ရန်ကုန်၊ ဇွန် ၆
မြန်မာနိုင်ငံ ခရီးသွားလုပ်ငန်း ဖွံ့ဖြိုးရေးအတွက် စီမံကိန်း ၃၈ ခု ပါဝင်သော အမေရိကန်ဒေါ်လာ သန်း ၅၀၀ နီးပါး ကုန်ကျမည့် မြန်မာခရီးသွားလုပ်ငန်း Master Plan ကို ကမ္ဘာ့စီးပွားရေးဖိုရမ်တွင် ထုတ်ပြန်လိုက်ကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန ပြည်ထောင်စုဝန်ကြီး ဦးဌေးအောင်က ပြောကြားသည်။
ယင်း Master Plan ကို နော်ဝေ အစိုးရ၏ငွေကြေးထောက်ပံ့မှု၊ အာရှ ဖွံ့ဖြိုးရေးဘဏ် (ADB) ၏ နည်းပညာ ပံ့ပိုးမှုဖြင့် ၂၀၁၂ ခုနှစ်ကုန်ပိုင်းက စတင်ရေးဆွဲပြီး ယခုနှစ်ဇွန်လတွင် ရေးဆွဲပြီးစီးကြောင်း ဦးဌေးအောင် က ပြောဆိုသည်။
ခရီးသွားလုပ်ငန်းနှင့် ပတ်သက်သော အသိပညာပေး လုပ်ငန်းများ၊ လုပ်ငန်း ခွင်ဝင် သင်တန်းများကို ဦးစားပေးလုပ်မည်ဖြစ်ပြီး ၂၀၁၅ ခုနှစ်အတွင်း ခရီးသွား ဧည့်သည် ဝင်ရောက်မှု သုံးဆခန့်မြင့်တက်ရန် ရည်ရွယ်ကြောင်း မဟာဗျူဟာစီမံချက် (Master Plan) တွင် ဖော်ပြထားသည်။
Master Plan ကို ၂၀၁၃ ခုနှစ်မှ ၂၀၂၀ ပြည့်နှစ်အထိ သတ်မှတ်ရေးဆွဲထား ပြီး၂၀၁၃ ခုနှစ်မှ ၂၀၁၅ ခုနှစ်အတွက် ရေတို စီမံကိန်းရေးဆွဲထားကြောင်း Master Plan ရေးဆွဲသည့် အဖွဲ့ခေါင်းဆောင် Dr. Paul Rogers က ပြောကြားသည်။
Master Plan ပြီးစီးမည့် ၂၀၂၀ ပြည့်နှစ်တွင် နိုင်ငံခြား ခရီးသွား ၇ ဒသမ ၄၈ သန်းအထိ တိုးလာပြီး အမေရိကန်ဒေါ်လာ ၁၀ ဒသမ ၁ ဘီလီယံဝင်ငွေ ရရှိနိုင်မည့်အပြင် အလုပ်အကိုင်ပေါင်း ၁ ဒသမ ၄ သန်း ဖန်တီးပေးနိုင်မည်ဟု ခန့်မှန်းထားကြောင်း အဆိုပါ Master Plan တွင် ဖော်ပြထားသည်။
"ခရီးသွားလုပ်ငန်း ဖွံ့ဖြိုးမှုမှာ ကောင်းကျိုး ဆိုးကျိုးတွေရှိပါတယ်။ ပိုပြီးဖွံ့ဖြိုး ချင်ရင် နိုင်ငံကိုပိုပြီး ဖွင့်ဖို့လိုတယ်။ ဆိုးကျိုးတွေကို ကာကွယ်ဖို့ ကောင်းမွန် တဲ့ ထိရောက်တဲ့ စီမံခန့်ခွဲမှုက အဓိကပါ" ဟု ဦးဌေးအောင်က ပြောဆိုသည်။
မဟာဗျူဟာ အစီအစဉ်ခြောက်ခုနှင့် လူမှုရေးနှင့် သဘာဝပတ်ဝန်းကျင် ဆိုင်ရာ ထိခိုက်နစ်နာမှု နည်းပါးစေရန် ထည့်သွင်း စဉ်းစား ရေးဆွဲထားသော အဆိုပါ Master Plan တွင် ခရီးသွား လုပ်ငန်းကြောင့် ပေါ်ပေါက်လာနိုင်သည့် ကလေးသူငယ် လူကုန်ကူးခြင်းနှင့် လိင်ခရီးသွား လုပ်ငန်းများကို တားဆီး ကာကွယ်သည့် အစီအစဉ်များလည်း ပါဝင်မည်ဖြစ်ကြောင်း ဦးဌေးအောင်က ဆိုသည်။
