နေနေရဲ့ ဆူးစူးသူ ဗီစီဒီမှာ ညီမဖြစ်သူ ချမ်းချမ်းရဲ့ ချစ်သူက သီချင်း ၃ ပုဒ် မေတ္တာနဲ့ ရိုက်ကူးပေးခဲ့

နေနေရဲ့ စူးဆူးသူ ဗီစီဒီ အတွက် သတင်းစာရှင်းလင်းပွဲတွင် ညီမဖြစ်သူ ချမ်းချမ်း၊ ဘုဏ်းသိုက်တို့နှင့် အတူ နေနေ့ကို တွေ့ရစဉ် (ဓာတ်ပုံ – နဒီထိုက် / ဧရာဝတီ)

June 6, 2013
ဇွန် ၇ ရက်နေ့မှာ The Sun တေး ထုတ်လုပ်ရေးကနေ ဖြန့်ချိမယ့် အဆိုတော် နေနေရဲ့ စူးဆူးသူ ဗီစီဒီမှာ နေနေ့ရဲ့ ညီမဖြစ်သူ မော်ဒယ်လ် အဆိုတော် ချမ်းချမ်းက သရုပ်ဆောင်ပေးထားပြီး ချမ်းချမ်းရဲ့ချစ်သူ ဘုဏ်းသိုက်ကတော့ ဒီဗီစီဒီမှာ သီချင်း ၃ ပုဒ် လက်ဆောင် ရိုက်ကူးပေးထားတယ်လို့ သိရပါတယ်။

စူးဆူးသူ Audio ကို ၂၀၁၂ ဇန်နဝါရီမှာ ဖြန့်ချိခဲ့ပြီး နေနေရဲ့ နေနေရဲ့ ချစ်သူ တေးသံရှင် လင်းမြိုင် ကလည်း သီချင်းတပုဒ် ဝင်ရောက် သီဆိုပေးထားတာပါ။

ဗီစီဒီ ကိုတော့ သရုပ်ဆောင်များစွာ၊ ဒါရိုက်တာများစွာနဲ့ ပရိသတ်ကို ချပြတော့မှာ ဖြစ်ပါတယ်။ စူးဆူးသူ ဗီစီဒီနဲ့ ပတ်သက်ပြီး နေနေက ပရိသတ်ရဲ့ အားပေးမှုကို မျှော်လင့်နေသလို ပရိသတ်ကိုလည်း ယုံကြည်တယ်လို့ ဆိုပါတယ်။

“ကိုယ့်ရဲစိတ်က ဒီအခွေလေးကို စီဒီမှာ ပရိသတ်ရဲ့ တုန့်ပြန်မှုက နည်းနေသေးတော့ တမျိုးတော့ ခံစားရပါတယ်။ ပရိသတ်တွေကို ယုံပါတယ်။ သူတို့ကလည်း ကိုယ့်အခွေလေးကို စောင့်နေမယ်လို့ ထင်ပါတယ်။ အားပေးမှုကိုလည်း မျှော်လင့်နေပါတယ်” လို့ သူက ပြောပါတယ်။

နေနေရဲ့ စူးဆူးသူ စီဒီမှာ သီချင်း ၁၂ ပုဒ်ပါဝင်ပြီးတေးရေး ရွှေဂျော်ဂျော်၊ အငဲ၊ ဟဲလေး၊ သြရသ၊ နေထိုက်စိုး၊ ကနဲ၊ လင်းမြိုင်၊ နေနေ၊ ဒီထက်တို့က ရေးဖွဲ့ပေးခဲ့တဲ့ တေးသီချင်းတွေထဲမှာ စူးဆူးသူ၊ နိဂုံး ဆိုတဲ့ တေးသီချင်းတွေကို ပရိသတ်တွေ နှစ်သက်ခဲ့ကြပါတယ်။ အခု တနှစ်ကျော်အကြာမှာ ထွက်ရှိလာတော့မယ့် နေနေရဲ့ ဗီစီဒီမှာတော့ ဒါရိုက်တာ သုံးပေါင်၊ ပီတာ၊ ဘုဏ်းသိုက်၊ ကိုရိုး၊ ကိုအောင်၊ အယ်ကြီးတို့က ရိုက်ကူး ပုံဖော်ပေးထားပါတယ်။

တေးသံရှင်နေနေက သူရဲ့ စီးရီးနဲ့ ပတ်သက်ပြီး “ဒီဆူးစူးသူနဲ့ ပတ်သတ်ပြီး အခက်အခဲကတော့ ညီမဒီကြားထဲမှာ ကြာသွားတာက နယ်တွေမှာ ရှိုးဆိုတယ်ပေါ့၊ ရိုက်တာက နည်းနည်း ကြာသွားတာပေါ့။ အမှတ်တရတွေ ဆိုရင် အများကြီးပဲ ကိုယ်တိုင်ကိုက ရိုက်ကူးရေး လုပ်တာပါ။ ကလောမှာကတော့ ကျမ မပါဘူး။ ချမ်းချမ်းနဲ့ ဘုဏ်းသိုက်နဲ့ ခရီးထွက်တုန်းက ရိုက်ထားတာ လေးပါ။ တခြားသီချင်းတွေကို ရန်ကုန်မှာပဲ ရိုက်ပါတယ်” လို့ ရှင်းပြပါတယ်။

ဆူးစူးသူ ဗီစီဒီမှာ သရုပ်ဆောင် အဖြစ် နေနေကိုယ်တိုင် ပါဝင်ထားပြီး သရုပ်ဆောင် အရိုင်း၊ ဆန်းထွဋ်၊ ဘုဏ်းသိုက်၊ ရဲသီဟကို၊ မြတ်သူကျော်၊ စည်သူအောင်၊ ဇွဲနောင်၊ ဥက္ကာမင်းသာ၊ အုပ်စိုး၊ လင်းမြိုင်၊ ချမ်းချမ်း၊ ပိုးဒါလီ၊ ဝင့်ယမုံလှိုင်၊ အိမ့်ဖူး၊ ဆုလာဘ်ရွှေစင်၊ ကယ်ရိုလ်လိုင်း၊ နွေဦးကို၊ မီးလေးစတဲ့ သရုပ်ဆောင်တွေကလည်း အားဖြည့် ထားကြပါတယ်။

နေနေရဲ့ ဗီစီဒီမှာ ပါဝင်ထားတဲ့ ချမ်းချမ်းက “နေနေရဲ့ နိဂုံးဆိုတဲ့သီချင်းမှာ သရုပ်ဆောင် ထားပါတယ်။ သီချင်းတော့ တွဲ မဆိုထားပါဘူး။ ညီမ ကလောရောက်တုန်းလေး အဲဒီ သီချင်းလေးလည်း ကြိုက်တာနဲ့  ရိုက်ဖြစ်ခဲ့တာပါ။ ဘုဏ်းသိုက်က ရိုက်ပေးထားပါတယ်။ မနေနေရဲ့ စီးရီးနဲ့ ပတ်သတ်ပြီးတော့ ပရိသတ်တွေလည်း စိတ်တိုင်းကျမယ် ထင်ပါတယ်။ သူနဲ့လိုက်မယ့် သီချင်းတွေပဲ သူ စုစည်းထားတာပါ။ သူ့အသံနဲ့ လိုက်ဖက်တယ် ညီမ ကိုယ်တိုင်လည်း ကြိုက်တယ်၊ ပရိသတ် ကြိုက်မှာပါ။ အားပေးစောင့်မျှော်နေတဲ့ ပရိသတ်တွေကို နေနေ အတွက်ရော၊ နေနေ ရိုက်ထားတဲ့ ဗီစီဒီလေးရော ကြိ်ုးစားထားပါတယ်။ အားပေးကြပါလို့ ပြောချင်ပါတယ်” လို့ ချမ်းချမ်းက သူ့ရဲ့ အစ်မ နေနေအတွက် အားပေးစကား ပြောပေးပါတယ်။

ပါဝင် သရုပ်ဆောင်ထားကြတဲ့ သရုပ်ဆောင်များစွာထဲက MRTV 4 မင်းသမီး အဖြစ် ပရိသတ် သိပြီးသား သရုပ်ဆောင် ဝင်းယမုံလှိုင်ကလည်း “နေနေရဲ့ ဆူးစူးသူ ဗီစီဒီမှာ ကျမက ဘာကြောင့်များမင်း ဆိုတဲ့ သီချင်းကို သရုပ်ဆောင် ထားပါတယ်။ကျမ သရုပ်ဆောင်တာ အဆွေးသီချင်းပါ။ အဲဒီသီချင်းမှာ ချစ်သူနှစ်ယောက်က တယောက်နဲ့ တယောက် ချစ်ရဲ့သားနဲ့  နားလည်မှု တခုကြောင့် ဝေးသွားတဲ့ပုံစံမျိုး။ အစကတော့ ချစ်သူတွေဖြစ်ပြီး နောက်ပိုင်း ခွဲသွားတဲ့ ပုံစံမျိုး သရုပ်ဆောင် ထားတာပါ။ နေနေရဲ့ စီးရီးမှာ ပါဝင်သရုပ်ဆောင် ရတဲ့အတွက် အရမ်းပျော်တယ်၊ ဘာလို့လဲ ဆိုတော့ အပြင်မှာ မနေနေရဲ့ ပရိသတ် တယောက်ပါပဲ။ တခွေလုံး ကြိုက်တယ်။ ဆူးစူးသူဆိုတဲ့ သီချင်းက အကြိုက်ဆုံးပါ။ မနေနေ ဗီစီဒီမှာ သရုပ်ဆောင်ခွင့် ရတဲ့အတွက် အရမ်းဝမ်းသာတယ်” လို့ ပြောပြပါတယ်။

တေးသံရှင် နေနေက ၂၀၀၆ ခုနစ် မယ်လိုဒီဝေါလ် အဖွင့်သီချင်းနဲ့ ဂီတလောကထဲ စ၀င်ခဲ့ပြီး လမ်းဆုံ အတွဲစီးရီး၊ ရွှေရောင် နေ့ရက်များ အတွဲစီးရီး၊ City FM နှစ်ပတ်လည် စီးရီးတွေမှာလည်း ပါဝင်သီဆိုခဲ့သူ ဖြစ်ပါတယ်။
နဒီထိုက်
ဧရာဝတီ

ရန်ကုန်-နေပြည်တော် အမြန်လမ်း၌ ယာဉ်နှစ်စီးတိုက်၍ နိုင်ငံခြားသားနှစ်ဦးအပါအ၀င် လေးဦး သေဆုံး

ယနေ့ မွန်းလွဲ ၃ နာရီ ခွဲခန့်က ရန်ကုန် -နေပြည်တော် အမြန်လမ်း မိုင်တိုင် ၁၈၀ ၊၅ဖာလုံတွင် နိုင်ငံခြားသားမောင်းနှင်လာသောမော်တော်ယာဉ်မှာ ၎င်း ရှေ့ရှိ အမျိုးသမီးတစ်ဦးမောင်းနှင်လာသော အိမ်စီးယာဉ်ငယ်အားကျော်တတ်စဉ် တိုက်မိကာ ယာဉ်နှစ်စီးလုံးတိမ်းမှောက်ခဲ့သည်။

ထိုယာဉ်တိမ်းမှောက်မှုကြောင့် ယာဉ်မောင်းဆွစ်ဇာလန်နိုင်ငံသားနှင့် ၎င်းကားတွင်ပါ နိုင်ငံခြားသားတစ်ဦး၊ေ၇ှ့ကားမှ ယာဉ်မောင်းအမျိုးသမီးနှင့် ယင်းကားတွင်းပါ အခြားအမျိုးသမီးတစ်ဦးတို့ နေရာ၌သေဆုံးခဲ့ပြီး ထိုယာဉ်နှစ်စီးပေါ်ပါ အခြားခရီးသည် လေးဦးခန့် ထိခိုက်ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာနမှ သတင်းရ၇ှိသည်။
သူရထွန်း
Popular Myanmar News Journal

ကားပွဲစားခရရှိသည့်ငွေများထဲမှ ၅၀၀၀ ကျပ်တန်ငွေစက္ကူအတုများတွေ့ရှိ

နေပြည်တော်၊ ဇွန် ၆
ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက်နေ ဦးခင်မောင်မြင့်(၅၇)နှစ်သည် ကမာရွတ်မြို့နယ်၊ (၂)ရပ်ကွက်နေ ကားပွဲစား ဦးဌေးမြင့်(၄၈)နှစ်ထံမှရရှိသည့် ပွဲစားခငွေများအနက် (၅၀၀၀)ကျပ်တန်ငွေစက်္ကူ ၁၅ ရွက်အား မသင်္ကာသဖြင့် တာမွေမြို့နယ်၊ မလွှကုန်းဌေးကြွယ်(က)ရပ်ကွက် အုပ်ချုပ်ရေးမှူးထံအပ်နှံထားကြောင်းသတင်းအရ မှုခင်းရဲတပ်ဖွဲ့မှတပ်ဖွဲ့ဝင်များသည် ၅-၆-၂၀၁၃ ရက်နေ့ ၁၄၀၀ အချိန် သွားရောက်စစ်ဆေးခဲ့သည်။


စစ်ဆေးချက်အရ ကခ/AB 7823---ပါ(၁၀)ရွက်၊ ကခ/ AB 7424---ပါ(၂)ရွက်၊ ကင/AE 3823----ပါ(၁)ရွက်၊ ဃခ/ DB 2169320 နံပါတ်တူ(၂)ရွက်၊ စုစုပေါင်း (၅၀၀၀)ကျပ်တန်ငွေစက္ကူ ၁၅ ရွက် အား တွေ့ရှိသိမ်းဆည်းရမိသဖြင့် ပဏာမစစ်ဆေးခဲ့ရာ အဆိုပါငွေစက္ကူများမှာ သာမန်စက္ကူအမျိုးအစား ဖြစ်ပြီး စက္ကူသားချောနေသည်ကို တွေ့ရှိရသည်။ ငွေစက္ကူအစစ်၏အရွယ်အစားမှာ ၁၅၀x၇၀ မီလီမီတာရှိပြီး ယခုတွေ့ရှိသောငွေစက္ကူသည် ၁၄၉x၆၉ မီလီမီတာရှိသဖြင့် အစစ်ထက် အနည်းငယ်သေးသည်ကို တွေ့ရသည်။ နံပါတ်စဉ်အက္ခရာများ၏အရောင်မှာမှေးမှိန်နေပြီး ရေစာမှာ အရိပ်ပုံသဏ္ဍာန်သာပါရှိသည်။ လုံခြုံရေးကြိုးနေရာတွင် အရိပ်မည်းသဏ္ဍာန်ပါရှိပြီး ကာလာပရင်တာနည်းဖြင့် ပုံနှိပ်တုပထားခြင်းဖြစ်ကာ လျှို့ဝှက်ချက်များမပါကြောင်း စစ်ဆေးတွေ့ရှိရသည်။

အဆိုပါသိမ်းဆည်းရမိသော (၅၀၀၀)ကျပ်တန်ငွေစက္ကူအတု၏ အက္ခရာနှင့်နံပါတ်များသည် ၂၀၁၀ ခုနှစ်က ထိုင်းနိုင်ငံနယ်စပ်မှဝင်ရောက်လာပြီး မြ၀တီမြို့တွင် စတင်တွေ့ရှိခဲ့သော ကခ/AB 7823---- နံပါတ်ပါ ငွေစက္ကူအတုများနှင့် ရှေ့ဂဏန်း(၄)လုံးတူညီနေကြောင်း တွေ့ရှိရသည်။ ကခ/ AB 7824----၊ ကင/AE 3823---- နှင့် ဃခ/ DB 2169---- တို့မှာ ၂၂-၄-၂၀၁၃ ရက်နေ့တွင် မှော်ဘီမြို့နယ်အတွင်း တွေ့ရှိရသော ငွေစက္ကူအတုများနှင့်တူညီနေပြီး ယခုတွေ့ရှိသော (၅၀၀၀)ကျပ်တန်ငွေစက္ကူအတုများမှာ ထိုင်းနိုင်ငံနယ်စပ်မှဝင်ရောက်လာသော ငွေစက္ကူအတုများဖြစ်ကြောင်း စိစစ်တွေ့ရှိရသဖြင့် မှုခင်းရဲတပ်ဖွဲ့မှ အသေးစိတ် စစ်ဆေးဆောင်ရွက်လျက်ရှိကြောင်း သတင်းရရှိသည်။
ရဲဇာနည်

မိန်းမဥာဏ်

အော်ပီကျယ်

Myanmar Online News

လေးဂွနှင့်ပစ်ခဲ့ရာ ရထားပေါ်ပါ သီလရှင်တစ်ပါးဒဏ်ရာရှိ

၂၇.၅.၂၀၁၃ ရက်နေ့ ၁၃၀၀ အချိန် ရန်ကုန်-ပြည်ရထား၊ တွဲ-ဂျီ၊ ခုံအမှတ် ၅၃ တွင်စီးနင်းလိုက်ပါလာသော သီလရှင်ဒေါ်ခေမာသီ ၊ ၅၀နှစ်၊ သိ ပြော ကျင့် ကျောင်းတိုက်၊ ခေတ္တရာမြို့သစ်၊ ပြည်မြို့နယ်နေသူအား ရေကျော်ဘူတာအနီးတွင် ရထားလမ်းအရှေ့ဖက်ခြမ်းမျှအသက် ၁၀နှစ်ခန့်ရှိကလေးငယ်တစ်ဦးသည် လေးဂွနှင့်ပစ်ခဲ့ရာ သီလရှင်ဒ်ါခေမာသီတွင် ယာမျက်ခုံးပေါက်ပြဲဒဏ်ရာရရှိခဲ့ပါသည်။

အဆိုပါဖြစ်စဉ်အား ရထားရဲတပ်ဖွဲ့မှတပ်ဖွဲ့ဝင်များမှစုံစမ်း ရှာဖွေခဲ့ရာ လေးခွနှင့်ပစ်သူမှာ အောင်ရဲထွဋ်၊ ၉နှစ်၊ ရေကျော်ရွာသစ်၊ တိုက်ကြီးမြို့နယ်နေသူဖြစ်ကြောင်း သိရှိရသဖြင့် တိုက်ကြီးမြို့မရဲစခန်းတွင်(ပ)၁၅၀/၂၀၁၃ မီးရထားအက်ပုဒ်မ ၁၂၇ အရ အရေးယူထားရှိခဲ့ပါသည်။

ဖြစ်စဉ်မှကလေးတရားခံ မောင်အောင်ရဲထွဋ် အားကလေးသူငယ်တရားရုံးတွင် တရားစွဲဆိုအရေးယူ ထားရှိကြောင်းသတင်းရရှိပါသည်။
Yangon Police

တဖက်သတ်ကြိုက်နေသူမှ ခင်ပွန်းလောင်းအားဒါးနှင့် ထိုး၍သေဆုံး

ကော့မှူး ၅.၆.၂၀၁၃
၅.၆.၂၀၁၃ ရက်နေ့ ၂၃၃၀ အချိန် ကော့မှူးမြို့နယ်၊ စက်ကုန်းရွာနေ မ------ သည် ခင်ပွန်းလောင်း ဖြစ်သူနိုင်လင်းနှင့် နေအိမ်၌အိပ်နေစဉ် နိုင်လင်း၏အော်သံကြား၍ ဓါတ်မီးနှင့်ထိုးကြည့်ရာ ၎င်းအား တစ်ဖက်သတ်ကြိုက်နေသူ ထွန်းထွန်း၊ ဓနုတ်ကျေးရွာ၊ ဒလမြို့နယ်နေ သူမှာ နေအိမ်ပြူတင်းပေါက်မှ ခုန်ဆင်းပြေးသွားသည်ကို တွေ့မြင်ခဲ့ရပြီး ခင်ပွန်းလောင်းနိုင်လင်း၏ ရင်ညွန့်တွင်ထိုးသွင်း ဒဏ်ရာ များရရှိခဲ့သဖြင့် ဆေးရုံသို့ပို့ဆောင်စဉ်သေဆုံးသွား၍ အရေးယူပေးရန်တိုင်တန်းခဲ့ရာ ကော့မှူးမြို့မ ရဲစခန်းမှ (ပ)၁၀၄/၂၀၁၃၊ ပုဒ်မ-၃၀၂ ဖြင့် အမှုဖွင့်အရေးယူထားရှိပြီး တရားခံထွန်းထွန်းအား ဖမ်းဆီးရမိရေး အဖွဲ့များခွဲ၍ဆောင်ရွက်လျက်ရှိကြောင်း သတင်းရရှိပါသည်။
Yangon Police

တစ်အိမ်ထောင် ကလေး ၂ ယောက်ထက် ပိုမယူရ ဒေသန္တရအမိန့်ကို ထောက်ခံ စီတန်းလှည့်လည် ဆန္ဒပြ (ရုပ်/သံ)

