မြပုဏ္ဏမာ အငြိမ့်အဖွဲ့သားတွေ ပြောပြတဲ့ ရှစ်လေးလုံး

ခေတ်ဆိုး၊စနစ်ဆိုးကြောင့် ၁၉၈၈မှာ မြန်မာနိုင်ငံ တစ်ဝန်း လုံး ရှိ ပြည်သူတစ်ရပ်လုံး လူထု အုံကြွမှု ဖြစ်ပေါ်ခဲ့ရာ ပြည်သူ တစ်ရပ်လုံးနှင့်အတူ မြပုဏ္ဏမာ အငြိမ့်အဖွဲ့သားများကလည်း
စင်ပေါ်၌ တက်ညီလက်ညီ ပြက် လုံးထုတ်ပြီး ဖျော်ဖြေပေးရုံ သာမက အများပြည်သူကြား ထဲတွင် ဆန္ဒပြလှုပ်ရှားခဲ့ကြ သည့် အတွေ့အကြုံများကို ပြန် လည်ပြောပြခဲ့ကြပါသည်။

ဂေါ်ဇီလာ

" မှတ်မှတ်ရရကိုဖုန်းမော် သေပြီး၊ နောက်နှစ် သန်လျင်မှာ ပွဲကတာ ကျွန်တော်ပြက်လုံး တစ်လုံးပြက်လိုက်တာ မရည် ရွယ်ဘဲ လုံးဝရင်ထဲက ရှိနေတဲ့ စကားပါ။မင်းသမီးထွက် လာတဲ့ အခန်းပေါ့။ မင်းသမီးကပြောတယ်။ ကျွန်မမှာ ချစ်သူရှိတယ် ပြောလိုက်တော့ လူရွှင်တော်က ကျွန်တော်ပဲ ကျွန်တော်ပဲ။

သန်လျင် မှာ ထဘီထုပ်ခိုးတာ ကျွန်တော်ပဲလို့ ပြက်ရမှာကို
အဲဒီမှာ ကျွန် တော်က ကောင်မလေးချစ်သူ ကျွန်တော်သိတယ်။ ဘယ်သူလဲ လက်ညှိုးထောင် ပြီး ကျွန်တော်ပဲ၊ ကျွန်တော်ပဲ။ဖုန်းမော်ပစ် သတ် တာကျွန်တော်ပဲလို့ ပြောလိုက် တဲ့ အချိန်မှာအားလုံး ငြိမ်ကျသွားတာပဲ။

ကျွန်တော့်ရင်ထဲ ကနေ လွှတ်ခနဲထွက်လာတယ်။ ဒါလည်း စင်ပေါ်မှာ တကယ်ခံ စားရတဲ့အတွေ့အကြုံထဲက ရုတ်တရက် ထွက်သွားတဲ့အမှတ်
တရပါ။ကျွန်တော်တို့ အနုပညာ သမားက လူပိုသိကြလို့ပါ။တကယ် အရေးပါတာက တိုင်းသူပြည် သားအားလုံး အရေးပါတယ် "

ဖိုးဖြူ

" ကိုဇာဂနာနဲ့ ဇာတ် သဘင် အနုပညာရှင် တွေပေါင်းပြီး တော့ လှုပ်ရှားခဲ့တယ်။ အဖွဲ့ လည်း အနုပညာရှင် တွေစုံ တော့ စင်ပေါ်တက် လိုက်တာနဲ့ အာလုံးက ပါဝင်လာတယ်။ ၈၈မှာ သက်ရှိထင်ရှား ကြုံ တွေ့ခဲ့ရတဲ့ လူတစ်ယောက် အနေနဲ့ပါဝင်ခဲ့ပေမယ့် အခု ချိန်ထိအပြည့်အဝ အောင်မြင်မှု မရသေးပါဘူး။

အနုပညာရှင်ပဲ ဖြစ်ဖြစ်၊ ပြည်သူ နိုင်ငံသားတစ် ယောက်အနေနဲ့ပဲဖြစ်ဖြစ် ဘာပဲ ပြောပြောကျရာနေရာကနေ အုတ်တစ်ချပ်သဲတစ်ပွင့်အဖြစ် ပါဝင်နိုင်ပါစေ"

ကင်းကောင်

" ကျောင်းသားအနေနဲ့ တစ် နိုင်ငံလုံးကဆန္ဒ ပြတော့ကိုယ် လည်း ပြတာပေါ့။ ၈၈နောက် ဆုံးပတ်မှာ ထွက်ပြေးရတယ်။ ဘယ်လောက်ပြေးလဲဆိုတာ တစ်ကိုယ်လုံးချွေးတွေက ရေချိုး ထားတဲ့အတိုင်းပဲ။ တက္ကသိုလ် ထဲမှာ ထမင်းထုပ်ဝေတယ်။ ဒံပေါက်ဆိုင်က ဒံပေါက်ဝေ ပေါ့။ ဒါလည်း အမှတ်တရပါပဲ"

ငှက်ပျောကြော်

" တက္ကသိုလ်ဘွဲ့ရကျောင်း သူ ကျောင်းသားများ အသင်းဆိုတဲ့ ခေါင်းစဉ်အောက်မှာ ပါဝင်ခဲ့တယ်။ ခိုင်ခင်ဦးပါတယ်။ အဲဒီတုန်းက ခိုင်ခင်ဦးက တက္ကသိုလ်ကျောင်းပြီး အောင် မြင်နေတဲ့
မင်းသမီးတစ် ယောက်ပေါ့။

အရေးတော်ပုံ တစ်ခုဖြစ်လာတိုင်း အနုပညာရှင်တွေ တက်တက်ကြွကြွ ပါဝင် တယ်။ ဒီလူတွေက ပြည်သူချစ် တာကိုး။ချစ်တဲ့စိတ်နဲ့လုပ်ကြ တယ်။
တချို့ကလည်း ခံယူချက် မရှိဘဲချစ်တဲ့စိတ်တစ်ခုနဲ့ လုပ် တဲ့ သူလည်းရှိတယ်။ ဒီလူတွေ တကယ့် ခံယူချက်နဲ့လုပ်တာ ဆိုပြီးတော့ ငါတို့လည်းလုပ် မယ်၊ ပါရမယ်ဆိုပြီး လုပ်တာ လည်းရှိတယ်။ "
ပေါ်ပြူလာအဖွဲ့

ရှစ်လေးလုံးအရေးတော်ပုံ ရက်စွဲဒိုင်ယာရီ

မတ်လ
၇-၃-၈၈၊ ဗိုလ်မှူးချုပ်ဟောင်း အောင်ကြီးက ဗိုလ်နေဝင်းထံ စာ တစ်စောင်ရေးသားပေးပို့။ ၁၂-၃-၈၈၊ ရန်ကုန် စက်မှု တက္ကသိုလ်မှ ကျောင်းသား တချို့ နှင့် ကြို့ကုန်းရပ်ကွက်အတွင်းရှိ လူငယ်အချို့ စန္ဒာဝင်း လက် ဖက်ရည်ဆိုင်တွင် ခိုက်ရန်ဖြစ် ပွား။ဇော်ဇော်(ခ)ညီညီလွင် နှင့်အတူ ကျောင်းသား၅ဦး အားအရေးယူ။
၁၃-၃-၈၈၊ ရန်ကုန်စက်မှု တက္ကသိုလ်တွင် မကျေနပ်မှုဖြစ် ပွား နေသော ကျောင်းသားများ အား စစ်တပ်(လုံထိန်း)များက သေနတ်နှင့် ပစ်ခတ်ဖြေရှင်း သဖြင့်ပဉ္စမနှစ် ကုန်ထုတ်ဓာတု ဗေဒအဓိက ကျောင်းသား ကို ဖုန်းမော်ကျဆုံး။

၁၄-၃-၈၈၊ မကျေနပ်မှုကြီး ထွားနေသော ရန်ကုန်စက်မှု တက္ကသိုလ်မှ ကျောင်းသားများ နေထိုင်ရာ ကျောင်းဝင်း အား စစ်တပ်မှ ဝင်ရောက်စီးနင်းကာ ကျောင်းသားအများအပြားကို ဖမ်းဆီးပြီး၊ရန်ကုန်စက်မှုတက္ကသိုလ် ကို ရက်အကန့် အသတ်မရှိ ပိတ်လိုက်ကြောင်းည၈နာရီ၌ မြန်မာ့အသံမှ ကြေညာ။ မြေ အောက် ကျောင်းသားသမဂ္ဂများက RIT အဖြစ်အပျက်နှင့် ပတ်သက်ပြီး ကြေညာချက်များ၊ တောင်းဆိုချက်များ ထုတ်ပြန်။

၁၅-၃-၈၈၊ RIT အရေးအခင်း နှင့်ပတ်သက်ပြီး အစိုးရမှ အမှန် အတိုင်း ဖြေရှင်းပေးရန်အပါအဝင်" ကျောင်းသားထုအခွင့် အရေး ကာကွယ်ရေးကော်မတီ" တစ်ရပ်ဖွဲ့စည်းရေးကို ကျောင်း သားများက တောင်းဆို။

၁၆-၃-၈၈၊ ရန်ကုန်တက္ကသိုလ် ကျောင်းဝင်းအတွင်း ကန့်ကွက် ဆန္ဒပြနေကြသော ကျောင်း သားများအား စစ်တပ်ကဝိုင်း၊ ဆန္ဒပြကျောင်းသားများ ကျောင်း ဝင်းအပြင်ထွက်ပြီး ရန်ကုန် တက္ကသိုလ်(လှိုင်)သို့ ချီတက်စဉ် စစ်တပ်နှင့်လုံထိန်းများက တံတား ဖြူတွင် တားဆီးပြီးအကြမ်း ဖက်ဖြိုခွင်းခဲ့၍ ကျောင်းသားအချို့ သေဆုံး၊အများအပြား ဒဏ်ရာ ရ အဖမ်းခံကြရ (တံတားနီ အရေးအခင်း) တက္ကသိုလ် အား လုံးကို ရက်အကန့် အသတ်မရှိ ပိတ်လိုက်ကြောင်း စစ်အစိုးရက ည၈နာရီတွင် မြန်မာ့အသံမှ ကြေညာ။

၁၆-၃-၈၈၊ ရန်ကုန်စက်မှု တက္ကသိုလ် ကျောင်းသား အရေး အခင်းနှင့်ပတ်သက်ပြီး စုံစမ်း စစ်ဆေးတင်ပြရန် စုံစမ်းရေး ကော်မရှင်ကို မဆလနိုင်ငံတော် ကောင်စီမှအမိန့်ကြေညာစာ အမှတ်၄၅/၈၈ဖြင့် ဖွဲ့စည်းပေးခဲ့။

၁၇-၃-၈၈၊ ကျောင်းသားများ ဦးဆောင်ပြီး ရန်ကုန်မြို့လယ် တွင် ဆန္ဒပြပွဲကျင်းပ။ လူထုက ထောက်ခံပြီး ပူးပေါင်းပါဝင်။
၁၈-၃-၈၈၊ ရန်ကုန်မြို့လယ်တွင် ဆန္ဒပြပွဲများ ဆက်လက်ဖြစ်ပွား၊ အကြမ်းဖက်မှုအချို့လည်း ဖြစ် ပွား။ စစ်တပ်(လုံထိန်းများ)က မျက်ရည်ယို ဗုံးသုံး၍ အကြမ်း ဖက်ဖြိုခွဲ၊လူ ၄ဝကျော်သေဆုံး ခဲ့ရကြောင်း မဆလစစ်အစိုး ရက နောက်ပိုင်းတွင်ဝန်ခံရ)

ဧပြီ
၂-၄-၈၈၊ ၁၉၈၈ခုနှစ်၊ မတ်လ က လေဖြတ်သွားခဲ့သော နေထိုင် မကောင်းသည့် မိခင်ကြီးကို ပြုစုရန် ဒေါ်အောင်ဆန်းစုကြည် မြန်မာနိုင်ငံသို့ ပြန်လာ။ ဒေါ်အောင် ဆန်းစုကြည်သည် ၁၉၆ဝခုနှစ် မိခင်ကြီး အိန္ဒိယနိုင်ငံဆိုင်ရာ မြန်မာသံအမတ်ကြီးအဖြစ် ခန့် အပ်ခံရစဉ်မှစတင်ကာ မြန်မာ ပြည်မှ ထွက်ခွာသွားခဲ့သည်။ ၂၇ နှစ်အတွင်း မြန်မာပြည်သို့ ခေတ္တ ၈ကြိမ်ပြန်လာခဲ့ပြီး နိုင်ငံသားအဖြစ် ဆက်လက်ရပ် တည်နေသည်။ ၁၉၈၆ခုနှစ် အာဇာနည်နေ့တွင် ဖခင်ကြီး၏ အုတ်ဂူ၌ လွမ်းသူ့ပန်းခွေချကန် တော့သည်။

မေလ
၉-၅-၈၈၊ ဗိုလ်အောင်ကြီးက ဗိုလ်နေဝင်းထံ စာမျက်နှာ ၄ဝ ပါ အိတ်ဖွင့်ပေးစာ တစ်စောင် ထွက်လာ။ (နိုင်ငံရေးကိစ္စ လုပ် ဖော်ကိုင်ဖက်များကို ဝေဖန်)
၃ဝ-၅-၈၈၊ရက်အကန့် အသတ် မရှိ ပိတ်ထားခဲ့သော တက္ကသိုလ် များကို ပြန်လည်ဖွင့်လှစ်။ မြေ အောက် ကျောင်းသား သမဂ္ဂဝင် များ လှုပ်ရှားမှုများစတင်။ ကျောင်း သားများသမဂ္ဂမှ " သပိတ် မှောက်ပန်ကြားလွှာ" ကိုဖြန့်ချိ။

ဇွန်လ
၈-၆-၈၈၊ ဗိုလ်အောင်ကြီးက ဗိုလ်နေဝင်းထံပေး စာတစ် စောင် ထွက်လာ။ (တံတားဖြူ အရေး အခင်းအကြောင်း၊ ဗိုလ်ချုပ်ကြီး လက်ရှောင်နေပါ။)
၁၄-၆-၈၈၊ ညနေ ၄နာရီဝန်း ကျင် ရန်ကုန်တက္ကသိုလ် တောင် ငူဆောင် ရှေ့တွင် တရားဟော။ " နေဝင်းအလိုမရှိ" မဆလအလို မရှိ" ကြွေးကြော်။ ပါမောက္ခချုပ် ဒေါက်တာချစ်ဆွေရောက် လာပြီး မလုပ်ဖို့တောင်းပန်။ ညနေ ၅နာရီ ၃ဝ မိနစ်တွင်ပြီး။
၁၅-၆-၈၈၊ နံနက် ၁၁နာရီဝန်းကျင် ဂျပ်ဆင်ရှေ့ မြက်ခင်းပြင် တွင် တရားဟောပွဲစတင်။ လူပိုများလာပြီး RC ရှေ့သို့ တရားပွဲ ရွှေ့သွား။ ညနေမှောင်စပျိုးမှ တရားပွဲရပ်နား။

၁၆-၆-၈၈၊ မွန်းလွဲပိုင်းမှ စတင်ကာ ဘွဲ့နှင်းသဘင်ခန်းမရှေ့တွင် တရားပွဲများစတင်။ စစ်ကား များ ကျောင်းဝင်းအပြင်တွင် ဝိုင်းထား။ တရားပွဲအောင်မြင်။

၁၇-၆-၈၈၊ သောကြာနေ့။ တရား ပွဲများ ဘွဲ့နှင်းသဘင်ရှေ့တွင် ဆက်လက်ဖြစ်ပွား။ ကိုမိုးသီး ဇွန် စတင်တရားဟော၊ ကျောင်း သားထု၏ ထောက်ခံအားပေး မှုကိုရရှိ။စစ်ကား များကျောင်း ဝင်းအပြင်မှ ဝိုင်းထား၊ တရားပွဲ အောင်မြင်။

၂ဝ-၆-၈၈၊ တနင်္လာနေ့ တရားပွဲ များ ဘွဲ့နှင်းသဘင်ရှေ့တွင် ဆက် လက်ဖြစ်၊အင်အား တစ်သောင်း ခန့်ရှိလာ။ကျောင်းသားထု၏ အဆုံးအဖြတ်ကို ခံယူရာ မိုးသီး ဇွန်တို့ အယူအဆကို ကျောင်းသား ထုက တစ်ခဲနက်ထောက်ခံ။ညနေမှောင်မှ တရားပွဲပြီး။

၂ဝ-၆-၈၈၊ ည၈နာရီ ရန်ကုန် တက္ကသိုလ်(ပင်မ၊ဗိုလ်တထောင်၊ လှိုင်၊ ကြည့်မြင်တိုင်) ရန်ကုန် စက်မှုတက္ကသိုလ်၊ ရန်ကုန် စီးပွားရေး တက္ကသိုလ်တို့ကို ရက် အကန့်အသတ်မရှိ ပိတ်လိုက်ကြောင်း မြန်မာ့အသံ မှ ကြေညာ။

၂၁-၆-၈၈၊ ရန်ကုန်တက္ကသိုလ် ပိတ်လိုက်သဖြင့် ကျောင်းသား
လူငယ်များက ကျောင်းအပြင် တွင်စုရုံးကာ ဆန္ဒပြရင်း မြို့ လယ်သို့ချီတက်။ ဆန္ဒပြ ကျောင်း သားထုအား မြေနီကုန်းတွင် စစ်တပ်က ဟန့်တားရာမှ အဓိကရုဏ်း ဖြစ်ပွား။

၂၁-၆-၈၈၊ ကျောင်းပိတ်ရာတွင် မပါဝင်သော ရန်ကုန်ဆေး တက္ကသိုလ် -၁ လမ်းမတော်တွင် ကျောင်းသားများနှင့် လုံထိန်း တို့ အဓိကရုဏ်းဖြစ်ပွား။
၂၁-၆-၈၈၊ ည ၈နာရီ မြန်မာ့ အသံမှ တစ်နိုင်ငံလုံးရှိ တက္ကသိုလ်၊ ကောလိပ်၊သိပ္ပံများကို ရက် အကန့်အသတ်မရှိပိတ်လိုက် ကြောင်း၊ရန်ကုန်မြို့တော် စည် ပင်သာယာရေး နယ်နိမိတ် အတွင်း ည၆နာရီမှ နံနက် ၆ နာရီအတွင်း ညမထွက်ရအမိန့်၊ ရန်ကုန်စည်ပင်သာယာရေး နယ်နိမိတ်အတွင်း စစ်အုပ်ချုပ် ရေးဒေသအဖြစ် ကြေညာကြောင်း အစိုးရက အမိန့်များထုတ်ပြန်။

၂၂-၆-၈၈၊ နေ့ထုတ်မဆလ သတင်းစာများတွင် ဇွန်
၂၁ရက် နေ့ မြေနီကုန်းအဖြစ် အပျက်တွင် ရဲ၆ဦးသေဆုံး။ အကြမ်း ဖက်သမား ၃ဦးသေဆုံးကာ ၇၇ဦး ကို ဖမ်းဆီးထားကြောင်း ဖော်ပြထား။
၂၉-၆-၈၈၊ ရန်ကုန်မြို့တော် စည်ပင်သာယာရေးနယ်နိမိတ် အတွင်း ညမထွက်ရအမိန့်ကို ည၈နာရီမှ နံနက်၎နာရီသို့ ပြောင်း လဲ သတ်မှတ်ကြောင်း မြန်မာ့ အသံမှ ကြေညာ။

ဇူလိုင်လ
၇-၇-၈၈၊ ၈၈မတ်လအရေး အခင်းများတွင် အဖမ်းခံထား ရသော ကျောင်းသား ၁၄၁ဦး၊ အားလုံး ပြန်လွတ်လာ။
၁၆-၇-၈၈၊ ပြည်မြို့တွင် ဗုဒ္ဓဘာသာနှင့် မွတ်ဆလင်ဘာ သာဝင်အချို့ အကြားတွင် ဘာသာရေးအဓိကရုဏ်း များ ဖြစ်ပွား။စစ်အုပ်ချုပ်ရေး ဥပဒေ ထုတ်ပြန်။

၁၉-၇-၈၈၊ တောင်ကြီးမြို့ တွင်ဗုဒ္ဓဘာသာနှင့် မွတ်ဆလင် ဘာသာဝင်အချို့တို့ အဓိကရုဏ်း ဖြစ်ပွား။ စစ်အုပ်ချုပ်ရေး ဥပဒေ ထုတ်ပြန်။
၂၂-၇-၈၈၊ BBC မှအထူး သတင်းထောက် ခရစ္စတိုဖာဂါးနက်သည် Tourist Visa ဖြင့် ရန်ကုန်သို့ ရောက်ရှိလာ။

ရန်ကုန်မြို့တွင် ကျောင်းသားခေါင်းဆောင်အချို့ အပါအဝင် လျှို့ဝှက်တွေ့ဆုံခြင်း၊ အင်တာဗျူးပြီး ရန်ကုန်နှင့်နယ်သတင်း လတ်လတ်ဆတ်ဆတ်များကို BBC ကဖော်ပြပေးသဖြင့် တစ်နိုင်ငံလုံး သိရှိရ။ ပြောက်ကျားဆန္ဒပြတိုက်ပွဲဆင်နေသော ကျောင်းသား လူငယ်များအား တက်စေခဲ့။

၂၃-၇-၈၈၊ မဆလပါတီ အရေး ပေါ် ညီလာခံစတင်ကျင်းပ။ ပါတီဥက္ကဋ္ဌဦးနေဝင်းသည် တိုင်းပြည်သို့ ရေဒီယိုမှ မိန့်ခွန်း ပြော။ ပါတီဥက္ကဋ္ဌအဖြစ် ဦးနေ ဝင်းနုတ်ထွက်။ ဦးစိန်လွင် သမ္မတဖြစ်လာ။

၂၄-၇-၈၈၊ ကျောင်းသား လူငယ်လေးများ ရွှေတိဂုံဘုရား ပေါ်တွင် သပိတ်စခန်းဖွင့်။ ပြည်ထဲရေးနှင့် သာသနာရေး ဝန်ကြီးဖြစ်စဉ်က သံဃာတော် များအပေါ် မောက် မောက်မာမာ ဆက်ဆံခဲ့သည့် ဦးစိန်လွင်လို လူစားမျိုးအား သမ္မတ ခန့်အပ် ခြင်းကို သံဃာထုကမကျေ နပ်ကြောင်း ဟောပြောကြ။

၂၈-၇-၈၈၊အစိုးရက တရားပွဲကို ဖြိုခွဲလိုက်။
၂၉-၇-၈၈၊ နေ့ထုတ် မဆလစစ် အစိုးရ သတင်းစာများတွင် ဆူပူလိုသူ လူတစ်စုတို့၏လုပ် ရပ်မျိုးဟုဖော်ပြ။

၂၉-၇-၈၈၊ နိုင်ငံခြားမှ မြန်မာ ဘာသာဖြင့် ထုတ်လွှင့်သော အသံလွှင့် ဌာနများက သတင်း ဖော်ပြ။
၂၉-၇-၈၈၊ ဗိုလ်မှူးချုပ်ဟောင်း အောင်ကြီးနှင့်အဖွဲ့အား ဖမ်း ဆီး (ဦးအောင်ရွှေ၊ ဦးကြည် မောင်၊ဦးခင်ညို သံအမတ်ကြီး ဟောင်း ဦးဘရွှေတို့ပါဝင်) အေပီ သတင်းထောက် ဦးစိန်ဝင်းကို လည်း ဖမ်းဆီးလိုက်။