၂၀၁၅ ခုနှစ်တွင် နိုင်ငံခြား ခရီးသွား ဧည့်သည် ၃ ဒသမ ၀၉ သန်းနှင့် အမေရိကန် ဒေါ်လာ ၃ ဒသမ ၆ ဘီလီယံ ဝင်ငွေရနိုင်မည် ဖြစ်ကြောင်း Master Plan တွင် ဖော်ပြထားသည်။
၂၀၁၁ ခုနှစ်တွင် မြန်မာနိုင်ငံသို့ နိုင်ငံခြားခရီးသွား ရှစ်သိန်းကျော်၊ ၂၀၁၂ ခုနှစ်တွင် ၁ ဒသမ ၀၆ သန်း ဝင်ရောက်ခဲ့ပြီး ယခုနှစ်တွင် ၄၀ ရာခိုင်နှုန်းကျော် တိုးတက်ဝင်ရောက်မည်ဖြစ်ကြောင်း ဦးဌေးအောင် က ပြောဆိုသည်။
၂၀၁၂ ခုနှစ်တွင် ပြည်တွင်းသို့ နိုင်ငံခြားခရီးသွား ဝင်ရောက်ရာတွင် အာရှဒေသမှ ၆၄ ဒသမ ၁ ရာခိုင်နှုန်း၊ အနောက်ဥရောပမှ ၂၁ ဒသမ ၉ ရာခိုင်နှုန်း၊ မြောက်အမေရိကမှ ၇ ဒသမ၄ ရာခိုင်နှုန်းနှင့် သမုဒ္ဒရာပိုင်းမှ ၃ ဒသမ ၄ ရာခိုင်နှုန်းရှိကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီး ဌာနက ထုတ်ပြန်ထားသည်။
The Voice Weekly
မြန်မာနိုင်ငံ ခရီးသွားလုပ်ငန်း ဖွံ့ဖြိုးရေးအတွက် စီမံကိန်း ၃၈ ခု ပါဝင်သော အမေရိကန်ဒေါ်လာ သန်း ၅၀၀ နီးပါး ကုန်ကျမည့် မြန်မာခရီးသွားလုပ်ငန်း Master Plan ကို ကမ္ဘာ့စီးပွားရေးဖိုရမ်တွင် ထုတ်ပြန်လိုက်ကြောင်း ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာန ပြည်ထောင်စုဝန်ကြီး ဦးဌေးအောင်က ပြောကြားသည်။
ယင်း Master Plan ကို နော်ဝေ အစိုးရ၏ငွေကြေးထောက်ပံ့မှု၊ အာရှ ဖွံ့ဖြိုးရေးဘဏ် (ADB) ၏ နည်းပညာ ပံ့ပိုးမှုဖြင့် ၂၀၁၂ ခုနှစ်ကုန်ပိုင်းက စတင်ရေးဆွဲပြီး ယခုနှစ်ဇွန်လတွင် ရေးဆွဲပြီးစီးကြောင်း ဦးဌေးအောင် က ပြောဆိုသည်။
ခရီးသွားလုပ်ငန်းနှင့် ပတ်သက်သော အသိပညာပေး လုပ်ငန်းများ၊ လုပ်ငန်း ခွင်ဝင် သင်တန်းများကို ဦးစားပေးလုပ်မည်ဖြစ်ပြီး ၂၀၁၅ ခုနှစ်အတွင်း ခရီးသွား ဧည့်သည် ဝင်ရောက်မှု သုံးဆခန့်မြင့်တက်ရန် ရည်ရွယ်ကြောင်း မဟာဗျူဟာစီမံချက် (Master Plan) တွင် ဖော်ပြထားသည်။