ဇွန်လ ၄၊ ၂၀၁၃
ရခိုင်ပြည်နယ် မောင်တောခရိုင်အတွင်း မွတ်စလင်လူဦးရေ တိုးပွားနှုန်းကို ထိန်းချုပ်ဖို့အတွက် ထုတ်ပြန်လိုက်တဲ့ "တစ်အိမ်ထောင် ကလေး ၂ ယောက်ထက် ပိုမယူရ" ဆိုတဲ့ ဒေသန္တရအမိန့်ကို ထောက်ခံတဲ့အနေနဲ့ ဇွန်လ ၄ ရက်မနေ့က စစ်တွေမြို့မှာ စီတန်းလှည့်လည် ဆန္ဒပြခဲ့ကြပါတယ်။ အပြည့်အစုံကို RFA သတင်းထောက် ကိုမင်းသိန်းအောင်က တင်ပြထားပါတယ်။

RFA Burmese

လူငယ်တွေ ကိုယ်ရည်ကိုယ်သွေး ကျဆင်းမှု ကိုမင်းကိုနိုင် စိုးရိမ်

မြန်မာနိုင်ငံမှာ ကလေးအရွယ်ကစပြီး ကျိုးနွံမှုပုံသွင်းထားတဲ့အတွက် နောက်မျိုးဆက်တွေအတွက် စိုးရိမ်ပူပန်မိတယ်လို့ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က ပြောလိုက်ပါတယ်။

အမေရိကန် ပြည်ထောင်စုကိုရောက်နေတဲ့ ကိုမင်းကိုနိုင်နဲ့ ကိုကိုကြီးတို့နှစ်ဦးဟာ ဝါရှင်တန်ဒီစီမြို့အခြေစိုက် RFA ရုံးချုပ်ကို မနေ့က လာရောက်လည်ပတ်စဉ် ကိုမင်းကိုနိုင်က ပြောလိုက်တာပါ။

"နောက်မျိုးဆက်အတွက်လည်း စိုးရိမ်ပူပန်တယ်၊ ဒီအမေရိကရောက်လာတဲ့အခါမှာ ကလေးတွေက စဉ်းစားပုံစဉ်းစားနည်းအမျိုးမျိုးကိုလည်း သူတို့ရတယ်၊ နောက်တစ်ခုက မတူကွဲပြားမှုတွေကို ဆွေးနွေးငြင်းခုန်တတ်တဲ့ အလေ့အထသူတို့မှာရှိပြီးသား ကျွန်တော်တို့ဆီမှာရှိတဲ့ ကလေးတွေကကျတော့ ခေတ်စနစ်ကြီးတစ်ခုက ပုံသွင်းထားတာက ကျိုးနွံမှုပဲဗျ၊ ကလေးတစ်ယောက်ကို လိမ္မာတယ်လို့ပြောရင် ကျိုးနွံတာကိုဆိုလိုတာ၊ ဒီမှာတွေ့တာကျတော့ ဒီကလေးဟာ ထက်မြတ်တယ်၊ ရဲဝင့်တယ်၊ ဖောက်ထွက်စဉ်းစားတတ်တာရှိတယ်၊ ဖြန့်ပြီးစဉ်းစားတတ်တာရှိတယ်၊ စဉ်းစားပုံ စဉ်းစားနည်းကအစ အင်မတန်ကွာနေတယ်၊ ကျွန်တော်တို့ အများကြီးပြင်ရအုံးမယ်လို့ ယူဆတယ်"

ဒါ့အပြင် မြန်မာနိုင်ငံမှာ ဒီမိုကရေစီစနစ်ဖွံ့ဖြိုးဖို့အတွက် အရင်ခေတ်ကရှိခဲ့တဲ့ အမိန့်ပေးစေခိုင်းတဲ့ အကျင့်စရိုက်ကို ဖျောက်ဖို့လိုအပ်တယ်လို့လည်း ကိုမင်းကိုနိုင်က ပြောပါတယ်။

၈၈မျိုးဆက်ကျောင်းသားခေါင်းဆောင် ကိုကိုကြီးကလည်း အင်အားကြီးနိုင်ငံတွေကြားက မြန်မာနိုင်ငံကို စစ်အင်အားတည်ဆောက်ပြီး ကာကွယ်တာထက် ကျွမ်းကျင်တဲ့သံတမန် နည်းလမ်းနဲ့ ကာကွယ်တာက အကောင်းဆုံးဖြစ်တယ်လို့ အခုလိုပြောပါတယ်။

"ဒေသတွင်းမှာ အားပြိုင်မှုရှိတယ်၊ အဲ့ကြားထဲမှာ ကျွန်တော်တို့က ကျွန်တော်တို့နိုင်ငံကို ကာကွယ်ဖို့ဆိုတာက စစ်ရေးအင်အား လက်နက်အင်အားနဲ့ ကာကွယ်တာထက်ကို သံတမန်ဆက်ဆံရေးနဲ့ ဘယ်လိုအကျိုးရှိအောင် ဆက်ဆံနိုင်မလဲဆိုတာက အရေးကြီးတယ်"

ဒါ့အပြင် ပြည်တွင်းငြိမ်းချမ်းရေးရပြီး ဖွံ့ဖြိုးတိုးတက်လာအောင် တိုင်းရင်းသားတွေရဲ့ တန်းတူညီမျှရေးကို ချန်လှပ်ထားလို့မရသလို မြန်မာအပါအဝင် တိုင်းရင်းသားအားလုံး လူမျိုးမရွေး၊ ဘာသာမရွေး နိုင်ငံသားအခွင့်အရေး အပြည့်အဝရပြီး၊ တာဝန်ယူတတ်သူတွေဖြစ်လာဖို့ လိုအပ်တယ်လို့ ၈၈ မျိုးဆက်ခေါင်းဆောင်နှစ်ဦးလုံးက ပြောပါတယ်။
RFA Burmese

လွှတ်တော်အမတ်၏တူ လူသတ်တရားခံ သေနတ်လုထွက်ပြေး - ပစ်ခတ်မှုဖြစ် ရဲတဦးသေ

Thursday, June 6, 2013

သျှမ်းမြောက် မူစယ်ခရိုင် တရားရုံး၌ တရားခံများက ရဲတပ်ဖွဲ့ သေနတ်ကိုလုယူ ပစ်ခတ်ပြီး တရားခံ ၃ဦး ထွက်ပြေးလွတ်မြောက် သွားကြောင်း စုံစမ်းသိရသည်။

“မနေ့ကညနေ လေးနာရီ ၁၅ မိနစ်ကဖြစ်တာ။ ရဲစခန်းအချုပ်ခန်းကနေ ခရိုင်တရားရုံးကို ရမန်ယူ လာတဲ့ တရားခံ ၅ ဦးက အချုပ်ကား ဆင်းဆင်းချင်း ရဲရဲ့ သေနတ် လုပြီး ပစ်ခတ်တယ်။ အဲဒီအချိန်မှာ တာဝန် ကျ ရဲတယောက် က သေ နတ်လုပြေးတဲ့ တရားခံ ကို သေနတ်ပစ်တာ တရားခံကိုမထိဘဲ ရဲ တယောက်ကိုသွားထိတယ်။ အဲဒီရဲ သေသွားတယ်။ တရားခံကပြန်ပစ်လိုက်လို့ ရဲ ၂ ယောက် ဒဏ်ရာရ တယ်၊ တရားခံ ၅ ယောက်ထဲက ၃ ယောက် လွတ်မြောက် သွားတယ်။ သေနတ် ၂ လက်ပါသွားတယ်” ဟု မူစယ်ရဲတပ်ဖွဲ့နှင့်နီးစပ်သူ တစ်ဦးကပြောသည်။

အဆိုပါရုံးထုတ်လာသောတရားခံများမှာ ကျားဖြူပါတီဥက္ကဌ၏တူအား သတ်ဖြတ်သော ကျော်မြင့် ပန်းဆေး ပြည်သူ့စစ်၏တူ ရဲအောင်ထွေးခေါ် လိဖန် ၊ အိုက်ဆမ် ၊အားကျိနှင့်တရုတ်ပန်းဆေး လူမျိုးဘိန်းမှောင်ခို နှစ်ဦး တို့ဖြစ်ကြကြောင်း၊ ၄င်း ၅ ဦးအနက် ပြန်လည်ဖမ်းမိသော ၂ ဦးမှာ နာမည်အတိအကျမသိရသေးကြောင်း ၄င်းကဆိုသည်။

“ခုလို တရားခံက ထွက်ပြေးလွတ်မြောက်ထားတယ်ဆိုတော့ ကျမတို့ ကလေးတွေအတွက် အင်မတန်မှ အန္တရာယ်ကြီးတယ်၊ ကျမတို့ ကလေးက စိုင်းအိုက်လိန် ကျားဖြူဥက္ကဌတူ အသတ်ခံရတဲ့နေ့က အတူပါ နေလို့လေ၊ တကယ်လို့ ဒီလူသတ်သမားတွေ ကျမတို့ကလေးကို ပြန်လာသတ်ရင် ဘယ်လိုလုပ်ရမလဲ” ဟု နမ့်ခမ်းမြို့မှ လူသတ်မှုတရားလိုဘက်ကပါသော မိခင်တစ်ဦးကပြောသည်။

ခုလက်ရှိလူသတ်သမားကို ပြန်မဖမ်းနိုင်သေးသ၍ အခင်းဖြစ်ပွားသည့်နေ့တွင်ပါဝင်သော တရားလိုဘက်မှ လူငယ်များကို သက်ဆိုင်ရာအာဏပိုင်ဘက်မှ လုံခြုံရေးယူပေးသင့်ကြောင်း၊သျှမ်းသံတော်ဆင့်မှတောင်း ဆိုချင်သည်ဟု ၄င်းက ဆိုသည်။

“တရားရုံးထုတ်တာ လက်ထိပ်ခြေထိပ်ခတ်ထားတာပဲ၊ ဘယ်လိုလုပ်ပြီး ထွက်ပြေးနိုင်တယ်ဆိုတာ လုံးဝတွေးလို့ မရဘူး၊ တရားခံကို မနေ့ ကရုံးချိန်းတာ တရားလိုတွေကို ဘာကြောင့် အာဏာပိုင်ဘက်က အကြောင်း မကြား တာလဲမသိဘူး”

“နောက်ပြီး မူစယ်မှာ တရားခံအတွက် လုံခြုံရေးစိတ်မချလို့ လာရှိုးကိုလွှဲပြောင်းစစ်ဆေးမယ်တဲ့၊ကျနော် တို့ ဘက်ကလဲ - ငွေကြေးမတတ်နိုင်လို့ အမှုမလိုက်ကြောင်း စာတင်လိုက်တယ်၊ စာတော့ မေလ ၂၉ ရက် မှပြန်ကျလာတယ်။ မူစယ်ခရိုင်မှာပဲအမှုစစ်ရမယ်၊ မူစယ်မှာရုံးချိန်းတာက ၄ ကြိမ် ရှိပါပြီ၊ သက်သေ ဒီလောက် ခိုင်မာနေတာ ဘာကြောင့်စီရင်ချက်မချသေးတာလဲ တွေးစရာ တစ်ခုပါ” ဟု အသတ်ခံရသူ စိုင်းအိုက်လိန် နှင့် အမျိုးတော်စပ်သောသူတစ်ဦးကပြောသည်။

ယခုအချိန်တွင် လူသတ်တရားခံများက သေနတ် ၂ လက်နှင့်အတူ ထွက်ပြေးလွတ်မြောက်နေမှုအပေါ် မူစယ်နှင့်နမ့်ခမ်းမြို့နေများက ကြောက်လှန့်နေကြကြောင်းသတင်းရရှိသည်။
သျှမ်းသံတော်ဆင့်

မြန်မာ့လူဦးရေ၏ ၇၄ % သည်လျှပ်စစ်စွမ်းအင် သုံးစွဲနိုင်ခြင်းမရှိ

နေပြည်တော်၊ ဇွန် ၆
မြန်မာ့လူဦးရေ၏ ၇၄ % သည်လျှပ်စစ်စွမ်းအင် သုံးစွဲနိုင်ခြင်းမရှိကြောင်း အာရှဒေသဆိုင်ရာ ကမ္ဘာ့စီးပွားရေးဖိုရမ်တွင်ထုတ်ပြန်သော အစီရင်ခံစာတွင်ဖော်ပြထားသည်။

ဖိုရမ်က မြန်မာ့စွမ်းအင်ကဏ္ဍပြုပြင်ြေ့ပာင်းလဲေ၇းများအတွက် တွန်းအားတစ်ရပ်ဖြစ်စေရန် New Energy Architecture :Myanmar Report ကိုထုတ်ပြန်လိုက်ပြီး မြန်မာ့စွမ်းအင်ကဏ္ဍအတွက် အကြံပြုချက် ၁၇ ခုကို တင်ပြထားသည်။

မြန်မာ့လျှပ်စစ်ထုတ်လုပ်မူသည် ငါးနှစ်အတွင်း ၂ ဆတိုးမည်ဟု မှန်းထားသော်လည်း ပြည်တွင်းလိုအပ်ချက်မပြည့်မီကြောင်း ၊ ၁၂ ဆ တိုးမှ သာပြည်တွင်းလိုအပ်ချက်ပြည့်မီမည်ဖြစ်ကြောင်း Accenture's Energy စက်မူလုပ်ငန်းစု၏ အကြီးတန်းဦးဆောင်ညွန်ကြားရေးမူး Arthur Hanna ကသုံးသပ်သည်။

အဆိုပါအစီရင်ခံစာကို စွမ်းအင်ဝန်ကြီးဌာနနှင့် အာရှဖွံဖြိုးရေးဘဏ် ၊ Accenture's Energy စက်မူလုပ်ငန်းစုတို့ ပူးပေါင်းရေးဆွဲခြင်းဖြစ်ကြောင်းသိရသည်။
မေဇင်ဝင်း 

Popular Myanmar News Journal

မြန်မာနိုင်ငံ ရုပ်ရှင်အစည်းအရုံးဥက္ကဌ ဦးဇင်ဝိုင်း နှုတ်ထွက်စာတင်

ရန်ကုန်၊ ဇွန် ၆
မြန်မာနိုင်ငံ ရုပ်ရှင် အစည်းအရုံး ဥက္ကဌ ဦးဇင်ဝိုင်းသည် ကျန်းမာရေး အခြေအနေကြောင့် ဆေးကုသရန် အတွက် ဥက္ကဌအဖြစ်မှ နှုတ်ထွက်စာကို ယနေ့တင်လိုက်ပြီ ဖြစ်ကြောင်း သိရသည်။

ထို့အတွက် အစည်းအရုံး နာယကများနှင့် အမှု ဆောင်အဖွဲ့က အရေးပေါ်အစည်းအဝေး တစ်ရပ်ပြုလုပ်ကာ ၄င်းဧ။် နှုတ်ထွက်စာကို လက်ခံခဲ့ကြောင်းနှင့် လစ်လပ်သွားသော မြန် မာနိုင်ငံ ရုပ်ရှင်အစည်းအရုံး ဥက္ကဌ နေရာတွင် ဒုတိယ ဥက္ကဋ္ဌဖြစ်သော သရုပ်ဆောင် လူမင်းမှ ခေတ္တတာဝန် ယူမည် ဖြစ်ကြောင်းသိရသည်။
Popular Myanmar News Journal

မြန်မာပြည်မှာ ရင်းနှီးမြှုပ်နှံလိုသူများကြောင်း ဒေါ်အောင်ဆန်းစုကြည် ပြောဆို

နေပြည်တော်မှာ ပြုလုပ်နေတဲ့ အရှေ့အာရှဆိုင်ရာ ကမ္ဘာ့စီးပွားရေးညီလာခံကို ကြာသပတေးနေ့မှာ သမ္မတ ဦးသိန်းစိန် တက်ရောက်မိန့်ခွန်းပြောကြားမှာဖြစ်ပြီး ဒေါ်အောင်ဆန်းစုကြည်၊ ပြည်ထောင်စုဝန်ကြီး ဦးစိုးသိန်းနဲ့ မဇင်မာအောင်တို့က မြန်မာပြည်ရဲ့ အနာဂတ်ဆိုတဲ့ ခေါင်းစဉ်နဲ့ ဒီကနေ့ ပြောဆိုဆွေးနွေးကြမှာဖြစ်ပါတယ်။

ဒေါ်အောင်ဆန်းစုကြည်က မြန်မာနိုင်ငံမှာ လာရောက်ရင်းနှီးမြှုပ်နှံဖို့အတွက် စိတ်ဝင်စားတဲ့နိုင်ငံခြားကုမ္ပဏီတွေ အများအပြားရှိကြောင်း၊ ဒီညီလာခံကို တက်ရောက်သူတွေအနေနဲ့ တိုင်းပြည်ရဲ့လက်ရှိအခြေအနေကို ပိုမိုသိရှိသွားကြမယ်လို့ ယူဆကြောင်း RFA ကိုပြောပါတယ်။

"မြန်မာပြည်မှာ စီးပွားရေးလုပ်ဖို့က စိတ်ဝင်စားမှုက အများကြီးရှိတယ်၊ အခြေအနေက ဘယ်လိုလည်းဆိုတာ စမ်းသပ်နေတာပေါ့၊ တကယ်ပဲ စီးပွားရေးလုပ်ရင် အကျိုးအမြတ်ရှိမလား၊ သင့်တော်မလားဆိုတာကို စမ်းသပ်နေတာပေါ့နော်၊ စီးပွားရေးဆိုတာ လူမှုရေး၊ နိုင်ငံရေးတွေနဲ့ ဆက်နွယ်နေတာဆိုတော့ ဒီညီလာခံတက်ခြင်းအားဖြင့် ပိုပြီးတော့ မြန်မာနိုင်ငံရဲ့ အခြေအနေကို ကျယ်ကျယ်ဝန်းဝန်း နားလည်သွားနိုင်မယ်လို့ ဒီလိုပဲ ထင်တယ်"

ဒီညီလာခံကို နိုင်ငံ ၅ဝ က ကိုယ်စားလှယ် ၉ဝဝ ခန့်တက်ရောက်နေတယ်လို့ သိရပါတယ်။
RFA Burmese

၂၀၁၅ တွင် သမ္မတ ရာထူးနေရာဝင်ပြိုင်ရန် အခြေခံဥပဒေပြင်ဆင်ရမည်ဟု ဒေါ်အောင်ဆန်းစုကြည်ပြော

ရန်ကုန် ။ ဇွန် ၆
၂၀၁၅ ခုနှစ်တွင် ကျင်းပမည့် အထွေထွေရွေးကောက်ပွဲ၌ သမ္မတ ရာထူးနေရာကို ၀င်ရောက်ယှဉ်ပြိုင်အရွေးချယ်ခံမည်ဖြစ်ကြောင်း ဒေါ်အောင်ဆန်းစုကြည်က ယနေ့ပြုလုပ်သည့် ကမ္ဘာ့စီးပွားရေးဖိုရမ် စကားအချေအတင်ပြောခြင်းကဏ္ဍ၌ ထည့်သွင်းပြောကြားခဲ့သည်။

ယင်းအတွက် အခြေခံဥပဒေပြင်ဆင်ရမည်ဟု ဒေါ်အောင်ဆန်းစုကြည်ကပြောကြားခဲ့သည်။
ယင်းနှင့်ပတ်သက်၍ စကားအချေအတင်ပြောခြင်းကဏ္ဍ၌ ပါဝင်ခဲ့သော သမ္မတရုံးဝန်ကြီး ဦးစိုးသိမ်းက အခြေခံဥပဒေပြင်ဆင်မှုသည် အမြဲတမ်းဖြစ်နိုင်ကြောင်းပြောကြားခဲ့သည်။
Popular Myanmar News Journal

မိုက်ကယ်ဂျက်ဆင်၏သမီး သေကြောင်းကြံစည်မှုကြောင့် ဆေးရုံသို့တင်ပို့ရ

မိမိကိုယ်ကိုယ် အဆုံးစီရင်ရန် အားထုတ်မှုကြောင့် မိုက်ကယ်ဂျက်ဆင်၏ သမီးဖြစ်သူအား ဆေးရုံ တင်ပို့ထားရကြောင်း သိရှိရသည်။ အသက်(၁၅)နှစ်ရှိ ပဲရစ်သည် လော့စ်အန်ဂျလိစ်ရှိ ဆေးရုံတစ်ခုတွင် တက်ရောက်ကုသမှု ခံယူနေရသည်။

ဒေသဆိုင်ရာ ကယ်ဆယ်ရေး တပ်ဖွဲ့များက မိမိတို့သည် သတင်းပေးပို့မှု တစ်ခုကြောင့် လူတစ်ယောက်ကို ဒေသတွင်း ကုသရေး စင်တာတစ်ခုထံ အရေးပေါ် ပို့ဆောင်ခဲ့ရကြောင်း ပြောကြားသွားသည်။

မျက်မြင်အချို့က ကယ်လီဖိုးနီးယားရှိ ကာလာဘာဆက်တွင် တည်ရှိသော ဂျက်ဆင်၏ နေအိမ်မှ ထမ်းစင်ဖြင့် ပဲရစ်ကို ထုတ်ယူကာ ဆေးရုံကား တစ်စင်းပေါ် တင်ခေါ်သွားသည်ကို တွေ့မြင်ခဲ့ရကြောင်း ဆိုသည်။

Sky၏ အမေရိကန် သတင်းဌာနခွဲမှ ကိုယ်စားလှယ် ဂရာ့ဂ်မီလမ်က "သေကြောင်းကြံဖို့ အားထုတ်မှုဆိုတဲ့ စကားလုံးဟာ ပဲရစ်ရဲ့မိခင် ဒက်ဘီရိုဝီ စပြောခဲ့တာပါ။ တချို့သတင်းတွေရဲ့ အဆိုအရတော့ ပဲရစ်ဟာ ဆေးရုံမှာ အဆင်ပြေနေပြီလို့ သိရပါတယ်။ ဒီအချိန်တွေက သူ့အတွက် သိပ်ခက်ခဲပါတယ်။ သူ့အဖေ သေဆုံးမှုအတွက် ပြန်စီစစ်နေတဲ့ တရားခွင်မှာ သက်သေအဖြစ် ထွက်ဆိုရတာတွေက အသေးစိတ် ဆန်လွန်းတယ်လေ"ဟု ပြောကြားခဲ့သည်။

ပဲရစ်သည် သူမ၏ လက်ကောက်ကို ဓားဖြင့်ဖြတ်ပြီးနောက် သေကြာင်းကြံစည်မှု အရေးပေါ်ဌာနသို့ ဖုန်းဆက်အကြောင်းကြားခဲ့သည်ဟု ဗြိတိန် Daily Mail သတင်းတွင် ဖော်ပြသည်။

ဂျက်ဆင်သည် ဆေးဝါးလွန်ကျွံသည့် အခြေအနေ တစ်ရပ်ကြောင့် နှလုံးထိခိုက်ကာ သေဆုံးခဲ့ခြင်း ဖြစ်သည်။ ယခုလာမည့် ဇွန်လ(၂၅)ရက်နေ့တွင် ဂျက်ဆင် ကွယ်လွန်မှု (၄)နှစ် ပြည့်မြောက်မည် ဖြစ်ပြီး ၎င်းသေဆုံးမှုအတွက် မိသားစု ဆရာဝန် ကွန်းရက်မာရေးတွင် တာဝန်ရှိကြောင်း စွပ်စွဲမှုများအတွက် ပဲရစ်က တရားခွင်တွင် ထွက်ဆိုနေရခြင်း ဖြစ်သည်။

ပဲရစ်သည် မိုက်ကယ်၏ ကလေး(၃)ဦးအနက် တစ်ဦးတည်းသော မိန်းကလေးလည်း ဖြစ်သည်။ လတ်တလောတွင် ပဲရစ်တို့ မောင်နှမများသည် အဖွားဖြစ်သူ ကက်သရင်းနှင့် နေထိုင်လျှက်ရှိသည်။
Planet Myanmar Network

ကံစမ်းမဲပေါက်သည်ဟုဆိုကာ ငွေကျပ်(၁ဝ)သိန်း ဖုန်းဖြင့်လိမ်လည်ရယူ

ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ လဲချားမြို့နယ်၊ တပ်မောက်ကျေးရွာနေ စိုင်းပန္တိ ကိုင်ဆောင်သည့် ဖုန်းသို့ မိုဘိုင်းဖုန်းကုမ္ပဏီမှ ဗိုလ်မှူး တင်အောင် အမည် အသုံးပြုကာ စိုင်းပန္တိ၏အမည်နှင့် နေရပ်လိပ်စာများအား မေးမြန်းစုံစမ်းခဲ့ကြောင်း၊ ၎င်းနောက် ထိုသူက ဖုန်းအလုံး(၃၆ဝ)မဲဖောက်ရာ စိုင်းပန္တိ၏ ဖုန်းနှင့် အခြား ဖုန်း(၁)လုံးတို့မှာ ကံစမ်းမဲပေါက်ကြောင်း ဆက်သွယ်ခဲ့သည်ဟုသိရသည်။ ထို့နောက် ၎င်းဗိုလ်မှူးတင်အောင်ဆိုသူက ၎င်းတို့မိုဘိုင်းဖုန်းကုမ္ပဏီမှမဲဖောက်သော စုစုပေါင်း တန်ဘိုးမှာ ကျပ်သိန်း(၁ဝဝဝ) ဖြစ်ကြောင်း၊ ထို့ကြောင့် ဖုန်းတစ်လုံးလျှင် ကျပ်သိန်း(၅ဝဝ)စီ ရရှိမည်ဖြစ်ကြောင်း၊ အဆိုပါငွေများအား ပေးပို့ နိုင်ရန်အတွက် အမည်၊ မှတ်ပုံတင်အမှတ်၊ နေရပ်လိပ်စာများတောင်းခဲ့ကြောင်း၊ မဲပေါက်သည့်အတွက် ဖုန်းအသစ်(၁)လုံး ထပ်မံဝယ်ယူရမည်ဖြစ်ပြီး ၎င်းဖုန်းမှာ ငွေကျပ်(၂)သိန်းကျသင့် မည်ဖြစ်ကြောင်း၊ ငွေထုတ်ယူပို့ဆောင်ပေးရန် စုစုပေါင်းငွေကျပ်(၁ဝ)သိန်းအား အမြန်ဆုံးပေးပို့ရန်တို့ကို ပြောဆိုခဲ့သည်ဟု ဆို၏။ ၎င်းငွေများအား ရန်ကုန်မြို့၊ ဗိုလ်အောင်ကျော်လမ်း၊ ကမ္ဘောဇဘဏ်သို့ ဦးဇင်မျိုးဦး၊ မှတ်ပုံတင်အမှတ် ၁၂/ဒဂတ(နိုင်)ဝ၆၄၇၄၇ ဖြင့် ပို့ပေးရန်ပြောပါသည်။ သို့သော် လဲချားမြို့တွင် ကမ္ဘောဇဘဏ်ခွဲမရှိ၍ ၎င်းတို့ဆက်သွယ်လာသည့်ဖုန်းနံပါတ် ဝ၉၇၃ဝ၂ဝ၅၇၇ သို့ ပြန်လည်ဆက်သွယ်ရာ မြန်မာ့စီးပွားရေးဘဏ်ခွဲ (ကမာရွတ်)သို့ ပေးပို့ရန်ပြောသဖြင့် ၃၁-၅-၂ဝ၁၃ ရက်နေ့ ၁၄ဝဝ အချိန်ခန့်တွင် ၎င်းတို့တောင်းသည့် ငွေများကို ပေးပို့ခဲ့သည်ဆို၏။

ငွေများအားပို့ပြီးနောက် ထိုနေ့ ၁၄၃ဝ အချိန်ခန့်တွင် အဆိုပါ ဗိုလ်မှူး တင်အောင်ဆိုသူက ယနေ့ဘဏ်ပိတ်သွားပြီဖြစ်သဖြင့် ၃-၆-၂ဝ၁၃ ရက်နေ့တွင် ကံစမ်းမဲ ပေါက်သောငွေများအား ထုတ်ယူ နိုင်ကြောင်း၊ ငွေများကို ဘဏ်သို့ပေးသွင်းထားပြီးဖြစ်ကြောင်း ဖုန်းဖြင့်အကြောင်းပြန်ကြားခဲ့ပါသည်။ ထိုနောက်ပိုင်းတွင် ထိုသူတို့အား ဖုန်းဆက်သွယ်၍မရတော့သဖြင့် သံသယဖြစ်လာသောကြောင့် စိုင်းပန္တိက ၎င်းပို့လိုက်သည့်ငွေများအား ရန်ကုန်ဘဏ်သို့ ငွေလွဲပို့ခြင်းမရှိသေးပါက အချိန်မီပိတ်သိမ်းပေးရန် သို့မဟုတ် ရန်ကုန်ဘဏ်သို့ ပို့ပြီးသော်လည်း ထိုဘဏ်တွင် လာရောက်ထုတ်ယူခြင်းမရှိသေးပါက အချိန်မီတားဆီးပေးထားရန် မြန်မာ့စီးပွားရေးဘဏ်သို့ အကြောင်းကြားခဲ့ရာ ဘဏ်မန်နေဂျာက ဖက်စ်(FAX)ငွေလွဲစနစ်ဖြင့် ချက်ချင်းပို့လိုက်ပြီ ဖြစ်ကြောင်း ပြန်ကြားခဲ့ပါသည်။ ထို့ကြောင့် အထက်ပါကိစ္စအား လဲချားမြို့နယ်ရဲစခန်းသို့ အကြောင်းကြား လာ ခဲ့သဖြင့် ရဲစခန်းမှ ရန်ကုန်ဘဏ်သို့ ဆက်သွယ်မေးမြန်းရာ ငွေများအား ၃၁-၅-၂ဝ၁၃ ရက်နေ့ ၁၄၃ဝ အချိန်တွင်ပင် လာရောက်ထုတ်ယူ သွားပြီဖြစ်ကြောင်း သိရှိရသည်။

လိမ်လည်သူများသည် ဌာနဆိုင်ရာများရှိ လူပုဂ္ဂိုလ်များ၏အမည်ကိုအသုံးပြုပြီး ကြားရသူလောဘ တက်လောက်သည့်ငွေကြေးပမာဏများကို မဲဖောက်၍ပို့ပေးမည်ဆိုကာ ထို့အတွက် လိုအပ်သည့်ငွေကြေးအား ရှေးဦးစွာ ၎င်းတို့ထံပို့ပေးရန်တောင်းဆိုလေ့ရှိကြသည်။ ငွေတောင်းခံရာတွင် တစ်စုံတစ်ရာကြိုတင်ပြင်ဆင်မှု မရရှိစေရန် ၎င်းတို့ထံ ချက်ချင်းငွေပို့ပေးရန်ပြောလေ့ရှိသည်။ မိမိတို့ပို့ပေးလိုက်သောငွေကို လက်ခံမည့်သူများမှာ အမည်၊ မှတ်ပုံတင်အမှတ်ပေးထားသော်လည်း ထိုသူများမှာ အများအားဖြင့် အခြေအနေမရှိသည့်သူများ ဖြစ်ပြီး ထိုသို့ငွေထုတ်ယူပေးရန် ၎င်းတို့က အခကြေးငွေပေး၍ တစ်ဆင့်ခံထုတ်ယူစေသူများဖြစ်ပြီး ၎င်းတို့က နောက်ကွယ်မှနေ၍ လုံခြုံသောနေရာ ရောက်မှ ငွေကိုလွဲပြောင်းလက်ခံယူကြခြင်းဖြစ်ကြောင်းသိရှိရသည်။

သို့ဖြစ်ရာ ငွေကြေးအလိမ်ခံရသူများအနေဖြင့် ပြစ်မှုဖြစ်ပွားပါက နီးစပ်ရာရဲစခန်းများတွင် အမှုဖွင့် တိုင်ကြားကြရန်လိုပါသည်။ အထူးသဖြင့် ပြည်သူလူထုအနေဖြင့် မိမိနှင့် သိကျွမ်းခြင်းမရှိဘဲ တစ်ဖက်မှ လောဘတက်လောက်အောင် ဆွဲဆောင်ပြောဆိုမှုကို လောဘတက်ခြင်း၊ အလွယ်တကူယုံကြည်ခြင်းတို့ မဖြစ်ပေါ်စေရန် လိုအပ်ပါသည်။ ယခုအခါ ၁၅ဝဝိ/-တန်ဖုန်းများ ပေါ်လာပြီဖြစ်ရာ ဖုန်းမှတဆင့် လိမ်လည် ငွေပို့ခိုင်းမှုများ ပိုမိုဖြစ်ပွားလာနိုင်သဖြင့် ပြည်သူလူထုအနေဖြင့် ပိုမိုသတိရှိရန်လိုအပ်ပါသည်။

ထိုကဲ့သို့ လိမ်လည်၍ ငွေကြေးတောင်းခံမှုများ မကြာခဏဖြစ်ပွားနေသဖြင့် ပြည်သူများအနေဖြင့် အလားတူကိစ္စများကြုံတွေ့ရပါက နီးစပ်ရာရဲစခန်းများသို့ အချိန်မီ ဆက်သွယ်သတင်းပေးကြရန်နှင့် ရဲတပ်ဖွဲ့မှ အဆိုပါပြစ်မှုများမှတရားခံများအား ဖော်ထုတ်ဖမ်းဆီးနိုင်ရေးနှင့် ပြစ်မှုမဖြစ်ပွားစေရေး ကြိုတင်ကာကွယ်ရေး လုပ်ငန်းများ ဆောင်ရွက်လျက်ရှိကြောင်း သိရှိရသည်။
ရဲဇာနည်  

သူများကို ဖဲ့ချင်လို့ ဒိုင်လုပ်တာ မဟုတ်ဘူး

အဆိုတော် ချောစုခင် (ဓာတ်ပုံ – နဒီထိုက် / ဧရာဝတီ)

June 6, 2013
အဆိုတော် ချောစုခင် အနေနဲ့ Channel 7 မှာ ထုတ်လွှင့်ပြသနေတဲ့ အိမ်မက်ဆုံရာ သီချင်းဆို ပြိုင်ပွဲ အစီအစဉ်မှာ ဒိုင် ဝင်လုပ်ဖြစ်တာကတော့ သူ အနုပညာမှာ သိလာတဲ့ အတွေ့အကြုံတွေကို ဝေမျှချင်လို့ ဖြစ်တယ်လို့ ဧရာဝတီကို ပြောပါတယ်။


“အိမ်မက်ဆုံရာက ချောစုကို ကမ်းလှမ်းတယ်လေ။ ကိုမြင့်မိုးကလည်း ပြောတယ်၊ အဲဒီက မောင်လေးတွေကလည်း ပြောတယ်၊ အဲဒါကြောင့် Judge လုပ်ကြည့်တဲ့ သဘောပါပဲ၊ ဒိုင်လုပ်တယ်ဆိုတာ ချောစု လျှောက်လှမ်းလာတဲ့ အနုပညာလောကမှာ သိလာတဲ့ အတွေ့အကြုံလေးတွေကို မျှဝေတဲ့ သဘောပါပဲ။ ကျန်တာကတော့ ဆရာကြီး လုပ်ချင်လို့လည်း မဟုတ်ပါဘူး၊ သူများကို ဖဲ့ချင်လို့လည်း မဟုတ်ဘူး၊ မနာလိုလို့လည်း မဟုတ်ဘူး” လို့ ချောစုခင်က ဆိုပါတယ်။

သူ သိခဲ့တာကို အကြံဉာဏ် ပေးရာမှာ တချို့က ချောစုခင် “အရမ်းဟြေတာပဲ” လို့ ဝေဖန်ကြတာ ကြားရတဲ့ အကြောင်း၊ ဒါကတော့ တကယ်လာ နားမထောင်ဘဲ ဟြေတာပါလို့ ချောစုခင်က ဆက်ပြောပါတယ်။

“တကယ် လာနားထောင်ရင် ဘယ်လိုလဲဆိုတာ သိမှာပါ။ အဆိုတော် တယောက်ဖြစ်ဖို့ဆိုတာ တကယ်မလွယ်ပါဘူး၊ သီချင်း မဆိုတတ်ဘဲနဲ့ ရေရှည် ရပ်တည်ဖို့မလွယ်ဘူး၊ အရှိကို အရှိအတိုင်းတော့ ဟြေရမှာပဲလေ၊ လူတယောက်ကို ဘာရန်ငြိုးမှလည်း မရှိဘူး၊ ဖဲ့တာကို မဟုတ်ဘူး၊ ပြင်ဆင်ပေးတဲ့ သဘောလောက်ပဲရှိတယ်။ တချို့ကလည်း Key ကို ကြောင်နေတော့ ကောင်းပါတယ်လို့ ဟြေရတာ တော်တော် Feeling အောက်တယ်” လို့ ချောစုခင်က ရှင်းပြပါတယ်။

အခုအချိန်မှာ ဂီတပြိုင်ပွဲတွေကို နာမည်မျိုးစုံတပ်ပြီး ကျင်းပနေပြီ ဖြစ်လို့ တကယ် အဆိုကို ဝါသနာ ပါပြီး တတ်ကျွမ်း ထားသူတွေ အတွက်ရော၊ အဆိုတော်ဖြစ်ချင်လို့ ကြိုးစားချင်သူတွေ အတွက်ပါ ကိုယ့်ရဲ့ အရည်အချင်းကို ဝင်ရောက် စစ်ဆေးလို့ လွယ်ကူနေပြီ ဖြစ်ပါတယ်။

ချောစုခင်အပါအဝင် ဂီတကို တကယ်တတ်ကျွမ်း နားလည်ပြီး အောက်ခြေက စခဲ့သူတွေရဲ့ အရည်အချင်း စစ်ဆေးမှု ဒဏ်ကို ကြံ့ကြံ့ခံနိုင်သူတွေ၊ မှတ်ကျောက် အတင်ခံနိုင်သူတွေ၊ ဝေဖန်မှုကို ဝေဖန်တယ်လို့ နားလည်သူတွေ ရှိမှပဲ တကယ်ကို တော်တဲ့၊ တတ်တဲ့ အရည်အချင်းပြည့်မီတဲ့ အဆိုရှင်သစ်တွေကို ဒီပြိုင်ပွဲတွေကနေ မွေးထုတ်နိုင်မှာ ဖြစ်ပါတယ်။

တကယ်လည်း သီချင်းဆိုပြိုင်ပွဲတွေကနေ ပေါ်ထွက်လာပြီး ပရိသတ် လက်သင့်ခံတဲ့ အဆိုတော် ဖြစ်လာသူတွေ ပေါ်ထွက်လာတာ တွေ့ရပါတယ်။

ဒါပေမယ့် ဒိုင်လုပ်သူတွေက အရှိကို အရှိအတိုင်း မပြောရဲဘဲ၊ မှားတာကို မှားတယ်လို့ ပြောဖို့ အမုန်းခံရမှာ ကြောက်နေကြ ရင်တော့ အရည်အချင်း ပြည့်မီသူတွေ ထွက်ပေါ်လာဖို့ ခဲယဉ်းမှာပါ။ အိပ်မက်ဆုံရာမှာ ဒိုင်လုပ်တဲ့အချိန် “ဖဲ့တယ်” လို့ နာမည်ကြီးသွားတဲ့ ချောစုခင်က Melody World သီချင်းဆို ပြိုင်ပွဲဝင်သူတွေကိုတော့ ချီးကျူးစကားပြောတာ ကြားရပါတယ်။

“အမှန်တရားအတိုင်း ဖြစ်ရင်တော့ အကောင်းဆုံးပဲပေါ့။ ချောစု တခုချီးကျူးတာက Melody World က ကလေးတွေက အရမ်းတော်တယ်၊ မတော်ဘဲနဲ့လည်း လုံးဝမရဘူး၊ ဒါကြောင့် Melody World က ကလေးတွေကို ချောစု ချီးကျူးတယ်၊ ဂီတကို ၀ါသနာပါတဲ့ ကလေးတွေကို ဟြေချင်တာက ကိုယ် ဘာလုပ်ချင်တယ် ဆိုတာ အရင်စဉ်းစားပြီး အကောင်းဆုံး ကြိုးစားသင့်တယ်လို့ အကြံပေးချင်ပါတယ်” လို့ ချောစုခင်က သူ့အမြင်ကို ပြောသွားပါသေးတယ်။
မြတ်သူအောင်
Irrawaddy

မန္တလေး မြောက်ပိုင်းပြန်များနှင့် ABSDF အမှန်တရား ဖော်ထုတ်ရေး ကော်မရှင် တွေ့ပြီ

ABSDF မြောက်ပိုင်းကိစ္စနှင့် ပတ်သက်၍ အမှန်တရားနှင့် တရားမျှတမှု ပြန်လည်ဖော်ထုတ်ရန် ကော်မရှင် အဖွဲ့က မန္တလေးရှိ ကာယကံရှင်များနှင့် တွေ့ဆုံစဉ် (ဓာတ်ပုံ – မန်းသားလေး / ဧရာဝတီ)

June 6, 2013
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) မြောက်ပိုင်း ဒေသတွင် ယင်းအဖွဲ့ဝင်များကို သူလျှိုဟု စွပ်စွဲကာ ညှဉ်းပန်း သတ်ဖြတ်ခဲ့မှုကိစ္စနှင့် ပတ်သက်ပြီး အမှန်တရားနှင့် တရားမျှတမှု ပြန်လည် ဖော်ထုတ်ရန် ကော်မရှင်အဖွဲ့က အသက်မသေဘဲ ကျန်ရစ်သူ ABSDF မြောက်ပိုင်းပြန် ကာယကံရှင်များနှင့် မန္တလေးတွင် ပထဆုံးအကြိမ် တွေ့ဆုံခဲ့သည်။

ABSDF ဗဟိုမှ ကိုကျော်ကျော်လင်း၊ ကိုမြင့်ဦး၊ ကိုသန့်စင်မြင့်နှင့် ကိုညွန့်ဝင်း စသည့် အဖွဲ့ဝင် ၄ ဦးပါသော အမှန်တရားနှင့် တရားမျှတမှု ပြန်လည် ဖော်ထုတ်ရန် ကော်မရှင်အဖွဲ့က ဇွန်လ ၃ ရက်နေ့တွင် မန္တလေးမြို့သို့ လာရောက်ခဲ့ပြီး စုံစမ်းစစ်ဆေးမှုများ ပြုလုပ်ကာ မြောက်ပိုင်းပြန်များနှင့် တွေ့ဆုံခဲ့ခြင်း ဖြစ်သည်။

အဆိုပါ အဖွဲ့သည် ၂ ပတ်ကြာ နေထိုင်သွားမည် ဖြစ်ပြီး ညှဉ်းပန်း သတ်ဖြတ်ခံရမှုများ ဖြစ်ရပ်အတွင်း ပါဝင်ပတ်သက်သော မန္တလေး ABSDF အဖွဲ့ဝင်ဟောင်းများ၊ ကျန်ရစ်သူများနှင့် နန်းရှေ့ Café Brolloy တွင် တွေ့ဆုံဆွေးနွေးပွဲ ကျင်းပ ပြုလုပ်ကာ ဇွန် ၄ ရက်နေ့ တွင် ၃၃ လမ်း၊ ၈၄ လမ်းနှင့် ၈၅ လမ်းရှိ အိမ်တအိမ်တွင်လည်း အနယ်နယ်အရပ်ရပ်မှ ကျန်ရစ်သူများကို တဦးချင်းတွေ့ဆုံကာ မေးမြန်းမှုများ ပြုလုပ်ခဲ့သေးသည်။

လွန်ခဲ့သည့် နှစ်ပေါင်း ၂၀ ကျော်က ABSDF မြောက်ပိုင်း ဒေသတွင် သူလျှိုဟု စွပ်စွဲကာ ညှဉ်းပန်းသတ်ဖြတ်ခဲ့မှုများ ဖြစ်ပေါ်ခဲ့ပြီး နယ်စုံမှ ကျောင်းသားပေါင်း ၁၀၆ ဦး အဖမ်းဆီးခံ၊ အစစ်ဆေးခံခဲ့ရ၍ ၃၅ ဦး သေဆုံးခဲ့ကြောင်း၊ သေဆုံးသူများထဲတွင် မန္တလေးမှ ကျောင်းသား ၁၀ ဦးကျော် ပါဝင်ခဲ့ကြောင်း အညှဉ်းပန်းခံခဲ့ရပြီး အသက်မသေဘဲ လွတ်မြောက်လာသူ မန္တလေးမှ ကိုညီညီကျော်က ပြောသည်။

“ကျနော်တို့တတွေဟာ ဒီမိုကရေစီအရေးတွက် လက်နက်ကိုင်ပြီး တိုက်ပွဲဝင်ခဲ့ဖူးတယ်။ အဲဒီမှာ ထူးခြားတဲ့ ဖြစ်စဉ်တွေ ဖြစ်ပျက်ခဲ့တယ်။ အဲဒီအဖြစ်ပျက်တွေကို ဖုံးကွယ်ထားတာထက် စာရင် သမိုင်းမှာ သင်ခန်းစာတခုအနေနဲ့ အမှန်တရားတခု ကျန်ရစ် စေချင်တယ်။ သမိုင်းကို ဖျောက်ဖျက်တာထက်စာရင် အကျိုးဖြစ်အောင် အသုံးချစေချင်တယ်။ အဲဒါကြောင့် သမိုင်းမှာ မှတ်တမ်းကျန်ခဲ့ဖို့အတွက် ဒီကော်မရှင်အဖွဲ့နဲ့ ပူးပေါင်းပြီး ဆောင်ရွက်သွားဖို့ လုပ်ဆောင်တာပါ” ဟု ကိုညီညီကျော်က အမှန်တရားနှင့် တရားမျှတမှု ပြန်လည်ဖော်ထုတ်ရေး ကော်မရှင်နှင့် ပူးပေါင်းဖြစ်ခဲ့သည့် အကြောင်းကို ရှင်းပြသည်။

ABSDF မြောက်ပိုင်းတွင် ဖြစ်ပျက်ခဲ့သည့် ကိစ္စများနှင့် ပတ်သက်ပြီး စုံစမ်းစစ်ဆေးရေး ကော်မရှင်ကို ၂၀၁၂ ခုနှစ် ဇန်န၀ါရီလမှ စတင် ဖွဲ့စည်းခဲ့ပြီး ယင်းကော်မရှင်မှ အစီရင်ခံစာကို ၂၀၁၃ ခုနှစ် မေလတွင် ထုတ်ပြန် သွားရမည် ဖြစ်သော်လည်း ထုတ်ပြန်နိုင်ခြင်း မရှိသေးကြောင်း၊ ကော်မရှင် စတင်ဖွဲ့စည်းခဲ့ပြီး ၁ နှစ်အကြာမှသာ စုံစမ်းမှုများ ကွင်းဆင်း လေ့လာနိုင်ခြင်း ဖြစ်ပြီး ယခုအကြိမ်သည် ညှဉ်းပန်းနှိပ်စက်ခံရသူများထံ ကွင်းဆင်းလေ့လာမှု ပြုလုပ်ခြင်းသည် ပထမဆုံးအကြိမ် ဖြစ်ကြောင်း သိရသည်။

“ကော်မရှင်ရဲ့ အဓိက ရည်ရွယ်ချက်က မြောက်ပိုင်းမှာ ဖြစ်ပျက်ခဲ့တာတွေကို ကြုံတွေ့ခဲ့တဲ့ အချက်လက်တွေ စုပြီး အစီရင်ခံစာ ထုတ်ပြန်သွားမယ်။ မတရားညှဉ်းပန်း နှိပ်စက်ခံရတာတွေနဲ့ ပတ်သက်ပြီး ဖြစ်စဉ်တွေ အသေးစိတ် ရေးသားသွားမှာပါ” ဟု သတင်းထုတ်ပြန်ရေး တာဝန်ယူထားသည့် ကိုရဲလင်းက ဧရာဝတီသို့ ပြောသည်။

တနှစ်ကျော် ကာလတွင် ABSDF မြောက်ပိုင်းတွင် ဖြစ်ပျက်ခဲ့သော ကိစ္စများနှင့် ပတ်သက်၍ အမှန်တရား ဖော်ထုတ်နိုင်ရန် ပုံစံ မျိုးစုံဖြင် ကြိုးစားခဲ့ကြောင်း၊ အဖွဲ့ဝင် တချို့မှာ ပြည်ပတွင် ရှိနေကြပြီး အညှဉ်းပန်းခံခဲ့ရ၍ လွတ်မြောက်လာခဲ့သူ အများစုမှာ ပြည်တွင်း၌ ရှိနေသောကြောင့် ဆက်သွယ်ရေး အခက်အခဲ ရှိခဲ့ကြောင်း မန္တလေးတွင် ရောက်နေသည့် အမှန်တရားနှင့် တရားမျှတရေး ပြန်လည်ဖော်ထုတ်ရန် ကော်မရှင် အဖွဲ့ဝင် ကိုကျော်ကျော်လင်းက ဆိုသည်။

“ဒီကိစ္စက လူချင်း တွေ့ပြီးမှ ပြောလို့ ရမယ့် ကိစ္စတွေကိုး။ ပထမဆုံး လူချင်း စတွေ့ရတာက ပြီးခဲ့တဲ့နှစ် ဒီဇင်ဘာကနေ ဇန်န၀ါရီ အတွင်း ABSDF ကိုယ်စားလှယ် ၉ ယောက် အဖွဲ့ ၁၈ ရက် လေ့လာရေး ခရီးစဉ် လာတုန်းက၊ အဲဒီ ခရီးစဉ်မှာ မြောက်ပိုင်းက ထိခိုက် နစ်နာခဲ့တဲ့ ရဲဘော်တွေနဲ့ တရက် အစည်းအဝေး စလုပ်ဖြစ်တယ်။ အဲဒီတော့မှ စထိတွေ့ရတာ။ အဲဒီချိန်မှာ အစိုးရနဲ့ တရားဝင် အပတ်အခတ် ရပ်စဲတာတွေ လည်း မလုပ်ရသေးဘူး။ ဒီတော့ စီစဉ်ရတဲ့ အပိုင်းမှာ အခက်အခဲ ရှိတယ်။ အဲဒီတော့ ထပ်ရွှေ့ရင်း ရွှေ့ရင်းနဲ့ အခုမှ လာဖြစ်တာ” ပါဟု သူက ပြောသည်။

စုံစမ်း စစ်ဆေးရေး ကော်မရှင်က ဇွန်လ ၃ ရက်နေ့တွင် နစ်နာသူအဖွဲ့များနှင့် တွေ့ဆုံ မိတ်ဆက်ပြီး ဇွန်လ ၄ ရက်နေ့တွင် တဦးချင်းတွေ့ဆုံကာ ဖြစ်ပျက်မှုများကို မေးမြန်း မှတ်တမ်းတင်ခဲ့သည်ဟု သိရသည်။

“သူတို့ကတော့ အမှန်တရားဖော်ထုတ်ဖို့ လာတယ်ပြောတာပဲ။ ကျနော်တို့ အနေနဲ့က လက်ခံပြီး သူတို့ကို ကျနော်တို့ ခံစား လိုက်ရတာတွေ ပြောခွင့်ရခဲ့တယ်။ ရှေ့ဆက်တဲ့ အပိုင်းကတော့ သူတို့ရဲ့ ရိုးသားမှုနဲ့ ယုံကြည်မှု ဘယ်လောက် ရှိမယ်ဆိုတာကို စောင့်ကြည့်သွားရမှာပါ။ ဒီစုံစမ်းစစ်ဆေးမှု ကော်မရှင်အဖွဲ့က ထုတ်ပြန်လိုက်တဲ့ အကြောင်းရာတွေဟာ နောင်တချိန်မှာ ဒီကိစ္စနဲ့ ပတ်သက်လို့ သမိုင်းမှာ ဘယ်သူ တာဝန်ရှိလဲဆိုတာ အဖြေထုတ်နိုင်မယ်။ အဲဒီ အခါကြရင် ကျနော်တို့ ဥပဒေအရ လုပ်ဆောင်နေမှု အပေါ်မှာ အထောက်ပံ့တွေ ရနိုင်မှာ ဖြစ်ပါတယ်” ဟု ABSDF အဖွဲ့ဝင်ဟောင်း ဆမားညီညီက ပြောသည်။

မျက်မြင် သက်သေမရှိခဲ့သည့်အတွက် အညှဉ်းပန်း အသတ်ဖြတ် ခံခဲ့ရသည့် အဖြစ်အပျက်များကို တရားဥပဒေအရ လုပ်ဆောင်ခွင့် မရခဲ့ကြောင်း၊ စိတ်မကောင်းစွာနှင့်ပင် အမှုများကို ပိတ်ထားခဲ့ရကြောင်း၊ ကော်မရှင်၏ ဆုံးဖြတ်ချက်များ ထွက်လာပြီးနောက်တွင် ဆိုင်းငံ့ထားခဲ့ရသည့် အမှုများကို အခွင့်သာသည့်အခါ ပြန်လည် လုပ်ဆောင်သွားမည် ဖြစ်ကြောင်း ဟု ၎င်းက ဆိုသည်။

အမှန်တရားနှင့် တရားမျှတမှု ပြန်လည် ဖော်ထုတ်ရန် ကော်မရှင်အဖွဲ့နှင့် မြောက်ပိုင်းပြန် များသည် ၄ ရက်ကြာ တွေ့ဆုံ ဆွေးနွေးမှုများ ပြုလုပ်မည် ဖြစ်ပြီး လက်ရှိ အနေအထားတွင် မြောက်ပိုင်းပြန်များနှင့် တဦးချင်း သော်လည်ကောင်း၊ အဖွဲ့နှင့် သော်လည်ကောင်း တွေ့ဆုံမှုများ ပြုလုပ်လျှက် ရှိသည်။

“သူတို့နဲ့ တွေ့ဆုံဆွေးနွေးရတာ ဘာရလဒ်မှတော့ ရှိမှာ မဟုတ်သေးပါဘူး။ သူတို့ရဲ့ လုပ်ဆောင်ချက်တွေကိုပဲ ကြည့်ရမှာပါ။ တခုကောင်းတာက ကျမတို့ ကြုံတွေ့ခဲ့ရတဲ့ အဖြစ်အပျက်တွေကို သူတို့တွေနဲ့ အနီးစပ်ဆုံး ပြန်ပြီးတွေ့ဆုံ ပြောဆိုခဲ့ရတယ်။ သူတို့က အမှန်တရား ဖော်ဖို့လို့ ပြောတာပါပဲ” ဟု မြောက်ပိုင်း ABSDF တွင် သေဆုံးခဲ့သူ ကိုချိုကြီး၏ ညီမ မသင်းက ပြောသည်။

အဆိုပါ ကော်မရှင်အဖွဲ့နှင့် မြောက်ပိုင်းပြန် မန္တလေးအဖွဲ့တို့သည် အမှန်တရား ပေါ်ပေါက်ရန်အတွက် ပူးပေါင်း လုပ်ဆောင်သွားမည် ဖြစ်ကြောင်း၊ ယခု အဖွဲ့သည်လည်း မမှန်ကန်သော နည်းလမ်းများနှင့် လုပ်ဆောင်သွားမည် ဆိုပါက ကိုယ့်သမိုင်းကိုယ် ရေးသွားမည် ဖြစ်ကြောင်း၊ နောင်လာနောက်သားများ အနေဖြင့် ယခုကိစ္စကို အကြောင်းပြုကာ သမိုင်းတွင် သင်ခန်းစာ ယူစေလိုကြောင်း၊ ထိုအချိန်က ကျောင်းသားများသည် စာဖတ်အား မကောင်းခဲ့သည့်တွက် မလိုလားအပ်သော အသက်ဆုံးရှုံး နစ်နာမှုများနှင့် ကြုံတွေ့ခဲ့ခြင်း ဖြစ်ကြောင်း မြောက်ပိုင်းပြန် မန္တလေးအဖွဲ့က ပြောဆိုကြသည်။

ABSDF ကျောင်းသားတပ်မတော်သည် ၁၉၈၈ ခုနှစ် ဒီမိုကရေစီရေး လူထုအုံကြွမှုကို စစ်တပ်က သွေးထွက်သံယို နှိမ်နင်းပြီးနောက်ပိုင်း တောခိုသွားခဲ့သည့် ကျောင်းသား လူငယ်များနှင့် ဖွဲ့စည်းထား ခြင်းဖြစ်ပြီး ယခုအခါ လက်ရှိအစိုးရနှင့် ငြိမ်းချမ်းရေး ဆွေးနွေးနေသည့် လက်နက်ကိုင် အဖွဲ့အစည်း တခုဖြစ်သည်။

လွန်ခဲ့သော ၁၉၉၂ ခုနှစ် ဖေဖော်ဝါရီလက ကျောင်းသားတပ်ဦးအတွင်း သူလျှိုစစ်ဆေး ဖော်ထုတ်ခြင်းများကြောင့် ကျောင်းသား ကျောင်းသူ စုစုပေါင်း ၃၅ ဦး သေဆုံးခဲ့ရသည်။ သေဆုံးသူများထဲတွင် မန္တလေးမှ ၁၀ ဦးကျော်ပါဝင်ပြီး မြောက်ပိုင်းဒေသ ဖြစ်ရပ်များနှင့် ပတ်သက်ပြီး သေဆုံးခဲ့သူ ကျောင်းသားခေါင်းဆောင် ကိုထွန်းအောင်ကျော်၏ မိသားစုဝင်များက မေ ၁၇ ရက်နေ့တွင် အဆိုပါဖြစ်ရပ်အတွက် မန္တလေးတိုင်း ဒေသကြီး အမှတ် ၈ ရဲစခန်းတွင် အမှုဖွင့် ထားခဲ့သည်။
မန်းသားလေး
Irrawaddy

မြန်မာနိုင်ငံသား ၉၀၀ ကျော်ကို မလေးရှားရဲ ဖမ်းဆီး

ဇွန်လ ၂ ရက်နေ့က မြန်မာနိုင်ငံသားတဦး အသတ်ခံရသည့် နေရာကို စစ်ဆေးနေသည့် မလေးရှားရဲများ (ဓာတ်ပုံ – New Straights Times)

June 6, 2013

မလေးရှားတွင် မြန်မာများ တိုက်ခိုက် သတ်ဖြတ်ခံရပြီးနောက်ပိုင်း မလေးရှားရဲများက မြန်မာနိုင်ငံသား ၉၀၀ ကျော်ကို ဖမ်းဆီးထားကြောင်း သိရသည်။

မေလ ၃၀ ရက်နေ့မှစ၍ ဖြစ်ပွားခဲ့သော အမည်မသိ အုပ်စုဖွဲ့ တိုက်ခိုက်မှုများကြောင့် မြန်မာ ၂ ဦး သေဆုံးပြီး ဒဏ်ရာရထားသူ ၂ ဦးမှာလည်း စိုးရိမ်ရသည့် အခြေအနေရှိကြောင်း၊ မလေးရှားတွင် မြန်မာများအပေါ် တိုက်ခိုက်မှုများသည် မြန်မာနိုင်ငံတွင် ဖြစ်ပွားနေသော လူမျိုးရေး အဓိကရုဏ်းများကြောင့်ဟု ယုံကြည်ရကြောင်း မလေးရှား ဒု ရဲမင်းကြီး Amar Singh Ishar Singh ကို ကိုးကား၍ AFP သတင်းတွင် ဖော်ပြထားသည်။

မလေးရှားတွင် အလုပ်လုပ်နေသော မြန်မာနိုင်ငံသားများ တိုက်ခိုက်သတ်ဖြတ် ခံရမှုအတွက် စုံစမ်းဖော်ထုတ်ပေးရန် မြန်မာ နိုင်ငံခြားရေး ဝန်ကြီးဌာနမှ ဒု ဝန်ကြီး ဦးဇင်ယော်က မြန်မာနိုင်ငံဆိုင်ရာ မလေးရှားသံ အမတ်ကြီး မစ္စတာ အာမတ်ဖိုင် ဆဲလ်ဘင် မိုဟာမက်ကို ဇွန်လ ၄ ရက်နေ့က သတိထောက်လွှာ ပေးပို့ခဲ့သည်။ ယင်းညမှ စတင်ကာ တရားဝင် အလုပ်လုပ်နေသည့် မြန်မာနိုင်ငံသားများရော၊ တရားဝမင် အလုပ်လုပ်သည့် မြန်မာ နိုင်ငံသားများကိုပါ ယခုကဲ့သို့ အလုံးအရင်းနှင့် ဖမ်းဆီမှုများ ဖြစ်ပေါ်လာခြင်းဖြစ်သည်။

မလေးရှား ရဲအရာရှိများနှင့် ယမန်နေ့က တွေ့ဆုံဆွေးနွေးခဲ့သူ နိုင်ငံရေး အကျဉ်းသားဟောင်း တဦးကမူ မြန်မာနိုင်ငံသား အနည်းဆုံး ၄ ဦး သေဆုံးကြောင်း၊ ဖမ်းဆီးခံရသူ မြန်မာနိုင်ငံသား ၁ ထောင်ကျော် ရှိနိုင်ကြောင်း ဧရာဝတီကို ပြောသည်။

“မလေးရှား ရဲတွေက တရားခံကို ဖမ်းတာက ပုံစံ မမှန်ဘူး ဖြစ်နေတယ်။ သူတို့အပြောအရ စခန်းတွေဘာတွေ သွင်းပြီး မြန်မာပြည် ပြန်ပို့မယ့်ပုံစံ။ ဒီမှာက တရားဝင်ရော၊ တရားမ၀င်ရော ရှိနေကြတာ” ဟု သူက ဆိုသည်။

ဖမ်းဆီးရာတွင် အနည်းဆုံး လူ ၅၀ ဦးဆန့် လော်ရီကားများကို အသုံးပြုပြီး မျက်မြင် ဖမ်းဆီသွားမှုသည်ပင် အနည်းဆုံး ကား ၄ စီး ရှိကြောင်း၊ လူသွားလူလာများသော ဘူတာ၊ ကားဂိတ် စသည့် နေရာများအပြင် ယမန်နေ့ကလည်း နေအိမ်များအထိ လိုက်လံ ဖမ်းဆီးမှုများ လုပ်ခဲ့ပြီး ယခုအချိန် အထိလည်း ဖမ်းဆီးနေဆဲ ဖြစ်ကြောင်း၊ ဖမ်းဆီးမှုများအား ဓာတ်ပုံရိုက်ခြင်းကိုလည်း မလေးရှား ရဲများက တားမြစ်ခဲ့ကြောင်း သူက ပြောသည်။

မလေးရှားတွင် ဖွင့်လှစ်ထားသည့် မြန်မာဆိုင်များကိုလည်း တရားဝင်၊ မဝင် စစ်ဆေးမည်ဖြစ်ကြောင်း၊ တရားမဝင်ပါက ဥပဒေအရ အရေးယူမည်ဖြစ်ကြောင်း သိရသည်။

