နေပူ တာက ပူတာပဲ၊ အိမ်က ပူတာက ပိုဆိုးတယ်။

ရန်ကုန်၊ မေ ၆
သာမန်ထက် ကျော်လွန်နေသော မြန်မာ နိုင်ငံ၏ အပူချိန်ကြောင့် အပူဒဏ်ကာကွယ်ရေး နှိုးဆော်စာများကို နိုင်ငံပိုင်သတင်းစာ၊ ရုပ်မြင်သံ ကြားတို့မှ နေ့စဉ်ကြေညာထုတ်လွှင့်နေသော် လည်း လက်တွေ့လိုက်နာကျင့်သုံးရန်မစွမ်းသော သူများအများအပြားရှိနေ သေးသည်။



”ဒီရာသီက အရမ်းအလုပ်ရှုပ်တဲ့ ရာသီပေ့ါ။ နေ့ခင်းဘက် ချစ်ချစ်တောက်ပူနေလည်း နားဖို့ မပြောနဲ့။ ယားလို့တောင်မကုတ်အားဘူး။ အဲ တစ်နေ ရာကနေ တစ်နေရာအကူးမှာတော့ ကား ပေါ်ကရေသန့်ဘူးတွေပေါ်မှာပဲ တစ်မှေးမှေး ရတာပေါ့” ဟု ရန်ကုန်မှ ရေသန့်ပို့လုပ်သား ကိုမြကဆို သည်။ နွေရာသီ ရေသန့်ရောင်း အကောင်းဆုံးအချိန်မို့ သန်လျင်ရှိစက်ရုံမှ ရေ သန့်ဘူးများအား မြို့တွင်းရေသန့်ဆိုင်များသို့ လိုအပ်ချက်အရ အလျင်မီအောင်ပို့ပေးနိုင်ရေး အတွက် နေ့လယ်နေ့ခင်းအနား ယူသင့်သော အချိန်များတွင်လည်း သူတို့အနားမယူနိုင်ကြ။ ”ဘောက်ဆူးပေးမယ်ေ တာ့ ပြောတယ်။ ဒါပေမဲ့ အရမ်းပင်ပန်းတယ်ဗျာ။ နေပူပူထဲမှာ ချွေးကလည်း တအား ထွက်ဆိုတော့ ညအလုပ် သိမ်းရင်လူကို ခြေကုန်လက် ပန်း ကျနေတော့ တာပဲ။ နောက်နေ့တွေ ဆက်လုပ်ဖို့တောင် နည်းနည်းကြောက်နေမိတယ်”ဟု ကိုမြက ပြောသည်။

ထို့အတူ အချို့သော ဆောက်လုပ်ရေး လုပ်ငန်းခွင်များတွင်လည်း လုပ်သားသစ်ရှာမရ သဖြင့် နေပူရှိန်ပြင်းထန်သော်လည်း အနားယူ ချိန် အလုံ အလောက်ပေးရန် အခက်အခဲ ရှိ ကြောင်း သိရသည်။ ”အလုပ်သမားအသစ်က အရမ်းရှားတယ်။ လက်ခံထားတဲ့ အလုပ်ကို ပြီးရမယ့်အချိန်မီ အောင်လည်း လုပ်ရမယ်ဆိုတော့ သူတို့ကို လုပ်ခပိုပေးတယ်။ ကျွန်တော်ကတော့ ကျွန်တော့် အလုပ် သမားတွေကို ရှင်းပြတယ်။ နေပြင်း တယ်။ အနားယူသင့်တယ်။ ဒါပေမဲ့ ဘာညာပေါ့ ဗျာ။ သူတို့ကလည်း လုပ်ခပိုရမယ်ဆိုတော့ လုပ် မယ်ပေါ့”ဟု လမ်းမတော်မြို့နယ် အဆောက် အအုံ ကန်ထရိုက်တာ ဦးမြင့်မောင်က ပြော သည်။ထိုကဲ့သို့ လုပ်ငန်းခွင်ဝင်ရာ၌လည်း နေပူ ဒဏ်ထိုက်သင့်သလောက် သက်သာရာရစေရန် အတွက် ခမောက်၊ ဦးထုပ်၊ အင်္ကျီလက်ရှည်များ စီစဉ်ပေးခဲ့သည်ဟု ၄င်းက ဆိုသည်။

ထို့အတူ NLD အခမဲ့ဆေးခန်းတွင် ဆေး ကုသမှုပေးရသော ဒေါက်တာကျော်စွာဦးက လုပ်ငန်းရှင်များအနေဖြင့် အပူဒဏ်လွန်ကဲသော ကာလလုပ် ငန်းခွင်အတွင်း အလုပ်သမားများ၏ ကျန်းမာရေးအတွက် လိုအပ်သည်များကို ဖြည့် ဆည်းပေးရန် တာဝန်ရှိသည်ဟု ယူဆထားသင့် ကြောင်း အကြံပြုသည်။ ”တအားပူတော့ အနည်းဆုံး ရေဘူးလေး တွေ ဆောင်သွားသင့်တယ်။ အလုပ်ရှင်ဘက် ကလည်း အမိုးအကာတို့၊ ရေသန့်တို့ကို စီစဉ်ပေး သင့်တယ်။ အလုပ်သမားတွေ ရေဆာတိုင်းသာ ရေဝယ်သောက်ရမယ်ဆို သူတို့ရှာသမျှ ရေဖိုးနဲ့ ကုန်မှာ ပဲ”ဟု ၄င်းက ပြောသည်။သို့ရာ တွင် မြန်မာနိုင်ငံသည် အလုပ်သမား အခွင့်အရေးကို တန်ဖိုးမထားတတ်သေးသော နိုင်ငံတစ်ခုဖြစ်ရာ အလုပ်သမားကို စောင့်ရှောက် တန်ဖိုး ထားရကောင်းမှန်းမသိဘဲ ကိုယ့်အလုပ် ပြီးရေးကိုသာ စဉ်းစားအာရုံစိုက်တတ်သော အလုပ်ရှင်များလည်း ရှိပါသေးသည်။ ”မြစ်ထဲကနေ သဲတို့၊ေ ကျာက် စရစ်တို့ကို စက်နဲ့စုပ်တယ်ဆိုတာ လူက သိပ်မပင်ပန်းဘူး။ ဒါပေမဲ့ ဘာအရိပ်မှမရှိဘူး။ တအားပူတာ” ဟု ပြောသူကတော့ ပုသိမ်မြို့ ‘နေလ’ အုတ်သဲ ကျောက်ရောင်းဝယ်ရေးမှ အလုပ်သမားတစ်ဦး ဖြစ်သည်။ မိုးမကျမီဆောက်လုပ်ရေး လုပ်ငန်း အချို့အပြီးသတ်ရန် အားသွန်နေမှုကြောင့် အုတ်သဲကျောက် ဝယ်လိုအား များလာရာ အလုပ်သမားများမှာ နေပူဒဏ်လည်း မရှောင်ကြ ရရှာပါ။

”တအားပူတဲ့အချိန်မှာ ရေစိုလိုက်၊ ပြန် ခြောက်လိုက်နဲ့ဆိုတော့ တစ်ယောက်ကတော့ မခံနိုင်တော့လို့ ထွက်လိုက်ရပြီ။ ကျွန်တော် ကတော့ ထွက် လို့ အဆင်မပြေသေးဘူး” ဟု သူ့အခက်အခဲကို ပြောသည်။ယခုလက်ရှိမြန်မာနိုင်ငံ၏ အပူချိန်သည် သာမန်ထက်လွန်ကဲနေသောကြောင့် နေပူချိန် အပြင်းဆုံးဖြစ်သည့် နေ့လယ်နေ့ခင်းအချိန်များ တွင် အလုပ်ရှင်များက အလုပ်သမားများကို နေပူရှောင် အနားယူစေသင့်ကြောင်း ကျန်းမာ ရေးေ လာကမှ ပညာရှင်များက ဆိုကြသည်။



”နေအပြင်းဆုံးလို့ဆိုရမယ့် ၁၂ နာရီ လောက်ကနေ ၃ နာရီလောက်အထိ အနားပေး သင့်တယ်။ အထူးသဖြင့် နေပူစပ်ခါးမှာ လုပ်ရ တဲ့ အလုပ်မျိုးေ တွမှာပေါ့” ဟု ကျန်းမာရေး ဝန်ကြီးဌာန ဗဟိုကျန်းမာရေး ညွှန်ကြားရေးမှူး အငြိမ်းစားဒေါက်တာခင်မောင်လွင်က မှတ်ချက် ပြုသည်။ ထိုကဲ့သို့ အနားယူစေခြင်းဖြင့် အလုပ်ရှင် များက မိမိအလုပ်သမား အပေါ် ကိုယ်ချင်း စာနာစိတ် ပြသရာရောက်ပြီး အလုပ်အတွက် ပိုမိုအကျိုးရှိစေမည်ဟု ၄င်းကဆိုသည်။”အလုပ်ရှင်တွေအနေနဲ့ အလုပ်သမားရဲ့ ကျန်းမာရေးကို ဂရုစိုက်ပေးရမယ်။ ဒါမှအလုပ် သမားက အလုပ်ခွင်မှာ ကျန်းမာပျော်ရွှင် စွာ အလုပ်လုပ်နိုင်မယ်။ ကိုယ့်အလုပ်အတွက်လည်း အကျိုးရှိမယ်” ဟု ဒေါက်တာခင်မောင်လွင်က ထောက်ပြ ပြောဆိုသည်။သို့ရာတွင် အလုပ်ရှင် ၏ ဖိအားကြောင့် မဟုတ်ဘဲမိသားစု စားဝတ်နေရေးကြောင့် အပူ ဒဏ်ရှောင်ရန် မစွမ်းသာသူများလည်း ရှိပါသည်။



”အာ … ရှောင်လို့ ဘယ်ရမလဲ။ နေပူ တာက ပူတာပဲ။ အိမ်က ပူတာက ပိုဆိုးတယ်။ အလုပ်မလုပ်ဘဲနေရင် ဒီနေထက်ပိုပူမှာပေါ့။ ကုန်သယ်စရာရှိ လို့ကတော့ ရေပဲဆူဆူ၊ ရေငွေ့ပဲ ပျံပျံလုပ်ရမှာပဲ” ဟု လမ်းမတော်မြို့နယ် ဝါးတန်း ဆိပ်မှ ကူလီအလုပ်သမား ကိုဖိုးဇော်က ပြော သည်။ ကူလီ လုပ်သားအချို့မှာ နေပူဒဏ် မရှောင် ကြရုံသာမက နေ့လယ်နေ့ခင်း အားလပ်ချိန် များတွင် အရက်သေစာသောက်သုံးမှုများပင် ရှိသည်ဟု သူက ဆိုသည်။ ”အတော်ပေကြတာဗျာ။ ကျွန်တော်က မိသားစုကြောင့်သာ မနားရဲတာ။ အရမ်းပူလို့ အန္တရာယ်ရှိမှန်းတော့သိတယ်။ သူတို့ကတော့ ဘာမှ မကြောက်ဘူး။ သောက်စားနေကြတာပဲ။ အခုထိတော့ တစ်ယောက်မှ ဘာမှ မဖြစ်သေး ဘူး” ဟု ၄င်းက ပြောသည်။ နွေကာလ အရက်သေစာေ သာက်စားမှု ကြောင့် သေဆုံးမှုများ မကြာခဏ ကြားနေရပြီး ယခုကဲ့သို့ အပူရှိန်လွန်ကဲ သည့် နေ့လယ်နေ့ခင်း အချိန်တွင် အရက်သေစာ သောက် စားမှု လုံးဝ မပြုသင့်ကြောင်း ဒေါက်တာကျော်စိုးက အကြံပြု ထားပါသည်။ ”သူတို့အနေနဲ့နေ့ခင်းဘက်မှာ အရက် သောက်တာမျိုး လုံးဝမလုပ်သင့် ဘူး။ အသက် အန္တရာယ်ရှိတယ်” ဟု ၄င်းကပြောသည်။
ကျော်ရဲလင်း၊ မြတ်စုငြိမ်း 
Popular Myanmar News Journal

အနာဂတ်လွှတ်တော်များ

နိုင်ငံရေးနှင့်ပတ်သက်၍ အမျိုးသားနိုင်ငံရေး၊ လွှတ်တော်နိုင်ငံရေး၊ ပါတီနိုင်ငံရေး၊ ပါတီပြင်ပနိုင်ငံရေး စသဖြင့် ခေါင်းစဉ်အမျိုးမျိုး တပ်၍ ပြောဆိုလေ့ရှိကြသည်ကို တွေ့ရ၏။ စင်စစ် နိုင်ငံရေးဆိုသည်မှာ မည်သို့သော ဝိသေသဂုဏ်ပုဒ်များ အမျိုးမျိုးကွဲပြား နေစေကာမူ နိုင်ငံ အတွင်းရှိ နိုင်ငံသူနိုင်ငံ သား အားလုံးတို့၏ အရေးအရာများကို တစ်နည်းနည်း ဖြင့် ဆောင်ရွက်ပေးရန် လုံးပန်းခြင်းမျှသာ ဖြစ်သည်။

နိုင်ငံ့အရေးအရာများကို ဆောင်ရွက်ကြရာတွင် ပုံစံအမျိုးမျိုးဖြင့် ဖော်ဆောင်နိုင်သည်ဖြစ်ရာ ထိရောက်မှုရှိခြင်း မရှိခြင်းဆိုသည်မှာ လူပုဂ္ဂိုလ် အဖွဲ့အစည်းအသင်းအပင်း များ၏ အင်နှင့်အားနှင့် မဆိုင်။ မည်မျှလုပ်နိုင်ခွင့်၊ လုပ်ပိုင်ခွင့်ရှိသည်ဆိုသည့် အချက်ပေါ်တွင်သာ မူတည်နေပါလိမ့်မည်။
မည်မျှပင် အင်အားကြီးနေစေကာမူ၊ မည်သို့ပင်ပုဂ္ဂိုလ်ရေးသြဇာ ကြီးမားနေစေကာမူ လုပ်ပိုင်ခွင့် အကန့်အသတ်များကြောင့် ထင်တိုင်းမပေါက် သည်များလည်း ရှိ၏။

နိုင်ငံတော်တွင် အမြင့်ဆုံးလုပ်ပိုင်ခွင့်အာဏာ ရရှိထားသူများမှာ မဏ္ဍိုင်ကြီး သုံးရပ်ပင်ဖြစ်သည်။ အုပ်ချုပ်ရေး၊ ဥပဒေပြုရေးနှင့် တရားစီရင် ရေးမဏ္ဍိုင်တို့ဖြစ်ရာ မဏ္ဍိုင်တစ်ခုချင်းစီ၏ လုပ်ပိုင်ခွင့် အာဏာကို ပြည့်ပြည့်ဝဝ အသုံးချနိုင်ရေးပင်ဖြစ်သည်။ ယင်းမဏ္ဍိုင် အသီးသီးတို့သည် မိမိတို့ ဆိုင်ရာ အဝန်းအဝိုင်းနယ်ပယ်ကို ကောင်းစွာလွှမ်းမိုး ဖော်ဆောင်နိုင်စွမ်း ရှိရမည်ဖြစ်သည်။ မဏ္ဍိုင်တစ်ခုသည် အခွင့်အာဏာများနှင့်အညီ မစွမ်း ဆောင်နိုင်တော့ဘဲ လျော့ကျခြင်း၊ ယိုယွင်းခြင်းအဆင့်သို့ ရောက်ရှိသွား မည်ဆိုလျှင် မဏ္ဍိုင်တစ်ခု၏ ထိန်းကျောင်းခြင်းကို ခံရနိုင်သည်။ ထိန်းကျောင်းမှု လွန်ကဲသွားသောအခါ ယင်းမဏ္ဍိုင်အောက်သို့ ရောက်ရှိသွားတတ်သည့် သဘောရှိသည်။

စင်စစ် ယင်းမဏ္ဍိုင်အသီးသီး တို့သည် သီးခြားလွတ်လပ်သော မဏ္ဍိုင်ကြီးများ ဖြစ်ကြပါသည်။ အပြန်အလှန် ထိန်းကျောင်းမှု ဘေးတိုက် ပူးပေါင်းဆောင်ရွက်မှု များဖြင့်သာ သီးခြားလွတ်လပ်မှု ရှိနိုင်ခြင်းဖြစ်သည်။ ဆိုရလျှင် မဏ္ဍိုင်ကြီး တစ်ခုချင်းစီသည် သီးခြားစီရပ်တည်နိုင်မည့် စွမ်းရည်များဖြင့် ပြည့်ဝနေရမည် ဖြစ်သည်။ ဆောင်ရွက်နိုင်စွမ်း ရှိရမည်ဖြစ်သည်။ ဆိုလိုသည်မှာ အုပ်ချုပ်ရေးမဏ္ဍိုင် ကလည်း စီမံခန့်ခွဲ အုပ်ချုပ်မှုတောင့်တင်းခြင်း၊ ဗဟိုချုပ်ကိုင်မှု လျှော့ချခြင်း၊ ပြည်သူ့ ဗဟိုပြုမှု ဖွင့်ပေးခြင်း၊ ထက်အောက် (ဝါ) ဘေးတိုက်တာဝန်ယူမှု တာဝန်ခံမှု ခိုင်မာခြင်း၊ ဥပဒေပြုရမည့် သူများက ဥပဒေရေးရာများကို နားလည် စိတ်ဝင်စားခြင်း၊ အခြေခံဗဟုသုတ ရှိခြင်း၊ ဦးဆောင် ဆွေးနွေးနိုင်သူများဖြစ်ခြင်း၊ တရားစီရင်ရေးတွင် ကိုယ်တိုင်က အကျင့်ပျက်ခြစားမှုကင်းခြင်း၊ မိမိတို့၏ပညာကို အလွဲသုံးစားမပြုခြင်း စသည်တို့ပင်ဖြစ်သည်။

