ယနေ့ (3-21-2013) online ပေါ်မှ သတင်းဓါတ်ပုံများ

မိတ္ထီလာပဋိပက္ခနှင့် ပတ်သက်၍ နိုင်ငံပိုင်ရုပ်သံမှ တရားဝင် သတင်းထုတ်ပြန်

Friday, March 22, 2013
မိတ္ထီလာမြို့တွင် ဖြစ်ပွားနေသော ပဋိပက္ခများနှင့် ပတ်သက်၍ နိုင်ငံပိုင် ရုပ်သံများမှ မတ် ၂၁ ရက် ည ၈ နာရီ သတင်းများတွင် တရားဝင် ထုတ်လွှင့်သွားသည်။
ထုတ်ပြန်ချက်အပြည့်အစုံမှာ "မန္တလေးတိုင်းဒေသကြီး၊ မိတ္ထီလာမြို့၌ မတ်လ ၂၀ ရက်နေ့ နံနက်ပိုင်းက သာမန်ဈေးအရောင်းအ၀ယ် အချင်းများရာမှ ရိုက်နှက်မှုဖြစ်ပွားခဲ့ပြီး မကျေနပ်သူများက အဆောက်အဦများနှင့်ဈေးဆိုင်ခန်းတစ်ချို့ ဖျက်ဆီးမှု ဖြစ်ပွားခဲ့သဖြင့် ရပ်ရွာတည်ငြိမ်အေးချမ်းမှု မပျက်ပြားစေရေးအတွက် မိတ္ထီလာမြို့နယ် အုပ်ချုပ်ရေးမှူးက မတ် ၂၀ ရက် ည ၈ နာရီမှ စတင်ပြီး မိတ္ထီလာမြို့မှာ ပုဒ်မ ၁၄၄ ထုတ်ပြန်တားဆီး ထားကြောင်း သိရပါတယ်။

ဖြစ်စဉ်မှာ မတ်လ ၂၀ ရက်နေ့ နံနက် ၉ နာရီခွဲခန့်တွင် မိတ္ထီလာမြို့ မြို့မအရှေ့ပြင်ဈေးရှိ ရွှေဆိုင်တစ်ဆိုင်သို့ မိတ္ထီလာမြို့၊ ပြွန်ကောက်ကျေးရွာ အနီး ဦးခင်မောင်ဝင်း ဇနီးမအေးနိုင်နှင့် မညိုသန်းတို့ သုံးဦးကရွှေဆံကုပ်တစ်ခုအား ရောင်းချရန် သွားရောက်ရာ ရွှေဆိုင်ပိုင်ရှင် ဦးထွန်းထွန်းဦးခေါ် အာရှစ်၊ ဇနီးမညွန့်ရီအေး၊ ဆိုင်လုပ်သား ညီညီခေါ် ၀င်းအောင်တို့က ရွှေဆံကုပ်ကို ငွေကျပ် တစ်သိန်းငါးထောင်ပေးမည်ဟုဈေးညှိနှိုင်း သဘောတူပြီး မှတ်ကျောက်တင်ရန် ဈေးအတွင်းသို့ ယူသွားခဲ့ကြောင်း၊ ဈေးအတွင်းမှ ပြန်ရောက်ချိန်တွင် ရွှေဆံကုပ်မှာ ပဲ့နေပြီး ဆိုင်ရှင်တို့က ငွေကျပ်ငါးသောင်းသာ ပေးတော့မည်ဟု ပြောဆိုရာ ဆိုင်ရှင်မိသားစုနှင့် ရွှေဆံကုပ်ရောင်းချသူ မိသားစုများ အချင်းများကြပြီး ကိုယ်ထိလက်ရောက် ရိုက်နှက်မှုများ ဖြစ်ပေါ်ခဲ့တဲ့အတွက် ဦးခင်မောင်ဝင်းမှာ ပေါက်ပြဲဒဏ်ရာ တစ်ချက်၊ မျက်နှာဖူးရောင် ဒဏ်ရာများ ရရှိခဲ့ကြောင်း၊ အဲဒီဖြစ်စဉ်နဲ့ပတ်သက်ပြီး မိတ္ထီလာ အမှတ် (၂) ရဲစခန်း မှာ (ပ) ၇၄/၂၀၁၃ ပြစ်မှုဆိုင်ရာ ဥပဒေပုဒ်မ ၁၀၉(၁၄)/၃၂၅/၄၂၇/၁၁၄ ဖြင့် အမှုဖွင့်ပြီး ဆိုင်ရှင်ဦးထွန်းထွန်းဦး အပါအ၀င် သုံးဦးအား ဖမ်းဆီးထိန်းသိမ်းထားရှိခဲ့ကြောင်း သိရ ပါတယ်။

အဲဒီနောက် မွန်းလွဲတစ်နာရီကျော်ခန့်မှာ အခင်းဖြစ်ပွားရာ ရွှေဆိုင်အနီးသို့ အထက်ပါဖြစ်စဉ်အပေါ် မကျေနပ်သူ လူအုပ်စုများ ရောက်ရှိလာပြီး ယင်းအုပ်စုမှ လူအချို့က ဈေးဆိုင် ၆ ဆိုင်ကို မီးရှို့ဖျက်ဆီးခဲ့ကြောင်း၊ အဲဒီနောက် ဈေးအနောက်ဘက်ရှိ ဘာသာရေးအဆောက်အအုံ တစ်လုံးအား ဖျက်ဆီးခြင်း၊ အနီးရှိ ဆိုင်ကယ်လေးစင်းအား ဖျက်ဆီးခြင်းများ ပြုလုပ် ခဲ့ကြကြောင်း၊ အဲဒီနောက် ညပိုင်းအထိ လူအုပ်စုများက တစ်ဖက်နဲ့တစ်ဖက် အပြန်အလှန် အဆောက်အဦများ၊ ဈေးဆိုင်ခန်းများနှင့် ဆိုင်ကယ်များကို ဖျက်ဆီးခြင်း၊ မီးရှို့ခြင်းများ ဆောင်ရွက်ခဲ့ကြကြောင်း သိရပါတယ်။

အဆိုပါလူအုပ်စုတို့ရဲ့ တစ်ဖက်နဲ့တစ်ဖက် အပြန်အလှန် ဖျက်ဆီးမှု တို့ကြောင့် ဈေးအရှေ့ပြင်ရပ်ကွက်ရှိ အခင်းစတင်ဖြစ်ပွားတဲ ရွှေဆိုင် တစ်ဆိုင်၊ ဘာသာရေး အဆောက်အအုံတစ်လုံးနှင့် ဂျစ်ကား တစ်စီး၊ အောင်ဇေယျာရပ်ကွက်ရှိ သုံးဘီးဆိုင်ကယ်နှစ်စီးနှင့် ဆိုင်ကယ်တစ်စီး၊ တော်ဝင်နန်းလမ်းဆုံအနီးရှိ ဆိုင်ခန်းများနှင့် အခြားအဆောက်အဦ ၁ လုံး၊ သီရိမင်္ဂလာ ရပ်ကွက်ရှိ မြို့နယ်ပညာရေးမှူးရုံး အဆောက်အဦတစ်လုံး၊ ရန်ကြီးအောင်ရပ်ကွက်ရှိ ကားပစ္စည်းဆိုင်နှင့် အဆောက်အဦအချို့၊ ပြည်သာယာရပ်ကွက်ရှိ အဆောက်အဦအချို့၊ ရတနာမာန်အောင်ရပ်ကွက်ရှိ အဆောက်အဦအချို့နှင့် ၁၀ ဘီးကားတစ်စီး ပျက်စီးဆုံးရှုံးခဲ့ပါတယ်။

ရုန်းရင်းဆန်ခတ် ဖြစ်ပွားမှုကြောင့် ယနေ့ မွန်းလွဲ ၁ နာရီအထိ ရရှိတဲ့ သတင်းများအရ သံဃာ ၁ ပါး ပျံလွန်တော်မူကာ အမျိုးသား ၃ ဦး၊ အမျိုးသမီး ၁ ဦး စုစုပေါင်း ငါးဦးသေဆုံးခဲ့ကြောင်း၊ ၃၉ ဦး စိုးရိမ်ရသော ဒဏ်ရာများရရှိခဲ့တဲ့အတွက် မိတ္ထီလာဆေးရုံမှာ အတွင်းလူနာ၊ အပြင် လူနာများအဖြစ် ဆေးဝါးကုသပေးခဲ့ကြောင်း သိရပါတယ်။ သို့ဖြစ်ပါ၍
မတ်လ ၂၀ ရက် ည ၈ နာရီမှ စတင်ပြီး မိတ္ထီလာမြို့နယ် အုပ်ချုပ်ရေးမှူးက မိမိမြို့ပေါ်ရှိ ရပ်ကွက် ၁၄ ရပ်ကွက်အတွင်း ပြစ်မှုဆိုင်ရာ ကျင့်ထုံး ဥပဒေပုဒ်မ ၁၄၄ ကို ကျင့်သုံး၍ တားမြစ်မိန့်ပိတ်ပင်ထားကြောင်း သိရပါတယ်။

အများပြည်သူရဲ့ လိုအင်ဆန္ဒနဲ့အညီ တည်ငြိမ်အေးချမ်းမှု ရှိစေရေးအတွက် မြို့နယ်ရပ်ရွာ အေးချမ်းရေးနှင့် တရားဥပဒေစိုးမိုးမှုတို့ကို ဖောက်ဖျက်ပြီး ဆူပူအကြမ်းဖက်ခြင်း၊ မီးရှို့ခြင်း၊ သတ်ဖြတ်ခြင်းများကို ပြုလုပ်ခဲ့ကြ သူများအား တရားဥပဒေအရ ထိထိရောက်ရောက် ဖော်ထုတ်အရေးယူဆောင်ရွက်သွားမည်ဖြစ်ကြောင်း သက်ဆိုင်ရာမှ သတင်းရရှိပါသည်" ဟု ထုတ်ပြန်သွားခဲ့သည်။
Eleven Media Group  

မိတ္ထီလာပဋိပက္ခတွင် သေဆုံးသူ ၆ ဦးနှင့် ဒဏ်ရာရသူ ၂၃ ဦးရှိနေ(ရုပ်/သံ)

March 21 2013
မိတ္ထီလာပဋိပက္ခဖြစ်စဉ်တွင် သေဆုံးသူခြောက်ဦးနှင့် ဒဏ်ရာရသူ ၂၃ ဦးရှိနေ၊ ဒဏ်ရာ၇ရသူ အများစုဟာ ဦးခေါင်းကို တုတ်ဖြင့် ရိုက်ခံထားရသည့် ဒဏ်ရာများဖြစ်

အစ္စရေးလုံခြုံရေး သမ္မတအိုဘားမား အာမခံချက်ပေး

အမေရိကန်သမ္မတ ဂျေရုစလင်တွင် မိန့်ခွန်းပြောကြားစဉ်

21.03.2013
အစ္စရေးနိုင်ငံရဲ့ လုံခြုံရေးအပေါ် ခြိမ်းခြောက်တာတွေကို ရင်ဆိုင်တဲ့နေရာမှာ အစ္စရေးပြည်သူတွေပဲ ရင်ဆိုင်ရတာ မဟုတ်ဘူးလို့ အမေရိကန်သမ္မတ ဘရက်ခ်အိုဘားမားက အစ္စရေးလူငယ်တွေကို အာမခံပြောကြားလိုက်ပါတယ်။ တချိန်တည်းမှာပဲ အစ္စရေးလူငယ်တွေကိုလည်း ပါလက်စတိုင်းတွေနဲ့ ငြိမ်းချမ်းရေးတည်ဆောက်ဖို့ တိုက်တွန်းလိုက်ပြီး ဒါဟာ အစ္စရေးနိုင်ငံ အမှန်တကယ် လုံခြုံမှုရှိလာဖို့အတွက် တခုတည်းသောနည်းလမ်းဖြစ်တယ်လို့ ပြောလိုက်ပါတယ်။

ဂျေရုစလင်မှာ ရှိတဲ့ ကျောင်းသားတွေကို ကြာသပတေးနေ့က မိန့်ခွန်းပြောကြားရာမှာ သမ္မတအိုဘားမားက ဂျူးလူမျိုးတွေကို သူတို့ရဲ့မြေပေါ်မှာ လွတ်လပ်ရေး ရဖို့အတွက် သမိုင်းဝင်ကြိုးပမ်းခဲ့ပုံတွေနဲ့ အမေရိကန်နဲ့ အစ္စရေးကြား တူညီတဲ့ တန်ဖိုးထားမှုတွေကို ပြောကြားသွားခဲ့ပါတယ်။

ပါလက်စတိုင်းတွေကို လွတ်လပ်ပြီး သူ့ဘာသာသူ ရှင်သန်ရပ်တည်နိုင်တဲ့ ပါလက်စတိုင်း နိုင်ငံအဖြစ် သဘောတူနိုင်မှသာ အစ္စရေးတွေအနေနဲ့လည်း သူတို့ရဲ့ နိုင်ငံကို ဒီမိုကရေစီကျင့်သုံးတဲ့ ဂျူးနိုင်ငံတော်အဖြစ် ဆက်ပြီးရှိသွားနိုင်မှာဖြစ်တယ်လို့ သူယုံကြည်ကြောင်း သမ္မတအိုဘားမားက ပြောပါတယ်။ ပါလက်စတိုင်းတွေက သူတို့ရဲ့ နိုင်ငံ နယ်နမိတ်ဖြစ်တယ်လို့ ပြောနေတဲ့မြေတွေပေါ်မှာ အိမ်ယာတွေ ဆက်လက် တည်ဆောက်နေခြင်းအားဖြင့် တန်ပြန်အကျိုးသက်ရောက်မှုတွေ ဖြစ်လာနိုင်တယ်ဆိုတာကို အစ္စရေးခေါင်းဆောင်တွေ အနေနဲ့ အသိအမှတ်ပြုဖို့ လိုတယ်လို့လည်း သမ္မတအိုဘားမားက ပြောပါတယ်။ ဒါ့အပြင် ပါလက်စတိုင်းသမ္မတ မာမွတ်အာဘတ်စ်က အစ္စရေး နိုင်ငံနဲ့ အမှန်တကယ်ငြိမ်းချမ်းရေးဖော်ဆောင်ချင်တဲ့သူဖြစ်တယ်လို့ ယုံကြည်ကြောင်း သမ္မတအိုဘားမားက ပြောပါတယ်။
VOA Burmese Fan Page

၂၀၁၅ ရွေးကောက်ပွဲ တရားမျှတမှု အမေရိကန်ဦးစားပေးမည်

၂၀၁၀ ရွေးကောက်ပွဲကျင်းပခဲ့စဉ်၊ (နိုဝင်ဘာ၊ ၂၀၁၀)

 21.03.2013
မြန်မာနိုင်ငံမှာ လာမယ့် ၂၀၁၅ ခုနှစ် အထွေထွေရွေးကောက်ပွဲကို အရင်နဲ့မတူ တရားမျှတ တဲ့ ရွေးကောက်ပွဲဖြစ်လာစေရေး ဟာ  အမေရိကန်ပြည်ထောင်စု အနေနဲ့ မြန်မာနိုင်ငံ မူဝါဒနဲ့ပတ်သက်လို့ ဦးစားပေး ကူညီဆောင်ရွက်ရမယ့် ကိစ္စဖြစ်တယ်လို့ အမေရိကန်လွှတ်တော် အမတ်တွေနဲ့ အစိုးရပိုင်းတာဝန်ရှိသူတွေက ပြောလိုက်ပါတယ်။ ဒါပေမယ့် ၂၀၁၅ ခရီးမှာ အဖုအထစ်တွေ အကဲစမ်းချက်တွေတော့ ရှိနိုင်တယ်လို့ သုံးသပ်ကြပါတယ်။ အပြည့်အစုံကိုတော့ ကိုသားညွန့်ဦး တင်ဆက်ပေးမှာပါ။

အာရှ ပစိဖိတ်ဒေသတွင်း ဒီမိုကရေစီ လူ့အခွင့်အရေးနဲ့ ကောင်းမွန်တဲ့ အုပ်ချုပ်မှုကိစ္စရပ်တွေနဲ့ ပတ်သက်လို့ အထက်လွှတ်တော်ကြားနာပွဲ အတွင်းမှာ မြန်မာနိုင်ငံတွင်း က နိုင်ငံရေးဖြစ်ထွန်းမှု အခြေအအနေတွေကို အမေရိကန်လွှတ်တော် အမတ်တွေနဲ့ အစိုးရပိုင်းတာဝန်ရှိသူတွေ သုံးသပ်ဆွေးနွေးခဲ့ကြတာပါ။ မနေ့က မနက်ပိုင်း အထက်လွှတ်တော် နိုင်ငံခြား ဆက်ဆံရေးကော်မတီ ရဲ့ အာရှ ပစိဖိတ်ရေးရာ ကြားနာပွဲ အတွင်းမှာပဲ အာရှပစိဖိတ်ရေးရာ ဆပ်ကော်မတီ ဥက္ကဌဖြစ်တဲ့ အထက်လွှတ်တော်အမတ် Benjamin Cardin မြန်မာနိုင်ငံမှာ လာမယ့် ၂၀၁၅ ခုနှစ် ရွေးကောက်ပွဲ တရားမျှတမှုရှိရေးအတွက် အကူအညီပေးရေးဟာ မြန်မာ့အရေးနဲ့ ပတ်သက်လာရင် အမေရိကန်ပြည်ထောင်စုရဲ့ ထိပ်တန်း ဦးစားပေးကိစ္စ တရပ်ဖြစ်တယ် ဆိုပြီး ပြောသွားတာပါ။

ကြားနားစစ်ဆေးခံသူတဦးဖြစ်တဲ့ နိုင်ငံခြားရေးဌာန ဒီမိုကရေစီ လူ့အခွင့်အရေးနဲ့ အလုပ်သမားရေးရာ ဒုတိယ လက်ထောက်နိုင်ငံခြားရေးဝန်ကြီး Daniel Bair ကလည်း ဒီအချက်ကို လက်ခံပါတယ်။ အခုလာမယ့် ၂၀၁၅ ခုနှစ် ရွေးကောက်ပွဲဟာ အရင်တုန်းက ၂၀၁၀ ရွေးကောက်ပွဲနဲ့ မတူ ကွဲလွဲပြီး မြန်မာနိုင်ငံအတွက် သမိုင်းတွင်မယ့် ဖြစ်ရပ်ဖြစ် လာလိမ့်မယ်လို့ မျှော်လင့်တဲ့အကြောင်း ပြောသွားပါတယ်။

ဒါပေမယ့်လည်း ၂၀၁၅ မတိုင်ခင် ခရီးလမ်းမှာ အခက်အခဲတွေ အတားအဆီးတွေ ရှိလာနိုင်တယ်လို့လည်း တွက်ဆပါတယ်။ အခုလို နိုင်ငံရေးအရ အခြေအနေတွေ တိုးတက်လာဖို့ဆိုရင် အရပ်ဖက်လူမှုအဖွဲ့အစည်းတွေ အားကောင်းခိုင်မာလာရေးဟာ အရေးကြီးတယ်လို့ ဒု လက်ထောက် နိုင်ငံခြားရေးဝန်ကြီး Daniel Bair က ပြောသွားပါတယ်။

“တိုင်းပြည်ရဲ့ အရပ်ဖက်လူ့အဖွဲ့အစည်းတွေ ခိုင်မာအားကောင်းလာတော့မှ မြန်မာနိုင်ငံရဲ့ဖူးပွင့်စ ဒီမိုကရေစီအသွင်ကူးပြောင်းမှုဟာလည်း အောင်မြင်နိုင်မှာဖြစ်ပါတယ်။ အရပ်ဖက် လူ့အဖွဲ့အစည်းတွေ အားကောင်းမှုဟာ၊ အသွင်ကူးပြောင်းရေးကို အထောက်အကူပြုနိုင်ပါတယ်။ ဒါကြောင့်လည်းပဲ အကျဉ်းထောင်တွေက ပြန်လွတ် လာတဲ့ နိုင်ငံရေးခေါင်းဆောင်တွေအနေနဲ့ လူ့အဖွဲ့အစည်း အတွင်း နိုင်ငံသား အခွင့်အရေးတွေ ပြန်လည်ရရှိစေဖို့ ကျနော်တို့ ဆက်ပြီး တွန်းအားပေးနေ ပါတယ်။ အစိုးရအနေနဲ့လည်း မကြာခင်က ဖွဲ့လိုက်တဲ့ နိုင်ငံရေး အကျဉ်းသားစီစစ်ရေးကော်မတီ အပါအ၀င် အဲဒီ့ အရပ်ဖက်လူ့အဖွဲ့အစည်းတွေကို တိုက်ရိုက်ထိတွေ့ ဆက်ဆံမှုတွေလုပ်ဖို့ အားပေးတိုက်တွန်းနေပါတယ်။”

နိုင်ငံခြားရေးဌာန အာရှ ပစိဖိတ်ရေးရာ လက်ထောက်နိုင်ငံခြားရေးဝန်ကြီး ဂျိုးဆက် ယွန်းကလည်း မြန်မာနိုင်ငံမှာ အပြုသဘောဆောင်တဲ့ တိုးတက်ပြောင်းလဲမှုတွေကြောင့် အမေရိကန်- မြန်မာ နှစ်နိုင်ငံ ဆက်ဆံရေးပိုင်းမှာ အခန်းကဏ္ဍသစ် ပွင့်လာစေတယ်လို့ ပြောပါတယ်။ အထူးသဖြင့်တော့ ပြီးခဲ့တဲ့နှစ် နိုဝင်ဘာလတုန်းက အမေရိကန် သမ္မတ အိုဘားမား မြန်မာနိုင်ငံသွားရောက်ခဲ့တာကို ထောက်ပြပါတယ်။ ပြီးခဲ့တဲ့ နှစ်နှစ်အတွင်း အပြောင်းအလဲတွေဟာ မျှော်မှန်းတာထက်ကို ပိုမိုခဲ့တာကြောင့်၊ မြန်မာနိုင်ငံ အခြေအနေအပေါ်မှာ အကောင်းမြင်တယ်လို့ သူက သုံးသပ်ပါတယ်။ ဒီထက် ပိုမို တိုးတက်လာဖို့ မြန်မာနိုင်ငံ တွင်းက ပြုပြင်ပြောင်းလဲရေးလိုလားသူတွေ အားကောင်းခိုင်မာလာအောင် အမေရိကန်ပြည်ထောင်စုက ထိစပ် ကူညီသွားမှာဖြစ်ပါတယ်လို့ ဂျိုဆက် ယွန်းက ပြောပါတယ်။

“သမ္မတ အိုဘားမားရဲ့ ပြီးခဲ့တဲ့ မြန်မာနိုင်ငံခရီးစဉ်အတွင်းမှာ မြန်မာနိုင်ငံမှာ တိုးတက်မှုတွေရှိလာဖို့ အမေရိကန်ပြည်ထောင်စုက အကူအညီပေးမယ်ဆိုတာကို အဓိက အလေးပေးပြောခဲ့ပါတယ်။ အထူးသဖြင့်ကတော့ လူ့အခွင့်အရေးဆိုင်ရာ အကဲစမ်းချက်တွေကို ဖြေရှင်းတဲ့နေရာမှာ အကူအညီပေးဖို့ပါ။ ဒါ့အပြင် ပြုပြင်ပြောင်းလဲရေးလိုလားသူတွေ အားကောင်းလာဖို့အတွက် ကျနော်တို့ အကူအညီတွေ ပေးသွားမျာပါ။ အပြုသဘော တိုးတက်မှုတွေကို မြင်တွေ့နေရတဲ့ တချိန်တည်းမှာပဲ၊ လူ့အခွင့်အရေးဆိုင်ရာ လိုအပ်ချက်တွေ ဒီမိုကရေစီရေးမှာ အားနည်းနေတာတွေကို တိုးတက်ကောင်းမွန်လာဖို့အတွက်လည်း ဆက်ပြီး တွန်းအားပေးသွားမှာပါ။”

ဒါပေမယ့်လည်း ဒီလိုအခြေအနေမှာပဲ စိုးရိမ်ပူပင်စရာ စိန်ခေါ် အကဲစမ်းချက်တွေကတော့ ရှိနေတုန်းပဲလို့ မစ္စတာယွန်းက ထောက်ပြခဲ့ပါတယ်။ အဲဒီထဲ တိုင်းရင်းသားလူနည်းစုပြဿနာ နှစ်ခု ရှိနေတယ်လို့ ထောက်ပြပါတယ်။ တခုကတော့ ကချင်ကိစ္စဖြစ်ပြီး၊ နောက်တခုကတော့ ရိုဟင်ဂျာ လူနည်းစုကိစ္စလို့ ဆိုပါတယ်။ မြန်မာနဲ့ ဆက်ဆံမှုတွေ တိုးမြင့်လာတဲ့အချိန် ဖွံဖြိုးရေးအကူအညီတွေ တိုးပေးသလိုပဲ၊ စစ်ဖက်ချင်း ဆက်ဆံရေးကိုလည်း ခြေလှမ်းငယ်သဘော စတင်လှမ်းလာပြီလို့ မစ္စတာ ယွန်းက ပြောခဲ့ပါတယ်။ ကြားနာပွဲမှာ ပါဝင်တဲ့ Freedom House လူ့အခွင့်အရေးအဖွဲ့က Ellen Bork ကတော့ မြန်မာနိုင်ငံမှာ အပြောင်းအလဲတွေရှိပေမယ့်လည်း၊ လက်ရှိ ထားတဲ့ အမေရိကန်ပြည်ထောင်စုရဲ့ မြန်မာနိုင်ငံအပေါ် အရေးယူဒဏ်ခတ်မှုတွေအားလုံး အလျင်အမြန် ပြန်လည် ရုပ်သိမ်းသွားမျာကို စိုးရိမ်တယ်လို့ဆိုပါတယ်။ အထူးသဖြင့် ၂၀၁၅ ခုနှစ် ရွေးကောက်ပွဲ ရလဒ်အထိ စောင့်ကြည့်သင့်တယ်၊ စစ်တပ်က နိုင်ငံရေးထဲ ပါဝင်နေမှု လျှော့ချ လာတဲ့အထိ စောင့်ကြည့်သင့်တယ်လို့ အကြံပြုသွားတာတွေ့ရပါတယ်။
VOA Burmese Fan Page

မိတ္တီလာအရေး နိုင်ငံတကာစိုးရိမ်

မိထ္ထီလာမြို့ မြင်ကွင်း (မတ်လ ၂၁၊ ၂၀၁၃)

21.03.2013
မြန်မာနိုင်ငံတွင်း မိတ္တီလာမြို့မှာ ဖြစ်တဲ့ အကြမ်းဖက်မှုတွေကြောင့် နိုင်ငံတကာမှာ လည်း မြန်မာနိုင်ငံ အခြေအနေ အပေါ် စိုးရိမ်မှုတွေ တိုးလာပါတယ်။ နောက်ကွယ်က လှုံဆော် မှုတွေ ရှိခဲ့တယ် လို့လည်း ယူဆမှုတွေရှိပါတယ်။ နားလည်မှုလွဲနေတဲ့ လူမှုအသိုင်း အ၀ိုင်းကြား ပြန်လည် သင့်မြတ်လာအောင် အစိုးရနဲ့ လူမှုအဖွဲ့အစည်းခေါင်းဆောင်တွေ ကြိုးပမ်းနေတာတွေကိုလည်း အသိအမှတ်ပြု ကြိုဆိုကြပါတယ်။ အပြည့်အစုံကို ကိုသားညွန့်ဦးက တင်ဆက်ပေးမှာပါ။

မိတ္တီလာမြို့မှာ ဗုဒ္ဓဟူးနေ့က လူမျိုးရေးဆန်တဲ့ အကြမ်းဖက်မှုတွေကြောင့် အာဏာပိုင်တွေက ပုဒ်မ ၁၄၄ ထုတ်ပြန်ထားရပေမယ့်၊ အခြေအနေတွေက လုံးဝငြိမ်သက်သွားသေးတာတော့မဟုတ်ပါဘူး။ မနေ့ကအထိ မီးရှို့မှုတွေ လူထိခိုက်သေဆုံးမှုတွေ ရှိနေခဲ့ပါတယ်။ လုံခြုံရေးတာဝန်ရှိသူတွေက လုံခြုံရေးဆောင်ရွက်ပေးနေသလို၊ ၈၈ မျိုးဆက်ခေါင်းဆောင် မင်းကိုနိုင် မိတ္တီလာ NLD အမတ် ဦးဝင်းထိန် စတဲ့ နိုင်ငံရေးခေါင်းဆောင်တွေ ဘာသာရေးခေါင်းဆောင်တွေကလည်း သွေးဆူနေတဲ့ လူအုပ်တွေကို ဖြောင့်ဖျနေရပါတယ်။ ဒီ အခြေအနေကနေ ပိုဆိုးလာမှာကို နိုင်ငံတကာမှာလည်း စိုးရိမ်မှုတွေ တိုးလာပါတယ်။ ၀ါရှင်တန်ဒီစီမှာရှိတဲ့ အမေရိကန် နိုင်ငံခြားရေး ဌာန ပြောခွင့်ရသူ ကတော့ လူမှုအသိုင်းအ၀ိုင်းအကြား ပြန်လည်သင့်မြတ်ရေးအတွက် အခုလို ကြိုးပမ်းဆောင်ရွက်သူတွေကို ကြိုဆိုအားပေးတဲ့အကြောင်း ဗွီအိုအေ မြန်မာပိုင်းကို ပြောပါတယ်။

“မန္တလေးတိုင်း မိတ္တီလာမြို့နယ်အတွင်း အကြမ်းဖက်မှုတွေကြောင့် အသက်ဆုံးရှုံးမှုတွေ၊ အိုးအိမ်စည်းစိမ်းပျက်စီးဆုံးရှုံးမှုတွေဖြစ်တယ်ဆိုတဲ့ သတင်းတွေကြောင့် အလွန်တရာ စိုးရိမ်မကင်းဖြစ်ရပါတယ်။ အကြမ်းဖက်မှုကြောင့် နစ်နာဆုံးရှုံးသူ အသက်ဆုံးရှုံးသူတွေ သူတို့မိသားစုဝင်တွေနဲ့ ထပ်တူ ၀မ်းနည်းကြေကွဲကြောင်း ပြောလို ပါတယ်။ ပြန်လည် တည်ငြိမ်မှုရအောင်၊ အပြန်အလှန်လေးစားသမှုနဲ့ စိတ်ရှည်သည်းခံမှုတွေ ရှိအောင်၊ ဆွေးနွေး ညှိုနှိုင်းမှုဖြစ်အောင် ကြိုးပမ်းအားထုတ်နေကြတဲ့ လူမှုအဖွဲ့အစည်းက ခေါင်းဆောင်တွေ၊ အစိုးရခေါင်းဆောင်တွေကိုလည်း အားပေးကြိုဆိုပါတယ်။ အခြေအနေတွေကို အမေရိကန်ပြည်ထောင်စုအနေနဲ့ အနီးကပ် စောင့်ကြည့်နေပါတယ်။”

ရန်ကုန် အမေရိကန်သံရုံးက သံအမတ်ကြီး Derek Mitchell မြန်မာနိုင်ငံ ဆိုင်ရာ ကုလသမဂ္ဂဌာနေ ကိုယ်စားလှယ်တို့ကလည်း ဒီအဖြစ်အပျက်အပေါ် စိုးရိမ်မကင်းဖြစ်ကြောင်း ကြေညာချက် ထုတ်ခဲ့ကြပြီး၊ ဒီပြဿနာကို ဦးစားပေး အလေးထားဖြေရှင်းဖို့ အာဏာပိုင်တွေကို တိုက်တွန်းတောင်းဆိုပါတယ်။ ဖြစ်စအချိန်တွေမှာ လုံခြုံရေးပိုင်းက ကိုိင်တွယ်မှု အားနည်းခဲ့တာတွေကြောင့်ဆိုပြီး၊ အာဏာပိုင်တွေကို အပြစ်တင်မှုတွေရှိသလို၊ နောက်ကွယ်မှာ လှုံဆော်မှုတွေရှိနေတယ် ဆိုတဲ့ သတင်းတွေ ကျယ်ကျယ်ပြန့်ပြန့်ထွက်နေပါတယ်။ အထူးသဖြင့်တော့ ဒီ မတိုင်ခင်ကတည်းက ဘာသာရေးလှုံဆော်စာတွေ ထွက်လာတာကို ထောက်ပြကြပါတယ်။ ဒီအခြေအနေတွေကြောင့် မြန်မာနိုင်ငံတွင်း ဘာသာရေး တင်းမာမှုတွေ ရှိလာနေတယ်လို့ Burma Campaign UK အဖွဲ့က Mark Farmaner က ဗွီအိုအေကို ပြောပါတယ်။

“ဒီအကြမ်းဖက်မှုတွေဖြစ်လာအောင် တမင်သက်သက်နောက်ကွယ်ကနေ လှုံဆော်နေတယ် ဆိုတဲ့အချက်ကို ကျနော်တို့ အတော်လေး စိုးရိမ်သလို၊ ဗြိတိသျှအစိုးရကိုယ်တိုင်ကလည်း ဒီအချက်ကို ထောက်ပြပြောထားပါတယ်။ မြန်မာနိုင်ငံထဲမှာ ဘာသာရေးတင်းမာမှုတွေက ကြီးထွားလာပါတယ်။ စာရွက် စာတမ်းတွေ အထူးသဖြင့် မွတ်ဆလင် ဆန့်ကျင်ရေးစာတွေ ပြန့်နေပါတယ်။”

ဗြိတိသျှနိုင်ငံခြားရေးရုံး ၀န်ကြီး Alistair Burt ကလည်း အကြမ်းဖက်မှုတွေကို ရပ်တန့်သွားစေဖို့ ဆိုင်ရာ သက်ဆိုင်ရာအဖွဲ့အစည်းအားလုံးကို တိုက်တွန်းတောင်းဆိုနေပါတယ်။ အရပ်သားတွေကို အကာအကွယ်ပေးဖို့၊ အဖြစ်အပျက်နောက်ကွယ်မှာရှိတဲ့ ရန်လိုမုန်တီးမှုတွေ အတွက် ပြေလျှော့အောင်ဆောင်ရွက်ပေးဖို့ အစိုးရအာဏာပိုင်တွေကို တိုက်တွန်းပါတယ်။ တချိန်တည်းမှာပဲ ဗြိတိသျှသံအမတ်ကြီးကလည်း ဒီကိစ္စနဲ့ပတ်သက်လို့ အစိုးရပိုင်းက တာဝန်ရှိသူတွေ ဘာသာရေးခေါင်းဆောင်တွေကို ဆွေးနွေး တိုက်တွန်းနေတယ်လို့ သိရပါတယ်။ Mark Farmaner ကလည်း နိုင်ငံတကာလက်ခံနိုင်မယ့် တည်ငြိမ်မှုဖြစ် လာရေး နိုင်ငံရေးခေါင်းဆောင်တွေဆောင်ရွက် သွားဖို့ အရေးကြီးတယ်လို့ ပြောပါတယ်။

“လူမှုအသိုင်းအ၀ိုင်းအချင်းချင်း အပြန်အလှန် နားလည်မှုလွဲမှားနေတာတွေ၊ တင်းမာနေတာတွေ၊ ရန်လိုနေတာတွေ လျှော့ကျသွားပြီး အချင်းချင်း ပြန်လည် နီးစပ် လာစေဖို့ နိုင်ငံရေးခေါင်းဆောင်တွေ အနေနဲ့ နိုင်ငံတကာ အသိုင်းအ၀ိုင်းရဲ့ထောက်ခံမှုနဲ့အတူ လုပ်ကိုင်ဆောင်ရွက် သွားဖို့ အရေးကြီးပါတယ်။ မြန်မာနိုင်ငံမှာက ယုံကြည်သက်ဝင်မှု ဘာသာစုံရှိပါတယ်။ တဦးနဲ့တဦး အပြန်အလှန်လေးစားမှုရှိပြီး ငြိမ်းချမ်းစွာ အတူနေထိုင်သွားနိုင်ကြဖို့ အရေးကြီးပါတယ်။”

Amnesty International နိုင်ငံတကာလူ့အခွင့်အရေးအဖွဲ့ကြီးကလည်း ဒီဖြစ်ရပ်အပေါ်မှာ စိုးရိမ်ပူပင်ကြောင်းနဲ့၊ တာဝန်ရှိသူတွေကို ဖော်ထုတ်အရေးယူဖို့အတွက် လွတ်လပ်တဲ့ စုံစမ်းစစ်ဆေးရေး အမြန်ဆုံးဆောင်ရွက်ဖို့ အာဏာပိုင်တွေကို တိုက်တွန်းပါတယ်။ အခုလက်ရှိအခြေအနေကို ရပ်တန့်မကိုင်တွယ်နိုင်ဘူးဆိုရင်တော့ အကြမ်းဖက်မှုတွေဟာ ကူးစက်ပျံပွားလာမယ့် အန္တရယ်ရှိနေတယ်လို့လည်း သတိပေးထားပါတယ်။
ကိုသားညွန့်ဦး
VOA Burmese Fan Page

ဒါ..သမီးလင်နောက်လိုက်တာ အချိန်ဆွဲလို့မရဘူးနော်

FB ထိထိ မိမိ တစ်ကွက်ကောင်း ကာတွန်း

ပြန်လည်ဖေါ်ပြလိုက်ပါတယ်။

မိတ္ထီလာ အရေးအခင်း စုံစမ်းရေးကော်မရှင်ဖွဲ့

မနေ့က မိတ္ထီလာမြို့ ရွှေဆိုင်တစ်ခုမှာ အရောင်းအဝယ် စကားများကြရာက စတင်ဖြစ်ပွားခဲ့တဲ့ အဓိကရုဏ်းဟာ ဒီကနေ့အထိ ဆက်လက်ဖြစ်ပွားခဲ့တာကြောင့် ဒီကိစ္စနဲ့ ပတ်သက်ပြီး အဖြစ်မှန်ဖော်ထုတ်ဖို့ မန္တလေးတိုင်းဒေသကြီး အစိုးရအဖွဲ့က စုံစမ်းစစ်ဆေးရေးအဖွဲ့ကို အရေးပေါ် ဖွဲ့စည်းလိုက်ပါတယ်။

ဒီအဖွဲ့မှာ ဥက္ကဌအဖြစ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်ကျော်မျိုး၊ အဖွဲ့ဝင်တွေအဖြစ် တိုင်းဒေသကြီး လွှတ်တော်ကိုယ်စားလှယ် ဦးကျော်အေး၊ ဒုတိယ တိုင်းဒေသကြီးရဲတပ်ဖွဲ့မှူး ဒုရဲမှူးကြီးထွန်းနိုင်၊ မိတ္ထီလာခရိုင် ရဲတပ်ဖွဲ့မှူး ဒုရဲမှူးကြီးမောင်မောင်မြင့်နဲ့ အတွင်းရေးမှူးအဖြစ် မိထ္ထီလာခရိုင် အုပ်ချုပ်ရေးမှူး ဦးတင်မောင်စိုးတို့ ပါဝင်ပါတယ်။

ဖြစ်စဉ်အသေးစိတ် အစီရင်ခံစာကို သီတင်းတစ်ပတ်အတွင်းမှာ ပြန်လည်တင်ပြရမယ်လို့ မန္တလေးတိုင်းဒေသကြီး အစိုးရအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။

မိတ္ထီလာမြို့မှာ အခုချိန်အထိ ပုဒ်မ ၁၄၄ ထုတ်ပြန်ထားဆဲ ဖြစ်ပါတယ်။

မနေ့ကနဲ့ ဒီကနေ့ နှစ်ရက်ဆက်တိုက် ဖြစ်ပွားခဲ့တဲ့ အဓိကရုဏ်းကြောင့် မိတ္ထီလာမြို့ကနေ မိုင်တစ်ရာခန့်ဝေးတဲ့ ကျောက်ပန်းတောင်းမြို့မှာလည်း မြို့ဝင်ပေါက်၊ ထွက်ပေါက်တွေမှာ အာဏာပိုင်တွေက လုံခြုံရေးအင်အား အပြည့်ချထားတယ်လို့ ကျောက်ပန်းတောင်း NLDပါတီဝင် ဦးအေးခိုင်က ဆိုပါတယ်။
RFA Burmese

လူမှုရေးကိစ္စကနေ ဘာသာရေး ပြဿနာအဖြစ် မဖန်တီးကြဖို့ သီတဂူဆရာတော် တိုက်တွန်း

မနေ့က မတ်လ ၂၀ ရက်နေ့က မိတ္ထီလာမြို့မှာ ဖြစ်ပွားခဲ့တဲ့ အဓိကရုဏ်းတွေရဲ့ အကြောင်းရင်းခံဟာ ဈေးအရောင်းအဝယ်ကိစ္စကို လူမူရေးကိစ္စ ဘာသာရေးကိစ္စတွေနဲ့ ရှုမြင်တဲ့အတွက် နိုင်ငံတော်ရဲ့အနာဂတ်မှာ ရှုပ်ထွေးတဲ့လမ်းကြောင်းတွေ ဖြစ်လာတယ်လို့ သီတဂူဆရာတော် အရှင်ဥာဏိဿရက ဒီကနေ့ RFA ကိုမိန့်ကြားပါတယ်။

"ဈေးအရောင်းအဝယ်ကိစ္စကို လူမှုရေးကိစ္စတွေ၊ဘာသာရေးကိစ္စတွေနဲ့ ရောပြီးတော့ အကုန်လုပ်ကြတဲ့အတွက်ကြောင့် နိုင်ငံမှာရှုပ်ထွေးတဲ့ ပြဿနာတွေ၊သူ့လမ်းကြောင်းနဲ့သူ ရှင်းရှင်းလင်းလင်း အလုပ်မလုပ်ကြတဲ့ တို့လူမျိုးတွေ၊ တို့နိုင်ငံမှာနေတဲ့ လူသားတွေအားလုံးပေါ့၊ အဲလိုအလုပ်မလုပ်တတ်ကြတာ တိုင်းပြည်အနာဂတ်မှာ စိုးရိမ်စရာတွေ ရှိတယ်"

ဒါ့အပြင် မြန်မာနိုင်ငံ အထက်ပိုင်းမြို့တွေမှာ သီတင်းသုံးတဲ့ သံဃာတော်တွေ မိတ္ထီလာမြို့ကို ကြွရောက်ဖို့ ပြင်နေကြတဲ့ကိစ္စနဲ့ ပက်သက်ပြီးတော့ သီတဂူဆရာတော်က အခုလို မေတ္တာရပ်ခံ ပန်ကြားပါတယ်။

"သံဃာတော် အရှင်မြတ်တို့ကလည်း ဆူပူမှုထဲပါဝင်တဲ့ ဆူပူလှုပ်ရှားသူများ မဖြစ်အောင်၊ ဆူပူမှုကိုဝိုင်းထိန်းတဲ့ ဘုရားသားတော်တွေပဲ ဖြစ်ချင်တယ်၊ ဆူပူမှုထဲပါဝင်တဲ့ ဆူပူသောင်းကျန်းသူများမဖြစ်အောင် စောင့်ဆည်းတော်မှုကြပါ"

ဆက်လက်ပြီးတော့ ပဋိပက္ခကိုဖြေရှင်းဖို့ ကြိုးစားနေတဲ့ လုံခြုံရေးတပ်ဖွဲ့ဝင်များကိုလည်း ဥပဒေအတိုင်း ထိန်းထိန်းသိမ်းသိမ်း လုပ်ကိုင်ကြဖို့ အခုလို ပြောပါတယ်။

"လုံခြုံရေးတပ်ဖွဲ့ဝင်တွေလည်း ခြေလွန်လက်လွန်မဖြစ်ကြပဲ ဥပဒေအတိုင်း ထိန်းထိန်းသိမ်းသိမ်းလုပ်ကြပါ၊ ဥပဒေထဲမှာ ပညာ၊ ကရုဏာပါလို့ရှိရင် ဒီဥပဒေမှာ ငြိမ်းချမ်းရေးနဲ့ ညီညွတ်ရေးကို အားပေးရာရောက်ပါတယ်၊ ကရုဏာ၊ ပညာကို လက်လွတ်ပြီး တစ်ခါတစ်ခါ ဒေါသလွန်ကဲလာရင် ဆူပူမှုကို ကိုယ်တိုင်အားပေးသလို ဖြစ်လာတတ်ပါတယ်"

မနေ့နေ့လည်က စတင်ဖြစ်ပွားခဲ့တဲ့ အဓိကရုဏ်းကြောင့် ယခုအချိန်ထိ သံဃာတော်တစ်ပါးနဲ့ မြို့ခံလေးဦး သေဆုံးခဲ့ပြီး၊ မိတ္ထီလာမြို့ရဲ့ မင်္ဂလာဇေယျုံနယ်မြေနဲ့ သီရိမင်္ဂလာရပ်ကွက်တွေမှာ မီးလောင်ကျွမ်းမှုတွေ ဖြစ်ပေါ်နေပါတယ်။
RFA Burmese

သင်္ကြန်ရက်အတွင်း ရန်ကုန်တိုင်း မြို့နယ်၂၀ ကို မူလအတိုင်း ရေပေးမည်

ကြာသပတေးနေ့၊ မတ်လ ၂၁ ရက် ၂၀၁၃
ရန်ကုန် (မဇ္ဈိမ)။ ။ လာမည့် သင်္ကြန်ရက်များတွင် ရန်ကုန် စည်ပင်သာယာ နယ်နိမိတ် အတွင်းရှိ မြို့နယ် ၂၀ အား ပုံမှန်အတိုင်း ရေပေးဝေသွားမည်ဖြစ်ကြောင်း စည်ပင်သာယာရေး ကော်မတီက ဆိုသည်။

တာမွေ၊ မင်္ဂလာတောင်ညွှန့်၊ ပုဇွန်တောင်၊ ဗိုလ်တထောင်၊ မင်္ဂလာဒုံ၊ အင်းစိန်၊ မရမ်းကုန်း၊ ရန်ကင်း၊ ကမာရွတ်၊ လှိုင်၊ လှိုင်သာယာ၊ ရွှေပြည်သာ၊ တောင်ဥက္ကလာ၊ မြောက်ဥက္ကလာ၊ သင်္ကန်းကျွန်း၊ သာကေတ၊ ဒေါပုံ၊ ဒဂုံမြို့သစ် မြောက်ပိုင်း၊ ဒဂုံမြို့သစ် တောင်ပိုင်းနှင့် အရှေ့ ဒဂုံမြို့နယ်တို့အား သင်္ကြန် အကြိုနေ့မှ အတက်နေ့အထိ ပေးဝေနေကျ အစီအစဉ်အတိုင်း ရေပေးသွားမည်ဟု စည်ပင်ကော်မတီ၊ အင်ဂျင်နီယာဌာန (ရေသန့်နှင့် သန့်ရှင်းမှု) ဌာနမှ ပြောသည်။

“ကျန်မြို့နယ်တွေဖြစ်တဲ့ မြို့လယ်ပိုင်းက မနက် ၇ နာရီမှ ၁၁ နာရီအထိရယ်၊ ညနေ ၃ နာ၇ီမှ ၆ နာရီအထိလို့ တနေ့ နှစ်ကြိမ်နဲ့ အလုံ၊ ကြည့်မြင်တိုင်၊ စမ်းချောင်းမြို့နယ်တို့ကိုတော့ မနက် ၇ နာရီကနေ ၁၀ နာရီအထိ တနေ့ တကြိမ် ရေပေးသွားမှာပါ။ အဲဒီ အချိန်အတိုင်း မဏ္ဍပ်တွေကိုလည်း ပေးသွားမှာပါ။ အခါတိုင်းနှစ်အတိုင်း ပေးဝေသွားမှာ ဖြစ်ပါတယ်” ဟု ဒု-ဌာနမှူး ဦးအောင်ဆန်းဝင်း က ပြောသည်။

ရန်ကုန် မြို့လယ်ပိုင်းရှိ မြို့နယ်များမှာ ကျောက်တံတား၊ ပန်းဘဲတန်း၊ လသာ၊ လမ်းမတော်၊ ဗဟန်း၊ ဒဂုံမြို့နယ်တို့ ပါဝင်သည်။

ရေကစား မဏ္ဍပ်များတွင် ၁ လက်မမှ ၁.၅ လက်မနှင့် ၂ လက်မ ပိုက်လိုင်းများသာ စည်ပင် ရေပေးဝေရေး ပိုက်လိုင်းမှ သွယ်ယူ အသုံးပြုခွင့် ပေးသွားမည် ဖြစ်သည်။

“စည်ပင်က ရေ ယူသုံးမယ့် မဏ္ဍပ်တွေအနေနဲ့ ၁ လက်မနဲ့ ၁.၅ ပိုက်သုံးရင် ကျပ် ၁ သိန်း၊ ၂ လက်မပိုက်က ကျပ် ၁ သိန်းခွဲ ပေးသွင်းရပါမယ်။ အင်းလျားနဲ့ ကန်တော်ကြီးက ရေ ယူသုံးသူတွေအနေနဲ့ ၃ လက်မ ပိုက်လိုင်းကို ခွင့်ပြုပေးသွားမှာ။ ၃ လက်မ ပိုက်သုံး မဏ္ဍပ်တွေက ရေသွယ်ယူခ ကျပ် ၂.၂ သိန်းကို သင်္ကြန်အကြိုနေ့ နေ့လည် ၁၂ နာရီအမီ ပေးသွင်းရမှာ ဖြစ်ပါတယ်” ဟု မဏ္ဍပ် ဆောက်ရန် စီစဉ်နေသူ ဦးအောင်မင်း က ဆိုသည်။

အဆိုပါ ရေပိုက်ဖိုးများမှာ ယခင်နှစ်နှုန်းထားထက် ထက်ဝက်ခန့် တက်လာကြောင်း သိရသည်။
ခင်မျိုးသွယ်
Mizzima - News in Burmese