သြဂုတ်လ

၃-၈-၈၈၊ မဆလနိုင်ငံတော် ကောင် စီကြေညာချက် ၅/၈၈ ရန်ကုန်မြို့တော်၊ မြို့နယ်များ တွင် အရေးပေါ် အခြေအနေ ကြေညာ၊စစ်အုပ်ချုပ်ရေး ဥပဒေ ထုတ်ပြန်။

၆-၈-၈၈၊ BBC အသံလွှင့်ဌာန က ရန်ကုန်မြို့ရှိ ကျောင်းသား ခေါင်းဆောင်တစ်ဦးနှင့် တွေ့ ဆုံမေးမြန်းခန်းတွင် " ရှစ်လေး လုံး နေ့" တွင် တစ်နိုင်ငံအတိုင်း အတာဖြင့် အထွေထွေသပိတ် ကြီး ဆင်နွှဲသွားမည်ဟု ပြောဆို။
၆-၈-၈၈၊ မဆလ စစ်အစိုးအရ အား ဆန့်ကျင်ကန့်ကွက် ကြောင်း ထုတ်ဖော်မှုတစ်ရပ်အနေဖြင့် ည၈နာရီတိတိတွင် သံပုံးတီးတော ထုတ်ဆန္ဒပြကြရန် ကျောင်းသား သမဂ္ဂမှ တိုက်တွန်းနှိုး ဆော် ထားမှုအရ ည ၈နာရီ တိတိတွင် ရန်ကုန်မြို့အနှံသံပုံးတီး သံကြီး များ တစ်ခဲနက် ပေါ်ထွက်လာ။

၈-၈-၈၈၊ နံနက် ၁၁နာရီခန့်မှ စတင်ကာ ရှစ်လေးလုံး ဆန္ဒပြပွဲ ကြီး ဖြစ်ပွားခဲ့။အင်အား သောင်း နှင့်ချီသော လူထုစစ်ကြောင်း ကြီးများကြောင့် စစ်တပ်၏ အတားအဆီးမှန် သမျှပြိုဆင်း သွား။ " စိန်လွင် ၆တန်း တဇောက် ကန်း"၊ "ဘဲဥတစ်လုံးနှစ်ကျပ် ခွဲ စိန်လွင့်ခေါင်းကိုခွဲ" စသော ကြွေး ကြော်သံများမှစကာ" တစ်ပါတီ အာဏာရှင်စနစ်အလိုမရှိ" ၊ " ဒီမို ကရေစီရရှိရေး" တို့ကို ကြွေး ကြော်ခဲ့။ ရန်ကုန်တစ်မြို့တည်း သာမက နယ်မြို့အတော်များ များတွင်ပါ ချီတက်ဆန္ဒပြမှု ဖြစ်ပွားခဲ့။

၈-၈-၈၈၊ ည၁၁နာရီတွင် ရန်ကုန်မြို့တော်ခန်းမရှေ့တွင် စုဝေးဆန္ဒပြ တရားဟောနေ သော လူထုကို စစ်တပ်မှ စတင် ပစ်ခတ်ချေမှုန်း။ ရန်ကုန်မြို့ အနှံ့ပစ်ခတ်ခြင်း ဆန္ဒပြသူများ ကိုသာမက မီးထွန်းထားသော အိမ်များအပါအဝင် မည်းမည်း မြင်ရာ ပစ်ခတ်မှုကြောင့်လည်း ကောင်း နိုင်ငံတစ်ဝန်းလုံးရှိ မြို့အတော်များများ ပါပစ်ခတ် မှုကြောင့် ထိခိုက်သေကျေ ဒဏ်ရာရမှုများခဲ့။

၉-၈-၈၈၊ စစ်တပ်မှ ပစ်ခတ်မှု ကြောင့် ရန်ကုန်မြို့တွင် အထူး သဖြင့် အထက်တန်းကျောင်း သားလေးများ သွေးမြေကျခဲ့ရ။
၉-၈-၈၈၊ စစ်ကိုင်းမြို့တွင် ဆန္ဒပြလူထုကို စစ်တပ်၏ ပစ်ခတ်မှုကြောင့် ကျောင်းသား များ၊ လူထုနှင့် သံဃာတော်များ၊ အမျိုးသမီးများပါ သေကျေဒဏ် ရာရခဲ့။ (စုစုပေါင်း ၃၁၇ ဦး သေ ဆုံးခဲ့သည်ဟု နဝတမှဝန်ခံခဲ့)
၉-၈-၈၈၊ ရန်ကုန် ပြည်သူ့ဆေး ရုံကြီးရှေ့တွင် စစ်တပ်မှ ဝင် ရောက် ပစ်ခတ်။

၁ဝ-၈-၈၈၊ ရန်ကုန် ဆင်ခြေဖုံး ရပ်ကွက်နေ လူထုမှ မဆလ စစ်အစိုးရအား "လမ်းပိတ်ဆို့ ရေး" တိုက်ပွဲဆင်။
၁၁-၈-၈၈၊ ရန်ကုန်မြို့တွင် မြို့ လယ်နှင့် အချက်အချာကျသော နေရာများတွင် မဆလ စစ်အစိုးရ ဆန့်ကျင်ရေးစာများ၊ သရော် ကာတွန်းများ ရေးဆွဲကပ်ထား။ Poster Campaing။

၁၂-၈-၈၈၊ ရန်ကုန်ဆေးရုံကြီး (အထွေထွေရောဂါကု ဆေးရုံ ကြီး) ကို စစ်တပ်၏ ပစ်ခတ်မှု ကြောင့် သူနာပြုဆရာ၊ ဆရာမ အချို့ ဒဏ်ရာရရှိ။
၁၂-၈-၈၈၊ မဆလပါတီ ၉၂ ကြိမ်မြောက် ဗဟိုအလုပ်အမှု ဆောင်ကော်မတီ အစည်း အဝေး ဦးစိန်လွင်အား လမ်းစဉ်ပါတီ ဥက္ကဋ္ဌနှင့်ဗဟိုကော်မတီဝင် အဖြစ်မှ နုတ်ထွက်ခွင့်ပြုလိုက်။ ဒေါက်တာ မောင်မောင့်ကို သမ္မတအဖြစ် ရွေးချယ်ခဲ့။

၁၄-၈-၈၈၊ ရန်ကုန်ဆေးရုံကြီး တွင် သပိတ်စခန်းစတင်ဖွင့် လှစ်။ ဟောပြောပွဲများ Poster Campaing များ လုပ်ဆောင်ခဲ့ကြ။
၁၄-၈-၈၈၊ ဒီမိုကရေစီရေး ပုဂ္ဂလိက သတင်းစာစောင်များ ဂျာနယ်များ ထွက်ပေါ်လာ။ ဗမာနိုင်ငံလုံးဆိုင်ရာ ကျောင်း သားသမဂ္ဂအဖွဲ့ချုပ်(ယာယီ)မှ "သမဂ္ဂသတင်းစာ" လည်း ထွက် ပေါ်လာ။
၁၅-၈-၈၈၊ ရှေ့နေများကောင်စီ (Bar Council )ကြေညာချက် ထွက် ပေါ်လာ။

၁၈-၈-၈၈၊ စစ်တက္ကသိုလ် ကျောင်း ဆင်းဆရာ၊ဆရာမများ သမဂ္ဂမှ " စစ်တက္ကသိုလ်ကျောင်းဆင်း (ကြည်း၊ရေ၊လေ)အရာရှိ များသို့ ပန်ကြားလွှာ" ထုတ်ပြန်။
၂၁-၈-၈၈၊ ဆေးရုံကြီး သပိတ် စခန်းမှ မြို့တွင်းသို့ စတင်ထွက် ဆန္ဒပြ။ကျောင်းသားများ၊ လူငယ် များ၊ပြည်သူလူထု၊ အလုပ် သမားများ၊မြို့နယ် အသီးသီး ကိုယ်စားပြု လူထုများ၊ထင်ရှား သော စာပေပညာရှင်များ၊ အဆို တော်များ၊ရုပ်ရှင် သရုပ်ဆောင် များ အသီးသီးဆိုင်းဘုတ် ထောင်ကာပါဝင် ဆန္ဒပြ။

၂၁-၈-၈၈၊ ဒေါ်အောင်ဆန်းစု ကြည် လူထုလှုပ်ရှားမှုတွင် ပါဝင်ရေးအတွက် ကြည့်မြင် တိုင် ဗိုလ်သူရလမ်းရှိ နေအိမ် တစ်အိမ်တွင် ဒေါ်အောင်ဆန်း စုကြည်နှင့်ရှေ့နေများ၊ ဆရာဦး ဝင်းတင်၊ ဆရာမောင်သော် က အပါအဝင် စာပေပညာရှင်များ နိုင်ငံရေးသမားကြီးများ တွေ့ ဆုံ ဆွေးနွေး။
၂၃-၈-၈၈၊ ဗမာ့တပ်မတော် မျိုးချစ် တပ်မှူးဟောင်းကြီး ၁၅ဦးလက်မှတ်ရေးထိုးထား သော စာထွက်လာ။

၂၄-၈-၈၈၊ ရန်ကုန်ဆေးရုံကြီး သပိတ်စခန်းတွင် ဒေါ်အောင် ဆန်း စုကြည် ပထမဆုံးအကြိမ် စတင် တရားဟော။ " ကျောင်း သားလှုပ်ရှားမှု ကော်မတီ" SCS ကို ဖွဲ့စည်း။

၂၅-၈-၈၈၊ စစ်တပ်များ လူထု မြင်ကွင်းမှ ကွယ်ပျောက်သွား။ တစ်နိုင်ငံလုံးအနှံ့ သပိတ်စခန်း များ ပေါ်လာ။ သမဂ္ဂများ၊ အဖွဲ့အစည်းအသီးသီးများ ပေါ်ထွက်လာ။

၂၅-၈-၈၈၊ ရန်ကုန်မြို့လယ် လမ်း ၃ဝတွင် စစ်ထောက်လှမ်း ရေး ၆ဦးကို ဒေါ်အောင်ဆန်း စုကြည်အား အပုပ်ချထားသော စာရွက်စာတမ်းများ (နောက် တစ်နေ့ ဒေါ်အောင်ဆန်းစု ကြည်တရားပွဲအား ရုန်းရင်း ဆန်ခတ်ဖြစ်စေရန် ရည်ရွယ်ရေး သားထားသောစာများ) ပါဝင် သည့် ပတ်ဘလစ်ကာ ကားတစ် စီးကို လူထုက ရှာဖွေဖော်ထုတ် ဖမ်းဆီးရမိ လိုက်သည်။

၂၅-၈-၈၈၊ မဆလစစ်အစိုးရမှ ဖမ်းဆီး ထားသော ဦးအောင်ကြီး ကို မွန်းလွဲပိုင်းတွင် ပြန်လွှတ် ပေးလိုက်။ ညနေပိုင်းတွင် စမ်း ချောင်း ပဒုမ္မာကွင်း၌ ဦး အောင်ကြီးက တရားဟောပွဲ ချက်ချင်းကျင်းပ။ (စစ်တပ် ကို စိတ်နဲ့တောင်မပစ်မှားနဲ့)

၂၆-၈-၈၈၊ ရွှေတိဂုံဘုရား အနောက်ဘက်မုခ်တွင် ဒေါ် အောင်ဆန်းစုကြည်က လူထု တရားပွဲ ကျင်းပ။
၂၇-၈-၈၈၊ မဆလ ကာကွယ် ရေးဝန်ကြီးဟောင်း ဗိုလ်ချုပ် ကြီး ဟောင်းဦးတင်ဦး ရန်ကုန် ဆေးရုံကြီး သပိတ် စခန်းတွင် တရားစတင်ဟော။

၂၈-၈-၈၈၊ ဗမာနိုင်ငံလုံး ဆိုင်ရာ ကျောင်းသားသမဂ္ဂများအဖွဲ့ချုပ် ညီလာခံကြီးကို ရန်ကုန်တက္ကသိုလ် ရှိ သမဂ္ဂအဆောက် အအုံဟောင်း နေရာတွင် ကျင်းပ။ ဥက္ကဋ္ဌ မင်းကိုနိုင်၊ အထွေထွေအတွင်း ရေးမှူး မိုးသီးဇွန်တို့ပါဝင်သော ဗကသများ အဖွဲ့ချုပ်ကို ညီလာ ခံမှ ရွေးချယ်ခဲ့။

၃၁-၈-၈၈၊ လူထုဆန္ဒပြပွဲနှင့် ဒီမိုကရေစီအရေးတော်ပုံသို့ တပ်မတော် (ရေ)မှ ရဲဘော်များ ပူးပေါင်းပါဝင်လာခြင်းကိစ္စ အတွက် စာရေးဆရာ မောင် သော်က (ဗိုလ်မှူးဟောင်း ဘ သော်) သူငယ်ချင်းဖြစ်သူ ဧရာဝတီရေတပ်စခန်း ဌာန ချုပ်မှူး ဗိုလ်မှူးကြီးသန်းညွန့် ထံစာရေးသား။

စက်တင်ဘာလ
၁-၉-၈၈၊ နိုင်ငံတော်သမ္မတ ဒေါက်တာမောင်မောင်က တိုင်း ပြည်သို့ ရေဒီယို မိန့်ခွန်းပြော။

၂-၉-၈၈၊ Bar Council ကြေညာချက်တွင် ၄၇ အခြေခံ ဥပဒေကို ပြန်လည်အသက် သွင်း၍ ၇-၉-၈၈ နေ့နောက် ဆုံးထားပြီး ကြားဖြတ်အစိုးရ တစ်ရပ်ကို ဖွဲ့စည်းပေးရန်၊ ဖွဲ့စည်း မပေးပါက အထွေထွေ သပိတ်ကြီး ဆက်မှောက်မည်ဟု ဖော်ပြထား။

၎-၉-၈၈၊ အမေရိကန်နိုင်ငံ နိုင်ငံ ခြားရေးရာ ကော်မတီဝင် နှင့် အာရှပစိဖိတ်ရေးရာ ဆပ် ကော်မတီ ဥက္ကဋ္ဌမစ္စတာစတီ ဗင်ဂျေဆိုလာ့ဇ် ရန်ကုန်မြို့သို့ တစ်ရက်တာခရီး ရောက်လာ။
၆-၉-၈၈၊ ရန်ကုန်တွင် အထွေ ထွေ သပိတ်ကော်မတီကို ကိုယ်စားလှယ်ပေါင်း ၁ဝဝ ကျော်ဖြင့် ဖွဲ့စည်း။
၇-၉-၈၈၊ မြန်မာ့အသံနှင့် ရုပ်မြင် သံကြားသမဂ္ဂ စတင်ဖွဲ့ စည်း။
၉-၉-၈၈၊ ဦးနုက သတင်းစာရှင်း လင်းပွဲကျင်းပပြီး မိမိသာလျှင် တရားဝင် ဝန်ကြီးချုပ်ဖြစ် ကြောင်းကြေညာ။ တပ်မတော် (လေ)မှ ရဲဘော်များ လူထု ဆန္ဒပြပွဲသို့ စတင်ပူးပေါင်း ပါဝင်လာ။

၁ဝ-၉-၈၈၊ မဆလပါတီ အရေး ပေါ်ညီလာခံနှင့် အရေးပေါ် ပြည်သူ့လွှတ်တော် အစည်း အဝေးကျင်းပ။ ရွေးကောက်ပွဲအား ယနေ့မှစတင်၍ ၃လ တင်းတင်း ပြည့်သောနေ့တွင် ကျင်းပပေးမည်ဟု ကြေညာ။
၁၂-၉-၈၈၊ " ဗမာ့တပ်မတော် (ရေ)နှင့် (လေ)တို့မှ မဆလပါ တီ ဗဟိုကော်မတီသို့ သတိပေးချက်" ဟူသော စာတစ်စောင် ထွက်လာ။
၁၃-၉-၈၈၊ ရန်ကုန်ဆေး တက္ကသိုလ်-၁တွင် ဗကသများ အဖွဲ့ချုပ်မှနိုင်ငံ ရေးခေါင်း ဆောင် ၅ဦး(ဦးနု၊ ဦး အောင် ကြီး၊ ဦးတင်ဦး၊ ဗိုလ်မှူး အောင်နှင့် ဒေါ်အောင်ဆန်း စုကြည်) တို့နှင့် တွေ့ဆုံပြီး " ယာယီကြားဖြတ် အစိုးရ" ဖွဲ့ စည်းနိုင်ရေးအတွက် အစည်း အဝေးတစ်ရပ်ပြုလုပ်။ မည်သည့် ဆုံး ဖြတ်ချက်မှ မကျ။ လူကြီး များအကြား တူညီတဲ့သဘော ထား မရရှိခဲ့။

၁၄-၉-၈၈၊ ဗမာပြည်ကွန်မြူ နစ်ပါတီမှ တပ်များ မိုင်းယန်း မြို့ကို စတင်တိုက်ခိုက်။ ၂၃-၉-၈၈မှ ၃ဝ-၉-၈၈အထိ တိုက်ပွဲ များ ပြင်းထန်စွာဖြစ်ပွားခဲ့။ ၁၆-၉-၈၈၊ မဆလနိုင်ငံတော် ကောင်စီ ကြေညာချက် အမှတ် ၁၄/၈၈ထုတ်ပြန်။ တပ်မတော်၊ ရဲနှင့် ဝန်ထမ်းများကို မဆလ ပါတီ၊ ပါတီဝင်အဖြစ်မှ နုတ် ထွက်ခွင့်ပြုလိုက်။

၁၇-၉-၈၈၊ ငြိမ်းချမ်းစွာဆန္ဒပြ နေသော လူထုအား ရန်ကုန်မြို့၊ ကမ်းနားလမ်းရှိ ကုန်သွယ်ရေး ရုံးချုပ်ပေါ်တွင် တပ်စွဲထား သော စစ်တပ်က ပစ်ခတ်သဖြင့် ဆန္ဒပြသူတစ်ဦး ဒဏ်ရာရ။ လူထုက မကျေနပ်၊သံဃာ တော် များ ဦးဆောင်ကာ ထိုတပ်မှ လက်နက်များကို စနစ်တကျ တက်သိမ်း။
၁၇-၉-၈၈၊ မှ အောက်တိုဘာ ၁ဝ ရက်နေ့အထိ၊ KIO ဥက္ကဋ္ဌ ဦးဘရန်ဆိုင်းနှင့် အတွင်းရေး မှူး ဦးဇောင်း ဟရားတို့ ဂျပန် နိုင်ငံသို့ ရောက်ရှိပြီး သတင်း ထောက်များ၊ (အာဏာရ) လစ်ဘရယ်ဒီမိုကရက် တစ်ပါ တီမှ လွှတ်တော် အမတ်များနှင့် တွေ့ဆုံခဲ့။

၁၈-၉-၈၈၊ ညနေ၄နာရီ နိုင်ငံ တော်အာဏာကို တပ်မတော်မှ သိမ်းပိုက်လိုက်ကြောင်း၊ "နဝတ" အဖွဲ့ဖွဲ့စည်းလိုက်ကြောင်း ကြေညာ။
၁၈-၉-၈၈၊ နဝတအဖွဲ့ ကြေညာ ချက်အမှတ် ၁/၈၈နှင့် ၂/၈၈ (လူ ၅ဦးထက်ပိုမစုရ)တို့ ထုတ်ပြန်ကြေညာကာ အာဏာသိမ်းခဲ့သည်။
Popular Journal

အနုပညာနယ်ပယ်အသီးသီးမှ ရှစ်လေးလုံးအရေးတော်ပုံကာလမှတ်မှတ်ရရ ဖွင့်ဟသံ

မာမာအေး
" အဲဒီအချိန်တုန်းက အိမ်ထဲမှာပဲ နေတယ်။ အိမ်မှာနေရင်းနဲ့တောင် ရင် တထိတ်ထိတ်ဖြစ်ရတယ်။ ပစ်ကြခတ်ကြတဲ့အသံတွေကြားတော့ စိတ်မ ချမ်းသာဘူးပေါ့နော်။ အိမ်မှာက အန်တီရဲ့ အမေနဲ့ နှစ်ယောက်ပဲရှိ တယ်။ ဒီရပ်ကွက်ကို ဗုံးကြဲမယ်၊ ဘာလုပ်မယ်ဆိုပြီး အသံတွေ ကြားရ တော့ ကလေးတွေကိုလည်း တခြားကို ပို့ထားတယ်။ အစိုးရကလည်း လက်နက်ဆိုတာ ဘာလက်နက်မှမထားရဘူး ဆိုတော့ လောက်လေးခွ တောင် မရှိဘူး။

မြို့ထဲကနေ သတင်းတစ်ခုကြားရင် ဟုတ်မှန်းလည်း မသိ မဟုတ်မှန်းလည်း မသိ။စိတ်တွေ ဆင်းရဲပြီးတော့ ဘာမှ မဖြစ်ကြပါနဲ့ လုိ့တောင် ဆုမတောင်းနိုင်ခဲ့ဘူး။အန်တီက မြန်မာ့အသံကနေ ထွက် ခဲ့တာ ၇၇ခုနှစ်ကတည်းကပါ။ တချို့က ရောနေတယ်။ အန်တီအေး ကို ၈၈ကျမှ ထွက်တယ်လို့ ထင်နေကြတယ်။ ၈၈မှာတုန်းက ကျန်းမာရေးမကောင်းဘူး။ ခဏခဏမူးလဲတာတွေဖြစ်ဖြစ် သွား တော့ မလုပ်တော့ဘူး။ နိုင်ငံတော်ကို ကူညီချင်တယ်ဆိုရင်လည်း အပြင်ကပဲ လုပ်တော့မယ်ဆိုပြီး ထွက်ခဲ့တာပါ။ ၈၈ကတော့ တကယ်ကို ဒီမိုကရေစီရသင့်ပြီမို့လို့ ပြည်သူတွေက တောင်း ဆိုကြတာလေ။ ဒီမိုကရေစီရဖို့ အခွင့်အရေးတွေပေါ်လာတဲ့ အချိန်မှာ ဒီထက်ပိုရအောင်လို့ ဝိုင်းဝန်းပြီး ဖော်ထုတ်သင့်ပါတယ်လုိ့ ပြောချင်ပါတယ်"

မောင်စိန်ဝင်း(ပုတီးကုန်း)

" ၈၈တုန်းက ဆရာကစက်ရုံမှာ အင်ဂျင်နီယာဖြစ်နေပြီလေ။ အဲဒီ စက်ရုံကအလုပ်သမားတွေနဲ့အ တူတူပဲ လှုပ်ရှားကြတာပေါ့။ စင်ပေါ်မှာရွတ်တဲ့ကဗျာအရှည်ကြီးပေါ့။ အဲဒီအထဲကမှ အကျုံးဝင်နိုင်တဲ့ ကဗျာလေးကို ရွတ်ပြမယ်။ အဲဒီ အပုဒ်လေးက " အသက်များစွာ စတေး၊ ရဟန်းရှင်လူ ကျောင်းသား ပြည်သူတို့ရဲ့သွေးများနဲ့ နီမောင်းမောင်း အရောင်ဖြာ ဟောဟိုမှာ ဒီမိုကရေစီရောင်နီပျို့တက် အရုဏ်တက်ပြီ လက်တစ်ကမ်းမှာ အလင်းဖြာတဲ့ အရုဏ်ကို ရိုကျိုးမြတ်နိုးစွာ ထိန်းသိမ်း၊ ငြိမ်းချမ်း စွာစောင့်ရှောက်၊ ဤကမ္ဘာမှာ ပြည်သူလောက် ကြီးမြတ်သော အရာရှိသည်မရှိ ပြည်သူ၏ဆန္ဒလောက် စူးရှသောကဗျာသည်မရှိ၊ ပြည်သူ၏ လှုပ်ရှားမှုမြင် ကွင်းလောက်ကောင်းမွန်သော ပန်းချီသည်မရှိ၊ ပြည်သူသည် ပြည်သူ့အတွက် လက်နဲ့မရေး အသက်နဲ့ရေး၏ ဆေးနဲ့မခြယ်သွေး နဲ့ခြယ်၏၊

ဘယ်သူကြည့်ကြည့် ညွှတ်တုံ့မိစရာ ဇာတိမာန်ထက်၊ ကြက်သီး ထစရာဟောဒီမှာ မဟာသူရဲကောင်းများ ပန်းချီကား" ဆိုတဲ့ ကဗျာပေါ့။ ကျွန်တော် ကိုယ်တိုင်ရေးပြီးတော့ အဲဒီတုန်းက စင်ပေါ်မှာရွတ်တယ်။ ရွတ်ပြီး ကတည်းက အိမ်ကိုထောက်လှမ်း ရေးတွေလာတော့ မီးရှို့တဲ့အထဲကို ပါသွားရော။ အံ့သြဖို့ကောင်းတာက အဲဒီကဗျာကိုကာ တွန်းဆရာဦးဖေသိန်းရဲ့သမီးမပွင့်ဆီကပြန်ရတယ်။"

အရိုင်း
" ၈၈ အရေးအခင်းတုန်းကဆို အနုပညာသမားလည်းဖြစ်နေပြီ။ ဒီအလုပ်တွေလုပ်ရင် တစ်နေ့မှာ အဖမ်းခံရမယ်။ ကိုယ့်ကိုယ်ကိုယ် ခံနိုင်ရဲ့လားလို့မေးပြီးမှ လုပ်တာ။ ဆေးရုံကြီးမှာ သံစည်ပိုင်းပြတ်ပေါ် ကနေ စပီကာမပါဘဲ တရားတွေ တက်ဟောခဲ့တာ မှတ်မှတ်ရရပါပဲ။ ကျောင်းထဲမှာ အဝိုင်း ခံရတဲ့အချိန်က မင်းကိုနိုင်၊ မောင်မောင်ကျော်၊ ကိုကိုကြီးတို့ တကယ့်ကျောင်းသားခေါင်းဆောင်တွေ တရားတက်ဟောတဲ့ အချိန်။

ဦးရိုင်းတို့က အဓိပတိလမ်းမပေါ်မှာထိုင်ပြီး လက်ခုပ်တီး၊ သူတို့တွေ ဝါဒဖြန့်စာတမ်းတွေရေးနိုင်ဖို့အတွက် စာအုပ်တွေ လှူကြတာပေါ့။ နောက်ရက်တွေကျတော့ ရန်ကုန်ဆေးရုံကြီး ရောက်သွားတာ။ အဲဒီမှာ သူငယ် ချင်းတွေ အကုန်ပြန်စုပြီး ဦးဇာဂနာ၊ ဦးမိုးဝင်းတို့၊ ကိုညီဝင်းစိန်၊ ဦးဇင်ဝိုင်းတို့နဲ့စုပြီး တရားဟောကြတာ၊စုပြီး လက်မှတ် တွေထိုးကြတာ။ အလုပ်သမားအဖွဲ့အစည်း၊ အနုပညာအဖွဲ့ အစည်း၊ ကျောင်းသားအဖွဲ့ အစည်းတွေ၊ တခြားအဖွဲ့အစည်းတွေ အကုန်ပေါင်းစည်းမိကြတာ။ ဒါက ဘယ်သူကမှ ဘယ်အမိန့်နဲ့မှ ဖျောက် ဖျက်လို့မရတဲ့ သမိုင်းရဲ့ မှတ်တိုင်အစစ်ပဲလေ။ "

ဗေလုဝ
" ၈၈တုန်းက အစအဆုံးကို ပါဝင်ခဲ့တာပါပဲ။ တစ်တိုင်းတစ်ပြည် လုံးပါပဲ။ ကျွန်တော်က ၈ရပ်ကွက်မှာ သပိတ်ခေါင်းဆောင်လုပ်ခဲ့တယ်။ အားလုံး တာဝန်ကျေခဲ့ကြတာပါ။ ၈၈ကတော့ အထင်ကရနေ့ပါပဲ။

ပြည်သူ တွေအားလုံးအသက်သွေး ချွေးတွေပေးခဲ့ရတာ ဖြစ်တဲ့အတွက် ဒီကလေးတွေအတွက် အင်မတန်အောက်မေ့ဖွယ်ရာနေ့ ကလေးပါ။ဖြစ်စေချင်တာကတော့ အသက်ပေးသွားတဲ့လူတွေ အတွက် အလှူ အတန်းတွေလုပ်ပြီး ဆုတောင်းပေးစေချင်ပါတယ်။ တိုင်း ပြည်ကြီး ကတော့ ဆက်သွားနေဦးမှာပါပဲ။ ဒီလိုမျိုး အသက်သွေးချွေးတွေ ပေးဆပ်ရတာမျိုး မတွေ့ချင်မမြင်ချင်တော့ပါဘူး"

ဂျေညီညီ

" ကျွန်တော့် ကျေးဇူးရှင်ပြည်သူ တွေကို အစော်ကားခံနေ ရတယ်ဆိုတဲ့ ခံစားချက်အသိနဲ့ ဒီထဲမှာ ထဲထဲဝင်ဝင် ပါဖြစ်သွားတာပါ။ အဲဒီတုန်းက ပြည်သူ့ဆေးရုံကြီးက တော့ စုရပ်ပဲပေါ့။ ပထမဆုံးတော့ ကိုအံ့ကျော်တို့တွေ၊ ကိုဇာဂနာတို့တွေ လှုပ်ရှားနေကြပြီ။ နောက်ပိုင်းမှာ ကျွန်တော်တို့ ဂီတသမားတွေလည်း ပါဝင်လှုပ်ရှား ကြရာမှာ ကျွန်တော်က တော်တော်လေးထဲထဲဝင်ဝင်လုပ် လိုက်မိတယ်ပေါ့ဗျာ။

ဆေးရုံကြီးထဲမှာပဲ ဟောပြောနေရာကနေ လမ်း တွေပေါ်ထွက်ပြီး လူထုကို စည်းရုံး ကြတယ်။ ၈၈ အတွက် ကို တာဆူကြတဲ့အချိန်မှာ အဲဒါကြီးကို ဆိုင်းဘုတ်ဖြုတ်ချပြီး မြန်မာနိုင်ငံဂီတပညာရှင်များသမဂ္ဂဆိုတာ ယာယီဖွဲ့တယ်။ အနုပညာ သမားဖြစ်နေတဲ့အတွက် လူထုကို စည်းရုံးတဲ့နေရာမှာ ပိုထိ ရောက်မယ် ဆိုတဲ့ အဲဒီအားနဲ့ ဒီအရေးအခင်းကြီး ကို ပါဝင်ဆင် နွှဲခဲ့တာပါ။ ကျွန်တော်လည်း အများကြီးဟောပြောခဲ့တယ်။ အဲဒီ ဖြတ်သန်းခဲ့တဲ့ အတွေ့အကြုံအရပြောရရင် လူငယ်တွေ လေ့လာကြ ပါ။ ကမ္ဘာကြီးမှာ ဘာတွေဖြစ်နေလဲ၊ ကိုယ့်နိုင်ငံနဲ့ ဘယ်လို အပ်စပ်မလဲ လေ့လာပါ။ အဲဒီအချိန်တုန်းက ကျွန် တော်တုိ့တွေ ဘာမှမသိခဲ့ရဘဲ လုပ်ခဲ့ရတာ။ အခုကတော့ ပွင့်လင်းမြင်သာ မှုလည်း ရှိနေပြီဆိုတော့လေ့လာပါ။ ပြီးရင် ကိုယ့်ကိုယ်ကိုယ် ကောင်း အောင်ကြိုးစားပါ။ ပြီးရင် ကိုယ့်ဘေး က လူတွေအတွက် လည်းကောင်းအောင် ကြိုးစားလုပ် ပေးပါ"

နိုင်မြန်မာ(တေးရေး)
" ၈၈ကို ရိုးရိုးလေးပဲ သုံးသပ်တယ်။ ကိုယ့်တိုင်းပြည်ကောင်းအောင် တစာ စာနဲ့ ကျွန်တော်တို့ ပြောလာခဲ့ကြတာ။ ကိုယ့်တိုင်းပြည်ကို တကယ်မချစ်ဘဲနဲ့ ဒီလိုပြောနိုင်ဖို့ မလွယ်ဘူး။ ၈၈တုန်း က ကျွန်တော့်အသက်က ၂၈၊ ၂၉ ပေါ့။ လူငယ်ထက် လူရွယ်ပိုင်းပေါ့။ ခေတ်အဆက်ဆက်မှာ တိုင်းပြည်တစ် ခုကို တိုးတက်ဖို့အတွက် အရင်ဆုံးစပြီး တံခါးခေါက်ကြတာ ဒီအရွယ်တွေပါ။ ၈၈မှာ ကျွန်တော်က သီချင်းလောကထဲကို အသက် ၂၃နှစ်မှာ ဝင်တယ်။ ၂၃ နှစ်လောက်ကစပြီး ဝင်လာပြီး တော့ အသက် ၂၈နှစ်လောက်မှာ ဒီလူထုအရေးတော်ပုံဖြစ်တယ်။

အမှန်ကတော့ ရှင်းရှင်းပြောရရင် ဘယ်သူ့ကိုမှ တိုက်ခိုက်ဖို့ဆိုတဲ့ စိတ်မျိုးနဲ့ နေလာခဲ့ကြတာမဟုတ်ဘူး။ ကိုယ့်မျက်စိရှေ့မှာ၊ ကိုယ့်တိုင်းပြည်မှာ ကိုယ်နေနေတာ။ ကိုယ့်ပြည်သူလူထုတွေ ဘယ်လိုဒုက္ခတွေ၊ဘယ်လိုကျပ်တည်း ကျဉ်းမြောင်းမှုတွေကို ဘယ်လိုကျော်လွှားနေကြတယ်ဆိုတာကို မြန်မာနိုင်ငံနဲ့ နှစ်ရှည် လများ ဝေးကွာနေရင်မသိနိုင်ဘူး။ ဒါပေမဲ့ ဒီမှာအမြဲနေတဲ့ သူကတော့ အကုန်သိတယ်။ အဲဒီသိတဲ့အပေါ်မှာ ရုန်ြး<ွကမှုတွေ စိတ်ထဲမှာ ဖြစ်တယ်။ ဒေါသထွက်စရာတွေတွေ့ရင် ဒေါသထွက်တယ်။ မတရားလုပ်တာမြင်ရင် မကျေနပ်ဘူး။ ဒါကြောင့်မို့လို့ ၈၈ အရေးအခင်းကြီးဖြစ်တယ်။ ကျွန်တော်တို့က ပါဝင်ကပြရတဲ့ခေတ် ရဲ့ ဇာတ်ကောင်တွေပါပဲ။"

မိုးမင်း
" ကျွန်တော်က (၈၈)ကာလမှာ ၂၁နှစ်အရွယ်ပေါ့။ ကျွန်တော်တို့ တွေက အနုပညာသမားတွေလည်း ဖြစ်တော့ ဟောပြောပွဲတွေမှာ ပါဝင်လှုပ်ရှားခဲ့ တယ်။ အနုပညာရှင်တွေကို လိုက်လံ စည်းရုံးခြင်းပေါ့။ မိမိတို့ အနုပညာ သမားတွေက တစ်တပ်တစ်အားပါဝင်တယ်ဆိုရင် ပြည်သူတွေ ကလည်း ပါဝင်ပြီးတော့ လှုပ်ရှားချင်လာမှာလေ။ အဲဒီကာလမှာ ကျွန်တော့်အနေနဲ့က အနုပညာသမားထက် စာရင်ကျောင်းသားတစ် ယောက်ရဲ့ စိတ်ပဲရှိတယ်။ ဘာကြောင့်လဲဆိုတော့ ကျောင်းပြီးတာ က မကြာသေးဘူးလေ။ကျောင်းသားတွေကို ဆုံးမမှုက ကြမ်းတမ်း လွန်းတယ်ဆိုပြီးတော့ မခံမရပ်နိုင်ဖြစ်ခဲ့ရတယ်။ပြည်သူတွေရဲ့ ဒုက္ခ၊ အခက်အခဲတွေကို မြင်တွေ့နေရတဲ့အတွက်ကြောင့် လူငယ်တစ် ယောက်အနေနဲ့ မခံစားနိုင်ခဲ့ဘူး။

အဲ့ဒီစိတ်ရင်းနဲ့ ဝင်ရောက်လှုပ်ရှား ခဲ့တယ်။ မိမိရဲ့အသက်ကို စွန့်ပြီးတော့ တိုင်းပြည်အတွက်၊ လူမျိုးကောင်းကျိုးအတွက် လုပ်ဆောင်နိုင်သော စိတ်ဓာတ်မျိုး တွေကျတော့ မဖြစ်မနေကို မွေးထုတ်ထားသင့်တယ်။ ရှစ်လေးလုံး က အမှတ်တရလည်းဖြစ်တယ်။ သူ့ရဲ့ ခုနှစ်နဲ့ နေ့ရက်အချိန်ကာလ က အလွန်ကို တိုက်ဆိုင်နေတယ်။ ဒါကြောင့် ဒီနေ့လေးကို ကျွန်တော်တို့ နိုင်ငံရဲ့ အထိမ်းအမှတ်တစ်ခုအနေနဲ့ ထားသင့်တဲ့ နေ့ရက်တစ်ခုလို့တော့ ကျွန်တော်မျှော်လင့်ပါတယ်"

လူမင်း

" ၈၈ဆိုတာ အစ်ကိုတို့ မြန်မာ နိုင်ငံရဲ့ သမိုင်းမှာ ဘယ်လိုမှ ချန် ထားလို့မရတဲ့ စာမျက်နှာတစ်ခုပါ။ ကျောင်းသားတွေနဲ့လည်း ဆိုင်တာ မဟုတ်ဘူး။ မြန်မာပြည်မှာရှိတဲ့ လူ ထုလူတန်းစားတစ်ရပ်ပါဝင်ဆင်နွှဲ ခဲ့တဲ့ ၈၈အရေးတော်ပုံ၊ အဲဒါကြောင့် မို့လို့ အခုအစ်ကိုတို့ ရနေတဲ့ ဒီမိုကရေစီရဲ့ အသီးအပွင့်တွေစားသုံးခွင့် ရနေတယ်ဆိုတာ အဲဒီတုန်းက စပြီး ပြုစုပျိုးထောင်ခဲ့လို့ပေါ့။ အလကား ရလာတာမဟုတ်ဘူး။ အဲဒါကြောင့် အားလုံးနဲ့ဆိုင်တယ်။ တစ်တိုင်းတစ် ပြည်လုံးနဲ့လည်း ဆိုင်တယ်။အဲဒီလို မျိုးခံယူချက်ကြောင့် ပညာရှင်တွေနဲ့လည်း ဆိုင်တယ်။

ကိုယ့်စိတ်ထဲမှာ လည်း အဲဒီလိုမျိုး ခံယူထားတယ်။ အမှန်အတိုင်းပြောရရင် ၈၈တုန်းက အစ်ကိုက ၁၈နှစ်သားပဲရှိသေးတယ်။ အခုချိန်မှာ ကိုယ်ပြောသလောက် ကိုယ်တွေးခေါ်သလောက် အဲဒီ အချိန်တုန်းက အစ်ကို Óဏ်မမီခဲ့ ပါဘူး။ ကိုယ့်တိုင်းပြည်ရဲ့သမိုင်းကိုတော့ ဒီတိုင်းပြည်မှာနေတဲ့ သူတိုင်း သိထားသင့်ပါတယ်"

ဒါရိုက်တာကြည်ဖြူသျှင်
" ဆန္ဒပြတဲ့ ကာလတုန်းကဆိုရင် အစ်မရဲ့အဖေနဲ့ဦးလေးတွေက မြို့ တော်ခန်းမရှေ့သွားကြတယ်။ ဆန္ဒ ပြတဲ့သူတွေကို သွားအားပေးတယ်။ အဲဒီတုန်းက ကျွန်မအရွယ်က ၆တန်း လောက်ပဲရှိသေးတယ်။ ကျွန်မနဲ့ ကစားဖော်တွေ ၉တန်းလောက် ရှိနေပြီ။ သူတို့တွေက ပါဝင်ပြီး ဆန္ဒပြကြတယ်။ မြို့တော်ခန်းမရှေ့မှာ အစာငတ်ခံ ဆန္ဒပြကြ တဲ့အထဲမှာ ကျွန်မတို့ သူငယ်ချင်းတွေပါတော့ သွားတွေ့ပြီး အားပေးစကားပြောတယ်။ မြို့တော်ခန်းမရှေ့မှာ အစာငတ်ခံ ဆန္ဒပြကြတာကလည်း ရက်တွေက မနည်းတော့ဘူး။ လူပေါင်း များစွာက ဆန္ဒပြခဲ့ကြတယ်။

ဟောပြောပွဲတွေ လုပ်ကြတယ်။၈ရက်နေ့ ညမှာတော့ ပြေးသံတွေ၊ သေနတ်သံတွေ ဆူညံနေအောင် ကြားခဲ့ရတယ်။ သိပ်ကိုကြေကွဲစရာကောင်းတဲ့ အခြေအနေ ဆိုးကြီးကို ဖြစ်သွားတယ်။ ကမ္ဘာတည်သရွေ့ ရှစ်လေးလုံး ဆိုတာကြီးက ဘယ်တော့မှ မမေ့သင့်တဲ့ နေ့တစ်နေ့ပါပဲ။ အဲဒီ ရက်ရောက်တိုင်း ၈၈ရဲ့ညကို အိပ်မက်ဆိုးကြီးတစ်ခုလိုပဲ ကျွန်မ အမြဲတမ်းမှတ်မိနေတယ်။
ပေါ်ပြူလာအဖွဲ့
Popular Journal

မြန်မာနိုင်ငံရောက် ဗြိတိန်နိုင်ငံသားတွေ အတွက် လုံခြုံရေးဆိုင်ရာ သတိပေးချက်ထုတ်ပြန်

မြန်မာနိုင်ငံတွင်းက ဒေသတချို့ကို မသွားကြဖို့ ဗြိတိန်အစိုးရက ဗြိတိန်နိုင်ငံသားတွေကို သတိပေးနှိုးဆော်ထား ပါတယ်။

ဒီလအတွင်း အယ်လ်ခိုက်ဒါ အဖွဲ့ရဲ့ အကြမ်းဖက် လုပ်ရပ်တွေ ပေါ်ပေါက်လာနိုင်တယ်လို့ Interpol နိုင်ငံတကာ ရဲတပ်ဖွဲ့ရဲ့ သတိပေးချက်အရ အမေရိကန် နဲ့အနောက်နိုင်ငံတွေက အစ္စလာမ်နိုင်ငံတွေမှာရှိတဲ့ သူတို့ သံရုံးအသီးသီးကို ပိတ်ခိုင်းတာတွေ၊ သူတို့ နိုင်ငံသားတွေကို ထွက်ခွာခိုင်းတာတွေ ဆောင်ရွက် နေချိန်မှာ ဗြိတိန်အစိုးရ နိုင်ငံခြားရေး နဲ့ ဓနသဟာယရုံး က မြန်မာနိုင်ငံ နဲ့ပတ်သက်ပြီး အင်္ဂါနေ့က သတိပေးချက် ထုတ်ပြန်ခဲ့တာပါ။

အဲဒီ ထုတ်ပြန်ချက်မှာ ဗုဒ္ဓဘာသာ နဲ့ မူဆလင် ပဋိပက္ခတွေဖြစ်ပွားခဲ့တဲ့ မြန်မာနိုင်ငံ ရခိုင်ပြည်နယ်ကိုငပလီ ကမ်းခြေ ကလွဲပြီး မသွားကြဖို့၊ သံတွဲလေဆိပ်ကိုသာ အသုံးပြုကြဖို့ တိုက်တွန်းထားပါတယ်။

ဒါ့ပြင် မြန်မာနိုင်ငံအလယ်ပိုင်း မိတ္ထီလာ၊ မလှိုင်၊ သာစည် နဲ့ ၀မ်းတွင်းမြို့နယ်တွေ ကိုလည်းမသွားကြဖို့ သတိပေးထားပါတယ်။

လက်နက်ကိုင်ပဋိပက္ခတွေပေါ်ပေါက်နေတဲ့ ကချင်ပြည်နယ်ကိုလည်း မြစ်ကြီးနား၊ ဗန်းမော်၊ ပူတာအို မြို့တွေကလွဲပြီး ကျန်တဲ့နေရာတွေကို မသွားကြဖို့ ဆော်သြထားပါတယ်။

အလားတူ အပစ်အခတ်တွေ လတ်တလော ဖြစ်ပွားနေတဲ့ ရှမ်းပြည်နယ် အပြင်၊ မြန်မာ နဲ့ထိစပ်နေတဲ့ ထိုင်း၊ လာအို၊ တရုတ် နယ်စပ်တွေကိုလည်း သတိထားကြဖို့လည်း ထုတ်ပြန်ချက်မှာဖော်ပြထားပါတယ်။

ဆန္ဒပြပွဲတွေ နဲ့လူစုလူဝေးတွေကို ရှောင်ရှားကြပြီး၊ စစ်တပ်၊ ရဲ နဲ့ဆန္ဒပြပွဲတွေကို ဓါတ်ပုံ၊ဗီဒီယို မရိုက်ကြ ဖှိုလည်း သတိပေးထားပါတယ်။ ရန်ကုန်မြို့က ဗြိတိသျှသံရုံးဝန်ထမ်းတွေကိုလည်း သတ်မှတ်ထားတဲ့နေရာတွေကလွဲပြီး၊ မြန်မာအစိုးရ ခွင့်ပြုချက်မရဘဲ ရန်ကုန်မြို့ပြင်ပကို သွားခွင့်မပြုကြောင်း ဖေါ်ပြထားပါတယ်။
RFA Burmese

ဘယ်နှစ်နှစ်...အထိလဲအဘ..

FB-Lin San Letpanpya

တားမြစ်ခဲ့သော်လည်း မန်းတွင် ဆန္ဒထုတ်ဖော်

မန္တလေး-သြဂုတ်၆
တိုင်းမ် မဂ္ဂဇင်းအားကန့်ကွက်ပွဲနှင့် အကြမ်းဖက်ဗုံးခွဲတိုက်ခိုက်သည်များကို ရှုတ်ချခြင်းကို ယနေ့နေ့လယ် ၂နာရီခန့်တွင် သံဃာအပါး ၅၀၀ခန့်နှင့် လူအင်အား ၂၀၀နီးပါးပါဝင်သောဆန္ဒထုတ်ဖော်သည်။

ခရိုင်အုပ်ချုပ်ရေးမှူးနှင့် သက်ဆိုင်ရာများကမပြုလုပ်ရန် တောင်းပန်လျှောက်ထားသော်လည်း ဆန္ဒထုတ်ဖော်မှု ပြုလုပ်ခဲ့ကြကြောင်း ဆန္ဒထုတ်ဖော်သူတစ်ဦးကပြောသည်။

အဆိုပါဆန္ဒထုတ်ဖော်မှုကို ယခုလ ၂ရက်နေ့တွင် တရားဝင်စာတင်သော်လည်း ခွင့်ပြုမိန့်မရရှိဘဲ သံဃာတော်များအနေဖြင့် မီဒီယာများ ဘက်လိုက်ရေးသားမှုကြောင့် ဗုဒ္ဓဘာသာညိုးနွမ်းရခြင်း၊ ဗုဒ္ဓ ဘာသာဝင်များအား အကြမ်းဖက်ဗုံးခွဲတိုက်ခိုက်ခြင်းများကို ရှုံ့ချသောအနေဖြင့်သာ ငြိမ်းချမ်းစွာဆန္ဒထုတ်ဖော်ရခြင်းဖြစ်ကြောင်း ဦးဆောင်သံဃာတော်တစ်ပါးက မိန့်ကြားသည်။
ဖိုးလပြည့်
Popular Myanmar News Journal

ဆင်းကတ် အလွဲသုံးစားဟု NLD မြစ်သားမြို့နယ် အတွင်းရေးမှူး စွပ်စွဲခံရ

မြစ်သား၊ သြဂုတ် ၆မန္တလေးတိုင်းဒေသကြီး မြစ်သားမြို့နယ် အမျိုးသား ဒီမိုကရေစီအဖွဲ့ချုပ် (NLD) ပါတီ၏ အတွင်းရေးမှူးကို သြဂုတ်လတွင် ပါတီအတွက် ဝေစုရသည့် တန်ဖိုးနည်း ၁၅၀၀ ကျပ်တန် ဆင်းကတ်များ အလွဲသုံးစား ပြုလုပ်သည်ဟုဆိုကာ တိုင်းဒေသကြီး ပါတီ စည်းကမ်း ထိန်းသိမ်းရေး ကော်မတီ ထံသို့ သြဂုတ်လ ၅ ရက်နေ့က တိုင်ကြားခဲ့ကြောင်း အဆိုပါမြို့နယ် မြို့မ အနောက် ရပ်ကွက် NLD ပါတီ ဥက္ကဋ္ဌ ဦးခင်အောင်လင်းက The Voice သို့ ပြောကြားသည်။

ပါတီအတွက် ရရှိသည့် နံပါတ် ၂၅၆၀၀ ဖြင့်စသော GSM ဆင်းကတ် သုံးကတ်အား ပါတီ အဖွဲ့ဝင်များ ကို ချထားပေးခြင်း မရှိဘဲ တစ်ကတ်လျှင် ကျပ်တစ်သိန်းဖြင့် ရောင်းချခဲ့ခြင်းကို မြို့နယ် အထွေထွေ အုပ်ချုပ်ရေးမှူး ထံလည်း တိုင်ကြားထားကြောင်း သြဂုတ်လ ၂ ရက်နေ့တွင် နံပါတ် ၃၃၄၂ ဖြင့်စသော CDMA ဆင်းကတ် နှစ်ကတ်ကို ကျပ် ခြောက်သောင်းဖြင့် ထပ်မံ ရောင်းချခဲ့ခြင်းကြောင့် တိုင်းဒေသကြီး ပါတီ စည်းကမ်း ထိန်းသိမ်းရေး ကော်မတီထံသို့ တိုင်ကြားရခြင်း ဖြစ်ကြောင်း ၎င်းက ပြောကြားသည်။

အဆိုပါ ဆင်းကတ် ရောင်းချမှုအတွက် အလုပ် အမှုဆောင် အစည်းအဝေး ခေါ်ယူကာ စုံစမ်း စစ်ဆေးရေး ကော်မတီ ဖွဲ့၍ ဖြေရှင်း မည် ဖြစ်ကြောင်း မန္တလေးတိုင်းဒေသကြီး စည်းကမ်း ထိန်းသိမ်းရေး ကော်မတီ ဥက္ကဋ္ဌ ဦးလှသောင်းက ပြောကြားသည်။

ပါတီရုံး ဆောက်လုပ်စဉ်က ကုန်ကျစရိတ်များ အကြွေးတင်နေခြင်းကြောင့် မြို့နယ်ပါတီ အမှုဆောင် အဖွဲ့၏ ဆုံးဖြတ်ချက်ဖြင့် ဖုန်း ဆင်းကတ်များ ကို ရောင်းချရခြင်း ဖြစ်ကြောင်း ဖုန်း ဆင်းကတ်များ ရောင်းချခဲ့သူ NLD ပါတီ မြစ်သားမြို့နယ် အတွင်းရေးမှူးဖြစ်သူ ဦးဇော်ဇော်က The Voice သို့ ပြော ကြားသည်။

“ပါတီအကျိုးအတွက် ရောင်းတာပါ။ လစဉ် အစည်းအဝေးကို ပုံမှန်မတက်ဘဲ စိတ်ခံစားချက်အတိုင်း အပြုသဘော မဆောင်ဘဲ အပျက်ဘက် မြင်တာ ပါတီရဲ့ ဂုဏ်သိက္ခာ ညှိုးနွမ်းစေပါတယ်။ တိုင်တာ ထက် ပိုကောင်းအောင် လုပ်လို့ရတဲ့နည်းတွေ အများကြီး ရှိပါတယ်” ဟု ၎င်းက ဆိုသည်။

အဆိုပါ ပါတီ အတွင်းရေးမှူးသည် ဆင်းကတ်များကို မေလတွင် တစ်ကတ်၊ ဇွန်လတွင် နှစ်ကတ်နှင့် ယခုအကြိမ် သြဂုတ်လတွင် ငါးကတ် အပါအဝင် စုစုပေါင်း ရှစ်ကတ်ကို ရောင်းချခဲ့သည်ဟု မြို့မ အနောက်ရပ်ကွက် ရပ်/ကျေး ဥက္ကဋ္ဌ ဦးခင်အောင်လင်းက ပြောကြားသော်လည်း စုစုပေါင်း ခြောက်ကတ် ကိုသာ ရောင်းချခဲ့ကြောင်း ဦးဇော်ဇော်က ပြောဆိုသည်။
The Voice Weekly

ငါးရှဥ့် တင်ပို့မှု လေးလအတွင်း ကန်ဒေါ်လာ ၁၈ သန်းကျော် ရရှိ

ရန်ကုန်၊ သြဂုတ် ၆
တရုတ်နိုင်ငံသို့ အဓိက တင်ပို့လျက်ရှိသော ငါးရှဥ့် တင်ပို့မှု လေးလအတွင်း အမေရိကန် ဒေါ်လာ ၁၈ သန်းကျော် ရရှိထားကြောင်း ငါးရှဥ့် လုပ်ငန်းရှင်များ အသင်းထံမှ သိရသည်။

ပြည်ပသို့ ငါးရှဥ့် တင်ပို့မှုမှ လက်ရှိ ၂၀၁၃-၂၀၁၄ ဘဏ္ဍာနှစ်အတွက် အမေရိကန် ဒေါ်လာ သန်း ၃၀ ရရှိရန် လျာထား ဆောင်ရွက်လျက် ရှိကြောင်း၊ ဘဏ္ဍာရေးနှစ်အစ ဧပြီလ ၁ ရက်နေ့မှ ဇူလိုင်လ ၂၈ ရက်နေ့ အထိ လေးလအတွင်း ငါးရှဥ့် ပို့ကုန် ရငွေ အမေရိကန်ဒေါ်လာ ၁၈ သန်းကျော် ရရှိထားရာ ငါးရှဥ့် ပို့ကုန် လျာထားချက်၏ ၆၀ ရာခိုင်နှုန်းကျော် တင်ပို့နိုင်ခဲ့ခြင်း ဖြစ်ကြောင်း ရန်ကုန်တိုင်း ဒေသကြီး ငါးလုပ်ငန်း ဦးစီးဌာန၏ စာရင်းများအရ သိရသည်။

ငါးရှဥ့် ကုန်ကြမ်း ထွက်အားကောင်းသည့် မိုးတွင်းကာလ ဖြစ်သော်လည်း ကုန်ကြမ်းရှားပါးမှုကြောင့်ငါးရှဥ့် ဈေးကောင်းနေခြင်း ဖြစ်ကြောင်း မြန်မာနိုင်ငံ ငါးရှဥ့် လုပ်ငန်းရှင်များအသင်း ဥက္ကဋ္ဌ ဦးဘသော်က ပြောကြားသည်။

သြဂုတ်လအတွင်း ငါးရှဥ့် တစ်ပိဿာလျှင် ကျပ် ၆၀၀၀ ဝန်းကျင်ရှိပြီး ငါးရှဥ့် ရှားပါးသည့်အချိန် ဖြစ်သည့် အောက်တိုဘာလခန့်တွင် ငါးရှဥ့်ဈေး မြင့် လာနိုင်ကြောင်း ပြည်တွင်း ငါးရှဥ့် လုပ်ငန်းရှင်များ က သုံးသပ်သည်။

“ဒီအတိုင်း ပြည်ပကို ဆက်ပို့မယ် ဆိုရင် မနှစ်က ပြည်ပ တင်ပို့ခဲ့တဲ့ အမေရိကန် ဒေါ်လာ ၄၈ သန်း ထက်ကျော်ပြီး သန်း ၆၀ နီးပါး ပို့နိုင်ပါ လိမ့်မယ်” ဟု မြန်မာနိုင်ငံ ငါးလုပ်ငန်း အဖွဲ့ချုပ် အထွေထွေ အတွင်းရေးမှူး ဦးဝင်းကြိုင်က ဆိုသည်။

ငါးရှဥ့်ကို ပြည်တွင်း၌ စမ်းသပ် မွေးမြူမှု အနည်းငယ်သာ ရှိပြီး သဘာဝ ဖမ်းဆီးရမိမှုဖြင့် ပြည်ပသို့ တင်ပို့လျက်ရှိရာ နယ်စပ်စခန်းများဖြစ်သော မူဆယ်၊ ချင်းရွှေဟော်တို့မှ တရုတ် ဈေးကွက်သို့ အဓိက တင်ပို့လျက် ရှိကြောင်း ရန်ကုန်တိုင်းဒေသကြီးအခြေစိုက် ငါးရှဥ့် လုပ်ငန်းရှင် တစ်ဦးက ပြောကြားသည်။

လက်ရှိ ဘဏ္ဍာနှစ်အတွက် ရေထွက်ကုန် ပစ္စည်း ပြည်ပ တင်ပို့ရာ ပထမ လေးလ ကာလအတွင်း ငါးရှဥ့် တင်ပို့မှု လျာထားချက် အမေရိကန် ဒေါ်လာ သန်း ၃၀ တွင် ၆၀ ရာခိုင်နှုန်း တင်ပို့ထားပြီး ပို့ကုန်ရငွေ ရရှိမှု စာရင်းတွင် အများဆုံး နေရာတွင် ရပ်တည်လျက် ရှိပြီး ရေချိုငါး တင်ပို့မှုသည် လျာထားချက် အမေရိကန် ဒေါ်လာ သန်း ၁၂၀ တွင် ၂၂ ရာခိုင်နှုန်းသာ တင်ပို့နိုင်၍ ပို့ကုန် ရငွေ ရရှိမှု စာရင်းတွင် အောက် ဆုံးတွင် ရောက်ရှိလျက်ရှိကြောင်း ရန်ကုန်တိုင်းဒေသကြီး ငါးလုပ်ငန်း ဦးစီးဌာန၏ စာရင်းများအရ သိရသည်။
The Voice Weekly

တောင်ငူတွင် ဆန်ကြမ်းပြတ် ရန်ကုန်မှ ပြန်သွင်း

တောင်ငူ၊ သြဂုတ် ၆
အစဉ်အလာ ဆန်ဈေးကွက် စီးဆင်းမှု အနေအထားအရ ရန်ကုန်သို့သာ တင်ပို့လေ့ရှိသော ပဲခူးတိုင်း ဒေသကြီး တောင်ငူခရိုင်မှ ထွက်ရှိသော ဆန်ကြမ်းများကို မူဆယ် ဈေးကွက်သို့ စုပုံ တင်ပို့နေခြင်းကြောင့် တောင်ငူ ဈေးကွက်တွင် ဆန်ကြမ်း ပြတ်လပ်ပြီး ရန်ကုန်မှ တစ်ဆင့် ပြန်လည် တင်သွင်းနေ ရကြောင်း တောင်ငူမြို့နယ် စပါး ပွဲစားကြီးများနှင့် ဆန် ကုန်သည်ကြီးများက The Voice သို့ ပြောကြားသည်။

ကုန်သည်များ လက်ထဲတွင် စပါးနှင့် ဆန် နည်းလာချိန် ဆန်ကြမ်း ပြတ် လာသဖြင့် ဧရာဝတီ တိုင်းဒေသကြီးမှ ထွက်သည့် ဆန်ကြမ်းများ ရန်ကုန်ဈေးကွက်မှ တစ်ဆင့် အလုံးအရင်းဖြင့် တောင်ငူ ဈေးကွက် သို့ ပြန်လည် တင်ပို့လာကြောင်း တောင်ငူမြို့ ဘုရားလမ်း လမင်း ဆန်ပွဲရုံ ပိုင်ရှင် ဦးသိန်းလွင်က ပြောကြားသည်။

ပြီးခဲ့သည့် လများက ထန်းတပင်၊ ဇရပ်ကြီး၊ ဖြူး၊ ညောင်ပင်သာနှင့် ကညွှတ်ကွင်း ဒေသတို့မှ တောင်ငူ ဈေးကွက်သို့ နေ့စဉ် ဆန်အိတ်ပေါင်း ၁၀၀၀ ကျော် ဝင်ရောက်ခဲ့ပြီး အထက်အညာ ဒေသများနှင့် မူဆယ်မှ တစ်ဆင့် တရုတ်ပြည် ဈေးကွက်သို့ တစ်ရက်လျှင် ဆယ်ဘီးယာဉ် သုံးစီးမှ ငါးစီးအထိ ပြန်လည် တင်ပို့ခဲ့ရသော တောင်ငူမြို့တွင် လက်ရှိ၌ စားသုံးရန် ဆန်ကြမ်းကိုပင် ရန်ကုန် ဈေးကွက်မှ နေ့စဉ် အိတ်ရေ ၈၀၀ မှ ၁၀၀၀ အကြားကို ပြန်လည် တင်သွင်းနေရကြောင်း တောင်ငူမြို့ခံ ဆန်စပါး ကုန်သည်ကြီးများနှင့် ဆန်စက် ပိုင်ရှင်များက ပြောကြားသည်။

ဆန်ကြမ်းကို ယခုကဲ့သို့ ရန်ကုန်မှ ပြန်လည် တင်သွင်းနေရသဖြင့် ဇူလိုင်လ တွင် သုခ (ရှယ်) ဆန်ကြမ်း တစ်အိတ် ကျပ် ၁၉,၅၀၀ ခန့်မှ သြဂုတ်လ ၄ ရက်နေ့တွင် ငွေကျပ် တစ်ထောင်ကျော် မြင့်တက်ခဲ့ပြီး လက်ရှိတွင် ၂၁,၅၀၀ ကျပ်ဖြင့် လည်းကောင်း ဧရာမင်း (ရှယ်) တစ်အိတ်လျှင် ကျပ် ၂၃,၀၀၀မှ ယခု ကျပ် ၂၄,၀၀၀ ဖြင့် ရောင်းချလျက်ရှိကြောင်း တောင်ငူမြို့ (၁၉) ရပ်ကွက်နေ ဆန်ကုန်သည် ဦးသက်နိုင်က ပြောကြားသည်။

တောင်ငူ ဈေးကွက်တွင် သုခအုပ်စုနှင့် ဧရာမင်း အုပ်စု စပါးတင်း တစ်ရာကို ကျပ် ငါးသိန်းပေးကာ ဝယ်ယူသော်လည်း လက်ရှိတွင် တောင်သူလက်ထဲ စပါး လက်ကျန် မရှိ၍ ဝယ်မရကြောင်း တောင်ငူမြို့ ဆန်ကုန်သည်ကြီး များနှင့် ဆန်စက် ပိုင်ရှင်ကြီးများထံမှ စုံစမ်း သိရှိရသည်။

ဇူလိုင်လအတွင်း ပြည်တွင်းမှ ထွက်ရှိသော ဆန်ကို နယ်စပ် လမ်းကြောင်းမှ ဆန်တင်ပို့မှုခွင့်ပြုခဲ့သဖြင့် တောင်ငူ ဈေးကွက်မှ ဆန်ကို တရုတ်နိုင်ငံသို့ အဓိကထား တင်ပို့ခဲ့ရာ ယွမ်ငွေဈေး မြင့်မားနေခြင်း ကြောင့် မူဆယ် ဈေးကွက်တွင် ဆန်ကြမ်းများ ပုံကာ ပြည်တွင်း စားသုံးမှုကို ယခုကဲ့သို့ ထိခိုက်လာ သည့် အတွက် မြန်မာနိုင်ငံ ဆန်စပါး ကုန်သည်ကြီး များ အသင်းအနေနှင့် ဆန်တင်ပို့မှု စနစ်ကို ပြန်လည် သုံးသပ်စေ လိုကြောင်း တောင်ငူမြို့ခံ ဆန်စပါး ကုန်သည်ကြီး အချို့က အကြံပြု ပြောကြားသည်။

၂၀၁၂-၂၀၁၃ ဘဏ္ဍာရေးနှစ်တွင် ဆန်စပါး အထူးပြု ကုမ္ပဏီပေါင်း ၅၂ ခုမှ နယ်စပ်ဒေသနှင့် ရန်ကုန် မြို့တော်မှ တစ်ဆင့် ဆန်တန်ချိန် ၁,၃၉၉,၈၂၉ ဒသမ ၄၅၂ တန် တင်ပို့ ရောင်းချခဲ့ကြောင်း၊ ပဲခူးတိုင်း ဒေသကြီး တွင် နွေစပါး စိုက်ဧက ၈၈၄,၀၁၁ ဧက၊ မိုးစပါး စိုက်ဧက ၁၇၁,၇၇၃ ဧက စုစုပေါင်းစိုက်ဧက ၁,၀၅၅,၇၈၄ ဧက ရှိကြောင်း မြန်မာနိုင်ငံ ဆန်စပါး ကုန်သည်ကြီးများအသင်း ပဲခူးတိုင်းဒေသကြီး အရှေ့ခြမ်း ဥက္ကဋ္ဌ ဦးမောင်မောင်ကျော်က ပြောကြားသည်။
The Voice Weekly

ဗိုလ်ချုပ်ရုပ်ရှင်အတွက် ထုတ်လုပ်မှုအကြံပေး မစ္စစ်ကိတ်ဂျိမ်း(စ်) မြန်မာနိုင်ငံ သို့ ရောက်ရှိ

Wednesday, August 07, 2013
ဗိုလ်ချုပ်ရုပ်ရှင် ရိုက်ကူးရန်အတွက် သြစတြေးလျမှ ထုတ်လုပ်မှု အကြံပေး မစ္စစ် ကိတ်ဂျိမ်း(စ်)သည် မြန်မာနိုင်ငံတို့ ဇူလိုင် ၅ ရက်တွင် ရောက်ရှိလာကြောင်း ဦးသူရ(ခေါ်) ဇာဂနာက မဇ္ဈိမသို့ ပြောသည်။

အဆိုပါ ရိုက်ကူးရန်အတွက် ၎င်းသည် ကုန်ကျစရိတ်တွက်ချက်မှုများ၊ ဆက်တင် အခမ်းအနားပြင်ဆင်ရာတွင် သက်သာသော ကုန်ကျစရိတ်များဖြစ်စေရန်နှင့် ရုပ်ရှင်ရိုက်ကူးရာတွင် ပါဝင်သရုပ်ဆောင်မည့်သူများကို အပြီးသတ်ရွေးချယ်နိုင်ရေး အတွက် ဆွေးနွေးညှိနှိုင်းရန် လာရောက်ခြင်းလည်း ဖြစ်သည်။

ဇာဂနာက “သူနဲ့ အဆက်အသွယ်ရတာ ရှစ်လလောက် ရှိပါပြီ။ သူက နိုင်ငံတကာက ရိုက်ကူးရေးတွေမှာ အကြံပေးအနေနဲ့ လုပ်ကိုင်နေရတော့ လုံးဝမအားတဲ့အတွက် အချိန်ရရင် ထုတ်လုပ်မှုမှာ အကူအညီပေးဖို့ ကမ်းလှမ်းထားတာပါ။ သူ့အနေနဲ့ ရုပ်ရှင်တစ်ကား ရိုက်ကူးတော့မယ်ဆိုရင် ရိုက်ကူးမယ့်ဇာတ်ဝင်ခန်းတွေကို နေရာဒေသ အလိုက် အသေးစိတ် တွက်ချက်ပေးပါတယ်။ အဲဒီလိုတွက်ချက်ပေးတော့ ထုတ်လုပ်ရေးအပိုင်းမှာ ကုန်ကျမယ့် ကုန်စရိတ်တွေ အများကြီးသက်သာသွားမှာ ဖြစ်ပါတယ်။ ဒီလုပ်ငန်းစဉ်ကို မြန်အောင် ဇာတ်ညွှန်းရေးပေးတယ်။ ဇာတ်ညွှန်းက ရိုက်ကွင်းပေါ်မှာ လည်း ပြင်ရတာရှိတယ်။ အဲဒီအဖွဲ့ကို အလုပ်လုပ်လို့ရအောင် ကြားကနေပြီး ပေါင်းစပ်ပေးတယ်။ တတိယတစ်ချက်က ဒါရိုက်တာအဖွဲ့ကို အလုပ်လုပ်လို့ အဆင်ပြေအောင် အာဏာပိုင်တွေနဲ့ တင်ပြမှုတွေအတွက် ဆောင်ရွက်ပေးတယ်။ ဥပမာ- ဂျပန်၊ ယိုးဒယားတွေဆီကို သွားရိုက်မယ်ဆိုရင် တင်ပြရမယ့် အကြောင်းအရာတွေကို လုပ်ပေးရတာမျိုးပေါ့။ အရေးကြီးဆုံးအချက်က ပိုက်ဆံရဲ့အသုံးပြုမှုအပိုင်းကို တွက်ချက်ဖော်ပြပေးတာပါ” ဟု ဆိုသည်။

ဒါ့အပြင် သူသည် ရုပ်ရှင်ရိုက်ကူးရေးတွင် ပါဝင်သည့် အစိတ်အပိုင်းများဖြစ်ကြသည့် Pre-Production၊ Production၊ Post Production အပိုင်းများတွင်လည်း အသေးစိတ် ဆောင်ရွက်ပေးရ မည် ဖြစ်သည်။ ဗိုလ်ချုပ်ရုပ်ရှင်ဇာတ်ကား ရိုက်ကူးရန်အတွက် ဒါရိုက်တာများသည် ဇာတ်ဝင်ခန်း၏ အသုံးပြုမည့်အခန်းနှင့် အတူ နိုင်ငံအလိုက် ရိုက်ကူးသွားမည့်အစီအစဉ်များကို ဆွေးနွေးကြ မည် ဖြစ်သည်။

ဗိုလ်ချုပ်ဇာတ်ကား ရိုက်ကူးရန်အတွက် ကုန်ကျစရိတ်များကို ဒေါ်အောင်ဆန်း စုကြည်က ကုန်ကျခံမည် ဖြစ်သည်။

ဗိုလ်ချုပ်ရုပ်ရှင်ဇာတ်ကားတွင် ပါဝင်သရုပ်ဆောင်ရန် ရွေးချယ်ထားသူများအား ပြင်သစ်နိုင်ငံမှ ဆရာများဖြင့် သင်ကြားလျက်ရှိပြီး ဗိုလ်ချုပ်နေရာတွင် ကမ္ဘောဇအသင်းမှ ကျော်ကျော်မျိုးက သရုပ်ဆောင်မည် ဖြစ်သည်။ ဗိုလ်ချုပ်ကတော် ဒေါ်ခင်ကြည်နေရာတွင် သင်းမြတ်နန္ဒာလှိုင်နှင့် ပုသိမ်မှ အခြားတစ်ယောက်အား သြဂုတ် ၆ ရက်တွင် ထုတ်လုပ်မှုအကြံပေး မစ္စစ်ကိတ်ဂျိမ်း(စ်)က အကဲဖြတ်ရွေးချယ်မည် ဖြစ်သည်။

ရိုက်ကူးမှုအတွက် ဆက်တင်များ ဖန်တီးလုပ်ကိုင်ရန် လိုအပ်သည့်အတွက် ဂျာမနီနိုင်ငံမှ Studio နှင့် ယိုးဒယားမှ Studio တို့ကို ကမ်းလှမ်းထားကြောင်း ကော်မတီမှ တာဝန်ရှိသူက ဆိုသည်။
Mizzima News

တပ်ရင်းမှူးက အရပ်သားကို ဆဲဆိုရိုက်နှက်မှု ကာချုပ်ထံ တိုင်မည်

၆၈ နှစ်မြောက် တပ်မတော်နေ့ အခမ်းအနား (ဓာတ်ပုံ – ဂျေပိုင် / ဧရာဝတီ)

August 6, 2013
ဧရာဝတီတိုင်း ရေကြည်မြို့နယ် ငါးသိုင်းချောင်းမြို့နယ်ခွဲ အခြေစိုက် အမှတ် (၃၄၄) တပ်ရင်းမှူးက အရပ်သားတဦးကို ဆဲဆို ရိုက်နှက်သည့်အတွက် ကုန်းပြင် ရဲစခန်း၌ အမှုဖွင့်ထားပြီး တပ်မတော် ကာကွယ်ရေး ဦးစီးချုပ်ထံသို့လည်း တိုင်ကြားမည်ဟု သတင်းရရှိရသည်။

ဇူလိုင်လ ၂၈ ရက်နေ့ ညနေပိုင်းက ကားသမား ကိုစိုးလှိုင်သည် ငါးသိုင်းချောင်းမြို့မှ ရခိုင်ပြည်နယ် ဂွမြို့သို့ Light Truck ကားဖြင့် ခရီးသည်နှင့် ကုန်စည်များ တင်ဆောင် မောင်းနှင်လာခဲ့ရာ မြောက်စန်းကျေးရွာ အရောက်တွင် အရပ်ဝတ်ဖြင့် ဆိုင်ကယ်စီး လူ ၂ ဦးက လမ်းကြောအလယ် ပိတ်ဆို့၍ မောင်းနှင်နေသဖြင့် ဟွန်းတီး၍ လမ်းတောင်းခဲ့ကြောင်း၊ ဆိုင်ကယ်သမားက ဖယ်ရှားမပေးဘဲ ၅ မိနစ်ခန့် ဆက်လက် မောင်းနှင်နေသည့် အတွက် ကျော်တက်ရာမှ ပြဿနာ ပေါ်ပေါက်ခြင်း ဖြစ်ကြောင်း သိရသည်။

“ဆိုင်ကယ်က ကျနော့်ကားနဲ့ ထော်လာဂျီ ကြားထဲကနေ ကျော်တက်သွားတယ်။ ပြီးတော့ လမ်းလယ်ခေါင် ယာဉ်ကြောကနေ ပိတ်မောင်းနေတော့ ကျနော်က ဟွန်းအကြိမ်ကြိမ်တီးပြီး လမ်းတောင်းတယ်။ မဖယ်ပေးဘူး။ ဖြည်းဖြည်းပဲ နောက်က မောင်းပြီး လိုက်တာ ၅ မိနစ်လောက် ကြာတယ်။ မဖယ်ပေးတော့ လမ်းကျယ်တဲ့ နေရာရောက်တော့ ကျနော်က ဘေးကနေ ကျော်တက်ပြီးတော့ စိတ်တိုနေတာနဲ့ မင်းတို့ ***လို မောင်းနေတာလားလို့ ဆဲလိုက်မိတယ်။ အဲဒီမှာ ဆိုင်ကယ်ကို ကျနော့် ကားရှေ့မှာ ပိတ်ရပ်ပြီးတော့ ကားထဲမှာ ထိုင်နေတဲ့ကျနော့်ကို ပါးပိတ်ရိုက်ပြီး မင်းငါ့ကို ဘာမှတ်နေလဲ။ ငါတပ်ရင်းမှူးကွလို့ ပြောတယ်” ဟု ကားသမားကိုစိုးလှိုင်က ပြောသည်။

ထိုသို့ ရိုက်နှက်ခံနေသည့်အတွက် ကားသမား ကိုစိုးလှိုင်နှင့် ခရီးသည်များကပါ တောင်းပန်သော်လည်း တပ်ရင်းမှူး ဗိုလ်မှူး စိုးမြင့်က မကျေနပ်ဘဲ ကားမောင်းလိုင်စင်နှင့် ကားလိုင်စင်များကိုပါ အဓမ္မ သိမ်းဆည်းသွားခဲ့ကြောင်း အခင်းဖြစ်ပွားချိန်တွင် ကားပေါ်၌ အတူလိုက်ပါခဲ့သူ ကိုစိုးလှိုင်၏ဇနီး မနှင်းဆီက ပြောသည်။

သူက ဆက်လက်၍ “တပ်ရင်းမှူးက မေးတယ်။ မင်း ဘယ်က ကားလဲဆိုတော့ ကျနော် ငါးသိုင်းချောင်းက ကားပါလို့ ကိုစိုးလှိုင်က ပြန်ဖြေတယ်။ အဲဒီမှာ အမေတွေ နှမတွေ အကုန်တပ်ပြီး ဆဲတော့တာပဲ။ ကျမက တပ်ရင်းမှူးမှန်း မသိလို့ပါဆိုပြီး လက်အုပ်ချီပြီး တောင်းပန်တယ်။ ကိုစိုးလှိုင်ကလည်း တောင်းပန်တယ်။ ဒါပေမယ့် မရဘူး။ သူက ကားတံခါးကို ဆွဲဖွင့်ပြီး ပေးစမ်း မင်းရဲ့ လိုင်စင်တွေ ၀ှီးတက်တွေဆိုတော့ ကိုစိုးလှိုင်က ပိုက်ဆံအိတ်ထဲကနေ ထုတ်နေတုန်း အိတ်ကို အတင်း လုယူပြီး လိုင်စင်နဲ့ ၀ှီးတက်ကို ယူထားပြီး ပိုက်ဆံအိတ်ကို လွှင့်ပစ်လိုက်တယ်။ ပြီးတော့ မင်းတို့ကားကို ၅၆၂ တပ်ကို ဖမ်းခိုင်းထားလိုက်မယ်လို့ ပြောတာနဲ့ ကျမတို့လည်း နောက်ကြောင်း ပြန်လှည့်လာပြီးကုန်းပြင်ရဲစခန်းမှာ ၀င်ပြီး အမှုဖွင့်ခဲ့တာ” ဟု ပြောသည်။

အဆိုပါ အမှုအား ရေကြည်မြို့နယ် ကုန်းပြင်ရဲစခန်းက ပြစ်မှု နံပါတ် – ၁၅/၂၀၁၃ ဖြင့် လက်ခံ၍ အမှုဖွင့်ပေးထားပြီး တပ်ရင်းမှူး ဗိုလ်မှူး စိုးမြင့်အား ပုဒ်မ ၂၉၄ (ဆဲဆိုမှု)၊ ၃၂၃ (နာကျင်စေမှု) တိုဖြင့် ကားသမား ကိုစိုးလှိုင်က တရားလိုပြုလုပ်၍ အမှုဖွင့်ထားကြောင်း စုံစမ်းသိရှိရသည်။ ကိုစိုးလှိုင်၏ တိုင်တန်းမှုကြောင့် ကုန်းပြင်ရဲစခန်းက ခလရ (၃၄၄) တပ်ရင်းမှူးအား စခန်းသို့ ခေါ်ယူ၍ လိုအပ်သည်များ မေးမြန်းစစ်ဆေးခဲ့ပြီး တပ်ရင်းမှူးကလည်း ကိုစိုးလှိုင်အား ပုဒ်မ ၂၉၄ (ဆဲဆိုမှု)ဖြင့် တန်ပြန် အမှုဖွင့်ထားကြောင်း ကုန်းပြင် ရဲစခန်းနှင့် နီးစပ်သူတဦးက ပြောသည်။

“စခန်းက ချက်ခြင်း အမှုဖွင့်ပေးခဲ့ပြီး ကိုစိုးလှိုင်ကိုလည်း ကုန်းပြင်ဆေးရုံမှာ ညတွင်းချင်း ဆေးစစ်ချက် ယူခိုင်းခဲ့တယ်။

တပ်ရင်းမှူးကိုလည်း စခန်းကိုခေါ်ပြီးတော့ ရဲလုပ်ထုံးအရ စစ်ချက်နဲ့ သက်သေခံ ပစ္စည်းသိမ်းယူတာတွေ လုပ်တယ်။ အခုက တရားခံက စစ်သား ဖြစ်နေတော့ တရားလို တရားခံ စစ်ချက်တွေနဲ့ သက်သေတွေ ပေါ်ပေါက်ချက်တွေ ရယူပြီးတာနဲ့ သူ့

သက်ဆိုင်ရာတပ်ကို အကြောင်းကြားတာတွေ လုပ်ပေးမယ်လို့ သိရတယ်” ဟု ၎င်းက ပြောသည်။

ရဲစခန်းက တပ်ရင်းမှူးထံမှ သက်သေခံ ပစ္စည်းအဖြစ် ကိုစိုးလှိုင်ထံမှ သိမ်းယူသွားသည့် ကားမောင်းလိုင်စင်နှင့် ကားလိုင်စင်၊ ဆိုင်ကယ် စီးနင်းစဉ်က ၀တ်ဆင်ခဲ့သည့် အရပ်သား ၀တ်စုံတို့ကို သိမ်းဆည်းထားကြောင်း သိရသည်။

“ဖြစ်သွားတဲ့ ကိစ္စက တပ်ရင်းမှူး တယောက်အနေနဲ့ လူသား တယောက်အပေါ်မှာ လူသားမဆန်တဲ့ ဆက်ဆံမှုမျိုး လုပ်ဆောင်တယ်လို့ ကျနော်တို့ သုံးသပ်ပါတယ်။ ဒီကိစ္စကို သက်ဆိုင်ရာ ကာချုပ် အထိ၊ မြန်မာနိုင်ငံ လူ့အခွင့်အရေး ကော်မရှင်အထိ ကျနော်တို့ တင်ပြပြီးတော့ အရေးယူ ဆောင်ရွက်ပေးဖို့ တွန်းအားပေးသွားမှာ ဖြစ်ပါတယ်” ဟု ပုသိမ်အခြေစိုက် လူ့အခွင့်အရေး စောင့်ကြည့်ကာကွယ်ရေး ကွန်ရက် (HRWDN) အဖွဲ့ဝင် ဦးထွန်းရွှေက ပြောသည်။

ဒီမိုကရေစီ အပြောင်းအလဲကာလတွင် ယခုကဲ့သို့ ဖြစ်ရပ်များမှာ တပ်မတော်နှင့် ပြည်သူကြား အပြန်အလှန် ယုံကြည်မှု၊ နားလည်မှု ပိုမို ကျဆင်းစေကြောင်း ပုသိမ်အခြေစိုက် အမျိုးသား ဒီမိုကရေစီကွန်ရက်မှ ဒေါက်တာ သန်းထိုက်က ပြောသည်။

“ဒီဖြစ်ရပ်ကို ကြည့်ပြီးတော့ တပ်မတော်သားတွေဟာ အခုထက်ထိ သူတို့ကိုယ်သူတို့ အခွင့်ထူးခံ လူတန်းစားအဖြစ် ခံယူ နေသလားလို့ ကျနော် သံသယ ရှိပါတယ်။ လမ်းတောင်းတာကို လမ်းမပေးဘဲ ညစ်ပြီးတော့ မောင်းတာကိုက သူတို့ကိုယ်သူတို့ အခွင့်ထူးခံဆိုတဲ့ သဘောမျိုး ခံယူသုံးသပ်ပုံရတယ်” ဟု ဆိုသည်။

သူ့ရဲ့ရာထူးကို ဖော်ပြပြီးတော့ ကိုယ်ထိလက်ရောက် ရိုက်တယ်ဆိုတာက လူမှုရေး ရှုထောင့်အရရော၊ တိုင်းပြည်ရဲ့ ဒီမိုကရေစီ အပြောင်းအလဲ နိုင်ငံရေး အခင်းအကျင်းအရပါ လက်ခံလို့ မရပါဘူး” ဟု ဒေါက်တာ သန်းထိုက်က ဆက်ပြောသည်။

ယင်းသို့ တပ်ရင်းမှူး၏ ရိုက်နှက်ခံရသည့် ဖြစ်စဉ်ဖြစ်ရပ်နှင့် ပတ်သက်ပြီး ကိုစိုးလှိုင်နှင့် ဇနီးဖြစ်သူ မနှင်းဆီတို့က ပုသိမ်မြို့ရှိ အမျိုးသား ဒီမိုကရေစီ ကွန်ရက်ရုံးခန်းတွင် သြဂုတ်လ ၃ ရက်နေ့က သတင်းစာရှင်းလင်းပွဲ တရပ်ပြုလုပ်ကာ မီဒီယာများ၊ လူမှုကွန်ရက်များနှင့် စိတ်ပါဝင်စားသည့် ပြည်သူများသို့ ရှင်းပြခဲ့ကြောင်း သိရသည်။

အလားတူ ပြီးခဲ့သည့် မေလ ၂၃ ရက်နေ့က ပုသိမ်လေတပ် စခန်းဌာနချုပ်မှ ဗိုလ်ကြီး ဖြိုးပြည့်အောင် ကိုယ်ပိုင်အမှတ် (လေ – ၃၂၆၂) က နေအိမ်ရှေ့တွင် ကားလာရပ်သည့် ဦးမျိုးဝေနှင့် ဇနီးဖြစ်သူအား ရိုက်နှက်ခဲ့သဖြင့် အဆိုပါ ဗိုလ်ကြီးအား တပ်မတော်က ခုံရုံးဖွဲ့ စစ်ဆေး၍ အပြစ်ပေး အရေးယူရန် ဆောင်ရွက်နေဆဲဖြစ်ကြောင်း သိရသည်။
ဆလိုင်းသန့်စင်
ဧရာဝတီ

ပြည်ပပညာတော်သင် စရိတ်ငြိမ်းစေလွှတ်မည်

ရန်ကုန်၊ သြဂုတ် ၆
ရန်ကုန်နှင့် မန္တလေးတက္ကသိုလ် တို့တွင် ပညာသင်ကြားကြမည့်ကျောင်း သားကျောင်းသူများကို ကမ္ဘာ့တက္ကသိုလ် ၁ဝ ခုကျော်က ပညာသင်ဆု များပေး အပ်သွားမည်ဟု ပညာရေးဝန်ကြီးဌာန အဆင့်မြင့်ပညာဦးစီးဌာန ညွှန်ကြား ရေး မှူးချုပ်က ဆိုသည်။

နှစ်ပေါင်း ၂ဝ နီးပါးခန့် ဘွဲ့ကြို သင်တန်းများ မဖွင့်လှစ်ခဲ့သည့် ရန် ကုန်နှင့် မန္တလေးတက္ကသိုလ်နှစ်ခုကို ၂ဝ၁၃-၂ဝ၁၄ ပညာသင်နှစ်တွင် ပြန် လည်ဖွင့်လှစ်တော့မည်ဖြစ်ရာ အဆို ပါတက္ကသိုလ်နှစ်ခုတို့တွင် တက်ရောက် ကြမည့် ကျောင်းသားကျောင်းသူများ ထဲမှ ထူးချွန်သူများကို စေလွှတ် မည် ဖြစ်သည်။

ထိုသို့စေလွှတ်ရာတွင် ရန်ကုန် နှင့် မန်းတက္ကသိုလ်မှ ဘွဲ့ရပြီးမှမဟုတ် ဘဲ ပထမနှစ်တွင်ဖြစ်စေ၊ ဒုတိယ နှစ်တွင်ဖြစ်စေထူးချွန်ပါက စေလွှတ် သွားမည့်အစီအစဉ်ဖြစ်ပြီး လူဦးရေ ကန့်သတ်ထား ခြင်းမရှိပေ။

”တကယ့်ကို ထူးချွန်သူတွေကို ဝင်ခွင့်လက်ခံမှာဖြစ်တဲ့အတွက် သူတို့ လည်း ပြုစုပျိုးထောင်လိုတယ်ဆိုပြီး အပြိုင်အဆိုင်ကမ်းလှမ်းကြတာ”ဟု ၄င်းက ဆက်ပြောသည်။

၂ဝ၁၃ ခုနှစ် ပညာသင်နှစ်အ တွက် တက္ကသိုလ်ဝင်ခွင့်စိစစ်ရေးအဖွဲ့ က ဘာသာရပ်တစ်ခုစီ၌ ၁၅ ဦးစီဖြင့် ရန်ကုန် နှင့်မန္တလေးတက္ကသိုလ်တို့တွင် စုစုပေါင်း ၃ဝဝ ဦးစီ လက်ခံသင်ကြား ပေးမည်ဟု ထုတ်ပြန်ကြေညာခဲ့သည်။

ဘာသာရပ် ၂ဝ ကို ဝင်ခွင့်ရမှတ် အမြင့်ဆုံး ၅ဝဝ မှ ၄၃ဝ နှင့်အထက်ဟု ဘာသာရပ်တစ်ခုချင်းစီအပေါ် အ ရည်အချင်းသတ်မှတ်ေ ကြာင်း   ဖော်ပြ ပေးထားသည်။

တောင်ကိုရီးယား၊ ဂျပန်၊ အမေ ရိကန်၊ ထိုင်းနှင့် ဥရောပသမဂ္ဂအဖွဲ့ဝင် နိုင်ငံတို့ဆီသို့ စေလွှတ်မည်ဟုသိရသည်။

”တော်ရင်တော်သလို ပညာသင် ဖို့ လွှတ်သွားမှာ။ တို့တွေကတော့ အများကြီးကို စေလွှတ်ချင်တာပဲ”ဟု ၄င်းက ထပ်လောင်းဆိုသည်။

 သိပ္ပံထူးချွန်၊ ဝိဇ္ဇာထူးချွန်တို့ထဲမှ ထူးချွန်သူကို ရွေးချယ်ခြင်းဖြင့် ပြည်ပ သို့စေလွှတ်မည့်အစီအစဉ်အပြင် ရန် ကုန်နှင့်မန္တလေးတက္ကသိုလ်တို့၌ တက် ရောက်ခွင့်ရကျောင်းသား/သူများကို တစ်လလျှင်ကျပ်တစ်သိန်းစီ ပညာသင် ထောက်ပံ့ကြေးကိုပါ ထည့်သွင်းထား ကြောင်း ပညာရေး ဝန်ကြီးဌာနမှ သတင်း ရရှိသည်။

ပြည်ပသို့ စေလွှတ်ခံရသူကိုလည်း ၄င်းတက်ရောက်ရမည့် တက္ကသိုလ်နှင့် နိုင်ငံက ကုန်ကျစရိတ်အဝဝကို တာ ဝန်ယူမည်ဖြစ်သည်။
မင်းသုအောင်
Popular Myanmar News Journal

ဘကကျောင်းဆရာ၊ ဆရာမများအတွက် ပထမဆုံး အစိုးရထောက်ပံ့ငွေ သက်ဆိုင်ရာ ဒေသတာဝန်ရှိသူများထံ စတင်ပေးပို့

ရန်ကုန်၊ သြဂုတ် ၃
ဘကဆရာများအတွက် ပြီးခဲ့သည့် သုံးလစာကို သြဂုတ်လအတွင်း စုပေါင်း ထောက်ပံ့နိုင်ရန်သာသနာရေးဝန်ကြီးဌာန ကတိုင်းဒေသကြီးနှ င့် ပြည်နယ်အသီးသီး တို့ရှိဘကကျောင်းများ ကြီးကြပ်ရေးအဖွဲ့ တို့ထံ စတင်ပေးပို့နေပြီဟု သိရသည်။

အစိုးရ၏ ထောက်ပံ့မှုမရဘဲ ဘုန်း တော်ကြီးများကသာ ထောက်ပံ့ပေးနေရ သောဘကကျောင်းဆရာ၊ ဆရာမ တို့ကို ၂ဝ၁၃-၂ဝ၁၄ ဘဏ္ဍာနှစ် တွင် နိုင်ငံတော် က လစဉ်ထောက်ပံ့ငွေပေးမည်ဖြစ်ရာ ပြီးခဲ့သော ဧပြီ၊ မေ၊ ဇွန် သုံးလစာအတွက် ယခုမှစတင်ကာပေးပို့ခြင်းဖြစ်ကြောင်း သာသနာရေးဝန်ကြီးဌာန ညွှန်ကြား ရေးမှူး ဦးမောင်နီက ပြောသည်။

”ဝေးကွာတဲ့နေရာတွေ အထိဆို တော့ သုံးလစာထောက်ပံ့မှုကို ဘကဆရာ တွေ ဒီလထဲမှာပဲ ရရှိကြမှာပါ” ဟု ၄င်းက ပြောသည်။

 ထောက်ပံ့ငွေကို တိုင်းဒေသကြီး၊ ပြည်နယ်၊ ဘကကျောင်းများ ကြီးကြပ် ရေး အဖွဲ့၊ ထိုမှ မြို့နယ်ကြီးကြပ်ရေးမှူး တို့ဆီသို့ သွား၍ ဘက ကျောင်း အုပ်  ချုပ်သူတို့ထံ ရောက်ရှိမည်ဖြစ်ကြောင်း ပြီးမှသာ ဘကဆရာ၊ ဆရာမတို့က ထောက်ပံ့ငွေရမည်ဟု ဦးမောင်နီက ဆက်ပြောသည်။

 ယခုနှစ်တွင် ဘကဆရာများကို တစ်ဦးလျှင် ၄င်းတို့ သင်ကြားရသည့် အတန်းစဉ်အလိုက် ထောက်ပံ့ငွေ ၃၆ဝဝဝ ကျပ်မှ အများဆုံး ၄၅ဝဝဝ ကျပ် စီ ရရှိမည်ဖြစ်ရာ ကနဦးစာရင်းအရ ဆရာ၊ ဆရာမ ၆၅ဝဝ ကျော်ရှိပြီး ဘက ကျောင်းပေါင်း ၁၄ဝဝကျော်တွင် တာဝန် ထမ်းဆောင်နေကြကြောင်း သာသနာ ရေးဝန်ကြီးဌာနစာရင်းအရ သိရသည်။

”ထောက်ပံ့ငွေ ၁ နှစ်လုံးစာ အ တွက် ငွေကျပ် ၃ ဘီလျံနိုင်ငံတော် ဆီက အသုံးစရိတ်ရထားပါတယ်” ဟု ဦးမောင်နီက ထပ်လောင်းပြောသည်။

   ပဲခူးမြို့ရှိ ဘုန်းတော်ကြီးသင် မူလ တန်းလွန်ကျောင်း အုပ်ချုပ်ရေးဆရာတော် က ထောက်ပံ့ငွေပေးမှုကြောင့်  လစဉ် တွေးပူရသော အခက်အခဲ အတွက် အသက်ရှူချောင်ရသည်ဟု မိန့်သည်။

သာသနာရေးဝန်ကြီးဌာနက ယခု သြဂုတ်လ ကုန်ပိုင်းမှ စကာ လစဉ် ထောက်ပံ့ငွေပေးနိုင်ဖို့ တိုင်းဒေသကြီး၊ ပြည်နယ်တို့ထံ အချိန်မီပေးပို့သွား ရန် စီစဉ်ထားပြီးဖြစ်ကြောင်း ပေါ်ပြူလာ နယူးစ်သို့ ဆိုသည်။

ပညာရေးဌာန၏ ထုတ်ပြန်မှုအရ ဘကကျောင်းများတွင် မူလတန်းမှစကာ အထက်တန်းအထိ ကျောင်းသား၊ ကျောင်းသူ ၂၅ဝဝဝဝ ကျော်က ပညာ သင်ယူနေသည်ဟု သိရသည်။
Popular Myanmar News Journal

တစ်နေ့တည်း၌ ဆွဲကြိုးချသေဆုံးမှု သုံးခုဖြစ်ပွား

ရန်ကုန်၊ သြဂုတ် ၆။
သြဂုတ်လ ၅ရက်နေ့တွင် အင်းစိန်မြို့နယ်၊ မင်္ဂလာဒုံမြို့နယ်နှင့် ကြည့်မြင်တိုင်မြို့နယ်တို့၌ မနက် ၃နာရီမှ နေ့လည် ၁၂နာရီ အတွင်း ဆွဲကြိုးချသေဆုံးမှု သုံးခု ဖြစ်ပွားခဲ့ဖြစ်ပွားခဲ့ကြောင်း ရန်ကုန်တိုင်းရဲဌာနမှ သိရသည်။

မင်္ဂလာဒုံမြို့နယ် ပေါက်ကုန်း ရပ်ကွက်တွင် အသက်နှစ်ဆယ့်တစ်နှစ်အရွယ် သေဆုံးသူသည် နံနက် ၃နာရီခန့်တွင်နေအိမ်အမြင့် (၁၀)ပေခန့်မြင့်သော ထုတ်တန်းတွင် လျှပ်စစ်ဝါယာကြိုးဖြင့် ဆွဲကြိုးချသေဆုံးခဲ့ခြင်း၊ ကြည့်မြင်တိုင်မြို့နယ်ရှိ ဘလုတ်ညွှန့်ရပ်ကွက်တွင်း နေထိုင်သူသည် နံနက်ခြောက်နာရီခန့်၌ ၎င်းနေအိမ်ဘေးရှိ အမြင့်(၅)ပေခန့်ရှိသော သစ်သားတန်းတွင် ကြိုးဆွဲချ
သေဆုံးခဲ့ခြင်း၊ အင်းစိန်မြို့နယ်အတွင်း သေဆုံးမှုမှာ အသက် (၅၆)နှစ် အရွယ်ရှိ၍ နေ့လည် ဆယ့်နှစ်နာရီခန့်တွင် နေအိမ်တွင် တစ်ယောက်တည်း ရှိနေစဉ် အရက်သောက်၍ ဂယောင်ခြောက်ခြားဖြစ်ကာ အမြင့်(၆)ပေခန့်ရှိသော သစ်သားတန်းတွင် လျှပ်စစ်မီးကြိုးအားချဉ်၍ သေဆုံးခဲ့ခြင်းဖြစ်ကြောင်း သိရသည်။

ယင်းအမှုနှင့်ပတ်သက်၍ ဓမ္မတာအတိုင်းသေဆုံးမှု ဟုတ်/မဟုတ်အား သက်ဆိုင်ရာ ရဲဌာနများမှ တာဝန်ရှိသူများက စစ်ဆေးလျက်ရှိကြောင်း သိရသည်။
ပိုင်လေး
မြန်မာ့ခေတ်

ရှစ်လေးလုံး ရန်ပုံငွေအတွက် ရေးဆွဲသည့် ပန်းချီကား ကျပ်ငွေ ၂၈ သိန်းရရှိ

2013-08-04

ရှစ်လေးလုံးနှစ်ပတ်လည် ငွေရတုအခမ်းအနားအတွက် ရန်ပုံငွေရှာဖွေဖို့ ဈေးရောင်းပွဲတော်ကို ရန်ကုန်မြို့ တော်ဝင်နှင်းဆီခန်းမမှာ ဒီနေ့ကျင်းပရာမှာ ပန်းချီဆရာကြီး ဦးဝင်းဖေ ရေးဆွဲထားတဲ့ ရှစ်လေးလုံး အရေးတော်ပုံအထိမ်းအမှတ် ပန်းချီကားကို လေလံတင်ရောင်းချခဲ့သလို အနုပညာရှင်တွေကလည်း ကူညီရောင်းချပေးခဲ့ပါတယ်။

အဲဒီရန်ပုံငွေပွဲနဲ့ ပတ်သက်ပြီး အထိမ်းအမှတ်ပစ္စည်း လာရောက်ဝယ်ယူသူတစ်ဦးက သူရဲ့အမြင်ကို အခုလိုပြောပါတယ်။

"ဝမ်းလည်းသာတယ်၊ ဝမ်းလည်းနည်းတယ်၊ သတင်းစာတွေထဲမှာ တွေ့ကထဲက ဒီကိုလာချင်တာ၊ ကလေးတွေကို သွားအားပေးမယ်၊ အမှတ်တရပစ္စည်းတွေကို နောင်လာနောင်သားတွေကို ပြချင်လို့ပါကွယ်"

ဒီကနေ့ပြုလုပ်တဲ့ အမှတ်တရပစ္စည်းရောင်းချပွဲကို ၈၈ မျိုးဆက်ကျောင်းသားများအဖွဲ့က ကိုမင်းကိုနိုင၊် ကိုကိုကြီးတို့နဲ့အတူ အနုပညာရှင်တွေဖြစ်တဲ့ လူမင်း၊ ရာဇာနေဝင်း၊ ရွှေမှုံရတီတို့ကလည်း အမှတ်တရ ပစ္စည်းဝယ်ယူသူတွေကို လက်မှတ်ရေးထိုးပေးခဲ့ကြပါတယ်။

ပန်းချီဆရာ ဦးဝင်းဖေ ရေးဆွဲလှူဒါန်းတဲ့ ရှစ်လေးလုံးအထိမ်းအမှတ် ပန်းချီကားဟာ ကျပ်ငွေ ၂၈ သိန်းနဲ့ လေလံတင်ရောင်းချခဲ့ပါတယ်။

RFA မြန်မာပိုင်းမှ ကူးယူဖော်ပြသည်

သြဂုတ်လ ဒုတိယအပတ်တွင် ကြယ်မိုးရွာမည်

ကြယ်မိုးရွာမှု ဖြစ်စဉ် (သို့) ဥက္ကာပျံ အစုအခဲငယ်များ ကမ္ဘာမြေပေါ်သို့ ပြာအဖြစ် ကျရောက်ခြင်း ဖြစ်စဉ်သည် သြဂုတ်လ ဒုတိယအပတ်တွင် ဖြစ်ပေါ်မည်ဖြစ်ကြောင်း မြန်မာနိုင်ငံ နက္ခတ်သိပ္ပံအဖွဲ့ အမှုဆောင် အရာရှိချုပ် ဦးဇေယျာကိုက ပြောကြားသည်။

အဆိုပါ ကြယ်မိုးရွာမှု ဖြစ်စဉ်သည် တစ်နှစ်လျှင် အနည်းဆုံး ခြောက်ကြိမ်မှ ရှစ်ကြိမ်အထိ ဖြစ်ပေါ်လေ့ရှိပြီး ယခု သြဂုတ် ၁၂ ရက်တွင် ဖြစ်ပေါ်မည့် ဖြစ်စဉ်ကို မြန်မာနိုင်ငံမှ မြင်တွေ့နိုင်မည် ဖြစ်ကြောင်း၊ သြ ဂုတ် ၁၂ ရက် ည ၁၀ နာရီကျော် အချိန်တွင် မြန်မာနိုင်ငံ၏ အရှေ့မြောက် အရပ်တွင် အလင်းရောင် ၂၃ ရာခိုင်နှုန်းဖြင့် မြင်တွေ့နိုင်ကြောင်း သိရသည်။

''ဖြစ်စဉ်ဖြစ်တဲ့နေ့က လကွယ်နေ့ မဟုတ်တဲ့အတွက် ကောင်းကင်မှာ အလင်းရောင် ၂၃ ရာခိုင်နှုန်း ရှိနေမယ်။ မိုးမရွာဘဲ ရာသီဥတု ကောင်းရင် မြင်ရမယ်။ ည ၁၀ နာရီကျော်ကနေ နံနက်အာရုံတက်ချိန်အထိ မြင်တွေ့နိုင်တယ်'' ဟု ဦးဇေယျာကိုက ဆိုသည်။

ကြယ်မိုးရွာခြင်းများကို ဇန်န၀ါ ရီ ၂ ရက်မှ ၃ ရက်၊ ဧပြီ ၂၀ ရက်မှ ၂၂ ရက်၊ မေ ၄ ရက်မှ ၆ ရက်၊ သြဂုတ် ၁၀ ရက်မှ ၁၃ ရက်၊ အောက်တိုဘာ ၈ ရက်မှ ၁၀ ရက်နှင့် ၁၈ ရက်မှ ၂၃ ရက်၊ နိုဝင်ဘာ ၈ ရက်မှ ၁၀ ရက်၊ ဒီဇင်ဘာ ၁၀ ရက်မှ ၁၂ရက်များအကြား ဖြစ်ပေါ်တတ်ကြောင်း သိရသည်။

''ဒီဖြစ်စဉ်ကြောင့် ကြီးမားတဲ့ သက်ရောက်မှုတွေ မရှိပေမယ့် တစ်ခါတစ်ရံမှာ ကြီးမားတဲ့ ဥက္ကာပျံခဲ၊ အရှိန်ပြင်းတဲ့ ဥက္ကာပျံခဲတွေ ကမ္ဘာပေါ်ကို ကျရောက်နိုင်တယ်'' ဟု ၎င်းက ပြောကြားသည်။
Eleven Media Group

အသေခံဗုံးခွဲ တိုက်ခိုက်ခံရမှုကြောင့် အာဖဂန်စစ်တပ်၏ လုံခြုံရေးစွမ်းရည်အပေါ် မေးခွန်းထုတ်နေကြ

အာဖဂန်နစ္စတန်နိုင်ငံ ဂျလာလာဘတ်တွင် အသေခံဗုံးခွဲတိုက်ခိုက်မှုတစ်ရပ် ဖြစ်ပွားခဲ့ပြီးနောက်ပိုင်း အာဖဂန်စစ်တပ်၏ လုံခြုံရေးစွမ်းရည်အပေါ် စိုးရိမ်နေကြကြောင်း သြဂုတ် ၅ ရက်က အေအက်ဖ်ပီသတင်း ဌာနမှဖော်ပြထားသည်။

ယင်းဖြစ်ရပ်ကြောင့် အနောက်နိုင်ငံစစ်တပ်များ ရုပ်သိမ်းတော့မည့် ၂၀၁၄ ခုနှစ်နောက်ပိုင်းတွင် တိုင်းပြည် လုံခြုံရေးအား လက်တွေ့တာဝန်ယူရတော့မည့် အာဖဂန်၏စွမ်းရည်အပေါ် စိုးရိမ်မှုများ မြင့်တက်လာခဲ့သည်။

“ဒါပေမဲ့ လွန်ခဲ့တဲ့ နှစ်,နှစ်လောက်က သူတို့ရဲ့အရည်အသွေးတွေနဲ့ နှိုင်းယှဉ်လိုက်မယ်ဆိုရင်တော့ သူတို့ တွေအများကြီး တိုးတက်လာပါပြီ။လူအများထောက်ခံမှုကို ရရှိစေတဲ့ စစ်ဆင်ရေးတွေကို သူတို့ဆင်နွှဲနေ ပါပြီ” ဟု နိုင်ငံတကာလုံခြုံရေးတပ်ဖွဲ့ (ISAF) ၏ တပ်မှူးဟောင်းဖြစ်သူ ဂျွန်အယ်လန်က ပြောကြား လိုက်သည်။

“သူတို့အနေနဲ့ လုံးဝဥဿုံအဆင်သင့်မဖြစ်သေးပေမယ့် တာဝန်တွေလွှဲပြောင်းရယူဖို့တော့ အဆင်သင့် ဖြစ်နေပါပြီ။ ကျွန်တော်တို့ကတော့ အာဖဂန်အမျိုးသားလုံခြုံရေးတပ်တွေကို တိုးတက်မှုရှိစေဖို့အတွက် အကြံဉာဏ်ပေးတာတွေ၊ ကူညီထောက်ပံ့တာတွေ ဆက်လက်လုပ်ဆောင်သွားပါမယ်” ဟု ၎င်းကထပ်မံ ပြောကြားသည်။

ယခုကဲ့သို့သော တိုက်ခိုက်မှုများ ဆက်လက်ဖြစ်ပွားနိုင်ခြေရှိသော်လည်း တာလီဘန်အုပ်စိုးသည့် နိုင်ငံ တစ်နိုင်ငံအဖြစ် ပြန်လည်ဖြစ်လာနိုင်ဖွယ်မရှိဟု အာဖဂန်နစ္စတန်ဆိုင်ရာ နေတိုးအဖွဲ့၏တပ်မှူးဟောင်း ဂျွန်အယ်လန်က ပြောကြားခဲ့သည်။

ယင်းဖြစ်ရပ်မှာ အာဖဂန်နိုင်ငံအရှေ့ပိုင်း ဂျလာဘတ်မြို့ရှိ အိနိ်္ဒယကောင်စစ်ဝန်ရုံးအား ဦးတည်တိုက်ခိုက် ခဲ့ခြင်းဖြစ်ပြီး လူပေါင်းကိုးဦးထက်မနည်းသေဆုံးခဲ့ရာ အများစုမှာ ကလေးသူငယ်များ ဖြစ်ကြသည်။

နိုင်ငံတကာတပ်များ၏ ထောက်ပံ့ကူညီမှုများမှာ ၂၀၁၄ ခုနှစ် နောက်ပိုင်းအထိသာဖြစ်ပြီး၊ အထူးသဖြင့် အမေရိကန်မှ ၎င်း၏တပ်အင်အားလျှော့ချမည်ဖြစ်သည်။ ယင်းသို့လျှော့ချခြင်းမှာ ၀ါရှင်တန်နှင့်ကဘူးလ် အစိုးရအကြားနီးကပ်သည့် လုံခြုံရေးသဘောတူညီချက်စတင်မည့် အချိန်တွင် ဖြစ်သည်ဟု ဗိုလ်ချုပ် အယ်လန်ကဆိုသည်။
Mizzima - News in Burmese, AFP

နယူးဇီလန်နှင့် သြစတြေးလျထုတ် နို့မှုန့်များ တင်သွင်းခွင့် တရုတ် ပိတ်ပင်

ဘေဂျင်း၊ သြဂုတ် ၅
တရုတ်နိုင်ငံထုတ် ကလေးနို့မှုန့်များတွင် လူကို အန္တရာယ် ဖြစ်စေသော မယ်လမင်းဓာတ် ပါဝင်ခဲ့ခြင်းကြောင့် ပြည်တွင်းထုတ် နို့မှုန့်များထက် ပြည်ပ ထုတ် နို့မှုန့်များကို အဓိက ဝယ်ယူစားသုံးနေသော တရုတ်တွင် နယူးဇီလန်နှင့် သြစတြေးလျ နိုင်ငံထုတ် နို့မှုန့် အချို့တွင် ကျန်းမာရေးကို ထိခိုက်စေသော ဗက်တီးရီးယားများ ပါဝင်နေခြင်းကြောင့် တရုတ်သို့ တင်သွင်းခွင့်ကို ပိတ်ပင်လိုက်ကြောင်း New York Times သတင်းတွင် ဖော်ပြထားသည်။

တရုတ်နိုင်ငံသို့ တင်ပို့သော နို့မှုန့်များတွင် ၉၀ ရာခိုင်နှုန်းမှာ နယူးဇီလန်ထွက် ပစ္စည်းများဖြစ်ရာ ယခုကဲ့သို့ နယူးဇီလန်နိုင်ငံထွက် နို့မှုန့်များကို တရုတ်သို့ တင်သွင်း ရောင်းချခွင့် ပိတ်ပင်သည့် ကာလ ရှည်ကြာပါက တရုတ်နိုင်ငံ တွင် နို့ထွက်ပစ္စည်း ရှားပါးမှု ဖြစ်လာနိုင်ကြောင်း စီးပွားရေး ပညာရှင်များ က ပြောကြားသည်။

နို့ထွက်ပစ္စည်း တင်ပို့ ရောင်းချရာတွင် ကမ္ဘာ့အကြီးဆုံး ကုမ္ပဏီဖြစ်သော နယူးဇီလန်ရှိ Fonterra Group ကုမ္ပဏီက ၎င်းကုမ္ပဏီထုတ် နို့ရည်ကြည် ပရိုတင်းပစ္စည်း အတွဲ သုံးခုတွင် အဆိပ်သင့်ဝေဒနာ ခံစားရနိုင်သည့် ဗက်တီးရီးယားပိုး ပါသွားခဲ့ကြောင်း စနေနေ့က ထုတ်ပြန် ကြေညာခဲ့သည်။

သို့သော် အဆိုပါ နို့ရည်ကြည် ပရိုတင်းပစ္စည်း အတွဲ သုံးတွဲမှာ ၎င်းကုမ္ပဏီထုတ် နို့ထွက်ပစ္စည်း များတွင် သုံးစွဲရန် မဟုတ်ဘဲ အခြား အစားအစာ ထုတ်လုပ်သည့် ကုမ္ပဏီများသို့ ရောင်းချရန်ဖြစ် ကြောင်း၊ သို့သော် အဆိုပါ နို့ရည်ကြည် ပရိုတင်းများကို ပြန်လည် သိမ်းဆည်း မည် ဖြစ်ကြောင်း နယူးဇီလန် အခြေစိုက် Fonterra Group နို့နှင့် နို့ထွက် ပစ္စည်း ရောင်းချသည့် ကုမ္ပဏီက ပြောကြား သည်။

အဆိုပါ ဗက်တီးရီးယားပိုး (botulism) သည် လူကို သေစေနိုင်ပြီး ယင်းအစားအစာကို စားပြီးသည့် နောက် ၃၆ နာရီအတွင်း ရောဂါ လက္ခဏာ ပြလေ့ရှိကာ သွက်ချာပါဒဖြစ်ခြင်း၊ အသက်ရှူလမ်းကြောင်း အန္တရာယ်ဖြစ်ခြင်း ဝေဒနာကို ကြုံတွေ့ရနိုင်ကြောင်း အမေရိကန် အမျိုးသား ကျန်းမာရေး အင်စတီကျုက ပြောကြားသည်။

နို့ထွက်ပစ္စည်း လုပ်ငန်းမှာ နယူးဇီလန် နိုင်ငံ၏ အဓိက ပင်မလုပ်ငန်း တစ်ခု ဖြစ်ပြီး နို့ထွက်ပစ္စည်း ကဏ္ဍမှ နှစ်စဉ် အမေရိကန် ဒေါ်လာ ၉ ဒသမ ၄ ဘီလီယံ ထိ ဝင်ငွေ ရရှိလျက်ရှိရာ နယူးဇီလန် စုစု ပေါင်း ပြည်တွင်း ထုတ်ကုန်၏ ၃ ရာခိုင်နှုန်း ရှိသည်။

တရုတ်နိုင်ငံတွင် ၂၀၀၈ ခုနှစ်က ကလေး နို့မှုန့်များတွင် လူကို အန္တရာယ် ဖြစ်စေသော မယ်လမင်းဓာတ် ပါဝင်ခြင်းကြောင့် ကလေး ၁၀ ဦးကျော်ခန့် သေဆုံးခဲ့ရပြီး ထောင်ပေါင်းမျာစွာ ဆေးရုံတင် ကုသခဲ့ရသည်။

အဆိုပါ ဖြစ်ရပ်တွင် Fonterra Group က တစ်စိတ်တစ်ပိုင်း ပိုင်ဆိုင်သော တရုတ် Sanlu အုပ်စု စီးပွားရေးလုပ်ငန်း ပိုင်ဆိုင်သူများ၊ ပတ်သက်နေသူ ၁၈ ဦးကို ဖမ်းဆီးခဲ့ပြီး နှစ်ဦးကို သေဒဏ် ပေးခဲ့သည်။
The Voice Weekly

လက်ပံတောင်း ဒေသ ရွာတွေကို ညဘက် စီးနင်း

ဇီးတော၊ဆည်တဲကျေးရွာ သန်းခေါင်ကျော် စီးနင်း

6 သြဂုတ်လ 2013
 သြဂုတ်လ ၆ ရက် သန်းခေါင်ကျော် ၁ နာရီ နဲ့ ၂ နာရီ အကြား မှာ လက်ပံတောင်း ဒေသ ဇီးတော၊ ဆည်တဲ ကျေးရွာတွေ ကို လုံခြုံရေး တွေ က ကားတွေ နဲ့ ရောက်လာပြီး စီးနင်း ရှာဖွေ ဖမ်းဆီးတယ်လို့ ဇီးတော စမ်းမြဝတီ ကျောင်းတိုက် ဆရာတော် က ဘီဘီစီ ကို မိန့်ပါတယ်။

ဇီးတော ရွာ ကို အရင်ဝင်စီးခြင်းမှာ ရွာက အင်အား နည်းသလို ဘုန်းကြီးကျောင်းရှိ သံဃာတော် နဲ့ တည်းခိုနေတဲ့ ကျောင်းသားတွေ ကို ဖမ်းဆီး လိုတဲ့ အတွက် ဖြစ်တဲ့ အကြောင်း၊ ရွာသား ၂ ဦး ကို လည်း ဖမ်းဆီးသွားတဲ့ အကြောင်း၊ ရွာသား ၂ ဦး ကတော့ လက်ထိပ် နဲ့ ပြန်လည် လွတ်မြောက် လာပုံ ကို ရွာခံ ဆရာတော် က ဘီဘီစီ ကို မိန့်ပါတယ်။

လက်ပံတောင်း အရေးကိစ္စ လိုက်ပါ ဆောင်ရွက်ပေးနေတဲ့ ကိုဟန်ဝင်းအောင် က လည်း လုံခြုံရေး တပ်ဖွဲ့ အင်အား ၃ဝဝ ခန့်နဲ့ ရွာတွေ ကို ဝင်ရောက်စီးနင်း ရာမှာ ရွာသားတွေ ကို ရိုက်နှက် ဖမ်းဆီးပြီး စစ်ကားပေါ် တင်သွားတဲ့ အကြောင်း၊ ကားစင်းရေ ၂၅ စီးဖြစ်ပုံ ဘီဘီစီ ကို ပြောပါတယ်။

ထွက်ပြေး လွတ်မြောက်သွားသူ တွေ က ဆည်တဲ ရွာဘက် ပြေးကြတဲ့ အကြောင်း၊ ရွာသား ၄ ဦး ခန့် ပျောက်ဆုံးနေပုံ ရှင်းပြပါတယ်။ ဆည်တဲ အပြင် တုံရွာ သားတွေ ကိုလည်း ဖမ်းဖို့ လုပ် လို့ ရွာခံတွေက သံချောင်းခေါက် အချက်ပေး ပြီး ခုခံမှု ပြုဖို့ ပြင်ဆင် ကြပုံ ကို ကိုဟန်ဝင်းအောင် ကရှင်းပြ ပါတယ်။

ရွာသားတွေ ဘက် က မကြေနပ်ချက် က ကြေးနီစီမံကိန်း အပေါ် စုံစမ်းရေး ကော်မရှင် ရဲ့ ဆုံးဖြတ်ချက် ကို မဆောင်ရွက်ပေး သလို စီးပွားရေး ဆိုင်ရာ အကျိုးခံစားခွင့် လည်း ပွင့်လင်းမြင်သာမှု မရှိတဲ့ အကြောင်း လည်း ကိုဟန်ဝင်းအောင် က ဘီဘီစီ ကို ရှင်းပြ ပါတယ်။
ဘီဘီစီ (မြန်မာပိုင်း)

ရန်ကုန်-နေပြည်တော်ပွဲ ရန်ဖြစ်သူများကို ဗီဒီယို အထောက်အထားဖြင့် အရေးယူမည်

ဓါတ်ပုံ google

ရန်ကုန်၊ သြဂုတ် ၅
မြန်မာနေရှင်နယ်လိဂ် ဘောလုံးပွဲ၏ ရန်ကုန်-နေပြည်တော်ပွဲ၌ အချင်းများ ခဲ့သည့် နှစ်ဖက် ကစားသမားများနှင့် ရန်ပြု တိုက်ခိုက်ခဲ့သည့် ပရိသတ် အချို့ကို ဗီဒီယို အထောက်အထားများဖြင့် စုံစမ်း ဖော်ထုတ် အရေးယူသွား မည် ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ် ပြန်ကြားရေး တာဝန်ခံ ဦးစိုးမိုက ပြောကြားသည်။

သြဂုတ်လ ၄ ရက်၊ ညနေ ၆ နာရီတွင် ရန်ကုန်-နေပြည်တော် ပွဲ၌ ပြဿနာ ဖြစ်ပွားအောင် ဖန်တီးခဲ့သည့် နှစ်ဖက် ကစားသမားများ အပါအဝင် ပြဿာနာရှာ ရန်ပြုခဲ့သည့် ပရိသတ်များကို စုံစမ်းဖော်ထုတ် အရေးယူသွားမည် ဖြစ်ကြောင်း ၎င်းက ဆိုသည်။

အရေးယူမည်ဆိုလျှင် အိမ်ရှင် ဖြစ်သော နေပြည်တော် အသင်းကိုသာ အရေးယူမည် ဖြစ်ကြောင်း ပွဲမစခင် ရက်အနည်းငယ်က နေပြည်တော် အသင်း ပရိသတ်များကို စည်းကမ်းတကျ အားပေးစေရန် ထိန်းသိမ်းရေး မေတ္တာရပ်ခံစာကို နေပြည်တော်အသင်းထံ ပို့ထား ပြီး ဖြစ်ကြောင်း မြန်မာ နေရှင်နယ်လိဂ် စည်းကမ်း ထိန်းသိမ်းရေး ကော်မတီ မှ ဦးခင်မောင်ထွေး (ပျဉ်းမနား) က ပြောကြား သည်။

မြန်မာနိုင်ငံ ဘောလုံး အဖွဲ့ချုပ်က ယင်းကိစ္စနဲ့ ပတ်သက်၍ စည်းကမ်း ထိန်းသိမ်းရေး ကော်မတီကို တာဝန်ပေးခြင်း မရှိသေးကြောင်း ၎င်းက ဆိုသည်။

“ကော်မတီကို တာဝန်ယူဖို့ ပြောခဲ့ရင်တော့ ကွင်းထဲက ပျက်စီးသွားတဲ့ တန်ဖိုးတွေကို အကုန် ပေးလျော်ခိုင်းမှာပါ။ အဆင့်အတန်းရှိရှိ လုပ်ထား တာကို ဖျက်ဆီးခဲ့လို့ပါ။ ပေါင်းလောင်းကွင်း မဟုတ်ဘူး၊ SEA Games အတွက် ရည်ရွယ်ထားတဲ့ ကွင်းပါ” ဟု ဦးခင်မောင်ထွေးက ဆိုသည်။

နေပြည်တော်ရှိ ဝဏ္ဏသိဒ္ဓိ အားကစားကွင်းတွင် ယှဉ်ပြိုင် ကစားခဲ့ သည့် နေပြည်တော် အသင်းနှင့် ရန်ကုန်အသင်းတို့၏ ရာသီပိတ်ပွဲတွင် ပရိသတ်နှင့် ကစားသမားများ အချင်းများခဲ့သော ကိစ္စနှင့် ပတ်သက်၍ လုံခြုံရေးပိုင်းဆိုင်ရာ အားနည်းမှုများ ရှိခဲ့ကြောင်း မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်က ပြောကြားခဲ့သည်။

“ကျွန်တော်တို့ လုံခြုံရေး အားနည်းခဲ့တယ်ဆိုတာ ဝန်ခံပါတယ်။ဒါပေမဲ့ သက်ဆိုင်ရာ အစိုးရအဖွဲ့ကို လုံခြုံရေး တောင်းခံပါသေးတယ်။ မရခဲ့ပါဘူး” ဟု ၎င်းက ဆိုသည်။

ရန်ကုန်နှင့် နေပြည်တော်ပွဲတွင်ရန်ကုန်ပရိသတ် နှစ်ထောင်ကျော်နှင့် နေပြည်တော်အသင်း ပရိသတ် နှစ်သောင်းခန့် လာရောက် အားပေးခဲ့ကြပြီး ပွဲမစမီကပင် နှစ်ဖက် ပရိသတ်များ အပြန်အလှန် အရာဝတ္ထုများနှင့် ပစ်ခတ်မှု များ ရှိခဲ့ကြောင်း ပွဲချိန် ၃၂ မိနစ်ခန့် တွင် ရန်ကုန်အသင်း ပင်နယ်တီ ပြစ် ဒဏ်ဘော ကန်ခွင့်ပေးခဲ့ခြင်းအပေါ် မကျေနပ်၍ နေပြည်တော် ပရိသတ် တစ်ဦး ကွင်းအတွင်းသို့ ဝင်ရောက်ခဲ့ကြောင်း ပင်နယ်တီ ပြစ်ဒဏ်ဘောကို ရန်ကုန်အသင်းမှ ဆီဇာ ကန်သွင်းပြီး အချိန်တွင် နေပြည်တော် ပရိသတ် ၂၅ ဦးခန့် ကွင်းအတွင်းသို့ ဝင်ရောက်ခဲ့ပြီး ရန်ကုန် ကစားသမားများကို ရန်ပြုရန် ကြိုးစားရာမှ နှစ်ဖက် ကစားသမားများနှင့် ပရိသတ်များ ခိုက်ရန် ဖြစ်ပွားကာ ပွဲကို ရပ်နားခဲ့ရခြင်းဖြစ်သည်။

နေပြည်တော်အသင်းသည် ပရိသတ်များ ဆိုးရွားစွာ အားပေးသဖြင့် ဒဏ်ငွေ ရှစ်သိန်း ပေးဆောင်ထားရပြီး ယမန်နှစ်ကလည်း ဒဏ်ငွေ ၁၁သိန်း ပေးဆောင်ထားရသည့် အသင်း ဖြစ်သည်။

နေပြည်တော်-ရန်ကုန် ပွဲစဉ်ကို ပြိုင်ပွဲ ရပ်ဆိုင်းရေး စည်းမျဉ်း အမှတ် ၂၈ အပိုဒ်ခွဲ (ဂ) အရ လက်ရှိ ပွဲရလဒ်အတိုင်း ရန်ကုန်အသင်းအား တစ်ဂိုး ဂိုးမရှိဖြင့် အနိုင်ပေးခဲ့ကြောင်း မြန်မာနိုင်ငံ ဘောလုံး အဖွဲ့ချုပ် ထုတ်ပြန်ချက်အရ သိရသည်။
The Voice Weekly

ရှစ်လေးလုံး ငွေရတုအတွက် ကိုမိုးသီးဇွန်နှင့် ABSDF အဖွဲ့ ရန်ကုန်သို့ ရောက်လာ

ရှစ်လေးလုံး ငွေရတုအခမ်းအနားကို တက်ရောက်ဖို့အတွက် ကျောင်းသားခေါင်းဆောင်ဟောင်း ကိုမိုးသီးဇွန်နဲ့ ABSDF ခေါင်းဆောင်တွေဟာ သြဂုတ်လ ၄ရက်နေ့ ညနေမှာ ရန်ကုန်မြို့ ရောက်လာခဲ့ကြပါတယ်။
The Voice Weekly

SEA Games အကြို စစ်တုရင်ပြိုင်ပွဲ မြန်မာ ဗိုလ်စွဲ

ရန်ကုန်၊ သြဂုတ် ၅
မြန်မာနိုင်ငံက အိမ်ရှင်အဖြစ် လက်ခံကျင်းပမည့် ၂၀၁၃ ခုနစ် SEA Games ပြိုင်ပွဲ အကြို စစ်တုရင် ပြိုင်ပွဲကို နေပြည်တော်တွင် ကျင်းပခဲ့ရာ မြန်မာနိုင်ငံ က ရွှေ ၂၆ ခုဖြင့် နိုင်ငံအလိုက် ပထမဆု ရခဲ့ကြောင်း မြန်မာနိုင်ငံ စစ်တုရင် အဖွဲ့ချုပ်မှ သိရသည်။

ဇူလိုင်လ ၂၉ ရက်နေ့မှ သြဂုတ်လ ၄ ရက်နေ့ထိ ကျင်းပခဲ့သည့် ယင်းပြိုင်ပွဲ တွင် အိမ်ရှင် မြန်မာနိုင်ငံ အပါအဝင် ထိုင်း၊ မလေးရှား၊ အင်ဒိုနီးရှား၊ လာအို၊ ဗီယက်နမ် နိုင်ငံတို့ ပါဝင် ယှဉ်ပြိုင်ခဲ့ကြပြီး ရိုးရာ စစ်တုရင် ပြိုင်ပွဲတွင် ရွှေ ၁၀ ခု၊ အာဆီယံ စစ်တုရင် ပြိုင်ပွဲတွင် ရွှေ လေးခု၊ အပြည်ပြည်ဆိုင်ရာ စစ်တုရင် အမျိုးအစားတွင် ရွှေ ရှစ်ခုနှင့် ပြောင်းရွှေ့ စစ်တုရင် ကစားနည်း တွင် ရွှေ လေးခုတို့ ရရှိခဲ့ကြောင်း အဖွဲ့ချုပ် စာရင်းအရ သိရသည်။

မြန်မာနိုင်ငံ စစ်တုရင် အဖွဲ့ချုပ် အနေနှင့် ရွှေ ၂၆ ခု၊ ငွေ ၁၄ခု၊ ကြေး ၂၆ ခုတို့ဖြင့် စုစုပေါင်း ဆုတံဆိပ် ၅၁ ခု ရရှိကာ နိုင်ငံအလိုက် ပထမ ရရှိ ခဲ့ကြောင်း သိရသည်။

အဆိုပါ ပြိုင်ပွဲကို ကစားသမားများနှင့် ပြိုင်ပွဲ ကျင်းပမည့် နေရာတို့တွင် ကြုံတွေ့နိုင်မည့် လိုအပ်ချက် များကို ကြိုတင် သိရှိနိုင်ရန် ကျင်းပခြင်း ဖြစ်ကြောင်း စစ်တုရင် အဖွဲ့ချုပ်မှ ရုံး အဖွဲ့ဝင်မှူး ဦးမျိုးဇော်မင်း က ပြောကြားသည်။

၂၀၁၃ ခုနှစ် ဒီဇင်ဘာလတွင် နေပြည်တော်၌ ကျင်းပမည့် အရှေ့တောင် အာရှ အားကစားပြိုင်ပွဲ SEA Games တွင် ရိုးရာ၊ အာဆီယံ၊ အပြည်ပြည် ဆိုင်ရာ၊ ပြောင်းရွှေ့၊ ကျပန်း စစ်တုရင် အားကစားနည်းများ ထည့်သွင်း ကျင်းပမည် ဖြစ်ပြီး ရွှေတံဆိပ် ၁၈ ခု ချီးမြင့်မည် ဖြစ်သည်။
The Voice Weekly

၈ လေးလုံးငွေရတု အခမ်းအနားကို အမျိုးသားလွှတ်တော်က သဝဏ်လွှာပေးပို့

2013-08-05
၈ လေးလုံးဒီမိုကရေစီ အရေးတော်ပုံ ငွေရတုအထိမ်းအမှတ် အခမ်းအနားကို အမျိုးသားလွှတ်တော်က သဝဏ်လွှာတစ်စောင် ပေးပို့ ထားပြီး ပြည်ထောင်စုဝန်ကြီးတွေထဲက ဝန်ကြီးဦးအောင်မင်းနဲ့ ဝန်ကြီးဦးစိုးသိန်းတို့ တက်ရောက်မယ်လို့ အကြောင်းပြန်ထားကြောင်း သိရပါတယ်။

ငွေရတုအခမ်းအနား ဖိတ်ကြားရေး ဆပ်ကော်မတီအဖွဲ့ဝင် ကိုဥာဏ်လင်းက အခမ်းအနားတက်ရောက်ဖို့ အကြောင်းပြန်ထားတဲ့ အခြေအနေနဲ့ ပတ်သက်ပြီး RFA ကို အခုလို ပြောပါတယ်။

"ဖိတ်စာနဲ့တကွဖိတ်တာ ၄၄ဝဝ လောက်ရှိမယ်၊ ပြီးတော့ အခမ်းအနားတက်မယ်ဆိုပြီးတော့ မနေ့ကအထိကတော့ ၃၂ဝဝ လောက် အခမ်းအနားတက်မယ်ဆိုပြီး အကြောင်းပြန်ပါတယ်၊ ပြင်ပကိုကျတော့ အီးမေး ၄ဝဝ ကျော်ဖိတ်တာ အခုဒီထဲကိုတော့ ၁ဝဝ ဝန်းကျင်လောက်ရောက်နေပြီ၊ တက်မယ့်စာရင်းကတော့ ၅ ထောင်ဝန်းကျင်လောက်ရှိမယ်လို့ ခန့်မှန်းရပါတယ်"

အခမ်းအနား ဖြစ်မြောက်ရေးကော်မတီက နိုင်ငံတော်သမ္မတနဲ့ ဒုတိယသမ္မတတွေအပါအဝင် အစိုးရအဖွဲ့ဝင် ပြည်ထောင်စုဝန်ကြီးတွေနဲ့ ကာကွယ်ရေးဦးစီးချုပ်တို့ကိုလည်း ဖိတ်ကြားထားတယ်လို့ ပြောပါတယ်။

ဒါ့အပြင် နိုင်ငံရေးပါတီတွေ၊ ရန်ကုန်တိုင်း ဝန်ကြီးချုပ်၊ မြို့တော်ဝန်၊ သံရုံးတွေ၊ လွှတ်တော်ဥက္ကဌတွေ၊ လွှတ်တော်ကဖွဲ့စည်းထားတဲ့ ရေးရာကော်မတီဥက္ကဌတွေနဲ့ အဖွဲ့ဝင်တွေ၊ မြန်မာနိုင်ငံ လူ့အခွင့်အရေးကော်မရှင်စတဲ့ လူပုဂ္ဂိုလ်အဖွဲ့အစည်းတွေကိုလည်း ဖိတ်ကြားထားတယ်လို့ ဆိုပါတယ်။

ငွေရတုအခမ်းအနားကို ပြည်တွင်းပြည်ပက နိုင်ငံရေးအင်အားစုတွေနဲ့ ဧည့်ပရိသတ်ပေါင်း ၅ ထောင်ဝန်းကျင် တက်ရောက်မယ်လို့ ခန့်မှန်းထားကြပါတယ်။

နယ်စပ်အခြေစိုက် အဖွဲ့အစည်းတွေဖြစ်တဲ့ လူ့ဘောင်သစ် ဒီမိုကရက်တစ်ပါတီနဲ့ အေဘီအက်စ်ဒီအက်ဖ် ကျောင်းသားတပ်မတော် အဖွဲ့ဝင်တွေကတော့ ရန်ကုန်ကိုရောက်ရှိနေပြီး၊ ညီညွှတ်သော တိုင်းရင်းသားလူမျိုးများ ဖယ်ဒရယ်ကောင်စီ UNFC နဲ့ KNU ကရင်အမျိုးသားအစည်းအရုံးက ခေါင်းဆောင်တွေအပါအဝင် တိုင်းရင်းသား လက်နက်ကိုင်အဖွဲ့အစည်းတွေကိုလည်း ဖိတ်ကြားထားတယ်လို့ သိရပါတယ်။
RFA (မြန်မာပိုင်း)

တင်ဒါအောင်မြင်သည့် ကုမ္ပဏီတစ်ခုလျှင် အနည်းဆုံးဘတ်စ်ကား (၇၅) စီး ရန်ကုန်တွင် ပြေးဆွဲပေးရမည်

2.8.2013
မြန်မာပြည်၏ ဖွံ့ဖြိုးတိုးတက် မှုတွင် အကူအညီထောက်ပံ့မှုရစေရန် ကဏ္ဍအလိုက် တင်ဒါများခေါ်ယူခဲ့ရာ တွင် ယခုအခါတွင် ကုန်းလမ်းပို့ ဆောင်ရေးညွှန်ကြားမှုဦးစီးဌာန (က. ည.န) အနေဖြင့် အကျိုးတူပူးပေါင်း လုပ်ကိုင်ဆောင်ရွက်နိုင်ရန်တင်ဒါ များခေါ်ယူခဲ့ကြောင်းသိရှိရသည်။

အဆိုပါတင်ဒါခေါ်ယူခဲ့ရာ တွင် ကုမ္ပဏီသုံးခုမှာ တင်ဒါအောင် မြင်ခဲ့ကြောင်းနှင့် တင်ဒါအောင်မြင် သောကုမ္ပဏီများမှ ကုမ္ပဏီတစ်ခု လျှင် ရန်ကုန်တိုင်းဒေသကြီးတွင် အ များပြည်သူသယ်ယူပို့ဆောင်ရေး၌ ဘတ်စ်ကားအစီးရေ (၇၅) စီးအနည်း ဆုံးပြေးဆွဲပေးသွားရမှာဖြစ်ကြောင်း သိရှိသည်။

တင်ဒါစနစ်အောင်မြင်ပြီးဖြစ် သော ကုမ္ပဏီများသည် ကုန်းလမ်းပို့ ဆောင်ရေးညွှန်ကြားမှုဦးစီးဌာန (က. ည.န) နှင့် အကျိုးတူပူးပေါင်းလုပ် ကိုင်ရမှာဖြစ်ပြီး ဤကဲ့သို့ဆောင်ရွက် ရာတွင် ကုန်းလမ်းပို့ဆောင်ရေးညွှန် ကြားမှုဦးစီးဌာနမှ လုပ်ပိုင်ခွင့်၊ ၀န် ထမ်းအင်အားနှင့် မြေနေရာတို့ကိုသာ ထည့်ဝင်ပေးသွားမှာဖြစ်ပြီး ကုမ္ပဏီ များက ရင်းနှီးမြှုပ်နှံငွေကိုရာနှုန်း    ပြည့် မြှုပ်နှံရမှာဖြစ်ကြောင်းသိရှိရ သည်။

ဤကဲ့သို့ ပြုလုပ်ရာတွင်လည်း မြန်မာနိုင်ငံ ရင်းနှီးမြှုပ်နှံမှုကော်မရှင် ထံမှ ခွင့်ပြုချက်ရယူသွားရမှာဖြစ် ကြောင်းသိရှိရသည်။ တင်ဒါအောင် မြင်သော ကုမ္ပဏီများမှာ ပြည်တွင်း မှကုမ္ပဏီနှစ်ခုဖြစ်သော မန္တလေးအ ခြေစိုက် မိုးသောက်နှင်းကုမ္ပဏီ၊ ရန် ကုန်အခြေစိုက် Forever Green Light နှင့် တောင်ကိုရီးယားအခြေ စိုက်သည့် Busan Express Bus Terminal တို့ဖြစ်သည်။

ဤကဲ့သို့ပူးပေါင်းဆောင်ရွက် ရာတွင် က.ည.န မှ (၃၀) ရာခိုင်နှုန်း နှင့် ကုမ္ပဏီများမှ (၇၀) ရာခိုင်နှုန်း ပိုင်ဆိုင်ရမှာဖြစ်ပြီး အဆိုပါလုပ်ငန်း အတွက် ကုမ္ပဏီသီးသန့်တည်ထောင် သွားရမှာဖြစ်ကြောင်းသိရှိရသည်။
Auto World Journal

လက်ပံတောင်းဒေသ ဇီးတောရွာသားတွေ ဖမ်းဆီးခေါ်ဆောင်ခံရ

ဓါတ်ပုံ ဧရာဝတီ

မုံရွာခရိုင် ဆားလင်းကြီးမြို့နယ် လက်ပံတောင်းတောင်ဒေသ ဇီးတောရွာကို အရပ်ဝတ်နဲ့ လူတစု ဒီမနက် ၂ နာရီဝန်းကျင်လောက်မှာ ဝင်ရောက်လာပြီး လူလေးယောက်ကို ဖမ်းဆီးသွားတယ်လို့ သိရပါတယ်။

ဇီးတောကျေးရွာ စမ်းမြဝတီဘုန်တော်ကြီးကျောင်းကို ဝင်ရောက်ပြီး ရွာသားလေးယောက်ကို ဖမ်းဆီးသွားတယ်လို့ ရန်ကုန်ပြည်သူ့အကျိုးဆောင်ကွန်ရက်က ကိုဗထူးက ပြောပါတယ်။

“အရပ်ဝတ်တွေနဲ့ အယောက် ၃ဝ လောက်ရှိမယ်၊ ဇီးတောရွာက ဘုန်းတော်ကြီးကျောင်းကို ဝင်စီးတာပါ၊ အပြင်မှာတော့ အယောက် ၅ဝ လောက် ဘေးပတ်ချာလည်မှာ ကာထားတာပေါ့၊ အမှောင်ထဲမှာကွယ်ပြီးတော့၊ ဇီးတောရွာပတ်ချာလည်မှာ မီးမရှိဘူး၊ ကျောင်းထဲကိုဝင်လာတဲ့အခါ မီးထိုးလိုက်တဲ့အခါကျတော့ မီးလင်းတော့ကျောင်းထဲကို အယောက် ၃ဝ လောက် အုပ်စုလိုက်ကြီး ဝင်လာတာတွေ့ရတယ်၊ ဦးဇင်းတစ်ပါးရှိမယ်၊ ကျောင်းတိုက်ဆရာတော်ရှိမယ်၊ နောက်ပြီး ရန်ကုန်ပြည်သူ့အကျိုးဆောင်ကွန်ရက်က ကိုထက်ဆိုတဲ့ကလေးတစ်ယောက်က နဂိုကအဲကျောင်းမှာနေတယ်ပေါ့၊ ကြိုပြီးတော့ သတင်းရတဲ့အတွက်ကြောင့်မို့ သူတို့အဲကျောင်းမှာမနေဘူး၊ သူတို့တစ်ယောက်မှမမိတော့ ကျောင်းမှာရှိတဲ့ ပြတင်းပေါက်မှန်တွေ အကုန်ရိုက်ခွဲသွားတယ်ခင်ဗျ၊ ရွာသားလေးယောက်လည်း ဖမ်းသွားတယ်”

ဖမ်းဆီးသူတွေ ဘယ်သူဖြစ်တယ်၊ ဘာကြောင့်ဖမ်းတယ်၊ ဘယ်ကိုခေါ်သွားတယ်ဆိုတာ မသိရပေမဲ့ အဖမ်းခံခဲ့ရသူလေးဦးထဲက နှစ်ဦးဟာ လက်ထိပ်တန်းလန်းနဲ့ ပြန်ပြီးထွက်ပြေးလာကြတယ်လို့ ပြောပါတယ်။

ဖမ်းဆီးခံရတဲ့ ဇီးတောရွာသား မောင်တူးနဲ့ ကိုတင်လင်းတို့ အခြေအနေကို မသိရသေးဘူးလို့ ဒေသခံတွေက ပြောပါတယ်။
RFA Burmese

စစ်တွေ ဘင်္ဂါလီ ဒုက္ခသည်စခန်းတွင် မူးယစ်ဆေးဝါး ထိုးဆေး ပုလင်း ရှစ်ထောင်ကျော် ဖမ်းမိ

ရန်ကုန်၊ သြဂုတ် ၅
ရခိုင်ပြည်နယ် စစ်တွေမြို့နယ် ဘောဒူဖ ဒုက္ခသည်စခန်းတွင် ဘင်္ဂလားဒေ့ရ်ှနိုင်ငံက ခိုးသွင်းလာသည့် မူးယစ်ဆေးဝါး ထိုးဆေး ပုလင်း ၈၂၀၀ ကို သြဂုတ်လ ၄ ရက်က ဖမ်းဆီးမိခဲ့ကြောင်း စစ်တွေမြို့နယ် မြို့နယ် ရဲတပ်ဖွဲ့မှူးက ပြောကြားသည်။

အဆိုပါ မူးယစ်ဆေးဝါးများကို ငါးဖမ်း စက်လှေဖြင့် ဘင်္ဂလားဒေ့ရ်ှနိုင်ငံက သွားရောက် ယူဆောင်လာခြင်း ဖြစ်ကြောင်း ၎င်းက ဆိုသည်။

Sedil Injection Diazepam Bp 10 mg Ampoule စာသားနှင့် ဘင်္ဂလားဒေ့ရှ် စာသား တစ်ဖက်စီ ရေးသားထားသည့် အဆိုပါ ထိုးဆေးများ ပါဝင်သည့် စက္ကူဘူး ၈၂၀ ကို ဘောဒူ ဖကယ်ဆယ်ရေး စခန်းတွင် နေထိုင် သူ အသက် ၃၂ နှစ်အရွယ် အာနူဝါ ဆိုသူ၏ အခန်းတွင် ဖမ်းဆီး ရမိ ခဲ့ကြောင်း၊ စက္ကူဘူး တစ်ဘူးလျှင် ထိုးဆေး ပုလင်း ၁၀ လုံး စီပြီး စုစုပေါင်း ဆေးပုလင်း ၈၂၀၀ (ကျပ် ၁၂၃ သိန်း ဝန်းကျင်) ကို ဖမ်းဆီး ရမိခဲ့ခြင်း ဖြစ်ကြောင်း မြန်မာနိုင်ငံ ရဲတပ်ဖွဲ့ထံမှ သိရှိရသည်။

မူးယစ်ဆေးဝါး ဆေးပုလင်းများကို သိမ်းဆည်းထားသူကို စစ်တွေ မြို့မ ရဲတပ်ဖွဲ့ စခန်းက မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများ ဆိုင်ရာ ဥပဒေ ပုဒ်မ ၁၅/၁၉ (က) ဖြင့် အမှုဖွင့် အရေးယူထားကြောင်း အဆိုပါ ရဲတပ်ဖွဲ့က ထုတ်ပြန်ထားသည်။

အလားတူ စစ်တွေမြို့ရှိ ရွှေပြည်တန် အမြန် ရေယာဉ် ဆိပ်ကမ်းတွင် သြဂုတ်လ ၂ ရက်နေ့က ခရီးသည် တစ်ဦးထံမှ WY မူးယစ်ဆေးပြား အလုံး ၄၉,၀၀၀ ကျော် (ကျပ်သိန်း ၁၄၀၀ ကျော်) ဖမ်းဆီးရမိခဲ့ကြောင်း စစ်တွေမြို့ မြို့နယ် ရဲတပ်ဖွဲ့ စခန်းမှ သိရှိရသည်။

စစ်တွေမြို့တွင် ယခုနှစ်အတွင်း မူးယစ်ဆေးဝါး ၁၃ ကြိမ်ထက် မနည်း ဖမ်းဆီးရမိခဲ့ကြောင်း အဆိုပါ ရဲတပ်ဖွဲ့မှူး ရုံးမှ သိရှိရသည်။

မြန်မာနိုင်ငံက WY ဆေးပြားများကို ဘင်္ဂလားဒေ့ရှ် နိုင်ငံသို့ ပို့ဆောင်လေ့ ရှိပြီး ဘင်္ဂလားဒေ့ရ်ှနိုင်ငံက မြန်မာနိုင်ငံသို့ ဒိုင်ယာစီပန် ဆေးများကို သွင်းလေ့ရှိကြောင်း ဒေသ အာဏာပိုင်များနှင့် ဒေသခံများထံမှ သိရှိရသည်။
The Voice Weekly

power ball မှာ သန်း 400 အထိ မြင့်တက်

ယခုအပါတ်အတွင်း မြင့်တက်လာသော အမေရိကန်ထီတခု power ball မှာ သန်း 400 အထိ ဖြစ်ပါသည်။ ထီထိုရန် ဝါသနာပါသူများ၊ ကံစပ်လိုသူများ ထို ထီဂဏန်းကို ထိုးရန် နံ ပါတ်လိုပါသည်။ နံပါတ်ပေးပို့သူအား ထီဆုကြီးပေါက်လျှင် ၁၀ ရာခိုင်းနှုန်း ပေးပါမည်။ ဒုတိယပေါက်လျှင် ၁၅ ရာခိုင်နှုန်းပေးပါည်။

အသေးစိတ်မှာအောက်ပါအတိုင်း ဖြစ်ပါသည်။

အပိုင်း(၁)
နံပါတ်မှာ ၁ မှ ၅၉ အတွင်း ဂဏန်း ၅ လုံး ရွေးပေးရပါမည်။
ဥပမာ။  ။ (၀၉)၊ (၁၃)၊ (၃၆)၊ (၄၅)၊ (၅၇)

အပိုင်း(၂)
power ball မှာ ၁ မှ ၃၉ အတွင်း ဖြစ်ရမည်။
ဂဏန်းတလုံးတည်ရွေးရမည်။
ဥပမာ
(၀၆)


နမူနာနေဖြင့် (၈/၃/၂၀၁၃) ထွက်ခဲ့ပြီးသော နံပါတ်တခုမှာကို ဖေါ်ပြလိုက်ပါသည်။
(21)-(24)-(36)-(42)-(45) power ball မှာ(15)

ယခု လာမည့် Wednesday(8/7/2013) ၉း၀၀ နာရီတွင် နောက်တကြိမ် ထပ်ဖွင့်ပါမည်။
"၀င်း" မိသားစုနှင့် ကံစပ်လိုသူများ မိမိတို့၏ email, နာမည်နှင့် နံပါတ်တို့ကို theburmapost@gmail.com သို New York စံတော်ချိန် ညနေ ၄း၀၀ ထက်နောက်မကြဘဲပေးပို့ ကြပါ၇န် ပန်ကြားအပ်ပါသည်။
မိမိတို့ပေးပို့ထားသော နံပါတ် နှင့် ထွက်ရှိသော နံပါတ် တိုက်မတိုက်ကို ရင်ခုန်စွာ စောင့်မျှော်နိုင်ပါသည်။
လူတဦးကို နံပါတ်တခုသာပေးပို့ပါရန် မေတ္တာ ရပ်ခံပါသည်။
"၀င်း" မိသားစု
share လုပ်ပေးကြပါ။ ကိုယ်နဲ့ကံမစပ်ပေး တခြားသူတွေ ကြီးပွါးကြပါစေ

ညောင်ဦးတွင် ပြင်သစ်နိုင်ငံသူ တစ်ဦး အိတ်ဆွဲလုခံရ

မန္တလေး၊ သြဂုတ်၎
မန္တလေးတိုင်းဒေသကြီး ပုဂံ-ညောင်ဦး မြို့သစ် ကားလမ်း၊ အနော်ရထာလမ်း တောင်ဘက်ရှိ ဆူးလေကုန်းဘုရား အနီးတွင် သြဂုတ်လ ၃ ရက်နေ့ ညနေ ၆ နာရီ ၅၀ မိနစ် အချိန်၌ ပြင်သစ်နိုင်ငံသူ တစ်ဦး၏ ခါးပတ်အိတ်ကို ဆွဲယူ ထွက်ပြေးခံရမှု ဖြစ်ပွားခဲ့ကြောင်း ညောင်ဦး ရဲစခန်းထံမှ စုံစမ်း သိရှိရသည်။

ပြင်သစ်နိုင်ငံသူ Ms. Amilie Schaitt ၂၃ နှစ်သည် လှည့်လည် ဓာတ်ပုံ ရိုက်နေစဉ် အနော်ရထာလမ်း တောင်ဘက်ရှိ လူသွားလူလာ ပြတ် တတ်သော ဆူးလေကုန်းဘုရား အနီးတွင် ၎င်း၏ ခါးပတ်အိတ်ကို အသက် (၂၅) နှစ်ခန့်ရှိ အမျိုးသားတစ်ဦးက လုယူရာ ပြန်လည် ဆွဲသဖြင့် ပြင်သစ်နိုင်ငံသူ၏ ဝဲမျက်လုံး ညိုမည်း၊ လည်ပင်း ဝဲဘက်လက်ပြင် ပွန်းသော ဒဏ်ရာများ ရရှိခဲ့ကြောင်း ညောင်ဦး ရဲစခန်းမှ တာဝန်ရှိသူ တစ်ဦးက ပြောကြားသည်။

“ဒီနှစ်ဆန်းပိုင်းအတွင်းမှာ ဒီလို ဖြစ်စဉ် လေးကြိမ်လောက် ရှိသွားပြီ။ လုံခြုံရေးကတော့ လုပ်နေတာပါပဲ။ ဆူးလေကုန်းဘက်ဆိုတာက လူအသွားအလာ နည်းတဲ့ နေရာတွေပါ။ နောက်ပြီး နိုင်ငံခြားသားတွေ က တောလမ်းလို နေရာတွေကို စက်ဘီးနဲ့ တစ်ယောက်တည်း သွားကြ တယ်။ လုံခြုံရေးကိုတော့ ကြပ်ကြပ်မတ်မတ် လုပ်ဆောင်နေတာပါ။ ခရိုင် အုပ်ချုပ်ရေးမှူး၊ မြို့နယ် အုပ်ချုပ်ရေးမှူး၊ ဌာနဆိုင်ရာတွေ၊ Toursim Police တွေနဲ့လည်း လုံခြုံရေး ဆောင်ရွက်ပေးနေတာပါ။ လိုအပ် သလို ပြင်ဆင် ဆောင်ရွက်နေတာပါ။ အခွင့်အရေးသမားကတော့ အမြဲ စောင့်မှာပါပဲ” ဟု ပုဂံ ဧည့်လမ်းညွှန် အသင်း ဥက္ကဋ္ဌ ဦးဇော်ဝင်းချိုက The Voice သို့ ပြောဆိုသည်။

လုယူသွားသော ခါးပတ် အိတ်ထဲတွင် နိုင်ငံကူးလက်မှတ် စာအုပ် တစ်အုပ်၊ အမေရိကန်ဒေါ်လာ ၂၀၀၊ မြန်မာငွေ ၁၀၀၀ ကျပ်၊ Credit Card တစ်ခု၊ Flight Ticket တစ်စောင်၊ Bank Account Imformation တစ်ခုတို့ ပါသွားကြောင်း၊ အဆိုပါ ဧည့်သည်မှာ ဒဏ်ရာ ရရှိမှုကြောင့် ညောင်ဦးဆေးရုံ တွင် ပြင်ပ လူနာအဖြစ် ဆေးကုသခဲ့ပြီး သြဂုတ်လ ၁၁ ရက်နေ့တွင် ဘန်ကောက်သို့ ပြန်လည် ထွက်ခွာမည် ဖြစ်ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးမှတ်တမ်းများအရ သိရသည်။

ပြင်သစ်နိုင်ငံသူ လုယက်ခံရမှုနှင့် ပတ်သက်၍ ၎င်းတည်းခိုသည့် တည်းခိုခန်း ပိုင်ရှင်က တရားလိုပြု တိုင်တန်းသဖြင့် ညောင်ဦး ရဲစခန်းတွင် (ပ) ၉၄/၂၀၁၃၊ ပြစ်မှု ပုဒ်မ ၃၆၈ အရ အမှုဖွင့်ခဲ့ပြီး တရားခံကို ဖမ်းဆီးရမိရေး အတွက် ဆောင်ရွက်လျက်ရှိကြောင်း ယင်းရုံးထံမှ သိရသည်။
The Voice Weekly

ရန်ကုန်-နေပြည်တော် ပွဲပျက် ရန်ကုန် ဘောလုံးသမား အချို့ ဒဏ်ရာရ

Monday, August 05, 2013
SEA Games အတွက် တည်ဆောက်ထားသည့် နေပြည်တော် ဝဏ္ဏသိဒ္ဓိ ကွင်းတွင် ကျင်းပသည့် နေပြည်တော်နှင့် ရန်ကုန် ယူနိုက်တက် အသင်းတို့ ၏ မြန်မာ နေရှင်နယ်လိဂ် ပွဲစဉ် ကစားပွဲတွင် လုံခြုံရေး အားနည်းမှုကြောင့် ကွင်းအတွင်း ပရိသတ်များ ဝင်ရောက်လာသဖြင့် ပွဲချိန် မိနစ် ၃၀ တွင် ဆက်မကစားနိုင်ဘဲ ပွဲပျက်သွားကာ ရန်ကုန် ကစားသမား အချို့လည်း ထိခိုက် ဒဏ်ရာရကုန်ကြောင်း ပွဲကြည့် ပရိသတ်များထံမှ စုံစမ်း သိရှိရသည်။

မြန်မာ နေရှင်နယ်လိဂ်၏ ချန်ပီယံ အဖြေထွက်ပြီး အရှုံး အနိုင် အရေးမပါဘဲ ဂုဏ်သိက္ခာအတွက်သာ ယှဉ်ပြိုင်ကြသည့် ယင်းပွဲတွင် ပွဲကစားချိန် မိနစ် ၃၀ ခန့်၌ နေပြည်တော်အသင်း ပင်နယ်တီ ပေးခံရ၍ ရန်ကုန် ယူနိုက်တက် ဂိုးသွင်းပြီးနောက် နေပြည်တော် ပရိသတ် အချို့ ကွင်းထဲ ဝင်ရောက်လာကာ ဒိုင်လူကြီးနှင့် ရန်ကုန် ကစားသမားများအား ရန်ပြုသောကြောင့် ပွဲပျက် ခဲ့ကြောင်း ပွဲကြည့် ပရိသတ် တစ်ဦးက ပြောကြားသည်။

နေပြည်တော် ပရိသတ် အချို့သည် ခုံများ၊ ဖိနပ်များ၊ ရေဘူးများဖြင့် ပစ်ပေါက်ခဲ့ပြီး ရန်ကုန် ကစားသမား ရန်အောင်ကျော် ဦးခေါင်းတွင် ဒဏ်ရာ ရရှိသကဲ့သို့ ကြည်လင်းလည်း လက်သီးနှင့် ထိုးနှက်ခံရကြောင်း၊ ည ၇ နာရီ ၃၅ မိနစ်အထိ ကွင်းထဲမှ မထွက်နိုင်သေးကြောင်း အမည်မဖော်လိုသူ ရန်ကုန် ပရိသတ် တစ်ဦးက ပြောကြားသည်။

SEA Games အတွက် ပြင်ထားသည့် ပရိသတ် ၃၀၀၀၀ ဆံ့ ကွင်းတွင် ကျင်းပသည့်ပွဲ ဆိုသော်လည်း လုံခြုံရေး အားနည်းမှုကြောင့် ပရိသတ်များ ကွင်းထဲအထိ ဝင်ရောက်လာကြောင်း ယင်းပွဲသို့ ရန်ကုန် ပရိသတ် နှစ်ထောင်ခန့်နှင့် နေပြည်တော် ပရိသတ် နှစ်သောင်းခန့် လာရောက် ကြည့်ရှုကြောင်း ၎င်းက ဆိုသည်။

နေပြည်တော်နှင့် ရန်ကုန် ပွဲပျက်သွားကြောင်း ဆုပေးပွဲကိုမူ ဆက်လုပ်မည်၊ မလုပ်မည် မသေချာသေး ကြောင်း မြန်မာနိုင်ငံ ဘောလုံးအဖွဲ့၏ ပြောခွင့်ရ ပုဂ္ဂိုလ် ဦးစိုးမိုးက ည ၇ နာရီ ၂၁ မိနစ်တွင် အတည်ပြု ပြောဆိုသည်။

မြန်မာ နေရှင်နယ်လိဂ်သည် ပြိုင်ပွဲပြီးရန် တစ်ပွဲအလို ပွဲစဉ် ၂၁ တွင် ချန်ပီယံ အဖြေ ထွက်ခဲ့ကာ ရန်ကုန် ယူနိုက်တက် အသင်းသည် သုံးနှစ်ဆက်တိုက် ချန်ပီယံ ဖြစ်ခဲ့ပြီး နေပြည်တော်အသင်းမှာ အာရှ ဘောလုံးအဖွဲ့ချုပ် ဖလား ပြိုင်ပွဲ ဝင်ခွင့် ရရှိထားပြီး ဖြစ်ကြောင်း၊ ယနေ့ ပွဲ အရှုံးအနိုင် အရေးမပါသည့် အချိန်တွင် ပွဲရပ်နားသည်အထိ ဖြစ်ပျက်ခဲ့ခြင်းမှာ လာမည့် SEA Games အတွက် ပြင်ဆင်စရာ ရှိသည်များ ပြင်ဆင်ရန် သင်ခန်းစာ ယူစရာ ဖြစ်သည် ဟု ရုပ်မြင်သံကြားမှ ယင်းပွဲကို စောင့်ကြည့်သူ တစ်ဦးဖြစ်သည့် ဦးသာ ၅၃ နှစ်က ပြောကြားသည်။

“မြန်မာ ပရိသတ်တွေ မရင့်ကျက်သေးဘူး။ နိုင်မှ ဂုဏ်သိက္ခာရှိတာ မဟုတ်ဘူး၊ ရှုံးလည်း အရှုံးကို လက်ခံရင် သိက္ခာမကျဘူး ဆိုတာမျိုး ပညာပေးဖို့ လိုတယ်။ တော်ကြာ အမျိုးသား ဂုဏ်သိက္ခာ ကျမယ်” ဟု ၎င်းက အကြံပြု ပြောဆိုသည်။
The Voice Weekly

တယ်လီနောသို့ အီးမေးလ်မှ အလုပ် စလျှောက်နိုင်

ရန်ကုန်၊ သြဂုတ် ၄
ဆက်သွယ်ရေး အော်ပရေတာ လုပ်ငန်း တင်ဒါ အောင်မြင်ထားပြီး လိုင်စင် ရရှိရန် စောင့်ဆိုင်းနေ သော ပြည်တွင်း ဝန်ထမ်း ၉၉ ရာခိုင်နှုန်း ခန့်အပ်မည် ဟု ပြောကြားထားသည့် တယ်လီနော မြန်မာ ကုမ္ပဏီသည် လာမည့် သီတင်းပတ် တစ်ပတ်မှ နှစ်ပတ်အတွင်း ဝန်ထမ်းများ စတင် ခေါ်ယူ မည် ဖြစ်ကြောင်းနှင့် ကြိုတင် လျှောက်ထားလိုသူများ အီးမေးလ်မှ တစ်ဆင့် လျှောက်ထားနိုင်ပြီ ဖြစ်ကြောင်း တယ်လီနော မြန်မာထံမှ စုံစမ်း သိရှိရသည်။

အလုပ် လျှောက်ထားရန် စိတ်ပါဝင်စားမှု များပြားနေသောကြောင့် ကြိုတင် လျှောက်ထားလိုသူများ hr.myanmar@telenor.com သို့ Email မှတစ်ဆင့် ကိုယ်ရေး အချက်အလက်များ ပေးပို့ထားနိုင်ကြောင်း ယင်းကုမ္ပဏီထံမှ သိရသည်။

“ဝန်ထမ်းခေါ်မယ်လို့ ကြေညာပြီးကတည်းက တစ်နေ့ကို လေး၊ ငါး၊ ဆယ်ယောက်လောက် နေ့တိုင်း ဖုန်းဆက် စုံစမ်းကြတယ်။ လက်ရှိ မှာတော့ ခေါ်ဖို့ စပြင်ဆင်နေပါပြီ။ လာမယ့် တစ်ပတ် နှစ်ပတ်အတွင်း
မှာ စခေါ်မယ်” ဟု တယ်လီနော မြန်မာ၏ မီဒီယာ တာဝန်ခံ ဒေါ်မွန်မြတ်သူ က ပြောကြား သည်။

တယ်လီနော မြန်မာ ကုမ္ပဏီတွင် အမှုဆောင် အရာရှိချုပ်အဖြစ် ခန့်အပ်ခြင်း ခံထားရသော Mr.Petter Furberg က သြဂုတ်လအတွင်း ဝန်ထမ်း ခေါ်ယူမှု များ စတင်မည်ဟု ဇူလိုင်လ ၁၇ ရက်နေ့က ပြောကြားခဲ့သည်။

တယ်လီနော ကုမ္ပဏီက ပြည်တွင်းတွင် ထူထောင် လုပ်ကိုင်မည့် ကုမ္ပဏီ၌ တာဝန် ထမ်းဆောင်မည့် ပြည်တွင်း ပြည်ပ ဝန်ထမ်းများကို လက်ရှိ လိုအပ်ချက်ပေါ် မူတည်၍ ခန့်အပ်မည့် ဝန်ထမ်း ပမာဏကို သတ်မှတ်သွား မည် ဖြစ်ကြောင်း ယင်း ကုမ္ပဏီထံမှ သိရသည်။

တယ်လီနောက မြန်မာနိုင်ငံတွင် တာဝန်ယူ စီမံ ခန့်ခွဲမည့် အမှုဆောင် အရာရှိချုပ်နှင့် အမှုဆောင် အဖွဲ့ကို ဇူလိုင်လအတွင်းက ကြေညာခဲ့သည်။

ခန့်အပ်ခံရသော ဝန်ထမ်းများ အရည်အသွေး မြှင့်တင်ရန် လေ့ကျင့် သင်ကြားပေးမှုများကို တာဝန် ထမ်းဆောင်နေစဉ် ကာလ အတွင်း ပြုလုပ်ပေးမည်ဟု ၎င်းက ဆိုသည်။

ပြည်တွင်း ဝန်ထမ်း ၉၉ ရာခိုင်နှုန်း ခန့်အပ်မည်ဟု ပြီးခဲ့သော ဇူလိုင်လ ၁၀ ရက်နေ့က နေပြည်တော် တွင် ပြုလုပ်သော သတင်းစာ ရှင်းလင်းပွဲ တွင် ပြောကြားထားသည်။

“တယ်လီနောပိုင်တဲ့ ထိုင်းက dtac အကြောင်း လေ့လာကြည့် တယ်။ တော်တော်လေး ကောင်းတယ်ဗျ။ အဲဒါကြောင့် အခု CVကို Email ပို့ထားတယ်” ဟု ၂၀၁၁ ခုနှစ်တွင် နည်းပညာ တက္ကသိုလ်မှ ဘွဲ့ ရရှိထားသူ ဦးညီညီဝင်းက ပြောဆိုသည်။

တယ်လီနော ကုမ္ပဏီသည် လိုင်စင် ရရှိပြီး ရှစ်လ အကြာတွင် မိုဘိုင်းလ် ဝန်ဆောင်မှုများ စတင်မည် ဖြစ်ပြီး ဆင်းကတ် အရောင်းဆိုင်ပေါင်း ခုနစ်သောင်းကျော်နှင့် ငွေဖြည့်ကတ် အရောင်းဆိုင်ပေါင်း ကိုးသောင်းကျော် ဖွင့်လှစ်မည် ဖြစ်ကြောင်း ကြေညာထားသည်။
The Voice Weekly