ယနေ့လွှတ်တော်များ၏ အဓိကတာဝန်တစ်ခုမှာ ဥပဒေပြုရေးပင် ဖြစ်သည်။ ဥပဒေပြုရေး ဆိုရာတွင် ဥပဒေပြုရုံသာမက ပယ်သင့်သည့် ဥပဒေများ အပြီးတိုင် ပယ်ဖျက်ခြင်း၊ ပြင်ဆင်ဖြည့်စွက်စရာများ ပြင်ဆင်ဖြည့်စွက်ခြင်း၊ အစားထိုးသင့်သည်များ အစားထိုးခြင်း စသည့် လုပ်ငန်းများ ပါဝင်သည်။ ပယ်သင့်သည်ကို မပယ်နိုင်ခြင်း၊ ပြင်ဆင်သင့်သည် ကို မပြင်နိုင် ခြင်း၊ အတည်ပြုသင့်သည်ကို အတည်မပြုနိုင်ခြင်း တို့သည် ဥပဒေပြုအာဏာ ပိုင်စိုးထားသူတို့အတွင်း ရှိအပ်သည့် အခြေခံစံညွှန်းများ မပြည့်မီသေးသည့် ပြယုဂ်များပင် ဖြစ်သည်။

အမျိုးသားလွှတ်တော် အစည်းအဝေး နောက်ဆုံးရက်တွင် အမျိုးသား လွှတ်တော်ဥက္ကဋ္ဌက လွှတ်တော်တွင်း အင်အားနည်း တိုင်းရင်းသားတို့၏ အဆိုများ ရှုံးနိမ့်နေရသည်နှင့် ပတ်သက်၍ ပြောကြားရာတွင် "မိမိတို့ရဲ့ ကိုယ်ပိုင်ဉာဏ်နဲ့ ဆုံးဖြတ်နိုင်စွမ်းမရှိဘဲ သူများက ထောက်ခံလိုက်ဆို ထောက်ခံ။ ကန့်ကွက်လိုက်ဆို ကန့်ကွက်မယ် ဆိုတာမျိုး လုပ်နေရင်တော့ လက်ညှိုးထောင် ခေါင်းညိတ်၊ ထိုင်ဆိုထိုင် ထဆိုထနေကြဖြစ်နေလိမ့်မယ်"။ တစ်ဖန် "အဆိုတစ်ရပ်ကို တင်သွင်းပြီးမှ လွှတ်တော်ရဲ့ အဆုံးအဖြတ်ကို မခံယူရဲလောက်အောင် မိမိကိုယ်ကို မိမိမပိုင်၊ မိမိဦးနှောက်မိမိ မပိုင်၊ မိမိ ယုံကြည်ချက်ကို မဆုပ်ကိုင်ရဲတဲ့ အဲဒီ လွှတ်တော်ကိုယ်စားလှယ်ဟာ လူတစ်စုရဲ့ အုပ်စုဖွဲ့ အနိုင်ကျင့်ခြင်းကို ခံနေရပြီဆိုတာ လွှတ်တော်ကိုယ်စားလှယ် များ ခန့်မှန်းသုံးသပ်ရ ပါလိမ့်မယ်။ မိမိရဲ့ဆန္ဒကို လွတ်လပ်စွာ ဖော်ထုတ်ခွင့် မရတဲ့ လွှတ်တော်ကိုယ်စားလှယ်ဟာ လူစော်မနံတာ တင်မဟုတ်ဘူး။ နိုင်ငံသားရဲ့ အခွင့်အရေးကိုလည်း အကာအကွယ်ပေးနိုင်မှာ မဟုတ်ဘူး" ဟူ၍ ပြောကြားသွားခဲ့သည်။

ဤသို့ဆိုလျှင် အနာဂတ် မြန်မာ့နိုင်ငံရေးတွင် ပြည်သူများ၏ နိုင်ငံရေး အသိအမြင်ကို မီးမောင်းထိုး ပြလိုက်သကဲ့သို့ ရှိ၏။ ပြည်သူတို့၏ ကိုယ်စား အရွေးချယ်ခံကာ ကိုယ်စားပြု ဒီမိုကရေစီအဖြစ် လွှတ်တော်အသီးသီးတွင် ပါဝင်ကြရမည့် သူများကို အမည်စာရင်းတင်သွင်း၊ ရွေးချယ်ပေးလိုက် နိုင်ရုံဖြင့် တာဝန်ကျေမည် မဟုတ်တော့ပါ။ မိမိတို့ ရွေးချယ်လိုက်သော ကိုယ်စားလှယ်များသည် -
- အရည်အချင်းပြည့်ဝမှု ရှိ မရှိ
- အတွေးအမြင် ဗဟုသုတ ကြွယ်ဝမှု ရှိ မရှိ
- အတွေ့အကြုံ ရင့်ကျက်မှု ရှိ မရှိ
- ဆုံးဖြတ်ချက် ခိုင်ခိုင်မာမာ ချနိုင်သူ ဟုတ် မဟုတ်
- ယုံကြည်ချက် ရဲရင့်ပြတ်သားသူ ဟုတ် မဟုတ်
- နယ်ပယ်တစ်ခုခုတွင် ကျွမ်းကျင်ပိုင်နိုင်သူ ဟုတ် မဟုတ်
- နိုင်ငံသားတို့၏ အခွင့်အရေးကို အကာအကွယ်ပေးနိုင်သူ ဟုတ် မဟုတ် ဆိုသည်မှာ ပြည်သူတစ်ရပ်လုံးက စိစစ်ရွေးချယ်ကြရမည်ဖြစ်ကြောင်း သတိပေးခေါင်းလောင်း ထိုးသကဲ့သို့ ရှိ၏။

ထို့ကြောင့် တစ်ဆက်တည်းမှာပင် ခေါင်းဆောင်မှုအရည်အချင်း မရှိသူများ၊ စွမ်းဆောင်ရည် မပြည့်သူများ၊ လက်ညှိုးထောင် ခေါင်းညိတ်တတ်သူများ၊ ကိုယ်ပိုင်ဉာဏ်ဖြင့် ဆုံးဖြတ်နိုင်စွမ်း မရှိသူများ၊ လုပ်ရဲကိုင်ရဲ ပြောရဲဆိုရဲ မရှိသူများကို ခေါင်းဆောင်အဖြစ် မရွေးချယ်မိဖို့ အသိပေး နှိုးဆော်နေဘိ သကဲ့သို့လည်း မည်၏။
ခင်မောင်ဌေး (ပညာရေး)
The Voice Weekly

လှည့်ပတ်စီးဆင်းနေသော ဦးနှောက်များ

မြန်မာနိုင်ငံတွင်းသို့ ဦးနှောက်လည်ပတ် စီးဆင်းရေးပွဲ သို့မဟုတ် မြန်မာနိုင်ငံဖွံ့ဖြိုးရေးကို စင်ကာပူရောက် မြန်မာများက ပံ့ပိုးပေးနိုင်မည့် နည်းလမ်းများကို စင်ကာပူရောက် မြန်မာများနှင့် ဝန်ကြီးတစ်ဦး ပါဝင်သော မြန်မာနိုင်ငံတွင်းမှအဖွဲ့တို့ ဆွေးနွေးရှာကြံကြ သည့်ပွဲကို စင်ကာပူနိုင်ငံတွင် ယနေ့ကျင်းပကြောင်း ကြားသိရသဖြင့် အထူးဝမ်းမြောက် မိပါသည်။

ဦးနှောက်ယိုစီးခြင်း

ယခင့်ယခင်က မိမိနိုင်ငံတွင်းမှ ထူးချွန်သူများ အခြားနိုင်ငံများသို့ ထွက်သွားနေထိုင် အလုပ်လုပ်ကိုင်ကြလျှင် အမိနိုင်ငံက အပြီးအပိုင် ဆုံးရှုံးသွားသလို ဖြစ်သောကြောင့် “ဦးနှောက်ယိုစီးခြင်း” Brain Drain ဟု ဖွံ့ဖြိုးရေးပညာရှင်တို့က နာမည်တပ်ကြသည်။ ၁၉၆၀၊ ၇၀ လောက်အထိ တစ်နေရာနှင့် တစ်နေရာ သွားရလာရခက်ခဲ၊ ဆက်သွယ်ရန်လည်း ခက်ခဲ သည့်အတွက် ပြည်ပရောက်သွားလျှင် အမိနိုင်ငံနှင့် အဆက်ပြတ် တစ်သီး တခြားစီ ဖြစ်သွားလေ့ ရှိသောကြောင့် ထိုစကားရပ်သည် အမှန်တရား တစ်ရပ်လို ဖြစ်ခဲ့သည်။ ထိုသို့ တော်သူတတ်သူ၊ ထက်မြက်သူတို့ ပြည်တွင်းမှ အစုလိုက် အပြုံလိုက် ထွက်ခွာသွားလျှင် နိုင်ငံတွင်း လုပ်စရာကိုင်စရာ များကို လုပ်နိုင်ကိုင်နိုင်သူများ နည်းပါးသွားသောကြောင့် အမိနိုင်ငံဖွံ့ဖြိုးရေးကို အကြီးအကျယ် ထိခိုက်စေသည်ဟု ယေဘုယျသဘော လက်ခံကြသည်။ ထိုသဘောတရားအရ ပြည်ပသို့ ထွက်မည့်သူများကို ပိတ်ဆို့ဟန့်တား ကြသည်။

ဦးနှောက်ပြောင်းပြန်စီးခြင်း

၁၉၇၀ နောက်ပိုင်း နှစ်များရောက်သည့်အခါ ဦးနှောက်ယိုစီးမှုနှင့် ပတ်သက်ပြီး စဉ်းစားပုံ ပြောင်းလဲလာသည်။ ပြည်ပတွင် သွားရောက်လုပ်ကိုင် ပညာသင်ယူသူများ၊ အခြေစိုက်နေထိုင်သူ များသည် မိမိနိုင်ငံတွင် အခွင့် အလမ်းများ ပွင့်လန်းလာသည့်အခါ တစ်စတစ်စ ပြန်လာကြသည်။ ကိုယ်ပိုင် စီးပွားရေးလုပ်ငန်းများ ထူထောင်သူတို့က ထူထောင်၊ အစိုးရပိုင်းတွင် အလုပ် ဝင်လုပ်သူတို့က လုပ်ဖြင့် နိုင်ငံဖွံ့ဖြိုးရေးတွင် ပြန်လာသူတို့ ပါဝင်လာကြသည်။ မိမိထက် ဖွံ့ဖြိုးသော နိုင်ငံများတွင် နေထိုင်လုပ်ကိုင်ခဲ့သည့် အတွေ့အကြုံ၊ ကျွမ်းကျင်တတ်မြောက်မှု၊ အသိအကျွမ်း အပေါင်းအသင်း ကွန်ရက်တို့ကို သယ်လာသည့် ထိုသူများသည် သက်ဆိုင်ရာနိုင်ငံများ ဖွံ့ဖြိုးရေးတွင် တစ်တပ်တစ်အား အားဖြည့်နိုင်ခဲ့သည်။ ဥပမာ-ထိုင်ဝမ်ဆိုလျှင် အမေရိကန် ပြည်ထောင်စုတွင် နေထိုင်လုပ်ကိုင်ကြသော ထူးချွန်ပုဂ္ဂိုလ်များ ပြန်လာ ကုမ္ပဏီထောင်၊ အစိုးရပိုင်းဝင်ကြသော အားဖြင့် ယနေ့ထိုင်ဝမ်အဆင့်သို့ ခုန်ပျံကျော်လွှား ရောက်ရှိခဲ့သည်။ တရုတ်၊ အိန္ဒိယတို့သည်လည်း ပြည်ပ ရောက် ဦးနှောက်များ ပြန်လာကူညီခြင်း၏ အားကို အတော်လေးရခဲ့ကာ ယနေ့မြင်ရသော တရုတ်၊ အိန္ဒိယအဖြစ်သို့ ရောက်ရှိခဲ့သည်။ ထိုသို့သော အခြင်းအရာများသည် အလွန်သိသာ ထင်ရှားလာသောအခါတွင် “ဦးနှောက် ပြောင်းပြန်စီးဆင်းခြင်း” Reverse Brain Drain အဖြစ် ကင်ပွန်းတပ် လိုက်ကြသည်။ မိမိထံမှ စီးထွက်သွားပြီ၊ ပါသွားပြီဟု ယူဆလိုက်သော လူတော်လူထက်များ ပြန်လည်စီးဝင်လာ သောကြောင့် မိခင်နိုင်ငံက “ဦးနှောက်များ ရလိုက်ခြင်း” Brain Gain ပင်ဖြစ်သည်။ ဦးနှောက်တို့ ပြောင်းရွှေ့ အခြေချရာ လက်ခံရာနိုင်ငံသည်သာ Brain Gain ကို ခံစားရသည်ဟု တွက်ခဲ့ရာမှ မိခင်နိုင်ငံသည်လည်း ထို Brain Gain ကိုရနိုင်သည်ဟု ပြောင်းလဲ အသိအမှတ်ပြုလာ ကြသည်။

ဦးနှောက်လှည့်ပတ်စီးဆင်းခြင်း

၂၀ ရာစုကုန်ပိုင်း၊ ၂၁ ရာစု အစပိုင်း ရောက်သည့်အခါတွင် တစ်နေရာ နှင့် တစ်နေရာ ကူးသန်းသွားလာရေး လွယ်ကူလာသလို ဆက်သွယ်ရလည်း လွယ်ကူလာသည်။ ယခင်က နိုင်ငံခြားပညာတော်သင် သွားလျှင် ကျောင်းအပြီး သုံးလေးနှစ်ကြာ ပြည်တော်ပြန်မှ မိဘမောင်ဖွား ချစ်သူ ခင်သူတို့နှင့် ပြန်တွေ့နိုင်သော်လည်း ယခုအခါ ဆက်သွယ်ရေးနည်းပညာ၊ အင်တာနက်တို့ ကျေးဇူးဖြင့် မျက်နှာချင်းဆိုင် ထမင်းစားနိုင်ပြီ။ သွားရပြန်ရ လည်း လွယ်ကူလာသောကြောင့် မိခင်နိုင်ငံနှင့် အဆက်မပြတ်။ သတင်း ပလင်းလည်း အဆက်မပြတ် အမြဲသိနေ၊ ကြားနေရသည်။ တစ်ခါတစ်ရံ နိုင်ငံခြားကသူက ဖုန်းလှမ်းဆက်ပြီး “ဘယ်နေရာမှာ ဘာဖြစ်နေပြီ ဟုတ်လား” မေးတော့မှ ပြည်တွင်းနေသူက သိရသည့် အဖြစ်မျိုးပင် ဖြစ်လာနေသည်။ ထိုသို့ ရေကြောမြေကြော ရှုံ့လာသောကြောင့် မိခင်နိုင်ငံနှင့် လက်ရှိနေထိုင်သည့် နိုင်ငံတို့အကြား သွားချည်၊ ပြန်ချည် လုပ်နိုင်လာသည်။ အင်တာနက်၊ ဆက်သွယ်ရေး နည်းပညာဖြင့် မိမိ၏ ဗဟုသုတ၊ ဉာဏ်ပညာ၊ အဆက်အသွယ် အပေါင်းအသင်းတို့သည် ထိုင်ရာမထ တစ်နေရာမှ တစ်နေရာသို့ ကူးလူးနိုင်လာသည်။ တစ်နေရာတွင် အခြေစိုက်ခြင်းကြောင့် အခြားတစ်နေရာနှင့် အဆက်ပြတ် သွားခြင်းမျိုး နည်းပါးလာသည်။

ဦးနှောက်လည်ပတ် စီးဆင်းခြင်း သဘောတရားအရ မည်သည့်နေရာ တွင်နေနေ နိုင်ငံကို ကူညီထောက်ပံ့နိုင်သည်။ နိုင်ငံတွင်းသို့ ပြန်လာ အလုပ်လုပ်၊ သုံးလေးနှစ်နေလျှင် ပြန်သွား သို့မဟုတ် အခြေအနေပေါ် မူတည်ပြီး သွားလိုက်လာလိုက် လုပ်နိုင်သည်။ သို့မဟုတ် မိမိပြန်ရောက်ခိုက် မိမိသိသော၊ တတ်သော ဗဟုသုတများ၊ အတွေ့အကြုံများကို ဟောခြင်း၊ ပြောခြင်း၊ ဆွေးနွေးခြင်းဖြင့် မိမိနိုင်ငံသား များသို့ ဖြန့်ဝေပေးနိုင်သည်။ အတွေ့အကြုံ ဖြန့်ဝေခြင်း၊ အတိုင်ပင်ခံခြင်းကို အင်တာနက် ပေါ်မှလည်း ပြုလုပ်နိုင်သည်။ သို့မဟုတ် ဟိုမှာပင်နေပြီး သည်ဘက်မှ ပုဂ္ဂိုလ်များနှင့် ချိတ်ဆက် အလုပ်လုပ်နိုင်သည်။ ထိုသို့ လုပ်ဆောင်ခြင်းသည် မိမိလုပ်ငန်း အောင်မြင်ရာ အောင်မြင်ကြောင်း ဖြစ်ချင်ဖြစ်မည်။ ကုသိုလ်ဖြစ် အခမဲ့ ဖြစ်ချင်ဖြစ်မည်။ မည်သို့ပင်ဖြစ်ဖြစ် မိခင်နိုင်ငံ၏ လိုအပ်ချက်ကို ဖြည့်ပေးနိုင် လျှင် ကူညီရာရောက်သည်ချည်း။

စင်ကာပူနှင့် မြန်မာဦးနှောက်

စင်ကာပူသည် မြန်မာနိုင်ငံနှင့် ရေ၊ မြေ နီးသည်။ အချိန်မရွေး ပြန်လာနိုင်သည်။ မြန်မာအသိုင်းအဝိုင်း ကြီးသည့် အတွက် စားစရာ မြန်မာ အစားအသောက်၊ သုံးစရာ မြန်မာပစ္စည်း၊ ပေါင်းစရာ မြန်မာသူငယ်ချင်းတို့ များပြားပြီး အိမ်လွမ်းနာ သက်သာသည့် ပြည်ပနေရာ ဖြစ်သည်။ အခွင့် အလမ်းများ ပေါများသလို မြန်မာနိုင်ငံနှင့် ယဉ်ကျေးမှုချင်း သိပ်မကွာဘဲ လုံခြုံမှုရှိသောကြောင့် မြန်မာတို့ အာရုံကျသည့် နေရာဖြစ်သည့် စင်ကာပူ သည် မြန်မာနိုင်ငံမှ လူထက်လူတော် ဦးနှောက်များ တစ်နေရာတည်းတွင် စုစည်းနေသည့် နေရာဖြစ်သည်။ ဦးနှောက်လည်ပတ်စီးဆင်းခြင်း ဖြစ်ပေါ်ရန် နေရာကောင်း။

