နံနက်စာအဖြစ် စားသုံးရန်အသင့်လျော်ဆုံး အာဟာရ (၅) မျိုး

(၁) ဥအမျိုးမျိုး - ဥအမျိုးမျိုးဟာ ပရို တင်းဓာတ်ကြွယ်ဝရုံသာမက မနက် ခင်းတွင် စားသုံးထားပါက တစ်မနက် လုံး ဗိုက်ဝနေစေ၍ အခြားလိုအပ်သော အာဟာရများနှင့်လည်း ပြည့်စုံ နေပါတယ်။
(၂)အုတ်စပါး(Oatmeal)- အုတ်စပါးကတော့ နေ့သစ်တစ်ခုစတင်ဖို့ အကောင်းဆုံးအစာတစ်ခုဖြစ်သလို သင့်ရဲ့အစာအိမ်ကိုလည်း အလုပ် ခဏခဏ လုပ်စေခြင်းမှ ကာကွယ်ပေး နိုင်ပါတယ်။ ဒါ့အပြင် အုတ်စပါး ဆန်ပြုတ်ထံမှာ အမျှင်ဓာတ်များစွာ ပါဝင်ပြီး သွေးတွင်း အဆီနဲ့ သကြား ဓာတ်ကို ထိန်းချုပ်ပေးနိုင်ပါတယ်။ ထို့ထက်သာမက အုတ်စပါးထဲတွင် ဓာတ်တိုးဆန့်ကျင်ပစ္စည်း(anti oxidant)များစွာပါဝင်ပြီး ရောင်ရမ်းမှု တွေကိုလည်း သက်သာစေပါတယ်။
(၃). လက်ဖက်ရည်ကြမ်း
(Green tea)- Green tea သောက်သုံးခြင်းက နှလုံးရောဂါဖြစ်ပွားမှုကို သိသာစွာ လျော့နည်းစေရုံ သာမက ယင်းတွင် ပါဝင်သော ဓာတ်တိုးဆန့်ကျင်ပစ္စည်းက ရင်သားကင်ဆာ၊ အူမကြီးကင်ဆာ၊ အရေပြား ကင်ဆာစသည့် ကင်ဆာအမျိုးမျိုး ဖြစ်ပွားမှုအား လျော့နည်းစေသည်။ ထို့ပြင် green tea တွင် ပါဝင်သော Polyphenols နှင့် Flavonoids တို့က ခုခံအားစနစ်ကို မြင့်တက်စေပြီး ဆီးချို ထိန်းသိမ်းရာ၌လည်းကူညီပေး ကြောင်း သိရသည်။
(၄). ဒိန်ချဉ်- ဒိန်ချဉ်တွင် ကယ်ဆီ ယမ်များစွာပါဝင်ပြီး အရိုးနှင့်သွား များကို ခိုင်ခံ့စေသည်။ ထို့ပြင် ဒိန် ချဉ်က အစာအိမ်ကို ကူညီနိုင်ပြီး အစာအိမ်အချဉ်ဖောက်ခြင်း၊ အစာ အဆိပ်သင့်ခြင်း၊ အစာမကြေခြင်းတို့ အား သက်သာစေသည်။ ထို့ပြင် အရေပြားအား နူးညံ့ချောမွတ်စေ၍ အပေါ်ယံလွှာရှိဆဲလ်အသေများ ကို ကွာကျစေနိုင်သည်။
(၅). အသီးများ- ပန်းသီး၊ ဖရဲသီး၊ လိမ္မော်သီး၊ ငှက်ပျောသီး၊ ဘယ်ရီ သီးစတဲ့အသီးအမျိုးမျိုးစားခြင်းက သင့်ကိုနောက်တစ်ကြိမ်အစာမစားမီ အချိန်ထိ လိုအပ်သောစွမ်းအင် ပမာဏကို မပိုမလိုတိကျစွာထောက်ပံ့ ပေးနိုင်ကြောင်း သိရသည်။
မိုင်ကိ
Ref: WebMD
Health Updates Journal

ဂျစ်ကား သစ်ပင်ဝင်တိုက်၊ ယာဉ်မောင်သေဆုံး

24-4-2013
၂၄ရက် ညနေ ၆ နာရီခန့်တွင်မန္တလေး-ရန်ကုန်ကားလမ်း (လမ်းဟောင်း)ကျောက်ဆည်မြို့ တောင်ဘက် ဟန်မြင့်မိုလ် အနီး မြို့သာရွာမှာ တောင်မှမြောက်သို့မောင်းနှင်လာသော ယဉ်အမှတ် ၈ဂ၊၆၅၅၃ ဂျစ်ကား တစ်စီး အရှိန်မထိန်းနိုင်သောကြောင့် လမ်းဘေးရှိ သစ်ပင်ကို ၀င်တိုက်မိရာယဉ်မောင်းဖြစ်သူမှာ နေရာတွင် သေဆုံးပြီး ယဉ်ပေါလိုက်ပါလာသူမှာခြေထောက်ကျိုးသွားသောကြောင့် ဆေးရုံသို့တင်ပို့ပေးခဲ့ကြောင်းဒေသခံများ ကပြောပြခဲ့ပါတယ်။ သတင်းဓါတ်ပုံ - အိမ်ခိုင်မြဲ — in Mandalay, Myanmar.
DVB TV News

ဦးသိန်းစိန်နှင့် ယင်လက် ထားဝယ်စီမံကိန်း ထပ်မံဆွေးနွေးမည်

April 24, 2013
နယူးဒေလီ (မဇ္ဈိ)။   ။ နှစ်နိုင်ငံ ပူးပေါင်း အကောင်အထည်ဖော်နေသည့် ထားဝယ် ရေနက်ဆိပ်ကမ်းနှင့် အထူး စီးပွားရေးဇုန် တည်ဆောက်ရေးကိစ္စကို ထိုင်းဝန်ကြီးချုပ် ယင်လက် ရှီနာဝပ်ထရာ (Yingluck Shinawatra) က သမ္မတ ဦးသိန်းစိန်နှင့် ကြာသပတေးနေ့တွင် တွေ့ဆုံဆွေးနွေးဦးမည် ဖြစ်သည်။

ဘရူနိုင်းနိုင်ငံတွင် ကျင်းပနေသည့် အာဆီယံ ခေါင်းဆောင်များ ထိပ်သီးအစည်းအဝေး တက်ရောက်စဉ် ၎င်းတို့ သီးသန့်တွေ့ဆုံ၍ စီမံကိန်း အကောင်အထည်ဖော်မှု နောက်ဆုံးဖြစ်ပေါ် တိုးတက်မှုများကို ဆွေးနွေးကြမည်ဟု ထိုင်းနိုင်ငံခြားရေး ဝန်ကြီးဌာန အမြဲတမ်း အတွင်းဝန်အား ကိုးကား၍ The Nation သတင်းတရပ်တွင် ဖော်ပြပါရှိသည်။

၂၀၁၂ ခုနှစ်၊ ဒီဇင်္ဘာလလယ်က နှစ်နိုင်ငံခေါင်းဆောင်များ ကိုယ်တိုင် အတူသွားရောက် လေ့လာခဲ့သည့် ထားဝယ် ရေနက်ဆိပ်ကမ်း စီမံကိန်းမှာ ဒေါ်လာ ၉ ဘီလီယံ တန်ဖိုးရှိပြီး ထိုင်းက ၃၅ ရာခိုင်နှုန်း ထည့်ဝင် ရင်းနှီးမြှုပ်နှံထားသည်။

စီမံကိန်းတွင် ရေနက် ဆိပ်ကမ်း တခု၊ လျှပ်စစ် ဓါတ်အားပေး စက်ရုံများနှင့် အခြား စက်ရုံများ ပါဝင်မည် ဖြစ်သည်။ စီမံကိန်း အတွက် ထိုင်းနိုင်ငံ၏ ရင်းနှီးမြှုပ်နှံမှုများထဲတွင် ထားဝယ်မှ နေ၍ ထိုင်းနိုင်ငံ နယ်စပ်ကို ဖြတ်ကာ ဘန်ကောက်မြို့အထိ ဆက်သွယ်နိုင်မည့် အဝေးပြေးလမ်းမကြီး တခု ဆောက်လုပ်ရေးအတွက် ရင်းနှီးမြှုပ်နှံထားခြင်းလည်း ပါဝင်သည်။

ထိုင်းဝန်ကြီးချုပ်မှာ မြန်မာသမ္မတနှင့် တွေ့ဆုံခွင့်ရတိုင်း ထိုင်းနိုင်ငံ၏ အနောက်ဖက်သမုဒ္ဒရာ ထွက်ပေါက်ရနိုင်မည့် ထိုစီမံကိန်းကိစ္စကို အလေးပေး ဆွေးနွေးလေ့ရှိပြီး မကြာမီကပင် စီမံကိန်း ကြီးကြပ်ကွပ်ကွဲရန် နည်းပညာ ကော်မတီတရပ်ကိုလည်း ထိုင်းအစိုးရက အတည်ပြုခဲ့ပြီး ဖြစ်သည်။

ဦးသိန်းစိန်ကလည်း အိန္ဒိယနိုင်ငံသို့ သွားရောက်စဉ် ထားဝယ်စီမံကိန်းတွင် အိန္ဒိယမှလည်း ရင်းနှီးမြှုပ်နှံရန် ဖိတ်ခေါ်ခဲ့သည်။
Mizzima - News in Burmese

ရှေးဟောင်း သုတေသနဇုန်တွင် စေတီသစ် တည်ခြင်းအား တရားစွဲထား

 April 24, 2013
စစ်တွေ(မဇ္ဈိမ)။   ။ ရခိုင်ပြည်နယ်၊ ကျောက်တော် ရှေးဟောင်း သုတေသနဇုန် နယ်မြေအတွင်းရှိ မဟာမုနိ ပရိဝုဏ်ဝင်းထဲ စေတီ တည်ထားမှုနှင့်ပတ်သက်၍ သက်ဆိုင်ရာ ရှေးဟောင်း သုတေသန ဌာနမှ စေတီတည်သူများ ကို တရားစွဲထားကြောင်း သိရသည်။

အမြင့် ကိုးတောင် (၁၃.၅ ပေ) ရှိပြီး “ကိုးနဝင်း စေတီ” ဟု အမည်ပေးထားသည့် အဆိုပါ စေတီငယ်ကို အမည်မသိ လူတစုက ဧပြီလ ၈ ရက်နေ့မှ ဧပြီ ၁၉ ရက်နေ့အတွင်း ညအချိန်များတွင် တည်ထားခဲ့ကြခြင်း ဖြစ်သည်။

“ရှေးဟောင်း သုတေသန နယ်မြေထဲမှာ ဧပြီ ၈ ရက်နေ့က ပန်းရန်ဆရာ ၂၀ လောက်နဲ့ ပန္နက်ချတယ်။ ကျနော်တို့ဌာနက တာဝန်အရ သွားပြီး ဟန့်တားပါတယ်။ ဒါပေမယ့် မြို့နယ် သံဃနာယက ဥက္ကဋ္ဌဆရာတော် ခွင့်ပြုချက်နဲ့ တည်ဆောက်တာဆိုပြီး တားမြစ်မှုကို မလေးမခန့် လုပ်ခဲ့တယ်။ ဒါကြောင့် ဧပြီလ ၉ ရက်နေ့မှာ ဌာနက ဥပဒေနဲ့ အညီ ကျောက်တော်မြို့နယ် ရဲစခန်းမှာ အမှုဖွင့် တိုင်ကြားခဲ့သလို မြို့နယ် သာသနာရေး ဦးစီးဌာနကိုလည်း အကြောင်းကြားထားတယ်။ အမှုမှာ မြို့နယ်သံဃနာယက ဥက္ကဋ္ဌ ဆက်စပ်ပါဝင်နေလို့ ပြည်နယ်ကို လွှဲထားတယ်။ ခုအချိန်ထိ ဘာမှအကြောင်း မပြန်သေးဘူး” ဟု မြောက်ဦး ရှေးဟောင်းသုတေသန ဦးစီးဌာနမှ ဝန်ထမ်းတဦးက ဆိုသည်။

ကျောက်တော် မဟာမုနိရှေးဟောင်းနယ်မြေကို မြောက်ဦးရှေးဟောင်းသုတေ သနဦးစီးဌာန အောက်တွင် ထားရှိသည်။

ယင်းသို့ တရားမဝင် စေတီတည်သူများအား ဥပဒေအရ အမှုဖွင့်ရာတွင် အလှူရှင်များကို မသိရသေးသဖြင့် ကာယကံမြောက် ကျူးလွန်ခဲ့သူ ပန်းရန်ဆရာ ဦးအောင်စိုးမိုး ကိုသာ တရားစွဲဆိုထားရသည်ဟု အဆိုပါဝန်ထမ်းက ပြောသည်။

ထို စေတီငယ် တည်ထားခြင်းအပေါ် ရခိုင်သမိုင်းသုတေသီများ အပါအဝင် ပညာရှင်များ၊ ဒေသခံများကလည်း ကန့်ကွက်လျက်ရှိသည်။

“ရှေးဟောင်းသမိုင်းဝင်ဒေသကို မူလအတိုင်းပဲ ထားသင့်တယ်။ ဘယ်လို အဆောက်အဦ သစ်တွေကိုမှ မဆောက်လုပ်သင့်သလို သက်ဆိုင်ရာကလည်း ခွင့်မပြုသင့်ဘူး။ တကယ်လို့ စေတီဘုရား တည်ထားချင်ရင်လည်း ပရိဝုဏ် ပြင်ပမှာ တည်လို့ရတာပဲလေ” ဟု စစ်တွေမြို့မှ ရခိုင်သမိုင်း သုတေသီ အရှင်ပညာစာရ က မိန့်ကြားသည်။

မဟာမုနိရုပ်ပွားတော်မှာ ကျောက်တော်မြို့ အရှေ့ဘက် ၇ မိုင်အကွာရှိ ပေ ၃၀ မြင့်သည့် မဟာမုနိကုန်းတော်ပေါ်ဝယ် ကိန်းဝပ်စံပ္ပါယ်နေခြင်း ဖြစ်သည်။ ဘုရား ကုန်းတော်တွင် ပစ္စယာ ၃ ခု ရှိပြီး ပထမ ပစ္စယာတွင် မဟာမုနိ ရုပ်ပွားတော်၊ ဒုတိယ ပစ္စယာတွင် နတ်များနှင့် တတိယ ပစ္စယာတွင် ပြတိုက်၊ သိမ်တော်၊ လက်ဆေးကန်တို့ ရှိသည်။ ထိုစေတီငယ်ကို တတိယ ပစ္စယာ အတွင်း တည်ထားခြင်း ဖြစ်သည်။ ရှေးဟောင်းဌာန ဥပဒေအရ ပရိဝုဏ်၏ ပြင်ပ ကိုက် ၅၀ အပြင်ဘက်၌သာ တည်ဆောက်ခွင့် ရှိသည်ဟု သိရသည်။

တာဝန်ရှိသူက ဟန့်တားစဉ် ဆက်တည်ခြင်း၊ လူခြေတိတ်ချိန် ညများတွင်သာ ဆောက်လုပ်ခြင်းနှင့် အမြန်လုပ်ကိုင် နေခြင်းတို့ကြောင့် တစုံတရာ ယတြာချေခြင်း ဖြစ်နိုင်သည် ဟုလည်း ယူဆနေကြသည်။

“ဘယ်သူပဲဖြစ်ဖြစ် ဒါဟာ လုံးဝ မလုပ်သင့်တဲ့ကိစ္စ ဖြစ်တယ်။ ယဉ်ကျေးမှုနယ်မြေမှာ လောဘ၊ ဒေါသ၊ မောဟတွေနဲ့ ယတြာချေတာလိုမျိုးဟာ အတော့်ကို အရုပ်ဆိုးတယ်။ ဦးဇင်းကတော့ လုံးဝ ကန့်ကွက်ရှုတ်ချတယ်။ အားလုံး ဝိုင်းကန့်ကွက်ဖို့လည်း တိုက်တွန်းသွားမယ်” ဟု သံတွဲမြို့မှ ရခိုင်သမိုင်းသုတေသီ အရှင်ကုသလ(ငွေသဇင်)က အမိန့်ရှိသည်။

၎င်းစေတီမှာ ကျမ်းစာများနှင့် ရခိုင်ဓလေ့ထုံးတမ်းအရ ပူဇော်အပ်သည့် စေတီတဆူအဖြစ် အသိအမှတ်ပြုရန် ခက်ခဲသည်ဟု ရှေးဟောင်း သုတေသနညွှန်ကြားရေးမှူးဟောင်း ဦးကျော်ထွန်းအောင် က မှတ်ချက်ပြုသည်။

“စေတီဘုရားတွေ တည်မယ်ဆိုရင် သတ္တုရူပ ဗိသုကာကျမ်း အညီ တည်ဆောက် သွန်းလုပ်ကြရတယ်။ သတ္တုရူပဗိသုကာကျမ်း အလိုအရဆိုရင် စေတီတည်မယ့် မြေဟာ သန့်စင်ပြီးသား ဖြစ်နေ ရမယ်။ စေတီမှာ ဌာပနာမယ့် အခန်းအရံတွေ ရွေးချယ် ထည့်သွင်းရမယ်။ သူတို့မှာက ရှေးဟောင်း သုတေသနဌာနက ဥပဒေနဲ့အညီ ထိန်းချုပ်ထားတဲ့ မြေဖြစ်နေတယ်။ ပိုင်ရှင်ရဲ့ ခွင့်ပြုချက်မရဘဲ ဆောက်လုပ်ထားသလို အခန်းအရံ ရွေးချယ် ထည့်သွင်းခြင်း မရှိတာကိုလည်း တွေ့ရတယ်” ဟု ထောက်ပြသည်။

အခန်းအရံ ထည့်သွင်းခြင်းဆိုသည်မှာ ကျမ်းစာနှင့်အညီ ဌာပနာထည့်သွင်းခြင်းကို ဆိုလိုသည်။

“စေတီတည်သူတွေ နောက်ထပ် သိရမှာက ရခိုင်စေတီဌာပနာ ၃ ရပ် ရှိတယ်။ မြေအောက် ဌာပနာမှာ ဗုဒ္ဓမြတ်စွာ ဘုရားမဖြစ်မီ ဖွားတော်မူခန်း၊ တောထွက်ခန်းစတဲ့ ဗုဒ္ဓဝင်လာ ဆင်းတုတွေကို ဌာပနာရတယ်။ သပိတ်မှောက် ဌာပနာမှာက ဘုရားဖြစ်ပြီး ဗောဓိပင်နဲ့ ရွှေပလ္လင် အောင်တော်မူခန်းလို ဆင်းတုတွေကို ဌာပနာရတယ်။ ငှက်ပျောဖူး ဌာပနာကျတော့ ဘုရားက စကုပတိမင်းကို ချွတ်ခန်းစတာတွေနဲ့ ဌာပနာရပါတယ်။ မဟာမုနိကုန်းပေါ်မှာ ဥပဒေမဲ့ တည်ထားရာမှတော့ ဘီလူးရုပ်တွေ၊ ဇော်ဂျီရုပ်တွေနဲ့ လုပ်ထားတယ်။ ကျမ်းဂန်နဲ့ မညီသလို ရခိုင်ရိုးရာ ဓလေ့ထုံးစံတွေနဲ့လည်း ဆန့်ကျင်နေတယ်။ စေတီတခုရဲ့ အင်္ဂါရပ်တွေ မပါဘူးလို့ပဲ ပြောရမယ်” ဟု ရှင်းပြသည်။

မြောက်ဦးမြို့မှ ရခိုင်သမိုင်းသုတေသီ ဝေဒပညာရှင်တဦးကလည်း ပွင့်လင်းမြင်သာမှုလည်း မရှိဘဲ ဥပဒေကို ဆန့်ကျင်၍ သင်္ကြန်အတွင်း ညအချိန်များတွင် စေတီတည်ခြင်းအား ဝေဖန်လိုက်ပြီး ယတြာလုပ်ရန် ကြိုးပမ်းချက်တခုဟု စွပ်စွဲလိုက်သည်။