Master Plan ကို ၂၀၁၃ ခုနှစ်မှ ၂၀၂၀ ပြည့်နှစ်အထိ သတ်မှတ်ရေးဆွဲထား ပြီး၂၀၁၃ ခုနှစ်မှ ၂၀၁၅ ခုနှစ်အတွက် ရေတို စီမံကိန်းရေးဆွဲထားကြောင်း Master Plan ရေးဆွဲသည့် အဖွဲ့ခေါင်းဆောင် Dr. Paul Rogers က ပြောကြားသည်။
Master Plan ပြီးစီးမည့် ၂၀၂၀ ပြည့်နှစ်တွင် နိုင်ငံခြား ခရီးသွား ၇ ဒသမ ၄၈ သန်းအထိ တိုးလာပြီး အမေရိကန်ဒေါ်လာ ၁၀ ဒသမ ၁ ဘီလီယံဝင်ငွေ ရရှိနိုင်မည့်အပြင် အလုပ်အကိုင်ပေါင်း ၁ ဒသမ ၄ သန်း ဖန်တီးပေးနိုင်မည်ဟု ခန့်မှန်းထားကြောင်း အဆိုပါ Master Plan တွင် ဖော်ပြထားသည်။
"ခရီးသွားလုပ်ငန်း ဖွံ့ဖြိုးမှုမှာ ကောင်းကျိုး ဆိုးကျိုးတွေရှိပါတယ်။ ပိုပြီးဖွံ့ဖြိုး ချင်ရင် နိုင်ငံကိုပိုပြီး ဖွင့်ဖို့လိုတယ်။ ဆိုးကျိုးတွေကို ကာကွယ်ဖို့ ကောင်းမွန် တဲ့ ထိရောက်တဲ့ စီမံခန့်ခွဲမှုက အဓိကပါ" ဟု ဦးဌေးအောင်က ပြောဆိုသည်။
မဟာဗျူဟာ အစီအစဉ်ခြောက်ခုနှင့် လူမှုရေးနှင့် သဘာဝပတ်ဝန်းကျင် ဆိုင်ရာ ထိခိုက်နစ်နာမှု နည်းပါးစေရန် ထည့်သွင်း စဉ်းစား ရေးဆွဲထားသော အဆိုပါ Master Plan တွင် ခရီးသွား လုပ်ငန်းကြောင့် ပေါ်ပေါက်လာနိုင်သည့် ကလေးသူငယ် လူကုန်ကူးခြင်းနှင့် လိင်ခရီးသွား လုပ်ငန်းများကို တားဆီး ကာကွယ်သည့် အစီအစဉ်များလည်း ပါဝင်မည်ဖြစ်ကြောင်း ဦးဌေးအောင်က ဆိုသည်။
၂၀၁၅ ခုနှစ်တွင် နိုင်ငံခြား ခရီးသွား ဧည့်သည် ၃ ဒသမ ၀၉ သန်းနှင့် အမေရိကန် ဒေါ်လာ ၃ ဒသမ ၆ ဘီလီယံ ဝင်ငွေရနိုင်မည် ဖြစ်ကြောင်း Master Plan တွင် ဖော်ပြထားသည်။
၂၀၁၁ ခုနှစ်တွင် မြန်မာနိုင်ငံသို့ နိုင်ငံခြားခရီးသွား ရှစ်သိန်းကျော်၊ ၂၀၁၂ ခုနှစ်တွင် ၁ ဒသမ ၀၆ သန်း ဝင်ရောက်ခဲ့ပြီး ယခုနှစ်တွင် ၄၀ ရာခိုင်နှုန်းကျော် တိုးတက်ဝင်ရောက်မည်ဖြစ်ကြောင်း ဦးဌေးအောင် က ပြောဆိုသည်။
၂၀၁၂ ခုနှစ်တွင် ပြည်တွင်းသို့ နိုင်ငံခြားခရီးသွား ဝင်ရောက်ရာတွင် အာရှဒေသမှ ၆၄ ဒသမ ၁ ရာခိုင်နှုန်း၊ အနောက်ဥရောပမှ ၂၁ ဒသမ ၉ ရာခိုင်နှုန်း၊ မြောက်အမေရိကမှ ၇ ဒသမ၄ ရာခိုင်နှုန်းနှင့် သမုဒ္ဒရာပိုင်းမှ ၃ ဒသမ ၄ ရာခိုင်နှုန်းရှိကြောင်း ဟိုတယ်နှင့် ခရီးသွားလာရေး လုပ်ငန်းဝန်ကြီး ဌာနက ထုတ်ပြန်ထားသည်။
The Voice Weekly