“မြန်မာနိုင်ငံ ဖွံ့ဖြိုးရေးအတွက် စင်ကာပူရောက် မြန်မာများက မည်သည့်ဘာသာရပ် နယ်ပယ်များတွင် ပါဝင်ကူညီနိုင် ပါသလဲ” ဟု ပွဲစီစဉ်သူ တစ်ဦးကို မေးကြည့်ရာ “လူတွေကတော့ နယ်စုံမှာ ရှိပါတယ်” ဟု ဖြေကြား ခဲ့သည်။ အစိုးရဌာန၊ ပုဂ္ဂလိက၊ အင်ဂျင်နီယာ၊ ဟိုတယ်၊ ဘဏ္ဍာရေး စသည် ဖြင့် စင်ကာပူနိုင်ငံ နယ်ပယ်စုံတွင် မြန်မာတို့ အလုပ်လုပ်ကိုင်နေကြသည်။ စင်ကာပူသည် ဒေသအတွင်း တစ်ခုတည်းသော ကမ္ဘာ့ထိပ်တန်းနိုင်ငံဖြစ်ပြီး အစိုးရကလည်း နိုင်ငံတကာအဆင့်၊ လာရောက် အခြေစိုက်သော ကုမ္ပဏီ များကလည်း နိုင်ငံတကာအဆင့် ဖြစ်သောကြောင့် စင်ကာပူတွင် မှီတင်း နေထိုင်သော မြန်မာတို့သည် ကမ္ဘာ့အဆင့်မီ လုပ်တတ်ကိုင်တတ်ကြသည်။

စင်ကာပူရောက် မြန်မာတို့သည် မြန်မာ့ဖွံ့ဖြိုးရေးတွင် အင်ဂျင် တစ်လုံး ဖြစ်လာနိုင်သည်မှာ ယုံမှားသံသယရှိရန် မလိုပါ။ အဖြေရှာရမည်မှာ ထိုသို့ဖြစ်အောင် မည်သို့ ဝိုင်းကြဝန်းကြမည်နည်း ပင်ဖြစ်သည်။ စင်ကာပူတွင် နေထိုင်သူတို့၏ စိတ်ဆန္ဒနှင့် မိသားစုအရေး၊ ဝင်ငွေတို့ပေါ် မူတည်ပြီး အချို့က မြန်မာပြည်သို့ အပြီးပြန်လိုမည်၊ အချို့က သွားလိုက်လာလိုက် လုပ်လိုမည်၊ အချို့က တစ်နှစ် ၂ နှစ်နေမှ တစ်ခါပြန်မည်။

ဦးနှောက်လည်ပတ် စီးဆင်းခြင်း သဘောတရားသည် အဆိုပါပုဂ္ဂိုလ် အားလုံးနှင့် ကိုက်ညီသည်။
စင်ကာပူမှ နေပြီး အကြံဉာဏ်များ၊ ဗဟုသုတများ ထိုင်ရာမထဝေမျှ နိုင်သလို မြန်မာနိုင်ငံသို့ ပြန်လာပြီး အတိုင်ပင်ခံ အလုပ်လုပ်နိုင်သည်။ မြန်မာအခြေစိုက် စင်ကာပူအခြေစိုက်များ ပေါင်းပြီး အစိုးရအတွက်၊ ပုဂ္ဂလိကအတွက်၊ ကုသိုလ်ဖြစ်အဖွဲ့အစည်းများ အတွက် ဖွံ့ဖြိုးရေး အကြံ အစည်များ ရှာပေးနိုင်သည်၊ ကိုယ်တိုင်ဝင်လုပ် နိုင်သည်။ မိမိကျွမ်းကျင်ရာ နယ်ပယ်အလိုက် သက်ဆိုင်သည့် မြန်မာနိုင်ငံတက္ကသိုလ်များ၊ ကျောင်းများ တွင် ဧည့်ဆရာအဖြစ် အချိန်တစ်နာရီ၊ နှစ်နာရီ၊ တစ်လရလျှင် ရသလို သင်ကြားပေးနိုင်သည်။ မြန်မာနိုင်ငံဖွံ့ဖြိုးမှုတွင် ပါဝင်ရန် နည်းလမ်းတွေကား ယခုဆွေးနွေးပွဲတွင် အားလုံးထိုင်လိုက်၊ ဆွေးနွေးလိုက်ရာမှ ပိုပြီး ပေါ်လာခဲ့ပြီ၊ ရုပ်လုံးကြွလာခဲ့ပြီဟု ထင်ပါသည်။ ယခုတင်ပြသွားသည်က ကျွန်တော် မြင်မိသလောက်လေး မျှသာ။

မိမိနိုင်ငံမှ ပညာတတ်၊ ပညာရှင်များ အခြားနိုင်ငံများတွင် သွားရောက် နေထိုင်လုပ်ကိုင်နေခြင်း သည် နိုင်ငံအတွက် အလဟသဖြစ်သွားသည် မဟုတ်ဘဲ တစ်ချိန်တွင် နိုင်ငံ့အကျိုးဖြစ်လာမည် ဖြစ်ကြောင်း တရုတ် ခေါင်းဆောင်ကြီးတစ်ဦးက “Brain-Power Stored Overseas” “ပင်လယ် ရပ်ခြားတွင် သိုလှောင်ထားသော ဦးနှောက်စွမ်းအား” ဟု တင်စားခဲ့သည်။ စင်ကာပူရောက် မြန်မာများသည်လည်း ဦးနှောက်လည်ပတ်စီးဆင်းခြင်း နည်းလမ်းဖြင့် ‘Brainpower Stored in Singapore’ အဖြစ် မြန်မာ့ ဖွံ့ဖြိုးရေးတွင် တစ်တပ်တစ်အား ပါဝင်နိုင်ကြပါ စေသတည်း။
(ဘုန်းဝေညွန့်လူ)
The Voice Weekly

နေရာသစ်မှသင်ယူခြင်း ၁

May 4, 2013
အမေရိကား ကို ဘယ်လိုသွားရလဲ မပြောပြခင် အိမ်ကိုလွမ်းနေတာမို့ ဒီကနေ အမိမြန်မာပြည် ကို ဘယ်လိုပြန်ရသလဲ ဆိုတာ ကို အရင်ပြောပြချင်ပါတယ် ၊ ဆန်ဖရန် စစ္စကို မြို့  ကနေ ရန်ကုန်ကို ပျံသန်းတာ အဓိက လေကြောင်းလိုင်း (၂)လိုင်း ရှိပါတယ် ၊ China Airline နဲ့ Singapore Airline တို့ပါ ။ Korean Air က  မြန်မာပြည်ကို ၂ဝ၁၂  အောက်တိုဘာ မှ စဆွဲတာ ။  ၂ဝ၁၂ မတ်လ မှာ ကျွန်တော် ပြန်ဖြစ်ဖို့ အကြောင်းပေါ်လာလို့ အလုပ်ကိုခွင့်တင်တာ ကြိုမတင် လို့ ဆိုပြီး ရက်အနည်းငယ် စောင့်ရပါတယ် ၊ ရလဲ ရရော ချက်ချင်းကြီးပြန်မယ်ဆိုပြီး ဒီနိုင်ငံ က ခေါ်တဲ့ အစ်မ အလုပ်လုပ်ရာ သူမရဲ့ ရုံးခန်းထဲ နှစ်ယောက်သား ကွန်ပျူတာရှေ့မှာ လက်မှတ်ဝယ်ဖို့ ( Shop Around ) စ လုပ်ပါတယ် ၊ ကြည့်လိုက်တော့ China Airline က $1432 ဖြစ်နေပြီး Singapore Airline က $ 1172 ပါ ၊ တစ်ခု ခက်တာ က China Airline က ထိုင်ဝမ် မှာ လေယျာဉ်ချိန်း ( Transit ) တစ်ခါဘဲ လုပ်ရမှာ ဖြစ်ပြီးတော့ စောင့်စားချိန် (၁) နာရီ ဘဲကြာမှာလေ ၊ Singapore Airline က ဆန်ဖရန် စစ္စကို က နေ ဆိုးလ် မှာ ရပ် – ၂ နာရီစောင့် စင်ကာပူကိုသွား ၊ စင်ကာပူလေဆိပ်မှာ ရန်ကုန်လေယျာဉ် ကို ၇ နာရီထပ်စောင့်ရမယ် ၊ မထူးဘူး စောင့်ရလဲ စောင့်မယ် ၊ ဈေးသက်သာရင် ပြီးရောဆိုပြီးဝယ်လိုက်တယ် ၊ အသွား နာရီ ၃ဝ – အပြန် ၂၄ နာရီ နဲ့ ပေါ့ ၊ အခမဲ့ သယ်ခွင့်ကယ်ရီက ပေါင် ၅ဝ ပါကင် ၂ ထုတ် ၊ လက်ဆွဲ ၁၅ ပေါင်။ မတူတာ တစ်ခု က China Airline က ပေါင် ၅ဝ ပါကင် ၁ ထုပ် စီ ကို ပေါင် ၇ဝ ထည့် ( အထုပ်ကြီးလိုက် ) လို့ရတယ် ၊ နောက်ထပ် $32 ပေးလိုက်ရုံဘဲ ။ Singapore Airline က တော့ ပေါင် ၅ဝ ထက် ပိုထည့်ခွင့်မပေးဘူး ၊ အထုပ်ကို ထပ်တိုးချင်ရင် ပေါင် ၅ဝ အထိ တစ်ထုပ် ကို $121 ပေးရမယ် ။ ဒီနိုင်ငံရောက် မြန်မာများ က (များသောအားဖြင့်) ပေါင်ပိုသယ်ကြတယ် ၊ ဘယ်လိုလဲ ဆိုတော့ ပေါင် ၅ဝ ကယ်ရီတစ်ထုပ်ကို $200-အသွား တစ်ထုပ် အပြန် ၁  ထုပ်ဆိုရင် သူတို့အတွက် ခရီးစားရိတ် $400 ရသွားပြီ ၊ လေယျာဉ်လက်မှတ်က $772 ဘဲကျတော့တာပေါ့ ၊ တချို့တွေဆို အမေရိကားက အသွား ၁ ထုပ် ၊ မြန်မာပြည် က အပြန် ၂ ထုပ်သယ်တော့ ကုန်ကျစားရိတ် က $572 ဘဲရှိတယ်လေ ။

လေဆိပ်ဆင်းတဲ့ နေ့ က အစ်မလိုက်ပို့တယ် ၊ ပေါင်ချိန်တော့ ၅၁ ပေါင်ခွဲ ဖြစ်နေရော ၊ တာဝန်ကျ Singapore Airline ဝန်ထမ်း က သဘောကောင်းလို့ အဆင်ပြေသွားတယ် ၊ ဒီ လက်မှတ်ပြကောင်တာ ( Check In ) မှာ အရေးကြီးတာ က လက်မှတ် ကို ခရီးသွားမဲ့သူရဲ့ အကြွေးဝယ်ကဒ်ပြားနဲ့ ဝယ်ရမှာ ဖြစ်သလို ၊ ကောင်တာမှာ ပြန်စစ်တဲ့ အခါ အဲဒီကဒ်ပြားပြနိုင်ရမယ် ၊ လေယျာဉ်လက်မှတ် က လဲ လက်မှတ်ပုံစံမဟုတ်လဲ ပရင်တာ က ထုတ်လိုက်တဲ့ စာရွက်ပါဘဲ ၊ မြန်မာပြည် ကို စင်ကာပူ ကနေ ဆက်စီးရမဲ့ လက်မှတ် ကို တစ်ခါတည်း ထုတ်ပေးတယ် ၊ လေကြောင်းနှစ်လိုင်းရဲ့လေဆိပ်ထူးခြားချက် ကတော့ Singapore Airline က စင်ကာပူရောက်တဲ့ အထိ လမ်း အဝေးကြီးလျှောက်ရတာပါဘဲ။

ဆန်ဖရန် စစ္စကို လေဆိပ်မှာ ဒီနိုင်ငံ ကနေ ဘာအထောက်အထားနဲ့ ထွက်သလဲ ဆိုတာ ပြရတယ် ( ပြန်ဝင်လာဖို့ စာရွက်စာတမ်း ) ဂရင်းကဒ် ( Alien Registration Number ) ပြလိုက်တယ် ၊ လုံခြုံရေး စစ်တော့ ဖိနပ်ချွတ် ၊ ကိုယ်ပေါ်မှာ ပါတဲ့ ကျောပိုးအိတ် ( Backpack ) အကုန်ဖွင့် – လက်တော့ ၊ ခါးပတ် ၊ တယ်လီဖုံး ၊ Mp3 က အစ ဗန်းထဲထည့်ပြီးတော့ စက်ကိုဖြတ် – ပြီးတော့ အကုန်လုံးပြန်ဝတ် ၊ ပြန်ထည့် – လမ်းအဝေးကြီးလျှောက်ပြီး နောက်ဆုံးလေယျာဉ်ပေါ်ရောက်မှဘဲ နားရတယ် ။ ထိုင်ခုံနံပါတ်တည်ဆောက်ပုံ က နံပါတ် ၄၁ လောက်မှာ အထူးတန်း ( Business Class ) နဲ့ အခန်းကာထားတော့ ၄၄ လောက်ယူရင် အလယ်သန့်စင်ခန်းနဲ့ နီးတယ် ၊ အနောက်ရောက်တော့ လေယျာဉ်လူးတယ် လို့ ပြောပေမဲ့  ၅၉ နဲ့ ၆၁ လောက်ယူ ၊ ဒါမှ မနက်မျက်နှာသစ်ချိန် သန့်စင်ခန်း မလု ရမှာ ။ ၁၁ နာရီခွဲစီး  တောင်ကိုးရီးယား  လေဆိပ်ရောက်တော့ ဖိနပ်ထပ်ချွတ်ရပြန်ရော ၊ ဓါတ်လှေခါး နဲ့ အပေါ်ထပ်တက် ၊ Free Wifi မှာ အင်တာနက်ခနသုံးနေလို့ရတယ် ။

ပြောချင်တာ က စင်ကာပူလေဆိပ် အင်တာနက် က အကန့်အသတ်များတယ် ။ နေရာတိုင်း ဝိုင်ဖိုင်မပေးထားဘူး ၊ လက်တော့ နဲ့ ကြိုးထည့်သုံးရတယ် ။ ဒါမှမဟုတ် အသင့်သုံးကွန်ပျူတာမှာ မတ်တပ်ရပ်သုံးလို့ရတယ် ၊ စင်ကာပူလေဆိပ် က လူသိများပြီးသားမို့ အထူးမပြောလိုပါဘူး ။  စင်ကာပူ မှာ ထိုင်ခုံတွေ ထိုင်ရင် သတိထား ပိုးသတ်ဆေးတွေ အမြဲဖျန်းထားတယ်၊ လက်တော့ အားသွင်းဖို့ ထိုင်လိုက်တာ ဘောင်းဘီစို သွားသေးတယ်၊  မှတ်မှတ်ရရ တစ်ခု က သန့်စင်ခန်းမှာ မေ့ကျန်ခဲ့တဲ့ ကင်မရာ ၁ နာရီ ကျော် အကြာမှ သတိရလို့ ပြန်သွားယူတာ ကံကောင်းလို့ပြန်ရတယ် ။ သန့်ရှင်းရေးမှာတော့ စင်ကာပူ ကို အမေရိကားလဲ မမီပါဘူး ၊ အဝတ်တစ်ခု နဲ့ တစ်ချိန်လုံး လိုက်သုတ်နေတာ စင်ကာပူ ကတော့ စံပြဘဲ ။

၂ဝ၁၃ မှာ လေကြောင်းလိုင်း ထပ်တွေထပ်တိုးချဲ့လာပေမဲ့ မြန်မာပြည်ကို ပြန်လို့ ရတဲ့ ဈေးသက်သာတဲ့ လေကြောင်း က တော့ သိသိသာသာ မတိုးလာပါဘူး ။ EVA Airline က China Airline လို ဈေးသင့်တော်ပါတယ် ၊ သူလဲ ထိုင်ဝမ် မှာ ခန နားမှာပါ ၊ Qatar Airways က မြန်မာပြည် နဲ့ အမေရိကား မပျံဘူး ၊ အင်္ဂလန် နဲ့ မြန်မာ တော့ တိုက်ရိုက်ပြေးတယ် ၊ အခု နောက်ဆုံး ( April လ မှာ ) ဈေးတွေရှာကြည့်ထားတာ က အမေရိကားနောက်ဆုံးကျောင်းပိတ်ရက် မေလ ၃၁ မတိုင်ခင် သွား ၊ ကျောင်းပြန်မဖွင့်ခင်  မြန်မာပြည် ကနေ  သြဂုတ်လ ၁၄ ရက်နေ့ပြန်လာ ရင် ( ၂၁ ရက် နေ့ ကျောင်းအများစု ပြန်ဖွင့်တယ် )

    China Airline = $ 1453.90
    Singapore Airline = $ 1671.26
    EVA Airline = $ 1612.90

တွေ ဘဲ ဖြစ်ပါတယ် ၊ ဝယ်တဲ့ အချိန်ပေါ်မူတည်ပြီးတော့ လဲ ဈေးနှုန်းပြောင်းပါသေးတယ် ၊  အရေးကြီးလို့ တော့ သွားမဝယ်နဲ့ ဈေး ကို အရမ်းတင်ထားလိုက်တာ သတိထားရမှာပါ ၊ ထပ်ပြီးသတိပေးချင်တာကတော့ Singapore Airline စီးမယ်ဆိုရင် ရောက်တဲ့ လေဆိပ်မှာ တွန်းလှည်း အသေးတစ်ခု ကို မဖြစ်မနေရှာပြီး ကိုယ်ပါတဲ့ အထုပ်အပိုးတွေ ၊ ကျောပိုးအိတ် နဲ့ လက်တော့ ပါမကျန် အကုန်တင်တွန်းမှ လူသက်သာမယ် လို့ အကြံပြုပါရစေ