“ဒါဟာ နောက်ကွယ်က ဘယ်အဖွဲ့အစည်းက ကြိုးကိုင်နေမှန်းမသိပေမယ့် ရခိုင်ယဉ်ကျေးမှုကို ဖျက်ဆီးဖို့ ကြိုးစားတဲ့လုပ်ရပ်လို့ မြင်တယ်။ သူတို့က မဟာမုနိဟာ ရခိုင်တို့ရဲ့ အသက် ဆိုတာ သိတယ်။ ရခိုင်ကို တခုခု လုပ်ချင်ရင် ရခိုင်တို့ရဲ့ ဦးခေါင်းနဲ့ တူတဲ့ မဟာမုနိကို အဓိက ပစ်မှတ်ထားတယ်။ သူတို့က စေတီငယ်ကို ရှစ်သောင်း ပုထိုးပုံစံယူ တည်ထားတယ်။ ၁၅၃၅ ခုနှစ်၊ ရခိုင်ဘုရင် မင်းဗာကြီးက ရှစ်သောင်းကို တည်တဲ့အခါ ဗေဒင် ယတြာအရ တိုင်းပြည်ရဲ့ အာယုအရပ်ဖြစ်တဲ့ နန်းတော်ကုန်းရဲ့ မြောက်ဘက်မှာ တည်တယ်။ အခုဟာက ရှစ်သောင်း ပုံတူ စေတီကို မဟာမုနိရဲ့ အနောက်ဘက်အရပ်ဆိုတော့ ပရိဝါရ လို့ခေါ်တဲ့ မတည်သင့်တဲ့ အရပ်မှာ တည်လိုက်တာ
ဖြစ်တယ်။ ဒါဟာ ဗေဒင်ကိန်းခန်းအရ ကောင်းတဲ့ ရည်ရွယ်ချက် လုံးဝ မဟုတ်ဘူး” ဟု ဆိုသည်။

ယခု စေတီငယ်မှာ  ရှစ်သောင်းပုထိုးတော်နှင့် ပုံစံတူဟု ဆိုသော်လည်း ကွဲပြားမှုများရှိသည်။ ရှစ်သောင်း တည်ပုံမှာ ခေါင်းလောင်းမှောက် ပုံစံ ဖြစ်ကာ ဤစေတီငယ်မှာမူ အောက်ခြေမှစ၍ ၈ မျက်နှာယူထားပြီး အပေါ်ပိုင်း သပိက်မှောက်တွင် ဆောင့်ကြောင့်ထိုင်နေသော ဘီလူးရုပ်များကို ထည့်ထားသည်။

ရခိုင်ရှေးဟောင်းသုတေသနဌာန မြောက်ဦးဌာနကို ၁၉၂၀ ခုနှစ်က စတင်ဖွင့်လှစ်ပြီး ကျောက်တော် ရှေးဟောင်း နယ်မြေကို ပူးတွဲသတ်မှတ်ကာ၊ ၁၉၅၅ ခုနှစ်တွင် မဟာမုနိ ကုန်းတော်၌ ပြတိုက်တခုကို ကုန်းတော်၏ အောက်ဆုံး ပစ္စယာတွင် ထားရှိခဲ့ကြောင်း အဆိုပါဌာနမှ သိရသည်။

၂၀၁၂ ခုနှစ်၊ မေလ ၃ ရက်နေ့ထုတ် ကမ္ဘာ့အမွေအနှစ်များ ရန်ပုံငွေအဖွဲ့(Global Heritage Fund)မှ ထုတ်ပြန်သော အစီရင်ခံစာ၌ အဆိုပါ ကျောက်တော် မဟာမုနိ ရှေးဟောင်းဒေသအနီးရှိ မြောက်ဦးမြို့ဒေသကို အာရှတိုက်၏ စိုးရိမ်ဖွယ်ရာ အခြေအနေနှင့် ရင်ဆိုင်နေရသော ယဉ်ကျေးမူ အမွေအနှစ် ၁၀ ခု စာရင်းတွင် ထည့်သွင်းထားခဲ့သည်။
Mizzima - News in Burmese

လယ်ယာလုပ်ငန်းခွင် နှင့် ဓါတုဗေဒဆေးအန္တရာယ်

ပြောင်းလဲလာသောခေတ်နှင့်အညီ လယ်ယာလုပ်ငန်းခွင်သည်လည်း တိုးတက်ပြောင်းလဲလာခဲ့ပါတယ်။ ဓာတ်မြေသြဇာ၊ ပိုးသတ်ဆေး စသည့် လယ်ယာသုံး ဓါတုဗေဒဆေးများကို ယခင်ကထက်ပိုပြီး တွင်တွင်ကျယ်ကျယ် အသုံးပြုလာကြပါတယ်။ ဒါကြောင့်လဲ လယ်ယာသုံး ဓါတုဗေဒဆေးများကြောင့် တောင်သူလယ်သမားများနှင့် သူတို့ရဲ့မိသားစုဝင်တွေ ကျန်းမာရေးဆိုင်ရာ ထိခိုက်မှုတွေ၊ အသက်ဆုံးရှုံးမှုတွေကို မကြာခဏဆိုသလို ဖြစ်ပွါးလာပါတယ်။ တောသူတောင်သားတွေအနေနှင့်လည်း မိမိပတ်ဝန်းကျင်မှာ လယ်ယာသုံး ဓါတုဗေဒဆေးတွေ ပိုးသတ်ဆေးတွေကြောင့် ဒုက္ခရောက်ကြတာတွေကို သိရှိကြမှာပါ။ ပိုးသတ်ဆေးတွေ၊ မှိုသတ်ဆေးတွေ ဓာတ်မြေသြဇာတွေအလွန်အကျွံသုံးဆွဲမှုက သီးနှံတွေအပေါ်မှာ ဆေးကြွင်းအာနိသင်တွေ ရှိသင့်တာထက် ပိုမိုပါဝင်လာလို့ စားသုံးသူတွေလဲ ဘေးထွက်ဆိုးကျိုးကို ခံစားရပါတယ်။

လယ်ယာသုံး ဓါတုဗေဒဆေးတွေ ပိုးသတ်ဆေးတွေဟာ ချက်ခြင်းလက်ငင်း အန္တရယ်ပေးနိုင်သလို၊ တဖြည်းဖြည်းခြင်းနှစ်တွေကြာမှလည်း အန္တရယ်ပေးနိုင်ပါတယ်။ ( ဥပမာ - ကင်ဆာရောဂါ၊ အဆုပ်၊ အသဲ၊ ကျောက်ကပ် ရောဂါများ )။ ဒီလို ဓါတုဗေဒဆေးဝါးဘေးအန္တရာယ်(Chemical Hazard)တွေ ဖြစ်လာရတာဟာ အသုံးပြုသူ တောင်သူလယ်သမားတွေအနေနှင့် လယ်ယာသုံး ဓါတုဗေဒဆေးတွေကို ဘယ်လို ဘေးအန္တရာယ် ကင်းကင်းရှင်းရှင်း အသုံးပြုရမယ်ဆိုတာ သိရှိနားလည်သဘောပေါက်မှု အားနဲတဲ့အတွက်ကြောင့် ဖြစ်ပါတယ်။
လယ်ယာသုံး ဓါတုဗေဒဆေးတွေကို မဆင်မခြင် ပေါ့ဆစွာ သုံးစွဲမှုတွေကြောင့် အောက်ပါ ဘေးထွက်ဆိုးကြိုးတွေ ဖြစ်လာနိုင်ပါတယ်။
- အဆိပ်သင့်ခြင်း
- ပျို့အန်ခြင်း
- ခေါင်းကိုက်ခဲခြင်း
- အရေပြား လောင်ခြင်း
- အဆုပ်၊ အသဲ၊ ကျောက်ကပ် ရောဂါများ ဖြစ်ပွါးခြင်း
- သန္ဓေသား ထိခိုက်ခြင်း
- ကင်ဆာ ရောဂါ နှင့်
- အာရုံကြောဆိုင်ရာ ဝေဒနာများ ဖြစ်စေနိုင်ပါတယ်။
ဒါကြောင့် တောင်သူလယ်သမားများအနေနှင့် လယ်ယာသုံး ဓါတုဗေဒဆေးတွေကို ဘယ်လိုစနစ်တကျ သိုလှောင်ရမယ်၊ အသုံးပြုရမယ်၊ စွန့်ပစ်ရမယ် ဆိုတာတွေကို သိနားလည်ထားသင့်ပါတယ်။

MSDS( Material Safety Data Sheet)
လယ်ယာသုံး ဓါတုဗေဒဆေးတွေကို အသုံးပြုတော့မယ်ဆိုရင် ဦးစွာ ဆေးအညွှန်းကိုသေချာစွာဖတ်ရှုရပါမယ်။ MSDS( Material Safety Data Sheet) လို့ခေါ်တဲ့ ပစ္စည်းတစ်ခုရဲ့ အန္တရာယ်ကင်းရေးဆိုင်ရာ အချက်အလက်များကိုလဲ နားလည်သဘောပေါက်အောင် ဖတ်ရှုရပါမယ်။ သက်ဆိုင်ရာ ဆေးထုပ်လုပ် ဖြန့်ဖြူးသူတွေအနေနဲ့လည်း ၀ယ်ယူအသုံးပြုတဲ့ တောင်သူတွေကို နားလည်သဘောပေါက်အောင် ရှင်းပြဖို့လိုပါတယ်။ ပြည်တွင်းမှာအသုံးပြုတဲ့ ဆေးတိုင်းကိုလည်း MSDS ကို မြန်မာဘာသာနှင့်ရေသားစေဖို့ သက်ဆိုင်ရာ ၀န်ကြီးဌာနက စီစဉ်ဆောင်ရွက်သင့်ပါတယ်။ ဒါမှလည်း မလိုလားအပ်တဲ့ ဘေးထွက်ဆိုးကျိုးတွေကို ကာကွယ်တားဆီးနိုင်မှာပါ။
MSDS( Material Safety Data Sheet) လို့ခေါ်တဲ့ ပစ္စည်းတစ်ခုရဲ့ အန္တရာယ်ကင်းရေးဆိုင်ရာ အချက်အလက်များဟာ အလွန်အဖိုးတန်တဲ့ အချက်အလက်တွေကိုပေးပါတယ်။ MSDS ထဲမှာ
- ဆေး အမည်
- ဓါတုဗေဒ အမည်
- မီးလောင်ပေါက်ကွဲနိုင်သည့် အန္တရာယ်
- ဖြစ်လာနိုင်တဲ့ ကျန်းမာရေးဆိုင်ရာ အန္တရာယ်
- ဘယ်လို အန္တရာယ်ကင်းအောင်း အသုံးပြုပုံ
- အရေးပေါ် ရှေးဦးသူနာပြုစုနည်း
- ဤMSDSကို ထုတ်ပြန်တဲ့နေ့စွဲနှင့် ပြန်လည်မွန်းမံလျှင် နောက်ဆုံးပြင်ဆင်ခဲ့သော ရက်စွဲ စတာတွေပါဝင်ပါတယ်။

သိုလှောင်ပုံ
လယ်ယာသုံး ဓါတုဗေဒဆေးတွေကို သိုလှောင်ရာမှာ နည်းစနစ်တကျ အန္တရာယ်ကင်းအောင် ထားဖို့လိုပါတယ်။
- ကလေးများနဲ့ လက်လှန်းမမှီနိုင်တဲ့နေရာမှာ ထားပါ၊
- မီးနဲ့ဝေးရာမှာ ထားပါ၊
- အစားအသောက်တွေနှင့် ရောမထားပါနှင့်၊
- ဆေးများကို မူလပုလင်းများ၊ ဗူးများထဲမှာသာ သိမ်းဆည်းထားပါ၊ အခြား ပုလင်း၊ ဗူး၊ ခွက်တွေထဲ မထည့်ထားပါနှင့်၊
- ဆေးဗူး၊ ပုလင်းတွေက တံဆိပ်တွေ၊ အညွှန်းတွေကို မခွါပစ်ပါနှင့် စတဲ့ အခြေခံအချက်တွေကို အနိမ့်ဆုံး လိုက်နာသင့်ပါတယ်။

အသုံးပြုပုံ
လယ်ယာသုံး ဓါတုဗေဒဆေးတွေဟာ ခန္ဓာကိုယ်ထဲကို ပါးစပ်မှတဆင့်၊ အရေပြားမှတဆင့်၊ အသက်ရှုလမ်းကြောင်းမှတဆင့် ၀င်ရောက်နိုင်ပါတယ်။ ဒါကြောင့် အသုံးပြုနေစဉ်မှာ ဆေးအညွှန်းမှာပါတဲ့ ညွှန်ကြားချက်တွေကို တိတိကျကျ လိုက်နာရပါမယ်။ အခြေခံလိုအပ်တဲ့ တကိုယ်ရေသုံး ဘေးအန္တရာယ်အကာအကွယ် ကရိယာ (Personal Protective Equipment PPE) တွေကို အသုံးပြု ၀တ်ဆင်ပါ။ ( ဥပမာ- အန္တရာယ်ကင်း မျက်မှန်၊ လက်အိပ်၊ အသက်ရှုအကူကရိယာ၊ ရာဘာဖိနပ်)။ အသုံးပြုပုံကို နားလည်သဘောပေါက်မှ အသုံးပြုပါ။ နားမလည်လျှင်၊ မရှင်းလျှင် နားလည်တက်ကျွမ်းသူကို မေးမြန်းပြီးမှ အသုံးပြုသင့်ပါတယ်။
( PPE ပုံ )

ရောဂါလက္ခဏာ
လယ်ယာသုံး ဓါတုဗေဒဆေးတွေ ပိုးသတ်ဆေးတွေ အဆိပ်သင့်မှုကြောင့် ဖြစ်တက်တဲ့ ရောဂါလက္ခဏာတွေကတော့ မူးဝေခေါင်းကိုက်ခြင်း၊ ချွေးစေးပြန်ခြင်း၊ အော့အန်ခြင်း၊ ကြွက်တက်ခြင်း စတာတွေဖြစ်ပါတယ်။ ပြင်းထန်တဲ့ ရောဂါလက္ခဏာတွေကတော့ အသက်ရှုခက်ခဲလာခြင်း၊ မျက်စေ့သူငယ်အိမ် အလွန်ကျဉ်းလာခြင်း၊ သွားရည် နှာရည်များစီးကျလာခြင်း၊ သတိလစ်မေ့မျောခြင်းတို့ ဖြစ်ပါတယ်။
အရေးပေါ် ကယ်ဆယ်ရေး
လယ်ယာသုံး ဓါတုဗေဒဆေးတွေ ပိုးသတ်ဆေးတွေကြောင့် အဆိပ်သင့်လျှင် အောက်ပါအတိုင်း အလျှင်အမြန်ဆောင်ရွက်သင့်ပါတယ်။
- လူနာကို ဆေးဖြန်းသည့်နေရာမှ ဝေးရာသို့ အမြန်ဆုံး သယ်သွားပါ၊
- ဆေးဖြန်းနေစဉ်ဝတ်ထားသည့် အ၀တ်အစားများကို အမြန်ဆုံးလဲပေးပါ၊
- ခြေလက်များကို ရေဖြင့်ဆေးကြောပေးပါ၊
- လူနာထနိုင်လျှင် ခေါင်းမှစပြီး ရေများများလောင်းပေးပါ၊
- ပါးစပ်ထဲဝင်လျှင် လူနာကို သောက်နိုင်သမျှ ရေများများတိုက်ပါ၊
- မျက်လုံးထဲဝင်လျှင် မျက်လုံးကိုဖြဲ၍ ရေများများဖြင့် အနဲဆုံး ၁၅ မိနစ်ခန့် ဆေးကြောပေးပါ၊
- လူနာကို နီးစပ်ရာ ဆေးရုံ ဆေးခန်းပို့ရန်စီစဉ်ပါ။

စွန့်ပစ်ပုံ
အသုံးပြုပြီးသား ဆေးကြွင်းဆေးကျန်များကို လက်လွတ်စပယ် စွန့်ပစ်ခြင်းဟာ မိမိနေထိုင်ရာ သဘာဝပတ်ဝန်းကျင်ကို ဆိုးဆိုးရွားရွားထိခိုက်စေနိုင်ပါတယ်။ လယ်ထဲ ချောင်းထဲ စွန့်ပစ်ပါက ပတ်ဝန်းကျင်ညစ်ညမ်းမှုအပြင် သတ္တ၀ါများကိုသေကြေပျက်စီးစေနိုင်ပါတယ်။ ဒါကြောင့် ဆေးအကြွင်းအကျန်တွေကို စနစ်တကျ စွန့်ပစ်သင့်ပါတယ်။ ဆေးများကိုလည်း လိုသလောက်သာ အသုံးပြုသင့်ပါတယ်။

ပညာပေးရေး
သက်ဆိုင်ရာ ၀န်ကြီးဌာနအနေဖြင့်လည်း တောင်သူလယ်သမားများ ဘေးအန္တရယ်ကင်းရှင်းရေးအတွက် ၊သတင်းစာ၊ ရေဒီယို/ရုပ်မြင်သံကြား စတဲ့ မီဒီယာများမှတဆင့် အခါအားလျှော်စွာ ပညာပေးဟောပြောခြင်း၊ လက်ကမ်းစာစောင်များဖြန့်ဝေပေးခြင်း၊ ကွင်းဆင်းပညာပေးဟောပြောခြင်များပြုလုပ်သင့်ပါတယ်။ ဆေးထုတ်လုပ်ဖြန့်ဖြူးသူတွေအနေဖြင့်လည်း ဆေးညွှန်းများကို ရှင်းလင်းစွာ ရေးသားဖော်ပြပေးခြင်း၊ သုံးဆွဲသူတောင်သူလယ်သမားများကို ဆေးအသုံးပြုပုံကို နားလည်သဘောပေါက်အောင်ရှင်းပြခြင်း၊ အခြေခံလိုအပ်တဲ့ တကိုယ်ရေသုံး ဘေးအန္တရာယ်အကာအကွယ် ကရိယာ (Personal Protective Equipment ,PPE) များကို ပံ့ပိုးပေးခြင်းတွေကို လုပ်ဆောင်ပေးသင့်ပါတယ်။

စကားစပ်မိ၍ ပြောရပါအုံးမယ်။ ရုပ်မြင်သံကြား ကြေညာတွေမှာ တွှေတွေ့နေရတာက မင်းသားမင်းသမီးများ ပိုးသတ်ဆေးများကို ကခုန်ပြီး ဘာအကာအကွယ်မှမပါ ပတ်ဖြန်းပြနေတာ ဟာ တကယ်ကိုဆိုးပါတယ်။ ဒါတွေကိုကြည့်ပြီး မသိနားမလည်တဲ့ တောသူတောင်သားများဟာ မှားယွင်းတဲ့ အသိတွေ ၀င်လာနိုင်ပါတယ်။ တောင်သူလယ်သမားများအနေနှင့်လည်း မိမိအန္တရာယ် ကင်းရှင်းရေး၊ ပတ်ဝန်းကျင် အန္တရာယ် ကင်းရှင်းရေးအတွက် လယ်ယာသုံး ဓါတုဗေဒဆေးတွေ၊ ပိုးသတ်ဆေးတွေကို ဂရုတစိုက် အသုံးပြုသင့်ပါတယ်။ ကျွန်တော်တို့တိုင်းပြည်ဟာ စိုက်ပျိုးရေးကို အခြေခံတဲ့နိုင်ငံဖြစ်တဲ့အတွက် တောင်သူလယ်သမားများရဲ့ ဘေးအန္တရယ်ကင်းရှင်းရေးဟာလည်း တိုင်းပြည်အတွက် အရေးကြီးပါတယ်။ တောင်သူလယ်သမားများ လယ်ယာလုပ်ငန်းခွင်မှာ ဘေးအန္တရယ် ကင်းရှင်းကြပါစေ။
ဇေလတ်။ ပဲခူး သတင်းစဉ်
ကိုးကား-
-အေးငြိမ်း(လေးမျက်နှာ) - လယ်ယာလုပ်ငန်းခွင် အန္တရာယ်ကင်းရှင်းရေး
-Better Health Channel - Farm Safety ( Handling Agrichemicals )

ယခုနှစ် ရွှေမောဓေါဘုရားပွဲမြင်ကွင်း(ဓါတ်ပုံသတင်း)

ယနေ့ညရွှေမောဓေါဘုရားပွဲမြင်ကွင်း................
ပဲခူး သတင်းစဉ်

ဘုရားလမ်းရှိရုပ်ရှင်ရုံတွင်ရုပ်ရှင်ကြည့်ရန်စောင့်နေသူများ

ဘုရားပွဲရှိအသုတ်ဆိုင်တွင်စားသောက်နေသူအချို့

မျက်နှာဖုံးရောင်းချနေသူနှင့်ဝယ်ယူနေသူ.

