တယ်လီနောသို့ အီးမေးလ်မှ အလုပ် စလျှောက်နိုင်

ရန်ကုန်၊ သြဂုတ် ၄
ဆက်သွယ်ရေး အော်ပရေတာ လုပ်ငန်း တင်ဒါ အောင်မြင်ထားပြီး လိုင်စင် ရရှိရန် စောင့်ဆိုင်းနေ သော ပြည်တွင်း ဝန်ထမ်း ၉၉ ရာခိုင်နှုန်း ခန့်အပ်မည် ဟု ပြောကြားထားသည့် တယ်လီနော မြန်မာ ကုမ္ပဏီသည် လာမည့် သီတင်းပတ် တစ်ပတ်မှ နှစ်ပတ်အတွင်း ဝန်ထမ်းများ စတင် ခေါ်ယူ မည် ဖြစ်ကြောင်းနှင့် ကြိုတင် လျှောက်ထားလိုသူများ အီးမေးလ်မှ တစ်ဆင့် လျှောက်ထားနိုင်ပြီ ဖြစ်ကြောင်း တယ်လီနော မြန်မာထံမှ စုံစမ်း သိရှိရသည်။

အလုပ် လျှောက်ထားရန် စိတ်ပါဝင်စားမှု များပြားနေသောကြောင့် ကြိုတင် လျှောက်ထားလိုသူများ hr.myanmar@telenor.com သို့ Email မှတစ်ဆင့် ကိုယ်ရေး အချက်အလက်များ ပေးပို့ထားနိုင်ကြောင်း ယင်းကုမ္ပဏီထံမှ သိရသည်။

“ဝန်ထမ်းခေါ်မယ်လို့ ကြေညာပြီးကတည်းက တစ်နေ့ကို လေး၊ ငါး၊ ဆယ်ယောက်လောက် နေ့တိုင်း ဖုန်းဆက် စုံစမ်းကြတယ်။ လက်ရှိ မှာတော့ ခေါ်ဖို့ စပြင်ဆင်နေပါပြီ။ လာမယ့် တစ်ပတ် နှစ်ပတ်အတွင်း
မှာ စခေါ်မယ်” ဟု တယ်လီနော မြန်မာ၏ မီဒီယာ တာဝန်ခံ ဒေါ်မွန်မြတ်သူ က ပြောကြား သည်။

တယ်လီနော မြန်မာ ကုမ္ပဏီတွင် အမှုဆောင် အရာရှိချုပ်အဖြစ် ခန့်အပ်ခြင်း ခံထားရသော Mr.Petter Furberg က သြဂုတ်လအတွင်း ဝန်ထမ်း ခေါ်ယူမှု များ စတင်မည်ဟု ဇူလိုင်လ ၁၇ ရက်နေ့က ပြောကြားခဲ့သည်။

တယ်လီနော ကုမ္ပဏီက ပြည်တွင်းတွင် ထူထောင် လုပ်ကိုင်မည့် ကုမ္ပဏီ၌ တာဝန် ထမ်းဆောင်မည့် ပြည်တွင်း ပြည်ပ ဝန်ထမ်းများကို လက်ရှိ လိုအပ်ချက်ပေါ် မူတည်၍ ခန့်အပ်မည့် ဝန်ထမ်း ပမာဏကို သတ်မှတ်သွား မည် ဖြစ်ကြောင်း ယင်း ကုမ္ပဏီထံမှ သိရသည်။

တယ်လီနောက မြန်မာနိုင်ငံတွင် တာဝန်ယူ စီမံ ခန့်ခွဲမည့် အမှုဆောင် အရာရှိချုပ်နှင့် အမှုဆောင် အဖွဲ့ကို ဇူလိုင်လအတွင်းက ကြေညာခဲ့သည်။

ခန့်အပ်ခံရသော ဝန်ထမ်းများ အရည်အသွေး မြှင့်တင်ရန် လေ့ကျင့် သင်ကြားပေးမှုများကို တာဝန် ထမ်းဆောင်နေစဉ် ကာလ အတွင်း ပြုလုပ်ပေးမည်ဟု ၎င်းက ဆိုသည်။

ပြည်တွင်း ဝန်ထမ်း ၉၉ ရာခိုင်နှုန်း ခန့်အပ်မည်ဟု ပြီးခဲ့သော ဇူလိုင်လ ၁၀ ရက်နေ့က နေပြည်တော် တွင် ပြုလုပ်သော သတင်းစာ ရှင်းလင်းပွဲ တွင် ပြောကြားထားသည်။

“တယ်လီနောပိုင်တဲ့ ထိုင်းက dtac အကြောင်း လေ့လာကြည့် တယ်။ တော်တော်လေး ကောင်းတယ်ဗျ။ အဲဒါကြောင့် အခု CVကို Email ပို့ထားတယ်” ဟု ၂၀၁၁ ခုနှစ်တွင် နည်းပညာ တက္ကသိုလ်မှ ဘွဲ့ ရရှိထားသူ ဦးညီညီဝင်းက ပြောဆိုသည်။

တယ်လီနော ကုမ္ပဏီသည် လိုင်စင် ရရှိပြီး ရှစ်လ အကြာတွင် မိုဘိုင်းလ် ဝန်ဆောင်မှုများ စတင်မည် ဖြစ်ပြီး ဆင်းကတ် အရောင်းဆိုင်ပေါင်း ခုနစ်သောင်းကျော်နှင့် ငွေဖြည့်ကတ် အရောင်းဆိုင်ပေါင်း ကိုးသောင်းကျော် ဖွင့်လှစ်မည် ဖြစ်ကြောင်း ကြေညာထားသည်။
The Voice Weekly

ပြည်လမ်းတွင် ယာဉ်တိုက်မှုဖြစ်၍ (၁)ဦးသေ (၅)ဦးဒဏ်ရာရ

Monday, August 05, 2013
၎.၈.၂၀၁၃ ရက်နေ့ ၂၃၃၀ အချိန် ကမာရွတ်မြို့နယ်၊ ပြည်လမ်းအတိုင်း တောင်မှမြောက်သို့ ယာဉ်မောင်း အောင်ကိုဝင်း (စုံစမ်းဆဲ)မောင်းနှင်လာသော ၂စ/---- ကင်တာအမျိုးအစား (ကိုယ်ပိုင် ယာဉ်)သည် မြန်မာ့အသံဝင်းရှေ့အရောက်တွင် အရှိန်မထိန်းနိုင်ဘဲ တဖက်ယာဉ်ကြောသို့ရောက်ရှိ ကာ ပြည်လမ်းအတိုင်း မြောက်မှတောင်သို့ ကိုတင်ဇော်မင်း (ဘ)ဦးတင်အုန်း၊ ရွှေကျင်မြို့နယ်၊ ပဲခူးတိုင်းဒေသကြီးနေသူ မောင်းနှင်လာသော ၈ဆ/---- လိုက်ထရပ်(ကိုယ်ပိုင်ယာဉ်)နှင့် နောက်ဘက်မှ ကိုအောင်ဝင်း မောင်းနှင်လာသည့် ၃စ/---- ဟိုင်းလတ်ဆပ်(ကိုယ်ပိုင်ယာဉ်)တို့အား တိုက်မိခဲ့ပါသည်။

ယာဉ်တိုက်မှုကြောင့် ယာဉ်(၃)စီးနှင့် ပန်းခုံများပျက်စီးခဲ့ပြီး ၂စ/---- ယာဉ်ပေါ်ပါ ရွှေပြည်သာမြို့နယ် နေသူများဖြစ်သည့်
ကိုရဲ (ဘ)ဦးဇော်လင်း၊ ကိုမင်းဇယ်ရူး (ဘ)ဦးဖိုးရူး၊ ကိုကျော်သက်နိုင် (ဘ)ဦးစိန်ဝင်း၊ ကိုဇော်မင်းထက် (ဘ)ဦးတင်အုန်းနှင့် ၈ဆ/---- ယာဉ် ပေါ်ပါ ယာဉ်မောင်း ကိုတင်ဇော်မင်းတို့တွင် ဖူးရောင်၊ ပေါက်ပြဲ၊ နာကျင်ဒဏ်ရာများ အသီးသီးရရှိခဲ့သဖြင့် ရန်ကုန်ဆေးရုံကြီးတွင် အတွင်း/အပြင်လူနာများအဖြစ် ကုသလျက်ရှိပြီး၊ ၈ဆ/---- ယာဉ်ပေါ်ပါ ကိုအောင်လင်းစိုး (စိစစ်ဆဲ)မှာ နဖူးစုတ်ပြဲ၊ ၀ဲနားသွေးထွက်၊ ၀ဲခြေ၊ လက်ဖျံတို့တွင် ဖူးရောင်ဒဏ်ရာ များရရှိခဲ့၍ ရန်ကုန်ဆေးရုံကြီးသို့ပို့ဆောင်စဉ် သေဆုံးသွားခဲ့ပါသည်။

အဆိုပါယာဉ်တိုက်မှုတွင် ယာဉ်အားမဆင်မခြင်မောင်းနှင်သူ ၂စ/---- ကင်တာအမျိုးအစား ယာဉ်မောင်း အောင်ကိုဝင်းမှာ အခင်းဖြစ်နေရာတွင် ယာဉ်ကိုထားကာထွက်ပြေးသွားခဲ့သဖြင့် ၎င်းအား ကမာရွတ်မြို့မရဲစခန်းယာဉ်(ပ)၄၀/၂၀၁၃၊ ပုဒ်မ ၂၇၉/၃၃၇ /၃၃၈/၃၀၄-က/၂၀၂ ဖြင့်အရေးယူ ထားရှိပြီး ဖမ်းဆီးရမိရေးဆောင်ရွက်လျက်ရှိကြောင်းသတင်းရရှိပါသည်။
Yangon Police

မြန်မာဘောလုံးအသင်း မာဒေးကား ဖလား ဝင်ပြိုင်မည်

ရန်ကုန်၊ သြဂုတ် ၄
မလေးရှားနိုင်ငံတွင် စက်တင်ဘာလ ၅ ရက်နေ့မှ ၁၅ ရက်နေ့အထိ ကျင်းပမည့် မာဒေးကား ဖလား ပြိုင်ပွဲကို အသက် ၂၃နှစ် အောက် မြန်မာဘောလုံးအသင်း ဝင်ရောက် ယှဉ်ပြိုင် မည် ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ် ပြန်ကြားရေး တာဝန်ခံ ဦးစိုးမိုးက ပြောကြားသည်။

မလေးရှားနိုင်ငံ ယူ-၂၃ အသင်း၏ SEA Games ပြိုင်ပွဲ ပြင်ဆင်မှုအဖြစ် မာဒေးကား ဖလား ပြိုင်ပွဲကို ကျင်းပခြင်းဖြစ်ပြီး မလေးရှား ယူ-၂၃ အသင်း၊ ဂျော်ဒန်၊ စင်ကာပူ၊ ထိုင်း၊ မြန်မာ ယူ-၂၃ သည် အရှေ့တောင် အာရှနှင့် အာရှနိုင်ငံများမှ အသင်းများ ပါဝင်မည် ဖြစ်ပြီး မြန်မာ ယူ-၂၃ မှ SEA Games ပြိုင်ပွဲအတွက် ရွေးချယ်ထားသည့် အားကစားသမား များ စေလွှတ် ယှဉ်ပြိုင်သွားမည် ဖြစ်ကြောင်း ၎င်းက ဆိုသည်။

မလေးရှားနိုင်ငံက မြန်မာနိင်ငံတွင် ဖြစ်ပွားနေသည့် ပဋိပက္ခများကြောင့် ဖိတ်ခေါ်ထားခြင်း မရှိဟု ဆိုသည့် သတင်းများမှာ မဟုတ်မှန်ကြောင်း ၎င်းက ပြောကြားသည်။

မြန်မာအသင်းသည် မာဒေကားဖလား ဖိတ်ခေါ်ပြိုင်ပွဲကို ဝင်ရောက် ယှဉ်ပြိုင်လေ့ရှိပြီး ၁၉၆၄ ခုနှစ်တွင် အိန္ဒိယအသင်းကို တစ်ဂိုး ဂိုးမရှိ၊ ၁၉၇၁ ခုနှစ်တွင် အင်ဒိုနီးရှား အသင်းကို တစ်ဂိုး ဂိုးမရှိ၊ ၂၀၀၆ ခုနှစ် တွင် အင်ဒိုနီးရှားကို နှစ်ဂိုး-တစ်ဂိုးဖြင့် အနိုင်ရကာ သုံးကြိမ် ဗိုလ်စွဲထားသည်။

မလေးရှားနိုင်ငံ၏ လွတ်လပ်ရေး အထိမ်းအမှတ်အဖြစ် ကျင်းသည့် မာဒေးကားဖလား ဖိတ်ခေါ်ပြိုင်ပွဲ ကို ၂၀၀၈ ခုနှစ်တွင် နောက်ဆုံး ကျင်းပ ခဲ့ပြီး အိမ်ရှင် မလေးရှားအသင်းကို ပင်နယ်တီ အဆုံးအဖြတ် ဖြင့် ဗီယက်နမ် အသင်းက ဗိုလ်စွဲထားပြီး ၂၀၀၉၊ ၂၀၁၀၊ ၂၀၁၁၊ ၂၀၁၂ ပြိုင်ပွဲ ကျင်းပခြင်း မရှိဘဲ ယခုနှစ်တွင်မှ ပြန်လည် ကျင်းပခြင်း ဖြစ်သည်။
The Voice Weekly

SAMSUNG ANDROID ဖုန်း အတု နဲ့ အစစ် ခွဲခြားနည်း ( REAL VS FAKE SAMSUNG GALAXY S4 )

tkm: အစ်ကို Samsung Android ဖုန်းကို အတု / အစစ် သိချင်လို့ ဘယ်လို လုပ်ရမလဲ ပြောပြပေးပါအုံး .. အရင်ကတော့ စက်ရုပ်လေးပေါ်ရင် အစစ်လို့ ပြောကြတယ် အဲဒါကို ဘယ်လို လုပ်ကြည့် ရမလဲ .... 

Sansung Android ဖုန်း အတု (Fake)  နဲ့ အစစ် (Real) ခွဲခြားနည်း ကို အနီးစပ်ဆုံး ခွဲခြားနိုင်အောင် ရှာဖွေ စုဆောင်း တင်ပြပေးလိုက်ပါတယ်.... 

အောက်ကပုံတွေကတော့ Samsung S4 i9500 ရဲ့ အတု  နဲ့  အစစ် ခွဲခြားပြထားတဲ့ ပုံတွေပါ.... လေ့လာကြည်နိုင်ပါတယ်....

This is a picture comparison between a real S4 i337M and fake i9500

Ref : http://forums.redflagdeals.com/

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Samsung ဖုန်း အတု / အစစ် ခွဲခြားနိုင်ဖို့ အတွက်  IT GARDEN မှာ ရေးထားတာလေးကို တဆက်ထဲ ပြန်လည်မျှဝေပေးလိုက်ပါတယ်....။

ရုတ်တရက် ကြည့်ရင် Android လို့ ထင်ရနိုင်ပါတယ်။ Touch Screenကို စမ်းကြည့်မယ်ဆိုရင် ကွဲပြားစွာသိရှိနိုင်ပါတယ်။ ခက်တာက Androidကို အသုံးပြုထားတဲ့ တစ်ချိူ့ Handsets တွေမှာ Android အစစ်ဖြစ်တယ်ဆိုတာကို သိနိုင်ဖို့ခက်ပါတယ်။ တစ်ချိူ့ Handsetsတွေက များသောအားဖြင့် Clone Handsets တွေ မှာတွေ့ရတတ်ပါတယ်။ Android အစစ်ကဲ့သို့ အသုံးပြုနိုင်တဲ့ Featureတွေ အကုန် ပါဝင်ပါတယ်။ ဒါပေမဲ့ အဲ့ဒီ့ Android ဖုန်းတွေက Android အစစ်ကို အသုံးပြုထားတဲ့ဖုန်းတွေ မဟုတ်ကြပါဘူး။

Androidအစစ်ကို အသုံးပြုထားတဲ့ဖုန်းနဲ့ Android အစစ်မဟုတ်တဲ့ဖုန်းတွေက ဘာတွေကွဲပြားလဲ ဆိုရင်တော့ ကွဲလွဲတာတွေသိပ်မရှိပေမဲ့ Brand အစစ်နဲ့ခွဲခြားလို့မရအောင်တူတဲ့ Clone Handsets တွေမှာ Android အစစ်မဟုတ်တာတွေကို သုံးထားတာဖြစ်တဲ့အတွက် Brand အစစ်ဆိုပြီး ၀ယ် လိုက်မိသွားမှာ စိုးရိမ်တဲ့ Android User တွေ အတွက်ဒီနည်းလမ်းလေးကို ပြောပြလိုက်ပါတယ်။

အခုနောက်ပိုင်းဝင်လာတဲ့ Samsung Galaxy Mini တွေမှာ Android အစစ်မဟုတ်တာတွေကို သုံးထားပါတယ်။ လုံးဝကို အစစ်နဲ့တူပါတယ်။ အဲ့လိုဖုန်းတွေကို အစစ်မဟုတ်ကြောင်း ဘယ်လိုစမ်းနိုင်လဲ ဆိုရင်၊ အလွယ်ဆုံးက Setting ထဲကိုဝင်ပြီး Display ကိုရှာလိုက်ပါ။

Samsung Galaxy Series တွေအတွက်ဒီနည်းနဲ့ စမ်းကြည့်လို့ရပါတယ်။ Displayထဲမှာ Font Style ကိုရှာကြည့်လိုက်ပါ။ တွေ့ရင်အစစ်ဖြစ်ကြောင်း ယုံလို့ရပါတယ်။ မတွေ့ရင် အစစ်မဟုတ်ဘူးပေါ့ဗျာ။

နောက်တနည်းကတော့ လုံးဝအစစ်ဖြစ်တယ်ဆိုတာကို စမ်းကြည့်လို့ရပါတယ်။ Setting ထဲကိုဝင်လိုက်ပါ။ About Phone ကိုတွေ့ပါလိမ့်မယ်။ Android Version 4.0.4 စသဖြင့်ရေးထားတဲ့ နေရာလေးကို ၃ ခါ လေးခါလောက် ဆက်တိုက်နှိပ်ကြည့်ပါ .... စက်ရုပ်ပုံလေးပေါ်လာပြီး Android Version ရယ် ICS, Jelly Bean ဆိုတာကို ဖေါ်ပြပေးပါလိမ့် မယ်။ နောက်ပြီး စက်ရုပ်ပုံလေးကို ဆက်ဖိထားလိုက်ရင် စက်ရုပ်ပုံလေးတွေပြေးနေတာကို တွေ့ရပါလိမ့် မယ်။ Clone Handsetsတွေမှာ အဲ့ဒီလိုဖြစ်အောင်မလုပ် နိုင်ပါဘူး။

ဒီနည်းလမ်းတွေက Android ဖုန်းတွေကို အစစ်ဟုတ်မဟုတ် စစ်ကြည့်လို့ရနိုင်ပါတယ်။အတုအစစ် ခွဲခြားဖို့အတွက် အလွယ်ကူဆုံး နည်းလမ်းနဲ့ အထက်မှာပြောပြထားတဲ့အတွက် လုံလောက် ပြီး 

အဆင်ပြေကြ မယ်ထင်ပါတယ်။
အားလုံးကိုကျေးဇူးတင်ပါတယ်
...