အနယ်နယ် အရပ်ရပ်မှာ ပြန့်ကျဲရောက်နေကြသော မြန်မာပြည်သားများ အမိမြေသို့ ဘေးရန်ကင်းကွာ သက်တောင့်သက်သာ ခရီးဝေးမှ ပြန်နိုင်ကြပါစေ ။
ကိုညီညီ-တောင်ကြီး
The Hot News

စစ်ကိုင်းတိုင်း ၀န်ကြီးချုပ်နဲ့ လျှို့ဝှက် ရွှေဖြူ

စစ်ကိုင်းတိုင်း ရေဦးမြို့နယ် ညောင်လယ်အုပ်စု သစ်ရာအိုက်ရွာ နဲ့
နှစ်မိုင်လောက် အကွာရှိ ရွှေဖြူ တွေ့တယ် ဆိုတဲ့ နေရာ
(ဓာတ်ပုံ – ဧရာဝတီ)

လင်းသန့်| May 4, 2013
စစ်ကိုင်းတိုင်း ၀န်ကြီးချုပ်က သူ့နယ်မြေအတွင်းမှာ ရေနံရှာဖွေရေး အကြောင်းပြပြီး ရွှေဖြူတူးဖော်ရေး လျှို့ဝှက် စီမံချက် လုပ်ကိုင် ခဲ့တယ်ဆိုတဲ့ လူသူ အသိနည်းပါးတဲ့ သတင်းတခု ထွက်ပေါ်လာပါတယ်။

ဒီ လုပ်ငန်းကို နိုင်ငံတော် ခွင့်ပြုချက် မရှိဘဲ သူ့သဘောနဲ့သူ လုပ်တာဆိုတဲ့ အချက်ကြောင့် လာမယ့် လွှတ်တော် အစည်းအဝေး မှာ တင်ပြ ဆွေးနွေးဖို့ ရှိတယ်လို့လည်း လွှတ်တော် အသိုင်းအ၀ိုင်းက ကြားရပါတယ်။

စစ်ကိုင်းတိုင်း ၀န်ကြီးချုပ် ဦးသာအေး တယောက် တရုတ်ကုမ္ပဏီတခုနဲ့ ပေါင်းပြီး ရွှေဖြူတူးဖော်ရေး စီမံချက် အကောင် အထည် ဖော်ခဲ့တယ် ဆိုတာ ဟုတ်၊ မဟုတ် တင်ပြနိုင်ဖို့ စစ်ကိုင်းတိုင်း အမတ် ဒေါက်တာ မြင့်နိုင်ကလည်း အချက်အလက်တွေ စုဆောင်း နေတယ်လို့ သိရပါတယ်။

“လွှတ်တော်မှာ မေးခွန်းမေးဖို့ ကိစ္စက အခု ရေဦးမှာ အချက်အလက် စုဆောင်းနေတုန်း ရှိသေးတယ်။ အချက်အလက် ပြည့်စုံ ရင်တော့ လက်မှတ်ထိုးပြီး တင်မှာပါ”လို့ စစ်ကိုင်းတိုင်း အမှတ် ၃ နယ်မြေက အမျိုးသားလွှတ်တော် အမတ် ဒေါက်တာ မြင့်နိုင် က ဧရာဝတီကို ပြောပြပါတယ်။

လွန်ခဲ့တဲ့  ၃ နှစ်ကျော်လောက်က အဲဒီ တရုတ် ရေနံကုမ္ပဏီက ကားကြီးတွေနဲ့ ရေနံရှာဖွေရေး လုပ်ရင်း ၂၀၁၂ ခုနှစ် နှစ်ဆန်း ပိုင်းလောက်မှာတော့ ရွှေဖြူတွေ တွေ့ခဲ့တယ်လို့ သတင်းတွေ ထွက်ပေါ်ခဲ့တယ်၊ ကွန်တိန်နာ ကားကြီးတွေ နဲ့ တရုတ် နိုင်ငံ ဘက်ကို သယ်ထုတ်သွားတယ် လို့ ဒေသခံ တဦးကလည်း ပြောပါတယ်။

“သစ်ရာအိုင့်ရွာနဲ့ ၂ မိုင်လောက် ဝေးတဲ့နေရာမှာ အစကတော့ သူတို့က ရေနံရှာတယ်ဆိုပြီး ကွန်တိန်နာကားတွေနဲ့ တရက် ၁၅ စီး အစီး၂၀ လောက် သွားနေကြတာ။ နောက်မှ ရွှေဖြူထွက်လို့ ဆိုပြီး အသံထွက်လာတယ်”လို့လည်း သူက ဆိုပါတယ်။

ရွှေဖြူထွက်တယ်ဆိုတဲ့ နေရာကတော့ စစ်ကိုင်းတိုင်း ရေဦးမြို့နယ် ညောင်လယ် ကျေးရွာအုပ်စု သစ်ရာအိုင့် ရွာရဲ့ အနောက် တောင်ဘက် ၂ မိုင်လောက် အကွာမှာဖြစ်ပြီးတော့ အဆောက်အအုံ ကြီးကြီးတွေနဲ့ စီမံကိန်းတခုလို လုပ်ခဲ့တာလို့လည်း သူက ဆက်ပြောပါသေးတယ်။

ဒါပေမယ့် ရွှေဖြူတူးတဲ့ လုပ်ငန်းဟာ ၁ လ လောက်အကြာမှာပဲ လက်စ လက်န မကျန်အောင် ရွှေဖြူ လုပ်ကွက်တွင်းတွေကို ပိတ်ပင်ပြီး အဆုံးသတ်သွားခဲ့တယ်လို့ ဆိုပါတယ်။

ဒေါက်တာ မြင့်နိုင်က“အဲဒီမှာက ရွှေဖြူတွေ့ သလိုလို၊ နောက် အဲဒီမှာ အဆောက်အအုံတွေလည်း ကြီးကြီးမားမားတွေ ဆောက် ထားပြီးတော့ သေချာ လုပ်ထားတာ။ နောက်ပြီး မြေတွေ ပြန်ဖို့ပြီးတော့ အားလုံး အစအန ဖျောက်သွားတာ”လို့ ဧရာဝတီကို ပြော ပါတယ်။

အခုလို လုပ်ငန်းစီမံကိန်းကြီးတခု လုပ်ခဲ့ပြီး အစအနတွေ ဖျောက်သွားတယ်ဆိုတော့ ဒါဟာ နိုင်ငံတော်ကမသိဘဲ ကိုယ်ကျိုးစီးပွား အတွက် လုပ်ဆောင်ခဲ့တယ်ဆိုတာ ပိုပြီး ပေါ်လွင်တယ်လို့ ဒေသခံတွေက ပြောကြပါတယ်။

ဒီလို ရွှေဖြူတူးဖော်ရေး လုပ်ကွက်မှာ တွင်းတွေကို လျှို့ဝှက်လုပ်ထားပြီး လုံခြုံရေး အစောင့် အကျပ်တွေ ချထားခဲ့ပြီးမှ နောက် ပိုင်း တိတ်တဆိတ် လုပ်ငန်း ရပ်ဆိုင်း သွားခဲ့တာပါတဲ့။

“သူတို့ လုပ်ကွက်နားကို မ၀င်ရဘူးတဲ့၊ အစောင့်တွေ ချထားတာ၊ ရဲ အစောင့်ချထားတာ၊ ဒေသခံတွေကိုလည်း အလုပ်တွေ ဘာတွေ မပေးဘူး။ တွင်းတွေကို လာပိတ်တော့လည်း သူ(ဦးသာအေး) ကိုယ်တိုင် လာပိတ်သွားတယ်”လို့ ရေဦးမြို့ခံ တဦးက ဆိုပါတယ်။

အဲဒီ စီမံကိန်းနဲ့ပတ်သက်ပြီး စီမံကိန်းရဲ့ ကောင်းကျိုးဆိုးပြစ်တွေကို စီမံကိန်း မလုပ်ခင်တုန်းကလည်း လာပြီး ရှင်းလင်းပြောပြတာ မရှိသလို၊ အဲဒီ စီမံကိန်းအလုပ်ခွင်မှာ ဒေသခံတွေကို အလုပ်အကိုင် ခန့်အပ်တာမျိုးလည်း မရှိဘဲ လျှို့ဝှက် လုပ်ငန်းကြီး တခုကို လုပ်သလို လုပ်ကိုင်ခဲ့တယ်လို့ ဒေသခံတွေက ပြောဆိုနေကြပါတယ်။

ဦးသာအေးဟာ စစ်ဗိုလ်ချုပ်ဟောင်း တဦးလည်းဖြစ်ပြီး စစ်ကိုင်းတိုင်းအတွင်းက ရွှေတူးဖော်ရေး လုပ်ငန်းလုပ်ကွက်တွေကို သူ နဲ့ နီးစပ်တဲ့ တပ်ရင်း၊ တပ်ဖွဲ့ တချို့က လုပ်ကိုင်နေတာတွေလည်း ရှိနေတယ်လို့ ဒေသခံတွေက စွပ်စွဲ ပြောဆိုနေကြပြီး အရပ်ထဲမှာ သူ့ကို “ရွှေ သာအေး”လို့ အမည်ပေးထားတယ်လို့လည်း ဒေသခံတွေက ပြောကြပါတယ်။

“နိုင်ငံတော်က အဲဒီကိစ္စ မသိဘူး ထင်တယ်၊ ကျနော်တို့ အဲဒီတုန်းက ကြားတာတော့ နိုင်ငံတော်က မသိဘူးလို့ ကြားရပြီး အရပ် သတင်းမှာ သူ (ဦးသာအေး) ပြုတ် မလိုလိုတောင် ဖြစ်သေးတယ်”လို့ ရေဦး ဒေသခံက ဆိုတယ်။

ဒီစီမံကိန်းနဲ့ပတ်သက်ပြီး ဧရာဝတီက သတ္တုတွင်း ၀န်ကြီးဌာနကို ဆက်သွယ်မေးမြန်းတဲ့အခါ စွမ်းအင် ၀န်ကြီးဌာန နဲ့သာ သက်ဆိုင်တဲ့အတွက် သက်ဆိုင်ရာ ၀န်ကြီးဌာနကို ဆက်သွယ်ဖို့ ပြောလာပါတယ်။

စွမ်းအင်ဝန်ကြီးဌာနကို ဧရာဝတီက တယ်လီဖုန်းနဲ့ ဆက်သွယ်မေးမြန်းခဲ့ရာမှာတော့ တယ်လီဖုန်းနဲ့ လက်ခံဖြေကြားဖို့ ငြင်းဆိုခဲ့ပြီး တရားဝင် ဖြေကြားချက်ရလိုရင် ၀န်ကြီးဌာနကို ဖက်စ်နဲ့ မေးမြန်းဖို့ပြောလို့ ဧပြီလ ၂၅ ရက်နေ့က ဖက်စ်ပို့ပြီး မေးမြန်းခဲ့ပါတယ်။

မေလ ၃ ရက်နေ့မှာတော့ စွမ်းအင် ၀န်ကြီးဌာန ပြောရေးဆိုခွင့်နဲ့ သတင်းထုတ်ပြန်ရေးအဖွဲ့က အတွင်းရေးမှူး ဦးဌေးအောင် က လွန်ခဲ့တဲ့ ၂၀၁၀ ပြည့်နှစ်က စစ်ကိုင်တိုင်း အဆိုပါ ဒေသမှာ တရုတ်ကုမ္ပဏီ(CNOOC) ဟာ ဆိုက်စမစ် ရေနံရှာဖွေတိုင်းတာခြင်း လုပ်ငန်းတွေကို လုပ်ဆောင်ခဲ့တယ်လို့ တရားဝင် အကြောင်းပြန်ကြားလာပါတယ်။

ဒါပေမယ့် ရေနံတူးဖော်တဲ့ လုပ်ငန်းတွေကို ဆောင်ရွက်ခဲ့ခြင်း မရှိပါဘူးလို့ အကြောင်းပြန်ကြားစာမှာ ဖော်ပြပါတယ်။

“CNOOC ကုမ္ပဏီသည် မြန်မာ့ ရေနံနှင့် သဘာဝ ဓာတ်ငွေ့လုပ်ငန်းနှင့် အကျိုးတူ ပူးတွဲ ဆောင်ရွက်လုပ်ကိုင်ခဲ့သည့် ကုမ္ပဏီ ဖြစ်ပါသည်”လို့ စွမ်းအင်ဝန်ကြီးဌာန ပြောရေးဆိုခွင့်နှင့် သတင်းထုတ်ပြန်ရေးအဖွဲ့ရဲ့စာမှာ ပါရှိ ပါတယ်။

သူတို့အနေနဲ့ ဒေသခံတွေ ပြောဆို သံသယဖြစ်နေကြသလို ရွှေ သို့မဟုတ် ရွှေဖြူ ထွက်တယ်ဆိုတာကို တိုင်းတာနိုင်တာ မရှိဘူးလို့လည်း အကြောင်းပြန်စာက ဆိုပါတယ်။

“ရေနံရှာဖွေရေး လုပ်ငန်းများကိုသာ ဦးတည်ဆောင်ရွက်လုပ်ကိုင်ခြင်း ဖြစ်သဖြင့် ရွှေ(သို့) ရွှေဖြူထွက်ရှိမှုကို သိရှိတိုင်းတာ နိုင်ခြင်း မရှိပါကြောင်း သိသာနိုင်ပါရန် အကြောင်းပြန်ကြားအပ်ပါသည်”လို့ စွမ်းအင်ဝန်ကြီးဌာနက ပြောဆိုထားတာပါ။

စွမ်းအင် ၀န်ကြီးဌာန က စစ်ကိုင်းတိုင်း အတွင်း ရွှေဖြူ ထွက်ရှိမှုနဲ့ပတ်သက်ပြီး သိရှိတိုင်းတာနိုင်ခြင်း မရှိဘူးဆိုတာ အမှန် တကယ် ဟုတ်မဟုတ် ၀န်ကြီးဌာနကပဲ သိနိုင်မှာပါ။ တခု ရှိတာက လက်ရှိ စစ်ကိုင်းတိုင်း ၀န်ကြီးချုပ်က ဦးသာအေး ဖြစ်နေတာ ကလည်း စွမ်းအင် ၀န်ကြီးဌာနနဲ့ ဆက်စပ်မှု ရှိမရှိ စဉ်းစားစရာပါ။

မကြာသေးခင် ရက်ပိုင်းကလည်း ဦးသာအေးကို တာဝန်က အနားပေးလိုက်တယ် ဆိုတဲ့ သမ္မတရုံး စာအတုနဲ့ အင်တာနက် ပေါ် ပျံ့နှံ့ခဲ့လို့ မဟုတ်ကြောင်း ရှင်းခဲ့ လင်းခဲ့ကြတာကို သတိထားမိ ပါသေးတယ်။

အရင်နှစ် နိုဝင်ဘာ ၂၉ ရက်နေ့ နံနက်စောစောပိုင်း လက်ပံတောင်း ကြေးနီစီမံကိန်း ရပ်ဆိုင်းရေး သပိတ်စခန်းမှာ အင်အား သုံးဖြိုခွင်းခဲ့တုန်းက သံဃာတော်တွေ မီးလောင်ဒဏ်ရာတွေ ရခဲ့လို့ ဒီကိစ္စ တာဝန်အရှိဆုံး သူဟာ ဦးသာအေး ဖြစ်တယ်လို့ ပြောဆိုနေတာတွေလည်း ရှိပါတယ်။

ဒါပေမယ့် လက်ပံတောင်းအရေးနဲ့ ပတ်သက်ပြီး ဒေါ်အောင်ဆန်းစုကြည် ကော်မရှင် ဥက္ကဌ လုပ်တဲ့ အစီရင်ခံစာ ပေါ်ထွက် လာတဲ့ အခါမှာတော့ သမ္မတ ဦးသိန်းစိန်က ခန့်အပ် တာဝန်ပေးထားတဲ့ အဲဒီ လက်ပံတောင်း အစီရင်ခံစာ အကောင် အထည် ဖော်ရေး ကော်မတီ အဖွဲ့ဝင် တဦးအဖြစ်နဲ့ ဦးသာအေးဟာ အခုအထိ အေးအေး လူလူ ရှိနေပုံ ရပါတယ်။
ဧရာဝတီ

Y.M.B.A နှင့် လူသေလူဖြစ်သူ

May 4, 2013
လူသေလူဖြစ် သစ္စကထာ
နိယာမမျိုး၊ ဖြစ်ရိုးစဉ်လာ၊
မန်ကျည်းမျိုးမှ၊ ပေါက်ရိုးတမာ
မရှိထုံး၊ နှလုံးမူကြရာ။

အထက်ပါသံပေါက်လေးဟာ တောင်တွင်းကြီးမြို့ ပေလေးပင်နတ်မှီ တောရတိုက်က ရှင်ဥက္ကဋ္ဌရေးသားတဲ့ လူသေလူဖြစ်စာအုပ်အစမှာပါဝင်ပါတယ်။ သူ့ရဲ့စာအုပ်ကို ရှင်ဝါသ၀က စီစဉ် တည်းဖြတ်ပြီး ၁၉၅၈ ခု ဇွန်လမှာအုပ် ရေ ၅၀၀၀ ပုံနှိပ်ထုတ်ဝေခဲ့ပါတယ်။ စာမျက်နှာပေါင်း ၄၀၃ မျက်နှာရှိပြီး အခန်းပေါင်း(၂၁)ခန်းပါဝင်တဲ့ အဲဒီစာ အုပ်မှာ သူ့ရဲ့လူသေလူဖြစ်ဝါဒကို အကျယ် တ၀င့်ရေးသားတင်ပြထားပါတယ်။

