အဲပုဂံ Black Box စစ်ဆေးမှု ပြီးစီး

ရန်ကုန်၊ ဇန်နဝါရီ ၂၉

အဲပုဂံ လေယာဉ် ပျက်ကျရသည့် အကြောင်းရင်းကို သိရှိနိုင်ရန် သြစတြေးလျ နိုင်ငံသို့ ပို့ဆောင် စစ်ဆေးခဲ့သော လေယာဉ် ၏ Black Box စစ်ဆေးမှု ပြီးစီး သွားပြီ ဖြစ်ကြောင်း စုံ စမ်း စစ်ဆေးရေး ကော်မရှင် ဥက္ကဋ္ဌ ဦးဝင်းဆွေထွန်း က ပြောကြားသည်။

Black Box မှ စစ်ဆေး ရရှိသည့် အဖြေကို လက်ရှိ တွင် ပို့ဆောင်ရေး ဝန်ကြီး ဌာနသို့ ပို့ဆောင် ထားပြီး မကြာမီ တရားဝင် ထုတ်ပြန် သွားမည် ဖြစ်ကြောင်း စုံစမ်း စစ်ဆေးရေး ကော်မရှင် ဥက္ကဋ္ဌ ဦးဝင်းဆွေထွန်း က ပြောကြားသည်။

လူနှစ်ဦး သေဆုံး ခဲ့သော လေယာဉ် ပျက်သည့် အကြောင်းရင်း သိနိုင်ရန် Black Box ကို သြစတြေးလျ နိုင်ငံသို့ ဇန်နဝါရီ ၁၈ ရက် နေ့တွင် ပို့ဆောင် စစ်ဆေးခဲ့ပြီး ၂၅ ရက် နေ့တွင် စစ်ဆေးမှု ပြီးစီး ခဲ့သည်။The Voice Weekly

အမေရိကန် အပြည်ပြည်ဆိုင်ရာ ဖွံ့ဖြိုးရေးအေဂျင်စီ (USAID) မှ ရခိုင်ပြည်နယ်ရှိ ဒုက္ခသည်များသို့ ဒေါ်လာ ၄ .၂ သန်း ထပ်မံကူညီ

Wednesday, 30 January 2013
အမေရိကန် အပြည်ပြည်ဆိုင်ရာ ဖွံ့ဖြိုးရေးအေဂျင်စီ(USAID) မှ ရခိုပြည်နယ်ရှိ ဒုက္ခသည်များအတွက် အမေရိကန်ဒေါ် လာ ၄.၂ သန်းကို ထပ်မံကူညီခဲ့ကြောင်း ဇန်န၀ါရီ ၃၀ ရက်တွင် မြန်မာနိုင်ငံဆိုင်ရာ အမေရိကန်သံရုံးက ထုတ်ပြန် ကြေညာချက်အရ သိရသည်။

အဆိုပါ ကြေညာချက်တွင် ရခိုင်ပြည်နယ်တွင် လူ့အဖွဲ့အစည်း အချင်းချင်း ပဋိပက္ခသည် ဇွန်လတွင် ဖြစ်ပွား ခဲ့ပြီး အောက်တိုဘာလတွင် ထပ်မံဖြစ်ပွားခဲ့ရာ ခန့်မှန်းခြေ လူဦးရေ ၁၁၅၀၀၀ နေရပ်ကို စွန့်ခွာ ထွက်ပြေး ရပြီး အသက်အိုးအိမ်နှင့် လုပ်ငန်းများ ဆုံးရှုံးပျက်စီးခဲ့ရပါကြောင်း၊ ကုလသမဂ္ဂအဖွဲ့ကြီး၊ နိုင်ငံတကာ ကယ်ဆယ်ရေးအဖွဲ့များ၊ ပြည်တွင်းရှိ အစိုးရမဟုတ်သော အဖွဲ့များနှင့် အမေရိကန်အစိုးရတို့မှ တာဝန်ရှိ သူများသည် စားနပ်ရိက္ခာ၊ အာဟာရ၊ ကျန်းမာရေး၊ အမိုးအကာ၊ ရေနှင့် မိလ္လာစနစ်များအပြင် အကာအကွယ်ပေးမှု၊ အစားအစာ မဟုတ်သော ပစ္စည်းများ၊ ပညာရေး၊ စခန်းများ ချိတ်ဆက်မိရေးနှင့် စီမံခန့်ခွဲရေးများပါ အရေးတကြီး လိုအပ်နေကြောင်း အစီရင်ခံခဲ့ကြကြောင်း ဖော်ပြပါရှိ သည်။

ပြည်သူများခံစားနေရသော ဒုက္ခများ အမြန်ဆုံးသက်သာစေရန် အကူအညီသစ်တွင် လူ ၁၁၅၀၀၀ အတွက် နှစ်လခွဲစာ စားသောက်ကုန်များ၊ ဒုက္ခရောက်နေသော လူများထက်ထဲ အသက်ကယ် အကူအညီများကို ထိရောက်စွာ ဖြန့်ဖြူးနိုင်ရေးအတွက် ထောက်ပံ့ပို့ဆောင်ရေး အကူအညီ၊ ပဋိပက္ခဒဏ်ခံ မိသားစု ၂၀၀၀ ခန့်အတွက် အခြေခံ အိမ်ထောင်သုံးပစ္စည်းများနှင့် အမျိုးသမီးနှင့် ကလေးများအကြား တစ်ကိုယ်ရေသန့်ရှင်းရေး၊ ပညာပေး ရေး၊ ဘေးကင်းရေးနှင့် သင့်တင့်သော တစ်ကိုယ်ရေ သန့်ရှင်းရေး နည်းစဉ်များကို မြှင့်တင်အားပေးရေးများလည်း ပါဝင်ကြောင်းကို ဖော်ပြထားသည်။

ယင်းအကူအညီများကို USAID ၏ နိုင်ငံခြားကပ်ဒုက္ခများ အကူအညီပေးရေးရုံး (OFDA) နှင့် ငြိမ်းချမ်းရေးအတွက် စားနပ်ရိက္ခာ (FFP) တို့က ကုလသမဂ္ဂ စားနပ်ရိက္ခာ အစီအစဉ် (WFP) နှင့် Save the Children တို့မှတစ်ဆင့် ပေးခဲ့ခြင်း ဖြစ်ပါကြောင်း၊ အကူအညီများကို ရခိုပြည်နယ်အတွင်းရှိ လိုအပ်နေသူ မည်သည့် လူမျိုးစုကိုမဆို လူမျိုးဘာသာ ခွဲခြားမှုမရှိဘဲ၊ ဒုက္ခကြုံတွေ့နေ ရသော ပြည်သူများ၏ ဂုဏ်သိက္ခာကို လေးစားမှုရှိခြင်း၊ အကူအညီ ထောက်ပံ့မှုများကိုလည်း နိုင်ငံတကာ စံမီခြင်းများ အပါအ၀င် နိုင်ငံတကာမူများ၏ လမ်းညွှန်ချက်အတိုင်း ပေးသွားမည်ဖြစ်ကြောင်း ထုတ်ပြန် ကြေညာခဲ့သည်။

ရခိုင်ပြည်နယ်ရှိ အကြမ်းဖက်ခံခဲ့ရသူများအတွက် အမေရိကန် ပြည်ထောင်စုမှ ထပ်မံကူညီသော ဒေါ်လာ ၄.၂ သန်း အပါအ၀င် ၂၀၁၂ ခုနှစ် ဇွန်လမှစ၍ ထည့်ဝင်ခဲ့သော အကူအညီ စုစုပေါင်းမှာ ဒေါ်လာ ၇.၂၉ သန်း ရှိပြီဖြစ်ကြောင်း ထုတ်ပြန်ကြေညာချက်တွင် ပါရှိသည်။EMG

ကြွေးမကြေတဲ့ လယ်သမားတွေ ထမင်းတစ်နပ်လျော့စားပြီး အကြွေးဆပ်

ဧရာဝတီတိုင်း ဓနုဖြူမြို့နယ်မှာ လယ်ယာစိုက်ပျိုးရေးဝန်ကြီးဦးမြင့်လှိုင်က ကြွေးမကြေတဲ့ လယ်သမားတွေ အနေနဲ့ ထမင်းတစ်နပ်လျော့စားပြီးအကြွေးဆပ်သင့်တယ် လို့ ပြောလိုက်တဲ့အပေါ် တောင်သူလယ်သမား အရေးဆောင်ရွက်နေသူမစုစုနွေးက ကိုယ်ချင်းစာတရားကင်းမဲ့ပြီး တရားလက်လွတ်ပြောဆိုမှုအဖြစ်
ကန့်ကွက်လိုက်ပါတယ်။

ဇန်န၀ါရီ ၂၈ ရက်နေ့က ပြုလုပ်တဲ့ လယ်သမားတွေနဲ့ တွေ့ဆုံပွဲမှာ လယ်ဆည်ဝန်ကြီးက အကြွေး မကြေရင် တောင်သူတွေအနေနဲ့ထမင်းတစ်နပ် လျော့စားသင့်ကြောင်း၊ ဥပုဒ်စောင့် တဲ့ သဘောမျိုး ကုသိုလ်လည်းရ၊ ၀မ်းလည်းဝ မှာဖြစ်ကြောင်း၊ အကြွေးမကျေရင် သံသရာက မလွတ်နိုင်ဘူး နောင်ဘ၀မှာ ကျွန်ဖြစ်လိမ့်မယ်လို့ ပြောခဲ့ပါတယ်။

အလားတူ ဆန်စပါးအသင်း အတွင်းရေးမှူး ဒေါက်တာစိုးထွန်းကလည်း ၀န်ကြီးအနေနဲ့ ဒီလို စကားမျိုး မပြောဆိုသင့်ပဲ တောင်သူလယ်သမားတွေရဲ့ အခက်အခဲတွေကို ကြိုးစားဖြေရှင်းပေးသင့်တယ် လို့ ထောက်ပြပါတယ်။DVB TV News

ဆက်သွယ်ရေး အရှုပ်တော်ပုံ ရှင်းပြီးမှ မိုဘိုင်းဆင်းကတ်ဈေး နှစ်သောင်းကျပ်ဖြစ် မဖြစ် သိမည်

Wednesday, January 30, 2013

လတ်တလောဖြစ်ပွားနေသော ဆက်သွယ်ရေးအရှုပ်တော်ပုံကို ရှင်းလင်းပြီး မှသာ တန်ဖိုးနည်းမို ဘိုင်းဆင်းကတ်ဈေးကို သိရှိမည်ဟု သမ္မတရုံးဝန်ကြီးဌာန ပြည်ထောင် စုဝန်ကြီး ဦးစိုးသိန်းက ပြောသည်။

တန်ဖိုးနည်းမိုဘိုင်းဆင်းကတ် ဈေး နှုန်းနှင့်ပတ်သက်၍ ပထမအကြိမ် အမျိုးသားလွှတ်တော် ဆဋ္ဌမပုံမှန် အစည်းအဝေးတွင် ဆက်သွယ်ရေးနှင့် သတင်းအချက်အလက် နည်းပညာ ဝန်ကြီးဌာန ဒုတိယဝန်ကြီး ဦးဝင်းသန်းကယခုနှုန်းထားထက်များစွာသက်သာသည့် နှုန်းဖြင့် ဝန်ဆောင်မှုပေးမည်ဟု
ပြောကြားပြီးနောက်တွင် ဆင်းကတ်ေ ဈး နှစ်သောင်းကျပ် သတ်မှတ်မည် ဆိုသည့် သတင်း များ ပြည်သူများကြားတွင် ကျယ်ပြန့်စွာ ထွက်ပေါ်လာခဲ့သည်။

ယင်းနှင့်ပတ်သက်၍ ပြည်ထောင်စု ဝန်ကြီးက ”မူလ ထက်အများကြီး ဈေးလျှော့သွားမယ် လို့ ပြောနိုင်တယ်။ ”အခုက အဖြေမထွက်သေး တာ။ အရင် သူတို့ရဲ့ အရှုပ်ထုပ်ကို ရှင်းနေတယ်။ ပြီးမှရမှာပေါ့။ တချို့ ကလည်း သူတို့ဖြစ်ချင်တာကို လျှောက်ပြောနေတယ်။ ဌာနတွေကို လည်း နည်းနည်းစစ်နေတယ်။ အ ရင်ကအမြတ်ကြီးစားထားတာတွေကိုပေါ့။ ဖုန်းဈေးကို ဘယ်လောက် နဲ့ လျှော့ပေးနိုင်တယ်ဆိုတာ ညှိနှိုင်းပြီးရင် ပြည်သူတွေအတွက် လုပ်ပေး သွားမှာပါ”ဟု ပြောသည်။

ဆင်းကတ်ဈေး နှစ်သောင်း ကျပ်နှင့် ပတ်သက်၍ မြန်မာ့ဆက်သွယ်ရေး မှ အကြီးတန်းအရာရှိတစ် ဦးအား မေးမြန်းခဲ့ရာ ဒုတိယဝန် ကြီး ပြောကြားသည့်အတိုင်းသာ သိရှိကြောင်းဖြေကြားခဲ့သည်။ဆင်း ကတ်ဈေးနှင့်ပတ်သက်၍ အတိအကျ မပြောနိုင်သေးသလို ရောင်းချ ပေးမည့် အချိန်ကိုလည်း ”သိပ် မကြာနိုင်ဘူးလို့ ပြောလို့ရတယ်။ ခဏတော့စောင့်ရမယ်။ ဘာကြောင့် လဲဆိုတော့ ဈေးနှုန်းညှိနေတာေ ကြာင့် ပါ”ဟု ဦးစိုးသိန်းက ပြောသည်။

မည်သို့ပင်ဖြစ်စေ သမ္မတက ဖုန်းဈေးနှုန်းကို ကျပ်တစ်သိန်း အောက်လျှော့ချရန်ညွှန်ကြားခဲ့ခြင်း နှင့် ဆက်သွယ်ရေးဝန်ကြီးဌာန၊ ဒုတိယဝန်ကြီးကယခုနှုန်းထားထက် များစွာသက်သာသည့်နှုန်း ဖြစ်မည် ဟုပြောခဲ့ခြင်းကြောင့် နှစ်သောင်း ကျပ်သာရှိမည်ဆိုသည့် သတင်းကို အိပ်မက်ဟုမပြောနိုင်ေ ကြာင်း ဈေး ကွက်ကျွမ်းကျင်သူ တစ်ဦးက သုံး သပ်သည်။ မိုဘိုင်းဖုန်း ဆားဗစ် ကျွမ်းကျင်သူ ကိုစည်သူက ”ကျပ် ငါးသောင်းလောက် အနေအထား ဖြစ်ရင်တောင် ရန်ကုန် မှာရှိတဲ့ ဝန် ထမ်းတွေ၊ အခြေခံလူတန်းစား အနည်းအကျဉ်း ဖုန်းကိုင်နိုင်ပါပြီ။ ဒီ ထက်ဈေးနှုန်းလျှော့မယ်ဆိုရင်တော့ နိုင်ငံတကာနှုန်းမဖြစ်ရင်တောင်
လူ တိုင်းနီးပါး ဖုန်းကိုင်နိုင်မှာပါ”ဟု ပြောသည်။

မင်းသုအောင်၊ အောင်ဇော်
Popular Myanmar News Journal

မြန်မာတိုင်းမ် အယ်ဒီတာချုပ် ရော့စ်ဒန်ကလေကို တရားစွဲပြီဟု ရှယ်ယာပိုင်ရှင်ကဆို(ရုပ်/သံ)

မြန်မာတိုင်းမ်ရဲ့ ရှယ်ယာအများဆုံးပိုင်ဆိုင်သူ ဒေါက်တာဒေါ်ခင်မိုးမိုးက ဂျာနယ်ရဲ့ အမှုဆောင်အရာရှိချုပ် ရော့စ်ဒန်ကလေကို ကိုယ်ထိလက်ရောက် စော်ကားမှုနဲ့ တရားစွဲလိုက်ပြီလို့ ဇန်နဝါရီ ၂၉ရက်နေ့မှာ ပြောဆိုလိုက်ပါတယ်။ မြန်မာတိုင်းမ်ဂျာနယ်တိုက်ကို ဇန်နဝါရီ ၂၈ရက်နေ့ညနေမှာ သွားရောက်တဲ့အခါ အယ်ဒီတာချုပ်လည်းဖြစ်၊ အမှုဆောင်အရာရှိချုပ်လည်းဖြစ်တဲ့ သြစတြေးလျနိုင်ငံသား ရော့စ်ဒန်ကလေက မောင်းထုတ်ခဲ့ကြောင်း၊ ဒါ့အပြင် သူ့ကို တွန်းဖယ်ပြီး လက်ရောက် စော်ကားခဲ့တာကြောင့် ကျောက်တံတားရဲစခန်းမှာ အမှုဖွင့်ထားတယ်လို့ ပြည်မြန်မာဂျာနယ်တိုက်မှာ ပြုလုပ်တဲ့ သတင်းစာရှင်းလင်းပွဲမှာ ပြောဆိုခဲ့တာ ဖြစ်ပါတယ်။ Kamayut Media The Voice Weekly