ပွဲဈေးတန်းတနေရာ

ဖျာရောင်းချနေသောဆိုင်တခု

ဘုရားပုံတော်များရောင်းချသောဆိုင်တခု

သနပ်ခါးဝယ်ယူနေသူ

ဘုရားပွဲတော်တွင်းမှရဟတ်တခု

စွမ်းဇာတ်ရုံရှိသူ၏ပရိတ်သတ်များ

စွမ်းဇာတ်ရုံရှိသူ၏ပရိတ်သတ်များ

ဖိုးချစ်ရဲ့ဇာတ်ရုံ

စွမ်းကိုလာရောက်အားပေးသူတွေထဲမှာ

အမြန်လမ်းတွင်ယာဉ်တိမ်းမှောက်မှု အဝေးပြေးကားချောက်ထိုးကျ

 ပဲခူးသတင်းစဉ်

 

စာရေးဆရာတစ်ဦးရဲ့ မှတ်စုများ

RFA Burmese
ဒီတစ်ပတ်မှာတော့ အစဉ်အလာရိုးရာနဲ့ ဘုရားဖူးထွက်လေ့ရှိတဲ့ မြန်မာတွေ ပညာနဲ့ ဗဟုသုတပါ ရှာမှီးနိုင်ဖို့ လိုအပ်နေတဲ့အကြောင်း ဆရာဆူးငှက်ကိုယ်တိုင် တင်ပြထားပါတယ်။

အရပ်ဖက်နှင့် စစ်ဖက် တရားစီရင်ရေးနှစ်ခု ကွဲနေခြင်းသည် တရားဥပဒေ စိုးမိုးရေးကို ထိခိုက်နိုင်

ရန်ကုန်၊ ဧပြီ ၂၄။
၂၀၀၈ ဖွဲ့စည်းပုံ အခြေခံဥပဒေအရ အရပ်ဖက်နှင့် စစ်ဖက် တရားစီရင်ရေးနှစ်ခု ကွဲနေခြင်းသည်
တရားဥပဒေ စိုးမိုးရေးကို ထိခိုက်နိုင်ဟု တရားလွှတ်တော်ရှေ့နေ ဦးခင်မောင်ရှိန်က မြန်မာ့ခေတ် သို့
ပြောကြားသည်။ “တရားစီရင်ရေးဟာ တစ်ခုပဲ ရှိရမယ်၊ ပြည်သူ အပါအဝင် ဝန်ထမ်း၊ အုပ်ချုပ်သူ၊ အာဏာပိုင် အတွက်ရော တန်းတူပဲ ဖြစ်ရမယ်”ဟု ၎င်းက ပြောကြားသည်။

ထိုကဲ့သို့ နှစ်မျိုး ကွဲနေခြင်းသည် အကျိုးသက်ရောက်မှုများစွာ ဖြစ်ပေါ်နိုင်ကြောင်း၊ တရား ဥပဒေအောက်တွင် လူတန်းစားအားလုံး တန်းတူ ရှိရမည်ဟူသော မူနှင့်လည်း ကွဲလွဲလျက်ရှိကြောင်း၊ တရား ဥပဒေ စိုးမိုးမှုရေးကို ဖော်ဆောင်ရာတွင်လည်း အခက်အခဲ ဖြစ်နိုင်ကြောင်း အဆိုပါ တရားလွှတ်တော်ရှေ့နေက
မြန်မာ့ခေတ်သို့ ဆက်လက် ပြောကြားသည်။

သင်္ကြန် နောက်ဆုံးရက် (ဧပြီ ၁၆)ရက်နေ့တွင် ရန်ကုန်မြို့ AGD ဘဏ် မဏ္ဍပ်ရှေ့တွင် ဖြစ်ပွားသော
ခိုက်ရန်ဖြစ်ပွားရာမှ လူသေဆုံးမှု ဖြစ်စဉ်နှင့် ဧပြီ ၂၃ ရက်နေ့တွင် ပြည်မြို့၌ ဖြစ်ပွားခဲ့သော စုံတွဲနှစ်ဦး ချိန်းတွေ့ရာမှ အကြမ်းဖက် လူသတ်လုယက်မှု ဖြစ်စဉ်များတွင် တပ်မတော်သားအချို့ ပါဝင်ပတ်သက်လျက် ရှိကြောင်းကို အခင်းဖြစ်ပွားရာ မြို့နယ်ရှိ ရဲတပ်ဖွဲ့ရုံးများမှ စုံစမ်း သိရှိရသည်။ လက်ရှိ အချိန်တွင် တပ်မတော်သားများ အရပ်ဖက်ဆိုင်ရာ ပြစ်မှု ကျူးလွန်ပါက တာဝန်ရှိ ပြည်သူ့ရဲများက ဖမ်းဆီးပြီး ကျူးလွန်သူ တပ်မတော်သားများကို တပ်ရင်းဌာန သို့ ပြန်လွှဲပေးရကြောင်း၊ တပ်ရင်းဌာနမှ စစ်ဆေးပြီးမှသာ တရားစွဲဆိုမှု ပြုလုပ်နေရကြောင်း၊ တပ်မတော်သားများ အခင်းဖြစ်ပွားရာ မြို့များမှ တာဝန်ရှိရဲဝန်ထမ်းများက ပြောကြားသည်။

၂၀၀၈ ဖွဲ့စည်းပုံ အခြေခံ ဥပဒေတွင် အခန်း(၇)ရှိ တပ်မတော်နှင့် သက်ဆိုင်သည့် အခန်းတွင်
တရားစီရင်ရေးနှင့် ပါတ်သတ်၍ တပ်မတော်သားများအတွက် အဖွဲ့ ဖြင့် ဖြစ်စေ၊ တစ်ဦးတည်းဖြစ်စေ
ဥပဒေနှင့် အညီ စီရင်နိုင်ကြောင်း၊ တပ်မတော် ကာကွယ်ရေး ဦးစီးချုပ်၏ အဆုံးအဖြတ်သည် အဆုံးအဖြတ်
ဖြစ်ကြောင်း ဖော်ပြပါရှိသည်။
လူမင်း
The Myanma Age

အစိုးရထံတင်ပြတဲ့ နိုင်ငံရေး အကျဉ်းသားစာရင်းထဲမှ လွတ်မြောက်သူ အနည်းငယ်သာပါရှိ

April 24, 2013
မနေ့က နိုင်ငံရေး အကျဉ်းသားတွေ လွှတ်ပေးတဲ့စာရင်းဟာ လက်ကျန် နိုင်ငံရေးအကျဉ်းသားများ စိစစ်ရေးကော်မတီကို တင်ပြထားတဲ့စာရင်းထဲက ၂၀ နီးပါးသာပါဝင်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP က အတွင်းရေးမှူး ကိုတိတ်နိုင်က RFA ကို ပြောပါတယ်။

အဲဒီကော်မတီနဲ့ တွေ့ဆုံဆွေးနွေးတုန်းက ပထမအသုတ်အနေနဲ့ လွှတ်ပေးဖို့ ပြောပြထားတဲ့ နိုင်ငံရေး အကျဉ်းသားစာရင်းနဲ့ ကွာခြားနေတဲ့အကြောင်း ကိုတိတ်နိုင်က အခုလို ပြောပြပါတယ်။

“လက်ကျန် နိုင်ငံရေးအကျဉ်းသား စိစစ်ရေးကော်မတီကနေပြီးတော့ နိုင်ငံရေးအကျဉ်းသား စာရင်းရှိပါတယ်၊ သူတို့ကို ပထမအသုတ်အနေနဲ့ လွှတ်ပေးဖို့ဆိုတာ အားလုံးပေါင်း ၉၃ ဦးပေါ့လေ၊ ဒီနိုင်ငံခြားသား ပါနေတဲ့အခါကျတော့ ဂ၇ ယောက်ကို လွှတ်ပေးဖို့ဆိုပြီးတော့ တင်ပြထားတာရှိပါတယ်၊ အဲထဲက ၁၉ ယောက်ပဲ ဖြစ်နေတဲ့အခါကျတော့ ကျန်တဲ့လူတွေကို ဘယ်လိုလွတ်ပေးမယ်ဆိုတာ သေသေချာချာမသိရသေးဘူး၊ ခုလွှတ်ပေးလိုက်တဲ့ လူတွေရဲ့စာရင်းကိုတောင်မှ ကျနော်တို့အရင်ကလိုပဲ ကိုယ့်ဘာသာကိုယ် လိုက်ကောက်ယူရတာဖြစ်တယ်”

မနေ့ကညနေပိုင်းက သမ္မတ ဦးသိန်းစိန်အမိန့်နဲ့ အကျဉ်းထောင်အသီးသီးက အကျဉ်းသား ၉၃ ယောက် လွတ်မြောက်လာရာမှာ နိုင်ငံရေးအကျဉ်းသား ၅၃ ယောက် ပါရှိခဲ့ပါတယ်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP အဖွဲ့က ပြုစုထားတဲ့ စာရင်းအရ အကျဉ်းထောင်အသီးသီးမှာ နိုင်ငံရေးအကျဉ်းသား စုစုပေါင်း ၃၀၀ ခန့် ကျန်နေသေးတယ်လို့ သိရပါတယ်။
RFA

အမေရီကန် ဒေါ်လာ100 တန် မကြာမီထွက်တော့မည်

ဒီဇိုင်းအသစ်နဲ့ အမေရီကန် ဒေါ်လာ100 ကို ထုပ်လိုက်ပါပြီး။ သတင်ဲပီးသုံးမှာကတော့ ဒီနှစ် အောက်တိုဘာ လ ၈ ရက်နေ့မှာဖြစ်ပါတယ်။ အခုထုပ်လုပ်လိုက်တဲ့ ဒေါ်လာ 100 တန်ဟာ အတုလုပ်ရန်ခက်ခဲအောင် စီမံထားပါတယ်လို့ ငွေကြေးဆိုင်ရာ ဖဒယ်ရယ်ကပြောပါတယ်။
Ref: The Wall Street Journal
==>>>>> အသေးစိတ်ကို ဖတ်ရှုရန်  ဒီနေရာကို နှိပ်ပါ <<<<<==

မြန်မာကျပ်ငွေကို မယုံတော့ဘူးလား . . . ကျပ်ငွေကို လက်မခံတဲ့ ကညန

24 April 2013
၂၀၁၂ ခုနှစ် ဧပြီလ ၁ ရက်နေ့မှစ၍ မြန်မာနိုင်ငံတော် ဗဟိုဘဏ်မှ မြန်မာကျပ်ငွေနှင့် နိုင်ငံခြားငွေ လဲလှယ်မှုနှုန်းအား နှုန်းရှင်စနစ်ဖြင့် စတင်ပြောင်းလဲခဲ့ပြီး ဧပြီလ ၂ ရက်နေ့မှစကာ နေ့စဉ် နိုင်ငံခြားငွေလဲနှုန်းအား သတ်မှတ်ပေးခဲ့သည်။

ထို့ပြင် ၂၀၁၃ ခုနှစ် မတ်လ ၂၁ ရက်နေ့တွင် ဘဏ္ဍာရေးနှင့် အခွန်ဝန်ကြီးဌာနမှ မြန်မာကျပ်ငွေနှင့် အမေရိကန်ဒေါ်လာအကြား ကြားခံသုံးစွဲနေသည့် ကြားခံငွေ FEC ကို ဖျက်သိမ်းမည်ဖြစ်ကြောင်း ထုတ်ပြန်ခဲ့သည်။

FEC မှာ ၁၉၉၃ ခုနှစ် ဖေဖော်ဝါရီလ ၄ ရက်နေ့က စတင်ထုတ်ဝေခဲ့ပြီး အများပြည်သူကြား လှည့်ပတ်သုံးစွဲနေသည့် FEC ယူနစ်ပေါင်းမှာ ၃၀ ဒသမ ၂၉ သန်းကျော်အထိ ရှိသည်။

ထိုသို့သော ပမာဏရှိသည့် FEC ကို ဘာကြောင့်ဖျက်သိမ်းသည်ဆိုသော အချက်မှာ အရှင်းအလင်း အထင်အရှား ရှိပြီးဖြစ်သည်။

မြန်မာကျပ်ငွေနှင့် အမေရိကန်ဒေါ်လာ တိုက်ရိုက်လဲလှယ်နိုင်ရန် နေ့စဉ်ငွေလဲနှုန်း သတ်မှတ်လုပ်ကိုင်ပြီးဖြစ်၍ ကျပ်ငွေနှင့် နိုင်ငံခြားငွေလဲနှုန်း ယုံကြည်စိတ်ချရသည့် အတွက်သာ ဖြစ်သည်။

သို့သော် ၂၀၁၃ ခုနှစ် ဧပြီလ ၂၃ ရက်နေ့မှ စ၍ ယာဉ်မှတ်ပုံတင်ကြေး ပေးသွင်းမှုကို FEC အစား အမေရိကန် ဒေါ်လာဖြင့်သာ ပေးသွင်းရန် ကညနမှ ထုတ်ပြန်သတ်မှတ်ခဲ့သည်။

သတ်မှတ်ရာတွင်လည်း အမေရိကန်ဒေါ်လာကို မည်သည့် ငွေလဲကောင်တာမှ လဲလှယ်လာသည်ဟူသည့် အထောက်အထား ပြနိုင်သည့်ငွေကိုသာ လက်ခံမည်ဟု ကန့်သတ်ထားသည်။

ငွေလဲကောင်တာမှ လဲလှယ်ပေးသည့် အထဲတွင် အဟောင်းပါလာပါကလည်း ပြန်လဲပေးရသည့် အဆင့်များ ပိုလာသည်။

အဆိုးဆုံးက ဘဏ်မှ ဆောင်ရွက်ခအဖြစ် ၀ ဒသမ ၃ ရာခိုင်နှုန်းအား အပိုထပ်မံ ပေးဆောင်ရမည်ဟု သတ်မှတ်ထားချက်က ပို၍ ဆိုးရွားသွားစေသည်။

FEC ကိုပင် မလိုအပ်၍ ဖျက်သိမ်းနေသည့် အချိန်၊ မြန်မာကျပ်ငွေနှင့် အမေရိကန်ဒေါ်လာ ငွေလဲနှုန်း တရားဝင် ရှိနေပြီးအချိန်တွင် FEC အစား မြန်မာကျပ်ငွေဖြင့် မကောက်ခံပဲ အမေရိကန်ဒေါ်လာဖြင့်သာ ပေးသွင်းရန် သတ်မှတ်သည့်အတွက် ကညန၏ လုပ်နည်းလုပ်ဟန်များအပေါ် မေးခွန်းထုတ်လာကြသည်။

ကျပ်ငွေဖြင့် လက်ခံလိုက်လျှင် အများပြည်သူ ပေးသွင်းရ လွယ်ကူသွားမည်ကို စိုးရိမ်ခြင်းလား၊ မြန်မာကျပ်ငွေကို မယုံကြည်ခြင်းလားဟူသည့် မေးခွန်းနှစ်ရပ်ကို အဓိက မေးလာကြသည်။

"ကညနလည်း ပြည်တွင်းမှာ ပြန်သုံးမယ်ဆိုရင် ကျွန်တော့်တို့ဆီက ကောက်ထားတဲ့ ဒေါ်လာတွေကို မြန်မာငွေနဲ့ ပြန်လဲရမှာပဲ။ သူလည်းအဆင်ပြေ ကိုယ်လည်းလွယ်ကူမယ့် မြန်မာကျပ်ငွေနဲ့ မသွင်းခိုင်းတာကိုက မေးစရာတွေ တော်တော်ဖြစ်လာတယ်" ဟု ငွေပေးသွင်းသူ တစ်ဦးက ပြောကြားသည်။

အစိုးရသစ်လက်ထက် ၂၀၁၁ ခုနှစ်အတွင်း အမေရိကန်ဒေါ်လာ တစ်ဒေါ်လာနှင့် မြန်မာကျပ်ငွေလဲနှုန်းမှာ ကျပ် ၇၅၀ ကျော်အထိ ရှိခဲ့ပြီး မြန်မာငွေတန်ဖိုး မြင့်နေခဲ့သည်။

၂၀၁၂ ခုနှစ် ဧပြီလ ၁ ရက် နေ့မှစ၍ နေ့စဉ်ငွေလဲနှုန်း သတ်မှတ်ရာတွင် အမေရိကန်တစ်ဒေါ်လာ ကျပ် ၈၁၀ ၀န်းကျင်ဖြင့် စတင်ခဲ့သည်။ ယခုအခါ တစ်ဒေါ်လာလျှင် ကျပ် ၉၀၀ နီးပါး ဖြစ်လာသည်။

တစ်နှစ်အတွင်း မြန်မာငွေတန်ဖိုး ၁၅ ရာခိုင်နှုန်းနီးပါး ကျဆင်းသွားသည်။

ထိုသို့ ကျဆင်းသွားခြင်းမျိုး ဖြစ်ပေါ်လာမည့်အပေါ်၊ မြန်မာငွေတန်ဖိုး အတက်အကျ ဖြစ်မည့်အပေါ်၊ ကျပ်ငွေတန်ဖိုး အပြောင်းအလဲအပေါ် ကညနမှ မယုံကြသည့်အတွက်၊ ကျပ်ငွေမှာ မတည်ငြိမ်ဟု ကညနမှ ယူဆသည့်အတွက် မြန်မာကျပ်ငွေ လက်မခံဟုသာ တွက်ဆရတော့မည်ဟုလည်း ဆိုကြသည်။

အကောက်ခွန် ဦးစီးဌာနကဲ့သို့ နိုင်ငံခြားငွေကြေးဖြင့် တွက်ချက်လုပ်ကိုင်ရသည့် ဌာနသည်ပင်လျှင် နိုင်ငံခြားငွေအစား မြန်မာကျပ်ငွေဖြင့် လွယ်ကူစေရန် လက်ခံပေးသည့် အချိန်တွင် ပြည်တွင်းအတွက်သာ မှတ်ပုံတင်ကြေး ကောက်ခံသည့် ဌာနမှ ကျပ်ငွေကို လက်မခံခြင်းမှာ ကျပ်ငွေအပေါ် မယုံကြည်သည့်အတွက်ဟု ပြောကြားလာခဲ့ကြသည်။

"ပြည်တွင်းမှာသုံးတာ၊ ပြည်တွင်းအတွက် မှတ်ပုံတင်ကြေး ပေးတာကို ကျပ်ငွေနဲ့ မကောက်တာ နိုင်ငံတော်ကထုတ်တဲ့ ကျပ်ငွေကို ဒီဌာနက မယုံဘူးဆိုတဲ့သဘော ဖြစ်နေတယ်" ဟု ကားတစ်စီးအတွက် မှတ်ပုံတင်ကြေး ပေးသွင်းရမည့်သူတစ်ဦးက ပြောသည်။