မြန်မာ့သာသနာသမိုင်းမှာ ရတနာ (၃)ပါးအလိုကျခံယူကျင့်သုံးပြီးမှ သဘော ထားသစ်ကိုပြောင်းပြီး ဗုဒ္ဓအလိုကျကို သွေဖည်ကာ မိမိရဲ့သဘောထားသစ်တွေ ကို ဟောပြော၊ ရေးသားထုတ်ဝေတဲ့သူ တွေကို ရှင်၊ လူအများသိအောင် ကြဉ် ဖယ်ပြီး သာသနာတော်တွင်းသားအဖြစ် မှ ရပ်စဲလိုက်တာကို ပကာသနိယကံပြု တယ်လို့ခေါ်ပါတယ်။ အဲဒီလိုကြဉ်ဖယ် ခြင်းကို ရှင်ဥက္ကဋ္ဌ အရင်က ဘိက္ခူနီ သာသနာကို ပြန်လည်ထူထောင်ဖို့ ဇွတ် အတင်းကြိုးစားခဲ့ပြီး ဘိက္ခူနီသာသနာ့ ပဒေသကျမ်းကို ရေးသားခဲ့တဲ့ ရှင်အာဒိ စ္စ၀ံသကို ၁၂၉၇ ခု တော်သလင်းလဆန်း (၁၂)ရက်မှာ ဘုရားဖြူဆရာတော် ဦး ဆောင်တဲ့ ဓမ္မ၀ါဒီသံဃာထုကြီးက ဂျူ ဗလီဟောမှာ ပကာသနိယကံပြုလုပ်ခဲ့ ပါတယ်။

ရှင်ဥက္ကဋ္ဌကိုလည်း ပကာသနိယကံ ပြုဖို့ ဦးဆောင်လှုပ်ရှားခဲ့တဲ့ အဖွဲ့ကတော့ Y.M.B.A  ဆိုတဲ့ ဗုဒ္ဓဘာသာကလျာဏ ယုဝအသင်းကြီးပဲဖြစ်ပါတယ်။ အဲဒီတုန်း က အမျိုး၊ ဘာသာ၊ သာသနာ၊ ပညာကို မညှိုးနွမ်းအောင်တိုးတက်ကြံဆောင်နေ တဲ့ အသင်းကြီးဟာ ရှင်ဥက္ကဋ္ဌရဲ့ လူသေ လူဖြစ်စာအုပ်ကြောင့် ဗုဒ္ဓဘာသာ တရားတော်ကို ယုံကြည်ကိုးကွယ်သူတွေ နဲ့ ဘာသာရေးအခြေခံမရှိတဲ့ လူငယ် တွေကြားမှာ သို့လောသို့လော အငြင်း ပွားဖွယ်ရာယုံမှားသံသယတွေရှိလာ တာကိုတွေ့နေရပါတယ်။ အဲဒီအချိန် တုန်းက ကွန်မြူနစ်ဝါဒကလည်း ကြီးစိုး နေပြန်တော့ ၀င်ရောက်ဖြေရှင်းရမယ့် ကိစ္စကြီးဖြစ်တယ်လို့ အသင်းကြီးက ခံယူလိုက်ပါတယ်။

ဒီလိုနဲ့ (၂.၈.၁၉၅၉)မှာ Y.M.B.A အလုပ်အမှုဆောင် အစည်းအဝေးကျင်း ပပြီး အမှုဆောင်တစ်ဦးဖြစ်တဲ့ ဦးစိုးမြင့် က လူသေလူဖြစ်စာအုပ်ပါအကြောင်း တွေကို တင်ပြပြီးအရေးယူဆောင်ရွက် သင့်ကြောင်း တိုက်တွန်းခဲ့တဲ့အတွက် (၈.၈.၁၉၅၉)မှာ အရေးပေါ်အစည်း အဝေးပြန်ခေါ်ပြီး စာအုပ်ပါအကြောင်း တွေကို ဝေဖန်ဆွေးနွေးပြီးတဲ့အခါ သာ သနာတော်ကို ထိခိုက်စော်ကားတဲ့ အတွက် အရေးယူဆောင်ရွက်ပေးဖို့ သက်ဆိုင်ရာအာဏာပိုင်တွေထံ တင်ပြ သင့်ကြောင်း ဆုံးဖြတ်ခဲ့ကြပါတယ်။ အစည်းအဝေးဆုံးဖြတ်ချက်ကို ချက်ချင်း အကောင်အထည်ဖော်တဲ့အနေနဲ့ နောက်နေ့မှာ သာသနာရေးဝန်ကြီးဌာန၊ တရား ရေးဌာန၊ နိုင်ငံတော်သြ၀ါဒစရိယ ဆရာ တော်အဖွဲ့၊ ကျောင်းထိုင်ဆရာတော်အဖွဲ့၊ နိုင်ငံတော်ဗုဒ္ဓသာသနာ့အဖွဲ့တွေနဲ့ ပြည် ထဲရေးဝန်ကြီးဌာနထံ စာအုပ်မဖြန့်ချိ အောင် တားပေးဖို့၊ ရှင်ဥက်္ကဋ္ဌနဲ့ ရှင်ဝါ သ၀ကိုအရေးယူပေးဖို့၊ ၎င်းတို့ကို ၀ိနိစ္ဆယ ဌာနမှာ အရေးယူပေးဖို့၊ အင်္ဂလိပ်ဘာ သာပြန်ပြီး ထုတ်ဝေမယ်လို့ ကြော်ငြာ ထားတာကို တားပေးဖို့စတဲ့ အချက်တွေ ပါတဲ့စာကို ပေးပို့ခဲ့ပါတယ်။

(၁၄-၈-၁၉၅၉)မှာတော့ ပြည်ထဲ ရေးဝန်ကြီးဌာနက စာအုပ်ရိုက်နှိပ်ထုတ် ဝေသူ ဦးပါနဲ့စီစဉ်တည်းဖြတ်သူ ရှင်ဝါ သ၀ကို ဖမ်းဆီးပြီး စာအုပ်တွေကို လိုက်လံသိမ်းဆည်းခဲ့ပါတယ်။ အဲဒီလို လုပ်တာကြောင့်  Y.M.B.A   အသင်းလည်း အားတက် ပြီး နောက်နေ့မှာ အစည်းအဝေးခေါ်ပြီး ဦးအေးမောင်(မြမ္မာအေး)ကို ဘားလမ်း အချုပ်ထောင်မှာရှိတဲ့ ရှင်ဝါသ၀ထံသွား ရောက်တွေ့ဆုံစေပြီး ဆွေးနွေးခိုင်းခဲ့ပါ တယ်။ ဆွေးနွေးချက်တွေကို ရေးသားပြီး ဆရာတော်တွေထံပေးပို့ခဲ့သလို သာသ နာရေးညွှန်ကြားရေးဝန် ဗန္ဓုလဦးစိန်က လည်း ရှင်ဥက္ကဋ္ဌတို့ကို ဘယ်လိုအရေး ယူဆောင်ရွက်သင့်ကြောင်း ၀ိနည်းဓိုရ် ဆရာတော်တွေ သြ၀ါဒပေးရန် လျှောက် ထားခဲ့ပါတယ်။့ Y.M.B.A နဲ့ သာသနာ ရေးညွှန်ကြားရေးဝန်တို့ရဲ့ လျှောက်ထား မှုကြောင့် ဆရာတော်ကြီးတွေလည်း လူသေလူဖြစ် စာအုပ်ကိစ်္စမှာ ပါဝင်လာ ရပါတယ်။ (၅-၉-၁၉၅၉)မှာ ရန်ကုန်မြို့ မဟာသိမ်တော်ကြီးဘုရားကြီးတိုက်မှာ အစည်းအဝေးခေါ်ပြီး နိုင်ငံတော်သြ၀ါ ဒစရိယသိမ်ကုန်းဆရာတော်ကြီးက ဆရာတော်တွေ လူသေလူဖြစ်စာအုပ်ကို ဖတ်ပြီးမှ ဆုံးဖြတ်မယ်ဆိုပြီး ဆရာတော် ကြီး (၂၇)ပါးက အချိန်ယူကာ လူသေလူ ဖြစ်စာအုပ်ကို ပိဋကတ်တော်မှတ်ကျောက် နဲ့တိုက်ပြီး လေ့လာဖတ်ရှုကြပါတယ်။ စာအုပ်ကိုဖတ်ပြီးတဲ့အခါမှာတော့ ဆရာ တော်ကြီး (၂၇)ပါးက ရှင်ဥက္ကဋ္ဌတို့ကို သာသနာတော်က နှင်ထုတ်သင့်ကြောင်း (၁၆-၁-၆၀)မှာ ဝေဖန်ချက်များနဲ့အတူ ဆုံးဖြတ်ခဲ့ကြပါတယ်။ ဆရာတော်ကြီး တွေရဲ့ ဆုံးဖြတ်ချက်ကိုရပြီးတဲ့အခါမှာ တော့ Y.M.B.A အသင်းကြီးက ရှင် ဥက္ကဋ္ဌတို့ကို အရေးယူပေးဖို့ (၃-၃-၆၀) မှာ သာသနာရေးဝန်ကြီးထံ စာပို့ခဲ့တာ ကြောင့် ရန်ကုန်မြို့ ငါးရာဘတ် ရာဇ ၀တ်တရားသူကြီး(အထူး)ရုံးမှာ ရာဇ၀တ် မှုကြီး အမှတ်(၁၄၄၂)နဲ့ ရှင်ဥက္ကဋ္ဌတို့ကို တရားစွဲခဲ့ပါတယ်။

ရုံးတော်မှာ အမှုစစ်ဆေးတဲ့အခါ Y.M.B.A ရဲ့ ကိုယ်စားလှယ်အဖြစ် ဦး ထိန်ဝင်းက သတ်သေထွက်ဆိုခဲ့ပါတယ်။ အချက်အလက်တွေကိုတော့ အသင်း ကြီးရဲ့ နာယကဒေါက်တာသိမ်းမောင်က ရှာဖွေစုဆောင်းပေးပါတယ်။ တရားရုံးမှာ ဦးထိန်ဝင်းနဲ့ ရှင်ဥက္ကဋ္ဌတို့အပြန်အလှန် အကြိတ်အနယ်ပြောဆိုခဲ့ကြပုံကို ဦးထိန် ၀င်းက ပြန်ပြောရာမှာ ““ဦးသိမ်းမောင်က လူသေလူဖြစ်စာအုပ်နဲ့ပတ်သက်ပြီး ပြောရမယ့်အချက်တွေကို တွယ်အပ်နဲ့ တွယ်ထားတယ်။ ဒီနေရာမှာ ဒီလိုဆိုထားတယ်။ ဒီနေရာ မှာ ဒီလိုပြောထားတယ်ဆိုပြီး တောက် လျောက်ပြောလိုက်တယ်။ ပြီးတော့မှ တရားသူကြီးကို သူရေးထားတာကြည့် ပါဦး။ ပုတီးကိုင်တဲ့သူတွေဟာ လူလိမ် တွေ၊ လူပေါတွေလို့ရေးထားတယ်။ ဒါ ဦးဥက္ကဋ္ဌရေးထားတဲ့ ကပ္ပပြဿနာစာအုပ် ပါဆိုပြီး တရားသူကြီးကို စာအုပ်လှန် ပြလိုက်တယ်။ ဦးဥက္ကဋ္ဌက ပုတီးကြီးကိုင် လို့ဗျ။ အဲဒါနဲ့ ဦးဥက်္ကဋ္ဌကရယ်တယ်။ ပြီးတော့ သူက ပြောသေးတယ်။ ““အောင်မယ်။ မင်းသီဟနာဒသုတ်ကို ဖတ်ဖူးလားတဲ့””သိတာပေါ့ဆိုတော့။ ““နု စဉ်အခါတုန်းက ဒီအတိုင်းပေါ့ကွတဲ့”” အဲဒါနဲ့ စာအုပ်ကိုကိုင်ပြီး ထပ်ပြောတာ နဲ့ သူက““နေပါဦးကွာ။ ငါ့စာအုပ်မှာ ဘာ တစ်ခုမှအမှန်မပါဘူးလား””တဲ့ အမှန်တော့  ပါတာပေါ့။ ဒါပေမဲ့ အမှားတွေကို လက်ခံစေချင်လို့ အဲဒါတွေကို ထည့် ထားတာလို့ပြောတော့ ““မင်းတော့ကွာ ငါထောင်ကျမှ အေးမယ့်ကောင်ပဲ””လို့ ပြောတယ်။

အဲဒီလိုနဲ့ ရှင်ဥက္ကဋ္ဌတို့ကို ရာဇ၀တ် ဥပဒေအရ အမိန့်ချဖို့ဆောင်ရွက်နေစဉ် မှာ တော်လှန်ရေးကောင်စီရဲ့ လွတ်ငြိမ်း ချမ်းသာခွင့်အမိန့်ထွက်လာတော့ ရှင်ဥက္ကဋ္ဌတို့လည်း အများနည်းတူ လွတ်ငြိမ်းချမ်းသာခွင့်ရပြီး အကျဉ်းမှ လွတ်မြောက်သွားကြပါတယ်။ အကျဉ်းကလွတ်တဲ့အခါ ရှင် ဥက္ကဋ္ဌတို့ဟာ သမ္မာဒိဋ္ဌိသုတေသန အသင်းကို တည်ထောင်လိုက်ကြပါတယ်။ အဲဒီလို လူသေလူဖြစ်ဝါဒကို တစ်ဖက် လှည့်နဲ့ ထပ်တည်ထောင်ပြီး စာအုပ်စာတမ်းတွေ ထုတ်ဝေတာကြောင့် အသင်းနာယကကြီး ဦးသိန်းမောင်က သူ့ အိမ်မှာဆရာတော်ကြီးတွေကိုပင့်ပြီး ရှင်ဥက္ကဋ္ဌအကြောင်းကိုလျှောက်တော့ ဆရာတော်ကြီးတွေက ပကာသနိယကံ ပြုမယ်လို့ မိန့်တယ်။

ဒီလိုနဲ့ (၁၄-၇-၆၃) မှာ ရန်ကုန်မြို့၊ ရွှေဂုံတိုင်လမ်း၊ ခြောက် ထပ်ကြီးဘုရားကျောင်းတိုက် သာသန ၀ိပုလကာရီသိမ်တော်ကြီးမှာ နိုင်ငံတစ် ၀န်းလုံးမှာရှိတဲ့ ဆရာတော်ကြီးတွေ၊ ရဟန်းရှင်လူပရိတ်သတ်တွေစုံညီစွာ ရောက်ရှိပြီး မအူပင်မြို့၊ မြို့လယ်ကျောင်း ဆရာတော် အရှင်အာစိက္ခဏ အမှူးပြု တဲ့ ဂိုဏ်းပေါင်းစုံ၊ အဖွဲ့ပေါင်းစုံ သံဃာ တော်တွေက ရှင်ဥက္ကဋ္ဌနဲ့ ရှင်ဝါသ၀တို့ ကို ပကာသနိယကံ ပြုတော်မူကြပါ တယ်။ ညနေပိုင်းမှာတော့ Y.M.B.A အသင်းကြီးက အမှူးပြုပြီး ဗုဒ္ဓသာသနာ အဖွဲ့ (၅၈)ဖွဲ့တို့မှကိုယ်စားလှယ် (၃၀၀) ကျော်တို့ကလည်း သိမ်တော်ကြီးမှာ ဆက်လက်စည်းဝေးပြီး ရှင်ဥက္ကဋ္ဌနဲ့ ရှင် ၀ါသ၀ံတို့ကို အပ္ပသာဒပဝေဒနကံ ပြု လုပ်ကြပါတယ်။ ရှင်ဥက္ကဋ္ဌတို့ဟာ သာ သနာကကြဉ်ဖယ်ခြင်းခံရပေမဲ့လည်း သူတို့ရဲ့ အဓမ္မ၀ါဒကို မစွန့်လွှတ်ဘဲ စာအုပ်စာတမ်းတွေ ဆက်လက်ဖြန့်ဝေ နေသလို့ Y.M.B.A  အသင်းကလည်း အစဉ် အမြဲကန့်ကွက်ခဲ့တာကြောင့် (၂၉-၁၀-၁၉၈၁)မှာ နိုင်ငံတော်သီးခြားဝိနည်းအဖွဲ့ အမှတ်(၂)က စောဒကဆရာတော်ဦးစနိ်္ဒ မာတို့ တင်သွင်းတဲ့ လူသေလူဖြစ်စာအုပ် အပါအ၀င် စာအုပ်စာတမ်း (၃၄)ခုကို ဖတ်ရှုပြီး ရှင်ဥက္ကဋ္ဌတို့ ထုတ်ဝေဖြန့်ချိတဲ့ စာအုပ်စာတမ်းတွေဟာ အဓမ္မ၀ါဒတွေ သာဖြစ်ကြောင်း ဆုံးဖြတ်ခဲ့ပြီး စုဒိတက သခင်မြတ်ဆိုင်တို့အဖွဲ့ကို အဓမ္မ၀ါဒစွန့် လွှတ်ကြောင်းဝန်ခံခိုင်းပြီး လက်မှတ်ရေး ထိုးစေခဲ့တာကြောင့် Y.M.B.A  အသင်း ကြီး ကန့်ကွက်ခဲ့တဲ့ လူသေလူဖြစ် အဓမ္မ ၀ါဒဟာ နိဋ္ဌိတံသွားပါတော့တယ်။

၁၉၀၆ ခုကတည်းက တည်ထောင် ခဲ့တဲ့ Y.M.B.A အသင်းကြီးဟာ အမျိုး၊ ဘာသာ၊ သာသနာ၊ ပညာနဲ့ပတ်သက် ရင် ရေဆုံးရေဖျားထိလိုက်ပြီး အားကျိုး မာန်တက်ဆောင်ရွက်ခဲ့ပါတယ်။ ဒါ ကြောင့် Y.M.B.A အသင်းကြီးအနေနဲ့ အမျိုးဘာသာ၊ သာသနာ့ပညာအတွက် ဆက်လက်ပြီး ဆောင်ရွက်နိုင်အောင် အဓွန့်ရှည်တည်တံ့ပါစေလို့ ဆုတောင်း လိုက်ပါတယ်။
နောင်တင်စိုး
The Hot News