မလေးရှားရဲအရာရှိများနှင့် ဆွေးနွေးခဲ့သူက ဆက်လက်၍ “ရဲချုပ်က ကတိပေးတယ်လေ။ တနေရာရာမှာ မသင်္ကာတဲ့ အပြုအမူမျိုး၊ ဓားတွေ၊ လက်နက်တွေနဲ့ ဟာမျိုးပေါ့။ အဲဒါမျိုး တွေ့တာနဲ့ ချက်ချင်း ဖုန်းဆက်အကြောင်းကြားပါတဲ့။ မိနစ်ပိုင်းအတွင်း အမြန်ဆုံး အရေးယူသွားမှာ ဖြစ်တယ်လို့ ကတိတော့ပေးတယ်။ တကယ်ဖြစ်လာမလား၊ မဖြစ်လာဘူးလား ဆိုတာတော့ စောင့်ကြည့်ရမှာပဲ” ဟု သူက ဆိုသည်။

မလေးရှားရှိ မြန်မာတိုင်းသည် ယခုအချိန်တွင် ရှောင်ပုန်းနေကြရကြောင်း၊ လုံခြုံမှုမရှိ ခံစားနေရကြောင်း၊ မြန်မာသံရုံး ဘက်ကလည်း မြန်မာများ၏ စိုးရိမ်နေရမှုအတွက် ထိရောက်သည့် အကူအညီ မပေးသေးကြောင်း၊ အများစုမှာ သတ်မှတ်ဗီဇာ ကျော်လွန် နေထိုင်သူများဖြစ်ကြောင်း၊ ဖမ်းဆီးခံခဲ့ရသူများထဲမှ အထောက်အထား အပြည့်အစုံ တင်ပြနိုင်သူများကို ပြန်လွှတ်ပေးခဲ့ကြောင်း မလေးရှားရောက် နောက်ထပ် မြန်မာတဦးကလည်း  ဧရာဝတီကို ပြောသည်။

“လက်မှတ်ရှိတာတောင် အဖမ်းခံသွားရပြီး ခေါင်းပေါ် လက်တင်ထားရတာ တနေကုန်နီးပါး။ ဒီတခေါက် ကျနော့် အတွေ့အကြုံအရ မြန်မာတွေကို အဆိုးဆုံး ဖမ်းဆီးတဲ့ ပွဲပဲ” ဟု သူက ဆိုသည်။

ကွာလာလမ်ပူမြို့ အပါအ၀င် အနီးဝန်းကျင်တွင် မြန်မာနိုင်ငံမှ လာရောက် အလုပ်လုပ်ကိုင်နေသူ ထောင်ချီရှိပြီး မွတ်စလင် အများစုဖြစ်ကြောင်း၊ ရခိုင်၊ ဗမာနှင့် ချင်းလူမျိုးများလည်း ရှိကြောင်း သိရသည်။

သမ္မတ ရုံးမှ တာဝန်ရှိသူများနှင့် ပြန်ကြားရေး ဝန်ကြီးဌာနမှ တာဝန်ရှိသူများက မြန်မာနိုင်ငံဆိုင်ရာ မလေးရှားသံအမတ်ကြီးကို သတိထောက်လွှာ ပေးပို့ကြောင်း သတင်းထုတ်ပြန်ပြီးနောက်ပြီး မလေးရှားတွင် မြန်မာများ အဖမ်းခံရမှု ဖြစ်စဉ်နှင့် ပတ်သက်၍ ယနေ့ ညနေပိုင်းအထိ ဆက်လက် ထုတ်ဖော် ပြောဆိုခြင်း မရှိသည်ကို တွေ့ရသည်။

မြန်မာနိုင်ငံသားများ ဖမ်းဆီးခံရမှုနှင့် ပတ်သက်၍ ဖုန်းဖြင့် မေးမြန်းရန် မလေးရှားနိုင်ငံရှိ မြန်မာသံရုံးသို့ ဧရာဝတီက အကြိမ်ကြိမ် ကြိုးစားသော်လည်း ဆက်သွယ်၍ မရပေ။

မလေးရှားနိုင်ငံတွင် တရားဝင် လာရောက် အလုပ်လုပ်ကိုင်သူ မြန်မာ ၃ သိန်းခန့်ရှိပြီး တရားမ၀င် အလုပ်လုပ်နေသူ မြန်မာ ၁ သိန်းခန့်ရှိကြောင်း၊ ထို့အပြင် နိုင်ငံရေးခိုလှုံခွင့်နှင့် ဒုက္ခသည်အဖြစ် ရရှိရန် ရောက်လာသူ ရာနှင့်ချီ၍လည်း ရှိကြောင်း သိရသည်။
Irrawaddy

ဖျက်ပြီးကျောင်းဆောင် အချိန်မီပြန်မ ဆောက်နိုင်၍ ကျောင်းသား/သူများ အခက်ကြုံ

ပဲခူးတိုင်းဒေသကြီး ရွှေကျင်မြို့နယ် ဒလဆိပ်ကျေးရွာအုပ်စု သစ်ဖယောင်းတန်း ကျေးရွာ မူလတန်းလွန် ကျောင်းအား နွေရာသီ ကျောင်းပိတ်ရက် အတွင်းက အသစ်ပြန်ဆောက် ရန်ဖျက်ပြီး သစ်သားများအား စုပုံထား သော်လည်း ကျောင်းဖွင့်ချိန်အမီ ပြန်လည် တည်ဆောက် ပေးနိုင်ခြင်းမရှိသ
ဖြင့် ကျောင်းသားများ အခက်ကြုံနေ ကြောင်းသိရပါသည်။

ကျောင်းသားများမှာ ယာယီဝါးတဲထဲတွင် ဖြစ်သလို စာသင်နေရသဖြင့် ကျန်မာရေး ထိခိုက်နိုင်
သည့်အပြင် သင်ကြားရေးကိုလည်း အနှောက်အယှက် ဖြစ်စေသည်ဟု ယူဆပါ၍ သက်ဆိုင် ရာမှ ကူညီ ဖြေရှင်းပေးစေလိုကြောင်း ကျောင်းသား မိဘများက ပြောပါသည်။
Myanmar News Now

ယာယီဝါးကျောင်းဆောင်

ယခင်ကျောင်းဆောင်အဟောင်း

ကျောင်းဆောင်ဟောင်းမှသစ်ပုံ

ဒေါ်အောင်ဆန်းစုကြည်က တရားဥပဒေအရ အားလုံး တန်းတူဖြစ်ရမယ်လို့ ပြောကြား

Thursday, June 6, 2013

ရခိုင်ပြည်နယ်အစိုးရက မြို့နယ် ၂ ခုမှာရှိတဲ့ မွှတ်စလင်တွေကို မိသားစုတစ်ခုမှာ သားသမီး ၂ ဦးပဲ မွေးဖွားရမယ်လို့ အမိန့်ထုတ်ပြန်ခဲ့တာဟာ ခွဲခြားမှုတစ်ခုဖြစ်တယ်လို့ ပြီးခဲ့တဲ့ရက်ပိုင်းအတွင်း ဒေါ်အောင်ဆန်းစုကြည်က ပြောဆိုခဲ့တဲ့အတွက် မကျေနပ်ကြောင်း ပြောဆိုသံတွေ ပေါ်ထွက်နေတာနဲ့ ပတ်သက်ပြီး RFA က မေးမြန်းခဲ့ရာမှာ အခုလို မကျေနပ်မှုတွေပေါ်ပေါက်မှာကို ကြိုတင်တွက်ဆပြီး ဖြစ်ပါတယ်။

ဒါပေမယ့် တရားဥပဒေအောက်မှာ နိုင်ငံသားအားလုံး တန်းတူရည်တူ အခွင့်အရေးရှိရမှာ ဖြစ်တဲ့အတွက် မိမိအနေနဲ့ လူ့အခွင့်အရေးနဲ့ ပတ်သက်ပြီး ပြောစရာရှိတာကို အမှန်အတိုင်း ပြောရမှာပါပဲလို့ NLD ဥက္ကဌ ဒေါ်အောင်ဆန်းစုကြည်က ပြောကြားလိုက်ပါတယ်။

"ဥပဒေတစ်ခုအောက်မှာ အားလုံးကတန်းတူရည်တူဖြစ်ရမယ်၊ အဖွဲ့အစည်းတစ်ခုပဲဖြစ်ဖြစ်၊ အသိုင်းအဝိုင်းတစ်ခုပဲဖြစ်ဖြစ် သက်သက်ဥပဒေတစ်ခုနဲ့ လုပ်တယ်ဆိုတာဟာ ဒါဟာ သာမာန် လူ့အခွင့်အရေးရှုထောင့်ကကြည့်လို့ရှိရင် မကိုက်ညီဘူး၊ တရားဥပဒေစိုးမိုးရေးနဲ့လည်း မကိုက်ညီဘူး"

RFA က ပုံမှန်ထုတ်လွှင့်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် ဗုဒ္ဓဟူးနေ့က ဆက်သွယ်မေးမြန်းခဲ့ရာမှာ အခုလို ပြောဆိုလိုက်တာဖြစ်ပါတယ်။

တဆက်တည်းမှာပဲ အမျိုးသမီးများ သားဆက်ခြားမှုအပေါ်သဘောထားကို မေးမြန်းရာမှာတော့ ဒါဟာအမိန့်တစ်ခုအဖြစ် ထုတ်ပြန်ပြဌာန်းရမယ့် ကိစ္စမဟုတ်ပဲ မိမိတို့အမျိုးသမီးတွေရဲ့ ကိုယ်ပိုင်ဆုံးဖြတ်ခွင့် ဖြစ်တယ်လို့ ဒေါ်အောင်ဆန်းစုကြည်က ပြောဆိုပါတယ်။

"ဒီဟာက ရွေးချယ်မှုတစ်ခုဖြစ်ရမယ်၊ အစိုးရအနေနဲ့ ပညာပေးရမယ်၊ ဘယ်လိုလုပ်ရမယ်၊ ဘယ်လိုလုပ်သင့်တယ်၊ ဘယ်လိုဖြစ်လို့ ဒီလိုလုပ်သင့်တယ်၊ ဘယ်လိုပုံစံနဲ့ ကိုယ်လုပ်ချင်ရင် လုပ်နိုင်တယ်ဆိုတာ၊ အဲ့လိုပုံစံနဲ့ ပညာပေးသွားပြီးတော့ မိသားစုမှာ သားသမီးဘယ်လောက်ရှိဖို့ ဆုံးဖြတ်တာက နောက်ဆုံးတော့ မိဘတွေရဲ့ဆုံးဖြတ်မှု ဖြစ်ရမှာပေါ့"
RFA Burmese

ယာဉ်မှတ်ပုံတင်ကြေးအား ကျပ်ငွေဖြင့် ပေးသွင်းမှု ကညနမှ ရက်ပိုင်းအတွင်း လက်ခံမည်

ရန်ကုန်တိုင်း ဒေသကြီး ကညန ရုံးကို တွေ့ရစဉ် (ဓာတ်ပုံ-ကျော်ဇင်ဝင်း)

06 June 2013
ယာဉ်မှတ်ပုံတင် ကြေးများအား ပေးသွင်းရာတွင် ကျပ်ငွေဖြင့် ပေးသွင်းခြင်းကို ရက်ပိုင်းအတွင်း လက်ခံသွားမည်ဟု ရထားပို့ဆောင်ရေး ၀န်ကြီးဌာန၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာန (ကညန) တာဝန်ရှိသူများက ပြောကြားခဲ့သည်။

ကညနမှ တာဝန်ရှိသူ တစ်ဦးက "ယာဉ်မှတ်ပုံတင်ကြေး ပေးသွင်းတာကို ကျပ်ငွေနဲ့ လက်ခံဖို့ လုပ်နေပါတယ်။ ရက်ပိုင်းအတွင်း လက်ခံသွားမှာပါ" ဟု အတည်ပြု ပြောကြားခဲ့သည်။

ယခင်က ယာဉ်မှတ်ပုံတင်ကြေးများ ပေးသွင်းရာ၌ အက်ဖ်အီးစီဖြင့် စတင်လက်ခံ ခဲ့ပြီးနောက်ပိုင်းတွင် အမေရိကန် ဒေါ်လာဖြင့်သာ ပေးသွင်းရန် ပြောင်းလဲသတ်မှတ် ခဲ့သည်။

ယာဉ်မှတ်ပုံတင်ကြေး ပေးသွင်းမည့်သူများ အနေဖြင့် အမေရိကန် ဒေါ်လာအား ၀ယ်ယူပေးသွင်း နေရသည့်အတွက် နိုင်ငံတော် သမ္မတ၏ ညွှန်ကြားချက်တွင် ပါဝင်သည့်အတိုင်း ဈေးကွက်အတွင်း ဒေါ်လာလိုအပ်ချက်ကို ဖြစ်ပေါ်စေလျက် ရှိခြင်း၊ ပြည်တွင်း၌ ပေးသွင်းရခြင်း ဖြစ်သော်လည်း မြန်မာနိုင်ငံ ဖြစ်လျက်နှင့် ကျပ်ငွေအသုံးမ၀င် ဖြစ်နေခြင်း၊ ငွေလဲကောင်တာများမှ ၀ယ်ယူပေးသွင်း ရခြင်းကြောင့် ငွေလဲကောင်တာများသာ ပိုမိုအမြတ်ရ အလုပ်ဖြစ်နေခြင်းများ ဖြစ်ပေါ်လျက် ရှိသည်။

နိုင်ငံတော် သမ္မတမှ နိုင်ငံတော်အတွင်း နိုင်ငံခြားငွေ သို့မဟုတ် အမေရိကန် ဒေါ်လာဖြင့် အခွန်အခများ ကောက်ခံခြင်း၊ ပေးချေခြင်း၊ လက်ခံခြင်း၊ လွှဲပြောင်းခြင်းများသည် ပြည်တွင်းဈေးကွက်တွင် ဒေါ်လာလိုအပ်ချက် ပမာဏ မြင့်မားစေသည့်အပြင် ပြည်တွင်းသုံး ကျပ်ငွေ၏ အသုံးဝင်မှု အခန်းကဏ္ဍကိုလည်း လျော့ကျစေကြောင်း၊ ထို့အတွက် ပြည်သူ့ရေးရာ ၀န်ဆောင်မှု လုပ်ငန်းများ ဆောင်ရွက်ရာတွင် သာသနာရေး ၀န်ကြီးဌာနမှအပ ၀န်ကြီးဌာန/အဖွဲ့အစည်းများ အနေဖြင့် အခွန်အခများ ကောက်ခံခြင်း၊ ပေးချေခြင်း၊ လက်ခံခြင်း၊ လွှဲပြောင်းခြင်းများ၌ မြန်မာကျပ်ငွေဖြင့်သာ ကောက်ခံရန် နိုင်ငံတော် သမ္မတက ပြည်ထောင်စု ၀န်ကြီးဌာနများ အားလုံးနှင့် တိုင်းဒေသကြီး/ပြည်နယ်အစိုးရ အဖွဲ့အားလုံးသို့ ညွှန်ကြားချက်ကို မေ ၃၁ ရက်က ထုတ်ပြန်ခဲ့သည်။

ထိုသို့ ထုတ်ပြန်ခဲ့ပြီးနောက်တွင် ရထားပို့ဆောင်ရေး ၀န်ကြီးဌာန၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာနမှလည်း နိုင်ငံတော် သမ္မတ၏ ညွှန်ကြားချက်အတိုင်း ကျပ်ငွေဖြင့် ကောက်ခံရန် စီစဉ်ခဲ့ခြင်းဖြစ်ကြောင်း သိရသည်။
Eleven Media Group

PR အတွက် တိုင်းရင်းသား ပါတီများ ပြင်ဆင်

လွှတ်တော် နိုင်ငံရေးမှာ ပိုမို စုစည်း လာကြတဲ့ လူမျိုးစု အမတ်များ

5 ဇွန်လ 2013
လာမယ့် ၂ဝ၁၅ ရွေးကောက်ပွဲမှာ PR ခေါ် အချိုးကျ ရွေးကောက်တဲ့ စနစ်ကို ပြောင်းလဲ ကျင့်သုံး ခဲ့ရင် တိုင်းရင်းသား ပါတီတွေ စုပေါင်း ပြီး ဖက်ဒရယ် ပြည်ထောင်စု ပါတီဖွဲ့ကာ တိုင်း ဒေသတွေ ကနေ ယှဉ်ပြိုင် သွားမယ်လို့ ရှမ်း တိုင်းရင်းသားများ ဒီမိုကရက်တစ် ပါတီ ဥက္ကဋ္ဌဌ စိုင်းအိုက်ပေါင်း က ပြောပါတယ်။

ဒီစနစ်ကို တိုင်းရင်းသား ပါတီတွေ လက်မခံကြ ပေမယ့် လွှတ်တော်မှာ မဲအများနဲ့ ဆုံးဖြတ်ရင် နိုင်ခြေ မရှိတဲ့ အတွက် PR စနစ်အရ အချိုးကျ ရွေးကောက် ခံရဖို့ အတွက် နေရာ များများမှာ ဝင်ပြီး ယှဉ်ပြိုင်ဖို့ ဒီလို စဉ်းစား ရတယ်လို့လဲ သူက ဆိုပါတယ်။

ပြည်နယ် ဒေသတွေမှာ သာမက မြန်မာ အများစု နေထိုင်ရာ တိုင်းဒေသ တွေမှာလဲ လူနည်းစု တိုင်းရင်းသားတွေ ပြန့်နှံ့ နေထိုင်ကြတဲ့ အတွက် သူတို့ကို ကိုယ်စားပြုဖို့ နေရာတွေ တိုးချဲ့ ယှဉ်ပြိုင်ဖို့ ပြင်ဆင် နေကြတာ ဖြစ်ပါတယ်။
BBC Burmese

မြန်မာ့စီးပွားရေးကို IFC အကောင်းမြင်

ကမ္ဘာ့ဘဏ်အဖွဲ့ခွဲ IFC က Ms. Karin Finkelston

6 ဇွန်လ 2013
အရှေ့အာရှ ဒေသ အတွက် ၂ဝ၁၃ ကမ္ဘာ့ စီးပွားရေး ဖိုရမ် ဆွေးနွေးပွဲကို နေပြည်တော်မှာ ကြာသပတေးနေ့မှာ တရားဝင် စတင် ဖွင့်လှစ် တော့မှာ ဖြစ်ပါတယ်။ ဆွေးနွေးပွဲ တက်လာတဲ့ ကမ္ဘာ့ဘဏ် အဖွဲ့ခွဲ IFC နိုင်ငံတကာ ဘဏ္ဍဍာရေး ကော်ပိုရေးရှင်းက အာရှပစိဖိတ် ဒေသ ဒုတိယ ဥက္ကဋ္ဌဌ Karin Finkelston ကို ဘီဘီစီ အကြီးတန်း သတင်းထောက် ဦးကိုကိုအောင်က သီးသန့် တွေ့ဆုံ မေးမြန်း ထားပါတယ်။

မေး။ ။မြန်မာနိုင်ငံရဲ့ စီးပွားရေး ပြုပြင် ပြောင်းလဲမှုတွေ အပေါ် ဘယ်လို မြင်ပါသလဲ။

ဖြေ။ ။ကျွန်မရဲ့ ပထမဆုံး အမြင် ကတော့ အပြောင်းအလဲ တွေဟာ သိပ်မြန်ပြီး သိပ်စိတ်လှုပ်ရှားစရာ ကောင်းပါတယ်။ အစိုးရအနေနဲ့ ရင်းနှီး မြှုပ်နှံသူ တွေကို ဆွဲဆောင် နိုင်အောင် ကြိုးစားနေပြီး ပုဂ္ဂလိက ရင်းနှီး မြှုပ်နှံမှု တွေကို အားပေး နေပါတယ်။ IFC ဟာ ကမ္ဘာ့ဘဏ်ရဲ့ ပုဂ္ဂလိကပိုင်း ဆိုင်ရာ ကဏ္ဍဍနဲ့ သက်ဆိုင်တဲ့ အပိုင်းကို လုပ်နေတဲ့ အဖွဲ့အစည်း ဖြစ်လို့ ဖွံ့ဖြိုး တိုးတက်မှုမှာ အားလုံး ပါဝင်နိုင်ဖို့ အဓိက ဦးတည် ဆောင်ရွက် ပါတယ်။ မြန်မာ နိုင်ငံမှာ ပထမဆုံး လုပ်တာ ကတော့ စုပေါင်းဘဏ် တခု ထူထောင်တာပဲ ဖြစ်ပါတယ်။ ကမ္ဘောဒီးယားမှာ အသေးစား ချေးငွေ လုပ်ငန်း ဆောင်ရွက်ဖို့ အလှူရှင် အဖွဲ့အစည်း တခု အနေနဲ့ စတင် ထူထောင်တဲ့ ပုံစံမျိုးပါ။ သူတို့အနေနဲ့ ဘဏ်လုပ်ငန်း လိုင်စင် ရနိုင်အောင်၊ အလှူရှင်ကို အားကိုးစရာ မလိုဘဲ စီးပွားဖြစ် လုပ်နိုင်မယ့် အသေးစား ချေးငွေ လုပ်ငန်း ဖြစ်လာအောင် IFC ကကူညီပါတယ်။ ပြည်တွင်းမှာ ရှိတဲ့ အသေးစား ချေးငွေ လုပ်ငန်း တွေကိုလည်း စီးပွားဖြစ် လုပ်နိုင် လာအောင် ကူညီပေး နေပါတယ်။ ဒါ သိပ်အရေးကြီးတဲ့ ခြေလှမ်းလို့ ကျွန်မတို့ မြင်ပါတယ်။

မေး။ ။အသေးစားချေးငွေ အကြောင်း ဆက်မပြောခင် နိုင်ငံခြားက ရင်းနှီး မြှုပ်နှံမယ့် သူတွေဟာ တကယ်တမ်း အရင်းအနှီးတွေ ယူလာဖို့မှာ လက်တွန့် နေသေးတာ ဘာကြောင့်လဲ ဆိုတာ ပြောပြနိုင်မလား။

ဖြေ။ ။ကျွန်မ ထင်တာတော့ ဒီနိုင်ငံဟာ အကြာကြီး တံခါးပိတ် ထားခဲ့ပါတယ်။ ဒီတော့ ရင်းနှီးမြှုပ်နှံ ချင်သူ တွေက ပြုပြင် ပြောင်းလဲရေး ဘယ်လောက် လုပ်နေလဲ ဆိုတာကို ကြည့်ကြ ပါလိမ့်မယ်။ ကျွန်မအမြင် ကတော့ တကယ်လို့ သူတို့သာ ဒီမှာ အချိန်နည်းနည်း ပေးပြီး လေ့လာကြည့်မယ် ဆိုရင် ပြုပြင် ပြောင်းလဲရေး တွေ တကယ် လုပ်နေတယ် ဆိုတာမျိုး ခံစားမိပါလိမ့်မယ်။ ကမ္ဘာ့ဘဏ် အနေနဲ့ ကတော့ အစိုးရရဲ့ စီးပွားရေး ပြုပြင် ပြောင်းလဲမှု တွေမှာ အားလုံး ပါဝင်နိုင်ဖို့နဲ့ ပုဂ္ဂလိက စီးပွားရေးကဏ္ဍဍ ကလည်း တာဝန်သိသိ ပါဝင်ကြဖို့ ဦးတည် ဆောင်ရွက် နေပါတယ်။ ဆိုလိုတာ က ရင်းနှီး မြှုပ်နှံသူ တွေကို ပွင့်လင်း မြင်သာပြီး နိုင်ငံ တကာ စံနှုန်းနဲ့ ညီအောင် အလုပ်လုပ်ဖို့ ကျွန်မတို့က ဆွဲဆောင်မှာပါ။ ပြည်တွင်း လုပ်ငန်းရှင်တွေ၊ ဘဏ်တွေ ကိုလည်း နိုင်ငံတကာ စံနှုန်းနဲ့ ညီအောင် မြှင့်ပေးဖို့ လုပ်နေပါတယ်။

မေး။ ။ဒီလို ပြုပြင် ပြောင်းလဲရေးတွေဟာ တကယ် လိုအပ်တာ မှန်သလို တကယ် ဖြစ်လာအောင် လုပ်ဖို့ကလည်း ခက်တယ် မဟုတ်လား။ ဒီတော့ စီးပွားရေး တိုးတက် လာအောင် လုပ်ဖို့မှာအဓိက ဘာတွေ လိုအပ်နေပါလဲ။

ဖြေ။ ။ဒီနေရာမှာ ပြောစရာ သုံးခုလောက် ရှိပါတယ်။ တခုက ရင်းနှီး မြှုပ်နှံရေးနဲ့ ပတ်သက်တဲ့ မူဘောင်နဲ့ ဆိုင်ပါတယ် ။ ပြည်တွင်းမှာ လုပ်ငန်းငယ် တွေ လွယ်လွယ်ကူကူ ထူထောင်နိုင်ဖို့၊ လူတွေ ငှားနိုင်ဖို့၊ လုပ်ငန်း လိုင်စင် အလွယ်တကူ ရနိုင်ဖို့၊ မလိုအပ်တဲ့ ငွေကောက်ခံမှုတွေ မလုပ်ဖို့၊ စည်းမျဉ်း တွေကို ရှင်းရှင်းလင်းလင်း ဖြစ်အောင် လုပ်ဖို့၊ ရှေ့နောက် ညီညွတ်တဲ့ ပုံစံမျိုးနဲ့ အလုပ်လုပ်ဖို့ ဒါတွေဟာ ပထမ လိုအပ်ချက်ပါ။ ဒုတိယ လိုတာက အခြေခံ အဆောက်အဦ တွေကို သုံးနိုင်ဖို့ပါ။ အရေး အကြီးဆုံး ထဲမှာ လျှပ်စစ် စွမ်းအင်လည်း ပါပါတယ်။ နောက် ဧရိယာ တခု ကတော့ မိုဘိုင်းဖုန်းတွေ များများ သုံးနိုင်ဖို့ပါ။ လုပ်ငန်း လိုင်စင် ချပေးမယ့် လုပ်ငန်းစဉ်ကို ခုထိ တွေ့ရတဲ့ အတိုင်း ဆိုရင်တော့ ပွင့်လင်း မြင်သာမှု ရှိပါတယ်။ ဒီလ ကုန်လောက်ဆိုရင် လိုင်စင် တခုနှစ်ခု လောက်ကို အစိုးရက ချပေး လိမ့်မယ်လို့ မျှော်လင့် ရပါတယ်။ ဒါဟာ လူတွေ ဖုန်းပိုင်ဆိုင် ရရုံထက် ပိုအကျိုးရှိပါတယ်။ ဥပမာ ကျေးလက် ဒေသတွေမှာ ဖုန်းတွေ သုံးနိုင် လာမယ်ဆိုရင် ဈေး ကွက်နဲ့ ပတ်သက်တဲ့ သတင်းတွေကို သူတို့ အလွယ်တကူ ရလာနိုင်မှာပါ။

မေး။ ။တကယ်တမ်း ကျတော့ ပြုပြင် ပြောင်းလဲရေးတွေ စလုပ်ပြီး ၂ နှစ်လောက် ကြာလာတဲ့ ခုချိန်ထိ အဲဒီ အပြောင်း အလဲရဲ့ အကျိုးကျေးဇူးကို လူတွေ သိပ် မခံစားရ သေးပါဘူး။ အဲဒီလို ခံစားနိုင်အောင် ဘာလုပ် လို့ရမယ် ထင်ပါလဲ။

ဖြေ။ ။အခြေခံ အဆောက်အဦ တွေကို လူတွေ သုံးနိုင်ဖို့ဟာ အရေးကြီးသလို အချိန်လည်း ယူရပါတယ်။ အခု မိုဘိုင်းဖုန်း လိုင်စင်တွေကို ပွင့်လင်း မြင်သာတဲ့ ပုံနဲ့ ဆက်လုပ်သွားရင် ဒီလိုင်စင် ချပေးတဲ့ ပုံစံဟာ နမူနာကောင်း တခု ဖြစ်လာနိုင် ပါတယ်။ လိုင်စင် ချပေး ပြီးတာနဲ့ လူတွေ အကျိုး ကျေးဇူးကို မြန်မြန် ခံစား လာနိုင်ပါတယ်။ ဥပမာ ပစိဖိတ်ကျွန်း နိုင်ငံ တွေမှာဆိုရင် လွန်ခဲ့တဲ့ ၆ နှစ်လောက် တုန်းက လူ ၁ဝဝ မှာ ၁ဝ ယောက် လောက်ပဲ မိုဘိုင်းဖုန်း ပိုင်ဆိုင် ကြပါတယ်။ ဒီနေ့မှာ ၆ဝ ရာနှုန်း အထိ တက်လာပါပြီ။ အထူးသဖြင့် ကျေးလက်ဒေသ၊ သွားလာလို့ မလွယ်တဲ့ဒေသ တွေမှာပါ။

မေး။ ။စီးပွားရေး ဖွံ့ဖြိုးအောင် ဆောင်ရွက်ပြီး လူတွေ အကျိုး ခံစားနိုင်ရေးကို ကျွန်တော်တို့ ပြောနေတာတော့ ဟုတ်ပါပြီ။ အခု ကမ္ဘာ့ စီးပွားရေး ဖိုရမ် ကျင်းပ နေတဲ့ ညီလာခံ ခန်းမနဲ့ သိပ်မဝေးတဲ့ နေရာတွေကို သွားကြည့် လိုက်ရင် ဆင်းရဲတဲ့ သူတွေ အများကြီး တွေ့ရမှာပါ။ ကမ္ဘာ့ ထိပ်သီးတွေ လာကြတဲ့ ဒီစီးပွားရေး ဖိုရမ်ကြီးနဲ့ သူတို့ တိုက်ရိုက် မဆက်စပ် သလို ဖြစ်နေပါတယ်။ အဲဒါကို ဘယ်လို နည်းနဲ့ ဆက်စပ် ယူနိုင်မလဲ။

ဖြေ။ ။ကျွန်မထင်တယ်၊ လူတွေကို ငွေကြေး အရင်းအနှီး ရနိုင်အောင် ဆောင်ရွက် ပေးဖို့ သိပ်အရေး ကြီးပါတယ်။ အသေးစား ချေးငွေတို့၊ လုပ်ငန်း ငယ်လေးတွေ စတင်ဖို့ တို့လို အပိုင်းတွေပေါ့။ နောက် တနည်းက အပြင် ကနေ စံနှုန်း မြင့်မားတဲ့ အဖွဲ့အစည်းတွေကို ဖိတ်ခေါ်ပြီး မြန်မာနိုင်ငံ မှာလည်း ဒီလိုလုပ်လို့ ရနိုင်တယ် ဆိုတာကို ပြသဖို့ပါ။ လျှပ်စစ် စွမ်းအင်လို အပိုင်းမှာလည်း အိန္ဒိယလို နိုင်ငံ မျိုးမှာ အောင်မြင်ခဲ့ တဲ့ နမူနာတွေ ရှိခဲ့ပါတယ်။ ကျေးလက် ဒေသတွေမှာ ခေါင်မိုး ပေါ်မှာ ဆိုလာပြား တပ်ပြီး လျှပ်စစ် ထုတ်ပေး တာမျိုးတွေ လုပ်နိုင် ခဲ့ပါတယ်။ နောက်ထပ် အရေးကြီးတဲ့ တချက်က စီးပွားရေးမှာ သယံဇာတ ကိုချည်း လုံးဝ အားမကိုးဘဲ နယ်ပယ်စုံကို ချဲ့ထွင် နိုင်ဖို့ပါ။ အခု လောလောဆယ်မှာ မြန်မာ့ နိုင်ငံခြား ရင်းနှီး မြှုပ်နှံမှုရဲ့ ၈ ရာနှုန်း လောက်သာ ထုတ်လုပ်ရေးပိုင်းတို့၊ ကမ္ဘာလှည့် ခရီးသည် လုပ်ငန်းတို့ ဘက်ကို သွားပါသေးတယ်။ အလုပ်အကိုင် အားလုံးရဲ့ ၉ဝ ရာနှုန်း လောက်ကို ဖန်တီးနိုင်တဲ့ပုဂ္ဂလိက ကဏ္ဍဍ ဖွံ့ဖြိုး လာဖို့ အရေးကြီး ပါတယ်။ လုပ်ငန်းငယ် လေးတွေ ဖွံ့ဖြိုး အားကောင်း လာဖို့လည်း အရေးကြီး ပါတယ်။ ဒီလို ဖွံ့ဖြိုးအောင် ကျွမ်းကျင်မှုတွေ ရလာနိုင်ဖို့ ပြင်ပက ဖက်စပ် လုပ်ကိုင်သူတွေ ကိုလည်း ဖိတ်ခေါ် သင့်ပါတယ်။
BBC Burmese

မြန်မာနိုင်ငံ၏ ထိပ်ဆုံးအခွန်ထမ်း ၁၀၀ ဦးစာရင်း ဇွန်လကုန်တွင် ထုတ်ပြန်မည်

06 June 2013
မြန်မာနိုင်ငံ၏ ၂၀၁၂-၂၀၁၃ ဘဏ္ဍာနှစ်အတွက် ထိပ်ဆုံးအခွန်ထမ်း ၁၀၀ ဦးစာရင်းကို ၂၀၁၃ ခုနှစ် ဇွန်လကုန်တွင် ထုတ်ပြန်နိုင်မည်ဖြစ်ကြောင်း ပြည်တွင်းအခွန်များ ဦးစီးဌာနမှ သတင်းရရှိသည်။

လက်ရှိတွင် ပြည်တွင်းအခွန်များ ဦးစီးဌာန အနေဖြင့် ပြည်နယ်နှင့် တိုင်းဒေသကြီး အသီးသီးမှ ပေးပို့ထားသည့် ပြည်နယ်အလိုက် ထိပ်ဆုံးအခွန်ထမ်း ၁၀၀ ဦးစာရင်း၊ တိုင်းဒေသကြီးအလိုက် ထိပ်ဆုံးအခွန်ထမ်းဦးရေ ၁၀၀ စာရင်းတို့ ရရှိပြီး ဖြစ်သည့်အတွက် ပြည်ထောင်စုအဆင့် ထိပ်ဆုံးအခွန်ထမ်း ဦးရေ ၁၀၀ အထိ စာရင်းအား ထပ်မံပြုစုသည်မှာ ပြီးလုပြီဖြစ်သည်ဟု သိရသည်။

၂၀၁၁-၂၀၁၂ ဘဏ္ဍာနှစ်မှစ၍ ဦးရေ ၁၀၀ အထိတိုး၍ ထုတ်ပြန်ပေးခဲ့ခြင်း ဖြစ်သည်။ ယခု ထုတ်ပြန်မည့် ၂၀၁၂-၂၀၁၃ ဘဏ္ဍာနှစ်တွင် ထိပ်ဆုံးဦးရေ ၁၀၀ ထဲမှ အများဆုံး ပေးဆောင်ခဲ့သူမှာ ကမ္ဘောဇဘဏ် လုပ်ငန်းရှင် ဦးအောင်ကိုဝင်း ဖြစ်ကြောင်း . . . . .

ထို့အတွက် ယခု ဇွန်လအတွင်းနှင့် ဇွန်လကုန်တွင် ထုတ်ပြန်နိုင်မည် ဖြစ်ကြောင်း၊ ယခင်နှစ်များက မြန်မာနိုင်ငံ၏ ထိပ်တန်းအခွန်ထမ်း ငါးဦးစာရင်းသာ ထုတ်ပြန်နိုင်ခဲ့ပြီး ၂၀၁၁-၂၀၁၂ ဘဏ္ဍာနှစ်မှစ၍ ဦးရေ ၁၀၀ အထိတိုး၍ ထုတ်ပြန်ပေးခဲ့ခြင်း ဖြစ်သည်။

ယခု ထုတ်ပြန်မည့် ၂၀၁၂-၂၀၁၃ ဘဏ္ဍာနှစ်တွင် ထိပ်ဆုံးဦးရေ ၁၀၀ ထဲမှ အများဆုံး ပေးဆောင်ခဲ့သူမှာ ကမ္ဘောဇဘဏ် လုပ်ငန်းရှင် ဦးအောင်ကိုဝင်း ဖြစ်ကြောင်းနှင့် ကျပ် ၁၀ ဒသမ ၈၂၇ ဘီလျံကျော် ပေးဆောင်ထားပြီး ဒုတိယအများဆုံး ပေးဆောင်ထားသူများမှာ ACE ဆောက်လုပ်ရေးကုမ္ပဏီ လီမိတက်နှင့် မက်စ်မြန်မာ ကုမ္ပဏီတို့ ဖြစ်သည်။

၂၀၁၁-၂၀၁၂ ဘဏ္ဍာနှစ်က ၀င်ငွေခွန် အများဆုံး ပေးဆောင်သည့် ထိပ်တန်း ၁၀၀ ဦးထဲတွင် Myanmar Brewery Ltd မှာ အများဆုံး ပေးဆောင်ခဲ့သူဖြစ်ပြီး ဒုတိယ၀င်ငွေခွန် အများဆုံး ပေးဆောင်သူမှာ ကမ္ဘောဇဘဏ်ဖြစ်ကြောင်း သိရသည်။

၂၀၁၁-၂၀၁၂ ဘဏ္ဍာနှစ်က ကုန်သွယ်လုပ်ငန်းခွန် အများဆုံး ပေးဆောင်သည့် ထိပ်တန်း ၁၀၀ ဦးထဲတွင်လည်း အများဆုံးပေးဆောင်သည့် ကုမ္ပဏီမှာ Myanmar Brewery Ltd ဖြစ်ကြောင်းနှင့် ဒုတိယ အများဆုံး ပေးဆောင်သူမှာ Rothmans Of Pall Mall Myanmar Pte.Ltd ဖြစ်ကြောင်း သိရသည်။
Eleven Media Group

ဘဝနှင့် လူ့အဖြစ်၏ရွာပြင်ရောက်နေရဆဲ မိအေးနှစ်ခါနာ HIV သားကောင်များ

HIV ရောဂါဖြင့် ကွယ်လွန်သူများအား အောက်မေ့ဖွယ် အဋ္ဌမအကြိမ်မြောက် မီးထွန်းဆုတောင်းပွဲတွင် ဒေါ်အောင်ဆန်းစုကြည် မီးထွန်းဆုတောင်းနေစဉ်(ဓာတ်ပုံ - သူရထွန်း)

လှိုင်သာယာရှိ အထည်ချုပ်စက်ရုံ တစ်ခုမှ ဒုစက်ရုံမှူး ဦးအောင်ဝင်းဖြစ် သူအား စက်ရုံအတွင်း လုပ်ငန်းခွင် ကျန်းမာရေးဆေးစစ်ပြီးနောက် စက်ရုံ ပိုင်ရှင်မှ ရုတ်တရက်အလုပ်မှထုတ်ပစ် လိုက်သည်ဆိုသော သတင်းက စက်ရုံ တစ်ခုလုံးကို အုတ်အော်သောင်းနင်း ဖြစ်သွားစေသည်။သို့သော် လွန်ခဲ့သော တစ်လက လုပ်ငန်းခွင်အတွင်း ဝန်ထမ်းများအား ဆေးစစ်ပြီးချိန်၌ ဦးအောင်ဝင်းထံ၌ HIV ပိုးတွေ့ရှိသည်ဟူသော သတင်း ထွက်ပေါ်လာမှုနှင့်အတူ မကြာမီရက် ပိုင်းအတွင်းမှာပင် သူ့အား စက်ရုံပိုင် ရှင်က ခေါ်တွေ့ကာ လုပ်အားခ သုံးလ စာပေး၍ အလုပ်မှထုတ်ခဲ့သည့်အတွက် ဒုစက်ရုံမှူး ဦးအောင်ဝင်း ဘဝမှ ဆိုက် ကားဆရာဦးအောင်ဝင်းဘဝ သို့ ရောက် ရှိသွားခဲ့သည်။

ဦးအောင်ဝင်းရဲ့ အလုပ်ပြုတ်ခဲ့ သည့်စက်ရုံမှ စက်ရုံလုပ်သားတစ်ဦးဖြစ်သူ ဦးညွန့်တင် (အမည်ပြောင်း) က ”ကျွန် တော့်မှာလည်း ငယ်ငယ်က မှားခဲ့တဲ့ အမှားတစ်ခုကြောင့် HIV ပိုးကူးစက်ခံထားရပေမယ့် လုပ်ဖော်ကိုင်ဖက်တွေနဲ့ အလုပ်ရှင်သိသွားရင် အလုပ်ဖြုတ်ပစ် လိုက်မှာ၊ ကျွန်တော့်ကို ဝိုင်းပြီးကဲ့ရဲ့ရှုတ် ချကြမှာကို စိုးရိမ်တဲ့အတွက် ဒီရောဂါရှိ တာကို မပြောရဲဘူး။ စက်ရုံမှာ ဆေးစစ် ပြီဆိုရင်လည်း နေမကောင်းဘူးဆိုတဲ့ အကြောင်းပြချက်နဲ့ ရှောင်နေရတယ်” ဟု ပြောသည်။

မြန်မာနိုင်ငံတွင် HIV ပိုးကူးစက် ခံထားရသည့် အသက် ၁၅ နှစ်မှ ၄၉ နှစ်ကြားရှိ လူဦးရေနှစ်သိန်းကျော် ရှိ သည့်အနက် အသိပညာရှင်၊ အတတ် ပညာရှင်များစွာနှင့် တပ်မတော်အရာရှိ များစွာ ပါဝင်ပြီး ၎င်းတို့အား အလုပ်မှ ထုတ်ပယ်ခြင်း၊ အလုပ်မခန့်ထားခြင်းတို့ မှာ လူ့စွမ်းအား အရင်းအမြစ်များစွာ ဖြုန်းတီးရာရောက်နေသည်ဟု HIV ပိုး ကူးစက်ခံထားရသူများ ကွန်ရက်အဖွဲ့ ဥက္ကဋ္ဌဦးမျိုးသန့်အောင်က ပြောသည်။

မြန်မာနိုင်ငံတွင် HIV ပိုးရှိသူများ အနေဖြင့် မည်မျှပင်အသိပညာ၊ အတတ်ပညာများစွာ ပိုင်ဆိုင်ကျွမ်းကျင် ထားကြသော်လည်း အလုပ်အကိုင် ရရှိရေးမှာ လူအများစုက အကြောင်းအမျိုး မျိုးကြောင့် ထိုရောဂါကူးစက်ခံထားရသူများအပေါ် ခွဲခြားဆက်ဆံခြင်းဟူသော တံတိုင်းများဖြင့် ကာရံတားဆီးထား သည့်အတွက် ထင်သလောက်မလွယ် ကူ။ ဦးအောင်ဝင်းသည် ထိုစက်ရုံ၌ ဒုစက်ရုံမှူးအဖြစ် တာဝန်ထမ်းဆောင်ခဲ့သည်မှာ ဆယ်စုနှစ်တစ်စုမျှ မကတော့။ အောက်ခြေဝန်ထမ်းများနှင့် သာမက စက်ရုံပိုင်ရှင်နှင့်လည်း ညီအစ်ကိုရင်း တမျှ ရင်းနှီးကျွမ်းဝင်သူတစ်ဦးလည်း ဖြစ်သည်။

ခန့်မှန်းချေအားဖြင့် မြန်မာနိုင် ငံရှိ စီးပွားရေးလုပ်ငန်းများ၏ ၉ဝ ရာခိုင်နှုန်းက ထိုရောဂါပိုးရှိသော ကျွမ်း ကျင်လုပ်သားများအား အလုပ်မခန့် ကြကြောင်း Myanmar Business Coalition on AIDS (MBCA) မှ ဒေါက်တာ ကေဇင်စိုးက ဆိုသည်။လုပ်ငန်းခွင်အတွင်း ကျန်းမာရေး အရ ဆေးစစ်မှုသည် လုပ်ငန်းလိုအပ် ချက်အရ ကောင်းမွန်သော လက္ခဏာ ဖြစ်သော်လည်း တစ်ခါစစ်ဆေးရုံဖြင့် HIV ပိုးရှိ၊ မရှိအား ချက်ချင်းသိနိုင်ရန် မလွယ်ကူသည့်အတွက် လုပ်ငန်းခွင် အတွင်းရှိ ဝန်ထမ်းတစ်ဦးဦးတွင် HIV ပိုးကူးစက်ခံထားရမှုအား မသိနိုင်ပေ။ ထိုဆောင်ရွက်ချက်မှာ HIV ပိုးရှိသူ လုပ်သားများအား ခွဲခြားဆက်ဆံမှုတစ် ခုပင်ဖြစ်သည့်အတွက် ကုန်သည်/စက် မှုအသင်းချုပ်လက်အောက်ရှိ ကုမ္ပဏီ ပေါင်း ၇၇ ခု၊ UNAIDS နှင့် MBCA တုိ့အကြား သဘောတူလက်မှတ်ရေးထိုး ကာ လုပ်ငန်းခွင် အတွင်း ဆေးစစ်ခြင်း အားပယ်ဖျက်ရန် စီစဉ်ဆောင်ရွက်နေ သည်။

”စီးပွားရေး လုပ်ငန်းရှင်တွေ တော်တော်များများက HIV နဲ့ ပတ် သက်ရင် အသိပညာရှိကြပေမယ့် သူတို့ ဝန်ထမ်းတွေနဲ့ လုပ်ငန်းခွင်မှာ HIV ပိုး မကူးစက်အောင် ဆေးစစ်ခြင်းက အကောင်းဆုံး နည်းလမ်းလို့ ထင်နေ ကြတယ်။ တကယ်က ဘယ်လောက်ပဲ ဆေးစစ်စစ် HIV ပိုးက ဆေးစစ်ပြီး ၆ ပတ်ကနေ ၆ လကြား ကာလမှာပဲ တွေ့နိုင်တဲ့အတွက် ဒီနည်းလမ်းက အသုံးမဝင်ဘူး။ အဓိက အသုံးဝင်တာ က ဝန်ထမ်းတွေကို HIV နဲ့ ပတ်သက် တဲ့ ဗဟုသုတပေးခြင်းကသာ အကောင်း ဆုံးဖြစ်သလို HIV ပိုးရှိတဲ့ ဝန်ထမ်းတွေ ကိုလည်း အလုပ်ကထုတ်ပစ်တာတွေ မလုပ်သင့်ဘဲ တခြားလူတွေ မသိအောင် လျှို့ဝှက်ပေးထားဖို့နဲ့ ခွဲခြားမှု မလုပ်ဖို့ လိုတယ်” ဟု ၎င်းက ဆက်ပြောသည်။ HIV ကူးစက်ခံထားရသော ဝန်ထမ်းမှ အခြားဝန်ထမ်းတစ်ဦးအား လုပ်ငန်းခွင် အတွင်း ရောဂါပိုး အလွယ်တကူ မကူးစက်စေနိုင် သည့် အတွက် ထို အလုပ်သမားအား အလုပ်မှ ထုတ်ပစ် ခြင်းသည် ခွဲခြားဆက်ဆံရာ ရောက်ရုံမျှမက ၎င်း၏ စိတ်ပိုင်းဆိုင်ရာ၊ စားဝတ်နေရေးနှင့် ဘဝရပ်တည်ရေးတို့ကို ထိခိုက်ကာသက်တမ်းစေ့ မနေနိုင်တော့သည့်ဘဝ အခြေအနေများသို့ ရောက်ရှိသွားခဲ့ရသူ အများအပြားရှိ နေသည်။

အကယ်၍ HIV ပိုးရှိပြီး အလုပ် လုပ်ကိုင်နိုင်စွမ်းရှိသူ ဝန်ထမ်းများအားလုပ်ငန်းရှင်ဘက်မှ အလုပ်ထုတ်ပစ်ခြင်း မပြုခဲ့ပါက လုပ်ငန်းခွင်အတွင်း အနည်းဆုံး ၁ဝ နှစ်ထက်မက တာဝန်ထမ်း ဆောင်နိုင်မည် ဖြစ်သည့်အပြင် အတွေ့ အကြုံရှိသော ဝန်ထမ်းကောင်းတစ် ယောက်အားဆုံးရှုံးရမည်မဟုတ်။ အဆို ပါဝန်ထမ်း၏ စိတ်ဓာတ်စွမ်းအား မြင့်တက်လာကာ လုပ်ငန်းအပေါ် သစ္စာစောင့်သိမှုနှင့်အလုပ်လုပ်နိုင်စွမ်းမှာ ပိုမို မြင့်တက်လာနိုင်ကြောင်း၊ တစ်ဖက်တွင် ထိုဝန် ထမ်းနှင့် အဆိုပါ ဝန်ထမ်းအပေါ် မှီခို အားထားနေရသည့် မိသားစုများ၏ ဘဝရပ်တည်ရေး အတွက်လည်း အ ထောက်အပံ့ပေးရာ ရောက်ကြောင်း ဒေါက်တာကေဇင်စိုးက ဆိုသည်။

HIV ပိုးရှိသူတွေကို အလုပ်က ထုတ်မပစ်ဘဲ လက်ခံထားတဲ့အတွက် အောင်မြင်နေတဲ့ ကုမ္ပဏီတွေ၊ အိမ်နီး ချင်းထိုင်းနိုင်ငံမှာ အများအပြားပဲ။ သူတို့ဆီကနေ မြန်မာနိုင်ငံကို တင်သွင်း နေတဲ့ မုန့်ထုတ်လုပ်ရေးကုမ္ပဏီတစ်ခု ဆိုရင် HIV ပိုးရှိသူတွေနဲ့ပဲ လုပ်ကိုင်နေ ကြတာဖြစ်ပြီး တော်တော် လည်း အောင် မြင်တယ်” ဟု ၎င်းက ပြောသည်။ထို့အပြင် ထိုင်းအစိုးရကလည်း အားပေးသည့်အနေဖြင့် ၎င်းကုမ္ပဏီ၏ ကုန်သွယ်ခွန်ကို အခြားကုမ္ပဏီများထက် ၂ ရာခိုင်နှုန်းလျှော့ယူသည့် သာဓကများ ရှိပြီး မြန်မာနိုင်ငံတွင်မူ ယခု

ဒီလိုမျိုး မရှိဘဲ ခွဲခြားဆက်ဆံမှုများမှာ နေရာ တိုင်းလိုလို၌ ရှိနေဆဲဖြစ်၍ အစိုးရနှင့် ပြည်သူအားလုံးက ဝိုင်းဝန်း တိုက်ဖျက် ရန် လိုသည်ဟု ၎င်းက ရှင်းပြသည်။ံHIV ပိုးရှိသူအား အလုပ်ထုတ်မှု၊ မထုတ်မှုနှင့် ပတ်သက်၍ နိုင်ငံတစ်ခုနှင့် တစ်ခု ပြဋ္ဌာန်းချက် မတူညီသော်လည်း နိုင်ငံခြားတိုင်းပြည်အများစုတွင် HIV ပိုးရှိသူများအား ခွဲခြားမှုမရှိရန် တိတိကျ ကျ ဥပဒေဖြင့် ပြဋ္ဌာန်းပေးထားသည်။ ပြည်ပနိုင်ငံများ၏ အလုပ်သမားဥပဒေ တွင် ဝန်ထမ်း၌ HIV ရှိပါက အလုပ် မထုတ်ပစ်ရဘဲ စောင့်ရှောက်မှု ပေး ရမည်ဟု တိကျစွာ ရေးထားခြင်းမျိုးရှိ ကြောင်း UNAIDS ဝန်ထမ်းဟောင်း ဒေါက်တာ စိုးနိုင်က ပြောသည်။

”တချို့နိုင်ငံတွေမှာ သူတို့ကို ကာ ကွယ်ရမယ်ဆိုတာရှိတယ်။ မြန်မာမှာတော့ မရှိဘူး” ဟု ၎င်းကပြောသည်။ မြန်မာနိုင်ငံတွင်လည်းခွဲခြားမှုမရှိရဟူ၍ဥပဒေတွင် တိတိကျကျ ပြဋ္ဌာန်းပေးပါက ပို၍ ကောင်းမွန်မည်ဟု၎င်းကအကြံပြုသည်။အလုပ်သမားဥပဒေတို့တွင် မပါရှိ သလိုလုပ်သားများ အခွင့်အရေး အများ စုကိုကာကွယ်ရန်ရေးဆွဲထားသည့် ၂ဝ၁၄ ခုနှစ်တွင် စတင်အသက် ဝင်လာတော့ မည့် လူမှုဖူလုံရေးဥပဒေ သစ်တွင်လည်းံHIV ပိုးရှိသူများအား ခွဲခြားဆက်ဆံမှု မရှိစေရန် ပြဋ္ဌာန်းထားခြင်းမျိုး မပါရှိ ကြောင်း လူမှုဖူလုံရေးအဖွဲ့ဥက္ကဋ္ဌ ဦးယု လွင်အောင်က ပြောသည်။ခုခံအားကျဆင်းမှု ရောဂါတိုက် ဖျက်ရေး စီမံချက် မန်နေဂျာ ဒေါက်တာ မြင့်ရွှေက HIV ရှိ၊ မရှိ သွေးစစ်ခြင်း ဖြင့်မည်သို့သော အဖြေရသည်ဖြစ်စေ ပြင်းထန်သော စိတ်သောကနှင့် လူမှုရေး ပြဿနာ များကို ဖြစ်ပေါ်စေနိုင်သည့် အတွက် လေးလေးနက်နက် ဆွေးနွေး တိုင်ပင်ပြီးမှသာ ကာယကံရှင်၏ဆန္ဒ အတိုင်း စစ်ဆေးသင့်ပြီး ရရှိလာသော အဖြေကိုလည်း လုံခြုံလျှို့ဝှက်ထားသင့် ကြောင်း သူ့အမြင်ကို ပြောသည်။

အေအိုင်ဒီအက်စ် တိုက်ဖျက်ရေး မြန်မာနိုင်ငံစီးပွားရေးလုပ်ငန်းများ၏ ပူးပေါင်းဆောင်ရွက်မှုအဖွဲ့ (MBCA) က လုပ်ငန်းရှင်အနေဖြင့် ရောဂါကူးစက်ခံရသည့် ဝန်ထမ်းအပေါ် ကိုယ်ချင်း စာစိတ်ထား၍ နှစ်သိမ့်ဆွေးနွေးမှု ခံယူစေခြင်း၊ လုပ်ငန်းခွင်အတွင်း အခြား သူများမရိပ်မိစေရန် HIV ။ဗှီု ကျန်းမာရေးပညာပေးမှု အစီအစဉ်များ ပြုလုပ်ခြင်း၊ ကျန်းမာရေးနှင့်လူမှုရေး အထောက်အပံ့များ ပေးခြင်းတို့ကိုသာ ဆောင်ရွက်သင့်ပြီး ခွဲခြားပစ်ပယ် အပြစ်တင်ခြင်း၊ နှိမ့်ချဆက်ဆံခြင်း၊ သတင်းအချက်အလက်များပေါက်ကြား စေခြင်း၊ အလုပ်မှထုတ်ပယ်ရပ်ဆိုင်းခြင်း နှင့် ရောဂါရရှိလာပုံနောက်ကြောင်း ပြန်စစ်ဆေးခြင်းတို့ကို မလုပ်သင့် ကြောင်း အကြံပြုထားသည်။HIV ရှိသူတွေကို အလုပ်ထုတ် တာ၊ အလုပ်မခန့်တာဟာ ခွဲခြားဆက်ဆံတာပါပဲ။ ခွဲခြားဆက်ဆံခြင်းရဲ့ အဓ်ိက အကြောင်းတရားကတော့ အကြောက်တရားပဲ။ လူတွေက ကိုယ်နဲ့ မတူတဲ့ အယူအဆရှိတဲ့သူ၊ ကိုယ်နဲ့မတူတဲ့ ပုဂ္ဂိုလ်တွေကို မလိုလားဘူး။ အခြေခံအားဖြင့် အကြောက်တရားပဲ။ ကိုယ်နဲ့ မတူတဲ့ လူဆိုရင်ကိုယ့်အတွက် အန္တရာယ်ရှိတယ်ထင်ပြီး ခွဲခြားဆက်ဆံကြတယ်။ ခွဲခြားဆက်ဆံတဲ့ သူတွေဟာ HIV ရောဂါရှိသူတွေအပေါ် မကောင်းတာလုပ်လို့ ဖြစ်တာဆိုပြီး ပြောကြတယ်။ ခွဲခြားကြတယ်။ အဲဒီလူတွေကို HIV/AIDS ပညာပေးတွေ လုပ်တော့လည်း ဒီလူတွေကစာရိတ္တ မကောင်းလို့ ဖြစ်ရတာဆိုပြီး ခွဲခြားဆက်ဆံကြပြန် တယ်။ သတ္တိနည်းတဲ့သူတွေသာ ခွဲခြားဆက်ဆံတယ်။ ခွဲခြားဆက်ဆံသူတွေ ဟာ လူတန်းစားရဲ့ သဘာဝ နားမလည်ခြင်းနဲ့ လက်မခံခြင်းပဲ။ ဒီလို ခွဲခြား ဆက်ဆံနေတာဟာ ဗဟုသုတနည်းလို့ လည်းပါတယ်။ အမှန်က HIV ပိုး ကူး စက်ခံထားရသူတွေကို ကရုဏာပေးရမယ်။ ခွဲခြားဆက်ဆံမှုဟာ ခွဲခြားဆက်ဆံသူတွေက ပိုပြီး ရှက်ဖို့ကောင်းသလို၊ ပိုပြီးလည်း စိတ်ဓာတ်နိမ့်ကျတယ်” ဟု NLD ပါတီဥက္ကဋ္ဌ ဒေါ်အောင်ဆန်းစု ကြည်က AIDSဖြင့်ကွယ်လွန်သူများ အတွက် အောက်မေ့ဖွယ်မီးထွန်းဆု တောင်းပွဲတွင် ပြောသည်။

HIV/AIDS နှင့်ပတ်သက်၍ အသိပညာဖြန့်ဝေမှုများ ပြည်တွင်း၌ ကျယ်ကျယ်ပြန့်ပြန့် ပြုလုပ်လျက်ရှိသည် ဆိုသော်လည်း ထိုရောဂါသည်များအ ပေါ် ခွဲခြားဆက် ဆံမှုမှာလျော့ကျသွား ခြင်းမရှိ။ HIV ပိုးရှိသူများကိုပစ်ပယ် ခြင်း၊ အလုပ်ထုတ်ပယ်ခြင်းများ နေရာ အနှံ့ရှိနေဆဲ ပင်ဖြစ်၍ HIV/AIDS ကူးဆက်ခံ ရောဂါဝေဒ နာရှင် အများစု မှာ အလုပ်လက်မဲ့ဖြင့် ဘဝရပ်တည်ရေး မှာ ခက်ခဲနေဆဲမြဲဖြစ်သည်။
သူရထွန်း၊ မာလာသန်း
Popular Myanmar News Journal

မန္တလေးမြို့တွင် ပဋိပက္ခ ဖြစ်ပွားနေသည်ဟု ကောလာဟလ လှုံ့ဆော်သူများကြောင့် လူစုလူဝေး ဖြစ်ပေါ်

06 June 2013
အထက (၃) ကျောင်းရှေ့တွင် ကောလာဟလ သတင်းကြောင့် စိုးရိမ်နေသည့် မိဘများက ကျောင်းသား ကျောင်းသူများအား လာရောက်ခေါ်ယူ နေသည်ကို ဇွန် ၅ ရက် မွန်းတည့် ၁၂ နာရီခန့်က တွေ့ရစဉ်

မန္တလေးမြို့၊ မဟာအောင်မြေ မြို့နယ်တွင် ဇွန် ၅ ရက် နံနက်ပိုင်းက ပဋိပက္ခ ဖြစ်ပွားနေသည်ဟု ကောလာဟလ ထွက်ပေါ်လာမှုကြောင့် လူစုလူဝေး ဖြစ်ပေါ်ခဲ့သည်။

ဖြစ်စဉ်မှာ ၇၆ လမ်း၊ ၃၅ လမ်းနှင့် ၃၆ လမ်းကြားရှိ အ.ထ.က(၃) စာသင်ကျောင်း အနီးတွင် နံနက် ၁၀ နာရီ ၃၀ မိနစ်အချိန်ခန့်က ဗမာနှင့် အစ္စလာမ် ခိုက်ရန်ဖြစ်ပွားနေသည်ဟု ကောလာဟလ ထွက်ပေါ်လာမှုကြောင့် ကျောင်းသားမိဘ ၂၅၀ ၀န်းကျင်ခန့်မှ ကျောင်းရှေ့သို့ စုရုံးရောက်ရှိလာပြီး လူစုလူဝေး ဖြစ်ပေါ်ခဲ့ကြောင်း သိရှိရသည်။

ဆိုင်ကယ်သုံးလေးစီးနဲ့ လူတစ်စုက ကျောင်းအနီးဝန်းကျင်မှာ ဗမာနဲ့အစ္စလာမ် ပဋိပက္ခ ဖြစ်နေတယ်ဆိုပြီး အော်သွားတယ်လို့ သိရတယ်။ အဲ့ဒီနောက် ကျောင်းရှေ့ကို ကျောင်းသားမိဘတွေ ရောက်လာကြတယ် . . . . .


ယင်းကဲ့သို့ ရောက်ရှိလာသော လူစုလူဝေးအား တိုင်းရဲတပ်ဖွဲ့၊ မြို့နယ်ရဲတပ်ဖွဲ့နှင့် ပဋိပက္ခ ကာကွယ်တာဆီးရေး ကော်မတီ (မန္တလေး)မှ တာဝန်ရှိသူများ ရောက်ရှိလာကာ ကောလာဟလသာဖြစ်ပြီး လူစုလူဝေး မပြုလုပ်ရန် မေတ္တာရပ်ခံခဲ့ခြင်းကြောင့် ၁၀ နာရီ ၅၀ မိနစ်အချိန်ခန့်တွင် လူစုကွဲသွားခဲ့သည်။

"ဆိုင်ကယ်သုံးလေးစီးနဲ့ လူတစ်စုက ကျောင်းအနီးဝန်းကျင်မှာ ဗမာနဲ့အစ္စလာမ် ပဋိပက္ခ ဖြစ်နေတယ်ဆိုပြီး အော်သွားတယ်လို့ သိရတယ်။ အဲ့ဒီနောက် ကျောင်းရှေ့ကို ကျောင်းသားမိဘတွေ ရောက်လာကြတယ်" ဟု ပဋိပက္ခ ကာကွယ်တာဆီးရေး ကော်မတီ (မန္တလေး) အဖွဲ့ဝင်တစ်ဦးက ပြောကြားသည်။

အဆိုပါ နေရာ၌ လူစုလူဝေး ဖြစ်ပေါ်နေချိန်တွင် ၇၆ လမ်း၊ ၃၅ လမ်းနှင့် ၃၆လမ်းကြား စာသင်ကျောင်း အ၀င်လမ်းများတွင် လုံခြုံရေး တာဝန်ယူထားသည့် ရဲတပ်ဖွဲ့များနှင့် ပဋိပက္ခ ကာကွယ်တားဆီးရေး အဖွဲ့ဝင်များမှ ယာယီဖြတ်သန်း သွားလာခြင်း မပြုရန် မေတ္တာရပ်ခံခဲ့ကြပြီး ၁၂ နာရီဝန်းကျင် အချိန်ခန့်တွင် အ.ထ. က(၃)ကျောင်းမှ ကျောင်းသား၊ ကျောင်းသူများအား တစ်တန်းချင်းစီ ကျောင်းဆင်းပေးခဲ့ကြောင်း၊ အလားတူ ချမ်းမြသာစည်မြို့နယ် မြို့သစ်ရပ်ကွက်များရှိ အ.လ.က(၁၇)၊ အ.ထ. က(၂၆)နှင့် အ.ထ.က (၇) စသည့် စာသင်ကျောင်းများတွင် ကောလာဟလ သတင်းများကြောင့် စိုးရိမ်ပူပန်သည့် ကျောင်းသား၊ ကျောင်းသူမိဘများက ကျောင်းအရှေ့သို့ စုရုံးရောက်ရှိလာပြီး သားသမီးများအား ပြန်ခေါ်ခွင့်ပြုရန်၊ ကျောင်းဆင်းပေးရန် ပြောဆိုမှုများ ရှိခဲ့သည်။

မွတ်ဆလင်များ စုဝေးနေသည်ဟု လည်းကောင်း၊ ဘုန်းကြီးများ စုဝေးနေသည်ဟု လည်းကောင်း၊ စာသင်ကျောင်းအချို့ မီးရှို့ခံရသည်ဟု လည်းကောင်း နံနက်ပိုင်းအချိန်မှ ညအစောပိုင်း အချိန်ထိ ကောလာဟလများ အမျိုးမျိုး ထွက်ပေါ်ခဲ့သဖြင့် ပြည်သူများ အထိတ်တလန့် ဖြစ်ပွားခဲ့သည်။

"ကျွန်တော်တို့ ကောလာဟလတွေ ဖြစ်တဲ့နောက်ကို လုံခြုံရေး ဆောင်ရွက်ခဲ့ပါတယ်။ မိတ္ထီလာ၊ လားရှိုးမြို့တွေမှာ အကြမ်းဖက်မှုတွေ ဖြစ်ပွားပြီးနောက်ပိုင်း အခုလိုအချိန်မှာ ကောလာဟလတွေ အမျိုးမျိုး ထွက်နိုင်တာမို့ ပြည်သူတွေအားလုံးက ဒါဟာ တကယ်ဟုတ်မဟုတ် စမ်းစစ်ဖို့ လိုပါတယ်။ တကယ်လို့ အကြမ်းဖက်မှုမျိုး ဖြစ်ပွားနိုင်တဲ့ အခြေအနေမျိုး တွေ့ရင်လည်း သက်ဆိုင်ရာ မြို့နယ်ရဲတပ်ဖွဲ့၊ အုပ်ချုပ်ရေးမှူးရုံး၊ မီးသတ်တပ်ဖွဲ့နဲ့ ၁၉၉ ကို အကြောင်းကြား နိုင်ပါတယ်" ဟု ရဲမှူးဦးစိုးညိမ်း က ပြောကြားခဲ့သည်။
Eleven Media Group

မြန်မာ အလုပ်သမားများ အသတ်ခံရမှု သတိထောက်လွှာ ပေးအပ်ပြီးနောက်ပိုင်း မလေးရဲများ အဖမ်းအဆီး ပိုကြမ်း

Thursday, 06 June 2013
ဇွန် ၄ ရက်က မြန်မာ့အသံတွင် မလေးရှား အစိုးရအား သတိထောက်လွှာ ပေးအပ်ကြောင်း ကြေညာခဲ့ပြီးနောက် ယနေ့ ဇွန် ၅ ရက်၊ မလေးစံတော်ချိန် ၁၀ နာရီအချိန်မှ စတင်ကာ မြန်မာအများစု နေထိုင်နေသည့် အမ်ပန်း၊ ချရတ်၊ ဆလာရန်း အစရှိသည့် နေရာများတွင် မလေးရဲများက အင်အားသုံး၍ မြန်မာအလုပ်သမားများအား လိုက်လံဖမ်းဆီးခဲ့ကြောင်း ကြားသိရသည်။

ထိုသို့ ဖမ်းဆီးခဲ့ခြင်းအပေါ် မလေးရှားနိုင်ငံတွင် အလုပ်လုပ်ကိုင်နေသူ ကိုမင်းမင်းက "မလေး အစိုးရအနေနဲ့ တရားနည်းလမ်းတကျ မလုပ်ဘဲ အခုလိုလုပ်တာက မြန်မာအလုပ်သမားတွေကို သက်သက်ညစ်ပတ် လိုက်တာပဲ။ သူတို့က ကာကွယ်တာ မဟုတ်ဘဲနဲ့ အပူကိုအပူနဲ့ ငြှိမ်းနေသလိုပဲ" ဟု ပြောကြားခဲ့သည်။

မလေးရှားတွင် နေထိုင်နေသည့် ကိုမောင်မောင်ကလည်း "ဟုတ်ကဲ့ ဖမ်းတယ်ဆိုတဲ့ သတင်းက အမှန်ပါပဲ၊ ကေအယ်...ကို တာယာရာ မြန်မာဆိုင် တစ်ဝိုက်မှာ အဖမ်းအဆီး အရမ်းများပါတယ်။ မြန်မာမှန်ရင် ပါမစ်ရှိရှိ၊ မရှိရှိ ဖမ်းပါတယ်။ တချို့ မြန်မာဆိုင်တွေကို ဆိုင်ထဲအထိဝင်ပြီး အလုပ်သမားတွေကိုပါ ဖမ်းတယ်လို့လည်း ကြားရပါတယ်" ဟု အတည်ပြု ပြောကြားခဲ့သည်။

ထို့နောက် ကွာလာလမ်ပူတွင် အလုပ်လုပ်ကိုင်နေသော မြန်မာအလုပ်သမား တစ်ဦးက "ဒီနေ့ မနက်ပိုင်းလောက်မှာ မြန်မာဆိုင်တန်းတွေ ရှိတဲ့နေရာမှာ အော်ပရာစီနဲ့ လူတော်တော်များများ အဖမ်းခံရတယ်။ အရင်ကဆိုရင် လမ်းမှာ တွေ့တဲ့လူလောက်ပဲ ဖမ်းပေမယ့် ဒီနေ့ကတော့ ဆိုင်တွေထဲအထိပါ ၀င်ဖမ်းတာ၊ စားသောက်ဆိုင်မှာ စားသောက်နေသူ တွေကိုလည်း ဖမ်းတယ်၊ ဆံပင်ညှပ်ဆိုင်မှာ ဆံပင်ညှပ်နေ သူတွေကိုလည်း ဖမ်းတယ်၊ ပတ်စပို့ရှိတဲ့ လူရော၊ မရှိတဲ့လူတွေရော အားလုံးကို ဖမ်းတယ်။ ဆေးရုံမှာရှိနေတဲ့ မြန်မာတွေကိုလည်း အတင်းဆင်းခိုင်းတယ်လို့ ကြားတယ်။ မလေးရှား အစိုးရက မြန်မာရွှေ့ပြောင်း အလုပ်သမားတွေအပေါ် ခပ်ကြမ်းကြမ်း ပြုမှုဆက်ဆံနေတာကို မြန်မာသံရုံးနဲ့ မြန်မာအစိုးရ တာဝန်ရှိသူတွေ အနေနဲ့ တာဝန်ယူဖြေရှင်း ပေးစေချင်တယ်" ဟုပြောကြားသည်။

မလေးရှားတွင် သွားရောက် အလုပ်လုပ်ကိုင်နေသော မြန်မာအမျိုးသမီး တစ်ဦးကလည်း "ကေအယ်မှာ မြန်မာဆိုင်တန်းဆိုတာ မြန်မာတွေ အများအပြား နေကြတာလေ။ အဲဒီ့မှာ ဆိုင်တွေထဲအထိ ၀င်ပြီး မြန်မာလား၊ မြန်မာလားမေးပြီး မြန်မာဆို ဖမ်းတယ်၊ တရားဝင်နေတာ ဖြစ်ဖြစ်၊ ဘာဖြစ်ဖြစ် ဖမ်းတယ်။ ကျွန်မတို့က စက်ရုံပြန်ပြီး စက်ရုံမှာနေတယ်။ ယောက်ျားလေးတွေက ၀ါးရင်းတုတ် တစ်ယောက်တစ်ချောင်း ရသလောက် ဆောင်ထားတယ်။ အဲလိုဆောင်ထားတာကို စက်ရုံပိုင်ရှင်ကလည်း ခွင့်ပြုပေးထားတယ်၊ ကိုယ့်ကိုယ်ကိုယ် ကာကွယ်နေရတာပေါ့။ အခြေအနေ မကောင်းဘူးဆိုရင် မြန်မာပြည်ကို ပြန်မည်" ဟု ဆိုသည်။

"မလေးရဲတွေ အခုလုပ်ပုံက ဘောင်ထဲက ညစ်တာပါ။ သူတို့အပြောက အားလုံးကို စစ်ဆေးတာ ဆိုပေမယ့် သူတို့အဓိက မဲတာ မြန်မာအလုပ်သမားတွေ ကိုပါ။ ကျွန်တော်တို့ အတွက်တော့ သူတို့လုပ်တာတွေကို မြင်ရကြားရပါများတော့ သိနေပြီ။ ကျန်တာမပြောနဲ့ မလေးရှားမှာ မြန်မာဘောလုံးအသင်း လာကစားပြီး မလေးရှားကိုနိုင်ရင် အကြောင်းမရှိ အကြောင်းရှာပြီး မြန်မာအလုပ်သမားတွေကို ဒုက္ခပေးဖို့ လုပ်နေကြပါ။ ကျွန်တော်တို့ မြန်မာအလုပ်သမား အများစုကလည်း Over Stay တွေ များတယ်ဆိုတာ သူတို့သိတယ်။ သူတို့ စိတ်ကူးတည့်တဲ့အချိန် ငွေညှစ်တာလောက်ပဲ လုပ်တာ။ အခုဟာကတော့ သက်သက်လုပ်တာ ပေါ်လွင်တယ်။ အားနည်းချက် ရှိတဲ့သူတွေ ခံရမှာပါ။ ဒါမျိုးတွေကြားရတာ စိတ်မကောင်းဘူး" ဟု ကွာလာလမ်ပူတွင် အလုပ်လုပ်ကိုင်နေသူ တစ်ဦးက ပြောပါသည်။

ယောက်ျားလေးတွေက ၀ါးရင်းတုတ် တစ်ယောက်တစ်ချောင်း ရသလောက် ဆောင်ထားတယ်။ အဲလိုဆောင်ထားတာကို စက်ရုံပိုင်ရှင်ကလည်း ခွင့်ပြုပေးထားတယ်၊ ကိုယ့်ကိုယ်ကိုယ် ကာကွယ်နေရတာပေါ့။ အခြေအနေ မကောင်းဘူးဆိုရင် မြန်မာပြည်ကို ပြန်မည် . . . . .


မေ ၃၀ ရက်မှ စတင်၍ ဆလာရန်းမြို့တွင် မြန်မာရွှေ့ပြောင်း အလုပ်သမားများအား မွတ်စလင်များက အကြမ်းဖက်ခြင်းကြောင့် ယနေ့အထိ မြန်မာနိုင်ငံသားလေးဦး သေဆုံးသွားပြီဟု မလေးရှား မီဒီယာများက ဖော်ပြသည်။ အစောပိုင်းတွင် မလေးရှားနိုင်ငံဆိုင်ရာ မြန်မာသံရုံးက ငြင်းဆိုခဲ့သော်လည်း ဇွန် ၄ ရက်က မြန်မာအစိုးရက မလေးရှား အစိုးရထံ မြန်မာလူမျိုးများ အကြမ်းဖက်ခံရမှုအပေါ် ဥပဒေအရ ကြပ်ကြပ်မတ်မတ် ဆောင်ရွက်ပေးစေရန် သတိထောက်လွှာ ပေးအပ်ခဲ့ကြောင်း သိရသည်။ မလေးရှားရောက် မြန်မာအများစုက ယနေ့ ဇွန် ၅ ရက်မှစတင်ပြီး မြန်မာများအား မလေးရဲက ကြမ်းကြမ်းတမ်းတမ်း ဖမ်းဆီးနေပြီဟု အင်တာနက် လူမှုကွန်ရက်တွင် ဖော်ပြခဲ့သည်။

မလေးရှားနိုင်ငံတွင် မြန်မာနှစ်ဦး အသတ်ခံရမှုနှင့် ပတ်သက်၍ တရားခံအား အမြန်ဆုံးဖော်ထုတ် အရေးယူပေးရန်နှင့် မြန်မာနိုင်ငံသားများ၏ လုံခြုံရေးကို ကာကွယ်ပေးရန် တာဝန်ရှိသူများအား နိုင်ငံခြားရေး ၀န်ကြီးဌာနမှ သံတမန်နည်းအရ အကြောင်းကြားထားကြောင်း နိုင်ငံခြားရေး ၀န်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်က နေပြည်တော်တွင် ဇွန် ၅ ရက်က ကျင်းပသည့် အရှေ့အာရှဆိုင်ရာ ကမ္ဘာ့စီးပွားရေးဖိုရမ် အခမ်းအနားတွင် Eleven Media Group ၏ မေးမြန်းချက်အား အထက်ပါအတိုင်း ပြန်လည်ဖြေကြားခဲ့သည်။

အဆိုပါဖြစ်စဉ်နှင့် ပတ်သက်၍ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်က "ကျွန်တော်တို့ ၀န်ကြီးဌာန အနေနဲ့ သံအမတ်ကြီးကိုလည်း အချက်သုံးချက်ကို ခေါ်ယူသတိပေး ပြောကြားထားပါတယ်။ ဒါ့အပြင် မလေးရှားနိုင်ငံမှာရှိတဲ့ တာဝန်ရှိသူတွေနဲ့ ရဲတပ်ဖွဲ့ကိုလည်း အကြောင်းကြား ထားပါတယ်။ အဓိကကတော့ မြန်မာနိုင်ငံသားတွေကို လုံခြုံရေး အင်အားတိုးမြှင့်ပြီး စောင့်ရှောက်ပေးဖို့ အကြောင်းကြားထားပါတယ်" ဟု ဇွန် ၅ ရက် ညနေပိုင်းက Eleven Media Group သို့ ပြောကြားခဲ့သည်။
Eleven Media Group

လုံခြုံရေးတပ်နဲ့ ထိပ်တိုက်ရင်ဆိုင်မှုအတွင်း ရိုဟင်ဂျာအမျိုးသမီး ၃ ဦးသေဆုံး

ရခိုင်ပြည်နယ် မြောက်ဦးမြို့နယ်မှာ ဒေသခံရဲတပ်ဖွဲ့နဲ့ ရိုဟင်ဂျာဒုက္ခသည်တွေအကြား ထိပ်တိုက်ရင်ဆိုင် ရုန်းရင်းဆန်ခတ် ဖြစ်ခဲ့ရာမှာ ရိုဟင်ဂျာ အမျိုးသမီး ၃ ဦး သေဆုံးသွားတယ်လို့ လုံခြုံရေးတာဝန်ခံတွေက ဒီကနေ့ ပြောဆိုလိုက်တဲ့အကြောင်း အေပီသတင်းမှာ ဖော်ပြလိုက်ပါတယ်။

ရိုဟင်ဂျာတွေ ခိုလှုံနေတဲ့ ပါရီရွာ ယာယီစခန်းကနေ ပြောင်းရွှေ့ဖို့ ညွှန်ကြားချက်ကို လက်မခံဘဲ ငြင်းဆန်ကြရာကနေ ရုန်းရင်းဆန်ခတ် ဖြစ်ခဲ့တာလို့ မြောက်ဦးမြို့ ရဲတပ်ဖွဲ့က ပြောပါတယ်။

အမျိုးသား ၂ ဦးနဲ့ အမျိုးသမီး ၂ ဦးလည်း ဒဏ်ရာရရှိခဲ့တယ်လို့ ဆုိုပါတယ်။ အဲ့ဒီစခန်းမှာရှိတဲ့ တချို့ ရိုဟင်ဂျာတွေက ဓားတွေ၊ ဒုတ်တွေ၊ လောက်လေးခွတွေနဲ့ ရဲတွေကို ရန်ပြုခဲ့ကြတယ်လို့လည်း ဆိုပါတယ်။

ဒီသတင်းနဲ့ပတ်သက်ပြီး အတည်ပြုချက် ရယူနုိုင်ဖို့ရန် ရခိုင်ပြည်နယ် အစိုးရတာဝန်ရှိသူတွေကို ဆက်သွယ်ဖို့ ကြိုးစားခဲ့ပေမဲ့ ဗွီအိုအေက ဆက်သွယ်လို့ မရခဲ့ပါဘူး။

ဗွီအိုအေ (မြန်မာပိုင်း)

ပုရိန် ရွာမှာ ရဲက ပစ်ခတ်လို့ ၃ ယောက် သေဆုံး

ရခိုင် ပြည်နယ်မှာ ပြီးခဲ့တဲ့ နှစ်က အကြမ်း ဖက်မှုတွေကြောင့် အိုးအိမ် စွန့်ခွာ ပြေးရ သူ အများ အပြားရှိ

ရခိုင် ပြည်နယ် မြောက်ဦးမြို့နယ် ပုရိန်ရွာမှာ မွတ်ဆလင် ဒုက္ခသည်တွေနဲ့ လုံခြုံရေး တပ်ဖွဲ့တို့ အခြေ အတင် ဖြစ်ခဲ့ ရာမှာ လုံခြုံရေး တွေက ပစ်ခတ်လို့ အမျိုးသမီး သုံးယောက် သေဆုံးခဲ့ ပါတယ်။

နောက်ထပ် အမျိုးသမီး နှစ်ယောက်နဲ့ အမျိုးသား နှစ်ယောက် တို့လည်း ဒါဏ်ရာ ရခဲ့ တယ်လို့ ရဲတပ်ဖွဲ့နဲ့ ရခိုင် ပြည်နယ် ဝန်ကြီး တို့က အတည်ပြု ပြောပါတယ်။

အဲဒီ ပုရိန် ရွာဟာ ပြီးခဲ့တဲ့ နှစ်က ရခိုင်တိုင်းရင်းသားတွေနဲ့ မွတ်ဆလင်တွေကြား ဖြစ်ခဲ့တဲ့ အကြမ်းဖက် မီးရှို့ တိုက်ခိုက်မှုတွေ အတွင်း မီးရှို့ ဖျက်ဆီး ခံခဲ့ရတဲ့ အထဲ ပါတဲ့ ရွာတစ်ရွာ ဖြစ်ပါတယ်။

မီးရှို့ ဖျက်ဆီး ခံခဲ့ရတဲ့ အိမ်ခြေ ၂ဝဝ ကျော် အတွက် သက်ဆိုင်ရာ အာဏာပိုင် တွေက တန်းလျား ဆောက်ပေးဖို့ သစ်တွေ ဝါးတွေ ယူလာပေးခဲ့ ချိန်မှာ ကိုယ်နည်း ကိုယ်ဟန်နဲ့ အိမ်တွေ ပြန်ဆောက် ထားပြီး ဖြစ်တဲ့ ဒုက္ခသည် တခိျု့က မလိုချင်တဲ့ အတွက် လိုချင်တဲ့သူ တခိျု့နဲ့ အချင်းများ ခဲ့ရာက ပြဿနာ စတင်ခဲ့တာလို့ ရခိုင် ပြည်နယ် အစိုးရ လုံခြုံရေးနဲ့ နယ်စပ် ရေးရာ ဝန်ကြီး ဗိုလ်မှူးကြီး ထိန်လင်းက ပြောပါတယ်။

နောက်ပိုင်းမှာ လုံခြုံရေးတွေက ပစ်ခတ်မှု ဖြစ်လာ ခဲ့တာလို့ ကိုယ်တိုင် မြင်တွေ့ ခဲ့တဲ့ ဒုက္ခသည် တစ်ယောက်က ပြောပါတယ်။

သေဆုံးသူ ၃ ယောက်ကို ဗုဒ္ဓဟူးနေ့ ညနေပိုင်းမှာ မြေမြှုပ် သဂြိုလ် လိုက်ပြီ ဖြစ်ပြီး ဒဏ်ရာ ပြင်းထန်တဲ့ အမျိုးသမီး တစ်ယောက် ကိုတော့ စစ်တွေ ဆေးရုံမှာ တင်ထားတယ်လို့ ဒေသခံ တွေက ပြောပါတယ်။
ဘီဘီစီ