နိုင်ငံတော်မှ ထုတ်ထားသည့် ကျပ်ငွေ၊ နိုင်ငံတော်မှ သတ်မှတ်ပေးသည့် ငွေလဲနှုန်းအား အစိုးရ အဖွဲ့တွင် ပါဝင်သည့် ဌာနတစ်ခုမှ မယုံကြည်သောအသွင် ဆောင်နေခြင်းသည် လွဲမှားသည်။

ကျပ်ငွေဖြင့် တိုက်ရိုက်ပေးသွင်းသည့်အတွက် အများပြည်သူ အနေဖြင့် အပိုပေးရမည့် ငွေပမာဏ မပေးရခြင်း၊ နေ့စဉ်ငွေလဲနှုန်း ရှိနေ၍ ၀န်ကြီးဌာနနှင့် အများပြည်သူကြား နစ်နာစရာ မရှိခြင်း၊ အများပြည်သူ လွယ်ကူစွာ ပေးဆောင်နိုင်ခြင်းဟူသည့် အချက်များ ရှိနေသည့်ကြားမှ ကျပ်ငွေအား လက်မခံပဲ ဘဏ်မှလဲလှယ်သည့် အထောက်အထား ပြနိုင်သော အမေရိကန် ဒေါ်လာကိုသာ လက်ခံမည်ဟု သတ်မှတ်ခြင်းများကို ခြုံငုံကြည့်လျှင် အများပြည်သူ လွယ်ကူသွားမှာ စိုးလို့လားနှင့် ကျပ်ငွေကို မယုံကြည်ဘူးလား မေးခွန်းများမှာ မေးမြန်းထိုက်သည်ဟုပင် သုံးသပ်ရမည်။
Eleven Media Group

နျူကလီးယား ပိုင်ဆိုင်သော နိုင်ငံအဖြစ် အသိအမှတ်ပြုရန် မြောက်ကိုရီးယား ထပ်မံတောင်းဆို

24 April 2013
နျူကလီးယား ပိုင်ဆိုင်သောနိုင်ငံအဖြစ် အသိအမှတ်ပြုရန် မြောက်ကိုရီးယားက ဧပြီ ၂၃ ရက်တွင် ထပ်မံ တောင်းဆိုခဲ့ပြီး ယင်းမှာ အမေရိကန်နှင့် မည်သည့်ဆွေးနွေးပွဲမဆို ပြုလုပ်နိုင်ရေးအတွက် အကြိုလိုအပ်မှု တစ်ခု ဖြစ်ကြောင်းလည်း ပြောကြားခဲ့သည်။

မည်သည့်ဆွေးနွေးပွဲမှ မစတင်မီ နျူကလီးယား လက်နက်များနှင့် ဒုံးကျည် အစီအစဉ်များကို စွန့်လွှတ်မည်ဟု မြောက်ကိုရီးယားက ကြေညာရန် အမေရိကန်၏ တောင်းဆိုမှုကို လုံးဝ လက်သင့်မခံနိုင်ကြောင်း မြောက်ကိုရီးယားနိုင်ငံပိုင် ရိုဒေါင်ရှင်မွန် သတင်းစာက မှတ်ချက်ပြု ရေးသားခဲ့သည်။

မည်သည့်ဆွေးနွေးပွဲမဆို နျူကလီးယား ပိုင်ဆိုင်သော နိုင်ငံများအကြား ပြုလုပ်ခြင်း ဖြစ်ရမည်ဖြစ်ကြောင်းလည်း ဆိုသည်။

မြောက်ကိုရီးယားကို နျူကလီးယား ပိုင်ဆိုင်သောနိုင်ငံအဖြစ် မည်သည့်အခါမှ တရားဝင် လက်ခံသွားမည် မဟုတ်ကြောင်း အမေရိကန်က ရှင်းရှင်းလင်းလင်း ထုတ်ပြန်ခဲ့သည်။ မြောက်ကိုရီးယားကို နျူကလီးယားလက်နက်များ စွန့်လွှတ်ရန် အမေရိကန်က တိုက်တွန်းခဲ့သလို မြောက်ကိုရီးယားကလည်း ၎င်းတို့အပေါ် ပိတ်ဆို့အရေးယူထားမှု ရုပ်သိမ်းရန်နှင့် အနာဂတ်တွင် အမေရိကန်နှင့် တောင်ကိုရီးယားတို့ ပူးတွဲစစ်ရေးလေ့ကျင့်မှုများ မပြုလုပ်ရန် တောင်းဆိုခဲ့သည်။

ကိုရီးယားကျွန်းဆွယ်တွင် မြောက်ကိုရီးယား၏ စစ်ရေးခြိမ်းခြောက်မှုများကြောင့် တစ်လခန့် တင်းမာမှုများ ဖြစ်ပွားခဲ့ပြီးနောက် ၀ါရှင်တန်၊ ဆိုးလ်နှင့် ပြုံယမ်းတို့အကြား ဆွေးနွေးပွဲ ပြုလုပ်နိုင်ခြေ ရှိနေကြောင်းလည်း သိရသည်။ သို့သော် လတ်တလောတွင် ဆွေးနွေးပွဲ မစတင်မီ နှစ်ဘက်စလုံး၏ အကြိုသတ်မှတ်ချက်များကို အပြန်အလှန် ပယ်ချခြင်းဖြင့်သာ ပြီးဆုံးနေသည်။
Ref:AFP
Eleven Media Group

ဖုန်းကံစမ်းမဲပေါက်သူများ တန်းစီ

24/4/2013
တန်ဖိုးနည်း ၁၅၀၀တန် ဖုန်းတွေ ကံစမ်းမဲပေါက်သူတွေကို ယနေ့ မုံရွာမြို့မှာ ဖုန်းကဒ် တွေထုတ်ပေးခဲ့တာပါ၊ ဖုန်းကဒ်ရရှိရန် တန်းစီစောင့်ဆိုင်းနေကြ သူများအား မြင်တွေ့ရစဉ်
The Villager News

သာယာဝတီထောင်တွင် နိုင်ငံရေး အကျဉ်းသား (၁၅)ဦး ကျန်ရှိနေသေး

ရန်ကုန်၊ ဧပြီ ၂၄။
ယမန်နေ့က သာယာဝတီ အကျဉ်းထောင်မှ အကျဉ်းသား(၄၃)ဦး လွတ်မြောက်သည့်အထဲတွင် နိုင်ငံရေး
အကျဉ်းသား နှစ်ဦးသာပါဝင်ပြီး (၁၅)ဦး ကျန်ရှိနေသေးကြောင်း အဆိုပါထောင်မှ ပြန်လည်လွတ်မြောက်လာသူများက မြန်မာ့ခေတ်သို့ ပြောကြားသည်။

“ကျွန်တော်တို့ ပြန်လွတ်တော့ အထဲမှာ (၁၅)ယောက် ကျန်ခဲ့ပါတယ်၊ ကိုအေးမင်းနိုင်တို့ အမှုတွဲက (၇)ယောက်၊ ရှမ်းလက်နက်ကိုင် ဦးသံချောင်းတို့က (၇)ယောက်၊ နောက်တစ်ယောက်က နျူကလီးယားကိစ္စနဲ့
သေဒါဏ်ကနေ ထောင်တစ်သက် ပြောင်းကျနေတဲ့ ဦးဝင်းနိုင်ကျော်ပါ ”ဟု ထောင်ထဲတွင် (၄)နှစ်နီးပါး
နေထိုင်ခဲ့သူ ကိုအေးမင်းဖြိုး က ပြောကြားသည်။

ကိုအေးမင်းဖြိုးနှင့်အတူ လွှတ်မြောက်လာသူ ကိုအောင်သူကလည်း “ ထောင်ထဲမှာ ဘာကြောင့် ကျန်ခဲ့တယ်ဆိုတာမသိပေမယ့်၊ သူတို့တွေ ကျန်ရှိနေသ၍ ဒီစနစ် ပြောင်းပြီ မဆိုနိုင်သေးဘူး၊ ကိုယ့်ကိုယ်ကိုလည်း တကယ်မလွတ်မြောက်သေးဘူးလို့ ခံစားရတယ် ”ဟု ပြောကြားသည်။

စွမ်းအားမြှင့် မြန်မာကျောင်းသား စစ်သည်တော်အဖွဲ့မှ ကိုအောင်သူသည် ပေါက်ကွဲမှု၊ မတရားသင်း၊ နယ်စပ်ဖြတ်ကျော် စသည့်အမှုများဖြင့် ထောင်ဒါဏ် (၁၅)နှစ် ကျခံခဲ့ပြီး ကိုအေးမင်းဖြိုးမှာလည်း အမှုသုံးမှုဖြင့် ထောင်ဒါဏ်(၁၃)နှစ် ကျခံခဲ့ခြင်း ဖြစ်ပြီး (၄)နှစ်ခန့်အကြာတွင် ယခုကဲ့သို့ ပြန်လည် လွတ်မြောက်လာကြခြင်း ဖြစ်ကြောင်း သိရသည်။

လွတ်ငြိမ်းချမ်းသာခွင့်ဖြင့် အကျဉ်းထောင် အသီးသီးမှ လွှတ်မြောက်လာသူ(၉၃)ဦးတွင် နိုင်ငံရေး အကျဉ်းသား (၅၉)ဦး ပါဝင်သည်ဟု ဆိုသော်လည်း ယင်းတို့ထဲတွင် လက်နက်ကိုင် အဖွဲ့အစည်းများမှ (၄ဝ)ဦးပါဝင်နေကြောင်းနှင့် နိုင်ငံရေး အကျဉ်းသား အယောက် ၂၀၀ ၀န်းကျင်ခန့် ကျန်ရှိနေသေးကြောင်း  နိုင်ငံရေး အကျဉ်းသားဟောင်းများ အဖွဲ့ချုပ်မှ သိရသည်။
ထက်နောင်နောင်
The Myanma Age

သြစတြေးလျ တရုတ်အစိုးရ စုငွေကို ဝယ်မည်

ဟောင်ကောင်၊ ဧပြီ၂၄။
သြစတြေးလျ ဗဟိုဘဏ်သည် တရုတ်အစိုးရနှင့်ချုပ်ဆိုသော စာချုပ်များတွင် နှစ်နိုင်ငံစီးပွားရေး ဆက်နွယ်မှုပိုမိုခိုင်မြဲစေရေးလှုပ်ရှားမှုအဖြစ် နိုင်ငံခြားစုငွေ ငါးရာခိုင်နှုန်းကို ရင်းနှီးမြှပ်နှံရန် စီစဉ်နေကြောင်း သိရသည်။

“တရုတ်နိုင်ငံမှာရင်းနှီးမြှပ်နှံမယ့်ဆုံးဖြတ်ချက်ဟာ အရေးကြီးတယ်၊ တရုတ်နဲ့သြစတြေးလျနိုင်ငံကြားပိုမိုကျယ်ပြန့်တဲ့ ဆက်ဆံရေးကို ရောင် ပြန် ဟပ်တာပါ”ဟု သြစတြေးလျငွေစုဘဏ် ဒုဥက္ကဋ္ဌ ဖိလစ်လိုဝီက ဗုဒ္ဓဟူးနေ့က ရှန်ဟိုင်းတွင် ပြောကြားခဲ့သည်။

ယခုလအစောပိုင်းတွင်လည်း သြစတြေးလျသည် တရုတ်နှင့် ငွေကြေးတိုက်ရိုက်လဲလှယ်ကုန်သွယ်သည့် အမေရိကန်နှင့် ဂျပန်နိုင်ငံနောက် တွင် တတိယမြောက် တိုက်ရိုက်ငွေလဲလှယ် ကုန်သွယ်သည့်နိုင်ငံ ဖြစ်လာသည်။

သြစတြေးလျငွေစုဘဏ်နှင့် တရုတ်ပြည်သူ့ဘဏ်သည် မတ်၂၀၁၂တွင် ငွေကြေးလဲလှယ်ကုန်သွယ်ရေးဝန်ဆောင်မှုတစ်ခု တည်ထောင်ခဲ့ပြီး သြစတြေးလျငွေစုဘဏ်သည် မတ်လအကုန် တွင် နိုင်ငံခြားစုငွေ သြစတြေးလျဒေါ်လာ ၃၈.၂ဘီလျံထိ ရှိလာခဲ့သည်။

တရုတ်နိုင်ငံသည် သြစတြေးလျ၏ ထိပ်တန်းဈေးကွက် ဦးတည်ရာဖြစ်နေပြီး ကုန်ကြမ်းတင်သွင်းရာ အဓိက
ပင်မကြီးတစ်ခုဖြစ်သည်။

၁၉၉၀ပြည့်နှစ်များအတွင်း ပို့ကုန်သည် ၅ ရာခိုင်နှုန်းထက်နည်းခဲ့ရာမှ လွန်ခဲ့သည့်နှစ်က သြစတြေးလျပို့ကုန်
လေးပုံတစ်ပုံကျော်သည် တရုတ် နိုင်ငံသို့ တင်ပို့လာနိုင်ကြောင်း သြစတြေးလျ ငွေစုဘဏ်မှ သိရသည်။

ချီလီ၊ ဂျပန်နှင့် မလေးရှားနိုင်ငံတို့သည် ယွမ်ငွေအပေါင်ခံငွေကို နိုင်ငံခြားစာချုပ်ပုံစံဖြင့် ထိန်းထားကြပြီး နိုင်ဂျီးရီးယားဗဟိုဘဏ်က ၎င်းတို့၏ စုငွေ ၁၀ ရာခိုင်နှုန်းကို တရုတ်ငွေဖြင့် စုထားသည်။

မကြာသေးမီက ငွေကြေးလဲလှယ်မှုအပြောင်းအလဲကြောင့် တရုတ်၏နိုင်ငံခြားစာချုပ်အခွင့်အရေးများပြားလာပြီး နို်င်ငံတကာ ရင်းနှီးမြှပ်နှံသူများကို ယွမ်ငွေတန်ဖိုးညီ ငွေကြေးသုံးစွဲခွင့်ရ ရင်းနှီးမြှပ်နှံသူ ကန့်သတ်ချက်အရ ညီမျှသည့် ဈေးကွက်ကို ပွင့်လမ်းစေသည်။

နိုင်ငံခြားရင်းနှီးမြှပ်နှံသူများကို ညီမျှသည့် ဈေးကွက်အတွင်းတွင် ရင်းနှီးမြှပ်နှံရေး၊ ဒေါ်လာသုံးစွဲရေး တို့တွင် ကန့်သတ်မှုများရှိခဲ့သည်။

လွန်ခဲ့သည့်နှစ်မတ်လတွင် ဂျပန်သည် ဖွံ့ဖြိုးပြီးနိုင်ငံများထဲတွင်  တရုတ်နိုင်ငံငွေကြေးသုံးစနစ်ဖြင့် တိုက်ရိုက်ရင်းနှီးမြှပ်နှံခွင့်ရသည့် ပထမဆုံး နိုင်ငံဖြစ်လာခဲ့သည်။

တရုတ်နိုင်ငံသည် တရုတ်ငွေကြေးကို နိုင်ငံတကာသုံးဖြစ်စေရန်အားထုတ်မှုတစ်ခုအဖြစ် ယွမ်ငွေပိုင်ဆိုင်ထားသောနိုင်ငံများတွင် ရင်းနှီးမြှပ်နှံမှု လမ်းကြောင်းသစ်များ ဖွင့်ပေးရန် နည်းလမ်းရှာဖွေ မှုများ ပြုလုပ်ခဲ့သည်။

ကန့်သတ်ထားသောရင်းနှီးမြှပ်နှံမှုလမ်းကြောင်းများကြောင့် တရုတ်ငွေကြေးနှင့် ကုန်သွယ်ရေးရရှိရန်ကြိုးပမ်းသော နိုင်ငံခြားကုမ္ပဏီများကို အတားအဆီးဖြစ်စေခဲ့သည်။

သို့သော် မစ္စတာလိုဝီက ၎င်းသည် လက်ရှိ ကန့်သတ်ချက်များတစ်ချို့သည် ကျော်လွှားနိုင်ပြီးဖြစ်၍ ယွမ်ငွေသည် နှစ်နိုင်ငံကုန်သွယ်ရေး ဆက် သွယ်မှုတွင် စီးပွားရေးလုပ်ငန်းများစွာအတွက် အသုံးကျသည့်
ငွေကြေးဖြစ်လာမည်ဟု မြင်ကြောင်း ပြောကြားသည်။

လွန်ခဲ့သည့် နှစ်အတွင်း တရုတ်နိုင်ငံကုန်သွယ်ရေးကဏ္ဍ၏ ၁၂ ရာခိုင်နှုန်းသည် ယွမ်ငွေဖြင့် ပြုလုပ်ခဲ့ပြီး
ယခုနှစ်တွင် ၁၅ ရာခိုင်နှုန်းထိ တိုး လာမည်ဟု ဒေါရှေးဘဏ်က သုံးသပ်ထားသည်။
Ref:CNN
The Myanma Age

ဘော်စတွန်ဗုံးခွဲသူက အာဖဂန်နှင့် အီရတ်အခြေအနေများက တွန်းအားပေးသည်ဟုဆို

အသက်ရှင်ကျန်ခဲ့သည့် သံသယရှိသူက ဘော်စတွန်ဗုံးခွဲမှုကို တွန်းအားပေးခဲသောအချက်များတွင် အာဖဂန်နှင့်အီရတ်တွင် အမေရိကန်တို့ နှင့် တိုက်ပွဲများဖြစ်ပွားနေသောကြောင့် ဟု ပြောကြားကြောင်း အစိုးရအရာရှိများ အင်္ဂါနေ့က ပြောကြားသည်။

အသက်ရှင်ကျန်ခဲ့သည့် ဇိုခါဆာမေ့ဗ်သည် စစ်ဆေးရေးအရာရှိများနှင့် ဆက်သွယ်ပြောကြားလာနိုင်ပြီး
၎င်းတို့ညီအစ်ကိုသည် နိုင်ငံခြားမှ အကြမ်းဖက်အဖွဲ့အစည်းများနှင့် ဆက်စပ်မှု မရှိကြောင်း ပြောကြားခဲ့ကြောင်း သိရသည်။

အရာရှိများက ယခုစုံစမ်းမှုသည် အစပျိုးမှုသာဖြစ်သေးကြောင်း သံသယရှိသူပြောကြားချက်များကို
စစ်ဆေးမည်ဖြစ်ကြောင်း ပြောကြားသည်။

ဇိုခါက ၎င်းတို့သည် အင်တာနက်မှတစ်ဆင့်သင်ယူခဲ့ခြင်းဖြစ်ကြောင်းပြောကြားခဲ့ရာ စုံစမ်းစစ်ဆေးသူများသည် အယ်ကိုင်ဒါများ ထုတ်ပြန် သော ဗုံးပြုလုပ်နည်းများကို သုံးခဲ့သည်ဟုသံသယရှိကာ ရှာဖွေခဲ့ကြပြီး
အခြားသောနည်းလမ်းများဖြင့်လည်း လုပ်နည်းများကို ရရှိနိုင်ကြောင်း သတိပြုထားကြသည်။

တာဝန်ရှိသူများသည် ယခုအခါ နေထိုင်သူများ၊ စီးပွားရေးလုပ်ငန်းလုပ်သူများကို ပေါက်ကွဲခဲ့ရာနေရာသို့သွားရောက်လုပ်ကိုင်ခွင့်များ အင်္ဂါနေ့ က စတင်၍ တစ်ဖြည်းဖြည်းခွင့်ပေးလာပြီဖြစ်သည်။

ဗုံးကွဲခဲ့သောလမ်းကို လုံးဝပြန်ဖွင့်မဖွင့်ကို အဖြေမပေးထားဘဲ အဆောက်အဦးပိုင်ရှင်မြန်ဆန်စွာပြင်ဆင်နိုင်မှုနှင့် အခြားအခြေအနေများကို မူတည်၍အဆုံးအဖြတ်ပေးမည်ဖြစ်ကြောင်း သိရသည်။

အင်္ဂါနေ့ညနေပိုင်းတွင် ဒဏ်ရာရသူများမှ ၄၃ဦးသာ ဆေးရုံတွင်ကျန်ရှိနေပြီး အရေးပေါ်အခြေအနေဖြင့်
တစ်ဦးသာရှိတော့ကြောင့် သတင်း ထောက်များ၏ ပေးပို့ချက်အရသိရသည်။

မန်ဆာချူးဆက်နည်းပညာတက္ကသိုလ်ဝင်းအတွင်းသေဆုံးခဲ့ရသော အရာရှိတစ်ဦးအတွက် အောက်မေ့ဖွယ်အခမ်းအနားကို ဗုဒ္ဓဟူးနေ့တွင် ပြုလုပ်ရန် စီစဉ်ထားပြီး ၎င်းသေဆုံးမှု အတွက် ဘော်စတွန်ဗုံးခွဲသံသယရှိသူညီအစ်ကို ကိုသာအာဏာပိုင်များက သံသယရှိနေသော်လည်း အသက်ရှင်ကျန်ခဲ့သူဇိုခါကို ၎င်းလူသေမှုနှင့်ပတ်သက်၍ စွဲချက်မတင်ထားကြောင်းသိရသည်။

စုံစမ်းစစ်ဆေးသူများက ဆာနေ့ဗ်ညီအစ်ကိုသည် ကားကိုအပိုင်စီးပြီး ဒရိုင်ဘာကိုဓားစာခံအဖြစ်ခေါ်လာချိန်တွင် သေနတ်ပစ်အမှုအခင်း ဖြစ် ရာနေရာကို ဖြတ်သန်းမောင်းနှင်သွားသည် ဟု ထင်မြင်နေကြသည်။

ဓားစာခံသည် ၎င်းညီအစ်ကိုနှစ်ဦး ဂက်စ်ဖြည့်ရန်ကားကို ရပ်နားစဉ် ထွက်ပြေးလွတ်မြောက်ခဲ့ကြောင်းသိရသည်။

မကြာမီရဲများနှင့်ထိပ်တိုက်တွေ့ဆုံပြီး သေနတ်အပြန်အလှန်ပစ်ခတ်မှုများ ဖြစ်ပွားခဲ့ပြီး ပေါက်ကွဲပစ္စည်းများနှင့် လိုက်လံဖမ်းဆီးသော ရဲတပ် သားများကို တိုက်ခိုက်ထွက်ပြေးကြောင်း၊ တာမာလန်သည် အပစ်ခံရပြီး ၎င်းညီက ကားဖြင့်ထွက်ပြေးလွတ်မြောက်ကြောင်း တာဝန်ရှိ သူများက ပြောကြားသည်။

အစ်ကိုဖြစ်သူ တာမာလန်သည် လွန်ခဲ့သည့် သုံးလေးနှစ်မှစ၍ ဘာသာရေးအစွန်းရောက်အဖြစ်ပြောင်းလဲလာသော်လည်းအစွန်းရောက် အုပ်စုများနှင့် ဆက်နွယ်သည့် သက်သေမရှိကြောင်း အရာရှိတစ်ဦးက အင်္ဂါနေ့က ပြောကြားခဲ့သည်။

သို့သော် ဇိုခါက ၎င်း၏အစ်ကိုသည် အစ္စလာမ်များတိုက်ခိုက်ခံနေရသည်ဟု ယုံကြည်နေပြီး ပြန်လည်တိုက်ခိုက်လိုသည်ဟု ပြောကြားခဲ့ ကြောင်း တနင်္လာနေ့က အစိုးရသတင်း ထုတ်ပြန်ချက် တစ်ခုတွင်  ပါရှိသည်။

စုံစမ်းစစ်ဆေးသူများ၏ မေးမြန်းချက်ကို ခေါင်းညိတ်ခြင်း ရေးသားခြင်းများဖြင့်ပြန်လည်ဖြေကြားပြီး
ဗုံးဖောက်ခွဲမှုဖြစ်စဉ်တစ်ခုလုံးကို အစ်ကို ဖြစ်သူစီစဉ်ခဲ့သည် ဟု ဖြေကြားကြောင်း ၎င်းထုတ်ပြန်ချက်တွင် ပါရှိသည်။

အသက်ရှင်ကျန်ရစ်သူ ဇိုခါကို ပစ္စည်းများဆုံးရှုံးစေမှု၊ အသက်များဆုံးရှုံးစေခဲ့သည့် လက်နက်ကို
အသုံးပြုခြင်းကြောင့် စွဲချက်တင်ထားကြောင်း သိရသည်။
Ref:CNN
The Myanma Age

ဘော်စတွန်၊ဧပြီ-၂၄။

နိုင်ငံခြားသွား ပြိုင်ရသော ရေကူးကစားသမား ဆုမရလျှင် ခရီးစရိတ် ပြန်ပေးရမည်

ရန်ကုန်၊ ဧပြီ ၂၂။
နိုင်ငံခြားသို့ သွားရောက် ယှဉ်ပြိုင်သော မြန်မာနိုင်ငံကိုယ်စားပြု ရေကူး အားကစားသမားများကို ဆုတံဆိပ်မရရှိခဲ့လျှင် ခရီးစရိတ် ကုန်ကျငွေများကို ပြန်လည်ပေးချေရမည်ဟု မြန်မာနိုင်ငံ ရေကူးအဖွဲ့ချုပ်မှ  ညွှန်ကြားခဲ့သည်ဟု သိရသည်။

ရေကူး ကစားသမား တစ်ဦး၏ အုပ်ထိန်းသူက “ကျွန်တော်တို့ ကလေးတွေ၊ သွားသာ ပြိုင်ရတယ်။ ဆုတံဆိပ်မရဘူးဆိုရင်  ခရီးစရိတ်ကို ပြန်တွက်ပြီး ပြန်ပေးရမယ်လို့ အဖွဲ့ချုပ်က ပြောထားတယ်” ဟု ပြောကြားသည်။

ပြီးခဲ့သည့် မတ်လနှင့် ဧပြီလ သင်္ကြန်မတိုင်မီ ကာလအတွင်း မြန်မာနိုင်ငံရေကူးအဖွဲ့ချုပ်မှ ကြီးမှူး၍ ရေကူး ကစားသမားများကို စင်္ကာပူနှင့် ထိုင်းနိုင်ငံသို့ သွားရောက်ကာ ပြိုင်ပွဲများ ယှဉ်ပြိုင်စေခဲ့သည်ဟုသိရသည်။

ပြည်ပသွားရောက်ယှဉ်ပြိုင်သည်မှာ ဆယ်နှစ်တာကာလအတွင်း ပထမဆုံးဖြစ်ကြောင်းနှင့် စင်ကာပူသို့(၅)ယောက် သွားရောက်ယှဉ်ပြိုင်ရာ ဆုတံဆိပ် မရသူ တစ်ယောက် နှင့် ဗန်ကောက်သို့ (၈)ယောက်သွားရောက်ယှဉ်ရာတွင် ဆုတံဆိပ် မရသူ သုံးယောက် ရှိကြောင်း သိရသည်။

စင်္ကာပူတွင် သွားပြိုင်သည့် ပြိုင်ပွဲတွင် ကစားသမားများသည် ရွှေ ၁၁ ခု၊ ငွေ ၁၄ ခု နှင့် ကြေး ၄ ခု ရရှိခဲ့ပြီး ထိုင်းနိုင်ငံသို့ သွားပြိုင်သော ကစားသမားများသည် ရွှေ ၁၀ ခု၊ ငွေ ၁၀ ခု နှင့် ကြေး ၃ ခု ရရှိခဲ့သည်။

ဆုရရှိသည့် ကစားသမားများကို ဆုတံဆိပ်ပေါ်မူတည်၍ အမေရိကန်ဒေါ်လာ ၂၀၀ နှင့် အထက် ဆုချီးမြှင့်မည်ဟု အဖွဲ့ချုပ်မှ ပြောကြားထားသော်လည်း ဆုကြေးချီးမြှင့်သည့်အချိန်တွင် အမြင့်ဆုံး ဆုကြေးအတွက် ငွေကျပ် လေးသောင်းသာ ချီးမြှင့်ကြောင်း သိရသည်။

မြန်မာနိုင်ငံရေကူးအဖွဲ့မှ နည်းပြ တစ်ဦးက “ရေကူး အားကစားနည်းက အခြားနိုင်ငံတွေထက် အများကြီး
နောက်ကျနေတယ်။ ပြီးတော့ မြန်မာနိုင်ငံမှာ ကစားတဲ့သူ အရမ်းနည်းတော့ ကစားသမားကောင်းတွေ
ရွေးထုတ်ရတာ ခက်ခဲတယ်”ဟု ပြောကြားသည်။

ရေကူးအဖွဲ့ချုပ်မှ အားပေးကူညီနေသော်လည်း ပြည်ပခရီးစဉ်များသွာရောက် ယှဉ်ပြိုင်ရာတွင် နိုင်ငံတော်ကိုယ်စားပြု၍ သွားရောက်ယှဉ်ပြိုင်စေလိုကြောင်း၊ ရေကူးအားကစားနည်း ကို ကျောင်းသင်ရိုးများတွင် အခြေခံဘာသာရပ်တစ်ခု အနေဖြင့် ထည့်သွင်း သင်ကြားသင့်ကြောင်း
မြန်မာနိုင်ငံရေကူးအဖွဲ့မှ နည်းပြ တစ်ဦးက ပြောကြားသည်။
ပိုင်လေး
The Myanma Age

ဆွာရက်စ်ကို ဘယ်လို အပြစ်ပေးမယ်ဆိုတာ ဒီကနေ့နှောင်းပိုင်း သိရမယ်

၂၄.၀၄.၂၀၁၃
တနင်္ဂနွေနေ့တုန်းက ချယ်လ်ဆီးမှ Ivannovic ကို ကိုက်တဲ့ အတွက် လီဗာပူးရှေ့တန်းတိုက်စစ်မှူး Luis Suarezကို အင်္ဂလိပ်ဘောလုံး အဖွဲ့ချုပ်က ဘယ်လို အပစ်ပေးမယ် ဆိုတာ ဒီနေ့နှောင်းပိုင်းမှာ သိရမှာဖြစ်ပါတယ်။ ဥရုဂွေး နိုင်ငံသား ဘော်လုံးသမား ဆွာရက်စ်ဟာ အချိန်ကြာ တားမြစ် ပိတ်ပင်ခံရနိုင်ပါတယ်။
FA ဘောလုံးအဖွဲ့ချုပ်က ပုံမှန် သုံးပွဲ ရပ်ဆိုင်းရုံနဲ့ မလုံလောက်ဘူးလို့ ထုတ်ပြန်ချက်ကို ဆွာရက်စ်က လက်မခံဘဲ ပယ်ချခဲ့ပါတယ်။

ဒီအမှုကို သီးခြားလွတ်လပ်တဲ့ အဖွဲ့က ဆွေးနွေးမေးမြန်းမှာဖြစ်ပါတယ်။ ဆွာရက်စ်ကာ လီဗာပူး အသင်း အတွက် အခုဘောလုံးရာသီမှာ ဂိုးအများ အပြား သွင်းပေး နိုင်သူဖြစ်ပြီး အဲဒီပွဲမှာလည်း အကောင်းဆုံး ဂိုးသွင်းသူ တယောက်ဖြစ်ပါတယ်။
BBC Burmese

တရားသူကြီး မဖြစ်စေချင်တဲ့ “အမေ့” ကျေးဇူး

ကျွန်တော့်အဖေက ကျွန်တော့်ကို တရားသူကြီး ဖြစ်စေချင်ပေမယ့် အမေကတော့ မဖြစ်စေချင်ပါဘူး။ ကျွန်တော် ၁၉၈၆ ခုနှစ်မှာ ဥပဒေဘွဲ့ရပါတယ်။ ကျွန်တော်ဘွဲ့ရစဉ်က မြန်မာနိုင်ငံမှာ ပြည်သူ့တရား စီရင်ရေးစနစ်ဆိုပြီး ကျင့်သုံးပါတယ်။ ထိုစဉ်က တရားသူကြီးတွေကို ရွေးချယ်တင်မြှောက်ခံရတဲ့ ပြည်သူ့ကောင်စီဝင်တွေ ထဲကပဲ ခန့်ပါတယ်။ ဒါတင်မကပါဘူး၊ အဲဒီကောင်စီဝင်တွေဟာ မြန်မာ့ဆိုရှယ်လစ် လမ်းစဉ် ပါတီမှာ တင်းပြည့်ပါတီဝင် တွေလည်း ဖြစ်ရပါတယ်။ ကျွန်တော်က ပါတီဝင်တောင် မဟုတ်ခဲ့တော့ တရားသူကြီး မဖြစ်နိုင်ပါဘူး။ အဲဒီခေတ်က ဥပဒေဘွဲ့ရရင် ဥပဒေဝန်ထမ်း (အရပ်အခေါ် ဆွဲချ) လုပ်ချင်လုပ်၊ ဒါမှမဟုတ် တရားရေးဝန်ထမ်း (အရပ်အခေါ် အကြံပေး) လုပ်နိုင်ပါတယ်။ ဥပဒေဘွဲ့ ရပါလျက် တရားသူကြီး လုပ်ခွင့်မရတဲ့ အတွက် ကျွန်တော့်အဖေက မကျေနပ်ခဲ့ပါ။

တပ်မတော်အစိုးရ တက်လာတော့ ယခင်က တရားရေးအကြံပေးတွေ က တရားသူကြီး ဖြစ်လာပါတယ်။ ဥပဒေ ဘွဲ့ရသူတွေက တရားသူကြီးစာမေးပွဲ (တရားရေးဝန်ထမ်း အဆင့် ၄) တွေ ဖြေခွင့်ရှိလာပါတယ်။ အဖေ့ရဲ့ အစီအစဉ်ကြောင့် ကျွန်တော်နေတဲ့ မိုးကုတ်ကနေ ရန်ကုန်ကို စာမေးပွဲ သွားဖြေခဲ့ရပါတယ်။ အမေနဲ့ ကျွန်တော်တိုင်ပင်ပြီး စာမေးပွဲ မဖြေဘဲနဲ့ ရန်ကုန်က ပြန်ခဲ့ပါတယ်။ ကျွန်တော့်အဖေက ကျွန်တော့်ကို တရားသူကြီး ဖြစ်စေချင်တာကတော့ “တရားသူကြီး”ဆိုတဲ့ ဂုဏ်ဒြပ်ကို သဘောကျလို့ ထင်ပါတယ်။ ကျွန်တော့် အမေကတော့ တေမိမင်းကြီး ရှင်ဘုရင် မဖြစ်ချင်တာက တရားစီရင်ရမှာ ကြောက်လို့။ ကြောက်ရတဲ့ အကြောင်းကလည်း တစ်ခုသော ဘဝမှာ တေမိမင်းကြီးက ရှင်ဘုရင် ဖြစ်ခဲ့ပြီး တရားစီရင်ခဲ့တာ မှားလို့ မဟာဥဿဒငရဲမှာ နှစ်ပေါင်း ၈၀,၀၀၀ ခံရကြောင်း ပြောပါတယ်။ ဒါကြောင့် ကျွန်တော့်ကို တရားသူကြီးမဖြစ် စေချင်တာလို့ ပြောပါတယ်။ မှန်တာပြောရင် ကျွန်တော် တရားသူကြီး တကယ်ဖြစ်ချင်ပါတယ်။ ဒါပေမဲ့ သံသရာဆိုတာကိုလည်း ယုံတယ်၊ ဝဋ်ကြွေး ဆိုတာကိုလည်း ကျွန်တော် ယုံတယ်။ ကျွန်တော်က ဗုဒ္ဓဘာသာဝင် တစ်ယောက်ပါ။ မှားပြီး တရားစီရင်မိရင် ငရဲကြီးမှာစိုးလို့ မလုပ်ခဲ့တာပါ။

အဲဒီနောက် ကျွန်တော် တွေ့ကြုံခဲ့ရတဲ့ ဖြစ်စဉ်တွေအရ ကျွန်တော် တရားသူကြီးမဖြစ်တာ တော်တော်ကံကောင်းတယ်လို့ လက်တွေ့ဘဝမှာ မြင်တွေ့ခဲ့ရပါတယ်။ တကယ်လို့ ကျွန်တော်သာ တရားသူကြီး ဖြစ်ခဲ့မယ် ဆိုရင်လည်း ကျွန်တော်လည်း မလွှဲမရှောင်သာဘဲ ခေတ်စနစ်တစ်ခုရဲ့ သားကောင် (သားကောင်းမဟုတ်ပါဘူး) တရားသူကြီး ဖြစ်လာမှာပဲ။ အာဏာရှင်လက်အောက်က တရားသူကြီးတွေရဲ့ ဒုက္ခကိုလည်း ကိုယ်ချင်းစာ ပါတယ်။ မလွဲမရှောင်သာ အမိန့်ချခဲ့ရတဲ့ တရားသူကြီးတွေကတော့ (ဒုက္ခ) လို့ မြင် မမြင် ကျွန်တော် မခန့်မှန်းတတ်ပါဘူး။

အဲဒီခေတ်က နိုင်ငံရေးနဲ့ ဆက်နွယ်ပတ်သက်တဲ့ သူတွေ၊ ပုဒ်မတစ်ခုခု တပ်ပြီး အဖမ်းခံခဲ့ရပါတယ်။ အဖမ်းခံရတဲ့ ပုဂ္ဂိုလ်တွေအားလုံး တစ်ယောက်မှ မလွတ်စေရပါဘူး။ (အားလုံး) ဟာ အမြင့်ဆုံး အပြစ်ဒဏ်တွေကိုပဲ ပြစ်ဒဏ် ချမှတ်ခံခဲ့ရပါတယ်။ In Camera လို့ခေါ်တဲ့ တံခါးပိတ်ပြီး တရားစီရင်ခံခဲ့ရ ပါတယ်။ အဲဒီပုံစံမျိုး တရားစစ်ဆေးစီရင်မှုကို တရားခံတွေဟာ ငြင်းခွင့်မရှိ သလို တရားသူကြီးတွေ ကလည်း ငြင်းပယ်ခွင့် မရှိပါဘူး။

တရားသူကြီးတွေက အချို့အမှုတွေမှာ စာအိတ်ပါ အမိန့်အတိုင်း တရားစီရင်ခဲ့ရတာလို့ လူထုကြားမှာ ဝေဖန်နေကြပေမယ့် ဒီစကားကို တရားရေးဌာနက ယနေ့အထိ ပြန်လည်ချေပ ရှင်းလင်းနိုင်ခြင်း မရှိခဲ့ပါဘူး။ ထောက်လှမ်းရေးက ဖမ်းဆီးအရေးယူ၊ တရားစွဲခဲ့တဲ့ အမှုမှန်သမျှ မှားသည် ဖြစ်စေ၊ မှန်သည်ဖြစ်စေ၊ တရားသည်ဖြစ်စေ၊ မတရားသည်ဖြစ်စေ၊ ဥပဒေနှင့် ညီသည်ဖြစ်စေ မညီသည်ဖြစ်စေ တရားသူကြီးတွေက တရားခံတွေအပေါ် အမြင့်ဆုံးအပြစ်ဒဏ်တွေ ချပေးခဲ့ရပါတယ်။ တရားသူကြီးများက မြန်မာ့ တရားရေးလောက၊ ကမ္ဘာ့တရားရေး လောကမှာ မကြားဖူးသည့် ပြစ်ဒဏ်တွေကို ချမှတ်ခဲ့ရပါတယ်။

ဝဋ်ဆိုတာ တစ်ခါတစ်ရံ ဘဝမကူးဘူး ဆိုတဲ့အတိုင်း (နေ) လို (လ) လို ထွန်းလင်းခဲ့သော မော်မကြည့်ဝံ့ခဲ့သော ထောက်လှမ်းရေးတပ်ဖွဲ့ကြီး ပြိုကွဲသွားသောအခါ အဆိုပါ ထောက်လှမ်းရေး အဖွဲ့ဝင် တော်တော်များများ ထောင်ကျကုန်ပါတယ်။ အဲဒီထောင်ဒဏ်တွေ ကိုလည်း ထုံးစံအတိုင်း တရား သူကြီးများက အပြစ်ပေးရပါတယ်။ ကျွန်တော်နဲ့ လွန်စွာ ခင်မင်ရင်းနှီးသော သူငယ်ချင်း တရားသူကြီး တစ်ယောက်ရဲ့ ရင်ဖွင့် ညည်းတွားသံကြားရပါတယ်။ "ငါတို့ကတော့ကွာ ခုဘဝ တရားသူကြီး ဖြစ်ပေမယ့် မဟာဥဿဒငရဲကို သွားရမယ့် လက်မှတ်ကတော့ ဖြတ်ပြီးသားပဲ။ အနှစ် ၈၀,၀၀၀ နဲ့တော့ ရမယ် မထင်ဘူး။ တစ်မှုကို အနှစ် ၈၀,၀၀၀ နဲ့ ၁၀ မှုဆိုရင် အနှစ် ၈၀၀,၀၀၀။ ငါစီရင်ခဲ့တဲ့အမှုက ၁၀ မှုမှမကပဲကွာ" တဲ့။ "မလုပ်နိုင်ရင်လည်း ထွက်ချင် ထွက်၊ ပြုတ်ချင်ပြုတ်၊ ဒါမှမဟုတ် မြိုင်ရပ်နှင် (အဝေးပို့) ခံရမှာ"၊ "တကယ်လို့ အစွယ်လိုသူက မိဖုရား၊ လေးပစ်သူတွေက ကျွန်တော်မျိုး တရားသူကြီးတွေပါ" လို့ ညည်းတယ်။

ကျွန်တော်ငယ်ငယ်က စဉ်းစားမိတာက တရားသူကြီးဆိုတာ တည်ကြည်သောဂုဏ်ရှိတယ်။ သူတစ်ပါး ရိုသေထိုက်သူဖြစ်တယ်။ သီလကို စောင့်ထိန်းသူဖြစ်တယ်။ ရာဇသတ်၊ ဓမ္မသတ်၊ ဖြတ်ထုံး၊ စီရင်ထုံးများကို ကျွမ်းကျင်လိမ္မာသူဖြစ်တယ်။ ချစ်ဖွယ်သောစကား ပြောတတ်တယ်။ သစ္စာ စောင့်ထိန်းတယ်။ ပြေပြစ်သောစကား ပြောတတ်တယ်။ မမှန်မကန် ပြောဆို နေသူတွေကို ထုတ်ဖော်နိုင်စွမ်းရှိတယ် ဆိုတာ ကင်းဝန်မင်းကြီး ဦးကောင်း ရေးတဲ့ (အဍ္ဎသံ ခေပဝဏ္ဏနာကျမ်း) မှာ ဖတ်ထားတော့ တရားသူကြီး ဆိုတာ အထင်ကြီးပြီး ကျွန်တော် တကယ်ဖြစ်ချင်ခဲ့တာပါ။ ငါသာ တရားသူကြီးဖြစ်ရင် အမှုတွေကို အမှန်အတိုင်း ဖြစ်စေရမယ်။ ဘယ်သူ့မျက်နှာမှ ထောက် စရာမလိုဘူး။ လိမ်နေတဲ့ သက်သေတွေ ပေါ်အောင် ပညာနဲ့ စစ်ပြမယ်။ ပိုက်ဆံလာပေးတဲ့သူကို ငေါက်ထုတ်ပစ်လိုက်မယ်။ တံစိုးသုံးပါး၊ အဂတိလေးပါး ရှောင်တဲ့ တရားသူကြီး ဖြစ်စေရမယ်လို့ စိတ်ကူးခဲ့ပေမယ့် “ဘယာဂတိ” ဆိုတဲ့အချက်ကို မရှောင် နိုင်ဘူးဆိုတာ သတိမထားမိခဲ့ဘူး။ တစ်ခုပဲရှိတယ် ကျွန်တော်ကြောက်လို့ အမှားတရားတွေ စီရင်ခဲ့ရတာပါလို့ ငရဲမင်းကြီးကို လျှောက်လဲချက်ပေး အသနားခံလို့ ရမလားလို့ပေါ့။ ရမယ်မထင်ပါဘူး။ ခုဆိုရင် တရားသူကြီးတွေ ကိုယ်တိုင်လည်း ကျမ်းကျိန်ဆိုရမယ့် အခြေအနေ ဖြစ်လာပါတယ်။ ဘယ်လိုကျမ်းစာမျိုးကို ဆိုရမယ်တော့ မသိပါဘူ။ အမှုသည် နဲ့ သက်သေတွေကတော့ ဘုရင်လက်ထက်ကတည်းက ကျိန်ဆိုခဲ့ရတဲ့ သစ္စာစကားတွေနဲ့ ကျိန်ဆိုရပါတယ်။ သစ္စာမတည်၊ စကားမတည်ရင် သေပုံသေနည်း ၁၇ နည်းလောက် ရေးထားပါတယ်။ အပါယ်လေးပါး ရောက်ပါစေ၊ လူပြိတ္တာဖြစ်ပါစေ စသည်တို့အပြင် မိမိသားမြေးများပါ မကျန်ရအောင် ပျက်စီးပါစေသတည်း စသည်ဖြင့် ရေးသားထားပါတယ်။ စာဖတ် သူများ အပြည့်အစုံသိချင်လျှင် တရားရုံးတွေမှာ ရေးထားပါတယ်။ (သွားကြည့်ကြပါ)

တရားသူကြီးတွေ ကျမ်းသစ္စာ ကျိန်ဆိုရတာကတော့ ခုမှမဟုတ်ပါဘူး။ မြန်မာမင်းအုပ်ချုပ်ရေး ပညာကျမ်းမှာ ငစဥ့်ကူးရွာ၊ မတ္တရာရွာ၊ ကပ်ရွာ၊ တောင်ပြုန်းကြီးနယ်တို့မှာ နေမျိုးစည်သူရာဇာဘွဲ့ခံ ခုံတော်အရာရှိက အမှုတွေကို စစ်ဆေးဆုံးဖြတ်မယ်ဆိုရင် သစ္စာရှစ်ချက်ပါ ကျမ်းသစ္စာ ကျိန်ဆိုပြီးမှ ဆုံးဖြတ်ခဲ့ကြောင်း ဖတ်ခဲ့ဖူးပါတယ်။ အဲဒီတုန်းက ကျမ်းနဲ့မညီ (ဥပဒေနဲ့မညီ) ဆုံးဖြတ်ခဲ့တာများ တွေ့ရင်တော့ ရာထူးကဖြုတ်ပြီး ထောင်ဒဏ် (နှစ်လ) အပြစ်ပေးခံရသည့်အပြင် စားထားတဲ့ လာဘ်ငွေကို လည်း နှစ်ဆပြန်လျော်ရပါတယ်။ ကြုံလို့ ပြောပြတာပါ။

ခုတော့ ကျွန်တော် တရားသူကြီးမဖြစ်ခဲ့ပါ။ တရားသူကြီးမဖြစ်ခဲ့လို့ စာအိတ်ပါ ပြစ်ဒဏ်တွေ မချမှတ်ခဲ့ရပါ။ ဘယာဂတိလည်း မကျူးလွန်ခဲ့ရပါ။ ပြစ်ဒဏ်ပေးလို့ သေဒဏ်ပေးခံရတဲ့ တရားခံတွေရဲ့မျက်နှာ၊ နှစ် ၄၀၊ နှစ် ၅၀၊ နှစ် ၁၀၀ ပြစ်ဒဏ်ပေးခံခဲ့ရတဲ့ တရားခံတွေရဲ့ မကျေနပ်တဲ့မျက်နှာ၊ မကျေနပ်တဲ့ မျက်လုံးတွေနဲ့ကြည့်တဲ့ အကြည့်တွေ မခံခဲ့ရပါ။ ကျွန်တော် ကြောက်လို့ အပြစ်ပေးခဲ့ရခြင်း ဖြစ်ပါတယ်လို့ ငရဲမင်းကြီးကိုလည်း အသနား ခံစာ တင်စရာ မလိုတော့ပါ။ တရားသူကြီး မဖြစ်စေချင်တဲ့အမေ့ကို အထူး ကျေးဇူးတင်မိပါတယ်။

(စနစ်တစ်ခုရဲ့ သားကောင်ဖြစ်ခဲ့ရသော တရားသူကြီးများကို ရည်ညွှန်းလျက်)
တင်အောင် (မိုးကုတ်)
The Voice Weekly

တိုင်းဒေသကြီးနှင့် ပြည်နယ်အစိုးရများ သစ်နှင့်ပတ်သက်သည့် အခွန် ကောက်ခံခွင့်ပြု

ရန်ကုန်၊ ဧပြီ ၂၃
ပြည်ထောင်စုအစိုးရ၏ ချုပ်ကိုင်မှုများ လျှော့ချ၍ တိုင်းဒေသကြီးနှင့် ပြည်နယ်များ၏ လုပ်ပိုင်ခွင့်များကို အခြေခံဥပဒေ အရ ဖြေလျှော့မှုများ ပြုလုပ်လျက်ရှိသော ဦးသိန်းစိန်ဦးဆောင်သည့် အရပ်သား အစိုးရသည် တိုင်းဒေသကြီးနှင့် ပြည်နယ် အစိုးရအဖွဲ့ကို သစ်အမျိုးအစား ၁၀၄ မျိုးနှင့်
ပတ်သက်သည့် အခွန်များ ကောက်ခံခွင့်ပြုမည်ဖြစ်ကြောင်း နိုင်ငံပိုင် မီဒီယာများမှ တစ်ဆင့် ထုတ်ပြန်ကြေညာသည်။

ဧပြီလ ၁ ရက်နေ့မှ စတင်ကာ တိုင်းဒေသကြီးနှင့် ပြည်နယ်အစိုးရများ အခွန်ကောက်ခံခွင့် ရသည့် သစ်၁၀၄ မျိုးတွင် ကျွန်းသစ်နှင့် အခြားသစ်မာ ၅၉ မျိုး ပါဝင်မည်မဟုတ်ဘဲ ယင်းသစ်မာမျိုးများ အတွက်ကိုမူ ပြည်ထောင်စုအစိုးရက ဆက်လက် ကောက်ခံသွားမည် ဖြစ်ကြောင်း ယင်းကြေညာချက် များအရ သိရသည်။

"ဒီလို သစ်နဲ့ပတ်သက်ပြီး တိုင်းဒေသကြီးနဲ့ ပြည်နယ်အစိုးရတွေကို အခွန် ကောက်ခံခွင့် ပေးတာဟာ လုပ်ပိုင်ခွင့်အာဏာ ခွဲပေးတာပဲ။ တိုင်းရင်းသားပြည်နယ်တွေ အတွက် ရှေ့တစ်လှမ်းတိုး ဆောင်ရွက်တာ လည်း ဖြစ်တယ်" ဟု အစိုးရအုပ်ချုပ်မှု စနစ်များနှင့် ပတ်သက်၍ သုတေသန ပြုလုပ်နေသူ တစ်ဦးကဆိုသည်။

တိုင်းဒေသကြီးနှင့် ပြည်နယ်အချို့၌ သယံဇာတ ထုတ်ယူရာတွင် တိုင်းရင်းသား ခေါင်းဆောင်များ၊ ပြည်နယ်အစိုးရများ နှင့် တိုင်းရင်းသားနိုင်ငံရေး ပါတီများ၏ သဘောတူညီချက် ရရှိမှ ခွင့်ပြုတော့မည်
ဖြစ်ကြောင်း ပြည်ထောင်စုဝန်ကြီး ဦးစိုးသိန်းက ပြောကြားသည်။

ဖွဲ့စည်းပုံ အခြေခံဥပဒေ ပုဒ်မ၂၅၄၊ ဇယား(၅)၊ အပိုဒ် (၁၂)အရ တိုင်းဒေသကြီး သို့မဟုတ် ပြည်နယ်အစိုးရ အဖွဲ့များက အခွန်အခ ကောက်ခံရမည့် စာရင်းအရ ယင်းသို့ခွင့်ပြုခြင်း ဖြစ်ကြောင်း ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာန က ထုတ်ပြန် ကြေညာသည်။
The Voice Weekly

အထပ်ရှစ်ထပ်မြင်တဲ့ ဈေးဝယ်အဆောက်အဦးတခုပြိုကြ

(Photo by Reuters/Andrew Biraj)

လူ 100 နီးပါးသေဆုံးပြီ ၁၀၀ နီးပါးဒဏ်ရာရခဲ့တယ်။ အထပ်ရှစ်ထပ်မြင်တဲ့ ဈေးဝယ်အဆောက်အဦးတခုဖြစ်ပြီ ဘင်္ဂလားဒေ့နိုင်ငံ မြို့တော် ဆင်ခြေဖုံးရပ်ကွက်မှာ ပြိုကြခဲ့ပါတယ်။ လူတွေဟာအထအ်စုပြုံပြီး ပြိုကြချိန်မှာ 2000 လောက်အထဲမှာရှိပါတယ်။
Ref: RT news

လွှတ်ပေးတဲ့ အကျဉ်းသားတွေထဲမှာ နိုင်ငံရေး အကျဉ်းသား ၅၉ ယောက်ပါဝင်

သမ္မတ ဦးသိန်းစိန်ရဲ့အမိန့်နဲ့ မနေ့ကလွှတ်ပေးလိုက်တဲ့ အကျဉ်းသား ၉၃ ယောက်ထဲမှာ နိုင်ငံရေးအကျဉ်းသား ၅၉ ယောက်ပါဝင်တယ်လို့ RFA က စုံစမ်းသိရှိရပါတယ်။

အင်းစိန်၊ သာယာဝတီ၊ မန္တလေးနဲ့ မြစ်ကြီးနားထောင်တို့ကနေ လွှတ်ပေးလိုက်တာပါ။ သမ္မတ ပြောခွင့်ရပုဂ္ဂိုလ် ပြန်ကြားရေးဝန်ကြီးဌာန ဒုတိယဝန်ကြီး ဦးရဲထွဋ်ရဲ့ ဖေ့ဘွတ် လူမှုရေးစာမျက်နှာမှာ၊ နိုင်ငံတော်သမ္မတက ဧပြီလ ၂၃ ရက်နေ့မှာ ပြစ်ဒဏ်မှလွတ်ငြိမ်းချမ်းသာခွင့်ပြုခဲ့တဲ့ အကျဉ်းသားအရေအတွက်က နိုင်ငံသားအယောက် ၉၀ နဲ့၊ နိုင်ငံခြားသား ၃ ယောက် ဖြစ်တယ်လို့ ရေးသားထားပါတယ်။

လွတ်လာသူ ၅၉ ယောက်က နိုင်ငံရေးပုဒ်မနဲ့ ထောင်ချခံထားရသူ ၁၉ ယောက်၊ မူးယစ်ဆေးဝါး ပုဒ်မတွေနဲ့ ထောင်ချခံထားရတဲ့ SSA ရှမ်းပြည်လွတ်မြောက်ရေးတပ်မတော် တောင်ပိုင်းအဖွဲ့က အယောက် ၄၀ ဖြစ်ပြီး၊ လက်ရှိစာရင်းအရ နိုင်ငံရေးအကျဉ်းသား ၃ ရာကျော် ကျန်သေးတယ်လို့ AAPP ခေါ် နိုင်ငံရေး အကျဉ်းသားများ ကူညီစောင့်ရှောက်ရေးအသင်းရဲ့ အတွင်းရေးမှုး ကိုတိတ်နိုင် က RFA ကိုပြောပါတယ်။

မနေ့ကပြန်လွတ်လာတဲ့သူတွေထဲမှာ ၂၀၀၃ ခုနှစ်က မန္တလေးတိုင်း ကျောက်ဆည်မြို့မှာဖြစ်ခဲ့တဲ့ လူမျိုးရေးအဓိကရုဏ်းကြောင့် ဖမ်းဆီးထောင်ချထားသူ ၁၇ ယောက် လွတ်မြောက်လာတယ်လို့ ၈၈မျိုးဆက်ကျောင်းသားများအဖွဲ့က ကိုဥာဏ်လင်းရဲ့ပြောဆိုချက်ကို ကိုးကားပြီး AFP သတင်းတရပ်မှာ ဖေါ်ပြထားပါတယ်။

လွတ်မြောက်လာသူတွေထဲမှာ ရခိုင်တိုင်းရင်းသားလူငယ်အဖွဲ့ဖြစ်တဲ့ AASYC ကလူငယ်တချို့နဲ့ ABSDF- KNU တို့နဲ့ ဆက်စပ်ဖမ်းဆီးခံထားရသူတချို့လဲ ပါဝင်တယ်လို့ သိရပါတယ်။

အစိုးရဝန်ကြီးတချို့အပါအဝင် အဖွဲ့အသီးသီးက ကိုယ်စားလှယ်တွေ၊ နိုင်ငံရေးအကျဉ်းသားဟောင်းတွေနဲ့ ဖွဲ့စည်းထားတဲ့ လက်ကျန်နိုင်ငံရေး အကျဉ်းသားစိစစ်ရေးကော်မတီက နိုင်ငံရေးအကျဉ်းသားအဓိပ္ပါယ်နဲ့ ထောင်အသီးသီးမှာ ကျန်နေသူဦးရေ စိစစ်နေပြီး၊ ကော်မတီကပြုစုထားတဲ့ စာရင်းအရ လွှတ်ပေးဖို့သက်ဆိုင်ရာကို တင်ပြထားပေမယ့် အခုလွှတ်ပေးတဲ့အခါ နိုင်ငံရေးအကျဉ်းသားလို့ မသုံးနှုန်းသလို၊ လွှတ်ပေးမယ်လို့ ကြိုတင်သိရှိထားတဲ့စာရင်းအရ ဆောင်ရွက်တာလဲမတွေ့ရဘူးလို့ ကိုတိတ်နိုင်က ပြောပါတယ်။
RFA Burmese

လုံခြုံရေးအရ ဒေးဗစ်ဖလား တင်းနစ်ပြိုင်ပွဲကို ဖျက်သိမ်း

မြန်မာနိုင်ငံ ရန်ကုန်မြို့မှာ ဒီသီတင်းပတ်အတွင်း ကျင်းပမယ့် ဒေးဗစ်ဖလား တင်းနစ်ပြိုင်ပွဲ ပွဲစဉ်တွေကို လုံခြုံရေးအရ မြန်မာဘက်က ဖျက်သိမ်းလိုက်ပါတယ်။

ဒေးဗစ်ဖလား တင်းနစ်ပြိုင်ပွဲ Asia- Oceanua အုပ်စု (၃) နဲ့ (၄) ပွဲစဉ်တွေကိုဖျက်သိမ်းလိုက်တာပါ။

ပြိုင်ပွဲဝင်မယ့် နိုင်ငံတွေဟာ ဘာရိန်း၊ အီရတ်နဲ့ ဆော်င်္ဒီအာရေဗျစတဲ့ အစ္စလမ်နိုင်ငံတွေက ဖြစ်တဲ့အတွက် လုံခြုံရေးအရ ဖျက်သိမ်းလိုက်တာဖြစ်တယ်လို့ သိရပါတယ်။

မကြာခင်က မြန်မာနိုင်ငံမှာ ဘာသာရေး အဓိကရုဏ်းတွေ ဖြစ်ပွားခဲ့တဲ့အတွက် အခုလိုမူဆလင်နိုင်ငံတွေက အားကစားသမားတွေရဲ့လုံခြုံရေးနဲ့ ပတ်သက်ပြီး နိုင်ငံတကာတင်းနစ်အဖွဲ့ချုပ် ITF က မေးမြန်းခဲ့ကြောင်း၊ ပြိုင်ပွဲဝင်နိုင်ငံတွေကလည်း လုံခြုံရေးကိစ္စ စိုးရိမ်နေကြတဲ့အတွက် ပွဲစဉ်တွေကို အားကစားဝန်ကြီးဌာနက ရွှေ့ဆိုင်းဖို့ ဆုံးဖြတ်လိုက်ကြောင်း မြန်မာတင်းနစ်အဖွဲ့ချုပ် အတွင်းရေးမှူးက ပြောပါတယ်။
RFA Burmese

မြန်မာ သွင်းကုန်တွေကို အမေရိကန်နိုင်ငံက အခွန်ကင်းလွတ်ခွင့် ပြုနိုင်ဖွယ်ရှိ

အမေရိကန် ပြည်ထောင်စုကို မြန်မာနိုင်ငံက သွင်းကုန်တွေအပေါ် သမ္မတအိုဘားမား အစိုးရက အခွန်ကင်းလွတ်ခွင့် ပြုနိုင်ဖွယ်ရှိတယ်လို့ သတင်းရရှိပါတယ်။

အမေရိကန် ကုန်သွယ်ရေးဆိုင်ရာ အရာရှိ ဒီမီထရီယိုး မရန်တိစ်ဟာ ဒီနေ့မြန်မာနိုင်ငံကို ရောက်မှာဖြစ်ပြီး၊ အစိုးရအရာရှိတွေ စီးပွါးရေးသမားတွေနဲ့ ရန်ကုန်နဲ့ နေပြည်တော်မှာ တွေ့ဆုံဖို့ရှိတယ်လို့ သိရပါတယ်။

အခုလို သွင်းကုန်အခွန်ကင်းလွတ်ခွင့် ပြုမယ့်အကြောင်းက သမ္မတ အိုဘားမားအနေနဲ့ မြန်မာအစိုးရဆောင်ရွက်နေတဲ့ မြန်မာပြည်သူတွေ အလုပ်အကိုင်ရရှိရေးကို အထောက်အကူဖြစ်အောင် ရည်ရွယ်ကူညီမှုရဲ့ တစိတ်တပိုင်းဖြစ်တယ်လို့ သိရပါတယ်။

မြန်မာအစိုးရရဲ့ နိုင်ငံရေးပြုပြင်ပြောင်းလဲမှုတွေကို ပြန်ပြီးအသိအမှတ်ပြုတဲ့အနေနဲ့ အမေရိကန်အစိုးရဟာ ပိတ်ဆို့မှုတချို့ကို ယာယီရုပ်သိမ်းပေးထားပါတယ်။ အမေရိကန်ပြည်ထောင်စုဟာ ၂၀၀၃ ခုနှစ်မတိုင်ခင်က မြန်မာနိုင်ငံကနေ အဝတ်အထည်နဲ့ အခြားပစ္စည်း ၂၇၅ သန်းဖိုး ဝယ်ယူတင်သွင်းခဲ့ပါတယ်။
RFA Burmese

EU ပိတ်ဆို့မှုတွေ ရုတ်သိမ်းပေးတဲ့အပေါ် မြန်မာအစိုးရ ကြိုဆို

မြန်မာနိုင်ငံအပေါ် လက်နက်အရောင်းအ၀ယ်ကလွဲပြီး ကျန်တဲ့ပိတ်ဆို့ အရေးယူထားတာတွေအားလုံးကို EU ဥရောပသမဂ္ဂက လုံးဝရုတ်သိမ်းပေးလိုက်တဲ့အတွက် မြန်မာအစိုးရက ကြိုဆိုဂုဏ်ပြုလိုက်ပြီး၊ ပြုပြင်ပြောင်းလဲမှုတွေနဲ့အတူ ဒီမိုကရေစီလမ်းကြောင်းကို ဆက်လက်လျှောက်လှမ်းသွားမယ်လို့ ကတိပြုပြောဆိုလိုက်ပါတယ်။

ဘရူနိုင်းနိုင်ငံမြို့တော် ဘန်ဒါဆရီဘီဂါဝမ်မှာ ကျင်းပနေတဲ့ အာဆီယံညီလာခံပြင်ပမှာ မြန်မာသံအမတ်ကြီး ဦးအောင်လင်းက "EU က ပိတ်ဆို့မှုတွေ ရုတ်သိမ်းလိုက်တာဟာ မြန်မာအတွက် အင်မတန် အစကောင်းပါတယ်၊ မြန်မာနိုင်ငံမှာ ဆက်လက်ဆောင်ရွက်စရာတွေ အများကြီးရှိနေပါသေးတယ်၊ ရှေ့နှစ်မှာ အာဆီယံ ဥက္ကဌ တာဝန်ယူရတော့မယ့် မြန်မာနိုင်ငံဟာ ပြုပြင်ပြောင်းလဲရေးတွေနဲ့ ပတ်သက်ပြီး ဘယ်လောက် အလေးအနက်ရှိသလဲဆိုတာ နိုင်ငံတကာကို ပြသမှာပါ၊ အထူးသဖြင့် လူမှုစီးပွားကဏ္ဍတွေမှာ ပြုပြင်ပြောင်းလဲမှုတွေ တပုံတပင်ဖြစ်လာတာကို တွေ့ကြရမှာပါ" လို့ သတင်းထောက်တွေကို ပြောကြားခဲ့ပါတယ်။

EU ဟာ မြန်မာအပေါ် ပိတ်ဆို့မှုတွေ ရုတ်သိမ်းပေးဖို့ အချိန်မတန်သေးဘူးလို့ HRW လူ့အခွင့်အရေးအဖွဲ့က ဝေဖန်ခဲ့ပါတယ်။ EU နိုင်ငံခြားရေးမူဝါဒဆိုင်ရာ အကြီးအကဲ ကက်သရင်း အက်ရှတန် ကတော့

"မြန်မာနိုင်ငံမှာ လူ့အခွင့်အရေး၊ ဒီမိုကရေစီ၊ ဆင်းရဲမွဲတေမှုတိုက်ဖျက်ရေး၊ ငြိမ်းချမ်းရေးစတဲ့ ပြီးမြောက်အောင်မြင်အောင် ဆောင်ရွက်ရမှာတွေ ရှိနေသေးတာကိုသိပါတယ်၊ ဒီပြဿနာတွေကို မိမိတို့လျော့တွက်မထားပါဘူး" လို့ ပြောဆိုခဲ့ပါတယ်။

အမေရိကန်ပြည်ထောင်စုဟာလည်း ပြီးခဲ့တဲ့နှစ်ကစလို့ မြန်မာအပေါ် ပိတ်ဆို့မှုတွေ ဆိုင်းငံထားတာပါ။ ဒါပေမဲ့ အမေရိကန်ဟာ ပိတ်ဆို့မှုတွေကို ချက်ခြင်းပြန်ရုပ်ဦးမယ့် အရိပ်လက္ခဏာ မပြသေးပါဘူး။ ဒီကိစ္စနဲ့ ပတ်သက်ပြီး မနေ့ကကျင်းပခဲ့တဲ့ အမေရိကန် နိုင်ငံခြားရေးဝန်ကြီးဌာန ပုံမှန်သတင်းစာရှင်းလင်းပွဲမှာ ယာယီလက်ထောက်ပြောခွင့်ရပုဂ္ဂိုလ် Patrick Ventrell က "အမေရိကန်ပြည်ထောင်စုမှာ စံချိန်စံညွှန်း တိုင်းတာချိန်ကိုက်ရေး မူဝါဒရှိပါတယ်၊ ဒီမူဝါဒအရ ပိတ်ဆို့အရေးယူထားတာတွေဟာ အသက်ဝင်မြဲဝင်နေပြီး၊ မြန်မာနိုင်ငံတွင်း ပြုပြင်ပြောင်းလဲမှုတွေ ဆက်လက်တိုးတက်နေအောင် တွန်းအားပေးနေမှာ ဖြစ်ပါတယ်"
လို့ ပြောကြားခဲ့ပါတယ်။

ဒါ့ပြင်လတ်တလော နိုင်ငံရေးအကျဉ်းသားတွေ ပြန်လွတ်လာတဲ့အပေါ် ကြိုဆိုလိုက်ပြီး၊ ကျန်ရှိသမျှအားလုံး ခြွင်းချက်မရှိ ပြန်လွှတ်ပေးဖို့လည်း တိုက်တွန်းလိုက်ပါတယ်။
RFA

နိုင်ငံခြားသား ၃ ဦးအပါအ၀င် အကျဉ်းသား၊ အကျဉ်းသူ ၉၃ဦးအား လွတ်ငြိမ်းချမ်းသာခွင့်ပေး

23 April 2013
နိုင်ငံတော်သမ္မတ၏ အမိန့်ဖြင့် နိုင်ငံခြားသား ၃ ဦးအပါအ၀င် အကျဉ်းသား၊အကျဉ်းသူ ၉၃ဦးအား ဧပြီလ ၂၃ရက် မွန်းလွဲပိုင်းမှ စတင်ပြီး လွတ်ငြိမ်းချမ်းသာခွင့်ပေးခဲ့ရာ နိုင်ငံရေးအကျဉ်းသားအချို့ပါဝင်ခဲ့ကြောင်း သိရသည်။

“အကျဉ်းထောင်၊ အလုပ်စခန်းများတွင် ထိုက်သင့်သော ပြစ်ဒဏ်များကို ကျခံပြီးဖြစ်သည့် နိုင်ငံသား အကျဉ်းသား/ အကျဉ်းသူ (၉၀) ဦးနှင့် နိုင်ငံခြားသား အကျဉ်းသား/အကျဉ်းသူ (၃) ဦး စုစုပေါင်း အကျဉ်းသား/အကျဉ်းသူ (၉၃) ဦးတို့အား နိုင်ငံတော် ဖွဲ့စည်းပုံ အခြေခံ ဥပဒေ ပုဒ်မ ၂၀၄ (က)နှင့် အညီ ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁(၁)အရ ၂၀၁၃ ခုနှစ်၊ ဧပြီလ (၂၃) ရက်နေ့မှစ၍ ပြစ်ဒဏ်လွတ်ငြိမ်းခွင့် ပြုခဲ့ကြောင်းနှင့် နိုင်ငံခြားသား အကျဉ်းသား/အကျဉ်းသူတို့အား ပြည်နှင်ဒဏ် ပေးခဲ့ ကြောင်း ဧပြီလ ၂၃ရက် ညနေပိုင်းတွင် ပြန်ကြားရေးဝန်ကြီးဌာ ၀က်ဘ်ဆိုက်စာမျက်နှာမှတစ်ဆင့် သတင်းထုတ်ပြန်ခဲ့သည်။

ပြည်ထောင်စု သမ္မတ မြန်မာနိုင်ငံတော်၊ နိုင်ငံတော်သမ္မတသည် နိုင်ငံရေး လုပ်ငန်းစဉ်များတွင် အားလုံးပါဝင်ခွင့် ရရှိစေရေး အတွက်လည်းကောင်း၊ လူသားချင်း စာနာထောက်ထားမှုကို အလေးပေးသောအားဖြင့် လည်းကောင်း၊ နိုင်ငံအချင်းချင်း မိတ်ဝတ် မပျက် ဆက်ဆံရေး၊ နှစ်နိုင်ငံ ချစ်ကြည်ရေးတို့ကို ရှေ့ရှုသောအားဖြင့် လည်းကောင်း၊ လူမှုရေးအရ ငဲ့ညှာသော အားဖြင့် လည်းကောင်း၊ အဆိုပါ အကျဉ်းသား/အကျဉ်းသူ (၉၃)ဦးတို့အား နိုင်ငံတော်၏ မေတ္တာနှင့် စေတနာကို နားလည်ကြ ပြီး မိမိအကျိုး၊ ဒေသအကျိုး၊ နိုင်ငံအကျိုးအတွက် အများပြည်သူနှင့်အတူ တာဝန်ထမ်းဆောင်သွားနိုင်စေရန် ပြစ်ဒဏ် လွတ်ငြိမ်းခွင့် ပေးခဲ့ကြောင်း ပြန်ကြားရေးဝန်ကြီးဌာန၏ ၀က်ဆိုက်တွင် ဖော်ပြခဲ့သည်။

အကျဉ်းထောင်အသီးသီးရှိ အကျဉ်းသားများလွတ်မြောက်လာမှုတွင် နိုင်ငံရေးအကျဉ်းသားများပါဝင်ခဲ့ရာ အင်းစိန် အကျဉ်းထောင်မှ နိုင်ငံရေးအကျဉ်းသားများဖြစ်ကြသော ကိုရဲထက်စိုး၊ ကိုဇော်မိုး၊ ကိုနေမျိုးသူရ၊ ကိုစိုင်းအောင်ကျော်တို့ (၄)ဦး နှင့် သာယာဝတီထောင်မှ ကိုအောင်သူ နှင့် ကိုအေးမင်းဖြိုး(ခ) ကိုသားကြီး၊မန္တလေး အိုးဘို ထောင်မှ တမူးမြို့မှ မပါးလ်ထွေး (ခေါ်) မအေးထွေး (လက်နှက်မှု)နှင့် မိုင်းယန်းမြို့မှ စိုင်းလဟန် (ပုံနှိပ်အက်) တို့ ဧပြီလ ၂၃ရက် ညနေပိုင်းတွင် လွတ်မြောက်လာပြီဖြစ်ကြောင်း ၈၈မျိုးဆက်ငြိမ်းချမ်းရေးနှင့်ပွင်လင်းလူ့အဖွဲ့အစည်းမှ သတင်းထုတ်ပြန်ထားသည်။

မြစ်ကြီးနားအကျဉ်းထောင်မှလည်း မတရားအသင်းနှင့် ဆက်သွယ်မှု ပုဒ်မ ၁၇(၁)ဖြင့် ဖမ်းဆီးခံထား ရသည့် အကျဉ်းသား ၅ဦးလွတ်မြောက်လာပြီး ယင်းလွတ်မြောက်လာသည့် အကျဉ်းသားငါးဦးတွင် သုံးဦးမှာ ကချင်တိုင်းရင်းသားများဖြစ်ကြောင်း မြစ်ကြီးနား အကျဉ်းထောင်မှ တာဝန်ရှိသူတစ်ဦးက Eleven Media Group သို့ပြောကြားခဲ့သည်။

လက်ကျန်နိုင်ငံရေးအကျဉ်းသား စိစစ်ရေးကော်မတီအဖွဲ့ဝင် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့(AAPP)မှ ကိုဘိုကြည်က “ ဒီနေ့လွတ်တာက အကျဉ်းထောင်အသီးသီးက နိုင်ငံရေးအကျဉ်းသား ၁၉ယောက်နဲ့ ရှမ်းတိုင်းရင်းသား အယောက် ၄၀ စုစုပေါင်း ၅၉ယောက် လွတ်တယ်လို့သိရပါတယ်။အရေအတွက်အားဖြင့် အရမ်းနည်းနေတယ်။ နောက်တစ်ခုက လွှတ်တဲ့ပုံစံကလည်း လူသိရှင်ကြား တရားဝင်ကြေညာပြီးတော့ နိုင်ငံရေးအကျဉ်းသားအဖြစ် အသိအမှတ်ပြုပြီး လွှတ်တာမျိုးဆိုရင် ပိုသင့်တော်တာပေါ့။ ဒီလိုပုံစံမျိုးနဲတော့ မလွှတ်သင့်ဘူး။ပြီးတော့ နိုင်ငံရေးအကျဉ်းသားတွေကို ဓားစာခံအဖြစ်နဲ့အသုံးချသလိုမျိုးလည်း ဖြစ်နေတယ်။အီးယူက ဆန်ရှင်ရုတ်သိမ်းပေးလိုက်လို့ အီးယူကို ပြန်ပြီးတော့ မျက်နှာပြကောင်းအောင်လုပ်တဲ့ပုံစံမျိုးဖြစ်နေတယ်။ဒီလောက်လေးနဲ့ မလုံလောက်သေးပါဘူး” ဟု ဧပြီ ၂၃ရက် ညပိုင်းက Eleven Media Group သို့ ပြောကြားခဲ့သည်။

“လက်ကျန်နိုင်ငံရေးအကျဉ်းသားများ စိစစ်ရေးအဖွဲ့အနေနဲ့ လုပ်ပိုင်ခွင့်ဘာမှမရှိပါဘူး။သင်္ကြန်ပြီး ရင်အစည်းအဝေးခေါ်မယ်ဆိုတာကလည်း သူတို့အကြောင်းကြားမှ သွားလို့ရတာပါ။အစိုးရဘက်က နေ ဒီထက်ပိုမိုပူးပေါင်းဆောင်ရွက်မှုမျိုးလုပ်ရင်တော့ ကောင်းပါတယ်။ ကျွန်တော်တို့ကို ဟန်ပြ ခေါ်ထိုင်ခိုင်းထားရုံလောက်ဆိုရင်တော့ သ်ိပ်မကောင်းဘူးပေါ့” ဟု ကိုဘိုကြည်က ဆက်လက်ပြောကြားခဲ့သည်။

ပြီးခဲ့သည့် ၂၀၁၂ ခုနှစ်အတွင်းက နိုင်ငံတော်သမ္မတအမိန့်ဖြင့် လွတ် ငြိမ်းချမ်းသာခွင့်ခြောက်ကြိမ် ပေးခဲ့ပြီး လေးကြိမ်တွင်ယခင်စစ်အစိုးရလက် ထက်က အကြောင်းအမျိုးမျိုးဖြင့် အကျဉ်းချခံထားခဲ့ရသော နိုင်ငံရေး အကျဉ်းသား ရာနှင့်ချီကာ ပါဝင်လာခဲ့သည်။

၂၀၁၂ ခုနှစ်အတွင်း ပထမ ဆုံးအကြိမ်အဖြစ် ဇန်နဝါရီလ ၃ ရက်နေ့တွင် လွတ်ငြိမ်းချမ်းသာခွင့် ပေးခဲ့သော်လည်း နိုင်ငံရေးအကျဉ်း သားများ ပါဝင်မှုမရှိခဲ့ဘဲ ဇန်နဝါရီလ ၁၃ ရက်နေ့တွင်မူ အကျဉ်းထောင် အသီးသီးမှ ပြစ်ဒဏ် ကျခံရလျက် ရှိသော အကျဉ်းသား၊ အကျဉ်းသူ ၆၅၁ ဦးအားပြစ်မှုဆိုင်ရာကျင့် ထုံးဥပဒေပုဒ်မ ၄၀၁၊ ပုဒ်မ ခွဲ(၁) အရ လွတ်ငြိမ်းချမ်းသာခွင့် ပေးခဲ့ရာ နိုင်ငံရေးအကျဉ်းသား ရာနှင့်ချီ ပါဝင်လာခဲ့သည်။

ယင်းတို့ထဲတွင် ထင်ရှား သော နိုင်ငံရေးအကျဉ်းသားများ ဖြစ်သော သရက်ထောင်တွင် အကျဉ်းကျခံနေရသည့် ကိုမင်းကိုနိုင် အပါအဝင် ၈၈ မျိုးဆက်ကျောင်း သား ခေါင်းဆောင်များဖြစ်သည့် ကိုကိုကြီး၊ ကိုဂျင်မီ၊ ကိုမြအေး၊ ကိုပြုံးချိုနှင့် ကိုဋ္ဌေးကြွယ်၊ မြင်းခြံအကျဉ်းထောင်မှ ရှမ်းအမျိုး သား ဒီမိုကရေစီအဖွဲ့ချုပ်ဥက္ကဋ္ဌ ဦးခွန်ထွန်းဦးတို့ ပါဝင်ခဲ့သည်။

ထို့ပြင် ၂၀ဝ၇ သံဃာ အရေးအခင်း ခေါင်းဆောင်များ ဖြစ်သည့် အရှင်ဂမ္ဘီရ၊ ကျောင်းသား ခေါင်းဆောင် ကျော်ကိုကို၊ ကိုဇော် သက်ထွေး၊ ကိုနေဘုန်းလတ် ၊ ကိုဒီ ငြိမ်းလင်းတို့အပြင် အမျိုးသမီး များဖြစ်သည့် မနီလာသိန်း၊ မမီးမီး၊ မမာမာဦး၊ မစန်းစန်းမော် စသည့် ထင်ရှားသူများ ပါဝင်လာခဲ့ကာအကောက် ခွန်ဝန်ထမ်းဟောင်းများ နှင့် ထောက်လှမ်းရေးအဖွဲ့ဝင် ဟောင်းများလည်း ပါဝင်ခဲ့သည်။

ယင်းကဲ့သို့ လွတ်ငြိမ်း ချမ်းသာခွင့်ပေးခြင်းသည် သမ္မတဦးသိန်းစိန်အစိုးရ တက်လာ ပြီးနောက်ပိုင်း အကြီးမားဆုံး နိုင်ငံရေးအကျဉ်းသား လွှတ်ပေးမှု ဖြစ်ခဲ့သည်။ အမျိုးသားကာကွယ် ရေးနှင့် လုံခြုံရေးကောင်စီ၏ ထောက်ခံချက်နှင့်ပေးသော လွတ်ငြိမ်းချမ်းသာခွင့်မဟုတ်ဘဲ နိုင်ငံတော်သမ္မတ၏ သဘောဆန္ဒနှင့် ပေးခြင်းဖြစ်ကာ နိုင်ငံအသီးသီးမှ ခေါင်းဆောင်များနှင့် ပြည်တွင်းရှိ နယ်ပယ်အသီးသီးမှ ပုဂ္ဂိုလ်များက ကြိုဆိုခဲ့ကြသည်။

၂၀၁၂ ခုနှစ်အတွင်း ဒုတိယအကြိမ်အစြဖ် ဇူလိုင်လ ၃ ရက်နေ့တွင် လွတ်ငြိမ်းချမ်း သာခွင့်ပေးခဲ့ရာ နိုင်ငံ ရေးအကျဉ်းသား ၃၇ ဦးနှင့် အကျဉ်းသူ ၉ ဦးပါဝင်လာခဲ့သည်။ စက်တင်ဘာလ ၁၇ ရက်နေ့တွင် အစိုးရသစ်လက်ထက် စတုတ္ထအကြိမ်မြောက်နှင့် ၂၀၁၂ ခုနှစ်အတွင်း တတိယအကြိမ် မြောက်အဖြစ် လွတ်ငြိမ်းချမ်းသာ ခွင့်ပြုခဲ့ရာ အကျဉ်းသား ၅၁၄ ဦးတွင် တောင်ကြီးထောင်မှ ဦးရွှေထူးအပါအဝင်နိုင်ငံရေး အကျဉ်းသား ၈၀ ကျော်ပါဝင်ခဲ့သည်။
Eleven Media Group

နိုဝင်ဘာလ ၁၅ ရက်နေ့ က ပေးခဲ့သော ပဉ္စမအကြိမ်မြောက် လွတ်ငြိမ်းချမ်းသာခွင့်တွင်မူ နိုင်ငံ ရေးအကျဉ်းသားများပါဝင်လာခြင်း မရှိခဲ့ဘဲ အမေရိကန်သမ္မတ အိုဘား မား မြန်မာနိုင်ငံသို့လာရောက်ခဲ့ သည့် နိုဝင်ဘာလ ၁၉ ရက်နေ့ နံနက်ပိုင်းတွင်မူ လကျာ်ထွန်း၊ ဦး မြင့်အေးတို့အပါအဝင် နိုင်ငံရေး အကျဉ်းသားများ ပါဝင်ခဲ့သည်။

လူမှုရေးကွန်ရက် သုံးစွဲသူများ၏တာဝန်

(ဧပြီလ ၂၄ရက်နေ့ထုတ် The Voice နေ့စဉ်သတင်းစာတွင် ဖော်ပြပါရှိသော Editorial)

မကြာသေးခင် ရက်ပိုင်းအတွင်း မြန်မာနိုင်ငံလာရောက်သွားခဲ့သည့် Google ၏ အမှုဆောင် ဥက္ကဋ္ဌက မြန်မာနိုင်ငံ၏ အင်တာနက်သုံးစွဲမှုသည် အန္တရာယ်ရှိနေကြောင်း သုံးသပ် ပြောကြားသွားခဲ့သည်။ မှန်ပါသည်။ ပွင့်လင်းမြင်သာမှု လုံးဝမရှိခဲ့သည့်အပြင် သတင်းလွတ်လပ်ခွင့် မရှိဘဲ အရာရာထိန်းချုပ်ခံ ထားခဲ့သည့် လူ့အဖွဲ့အစည်း တစ်ရပ်အတွက် မိမိမည်သူမည်ဝါ ဖြစ်ကြောင်း အမှန်အတိုင်း ထုတ်ဖော်ရန် မလိုအပ်ဘဲ မိမိစိတ်ခံစားမှု ရှိသည့်အတိုင်း အထိန်းအကွပ်မရှိ ပြောဆို၊ ရေးသား၊ ဖြန့်ဝေခွင့် ရနေသော အွန်လိုင်းပေါ်တွင် အာဏာရှင်စနစ် တစ်လျှောက်လုံး မျိုသိပ်အောင့်အည်း လာသမျှ ဖွင့်အန်လာကြခြင်း ဖြစ်သည်။ ထို့ကြောင့် စိတ်ခံစားချက်များ၊ တေးမှတ်ထားမှုများ၊ မကျေနပ်ချက်များ၊ ဒေါသများ ပေါက်ကွဲထွက်လာခြင်း ဖြစ်သည်။ အကြောင်း၊ အကျိုးသဘောဖြင့် ဆင်ခြင်ကြည့်ပါက နားလည်ပေးနိုင်သော အခြေအနေဖြစ်သည်။

သို့သော် အခြေခံအားဖြင့် သည်းခံခွင့်လွှတ်တတ်သည့် သဘောထားရှိသူ မြန်မာပြည်သူလူထုတွင် လူအမျိုးမျိုး၊ စိတ်အထွေထွေ၊ ကိုယ်စားပြုအဖွဲ့အစည်း အသီးသီး ရှိကြသည့်အလျောက် အချို့နေရာများ တွင် အလွန်အကျွံပြောဆိုမှုများ၊ အစွန်းရောက် လှုံ့ဆော်သွေးထိုးမှု များလည်း တွေ့ မြင်လာရသည်။ အထူးသဖြင့် ရခိုင်ပြည်နယ်ပဋိပက္ခ လက်ပံတောင်းတောင် စီမံကိန်း၊ မိတ္ထီလာ အရေးကိစ္စတို့တွင် ဘာသာရေး၊ လူမျိုးရေးအကြောင်းပြုကာ အွန်လိုင်းပေါ်ရှိ လူမှုရေးကွန်ရက်များမှ တစ်ဆင့် တစ်ဖက်နှင့် တစ်ဖက် ပြင်းထန်စွာ စွပ်စွဲတိုက်ခိုက်ခဲ့ကြသည်။ ထိုကွန်ရက်များမှသည် ပြင်ပသို့ပါ ချိတ်ဆက်ကာ အကြမ်းဖက်မှုများ ကျူးလွန်လာသည်အထိ အတင့်ရဲလာခဲ့သည်။

ပြီးခဲ့သည့် လပိုင်းက "ဥပဒေအထက်တွင် လွှတ်တော်ရှိသည်" ဟူသော စကားဖြင့် အွန်လိုင်း ပေါ်တွင် ပြည်ထောင်စုလွှတ်တော်ကို ဂုဏ်သိက္ခာကျဆင်းစေရန် တမင်ရည်ရွယ်ချက်ဖြင့် မထေမဲ့မြင်ပြု သည်ဟုယူ ဆကာ ဒေါက်တာဆိတ်ဖွားဆိုသူ ဘလော့ဂ်ဂါတစ်ဦးအား ပြည်ထောင်စုအဆင့် ကော်မရှင်တစ်ရပ် ဖွဲ့စည်းကာ စုံစမ်း၊ စစ်ဆေး၊ ဖော်ထုတ်ခဲ့သည်။ ယမန်နေ့ကပင် ထိုဆိတ်ဖွားဆိုသူ မည်သူမည်ဝါဖြစ်ကြောင်း ကော်မရှင်က ဖော်ထုတ်နိုင်ခဲ့သည်ဟု ယင်းကော်မရှင်ဥက္ကဋ္ဌ ဖြစ်သူ၏ အဆိုအရ သိရသည်။ အဆိုပါ ဆိတ်ဖွားဆိုသူ (သို့မဟုတ်) အဖွဲ့သည် ပြည်ထောင်စုလွှတ်တော် ကိုသာမက နယ်ပယ်အသီးသီးမှ လူထုအသိအမှတ်ပြု ခေါင်းဆောင်များ၊ အစိုးရနှင့် အတိုက်အခံ ပြုနေသူဟု ၄င်း(သို့မဟုတ်) ၄င်းတို့ ယူဆထားသူများ၊ မီဒီယာလောကမှ နာမည်ရ သတင်းစာဆရာများ ကိုလည်း ပုဂ္ဂိုလ်ရေး အပုပ်ချမှုများဖြင့် ပုံမှန်တိုက်ခိုက်လျက်ရှိသူ၊ အဖွဲ့ ဖြစ်သည်။

လူမှုရေးကွန်ရက်များ ပေါ်ရှိ ထိုသို့အစွန်းရောက် ဆဲဆို၊ ပုတ်ခတ်၊ သွေးထိုး၊ လှုံ့ဆော်နေသူများ၏ မှတ်ချက်များကို စဉ်ဆက်မပြတ် ဖတ်ရှုကြည့်ပါက လေသံနှင့် အခြေခံသဘောထားများ တူညီနေသည်ကို တွေ့ရသည်။

အခြားတစ်ဖက်တွင်လည်း အတိုက်အခံ၊ သို့မဟုတ် အစိုးရဆန့်ကျင်သူဟု ဆိုရမည့်ဘက်တွင် လည်း မည်သူမည်ဝါ ဖြစ်ကြောင်း ဖုံးကွယ်ထားသူအချို့က ၄င်းတို့ကြည်ညိုလေးစားသူ မှတစ်ပါး အစိုးရ၊ တပ်မတော်၊ ခရိုနီလုပ်ငန်းရှင်၊ အစိုးရနှင့် နီးစပ်သူဟု ၄င်းတို့ ယူဆထားသည့် လူပုဂ္ဂိုလ် အဖွဲ့အစည်း များအားလုံးကို လူမှုရေးကွန်ရက်များမှ တစ်ဆင့် အမြဲ အပုပ်ချ၊ စွပ်စွဲ တိုက်ခိုက်လျက် ရှိသည်။

မြန်မာနိုင်ငံ၏ လက်ရှိ လူမှုရေးကွန်ရက် အသုံးပြုသူများကို ကျင့်ဝတ်စည်းကမ်း ချိုးဖောက်သူ၊ အစွန်းရောက်မျိုးချစ်များ၊ အာဏာရှင်စနစ်ကို လိုလားသူများ၊ ကိုယ်ကျိုးစီးပွားပျက်စီးမည် စိုးရိမ် နေသူများက သည်းခြေကြိုက် စကားလုံး၊ ရုပ်ပုံများအသုံးပြုပြီး ဆွဲဆောင်စည်းရုံးကာ ဘာသာရေး၊ လူမျိုးရေး ပဋိပက္ခများဖန်တီးရန် ကြိုးစားနေသည်။ ၄င်းတို့သည် လူထုချစ်ခင်လေးစားမှု အထူးရရှိ ထားသူများ၊ နယ်ပယ်အလိုက် ထင်ရှားကျော်ကြားသူများကို ပုဂ္ဂိုလ်ရေး သွားပုပ်လေလွင့် သတင်းများ လွှင့်ကာ စနစ်တကျ အုပ်စုဖွဲ့အကွက်ချ တိုက်ခိုက်လျက်ရှိသည်။ ဆိုက်ဘာတိုက်ခိုက်မှု များဖြင့် အနှောင့်အယှက်ပေးကြသည်။ နဂိုမူလကပင် ခံစားချက်၊ နာကြည်းချက်၊ မျိုသိပ်အောင့်အည်းမှုများနေ သည့် မြန်မာပြည်သူ အများစုသည် ထိုအုပ်စု၏ အောက်လမ်းနည်းဖြင့် ဆွဲဆောင်လှုံ့ဆော်မှုများ နောက်သို့ အသိမဲ့ ပါသွားတတ်ကြသည်။ ထိုအခါ မြန်မာနိုင်ငံသား အများစု သုံးစွဲနေသည့် Facebook ကဲ့သို့ လူမှုရေးကွန်ရက်များတွင် အနီရောင်များ လွှမ်းခြုံထားသကဲ့သို့ ဖြစ်နေသည်။

အာဏာရှင်စနစ်မှ ဒီမိုကရေစီစနစ်သို့ အသွင်ကူးပြောင်းခါစတွင် အပြောင်းအလဲကို မလိုလား သူများ၏ အခုအခံများ ကြုံရတတ်စမြဲဖြစ်သည်။ ထိုအခုအခံများသည် နေရာမျိုးစုံမှ နည်းမျိုးစုံဖြင့် လာနိုင်သည်။ လွှတ်တော်အတွင်း၊ အစိုးရအဖွဲ့အတွင်း၊ နိုင်ငံရေးပါတီများ အတွင်း၊ တပ်မတော်အတွင်း၊ အရပ်ဘက် လူ့အဖွဲ့အစည်းများအတွင်း၊ ခရိုနီများအတွင်းနှင့် ယုတ်စွအဆုံး ပြည်သူလူထု အတွင်းတွင်လည်း မလိုလားသူများ ရှိနိုင်သည်။ မြန်မာနိုင်ငံအတွင်းတွင် ကုန်ခဲ့သည့် ၂နှစ်တာကာလအတွင်း ဖြစ်ပွားခဲ့သည့် မငြိမ်မသက်မှုများ၊ ပဋိပက္ခများ၊ အကြမ်းဖက်မှုများ၊ သွေးထွက်သံယိုမှု များနှင့် လူမှုရေးကွန်ရက်များ ပေါ်ရှိ သွေးထိုးလှုံ့ဆော်မှု များကိုကြည့်လျှင် တစ်စုံတစ်ရာ ဆက်စပ်မှုများ ရှိနေနိုင်သည်။ ၄င်းတို့၏ နောက်ကွယ်တွင် ငွေကြေးအင်အား တောင့်တင်းစွာဖြင့် စနစ်တကျလေ့ကျင့်ထားပြီး အကွက်ကျကျ လှုပ်ရှားနေကြ ခြင်းဖြစ်သည်ဟု ယူဆနိုင်သည်။

အွန်လိုင်း အသုံးပြုနေကြသည့် မြန်မာနိုင်ငံသားတို့ အနေနှင့် လူမှုကွန်ရက်များ ပေါ်တွင် မိမိကိုယ်ကိုယ် မည်သူမည်ဝါဖြစ်ကြောင်း ရိုးဖြောင့်စွာ ထုတ်ဖော်မထားဘဲ ငြိမ်းချမ်းရေး၊ လူ့အခွင့်အရေး နှင့် ဒီမိုကရေစီ အသွင်ကူးပြောင်းရေး အကောင်အထည် ဖော်နေကြသူများ အကြား နားလည်မှု လွဲမှားစေမည့် ယဉ်ကျေးမှု အဆင့်နိမ့်သော စကားလုံးများဖြင့် အောက်တန်းကျကျ တိုက်ခိုက်နေသူများနှင့် ၄င်းတို့၏ မှတ်ချက်များကို လက်ခံခြင်း၊ အသိအမှတ်ပြုခြင်း၊ သူငယ်ချင်းဖွဲ့ ခြင်း၊ ထပ်မံမျှဝေခြင်းတို့ မပြုလုပ်ခြင်းဖြင့် ဒီမိုကရေစီနှင့် ထိုက်တန်သည့် နိုင်ငံကြီးသားများ အဖြစ် ပြသကြပါမည့်အကြောင်း အထူး တိုက်တွန်းအပ်ပေသည်။
အယ်ဒီတာ(၂၃-၄-၂၀၁၃)
The Voice Weekly

ဒေါက်တာ ဆိတ်ဖွါးကိုတွေ့ပြီ

FB-သတင်းစုံလင် ဖေ.ဘုတ်တခွင်

ပြည်မြို့တွင် စုံတွဲတစ်တွဲကို စစ်သားသုံးယောက်က လူသတ်ပစ္စည်းလု(ဓါတ်ပုံသတင်း)

၂၃.၄.၂၀၁၃ ရက်နေ့ ည ၈း၃၀ ခန့်အချိန်၌ ပြည်မြို့ န၀ဒေးတံတားအောက်ရှိ ရှုခင်းသာတွင် စုံတွဲတစ်တွဲကို စစ်သားသုံးယောက်မှ လုယက်မှုဖြစ်ပွားခဲ့ပါတယ်။ ကောင်လေးကတော့ လည်ပင်းကို လိမ်ချိုးခံထားရပြီး ရေထဲသို့ ပြုတ်ကျနေပါတယ်။

ကောင်မလေးသည် ကြောက်လန့်အော်ဟစ်သဖြင့် အနီးအနားရှိ ရပ်ကွက်သူ ရပ်ကွက်သားများက ရောက်ရှိလာသဖြင့် စစ်သားသုံးယောက်ထွက်ပြေးသွားကြပါတယ်။ ရဲစခန်းသို့အကူအညီတောင်းရာ အမှတ်(၂) စခန်းမှ တာဝန်ကျ ဒုရဲအုပ် ဆန်းဦးနှင့် ရဲများရောက်ရှိလာပြီး တရားခံကို လိုက်လံရှာဖွေကြပါတယ်။ ရပ်ကွက်ထဲမှ လူများနှင့် ရဲများ၏ ရှာဖွေမှုကြောင့် ထွက်ပြေးသွားသော စစ်သားသုံးယောက်ထဲမှ နှစ်ယောက်ကို ဖမ်းမိပါတယ်။ တရားခံများသည် လက်နက်များလည်း ကိုင်ဆောင်ထားကြပါတယ်။

ထိုအချိန် စစ်ဗိုလ်တစ်ဦးရောက်ရှိလာပြီး တပ်ပြေးများ လိုက်လံဖမ်းဆီးနေတာ ယခု တော့ မိပြီဆိုပြီး အဖမ်းခံထားရသော စစ်သားနှစ်ယောက်ကို ရဲလက်ထဲမှ တောင်းရမ်းပါတယ်။ ဒါ ရဲမှုခင်းဖြစ်တယ်လို့ပြောပေမယ့် စစ်တပ်နဲ့သာဆိုင်တယ်ဆိုသဖြင့် တရားခံနှစ်ဦးလွှဲပြောင်းပေးလိုက်ရပါတယ်။ ကောင်လေးအလောင်းကို ရေထဲတွင် ရှာဖွေတွေ့ရှိပြီး လည်ပင်းလိမ်ချိုးထားသော ဒဏ်ရာကြောင့် သေဆုံးသွားပြီဖြစ်ပါတယ်။

မြို့သူမြို့သားများသည် တပ်မတော်သားများ မြို့လယ်ခေါင်တွင် လက်နက်ဖြင့် အနုကြမ်းစီး ဓါးပြတိုက် လူသတ်ခဲ့တဲ့ ဖြစ်ရပ်အတွက် မကျေနပ်နိုင်ကြပဲ ညတွင်း ချင်းပင် အမှတ်(၂) ရဲစခန်းတွင် စုရုံးကြကာ တရားခံများအား ဖမ်းဆီးအရေးယူပေးဖို့ တောင်းဆိုခဲ့ကြတာဖြစ်ပါတယ်။ မြို့နယ်ရဲတပ်ဖွဲ့မှူးကတော့ မည်သူပင်ဖြစ်စေ ပြစ်မှုကျူးလွန်သဖြင့် ဖမ်းဆီးအရေးယူသွားမည်ဖြစ်ကြောင်း ပြန်လည် ဖြေကြားခဲ့ပါတယ်။
FB-Pon NYa