နောက်ကြောင်းပြန်လှည့်ခြင်း၊ မလှည့်ခြင်းမှာ

ကျွန်တော်ဟာ သာမန်စာဖတ်သူတစ်ဦးပါ။ အပြောင်းအလဲကာလကို စိတ်ဝင်စားမိလို့ ဟိုဂျာနယ်ကောက်ကိုင်၊ ဒီစာအုပ် ကောက်ဖတ်တာလောက်ပဲ ရှိပါတယ်။ မနေတတ်၊ မထိုင်တတ်လို့ ဝင်ပြော မိတဲ့ စကားမှာ မှားတာပါရင် ခွင့်လွှတ်ပါလို့ အရင်ဦးဆုံး တောင်းပန် ပါရစေ။ ကျွန်တော်ဟာ ပညာရှင်တစ်ယောက် မဟုတ်တဲ့အတွက် အရေးအသားဟာ ပညာတတ် မဆန်တာလည်း ခွင့်လွှတ်ပေးပါ။

ရခိုင်အရေး၊ လက်ပံတောင်းတောင် ပြဿနာ၊ ကချင်ပြည်နယ်က စစ်ပွဲတွေကြောင့် နောက်ကြောင်း ပြန်လှည့်လေမလား ဆိုတဲ့ စိုးရိမ်စိတ်တွေ မြင့်တက် လာပါတယ်။

စိုးရိမ်မယ်ဆိုလည်း စိုးရိမ်စရာပဲ။ သမိုင်းကြောင်းကလည်း ရှိခဲ့တာကိုး။ ကျွန်တော်တို့ ပြည်သူအားလုံး စိုးရိမ်နေရုံနဲ့ မပြီးပါဘူး။ နောက်ကြောင်း ပြန်မလှည့်နိုင်အောင် ကျွန်တော်တို့အားလုံးက ဝိုင်းဝန်းထိန်းသိမ်းနိုင်စွမ်း ရှိဖို့ လိုပါတယ်။ ကိုယ်ရဲ့အပြုအမူ အပြောအဆိုတွေဟာ အသိစိတ်နဲ့ပဲ ဖြစ်ဖြစ်၊ မသိစိတ်ကြောင့်ပဲ ဖြစ်ဖြစ် အဟန့်အတားဖြစ်စေမယ့်၊ နောက်ကြောင်း ပြန်လှည့်စေနိုင်မယ့် အပြုအမူ၊ အပြောအဆိုမျိုး မဖြစ်ဖို့ လိုပါတယ်။ နာမည်ကြီးလေ၊ လူကြိုက်များလေ ပိုသတိထားသင့်လေ ပါပဲ။ အကြောင်းတစ်စုံ တစ်ရာဖြစ်လာပြီ ဆိုရင် မျက်နှာချင်းဆိုင် စေ့စပ်ညှိနှိုင်းပြီး အကောင်းဆုံး အဖြေကို ရှာဖွေသင့်ပါတယ်။ စိတ်ခံစားမှုကို ရှေ့တန်းမတင်ဘဲ၊ တရားသေ ဝါဒကို မဆုပ်ကိုင်ဘဲ ဖြစ်နိုင်ခြေရှိတဲ့ အဖြေကို တွက်ချက်တတ်ဖို့ လိုပါတယ်။ အဲဒီလို ဖြေရှင်းနိုင်ဖို့ရန် ကျွန်တော်တို့ ပြည်သူအားလုံးဟာ နိုင်ငံရေး အသိရေချိန်မြင့်ဖို့ လိုပါတယ်။ ဒီမိုကရက်တစ်ဓလေ့ ထွန်းကားဖို့ လိုပါတယ်။

ကျွန်တော်တို့ရဲ့ အသိပညာရေချိန် ဘယ်လောက်ရှိသလဲ။ တခြား ဝေးဝေးကြည့်စရာတောင် မလိုဘူး။ ရပ်၊ ကျေး အုပ်ချုပ်ရေးမှူး ရွေးချယ်ပွဲကို ကြည့်ရင်တောင် သိနိုင်ပါတယ်။ သူ့ဘက်၊ ကိုယ့်ဘက်၊ သူ့လူ၊ ကိုယ့်လူ၊ အချေအတင် ဖြစ်ကြ၊ ငြင်းကြခုံကြ၊ ကွဲကြ၊ ပြဲကြတယ်။ ကိုယ့်ရပ်ကွက်၊ ကိုယ့် ကျေးရွာ ဖွံ့ဖြိုးတိုးတက်အောင် လုပ်ဆောင်ပေးနိုင်မယ့် သူကို ရွေးချယ်တင် မြှောက်ရမယ်ဆိုတဲ့ Common Ground ပျောက်နေပါတယ်။ အဲဒီလိုဖြစ်တာ တစ်နေရာ၊ နှစ်နေရာတည်း မဟုတ်ပါဘူး။ တစ်နိုင်ငံလုံး ဖြစ်နေတာပါ။

ကျွန်တော်တို့ ပြည်သူအားလုံးရဲ့လက်ရှိ အခြေအနေမျိုးမှာ နိုင်ငံရေး လူတွင်ကျယ်လုပ်ချင်တဲ့ ရေသာခို နိုင်ငံရေးသမားတွေကို သတိကြီးကြီး ထားနိုင်မှ တန်ကာကျမယ်။ ဘာဖြစ်လို့လဲ ဆိုတော့ သူတို့ဟာ နောက်ကြောင်း ပြန်လှည့်စေနိုင်လောက်တဲ့ သူတွေ ဖြစ်လို့ပါပဲ။ သူတို့ဟာ ဘယ်ခေတ်မဆို ရှိကြတာပါပဲ။ သည်းခြေကြိုက် စကားလုံးတွေ လှိုင်လှိုင်သုံးပြီး၊ ဖြစ်နိုင်တာ မဖြစ်နိုင်တာ အပထား။ သူတို့နေရာရဖို့၊ နာမည်ကြီးဖို့ လူရှေ့သူရှေ့ ထွက်ပြီး ကယ်တင်ရှင်လေသံ ဟစ်ပြီး လူစုတတ်ကြတယ်။ သူတို့ဟာ ပန်းတိုင်ကို ဘယ်လိုသွားရမယ်၊ ဘယ်လိုရှာရမယ်ဆိုတာ မသိပါဘူး။ စိတ်လည်း မဝင်စား ပါဘူး။ လက်ညှိုးထိုး လုပ်စားနေသူတွေပါ။

ကျွန်တော်တို့ဟာ သူတို့ရဲ့ ထောင်ချောက်ထဲ တိုးဝင်မိလို့ ကတော့ နောက်ကြောင်းပြန်လှည့်ရုံ တင်မကဘူး။ တစ်စစီဖြစ်သွားနိုင် ပါတယ်။ ဒါကြောင့် ကျွန်တော်တို့ အားလုံးဟာ သူတို့ရဲ့ သွေးဆောင်ဖြားယောင်းမှု နောက်မလိုက်မိဖို့ လိုပါတယ်။ သတိရှိဖို့ လိုပါတယ်။

အခုအချိန်ဟာ Democratization ကာလဆိုတာရယ်၊ Democratization နဲ့ Democracy ဟာ ထပ်တူမကျဘူးဆိုတာ နိုင်ငံရေးကို နည်းနည်းလောက် စိတ်ဝင်စားရုံနဲ့ သိပါတယ်။ ဒါပေမဲ့ တကယ့်တကယ် ပြောကြ၊ ဆိုကြတဲ့အခါ၊ လုပ်ကြ ကိုင်ကြတဲ့အခါမှာ ပေတံတွေ ပါလာတော့တာပါပဲ။ နိုင်ငံရေးကို စိတ်ဝင်စားမှုနည်းတဲ့ သာမန်လူတွေဆို နားလည် လက်ခံလို့ရပေမယ့် နိုင်ငံရေးကို ထဲထဲဝင်ဝင် နားလည်ပါတယ်ဆိုတဲ့ သူတွေပါ ပေတံတကားကား ဖြစ်လာတာ တော်တော် စိတ်ပျက်ဖို့ ကောင်းပါတယ်။ ပညာရှိ သတိဖြစ်ခဲတာလား၊ လူတွင်ကျယ် လုပ်ချင်တာလား။ အဲဒီလိုလူမျိုးတွေထဲမှာ ကျွန်တော်အထင်ကြီး လေးစားရတဲ့ သူတွေပါနေတာ စိတ်မကောင်း ဖြစ်မိတယ်။ ဖြစ်ချင်တာနဲ့ ဖြစ်သင့်တာ ကွဲဖို့လိုပါပြီ။ ကျွန်တော်တို့ဟာ ဆရာအောင်ထွဋ် ပြောသလို ထီမပေါက်ဘဲ သူဌေးဖြစ်နိုင်မယ့် နည်းလမ်းကို ရှာခဲ့ကြတာ ဆိုတာ မမေ့ဖို့ လိုပါတယ်။

ကျွန်တော် တောင်းပန်ချင်တာကတော့ နိုင်ငံရေးကိုလည်း နားလည် တယ်။ နိုင်ငံနဲ့လူမျိုးကို ချစ်တယ်ဆိုတဲ့ သူတွေ ဒီမိုကရေစီ ခရီးလမ်းမှာ ကိုယ့်ကြောင့် အဟန့်အတား မဖြစ်စေဖို့ သတိရှိကြ စေလိုပါတယ်။ ကျွန်တော်တို့ဟာ မြောင်းဖောက် မပေးနိုင်တောင် ဒိုက်တွေ၊ အမှိုက်သရိုက်တွေ မဖြစ်ဖို့ လိုပါတယ်။

ဒီမိုကရေစီ ပန်းတိုင်ကို မဖဲ့မစောင်း အရောက်ချီတက် နိုင်ဖို့ အရေးပါတဲ့ သူတွေကတော့ အပြောင်းအလဲကို ဦးဆောင်ပါဝင်ခဲ့ကြတဲ့ နေရာ အသီးသီးမှ Stakeholder တွေနဲ့ Media တွေပါပဲ။

နေရာအသီးသီးမှ Stakeholder တွေအနေနဲ့ အနာဂတ်နိုင်ငံတော် တည်ဆောက်ရာမှာ အဓိကကျတဲ့ အခန်းကဏ္ဍက ပါဝင်တဲ့အတွက် ပြောသတိ၊ ရေးသတိ ရှိသင့်ပါတယ်။ အစွန်းမရောက်ဖို့ အရေးကြီးပါတယ်။ ကိုယ်ပြောလိုက်တဲ့ စကားတစ်ခွန်း၊ ကိုယ်ရေးလိုက်တဲ့ စာတစ်လုံးကြောင့် ထိန်းမနိုင်၊ သိမ်းမရ မဖြစ်ဖို့လိုပါတယ်။ ကိုယ်ပြောတဲ့ စကားမှန်တယ် ဆိုဦးတောင် အကျိုးသင့် အကြောင်းသင့်နဲ့ တစ်ဖက်လူ ခံသာဖို့ လိုပါတယ်။ အသံကြောင့် ဖားသေ ဆိုသလိုမျိုးလည်း မဖြစ်သင့်ပါဘူး။ ငါလုပ်တာမှ အမှန်၊ သူလုပ်ရင် အမှား ၊ ငါနဲ့မတူ၊ ငါ့ရန်သူဆိုတဲ့ ကလေးကလား ဆန်တဲ့ အပြုအမူမျိုးလည်း မရှိသင့်၊ မရှိအပ်ပါဘူး။ ယခုအချိန်ခါမှာ Stakeholder အားလုံး ညီညီ ညွတ်ညွတ်နဲ့ ဖြစ်လာတဲ့ ပြဿနာတွေကို အတူလက်တွဲ ဖြေရှင်းသင့်ပါပြီ။ တွယ်ကပ်နေဖို့ မသင့်တော့ပါဘူး။ တစ်ဦးရဲ့အားနည်းချက်ကို တစ်ဦးက ဖြည့်စွက်၊ တစ်ဦးရဲ့ အားသာချက်ကို တစ်ဦးက အလေးပေး အသိအမှတ် ပြုသင့်ပါပြီ။ ဒါမှသာ ကျွန်တော်တို့ ပြည်သူအားလုံး တောင့်တနေတဲ့ ဒီမိုကရေစီ ပန်းတိုင်ကို အရောက်လှမ်းနိုင်မှာပါ။

မီဒီယာတွေအနေနဲ့ စတုတ္ထမဏ္ဍိုင် ပီပီသသဖြစ်ဖို့ လိုပါတယ်။ အစွဲတွေ၊ ခံစားမှုတွေကင်းပြီး ဖြစ်သင့်၊ ဖြစ်ထိုက်တဲ့ အကြံပြုချက်၊ ဝေဖန် ထောက်ပြချက် မျိုးတွေပဲ ဖော်ပြသင့်ပါတယ်။ မီဒီယာတွေဟာ တစ်ဖက်နဲ့ တစ်ဖက်အပြန်အလှန် နားလည်မှု ယုံကြည်မှုတွေ တည်ဆောက်နိုင်စွမ်း ရှိသလို ပျက်ပြား နိုင်စွမ်းလည်း ရှိပါတယ်။ ကိုယ်ရေးလိုက်တဲ့၊ ဖော်ပြလိုက်တဲ့ စာတစ်လုံး၊ စာတစ်ပုဒ်ဟာ မှန်တယ်ဆိုပေမယ့် ကသောင်းကနင်း ဖြစ်စေ နိုင်မလား၊ ချင့်ချိန်သင့်ပါတယ်။ ဖြစ်နိုင်တယ်လို့ ယူဆရင် မဖော်ပြသင့်ပါဘူး။ နည်းနည်းပါးပါး စာပေလွတ်လပ်ခွင့်လေး ရလာတော့ ကျွန်တော်တို့ မြန်မာ စရိုက်ကို ထင်ဟပ်တဲ့ အရေးအသားမျိုးတွေ ခပ်စိပ်စိပ်တွေ့လာရတယ်။ ပြုံးလည်းပြုံးမိ စိတ်လည်းပျက်မိတယ်။ လူပြိန်းကြိုက်စကားလုံးတွေ သုံးပြီး ရောင်းအားကောင်းအောင် လုပ်တာ ကိုယ့်အတွက် အကျိုးရှိပေမယ့် တိုင်းပြည် အတွက် အန္တရာယ်ကြီးလှတယ်။ အခုအချိန်ဟာ အပြောင်းအလဲကာလ ဆိုတာ မေ့ချင်ယောင်ဆောင်ဖို့ မသင့်ပါဘူး။

ယခုလက်ရှိ မြန်မာနိုင်ငံရဲ့ အခြေအနေဟာ ကြိုးတန်းပေါ် လမ်းလျှောက်နေတဲ့ အနေအထား မျိုးပါ။ တစ်ဖက်နဲ့ တစ်ဖက်ဟန်ချက် ညီဖို့ အရေးကြီးဆုံး အချိန်ပါပဲ။ အဲဒီလိုဟန်ချက်ညီဖို့ မီဒီယာတွေမှာ များစွာ တာဝန်ရှိပါတယ်။ တစ်ဖက်စောင်းနင်း ဆန်တဲ့၊ အထင်မှား၊ အမြင်မှားဖြစ် စေနိုင်တဲ့ အရေးအသားမျိုး မဖြစ်ဖို့ အထူးဂရုပြုသင့်ပါတယ်။ ဘယ်သူ့ မျက်နှာမှ မကြည့်ဘဲ ပြည်သူတွေရဲ့ ရှေ့ရေးကို ကြည့်ပြီး ရေးသားတင်ပြ သင့်ပါတယ်။ ဒါမှသာ ပြည်သူတွေက အလေးထားရတဲ့ စတုတ္ထမဏ္ဍိုင်အဖြစ် ရပ်တည်နိုင်မှာပါ။

အပြောင်းအလဲရဲ့ အရသာကို ကျွန်တော်တို့ ပြည်သူတွေ ကောင်းကောင်းမခံစားရသေး ပေမယ့် နောက်ပြန်လှည့် လေမလားဆိုတဲ့ သောကကိုတော့ တော်တော်လေး ခံစားနေရပါပြီ။ ကျွန်တော်တစ်ဦးတည်း အမြင်ကတော့ နောက်ပြန်လှည့်ခြင်း၊ မလှည့်ခြင်းဟာ ကျွန်တော်တို့ ပြည်သူ အားလုံးနဲ့ပဲ ဆိုင်တယ်လို့ ယူဆပါတယ်။ ကျွန်တော်တော့ နောက်ပြန်လှည့်ရင် ဆိုတဲ့ အတွေး တွေးလိုက်တာနဲ့ နှလုံးရောဂါရမှာ ကြောက်ရပါတယ်။ မျက်စိထဲ လစ်ဗျား၊ ဆီးရီးယား တို့ပဲ ပြေးပြေး မြင်နေမိတယ်။ ကျွန်တော်တို့နိုင်ငံဟာ တိုင်းရင်းသားပေါင်း တစ်ရာကျော်နဲ့ တည်ဆောက်ထားတာပါ။

နောက်ကြောင်းပြန်လှည့် လိုသူတွေ၊ မျောက်ပြဆန်တောင်း လိုသူတွေကို ကျွန်တော်တို့ ပြည်သူအားလုံးက လက်ညှိုးထိုး အပြစ်တင်နေစရာ မလိုပါဘူး။ သူတို့ဆန္ဒ၊ သူတို့သဘော အတိုင်းပေါ့။ ကျွန်တော်တို့ ပြည်သူတွေ အားလုံးကသာ သူတို့ကို ခွဲခြားသိမြင်ပြီး ထိန်းချုပ် ဖယ်ရှားရှင်းလင်း နိုင်ဖို့ပဲ လိုတာပါ။ အဲဒီလို ဖယ်ရှားနိုင်ဖို့ ကျွန်တော်တို့အားလုံးမှာ နိုင်ငံရေးအသိ ရေချိန်မြင့်မားဖို့၊ ဒီမိုကရက်တစ်ဓလေ့ ထွန်းကားဖို့ လိုအပ်ပါတယ်။ ကျွန်တော်တို့နိုင်ငံရဲ့ လက်ရှိ အနေအထားအရ ကျွန်တော်တို့ ပြည်သူ အားလုံး သတိရှိရှိနဲ့ ဝိုင်းဝန်းကြိုးပမ်းနိုင်မှ တော်ကာကျပါလိမ့်မယ်။ ဒါကြောင့် နောက်ကြောင်းပြန်လှည့်ခွင့် မရအောင် ဝိုင်းဝန်းအားထုတ်ကြပါ လို့ တောင်းပန်လိုက်ပါရစေ။
(မျိုးမြင့်အောင်)
The Voice Weekly