ဒေါ်အောင်ဆန်းစုကြည် နဲ့ လက်ရှိ တာင်ကိုရီးယား သမ္မတ လီမြောင်ဘတ်၊ တောင်ကိုရီးယားနိုင်ငံ ပထမဆုံးအမျိုးသမီး သမ္မတ ပက်ဂျုံဟေးတို့ နဲ့ တွေ့ဆုံ

DVB TV News added a video from January 29, 2013 to their timeline. ဒေါ်အောင်ဆန်းစုကြည်ရဲ့ ၅ ရက်ကြာတောင်ကိုရီးယားနိုင်ငံ ခရီးစဉ်အတွင်းမှာ လက်ရှိ တာင်ကိုရီးယား သမ္မတ လီမြောင်ဘတ် နဲ့ မကြာသေးခင်က ရွေးကောက်တင်မြှောက်ခံရတဲ့ တောင်ကိုရီးယားနိုင်ငံ ပထမဆုံးအမျိုးသမီး သမ္မတ ပက်ဂျုံဟေးတို့ နဲ့ တွေ့ဆုံခဲ့ပါတယ်။

သံတွဲခရိုင်တွင် လူသေဆုံးမှုစံချိန်တင်ခဲ့သည့်ခရီးသည်တင်ယာဉ်ချောက်ထဲကျ

ရန်ကုန်မှ သံတွဲသို့ ခရီး သည် အပြည့်တင်ဆောင်၍ မောင်းနှင်လာသည့် အောင်သစ္စာ မှန်လုံခရီးသည်တင် ၉ခ/၃၅၁၆ အမြန်ယာဉ်သည် ဇန်န၀ါရီ ၂၃ ရက် နံနက် (၁း၃၀)ခန့်တွင် ရခိုင်ရိုးမသို့ ဖြတ်ကျော်ပြီး တောင်ကုတ်မြို့သို့ဝင်ရန် မိုင် (၃၀)ခန့်တွင်ရှိသော နေပူတောင် မှ အဆင်းတွင် ဘရိတ်ပေါက် လမ်းချော်ပြီး ယာဉ်တိမ်းမှောက် ခဲ့ကြောင်း ယာဉ်တိမ်းမှောက်စဉ် အသက်ရှင်ကျန်ရစ်သူများထံမှ သိရသည်။ အဆိုပါတိမ်းမှောက်ခဲ့သည့် အောင်သစ်္စာမှန်လုံ အမြန်ယာဉ် ပေါ်တွင် ခရီးသည်လက်မှတ် စာရင်းအရ ခရီးသည် (၃၅)ဦး ပါရှိပြီး ယာဉ်တိမ်းမှောက်စဉ်မှာ ပင် ယာဉ်မောင်းစပယ်ရာအပါ အ၀င် ခရီးသည်(၁၂)ဦးမှာယာဉ် တိမ်းမှောက်ရာနေရာတွင် ပွဲချင်း ပြီး သေဆုံးခဲ့ကြောင်း သိရသည်။ ““နံနက် (၁)နာရီဝန်းကျင်ဆို တော့ ခရီးသည်တွေအားလုံး အိပ်ပျော်နေကြတယ်။ ကျွန် တော်သိလိုက်တာကတော့ ၀ုန်း ဆိုပြီး အသံတစ်သံပဲကြားလိုက် ရတယ်၊ ကားထဲမှာရှိတဲ့ ခရီး သည်တွေဟာ ဆန်ကောထဲ ဆီးဖြူ သီးလှိမ့်သလိုဖြစ်သွားပြီး ကျွန် တော်လည်း သတိလစ်သွားခဲ့ တယ်၊ သတိပြန်ရတော့ တောင် ကုတ်နာရေးကူညီမှုအသင်းတွေ လာရောက်ကယ်ဆယ်နေတာ တွေ့ရတော့တာပါပဲ””ဟု ယာဉ် တိမ်းမှောက်ရာတွင် ကံကောင်း ထောက်မစွာ အသက်မသေဘဲ ကျန်ရစ်ခဲ့သည့် မီးသတ်ဦးစီးမှူး ရဲဗလ ဦးမျိုးမင်းထွန်းက သူ၏ အတွေ့အကြုံကို ပြောပြသည်။ ““ကားစမှောက်တော့ ဂျိမ်း ဆိုပြီး အသံအကျယ်ကြီးကြားရ ပြီးတော့ ကားထဲကလူတွေအား လုံး စောက်ထိုးမိုးမျှော်ဖြစ်သွား ပြီး ကျွန်မလည်း သတိလစ်သွား တယ်၊ သတိပြန်ရလာတော့ ဒဏ် ရာရတဲ့လူတွေရဲ့ ညည်းသံတွေ ကြားရတယ်၊ အဲဒါနဲ့ ကျွန်မ လည်း ကိုယ့်ကိုကိုယ် ဘာဖြစ် သွားလည်း စမ်းကြည့်တော့ ဘာမှတော့ သိပ်မဖြစ်ဘူး ခြေ ထောက်နည်းနည်းနာသွားတယ်၊ ကားထဲမှာပါတဲ့လူတွေအားလုံး သတိလစ်နေတာ။ သေနေတာ။ တွေ့တော့ ကျွန်မလည်း သွေး ပျက်သွားတယ်။အဲဒါနဲ့ ပတ်ဝန်း ကျင်ကိုကြည့်တော့ ကားထဲကို အလင်းနည်းနည်းဝင်နေတဲ့နေရာ ကိုတွေ့တော့ ကျွန်မလည်း အဲဒီ နေရာကို ရောက်အောင်သွား တယ်။ အဲဒီအချိန်မှာ ကျွန်မ အပေါ်ကို အလောင်းတစ်လောင်း ပြုတ်ကျလာတယ်၊ ကျွန်မ တော် တော်လန့်သွားခဲ့တယ်၊ အဲဒါနဲ့ ကျွန်မလည်း ကားထဲကနေရအောင် ထွက်ခဲ့တယ်၊ အပြင်ကိုရောက် တော့ ပတ်ဝန်းကျင်က လရောင် နဲ့ လင်းနေတယ် ကျွန်မတို့လာတဲ့ အောင်သစ္စာကားကတော့ သစ် ပင်တွေနဲ့ချိတ်ပြီး တုံးလုံးပက် လက်ကြီးဖြစ်နေတာကို တွေ့ခဲ့ သည်။ အဲဒါနဲ့ ကျွန်မလည်း တောင်ပေါ်ကို ရှိသမျှအားတွေ စုပြီးတက်ခဲ့တယ်၊ တက်ရင်းတက် ရင်းနဲ့ လမ်းအလယ်လောက် ရောက်တော့ ကားတွေဖြတ်သွား နေတဲ့အသံတွေကြားရတော့ ကျွန်မအာခေါင်ခြစ်ပြီး ကယ်ဖို့ လှမ်းအော်ခဲ့တယ်။ ကျွန်မအသံ တစ်သံကြားလိုက်ရတယ်”” “ဒီနား မှာ မှောက်သွားတဲ့ အောင်သစ္စာ ကားမှာ အသက်ရှင်နေတဲ့သူရှိ သေးလား။ ရှိရင် အသံပေးပါ”ဆို တဲ့ အသံကြားတော့မှ ကျွန်မရှိပါ တယ်၊ ဒီနေရာမှာဆိုပြီး လှမ်းခေါ် လို့၊ သူတို့ဆင်းကယ်ခဲ့လို့ ကျွန်မ သေမင်းလက်ထဲက လွတ်မြောက် လာတာပါ”ဟု အောင်သစ္စာ မှန်လုံယာဉ်တိမ်းမှောက်စဉ် လက်တစ်ကမ်းလွတ်မြောက်လာ သည့် အသက်(၃၀)၀န်းကျင်ခန့် အမျိုးသမီးတစ်ဦးက စိုးရွံ့စိတ် မပျယ်သေးသည့် မျက်နှာဖြင့် ပြောပြခဲ့သည်။ ““တိမ်းမှောက်ခဲ့တဲ့ ကားကို စစ်ကြည့်တော့ ဂီယာက နံပါတ် ၀မ်းထိုးထားပြီး ဘရိတ်ပေါက် သွားတာလို့ သွားရောက်စစ်ဆေး တဲ့ ရဲမှူးနဲ့အဖွဲ့က ကျွန်တော့်ကို ပြောပြတယ်၊ ယာဉ်တိမ်းမှောက် စဉ်က သေဆုံးသူနဲ့ ဒဏ်ရာရသူ တွေကို အောင်သစ်္စာအမြန်ယာဉ် လိုင်းက တာဝန်ယူပေးထားပါ တယ်။ ရခိုင်ပြည်နယ် အစိုးရအဖွဲ့ က စည်ပင်ဝန်ကြီး ဦးလှဟန်က လည်း ယာဉ်တိမ်းမှောက်ရာ ပါဝင်တဲ့သူတွေရဲ့ ဆေးကုသ စရိတ်ကို ရခိုင်ပြည်နယ်အစိုးရ အဖွဲ့က လှူဒါန်းဖို့အတွက် ပြော ပေးပါမယ်လို့ နှုတ်ကတိပေးထား တာတွေလည်းရှိပါတယ်။ ဒီယာဉ် တိမ်းမှောက်မှုက ရခိုင်ပြည်နယ် မှာ ၁၀ စုနှစ်အတွင်းမှာ လူသေ တာအများဆုံးလို့ သတ်မှတ်လို့ ရပါတယ်၊ ယာဉ်တိမ်းမှောက်စဉ် က ဒဏ်ရာရသူတွေကို သံတွဲ ဆေးရုံနဲ့ တောင်ကုတ်ဆေးရုံမှာ တင်ထားပါတယ်၊ သံတွဲဆေးရုံ မှာ (၁၆)ဦး၊ တောင်ကုတ်ဆေးရုံ မှာ (၅)ဦး ဆေးကုသမှုခံယူနေကြ ပါတယ်၊ ဒဏ်ရာသက်သာလို့ ဆေးရုံကဆင်းသွားတဲ့ သူတွေ လည်းရှိပါတယ်။ သေဆုံးသူတွေ ကတော့ ကျား(၇)ဦး၊ မ(၇)ဦး ဖြစ်ပြီး သေဆုံးသွားတဲ့အမျိုးသမီး တွေထဲမှာ (၃)နှစ်အရွယ် သမီး ငယ်လေးတစ်ဦးပါပါတယ်၊ လက်ရှိ လူနာတွေရဲ့ နောက်ဆုံး အခြေအနေကတော့ သံတွဲဆေး ရုံမှာ တင်ထားတဲ့ လူနာတစ်ဦး ကိုတော့ ရန်ကုန်ဆေးရုံကြီး ပို့ ဆောင်ထားပါတယ် နောက်ထပ် လက်ကျိုးတဲ့လူနာတစ်ဦးကိုလည်း ရန်ကုန်ဆေးရုံကိုလွှဲရမယ်လို့ သံတွဲဆေးရုံကပြော နေတယ်၊ ဘာကြောင့် လွှဲရလည်းဆိုတော့ ခွဲစိတ်ကုသရာမှာလိုအပ်တဲ့ မေ့ဆေးဆရာဝန်အခက်ခဲကြောင့် လို့ သံတွဲဆေးရုံကပြောပါတယ်၊ ပြီးတော့ ကျွန်တော် အောင်သစ္စာယာဉ်လိုင်းကို အာမခံတင် ထားတဲ့အတွက် သေဆုံးသူတွေ နဲ့ ဒဏ်ရာရသူတွေအတွက်ကို အာမခံဋ္ဌာနက တာဝန်ယူပေးမှာ ဖြစ်ပါတယ်””ဟု အောင်သစ္စာ အမြန်ယာဉ်လိုင်းမှ တာဝန်ရှိသူ တစ်ဦးကပြောပြခဲ့သည်။ ရခိုင် ပြည်နယ်၊ သံတွဲခရိုင်တွင် ယခင် တိမ်းမှောက်ခဲ့သည့်ကာလတုန်း က သေဆုံးသူ ၆ ဦးမှ ၁၀ ဦးသာ ရှိခဲ့ပြီး ယခု တိမ်းမှောက်မှုမှာ သေဆုံးသူ (၁၄)ဦးဖြစ်သည့် အတွက် သေဆုံးသူအများဆုံး ယာဉ်တိမ်းမှောက်မှုဖြစ်ကြောင်း သိရသည်။ မျိုးမြင့်

ဖျောင်ချန်း အထူးအိုလံပစ်ဖွင့်ပွဲ ကိုတက်ရောက်လာတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် မိန့်ခွန်းစဆုံး (29-1-2013)

တောင်ကိုးရီးယားနိုင်ငံတွင် ယနေ့ကျင်းပပြုလုပ်သော ဖျောင်ချန်း အထူးအိုလံပစ်ဖွင့်ပွဲ ကိုတက်ရောက်လာတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် မိန့်ခွန်းစဆုံး (29-1-2013)

သပိတ်စခန်း ဖြိုခွဲခံရမှု ၂ လပြည့် ဒေသခံ ၂၀၀၀ ချီတက် ဆန္ဒပြ

လက်ပန်းတောင်းတောင်ဒေသ က ကြေးနီစီမံကိန်း ရပ်ဆိုင်းရေး ဆန္ဒပြနေတဲ့ သပိတ်စခန်းတွေ အကြမ်းဖက်ဖြိုခွဲခံရမှု ၂ လပြည့် အထိမ်းအမှတ်အနေနဲ့ ဒေသခံအင်အား ၂ ထောင်ကျော်ဟာ တုံရွာသပိတ်စခန်း ကနေ ညောင်ပင်ကြီးဆိပ်ကမ်းအထိ ဒီကနေ့လမ်းလျှောက် ချီတက်ဆန္ဒပြခဲ့ကြပြီး၊ လက်ပန်းတောင်းတောင် ကြေးနီစီမံကိန်း ရပ်ဆိုင်းရေးကို အဓိကထား တောင်းဆိုခဲ့တယ်လို့ အဲဒီဆန္ဒပြပွဲမှာပါဝင်တဲ့ တောကျောင်းကျေးရွာ မှ ဒေသခံ ဦးမြင့်ဌေးက RFA ကို ပြောပါတယ်။

"ဆန္ဒပြတဲ့နေရာမှာ လက်ပန်းတောင်းကြေးနီစီမံကိန်းရပ်စဲရေး၊ နောက်ပြီးတော့ မတရားဖမ်းဆီးထားသူတွေကို ချက်ချင်းလွှတ်ပေးရေး၊၂၉ ရက်နေ့က သံဃာတော်တွေကို မီးလောင်ဗုံးနဲ့ ပစ်ခွင်းတဲ့ကိစ္စမှာ ယခုထက်ထိ နိုင်ငံတော်အစိုးရက အရေးယူမှုမရှိတဲ့ဟာတွေကို အရေးယူပေးဖို့ ဒီသုံးချက်ကို တောင်းဆိုတာပါခင်ဗျာ"

ဆန္ဒပြတဲ့ ဒေသခံတွေဟာ နေ့လည် ၁၁ နာရီမှာ တုံရွာသပိတ်စခန်းက စတင်လမ်းလျှောက်ခဲ့ကြပြီး လက်ပန်းတောင်းတောင်ခြေက စီမံကိန်းဖော်ဆောင်နေတဲ့ ဝမ်ပေါင်ကုမ္ပဏီနဲ့ ဦးပိုင်ဆောက်လုပ်ရေး လုပ်ငန်းခွင်ရှေ့မှာ လက်ပန်းတောင်းတောင် ကြေးနီစီမံကိန်း အပြီးတိုင်ဖျက်သိမ်းရေး၊ သပိတ်စခန်းဖြိုခွဲခံရမှုမှာ တာဝန်ရှိသူတွေကို အမြန်ဖော်ထုတ်ပေးရေးစတဲ့ အချက်တွေကို ကြွေးကြော်ခဲ့ကြပြီး ညနေ ၄ နာရီမှာ ညောင်ပင်ကြီးဆိပ်ကမ်းအထိ လမ်းလျှောက်ဆန္ဒ ဖော်ထုတ်ခဲ့ကြပါတယ်။

ဒီဆန္ဒပြပွဲကို ဒေသခံအာဏာပိုင်တွေဘက်က အနီးကပ်စောင့်ကြည့်တာမျိုးတွေနဲ့ ဓါတ်ပုံရိုက် မှတ်တမ်းတင်တာတွေ ပြုလုပ်ခဲ့တယ်လို့ သိရပါတယ်။
RFA Burmese

မန်း ဆီဆိုင်တွင် မီးလောင်မှုဖြစ်ပွား

မန္တလေး-ဇန်န၀ါရီ၂၈
မန်း ၇၈ လမ်း နှင့် လမ်း ၄၀ ထိပ်ရှိ မြန်မာ့စီးပွားရေးကော်ပိုရေးရှင်း ဆီဆိုင်တွင် မီးလောင်မှု ယနေ့ ညနေက ဖြစ်ပွားခဲ့ကြောင်း သိရသည်။"ဆီဘောက်ဆာ ကားကနေ ဆီချနေတုန်းလောင်တာ။ ၀ိုင်းငြိမ်းကြလို့နဲ့မီးသတ်လည်းရောက်လာလို့ခုငြိမ်းသွားပါပြီ"ဟု မန်းမြို့ခံတစ်ဦးကပြောသည်။
၇၈လမ်း၊ လမ်း၄၀ထောင့်ရှိ မြန်မာ့စီးပွားရေးကော်ပိုရေးရှင်း ဓာတ်ဆီဆိုင်တွင် ဆီဘောက်ဆာကားမှ ဆီချှစဉ် မီးလောင်မှုဖြစ်ပွားခြင်းဖြစ်ဟု ခရိုင်မီးသတ်ဌာနမှ ဦလှမင်းက ပြောသည်။Popular Myanmar News Journal

ဇယျာရွှေမြေနှင့်ရန်ကုန်ယူနိုက်တက် အသင်းတို့ ယနေ့ပွဲစဉ်(၄)အဖြစ်မုံရွာကွင်းတွင်ယှဉ်ပြိုင်

MNLအမှတ်ပေးဇယားထိပ်ဆုံးတွင်ရမှတ်တူဖြင့်ဦးဆောင်နေ သောဇေယျာရွှေမြေနှင့်ရန်ကုန်ယူနိုက်တက် အသင်းတို့ယနေ့ပွဲစဉ်(၄)အဖြစ်မုံရွာကွင်းတွင်ယှဉ်ပြိုင်ကစားခဲ့ကာဒုတိယပိုင်းတွင်ဇေယျာရွှေမြေအသင်းမှတိုက်စစ်မှူး ဆာဆာ သွင်းယူခဲ့သောဂိုးဖြင့်ရန်ကုန်ယူနိုက်တက်အား ဇေယျာရွှေ မြေ အသင်းမှအနိုင်ရရှိခဲ့သည်။

ဓတ်ပုံ - ကိုသက် (မုံရွာ )

သင်္ယန်းကျွန်း ပရိဘောဂအဟောင်းအရောင်းဆိုင် မီးလောင်မှုဖြစ်ပွါး

ရန်ကုန်-ဇန်န၀ါရီ၂၆ သင်္ယန်းကျွန်း ၅/ခရပ်ကွက်ရှိ ပရိဘောဂ အဟောင်းအရောင်းဆိုင် တွင် ယနေ့နံနက်၃နာရီကမီးကြွင်းမီးကျန်မှတဆင့် မီးလောင်မှုဖြစ်ပွား ခဲံ့ရာနေအိမ်တလုံးနှင့် ပရိဘောဂပစ္စည်းများမီးလောင်ဆုံးရှုံးခဲ့ကြောင်းသိရသည်။
Popular Myanmar News Journal

အိပ်ရေး ၀ လို့ပါဗျာ

FB-စကားပြောနေသော ကာတွန်းလေးများ

နားကပ်ကိုယူပြီး သတ်ဖြတ်ခံရမှုဖြစ်ပွါး

မကွေးတိုင်းဒေသကြီး ပခုက္ကူခရိုင် မြိုင်မြို့နယ် ကျောက်ခွက်ကျေးရွာ၏ အနောက်ဘက် ၂ မိုင်ခန့် ကွာဝေးသော လယ်တောတစ်နေရာတွင် ဇန်န၀ါရီ ၁၈ ရက်နေ့ မနက် ၉ နာရီအချိန်ခန့်က အသက် (၁၆)နှစ်အရွယ် နွားကျောင်းသွားသူ အမျိုးသမီးငယ်တစ်ဦးအား သတ်ဖြတ်၍ နားကပ် ဖြုတ်ယူခံရသော ပြစ်မှုဖြစ် စဉ်တစ်ရပ် ပေါ်ပေါက်ခဲ့ကြောင်း ပခုက္ကူမြို့ခံတစ်ဦးက ဆက်သွယ်ပြောကြားသည်။

“ ကျောက်ခွက်ကျေးရွာ အုပ်ချုပ်ရေးမှုး ဦးချစ်ဆွေ ဆိုသူက အမျိုးသမီးငယ်အလောင်းတစ်လောင်း တွေ့ရှိရ တယ်ဆိုပြီး ဗဟင်းရဲစခန်းကို ဖုန်းဆက်ပြီး အကြောင်းကြားတာပါ”ဟု ၎င်းမြို့ခံက Weekly Express Times သို့ ဆက်လက်၍ ပြောပြသည်။

အဆိုပါ အမျိုးသမီးငယ်တစ်ဦး၏ အလောင်းနှင့်ပတ်သက်၍ သက်ဆိုင်ရာသို့ ဆက်သွယ်မေးမြန်းခဲ့ရာ တာဝန်ရှိသူတစ်ဦးက “ သေဆုံးသူ မိန်းကလေးက ၁၇ ရက်နေ့တုန်းက နွားကျောင်း ရင်းပျောက်နေတယ်ဆိုတဲ့ သူဖြစ်ပါတယ်။ သေဆုံးသူရဲ့ လည်ပင်းမှာ ညိုမဲအစင်းဒဏ်ရာ၊ နှုတ်ခမ်းကိုက် ထားသည့်ဒဏ်ရာ၊ နှာခေါင်းမှာ အမြုတ်တွေထွက်နေပြီး၊ နားကလည်းသသွေးယိုစိမ့်ဒဏ် ရာတွေနဲ့ သေဆုံးနေတာဖြစ်ပါတယ်။ ပြီးတော့ သေဆုံး သူ မိန်ကလေးငယ် ၀တ်ဆင်ထားတဲ့ ရွှေအလေး ချိန် (၁)ပဲ၊ (၃)ရွေးခန့်ရှိတဲ့ ဘောလုံးပုံ ရွှေနားဆွဲလည်းပျောက်ဆုံး နေတယ်လို့ သိရပါတယ်..” ဟု ပခုက္ကူခရိုင် ရဲတပ်ဖွဲ့မှုးရုံးမှ တာဝန်ကျ ရဲအရာရှိတစ်ဦးက ယင်းကဲသို့ တုန့်ပြန် ပြောကြားသည်။
၎င်း လူသတ်မှုနှင့်ပတ်သက်၍ နယ်မြေခံရဲတပ်ဖွဲ့သည် ပြစ်မှုကျူးလွန်သူအား အမြန်ဆုံးဖမ်းဆီးရရှိနိုင်ရေးအ တွက် ဆောင်ရွက်လျက်ရှိရာ ဇန်န၀ါရီ (၁၉)ရက်နေ့က ကျောက်ခွက်ကျေးရွာနေ မောင်မိုးခိုင် ဆိုသူက ယင်းပြစ်မှု ဖြစ်စဉ်နှင့်ပတ်သက်၍ ကျူးလွန်ခဲ့သည်ဟုဆိုကာ သေဆုံးးသူ၏ ရွှေနားဆွဲတစ်ရံနှင့်အ တူ သေဆုံးသူထံမှ ရယူ ခဲ့သော ငွေကျပ် ၂၁၅၀ ကျပ်တို့ကို သက်ဆိုင်ရာသို့အပ်နှံပေးခဲ့ရာ ဗဟင်းရဲစခန်းမှုး ရဲအုပ် ဦးဇော်လင်နိုင် နှင့်အဖွဲ့ က သက်သေများရှေ့မှောက်တွင် ရှာဖွေပုံစံရေးသွင်း၍ လက်ခံသိမ်းဆီခဲ့ကြောင်း သိရသည်။

အဆိုပါ အမှုအား သေဆုံးသူ မိန်းကလေးငယ်၏ ဖခင်ဖြစ်သူ ဦးကျော်တင့် ဆိုသူက ဥပဒေအရ အရေးယူ ဆောင်ရွက်ပေးပါရန် ရဲစခန်းသို့ တိုင်တန်းခဲ့ရာ ဗဟင်းရဲစခန်းမှ (ပ) ၅/၂၀၁၃ ပြစ်မှုပုဒ်မ ၃၀၂/၃၉၂ အရ အမှုဖွင့် ဆောင်ရွက်လျက်ရှိကြောင်း သိရှိရသည်။
သက်စမ်းရေ(နေပြည်တော်)
The Express Times

သြော်.. လူ့ တိရစ္ဆာန်ကိုး

 

FB-စကားပြောနေသော ကာတွန်းလေးများ

ဘယ်လိုဖြေရမလည်း

 ဒီနေ့ သူငယ်ချင်း တစ်ယောက် ရောက်လာပါ တယ် ရောက်ရောက်ခြင်းဘဲ တရုတ်ဖုန်းကဒ် တစ်ခုလောက် လိုက်ပေးပါတဲ့ အဲဒါနဲ့ လိုက်ဝယ်ပေးလိုက်ပါတယ် မ၀ယ်ခင် တစ်ခုမေးမိတယ် G ယူမှာလား C ယူမှာ ဆိုတော့ C ဘဲ ယူမယ်ဆိုတော့ CDMA ကဒ်လိုက်ဝယ်ပေးလိုက်ပါတယ်...... ဖုန်းရုံးရောက်တော့ ဖုန်းကဒ်လိုချင်လို့ဆိုပြီး ပြောလိုက်တော့ ဖုန်းကဒ် အထပ်လိုက် ထုတ်ပေး တယ် ပေးပြီး ရောင်းတဲ့ ကောင်မလေးက တစ်ခြား တစ်ဖက်မှာ သူလုပ်စရာ ရှိတာ သွားလုပ်နေ တယ် အေးဆေးဘဲ ...... အံသြသင့်နေတဲ့ သူငယ်ချင်း မျက်နှာတွေ့ရတယ် ကြိုက်တဲ့ နံပါတ်ရွေးလို့ပြောလိုက်တော့ သူကြိုက်တဲ့ နံပါတ် တစ်ခု ရွေးလိုက်တယ် ဘယ်လောက်လည်း လို့ မေးတော့ ယွမ် ၆၀ (မြန်မာငွေ 8300/- ကျပ်) ယွမ် ၅၀ (မြန်မာငွေ6880/-ကျပ်) ဖိုး ပြောခပါတယ်လို့ စာရေးမလေး က ပြောတော့ ..... အော် ..... ဒါဆို ဖုန်းကဒ်ဖိုးက ၁၀ ယွမ်( မြန်မာငွေ 1300/-ကျပ်) လောက်ဘဲ ကျတာပေါ့နော် ဆိုပြီး တော်တော် အံသြနေတယ် ...... ဒါဆို ကျွန်တော်တို့ ဆီက ဖုန်းကဒ်တွေက ဘာလို့ သိန်းချီပေးနေရတာလည်း .... ? ဆိုပြီး မေးလာတယ် ဘယ်လိုဖြေရမလည်း ?
FB-Khin Maung Htway

ကရင်ပြည်နယ် သာသနာ ထိန်းသိမ်းစောင့်ရှောက်ရေး

ဗုဒ္ဓဘာသာဝင်များ ပိုင်ဆိုင်သော အိမ်ခြံမြေ လယ်ယာများ မွတ်စလင် တို့ကို ရောင်းချခြင်းမပြုရ ဟူသော အချက်အပါအ၀င် စည်းကမ်းချက် ၄ရက် ကရင် ပြည်နယ် ဂိုဏ်းပေါင်းစုံ သာသနာတော် ထိန်းသိမ်း စောင့်ရှောက်ရေး အဖွဲ့ မှ ထုတ် ပြန် ဟူ ၍ အမှတ် (၈၁ ) အောက်တိုဘာ ၁၉ရက်နေ့ ၊၂၀၁၂ နေ့ ထုတ် မြန်မာပို့စ် ဂလိုဘယ် သတင်းဂျာ
နယ် မျက်နှာ ဖုံးပေါ် တွင် ဖော်ပြခဲ့သည်။

အဆိုပါ သတင်းတွင်
• ဘားအံမြို့ မဲဘောင်ကျောင်းတိုက် အတွင်း ကျင်းပခဲ့သော အစည်းအဝေးတွင် ဘားအံမြို့ ရပ်ကွက်ေ
ပါင်း ၉ခု အနက် အမှတ် ၂ရပ်ကွက် အုပ်ချုပ်ရေးမှု မှလွဲ၍ ကျန်အုပ်ချုပ်ရေးမှူး များ အပါအ၀င် လူပေါင်း ၁၀၀ကျော်တက်ရောက်ခဲ့ကြောင်း

• ဇွဲကပင် တောင် ဆရာတော် ဦးက၀ိဓဇက စည်းကမ်းချက်လေးရပ်ကို ကြေညာခဲ့သည်

(၁) ဗုဒ္ဓဘာသာဝင်များ ပိုင်ဆိုင်သော ဘိုးဘွားပိုင် အိမ်ခြံမြေ လယ်ယာများကို မွတ်စလင် များထံ ရောင်းချခြင်း၊ ငှားရမ်းခြင်း ၊ ပေါင်နှံခြင်း ၊ မပြုရန်

(၂) ဗုဒ္ဓဘာသာဝင် အမျိူုးသမီးများ မွတ်စလင် နှင့် အိမ်ထောင်မပြုရန်

(၃) ဗုဒ္ဓဘာသာ ၀င်များ သည် ဗုဒ္ဓဘာသာများရောင်းချသော ဆိုင်မှာသာ အားပေးရန် ၊

(၄) ဗုဒ္ဓဘာသာဝင်များသည် မွတ်စလင်များ အတွက် အိမ်ခြံ လယ်ယာမြေ အဆောက်အအုံတို့ကို နာမည်ခံကာ ၀ယ်ယူပေး၊ ဆောက်လုပ်ပေး ၊ ငှားရမ်းပေး ခြင်းမပြုရန်
တို့ဖြစ်သည်။

• ၄င်းစည်းကမ်းချက်များကို ဖောက်ဖျက်ကျူးလွန်ပါက ထိရောက်သောပြစ်ဒဏ်များ ချမှတ်ခံရမည့်ဖြစ်ကြောင်း၊

• အောက်တိုဘာ ၁၄ရက်တွင် ကျင်းပခဲ့ပြီး အစည်းအဝေးအပြီး နောက်တစ်ရက်တွင် တစ်မြို့လုံးသို့ ဖြန့်ဝေကြောင်း

• ယင်းအစည်းအဝေးမတင်မီ ကရင်ပြည်နယ် ၀န်ကြီးချုပ် ဦးဇော်မင်း ဇွဲကပင်တောင်ဆရာတော်အား လာရောက်ဖူးခဲ့ကြောင်း၊

• ဗုဒ္ဓဘာသာ ကာကွယ်စောင့်ရှောက်မည့် လုပ်ငန်းစဉ်များ အား ကရင်ပြည်နယ် ၀န်ကြီးချုပ် ၊ ပြည်နယ် လွှတ်တော် ဥက္ကဌ ၊ ကရင်ပြည်နယ်လုံခြုံရေးနှင့် နယ်စပ်ရေး ၀န်ကြီးဌာန နှင့် သက်ဆိုင်ရာသို့ ပေးပို့ခဲ့ကြောင်း ဖော်ပြထားသည်။

Credit to: Black Angle
----------------------------------------
သာသနာ့အလံတွေကိုကိုင်ထားတဲ့ တပ်ဖွဲ့ ဝင်တွေက
DKBA - Democratic Karen Buddhist Army ကပါ။
(မိမိဒေသကိုကာကွယ်တဲ့ လက်နက်ကိုင်အဖွဲ့ အစည်းတခုက
သည်လို သာသနာ့အလံတွေကိုင်ပြီး ... ကာကွယ်စောင့် ရှောက်ဖို့ 
အခုလို ခိုင်ခိုင်မာမာရပ်တည်ခြင်းဟာ အင်မတန်ကို အားရစရာပဲ။
ရခိုင်မှာလည်းသည်လိုဖြစ်သင့်ပါတယ်။

လှိုင်ဘွား/၈၈

လျှို့ဝှက်လိုဏ်ခေါင်းကို ဘာအတွက် ပင်းကတော့တောင်မှာ ဖောက်နေတာလဲ

မြန်မာနိုင်ငံ အလယ်ပိုင်း မကွေးတိုင်း နတ်မောက် မြို့နယ်ထဲမှာရှိတဲ့ ကျမတို့ရဲ့ ပင်းကတော့ တောင်တန်းကြီးကို အစိုးရ စစ်တပ်က သိမ်းပြီး “တပ်မြေ မကျူးကျော်ရ” ဆိုတဲ့ ဆိုင်းဘုတ်တွေချိတ်၊ အုတ်ဖြူတိုင်တွေ စိုက်ထားပြီး မြောက်ကိုရီးယား ပညာရှင် ဆိုသူတွေနဲ့ အတူ လျှို့ဝှက်လိုဏ်ခေါင်းတခုကို ဖောက်လုပ်နေတယ်လို့ ကိုယ်တွေ့မျက်မြင် တွေ့ခဲ့တဲ့ ဒေသခံတွေက ဆိုကြပါတယ်။

ဒီလိုဏ်ခေါင်းက ဘာလုပ်ဖို့ ဖောက်လုပ်နေလဲဆိုတာ အတိအကျ မသိရပေမယ့် အဲဒီကိုရောက် ခဲ့ပြီး မြင်တွေ့ခဲ့သူတွေ ပြောပြချက်အရတော့ လိုဏ်ခေါင်း အကျယ်ဟာ ဆယ်ဘီးကား ၃ စီး ရှောင်နိုင်တဲ့ အကျယ်အဝန်းဖြစ်ကြောင်း၊ ဂူပေါက်ဝတွေကို ကွပ်ထားတဲ့အထူက ၂ ပေ လောက်ရှိကြောင်း၊ နံရံတွေကလည်း အတော်ခိုင်ခိုင်ခန့်ခန့် လုပ်ထားကြောင်း ပြောဆိုကြပါတယ်။

တပ်ထဲကို ဝင်ထွက်ခွင့်ရခဲ့သူ တချို့ကို ကိုးကားပြီး နျူကလီးယားစီမံကိန်းလို့ ယူဆပြောဆိုနေသူတွေရှိသလို မိတ္ထီလာမှာရှိတဲ့ အစိုးရ တိုက်လေယာဉ်တွေကို နေရာအခက်အခဲကြောင့်ဒီတောင် မှာ ပြောင်းထားဖို့ ပြင် ဆင်နေတာလို့ ပြောဆိုနေကြတာတွေလည်း ရှိပါတယ်။

ဒါ့အပြင် လက်နက်တွေ ရွှေ့ပြောင်းဖို့ လွယ်ကူအောင် မြေအောက်လမ်း ဖောက်တယ်လို့ ပြောသူတွေလည်း ရှိပြီး အများစု ပြောနေကြတာကတော့ ဝေဟင်ပစ် အမြောက် လက်နက်တပ် လို့လည်း ဆိုကြပါတယ်။
ဒီတပ်ဟာ ရွာမွန်၊ နတ်မောက် ဘက်ကို သွားတဲ့ ကားလမ်းရဲ့ အနောက်ဘက် ၃ မိုင် အကွာလောက်မှာ ရှိပါတယ်၊ ဒီကားလမ်းဟာလည်း ကျောက်ပန်းတောင်း-မိတ္ထီလာ ကားလမ်းမကြီးပေါ်မှာ ရှိတဲ့ ရွှေအုန်းပင် ကားဂိတ်ကနေ ဖြတ်ပြီး ဖောက်ထားတဲ့ ကားလမ်း ဖြစ်ပါတယ်။ဒါ့အပြင် လက်နက်တွေ ရွှေ့ပြောင်းဖို့ လွယ်ကူအောင် မြေအောက်လမ်း ဖောက်တယ်လို့ ပြောသူတွေလည်း ရှိပြီး အများစု ပြောနေကြတာကတော့ ဝေဟင်ပစ် အမြောက် လက်နက်တပ် လို့လည်း ဆိုကြပါတယ်။

ဒီတပ်ဟာ ရွာမွန်၊ နတ်မောက် ဘက်ကို သွားတဲ့ ကားလမ်းရဲ့ အနောက်ဘက် ၃ မိုင် အကွာလောက်မှာ ရှိပါတယ်၊ ဒီကားလမ်းဟာလည်း ကျောက်ပန်းတောင်း-မိတ္ထီလာ ကားလမ်းမကြီးပေါ်မှာ ရှိတဲ့ ရွှေအုန်းပင် ကားဂိတ်ကနေ ဖြတ်ပြီး ဖောက်ထားတဲ့ ကားလမ်း ဖြစ်ပါတယ်။

လိုဏ်ခေါင်းအနီး တည်ထားတဲ့ စစ်တပ် အဆောက်အအုံတွေကို သင်္ဘောဆေး အစိမ်းရောင်တွေနဲ့ အရောင်ခြယ်ထားပြီး တောင်ပေါ်နဲ့ တောင်ခြေမှာ အစောင့်ကင်းတဲတွေ မြင်ခဲ့ရပါတယ်။ စီစီတီဗီကင်မရာနဲ့ လူတဖက်ခန့်ရှိ သင်္ဘောဆေး အစိမ်းရောင် ခြယ်ထားတဲ့ မီးလုံးတွေလည်း တပ်ဆင်ထားတဲ့အတွက် ဓာတ်ပုံ ဗီဒီယိုမှတ်တမ်းတွေယူဖို့ ခက်ခဲပါတယ်။

ယုန်လိုက်ရင်း ကန့်သတ်နယ်မြေထဲကို ရောက်သွားတဲ့ ဒေသခံ ရွာသား ၂ ဦးကို အဲဒီမီးလုံးတွေနဲ့ တမိုင်ကျော်လောက်ထိ ထိုးကြည့်တဲ့အတွက် ရွာသားနှစ်ဦး ထိတ်ထိတ်လန့်လန့်နဲ့ အသက်လုပြီး ထွက်ပြေးခဲ့ရတယ်လို့ သိရပါတယ်။

ဒါ့အပြင် တောင်ခြေက ကန့်သတ်နယ်မြေတွေထဲကို ကျွံပြီး နွားကျောင်းမိတဲ့ ရွာသားအချို့လည်း ဖမ်းဆီးခံခဲ့ရပါတယ်၊ ဒါပေမယ့် ကျေးရွာအုပ်ချုပ်ရေးမှူးတွေရဲ့ အာမခံချက်နဲ့ ပြန်လွတ်လာခဲ့ပါတယ်။ နောက်ပိုင်း ဒီတောင်ခြေဘက်ကို ကျမတို့ဘက်က ရွာသူရွာသားတွေ ခြေဦး မလှည့်ရဲတော့ပါဘူး။

ဒါပေမယ့် စီမံကိန်းမှာရှိတဲ့ မြောက်ကိုရီးယား ပညာရှင် ၃ ယောက်ဟာ ခွေးသား အရမ်းကြိုက်တဲ့အတွက် ဒီစီမံကိန်းရှိရာ ပင်းကတော့တောင်ရဲ့ အနောက်ဘက်မှာရှိတဲ့ ဆင်သေကန်ရွာက တပတ်တခါလောက် ၇ ပိဿာ အရွယ်ခန့်ရှိတဲ့ ခွေးတကောင် ဖျက်ပြီး သွားရောင်းပေးရတယ်လို့ သိရပါတယ်။

မြောက်ကိုရီးယား ပညာရှင်တွေ ကိုယ်တိုင်လည်း ဆင်သေကန်နဲ့ ရှမ်းကုန်းရွာတွေကို ရံဖန်ရံခါ အလည်အပတ် သဘောမျိုး ရောက်လာကြပါတယ်။ မြန်မာစကားကိုတော့ “မင်္ဂလာပါ” ဆိုတာလောက်ပဲ ပြောတတ်တယ်လို့ ရွာသားတွေထံက သိရပါတယ်။

ဒါ့အပြင် အမဲသား၊ ဟင်းသီးဟင်းရွက်နဲ့ တခြား သားငါးတွေရောင်းတဲ့ ဆင်သေကန်ရွာခံ တချို့လည်း အဲဒီတပ်ထဲကို သွားရောင်းခွင့် ရပါတယ်။ အခုဆို ဈေးရောင်းသွားတဲ့ ဆင်သေကန်ရွာသူ တချို့နဲ့ တပ်ထဲက တပ်သား တချို့နဲ့တောင် အိမ်ထောင်ကျနေပြီး စစ်သားတချို့လည်း ရွာထဲကို မကြာခန ဝင်ထွက်သွားလာနေပါတယ်။

ခွေးသားရောင်းသူ အပါအဝင် ဆင်သေကန်ရွာက ဈေးသည်တွေက တခြားရွာတွေမှာ သွားရောင်းတာထက် တပ်ထဲက ဈေးပိုပေးတဲ့အတွက် ပင်းကတော့တောင်ကို ကျော်ပြီး ပင်ပင်ပန်းပန်း ခြေကျင် သွားရောင်းကြပါတယ်။ ဒီဈေးသည်တွေလည်း တပ်အဝင်မှာ အစစ်ခံကြရပါတယ်လို့ သိရပါတယ်။ လျှပ်စစ်ပစ္စည်း ကနေ ရေဒီယိုအထိ ဘာမှ သယ်ခွင့်မရဘူးလို့ ဆိုပါတယ်။

တောင်-မြောက် သွယ်တန်းနေတဲ့ ပင်းကတော့ တောင်တန်းကြီးပေါ်မှာ ဒီတပ်တခုတည်းရှိတာ မဟုတ်ဘဲ လိုဏ်ခေါင်း ဖောက်နေတဲ့ ဒီတပ်ဟာ မြောက်ဘက်အစွန်မှာ ဖြစ်ပြီး အလယ်မှာက ဆက်သွယ်ရေးတပ်နဲ့ တောင်ဘက်အစွန်မှာ မကွေး ပင်မ စစ်လက်နက် ပစ္စည်းတပ်ရှိပါတယ်။ ဒီတပ်တွေဟာ တောင်ကြော တခုတည်းမှာပဲ တည်ဆောက်ထားတာဖြစ်ပြီး တပ်တခုနဲ့ တခု ၅ မိုင် ကျော်လောက် ကွာဝေးပါတယ်။

ဒီတပ် ၃ ခုထဲမှာ အလယ်က ဆက်သွယ်ရေးတပ်ဟာ နောက်ပိုင်းမှာ တပ်အနီးက လမ်းအတိုင်း ဒေသခံတွေကို ဖြတ်သွားဖြတ်လာခွင့် ပြုပေမယ့် လိုဏ်ခေါင်းဖောက်လုပ်နေတဲ့ တပ်နဲ့ စစ်လက်နက် ပစ္စည်းတပ်ကတော့ ဒေသခံတွေနဲ့ သူစိမ်းတွေကို အနားကပ်ခွင့်တောင် မပေးဘူးလို့ ဆိုပါတယ်။

ရွာမွန်ရဲ့ အနောက်ဘက်မှာရှိတဲ့ စစ်လက်နက် ပစ္စည်းတပ်ဟာ သူတို့ကန့်သတ်ထားတဲ့ နယ်မြေအတွင်းမှာ နွားစာအတွက် မြက်လာရိတ်ရင်တောင် မှတ်ပုံတင် ပြရပါတယ်။ ဒါတင် မကသေးပါဘူး၊ လှည်းတစ်စီးစာ မြက်ရိတ်ရင် သူတို့အတွက် မြေသြဇာဆိုပြီး နောက်ချေး နှစ်တင်း ပေးရပါသေးတယ်။

ဒီတပ်ထဲမှာ လွန်ခဲ့တဲ့ ၃ နှစ်လောက်က တပ်မိသားစုတွေကို စာသင်ရင်း ဗီဒီယိုမှတ်တမ်းယူမိတဲ့ ကျောင်းဆရာ တဦးကို စစ်တပ်က ဖမ်းဆီးပြီး ပြန်လွတ်လာတဲ့ သတင်းမကြားရဘဲ အဲဒီကျောင်းဆရာရဲ့ အစအန ပျောက်နေတယ်လို့ ရွာမွန်ဒေသခံတွေ ပြောပြချက်အရ သိရပါတယ်။

ဒီ တပ်စီမံကိန်း စတည်စဉ်က အနီးမှာရှိတဲ့ ရွာလေး၊ ရွာမွန်၊ ကုန်းဇောင်း၊ တောင်ထောင့် အပါအဝင် ရွာပေါင်း ဆယ်ရွာကျော်က ရာနဲ့ချီတဲ့ တောင်ယာတွေကိုသိမ်းပြီး သီးစား ပြန်ချစားနေတဲ့အတွက် အခုအခါမှာ ရွာခံတွေက စုပေါင်းလက်မှတ်ထိုးပြီး ပြန်တောင်းနေကြပါတယ်။

ရွာခံတွေက စုပေါင်းလက်မှတ်ထိုးပြီး တိုင်တန်းတာကို အစိုးရက ဘာမှ ဆောင်ရွက်ပေးမှု မရှိလို့ဆိုပြီး မြေယာတွေ ပြန်ရရေး တောင်းဆိုကြဖို့ ယာပိုင်ရှင်တွေက ပြင်နေကြပါတယ်။

ဒီတပ်တွေ စွဲထားတဲ့ ပင်းကတော့ တောင်တန်းဟာ မိုးရာသီ တခုကလွဲပြီး ပူးပြင်းခြောက်သွေ့ကာ ရေရှားပါးတဲ့နေရာ ဖြစ်ပါတယ်။ တိရိစ္ဆာန် စားကျက်နေရာကလွဲလို့ အသီးအနှံတွေတောင် စိုက်ပျိုးလို့ရတဲ့ နေရာတွေ မဟုတ်တဲ့ လွင်တီးခေါင် တောင်ကုန်းတွေပါ၊ မိုးရာသီမှာပေါက်တဲ့ မြက်တွေတောင် ဆောင်းလယ်ပိုင်းလောက် ရောက်တာနဲ့ ခြောက်သွေ့ကုန်ပါတယ်။

ဒါပေမယ့် ဒီတပ်တွေထဲမှာ အနီးအနားက ရွာတွေမှာ မရနိုင်တဲ့ ရေ၊ မီး ၂၄ နာရီရပြီး စားသောက်ဆိုင်၊ လင်ဖက်ရည်ဆိုင်တွေလည်း ရှိပါတယ်။ လျပ်စစ်မီးကတော့ ဖောဖောသီသီ သုံးနိုင်တဲ့အတွက် ပင်းကတော့ တောင်တန်းကြီးတခုလုံး တညလုံး ထိန်ထိန်လင်းနေပါတယ်။

ဒီတောင်တန်းဟာ နေပြည်တော်-ကျောက်ပန်းတောင်း ရထားလမ်းရဲ့ အရှေ့ဘက် ၂ မိုင် အကွာမှာ ရှိပြီး ကျောက်ပန်းတောင်း-မိတ္ထီလာ ကားလမ်းမကြီးကနေ နတ်မောက်မြို့ကို ဖြတ်ဖောက်ထားတဲ့ ကားလမ်းရဲ့ အနောက်ဖက် ၃ မိုင်ကျော် အကွာမှာ ဖြစ်ပါတယ်။

တောင်ရဲ့ အနောက်ဖက် ၃ မိုင်ခန့်အကွာ တောင်ကြော တလျှောက်မှာတော့ ပင်းချောင်း (အင်းကန်)၊ ဆင်သေကန်၊ ရှမ်းကုန်း၊ ဂွေးကုန်းနဲ့ သားမြား ကျေးရွာတွေရှိသလို တောင်ရဲ့ အရှေ့ဖက်မှာလည်း ဆားတုံး၊ ဒန့်သလွန်၊ စရန်အိုင့်၊ ပင်းမြို့ဟောင်း၊ ကုန်းဇောင်း၊ တောင်ထောင့်၊ ရွာလေး၊ ရွာမွန် စတဲ့ ရွာတွေဟာ ဒီတောင်ကြောတလျှောက်လုံးမှာ အနီးဆုံး ရွာတွေ ဖြစ်ပါတယ်။

ပင်းကတော့ တောင်အနီးမှာရှိတဲ့ ကျမတို့ ဒေသခံတွေဟာ အရင်တုန်းက တောင်ပေါ်နဲ့ တောင်ခြေတွေမှာ မျှစ်ချိုး၊ ထင်းခုတ်၊ ဟင်းသီးဟင်းရွက်ရှာ၊ တိရိစ္ဆာန်တွေ စားကျက်မြေအဖြစ် အသုံးပြုနိုင်ခဲ့ကြပေမယ့် ၁၉၉၇ ခုနှစ်ကစပြီး ဒီတောင်ပေါ်မှာ အစိုးရတပ် အဆောက်အဦးတွေ တည်ဆောက်လာပြီး နောက်ပိုင်း ကန့်သတ်နယ်မြေတွေ လုပ်လိုက်ပြီးကတည်းက ဒေသခံတွေ တောင်ခြေကို ကပ်ခွင့်မရတော့တာ ဆယ်နှစ်ကျော်ကြာခဲ့ပြီ ဖြစ်ပါတယ်။

ဒါကတော့ သမ္မတဦးသိန်းစိန်က ဒီမိုကရေစီဖြစ်စဉ်ကို သွားနေချိန်၊ ပွင့်လင်းမြင်သာမှု ရှိရမယ်ဆိုပြီး ပြောဆိုနေချိန်မှာ စစ်တပ်က မြေတွေ နေရာတွေ သိမ်းယူ၊ ဒေသခံတွေကို နှင်ထုတ်ကာ မြောက်ကိုရီးယား ပညာရှင်တွေနဲ့ လျှို့လျှို့ဝှက်ဝှက်လုပ်နေတဲ့ စီမံကိန်းတခု အကြောင်းပဲ ဖြစ်ပါတယ်။

[သီတာအေး (နတ်မောက်) မှာ အမည်ရင်း မဟုတ်ဘဲ ရေးသားပေးပို့သူ၏ ကလောင်အမည်ဝှက် တခုသာ ဖြစ်ပါသည်]
Irrawaddy

ပုသိမ်မောင်းထောင်းကျောင်း၌ ဆရာတော်ဦးသုမင်္ဂလ တရားဟောမည်

ယမန်နေ့ကမှ တရားဟောခွင့်ပြန်လည်ရရှိခဲ့သည့် ဆရာတော်ဦးသုမင်္ဂလ၏ တရားပွဲကို ပုသိမ်မြို့ မောင်းထောင်ကျောင်းတွင် လာမည့် ဇန်န၀ါရီလ(၂၉)ရက်နေ့ ၌ကျင်းပမည် ဖြစ်သည်ဟု လွန်ခဲ့သော(၁)လကျော်ကတည်း က ကြေငြာထားသည်။

ပုသိမ်မြို့မောင်းထောင်ကျောင်း ပရိယတ္တိစာသင်တိုက်တွင် ဖေဖေါ်ဝါရီလ(၅)ရက်နေ့မှ (၉)ရက်နေ့အထိ ကျင်းပပြုလုပ်မည်ဖြစ်သော အကြိမ်(၃၀)မြောက် ပုသိမ်ခရိုင်လုံး ဆိုင်ရာ ရွှေကျင်နိကာယ၀ိနယဓမ္မစာဖြေစာပြန် ပွဲတော်ကြီး၏ ဓမ္မပူဇာတရားပွဲတွင် ဒယ်အိုးဆရာတော်ဟု လူသိများသောဆရာတော်ဦးသုမင်္ဂလမှ ယခုလ (၂၉)ရက်နေ့မှ (၃၁)ရက်နေ့အထိ သုံးရက်တိုင်တိုင် ဟောပြောမည်ဖြစ်ကြောင်း ထည့်သွင်းကြေငြာထားခြင်း ဖြစ်သည်။

“ဦးတို့လည်း ကြေငြာထားလို့သာ သိရတာ၊ တကယ်ကောဆရာတော်ရဲ့တရားကို နာမှနာခွင့်ရမှ ရပါ့မလားလို့ စိတ်ထင့်နေတာ၊ မနေ့က သတင်းကြားမှပဲ စိတ်ချမ်းသာရတော့တယ်”ဟု ပုသိမ်မြို့ခံတစ်ဦးက ပြောသည်။

ဆရာတော်ဦးသုမင်္ဂလကို ကာလအတန်ကြာ တရားဟောပြောခွင့်ပိတ်ထားရာမှ ဇန်န၀ါရီ(၂၅)ရက် နေ့လည်၁နာရီ အချိန်က ရွှေတိဂုံစေတီတော် အရှေ့မုဒ် ကြေးသွန်းဘုရားကြီးရှေ့ရှိ ရန်ကုန်တိုင်း သံဃနာယကအဖွဲ့ရုံးတွင် ရုံးမှဆရာတော်ကြီးများနှင့် မိနစ်(၃၀)ကျော်အကြာ တွေ့ဆုံအပြီး တရားဟောပြောခွင့် ပြန်လည်ခွင့်ပြုလိုက်ပြီဖြစ်ကြောင်း ဆရာတော်မှ ဒကာ၊ဒကာမများနှင့် မီဒီယာများအား မိန့်ကြားခဲ့သည်။

စာပြန်ပွဲလက်ခံကျင်းပမည့် ပုသိမ်မြို့မောင်းထောင်ကျောင်းတိုက် ပဓာနနာယကဆရာတော် ဘဒ္ဒန္တဦးပညာဓိကမှ တရားပွဲအား အစီအစဉ်အတိုင်းသာ ကျင်းပခြင်းဖြစ်သည်ဟု မိန့်ကြားသည်။

(၃၀)ကြိမ်မြောက်၊ ဧရာဝတီတိုင်းဒေသကြီး၊ ပုသိမ်ခရိုင်လုံးဆိုင်ရာ ရွှေကျင်နိကာယ၀ိနယဓမ္မစာဖြေစာပြန် ပွဲတော် ကြီးကို ဖေဖေါ်ဝါရီလ(၅)ရက်နေ့မှ (၉)ရက်နေ့အထိ ပုသိမ်မြို့မောင်းထောင်ကျောင်း ပရိယတ္တိစာသင်တိုက်တွင် ကျင်းပပြုလုပ်မည်ဖြစ်ပြီး ဓမ္မသဘင်အဖြစ် သီတဂူကမ္ဘာ့ဗုဒ္ဓတက္ကသိုလ် အဓိပတိသပိတ်အိုင်ဆရာတော်ဘဒ္ဒန္တဥာဏိသရ၊ ဒယ်အိုးဆရာတော် ဘဒ္ဒန္တဦး သုမင်္ဂလ၊ဒေါက်တာဘဒ္ဒန္တဆေကိန္ဒ(ဓမ္မဒူတ)အပါအ၀င် ဆရာတော်(၁၀)ပါးမှ (၁၂)ရက်တိုင်တိုင် ညစဉ် ၇း၃၀အချိန်မှ စတင်၍ တရားဓမ္မများအား ဟောကြားသွားမည်ဖြစ်သည်။
မျိုးမင်းထွန်း (မြစ်မခ)
Myit Makha Mediagroup

အထက်လွှတ်တော်အမတ် John Kerryနဲ့ သမ္မတ ဘရက်ခ် အိုဘားမား

အမေရိကန် ပြည်ထောင်စုရဲ့ နိုင်ငံခြားရေး ၀န်ကြီးအသစ် အဖြစ်အမည်စာရင်း တင်သွင်းထားတဲ့ အထက်လွှတ်တော်အမတ် John Kerry ကို လွှတ်တော်မှာ ကြားနာရာမှာ သမ္မတ ဘရက်ခ် အိုဘားမား အစိုးရရဲ့ အဓိကနိုင်ငံခြားရေးရာ မူဝါဒတခုဖြစ်တဲ့ အာရှတိုက်ကို ပိုမို အာရုံစိုက်လာတဲ့ အစီအစဉ်အပေါ် ဝေဖန်ခဲ့တဲ့အတွက် အများက အာရုံစိုက်ခံခဲ့ကြရပါတယ်။ လက်ရှိ နိုင်ငံခြားရေး ၀န်ကြီး ဟီလာရီ ကလင်တန် ဒီနှစ်ထဲ တာဝန်က အနားယူပြီးချိန်မှာ အထက်လွှတ်တော်အမတ် Kerry ကို အစားထိုး ခန့်အပ်ခံရဖို့ သေချာသလောက် ရှိနေတာပါ။

နိုင်ငံခြားရေးဝန်ကြီအဖြစ် ခန့်အပ်ဖို့ အမည်စာရင်း တင်သွင်းထားတဲ့အပေါ် ကြားနာပွဲမှာတော့ အာရှတိုက်မှာ အမေရိကန်က စစ်ရေးချဲ့ထွင်မှုတွေ လုပ်သင့်တယ်လို့ သူ့အနေနဲ့ မယူဆကြောင်းနဲ့ ဒီလိုလုပ်လာမယ်ဆိုရင် တရုတ်နိုင်ငံနဲ့ မလိုအပ်ပဲ ထိပ်တိုက်ရင်ဆိုင် တိုးစေမယ့် အခြေအနေတွေ ပေါ်ပေါက်ကောင်း ပေါ်ပေါက်လာနိုင်တယ်လို့ ပြောဆိုခဲ့တာ ဖြစ်ပါတယ်။ သမ္မတ အိုဘားမားကတော့ အာရှတိုက်မှာ ချိန်ခွင်လျှာညှိတဲ့ မူဝါဒအဖြစ် ၂၀၁၁ ခုနှစ် နှောင်းပိုင်းမှာ ကြေညာခဲ့တဲ့နောက် သြစတြေးလျ၊ ဖိလစ်ပိုင်၊ စင်္ကာပူတို့အပြင် အာရှ-ပစိဖိတ် ဒေသတွင်းက တခြား နိုင်ငံတွေမှာ အမေရိကန်ရဲ့ တပ်ဖွဲ့တွေ၊ ပစ္စည်းအသုံးအဆောင်တွေ၊ ပူးပေါင်းဆောင်ရွက်မှုတွေလည်း တိုးလာခဲ့တာပါ။

အစိုးရ တာဝန်ရှိသူတွေကတော့ အမေရိကန် အနေနဲ့ အာရှဒေသနဲ့ အဆက်အဆံတွေ တိုးမြှင့်လာတာဟာ တရုတ်နိုင်ငံရဲ့ သြဇာကြီးထွားလာနေတာကို ထိန်းချုပ်ဖို့ မဟုတ်ဘူးလို့ ပြောဆိုထားတာ ဖြစ်ပေမဲ့လည်း တရုတ်နိုင်ငံကတော့ ဒီမူဝါဒနဲ့ ပတ်သက်လို့ ဘ၀င်မကျတဲ့ သဘောထားတွေ ပြောဆိုနေတာလည်း ဖြစ် ပါတယ်။ VOA Burmese Fan Page

မသောက်နဲ့ဦး

နော်ဝေနိုင်ငံသားတစ်ဦး ငပလီတွင်ရေနစ်သေဆုံး

နော်ဝေနိုင်ငံသား Mr .STA BURSVID AMEFINN ဆိုသူ မှာ ငပလီကမ်းခြေသို့ အပန်းဖြေ ရန်လာရောက်စဉ် ဇန်န၀ါရီ ၂၃ ရက်နေ့လယ်(၁း၃၀)အချိန်တွင် ပင်လယ်ကမ်းခြေသို့ ရေဆင်းကူး ရာမှ ရေနစ်သေဆုံးခဲ့ကြောင်းသိရ သည်။အဆိုပါ နော်ဝေနိုင်ငံသား Mr .STA BURSVID AMEFINN မှာငပလီကမ်းခြေ Amata ဟိုတယ် s19 အခန်း တွင် တည်းခိုသည်ဟု သိရပြီး ယင်းနိုင်ငံခြား သားမှာ ငပလီကမ်းခြေသို့ ရောက် ရောက် ခြင်းနေ့တွင်ပဲ ရေနစ်သေဆုံးခဲ့ ခြင်းဖြစ် သည် ဟု Amata ဟိုတယ် မှ တာဝန်ရှိ့သူတစ်ဦးက ဆိုသည်။

သေဆုံးသွားတဲ့နိုင်ငံခြား သားက ၂၃ ရက် နေ့ ၁၁း၁၅ ကကျွန်တော်တို့ ဟိုတယ် ကိုရောက်တယ်၊ သူရောက်ရောက်ခြင်းပဲ ဟိုတယ်မှာ အထုပ် အပိုးတွေ ထားပြီးတော့ ပင်လယ်ကမ်းခြေ ကို ဆင်းသွာတာ၊နေလည် (၁း၃၀)လောက်မှာ ကမ်းခြေမှာ အလောင်းတစ် လောင်းတွေတယ်ဆို လို့ သွားကြည့်တော့ ကျွန်တော် တို့ ဟိုတယ်မှာတည်းတဲ့ နိုင်ငံခြားသား ဖြစ်နေတယ် ဆိုတာ ကို သိရတယ် ဟု Amata ဟိုတယ် မှ ပြောရေး ဆိုခွင် ရှိ့ သူငပလီကမ်းခြေ Amataဟိုတယ်မှ ကိုကျော်သူထွန်း ကပြော ပြသည်။

အဆိုပါနော်ဝေနိုင်ငံသား မှာ အသက် ၇၉နှစ်အရွယ်ရှိပြီး ၎င်းမှာ နှလုံးရောဂါအခံလည်းရှိ ကြောင်း ၎င်း၏မိသားစုဝင်များ၏ ပြောပြချက်အရသိရကြောင်း ကိုကျော်သူထွန်းကထပ်မံပြောပြ သည်။ ယင်း ရေနစ်သေဆုံးသွား သည့် နော်ဝေနိုင်ငံသား၏ရုပ်အ လောင်းအား သံတွဲမြို့နယ်ဆေးရုံ ကြီးရှိ ရေခဲတိုက်တွင် ရင်ခွဲစမ်းသပ် ကြည့်ရာ ရိုးရိုးသာမန်ရေနစ်သေ ဆုံးခြင်းဖြစ်သည်ဟု သိရပြီး ၎င်း နိုင်ငံခြားသား၏ ရုပ်အလောင်း အား သံတွဲမြို့နာရေးကူညီမှုအသင်း မှ ရန်ကုန်မြို့သို့ မပို့ဆောင်ခင် အထိ ထိန်းသိမ်းစောင့်ရှောက်ထား ပေးကြောင်းလည်းသိရသည်။

အဆိုပါနော်ဝေနိုင်ငံသား ရေနစ်သေဆုံးမှုနှင့်ပတ်သက်ပြီး သံတွဲမြို့နယ်ရဲစခန်းမှ ရဲ လုပ် ထုံးလုပ်နည်းအတိုင်းသေမှုသေခင်း အဖြစ် အမှုဖွင့်ထားကြောင်းသိရ သည်။ ရခိုင်ပြည်နယ် သံတွဲမြို့နယ် ရှိ ငပလီကမ်းခြေသည် နိုင်ငံခြား သားအများအပြားလာရောက် အပန်းဖြေရာ နေရာဖြစ်ပြီး ယခု ရေနစ်သေဆုံးသည့်နော်ဝေနိုင်ငံ သားနှင့်ဆိုလျှင် ငပလီတွင်သေဆုံး သူ နိုင်ငံခြားသားနှစ်ဦးရှိပြီဖြစ် ကြောင်း ငပလီသတင်းရပ်ကွက်မှ သိရသည်။
မျိုးမြင့်
The Hot News

မြန်မာ့ဆက်သွယ်ရေးရဲ့ လုပ်ပိုင်ခွင့်တွေ တကယ်လုပ်နိုင်တဲ့ လုပ်ငန်းရှင်တွေဆီကို လွှဲပြောင်းပေးသင့်နေပြီ

မြန်မာ့ဆက်သွယ်ရေးရဲ့ လုပ်ပိုင်ခွင့်တွေ တကယ်လုပ်နိုင်တဲ့ လုပ်ငန်းရှင်တွေ ဆီကို လွှဲပြောင်းပေးသင့်နေပြီလို့ ဦးသိန်းဦးကပြောပါတယ်။ ရုိုက်ကူး စောနန်း
DVB TV News

ဘာသာရပ် ၃ ခု ဂျပန်တက္ကသိုလ်နှင့် ပူးပေါင်း သုတေသနပြုမည်

နိုင်ငံတကာ ဆက်ဆံရေး၊ စီးပွားရေးနှင့် ဥပဒေဘာသာရပ်များကို ဂျပန်တက္ကသိုလ်နှင့်ပူးပေါင်း၍ သုတေသနပြုလုပ်သွားမည်ဟု အဆင့်မြင့် ပညာဦးစီးဌာန ညွှန်ကြားရေး မှူးချုပ် ဦးဇော်ဌေးက ပြောသည်။
ရန်ကုန်တက္ကသိုလ်နှင့် ဂျပန် နိုင်ငံရှိ နာဂိုရာတက္ကသိုလ်တို့ ပူးပေါင်း၍ အဆိုပါလုပ်ငန်းစဉ်ကို အကောင်အထည်ဖော်ရန် သဘောတူညီမှု ရရှိသွားပြီဟု အထက်ပါပုဂ္ဂိုလ်က ဆိုသည်။

''ပထမဦးဆုံး ဥပဒေဌာနမှာ သုတေသနစင်တာ တည်ထောင်ပါမယ်။ ပြီးမှ နိုင်ငံတကာဆက် ဆံ ရေးနဲ့ဘောဂဗေဒတွေကိုဆက်လုပ် သွားပါ့မယ်''ဟု ညွှန်ကြားရေးမှူး ချုပ် ဦးဇော်ဌေးက ပြောသည်။
ရန်ကုန်တက္ကသိုလ် ဥပဒေဌာန မှာ ၁၉၈၈ ခုနှစ်ရှေ့ပိုင်း ကာလများက တောင်ကိုရီးယား၊ ထိုင်း၊ ဂျပန်၊ ဂျာမနီတို့နှင့် သုတေသန ပူးပေါင်းဆောင်ရွက်မှုကို ပြုလုပ်ခဲ့ သည့်အပြင် ၂ဝ၁ဝ ခုနှစ်မှစ၍ ပြင်သစ် Toulouse 1 တက္ကသိုလ် နှင့် သင်ကြားမှုလုပ်ငန်းဆိုင်ရာများ ပူးပေါင်းဆောင်ရွက်နေသော်လည်း သုတေသနစင်တာတစ်ခု တည် ထောင်သည့် အခြေအနေအထိ မရောက်ခဲ့ကြောင်း ၄င်းဌာန၏ ဌာနမှူး ပါမောက္ခ ဒေါက်တာ ခင်မာရီထံမှ သိရသည်။

''ဥပဒေဌာနမှာ သုတေသန စင်တာ တည်ထောင်တယ် ဆိုရင် ဒါက ပထမဆုံးပဲ။ ပညာရပ်ပိုင်း ဆိုင်ရာအသစ်တွေကို ပူးပေါင်းပြီး လေ့လာ သုတေသနပြုလို့ ပိုရတာ ပေါ့'' ဟု ဒေါက်တာခင်မာရီက သုံးသပ်သည်။ ရန်ကုန်တက္ကသိုလ် ဥပဒေဌာနမှ တာဝန်ရှိသူများအား ဒေါ်အောင်ဆန်း စုကြည်ကိုယ်တိုင် ခေါ်ယူတွေ့ဆုံမှုကို ဒီဇင်ဘာလ အတွင်းက နေပြည်တော် ၌ ပြုလုပ်ခဲ့သည်။ Popular Myanmar News Journal

ပြည့်တန်ဆာနှင့် ပျော်ပါးသူများ အရေးမယူသည့် ဥပဒေ ပြင်မည်မဟုတ်

ရန်ကုန်မြို့မှ ညဥ့်ငှက်ကလေးများ (ဓာတ်ပုံ – Felix Features)

မြန်မာနိုင်ငံတွင် ၁၉၄၉ ခုနှစ်က ပြဋ္ဌာန်းထားခဲ့သော ပြည့်တန်ဆာ နှိပ်ကွပ်ရေးဥပဒေကို ပြင်ဆင်မည်မ ဟုတ်ဘဲ ယင်းဥပဒေအရ ပြည့်တန်ဆာနှင့် ပျော်ပါးသူ အမျိုးသားများကိုလည်း တရားခံများအဖြစ် သတ်မှတ် တရားစွဲဆို အရေးယူခွင့် မရှိကြောင်း ပြည်ထဲရေးဝန်ကြီးဌာန ဒုတိယ၀န်ကြီး ရဲချုပ်ကျော်ကျော် ထွန်းက ပြောသည်။

ယနေ့ နေပြည်တော်တွင် ကျင်းပသော ပြည်သူ့လွှတ်တော် အစည်းအဝေးတွင် တာမွေမြို့နယ် ပြည်သူ့လွှတ်တော် ကိုယ်စားလှယ် ဒေါ်လဲ့လဲ့ဝင်းဆွေက ပြည့်တန်ဆာ အမျိုးသမီးများနှင့်ပျော်ပါးသူ အမျိုးသားများကိုလည်း အားပေး ကူညီသူများအဖြစ် သတ်မှတ်ပြီး တရားစွဲဆို ပြစ်ဒဏ်ပေးရန် အစီအစဉ် ရှိ၊ မရှိ မေးမြန်းခဲ့ရာ ရဲချုပ်ကျော်ကျော်ထွန်းက အထက်ပါအတိုင်း ပြန်လည်ဖြေကြားလိုက်သည်။

၁၉၄၉ ခုနှစ်က ပြဋ္ဌာန်းခဲ့သော ပြည့်တန်ဆာ နှိပ်ကွပ်ရေး အက်ဥပဒေသည် ပြည့်တန်ဆာမှုများ ပပျောက်ရေးအတွက် ပြဋ္ဌာန်းထားသော ဥပဒေဖြစ်ပြီး ယင်းဥပဒေအရ ပြစ်မှုကျူးလွန်သော အမျိုးသမီး၊ အမျိုးသားများကို တန်းတူ အခွင့်အရေး ပေးရန်မဖြစ်နိုင်ကြောင်း၊ ပြည့်တန်ဆာမှုများသည် မမြင်ကွယ်ရာတွင် ဖြစ်ပွားသော အမှုများဖြစ်သည့်အတွက် သက်သေ အထောက်အထား လက်ပူးလက်ကျပ်ဖြင့် ဖမ်းဆီးရန် အလွန်ခက်ခဲကြောင်း၊ ထို့ကြောင့် အသွင်ယူသူနှင့် ငွေကြေးပေး ကာမ ရယူသော အမျိုးသားများကို သက်သေအဖြစ် အသုံးပြုကာ တရားစွဲဆို တင်ပို့ရခြင်း ဖြစ်ကြောင်း၊ ဥပဒေအရလည်း ပျော်ပါးသူ အမျိုးသားများက သက်သေအဖြစ် ထွက်ဆိုလျှင် ပြစ်ဒဏ်မှ ကင်းလွတ်ခွင့် ပြုထားကြောင်း ရဲချုပ်ကျော်ကျော်ထွန်းက ရှင်းပြသည်။

“ပြည့်တန်ဆာ ပြစ်မှုကို သက်သေထင်ရှား ပြသနိုင်ဖို့ အကြောင်း အားလုံး သိရှိသမျှ ထုတ်ဖော်ပြောဆိုတဲ့ အမျိုးသားများကို ပြစ်ဒဏ်မှ ကင်းလွတ်ခွင့် ပေးထားပြီး ဖြစ်တဲ့အတွက် အမျိုးသမီးများနဲ့အတူ ဖမ်းဆီးရမိတဲ့ ငွေကြေးပေး ကာမရယူတဲ့ အမျိုးသား များကို ပြစ်မှုဆိုင်ရာဥပဒေ ပုဒ်မ ၃၄၊ ၁၁၄ နဲ့ ၁၀၉ တို့အရ အားပေးကူညီသူအဖြစ် တရားစွဲဆို ပြစ်ဒဏ်ချမှတ် နိုင်ခြင်း မရှိပါ” ဟု ရဲချုပ် ကျော်ကျော်ထွန်းက ဆိုသည်။

သို့ရာတွင် ပြည့်တန်ဆာ လုပ်ငန်းကို စီးပွားဖြစ် လုပ်ဆောင်သူ၊ ပြည့်တန်ဆာလုပ်ရန် ဆွဲဆောင်သူများ၊ ပြည့်တန်ဆာအဖြစ် ရရှိသည့် စီးပွားကို အသက်မွေးဝမ်းကြောင်း ပြုသူ၊ ပြည့်တန်ဆာအဖြစ် အလုပ်လုပ်ရန် သွေးဆောင် အနိုင်ကျင့်သူ၊ ပြည့်တန်ဆာအိမ် စီမံကြီးကြပ်သူ၊ စီမံကြီးကြပ်ရာမှာ ကူညီဆောင်ရွက်သူများကို အမျိုးသမီးဖြစ်စေ၊ အမျိုးသားဖြစ်စေ ဥပဒေအရ အလုပ်ကြမ်းနှင့် တနှစ်အောက်မနည်း၊ သုံးနှစ်ထက်မပိုသော ထောင်ဒဏ်စီရင်မည်ဟု သိရှိရသည်။
ပြည့်တန်ဆာပင် ဖြစ်သော်လည်း အမျိုးသားက အလိုမတူဘဲ ကာမဆက်ဆံလျှင် ပြစ်မှုဆိုင်ရာဥပဒေ ပုဒ်မ ၃၇၆ မုဒိမ်းမှု မြောက်ပြီး ယင်းအမျိုးသားကို တရားစွဲဆို ပြစ်ဒဏ်ချမှတ်နိုင်သည်ဟု ရဲချုပ်ကျော်ကျော်ထွန်းက ရှင်းပြသည်။

ပြည်သူ့လွှတ်တော် ကိုယ်စားလှယ် ဒေါ်လဲ့လဲ့ဝင်းဆွေကမူ ပြည့်တန်ဆာ အမျိုးသမီးကို အရေးယူပြီး ပျော်ပါးသူ အမျိုးသားကို အရေးမယူခြင်းသည် ကျားမ ခွဲခြားမှုတရပ် ဖြစ်သည်ဟု ပြောသည်။
ပြည့်တန်ဆာ နှိပ်ကွပ်ရေး ဥပဒေဖြင့် အမျိုးသမီးများကို ဖမ်းဆီး ပြစ်ဒဏ်ချမှတ်ရာတွင်လည်း အသက် ၁၈ နှစ်အောက် မိန်းကလေးများ ပါဝင်နေပြီး ယင်းအမျိုးသမီးများကို အသက်ပြည့်ပြီးသူများ ကဲ့သို့ အကျဉ်းထောင်များတွင် ပြစ်ဒဏ် ပေးထားသည်ဟု ဒေါ်လဲ့လဲ့ဝင်းဆွေက လွှတ်တော်တွင် တင်ပြ ပြောဆိုသွားသည်။

“ပြည့်တန်ဆာအဖြစ် အဖမ်းခံထားရတဲ့ အသက် ၁၈ နှစ်မပြည့်သေးတဲ့သူရဲ့ မိခင်နဲ့ အစ်မက လာရောက် အကူအညီ တောင်းခံလို့ ဒီမေးခွန်း ဖြစ်ပေါ်ခဲ့ရခြင်း ဖြစ်ပါတယ်။ ၁၉၄၉ ခုနှစ် ပြည့်တန်ဆာ နှိပ်ကွပ်ရေး အက်ဥပဒေအရ ၁၈ နှစ်အောက် မိန်းကလေးများ ပါဝင်လျက် ရှိနေကြောင်း သိနေရပါတယ်။ အဆိုပါ အသက်မပြည့်ပြီးသူများ အရေးယူရာမှာ အသက်ပြည့်ပြီး အရွယ်ရောက် သူများသဖွယ် တရားစွဲဆိုပြီး ပြစ်ဒဏ် ကျခံစေလျက် ထောင်ကျခံစေကြောင်း သိရပါတယ်။ အဲဒီလို အရွယ် မရောက်သေးဘဲ ထောင်ဒဏ် ကျခံနေရတဲ့ အမျိုးသမီးငယ်များကို အကျဉ်းထောင်များအတွင်း ပြန်လည် စိစစ်ပေးစေလိုပါတယ်” ဟု ဒေါ်လဲ့လဲ့ဝင်းဆွေက ပြောသည်။

ရဲချုပ် ကျော်ကျော်ထွန်းကမူ အကျဉ်းထောင်များတွင် ပြစ်ဒဏ် ကျခံနေရသော အမျိုးသမီးများကို အသက်စိစစ် လက်ခံကြောင်း၊ ပြည့်တန်ဆာမှုဖြင့် အကျဉ်းကျ ခံနေရသော အကျဉ်းသူများကို အသက်မွေးဝမ်းကြောင်း လုပ်ငန်း သင်ကြားပေးပြီး ခုခံအား ကျဆင်းမှုရောဂါရှိ၊ မရှိ စစ်ဆေးပေးကြောင်း၊ ရောဂါရှိကြောင်း စစ်ဆေးတွေ့ရှိရပါက မန္တလေးနှင့် ရန်ကုန်တိုင်း ဒေသကြီး တွံတွေးမြို့တွင် ရှိသော အမျိုးသမီးများ ပြုစုစောင့်ရှောက်ရေး စခန်းများသို့ ပေးပို့ စောင့်ရှောက်မှုများ ပြုလုပ်ပေးကြောင်း ရှင်းလင်းပြောဆိုသည်။
ပြည့်တန်ဆာ နှိပ်ကွပ်ရေးအက်ဥပဒေ ပုဒ်မ ၃၊ ပုဒ်မခွဲ (ခ) အရ ပြည့်တန်ဆာ လုပ်ငန်းဖြင့် အသက်မွေးသူဖြစ်ကြောင်း စစ်ဆေးတွေ့ရှိရလျှင် အလုပ်ကြမ်းနှင့် တနှစ်အောက်မနည်း၊ သုံးနှစ်ထက်မပိုသော ထောင်ဒဏ်ကျခံရမည်ဟု ပြဋ္ဌာန်းထားသည်။

ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းကမူ မြန်မာနိုင်ငံတွင် ပြည့်တန်ဆာများကို ကျန်းမာရေး စိစစ်ပြီး တရားဝင် လိုင်စင်ထုတ်ပေးခွင့် ပြုသော စနစ်ဖြစ်ထွန်းရေးမှာ မြန်မာ့ယဉ်ကျေးမှုအရ မဖြစ်နိုင်သေးကြောင်း၊ ဥပဒေအရ တရားဝင် ခွင့်မပြုပေးထားသော်လည်း မြန်မာနိုင်ငံ တွင် ပြည့်တန်ဆာလုပ်ငန်း ကြီးထွားနေပြီး ကူးစက်ရောဂါများ ပျံ့ပွားစေသော ကျန်းမာရေး ဆိုးကျိုးများနှင့် လူမှုရေး ဆိုးကျိုးများ ဖြစ်ထွန်းနေကြောင်း ရှင်းပြသည်။ “ဒီနိုင်ငံမှာ ဥပဒေနဲ့ ပြည့်တန်ဆာတွေ ခွင့်ပြုဖို့က ယဉ်ကျေးမှုအရ မဖြစ်နိုင်သေးဘူး။ ဒါပေမယ့် ပြည့်တန်ဆာ လုပ်ငန်းက ကြီးမားစွာ ရှိနေတာပဲ။

အဲဒါကြောင့် ဖြစ်တဲ့ နောက်ဆက်တွဲ ဆိုးကျိုးတွေကလည်း တော်တော်ကို များပါတယ်။ လူတွေကို ကျန်းမာရေး အသိပေး သင်တန်းတွေ၊ ပညာပေးလုပ်ငန်းတွေနဲ့ ဆက်သွားရမယ် ထင်ပါတယ်” ဟု ဦးဖြိုးမင်းသိန်းက ပြောသည်။

ပြည့်တန်ဆာ နှိပ်ကွပ်ရေး အက်ဥပဒေအရ ပြည့်တန်ဆာများကို ခုခံအားကျဆင်းမှု ရောဂါဆိုင်ရာ အသိပညာပေးရန် အလွန်ခက်ခဲပြီး ပြည့်တန်ဆာများ ကလည်း ကျန်းမာရေး အသိပညာပေး သင်တန်းများ တက်ရောက်ရန်ပင် ကြောက်ရွံ့ နေကြကြောင်း၊ ၁၉၄၉ ခုနှစ် ပြည့်တန်ဆာ နှိပ်ကွပ်ရေး အက်ဥပဒေမှာ ခေတ်မမီတော့သည့်အတွက် ပြင်ဆင်သင့်ကြောင်း၊ အရှေ့တောင် အာရှနိုင်ငံများတွင်ပင် ပြည့်တန်ဆာများကို ဥပဒေအရ ခွင့်ပြုလာပြီဟု သိရှိထားကြောင်း အမျိုးသား ဒီမိုကရေစီအဖွဲ့ချုပ် (NLD) အနေဖြင့် HIV/AIDS ဝေဒနာရှင်များ ကုသစောင့်ရှောက်ပေးနေသော ကိုရာဇာက ပြောသည်။

“ဥပဒေကြောင့် အသိပညာပေးရေး လုပ်ငန်းလုပ်ရတာ တော်တော်ခက်ပါတယ်။ ၂၀၀၆ ခုနှစ် တုန်းကဆိုရင် World Vision က၀န်ထမ်းအမျိုးသမီးက ဈေးတခုမှာ ပြည့်တန်ဆာတွေနဲ့အတူ ဖောက် သည်တွေကို ကွန်ဒုံးဝေတယ်။ အဲဒါကို ရဲက အဲဒီ World Vision ဝန်ထမ်းကို ပြည့်တန်ဆာပါဆိုပြီး ဖမ်းပြီး အရေးယူဖို့ လုပ်တော့ ကျနော်တို့ မနည်းလိုက်ရှင်းပေးရတယ်။ ပြောချင်တာက အဲဒီဥပဒေက ခေတ်မမီတော့ဘူး။ ပြင်ဆင်ဖို့ လိုနေပါပြီ” ဟု ကိုရာဇာက ဆိုသည်။
irrawaddy

စာပေစိစစ်ရေး ဖျက်သိမ်း၍ မူပိုင်ခွင့်နှင့် မှတ်ပုံတင်ဌာနခွဲအသစ် ဖွဲ့စည်းမည်

ဇန်နဝါရီလ ၂၅ ရက် ၂၀၁၃
ရန်ကုန် (မဇ္ဈိမ)။ ။ မူပိုင်ခွင့် မှတ်ပုံတင်ပြုလုပ်ခြင်း လုပ်ငန်းများ၊ ပုံနှိပ်လုပ်ငန်းနှင့် ထုတ်ဝေခွင့် မှတ်ပုံတင် လုပ်ငန်းများကို ဒီမိုကရေစီစနစ်နှင့်အညီ ဆောင်ရွက်နိုင်ရန်အတွက် မူပိုင်ခွင့်နှင့် မှတ်ပုံတင် ဌာနခွဲအသစ်ကို ပြန်ကြားရေးနှင့် ပြည်သူဆက်ဆံရေး ဦးစီးဌာန လက်အောက်တွင် ဖွဲ့စည်းသွားမည်ဖြစ်ကြောင်း သိရသည်။

၂၀၁၂ ခုနှစ်၊ သြဂုတ် ၂၀ ရက်မှ စပြီး ထုတ်ဝေစာတွေ ကြိုတင်စီစစ်တဲ့စနစ်ကို ဖျက်သိမ်းခဲ့ပြီး စာပေစိစစ်နှင့် မှတ်ပုံတင်ဌာနခွဲကိုလည်း ဖျက်သိမ်းနိုင်ရန်အတွက် ၂၀၁၃ ခုနှစ်၊ ဇန်နဝါရီလ ၂၄ ရက်တွင် ပြုလုပ်သည့် ပြည်ထောင်စု အစိုးရအဖွဲ့ အစည်းအဝေးက ခွင့်ပြုခဲ့ပြီး ဖြစ်သည်။

“စာပေစိစစ်ရေးလုပ်ငန်းက အခုလက်ရှိအချိန်နဲ့ ဘယ်လိုမှ မကိုက်ညီတဲ့အတွက် ဖွဲစည်းပုံ အခြေခံဥပဒေနဲ့အညီ ဖွဲ့စည်းရမှာ။ စာပေစိစစ်ရေးကို ဖျက်ကတည်းက မူပိုင်ခွင်နဲ့ မှတ်ပုံတင်ဌာနကို လုပ်မယ်ဆိုပြီး လျာထားတာ။ အခု အဲဒီအတိုင်း လုပ်တာပါ” ဟု မူပိုင်ခွင့်နှင့် မှတ်ပုံတင်ဌာန ညွှန်ကြားရေးမှူး ဦးမျိုးမြင့်မောင် က မဇ္ဈိမကို ပြောသည်။

အဆိုပါ ဌာနခွဲအသစ်အား ဖွဲ့စည်းခြင်းဖြင့် ပုံနှိပ်လုပ်ငန်းနှင့် ထုတ်ဝေခွင့် မှတ်ပုံတင်လုပ်ငန်း၊ စာပေ အနုပညာဆိုင်ရာ မူပိုင်ခွင့်နှင့် မှတ်ပုံတင်လုပ်ငန်းများကို တိုင်းနှင့် ပြည်နယ်၊ ခရိုင်၊ မြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံးများနှင့် ဆက်စပ်၍ ပိုမိုလျှင်မြန်စွာ ဆောင်ရွက်နိုင်မည်ဟု ဆိုသည်။

“အရင်က ပြည်နယ်/တိုင်းတွေကို ဗဟိုခံပြီးလုပ်တာပေါ့။ ပြန်ဆက်ရဲ့ ထူးခြားချက်က ပြည်နယ်/တိုင်း၊ မြို့နယ်တိုင်းမှာ ရှိတယ်။ အဲဒီအတွက် မှတ်ပုံတင်တဲ့သူတွေ ပိုပြီး လွယ်ကူလာမှာပေါ့။ လုပ်ဆောင်တဲ့ အဆင့်တွေ နည်းသွားတာပေါ့။ နယ်မှာ မှတ်ပုံတင်ခွင့်က ပေါ်လာမယ့် စာနယ်ဇင်း ဥပဒေနဲ့ ဆိုင်တယ်။ တိုင်းနဲ့ ပြည်နယ်တွေမှာ မှတ်ပုံတင်ခွင့်ကို လုပ်ပေးနိုင်မယ့် အစီအစဉ်တွေကို ထည့်တော့ စဉ်းစားထားတယ်” ဟု မူပိုင်ခွင့်နှင့် မှတ်ပုံတင်ဌာန ညွှန်ကြားရေးမှူး ဦးမျိုးမြင့်မောင် က ပြောသည်။Mizzima - News in Burmese

လာဘ်ပေးလာဘ်ယူမှုသတင်း တင်ပြခြင်း

မုံရွာ၊ဇန်န၀ါရီ ၂၄
မုံရွာမြို့နယ်တွင် တရုတ်နိုင်ငံသူတစ်ဦးအား ငွေကြေးတောင်းယူ၍ နိုင်ငံသားအဖြစ် မှတ်ပုံတင်...။
စစ်ကိုင်းတိုင်းဒေသကြီး မုံရါာမြို့နယ် ခတ္တက္ကန်တောင်ရွာတွင် တရုတ်နိုင်ငံသူတစ်ဦးအား ငွေကြေးတောင်ခံရယူပြီး နိုင်ငံသားအဖြစ်မှတ်ပုံတင် ပြုလုပ်ပေးခဲ့ကြောင်း ၎င်းကျေးရွာခံရွာသားတစ်ဦးက ပြောကြားသည်။
" သူတို့သားသမီးမဟုတ်ကြောင်းလဲ ရွာသိရပ်သိကြီးဗျာ..။ ပြီးတော့ တရုတ်မတစ်ယောက်ကို နိုင်ငံသားစီစစ်ရေး ရရှိအောင်လုပ်ပေးတာကတော့ အရမ်းကိုလွန်တာပေါ့"ဟု ၎င်းဒေသခံက ပြောသည်။
မှတ်ပုံတင်ပြုသူ အမျိုးသမီမှာ ရှမ်းပြေည်မြောက်ပိုင်းတွင် တရားမ၀င်..၀င်ရောက်နေထိုင်သော ဦးအိုက်စံ၏သမီး မအာကျဲမေဆိုသူအား မကြူအေး ဆိုသည့်နာမည်ပြောင်းဖြင့် ခတ္တက္ကန်မြောက်ရွာအုပ်ချုပ်ရေးမှုး ဦးမြင့်ဆွေ ဆိုသူကငွေကျပ် (၅) သိန်ရယူ၍ နိုင်ငံသားစီစစ်ရေးကဒ်ပြားရရှိရန် ဆောင်ရွက်ပေးလိုက်ကြောင်းသိရှိရသည်။ 
Monywa Times

ဒီနေ့နေပြည်တော် ဖြစ်ရပ်မှန်နှင့် နေပြည်တော်လာမည့်သူများ သိထားသင့်သော ၀န်ကြီးရုံးများအခြေအနေ

နေပြည်တော်လျှပ်စစ်ဝန်ကြီးရုံး (ယခင် ပြည်သူ့မေတ္တာဖြင့် ပြုတ်သွားသော ၀န်ကြီးဇော်မင်းရုံး) ၀င်ပေါက်တွင် လုပ်ငန်းလုပ်ကိုင်ရန်လာရောက်လုပ် ကိုင်သူများအား မည်သူ့မျှ ပေးမ၀င်တော့ပါ။

လုပ်ငန်းဆောင်ရွက်ချင်သူ၊ လုပ်ငန်းလုပ်ချင်လို့ လာရောက်စုံစမ်းသူများ၊ လုပ်ငန်းဆောင်ရွက်နေသူများအားလုံးကို ၀န်ကြီးရုံးအတွင်းသို့ မည်သူမျှဝင်ခွင့်မပြုတော့ပဲ တွေ့လိုသူအမည်ကို ပြောနိုင်မှသာ အဆိုပါလူအား ဂိတ်မှ Intercom ဖြင့် လှမ်းခေါ်ပေးမှ အပြင်ကို အထဲမှ ၀န်ထမ်းမှ လာတွေ့မှသာ ဂိတ်တွင်တွေ့ခွင့်ရပါသည်။

လုံးခြုံရေးဗိုလ်ကြီးဆိုသူ၏ ပြောကြားချက်အရ ၀န်ကြီးရုံးအတွင်းက ညွှန်ကြားရေးမှူး၊ ဒုတိယ ညွှန်ကြားရေးမှူးချုပ်အဆင့်က ၀င်ခွင်းပေးပါဆိုတောင် ၀င်ခွင့်မပေးတော့ကြောင်း၊ ညွှန်ကြားချက်ထုတ်ထားကြောင်း ပြောကြားပါသည်။

ပြင်ပမှ လုပ်ငန်းလာရောက်လုပ်ကိုင်သူများမှာ နေပူထဲရပ်စောင့်နေရပြီး လုပ်ငန်းဆောင်ရွက်လို့မရတော့ကြောင်း၊ ၀န်ကြီးရုံးနှင့် ဒီလိုလုပ်လျှင် ၀န်ကြီးဌာနနှင့် မည်သို့မှ အလုပ်လုပ်လို့မရကြောင်း။

အခုလိုလုပ်တာဟာ လာဒ်ပေးလာဒ်ယူလို့ မရအောင်လို့ ဆောင် ရွက်ခြင်းဖြစ်ကြောင်း၊ လုံခြုံရေးတိုးမြင့်သည့် အတွက်ဖြစ်ကြာင်း၊ ထို့ကြောင့် ကုမ္ပဏီများမှ မိမိတို့ လုပ်ငန်းအတွက် ၀န်ကြီးရုံးနှင့် ဆက်ဆံရမည့်သူများအား ညဖက်အိမ်များတွင် သွားတွေ့၊ လက်ဆောင်ပေးပြီး ချိတ်ဆက်လုပ်ကိုင်မှသာ အချင်းချင်းအဆင်ပြေပါသည်။

လုပ်ငန်းအသစ်လုပ်ချင်သူများလာရောက်စုံးစမ်းပါကလည်း အ၀င်မခံ၊ အတွေ့မခံသဖြင့် ၀န်ကြီးဌာနနှင့် လုပ်ငန်းလုပ်ကိုင်လိုသူများ ဘာမှလုပ်လို့မရဖြစ်နေပါသည်။

ကုမ္ပဏီများ၊ အ၀င်အထွက်ရှိသူများမှ လူကြီး၊ ဌာနမှ ဆက်ဆံရမည့်သူများ အား ဖုန်းဆက်၊ အပြင်တွင် တွေ့ဆုံပြီး လုပ်ခိုင်းမှသာ ၀န်ကြီးရုံးနှင့် အလုပ်လုပ်ပြီး အဆင်ပြေလျှက်ရှိပါသည်။

ထို့ကြောင့် အတွေ့ခက်အောင်လုပ်ခြင်းဖြင့် ရုံးတွင်လာဒ်ပေးလို့မရအောင် ၀န်ကြီးရုံးများမှ ဆောင်ရွက်လျှက်ရှိပါသည်။ ထို့ကြောင့် နေပြည်တော်သို့ လာရောက်လုပ်ငန်းလုပ်ကိုင်လိုသူများအနေဖြင့် ဖုန်းသိ၊ ဂွင်သိမှသာ အဆင်ပြေမည်ဖြစ်ပါသည်။

Massage From နေပြည်တော်

အေ မ့ေ ခါ် သံ ( မောင်စွမ်းရည် )

အရုဏ်အတက်
ကုလားတက်ခေါက်သံကြားတော့
သား နိုးနေပြီ အမေ ၊
သားက ဧည့်သည်
အမေ့အိမ်မှာ သားဟာ
ဧည့်သည်ပါ။

အိမ်ကထွက် ရွာဘက်ကခွာ
မြို့ကိုတက် ပညာရှာ
နှစ် သုံးဆယ်ကြာတော့
ပညာပါမက ကြင်ရာပါမက
ရင်အနာပါ ရခဲ့ပေါ့
အသက်က ၄၀ လွန်
မျက်မှန်ကတစ်လက် ဂုဏ်နဲ့စက်ပြီး
မနက်က၀ယ်လာ ညနေမှာတပ်
ရပ်ရွာကိုတွေး စာကိုရေးတော့
ကလေးကလားနဲ့ သားရဲ့ဝါသနာ
(ခွင့်လွှတ်ပါ)
အမေ့ဖို့စာ ကဗျာနဲ့ပဲ ရေးမိတယ်။

တစ်ခုသောည
ညဥ့်နက်လှပြီ
ရှိသမျှ မြေးသား
လသာသာ ကွင်းကျယ်ကျယ်
မျောက်အုပ်လယ် ယုန်ရောက်သလို
ခုန်ခုန်ပေါက်ပေါက်နဲ့ မီးတောက်အောင်ကစားလို့
မောမှသာနား၊ အိပ်သွားကြပြီ
နွားနှစ်ကောင် စားမြုံ့ပြန်လို့
ခြူသံကြိုးကြား
အမြီးဖျား တဖျပ်ဖျပ်
ခြင်ယပ်တာလည်း ကြားရပြီ။

အမေရယ် သားရယ်
ရေနွေးကရားရယ်
နွားလှည်အိုထက်၊ ကြယ်ပြိုးပြက်မှာ
ထန်းလျက်တစ်ကိုက်၊ ရေနွေးတစ်ကျိုက်
လျောင်းလိုက်၊ ထိုင်လိုက်
တိုးလိုက်၊ ကျယ်လိုက်နဲ့
မငိုက်စတမ်း၊ မသမ်းမဝေ
စကားအထွေထွေကို
သားနဲ့အမေ၊ မနားမနေပြောခဲ့ကြ…
အဲဒါတွေ သတိရပြီး
တစ်စကဗျာ၊ သီမိပါခဲ့။

ဆွေကြီးမျိုးကြီး
သွေးသောက်ကြီး၊ ခုံမင်းကြီး
မြို့သူကြီး၊ ရွာသူကြီး
မြေရှင်ကြီး၊ ထန်းရှင်ကြီး
ဘိုးကြီး ဘွားကြီးများ…
ဘုရားထူးခံကြတဲ့အကြောင်း။

ငွေဓားတစ်ချောင်း၊ ကြေးမောင်းတစ်လုံး
နှစ်လုံးပြူး သေနတ်နဲ့ လက်မှတ်ရရွာသူကြီး
နှစ်ဖက်သော ဘိုးကြီးတွေ
ဘယ်မြေ ဘယ်ကမ်း
ဘယ်ထန်း ဘယ်ထင်း
ဘယ်ကွင်း ဘယ်ရိုး၊ ဘယ်ကို လက်ညှိုးထိုးမလဲ
မလွဲတမ်းပိုင်ကြ
မြေစုမြေခွန်၊ မြေကျွန်တွေ တရုံးရုံးနဲ့
သုံးမကုန် လှူမခန်း၊ ချမ်းသာစွဆိုတဲ့အကြောင်း။

မြို့ကြီးနဲ့ကွာ၊ ကျေးတောရွာမှာ
တူတန်တာမရှိ၊ ပျင်းရိအားယား
လူပျိုကြီး အပျိုကြီး ဦးကြီး ဒေါ်ကြီးများကြားမှာ
ဟောဒီကသား
ဘယ်ရာသီ ဘယ်လိုဖွားလို့
ဘယ်အခါ ဘယ်လိုဖျားပြီး
ဘယ်အရွယ် ဘယ်လိုစကားနဲ့
ဘယ်လိုသွား ဘယ်လိုလာတဲ့
အကြောင်း…။

ဂျပန်ခေတ်က
ဖက်ဆစ်ဂျပန်၊ တော်လှန်သူများ
မောင်များ မတ်များ၊ တူသားများဟာ
ယခုအခါ ရွာအရှေ့ထိပ်
ညောင်ညိုရိပ်မှာ
ကာကီအင်္ကျီ ကိုင်းမှာချိတ်
ပြောင်းဖူးဖက် ဆေးလိပ်နဲ့
ပုတီးစိပ်သူ စိပ်တဲ့အကြောင်း။

ထန်းရည်အိုးကိုဖက်၊ ထန်းရွက်ကိုခင်း
ထန်းပင်ရင်းမှာ
အိပ်သူ အိပ်တဲ့အကြောင်း။

တချို့က ထွန်စက်မောင်း
ပြောင်းရိုးစဉ်းစက် ခုတ်သူခုတ်။

တချို့ပိန် တချို့ဝ
တချို့က သမ၊ တချို့က ၀ိသမ။

တချို့က အရည၀ါသီ
တချို့က ဂါမ၀ါသီ
နီသူနီ ပြာသူပြာ။

မဟာဆွေ အစ မဟာစည်အဆုံး
ဘဂျမ်း (တင်မိုး)၊ သာနိုး (ဆံရှည်)
ကျူသေ ကျူရှင်၊ ဗေဒင် ယတြာ
ရိပ်သာအဆုံး…
အမုန်းအချစ်၊ ကဗျာသစ် စာသစ်
အညှစ်အသတ်၊ အပစ်အခတ်နဲ့
အညစ်အပတ်များ အကြောင်း။

ဆရာလွမ်းမှသည် ဆရာစွမ်းအထိ
ခင်မောင်ရင်မှသည် ခင်မောင်ချင်းအထိ
ကျီးသဲလေးထပ်မှသည် ကမ်းနားခြောက်ထပ်အထိ
ဗန်းမော်ဆရာတော်မှသည် ဗန်းမော်တင်အောင်အထိ
အင်းလျားကန်မှသည် ကြာနီကန်အထိ
စိုင်းထီးဆိုင်မှသည် ကွမ်းယာဆိုင်အထိ
ဘိန်းဖြူမှသည် ဘိန်းပြာ ဘိန်းဝါအထိ
မှတ်မိမှတ်ရာ၊ ဖတ်မိဖတ်ရာ
စပ်မိစပ်ရာတွေ အကြောင်း။

အမေရယ်၊ ကျွန်တော်ရယ်
ဗန်းမော်တင်အောင် ထောင်ကအထွက်
ထန်းလျက်ကျွေးရင်း၊ ရှေးဟောင်းနှောင်းဖြစ်
"လွမ်းရစ်တော့ သက်လှယ်ရယ်"
"ဘုန်းမောင့် တစ်ယောက်တည်းရယ်"
"… တော့ကာသာဘဲရယ်"
ငယ်စာ ငယ်စကား၊ သားနဲ့အဖေ
စာတွေ ပေတွေထဲမှာ
သူရဲကောင်း ရှာခဲ့တဲ့အကြောင်း။

အဖေရယ် ကျွန်တော်ရယ်
လယ်ပြင်ပေါ် ပြောင်းခင်းကြား
ပြောင်းဖူးဖုတ်စားရင်း
သေနတ်နဲ့ဓား၊ တစ်လှည့်စီကစား
သားတစ်ပြန် ဘတစ်ပြန်
အအုပ်နဲ့အခံ၊ ကာရန် ကစားခဲ့တဲ့အကြောင်း။

ညီငယ်နဲ့ ကျွန်တော်
လျှော်ခွာတဲ့ ချောင်းအစပ်
မနော်နွယ် ဘင်္ဂလား
သရက်ရွမ်းများ ခတ်ရင်း
နောင်သိဒ္ဓတ် ကြာခြည်လှပ်ဆဲ
စိတ်ပြတ်နဲ့ မင်းနန်၊ နောင်တော်ကို ချန်
ဆံတော်ကို မချ၊ သပိတ်သံ မပြဘဲ
နိက္ခမ ကျင့်တဲ့အကြောင်း။

မိခွေးရယ်၊ မိအေးရယ်
ကျွန်တော် င၀က်ရယ်၊ အဒေါ် ဒေါ်ကြွက်ရယ်
ကြက်သွန်ကျင်း ရေလောင်း၊ ဆေးခင်း ပေါင်းပေါက်
ဝါကောက် ပဲတူး၊ ဆေးခူး ဆေးလှန်း
ထမင်းကြမ်းနဲ့ ထန်းရည်ချို
ချိုချိုမွှေးမွှေး၊ အသည်းအေးအောင်
အမြဲလွေးကြတဲ့ အကြောင်း။

ဝါခင်းအစပ်၊ မားမတ်တဲ့ ပင်လက်ပံ
ဆက်ရက်တွေ ချိုးတွေ ညိုးညိုးညံတော့
ရွာအပြန် ခရီးတစ်ထောက်
လက်ပံပွင့်ကြွေ လေထီးတွေကို
သမီးတွေနှစ်ယောက်၊ သားတစ်ယောက်
လုယက်လို့ ကောက်ကြ
သုံးယောက်ရဲ့အသံ၊ တောလုံးလျှံ
ကိုးယောက်လို ညံတဲ့အကြောင်း။

ဘိုးဘွားကုသိုလ်၊ ကန်ပေါက် လျှိုစောင်း
နွားသိုးနှစ်ကောင်၊ ဖိုးမောင် ကျောင်းလို့
ထနောင်းလဲ တုံး၊ ထန်းလဲ ပြုန်းတဲံ
သင်္ချိုင်းကုန်းက၊ သုံးပင်ဇရပ်
ကြက်လျှာဆူး၊ နဘူးပတ်ချိန်
သွပ်ချပ်အမိုးကို၊ သူခိုးတွေခွာတော့
မြို့ပေါ်မှာ သေတ္တာဖြစ်
ရွာဦးကျောင်းက၊ ခေါင်းလောင်းတွေလဲ
မမြဲအနိစ္စ၊ သင်္ခါရနယ်ထဲ
လှည်းသမား ထွန်စက်မောင်း
ရွာခေါင်း ရပ်ခေါင်း၊ ဘာခေါင်းမှ မကျန်ရစ်
ကဗျာမှာ စာမှာ၊ ငါ ငါ ငါနှင့်
ငါ သူတစ်ပါး၊ ကျားကျားမမ
တစ်နေ့ကျတော့
သင်္ခါရ တံခါးပေါက်ကို အလျားမှောက်ပြီး
ခေါက်ရမှာ ဖြစ်တဲ့အကြောင်း။

ဟိုအကြောင်း၊ ဒီအကြောင်း
အကြောင်းမျိုးစုံ၊ ဖြစ်မျိုးစုံ
ပြောမကုန်၊ မရိုးနိုင်
သန်းခေါင်တိုင်၊ သန်းလွဲကျော်
ကျွန်တော် အသိသား
စကားဟာ ပဓာန မဟုတ်ဘူးလို့။

ဒီသား….
အကြီးသား၊ ဘရီးဘရား
တဒီးလွှားလွှားနဲ့၊ မကြီးပွားသူ
ခရီးသွား နက္ခတ်နဲ့၊ ယှဉ်ကပ်လို့ဖွား
ဗွေပါတဲ့ ဖ၀ါးနဲ့ အဝေးဆုံးသွား
အငေးဆုံးသား
အမေ့နားကို၊ ကြိုးကြားရံခါ
ခဏသာ လာတဲ့သူ။

သားဖြစ်သူ၊ အပါးက
သွားချေ၊ နားချေ၊ အိပ်ပါချေ
ဆိုပေမယ့်လဲ
အမေ မသွား၊ အမေ မနား
သား သက်လျာကို၊ ကြုံလာတုန်းမှာ
ပြုံးကာ ရယ်ကာ၊ ပုတ်ခတ်ကာနဲ့
ကြည့်ကာမ၀
သန်းခေါင်ကျော် သန်းလွဲကျမှ
ခဏဖယ်ခွာ
အမေ မှေးရုံ မှေးရှာတယ်။

အရုဏ်အတက်၊ ကုလားတက်သံအကြား
နွားစာအကျွေး၊ ဆန်အဆေး
မြေးတစ်ယောက်ကိုနှိုး၊ တီးတိုးတီးတိုးနဲ့
ရွာရိုးကို လျှောက်ခဲ့
သားမြေးတွေ သောက်စရာ
နွားနို့ရှာ ဆိတ်နို့ရှာ
သကာလုပ် မုန့်ဖုတ်
အမေ အလုပ်ရှုပ်ခဲ့ပြီ။

ခေါင်းပေါ်မှာ တဘက်တင်
အိမ်စဉ် အနှံ့သွား
ယုန်သားဝယ်၊ ဂျုံသကြားဝယ်
ရက်ကန်းရှယ်သလို
ရွာလယ် ရွာရိုး၊ လွန်းထိုး လာသွား
ငှားလိုက် ချေးလိုက်၊ ကျွေးလိုက် တိုက်လိုက်
ချက်ပြုတ်လိုက်နဲ့၊ ချွေးပြိုက်ပြိုက်ယို
အမေအို
သားကို ကျွေးလို့ မောတယ်မရှိ။

သြော်…. ခုအခါ
အမေ့ရွာ သားမရောက်
သုံးနှစ်လောက် ကြာခဲ့ပြီ။

အမေ့စာ
"သား၊ အမြန်လာ" တဲ့
ပြေးဟာ လွှားဟာ၊ ရုန်းဟာ ကန်ဟာနဲ့
ကဗျာတစ်ပုဒ်၊ စာတစ်ဆုပ်
လက်လုပ်လက်စား၊ အမေ့သား
ဓားတောင် မဆီး၊ မီးပင်လယ် မခြား
အမေ့ခေါ်သံ ကြားသော်လည်း
ဝမ်းသမုဒ္ဒရာ၊ အူဂင်္ဂါခြားတာကြောင့်
သား မလာ၊ မြေး မလာ
ကဗျာတို ပူပုံပန်းနှင့်
စာတစ်ညို၊ လူကြုံကမ်းရတယ်။

အမေ စားဖို့
ဘားပလက်၊ တစ်ဘူး နှစ်ဘူး
ကလူးကိုး တစ်ထုပ်စ နှစ်ထုပ်စ
တစ်နှစ်မှ တစ်ခါ နှစ်ခါ
စတိသာ ပို့အားတဲ့ သားခမျာ
အမေ ပေးတဲ့
ဆယ့်လေးတန်း ပညာနဲ့
မြို့ပေါ်မှာ သောင်တင်
ကလောင်မင် အက်ဆစ်စွက်
ဟိုပက် ဒီကော်
တစ်နေ့သော် ပိုင်နိုး နိုင်နိုးနဲ့
ဝေဖန်ရေး ကျားဆိုးကို
အားကြိုးမာန်ခဲ အမြီးကို ဆွဲမိပေါ့။

သြော်…. အမေ့ရွာ သားမရောက်
သုံးနှစ်လောက် ကြာ၊ သုံးဝါ ရွှေ့ဆိုင်း။

"မလာဖြစ်နိုင်ဘု၊ ၀ါခေတ်တစ်ခါကုန်တော့" လို့
တေးအကြုံ ရှေးပုံနဲ့ လွမ်းလိုက်ကဲ့
ဆန်ပန်း တပြာပြာ၊ အိမ်ကြမ်း တခါခါနဲ့
နွားပြာ တသသ၊ ၀ါးဖျာ တမမ
စားစရာ တချချ
အများတကာကို သားစာပြပါလို့
အိမ်ဝမှာ အမေကြိုရော့
နေညိုချိန်တိုင်း။

မြန်မာလူမျိုးကကိုယ့်မြန်မာ လူမျိုးကို မကူညီရင် ဘယ်သူကူညီ မလဲ ဂျပန်နိုင်ငံမှ ဖက်ရှင်ဒီဇိုင်နာ ဇာနည်ထူးထူး

'ဂျပန်နိုင်ငံမှာ ဖက်ရှင်ဒီဇိုင် နာအဖြစ် အောင်မြင်ကျော်ကြားနေတဲ့ မြန်မာ လူမျိုးဇာနည်ထူးထူး (ခေါ်)shibuya zarny နဲ့တွေ့ဆုံခြင်း' အကြောင်း ကို ပေါ်ပြူလာဂျာနယ် အတွဲ ၁၆၊ အမှတ် ၄၄မှာဖော် ပြပြီးကတည်း က ဇာနည်ထူးထူးရဲ့ အကြောင်းတွေ ကို မြန်မာပရိသတ်တွေ ဖတ်ရပြီး စိတ်ဝင်စားခဲ့ကြပါတယ်။

အင်တာနက် ပေါ်မှာလည်း နိုဘယ်ဆုပေးပွဲမှာ ဒေါ်အောင်ဆန်းစုကြည်ဝတ်ဆင်ခဲ့တဲ့ မြန်မာဝတ်စုံကို ကိုယ်တိုင်ချုပ်ပြီး ကန်တော့ခဲ့သူ ဇာနည်ထူးထူး ပုံနဲ့ ဒေါ်အောင်ဆန်းစုကြည်ရဲ့ ပုံကိုလည်း တွေ့မြင်ခဲ့ရပါတယ်။ အခုတပတ် မှာတော့ မြန်မာနိုင်ငံက ဖက်ရှင်ပွဲ တွေနဲ့ ပတ်သက်ပြီး သူ့ရဲ့ အမြင်တွေ ကို "အင်တာနက်က တစ်ဆင့် မြန်မာနိုင်ငံမှာ ဖက်ရှင်ပွဲေ တ်ာတော်များများ လုပ်တာလည်းတွေ့ ရပါ တယ်။ ကျွန်တော်စဉ်းစား မိတာကတော့ မြန်မာနိုင် ငံမှာ ဒီလိုဖက် ရှင်မော်ဒယ်တို့၊ကြီးကျယ်တဲ့ ဖက်ရှင်ရှိုးပွဲတွေ လိုလားလို့ေ တွးမိတယ်။ မြန်မာနိုင်ငံက လူတွေက အင်္ဂလိပ် လိုပြောတာ တော်ကြတယ်။ ဒါပေမဲ့ ဒီလိုအင်္ဂလိပ် စာကောင်းတဲ့လူတွေ ကို နိုင်ငံတော်က ဘာလို့ မပံ့ပိုး တာလဲ။

ကိုရီးယားနိုင်ငံကိုကြည့်လိုက်ရင် သူတို့နိုင်ငံက တောင်ကိုရီးယား နဲ့ မြောက် ကိုရီးယားဆိုပြီး၂ခုကွဲ နေတယ်။ ဒါပေမဲ့ကိုရီးယားနိုင်ငံက ဒီ ၁ဝနှစ်အတွင်း မှာ တော်တော်တိုးတက်လာတာ တွေ့ရတယ်။သူတို့ စွမ်းရည်ကို သူတို့ ထုတ်ပြနိုင်ကြတယ်။ သူတို့ နိုင်ငံကလည်း သူတို့ကိုတအား ပံ့ပိုးကြ တယ်။မြန်မာနိုင်ငံ မှာကြီးကျယ်တဲ့ ဖက်ရှင်ရှိုးပွဲတွေ လုပ်လည်း ဒါတွေကို ဘယ်နိုင်ငံကမှ မသိကြဘူး။အဲဒါကြောင့် ကျွန်တော် က မြန်မာနိုင်ငံက လူငယ်မင်းသား၊ မင်းသမီးတွေကို ရွေးချယ်ပြီး ဂျပန်က ကုမ္ပဏီနဲ့ပူးပေါင်းပြီး ဂျပန် က ဖက်ရှင်ရှိုးပွဲတွေမှာ မော်ဒယ်အဖြစ် ရှိုးလျှောက်ခိုင်းတာမျိုးတွေ လုပ်ချင် တယ်။ မြန်မာလူမျိုးတွေအတွက် ဖက်ရှင်ရှိုးပွဲတွေက သိပ်မလိုဘူး။ စိတ်ချမ်းသာမှ ဖက်ရှင်ဆို တာကို တွေးလို့ရတယ်။ ကျွန်တော် တို့ မြန် မာနိုင်ငံမှာ ပလတ်စတစ်ကောက်တဲ့ ကလေးတွေ၊ လမ်းမမှာ အမှိုက် ကောက်တဲ့ ကလေးတွေ၊ပန်းတွေလိုက်ရောင်း နေတဲ့ကလေးတွေ အများ ကြီးရှိနေကြ တယ်။ဖက်ရှင်ရှိုးပွဲကြီးတွေအများကြီးလုပ်မယ့်အစား အဲဒီလိုကလေး လေးတွေကိုကာကွယ်စောင့် ရှောက်တဲ့ ကုမ္ပဏီတွေ ဖြစ်သင့်ပါတယ် ။

မြန်မာစကားမပြောနိုင်တဲ့ တိုင်းရင်းသား တွေရှိကြတယ်။သူတို့ အားလုံး က မြန်မာစကားကို သင်ကြပြီး တိုင်းရင်းသားတွေ အားလုံး ငြိမ်းချမ်းရေး လိုင်းကိုယူပြီး ဖက်ရှင်ရှိုး လုပ်တာပိုမကောင်းဘူးလား။ ကျွန်တော်က ဂျပန် နိုင်ငံတို့၊ကိုရီးယားနိုင်ငံတို့က မင်းသား၊ မင်းသမီးတွေနဲ့ အမြဲ တမ်း ပေါင်းသင်းဆက်ဆံဖြစ်တယ်။ သူတို့ကိုလည်း အမြဲတမ်း မေးဖြစ် တယ်။ဘယ်သူ့ကြောင့်မင်းသား ဖြစ်ချင်တာလဲ။ ဘယ်သူ့ကြောင့် မင်းသမီး ဖြစ်ချင်တာလဲ။ ဘာကြောင့် ဖက်ရှင် ရှိုးပွဲလုပ်ချင်တာလဲ လို့ မေးဖြစ်တယ်။

ဒီနိုင်ငံလူတွေကိုလည်း မြန်မာလူမျိုးကိုဘယ်လိုမြှင့်တင်ချင်တယ်။ဘယ်လိုတိုးတက်ချင်တယ် ဆိုတာ မျိုးပဲလိုချင်တယ်"လို့ပြောပါတယ်။ ဇာနည်ထူးထူး က မြန်မာနိုင်ငံ ကလူငယ် တွေကိုကြိုးစားချင်စိတ်တွေ ပျောက်သွားမှာ စိုးရိမ်ကြောင်းကိုလည်း "ကျွန် တော့်ရဲ့ အဘိုးအဘွား၊ အဖေ၊ အမေ တို့အားလုံးက ဗုဒ္ဓဘာသာကိုကိုးကွယ် ကြပါတယ်။ကျွန်တော်ကလည်း ဗုဒ္ဓဘာသာဝင်တစ်ယောက်ပါပဲ။ ဒါပေမဲ့ အခုမြန်မာပြည်ရဲ့စဉ်းစားမှုမှာ အမှားတစ်ခုရှိတယ်လို့ထင်တယ်။ဆင်းရဲနွမ်းပါးတဲ့ ကလေးတွေ က ရှေးကုသိုလ် ကောင်းမှုနည်းခဲ့လို့ ဒီ ဘဝမှာဒီလို ဆင်းရဲနွမ်းပါးတဲ့ ဘဝကို ရောက်နေတာပဲလို့ သူတို့ပေါ်ကိုယ့် ထိုက်နဲ့ကိုယ့်ကံလျစ်လျူရှုချင်တဲ့ စိတ်တွေ ဖြစ်လာနိုင်ပါ တယ်။ သူတို့မှာ စပွန်ဆာဖိနပ်မရှိရင်လည်းကိုယ့် ဘာသာကိုယ်ကြိုးစားပြီးဖိနပ်ဝယ်နိုင် ဖို့ business တစ်ခုမြန်မာပြည်မှာ လုပ်ဖို့လိုအပ်တယ်။

အခုအချိန်မှာ မြန်မာပြည် က သမိုင်းသစ်ကို ရောက်နေပါ ပြီ။ ဆင်းရဲနွမ်းပါးတဲ့ ကလေးတွေလည်း အခုရောက်နေတဲ့ ဘဝကို အားမလျော့စေချင် ဘူး။ အခုဆိုရင် ဂျပန်မှာ သူတောင်းစားဆိုတာ လုံးဝ မရှိတော့ပါဘူး။ံHomeless ဆိုတာတော့ရှိတယ်။ ဒါပေမဲ့ သူတို့တွေက လည်း ပိုက်ဆံ ရှိပြီးတော့ အလုပ်မလုပ် ချင်လို့ မလုပ်ကြတဲ့လူတွေပဲ။ အဲဒီလိုပုံစံနဲ့ မြန် မာပြည်က Homeless ဖြစ်နေကြတဲ့ အခြေအနေနဲ့ လုံးဝ မတူပါ ဘူး။ ကိုယ်က အခုဘဝမှာ ချမ်းသာပြီး ရုပ်ရည်ချောမောလှပလို့ ကံကောင်းတယ်လို့ ထင်တဲ့လူငယ်တွေက ကံမကောင်းတဲ့ ဆင်းရဲချို့တဲ့ သူတွေကို ကူညီကြဖို့ တိုက်တွန်းချင်ပါတယ်။ မြန်မာပြည်မှာက ပိုက်ဆံ တအား ချမ်းသာတဲ့လူနဲ့ မချမ်းသာတဲ့ လူတွေရဲ့အခြေအနေတွေက တအား ကို ကွာဟနေတယ်။ မြန်မာနိုင်ငံက လူတွေယဉ်ကျေးတယ်ဆိုတာကို တခြားနိုင်ငံက လူတွေကနားလည် ထားကြတယ်။ မြန်မာလူမျိုးက ကိုယ့်မြန်မာလူမျိုးကို မကူညီရင် ဘယ်သူကူညီမလဲ။" လို့ ပြောပြပါတယ်။
ခိုင်ဝေလွင်
Popular Journal