Credit : IT GARDEN

 

 

winkabarkyaw.net မှာ ကူးယူဖော်ပြသည်။

ဗဟိုဘဏ်ခွင့်ပြုပါက VISA နှင့် MASTER ကတ်များ စက်တင်ဘာတွင်စ၍ ပြည်တွင်း၌ စာရင်းဖွင့်နိုင်မည်

ကမ္ဘာပေါ်တွင် အသုံးပြုမှုအများဆုံးဖြစ်သော ငွေပေးချေကတ်များဖြစ်သည့် VISA နှင့် Master ကတ်များအား ဗဟိုဘဏ်၏ ခွင့်ပြုချက်သာရရှိမည်ဆိုပါ
က လာမည့်စက်တင်ဘာလတွင် ပြည်တွင်း၌ ဘဏ်စာရင်းဖွင့်ကာ အသုံးပြုရန် ဝန်ဆောင်မှုပေးနိုင်ပြီဖြစ်ကြောင်း စီဘီဘဏ်မန်နေဂျင်းဒါရိုက်တာ ဦးဖေမြင့်က မဇ္ဈိမသို့ ပြောကြားလိုက်သည်။

အမေရိကန်အခြေစိုက် ငွေကြေးဝန်ဆောင်မှုကုမ္ပဏီများ၏ VISA နှင့် Master ငွေပေးချေကတ်များကို ယခုအခါမြန်မာနိုင်ငံတွင်းသို့ ယူဆောင်သုံးစွဲနိုင်ပြီဖြစ်သော်လည်း ယင်းအတွက် စာရင်းဖွင့်ခြင်းကို ပြည်ပနိုင်ငံများ၌သာဆောင်ရွက်နိုင်သေးသည့် အနေအထားဖြစ်ကာ ပြည်တွင်း၌ စာရင်းဖွင့်သုံးစွဲနိုင်ရန်မြန်မာနိုင်ငံအခြေစိုက် စီဘီဘဏ်က စတင်ဆောင်ရွက်နေခြင်းဖြစ်သည်။

ယင်းနှင့်စပ်လျဉ်းကာ စီဘီဘဏ်မန်နေဂျင်းဒါရိုက်တာ ဦးဖေမြင့်က “ဒီနှစ်ခုမှာ Master ငွေပေးချေကတ်ကို အရင်ဆုံးအသုံးပြုနိုင်မယ်လို့ ထင်တယ်။ ဗဟိုဘဏ်က ခွင့်ပြုချက်ရတာနဲ့ အသုံးပြုလို့ရမှာပါ။ ငွေဘယ်လောက်အထိ သုံးလို့ရမလဲဆိုတာ သူ(မြန်မာနိုင်ငံတော်ဗဟိုဘဏ်)ကပဲ စည်းမျည်းစည်းကမ်းကို သတ်မှတ်ပေးလိမ့်မယ်” ဟု ပြောသည်။

မြန်မာနိုင်ငံတွင် VISA နှင့် Master ကတ်များကို ၂၀၁၂ခုနှစ် ဧပြီလမှစတင်ကာ ပြည်တွင်းသို့ ယူဆောင်အသုံးပြုနိုင်ခဲ့ခြင်းဖြစ်ပြီး အဓိကအားဖြင့် မြန်မာနိုင်ငံသို့လာရောက်သည့် ကမ္ဘာလှည့်ခရီးသွားများနှင့်နိုင်ငံခြားသားလုပ်ငန်းရှင်များကသာ သုံးစွဲလျက်ရှိခြင်း ဖြစ်သည်။

မြန်မာနိုင်ငံငါးလုပ်ငန်းအဖွဲ့ချုပ် ဒုတိယဥက္ကဋ္ဌ ဦးနှင်းဦးက “အခုလို ကတ်တစ်ခုတည်း သုံးပြီး ငွေအများကြီးမသယ်ရတော့ အန္တရာယ်ကင်းတာပေါ့။ နိုင်ငံခြားကိုသွားရင်လည်း ငွေ အများကြီးသယ်စရာမလိုတော့ဘူး။ ဒါပေမဲ့ အမှားအယွင်းနည်းဖို့တော့လိုတယ်။ ကတ်အတုလုပ်ပြီးထုတ်တာမျိုး နည်းပညာအမှားအယွင်းနည်းဖို့တော့လိုတယ်” ဟု မှတ်ချက်ပြု ပြောကြားသည်။

အထက်ပါကဲ့သို့ VISA နှင့် Master ငွေပေး ချေကတ်များအား ပြည်တွင်း၌ပင် စာရင်းဖွင့် သုံးစွဲနိုင်ရန် ဝန်ဆောင်မှုပေးမည်ဆိုသော်လည်း အသုံးပြုနိုင်မည့်ငွေကြေးပမာဏအား သတ်မှတ်ထားခြင်းမရှိသေးဘဲ ဗဟိုဘဏ်က ဆုံးဖြတ်မည်ဖြစ်သည်။

ထိုင်းနိုင်ငံတွင် ကာလရှည်နေထိုင်ဖူးသည့် မြန်မာလူမျိုးတစ်ဦးက “VISA ကတ်က ထိုင်းမှာ အခြေခံလူတန်းစား သုံးလို့ရအောင် လုပ်ထားတာမျိုးပါ။ ဘတ် ၅၀ဝပေးပြီး ဘဏ် စာရင်းဖွင့်ထားပြီဆိုတာနဲ့ VISA ကတ်ကိုလဲ လုပ်ပေးတာပဲ။ ငွေအများဆုံးထည့်သွင်းနိုင်တဲ့ပမာဏကိုတော့ မကန့်သတ်ထားပေမယ့် ကတ်အမျိုးအစားအလိုက်ငွေထုတ်နိုင်တဲ့ ပမာဏကိုတော့ ကန့်သတ်ထားတယ်။ ဥပမာ- တစ်ရက်မှာ ဘတ် ၃၀ဝ၀ဝ ထက် ပိုမထုတ်ရ ဆိုတာမျိုးပေါ့” ဟု ပြောကြားသည်။

အဆိုပါ VISA ကတ်နှင့် Master ကတ်များသည် အဓိကအားဖြင့် စီးပွားရေးလုပ်ငန်း သုံးအတွက် ရည်ရွယ်ခြင်းမဟုတ်ဘဲ ကမ္ဘာလှည့်ခရီးသည်များနှင့် ခရီးသွားလာရာတွင် ငွေကြေးကိုင်ဆောင်သွားရန်မလိုဘဲ ရောက်ရှိရာဒေသတွင် သုံးစွဲနိုင်ရန် ရည်ရွယ်ထားသည့် ငွေကြေးဝန်ဆောင်မှု Debit (ကြိုတင်ငွေ ဖြည့်သွင်းကတ်)များဖြစ်ကြသည်။

Mizzima Burmse

မင်းသားဝီလျံဦးခေါင်းတွင် အမျိုးသားလိင်အင်္ဂါပါသည့် ရုပ်ပုံထုတ်လွှင့် မိသဖြင့် ဘီဘီစီဝန်ချတောင်းပန်

Monday, August 05, 2013
ဦးခေါင်း ပေါ်တွင် အမျိုးသားလိင်အင်္ဂါ တစ်ခု၏ပုံရေးဆွဲထားသော ဗြိတိန် မင်းသားဝီလျံ၏ ရုပ်ပုံတစ်ခုကို မတော်တဆပြသခဲ့သည့်အတွက် ဘီဘီစီက ဩဂုတ်လ၁ရက်တွင် တောင်းပန်ခဲ့သည်။

အစီအစဉ်အရ နောက်ပိုင်း တွင်ပေါ်လာမည့် ဟာသအုပ်စု တစ်ခုအတွက် ကြော်ငြာဗီဒီယို အပိုင်းတစ်ခုကို ဘီဘီစီ၏နံနက် စာရုပ်သံရှိုးအစီအစဉ်က ထုတ် လွှင့်စဉ် အဆိုပါအမှားကြီးဖြစ်ပေါ် ခဲ့ခြင်းဖြစ်သည်။ သတင်းစာတစ် စောင်ထဲတွင်ပါသော ဗြိတိန်၏ ဒုတိယမြောက်နန်းမွေနန်းလျာဝီလျံမင်းသား ၏ ရုပ်ပုံပေါ်သို့ မင် အနက်ဖြင့် မုတ်ဆိတ်မွေး၊ နှုတ် ခမ်းမွေးများ ခပ်သော့သော့ရေး ဆွဲထားသည်ကို ရုပ်သံတွင် စက္ကန့် အနည်းငယ်ပြ သခဲ့သည်။ ထို့ပြင် မျက်နှာတွင် မျက်မှန်တပ်ထား သော်လည်း သွားများပျောက်နေ သည်။ ခေါင်းတွင် အမျိုးသားလိင် အင်္ဂါတစ်ခု လည်းဆွဲထားသည်။

ထိုအခြင်းအရာကို ဘီဘီစီ အယ်ဒီတာများက လွတ်ထွက်သွား သော်လည်း ကြည့်ရှုသူတော်တော် များများက ထောက်ပြကြသည်။'အလို မင်းသားဝီလျံ ရဲ့ခေါင်း မှာ အမျိုးသားလိင်အင်္ဂါတစ်ခုပါ လား၊ တရားကိုလွန်တယ်'ဟု ကြည့် ရှုသူတစ်ဦးက တွစ်တာတွင် ရေး လိုက်၏။

လူမှုရေးအရ စိတ်အနှောင့် အယှက်ဖြစ်ရသောအမှားအတွက် ဘီဘီစီက တောင်းပန်ခဲ့သည်။ စော်ကားသည့်အရာကို ပြုလုပ်ခဲ့ ခြင်းမရှိပါကြောင်းလည်း အလေး အနက်ပြောကြားခဲ့သည်။

''ဒီဟာကို ဟာသအုပ်စုBa-rbershopera က ပေးတာပါ။ ဒါ ပေမဲ့ ဒီထဲမှာ စော်ကားသလိုဖြစ် နေတဲ့အရာ ကျွန်မတို့ရှာမတွေ့ ဘူး။ ဒီအတွက် ကျွန်မတို့တောင်း ပန်ပါတယ်''ဟု ဘီဘီစီပြောခွင့်ရ အမျိုးသမီးတစ်ဦးက ပြောကြား ခဲ့သည်။
Yangon Media Group

ဒိုက်ဦးတွင် နှစ်ရက်ဆက်တိုက် ရေနစ် သေဆုံး

ဒိုက်ဦး၊ သြဂုတ် ၄
ပဲခူးတိုင်းဒေသကြီး ဒိုက်ဦးမြို့နယ် အမှတ် (၃) ဝါဆိုရပ်ကွက်နှင့် အမှတ် (၈) ဒရယ်မီး ရပ်ကွက် တို့တွင် သြဂုတ် ၁ ရက်နှင့် ၂ ရက်နေ့တို့တွင် နှစ်ရက် ဆက်တိုက် အမျိုးသား နှစ်ဦး ရေနစ် သေဆုံးခဲ့ ကြောင်း အဆိုပါ ရပ်ကွက် နေထိုင်သူများထံမှ သိရှိရသည်။

သြဂုတ်လ ၁ ရက်နေ့၊ ညနေ ၅နာရီခွဲခန့်က အမှတ် (၈) ဒရယ်မီးရပ်ကွက် မြို့သစ်ခ ၇ လမ်းထိပ်၊ ဒရယ်မီး ချောင်းတွင် ရပ်ကွက် အုပ်ချုပ်ရေးမှူး၏ သားဖြစ်သူ အသက် ၂၄ နှစ်အရွယ် ကိုမျိုးထက် ရေဆင်းချိုးရာမှ နစ်မြုပ် ပျောက်ဆုံးခဲ့ရာ ဇူလိုင်လ ၃ ရက်နေ့တွင် သေဆုံးသူ၏ ရုပ် အလောင်း ပြန်လည် တွေ့ရှိခဲ့ကြောင်း မြို့နယ် မီးသတ်တပ်ဖွဲ့မှ အရာရှိ တစ်ဦးက ပြောကြားသည်။

အလားတူ သြဂုတ် ၂ ရက်နေ့၊ နံနက် ၉ နာရီက အမှတ် (၃) ဝါဆိုရပ်ကွက် ဖအောင်ဝဲလမ်းရှိ အနက် လေးပေ ရေမြောင်းတွင် အသက် ၄၀ အရွယ် ဦးဉာဏ်ထွန်း ပြုတ်ကျပြီး ရေနစ် သေဆုံးခဲ့ကြောင်း အဆိုပါ ရပ်ကွက်တွင်း နေထိုင်သူများက ပြောကြားသည်။

“သူ့မှာက အတက်ရောဂါ ရှိတယ်၊ မယား ညီအစ်ကို နှစ်ယောက် အရက် သွားသောက်ရင်း မြောင်း အဖြတ်မှာ ဖြစ်သွားတာ၊ ရေထဲမှာ တစ်နာရီလောက် ကြာမှ ဆယ်ပြီး ရေမြောင်းဘေးမှာ တင်ထားတာ” ဟု သေဆုံးသူ၏ ဇနီး ဒေါ်မှတ်ကြီးက ပြောကြားသည်။

မိုးကာလတွင် ဒိုက်ဦးမြို့နယ်တွင်းရှိ ချောင်းများတွင် တောင်ကျ ချောင်းရေ များ ကျလာချိန်၌ ရေဆင်းချိုးခြင်း၊ ရေကူးခြင်းများ မပြုလုပ်ရန်နှင့် တားမြစ် ကြပ်မတ်ရန် ကျေးရွာ၊ ရပ်ကွက် အုပ်ချုပ်ရေးမှူးများကို နှိုးဆော်ထားကြောင်း မြို့နယ် အုပ်ချုပ်ရေးမှူး ရုံးထံမှ သိရှိရသည်။
The Voice Weekly

လှိုင် မြစ်ကမ်းတွင် ပုပ်ပွ ကလေး အလောင်းတွေ့

ရန်ကုန်၊ သြဂုတ် ၄
ကြည့်မြင်တိုင်မြို့နယ် မကျည်းတန်း အနောက်မြောက်ရပ်ကွက်၊ ကြည့်မြင်တိုင် ငါးဈေးအနီး လှိုင်မြစ်ကမ်းတွင် သြဂုတ်လ ၃ ရက် ညနေပိုင်း၌ ပုပ်ပွနေသည့် အသက် ခုနစ်နှစ်အရွယ် ကလေး အလောင်း တစ်လောင်း တွေ့ရှိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

ပုပ်ပွနေသည့် ကလေးအလောင်းသည် မိန်းကလေး အလောင်းဖြစ်ပြီး ယင်းအလောင်းကို ရန်ကုန် အထွေထွေ ပြည်သူ့ ဆေးရုံကြီးက ပီအာရ် ၀၁၉ ဖြင့် လက်ခံထားကြောင်း ဆိပ်ကမ်းမြို့နယ် မြို့မ ရဲစခန်းထံမှ သိရှိရသည်။

“အလောင်းက လက်ချောင်းတွေက အရိုး ပေါ်နေတယ်။ ပါးစပ်ကလည်း ဟနေတယ်။ အလောင်းက တော်တော် ပုပ်ပွနေပြီ” ဟု မျက်မြင် တွေ့ရှိ သည့် ရဲအရာရှိက ပြောကြားသည်။

အဆိုပါ သေဆုံးမှုကို သေမှုသေခင်း အမှတ် ၃၆/၁၃ ဖြင့် စစ်ဆေးလျက် ရှိပြီး သေဆုံးသူ အမည်နှင့် နေရပ်ကိုမူ စုံစမ်း စစ်ဆေးနေဆဲဖြစ်ကြောင်း ဆိပ်ကမ်းမြို့နယ် မြို့မ ရဲစခန်းမှ ရဲအရာရှိ တစ်ဦးက ပြောကြားသည်။
The Voice Weekly

အာလူးပေး၍ မစီးရ

FB-Aungthan Tun

စစ်တပ်ကကြားရင်..ရယ်နေပါဦးမယ်ဗျာ...

FB-Aungthan Tun

ပေါ်တော်မူ နှစ်ဆူနှင့် မိုင်းဆတ်မြို့

ရှမ်းပြည်နယ်၊ မိုင်းဆတ်ခရိုင်၊ မိုင်းဆတ်မြို့၊ မြို့သစ်ရပ်ကွက်တွင် မြို့သန့်ရှင်းရေးဆောင်ရွက်ရာ ဘုရားစေတီဟောင်း နှစ်ဆူ ပေါ်တော်မူခဲ့ကြောင်း သိရသည်။ ဘုရာစေတီဟောင်း ပေါ်တော်မူရာသို့ ယနေ့ဩဂုတ်လ ၃ ရက်၊ မွန်းတည့် ၁၂ နာရီက မြို့နယ်သံဃနာယကအဖွဲ့ဥက္ကဋ္ဌ မဟာမြတ်မုနိ(ပရဟိတ)ကျောင်းတိုက် ဆရာတော် ဘဒ္ဒန္တတေဇောဘာသ အမှူးပြုသော ဆရာတော် သံဃာတော်များ၊ တပ်နယ်မှ ဗိုလ်မှူးကြီး အောင်ဇော်အေး၊ ခရိုင်အုပ်ချုပ်ရေးမှူး ဦးကျော်ကျော်အုန်း၊ မြို့နယ်အုပ်ချုပ်ရေးမှူး ဦးအေးနိုင်နှင့် ဌာနဆိုင်ရာများ၊ မြို့မိ မြို့ဖ ဦးစိုင်းချစ်သောင်းနှင့် မြို့နယ်စည်ပင်သာယာရေးကော်မတီအဖွဲ့ ဥက္ကဋ္ဌ ဦးစိုင်းထွန်းလွင်ဦး တို့ တက်ရောက်ကြည်ညှိသည်။

ထို့နောက် ပေါ်တော်မူခဲ့သည့် ဘုရားနှစ်ဆူအား အသစ်ပြန်လည် တည်ထားကိုးကွယ်နိုင်ရန်အတွက်
မြို့သစ်ရပ်ကွက်ရှိ ကောင်းမှုလျံကျောင်းတိုက်တွင် ညှိနှိုင်း အစည်းအဝေးကျင်းပရာ စေတီအသစ်ပြန်လည် တည်ဆောက်ရေးကော်မတီများဖြင့် ဖွဲ့စည်းပြီး တည်ထားကိုးကွယ်မည်ဖြစ်သည်။ ဘုရားစေတီ အသစ် တည်ထား ကိုးကွယ်နိုင်ရေးအတွက် အစည်းအဝေးတွင် အလှူရှင်များက အလှူငွေကျပ် (၁၂)သိန်းကျော် စတင်မတည်လှူဒါန်းခဲ့သည်။ စေတီ အသစ်ပြန်လည် တည်ထားကိုးကွယ်ရာတွင် ပါဝင်လှူဒါန်းလိုသည့် စေတနာရှင် အလှူရှင်များကလည်း တည်ထားကိုးကွယ်ရေးကော်မတီသို့ ထည့်ဝင် လှူဒါန်းနိုင်မည်ဖြစ်သည်။

အဆိုပါ ပေါ်တော်မူဘုရားစေတီ အနီးတစ်ဝိုက်ရှိ မြို့သစ်ရပ်ကွက်တွင် ၁၉၅၀ ခုနှစ်ခန့်က မြို့စားကြီး ဦးစောကော် က မြို့သစ်တည်ရန် စီစဉ်ဆောင်ရွက်ခဲ့ကြောင်း၊ တရုတ်ဖြူများ ၀င်ရောက်လာသည့်အတွက် မြို့သစ်တည်ရန် အစီအစဉ်ပျက်ခဲ့ဖူးကြောင်း၊ ယခုတွေ့ရှိသည့် စေတီဟောင်းမှာ ခေတ်အဆက်ဆက် မတွေ့ရှိခဲ့ဘဲ ယခုမှ ပေါ်တော်မူ တွေ့ရှိခြင်းသည် ပဋ္ဌာန်းဆက်ရှိ၍သာ တွေ့ရှိခဲ့ခြင်းဖြစ်ကြောင်း မြို့မိမြို့ဖ ဦးစိုင်းချစ်သောင်း က ပြောကြားကြောင်း သိရသည်။
Tachileik Online News
ဝေယံလင်းလက်(မိုင်းဆတ်)

မကဒတ ငြိမ်းချမ်းရေးကိုယ်စားလှယ်အဖွဲ့ ရောက်ရှိ

ငြိမ်းချမ်းရေးဖော်ဆောင်ရေးအဖွဲ့နှင့် တွေ့ဆုံဆွေးနွေးရန် မကဒတ( ABSDF)ဥက္ကဌ ရဲဘော် ကိုသံခဲ အပါအဝင် အဖွဲ့ဝင်(၂၄)ဦးတို့သည် ထိုင်းနိုင်ငံမှ တဆင့် မြန်မာနိုင်ငံ တာချီလိတ်မြို့သို့ ယနေ့ နေ့လည်ပိုင်းက ၀င်ရောက်လာပြီး  သြဂုတ်လ ၄ရက်နေ့ နေ့လည်ပိုင်းမှာတာချီလိတ်လေဆိပ်မှ တဆင့် ရန်ကုန်မြို့သို့ ထွက်ခွာမှာဖြစ်ပြီး ရန်ကုန်မြို့သို့ ညနေ ၆နာရီဝန်းကျင်တွင် ရောက်ရှိမှာ ဖြစ်ကြောင်း သိရှိရသည်။

(ယင်း ငြိမ်းချမ်းရေးကိုယ်စားလှယ်အဖွဲ့ မှတစ်ချို့ မှာရှစ်လေး လုံးအရေးတော်ပုံ၂၅နှစ်ပြည့်အခမ်းအနားပွဲများကျင်းပရာမြို့ များသို့ ကိုယ့်အစီအစဉ်ဖြင့်ကိုယ်အသီးသီးတက်ရောက်ကြဖို့ ရှိကြောင်းလည်းကြားသိရပါသည်။)
(photo credit-Tachileik)
Popular Journal

မန်း တံတားဦးတွင် မျက်မမြင်မိခင်အားလုပ်ကျွေးနေသူမိန်းကလေးအား မုဒိမ်းကျင့် လုယက်သတ်ဖြတ်ခဲ့သူအား သေဒဏ်ချမှတ်

ဓါတ်ပုံ google

မန္တလေး- သြဂုတ် ၄
မန္တလေးတံတားဦးတွင် မျက်မမြင်မိခင်အားလုပ်ကျွေးနေသူမိန်းကလေးအားမုဒိမ်းကျင့် လုယက်သတ်ဖြတ်ခဲ့သူအား ကျောက်ဆည်ခရိုင်တရားရုံးမှ သေဒဏ်ချမှတ်ခဲ့ကြောင်း သတင်းရရှိသည်။

ဖြစ်စဉ်မှာ အသက် ၇၀ကျော် မိခင်အား အကြော်ရောင်း ကျုံရာကျပန်းအလုပ်များဖြင့် လုပ်ကိုင်ကြွေး မွေးနေသော မစန်းစန်းဝင်း(ခ)မဂွတိုအား တရားခံ တပ်ပြေး အောင်စိုး သည် ၂၀၁၃ခုနှစ် မတ်လ ၈ရက် နေ့တွင် တံတားဦးမြို့မြင်းဝန်းသုသန်ထဲတွင် မုဒိမ်းကျင့်ကာ လူသတ်ခဲ့ပြီး အလောင်းမှ နားကပ်၊ လက်စွပ်တို့ အား ခိုးယူခဲ့ပြီး အဆိုပါတရားခံအား အဆိုပါနေ့တွင် မြို့သာမြို့အရှေ့ဘက် ရွာသစ်ကျေးရွာတွင်ဖွင့်လှစ်ထား သည့် လက်ဖက်ရည်ဆိုင်တွင် သက်သေခံပစ္စည်းနှင့်အတူ နေ့တွင်းချင်းဖမ်းမိခဲ့သည်။

၎င်းမှာ တပ်မှ ထွက်ပြေးလာသော ဒုတပ်ကြပ်ကြီးတစ်ဦးဖြစ်သောကြောင့် စစ်ဘက်ဆိုင်ရာ တရားရုံး တွင် စစ်ဆေးမည်ကို မြို့ခံများက စိုးရိမ်သောကြောင့် အရပ်ဘက် တရားရုံးတွင်သာ စစ်ဆေးလိုကြောင်း စာတန်းများ၊ သေဒဏ်ပေးစေလိုသောစာတန်းများကို ကိုင်ဆိုင်ကာ တံတားဦးရဲစခန်းရှေ့တွင် မတ်လအတွင်း က ဆန္ဒထုတ်ဖော်ခဲ့ကြသေးကြောင်းမြို့ခံတစ်ဦးကပြောသည်။

သေဆုံးသူ မစန်းစန်းမြင့်(ခ)မဂွတိုမှာ အသက်၇၀ကျော် မျက်မမြင်မိခင်အား လုပ်ကျွေးနေပြီး အတန်း ပညာကောင်းစွာမရှိခြင်း၊ စကားမပီခြင်း ခေါင်းရွက်ဈေးသည်အဖြစ် ဈေးလှည့်လည်ရောင်းချကာ ကြုံရာကျပန်းအလုပ်လုပ်ကိုင် ခြင်းတို့ကြောင့် စာနာစိတ်ဖြင့် တောင်းဆိုခဲ့ကြခြင်းဖြစ်ကြောင်း မြို့ခံတစ်ဦးကဆိုသည်။

တံတားဦးမြို့နယ်ရဲစခန်းမှ တရားခံအောင်စိုး(၂၅)နှစ်အား (ပ) ၁၄/၂၀၁၃ ပုဒ်မ ၃၉၂/၃၀၂/၃၇၆တို့ဖြင့် စွဲချက်တင်ခဲ့ပြီး ကျောက်ဆည်ခရိုင်တရားရုံးတွင် ပြစ်မှုဆိုင်ရာ အမှု ကြီးအမှတ် ၇/၂၀၁၃ ပုဒ်မ ၃၀၂/၁၁(ဂ)အရ သေဒဏ်ချမှတ်ခဲ့ခြင်းဖြစ်သည်။
ဖိုးလပြည့်
Popular Myanmar News Journal

ကျန်းမာရေး ဒေါင်ဒေါင်မြည်

ရန်ကုန်-သြဂုတ်၎
ဒေါ်အောင်ဆန်းစုကြည်၏ ကျန်းမာရေးအတွက် အသက်ဆက်ဆေးစားနေရသည်ဟု လတ်တလောထွက်ပေါ်နေသည့် သတင်းမှာ လုံးဝမဟုတ်မှန်ကြောင်း သူမ၏ကျန်းမာရေးကို အနီးကပ်စောင့်ရှောက်မှုပေးနေသော ဒေါက်တာတင်မျိုးဝင်းက ပြောသည်။
သာမန်လူများစားသုံးသည့် အားဆေးကိုသာ စားသုံးနေခြင်းဖြစ်ကြောင်း ၎င်းက ပြောသည်။

ဒေါ်အောင်ဆန်းစုကြည်၏ ကျန်းမာရေးအတွက် ဗစ်တိုးရီးယားဆေးရုံတွင် တစ်ကိုယ်လုံးစစ်ဆေးပြီးဖြစ်သလို ခန္ဓာကိုယ်အတွင်းရှိ အရေးကြီးသောအစိတ်အပိုင်းအချို့ကိုလည်း နိုင်ငံခြားပါရဂူများထံ ပေးပို့စစ်ဆေးခဲ့ရာ မည်သည့်ရောဂါမျှမရှိဟု သိရကြောင်း ၎င်းက ပြောသည်။

``ကျွန်တော့်မှာ ဆေးမှတ်တမ်းသက်သေတွေ ရှိပါတယ်။ ဒါကြောင့် နောင် ၁၀ နှစ်အထိ ကောင်းကောင်းအလုပ်လုပ်နိုင်ပါ တယ်´´ဟု ဒေါက်တာတင်မျိုးဝင်းက ပြောသည်။

၂၀၁၅ ရွေးကောက်ပွဲတွင် အနိုင်ရရှိခဲ့ပါကလည်း သမ္မတတာဝန်ကို ကောင်းကောင်းလုပ်ကိုင်နိုင်မည်ဖြစ်ကြောင်း လက်ရှိနေ ထိုင်မှု ပုံစံအတိုင်း ဆက်ရှိမည်ဆိုပါက နောင် ၁၀ နှစ်အထိ ဘာမှဖြစ်မည်မဟုတ်ကြောင်း သိရသည်။အောင်ဇော်
Popular Myanmar News Journal

မှော်ဘီချောင်းရေလျှံသဖြင့် နေအိမ်ခြံဝင်းများအတွင်းရေကြီး

ရန်ကုန်- သြဂုတ် ၄
၃.၈.၂၀၁၃ ရက်နေ့ နံနက်ပိုင်းမှစ၍ မှော်ဘီမြို့နယ်တွင် မိုးအဆက်မပြတ်ရွာသွန်းမှုကြောင့် တောင်ကျ ရေများကျခဲ့သဖြင့်
မှော်ဘီချောင်းရေလျှံကာ မှော်ဘီမြို့ (၄)ရပ်ကွက်အတွင်းရှိ ယမုံနာ A၊ ယမုံနာ B၊ ယမုံနာ C ၊ ၁၅၀၀ ကွက်၊ ၅၀၀၀ ကွက်ပိုင်းရှိ
နေအိမ်ခြံဝင်းများအတွင်း ရေများဝင်ရောက်ခဲ့ရာ ရေအမြင့်၁ ပေ ၆ လက်မခန့်ရှိခဲ့သည်။

အဆိုပါရေများဝင်ရောက်မှုကြောင့် နေအိမ်များပြောင်းရွှေ့ရခြင်း၊ ကယ်ဆယ်ရေးစခန်းဖွင့်လှစ်ရခြင်း စသည့်အခြေအနေမျိုး
မရှိသော်လည်း ရေ၀င်ရောက်သဖြင့် ချက်ပြုတ်စားသောက်ရန် အခက်အခဲရှိ သောအိမ်ထောင်စု (၂၂၄ )စု၊ လူဦးရေ ကျား (၅၀၁)ဦး၊ မ (၅၃၅)ဦး၊ စုစုပေါင်း (၁၀၃၆)ဦးတို့အား တိုင်းဒေသကြီး လွှတ်တော်ကိုယ်စားလှယ် ဦးလှဦးနှင့် မှော်ဘီမြို့ (၄)ရပ်ကွက်
အုပ်ချုပ်ရေးမှူး ဦးသိန်းဝင်းနှင့်အဖွဲ့တို့မှ နီးစပ်ရာရပ်ကွက်/ကျေးရွာ အုပ်ချုပ်ရေးမှူးများနှင့်ညှိနှိုင်း၍ လတ်တလော စားသောက်နိုင်ရန်ထမင်းထုပ်များပေးဝေခဲ့ကြောင်းYangon Policeမှသိရသည်။
Popular Myanmar News Journal

နိုင်ငံသား စိစစ်ရေးကတ် မှတ်ပုံတင်နှင့် ပုံစံ ၆၆/၆၊ ပုံစံ ၁ဝ နေ့ချင်းပြီး ဆောင်ရွက်ပေး

နေပြည်တော်  သြဂုတ်  ၄
လူဝင်မှု ကြီးကြပ် ရေးနှင့် ပြည်သူ့ အင်အား ဝန်ကြီး ဌာနသည် နိုင်ငံသား စိစစ်ရေး လက်မှတ် များကို ကျေးလက် တောရွာများ အထိ ကွင်းဆင်း ဆောင်ရွက် ပေးခဲ့ပြီး ဖြစ်သော်လည်း အကြောင်း

အမျိုးမျိုးကြောင့် မပြုလုပ်ရ သေးသူ များအား မြို့နယ် အလိုက် လူဝင်မှု ကြီးကြပ် ရေးနှင့် ပြည်သူ့ အင်အား ဦးစီး ဌာန ရုံးများတွင်  ရုံးဖွင့်ရက်တိုင်း နေ့ချင်းပြီး ဆောင်ရွက် ပေးလျက် ရှိသည်။

နေပြည်တော် ပုဗ္ဗသီရိ မြို့နယ် လူဝင်မှု ကြီးကြပ်ရေးနှင့် ပြည်သူ့ အင်အား ဦးစီး ဌာန မြို့နယ် ဦးစီးမှူး ဦးဘိုဝနှင့် ဝန်ထမ်း များက ယမန်နေ့ နံနက် ၉ နာရီမှ ညနေ ၄ နာရီ အတွင်း နိုင်ငံသား စိစစ် ရေးကတ်၊ မှတ်ပုံတင်၊ ပုံစံ ၆၆/၆ နှင့် ပုံစံ ၁ဝ ပြုလုပ်သူ ၅၅ ဦး တို့အား နေ့ချင်းပြီး ဆောင်ရွက် ပေးခဲ့ကြောင်း သိရသည်။
ရွှေကူ
မြဝတီ

ဦးလေးနှင့်တူ အရက်အတူသောက်ရာမှ လူသတ်မှုဖြစ်

တောင်ငူ၊ သြဂုတ် ၃
တောင်ငူမြို့နယ် ရှမ်းစုကျေးရွာအုပ်စု ပွတ်စုကျေးရွာဈေးဆိုင်တွင် ဇူလိုင်လ ၃၁ ရက်နေ့ နံနက် ၉ နာရီက တူဝရီးနှစ်ဦး အရကဝိုင်းတွင် စကားများ ရန်ဖြစ်ပြီး ဦးလေး ကခုံဖြင့်ရိုက်သဖြင့် တူဖြစ်သူ သေဆုံးခဲ့ကြောင်း တောင်ငူမြို့ မြို့မရဲစခန်းမှ တာဝန်ရှိသူတစ်ဦးက The Voice သို့ ပြောကြားသည်။

တူဖြစ်သူ အသက် ၂၇ နှစ်အရွယ် ကိုဖြိုးဝေဦး၏ ဆိုင်တွင် တူအပါအဝင် ဦးလေးဖြစ်သူ အသက် ၂၉ နှစ်အရွယ် ကိုကျော်သူနှင့် တစ်ရွာတည်းနေ ဦးသက်တို့ အရက်သောက်ရာမှ တူဝရီးချင်း စကားများရာမှ စတင်ဖြစ်ပွားခဲ့ကြောင်း မြို့မရဲစခန်းထံမှ သိရှိရသည်။

၎င်းတို့နှစ်ဦး စကားများရန်ဖြစ်ပြီးနောက် ဦးလေးက နေအိမ်သို့ ပြန်သွားပြီး မွန်းလွဲ ၂ နာရီတွင် ပြန်လည်ရောက်လာကာ စိန်ခေါ်နေသဖြင့် တူဖြစ်သူ ကိုဖြိုးဝေဦးက အိမ်နောက်ဖေးပေါက်မှ ထွက်သွားစဉ် ကိုကျော်သူက တူဖြစ်သူကို သစ်သားကုလားထိုင်ဖြင့် ဦးခေါင်းကို ရိုက်နှက်ခြင်း၊ လဲကျနေသည့်တူကို ခြေဖြင့်ကန်ခြင်းများကို ပြုလုပ်ခဲ့ကြောင်း ရဲစခန်းထံ တိုင်ကြားချက်အရ သိရှိရသည်။

အရိုက်ခံရသူ တူဖြစ်သူ ကိုဖြိုးဝေဦးတွင် ဦးခေါင်းချိုစောင်း ပေါက်ပြဲဖူးရောင် ဒဏ်ရာ၊ ဘယ်ဘက်မျက်လုံး ဖူးရောင်ဒဏ်ရာ များဖြင့် တောင်ငူ ပြည်သူ့ဆေးရုံကြီးသို့ တင်ပို့ခဲ့ရာ ည ၉ နာရီခန့်တွင် သေဆုံးခဲ့ကြောင်း တောင်ငူမြို့ မြို့မရဲစခန်းထံမှ သိရှိရသည်။

“ရန်ငြိုးရန်စ မရှိပါဘူး။ မူးနေလို့ ဖြစ်သွားတာ။ ဆေးရုံပေါ်ရောက်တော့လည်း အကောင်းပါပဲ။ ည ၉ နာရီလောက်မှ ဆုံးသွားတယ်” ဟု ပွတ်စုကျေးရွာနေ အသက် ၇၀ ခန့်အရွယ်ရှိ ရပ်မိရပ်ဖတစ်ဦးက ပြောကြားသည်။

အဆိုပါ သေဆုံးမှုကြောင့် ရိုက်နှက်သူ ကိုကျော်သူကို (ပ)၄၂၄/၂၀၁၃၊ ပုဒ်မ ၃၀၂ ဖြင့် အမှုဖွင့်ထားကြောင်း လတ်တလောတွင် ဦးလေးသည် ထွက်ပြေးလျက် ရှိကြောင်း တောင်ငူမြို့ မြို့မရဲစခန်းထံမှ သိရှိရသည်။
The Voice Weekly

ပါဂျဲရိုး ကားတစ်စီး ဆူးလေခုံးကျော် တံတားအောက်သို့ အရှိန်လွန် ထိုးကျ

Monday, August 05, 2013
ဆူးလေခုံးကျော်တံတားပေါ်မှ ပါဂျဲရိုး ကားတစ်စီး အရှိန်လွန် ထိုးကျမှုတစ်ခု သြဂုတ်လ ၄ ရက် နေ့လယ် ၁၁ နာရီခွဲခန့်တွင် ဖြစ်ပွားခဲ့ကြောင်း သိရှိရသည်။

ဆူးလေဘုရား လမ်းမကြီးပေါ်အတိုင်း ရန်ကုန်ဘူတာကြီးဘက်သို့ မောင်းနှင်းလာသော ပါဂျဲရိုးကားမှာ ဆူးလေရထားလမ်း ခုံးကျော်တံတားပေါ် အတက်တွင် တံတားပေါင်အား အရှိန်ဖြင့် တိုက်မိကာ အောက်ရှိရထားလမ်းပေါ်သို့ ထိုးကျခဲ့ကြောင်း မျက်မြင်တွေ့ရှိသူများ၏ ပြောကြားချက်အရ သိရသည်။

ယင်းဖြစ်စဉ်အား မျက်မြင်တွေ့ရှိသူနှင့် ယာဉ်ပေါ်ပါသူ နှစ်ဦးအား ဆေးရုံသို့ ပို့ဆောင်ပေးခဲ့သူ ကိုလှဌေးက "ကျွန်တော်က ပထမဆုံး သိလိုက်ရတာ အသံအကျယ်ကြီးနဲ့ ၀ှီးဆိုပြီးတော့ တက်လာတာတွေ့တယ်။ နောက်တော့နိုင်ငံခြားကားတွေထဲကလို ဇောက်ထိုးကြီး အောက်ကိုကျလာပြီး ကားကပက်လက်လန်သွားတယ်" ဟု ပြောသည်။

ယင်းနောက် ပက်လက်လန် အနေအထား ပါဂျဲရိုးကားအား နီးစပ်ရာ လူငါးယောက်ခန့်မှ တစ်ဖက်သို့လှန်ကာ ယာဉ်ပေါ်ပါသူ နှစ်ဦးကို ကယ်ဆယ်ခဲ့ရကြောင် ၎င်းမှဆက်လက် ပြောကြားသည်။

ကယ်ဆယ်ခဲ့ရာတွင် ယာဉ်မောင်းဘက်ခြမ်းတွင် အသက်အသက် ၂၀ အရွယ် အမျိုးသမီးတစ်ဦးနှင့် ယာဉ်မောင်းဘေးရှိ အသက် ၅၀ ခန့်အရွယ် အမျိုးသားတစ်ဦးတို့အား တွေ့ရှိခဲ့ရကြောင်း၊ အမျိုးသမီးမှာ သတိလစ်နေပြီး ဆေးရုံသို့ပို့ဆောင်နေစဉ် အချိန်အတွင်း၌ ပြန်လည်သတိရရှိခဲ့ပြီး ဒဏ်ရာအချို့ ရရှိခဲ့ကြောင်း၊ အမျိုးသားမှာ မျက်နှာနှင့် ခြေထောက်တို့တွင် ဒဏ်ရာများ ရရှိခဲ့ကြောင်း ကယ်ဆယ်မှုတွင် ပါဝင်ခဲ့သူ ရထားလမ်းဝန်ထမ်း တစ်ဦးက ပြောကြားသည်။

ပါဂျဲရိုးယာဉ် ခုံးကျော်တံတားအောက်သို့ အရှိန်လွန် ပြုတ်ကျခဲ့ခြင်း ဖြစ်သည်ဟု သုံးသပ်ထားကြောင်း ဖြစ်စဉ်အား စစ်ဆေးနေသည့် မင်္ဂလာတောင်ညွှန့်မြို့နယ်မှ ယာဉ်မှုစစ် ရဲအုပ်ဖုန်းမြင့် သြဂုတ် ၄ ရက် နေ့လယ် ၂ နာရီခန့်က ပြန်လည်ဖြေကြားခဲ့သည်။

ပြုတ်ကျသွားသည့်ယာဉ်အား အမြန်ဆုံး ကရိန်းဖြင့် မယူမှုများ ပြုလုပ်သွားမည်ဖြစ်ပြီး ဖြစ်စဉ်အတိအကျအား စုံစမ်းစစ်ဆေးနေကြောင်း ယာဉ်မှုစစ် ရဲအုပ်ဖုန်းမြင့်က ဆက်လက်ပြောကြားသည်။ ယင်းဖြစ်စဉ်အား လာရောက်ကြည့်ရှုခဲ့သူ ၂၀၀ ခန့်ရှိကြောင်း သိရသည်။
eleven media group

ငွေ ၅၀၀ အတွက် အချင်းများရာမှ လူသတ်မှုဖြစ်

4.8.2013
ပဲခူးတိုင်း (အနောက်ပိုင်း) ဒေသကြီး ရွှေတောင်မြို့နယ် မီးတောင်အုပ်စု၊ ဝါးလည်ရွာတွင် အလုပ်လုပ်ခြင်းဖြင့် ပေးဆပ်မည်ဟုဆိုကာ ချေးယူ ထားသောငွေ ၅၀၀ ကျပ်အတွက် အချင်းများရာမှ လူသတ်မှု ဖြစ်ပွားခဲ့ကြောင်း ရွှေတောင်မြို့နယ် ရဲတပ်ဖွဲ့စခန်းထံမှ စုံစမ်းသိရှိရသည်။

တူဖြစ်သူ ကိုသန်းသူမောင်ထံက ချေးယူထားသော ငွေ ၅၀၀ ကျပ်အတွက် အလုပ်လုပ်ပေးရန် ဦးဝင်းမြင့်နိုင်ကို သွားရောက်ခေါ်စဉ်တွင် ဦးဝင်းမြင့်နိုင် နေမကောင်း ဖြစ်နေခဲ့ကြောင်း၊ နောက် တစ်နေ့တွင် တူဝရီးနှစ်ယောက် အတူအရက်သောက် စကားများရာမှ ဦးဝင်းမြင့်နိုင် သေဆုံးခဲ့ပြီး သေဆုံးသူ၏ နေအိမ်ရှေ့တွင် တူဖြစ်သူက တုတ်ဖြင့် ရိုက်ခဲ့ခြင်း ဖြစ်သည်ဟု အခင်းဖြစ်ပွားရာ အနီးရှိ ရွာခံများ၏ ပြောဆိုချက်အရ သိရသည်။

ဇူလိုင်လ ၃၁ ရက်နေ့က တူဝရီးဖြစ်သူ ဦးဝင်းမြင့်နိုင်နှင့် ကိုသန်းသူမောင်တို့ အရက်အတူ သောက်ရာမှ စကားများခဲ့ပြီး ကိုသန်းသူမောင်က ဝါးတုတ်ဖြင့်တစ်ချက် ရိုက်ခဲ့ရာ ဒဏ်ရာပြင်းထန်သဖြင့် ပြည်မြို့ ပြည်သူ့ဆေးရုံကြီးကို ပို့ဆောင်ခဲ့ကြောင်း၊ အဆိုပါဒဏ်ရာဖြင့် သြဂုတ် ၁ ရက်နေ့တွင် ဦးဝင်းမြင့်နိုင် သေဆုံး သွားခဲ့ကြောင်း ရွှေတောင်မြို့နယ် ရဲတပ်ဖွဲ့စခန်းမှ တပ်ကြပ်ကြီး ဦးအောင်မြင့်ဌေးက ပြောကြားသည်။

ဦးဝင်းမြင့်နိုင် သေဆုံးမှုနှင့် ပတ်သက်၍ ပ/၁၈၄/၂၀၁၃၊ ပုဒ်မ ၃၂၅ ဖြင့် အမှုဖွင့်ခဲ့သော်လည်း လက်ရှိတွင် ပုဒ်မ ၃၀၂ ဖြင့် ပြောင်းလဲ အမှုဖွင့်ထားကြောင်း ရွှေတောင်မြို့နယ် ရဲစခန်းထံမှ စုံစမ်း သိရှိရသည်။
The Voice Weekly

စိတ်ရောဂါရှင်ဖြစ်သော်လည်း ဆေးမကုသူ ၉၅ ရာခိုင်နှုန်းရှိဟု စစ်တမ်းတစ်ခုကဆို

ရန်ကုန်- လူထုအခြေပြုစစ်တမ်းအရ လူတစ်ထောင်တွင် ငါးဦးကျော် သိသာထင်ရှားသည့် စိတ်ရောဂါဝေဒနာဖြစ်ပွားနေသော်လည်း ၉၅ ရာခိုင်နှုန်းကျော်မှာ ဆေးကုသမှုမခံယူဘဲ လူထုအတွင်းရှိနေကြောင်း စိတ်ကျန်းမာ ရေးဆေးရုံမှ သတင်းရရှိသည်။

“လူ နှစ်သိန်းကို သုတေသနလုပ်တာ လူ ၁၀၈၀ စိတ်ရောဂါ ဖြစ်နေတယ်။ ဒါပေမဲ့ ဆေးရုံရောက်တာက ၁၈ ယောက်ပဲရှိတယ်။ ကျန်တဲ့သူတွေက လူထုထဲမှာနေရင်း အကြောင်းအရာတစ်ခုခုနဲ့ ကြုံတဲ့အချိန် ပေါက်ကွဲပြီး မထိန်းနိုင်တော့မှ ဆေးရုံရောက်လာကြတယ်””ဟု ဆေးရုံအုပ်ကြီးဒေါက်တာကျော်စိုးက ပြောသည်။

ထို့ကြောင့် ပြည်သူလူထုအခြေပြု စိတ်ကျန်းမာရေးအဖြစ် ရန်ကုန်မြို့ရှိ ကျောက်တန်း၊ လှည်းကူးမြို့နယ်နှင့် ဧရာဝတီတိုင်းအတွင်းရှိ ညောင်တုန်းမြို့များတွင် အဖြစ်များသည့်စိတ်ရောဂါများအား သင်တန်းများပြုလုပ်လျက်ရှိသည်။

လူဦးရေသန်း ၆၀ ခန့်တွင် စိတ်ရောဂါခံစားနေရသူ သုံးသိန်းခန့်ရှိသည်ဟု စစ်တမ်းက ခန့်မှန်းထားပြီး ၂၀၁၂ ခုနှစ်က ပြင်ပလူနာဌာနတွင် လူနာ ၁၇၀၀၀ ကျော်သာရှိသည်။ လူထုအတွင်း၌ မိမိတွင် စိတ်ရောဂါရှိမှန်း မသိနေခြင်း၊ စိတ်ဂယောက်ခြောက်ခြား လက္ခဏာများပြသသော်လည်း စိတ်ရောဂါအဖြစ် မထင်မှတ်ခြင်း၊ ငွေကြေးအဆင်မပြေသည့်အတွက် ဆေးရုံ ရောက်မလာခြင်းများအပြင် စိတ်ကျန်းမာရေးနှင့် ပတ်သက်၍ လူထုအတွင်း ခွဲခြားဆက်ဆံမှုများကြောင့် ရောဂါရင့်ပြီး ထိန်းမရတော့သည့်အချိန်မှ ဆေးရုံရောက်လာကြကြောင်း ဆေးရုံအုပ်ကြီးကပြောသည်။

“လမ်းမှာပဲဖြစ်ဖြစ်၊ လျှောက်သွားနေပြီး စိတ်မနှံ့ဘူးဆိုတာ အရမ်းသိသာနေတဲ့လူတွေအပြင် မသိမသာနဲ့နေရင်း ကိစ္စလေးတစ်ခုလောက် ဆိုးဆိုးဝါးဝါးတုံ့ပြန်နေကြတဲ့သူတွေလည်း ရှိနေတော့ ဒီကိစ္စကို သေချာဂရုပြုပြီး လုပ်ရမယ်လို့ထင်တယ်”ဟု အငြိမ်းစားဓာတ်မှန်ဆရာဝန်တစ်ဦးက ပြောသည်။
7Day News Journal

အထုံးမဖြေနိုင်သေးသော အလုပ်အကိုင်လမ်းစများ

ယုံကြည်ချက်အပြည့်နှင့် အင်တာဗျူးဖြေဆိုလိုက်မည်ဟု အားခဲထားသည့် ကိုညီညီ (နာမည်လွှဲထားသည်) အတွက် အထင်နှင့်အမြင် တက်တက်စင် လွဲမှားသွား ခဲ့သည်။

အလုပ်လျှောက်လွှာတွင် ပူးတွဲတင်ထားသော အင်ဂျင်နီယာ ဘွဲ့လက်မှတ်နှင့် အခြား သင်တန်းလက်မှတ် များကို ကိုယ်တိုင် အားရကျေနပ် ခဲ့သော်လည်း အင်တာဗျူး မေးမြန်းသူက လုပ်ငန်းအတွေ့အကြုံ ရင့်သူကိုသာ ပိုလိုချင်ကြောင်း ပွင့်ပွင့်လင်းလင်း ဖွင့်ပြောသည့်အတွက် ခဲလေသမျှ သဲရေကျ ခံစားရသည်။

အခြေခံပညာ သင်ကြားသည့်အချိန် အပါအဝင် တက္ကသိုလ်ပညာ သင်ကြားသည့် နှစ်နှင့် ကွန်ပျူတာသင်တန်း တက်သည့်နှစ် အားလုံးပေါင်း ၂၀ နှစ်နီးပါးကို ရင်းနှီးမြှုပ်နှံ ထားသူ အသက် ၂၅ နှစ်အရွယ် ကိုညီညီ အတွက် လုပ်ငန်းခွင်က အဆင်သင့်ဆီးကြိုမှု ကို မခံခဲ့ရသည့်အပြင် ရရှိထားသော အသိအမှတ်ပြု လက်မှတ်များ လက်ဝယ်ပြု အခြား အလုပ်အသစ်များကို ထပ်မံလျှောက် ထားရန်ပင် ယုံကြည်မှု ပျောက်လာမိသည်။

ထပ်မံ၍ စိတ်ဝင်စားသော အလုပ် တစ်ခုခုရရန် "ဘာသင်တန်း ဆက်တက် ရဦးမလဲ" ဟု စိတ်ထဲတွေးရင်း ကိုညီညီ အတွက် အလုပ်မရတော့မည်ကို တဖြည်းဖြည်း ကြောက်လာသည်။
နိုင်ငံရေး ဖြေလျှော့မှုများ လုပ်ဆောင်လာသည့် ၂၀၁၀ ပြည့်နှစ် နှောင်းပိုင်းမှ စတင်ကာ နိုင်ငံတကာ စီးပွားရေး လုပ်ငန်းစုများက မြန်မာနိုင်ငံ၏ အရင်းအမြစ်များကို မျက်စိကျပြီး ဈေးကွက် လာရောက် ချဲ့ထွင်လိုချိန် ပြည်တွင်း လုပ်ငန်းရှင်များကလည်း ဝင်ရောက်လာသည့် ပြည်ပကုမ္ပဏီ တို့နှင့်အပြိုင် လုပ်သား အင်အားဖြည့်တင်း နေသောကြောင့် ဘွဲ့ရလူငယ်များအတွက် အလုပ်အကိုင် အခွင့်အလမ်းများသည် အရန်သင့် လက်ကမ်းကြိုဆိုလျက် ရှိသည်။

အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာနရှိ ရင်းနှီး မြှုပ်နှံမှုနှင့် ကုန်စည်များ ညွန်ကြားမှုဦးစီး ဌာနမှ ဇွန်လ ၃၀ ရက်နေ့ထိ ရရှိသော စာရင်းများအရ မြန်မာနိုင်ငံတွင် နိုင်ငံသား ကုမ္ပဏီ ၃၂၅၆၃ ခု၊ နိုင်ငံခြားကုမ္ပဏီ ၂၀၆၀ ခု၊ Partner ကုမ္ပဏီ ၁၀၇၂၊ Joint Venture ကုမ္ပဏီ ၆၇ နှင့် Association ကုမ္ပဏီ ၆၇ တို့ရှိကြောင်း သိရှိရသည်။
သို့သော် ကိုညီညီကဲ့သို့ လူငယ်များကို ခန့်ထားလိုသည့် ကုမ္ပဏီများ၊ လုပ်ငန်းရှင်များ မည်မျှရှိနေသနည်း။

လာမည့် ၂ နှစ်နီးပါးတွင် အလုံးအရင်း ဝင်ရောက်လာမည့် နိုင်ငံခြား ရင်းနှီးမြှုပ်နှံမှုနှင့်အတူ ဝင်ရောက်လာမည့် ပြည်ပ ကော်ပိုရေးရှင်းကြီး များတွင် မြန်မာနိုင်ငံ သားများ ရာထူးအဆင့်ဆင့် ပါဝင်လုပ်ကိုင်ရန် အတွက် အစိုးရက မူဝါဒရေးရာ နှင့် ပညာရပ်ပိုင်းဆိုင်ရာ အားနည်းချက်တို့ကို ဖြည့်တင်းပေးချိန် တန်ပြီဟု ကိုညီညီ၏ အတွေ့အကြုံက မီးမောင်း ထိုးပြနေသည်။

အငတ်မပြေသော ပြင်ပသင်တန်းများ

ငယ်စဉ်ကတည်းက တက္ကသိုလ်ဝင်တန်း အောင်လျှင် နည်းပညာတက္ကသိုလ် တက်ပြီး စက်မှုအင်ဂျင်နီယာကြီး ဖြစ်ရန် ကြိုးစားမည်ဟု ကိုညီညီတစ်ယောက် ဆုံးဖြတ်ထားသော်လည်း လက်တွေ့ အင်ဂျင်နီယာ ဘွဲ့လက်မှတ်ရရှိပြီးချိန်တွင် လုပ်ငန်းခွင်နှင့် ရင်းနှီးသော အငွေ့အသက် မရှိသည့် အတွက် ပြင်ပသင်တန်းများ၏ အကူအညီကို အားကိုးခဲ့သည်။

ယင်းကြောင့်ပင် ရန်ကုန်နှင့် မန္တလေးမြို့ ကြီးများတွင် သင်တန်းမျိုးစုံ အပြိုင်အဆိုင် ပေါ်ပေါက်လာသည်။ အလုပ်အကိုင် အခွင့်အလမ်း လွယ်ကူခြင်းနှင့် ဝင်ငွေကောင်းခြင်း တို့ကြောင့် လူငယ်အများ စုဆုံပြုံတိုးနေသော သင်တန်းများတွင် စာရင်းကိုင်သင်တန်း (LCCI/ACCA)၊ ကွန်ပျူတာ သင်တန်း၊ အင်ဂျင်နီယာ သင်တန်း၊ ဟိုတယ်နှင့် ခရီးသွားသင်တန်း အချို့နှင့် ဘာသာစကား သင်တန်းအချို့ တို့က ထိပ်ဆုံး၌ပါဝင်ခဲ့သည်။

"အခု အင်္ဂလိပ်စာသင်နေတာက အလုပ်လုပ်မယ်ဆို အကူအညီဖြစ်မယ် ထင်လို့ပါ။ ကိုယ်ရမယ့်ဘွဲ့နဲ့ စိတ်ဝင်စားတဲ့ အလုပ်က တခြားစီဆိုတော့ ကျောင်းပြီးရင် သင်တန်းတွေ ထပ်တက်ရဦးမယ်" ဟု နေ့ကျောင်းတက္ကသိုလ် တက်နေသော တတိယနှစ် ကျောင်းသားတစ်ဦးက ဆိုသည်။

ပြည်တွင်းတွင် လာရောက်ဖွင့်လှစ် နေကြသည့် သင်တန်းများတွင် နိုင်ငံတကာ အသိအမှတ်ပြု လက်မှတ်ပေးနိုင်သည့် သင်တန်းတို့ကိုသာ လူငယ်များက ပိုရွေးချယ်ကြ သည့်အတွက် အလုပ်အကိုင် လိုအပ် ချက်၊ သင်တန်း နှင့်လူဦးရေ အချိုးမျှတမှု မညီကာ အလုပ်လက်မဲ့များအဖြစ် ပြန်လည် ရောက်ရှိသွားနိုင်သည်။

သင်တန်းများ၏ အရည်အသွေးပိုင်း စစ်ဆေးချက်တွင် အစိုးရ အသိအမှတ်ပြု ထောက်ခံချက် မပါရှိသည့်အတွက် အချို့ သင်တန်းများက ထုတ်ပေးသော အသိအမှတ်ပြု လက်မှတ်များသည် လက်တွေ့ အလုပ်အကိုင်နှင့် အံဝင်မှုနည်းပါးကြသည်။
ထို့အပြင် နိုင်ငံခြား ရင်းနှီးမြှုပ်နှံမှု နည်းဥပဒေ အတည်ပြုပြီးနောက် ပြည်ပ ကုမ္ပဏီမျိုးစုံ အလုံးအရင်း ဝင်ရောက် လာပါက အလုပ်အကိုင် လစ်လပ်နေရာများ အတွက် အစိုးရ အသိအမှတ်ပြု ပုဂ္ဂလိက သင်တန်းကျောင်းများ ပိုမိုလိုအပ်သည်။

သို့သော် အလုပ်အကိုင်အကိုင် ကျွမ်းကျင်မှု ဖွံ့ဖြိုးတိုးတက်ရေး ဥပဒေကြမ်းက လွှတ်တော်တွင်းမှာသာ ရှိနေသေးသည်။ မည်သည့်အချိန်တွင် အတည်ပြုလာပြီး
အစိုးရ အသိအမှတ်ပြု သင်တန်းကျောင်းများ ဖွင့်လာနိုင်မည်ကို ကိုညီညီ အပါအဝင် ဘွဲ့ရရှိပြီးသား လူငယ်များ စောင့်ဆိုင်းရုံသာ ရှိသည်။

ပညာရေးစနစ် အားနည်းချက်

လူငယ်များအတွက် ပညာရေးနှင့် အလုပ်အကိုင် တစ်ထပ်တည်း မရှိခြင်းသည် ပညာရေး နိမ့်ပါးမှုကြောင့် ဖြစ်ကြောင်း လက်ရှိမြန်မာ့ပညာရေး ပြုပြင်ပြောင်းလဲ ရေး ဆောင်ရွက်နေသူတိုင်း ဝေဖန် ထောက်ပြထားသည်။

တက္ကသိုလ်ဝင်ခွင့် စာမေးပွဲ အဆုံးအဖြတ်နှင့် အဆင့်မြင့်ပညာ ဆက်လက် သင်ကြားရ သည့်အတွက် ဝါသနာနှင့် တက်ရောက်သည့် ဘာသာရပ်တက္ကသိုလ်များ လွဲချော်လျက်ရှိကြောင်း အသက် ၂ဝ ဝန်း ကျင် လူငယ်အများစု ထံမှ ကြားနေရသည်။

ဝါသနာနှင့်ပညာရေး လွဲချော်မှု မရှိသော်လည်း လက်တွေ့သင်ကြားရမည့် အဆင့်မြင့် ပညာရေးပိုင်းတွင် လက်တွေ့ အားနည်းသည့် အတွက် ယုံကြည်ချက် ပျောက်နေသူ ကိုညီညီက အသက်အရွယ်တူ လူငယ်ပိုင်း တို့အတွက် တစ်ဆင့်လမ်းညွှန် ပေးရန် ခက်ခဲနေပြန်သည်။

ယခင်က မြန်မာနိုင်ငံ၏ အဆင့်မြင့် ပညာရေးတွင် တက္ကသိုလ်၊ ဒေသကောလိပ် အဆင့်ဆင့် သင်ယူရသည့်အတွက် ပညာသင်ယူမှု ပြီးဆုံးပါက လုပ်ငန်းခွင်ဝင်ရန် အသင့်ဖြစ်ကြကြောင်း၊ အကြောင်း အမျိုးမျိုးကြောင့် တက္ကသိုလ်ပညာရေး မသင်လို သူများသည် အသိအမှတ်ပြု လက်မှတ်ရရှိ ရေးအတွက် ဒေသကောလိပ်များတွင် တက်ရောက်ကြကြောင်း အမေရိကန် နိုင်ငံသား မြန်မာနိုင်ငံတွင် မွေးဖွားသူ ရူပဗေဒပါမောက္ခ ဒေါက်တာဝင်းသာထွေး က ရှင်းပြသည်။
"ပညာရေး ပြောင်းမယ်ဆို လုပ်ငန်း ခွင်လက်မှတ် ပေးနိုင်တဲ့ပညာရေး စနစ်မျိုးလည်း ပြန်သွားရမယ်။ ဆိုလိုတာက ဒေသကောလိပ်တွေ ပြန်ထားပေးဖို့ပဲ" ဟု ၄င်းက ဖြည့်စွက်ပြောကြားသည်။

၂၀၁၅ ခုနှစ်တွင် အာဆီယံစီးပွားရေး အသိုက်အမြုံ (Asean Economic Community) စတင်ရန် ရှိသေးသည့် အတွက် ပြည်တွင်းရှိ လုပ်ငန်းခွင် သင်တန်းကျောင်းများသည် အစိုးရ၏ အသိအမှတ်ပြု လက်မှတ်များ သာမက အာဆီယံအဆင့် အသိအမှတ်ပြုနိုင်သော အရည်အသွေး ထောက်ခံချက်များ လိုအပ်လာသည်။

ယင်းအတွက် အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနပိုင်းက ပြင်ဆင်နေသော်လည်း ပညာရေးဝန်ကြီး ဌာနပိုင်းက တက္ကသိုလ်ပညာရေး ကိုသာ အဓိကအားပေးဆဲ ရှိသေးကြောင်း ပညာရေး အသိုင်းအဝိုင်းက ဝေဖန်ကြသည်။

"ပညာရေးနဲ့ ပတ်ဝန်းကျင်ကိုပဲ အပြစ်ပုံချလို့မရဘူး။ လူငယ်တွေ ကိုယ်တိုင် က ကိုယ်ဘာဖြစ်ချင်လဲသိမှ သင်တန်းတွေ လျှောက်မတက်ဖြစ်မှာပါ" ဟု အမျိုးသား စီမံခန့်ခွဲမှုပညာ ကောလိပ်ရှိ ဂျာနယ်လစ်ဇင် ဘွဲ့သင်တန်းတွင် ဘွဲ့လွန်သင်တန်း တက်ရောက် နေသော ကျောင်းသူတစ်ဦးက ဆိုသည်။

စီးပွားရေးဖွံ့ဖြိုးမှုနှင့် အလုပ်အကိုင်လမ်းစ

ဘွဲ့ရရှိပြီးလူငယ်များ အလုပ်အကိုင် အခွင့်အလမ်း နည်းပါးခြင်းသည် ပညာရေး စနစ်သာမက နိုင်ငံ၏စီးပွားရေး ဖွံ့ဖြိုး တိုးတက်မှုပေါ်တွင်လည်း မူတည်လျက်ရှိ ကြောင်း၊ မြန်မာနိုင်ငံတွင် လက်ရှိ လိုင်စင်ရ ရှိထားသော ကုမ္ပဏီ အရေအတွက်သည် တက္ကသိုလ်များမှ နှစ်စဉ်ဘွဲ့ရရှိပြီးသူ ဦးရေ နှင့်ယှဉ်ပါက လိုအပ်ချက်များစွာ ရှိသေးသည်။

ပညာရေးလက်မှတ် တစ်ပွေ့တစ်ပိုက် ကိုင်ဆောင်ထားသူ ကိုညီညီ၏ စိတ်ကြိုက် ရွေးချယ်ထားသော ကုမ္ပဏီက အတွေ့အကြုံ ရှိသူကို ပိုဦးစားပေးခြင်းသည် ကုမ္ပဏီ၏ မူဝါဒနှင့် အလုပ်လိုအပ်ချက် နည်းပါးမှုပေါ် တို့တွင် မူတည်ကြောင်း သာမန်လူငယ် တစ်ယောက်အနေနှင့် မတွေးတတ်ချေ။

"လက်မှတ်(Certificate)တွေက ပေါနေတာပဲ။ အဓိကလိုတာက လုပ်ငန်းခွင် နဲ့ တကယ်အံဝင်ခွင်ကျ ဖြစ်ဖို့ အရေးကြီးတယ်။ လုပ်ငန်းအတွေ့အကြုံ မရှိတဲ့အခါ ကျတော့ ကုမ္ပဏီက သင်တန်းပြန်ပေး တော့ အချိန်ပိုကုန်တယ်" ဟု KME Engineering & Trading ကုမ္ပဏီမှ လက်ထောက် အထွေထွေမန်နေဂျာ ဦးရန်အောင်က ပွင့်လင်းစွာ ပြောကြားသည်။

လက်ရှိ နိုင်ငံခြားရင်းနှီးမြှုပ်နှံဥပဒေတွင် နိုင်ငံသားကျွမ်းကျင်သူ အလုပ်သမား၊ အတတ်ပညာရှင် နှင့် ဝန်ထမ်းများ ခန့်ထားရာတွင် လုပ်ငန်းစတင်သည့်နှစ်မှ ပထမနှစ် နှစ်တွင် နိုင်ငံသားအနည်းဆုံး ၂၅ ရာခိုင်နှုန်း၊ ဒုတိယနှစ်နှစ်တွင် အနည်းဆုံး ၅၀ ရာခိုင်နှုန်းနှင့် တတိယနှစ်နှစ်တွင် အနည်းဆုံး ၇၅ ရာခိုင်နှုန်း ခန့်ထားရန် ပြဋ္ဌာန်းထားသည်။

အဆိုပါလူငယ်များ၏ အလုပ်အကိုင် လိုအပ်ချက်သည် နိုင်ငံခြား ရင်းနှီးမြှုပ်နှံမှု ကုမ္ပဏီများ ဝင်ရောက်လာပါက အတန်သင့် ပြေလည်သွားမည်ဖြစ်ကြောင်း၊ သို့သော် အာဆီယံဒေသတွင်း စီးပွားရေးအသိုက်အမြုံ အတွက်မူ လုပ်သားဈေးကွက် ယှဉ်ပြိုင်မှုများ ဖြစ်လာနိုင်ကြောင်း စီးပွားရေးလုပ်ငန်းရှင် အသိုင်းအဝိုင်းက သုံးသပ်သည်။

ထို့ကြောင့် နိုင်ငံခြား ရင်းနှီးမြုပ်နှံမှု နည်းဥပဒေတွင် ဒေသတွင်း လုပ်သား စီးဆင်းမှု နည်းပါးလာရန် နိုင်ငံသား ကျွမ်းကျင်လုပ်သားများ မွေးထုတ်ရေး စီမံချက် ဇယားကို နိုင်ငံခြားရင်းနှီးမြှုပ်နှံမှု ကော်မရှင်ရုံးသို့ နှစ်စဉ်တင်သွင်းရန် ထည့် သွင်းထားသည်။

သို့သော် ပြည်ပကုမ္ပဏီများ ဝင်ရောက်မှု နည်းပါးချိန် ပြည်တွင်းကုမ္ပဏီ စုစုပေါင်းကလည်း ၃၅,၈၂၉ သာ ရှိသေးသည့်အတွက် နှစ်စဉ် တက္ကသိုလ်အသီးသီးမှ မွေးထုတ်နေသော ဘွဲ့ရလူငယ် သောင်းချီ၏ အလုပ်အကိုင် ရရှိမှု အခက်အခဲက ပြေလည်မှု မရှိသေးချေ။

ကြိုးစဆွဲထုတ်မည့် လူငယ်များ

အထုံးမဖြေသေးသော ပြဿနာ များနှင့် ရင်ဆိုင်နေရသည့် လူငယ်များ အတွက် အလုပ်အကိုင်ရရှိရေးက ထွက်ပေါက်ဖြစ်သည်။ ထို့ကြောင့် အလုပ်ရရေး အတွက် မည်သည့်သင်တန်းမဆို တက်ရောက်ကြတော့မည်။

ယင်းသို့ သင်တန်းများ တက်ရောက် ရန် သက်ဆိုင်ရာ အစိုးရဌာနများနှင့် ပုဂ္ဂလိက ကဏ္ဍပိုင်း၏ အဖြေထုတ်ပြန်ချိန် (အလုပ်အကိုင်နှင့် ကျွမ်းကျင်မှု ဖွံ့ဖြိုးတိုးတက်ရေး ဥပဒေကြမ်း)သည် တရွေ့ရွေ့ နီးကပ်လာပြီး အလုပ်အကိုင်ရရှိရေး စောင့်ဆိုင်းနေသူ လူငယ်များအတွက် ရင်ခုန်နှုန်းက တဒိတ်ဒိတ်မြန်လာသည်။

တစ်ဖက်တွင်လည်း ပြည်တွင်း စီးပွားရေးချိန်ကိုက်ဗုံး၏ ကြိုးစ (နိုင်ငံခြားရင်းနှီးမြှုပ်နှံမှု နည်းဥပဒေ)ကို အစိုးရက အတည်ပြု မီးညှိပြီးသည့်အတွက် တက္ကသိုလ် ဘွဲ့ရလူငယ်များ ကိုယ်ပိုင်အရည်အသွေးကို ကိုယ်ကိုယ်တိုင် မြှင့်တင်ရန်သာ လိုအပ်တော့သည်။

မြန်မာနိုင်ငံတွင် အသက် ၁၅ နှစ်မှ ၂၈ နှစ်ကြား လူငယ်ထု ၄၀ ရာခိုင်နှုန်း အတွက် လေ့ကျင့် ပညာသင်ကြားပေးမှု မပြုလုပ်နိုင်ပါက လူဦးရေ ကျိန်စာအဖြစ် လွယ်လင့်တကူ ပြောင်းလဲသွားနိုင်ကြောင်း အာရှဖွံ့ဖြိုးရေးဘဏ် လက်ထောက် စီးပွားရေး ပညာရှင်ချုပ်က The Voice နှင့် တွေ့ဆုံမေးမြန်းခန်းတွင် ထောက်ပြသုံးသပ် ခဲ့ဖူးသည်။
ကြိုးအထုံးဖြေရန် ယုံကြည်မှု ပျောက်နေသောလူငယ်များ လူဦးရေကျိန်စာ မသင့်ရေး ပညာရေးနှင့် အလုပ်အကိုင် ပူးတွဲချိတ်ဆက်ရပါမည်။

ဘွဲ့ရပြီးစ ပထမဆုံးအလုပ်တွင် ကြုံတွေ့ခဲ့သော လုပ်ငန်းအတွေ့အကြုံအပေါ် ရင်ခုန်ခဲ့ဖူးသည့် ကိုညီညီသည် အင်တာဗျူး တွင် မိမိအရည်အချင်းလက်မှတ်များကို ငြင်းပယ်ခံရမှု အတွက်လည်း စိတ်ကုန်ခဲ့ရသည်။ အင်တာဗျူးခန်းက ထွက်ပြီးပြီးချင်း "ဘာအလုပ်မှ ထပ်မလုပ်တော့ဘူး" ဟု စိတ်အား လျှော့ချလိုက်သည်။
ရဲဇွန်အောင်၊ လဲ့ရည်မြင့်
The Voice Weekly

မန္တလေးတွင် သွေးလွန်တုပ်ကွေး ဖြစ်ပွားမှု မြင့်တက်

မန္တလေး၊ သြဂုတ် ၃
မန္တလေးတိုင်းဒေသကြီးတွင် သွေးလွန်တုပ်ကွေး ဖြစ်ပွားမှုမှာ ယခင်နှစ် ဇူလိုင်လထက် နှိုင်းယှဉ်ပါက ယခုနှစ် ဇူလိုင်လတွင် ပိုမိုမြင့်တက်လျက် ရှိကြောင်း မန္တလေးတိုင်းဒေသကြီး ငှက်ဖျားတိုက်ဖျက်ရေး ဆရာဝန်ကြီး ဒေါက်တာဇော်လင်းက The Voice သို့ ပြောကြားသည်။

“မနှစ်က ဇူလိုင်လမှာ ၂၂ ဦးပဲ ဖြစ်ခဲ့တာ။ ဒီနှစ် ဇူလိုင်မှာ ၂၇ ရက်နေ့တင် ၅၃၈ ဦး ရှိပြီဟု ၎င်းကဆိုသည်။

၂၀၁၂ ခုနှစ်က ၂၂၄ ဦး သွေးလွန်တုပ်ကွေး ဖြစ်ပွားခဲ့ရာတွင် တစ်ဦးသာ သေဆုံးခဲ့သော်လည်း ၂၀၁၃ ခုနှစ် ဇန်နဝါရီလမှ ဇူလိုင်လ ၂၇ ရက်နေ့အထိ ၈၉၁ ဦး ဖြစ်ပွားခဲ့ရာ ညောင်ဦးခရိုင် တွင် နှစ်ဦး၊ မြင်းခြံခရိုင်တွင်တစ်ဦး၊ ရမည်းသင်းခရိုင်တွင် တစ်ဦး၊ ပြင်ဦးလွင်ခရိုင်တွင် တစ်ဦးတို့ သေဆုံးခဲ့ကြောင်း ၎င်းကဆိုသည်။

သွေးလွန်တုပ်ကွေး ဖြစ်ပွားမှုကို ကာကွယ်နှိမ်နင်းရန်အတွက် စေတနာ့ ဝန်ထမ်းများနှင့် လူမှုရေး အဖွဲ့အစည်းများက ပိုးလောက်လမ်း ကင်းစင်ရေးနှင့် ခြင်ဆေးဖျန်းခြင်း လုပ်ငန်းများတွင် ကျန်းမာရေး ဝန်ကြီးဌာနနှင့် ပူးပေါင်းဆောင်ရွက်မှု မြှင့်တင့်ပေးရန် လိုအပ်လျက် ရှိကြောင်း ငှက်ဖျားတိုက်ဖျက်ရေး ဆရာဝန်ကြီး ဒေါက်တာဇော်လင်းက ပြောကြားသည်။

မန္တလေးတိုင်းဒေသကြီးတွင် သွေးလွန်တုပ်ကွေး ဖြစ်ပွားမှုမှာ၂၀၀၉ ခုနှစ်တွင် ၂၉၅၉ ဦး၊၂၀၁၀ ပြည့်နှစ်တွင် ၈၅၈ ဦး၊ ၂၀၁၁ ခုနှစ်တွင်၂၄၄ ဦး၊ ၂၀၁၂ ခုနှစ်တွင် ၂၂၄ ဦး ရှိကြောင်း အဆိုပါဌာန မှတ်တမ်းများအရ သိရှိသည်။
The Voice Weekly

အမေစု၊ ဦးရွှေမန်းနဲ့ ဦးခင်အောင်မြင့် တို့သုံးယောက် ရဲ့ ဒုံးယိမ်းအက

အမေစု၊ ဦးရွှေမန်းနဲ့ ဦးခင်အောင်မြင့် တို့သုံးယောက် ရဲ့ အက

ခွန်ဒီးယမ်

တစ်ခန်းမရပ် ခွေးဇာတ်လမ်း

ခြံနားနီးလေ တဝုတ်ဝုတ် ဟောင်နေသော ခွေးဟောင်သံများ ပိုကျယ်လာလေ ဖြစ်သည်။
နှာခေါင်းထဲသို့ ချဉ်စူးစူး အနံ့များလည်း တိုးဝင်လာသည်။ သစ်သား လှောင်အိမ် အကြီးစားကြီးထဲမှ အရောင်စုံ ပုံစံစုံ ခွေးများ။ ဝက်ခြံ၊ ဆိတ်ခြံများ အနီးမှ ခွေးခြံ။ သိပ်မကြာခင် အဆိုပါ လှောင်ခြံကြီး အတွင်းမှ ခွေးများ မူဆယ်မြို့သို့ ရောက်ရှိသွားတော့မည်။

အဆိုပါ ခွေးလှောင်ခြံမှာ မန္တလေးတိုင်းဒေသကြီး စဥ့်ကိုင်မြို့နယ် ပလိပ်မြို့စွန်ရှိ လူနေအိမ်များအနက် နေအိမ် တစ်အိမ်တွင် တည်ရှိသည်။ ခွေးအကောင် ၁၇၀ နီးပါး လှောင်ထားသည်။

ယင်းကဲ့သို့ ခွေးများ ဖမ်း၍ တစ်ဖက်နိုင်ငံသို့ တင်ပို့နေသည်မှာ ၁၅ နှစ်ခန့် ရှိပြီဖြစ်ကြောင်း ခွေးဖမ်း လုပ်ငန်း လုပ်ကိုင်သူ၏ မိသားစုဝင် တစ်ဦးဖြစ်သူ အသက် ၄၆ နှစ်အရွယ် အမျိုးသမီး တစ်ဦးက ဆိုသည်။

နှစ်ကာလ ကြာမြင့်ပြီ ဖြစ်သော်လည်း လူသိနည်းသော ထိုခွေး အရောင်းအဝယ်လုပ်ငန်းမှာ အိမ်မွေး ခွေးတစ်ကောင် ပျောက်၍ လိုက်ရှာရာမှ တစ်ဆင့် မီးခိုးကြွက်လျှောက် အကျယ်အကျယ် ဖြစ်လာသည်။

မန္တလေးသူ ဒေါ်စောယုအေး တစ်ယောက် ဇူလိုင်လ ၂၁ ရက်နေ့တွင် ၎င်းမွေးထားသော ဗမာခွေး အမျိုးအစား ခွေး ပျောက်သွားသည့်အတွက် လိုက်ရှာရင်း မိတ်ဆွေ တစ်ယောက်၏ အကူအညီဖြင့် ဇူလိုင်လ ၂၂ ရက်နေ့တွင် ပလိပ်ဘက်ရှိ ခွေးလှောင်ခြံ တစ်ခြံ၌ ၎င်းခွေးကို ပြန်လည် ရှာဖွေ တွေ့ရှိ ခဲ့သည်။
“အိမ်မှာ လေးကောင်၊ ဆိုင်မှာ လေးကောင်၊ အားလုံးပေါင်း ရှစ်ကောင် ရှိတယ်။ ဆိုင်မှာထားတဲ့ခွေး ပျောက်သွားတာ” ဟု သူက ဆိုသည်။

ခွေးကို တွေ့သော်လည်း ဒီအတိုင်း ပြန်ခေါ်၍ မရ။ ကျပ် သုံးထောင်နှင့် ၎င်း၏ ခွေးလေးကို ပြန်ရွေးခဲ့ ရသည်။ သူ့ခွေးနှင့်အတူ အခြား ခွေးများကိုလည်း ယင်းခွေးလှောင်ခြံတွင် တွေ့ရသည့်အတွက် စားစရိတ်၊ သယ်စရိတ် အပါအဝင် တစ်ကောင်လျှင် ကျပ် ခုနစ်ထောင်ဖြင့် ခွေး အကောင် ၆၀ ကို ပြန်ရွေး ကယ်တင်ခဲ့သည်ဟု ဒေါ်စောယုအေးက ပြောဆိုသည်။

ရွေးလာသော ခွေးများကို ပခုက္ကူခရိုင် ရေစကြိုမြို့ရှိ မေတ္တာစိမ့်စမ်း ဘေးမဲ့ခြံတွင် ထားရှိလျက်ရှိပြီး ကျန်ခွေးများကို ကယ်တင်ရန်အတွက် ရန်ကုန်မှ ခွေးချစ်သူ တစ်ဦးဖြစ်သူ မမြတ်သက်မွန်နှင့် ချိတ်ဆက်မိကာ ဇူလိုင်လ ၂၄ ရက်နေ့တွင် သတင်းစာ ရှင်းလင်းပွဲ ပြုလုပ်ခဲ့သည်။

လှောင်ထားခံရသော ခွေးများကို ကယ်တင်ရန်အတွက် ခွေးချစ်သူ မမြတ်သက်မွန် ကြိုးစားနေသည်။ ခွေးလှောင်ခြံထဲတွင် ကျွေးထားသော အစာကို ခွေးများစား မစား စူးစမ်းကြည့်နေရင်း လှောင်ချိုင့် ထဲက ခွေးများ သူနှင့်အတူ ရန်ကုန်ကို မပါမချင်း မန္တလေးမြေက မခွာဘူးဟု မမြတ်သက်မွန် က ဆိုသည်။
အဆိုပါ လှောင်ထားသည့် ခွေးများကို ရန်ကုန်တိုင်းဒေသကြီး ကျောက်တန်းမြို့တွင် ခွေးခြံ တည်ဆောက်ပြီး ကယ်တင်ထားမည်ဟု ၎င်းက အားကြိုးမာန်တက်ဖြင့် ဆိုသည်။

ခွေးလေ ခွေးလွင့်များကို အဆိပ်ချကျွေးခြင်း၊ တရုတ်နိုင်ငံသို့ ရောင်းစားခြင်းများကို လုံးဝ လက်မခံနိုင် ကြောင်း မမြတ်သက်မွန်က ပြောဆိုသည်။
“ရန်ကုန်မှာ အစ်မခြံထဲမှာ အနှိပ်စက်ခံထားရတဲ့ ခွေး၊ အဆိပ်မိထားတဲ့ခွေးတွေ စောင့်ရှောက်ထားတာ အကောင် ၅၀ လောက်ရှိတယ်။ ခွေးတွေ ဘာဖြစ်တယ်ဆိုတာ ကြားတာနဲ့ လိုက်ပြီး ကယ်တယ်။ ကာကွယ်ဆေးတွေ ထိုးပေးတာ လုပ်တယ်” ဟု ၎င်းက ဆိုသည်။

အိမ်မွေး တိရစ္ဆာန် ဖြစ်သည့်အတွက် ခွေးများကို စားသောက်ကုန်အဖြစ် ရောင်းချခြင်းကို လက်မခံနိုင် ကြောင်း၊ တရားဝင် ရောင်းချခွင့် ပေးထားသည် ဆိုသော်လည်း ခွေးများကို ညှဉ်းပန်း နှိပ်စက်ပြီး ပို့ဆောင်ခြင်းများ မဖြစ်သင့်ကြောင်း မြန်မာနိုင်ငံ တိရစ္ဆာန် ဆေးကုဆရာဝန်များ အသင်း (မန္တလေး) မှ တွဲဖက် အတွင်းရေးမှူး ဒေါက်တာကျော်ထင်က ပြောကြားသည်။

“စည်ပင်အနေနဲ့ကတော့ ကိုယ့်သဘောနဲ့ကိုယ် ခွေးလေခွေးလွင့် ရှင်းတာမျိုး မလုပ်ဘူး။ ရပ်ကွက်တွေ က တောင်းဆိုလို့ ရှင်းပေးခဲ့တာချည်းပဲ။ ခွေးလေခွေးလွင့် ရှင်းတဲ့နည်းကတော့ အမဲသားနဲ့အဆိပ်ချပြီး ကျွေးတယ်။ မနက်ကျ ကားနဲ့ လိုက်သယ်တယ်” ဟု ခွေးလေခွေးလွင့် ရှင်းလင်းပုံနှင့် ပတ်သက်ပြီး စည်ပင်၏ လုပ်ထုံးလုပ်နည်းများကို မန္တလေးစည်ပင်သာယာရေး ကော်မတီ သန့်ရှင်းရေးဌာနမှ ဌာနမှူး ဦးစိုးတင့်အောင် ဆိုသည်။

တရုတ်သို့ တင်ပို့သည့် ခွေးများမှာမူ ခွေးဖမ်းပေးရန် အကူအညီ တောင်းကြရင်းမှ စတင်သည်ဟု ဆိုရမည်။

ခွေးလေခွေးလွင့်များ ဖမ်းဆီးရန်အတွက် မန္တလေး၊ စစ်ကိုင်း၊ မိတ္ထီလာ၊ ပြင်ဦးလွင်၊ မိုးကုတ် စသည်တို့က လာရောက် အကြောင်းကြားပြီး တစ်ခါဖမ်းလျှင် အကောင် ၃၀ မှအကောင် ၅၀ ကြား ရတတ်ကြောင်း ခွေးဖမ်းပေးသည့် လုပ်ငန်း လုပ်ကိုင်သူ တစ်ဦးက ပြောကြားသည်။

“မိတ္ထီလာမြို့ကဆိုရင် လေကြောင်းနဲ့ ဆိုင်တဲ့ တပ်က ခွေး လာဖမ်းခိုင်းကြတယ်။ လေယာဉ်တွေနဲ့ ခွေးတွေနဲ့ တိုက်မိရင် လေယာဉ် ပျက်စီးမှာစိုးလို့ မကြာခဏ လာဖမ်းခိုင်းကြတယ်။ ဇီးပင်ကြီး သင်တန်းကျောင်းကိုလည်း သွားဖမ်းပေးရတယ်။ လစဉ် ပုံမှန်တော့ မရှိပါဘူး။ ခွေးတွေ များနေတယ် ဆိုရင် ခေါ်ဖမ်းခိုင်းလိုက်တာပဲ” ဟု ၎င်းက ဆိုသည်။

ဖမ်းဆီးထားသည့် ခွေးလေ ခွေးလွင့်များကို လှောင်အိမ်ထဲတွင် ကျွေးမွေး ဖမ်းဆီးထားပြီး မူဆယ်သို့ တင်ပို့ ရောင်းချမှု ရှိကြောင်း ပလိပ်မြို့တွင် ခွေးဖမ်း လုပ်ငန်းနှင့် အရောင်းအဝယ်လုပ်သူ အသက် ၄၅ နှစ်အရွယ် အမျိုးသမီးက ဆိုသည်။

ဖမ်းဆီးထားသည့် ခွေးများကို ဆန်ပြုတ်နှင့် ငါးပိ၊ အမဲရိုးများနှင့် ကျွေးမွေးပြီး စရိတ်မှာ တစ်ရက်လျှင် ကျပ်တစ်သောင်းခန့် ကုန်ကျမှု ရှိကာ သယ်ယူစရိတ်နှင့် ကျွေးမွေးစရိတ် ပေါင်းလျှင် ခွေးတစ်ကောင် လျှင် ကျပ် ၇၀၀၀ ခန့် အရင်းအနှီး ရှိကြောင်း ၎င်းက ပြောဆိုသည်။

“တချို့ဆို ကိုယ့်အိမ်မှာ ဆိုးတဲ့ ခွေးတွေ၊ ပိုနေတဲ့ ခွေးတွေ၊ ကြက်ကိုက် ဝက်ကိုက် ခွေးတွေ လာရောင်းကြတာ ရှိတယ်။ တစ်ကောင်ကို ၂၅၀၀ ကျပ်နဲ့ ဝယ်ပြီး လှောင်အိမ်ထဲ ထည့်မွေးထား တယ်” ဟု ပလိပ်မြို့မှ ခွေး အရောင်းအဝယ် လုပ်သူ အမျိုးသမီး တစ်ဦးက ဆိုသည်။

တရုတ်နိုင်ငံတွင် ခွေးသား စားသည့် အလေ့အထ ရှိသဖြင့် ပြည်တွင်းမှ ခွေးလေခွေးလွင့်များကို တင်ပို့ ရောင်းချသည့် ဈေးကွက် တစ်ခု ရှိသည့်အတွက် ခွေးဖမ်းသည့်အပြင် ဝယ်ယူနေခြင်း ဖြစ်ကြောင်း ခွေးအရောင်းအဝယ် လုပ်သူ တစ်ဦးက ပြောဆိုသည်။
“ကိုယ့်အိမ်က ခွေးတွေ ဆိုးနေတယ်၊ များနေတယ်ဆိုရင် တစ်ကောင် ဆန်တစ်ပြည်ဖိုးပဲ ရရဆိုပြီး နီးစပ်ရာ ရွာတွေက လာရောင်းကြတာ ရှိတယ်” ဟုလည်း ၎င်းက ဆိုသည်။

ပလိပ်မြို့တွင် ခွေးခြံ သုံးခုခန့် ရှိပြီး လက်ရှိ လုပ်ကိုင်နေသူမှာ တစ်ဦးတည်းသာ ရှိကြောင်း ဒေသခံများ က ပြောကြားသည်။

“ဒီအလုပ်က ပိုက်ဆံလည်းရလို့၊ တခြားလုပ်ငန်းလည်း မလုပ်တတ်လို့ ခွေးရောင်းတဲ့ အလုပ်ပဲ လုပ်တာပါ။ လွန်ခဲ့တဲ့ ၁၅ နှစ်ကတည်းက ခွေးဖမ်းတယ်၊ မူဆယ်ကို ပို့တယ်” ဟု ပလိပ်မြို့တွင် ခွေးဖမ်း လုပ်ငန်းနှင့် အရောင်းအဝယ်လုပ်သူ အမျိုးသမီးက ဆိုသည်။

တရုတ်ပြည်သို့ ရောင်းချရာတွင် ခွေးအရွယ်အစားပေါ် မူတည်ကာ တစ်ကောင်လျှင် ဈေးအများဆုံး ကျပ်နှစ်သောင်းခန့်ထိ ဈေး ရရှိကြောင်း ဈေးကွက်အတွင်းမှ သိရသည်။

မြန်မာနိုင်ငံမှ ခွေးလေ ခွေးလွင့်များနှင့် ဝယ်ယူထားသည့် ခွေးများကို မူဆယ်သို့ တရားဝင် လိုင်စင်ဖြင့် တင်ပို့ ရောင်းချမှု ရှိသည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် သက်ဆိုင်ရာဌာန ထောက်ခံချက်ပါပါက မည်သည့်တိရစ္ဆာန်မဆို ပို့ကုန်လိုင်စင် ထုတ်ပေးမှု ရှိကြောင်း ယင်းဌာနမှ တာဝန်ရှိသူ တစ်ဦးက ပြော ကြားသည်။

ယခင်က အေးခဲ အမဲသားများ တရားဝင် တင်ပို့မှု ရှိခဲ့ပြီး ခွာနာလျှာနာရောဂါကြောင့် မြန်မာနိုင်ငံမှ တရုတ်သို့ နွားတင်ပို့မှု လိုင်စင် ထုတ်ပေးမှု ရပ်ဆိုင်းခဲ့သော်လည်း နွားများ အကောင်လိုက် မူဆယ်သို့ တရားမဝင် လမ်းကြောင်းမှ တင်ပို့ ရောင်းချမှု ရှိသည်ကို တွေ့ရဆဲ ဖြစ်ကြောင်း မူဆယ်-မန္တလေး တရားမဝင် ကုန်စည်သယ်ဆောင်မှု စစ်ဆေးရေးအဖွဲ့ Mobile Team အဖွဲ့ထံမှ သိရသည်။

“တရုတ်-မြန်မာ နယ်စပ်မြို့ဖြစ်တဲ့ ရွှေလီမှာကို ခွေးသားကင် ရောင်းတာ ရှိတယ်။ အဲဒီက စားကြတယ်” ဟု ရွှေလီမြို့သို့ ရောက်ရှိခဲ့သူ သတင်းသမား ကိုမျိုးကျော်က ပြောဆိုသည်။

ယင်းသို့ တရုတ်နိုင်ငံသို့ ခွေးများ တရားဝင် တင်ပို့မှု ရှိနေသော်လည်း အခြားတစ်ဖက်တွင် ခွေးများ ယခုကဲ့သို့ တင်ပို့ မခံရရေး လုပ်ဆောင်မှုများလည်း ရှိသည်။

ခွေးများ ယင်းသို့ တင်ပို့ ရောင်းချနိုင်ခြင်း မရှိစေရန် မွေးမြူရေးနှင့် ရေလုပ်ငန်း ဝန်ကြီးဌာနသို့ ကန့်ကွက်စာ တင်ရန် အစီအစဉ်ရှိကြောင်း ခွေးချစ်သူများက ပြောကြားသည်။

“စည်ပင်ဌာနကနေ ခွေးတွေကို နယ်စပ်ပို့ပြီး ရောင်းဖို့ လူငှားပြီး ဖမ်းခိုင်းတာမျိုး မရှိဘူး။ အန္တရာယ်များ လို့ ရှင်းတာမျိုးပဲ ရှိတယ်။ အခုလို ခွေးတွေ ဖမ်းပြီး ရောင်းစားတာတွေ ရှိနေတာက နယ်စပ်စည်ပင် အုပ်ချုပ်မှုနဲ့လည်း ဆိုင်တယ်” ဟု မန္တလေး မြို့တော် စည်ပင်သာယာရေးကော်မတီ သန့်ရှင်းရေးဌာနမှ ဌာနမှူး ဦးစိုးတင့်အောင် ဆိုသည်။

အများပြည်သူများအတွက် အန္တရာယ်ရှိစေသည်ဟု ဆိုသော ခွေးလေ ခွေးလွင့်များကို ခွေးဂေဟာများ ထားရှိပြီး မွေးမြူပေးထားရန် လိုအပ်ကြောင်း ဒေါက်တာ ကျော်ထင်က ထောက်ပြ ပြောဆိုသည်။

ဒေါ်စောယုအေး၊ မမြတ်သက်မွန် အပါအဝင် ခွေးချစ်သူများ ဇူလိုင်လ ၂၄ ရက်နေ့တွင် မန္တလေး မြို့တော်၌ သတင်းစာ ရှင်းလင်းပွဲ လုပ်အပြီး အဆိုပါ ခွေးများကို လှောင်ခြံထဲထည့် မွေးမြူထားသည့် ပလိပ်ရှိ ခွေးလှောင်ခြံကို ဝင်ရောက် စစ်ဆေးမှု တစ်ခု ပေါ်ပေါက်လာခဲ့သည်။

မန္တလေးတိုင်းဒေသကြီး ပလိပ်မြို့ မြောင်းဘောင် ရပ်ကွက်နေ အိမ်ခြံဝင်းအတွင်းသို့ ဇူလိုင်လ ၂၆ ရက်နေ့ နေ့လယ် ၁၂ နာရီ ၄၅ မိနစ်အချိန်တွင် မြန်မာနိုင်ငံ ရဲတပ်ဖွဲ့ဝင်များက သတင်းအရ ဝင်ရောက် ရှာဖွေရာ လိုင်စင်မဲ့ ယာဉ်များနှင့်အတူ တရုတ်ပြည်သူ့သမ္မတနိုင်ငံသို့ တင်ပို့မည့် ခွေး ၁၇၀ကျော် သိမ်းဆည်း ရမိခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူး ရုံးထံမှ စုံစမ်း သိရှိရသည်။

ယင်းသို့ သိမ်းဆည်းရာတွင် ခွေး ၁၇၂ ကောင်၊ လိုင်စင်မဲ့ မော်တော်ယာဉ် တစ်စီး၊ လိုင်စင်မဲ့ ဆိုင်ကယ် ခုနစ်စီး၊ သစ်ပြန်စိတ်စက် တစ်လုံးတို့ကို ရှာဖွေ သိမ်းဆည်းခဲ့ကြောင်း အဆိုပါ ရုံးထံမှ သိရသည်။

ပလိပ်မြို့ မြောင်းဘောင် ရပ်ကွက်တွင် နေထိုင်သူ ခြံပိုင်ရှင် ဦးထွန်းလင်း (၄၆နှစ်) သည် ၁၉၉၈ခုနှစ်မှ စတင်ကာ ဆိုင်ရာဌာန/တပ်ဖွဲ့/စည်ပင်သာယာတို့၏ ခွင့်ပြုချက်ဖြင့် မန္တလေး၊ စစ်ကိုင်း၊ ကျောက်ဆည်၊ တံတားဦး၊ စဥ့်ကိုင်၊ မြစ်သားမြို့နယ်များမှ ခွေးလေခွေးလွင့်များကို ဖမ်းဆီးပြီး တရုတ် နိုင်ငံသို့ တင်ပို့ ရောင်းချကြောင်း အဆိုပါရုံး မှတ်တမ်းများအရ သိရှိရသည်။

ယင်းခွေးလေ ခွေးလွင့်များကို တရုတ်နိုင်ငံသို့ တင်ပို့ရာတွင် မူဆယ် ၁၀၅ မိုင် ကုန်သွယ်ရေးဂိတ် အကောက်ခွန် ဌာနတွင် ခွေး တစ်ကောင်လျှင် ၄၀၀၀ ကျပ် အခွန် ပေးဆောင်ပြီး တစ်ဖက်နိုင်ငံ ကြယ် ဂေါင်သို့ တင်ပို့ ရောင်းချရာ၌ တစ်ကောင်လျှင် တရုတ်ယွမ်ငွေ ၅၀ မှ ၈၀ ယွမ် (မြန်မာ ငွေ ၇၀၀၀ ကျပ်မှ ၁၀၀၀၀ ကျပ်ထိ) ရှိကြောင်း ယင်းဈေးကွက်အရ သိရှိရသည်။

ဦးထွန်းလင်းသည် ခြံဝင်းအတွင်းရှိ ခွေးသိုလှောင်ရုံအတွင်း ခွေး ၁၇၀ ကောင်ကို ခွင့်ပြုချက် မရှိဘဲ မွေးမြူထားသဖြင့် စဥ့်ကိုင်မြို့နယ် စည်ပင်သာယာရေးအဖွဲ့ အမှုဆောင် အရာရှိ ဦးစိုးမြင့်က တရားလို ပြုလုပ်၍ မန္တလေးတိုင်းဒေသကြီး စည်ပင်သာယာရေး အဖွဲ့များ ဥပဒေ ပုဒ်မ ၉၀ အရ လည်းကောင်း၊ စဥ့်ကိုင်မြို့နယ် သစ်တောဦးစီးဌာနက တရားမဝင် လိုင်စင်မဲ့ လွှဝိုင်း ထားရှိခြင်းကြောင့် သစ်တော ပုဒ်မ ၄၂/(ဂ)အရ လည်းကောင်း စဥ့်ကိုင်မြို့နယ် တရားရုံးသို့ တရားစွဲဆိုသွားမည် ဖြစ်ကြောင်း အဆိုပါရုံးထံမှ ဇူလိုင် ၃၁ ရက်နေ့တွင် သိရှိရသည်။

အဆိုပါ ခွေး ၁၇၀ ကောင်မှာ ယနေ့အချိန်ထိ ပလိပ်ရှိ ခွေးလှောင်ခြံအတွင်းတွင် ရှိနေသေးသည်။ ထိုခွေးများအတွက် အစားအစာနှင့် အဆောက်အအုံဆောက်ရန် ငွေကြေး အခက်အခဲများလည်း ဖြစ်နေသည်။

ခွေးချစ်သူများ အနေနှင့် ငွေကြေး လှူဒါန်းလိုပါက မမြတ်သက်မွန် (၀၉-၅၁၈၉၁၉၈) သို့ ဆက်သွယ် လှူဒါန်းနိုင်ကြောင်း ၎င်းက ပြောဆိုသည်။

ယခုလက်ရှိတွင် လှောင်ခြံထဲက ထိုခွေးများကို မမြတ်သက်မွန်က ထိန်းသိမ်း စောင့်ရှောက်ခွင့်ရရန် ကြိုးစားနေဆဲ ဖြစ်သည်။ များပြားလှစွာသော ထိုခွေးများအတွက် ရှေ့ခရီးတွင် အခက်အခဲများစွာ ရှိနေသေးသည်ဟု ဆိုရမည်။

သစ်သား ခြံစည်းရိုးကို ကုတ်ခြစ်နေသံများ၊ ဟောင်နေသံများမှာ အစာကျွေးချိန်တွင်တော့ တဒင်္ဂ ငြိမ်သွားခဲ့သည်။ ဆာလောင်နေသော ခွေးများမှာ ၎င်းတို့ကို ကျွေးသော အစားအစာများကို အငမ်းမရ စားသောက်နေကြသည်။ လုစားရန် ကြံသော ခွေးအချင်းချင်း မာန်ဖီနေသံများလည်း ကြားရသည်။ ထိုခွေးလှောင်ခြံအတွင်းမှ ခွေးများ၏ အနာဂတ်မှာမူ မသေချာ၊ အခက်အခဲများစွာ ရှိနေဦးမည်သာ ဖြစ်သည်။
(မယ်တင့်၊ ခန့်ခန့်)
The Voice Weekly

ယာဉ်တိုက်မှုဖြစ်လူတစ်ဦးသေဆုံး ယာဉ်မောင်းသမား တိမ်းရှောင်နေဆဲ

မိုးညှင်း၊ သြဂုတ် ၃။
ကချင်ပြည်နယ်၊ မိုးညှင်းမြို့ အားကစားဘောလုံးကွင်းအနီး ပြည်ထောင်စုလမ်းမကြီးနှင့် ဦးဖိုးလှိုင်လမ်းထောင့်တွင် လူသေမှုတစ်ခု ဇူလိုင် ၃၁ရက်နေ့က ဖြစ်ပွားခဲ့သည်။

ဖြစ်စဉ်မှာ ဆယ်ဘီးကား(ယာဉ်အမှတ်၉/ခ ၇၂၄၅)သည် ပြည်ထောင်စုလမ်းမကြီးအတိုင်း မန္တလေးဘက်သို့သွားရာ ဦးဖိုးလှိုင်လမ်းကြားမှ ဖြတ်တက်လာသော ဆိုင်ကယ်မှာ အရှိန်မထိန်းနိုင်ဘဲ တိုက်မိသွားခဲ့ခြင်း ဖြစ်သည်။

ဆိုင်ကယ်၏ အနောက်တွင် စီနှင်းလာသူ မိုးညှင်းမြို့အောင်သပြေ(၂)နေ မောင်တူးတူးမှာ အဝေးသို့ လွင့်စဉ်ကာမျက်နှာတွင် ဒဏ်ရာများရရှိသွားခဲ့ပြီး ဆိုင်ကယ်မောင်းနှင်လာသူ မောင်လဆန့်(ခ)၀င်းနိုင်မှမှာ သေဆုံးသွားခဲ့သည်။

ဆယ်ဘီးကား မောင်းနှင်းလာသူ သဖန်းချောင်းကျေးရွာ၊ ရေနံချောင်းမြို့မှ ကားဆရာ ကိုစိန်သောင်းထိုက် ၈/ရနခ(နိုင်)၀၈၆၁၁၇ အသက်၃၃နှစ၊် (ဘ)ဦးဇော်ဝင်းမှာ ထွက်ပြေးတိမ်းရှောင်နေကြောင်း သိရသည်။

မိုးညှင်းရဲစခန်းမှ ရဲအုပ်စိုင်းဝင်းမျိုးမှ တရားလို ပြုလုပ်၍ ယာဉ်(ပ)၄/၂၀၁၃ပြစ်မှု ပုဒ်မ/၃၀၄(က)/၃၃ရ ဖြင့် အမှုဖွင့် အရေးယူ ဆောင်ရွက်သွားမည် ဖြစ်ကြောင်း သိရသည်။
သီဟ(ကချင်)
မြန်မာ့ခေတ်

မိုးရာသီဖြစ်သော်လည်း ရွှေလီဈေးကွက်တွင် မိုးစီးဖိနပ်မျာအရောင်းဝယ် အေးလျှက်ရှိနေ

ရွှေလီ၊ ဇူလိုင် ၃
မိုးရာသီဖြစ်သော်လည်း ရွှေလီဈေးကွက်တွင် မိုးစီးဖိနပ်များ အရောင်းဝယ်အေးလျှက်ရှိနေကြောင်း သိရှိရသည်။

မြန်မာနိုင်ငံသို့ တရုတ်ဖိနပ်များ အဓိကထား တင်ပို့သော တရုတ်နိူုင်ငံ ယူနန်ပြည်နယ် ရွှေလီမြို့တွင် မြန်မာနိူင်ငံဘက်မှကုန်သည်များ အ၀င်နည်းသဖြင့် ယခုကဲ့သို့ ဈေးကွက်အေးနေခြင်းဖြစ်ကြောင်း သိရသည်။

“အဓိကဒီကနေယူကြတာရန်ကုန်ကကုန်သည်တွေများတယ်၊မန္တလေး၊ကလေ၊တမူးဘက်ကကုန်သည်တွေလည်းလာကြတယ်”ဟု
ထိုက်လီဈေးရှိ ဖိနပ်ကုန်သည်များက ပြောသည်။

ယခုအခါတွင် မိုးစီးဖိနပ်များထက် အလှစီးဖိနပ်များ ပိုမိုရောင်းချရကြောင်း သိရသည်။ ရွှေလီမြို့ဖိနပ်ဈေးမှာ ယခုကာလပေါက်ဈေးအဖြစ် ဖိနပ်တစ်ရံလျှင် တရုတ်ယွမ်ငွေ အနိမ့်ဆုံး(၆.၅)ယွမ်မှ စပြီးဖိနပ်အနေအထားလိုက် ဈေးနှုန်းမြင့်တက်သွားကြာင်း သိရသည်။ ယခုအခါတွင် တရုတ်ယွမ်ငွေဈေးနှုန်း အနည်ငယ်ပြန်ကျလာပြီး တရုတ်ငွေတစ်ယွမ်လျှင် မြန်မာကျပ်ငွေ(၁၅၇.၄)ကျပ်
နှုန်းရှိနေကြောင်း သိရသည်။

ယခုကာလသည် မိုးတွင်းကာလ ဖြစ်ခြင်းကြောင့် လမ်းပန်းဆက်သွယ်ရေး အနည်းငယ်ခက်ခဲခြင်း၊ တောင်သူများသီးနှံများ မပေါ်သေးခြင်း၊ ၀ါတွင်းကာလဖြစ်းခြင်း တို့ကြောင့် ယခုကဲ့သို့ ဖိနပ်ဈေးကွက်များ အေးနေခြင်းဖြစ်ကြောင်း ရွှေလီမြို့ ဒေသခံများထံမှ သိရသည်။
စိုင်းကံသာ(လားရှိုး)
မြန်မာ့ခေတ်

ကရင်နဲ့ မွန်ပြည်နယ်မှာ လူ ၃ သောင်းကျော် ရေးဘေးဒဏ်ကြုံနေရ

မြန်မာနိုင်ငံ အရှေ့တောင်ပိုင်း ကရင်ပြည်နယ်နဲ့ မွန်ပြည်နယ်မှာ ပြီးခဲ့တဲ့ရက်ပိုင်းက မိုးကြီးရေလျံမူတွေဖြစ်ခဲ့ရာမှာ ထောင်နဲ့ချီတဲ့ဒေသခံတွေ အိုးမဲ့အိမ်မဲ့ဖြစ်ခဲ့ပြီး ကရင်ပြည်နယ်အတွင်း လူသုံးသောင်းကျော်ကို နေအိမ်တွေကနေ ရွေ့ပြောင်းပေးခဲ့ရတယ်ပါတယ်။

ကရင်ပြည်နယ်အတွင်းရှိ ကျောင်း ၂၄၅ကျောင်းကို ပိတ်ထားပြီး မွန်ပြည်နယ်အတွင်း လူ ၅ဝဝဝ နီးပါးကို ရွေ့ပြောင်းပေးခဲ့ရတယ်လို့ အစိုးရသတင်းတွေမှာ ဖေါ်ပြပါတယ်။ ဘားအံ၊ ကြာအင်းဆိပ်ကြီး၊ လှိုင်းဘွဲ့၊ ကော့ကရိတ်၊ မြဝတီနဲ့ ကမမောင်းမြို့နယ်ခွဲဒေသခံတွေ ရေဘေးဒုက္ခကြုံတွေ့နေရပါတယ်။

ဘားအံမြို့မှာ ဒုက္ခသည်စခန်းပေါင်း ၁၁ ခုရှိပြီး ဒုက္ခသည် တစ်သောင်းကျော်လောက်ရှိနေပါတယ်။ ဒုက္ခသည်တွေကို ကျန်းမာရေးနဲ့ ကယ်ဆယ်ရေးလုပ်ငန်းတွေကို ကူညီဆောင်ရွက်ပေးနေတယ်လို့ ကရင်ပြည်နယ် ကြက်ခြေနီသူနာပြုတပ်ဖွဲ့ဦးစီးမှူး ပထမတန်းက ဦးခွန်ကျော်ဝင်းက RFAကို အခုလို ပြောပါတယ်။

“ဒုက္ခသည်စခန်းရဲ့ ကျန်းမာရေးအခြေအနေကတော့ အခုလက်ရှိအထိကတော့ ဘာမှပြဿနာမရှိဘူး၊ ကျန်းမာရေးစောင့်ရှောက်မှုကလည်း ဆေးရုံအဖွဲ့တွေ၊ မြို့နယ်ကျန်းမာရေးဦးစီးမှူးတို့၊ ပြည်နယ်ဆေးရုံက သူနာပြုတွေရော၊ ဆရာဝန်တွေရော နေ့စဉ်ပေါ့နော် စခန်းတစ်ခုကို အနည်းဆုံးနှစ်ယောက်ချထားတယ်၊ စခန်းက ရပ်ကွက်အလိုက် အုပ်ချုပ်ရေးမှူးတွေကလည်း အိမ်သာတို့ အဓိကပေါ့နော် ထုံးဖြူးတာတို့ဘာတို့ သေချာလုပ်ပေးပါတယ်၊ ရေသန့်ရရှိရေးအတွက်လည်း စည်ပင်က ဖြန့်ပေးပါတယ်”

မိုးကြီးပြီး ရေလျှံတာကြောင့် ထိုင်းမြန်မာနယ်စပ် မြဝတီမြို့မှာ အိမ်ခြေ ၂ဝဝ ကျော် ရေထဲမြောပါသွားတယ်လို့ ဒေသခံတွေကပြောပါတယ်။ မြဝတီမြို့ KNU ဆက်ဆံရေးရုံးတာဝန်ခံ စောမိုးဇက်က ခုလိုပြောပါတယ်။

"မြို့မိမြို့ဖတွေက ဒုက္ခသည်တွေကို ဝိုင်းဝန်းကူညီတဲ့ သဘောလောက်ပဲရှိပါတယ်၊ အခု NGO တွေကလည်း ကူညီမှုမရှိပါဘူး၊ ရေသန့်ရရှိမှုကလည်း မရှိပါဘူး၊ အခုတပ်မ ၂၂ တပ်မမှူးက တာဝန်ခံပြီးတော့ မြဝတီခရိုင်အုပ်ချုပ်ရေးမှူးကနေပြီးတော့ သူတို့ကစီစဉ်ဆောင်ရွက်ပေးနေပါတယ်ခင်ဗျ၊ အိမ်ခြေ ၂ဝဝ ကျော်လောက် အိုးမဲ့အိမ်မဲ့ဖြစ်သွားပါတယ်ခင်ဗျ၊ လူတွေကို ဘုန်းကြီးကျောင်းတွေ ဇရပ်တွေမှာထားပါတယ်၊ "

မြဝတီမြို့တဘက်ကမ်း ထိုင်းနိုင်ငံမဲဆောက်မြို့ဘက်က လူမူရေးအဖွဲ့တွေက မြဝတီမြို့ဘက်ကမ်းကိုကူးပြီး အကူအညီပေးနေကြတယ်လို့ မဲဆောက်မြို့ မယ်တော်ဆေးခန်းက ဒေါက်တာ စင်သီရာမောင်က ပြောပါတယ်။

"တစ်ဖက်တည်းအနေနဲ့ပေါ့နော် အလုပ်သမားအဖွဲ့လေးတွေ သွားကြတာရှိတယ်၊ ဟိုဘက်ပြည်တွင်းကလူတွေက လာဖို့လမ်းတွေ ပြိုနေတယ်ပေါ့၊ ကော့ကရိတ်၊ မြဝတီကားလမ်းက လမ်းပြိုတာရှိတော့ ပြည်တွင်းထဲက လာလို့မရသေးဘူးလို့ကြားတယ်၊ ဒီဘက်ကတော့ သူ့အစုအဖွဲ့တွေနဲ့ ထမင်းထုပ်သွားဝေပေးတာတို့ နောက်ပြီး တချို့ကယ်ဆယ်ရေးလုပ်ငန်းတွေစပြီးတော့ ဝင်သွားတာတော့ရှိပြီပေါ့၊ သို့သော်လည်း ထိထိရောက်ရောက်တော့ မသွားနိုင်သေးဘူး"

မြဝတီမြို့အတွင်း ရေလျှံနေတာတွေဟာ သြဂုတ်လ၁ရက်နေ့မှာ ပြန်ကျသွားပြီဖြစ်တာကြောင့် တပ်မတော်သားများနဲ့ ဒေသခံများ မြို့တွင်းသန့်ရှင်းရေးလုပ်ငန်းတွေကို ဆောင်ရွက်လျက်ရှိတယ်လို့ မြဝတီမြို့ခံတွေက ပြောပါတယ်။
RFA Burmese

အကြမ်းဖက်အန္တရာယ်ကြောင့် ကမ္ဘာအရပ်ရပ် အမေရိကန်သံရုံးများ တနင်္ဂနွေပိတ်မည်

ဝါရှင်တန်၊ သြဂုတ် ၂
အကြမ်းဖက် တိုက်ခိုက်မှု အန္တရာယ်ကြောင့် အရှေ့အလယ်ပိုင်းဒေသ အပါအဝင် ကမ္ဘာအရပ်ရပ်ရှိ အမေရိကန်သံရုံး အများစုကို လာမည့် တနင်္ဂနွေနေ့တွင် ပိတ်ထားမည်ဟု CNN သတင်းတွင် ဖော်ပြထားသည်။

သံတမန် အဆောက်အအုံများသာမက ပင်လယ်ရပ်ခြားဒေသရှိ အမေရိကန် အကျိုးစီးပွားများကိုလည်း ပစ်မှတ်ထား ခြိမ်းခြောက်ထားကြောင်း အမေရိကန်အစိုးရ ထိပ်တန်းအရာရှိတစ်ဦးက ပြောကြားသည်။

ခြိမ်းခြောက်မှု အန္တရာယ်မှာ ယုံကြည်ရပြီး ဖြစ်ပေါ်နိုင်ခြေများကြောင်း အဆိုပါအရာရှိက ပြောကြားသွားသည်။

ကမ္ဘာအရပ်ရပ်ရှိ အမေရိကန်သံရုံးများ တနင်္ဂနွေနေ့တွင် ပုံမှန်ပိတ်သော်လည်း မွတ်ဆလင်ကမ္ဘာတွင် တနင်္ဂနွေနေ့၌ လုပ်ငန်းများ ဆောင်ရွက်လေ့ ရှိကြောင်း BBC သတင်းတွင် ဖော်ပြထားသည်။

တနင်္ဂနွေနေ့သာမက အခြားသော ရက်များတွင်လည်း သံရုံးလုပ်ငန်းများ ရပ်ဆိုင်းထားနိုင်ကြောင်း အမေရိကန်နိုင်ငံခြားရေး ဝန်ကြီးဌာန အရာရှိတစ်ဦးက ပြောကြားသည်။

ဘာရိန်း၊ အစ္စရေး၊ ဂျော်ဒန်၊ ကူဝိတ်၊ လစ်ဗျား၊ အိုမန်၊ ကာတာ၊ ဆော်ဒီအာရေးဗီးယား၊ ယီမင်၊ အာဖဂန်နစ္စတန်နှင့် ဘင်္ဂလားဒေ့ရ်ှနိုင်ငံတို့ရှိ အမေရိကန်သံရုံးများ၊ ကောင်စစ်ဝန်ရုံးများကို တနင်္ဂနွေနေ့တွင် ပိတ်ထားမည်ဟု CBS သတင်းတွင် ဖော်ပြထားသည်။

အကြမ်းဖက်တိုက်ခိုက်မှုဖြစ်ပွားနိုင်ကြောင်း ပုံမှန်ထက်ပိုသည့် သတင်းများ ထွက်ပေါ်လာခြင်းကြောင့် အမေရိကန်သံရုံးများကို ပိတ်ရခြင်းဖြစ်ကြောင်း အရာရှိတစ်ဦးက CNN သတင်းကို ပြောကြားသည်။

လစ်ဗျားရှိ အမေရိကန်သံရုံး တိုက်ခိုက်ခံရမှု တစ်နှစ်ပြည့်ပြီးသည့် အချိန်နှင့် ရာမန်ဒီ ဘာသာရေးပွဲတော် ပြီးဆုံးခါနီး အချိန်တွင် ယခုကဲ့သို့သော ခြိမ်းခြောက်မှု ပေါ်ပေါက်လာခြင်း ဖြစ်သည်။

ထို့ကြောင့် အမေရိကန် သံတမန် အဆောက်အအုံများ၏ လုံခြုံရေးကို တိုးမြှင့်ရခြင်း ဖြစ်ကြောင်း နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီဟတ်က ပြောကြားသွားသည်။

ပြီးခဲ့သည့်နှစ်အတွင်း လစ်ဗျားနိုင်ငံ ဘင်ဂါဇီမြို့ရှိ အမေရိကန်ကောင်စစ်ဝန်ရုံး တိုက်ခိုက်ခံခဲ့ရခြင်းကြောင့် သံအမတ်ကြီး အပါအဝင် အမေရိကန် နိုင်ငံသားလေးဦး သေဆုံးခဲ့ကြောင်း CNN သတင်းတွင် ဖော်ပြထားသည်။
The Voice Weekly

သီပေါဒေသထွက် နာနတ်သီးများဒေသအတွင်း တွက်ခြေကိုက်

သီပေါ၊ သြဂုတ် ၃။ရှမ်းပြည်နယ်၊ သီးပေါဒေသထွက် နာနတ်သီးများ တရုတ်နယ်စပ်ဒေသဖြစ်သော မူဆယ်မြို့သို့ တင်ပို့ရာ ဈေးမကောင်းသောကြောင့် ဒေသအတွင်းရှိ တနိုင်တပိုင် ရောင်းချသော ဆိုင်များသို့ ဖောက်သည်ပို့ခြင်းနှင့် မန္တလေးဒေသသို့ တင်ပို့ခြင်းဖြင့်သာ တွက်ချေကိုက်ကြကြောင်း ဒေသခံများထံမှ သိရှိရသည်။

“မူဆယ်ကိုပို့တာ သုံးခေါက်ရှိပြီ။ ဒီဒေသမှရှိတဲ့ ဆိုင်တွေကို (၃၈၀)နဲ့ပိုတဲ့နာနတ်သီးကို ဟိုမှာ(၃၀၀)ပဲးပေးတာ ဒီဒေသက အလတ်သီးလို့ သတ်မှတ်တဲ့ အသီးကို မူဆယ်က တရုတ်တွေက အသေးသီ(ဂေါ်လီသီး)လို့ သတ်မှတ်ပြီးဈေးနှိမ်လို့ ဒီမှာပဲးရောင်းနေတာ”ဟု သီပေါမြို့နယ် ကုန်းသာကျေးရွာမှ ဒေသခံတစ်ဦးက ပြောသည်။

နာနတ်သီးစိုက်ပျိုးရာတွင်(၃)လပိုင်နှင့် (၄)လပိုင်းအချိန်တွင် စတင်စိုက်ပျိုပြီး နှစ်စဉ်(၅)လပိုင်းနှင့် (၆)လပိုင်းတွင် နာနတ်သီးထွက်ကြောင်း သိရသည်။

နာနတ်ပင်မှာ တစ်ခါစိုက်ပျိုးပြီးပါက(၅)နှစ်မှ(၆)နှစ်အထိ ပြန်လည်စိုက်ပျိုးစရာ မလိုဘဲ ပေါင်းပင်များသာလျှင် နိုင်အောင်လိုက်ပေးရကြောင်း၊ စိုက်းပျိုးပြီး ပထမဦးဆုံးထွက်သော အသီးမှာ သိပ်ကောင်းလေ့ မရှိဘဲ နှစ်နှစ်သား သုံးနှစ်သားမှသာလျှင် အသီးထွားပြီး ပိုမိုကောင်းမွန်ကြောင်း ဒေသခံနာနတ်သီးစိုက်သူများထံမှ သိရသည်။

“အရင်တုန်းကဘောင်တစ်လိုင်းမှာ တစ်ပင်ပဲစိုက်တာ။ အခုတော့ ဘောင်တစ်လိုင်းကို ဟိုဘက်ဒီဘက်စောင်းပြီး နှစ်ပင်စိုက်လာကြတယ်။ သီးနှံအထွက် နှစ်ဆတိုးတာပေါ့”ဟု ဒေသခံ နာနတ်စိုက်သူတစ်ဦးက ပြောသည်။

နာနတ်စိုက်ပျိုးရာသီချိန် ပထမဦးဆုံးအကြိမ် စိုက်ပျိုးပါက အပင်တစ်သောင်းအား ပျိုးခနှစ်သိန်းပေးရပြီး လုပ်အားခမှာဒေသ အခြေနေကိုလိုက်ကာ တစ်သိန်းမှ တစ်သိန်းခွဲးအထိ ပေးရကြောင်း၊ (၁၅)လခန့်ကြာလျှင် ခူးနိုင်ပြီဖြစ်ကြာင်း၊ နာနတ်ခင်းအား အမြဲမပြတ် ဂရုစိုက်ရကြောင်း၊ နာနတ်သီးစတင် ထွက်သည်နှင့် နာနတ်ကုန်သည်များမှ အခင်းပြတ်ဝယ်ယူလေ့ရှိကြောင်း သိရသည်။

လက်ရှိတွင် နာနတ်သီးပေါက်ဈေးမှာ ဒေသအတွင်းအလုံးကြီး တစ်လုံးလျှင်ကျပ်(၅၀၀)မှ (၇၀၀)၊ အလုံးလတ် တစ်လုံးလျှင်(၃၀၀)မှ (၅၀၀)ကျပ်နှုန်း၊ အလုံးသေး(ဂေါ်လီ)တစ်လုံးလျှင် ကျပ်(၂၀၀)နှုန်း ဈေးပေါက်လျှက်ရှိနေပြီး ဒေသအတွင်း အရောင်းအ၀ယ်ဖြစ်လျှက်ရှိနေကြာင်း သိရသည်။
စိုင်းကံသာ(လားရှိုး)
မြန်မာ့ခေတ်

မြန်မာ လူပွဲစားဂိုဏ်းချုပ် ဆိုသူကို ထိုင်းရဲက ဖမ်းလိုက်ပြီ

3.8.2013
ထိုင်းနိုင်ငံတောင်ပိုင်း ထရန် (Trang) ခရိုင်၊ ကတန် (Katang) မြို့နယ် လှေဆိပ်မှာ မြန်မာနိုင်ငံသားတွေကို ရေလုပ်သားတွေအဖြစ် အဓမ္မရောင်းစားနေမှု၊ သတ်ဖြတ်မှု၊ မူးယစ်ဆေးဝါး ရောင်းချမှုတွေနဲ့ လူပွဲစားဂိုဏ်းခေါင်းဆောင်အဖြစ် နှစ်နိုင်ငံ ရဲတပ်ဖွဲ့က အလိုရှိနေတဲ့သူကို ထိုင်း အထူးပူးပေါင်းရဲတပ်ဖွဲ့တွေက အရှင်ဖမ်းဆီးလိုက်တယ်လို့ သတင်းရပါတယ်။

အသက် ၄၂ နှစ် အရွယ် ကိုမျိုး (ခ) ကိုအောင်မျိုးမြင့်၊ ထိုင်းနာမည် ဖိရောင် ဆိုသူကို မြန်မာနိုင်ငံသားချင်း သတ်ဖြတ်မှု၊ မူးယစ်ဆေးဝါးရောင်းချမှု၊ အဓမ္မ ပြုကျင့်မှုတွေနဲ့ မြန်မာနိုင်ငံ လူကုန်ကူးမှု တားဆီးနှိမ်နှင်းရေး ရဲတပ်ဖွဲ့ကလည်း အရေးယူနိုင်ဖို့ အကြောင်းကြားထားပြီးတဲ့နောက် ထိုင်း အာဏာပိုင်တွေက ခုလို ဖမ်းဆီးလိုက်တာဖြစ်တယ်လို့ သိရပါတယ်။

စူရတ်ဌာနီ မြို့နယ် ရာဘာခြံတခုအတွင်း ပုန်းရှောင်ချိန်မှာ ထိုင်းနိုင်ငံ လူကုန်ကူးမှု တိုက်ဖျက်ရေး ရဲတပ်ဖွဲ့ (AHTD)၊ ထိုင်းနိုင်ငံ အထူး စုံစမ်းစစ်ဆေးရေးဌာန (DSI)၊ “ကမ္ဘာလှည့် ခရီးသွားလုပ်ငန်း လုံခြုံရေး ရဲတပ်ဖွဲ့” (Tourist Police)၊ ထောက်လှမ်းရေး ရဲတပ်ဖွဲ့နဲ့ နယ်မြေခံ စူရတ်ဌာနီ ရဲတပ်ဖွဲ့ တို့က ဝိုင်းဝန်းဖမ်းဆီးခဲ့တာလို့ ထိုင်းနိုင်ငံရောက် မြန်မာရွှေ့ပြောင်း အလုပ်သမားတွေအရေး လုပ်ဆောင်နေတဲ့ မြန်မာအစိုးရ အလုပ်သမားဝန် ကြီးဌာနမှ ညွှန်ကြားရေးမှူး ဦးနိုင်ထွန်း ကပြောပါတယ်။

“သူထွက်ပြေးနေတာကို DSI က ဖုန်းလိုင်းကနေတဆင့် ခြေရာခံပြီး လိုက်ဖမ်းတာ၊ ထိုင်းရဲ ပူးပေါင်းတပ်ဖွဲ့တွေက ဝိုင်းထားတာကို သူက သေနတ်နဲ့ပြန်ပစ်တာ၊ ဒီက ဝိုင်းပစ်တော့ တင်ပဆုံကို မှန်သွားတော့မှ ဖမ်းမိတာ၊ အခု သူ့ကို စူရတ်ဌာနီ ဆေးရုံကြီးမှာ တင်ထားတယ်” လို့ ဦးနိုင်ထွန်း က ရှင်းပြပါတယ်။

ကိုမျိုးကို ဖမ်းဆီးထားပြီးနောက် ထွက်ပြေးလွတ်မြောက်လာတဲ့ အလုပ်သမားတွေကို သူတို့ကို အတင်းအကျပ် လှေလိုက်ခိုင်းသူ အဖွဲ့က ခေါင်းဆောင် ဟုတ်မဟုတ် ခေါ်ပြတယ်လို့ သိရပြီး ထွက်ပြေးလွတ်မြောက်လာသူတွေကလည်း ဟုတ်မှန်ကြောင်း ပြောဆိုကြတယ်လို့ သူကဆက်ပြောပါတယ်။

ဒီနှစ် မတ်လဆန်းပိုင်းက ကတန် (Katang) မြို့ကထွက်တဲ့ ငါးဖမ်းလှေတွေပေါ်မှာ ရောင်းစားခံထားရတဲ့ မြန်မာနိုင်ငံသားတွေက ထိုင်းနိုင်ငံတောင်ပိုင်း အခြေစိုက် မြန်မာနိုင်ငံသားများအဖွဲ့ Myanmar Association Thailand (MAT) ကို ဖုန်းဆက်အကြောင်းကြားလာရာ MTA အဖွဲ့၊ မြန်မာအစိုးရ အလုပ်သမားဝန် ကြီးဌာနမှ ညွှန်ကြားရေးမှူး ဦးနိုင်ထွန်း၊ ထိုင်းနိုင်ငံတောင်ပိုင်း အခြေစိုက် ပညာရေးနဲ့ ဖွံ့ ဖြိုးတိုးတက်ရေး ဖောင်ဒေးရှင်း (FED)၊ ထိုင်းနိုင်ငံ အထူးစုံစမ်းစစ်ဆေးရေးဌာန (DSI)တို့ ပူးပေါင်းကယ်တင်ခဲ့ပါတယ်။

ဒီလိုကယ်တင်ခဲ့ရာကနေ လွတ်မြောက်လာတဲ့ လှေသားတွေဆီကတဆင့် လူပွဲစားဂိုဏ်းချုပ်ဆိုတဲ့ ကိုမျိုး ဆိုသူရဲ့အကြောင်းကို စုံစမ်းခဲ့ပြီး မြန်မာနိုင်ငံ လူကုန်ကူးမှု တားဆီးနှိမ်နှင်းရေး ရဲတပ်ဖွဲ့ကို တင်ပြခဲ့ရာ မြန်မာနိုင်ငံရဲတပ်ဖွဲ့ ဒုတိယ သတင်းတပ်ဖွဲ့မှူး ရဲမှူးကြီး ဝင်းနိုင်ထွန်း က ထိုင်းအာဏာပိုင်တွေနဲ့ ဧပြီလက ဆွေးနွေးခဲ့ပါတယ်။ အဲဒီနောက် ထိုင်းနိုင်ငံ DSI အဖွဲ့က အချိန်ယူလေ့လာခဲ့ပြီး ခုလိုဖမ်းဆီးခဲ့တာလို့ MTA အဖွဲ့ခေါင်းဆောင် ဦးကျော်သောင်း ကလည်း ပြောပါတယ်။

လူပွဲစား ဂိုဏ်းခေါင်းဆောင်အဖြစ်နဲ့ ဖမ်းဆီးထားတဲ့ ကိုမျိုး ဆိုသူဟာ ထိုင်း-မြန်မာ နယ်စပ်မြို့တွေနဲ့ ရန်ကုန်မြို့တို့မှာ လူပွဲစားတွေထားပြီး လူခေါ်ခိုင်းတယ်လို့ သိရပြီး ရောက်လာတဲ့ လူတွေကို မလေးရှားနဲ့ အခြားနိုင်ငံတွေရဲ့ ရေပိုင်နက်တွေမှာ ငါးခိုးဖမ်းတဲ့ လှေတွေမှာ လိုက်ခိုင်းတယ်၊ မလိုက်လိုကြောင်း ငြင်းဆန်တဲ့ လူတွေကို အခြားလူတွေရှေ့မှာပဲ သတ်ပြတယ်လို့ ကိုမျိုးအိမ်မှာ ၇ လ ထမင်းချက်အလုပ်လုပ်ခဲ့သူတဦးက ပြောပါတယ်။

“ငါးဖမ်းလှေမလိုက်ဘူးလို့ ငြင်းတဲ့လူတွေကို တခြား လူတွေရှေ့မှာပဲ သတ်ပြတယ်၊ သတ်တာတောင် ရိုးရိုးမသတ်ဘူး၊ ဗိုက်ခွဲပြီး အူတွေထုတ်၊ ဘောလ်ပင်မီးရှို့အစက်တွေချပြီး ဗိုက်ကိုပြန်ချုပ်ပေးတယ်၊ အဲဒီလူတွေ အကုန်သေတယ်၊ တချို့ဆိုရင် ကြိုးနဲ့ လည်ပင်းစွပ်ပြီး အပေါ်မှာ ချိတ်သတ်တယ်၊ နည်းမျိုးစုံနဲ့နှိပ်စက်ပြပြီး သတ်တာ၊ ကျနော့်ရှေ့မှာတင် သတ်တာ ၈ ယောက်၊ တယောက်ကတော့ သူမူးပြီးပြန်လာတုန်း သူသေနတ်ပစ်တာ တည့်မတည့် စမ်းပစ်ကြည့်ပြီး ခေါင်းမှန်ပြီးသေသွားတာ” လို့ လွတ်မြောက်လာတဲ့ ကိုစန်းထိုက်ဝင်းက ဧရာဝတီကို ပြောပါတယ်။

ကိုစန်းထိုက်ဝင်း က ၂၀၁၁ ခုနှစ်မှာ ကိုမျိုးအိမ်မှာ ရောက်ရှိခဲ့တာဖြစ်ပြီး ခေါ်တုန်းက ဆီတို့ဖူး စက်ရုံမှာ အလုပ်လုပ်ရမယ်ဆိုပြီး လိုက်လာခဲ့ကြောင်း၊ လှေထဲမလိုက်လိုကြောင်း ပြောဆိုတဲ့ အတွက် လူအများရှေ့မှာပဲ လက်နဲ့ လည်ပင်းတွေကို ဓားနဲ့ ခုတ်ခံခဲ့ရတဲ့ အတွက် နောက်ဆုံး လှေထဲလိုက်မယ်လို့ ဝန်ခံခဲ့ရတယ်လို့ ဆိုပါတယ်။ ဒဏ်ရာတွေကြောင့် ချက်ချင်း လှေထဲကို မလိုက်ရဘဲ ကိုမျိုးရဲ့အိမ်မှာ ထမင်းချက်အဖြစ်နဲ့ နေရချိန်မှာ သတ်ဖြတ်မှုတွေကိုမြင်ခဲ့ရတာလို့ ဆိုပါတယ်။

ကိုမျိုးဟာ မြင်းဆေးခေါ် စိတ်ကြွဆေးတွေကို ရောင်းချနေတာကိုလည်း တွေ့ရပြီး လှေလိုက်ရင်း ထွက်ပြေးသူတွေကို သူ့လက်ရင်း တပည့်တွေကို အပြင်မှာပဲ ပစ်သတ်ခိုင်းတယ်လို့ ဆိုပါတယ်။ နောက်ပိုင်း လှေလိုက်ဖို့ ငြင်းဆန်တဲ့ မြန်မာနိုင်ငံသားတွေကို ကိုမျိုးရဲ့ လက်ရင်းတပည့်တွေက “ဂျစ်ကန်ကန်လုပ်တဲ့ကောင်တွေ ကတန်ချောင်းထဲမှာမျှောပြီ မြေသြဇာ လုပ်ပေးထားတာ အယောက် ၂၀၀ ကျော်ပြီလို့ပြောတယ်” လို့ ကိုစန်းထိုက်ဝင်းက ပြောပါတယ်။

ကိုမျိုးကို ဖမ်းမမိခင်ရက်ပိုင်းအလိုမှာ သူ့ရဲ့ လက်ရင်းလူယုံ ၂ ဦးကို ထိုင်းရဲတပ်ဖွဲ့တွေက ဖမ်းဆီးထားပြီး လက်ကျန်အဖွဲ့တွေကိုလည်း ယနေ့ ထပ်မံဖမ်းဆီးနေတယ်လို့ ဘန်ကောက်မြို့ မြန်မာသံရုံး ညွှန်မှူးဟောင်းလည်းဖြစ်ခဲ့သူ ဦးနိုင်ထွန်း ကပြောပါတယ်။ လက်ရှိအချိန်မှာ ကိုစန်းထိုက်ဝင်းနဲ့ အခြားလွတ်မြောက်လာသူ ၁၀ ဦးကျော်ကို ကယ်ဆယ်ရေးစခန်းမှာ ထားရှိပြီး တရာရုံးက သက်သေအဖြစ် မကြာခဏ ခေါ်ယူမေးမြန်းမှုတွေ ရှိတယ်လို့ ဆိုပါတယ်။

ရဲတပ်ဖွဲ့က ဖမ်းဆီးပြီးနောက် စစ်ဆေးသိရှိချက်များအရ ကိုမျိုးဆိုသူမှာ ပဲခူးတိုင်း၊ ကဝမြို့နယ်သားဖြစ်ကြောင်း သိရပြီး အဖမ်းဆီးခံထားရတဲ့ သူရဲ့တပည့်တွေဟာလည်း ကိုမျိုးဆီမှာ လုပ်သက် ၇-၈ နှစ် ရှိပြီဖြစ်ကြောင်းနဲ့ မကြာသေးခင်က ကရင်မိန်းကလေးငယ် တဦးကို အဓမ္မပြုကျင့်ပြီး သတ်ဖြတ်မှု၊ လူသတ်မှုတွေနဲ့ လူကုန်ကူးမှုတွေကို ထိုင်းတရားရုံးမှာ ဝန်ခံထားပြီးဖြစ်ကြောင်း ဦးနိုင်ထွန်းက ပြောသည်။

ထွက်ပြေးလွတ်မြောက်လာသူတွေထဲမှာ အသက် ၁၄ နှစ်ကနေ အသက် ၃၅ နှစ်အထက်တွေအထိ ပါဝင်ကြောင်း သိရတယ်။

“ကျနော် လုပ်နေတဲ့ ၇ လ အချိန်ထဲမှာပဲ မြန်မာနိုင်ငံကနေ အလုပ်လုပ်ဖို့ သူ့ဆီရောက်လာတဲ့ လူဦးရေ ၇၀၀၊ ၈၀၀ လောက်ရှိတယ်၊ ဘယ်သူမှ ပိုက်ဆံမရကြဘူး၊ ထွက်ပြေးလဲ ကတန်ရဲစခန်းက ဖမ်းပြီး ကိုမျိုးဆီကိုပဲ ပြန်ပို့တယ်” လို့ ကိုစန်းထိုက်ဝင်းက ပြောပါတယ်။

ထိုင်းရဲတပ်ဖွဲ့က ကိုမျိုးကို ဖမ်းဆီးပြီးတဲ့နောက်မှာ သူပိုင်ဆိုင်မှုတွေကိုလည်း ပိတ်သိမ်းထားတယ်လို့ သိရပါတယ်။ လာမယ့် တနင်္လာနေ့မှာ ဒီဖြစ်စဉ်တွေနဲ့ ပတ်သက်ပြီး ထိုင်းအစိုးရက သတင်းထုတ်ပြန်မယ်လို့ ဦးနိုင်ထွန်းက ပြောပါတယ်။

ကိုမျိုးကို ဖမ်းဆီးရမိပြီးနောက် ဒေသဆိုင်ရာ တာဝန်ရှိ ရဲဝန်ထမ်းတွေကိုလည်း စီစစ်အရေးယူသွားဖို့ ရှိတယ်လို့ ထိုင်းအထူးရဲတပ်ဖွဲ့တွေဆီကတဆင့် ကြားသိခဲ့ရတယ်လို့လည်း သူက ဆက်ပြောပါတယ်။
ဧရာဝတီ