ဒေါ်စုကိုဘာဖြစ်လို့များလူတွေက သည်လောက်တော င်သဲသဲလှုပ်ဖြစ်နေကြရသလဲ။ ကဲကိုကဲလွန်းတယ်လား။

ပြောပြန်ရင်လည်း အောင်ခိုင်လွန်ရာကျမလားမသိပါဘူး။
နယူးယောက်မှာ ထိုင်းဝန်ကြီးချုပ် ဒေါ်ရင်လတ် အင်္ဂလိပ်လို ပြောတော့ တနာရီမပြည့်ခင်အချိန်အတွင်း အင်္ဂလိပ်စာ အလုံး ၄၀ မှားလို့ဆိုပြီး FB မှာဝေဖန်ပြီး ပြောကြဆိုကြ ဒေါ်စုနဲ့နှိုင်းယှဉ်ကဲ့ရဲ့ကြတယ်ဗျ။ တချို့ကလည်း ဒေါ်စုကို ချီးကျူးပါ.. သူများကိုတော့ မကဲ့ရဲ့ပါနဲ့ စသဖြင့် ပြောကြပါတယ်။ ကျနော်စဉ်းစားမိတယ်။ ဒေါ်စုကို မနှစ်သက်တဲ့သူ ဘက်က စိတ်ကူးယဉ်ပြီးတော့ပေါ့လေ။ ဘာဖြစ်လို့များ ဒေါ်စုကို လူတွေက (မြန်မာသာမက တကမ္ဘာလုံး) သည်လောက်တောင် သဲသဲလှုပ်ချစ်ကြ လေးစားကြ ချီးကျူးကြ တသသ တရွရွ တမမ တဖွဖွ ဖြစ်နေရလဲ။ ကဲကိုကဲလွန်းတယ်.။ ဒေါ်စုကို အောက်တန်းကျမိုက်ရိုင်းစွာ အပုပ်ချ ရေးသားနေတဲ့ ၀က်ဆိုက်တခုမှာလည်း ဒေါ်စုရဲ့မကောင်းကွက်တွေကို ရှာကြံပြီး လုပ်ကြံအပုပ်ချကြတယ်။ သန်းပေါင်း ၆၀ လူဦးရေမှာ သူဦးဆောင်မှပဲ တိုင်းပြည် တိုးတက်ပြောင်းလဲ တော့မှာလား.. သူတယောက်ပဲ ရှိသလားလို့။ ဒီလိုပြောင်းပြန် တမင်စဉ်းစားကြည့်ကာမှ အဖြေတွေကပေါ်လာပါတယ်။

၁။ ဘာသာစကား...မြန်မာလူဦးရေ သန်း ၆၀စလုံး အင်္ဂလိပ်စာကျွမ်းကျင်နေဖို့မလိုပါဘူး။ ဂျပန် ထိုင်း တရုတ်တို့မှာလည်းပြည်သူတိုင်း အင်္ဂလိပ်စာ မကျွမ်းကြပါဘူး။သို့သော် နိုင်ငံ အုပ်ချုပ်သူခေါင်းဆောင်များ လူကြီးများ ကတော့ vocabulary, pronunciation, intonation, tone, grammar, usage, ကအစ ကျွမ်းကျင်နေရမှာပါ။ ဒါမှ နိုင်ငံတကာနဲ့ ဆက်ဆံလို့အဆင်ပြေမှာပါ။ ဒီအရည်အချင်းဒေါ်စုမှာ ၁၀၀% ရှိတယ်။

၂။ ဗသုသုတ .... something special, everything normal ဆိုတဲ့ စကားလို အရာရာသော ရှုတ်ထွေး ကျယ်ဝန်းလှသော ပြသနာကိစ္စကြီးငယ် တွေကို အကြမ်းဖျဉ်း(မှန်ကန်စွာ) ခြုံငုံဆင်ခြင်နိုင်သော အထွေထွေ ဗဟုသုတနဲ့ အရေးကြီးသော အကြောင်းအရာတွေကို အဂတိတရားမပါ အမြင်ကြည်လင် မတိမ်းမစောင်း စေ့ငုသေချာ ဂဃနဏသိဖို့လိုပါတယ်။ ဒီအရည်အချင်းဒေါ်စုမှာ ၁၀၀% ရှိတယ်။

၃။ ရုပ်ရည် ....လူတိုင်းဟာ ရုပ်ရှင်မင်းသားမင်းသမီးလိုချောမော လှပနေစရာမလိုပါဘူး။ သို့သော် နိုင်ငံခေါင်းဆောင်ဆိုတာ လူဘုံအလယ်မှာ တင့်တယ်ခန့်ငြား ကျက်သရေရှိသော မျက်နှာမြင် ချစ်ခင်လေးစား လောက်သော (ဒီခေါင်းဆောင်ဟာ အတွင်းစိတ်ကောင်းပါ့မလား..ဟု သံသယ လုံးဝမရှိနိုင်လောက်သော) မျက်လုံး နှုတ်ခမ်း နဲ့ မျက်နှာ သွင်ပြင်ရှိရ ပါမယ်။ အ၀တ်အစားအရောင် ဒီဇိုင်း ရွေးချယ်မှု ကိုယ်နေလှုပ်ရှားဟန် များကလည်း ခန့်ငြားတည်ငြိမ် မဟော့ရမ်း မကလက် ပဲ ဆင့်ရှိအတန်းရှိ နန်းဆန်ရပါမယ်။ ဒီအရည်အချင်းဒေါ်စုမှာ ၁၀၀% ရှိတယ်။ ဒါတောင် အသက်ကြီးသွားလို့။ ခုနေများ ၅၀ကျော်လောက်ဆို ကောင်းလေစွ။

၎။ ပညာ ......တက္ကသိုလ်ကရတဲ့ဘွဲ့မှ ပညာလို့မပြောနိုင်ပါဘူး။ လူမှာ အတတ်ပညာ အသိပညာ နှစ်မျိုးမျှတစွာ ရောစပ်နေဖို့လိုအပ်တဲ့နေရာမှာ နာမည်ကျော်ကမ္ဘာ့တက္ကသိုလ်ကြီးက နိုင်ငံေ၇း ဆိုင်ရာဘာသာရပ်မှာ ရခဲ့တဲ့ ဘွဲ့အပြင် နိုင်ငံတကာမှာလုပ်ကိုင်ခဲ့တဲ့ အတွေ့အကြုံများနဲ့ ရေးသားခဲ့တဲ့ စာအုပ်များစွာ၊ ရောက်လေရာမှာ လေ့လာဆည်းပူးတတ်တဲ့အကျင့်၊ အိမ်မှာ အကျဉ်းကျနေစဉ်ဖတ်ရှုခဲ့တဲ စာအုပ်များစွာကြောင့် ဒီအရည်အချင်း လည်းဒေါ်စုမှာ ၁၀၀% ရှိတယ်။

၅။ သီလ သမာဓိ......နိုင့်ငံခေါင်းဆောင် ဆိုတာ သာမန်ပြည်သူလို သီလမလုံ တရားမရှိ နေချင်သလို နေမရပါ။ ကြံဖန်ပြောရရင် ဒေါ်စုဟာ လူမျိုးခြားကိုလက်ထပ်ခဲ့ခြင်းကလွဲလို့ ဘာမှ အပြစ်ပြောစရာ မရှိအောင်ဘ၀တလျှောက်လုံးနေထိုင်ခဲ့သူဖြစ်ခြင်း၊ (လူမျိုးခြားဆိုပေမဲ့ ဒေါ်စုအား ချစ်ခင်လေးစား တန်ဘိုးထားနားလည်ပေးတတ်တဲ့ ပညာရှိတဲ့ မိမိနှင့် သားများ ကိုပါ ဗုဒဘာသာသို့ပြောင်းလဲခဲ့နိုင်တဲ့ ခင်ပွန်းကောင်းဖြစ်ပါတယ်။)၊ အိမ်တွင်းအကျဉ်းကျစဉ် ၀ိပသနာတရားအားထုတ်မှုကို မပြတ်လေ့ကျင့် ပွားများခဲ့ခြင်း ဆရာတော်ကြီးများရဲ့ဆုံးအမကို မပြတ်ခံယူခြင်း တို့ကြောင့် ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၆။ သတိ...သာမန်လူတိုင်းဟာ မနော ၀စီ ကာယကံများကို အချိန်နဲ့အမျှပြုနေကြရာမှာ အမှတ်တမဲ့ သတိကင်းမဲ့လျက်နဲ့ အမှားများစွာ ပြုပြောတွေးနေမိတတ်ပါတယ်။ ဒေါ်စုရဲ့ အမူအရာ စကားလုံး ကိုယ်နေ ဟန်ပန် တို့ကိုကြည့်ပါ။ ထိုင်နေလျှင် ခါးစန့် ခါးမတ်၊ ဦးခေါင်းကိုမတ်၊ ပျင်းပျင်းရိရိကြောကို မမှီ၊ ဒူးကိုဘယ်တော့မှမချိတ်၊ မိန့်ခွန်းများပြောရာမှာ မည်သည့်ဘာသာစကားကိုပြော ပြော လေသံအတက်အကျက မမြင့်လွန်း မနိမ့်လွန်း မနှေးလွန်း မမြန်လွန်း၊ ပျာယာမခတ်။ ရှူးရှူးရှဲရှဲမရှိ။ မှားလို့ပြန်ပြောရသည်ဆိုသည် မရှိသလောက်ရှား။ ဒါကသတိကပ်နေခြင်းရဲ့ သက်သေ။ အသံကလည်း ပီသ၊ မျက်နှာအမူအရာက တည်သင့်လျှင်တည် ရီသင့်လျှင်ရီ ပြုံးတန်ပြုး ထုံပေပေ ပေါတောတော စပ်ဖြဲဖြဲ ဘယ်ခါမှမရှိ၊ ။ သည်လောက်မအားသည့်ကြားက အ၀တ်အစား ဘိုသီဘတ်သီ မရှိ။ ဒါကြောင့် သတိ ဟူသော...ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၇။ အသံ..... အဆိုတော်များ တမျိုးစီ အသံကောင်းကြပါတယ်။ သီချင်း မဆိုလည်း အသံကောင်းသူ များစွာရှိပါတယ်။ ဒါပေမဲ့ လူတိုင်းရဲ့အသံများမှာ အရောင်လေးတွေပါကြပါတယ်။ အားငယ်သံ မောက်မာသံ အထက်စီးသံ မာနသံ ကြွားဝါသံ ပညာရှိသံ ပညာမဲ့သံ ရိုးသားသံ မြို့ပြသံ ကျေးလက်သံ ဟန်ဆောင်သံ တရားသံ ဆရာကြီးသံ...ပွဲစားသံ ..ထုံထိုင်းသံ..ပျင်းရိသံ...စသဖြင့်။ နိုင်ငံခေါင်းဆောင်၏အသံကတော့ ပညာရှိသံ ပြတ်သားတိကျသံ ရိုးသားဖြူစင်သံနဲ့ တိုင်းသားပြည်သူများအပေါ် မေတ္တာစေတနာငွေ့ လွှမ်းခြုံနေတဲ့ အသံဖြစ်ရပါမယ်။ ထိုအရည်အချင်း ဒေါ်စုမှာ ၁၀၀% ရှိပြန်ပါတယ်။

၈။ မျိုးရိုး....ဘယ်လောကမှာမဆိုအောင်မြင်လာမဲ့သူဟာ ရှေ့ကမျိုးရိုးရှိချင် မှရှိမှာပါ။ မျိုးရိုးရှိတိုင်းလည်း ဆက်ခံတဲ့သားသမီးမြေးမြစ်က အဖြစ်ရှိ ချင်မှရှိမှာပါ။ ဗိုလ်မင်းရောင် ဗိုလ်ချုပ်အောင်ဆန်းစတဲ့ သတ္တိပြောင်တဲ့ မျိုးရိုးကို ထိန်းသိမ်းနိုင်တဲ့သွေးနဲ့ မျိုးရိုးအရည်အချင်းမျိုး အကိုမှာတောင် မရှိဘဲ ဒေါ်စုမှာသာလျှင် ၁၀၀% ရှိပြန်ပါတယ်။ အင်မတန် မြန်မာဆန်ပြီး အနေအထိုင် လိမ်မာ ကျစ်လျစ်တဲ့မိခင် ဒေါ်ခင်ကြည့်ရဲ့ သွန်သင်ဆုံးမမှု ဟာလည်း မြန်မာဆန်တဲ့ သတ္တိရှိရဲရင့်တဲ့ သမီးကောင်းလေးကို ပေါ်ထွန်းစေ ခဲ့တာဟာ ငြင်းမရပါဘူး။

၉။ စွန့်လွှတ်အနစ်နာခံသောစိတ်..... နေက္ခမ္မပါရမီလို့ပြောရင် လွန်မလား မသိ။ တိုင်းပြည်ကို ခေါင်းဆောင်မဲ့သူဟာ ပုဂိုလ်ရေးရာ family / personal ခံစားချက်တွေကို အတတ်နိုင်ဆုံး လျစ်လှူရှုနိုင်ရပါမယ်။ မိမိဘ၀နဲ့ အချိန်တွေ စိတ်အာရုံတွေကို နိုင်ငံနဲ့ပြည်သူအတွက် ပေးဆပ်နိုင်ရပါမယ်။ ထိုအရည်အချင်း ဒေါ်စုမှာ ၁၀၀% ရှိကြောင်းကတော့ မိန်းမတသန်းမှာ တယောက်တွေ့ရနိုင်ခဲ့တဲ့ ခင်ပွန်းနဲ့ သားတွေရဲ့ ဘ၀အဆင်ပြေမှုတွေကို လုံးလုံးလျားလျား လျစ်လျူရှုခဲ့တဲ့ ဒေါ်စုရဲ့စိတ်ထားမျိုးကတော့ အထူးပြောစရာမလိုတော့ပါဘူး။

၁၀။ မေတ္တာ..... သတ္တလောကကြီးကို ထိန်းချုပ်ပြောင်းလဲနိုင်စွမ်းရှိသော အရာဟာ စစ်မှန်တဲ့မေတ္တာပါပဲ။ မိမိ မိသားစုဝင် သုံးယောက်က် သန်းပေါင်း ၆၀သော လူသားတွေအတွက် မေတ္တာကြီးစွာထားခဲ့သူပါ။ မေတ္တာတရားနဲ့ပြည့်ဝလွှမ်းခြုံနေတဲ့မျက်ျနှာ မျိုး လူတိုင်းမှာ မတွေ့နိုင်ပါဘူး။ ထိုအရည် အချင်း မေတ္တာဓါတ်မျိုး ဒေါ်စုမှာသာ ၁၀၀% ရှိကြောင်း ဦးနှောက်မှန်တဲ့ လူတိုင်းရဲ့နှလုံးသားက ခံစားလို့ရပါတယ်။

ပြောခဲ့တဲ့ အချက် (၁၀)ချက်အပြင် အခြားများစွာသော ထူးခြားအရည်အချင်း များနဲ့ပြည့်စုံတဲ့ ဒေါ်စုနဲ့ တူညီပြည့်မှီတဲ့ အခြား မြန်မာအမျိုးသမီးတဦးဦး မရှိနိုင်ပါဘူး။ တခုတူရင် တခု လိုနေမှာပါ။

ဒါ့ေ ကြာ င့်.....
မြန်မာနိုင်ငံရှေ့ရေးအတွက် ဦးဆောင်ရမဲ့ နှစ်တရာတခါ ပေါ်ပေါက်ခဲတဲ့ မရှိမဖြစ်တဲ့ ဒေါ်အောင်ဆန်းစုကြည်အပေါ် သည်လောက်တောင် သဲသဲလှုပ်ချစ်ကြ လေးစားကြ ချီးကျူးကြ တသသ တရွရွ တမမ တဖွဖွ ဖြစ်နေကြတဲ့ လူတွေ လုံးဝ မလွန်ပါဘူး ။ကျနော်အခုလို ထင်မြင်ရေးသားမိတာလည်း မလွန်ပါဘူး... ဒေါ်စုကို ချစ်ရင်လေးစားရင် ချစ်နေယုံနဲ့ မပြီးပဲ မိမိတို့ရောက်ရာနေရာတိုင်းမှာ ပြတ်သားရဲရင့် ထက်မြက် တည်ငြိမ်စွာ မြန်မာလူမျိုးသိက္ခာထိန်းကြပါ လို့ရဲရဲကြီးပြောရင်း..
အောင်ခိုင် (၂၄-၄-၂၀၁၂)

မဟာအောင်ဆန်း(သို့မဟုတ်)မြန်မာပြည်ကကြယ်နီ

April 25, 2013
သမိုင်းဆိုတာ ဟောင်းလေတန်ဖိုး ကြီးလေပါပဲ။ နိုင်ငံတစ်နိုင်ငံပဲဖြစ်ဖြစ်၊ လူ ပုဂိ်္ဂုလ်တစ်ဦးတစ်ယောက်ပဲဖြစ်ဖြစ် အချိန် ကြာလာတာနဲ့အမျှ သမိုင်းတန်ဖိုးမြင့် တက်လာတတ်ပါတယ်။ ကုန်ကုန်ပြောရ ရင် အိုးခြမ်းပဲ့လေးတစ်ခုကတောင် သူ့ သမိုင်းနဲ့သူရှိနေတတ်တယ်။

အိုးခြမ်းပဲ့ဆိုပြီး တန်ဖိုးမဲ့လိမ့်မယ် မထင်လိုက်ပါနဲ့။ သူ့မှာ ဖွဲ့တည်နေတဲ့ အချိန်ကာအလျှောက် သူ့ခေတ်သူ့ကာလ က လူနေမှုစနစ်ကို ပြောပြနေတယ်။ သာမာန်လူတွေနားမလည်နိုင်ပေမဲ့ သမိုင်း ပညာရှင်တွေကတော့ အိုးခြမ်းပဲ့ကပြော တဲ့ သမိုင်းကိုနားလည်နေကြတယ်။

အိုးခြမ်းပဲ့မှာပါဝင်နေတဲ့ ရွှံ့မြေအမျိုး အစား၊ သူ့မှာ ကပ်ငြိနေတဲ့ နွယ်၊ မြက်၊ သစ်ရွက်၊ သူ့ကိုအလှဆင်ထားတဲ့ ပန်းချီ၊ အနုပညာ အားလုံးပေါင်းစပ်ကြည့်လိုက် ရင် သမိုင်းမှတ်တမ်းတစ်စောင်ရနိုင်တဲ့ အထိ အိုးခြမ်းပဲ့တစ်ခုဟာ သမိုင်းဝင် ပစ္စည်းဖြစ်သွားတတ်ပါတယ်။ ဒါကြောင့် မို့လည်း ဆရာတင်မိုးပြောခဲ့သလို အလှ ကိုယ်စီရှိကြတာချည်းပါပဲ။

အခုဆိုရင် ရှေးဟောင်းယဉ်ကျေးမှု နယ်မြေဖြစ်တဲ့ ပုဂံအာနန္ဒာဘုရားမှာ နံရံ ဆေးရေးပန်းချီတွေကို ပြန်လည်ဖော်ထုတ် နေပြီ။ နှစ်ပေါင်းများစွာ ချေးညှော်တွေ ကပ်နေတဲ့ နံရံဆေးရေးပန်းချီတွေ၊ ထုံး သုပ်ထားလို့တိမ်မြုပ်ပျောက်ကွယ်နေတဲ့ ပန်းချီတွေကို အိနိ်္ဒယနိုင်ငံရဲ့အကူအညီ နဲ့ ပြန်လည်ဖော်ထုတ်နေတာကိုဖြင့် ကျေးဇူးတင်ဂုဏ်ယူဝမ်းမြောက်မိပါတယ်။

နံရံဆေးရေးပန်းချီတွေကလဲ ပုဂံ ခေတ်ရဲ့ လူနေမှုဘ၀ကို အတန်အသင့် ပြောပြနိုင်မယ်ထင်ပါတယ်။ ပုဂံမှာရှိတဲ့ ဂူဘုရားတွေရဲ့ နံရံဆေးရေးပန်းချီတွေဟာ ဖြင့် ပုဂံခေတ်ရဲ့ လူမှုရေး၊ စီးပွားရေး၊ နိုင်ငံရေး၊ ယဉ်ကျေးမှုတွေကို အများကြီး ပြောပြနေတာလေ့လာတွေ့ရှိရပါတယ်။ နှစ်ပေါင်းထောင်ချီကြာမြင့်နေပြီဖြစ်တဲ့ ပုဂံရှေးဟောင်းယဉ်ကျေးမှုနယ်မြေဟာ ဖြင့် တန်ဖိုးကြီးမားတဲ့ သမိုင်းအမွေအနှစ် တွေကို ချန်ရစ်ခဲ့တာတော့ အမှန်ပါပဲ။

ဒီလိုပါပဲ မြန်မာ့သမိုင်းမှာ ပထမ မြန်မာနိုင်ငံတော်ကြီးကို တည်ထောင်ခဲ့ တဲ့ အနော်ရထာ၊ ဒုတိယမြန်မာနိုင်ငံ တော်ကြီးကို တည်ထောင်ခဲ့တဲ့ ဘုရင့် နောင်ကျော်ထင်နော်ရထာ၊ တတိယ မြန်မာနိုင်ငံတော်ကြီးကို တည်ထောင်ခဲ့ တဲ့ အလောင်းဘုရား ဦးအောင်ဇေယျ၊ နောက်ဆုံးစတုတ္ထမြန်မာနိုင်ငံတော်ကြီး ကို တည်ထောင်ခဲ့တဲ့ ဗိုလ်ချုပ်အောင်ဆန်း။

ဗိုလ်ချုပ်အောင်ဆန်းနဲ့ ခေတ်ပြိုင် လုပ်ဖော်ကိုင်ဖက် နိုင်ငံရေးသမားအချို့ ကတော့ ဒီအဆိုကို သဘောတူကောင်း မှ တူကြမှာပါ။ ဒါပေမဲ့လည်း ပြည်သူလူ ထုတစ်ရပ်လုံးရဲ့ရင်ထဲမှာရှိခဲ့တာက ဗိုလ် ချုပ်အောင်ဆန်းပါပဲ။ (၁၈၈၅ ခုနှစ်၊ နိုဝင်ဘာလ ၂၈ ရက်)နေ့ကတည်းက သူ့ကျွန်ဖြစ်ခဲ့ရတဲ့ မြန်မာနိုင်ငံကို လွတ် လပ်ရေးလမ်းကြောင်းပေါ်တင်ပေးခဲ့တဲ့ သူဟာ ဗိုလ်ချုပ်အောင်ဆန်းပါ။ လွတ် လပ်ရေးမီးရှူးတိုင်ကို ထွန်းညှိပေးခဲ့တဲ့ သူဟာ ဗိုလ်ချုပ်အောင်ဆန်းပါ။ ကျန်တဲ့ သူတွေက လွတ်လပ်ရေးမီးရှူးတိုင်ကို ၀ိုင်း ၀န်းထိန်းသိမ်းရင်း လက်ဆင့်ကမ်းသယ် ယူလာတဲ့သူတွေပဲဖြစ်ပါတယ်။ ဒါကြောင့် မို့လည်း ဗိုလ်ချုပ်အောင်ဆန်းကို စတုတ္ထ မြန်မာနိုင်ငံတော်ကြီး တည်ထောင်ခဲ့တဲ့ သူလို့ ပြည်သူတစ်ရပ်လုံးက ဂုဏ်ပြုခေါ် ဝေါ်ခဲ့တာပါ။
ဗိုလ်ချုပ်အောင်ဆန်း၊ သခင်အောင် ဆန်း၊ ဦးအောင်ဆန်းလို့ခေါ်ဝေါ်နေကြ တာဟာဖြင့် ပြည့်စုံလုံလောက်မှုမရှိဘူး ထင်ပါတယ်။ ကျွန်တော်သဘောပြောရ ရင် ““မဟာအောင်ဆန်း””လို့တောင် ခေါ် လိုက်ချင်တယ်။

ခေါ်လည်းခေါ်ထိုက်မယ်လို့ထင်ပါ တယ်။ ပုဂံခေတ်ကနေ မျက်မှောက်ခေတ် အထိ သူ့လိုယောက်ျားမျိုးဘယ်နှစ်ယောက် ပေါ်ထွန်းခဲ့ဖူးလို့လဲ။ စစ်ရေးအမြင်၊ နိုင်ငံ ရေးအမြင်၊ စီးပွားရေးအမြင်၊ လူတန်းစား အမြင် ဘက်ပေါင်းစုံအမြင်ကျယ်ကျယ် နဲ့ ရှုမြင်သုံးသပ်ခဲ့တဲ့ ခေါင်းဆောင်တစ် ယောက်ပါ။ ပဒေသရာဇ်ခေါင်းဆောင် တွေလို လူမျိုးကြီးဝါဒကျင့်သုံးပြီး နိုင် ထက်စီးနင်းအနိုင်ယူတာမျိုးမလုပ်ခဲ့ဘူး။ အားလုံးတန်းတူအခွင့်အရေးပေးပြီး တိုင်း ရင်းသားစည်းလုံးညီညွတ်ရေးကို ဖော် ဆောင်ပေးခဲ့တယ်။ ဗမာတစ်မျိုးသားလုံး လွတ်လပ်ပြီး တိုင်းရင်းသားတွေကတော့ နယ်ချု့လက်အောက်မှာ ကျွန်သားပေါက် ဘ၀ရောက်နေမှာကို မလိုလားဘူး။ ဗမာ တစ်ကျပ်၊ ရှမ်းတစ်ကျပ်၊ ကချင်တစ်ကျပ်၊ မွန်တစ်ကျပ်၊ ကရင်တစ်ကျပ်၊ ရခိုင်တစ် ကျပ်၊ အားလုံးအေးတူပူအမျှ သာယာဝ ပြောတဲ့ မြန်မာနိုင်ငံအဖြစ် အမှန်တကယ် သူမြင်ချင်တယ်။ ဒါကြောင့်မို့လဲ ပင်လုံ စာချုပ်ကို သည်းခံခွင့်လွှတ်နားလည်မှု တွေပေးပြီး ညီညွတ်ရေးစာချုပ် ချုပ်ဆို နိုင်အောင် သူကြိုးပမ်းခဲ့တယ်။ သူကွယ် လွန်ပြီးကာမှ နိုင်ငံတော်ဝါးအစည်းပြေ သွားတာဟာ သူ့ရဲ့ပယောဂမဟုတ်တော့ ပါဘူး။ ဗိုလ်ချုပ်အောင်ဆန်းကတော့ သူ့ရဲ့နောက်ဆုံးထွက်သက်အထိ နိုင်ငံ တော်ရဲ့သမိုင်းပေးတာဝန်ကို ကျေပွန်စွာ ထမ်းဆောင်သွားခဲ့တဲ့သူပါ။ ဒါကြောင့်မို့ လဲ ဗိုလ်ချုပ်အောင်ဆန်းကို ကျွန်တော်တို့ ရဲ့ ကြီးမြတ်သော ခေါင်းဆောင်ကြီးအဖြစ် ““မဟာအောင်ဆန်း””ရယ်လို့ ဂုဏ်ပြုခေါ် ဝေါ်လိုက်ချင်တာပါ။

အဲဒီမဟာအောင်ဆန်းဆိုတဲ့ လူ တစ်ယောက် ကျွန်တော်တို့ချောက်မြို့ကို ရေက်လာခဲ့ဖူးတယ်။ သူနဲ့ပတ်သက်တဲ့ သမိုင်းတစ်ခုဟာဖြင့် ပြောစမှတ်ဖြစ်ပြီး ကျန်ရစ်စေချင်သလို နောင်လာနောင် သားတွေလည်း အတုယူစေချင်တယ်။ ဒီ သမိုင်းတစ်ကွက်ကိုလဲ အသက်(၈၀) ကျော်နေပြီဖြစ်တဲ့ အဘဦးဝင်းမောင်ဆီ က ကြားခဲ့ရလို့ မှတ်တမ်းတင်လိုက်ရတာ ပါ။ မြန်မာနိုင်ငံမှာ သခင်အရေအတွက် တွေ လျော့နည်းလို့လာပါပြီ။ မြန်မာနိုင်ငံ ရဲ့လွတ်လပ်ရေးသမိုင်းဟာ သခင်တွေ မပါရင် မပြည့်စုံပါဘူး။ မြန်မာ့လွတ်လပ် ရေးနဲ့ သခင်တွေရဲ့ အခန်းကဏ္ဍဟာ ဒင်္ဂါးတစ်ပြားရဲ့ခေါင်းနဲ့ ပန်းလိုခွဲခြားပစ် လို့မရပါဘူး။ သခင်တွေရဲ့ လွတ်လပ်ရေး ကြိုပမ်းမှု အတိုင်းအတာတစ်ခုကြောင့် မြန်မာလွတ်လပ်ရေးရတာပါလို့ပြောရင် ငြင်းနိုင်မယ်မထင်ပါဘူး။ ဒါကြောင့်မို့လဲ သခင်ဆိုရင် ဦးညွှတ်ဂုဏ်ပြုချင်တော့တာ ပါပဲ။

အဘဦးဝင်းမောင်ပြောပြလို့ သခင် အောင်ဆန်း၊ ဗိုလ်ချုပ်အောင်ဆန်း၊ ဦး အောင်ဆန်း၊ မဟာအောင်ဆန်းဟာ ချောက်မြို့ကို ၁၉၄၇ ခုနှစ် မတ်လ (၂၃) ရက်နေ့မှာရောက်လာခဲ့ပါတယ်။ ချောက် ကိုမလာခင်ချောက်မြို့ရဲ့ မြောက်ဖက်မှာ ရှိတဲ့ စဥ့်ကူဆိုတဲ့မြို့ကို အရင်သွားပါ တယ်။ စဥ့်ကူမြို့မှာရှိတဲ့ ဦးစံလှ-ဒေါ်ဖြူ လှရဲ့တိုက်မှာ တည်းခိုနားနေပြီး မြို့သူ မြို့သားတွေကို မိန့်ခွန်းပြောပါတယ်။ ဗိုလ်ချုပ်အောင်ဆန်းကို မြို့လူထုက သြ ဘာစာတွေဖတ်ပြီး ကြိုဆိုဂုဏ်ပြုတာကို ဗိုလ်ချုပ်ကမကြိုက်ပါဘူး။ ဒီတော့လည်း ရှင်းရှင်းပဲပြောလိုက်တယ်။ ““သြဘာစာ ဖတ်နေလို့ လွတ်လပ်ရေးမရနိုင်ဘူး အချင်းချင်း ညီညီညွတ်ညွတ်စည်းစည်း လုံးလုံးလုပ်မှ လွတ်လပ်ရေးရနိုင်မယ်လို့ ပြောသွားခဲ့ပါတယ်။””

ခြောက်မြို့က ပြည်သူ့ရဲဘော်တွေ ကလဲ ဗိုလ်ချုပ်အောင်ဆန်းကို စဥ့်ကူမြို့ ထိသွားပြီး ကြိုကြပါတယ်။ အဲဒီတုန်းက ပြည်သူ့ရဲဘော်ဆိုတဲ့သူတွေကတော့ ဗိုလ် မြတ်ကျော်၊ စလေဗိုလ်ဝ၊ သခင်သံခဲ၊ သခင်စံဦး၊ သခင်ခင်မောင်ညို၊ သခင်ခင် မောင်ဖြူတို့ဖြစ်တယ်လို့ သိရပါတယ်။

ဗိုလ်ချုပ်အောင်ဆန်းရဲ့သားတပည့် တွေဖြစ်တဲ့ ပြည်သူ့ရဲဘော်တွေဟာ ချောက်မြို့ကနေပြီး စဥ့်ကူးမြို့အထိ လာ ကြိုနေတာကိုတွေ့ရတော့ ဗိုလ်ချုပ်အောင် ဆန်းက ဒီလိုပြောပါသတဲ့။ ““ငါ့ကို လာ ကြိုစရာလဲမလိုဘူး၊ စောင့်ရှောက်စရာ လည်းမလိုဘူး။ မင်းတို့တကယ်စောင့် ရှောက်ရမှာက ပြည်သူလူထုပဲ””လို့ ပြော ပါသတဲ့။
ဟုတ်ပါတယ်။ လက်နက်ကိုင်အဖွဲ့ အစည်းဆိုတာ ကိုယ့်ခေါင်းဆောင်ကို ကာကွယ်ဖို့ထက် ကိုယ့်နိုင်ငံသားတွေကို ကာကွယ်ဖို့က ပဓာနကျပါတယ်။ တကယ် တော့ နိုင်ငံသားတွေဆိုတာ အားကိုးရာ မဲ့တဲ့သူတွေပါ။ သူတို့ရဲ့ဘ၀ဟာ လုံခြုံ မှုမရှိပါဘူး။ တရားဥပဒေစိုးမိုးရေးနဲ့ တည် ငြိမ်အေးချမ်းနေတဲ့ ကာလမျိုးမှာသာ နိုင်ငံသားတွေရဲ့ လူနေမှုဘ၀က လုံခြုံ တာပါ။ လွတ်လပ်ရေးမရသေးတဲ့ ကြား ကာလမျိုးမှာ လက်နက်ကိုင်သောင်းကျန်း သူတွေရဲ့ ရမ်းကားမှုတွေကြောင့် ပြည်သူ လူထုဟာ ကျီးလန့်စာစားဖြစ်နေကြရ တယ်။ အဲဒီလိုကျီးလန့်စာစား ဘ၀ရောက် နေကြတဲ့ ပြည်သူလူထုကို ပြည်သူ့ရဲ ဘော်တွေအနေနဲ့ စောင့်ရှောက်ရမယ် လို့ ဗိုလ်ချုပ်အောင်ဆန်းက သြ၀ါဒခြွေ သွားခဲ့ခြင်းဖြစ်ပါတယ်။

တကယ်တော့ လက်နက်ကိုင်အဖွဲ့ အစည်းဆိုတာ မီးလိုပါပဲ။ သုံးတတ်ရင် မိတ်ဆွေ၊ မသုံးတတ်ရင် ရန်သူပါပဲ။ နိုင်ငံ တစ်နိုင်ငံမှာ လက်နက်ကိုင်အဖွဲ့အစည်း ဆိုတာ ရှိသင့်ပါတယ်။ သူ့ရဲ့အခန်းကဏ္ဍ ကို ပစ်ပယ်ထားလို့မရပါဘူး။ သူလဲအရေး ပါတဲ့အဖွဲ့အစည်းတစ်ခုဖြစ်ပါတယ်။ နိုင်ငံ တော်ရဲ့ လုံခြုံရေး၊ အေးချမ်းသာယာ ရေးဟာ (လက်နက်ကိုင်အဖွဲ့အစည်း)ရဲ့ ခံယူချက်အမြင်ပေါ်မှာ မူတည်နေပါ တယ်။ ဗိုလ်ချုပ်အောင်ဆန်းက ပြည်သူ့ ရဲဘော်တွေကို ပြောခဲ့သလို ပြည်သူလူထု ရဲ့ အသက်အိုးအိမ်စည်းစိမ်တွေကို စောင့် ရှောက်တဲ့အဖွဲ့အစည်းအဖြစ် ရပ်တည် နေသမျှကာလပတ်လုံး ပြည်သူလူထုရဲ့ မေတ္တာကိုရရှိနေကြမှာပဲဖြစ်ပါတယ်။ ပြည်သူလူထုနