တိုင်း ပြည်ကောင်းဖို့လုပ်တဲ့ ကိစ္စ၊ လုပ်မယ့် ကိစ္စမျိုးကို ဘယ်အဖွဲ့အစည်းကပဲ လုပ် လုပ် ကြိုဆိုကြရမှာပဲ မဟုတ်လား။ ကမ္ဘာပေါ်မှာ သက်တမ်းအရှည်ဆုံးလို့ ပြောနိုင်တဲ့ ပြည်တွင်းစစ်ဖြစ်ခဲ့တာ အခု ဆိုရင် ၆၅ နှစ်တောင် ကျော်ခဲ့ပါပြီ။ အဲဒီ သက်တမ်းရှည်ပြည်တွင်းစစ်ကို ချုပ်ငြိမ်းဖို့ ကြိုးစားအားထုတ်မှုမှန်သမျှ ကို ဝမ်းမြောက်ဝမ်းသာ ကြိုဆိုကြရမှာပါ။ ပြည်သူလူထုကြီးရော၊ လက်နက် ကိုင်တိုက်ခဲ့တဲ့ ဘက်နှစ်ဖက်စလုံးပါ တကယ်ဝမ်းသာရမယ့် အခြေအနေမျိုး ရောက်လာရလာအောင် ရိုးရိုးသားသား လုပ်ကြဖို့ပဲ လိုပါလိမ့်မယ်။
ရိုးသားဖို့လိုမယ်လို့ ပြောရတာ ဟာ မရိုးမသားလုပ်ခဲ့တဲ့ ငြိမ်းချမ်းရေး ဆွေးနွေးပွဲ အတိတ်သမိုင်းတွေရှိခဲ့လို့ပါ။ အဲဒီအတိတ်ဆိုးတွေကို သင်ခန်းစာယူ ပြီးအကောင်းဆုံး လုပ် ကိုင်နိုင်ကြလိမ့် မယ်လို့ မျှော်လင့်ထားပါတယ်။ အတိတ် ဆိုးကိုနမူနာယူမှာ မဟုတ်တော့ဘူးလို့ ပါယုံကြည်ထားပါရစေခင်ဗျာ့။
စစ်ပွဲမှာ အမှန်တရားကျဆုံး
ပြည်တွင်းစစ် ဖြစ်ခဲ့တဲ့ ၆၅ နှစ် ကျော်ကာလအတွင်း စစ်ကြောင့်ဆုံးရှုံး ကျဆုံးသွားရတာတွေထဲမှာ လူ့အသက် တွေ၊ ပစ္စည်းဥစ္စာတွေ၊ တိုင်းပြည်ဘဏ္ဍာ တွေသာမကဘဲ အမှန်တရားနဲ့ လွတ် လပ်မှုကလည်းထိပ်ဆုံးကပါတယ်လို့ ဆို ကြပါတယ်။ အဲဒီပြည်တွင်းစစ်ကြောင့် ရှင်သန်ကြီးမားပြီး တန်ခိုးထွားလာခဲ့ တာကတော့အာဏာရှင်စနစ်နဲ့ အာဏာ ပြဗိုလ်ကျရမ်းကားတဲ့ ဓလေ့စရိုက်တွေပဲ ဖြစ်ပါတယ်။ အဲဒီ့ အာဏာရှင်စနစ် ကြောင့်ပဲ ဒီမိုကရေစီရောလူ့ အခွင့်အ ရေးပါ ဆိတ်သုဉ်းမျိုးတုံးတော့မ လိုလို ဖြစ်ခဲ့ရတယ်။ ဒီကနေ့ ကျွန်တော်တို့ တိုင်းပြည်ရဲ့ ငြိမ်းချမ်းရေး တည်ဆောက် နိုင်ဖို့ကိစ္စမှာ တိုင်းရင်းသား လူမျိုးစု ပြဿနာဖြေရှင်းရေးဟာ ထိပ်ဆုံးနေရာ မှာ ရောက်နေတာကို ငြင်းမရပါဘူး။
ငြိမ်းချမ်းရေးမရှိရင် ဒီမိုကရေစီရှင်သန် ဖွံ့ဖြိုးရေးဟာ အာမခံချက်မရှိနိုင်ပါဘူး။ ငြိမ်းချမ်းရေး၊ ဒီမိုကရေစီရှင်သန်ရေး ဟာလည်း တိုင်းရင်းသားတွေနဲ့ သွေး စည်းညီညွတ်ရေးမရှိဘဲ မဖြစ်နိုင်ပါဘူး။ သွေးစည်း ညီညွတ်ဖို့ဆိုတာကလည်း တန်းတူအခွင့် အရေးမရှိရင် စိတ်ချပြီး ရေရှည်ခံတဲ့အာမခံချက် မဖြစ်နိုင်ပါဘူး။
ကျွန် မဟုတ်ဘူး၊ တန်းတူ
ဒီကနေ့ ကျွန်တော်တို့ တိုင်းပြည် ကို ‘ပြည်ထောင်စုမြန်မာနိုင်ငံ’လို့ ခေါ် နေနိုင်တာဟာ ၁၉၄၇ တုန်းက ချုပ်ဆို ခဲ့တဲ့ ပင်လုံစာချုပ်ကြောင့် ဖြစ်ပါတယ်။ အင်္ဂလိပ်လက်အောက်မှာ ကျွန်ဖြစ်ခဲ့ ကြတော့ အဲဒီကျွန်ဘဝက လွတ်မြောက် ဖို့အတွက် အတူတကွ လက်တွဲတိုက်ပွဲ ဝင်ခဲ့ကြတဲ့ သမိုင်းရဲ့ကွင်းဆက်လို့ ပြော ရင်ရမှာပါ။အင်္ဂလိပ်လက်အောက် မကျ ရောက်ခင် ရှေ့ပိုင်းကာလတွေ တုန်းက ဆိုရင် တိုင်းရင်းသားလူမျိုးစုတွေဟာ သီးခြားလွတ်လပ်တဲ့ လူမျိုးတွေလို့ဆို ကြပါတယ်။
ရခိုင်နဲ့မွန်လူမျိုးတွေဆိုရင် မြန်မာဘုရင်လက်အောက်ကို မကျ ရောက်ခင်က ကိုယ့်ထီးကိုယ့်နန်းကိုယ့် ကြငှန်းနဲ့ ကိုယ့်အင်ပါယာတွေနဲ့ ဖြစ်ခဲ့ ကြတာဟာလည်း သမိုင်းမှာ အထင်အ ရှားရှိခဲ့ကြပါတယ်။ ရှမ်းက စော်ဘွား၊ ချင်းတွေကချင်တွေကလည်း သူ့ဒေသ ဆိုင်ရာအုပ်ချုပ်ရေးစနစ်တွေနဲ့ သီးခြားစီနေခဲ့ကြတာပါ။ ပင်လုံစာချုပ် ချုပ်ဆို ရမယ့်အခြေအနေ ရောက်လာတဲ့အခါ ဗိုလ်ချုပ်(ဦး)အောင်ဆန်းရဲ့ ဖိတ်ခေါ် ကမ်းလှမ်းချက်ကို ယုံကြည်လက်ခံပြီး ပင်လုံစာချုပ်ကို လက်မှတ်ရေးထိုးခဲ့ကြ တာလို့တိုင်းရင်း သားတွေဘက်က ဆိုကြ တယ်။
အဲဒီကာလမှာ ဦးအောင်ဆန်းပြော ခဲ့တဲ့ စကားကိုတိုင်းရင်းသားခေါင်း ဆောင်တွေက ကိုးကားပြောလေ့ရှိပါ တယ်။ အဲဒါကတော့ -”ခင်ဗျားတို့ တောင်ပေါ်သားတွေ ကို အင်္ဂလိပ်ကျွန်ဘဝမှာ မနေစေချင် သလို ဗမာလူမျိုးတို့ရဲ့ ကျွန်ဘဝမှာလည်း မနေစေရဘူး။ တန်းတူရည်တူဆက်ဆံပါ့ မယ်။ ဗမာတစ်ကျပ်ရရင်ရှမ်းလည်းတစ် ကျပ်ရစေရမယ်”ဆိုတဲ့စကားပါပဲ။ ဗိုလ်ချုပ်အောင် ဆန်းကို ယုံလို့ ပင်လုံစာချုပ်မှာ လက် မှတ်ရေးထိုးခဲ့ကြတာတဲ့။
ဘယ်လူမျိုး၊ ဘယ်ပုဂ္ဂိုလ်ကမှ လက်နက်နဲ့တိုက်ခိုက် သိမ်းပိုက်ပြီး ကျွန်ပြုလိုက်လို့ ဒီနိုင်ငံဒီ နယ်နိမိတ်ထဲမှာ နေထိုင်ကြတာမဟုတ် ပါဘူးတဲ့။ ဘိုးဘွားအစဉ်အဆက် နေ ထိုင်ပိုင်ဆိုင်ခဲ့တဲ့ နယ်မြေဒေသအသီး သီးကနေ မိမိတို့သဘောဆန္ဒအလျောက် ပူးပေါင်းပါဝင်ပြီး ဒီပြည်ထောင်စုနိုင်ငံ ကြီးကို ထူထောင်ခဲ့ကြတာတဲ့။ ဒါ ကြောင့် ဒီပြည်ထောင်စုကြီး ရဲ့အချုပ် အခြာ အာဏာတည်မြဲရေး၊ လွတ်လပ် ရေး အဓွန့်ရှည်တည်တံ့ရေးဆိုတဲ့ တာ ဝန်တွေဟာ လူမျိုးတစ်မျိုး၊ လူတန်းစား တစ်ရပ်တည်းရဲ့ တာဝန်မဟုတ်ဘဲနဲ့ တိုင်းရင်းသား လူမျိုးအားလုံးက တန်း တူရည်တူဆောင်ရွက်ရမယ့်တာဝန် ဖြစ် ပါသတဲ့။
တာဝန်ယူမှုမှာ တန်းတူရည် တူ ရှိဖို့လိုသလို အခွင့်အရေး ရရှိမှု အပိုင်းမှာလည်း တန်းတူရည်တူရှိဖို့ လို အပ်တယ်။ အခွင့်အရေးလည်း မရှိ၊ တာဝန်ယူပိုင်ခွင့်မရှိတဲ့ ဘဝဟာ ကျွန် ဘဝပါပဲတဲ့။ ဒီစကားတွေက လက်ခံနိုင်တဲ့ စကား၊ လက်ခံသင့်ကြတဲ့သဘောထား တွေလို့ ယူဆပါတယ်။ ကိုယ့်ကိုယ်ကိုယ် ဒီမိုကရေစီဘက်တော်သားလို့ ခံယူထား သူတွေအတွက် စဉ်းစားတိုင်းတာစရာ ‘စံပေတံ’တစ်မျိုးလည်း ဖြစ်ပါလိမ့်မယ်။
အရေးကြီးတာက
ကျွန်တော်တို့တိုင်းပြည်ကို စစ် မှန်တဲ့ငြိမ်းချမ်းရေးရအောင် လုပ်ပေး မယ့် အဆုံးအဖြတ်ပေးမယ့်သူတွေက ဘယ်သူတွေလဲ။ အစိုးရကလွဲလို့ ဘယ် သူရှိမှာလဲလို့ လည်း မေးစရာဖြစ်နိုင်ပါ တယ်။ ဒီကနေ့ခေတ်မှာတော့ အစိုးရ ရော လွှတ်တော်မှာပါ တာဝန်ရှိတယ်လို့ ပြောရမယ်ထင်ပါတယ်။ အဲဒါတွေထက် အရေးကြီး တာက ၂ဝဝ၈ ဖွဲ့စည်းပုံ အခြေခံဥပဒေအရ ဆုံးဖြတ်လုပ်ပိုင်ခွင့် တွေ ရထားတဲ့ စစ်တပ်(တပ်မတော်)က ပိုလို့တောင် အခရာကျတယ်ဆိုပြီး ပြော လာတဲ့သူ ရှိရင်လည်း သဘောတူဖို့ ဝန် မလေးကြောင်းပါ ခင်ဗျာ့။
ပြီးတော့ မဟာလူမျိုးကြီးဝါဒနဲ့ ကျဉ်းမြောင်းတဲ့လူ မျိုးရေးဝါဒတွေကလည်း ငြိမ်းချမ်းရေး အတွက် အတား အဆီးတွေဖြစ်နေ တာ ကြောင့် အဲဒါတွေကိုလည်း ဖယ်ရှားထား နိုင်ရေးက အရေးကြီးပါသေးတယ်။ တိုင်းရင်းသား တော်လှန်ရေး အဖွဲ့အစည်း တွေနဲ့ ပြည် တွင်းစစ်ဖြစ်ခဲ့ရတဲ့ အဓိက အကြောင်းရင်းက နိုင်ငံရေးပြဿနာ ဖြစ်ပြီး အဲဒီနိုင်ငံရေးပြဿနာရဲ့ အရေး ကြီးတဲ့အပိုင်းက နိုင်ငံရေးတန်းတူရပိုင် ခွင့်နဲ့ ကိုယ့်ကြမ္မာကိုယ်ဖန်တီးပိုင်ခွင့် လို့ ဆိုကြပါ တယ်။ ဒီနိုင်ငံရေးပြဿနာကို ရှင်းပြကြရမှာပါ။
ပူးပေါင်းနေတဲ့ ဖက်ဒရယ်
၁၉၄၇ ခုနှစ် ပင်လုံစာချုပ်မှာ လက်မှတ်ရေးထိုးခဲ့ကြတဲ့ ရှမ်း၊ ချင်း၊ ကချင်တိုင်းရင်းသားတွေက ”လွတ်လပ် ရေးရပြီးသည့်နောက် မြန်မာပြည်ထောင် စုမှ ကျွန်ုပ်တို့ခွဲထွက်လိုလျှင် ကျွန်ုပ်တို့ သဘောကျသည့်အချိန်တွင် ခွဲထွက်နိုင် ခွင့်ရှိစေရမည်”ဆိုတဲ့ တောင်းဆိုချက်ကို ဗိုလ်ချုပ်အောင်ဆန်းက မကန့်ကွက်ဘဲ ထောက်ခံခဲ့ တယ်လို့ဆိုပါတယ်။ ၁၉၄၇ မေလက ကျင်းပတဲ့ ဖဆပလပဏာမ ပြင်ဆင်မှုညီလာခံကြီးမှာ ဗိုလ်ချုပ် အောင်ဆန်းကိုယ်တိုင် ဦးစီးရေးဆွဲခဲ့တဲ့ နိုင်ငံတော်ဖွဲ့စည်းပုံ အခြေခံဥပဒေရဲ့ အခန်း ၁၂ မှာ ခွဲထွက်နိုင်ခွင့်ကို အတိ အလင်းပြဋ္ဌာန်းပေးခဲ့တယ်။
၁၉၄၇ ဖွဲ့ စည်းပုံအခြေခံဥပဒေရဲ့ အခန်း ၁ဝ မှာလည်း ခွဲထွက်နိုင်တဲ့ အခွင့် အရေး တွေကို ပြဋ္ဌာန်းပေးခဲ့တယ်လို့ ဆိုပါ တယ်။ ဗိုလ်ချုပ်အောင်ဆန်းနဲ့ သဘော တူခဲ့ကြတုန်းက ပြည်ထောင်စုစနစ် ဖြစ်ပေမယ့် ဗိုလ်ချုပ်အောင်ဆန်း ကျ ဆုံး သွားပြီးနောက်ပိုင်းမှာ ရေးဆွဲခဲ့တဲ့ ဖွဲ့စည်းပုံအခြေခံဥပဒေ ၁၉၄၇ ဟာ ”အမည်နာမအားဖြင့် ပြည်ထောင်စုလို့ ခေါ်ပေမယ့် အနှစ်သာရမှာတော့ တစ် ပြည်ထောင် စနစ် ပဲဖြစ်တယ်”လို့ ရေးဆွဲ သူတွေထဲမှာပါခဲ့တဲ့ ဦးချန်ထွန်းကိုယ် တိုင်က ဝန်ခံခဲ့ပါသတဲ့။
အဲဒါကြောင့် လည်း တိုင်းရင်းသားလူမျိုးတွေက တန်း တူရည်တူအခွင့် အရေး ရဖုိ့ ပြည်ထောင် စုစစ်စစ်ဖြစ်ဖို့အတွက် ၁၉၄၇ ဖွဲ့စည်းပုံ အခြေခံဥပဒေပြင်ဆင်ရေးဆွဲရေးကို ဆွေးနွေးတိုက်တွန်းခဲ့ကြတယ်။
အဲဒီ အခြေအနေမှာ ဗိုလ်ချုပ်ကြီးနေဝင်းက ပြည်ထောင်စုမပြိုကွဲရေးဆိုတဲ့ အ ကြောင်းပြချက်နဲ့ ၁၉၆၂ မတ်လမှာ အာဏာသိမ်းခဲ့တယ်။ သူ့လက်ထက် က ၁၉၇၄ ဖွဲ့စည်းပုံအခြေခံဥပဒေဟာ လည်းတစ်ပြည်ထောင်စနစ်ပါပဲတဲ့။ တိုင်းရင်းသား လူမျိုးစုတွေ ဘက် က ပြောခဲ့တဲ့ ပြည်ထောင်စု စစ်စစ်ဖြစ် ရေးဆိုတဲ့ ဖက်ဒရယ်မူဟာ ခွဲထွက်ရေး မဟုတ်ဘူးလို့ ၁၉၆၂ကတည်းက ပြောခဲ့ ကြတာရှိပါတယ်။
အခုအချိန်မှာတော့ ဖက်ဒရယ်ကို ခွဲထွက်ရေးလို့ဘာသာပြန် တဲ့ခေတ်က ကုန်သွားပါပြီ။ သုံးနေတဲ့ သူရှိရင်လည်း ခေတ်နောက်ကျတဲ့သူ ဖြစ်နေပါပြီ။ ဒီကနေ့ပြောနေတဲ့ ဖက် ဒရယ်စနစ်ဆိုတာ နိုင်ငံရေးတန်းတူခွင့် နဲ့ ကိုယ်ပိုင်ပြဋ္ဌာန်းခွင့်အာမခံချက် ခိုင် မာတဲ့ပြည်ထောင်စုစနစ်ဖြစ်ပါတယ်။ သီးခြားစီ ခွဲထွက်သွားရေးမဟုတ်ဘဲ တန်းတူသွေးစည်းညီညွတ်စွာ ပေါင်း စည်းရေးပဲ ဖြစ်ပါတယ်။
မောင်အရင်လို မဟုတ်တော့ဘူး
၂ဝဝ၈ ဖွဲ့စည်းပုံအခြေခံ ဥပဒေ အရဖြစ်လာတဲ့ လက်ရှိပြည်ခိုင်ဖြိုးအစိုးရ လက်ထက်ရဲ့ အခုနောက်ပိုင်းကာလမှာ အရင်စစ်အစိုးရလက်ထက်တွေနဲ့ မတူ တဲ့ အပြောင်းအလဲတွေ ရှိလာတယ်။ အရင်အစိုးရတွေက အာဏာသိမ်းစစ် အစိုးရတွေဖြစ်ပြီး အခုအစိုးရက ဖွဲ့ စည်းပုံနောက်ခံနဲ့ရွေးကောက်ပွဲနဲ့ တက် လာတာကြောင့်ဆိုတာ မပြောဘဲနဲ့ သိ ကြပြီးသားပါ။ ပြီးတော့ ဒီမိုကရေစီ စကားကို တွင်တွင်ကျယ်ကျယ်ပြောလာ ပြီး ကမ္ဘာကြီးနဲ့လမ်းဖွင့်ဖို့ အနောက် အုပ်စုနဲ့ လက်ဆွဲနှု တ်ဆက်ရင်းမိတ်ဖက် ဆက်ဆံရေးတွေ ထူထောင်ဖို့ အစွမ်း ကုန်ကြိုးစားနေတဲ့ကာလ။
အစိုးရရည် မှန်းချက်တွေလည်း အေ တ်ာကြီး ပေါက် မြောက်နေတဲ့ အချိန်မျိုးမှာ ပြည်တွင်းနဲ့ နိုင်ငံတကာက တစ်လျှောက် လုံး ဝေဖန် ထောက်ပြခဲ့ တဲ့ ပြည်တွင်းစစ် ရပ်စဲရေး၊ ပြည်တွင်းငြိမ်း ချမ်းရေး ပြဿနာ ကို တစ်ဆင့်ပြီးတစ်ဆင့် ကိုင်တွယ်လာတာ လည်း ဖြစ်ပါတယ်။ ဒါကို ကြိုဆိုကြရ မှာပါ။
ငြိမ်းချမ်းဖို့ဆိုရင်
ဒီကနေ့ခေတ်မှာ ပြည်တွင်းငြိမ်း ချမ်းရေးရဖို့ဆိုရင် တိုင်းရင်းသား လူမျိုး တွေရဲ့နိုင်ငံရေးတန်းတူခွင့်ကို ခိုင်မာတဲ့ အာမခံချက်နဲ့ သက်သေပြနိုင်မှဖြစ်မှာ ပါ။ နိုင်ငံရေးပြဿနာ ကို ကျေလည် အောင်ဖြေရှင်းနိုင်ပြီဆိုရင် စစ်ရေးကိစ္စ နဲ့ဆက်စပ်နေတဲ့ နောက်ဆက်တွဲပြဿ နာတွေကိုလည်း တဖြည်းဖြည်းဖြေရှင်း လို့ရနိုင်ပါလိမ့်မယ်။
နိုင်ငံရေးတန်းတူ ခွင့်ကို အာမခံချက်ပေးနိုင်မယ့် ခိုင်မာ တဲ့သက်သေပြချက်ကတော့ စစ်မှန်တဲ့ ပြည်ထောင်စုစနစ်ကို ပုံဖော်ပြဋ္ဌာန်းထား တဲ့ နိုင်ငံတော်ဖွဲ့စည်းပုံအခြေခံဥပဒေပဲ ဖြစ်တယ်လို့ လက်ခံသတ်မှတ်ထားကြ တယ်။ အဲဒီလိုဆိုရင် ၂ဝဝ၈ ဖွဲ့စည်းပုံ အခြေခံပြင်ဆင်ရေးဆွဲရေးနဲ့ ငြိမ်းချမ်း ရေးဟာ အရေးကြီးတဲ့ကွင်းဆက်တစ်ခု လို့ပြောရမှာပါ။ ငြိမ်းချမ်းရေးနဲ့ ဒီမိုက ရေစီရေးဆိုတာကလည်း ရင်ချင်းဆက် အမြွှာ (ဒါမှမဟုတ်)ဒင်္ဂါးပြားရဲ့ ခေါင်း နဲ့ပန်း။
ဟုတ်ပါ့မလား မောင်ကာဠုရေ
ကျွန်တော်က ငြိမ်းချမ်းရေး အ ကြောင်းတွေးနေတဲ့အချိန်မှာ ဆရာကြီး သခင်ကိုယ်တော်မှိုင်းရဲ့ ‘ငါမသေခင် တိုင်းပြည်ငြိမ်းချမ်းရေးရတာ မြင်သွား ချင်တယ်”ဆိုတဲ့ စကားကို သတိရမိ လိုက်တယ်။ တိုင်းပြည်ငြိမ်းချမ်းစေချင် တဲ့ဆန္ဒတွေပြင်းပြစွာနဲ့ အားထုတ်လုပ် ကိုင်ရင်း ငြိမ်းချမ်းရေးကို မမြင်ခဲ့ရဘဲ ကွယ်လွန်သွားခဲ့ကြသူတွေ တိုင်းပြည်မှာ ဘယ်လောက်တောင်ရှိခဲ့ပါပြီလဲ။
စာဖတ် သူတွေနဲ့ ကျွန်တော်လည်း ငြိမ်းချမ်းရေး ရချင်သူတွေထဲမှာ ထိပ်ဆုံးကပါနေလိမ့် မယ်ထင်တယ်။ ကျွန်တော်တို့ ကတော့ တိုင်းပြည် ငြိမ်းချမ်းရေးရတာကို မြင်ရမှာ သေချာ ပါတယ်လို့ ပြောရင် ‘ဟုတ်ပ့ါမလား မောင်ကာဠုရေ’လို့များ ပြောဦးမှာလားခင်ဗျာ့။
နောင်ကျော်
(၂၄-၇-၂ဝ၁၃)
Popular Myanmar News Journal
