြောသည်။

ထိုကဲ့သို့ ပဏာမ လက်ရွေးစင်အသင်းမှ ထုတ်ပယ်ရခြင်းမှာ ကျော်ကိုကိုသည် နည်းပြချုပ်၏ အသင်းဗျူဟာများအပေါ်တွင် အမြဲလိုလို ဆင်ခြေပေးခြင်း၊ မကျေနပ်သည့် အပြုအမှုများ ပြုလုပ်ခြင်း၊ အသင်းအစည်းအဝေးများ ပြုလုပ်ချိန်တွင် မလေးမစား အပြုအမူများ ပြုလုပ်ကာ အစည်းအဝေးမှထွက်ခြင်း၊ နည်းပြချုပ်အား ပမာမခန့်များ ပြုလုပ်ခြင်းတို့ကြောင့် ဖြစ်ကြောင်း နည်းပြအဖွဲ့က သတင်းထုတ်ပြန်သည်။

အဆိုးဆုံးအပြုအမူမှာ ဖေဖော်ဝါရီ ၂၀ ရက် နံနက်ပိုင်း လေ့ကျင့်ရေးကွင်းမှ ပြန်လာချိန်တွင် နည်းပြများ ရေးဆွဲထားသည့် တစ်နေ့တာအချိန်ဇယားစာအုပ်ပေါ်၌ အုပ်ချုပ်သူနည်းပြများအပေါ် ရိုင်းပျစော်ကားသည့် အဓိပ္ပာယ်သက်ရောက်သော စကားလုံးများကို ရေးသားခဲ့ခြင်းကြောင့် နည်းပြချုပ်က ယခုကဲ့သို့ အသင်းမှ ပြန်လည်စေလွှတ်ခဲ့ကြောင်း သတင်းရရှိသည်။

ယင်းကိစ္စနှင့် ပတ်သက်၍ တိုက်စစ်မှူးကျော်ကိုကိုအား 7Day News မှ ဖုန်းဖြင့်ဆက်သွယ်မေးမြန်းခဲ့ရာ ဖုန်းကိုင်ခြင်း မရှိခဲ့ပေ။

အသင်း၏ နည်းပြချုပ် ပက်ဆောင်ဟွာကမူ ကျော်ကိုကို၏ အနာဂတ်နှင့်ပတ်သက်၍ မည်သို့မျှ မဖြေနိုင်သေးကြောင်း၊ မိမိအနေဖြင့် နိုင်ငံအတွက် ပေးဆပ်ချင်စိတ်ရှိမည့် ကစားသမားတိုင်းကို အမြဲကြိုဆိုပါကြောင်း ပြောကြားခဲ့သည်။

မြန်မာနိုင်ငံ ဘောလုံးအဖွဲ့ချုပ်သည် ယင်းကိစ္စနှင့်ပတ်သက်ပြီး အဖွဲ့ချုပ်ဥက္ကဋ္ဌ ဦးဇော်ဇော်ထံ တင်ပြသွားမည်ဖြစ်ကာ ဥက္ကဋ္ဌ၏ အဆုံးအဖြတ်ပေါ်တွင် မူတည်၍ ထပ်မံဆုံးဖြတ်သွားမည်ဖြစ်ကြောင်း တာဝန်ရှိသူတစ်ဦးက ပြောသည်။

ယခုလေ့ကျင့်မှု ပြုလုပ်နေသော ပဏာမမြန်မာ့လက်ရွေးစင် ဘောလုံးအသင်းသည် မတ် ၂ ရက်တွင် ယှဉ်ပြိုင်မည့် AFC Challenge Cup ခြေစစ်ပွဲအတွက် ရည်ရွယ်၍ လေ့ကျင့်နေခြင်း ဖြစ်သည်။7Day News Journal

မြို့ကြီးမှာနေမှ ပြည်သူမဟုတ်

ကျွန်တော်က စစ်ကိုင်းတိုင်းဒေသကြီး ကောလင်းမြို့မှာ နေထိုင်ပါတယ်ခင်ဗျာ။ ကျွန်တော်ကတော့ မိုးညှင်းမြို့ အစိုးရနည်းပညာကောလိပ်မှ BE (Electronic)နဲ့ ကျောင်းပြီးထားပါတယ်။ ကျွန်တော်က အခုမှ ပူပူနွေးနွေး ကျောင်းပြီးထားတာဆိုတော့ ကျောင်းနှင့်ပတ်သက်တဲ့ အကြောင်းပဲ ပြောချင်ပါတယ်ခင်ဗျာ။ မြို့ကြီးကျောင်းနဲ့ နယ်ကျောင်း ခွဲခြားနေတဲ့ကိစ္စပဲ ဖြစ်ပါတယ်။ ကျွန်တော်တို့ နည်းပညာကျောင်းများ ဟာ နိုင်ငံတော်အတွက် မရှိမဖြစ်လိုအပ်တဲ့ ကျောင်းများဖြစ်ပါတယ်။ အခုလို ပြောင်းလဲရေးတွေ လုပ်နေတဲ့ အချိန်၊ နည်းပညာမြင့်တွေ လိုအပ်နေတဲ့ အချိန်တွေဆို ပိုလို့တောင် အရေးပါ ပါသေးတယ်ခင်ဗျာ။ ကျွန်တော်တို့ နည်းပညာကျောင်းများမှ မဟုတ်ပါဘူး။ တခြားကောလိပ်၊ တက္ကသိုလ်များလည်း နည်းပညာကျောင်းများနည်းတူ အရေးပါကြပါတယ်ခင်ဗျာ။ ကျွန်တော်က နည်းပညာကျောင်းသားဆိုတော့ နည်းပညာကျောင်းတွေအကြောင်းပဲ ပြောပါမယ်။

ကျွန်တော်က မိုးညှင်း(GTC)မှာ တက်တာဆိုတော့ နယ်ကျောင်းမှာ တက်တာပေါ့ဗျာ။ ကျွန်တော်တို့ နယ်ကျောင်းတွေက မြို့ကြီးကျောင်းတွေနဲ့စာရင် အခွင့်အရေးနည်းပါးပါတယ်။ နည်းပညာကျောင်းဆိုတာ လက်တွေ့နဲ့ကင်းလို့မရတဲ့ကျောင်း ဖြစ်ပါတယ်။ ကျွန်တော်တို့ကျောင်းတွေမှာ လက်တွေ့ဆိုတာ မရှိသလောက် ရှားပါတယ်။ နောက်ပြီး အင်တာနက်ဆိုတာလည်း နည်းပညာကျောင်းနဲ့ ကင်းလို့မရတဲ့ အရာဖြစ်တယ်လို့ ထင်တယ်။ ဘာလို့လဲဆိုတော့ ကျောင်းမှာသင်တဲ့ major တွေထဲမှာ EC (Electronic & Communication)နဲ့ IT (Information & Technology)ဆိုတဲ့ major တွေကို သင်နေတယ်လေ။ အဲဒါကြောင့် မကင်းသင့်ဘူးလို့ ထင်တာပါ။ အခုတော့ဖြင့် ကျောင်းမှာ Internet တပ်တယ်လို့ပဲ ကြားလိုက်ရတယ်။ Internet ဆိုတာ ဘယ်လိုအရာမှန်းတောင် မသိလိုက်ရပါဘူး။ ဒါပေမဲ့ Internet ဆိုတာတော့ ကျောင်းသားတွေ သိတာပေါ့။ ကျောင်းသားတွေလည်း ခေတဲ့သူတွေမှ မဟုတ် တာ။ ခေတ်ရေစီးကြောင်းမှာ စီးနေတဲ့သူတွေပဲလေ။ ကျောင်းမှာ မသိလိုက်ရဘူးလို့ ပြောတာပါ။

ကျွန်တော်လည်း ကျောင်းသာပြီးသွားတယ်။ လက်တွေ့လည်း တစ်ခုမှမလုပ်လိုက်ရ၊ အင်တာနက်လည်း တစ်ခါမှ မသုံးလိုက်ရပါခင်ဗျာ။ နောက်ပြီး သင်ကြားရေးမှာလည်း နားလည်သဘောပေါက်နိုင်စွမ်း များစွာနည်းပါးလှပါတယ်။ ကျွန်တော် ကျောင်းပြီးသွားလို့ ဆရာ/မတွေကို ပြစ်မှားခြင်းမဟုတ်ပါ။ နယ်ကျောင်းတော်တော်များများတော့ အဲဒီလိုပဲဖြစ်မယ်လို့ ထင်ပါတယ်။ နယ်ကျောင်းတွေ အများဆုံးတွေ့ကြုံနေရတာတော့ သင်ကြားသည့် ဆရာ/မများ မလုံလောက်ခြင်း၊ သင်ကြားရေးတွင်လည်း ဆရာ/မများ အသိပညာဗဟုသုတ အားနည်းခြင်း၊ သင်ထောက်ကူပစ္စည်းများ မလုံလောက်ခြင်း၊ ဖတ်စာအုပ်များ မလုံလောက်ခြင်း၊ စာကြည့်တိုက်ကောင်းကောင်းမရှိခြင်း စသည်တို့ဖြစ်ပါတယ်။ ကျွန်တော်တို့ကျောင်းမှာရှိတဲ့ စာကြည့်တိုက်ကတော့ အမြဲတမ်း သော့ခတ်ထားတာ တွေ့ရပါတယ်။ ဒါက မဖြစ်သင့်ဘူးလို့ ထင်ပါတယ်။ ကျောင်းတစ်ကျောင်းမှာ စာကြည့်တိုက်မရှိခြင်းဟာ လူတစ်ယောက် မျက်စိမရှိခြင်းနဲ့ တူပါတယ်။ အဲဒါကြောင့် ကျောင်းတစ်ကျောင်းမှာ စာကြည့်တိုက်မရှိခြင်းက ၎င်းကျောင်းရဲ့ မျက်စိကန်းနေခြင်းနဲ့ တူပါတယ်ခင်ဗျာ။ ကျောင်းတွင်း ကျောင်းပြင် အသိပညာဗဟုသုတဆိုတာ မရှိသလောက် ဖြစ်သွားနိုင်ပါတယ် ခင်ဗျာ။ အထက်မှာ ပြောသွားတာတွေကတော့ ကျောင်းနဲ့ပတ် သက်တာပဲ ဖြစ်ပါတယ်ခင်ဗျာ။

ကျောင်းပြီးသွားလို့ ဘွဲ့ရပြန်ရင်လည်း BE ဘွဲ့ရတာချင်းအတူတူ နယ်ကျောင်းကရတဲ့ BE ဘွဲ့တွေက မျက်နှာငယ်ရပါတယ်။ မြို့ကြီးကျောင်းကရတဲ့ BE ဘွဲ့လည်း ဒီစာပဲသင်ပြီးရတာပါ။ နယ်ကျောင်းတွေ ကရတဲ့ BE ဘွဲ့လည်း ဒီစာပဲသင်ပြီး ရတာပါခင်ဗျာ။ မြို့ကြီးကျောင်းနဲ့ နယ်ကျောင်းတွေ ကွာလည်း နည်းနည်းပဲ ဖြစ်သင့်ပါတယ်။ ဘွဲ့ရလို့ အလုပ်လျှောက်လျှင်လည်း နယ်ကျောင်းက ကျောင်းသားတွေ မျက်နှာငယ်ရဆဲပါ။ တက်ရတဲ့အချိန်တွေ အရမ်းနှမြောဖို့ကောင်းပါတယ်။ ငါးနှစ်ဆိုတဲ့ အချိန်တွေ ရယ်၊ ငွေကြေးတွေရယ်၊ ကျောင်းသားမိဘတွေရဲ့ လုပ်အားနဲ့ချွေးတွေ နှမြောစရာပေါ့ဗျာ။ နောက်ပြီး ဘွဲ့သာရတာ ဘာမှမတတ်ဘူးလို့ ပြောခံရပါသေးတယ်။ ဒါကြောင့်မို့ မြို့ကြီးက ကျောင်းသားမှ ပြည်သူမ ဟုတ်ပါဘူး။ နယ်ကကျောင်းသားတွေလည်း ပြည်သူတွေဖြစ်ပါတယ်လို့ပြောချင်ပါတယ်ခင်ဗျာ။

နောက်ပြီး ပြောလက်စနဲ့ ဆက်ပြောရပါဦးမယ်။ ဟိုတစ်လောက သတင်းတစ်ပုဒ် ဖတ်လိုက်ရပါတယ်။ ရန်ကုန်ပြည်သူ့ဆေးရုံကြီးကို အဆင့်မြှင့်တင်တော့မည်တဲ့။ ကျွန်တော် ၀မ်းသာပါတယ်။ ရန်ကုန်မြို့နေ ပြည်သူတွေရယ်၊ ရန်ကုန်တိုင်းဒေသကြီးအတွင်း နေထိုင်တဲ့ ပြည်သူတွေအတွက် ၀မ်းသာစရာပါ။ ဒါပေမဲ့ ကျွန်တော်တို့လို စစ်ကိုင်းတိုင်းဒေသကြီး အထက်ပိုင်းက ပြည်သူတွေ တခြားတခြားသော တိုင်းဒေသကြီးက ပြည်သူအတွက်လည်း စဉ်းစားစေချင်ပါတယ်ခင်ဗျာ။ သွားလာရေး ခရီးကြန့်ကြာခက်ခဲတဲ့ ဒေသတွေ ဖြစ်တဲ့အတွက် အရေးပေါ်အချိန်တွေ၊ မြို့နယ်ဆေးရုံတွေမှာ ကုသလို့မရတော့တဲ့ အချိန်တွေမှာ နယ်ကပြည်သူတွေမှာ အခက်အခဲနဲ့ ရင်ဆိုင်နေရပါတယ်။ နယ်ကပြည်သူတွေလည်း နိုင်ငံရဲ့ ပြည်သူများ ဖြစ်ပါတယ်။ ဒါကြောင့် စီးပွားရေးအချက်အချာဖြစ်တဲ့ မြို့ကြီးတွေ၊ အစိုးရရုံးများစိုက်တဲ့ မြို့ကြီးအပြင် ကျန်တိုင်းဒေသကြီးများမှာလည်း အဆင့်မြင့်ဆေးရုံ၊ ဆေးခန်းများ ရှိသင့်တယ်လို့ ထင်ပါတယ် ခင်ဗျာ။

နိဂုံးချုပ်ပြောရပါလျှင် ကျန်းမာရေး၊ ပညာရေး၊ လမ်းပန်းဆက်သွယ်ရေး၊ လျှပ်စစ်မီးရရှိရေး၊ လုံခြုံရေးနဲ့ တရားဥပဒေစိုးမိုးရေးများကို ဖွံ့ဖြိုးတိုးတက်ကောင်းမွန်အောင် လုပ်ဆောင်လျှင်လည်း နယ်မှပြည်သူတွေ အတွက် ဦးစားပေးမဟုတ်တောင် နောက်ကျမကျန်ခဲ့ရင် ထည့်သွင်းစဉ်းစား ပေးစေချင်ပါတယ်ခင်ဗျာ။ မြို့ကြီးနေ ပြည်သူများနှင့် နယ်က ပြည်သူများ အဆင့်အတန်းကွာဟမှုမရှိဘဲ နိုင်ငံတစ်နိုင်ငံလုံး ဖွံ့ဖြိုးတိုး တက်တာကို မြင်ချင်ပါတယ်ခင်ဗျာ။ ဒါကြောင့် မြို့ကြီးမှာနေမှ ပြည်သူမဟုတ်ပါဘူးခင်ဗျာ။ နယ်မှာနေ လည်း ဒီနိုင်ငံရဲ့ ပြည်သူတွေပဲ ဖြစ်ပါတယ်လို့ ပြောချင်ပါတယ် ခင်ဗျာ။
နယ်သား
7Day News Journal

အပူရှိန်ကြောင့် ဦးနှောက်နှင့်အာရုံကြောထိခိုက်နိုင်၍ အထူးဂရုပြုနေထိုင်သင့်

ရန်ကုန်တိုင်းဒေသကြီးအတွင်း အပူချိန် မြင့်မားနေသဖြင့် အဆိုပါ အပူရှိန်ကြောင့် ဦးနှောက်နှင့်အာရုံကြောကို ထိခိုက်လာနိုင် သည်အထိ အသက်အန္တရာယ် ရှိလာနိုင်သည့်အတွက် ဂရုပြုသင့်ကြောင်း ဒေါက်တာ မြင့်ဦးက ဆိုသည်။

ပူအိုက်သည့် ရာသီကြောင့် အသက်ရှုမြန်လာခြင်း၊ အသက်ရှုကြပ်လာခြင်း၊ အားအင်ချိနဲ့ကာ မူးလဲနိုင်ခြင်း၊ ခေါင်းကိုက်ခြင်း၊ ကိုယ်ပူရှိန်အလွန်အကျွံတက်လာခြင်း၊ ပျို့အန်ခြင်း စသည့်လက္ခဏာများဖြစ်ကာ ဦးနှောက်နှင့် အာရုံကြောကိုပါ ထိခိုက်လာနိုင်ခြင်းဖြစ်သည်။

ဖေဖော်ဝါရီလ ၂၁ရက်နေ့အပူချိန်မှာ ၃၇ ဒီဂရီ ဆဲလ်စီးရပ်စ် ရှိနေပြီး နောက်ရက်များတွင် ၃၄ ဒီဂရီ ဆဲလ်စီးရပ်စ်မှ ၃၇ ဒီဂရီဆဲလ်စီးရပ်အထိ ရှိနိုင်သည် ဟု မိုးလေ၀သနှင့် ဇလဗေဒပညာရှင် ဒေါက်တာဦးထွန်းလွင်က ၎င်း၏ ၀က်ဆိုဒ်တွင် ဖော်ပြထားသည်။

“အပူနှုန်း နုန်းချိတာမျိုးတွေမှ တစ်ဆင့် ဦးနှောက်နှင့် အာရုံကြောကိုထိခိုက်လာပြီး အသက်အန္တရာယ်ကိုပါ စိုးရိမ်ရတဲ့ အပူရှပ်သတိလစ်ခြင်းတွေ ဖြစ်ပေါ်တတ်တယ်” ဟု ဒေါက်တာမြင့်ဦးက ပြောသည်။

 သစ်ပင်ပေါက်ရောက်မှုနည်းပါးသည့် တနင်္သာရီတိုင်းဒေသကြီး ထားဝယ်၊ ကော့သောင်းမြို့၊ မွန်ပြည်နယ် ရေးမြို့ နှင့် ပေါင်မြို့များ ရန်ကုန်တိုင်းဒေသကြီးတွင် ရန်ကုန်မြို့၊ လှည်းကူးမြို့တို့၌ ခရမ်းလွန်ရောင်ခြည် အဆင့် (၁၁)အထိ ဖြစ်ပေါ်နေကြောင်းကိုလည်း သိရသည်။

"နွေရာသီတောင်မရောက်သေးဘူး။ တော်တော်ပူပါတယ်။ နေ့လည်ကျောင်းက ပြန်လာလို့ကားကနေပူတဲ့ဘက်မှာဆိုခေါင်းတွေ မူးလာတဲ့အထိကို ပူတယ်။ မတ်တပ်ရပ်ရင်လည်း ကျောင်းက အဝေးကြီး၊ ပူလည်းထိုင်ရတာပါဘဲ" ဟု နည်းပညာတက္ကသိုလ် (လှိုင်သာယာ)တွင် တက်နေသော ကျောင်းသူတစ်ဦးက ပြောသည်။

ထိုကဲ့သို့ အပူဒဏ်ကြောင့် ဖြစ်ပေါ်လာသော ရောဂါများမှ ကာကွယ်ရန် ရေများများသောက်ပေးခြင်း၊ သစ်သီးဖျော်ရည်များ သောက်ပေးခြင်းအပြင် အရက်၊ ကော်ဖီ၊ ကိုကိုး(ချောကလက်)စသည့် အစားအသောက်များမှ စားသောက်ခြင်းမှ ရှောင်းရှားသင့်ကြောင်းကိုလည်း ဆရာဝန်များထံမှ သိရသည်။

"ဦလေးကနေ့လည် ၁၂ နာရီ ကျော်ရင် ခဏနားပါတယ်။ နေကအရမ်းပူတယ်။ အပေါ်ကလည်း ပူ အောက်ကလည်းပူဆိုတော့ ကျန်းမာရေးအတွက်စိုးရိမ်ရတယ်။ ဦးလေးကသွေးတိုးရောဂါရှိတော့ ဓါတ်ဆားရည်လည်းသောက်လို့မရဘူး" ဟု ရန်ကုန်မြို့တွင်း တက္ကစီ မောင်းသူတစ်ဦးက ပြောသည်။

အပူချိန်မြင့်မားနေချိန်၌ နေပူထဲထွက်ခြင်းမျိုးရှောင်းရှားသင့်ပြီး မဖြစ်မနေထွက်ရမည်ဆိုပါက အကာအကွယ် ယူသင့်ကြောကိုလည်း သိရသည်။ “နေပူထဲသွားလာတာကို ရှောင်ရှားရမယ်။ မဖြစ်မနေသွားရမယ်ဆိုရင်လည်းထီး၊ ဦးထုပ်ဆောင်း၊ ဖိနပ်စီးရမယ်။ တက်နိုင်သလောက်နေရိပ်ထဲမှာ နားခိုနေရမယ်။ အင်္ကျီပွပွ၊ လုံချည်ပွပွ၊ အရောင်ဖျော့ဖျော့တွေ ၀တ်ဆင်သင့်တယ်။ အစားအစာကိုနည်းနည်းနဲ့ ခဏခဏစားပေးဖို့လည်း လိုအပ်တယ်” ဟု ဒေါက်တာမြင့်ဦးက အကြံပေးပြောကြားခဲ့သည်။
ဆုပြည့်စုံဦး (မြစ်မခ)

‎ရအောက်မြင် အချက်ပြ လေယာဉ်သုံး၍ ဓမ္မစေတီ ခေါင်းလောင်း ရှာဖွေခြင်း မိုးမကျမီ စမည်

ဓမ္မစေတီ ခေါင်းလောင်း ရှိနိုင်မည့် နေရာများ၌ ခန့်မှန်း ဆယ်ယူခြင်းကို ယခုနှစ် မိုးမကျမီ အကောင်အထည် ဖော်သွားမည်ဟု ယင်းလုပ်ငန်း၌ ပါဝင် ဆောင်ရွက်နေသူ စာရေးဆရာ ချစ်စံဝင်းက ပြောသည်။

လက်ရှိတွင် နှစ်ပေါင်း ၄ဝဝ ကျော် အတွင်း မြစ်ကြောင်း ပြောင်းလဲမှုများကို သုတေသနပြုလျက် ရှိပြီး လိုအပ်သည့် အချက်အလက် များကို ရှာဖွေ စုဆောင်းနေ သည်ဟု ၄င်းက ပြောသည်။

ရေအောက်တွင် နှစ်ပေါင်း ၄ဝဝ ကျော်နစ်မြုပ်လျက် ရှိသော ဓမ္မစေတီ ခေါင်းလောင်းအား အမေရိကန် ဒေါ်လာ ၁ဝ သန်း အကုန်အကျ ခံကာ ဆယ်ယူပေးသွား မည် ဖြစ်ကြောင်း ၂ဝ၁၂ ခုနှစ် ဇွန်လ ၃ဝ ရက်နေ့တွင် စင်ကာပူ နိုင်ငံရှိ S.D Mark International LLP ကုမ္ပဏီမှ အလုပ်ရုံ ဆွေးနွေးပွဲ ပြုလုပ်၍ ပြော ကြား ခဲ့ခြင်း ဖြစ်သည်။

ယင်းလုပ်ငန်း၌ ပါဝင်ဆောင် ရွက်နေသည့် စာရေးဆရာ ချစ်စံဝင်းက ”သူတို့ဘက်က လက်လျှော့ သွားတာ မဟုတ်ဘူး။ တခြား အစီအစဉ်တွေ ရှိလို့ ခေတ္တ ကြာနေတဲ့ သဘောပါ” ဟုလက်ရှိ အနေအထား ကို ပြောသည်။
ဓမ္မစေတီ ခေါင်းလောင်း ဆယ်ယူရာတွင် စင်ကာပူ ကုမ္ပဏီမှ သမိုင်းဝင် ပစ္စည်း ရှာဖွေရေးနှင့် ရေငုပ် ကျွမ်းကျင်သူ သြစတြေးလျ နိုင်ငံသား၊ ဗြိတိန်လူမျိုး ကပ္ပတိန် မိုက်ကယ် မိုက်ဟယ်ဂျာကို ငှားရမ်း သွားမည်ဟု စင်ကာပူ ကုမ္ပဏီမှ CEO က အဆိုပါ အလုပ်ရုံ ဆွေးနွေး ပွဲတွင် ပြောကြားခဲ့သည်။

စင်ကာပူ ကုမ္ပဏီမှ လက်ရှိ အချိန်တွင် မြန်မာနိုင်ငံရှိ သမိုင်းသု တေသနသို့ ထပ်မံ ဆက်သွယ်မှု မရှိသေးကြောင်း၊ ငွေကြေးပိုင်း ဆိုင်ရာ စုဆောင်းနေသည့် အနေ အထား ရှိကြောင်း အဆိုပါ ဌာနမှ အကြီးတန်း အရာရှိ တစ်ဦးက ပြော သည်။

ဓမ္မစေတီ ခေါင်းလောင်း ရှာဖွေ ရာ၌ ရေအောက်နစ်မြုပ် ပစ္စည်းများ အား အချက်ပြနိုင်သည့် လေ ယာဉ်ပျံ များလွှတ်ကာ လေယာဉ်မှ အချက်ပြသည့် နေရာတွင် ရေငုပ် ၍ ရှာဖွေ သွားမည်ဟု ဆရာ ချစ်စံဝင်း က ထပ်လောင်းပြောသည်။

ဓမ္မစေတီ ခေါင်းလောင်းသည် တန်ချိန်ပေါင်း ၂၉ဝ ရှိပြီး နှစ်ပေါင်း ၅၂ဝ ကျော် ကြာမြင့်ပြီ ဖြစ်သည်။ အဆိုပါ ခေါင်းလောင်းကို ငဇင်ကာက ရွှေတိဂုံ စေတီတော် ရင်ပြင်မှ သန်လျင်သို့ သယ်ယူစဉ် ငမိုးရိပ်ချောင်း အဝ ပန်းအလွဲမြစ် ထဲသို့ ပြုတ်ကျ နစ်မြုပ်ခဲ့ခြင်း ဖြစ် သည်။
Popular Myanmar News Journal
WMT

ဘယ်သူက...လာကယ်မှာလဲဟင်..!!!

FB-ထိထိ မိမိ တစ်ကွက်ကောင်း ကာတွန်း

ကျောက်ဖြူမြို့နယ်က ကျောက်တောင်တွေ အကုန်လုံးနီးပါး မိုင်းခွဲကျောက်ထုတ်ခံနေရ

ရခိုင်ပြည်နယ် ကျောက်ဖြူမြို့နယ်မှာ အကောင်အထည် ဖေါ်နေတဲ့ ရွှေသဘာဝ ဓါတ်ငွေ့ စီမံကိန်းမှာ လိုအပ်နေတဲ့ ကျောက်တွေ အတွက် ကျောက်တောင်တွေကို တစ်ခုပြီး တစ်ခု မိုင်းခွဲထုတ် လုပ် နေရာမှာ ကျောက်ဖြူမြို့ အရှေ့မြောက်ဘက် ၅မိုင်ခွဲ အကွာမှာရှိတဲ့ မစရိုင်းချောင်းကျွန်းက သမိုင်းဝင် ကျောက်တောင်ကြီးလည်း ပါဝင်နေပါတယ်။

မင်းဂံရွာအနီး မိုင်းခွဲ ကျောက်ထုတ် လုပ်ငန်း ( ဓါတ်ပုံ- နိရဉ္စရာ)

အဲဒီ ကျောက်တောင်ကြီးကို နေ့စဉ် နေတိုင်း တဒိုင်းဒိုင်း တ၀ုံးဝုံးနဲ့မိုင်းခွဲ ကျောက်ထုတ်နေ တာ ဖြစ်တယ်လို့ အဲဒီ ကျောက်တောင် အနီးမှာ တည်ရှိတဲ့ မင်းဂံ ကျေးရွာသူ အမျိုးသမီး တစ်ဦးက ပြောပါတယ်။

အဲဒီကျောက်တောင်ကြီးရဲ့ ပတ်ပတ်လည်မှာ ကျေးရွာပေါင်း ၂၀ ခန့် ရှိပြီးအဲဒီကျောက်တောင်ကြီး ဟာ လေဘေး ရေဘေး စတဲ့ သဘာဝ ဘေးအန္တာရာယ်ကနေ ကျေးရွာတွေကို ကာကွယ်ပေးထားတယ်လို့ လည်း ဆိုပါတယ်။

ဒါ့အပြင် ရွာသားတွေဟာ အဲဒီကျောက်တောင်ကြီးကို မှီပြီး ကျွဲနွား မွေးမြူ လုပ်စားကိုင် စားသောက်ကြ သလို အဲဒီတောင်ကနေ ဒေသခံတွေ အတွက် ထင်းတွေ၊ သစ်တွေလည်း ရရှိတယ်လို့ ဆိုပါ တယ်။ တောင်ပေါ်မှာ ရှေးဟောင်း စေတီတွေနဲ့ ပြိုပျက်နေတဲ့ သမိုင်းဝင် အဆောက်အဦးတွေလည်း ရှိတယ်လို့ ပြောပါတယ်။

ပါးစပ်ရာဇ၀င်အရ အဲဒီ တောင်ပေါ်မှာ ရခိုင်ဘုရင် မင်းဗာကြီးကိုယ်တိုင် လာရောက်ခဲ့ပြီး ဘုရားပုထိုးတွေ၊ စေတီတွေ တည်ထားခဲ့တယ်လို့ သိရတယ်လို့ အဲဒီမင်းဂံရွာသူက ပြောပါတယ်။

ခုလို ကျောက်တောင်ကြီးကို မိုင်းခွဲ ထုတ်လုပ်နေတာက (၂) နှစ်ခန့် ရှိနေပြီ ဖြစ်ပြီး တဖြည်းဖြည်းနဲ့ ကျောက်တောင်ကြီးဟာ ပါးလာပြီး အခုအခါ လူတွေနေတဲ့ နေရာတို့၊ ရှေးဟောင်းဘုရား ရှိတဲ့ နေရာတို့နဲ့ တဖြည်းဖြည်း နီးလာနေတယ်လို့ သူမက ပြောပါတယ်။

ခုလို ကျောက်ထုတ်နေတာ (၂) နှစ် နီးပါးခန့် ရှိနေပြီ ဖြစ်ပေမယ့် ဘယ်ကုမ္ပဏီက လာထုတ် နေတယ် ဆိုတာကကို သူတို့ မသိဘူးလို့ ဒေသခံ လူကြီး တစ်ဦးက ပြောပါတယ်။

သူတို့သိတာက ကျောက်ထုတ် လိုင်စင်ရထားတဲ ဦးကျော်လွှင်ဆိုတဲ့ လူကြီးတစ်ဦးကိုသာ သိရှိပြီး သူတို့ဟာ ဘယ်ကုမ္ပဏီက ဖြစ်တယ်။ ဘာကြောင့် ကျောက်လာထုတ်နေတယ်ဆိုတာကိုလည်း မမေးရဲကြဘူးလို့ ဒေသခံ လူကြီးက ဆက်ပြောပါတယ်။

မေးရင်လည်း ဘာမှ ထူးမှာ မဟုတ်သလို အထက်က ခွင့်ပြုချက်နဲ့လာကျောက်ထုတ်နေတာကြောင့် ဒေသ ခံ ပြည်သူတွေရဲ့ ပြောစကားတွေကိုလည်း သူတို့က ဂရုမစိုက်သလို အရေးလည်း မလုပ်ကြဘူးလို့ မင်းဂံရွာသူ အမျိုးသမီးက ဆိုပါတယ်။

ဒေသခံ မျက်မြင်တွေ အပြောအရမိုင်းခွဲထုတ်လုပ်လိုက်တဲ့ ကျောက်တွေကို ကျောက်ဖြူကို မော်တော် ဘုတ်တွေနဲ့ သယ်ယူသွားပြီး အဲဒီမှာ ရှိနေတဲ့ Myanmar Golden Crown ( မြန်မာရွှေသရဖူ) ကုမ္ပဏီမှာ သွားသွင်းတယ်လို့ ပြောပါတယ်။

အခုလို တောင်တွေကို မိုင်းခွဲ ကျောက်ထုတ်နေတာကြောင့် တောင်ပေါ်မှာကျက်စားနေထိုင်ကြ တဲ့ တောရိုင်းတိရစ္ဆာန်တွေကိုလည်း အထူးထိခိုက်နေတယ်လို့ ပြောပါတယ်။ တောင်ပေါ်က မြွေတွေဟာ လူနေ ရွာတွေထဲကို ၀င်ရောက်လာပြီး ကိုက်တဲ့ အတွက် ကျောက်တောင် အနီးမှာ တည်ရှိတဲ့ လော တဲ ကျေးရွာက လူ တစ်ဦး သေဆုံးသွားပြီး နောက်တစ်ဦးကိုတော့ ဆေးရုံကို အချိန်မှီ တင်ပို့ခဲ့ရ တယ်လို့ ပြောပါတယ်။

ဒေသခံ အများစုကတော့ ကျောက်တောင်ကြီးဟာ သမိုင်းနဲ့ ချီပြီး သူတို့ ဒေသမှာ တည်ရှိခဲ့ တာကြောင့် ကျောက်တောင်ကြီး ပြိုပျက်သွားမှာကို အထူး နှမြောနေကြတယ်လို့ ပြောပါတယ်။

ကျောက်တောင်ကြီး မရှိရင် သူတို့ရွာတွေကို လေမုန်တိုင်း စတဲ့ သဘာဝ ဘေးအန္တရာယ်တွေ ကျရောက်လာမှာကို ရွာသားတွေက အထူး စိုးရိမ်နေကြတယ်လို့ ပြောပါတယ်။

အဲဒီ ကျောက်တောင်ကြီး အနီးမှာ တည်ရှိတဲ့ မင်းဂံ( မှန်ပြောင်း)ရွာ၊ တောင်ရှည်၊ ဥက္ကာပြင်၊ သက်ကယ်ဂျိုင်၊ ၀ါးတော၊ လောတဲ၊ ကညင်တော စတဲ့ ရွာတွေ ရှိကြပြီး ပညာတတ်သူနည်းပါးတဲ့ အတွက် ခုလို သူတို့ဒေသရဲ့ သမိုင်းဝင် ကျောက်တောင်ကြီးကို မိုင်းခွဲ ဖြိုဖျက်နေတာနဲ့ ပတ်သက်ပြီး ဘယ်သူမှ အထက်ကို မတိုင်ကြားရဲသလို ကန့်ကွက် ပြောဆိုမူတွေလည်း မလုပ်ရဲကြဘူးလို့ ဆိုပါတယ်။

ဒေသအတွင်းမှာ ရှိတဲ့ ရခိုင် နိုင်ငံရေးပါတီတွေ၊ ရခိုင် လူမူ အဖွဲ့အစည်းတွေနဲ့ အန်ဂျီအိုတွေကလည်း သူတို့ ဒေသအတွင်းမှာ ဖြစ်ပျက်နေတာတွေနဲ့ ပတ်သက်ပြီး တစ်စုံတစ်ရာ စိတ်ဝင်စားမူ မရှိဘဲ မျက်ကွယ် ပြုထားကြတယ်လို့ ဆိုပါတယ်။

ဒေသအတွင်းက သမိုင်းဝင် ကျောက်တောင်ကြီး တစ်ခုကို မိုင်းခွဲပြီး လုပ်ချင်တိုင်းလုပ်၊ ထုတ်ချင်သလို ထုတ်ခွင့်ရနေတာဟာ ဒေသအတွင်းမှာ တည်ရှိတဲ့ နိုင်ငံရေး ပါတီတွေ၊ လူမူ အဖွဲ့အစည်းတွေ ရဲ့ ပျော့ညံ့ချက်ကြောင့် ဖြစ်တယ်လို့ ဒေသခံ တစ်ဦးကတော့ သူအမြင်ကို ပြောပြသွားပါတယ်။
narinjara

ကျောင်းကွန်ပျူတာကို Hack လုပ်ပြီး အမှတ်ပြင်ရန်ကြိုးစားသူမိခင် အဖမ်းခံရ

သမီးဖြစ်သူ၏ ရမှတ်အပေါ် စိတ်မကျေနပ်သ ဖြင့် ကျောင်းရှိကွန်ပျူတာအတွင်းသို့ ခိုးဖောက် ဝင်ရောက်ကာ အမှတ်များကို ပြင်ဆင်သည့်အမှုတစ်ခု အမေရိကန်အထက်တန်းကျောင်း တစ်ကျောင်း တွင် ဖြစ်ပွားခဲ့သည်။ အသက် ၄၅ နှစ်အရွယ်ရှိ ကက်သရင်း ဗီနက်စ်တိုဆိုသူ ကလေးနှစ်ယောက်မိခင်သည် သမီးဖြစ် သူ၏ ရမှတ် အပေါ်တွင် မကျေနပ်သဖြင့် ထိုသို့ပြု လုပ်ခြင်းဖြစ်သည်ဟုဆိုသည်။
ထို့ပြင် ကက်သရင်းသည် သားဖြစ်သူ ရရှိသည့် စာမေးပွဲရမှတ် ၉၈ ရာခိုင်နှုန်းကိုလည်း ၉၉ ရာခိုင်နှုန်းသို့ ပြင်ဆင်ပြောင်းလဲလိုက်ကြောင်း၊ သူမသည် ထိုသို့ အမှတ်များကို ကျောင်းကွန်ပျူတာအတွင်း ခိုးဖောက်ဝင်ရောက်ကာ ပြင်ဆင်မှုမျိုး အကြိမ် ၁၀၀ ခန့် ပြုလုပ်ခဲ့ကြောင်း စုံစမ်းစစ်ဆေးသူများ က ပြောကြားခဲ့သည်။ ကက်သရင်းသည် ယခင်က ကျောင်းတွင် အတွင်းရေးမှူးအဖြစ် တာဝန်ထမ်းဆောင် ဖူးသဖြင့် ကျောင်းအုပ်ချုပ်ရေးပိုင်းက ကိုင်တွယ်ရသည့် Password များကို သိနေကြောင်း၊ ထို့ကြောင့် ကျောင်းမှကွန်ပျူတာကို အိမ်မှတစ်ဆင့် ကွန်ရက်အတွင်းဝင်ရောက်ပြီး ထိုသို့ အဆင့်များ အမှတ်များကို ပြင်ဆင်မှုများ လုပ်ဆောင်နိုင်ခြင်းဖြစ်ကြောင်း တာဝန်ရှိသူများက ပြောကြားခဲ့သည်။ Written by ရွှေမောင်
maukkha

မန်မာဒုက္ခသည်တွေ နေရပ်ပြန်ဖို့ ထိုင်းလိုလား

ဓာတ်ပုံ - ထိုင်း-မြန်မာနယ်စပ် ဒုက္ခသည်စခန်းတခုမြင်ကွင်း။

Friday, February 22, 2013

ထိုင်းနိုင်ငံ တွင်းမှာ ရှိတဲ့ မြန်မာ ဒုက္ခသည်တွေကို နေရပ်ရင်း ပြန်ပို့ရေးဆောင်ရွက်နိုင်ဖို့ အတွက် မြန်မာ ဘက်က ကော်မတီ ဖွဲ့ထားတဲ့ အကြောင်းနဲ့ မြန်မာနိုင်ငံက ဒုက္ခသည်တွေ နေရပ် ရင်းပြန်ပို့ဖို့ ကိစ္စကို ထိုင်းနိုင်ငံ ဘက်ကလည်း လိုလားဆောင်ရွက်နေတဲ့ အကြောင်းတွေကို ထိုင်းနိုင်ငံ တက်ခ် ခရိုင်တွင်းက ခရိုင်ဝန်က မဲဆောက်မြို့မှာပြုလုပ်တဲ့ သတင်းစာ ရှင်းလင်းပွဲ တခုမှာ ပြောဆိုသွားပါတယ်။ ဆိုတော့ ထိုင်းမြန်မာ နယ်စပ်က မြန်မာ ဒုက္ခသည်တွေ၊ နေရပ်ရင်းပြန်ဖို့ နီးနေ ပါပြီလား၊ ဒီလိုပြန်သွားမယ် ဆိုရင်ရော ဒုက္ခသည်တွေ အတွက် လုံခြုံစိတ်ချမှုရှိပါ့မလားဆိုတာ ဆက်သွယ်စုံစမ်းထားတဲ့ မအေးမာက အကြောင်းစုံပြောပြပါမယ်။

ထိုင်းနိုင်ငံတွင်းမှာ ခိုလှုံနေတဲ့ မြန်မာဒုက္ခသည်တွေကို နေရပ်ရင်းပြန်ဖို့အတွက် လိုလားနေတဲ့ အကြောင်းကို ထိုင်းနိုင်ငံ တက်ခ်ခရိုင်ဝန် မစ္စတာ ဆူရိယ ပရာဆန်ဘန်ဒစ်ကသတင်းထောက်တွေ နဲ့ တွေဆုံချိန်မှာ အခုလိုပြောသွားတာပါ။

သူပြောသွားတာကတော့ ဒုက္ခသည်တွေ ပြန်လည်နေရာချထားဖို့ ၊ အဲဒီနေရာကိုဒုက္ခသည်ကိုယ်စား လှယ်တွေ အရင်သွားပြီး စစ်ဆေးနိုင်ဖို့ မြန်မာဘက် ကလည်း ကော်မတီ ဖွဲ့ထားတယ်လို့ ဆိုပါတယ်။ သူတို့ လေ့လာချက်တွေအရတော့ ဒုက္ခသည် ၃၀ ရာခိုင်နှုန်းကတော့ ကိုယ့်မြေ ကိုယ်ပြန်ချင်တယ်။ ၊ အများစုကတော့ တတိယနိုင်ငံ သွားချင်ကြတယ်။ တချို့က ထိုင်းမှာပဲ ဆက်နေချင်တယ်လို့ ဆိုပါတယ်။ ကျနော်တို့ဘက်က ကျပြန်တော့လည်း နိုင်ငံထဲကို တရားမဝင် ခိုးဝင်တဲ့ပြဿနာတရားမဝင်အလုပ်ဝင်လုပ် တာ ၊ စိုကိပျိုးရေးဝင်လုပ်တာ ၊ သစ်ပင်တွေ ခိုးခုတ်ပြီး သစ်တောတွေ ဖျက်ဆီးနေတဲ့ ပြဿနာ
တွေ ဖြေရှင်းချင်တယ် ၊ ဒါကြောင့် သူတို့ကို ၊ ဒီ ၂ နှစ် ၃ နှစ်ထဲမှာ အမြန်ပြန်ပို့ချင်ပါတယ် ဆိုပြီး ပြောသွားတာပါ။

ဒုက္ခသည်တွေပြန်ပို့ရေးနဲ့ပတ်သက်လို့ မြန်မာဘက်က ကော်မတီဖွဲပြီးပြင်ဆင်နေပြီလို့ဆိုပေမဲ့ ကရင်ဒုက္ခသည်ကယ်ဆယ်ရေးကော်မတီ KRC ကတော့ သူတို့နဲ့ ဆက်စပ်ဆောင်ရွက်တဲ့ အဖွဲအစည်းတွေ မရှိသေးတဲ့အကြောင်း ပြောဆိုသလို ဒုက္ခသည်တွေ ပြန်ပို့ဖို့ အဆင်သင့် မဖြစ်သေးဘူးလို့ KRC ဥက္ကဌ ဦးရော်ဘတ်ထွေးက ဆိုပါတယ်။

“ ကျနော်တို့ ဒုက္ခသည်ကော်မတီအနေနဲ့ လုံးဝမသိသေးဘူးလေ အဲ့ဒီ့ကိစ္စနဲ့ ပတ်သက်တာနော်။ အခုလောလောဆယ် ကျနော်တို့ ဒုက္ခသည်ပြန်ပို့ဖို့က မသင့်တော်သေးဘူးပေါ့။”

အုန်းဖျန်ဒုက္ခသည်စခန်း ကော်မတီဥက္ကဌ စောဝါးထီးကတော့ ဒုက္ခသည်
တွေပြန်ဖို့ အတွက် ငြိမ်းချမ်းရေး အခြေအနေက တည်ငြိမ်မူတွေ မရှိသေးဘူးလို့ ဆိုပါတယ်။

“ ဒုက္ခသည်ပြန်ရေးကတော့ ဘယ်အဖွဲ့အစည်းကမှ ဆက်သွယ်တာ မရှိဘူး။ ကျနော်ကတော့ ထိုင်းနိုင်ငံအစိုးရကိုသော်လည်းကောင်း၊ UNHCR အနေနဲ့သော်လည်းကောင်း၊ ကျနော်တို့ ဒုက္ခသည်များရဲ့ အမြင်ကို ပြောရမယ်ဆိုရင်တော့ အဆင်သင့်မဖြစ်သေး ဘူးလို့ပြောချင်တယ်။ဒီနေ့လက်ရှိ မြန်မာပြည်တွင်း အခြေအနေဟာငြိမ်းချမ်းရေး ဆိုတဲ့ စကားဟာ ပြောတဲ့ သဘောလောက်ပဲရှိသေးတယ်။ အကောင်အ ထည်ဆိုတာသက်သေပြလို့မရသေးဘူးလေ။ငြိမ်းချမ်းရေးဆိုတဲ့စကားဟာ နူတ်ဖျားနဲ့ပဲ ဆွေးနွေးပြော ဆိုတယ်ဆိုတော့ ကျန်တဲ့ လုပ်ငန်းဆိုင်ရာ ၊ အခြားအထွေထွေ ကိစ္စတွေဟာ ဘာတစ်ခုမှပြောကြ၊ မဆွေးနွေးကြသေးဘူး။ ကျနော်တို့ ဘယ်လိုနည်းနဲ့မှ လက်ခံလို့မရသေးဘူးလေနော်။”

ထိုင်းနိုင်ငံတွင်းမှာ ဒုက္ခသည် တစ်သိန်းကျော်ရှိနေဆဲဖြစ်ပါတယ်။မြန်မာနိုင်ငံတွင်း မှာတော့ အခြေအနေ တည်ငြိမ်ရင် နေရပ်ရင်းကိုပြန်လိုတဲ့ ဒုက္ခသည်တွေရှိနေသလို တတိယနိုင်ငံကို ထွက်ခွါလိုတဲ့ ဒုက္ခသည်အရေအတွက်က ပိုများနေပါတယ်။ ပြီးခဲ့တဲ့လတွေတုန်းကတော့ ဒုက္ခသည်အများစုကို လက်ခံခေါ်ယူပေးမယ့် အမေရိကန်နို်င်ငံက ဒုက္ခသည်တွေကို ခေါ်ယူတဲ့ အစီအစဉ်ကို ရပ်နားတော့ မယ်ဆိုတဲ့ သတင်းကြောင့်လည်း ဒုက္ခသည်တွေအနေနဲ့ စိုးရိမ်မူတွေရှိနေခဲ့တာပါ။

အခုအခါမှာတော့ နေရပ်ရင်းကိုပြန်ရမယ်ဆိုတဲ့သတင်းတွေကြောင့်လည်း အခြေတကျမဖြစ်မှာ စိုးရိမ်မူတွေ စားသောက်ရေး၊ အလုပ်အကိုင်ရှာဖွေရေး ဆိုတာတွေက ပြင်ဆင်မူတွေ မရှိဘဲ ပြန်ဖို့ကတော့ အခက်အ ခဲတွေရှိနိုင်တယ်လို့ ဒုက္ခသည်တွေဘက် ကတော့ ပြောဆိုကြပါတယ်။
ဗွီအိုအေ

ဆီးရီးယား မြို့တော်တွင်း ဗုံးကွဲမှု လူ ၅၀ ထက် မနည်း သေဆုံး

 

ဆီးရီးယားနိုင်ငံ ဒမတ်စကပ်မြို့လည်မှာ ရှိတဲ့ အာဏာရ Baath ပါတီ ဌာနချုပ်အနီးမှာ၊ ကားဗုံးခွဲတိုက်ခိုက်မှုတစ်ခု ကြောင့်မို့လို့ လူငါးဆယ်သုံးဦးထက်မနည်းသေဆုံးသွားပြီးတော့ လူပေါင်း ၂၀၀ကျော် ထိခိုက်ဒဏ်ရာ ရခဲ့တယ်။ ဆီးရီးယား ပြည်တွင်းစစ် နှစ်နှစ်ကာလအတွင်းမှာ အသေအပျောက်အများဆုံး ဖြစ်ရပ်တစ်ခုလည်း ဖြစ်ပါတယ်။ လူနေထူထပ်တဲ့ al-Mazraa အရပ်နားမှာဖြစ်တဲ့ အဲ့ဒီ့တိုက်ခိုက်မှုဟာ အကြမ်းဖက်ဗုံးခွဲတိုက်ခိုက်မှုတွေဖြစ်တယ်ဆိုပြီးတော့ ဆီးရီးယား ရုပ်သံဌာနတွေမှာ လွှင့်ထုတ်ပါတယ်။ အစိုးရရုပ်သံရဲ့ လွှင့်ထုတ်ချက်မှာတော့ လမ်းမတွေပေါ်မှာ သွေးတွေနဲ့ အလောင်းတွေ ပြန့်ကျဲနေပုံတွေကို မြင်ရပါတယ်။

ဒီတိုက်ခိုက်မှုကို ဘယ်သူလုပ်သလဲဆိုတာတော့ မသိရသေးသလိုပဲ ဘယ်သူကမှလည်း သူတို့လုပ်တာလို့ မပြောသေးပါဘူး။ ဒမတ်စကပ်မြို့မှာ အခုတလော ဗုံးခွဲတိုက်ခိုက်မှုတွေ အခုတလော ဆက်တိုက်ဆိုသလို ရှိခဲ့ပါတယ်။ တလောကလည်း စစ်ဘက် အဆောက်အဦးတစ်ခုကို မော်တာကျည်နဲ့တိုက်ခိုက်တာ ခံခဲ့ရပါတယ်။ ဆီးရီးယား နိုင်ငံအတွင်း အကြမ်းဖက်တိုက်ခိုက်မှုတွေ နှစ်နှစ်တာ ကာလအတွင်းမှာ ဒမတ်စကပ်မြို့လည်ဟာ အခြားနေရာတွေထက် နှိုင်းယှဉ်ရင် အတော်လေးကို ဘေးကင်းလုံခြုံမှုရှိခဲ့တာပါ။

ဒီအတောအတွင်းမှာဆိုရင်ပဲ သမ္မတ ဘာရှာအယ်လ်အာဆတ် အစိုးရနဲ့ ငြိမ်းချမ်းရေးစကား ပြောသင့်၊ မပြောသင့် ဆိုတာကို အီဂျစ်ကိုင်ရိုမြို့မှာ ဆီးရီးယားအတိုက်အခံတွေ ဆွေးနွေးခဲ့ကြပါတယ်။ အခုနောက်ဆုံး သောကြာနေ့မှာ သူတို့ရဲ့ နောက်ဆုံးဆုံးဖြတ်ချက်ထွက်လာလိမ့်မယ်လို့ မျှော်လင့်ရပါတယ်။ VOA Burmese Fan Page

သာသနာကို ကြည်ညွိုလွန်းလို့ မြန်မာဦးဇင်း ဖြစ်လိုသူ

“မြန်မာကို ကမ္ဘာက လေးစားတာ သာသနာကြောင့်၊ ဒီသာသနာကို ကြည်ညို လွန်းလို့ မြန်မာ ဦးဇင်းဖြစ်ချင်တဲ့ အရှင် သရဏ ကို သူပျော်သလောက် နေပါစေ” တဲ့၊တိပဋိက ယောဆရာတော်က ပြော လိုက်တဲ့ စကားပါ။ဒါဆို မြန်မာ ဦးဇင်းဖြစ်ချင်တဲ့ အရှင် သရဏဆိုတာ ဘယ်သူလဲ။

သူကတော့ ဟိုး အရှေ့ဥရောပက ကမ္ဘာကျော် ကတ္တီပါ တော်လှန်ရေး ခေါင်းဆောင်ကြီး မစ္စတာ ဗားကလပ်ဗ် ဟာဗဲလ် ရဲ့ နိုင်ငံဖြစ်တဲ့ ချက် ရီပတ်ဗလစ် (Czech Republic) နိုင်ငံက ချက်လူမျိုး တဦးပါ။ ဗုဒ္ဓ ဘာသာကို ကြည်ညိုလွန်း လို့ ရှင် သာမဏေ အဖြစ်ခံယူခဲ့တယ်။ မြန်မာစာ မြန်မာ ယဉ်ကျေးမှုကို လည်း အလွန် ချစ်မြတ်နိုး လို့ မြန်မာစာ၊ မြန်မာစကားကို လည်း တန်ဘိုးထား ပြောကြားတဲ့ သူပါ။

မကြာသေးခင် ရက်သတ္တပတ်ကမှ မြန်မာနိုင်ငံကို သွားရောက်ခဲ့ပြီး ဆရာတော် ဦးပညာဝံသကို ဥပဇ္ဈာယ် ဆရာ အဖြစ်ခံ ယူပြီး ဗုဒ္ဓဘာသာ ရှင်ရဟန်းဖြစ် လာတဲ့ အရှင် သရဏပါ။

သူဟာ မြန်မာ့မြေကို ခြေမခင်၊ ထေရ၀ါဒ ရဟန်းတပါးအဖြစ် မရခင်ကတည်းက မြန်မာစာ၊ မြန်မာစကား ကို ကောင်းမွန် ပိုင်နိုင်စွာ ပြောကြားနိုင်ရုံမကပါဘူး။ ချက်-မြန်မာ အဘိဓာန်စာအုပ်ကို လည်း ပြုစုထားနိုင် သူတဦးပါ။

အရှင် သရဏ ပြုစု ထားတဲ့ ချက်-မြန်မာ အဘိဓာန်စာအုပ်ဟာ ပထမဆုံးဖြစ်ပါ လိမ့်မယ်။ ဒီအရင် ချက်-မြန်မာ အဘိဓာန်ဆိုတာ မကြားဖူးခဲ့ ပါဘူး။

သီရိလင်္ကာနိုင်ငံ..ကိုလံဘိုမြို့ မှာ နေထိုင်ပြီး ဗုဒ္ဓစာပေ၊ မြန်မာစာတွေ သူက လေ့လာခဲ့တယ်။ တခြား မြန်မာ အပါအ၀င် ဗုဒ္ဓဘာသာ ရှင်ရဟန်းတွေကို သူက အင်္ဂလိပ်စာသင်ပေးတယ်။ သီရိလင်္ကာနိုင်ငံမှာ နေပြီး သီဟိုဠ် ဘာသာစာပေ၊ စကားလည်း သူကကျွမ်းကျင်တယ်။ မြန်မာ ရဟန်းတော်တွေထံက မြန်မာစာ တတ်လာ ပြီး မြန်မာစာ မှာ တော်လွန်းလာတော့ နောက်ဆုံး သူဟာ ချက်-မြန်မာ အဘိဓာန်ကို ရေးသားပြုစုနိုင်ခဲ့ တာပါဘဲ။

အခုလို ချက်ရဟန်းတော် အရှင် သရဏဟာ မြန်မာနိုင်ငံကို ရောက်ပြီး သူ့ရင်ထဲက အဖြစ်ချင်ဆုံး ကို အခုလို ဖွင့်ဟ ထားပါ တယ်။

“လူ့ဘဝကို ရတာဟာ ဒုလဘ္ဘတရားဖြစ်တယ်။ ဦးဇင်း ငယ်ငယ်ကတည်းက သူများနားလည်ရင် ကိုယ် နားမလည်သေးဘူး။ခုလို ဗုဒ္ဓဘာသာဖြစ်လာဖို့ မြန်မာနိုင်ငံမှာ ရဟန်းဖြစ် ဖို့ အများကြီးကြိုးစား ခဲ့ရ တယ်။ မြတ်ဘုရား သာသနာမှာ လူဖြစ်ရတာ ဒီဘဝမှာတင် နိဗ္ဗာန်ရောက်အောင်ကြိုးစားရမယ်။ တန်အောင်ကြိုးစားရမယ်” လို့ အရှင်သရဏက ဆိုပါတယ်။

ဒါကြောင့် အရှင်သရဏက ၀ိပဿနာ တရား ဘာဝနာ ကျင့်ကြံပွားများ အားထုတ်ပုံကို အခု ရန်ကုန်မြို့မှာ စနစ်တကျ အနီးကပ် သင်ယူလေ့လာ နေပါတယ်။ ၅ နှစ်ကြာရင်တော့ တောရပ်မှာသွားပြီး တရား ကျင့်ကြံ မှာ ဖြစ်ပါတယ်တဲ့။
မြန်မာပြည်မှ မြန်မာလူမျိုး Royal Hero Media

ပွင့်လင်းသောအစိုးရ အဖြစ် သတ်မှတ်ခံရအောင် ဗြိတိန်ကူမည်

Friday, February 22, 2013

၂၀၁၆ ခုနှစ်မှာ OGP Open Government Partnership လို့ခေါ်တဲ့ ပွင့်လင်းအစိုးရများ မဟာမိတ် အဖွဲ့ဝင်အဖြစ် ပါဝင်ဖို့ မြန်မာနိုင်ငံက အဆိုပြုထားတာကြောင့် ပွင့်လင်းမြင်သာမှုဆိုတဲ့ OGP ရဲ့ အဓိက လိုအပ်ချက်ကို ပြည့်မှီအောင် ကြိုးပမ်းဖို့အတွက် ဗြိတိန်နိုင်ငံက ပံ့ပိုး ကူညီသွားမှာ ဖြစ်တယ်လို့ OGP ရဲ့ လက်ရှိ နာယက ဗြိတိန်နိုင်ငံ ကနေ ပြောကြားလိုက်ပါတယ်။ OGP အဖွဲ့ဝင်ဖြစ်ဖို့ ထိပ်တန်းအစိုးရ အရာရှိကြီးတွေရဲ့ ပိုင်ဆိုင်မှုကို ကြေညာဖို့ လိုအပ်ပြီး အဂတိ လိုက်စားမှုဟာ ပွင့်လင်းမြင်သာမှုရဲ့ ရန်သူဖြစ်တယ် လို့လည်း ဗြိတိန်အစိုးရ၀န်ကြီးအဖွဲ့ ဝန်ကြီး Francis Maude က ဒီကနေ့ သတင်းစာ ရှင်းလင်းပွဲမှာ ပြောဆိုလိုက်တာပါ။ အပြည့်အစုံ ကိုတော့ ဒေါ်ခင်စိုးဝင်း က ပြောပြပေးမှာပါ။

မြန်မာနိုင်ငံကို နှစ်ရက်ကြာ ခရီးရောက်ရှိခဲ့တဲ့ ဗြိတိန်အစိုးရဝန်ကြီးအဖွဲ့ ဝန်ကြီး Francis Maude က လွန်ခဲ့တဲ့ ၁၈လအတွင်း မထင်မှတ်ပဲ
မြန်မာနိုင်ငံရဲ့ ပြုပြင်ပြောင်းလဲရေး ဖြစ်ထွန်းမှုတွေ တွေ့ရ လို့ အားတက်မိပါတယ်တဲ့။ ဒါပေမဲ့ မြန်မာနိုင်ငံဟာ ပြုပြင်ပြောင်းလဲရေး ဆိုတဲ့ တောင်ကြီးကို တက်ဖို့ တောင်ရဲ့ခြေရင်းမှာပဲ ရှိနေသေးတာကြောင့် ပန်းတိုင်ရောက်အောင် အတော်လေး ကြိုးစားဖို့လိုသေးတယ်လို့ သုံးသပ်လိုက်ပါတယ်။

မနှစ်က အမေရိကန်သမ္မတ ဘရက်အိုဘားမားရဲ့ မြန်မာပြည်ခရီးစဉ်
အတွင်းမှာ သမ္မတ ဦးသိန်းစိန်က ၂၀၁၆ ခုနှစ်မှာ OGP ခေါ် ပွင့်လင်းတဲ့ အစိုးရများ မိတ်ဖက်အဖွဲ့ဝင် နိုင်ငံအဖြစ် ပါဝင်နိုင်ဖို့အတွက် သူတာဝန်ခံပါ့မယ်လို့ ပြောကြားခဲ့ဖူးတဲ့ အကြောင်း၊ ဒါကြောင့် OGP အဖွဲ့ဝင်အဖြစ် မြန်မာနိုင်ငံ ပါဝင်ဖို့ ကြိုဆိုတယ်လို့ ဆိုပါတယ်။ ဒါပေမဲ့ အဖွဲ့ဝင်ဖြစ်ဖို့အတွက် လုပ်စရာတွေ အများကြီးရှိသေးတယ်လို့ ဝန်ကြီး Francis Maude က အခုလိုပြောဆို လိုက်ပါတယ်။

“OGP အဖွဲ့ဝင်ဖြစ်ဖို့အတွက် မြန်မာအစိုးရအနေနဲ့ အရေးကြီးတဲ့ အပြောင်းအလဲတွေ လုပ်ဖို့လိုပါတယ်။ ဘတ်ဂျက် ရသုံးမှန်ခြေငွေစာရင်း၊ အကြီးတန်း အစိုးရအရာရှိကြီးတွေ ရဲ့အခြေပစ္စည်းပိုင်ဆိုင်မှုတွေ အပါအ၀င် အားလုံးကို ထင်သာမြင်သာဖြစ်ရပါမယ်။ သတင်းမီဒီယာ လွတ်လပ်ခွင့်ကတော့ အခု အထိုက်အလျောက် တိုးတက်
လာတာတွေ့ရပါပေမဲ့ သတင်း အချက်အလက်တွေ လက်လှမ်းမှီအောင်ရယူနိုင်ဖို့ အခွင့်အလမ်းတွေ လိုနေပါသေးတယ်။ ဒါတွေအားလုံး ပွင့်လင်းလာတဲ့ကျမှသာ OGP အဖွဲ့ဝင်အဖြစ် ပါဝင်နိုင်မှာဖြစ်ပါတယ်။
ဒီလို အပြောင်းအလဲတွေ ဖြစ်ထွန်းလာအောင် ကျနော်တို့ ကူညီပါ့မယ်လို့ တာဝန်ရှိသူတွေ ကိုလည်း ပြောကြားခဲ့ပါတယ်။”

ဗြိတိန်ဝန်ကြီး Francis Maude က အစိုးရဝန်ကြီးတွေနဲ့ရော၊ဒေါ်အောင်ဆန်းစုကြည်နဲ့ ပါ တွေ့ဆုံ ခဲ့ပြီး လူထုအခြေပြု အဖွဲ့အစည်းတွေကိုလည်း တွေ့ဆုံနိုင်ခဲ့တယ်လို့ ဆိုပါတယ်။ အဲ့ဒီ့လို တွေ့ဆုံရာ မှာ OGP အဖွဲ့ဝင်ဖြစ်ဖို့ လိုအပ်ချက်တွေကို သူရှင်းပြခဲ့တယ်လို့ အခုလို ဆိုပါတယ်။

“အဖွဲ့ဝင်ဖြစ်ဖို့ အခြေခံ အချက် ၃ ခု လိုပါတယ်။ ပထမအချက်က အနဲဆုံး နည်းဥပဒေနဲ့ အညီ ဘောင်ဝင်ဖို့ လိုပါတယ်။ ဒုတိယအချက်က OGP ရဲ့ အခြေခံမူဖြစ်တဲ့ ပွင့်လင်းမြင်သာမှု ရှိဘို့ပါဘဲ။ တတိယအချက်က ပွင့်လင်းမြင်သာမှု အတွက် ယုံကြည် အားထားလောက်တဲ့ လုပ်ငန်းအစီအစဉ် ချမှတ်ရပါမယ်။ ဒါဟာ မြန်မာ တစ်နိုင်ငံတည်းအတွက် မဟုတ်ပဲ ဘယ်နိုင်ငံမှာမဆို လိုက်နာရမှာဖြစ်ပါတယ်။ ပွင့်လင်းမှုမှာ ဦးဆောင်တယ်လို့ ဆိုရပေမယ့် ကျနော်တို့ဗြိတိန်နိုင်ငံမှာလည်း ပိုပြီးတိုးတက်အောင် ကောင်းသထက်ကောင်းအောင် လိုက်နာကြရပါတယ်။”

OGP အဖွဲ့ကို လွန်ခဲ့တဲ့ နှစ်နှစ်က အဖွဲ့ဝင် ၅၈နိုင်ငံနဲ့ ဖွဲ့စည်း
ထားတာ ဖြစ်ပါတယ်။ OGP ရဲ့ အဓိက ရည်ရွယ်ချက်က Public Accountability လို့ ခေါ်တဲ့ ပြည်သူတွေအပေါ် တာဝန်သိတဲ့ တာဝန်သိမှုဖြစ်ပါတယ်လို့ ပြောရင်း OGP အဖွဲ့ဝင်ဖြစ်ခြင်းအားဖြင့် ရရှိမယ့် အကျိုးခံစားခွင့်တွေနဲ့ပတ်သက်လို့ အခုလို ရှင်းပြသွားပါတယ်။

“OGP အဖွဲ့ဝင်ဖြစ်ခြင်းအားဖြင့် ပွင့်လင်းမှုကို တွန်းအားပေးတဲ့ သဘောဆောင်ပါတယ်။ ပြည်သူ့ ဘဏ္ဍာတွေ ဘယ်လို သုံးတယ်ဆိုတာကအစ ယုံကြည်ကိုးစားမှု တိုးစေပါတယ်။ နောက်ပြီး အဂတိလိုက်စားမှုဟာ ပွင့်လင်းမြင်သာမှုရဲ့ ရန်သူဖြစ်ပါတယ်။ ပွင့်လင်းမြင်သာမှုက အဂတိ လိုက်စားမှုကို ချေမှုန်းပစ်နိုင်ပါတယ်။ ဒါကြောင့် OGP အဖွဲ့ဝင်ဖြစ်ခဲ့ရင် ပွင့်လင်းတဲ့ စနစ်ကို
ဖေါ်ဆောင်နိုင်ကြမှာဖြစ်လို့ ဧရာမ ကွာခြားချက်ကြီးကို တွေ့ကြရမှာပါ။”

မြန်မာပြည် ပြုပြင်ပြောင်းလဲရေး အရှိန်အဟုန်မြှင့် ဆောင်ရွက်နိုင်အောင်
ကောင်းမွန်တဲ့ အုပ်ချုပ်မှု၊ တာဝန်သိတဲ့ ရင်းနှီးမြှပ်နှံမှု၊ ပွင့်လင်းမြင်သာမှု တိုးတက်စေရေး၊ လွှတ်တော်ရဲ့ လုပ်ငန်းတွေ ခိုင်မာရေး၊ တိုင်းရင်းသားတွေနဲ့ပြန်လည်ရင်ကြားစေ့ရေး အတွက်
နိုင်ငံရေးဆွေးနွေးမှုတွေ လုပ်ဖို့အတွက် OGP အဖွဲ့ဝင်တွေက ဝိုင်းဝန်းပံ့ပိုးသွားမှာဖြစ်တယ်လို့ OGP ရဲ့ နာယကအဖြစ် တာဝန်ယူထားတဲ့ ဗြိတိန်အစိုးရ၀န်ကြီးအဖွဲ့ ၀န်ကြီး Francis Maudeက ကြာသပတေးနေ့က သတင်းစာရှင်းလင်းပွဲမှာ ပြောဆိုသွားပါတယ်။

ဓာတ်ပုံ - ဗြိတိန်အစိုးရ၀န်ကြီးအဖွဲ့ ၀န်ကြီး Francis Maude နဲ့ မြန်မာ့
ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ တွေ့ဆုံစဉ်။
(Credit to OGP FB)

ဗွီအိုအေ

အမေရိကန် လက်ထောက် နိုင်ငံခြားရေး ဝန်ကြီးနဲ့ ဒေါ်အောင်ဆန်း စုကြည် တွေ့ဆုံ

Friday, February 22, 2013

အမေရိကန် လက်ထောက် နိုင်ငံခြားရေး ဝန်ကြီးနဲ့အတူ မြန်မာနိုင်ငံ ဆိုင်ရာ အမေရိကန်သံအမတ်ကြီး Derek Mitchell တို့ကို ဒေါ်အောင်ဆန်းစုကြည်က လွှတ်တော် အဆောက်အအုံဝင်း အတွင်းက တရားဥပဒေ စိုးမိုးရေးနဲ့ တည်ငြိမ် အေးချမ်းရေးကော်မတီ ရုံးခန်းမှာ လက်ခံတွေ့ဆုံခဲ့တာဖြစ်ပါတယ်။

အမေရိကန် လက်ထောက် နိုင်ငံခြားရေးဝန်ကြီး Mr. Michael Posner ဟာ မြန်မာနိုင်ငံကို ၃ ရက်ကြာခရီးစဉ်အဖြစ် မနေ့က ရောက်ရှိလာခဲ့တာပါ။

သူ့ရဲ့ခရီးစဉ်အတွင်း အစိုးရအဖွဲ့ ခေါင်းဆောင်တွေ၊ ဘာသာရေး
ခေါင်းဆောင်တွေ၊ လူမှုအဖွဲ့အစည်းတွေက လူ့အခွင့်အရေး လှုပ်ရှားသူတွေနဲ့ တွေ့ဆုံပြီး မြန်မာနိုင်ငံက လူ့ အခွင့်အရေး အခြေအနေတွေ အထူးသဖြင့် မြန်မာအစိုးရ ထုတ်ပြန်ကြေညာထားတဲ့
နိုင်ငံရေးအကျဉ်းသားကိစ္စ ဆောင်ရွက်နေမှုတွေ ၊ တိုင်းရင်းသားဒေသတွေက ဘာသာရေးလွတ်လပ်ခွင့်နဲ့ ပဋိပက္ခဖြစ်ပွားရာဒေသတွေက လူ့အခွင့်အရေး အခြေအနေတွေကို အဓိကထား လေ့လာဆွေးနွေးမယ်လို့ သိရပါတယ်။

ဒီအတောအတွင်းမှာဘဲ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီကနေ့မနက်ပိုင်းက ကနေဒါနိုင်ငံက ရောက်ရှိနေတဲ့ ပါလီမန်အမတ်များအဖွဲ့နဲ့လည်း တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီ ရုံးခန်းမှာ တွေ့ဆုံခဲ့တယ်လို့ သိရပါတယ်။

RFA

မြန်မာနိုင်ငံကို နယ်စပ်ကနေတင်သွင်းလာတဲ့ စားသောက်ကုန်တွေ စမ်းသပ်စစ်ဆေးပြီးမှ တင်သွင်းသင့်

မြန်မာနိုင်ငံကို နယ်စပ်ကနေတင်သွင်းလာတဲ့ စားသောက်ကုန်တွေ စမ်းသပ်စစ်ဆေးပြီးမှ တင်သွင်းသင့်တယ်လို့ အစားအသောက်နဲ့ဓာတုဆေးဝါးကျွမ်းကျင် ပညာရှင်အချို့က သတိပေးထားပါတယ်။ ရုိုက်ကူး ရီဘွန်း။ DVB TV News

ဗြိတိန်သံဝန်ကြီး ဖရန်စစ် မော်ဒီ ဗြိတိန်သံရုံးတွင် သတင်းစာရှင်းလင်းပွဲ

Thursday, February 21, 2013


မြန်မာနိုင်ငံသို့ နှစ်ရက်ကြာ ရောက်ရှိလာသည့် ဗြိတိန်နိုင်ငံ ဝန်ကြီးများရုံး ဝန်ကြီး ဖရန်စစ် မော်ဒီ (Francis Maude) ၂၀၁၃ ခုနှစ်၊ ဖေဖော်ဝါရီလ ၂၁ ရက်နေ့က ရန်ကုန်မြို့ရှိ ဗြိတိန်သံရုံးတွင် သတင်းစာရှင်းလင်း ပွဲ ပြုလုပ်နေစဉ်။ (ဓာတ်ပုံ - ဘိုဘို၊ မဇ္ဈိမ) ဒေါ်အောင်ဆန်းစုကြည်နှင့် မြန်မာအစိုးရ အဆင့်မြင့်အရာရှိများ၊ တိုင်းရင်းသားခေါင်းဆောင်များ၊ ၈၈ မျိုးဆက် ကျောင်းသားအဖွဲ့ နှင့် ဒီမိုကရေစီအရေး လှုပ်ရှားသူများ ကို တွေ့ဆုံခဲ့ပြီး ပွင့်လင်းမြင်သာသည့် အစိုးရ ဖြစ်လာရေး ဆွေးနွေးခဲ့ကြောင်း ပြောဆိုသွားသည်။



မြန်မာနိုင်ငံသို့ နှစ်ရက်ကြာ ရောက်ရှိလာသည့် ဗြိတိန်နိုင်ငံ ဝန်ကြီးများရုံး ဝန်ကြီး ဖရန်စစ် မော်ဒီ (Francis Maude) ၂၀၁၃ ခုနှစ်၊ ဖေဖော်ဝါရီလ ၂၁ ရက်နေ့က ရန်ကုန်မြို့ရှိ ဗြိတိန်သံရုံးတွင် သတင်းစာရှင်း လင်းပွဲ ပြုလုပ်နေစဉ်။ (ဓာတ်ပုံ - ဘိုဘို၊ မဇ္ဈိမ) ဒေါ်အောင်ဆန်းစုကြည်နှင့် မြန်မာအစိုးရ အဆင့်မြင့်အရာ ရှိများ၊ တိုင်းရင်းသားခေါင်းဆောင်များ၊ ၈၈ မျိုးဆက် ကျောင်းသားအဖွဲ့ နှင့် ဒီမိုကရေစီအရေး လှုပ်ရှားသူများကို တွေ့ဆုံခဲ့ပြီး ပွင့်လင်းမြင်သာသည့် အစိုးရ ဖြစ်လာရေး ဆွေးနွေး ခဲ့ကြောင်း ပြောဆိုသွားသည်။Mizzima - News in Burmese

ဘာဘဲလုပ်လုပ် အမျိုးသားရေးအမြင်နဲ့ အလုပ်လုပ်ကြပါ(ရုပ်/သံ)

ဆရာတော်ဝိရသူဟောတော်မူသော အမျိုးသာရေးအမြင် တရားတော် တပိုင်းတစကို facebook မှ ကူးယူးဖေါ်ပြလိုက်ပါသည်။


FB-Maung Tint Tel

တိုက်စစ်မှူးကျော်ကိုကိုအား လက်ရွေးစင်အသင်းမှထုတ်ပယ်

ရန်ကုန်၊ ဖေဖော်ဝါရီ ၂၀

မြန်မာ့လက်ရွေးစင်တိုက်စစ်မှူး ကျော်ကိုကိုသည် နည်းပြ၏သင်ကြားမှုများကို အကြိမ်ကြိမ် ဝေဖန်ပုတ်ခတ်မှုများ ပြုလုပ်ခဲ့သည့်အပြင် အသင်း၏အုပ်ချုပ်သူနှင့် နည်းပြအဖွဲ့ဝင်များအပေါ် ရိုင်းပြစွာပြုမှုများ လုပ်ဆောင်ခဲ့သည့်အတွက် ဖေဖော်ဝါရီ ၂၀ ရက်တွင် ပဏာမမြန်မာ့လက်ရွေးစင်အသင်းမှ ထုတ်ပယ်လိုက်ကြောင်း သတင်းရရှိသည်။

ကျော်ကိုကိုသည် နည်းပြချုပ်၏ အသင်းဗျူဟာများပေါ်တွင် အမြဲလိုဆင်ခြေပေးခြင်း၊ မကျေနပ်သည့် အပြုအမူများပြုလုပ်ခြင်း၊ အသင်းအစည်းအဝေးများပြုလုပ်ချိန်တွင် မလေးမစားအပြုအမူများ ပြုလုပ်ကာ အစည်းအဝေးမှထွက်ခြင်း၊ နည်းပြချုပ်အား ပမာမခန့်ပြုလုပ်ခြင်းများကို ပြုလုပ်ခဲ့ကြောင်း နည်းပြအဖွဲ့များ၏ သဘောထားထုတ်ပြန်ချက်အရ သိရသည်။

ထိုသို့သော အပြုအမူများကြောင့် အဖွဲ့ချုပ်ဥက္ကဋ္ဌနှင့် တာဝန်ရှိသူများက ၎င်းအား စည်းရုံးမှုများ ပြုလုပ်ခဲ့သော်လည်း လိုက်နာမှုမရှိကြောင်း သိရသည်။

အဆိုးဆုံးအနေဖြင့် ဖေဖော်ဝါရီ ၂၀ ရက် နံနက်ပိုင်းလေ့ကျင့်ရေးကွင်းမှ ပြန်လာချိန်တွင် နည်းပြများရေးဆွဲထားသည့် တစ်နေ့တာ အချိန်ဇယားဘုတ်ပေါ်၌ အုပ်ချုပ်သူနည်းပြများအပေါ် ရိုင်းပျစော်ကားသည့် အဓိပ္ပာယ်သက်ရောက်သော စကားလုံးများကို ရေးသားခဲ့ခြင်းကြောင့် နည်းပြချုပ်က ယခုကဲ့သို့ အသင်းမှ ပြန်လည်စေလွှတ်ခဲ့ကြောင်း သိရသည်။

အဆိုပါ ပဏာမလက်ရွေးစင် နည်းပြအဖွဲ့ဝင်များ၏ သဘောထားထုတ်ပြန်ချက်အား မြန်မာနိုင်ငံဘောလုံးအဖွဲ့ချုပ်မှ သတင်းထုတ်ပြန်ခဲ့သည်။

အသင်းနည်းပြချုပ်ပက်ဆောင်ဟွာကမူ ကျော်ကိုကို၏ အနာဂတ်နှင့်ပတ်သက်၍ မည်သို့မျှ မဖြေကြားနိုင်သေးကြောင်း မိမိအနေဖြင့် နိုင်ငံအတွက်ပေးဆပ်ချင်စိတ်ရှိမည့် ကစားသမားတိုင်းကို အမြဲကြိုဆိုပါကြောင်း ပြောကြားခဲ့သည်။

မြန်မာနိုင်ငံဘောလုံးအဖွဲ့ချုပ်သည် ယင်းကိစ္စနှင့်ပတ်သက်ပြီး အဖွဲ့ချုပ်ဥက္ကဋ္ဌ ဦးဇော်ဇော်ထံ တင်ပြသွားမည်ဖြစ်ပြီး ဥက္ကဌ၏အဆုံးအဖြတ်ပေါ်တွင် မူတည်၍ ထပ်မံဆုံးဖြတ်သွားမည်ဖြစ်ကြောင်း တာဝန်ရှိသူတစ်ဦးကပြောသည်။

ယခုလေ့ကျင့်မှုများပြုလုပ်နေသော ပဏာမမြန်မာ့လက်ရွေးစင်အသင်းသည် မတ်လ ၂ ရက်တွင် ယှဉ်ပြိုင်မည့် AFC Challenge Cup ခြေစစ်ပွဲအတွက် ရည်ရွယ်၍ လေ့ကျင့်နေခြင်းဖြစ်သည်။

7Day News Journal

ဗီယက်နမ်နိုင်ငံသားများ ကိုယ်ပိုင်ကားဖြင့် မြန်မာနိုင်ငံတွင်း လည်ပတ်

ဗီယက်နမ်နိုင်ငံသား ၂၆ ဦးသည် ၄င်းတို့၏ ကိုယ်ပိုင်ကား ၉ စီးဖြင့် မြဝတီ နယ်စပ်ဂိတ်မှတစ်ဆင့်ဝင်ကာ မြန်မာနိုင်ငံအတွင်း လည်ပတ်လျက်ရှိကြောင်း သိရသည်။

၎င်းတို့သည် မြဝတီ နယ်စပ် ဂိတ်မှတစ်ဆင့် ရန်ကုန်၊ နေပြည် တော်၊ မန္တလေး၊ ပုဂံ၊ ပဲခူး စသည့် ဒေသများသို့ ဖေဖော်ဝါရီ ၁၄ ရက်မှ ၂၁ ရက် အထိ လည် ပတ်ကာ မြဝတီနယ်စပ်ဂိတ်မှ ပြန်လည် ထွက်ခွာကြမည်ဟု အဆိုပါ ခရီးစဉ်ကို စီစဉ်ဆောင် ရွက်သော XANADU ခရီးသွားလုပ်ငန်းမှ မန်နေဂျင်းဒါရိုက်တာ ဒေါ်နှင်းမိုးအောင်ကပြောသည်။

ဗီယက်နမ်နိုင်ငံ ဟိုချီမင်းမှ ၄င်းတို့ ကိုယ်ပိုင်ကားများဖြင့် ကမ္ဘောဒီးယားနှင့် ထိုင်းတွင် လည်ပတ်ခဲ့ကြပြီး မြန်မာနိုင်ငံသို့ နောက်ဆုံးခရီးစဉ်အဖြစ် လာရောက်ကြခြင်း ဖြစ်ကြောင်း သိရသည်။
''ဒီနှစ်ထဲ မြဝတီနယ်စပ် ဂိတ်က တိုက်ရိုက်ဖွင့်ပေးလိုက်တော့ သူတို့ ကားတွေနဲ့ သူတို့ ဝင်ခွင့်ရသွားတာ၊ အရင်ကဆို ခွင့်မပြုခဲ့ဘူး'' ဟု ဒေါ်နှင်းမိုးအောင်က ပြောသည်။

ပြည်တွင်းသို့ ကိုယ်တိုင်ကား မောင်း၍ လည်ပတ်လိုသူများအတွက် ခရီးစဉ်ကို နှစ်လ ကြိုတင် ၍ ဟိုတယ်-ခရီးနှင့် ကုန်းလမ်း ပို့ဆောင်ရေးသို့ သွားရောက်လည် ပတ်မည့် ခရီးစဉ်၊ လူဦးရေ ကားအမျိုးအစား၊ အရောင်နှင့် သက်ဆိုင်သည့် အချက်အလက်များကို တင်ပြ၍ သွားလာခွင့်လျှောက် ထားရကြောင်း သိရသည်။

ယခင်နှစ်များ၌ ပြည်တွင်းသို့ ကားမောင်းလည်ပတ်လိုသည့် ခရီးသည်များ သည် ရန်ကုန်သို့ လေယာဉ်ဖြင့်လာရောက်၍ ပြည်တွင်းခရီးသွားကုမ္ပဏီ များမှ စီစဉ် ပေးသော ကားများဖြင့်သာ မောင်းနှင် လည်ပတ်ခွင့်ရှိခဲ့ပြီး၊ ယခု ဇန်နဝါရီအတွင်း၌ မြဝတီ နယ်စပ်ဂိတ်မှ တိုက်ရိုက် ဆိုင်ကယ်၊ ကားများဖြင့် ခရီးသွား လာခွင့်ပြုခဲ့ခြင်းကြောင့် ကိုယ်ပိုင် ကားများဖြင့် မြန်မာနိုင်ငံတွင်း တိုက်ရိုက်လည် ပတ်လိုသူများ အတွက် ခရီးစဉ်သစ်အဖြစ် ပိုမို စိတ်ဝင်စား လာနိုင်ကြောင်း သိရသည်။
ခိုင်နွယ်ဦး Popular Myanmar News Journal

စစ်ကျန် အမေရိကန်စစ်မှုထမ်း ရုပ်ကြွင်းရှာဖွေရေး စတင်

JPAC အဖွဲ့ ဗီယက်နမ်စစ်အတွင်း ကျဆုံး စစ်သည်တွေကို ရှာဖွေစဉ် မှတ်တမ်းဓာတ်ပုံ (By Joint POW/MIA Accounting Command)

ဒုတိယကမ္ဘာစစ်အတွင်း မြန်မာပြည်မြောက်ပိုင်း ဟိမ၀န္တာ တောင်တန်းတွေအနီး ပျောက်ဆုံးခဲ့တဲ့ အမေရိကန် စစ်သည်တွေနဲ့ ပတ်သက်တဲ့ သတင်း အချက်အလက်တွေကို အမေရိကန်ပြည်ထောင်စုက စုံစမ်းနေပါတယ်။

ဟာဝိုင်အီ အခြေစိုက် JPAC - Joint POW/MIA Accounting Command အမေရိကန် စစ်သုံ့ပန်းနဲ့ ပျောက်ဆုံး စစ်သည်တွေကို ပူးတွဲ ရှာဖွေ မှတ်တမ်း ပြုစုရေး ဌာနချုပ်ရဲ့ ကိုယ်စားလှယ် အဖွဲ့ဟာ ဇန်န၀ါရီလအတွင်း မြန်မာနိုင်ငံကို လာရောက်ခဲ့ပြီး အစိုးရ တာဝန်ရှိသူတွေ၊ သမိုင်း သုတေသီတွေနဲ့ တွေ့ဆုံပြီး ဒီနှစ်ကုန်ပိုင်းမှာ ရှာဖွေရေး လုပ်ငန်းတွေ စတင်နိုင်ဖို့ အပြီးသတ် ညှိနှိုင်းနိုင်ခဲ့ကြပါတယ်။

ဒါကြောင့် မြန်မာပြည်သူ လူထုအနေနဲ့ ဒုတိယ ကမ္ဘာစစ်အတွင်း ပျောက်ဆုံးခဲ့တဲ့ အမေရိကန် စစ်မှုထမ်းတွေ ရှာဖွေရေးနဲ့ ပတ်သက်လို့ သတင်းပေးနိုင်ပါရန် အမေရိကန် ပြည်ထောင်စု က နှိုးဆော်လိုက်ပါတယ်။ အပြည့်အစုံကို ဒေါ်ခင်စိုးဝင်း က တင်ပြထားပါတယ်။

ဒုတိယ ကမ္ဘာစစ်အတွင်း မဟာမိတ် တပ်တွေနဲ့အတူ မြန်မာပြည် မြောက်ပိုင်းမှာ တိုက်ပွဲဝင်ခဲ့ကြတဲ့ အမေရိကန် ကျဆုံး စစ်သည်တွေကို ရှာဖွေဖို့အတွက် အမေရိကန် ပြည်ထောင်စု ဟာဝိုင်အီပြည်နယ် အခြေစိုက် အမေရိကန် ပစိဖိတ် စစ်ဌာနချုပ်ရဲ့ တိုက်ရိုက် ကွပ်ကဲမှုနဲ့ ဖွဲ့စည်းထားတဲ့ JPAC ခေါ် အမေရိကန် စစ်သုံ့ပန်းနဲ့ ပျောက်ဆုံး စစ်သည် ပူးတွဲ ရှာဖွေရေးဌာနက စီစဉ်နေတာ ဖြစ်ပါတယ်။

JPAC ရဲ့ လူထု ဆက်ဆံရေးဌာန ညွှန်ကြားရေးမှူးလည်းဖြစ်၊ အမေရိကန် လေတပ်က ဗိုလ်မှူး လည်းဖြစ်သူ ဗိုလ်မှူး ဖိလစ် အူလ်မာ (Phillip Ulmer) က JPAC ရဲ့ ရည်ရွယ်ချက်ကို ဗွီအိုအေ ကို အခုလို ရှင်းပြပါတယ်။

“JPAC လို့ အတိုကောက်ခေါ်တဲ့ ဒုတိယကမ္ဘာစစ်အတွင်းက အမေရိကန် စစ်သုံ့ပန်းတွေနဲ့
ပျောက်ဆုံး စစ်သည်တွေ ပူးတွဲ ရှာဖွေ မှတ်တမ်းပြုစုရေး ဌာနချုပ်ဟာ လူသားချင်း စာနာမှု ရည်ရွယ်ချက်နဲ့ ဖွဲ့စည်း ထူထောင်ထားတာ ဖြစ်ပါတယ်။ အမေရိကန် ကာကွယ်ရေး ၀န်ကြီးဌာနရဲ့ စစ်မှုထမ်းဦးရေ မှတ်တမ်းပြုစုရေး ကြိုးပမ်းမှုအတွက် JPAC အနေနဲ့ အတိတ်က ပဋိပက္ခတွေ အတွင်းမှာ ကျဆုံးခဲ့တဲ့၊ ဒါမှမဟုတ် ပျောက်ဆုံးခဲ့တဲ့ အမေရိကန် စစ်သည်တွေကို ရှာဖွေရေး၊
ပြန်လည် သယ်ယူရေး၊ ဘယ်သူဘယ်ဝါ ဖြစ်တယ်ဆိုတာကို ဓာတ်ခွဲ စမ်းသပ်တာတွေနဲ့ အကူအညီပေးနေတာဖြစ်ပါတယ်။”

မြန်မာပြည်အတွင်းမှာ ဒုတိယ ကမ္ဘာစစ်အတွင်းက အမေရိကန် စစ်သည် ဘယ်နှစ်ယောက်လောက် များ ပျောက်ဆုံးခဲ့ တယ်လို့ JPAC အနေနဲ့ ခန့်မှန်းထားပါသလဲဆိုတဲ့ အမေးကိုတော့ ဗိုလ်မှူး ဖိလစ် အူလ်မာ က အခုလို ဖြေပါတယ်။

“JPAC မှာ တာဝန် ထမ်းဆောင်နေကြတဲ့ အမျိုးသားနဲ့ အမျိုးသမီး အမှုထမ်းတွေက ဒုတိယ ကမ္ဘာစစ်အတွင်း ဟိမ၀န္တာ တောင်တန်းတွေအနီး ပျောက်ဆုံးခဲ့တယ်လို့ ယူဆရတဲ့ အမေရိကန် စစ်သည် ၇၀၀ ကျော်ကို ဆက်လက်ရှာဖွေနေကြဆဲ ဖြစ်ပါတယ်။”

အမေရိကန် ပျောက်ဆုံးစစ်သည် ရှာဖွေရေးနဲ့ ပြန်လည် သယ်ယူရေး JPAC ကိုယ်စားလှယ် အဖွဲ့ဟာ မြန်မာနိုင်ငံကို မကြာခင်က ရောက်ရှိခဲ့ပြီး၊ သက်ဆိုင်ရာ တာဝန်ရှိသူတွေနဲ့ တွေ့ဆုံ
ဆွေးနွေးခဲ့တယ်လို့ ဗိုလ်မှူး ဖိလစ် အူလ်မာ က အခုလို ပြောပြပါတယ်။

“JPAC ရဲ့ စီစဉ်ရေး ကိုယ်စားလှယ် အဖွဲ့ဟာ မြန်မာနိုင်ငံကနေ မကြာခင်ကပဲ ပြန်ရောက်လာ ကြတာပါ။ အဲ့ဒီခရီးစဉ် အတွင်းမှာ မြန်မာအစိုးရ တာဝန်ရှိသူတွေနဲ့ တွေ့ဆုံပြီး ဒီနှစ်ကုန်ပိုင်းမှာ စတင်ဖို့ စီစဉ်ထားတဲ့ JPAC ရဲ့ အနာဂတ် လုပ်ငန်းတွေနဲ့ ပတ်သက်လို့ အပြီးသတ် ညှိနှိုင်းနိုင်ခဲ့ ပါတယ်။ အဖွဲ့ဝင် ၅ ဦး ပါဝင်တဲ့ JPAC ကိုယ်စားလှယ်အဖွဲ့နဲ့ အတူ အမေရိကန် သံရုံးဝန်ထမ်းတွေ လည်း မြန်မာအစိုးရ အရာရှိတွေနဲ့ ဆွေးနွေး ညှိနှိုင်းခဲ့တာ ဖြစ်ပါတယ်။ ဒေသခံ သမိုင်း ပညာရှင်
တွေ၊ ဒုတိယ ကမ္ဘာစစ်ဆိုင်ရာ သုတေသီတွေနဲ့ မော်ကွန်းတိုက် မှတ်တမ်းဆိုင်ရာ ပြတိုက်မှူးတွေ အပြင် သက်ဆိုင်ရာ တာဝန်ရှိပုဂ္ဂိုလ်တွေနဲ့လည်း တွေ့ဆုံနိုင်ခဲ့ပါတယ်။”

JPAC ကိုယ်စားလှယ်အဖွဲ့ရဲ့ ရှာဖွေရေး လုပ်ငန်းတွေကို မြန်မာနိုင်ငံမှာ လွန်ခဲ့တဲ့ ၈ နှစ်က ဆောင် ရွက်ခဲ့ဖူးပါတယ်။ မှတ်တမ်းတွေအရ မြန်မာပြည်တွင်း ခန့်မှန်းချေ အမေရိကန် စစ်ဘက်နဲ့ အရပ်ဘက် အမှုထမ်းပေါင်း ၇၃၀ ခန့် ပျောက်ဆုံး ခဲ့တယ်လို့ ရန်ကုန် အမေရိကန်သံရုံးရဲ့ ထုတ်ပြန်ချက်မှာ ဖော်ပြထားပါတယ်။

ဒါကြောင့် မြန်မာပြည်က အများပြည်သူအနေနဲ့ အမေရိကန် POW (Prisoners of War) စစ်သုံ့ပန်းနဲ့ MIA (Missing In Action) ပျောက်ဆုံး စစ်သည်တွေနဲ့ ပတ်သက်လို့ သတင်းပေးနိုင်ဖို့အတွက် JPAC ကိုယ်စားလှယ်အဖွဲ့က မေတ္တာရပ်ခံ ထားတာနဲ့ ပတ်သက်လို့လည်း ဗိုလ်မှူး ဖိလစ် အူလ်မာ က အခုလို ရှင်းပြပါတယ်။

“မြန်မာပြည်တွင်း အမေရိကန် စစ်မှုထမ်း ဒါမှမဟုတ် အမေရိကန် လေယာဉ် ပျက်ကျခဲ့တဲ့ နေရာနဲ့ ပတ်သက်လို့ ဘယ်သူပဲ ဖြစ်ဖြစ် သတင်းပေးဖို့ရှိရင် အကြောင်းကြားပေးနိုင်ဖို့အတွက် JPAC ကိုယ်စားလှယ်အဖွဲ့က အရေးပေါ် တယ်လီဖုန်းလိုင်း ဖွင့်ပေးထားပါတယ်။ ခေါ်ဆိုရမယ့် ဖုန်းနံပါတ် က ၀၉-၅၄၁၉၅၆၉ ဖြစ်ပါတယ်ခင်ဗျ။”

ကမ္ဘာတ၀ှမ်း အတိတ်ကာလက ပဋိပက္ခတွေအတွင်း ပျောက်ဆုံးခဲ့တဲ့ အမေရိကန် နိုင်ငံသား ၈၃,၀၀၀ ကို ရှာဖွေဖို့ အတွက် JPAC အဖွဲ့က စစ်ဘက်နဲ့ အရပ်ဘက် ၀န်ထမ်း အင်အား ၅၀၀ ကျော် နဲ့ ဆက်လက် ကြိုးပမ်းနေဆဲ ဖြစ်ပါတယ်။

ဒါကြောင့်မို့လို့ မြန်မာပြည်တွင်း ပျောက်ဆုံး အမေရိကန် စစ်သည်တွေနဲ့ အမေရိကန် လေယာဉ် ပျက်ကျတဲ့ နေရာတွေနဲ့ ပတ်သက်လို့ သတင်းပေးဖို့ ရှိတယ်ဆိုရင် တယ်လီဖုန်းနံပါတ် ၀၉-၅၄၁၉၅၆၉ ကို ဆက်သွယ် သတင်းပေးနိုင်ကြောင်း အသိပေး အပ်ရင်း ပူးပေါင်း ကူညီကြပါရန် ရန်ကုန်မြို့ အမေရိကန် သံရုံးက နှိုးဆော်ထားပါတယ်။

ဖုန်းဆင်းကတ်ပျောက် ကိုယ်တိုင်လျှောက်လျှင် နေ့ချင်း ရပြီ

ဖုန်းဆင်းကတ် ပျောက်ဆုံးသူများ စာရွက်၊ စာတမ်းအပြည့်အစုံနှင့်ကိုယ်တိုင်လာရောက် လျှောက်ထားပါ က နေ့ချင်းပြီး ဆောင်ရွက်ပေးနေပြီဟု ရွှေဂုံတိုင် ဆက်သွယ်ရေး ရုံးမှ သိရသည်။

ယခင်က မြန်မာ့ဆက်သွယ်ရေး လုပ်ငန်းအနေဖြင့် ဖုန်းဆင်းကတ်ပျောက်ဆုံးမှုကို နှစ်ပတ်ကြာမှသာ ပြန် လည်ထုတ်ပေးခဲ့ပြီး ကတ်ပျောက် လျှောက် ထားမှုကို ကိုယ်စား လျှောက်ခွင့်ပေးခဲ့ကြောင်း သိရသည်။

''ဒီလ ဒုတိယအပတ်ထဲမှာပဲ စနစ် ပြောင်းလဲခဲ့တာပါ။ ကိုယ်တိုင်လာ မလျှောက်ရင်တော့ နေ့ ချင်းပြီး ရမှာ မဟုတ်ပါဘူး။ အဓိကတော့ ဖုန်း အမှန်တကယ် ပျောက်ဆုံးခဲ့တဲ့ လူတွေ အချိ်န်တိုအတွင်း ဖုန်းပြန်ကိုင်နိုင်ဖို့ အရင်စနစ်ကို ပယ်ဖျက်ပေးလိုက်တာပါ'' ဟု ရွှေဂုံတိုင်ဆက်သွယ်ရေးရုံးမှ အင်ဂျင်နီယာမှူး ဦးအောင်ကျော်သက် က ပြောသည်။

ယင်းသို့ ကတ်ပျောက်ဆုံးမှုကို နှစ်ပတ်မှ နေ့ချင်းပြီး ဆောင်ရွက်ပေး ခဲ့သော်လည်းကတ်ပျောက်မှုအ တွက် ပေးသွင်းရသည့် နှုန်းထားကိုမူ ယခင်နှုန်းအတိုင်း ကျပ် နှစ်သောင်းဆက်လက် ကောက်ခံလျက် ရှိကြောင်း၊ ကတ်ပျောက် လျှောက်ထားမှုတွင်လည်း ဆက်သွယ်ရေးမှ ရောင်းချသည့် ဖုန်းများအပြင် ကုမ္ပဏီများမှ ရောင်းချထားသည့် ဖုန်းများကိုလည်း ဆောင် ရွက်ပေးနေပြီ ဖြစ်ကြောင်း ၄င်းက ဆက်လက်ပြောသည်။

ဖုန်းဆင်းကတ် ပျောက်ဆုံးမှုများနှင့် ပတ်သက်၍ ရတနာပုံ တယ်လီပို့ ကုမ္ပဏီမှ တာဝန်ရှိသူတစ်ဦးက ''ကိုယ်တိုင်လျှောက်မယ်၊ စာရွက်စာတမ်း အပြည့်အစုံပါမယ် ဆိုရင် တော့ ဆက်သွယ်ရေးရုံးကို တိုက်ရိုက်သွားနိုင် ပါတယ်။ ကိုယ်တိုင်မလျှောက်ဘူး၊ ကိုယ်စား လျှောက်မယ်ဆိုရင်တော့ ကုမ္ပဏီကို လာလျှောက်နိုင်ပါတယ်။ နေ့ ချင်း ပြီးတော့ မရဘူး။ သုံးပတ် အချိန်ကြာမှာပါ'' ဟု ပြောသည်။

လက်ရှိတွင် မြန်မာ့ဆက်သွယ် ရေးမှ မိုဘိုင်းဖုန်းများနှင့် ပတ်သက်၍ အင်တာနက်လျှောက်ခြင်း၊ ဖုန်းဝယ်ခြင်း၊ ကတ်ပျက်စီးခြင်းနှင့် ကတ်ပျောက်ဆုံးခြင်းများကို နေ့ ချင်းပြီး ဆောင်ရွက်ပေးလျက် ရှိကြောင်း သိရသည်။
အောင်ဇော်Popular Myanmar News Journal

စံ-ဇာဏီဘို ဟောစာတမ်း မိုဘိုင်းဖုန်းများတွင် ဖတ်နိုင်ပြီ

စံ-ဇာဏီဘို၏ ယခုနှစ် ဗေဒင်ဟောစာတမ်း Application ကို မိုဘိုင်းဖုန်း များတွင် ထည့်သွင်းဖတ်ရှုနိုင်ပြီဖြစ်သည်။အဆိုပါဗေဒင် Application များကို Android ဖုန်းများတွင် သုံးစွဲနိုင် ရန် ဖေဖော်ဝါရီလ ၁၄ ရက်နေ့မှ စတင်ဖြန့်ချိခဲ့ခြင်း ဖြစ်သည်။

''ဈေးကွက်ထဲမှာရှိတဲ့ ဗေဒင် Application တွေလို မဟုတ်ပါဘူး။ ဆရာစံ-ဇာဏီဘို ကိုယ်တိုင်ရေးသား တွက်ချက်မှုများအတိုင်း စီစဉ်ပေးထားတာပါ။ ဆရာကိုယ်တိုင် လည်း တရားဝင်ခွင့်ပြုပေးထားပါတယ်''ဟု Technomation မှ တာဝန်ရှိသူတစ်ဦးက ပြောသည်။

ဗေဒင်တွက်ချက်မည်ဆိုပါက တွက်ချက်သူ၏ အမည်၊ လက်ရှိ ရောက်နေ သည့်အသက်နှင့် မွေးနေ့များကို ထည့်သွင်းပေးရုံဖြင့် အလိုအလျောက် တွက်ချက်ပေးသွား မည်ဖြစ်ပြီး ယတြာများကိုပါ ထည့်သွင်းပေး ထားကြောင်း ၄င်းက ဆက်လက်ပြောသည်။

''၁၂ ရာသီဗေဒင်၊ အချစ်ဗေဒင်နဲ့ ကံအကျိုးပေးဆိုပြီး အဓိက ကဏ္ဍ သုံးပိုင်းမှာ ၁၂ ရာသီ ဗေဒင်ကို အနောက်တိုင်းရာသီခွင် တစ်ခုချင်းအလိုက် တစ်ပတ်စာ အသေးစိတ် ဟောကိန်း များ ပါဝင်မှာပါ။ ရာသီခွင် တစ်ခုချင်း မှာလည်း လူမှုရေး၊ ပညာရေး၊ အချစ်ရေး၊ ကျန်းမာရေးစတဲ့ ကဏ္ဍခွဲပေါင်း ကိုးခုထည့်သွင်း ပေးထားပါတယ်''ဟု ၄င်းက ဆက်ပြောသည်။

လက်ရှိတွင် စံ-ဇာဏီဘိုဗေဒင် Application များကို လူကြီးမင်း၊ Mr.fone, ovi suite,Mobile king,AMT, Win Mobile World ဆိုင်များတွင် တရား ဝင် ရောင်းချပေးလျက်ရှိပြီး ထည့်သွင်းမည်ဆိုပါက ကျပ် ၂၅ဝဝ ကျသင့် မည်ဖြစ်ကြောင်း Android အပြင် i Phone, i Pad, ios ဖုန်းများကိုလည်း App Store မှ ရောင်းချပေးသွားရန်လည်း စီစဉ်လျက်ရှိကြောင်း သိရသည်။
Popular Myanmar News Journal

တပ်မတော်နဲ့ ပါတ်ီတွေ တိုင်ပင်လုပ်ကိုင်ရင် တိုးတက်မှုရမယ်လို့ ဒေါ်အောင်ဆန်းစုကြည် ပြော

Wednesday, February 20, 2013

NLD ဥက္ကဌ ဒေါ်အောင်ဆန်းစုကြည်က တပ်မတော်ခေါင်းဆောင်တွေ နဲ့ နိုင်ငံရေးခေါင်းဆောင်တွေ တွေ့ ဆုံပြီး နွေးနွေးထွေးထွေး တိုင်ပင်ဆောင်ရွက်ရင် တိုင်းပြည်တိုး တက်မှာ ဖြစ်တယ်လို့ ဒီကနေ့ ထပ် မံပြောကြား လိုက်ပါတယ်။

RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် ယခု လတ်တလောမှာ သူနဲ့တပ်မတော်ခေါင်းဆောင်တွေ တွေ့ဆုံဖို့ဖြစ်နိုင်ကြောင်း သတင်းထွက်နေတာနဲ့ ပတ်သက်ပြီး မေးမြန်းရာမှာ ဒေါ်အောင်ဆန်းစုကြည်က အခုလိုဖြေကြားခဲ့တာပါ။

တဆက်တည်းမှာပဲ လွတ်တော်အမတ်တွေ မေးမြန်းတာကို သက်ဆိုင်ရာ ဝန်ကြီးဌာနတွေက တိတိကျကျ ဖြေကြားခြင်းမရှိခဲ့တာနဲ့ ပတ်သက်ပြီးသူမရဲ့သဘောထားကို မေးမြန်းရာ မှာတော့ ပြည်ထောင်စု လွှတ်တော်နာယက ဦးခင်အောင်မြင့်က ဒီကိစ္စအတွက် တိုက်တွန်းပြောဆိုခဲ့ပြီး
နောက်ပိုင်းမှာ သက်ဆိုင်ရာဝန်ကြီးဌာနတွေရဲ့ ပြန်လည်ဖြေကြားချက်တွေဟာ တိုးတက်လာကြောင်းနဲ့ လွှတ်တော်သက်တမ်း နုနယ်သေးတဲ့အတွက် လုပ်ထုံးလုပ်နည်းတွေနဲ့ စိမ်းနေတာကြောင့် ခုလိုပေါ်ပေါက်
ခဲ့တာဖြစ်နိုင်ကြောင်း ဒေါ်အောင်ဆန်းစုကြည်က ပြောဆိုပါတယ်။
ဓာတ်ပုံ - ဗညားဦး (Yangon Media Group)
RFA

မွေးမြူရေးအစားအစာနှင့် နို့ထွက်ပစ္စည်းလုပ်ငန်းအား တရားစွဲဆိုတော့မည်

ရန်ကုန်၊ ဖေဖော်ဝါရီ-၂၁

ရယ်ဒီအေ၀မ်းငါးသေတ္တာထုတ်လုပ်သော မြန်မာမက်ခရိုင်အင်ဒတ်(စ်)ထရီကုမ္ပဏီလီမိတက်မှ မွေးမြူရေးနှင့်   ရေလုပ်ငန်းဝန်ကြီးဌာန လက်အောက်ရှိ မွေးမြူရေးအစားအစာနှင့် နို့ထွက်ပစ္စည်းလုပ်ငန်းအား တရားစွဲဆိုတော့မည်ဖြစ်ကြောင်း သတင်းရရှိသည်။

"ဥပဒေအရ တန်ပြန်အရေးယူမှု လုပ်လို့ရပြီ။ အမှုကတော့ ရင်းနှီးမြှုပ်နှံမှု အနှစ်နှစ်ဆယ်စာချုပ် ကို မြွတ်ဟပေးစေလိုမှုပါ။ အဲဒီလိုတရားစွဲထားတုန်းမှာ ဌာနကနေ အစိုးရအိမ်ဥပစာ (နှင်ထုတ်ခြင်း) အက်ဥပဒေနဲ့ ကျွန်တော်တို့ကို ရဲခေါ်ပြီး စက်ရုံထဲက ဆွဲထုတ်ဖို့လုပ်ရင် အယူခံလည်းတင်မယ်။ တရားရုံးကို မထေမဲ့မြင် ဥပဒေပုဒ်မ သုံးနဲ့ ထပ်စွဲဖို့ အစီအစဉ်ရှိပါတယ်" ဟု ကုမ္ပဏီ၏ တရားလွှတ်တော်ရှေ့နေ ဦးထွန်းအေးက ဖေဖော်ဝါရီ ၂၁ ရက်တွင် ပြောသည်။

ရန်ကုန်တိုင်းဒေသကြီး၊ သာကေတမြို့နယ်၊ စက်မှုဇုန်၊ မြမာလာလမ်း၊ အမှတ် ၈၂ ရှိ ဌာနပိုင် သာကေတစည်သွတ်စက်ရုံနှင့် မြေဧရိယာ ၄ ဒသမ ၇၀ ဧကအား ၁၉၉၇ ခုနှစ် မေ ၁၅ ရက်မှ စတင်ကာ အထက်ပါဌာနနှင့် ကုမ္ပဏီကြားတွင် တစ်နှစ်လျှင် ငှားရမ်းခ ၉ ဒသမ ၀၄၃ သန်းဖြင့်စတင်ကာ ငှားရမ်းခြင်းသဘောတူ စာချုပ်ကို ကနဦး အနှစ်နှစ်ဆယ်နှင့် ငါးနှစ်စီတစ်ကြိမ် သက်တမ်းတိုးနိုင်ကြောင်း နှစ်ဖက်သဘောတူ လက်မှတ်ရေးထိုးခဲ့ကြခြင်းဖြစ်သည်။

ထို့နောက် ၂၀၀၈ ခုနှစ်တွင် ပုဂ္ဂလိကပိုင်ပြုလုပ်ရေး ကော်မရှင်မှ ၎င်းစက်ရုံအား လေလံတင်သောအခါ ကုမ္ပဏီမှ ကန့်ကွက်ခြင်းမရှိဘဲ လေလံအပြိုင်ဝင်ဆွဲရာ မရဘဲ ဒေါ်မေအေးမွန်မှာ ကျပ်သန်းပေါင်း ၃,၂၉၀ ဖြင့် ၀ယ်ယူခွင့် ရရှိခဲ့ကြောင်း ဖေဖော်ဝါရီ ၁၄ ရက်တွင် အဆိုပါဌာနမှ အထွေထွေမန်နေဂျာ ဒေါက်တာပြည့်စုံက ပြောသည်။

"လေလံအောင်တဲ့သူကလည်း ငွေအကြေပေးသွင်းပြီးသားမို့ အစိုးရဌာနအနေနဲ့ လွှဲပေးရတော့မှာမို့လို့ နောက်နှစ်လအတွင်းမှာ အစိုးရအိမ်ဥပစာ (နှင်ထုတ်ခြင်း) အက်ဥပဒေနဲ့ ရဲခေါ်ပြီး စက်ရုံထဲက ဆွဲထုတ်တော့မယ်" ဟု ၎င်းက ပြောသည်။

ရယ်ဒီအေ၀မ်းငါးသေတ္တာထုတ်လုပ်သော မြန်မာမက်ခရိုအင်ဒတ်(စ)ထရီကုမ္ပဏီလီမိတက်၏ စက်ရုံတွင် ၀န်ထမ်း ၂၁၄ ဦးရှိပြီး ကုမ္ပဏီဘက်မှ ဌာနအား တရားမစွဲမီ သာကေတမြို့နယ်လွှတ်တော်ကိုယ်စားလှယ်၊ ရန်ကုန်တိုင်းဒေသကြီး အစိုးရအဖွဲ့၊ ပြည်ထောင်စုလွှတ်တော်နှင့် သမ္မတထံတိုင်စာများ ထပ်မံပေးပို့သွားမည်ဖြစ်ကြောင်း သတင်းရရှိသည်။7Day News Journal

ကျုပ်တို့အရေး ဘာဆွေးနွေးကြသေးလဲ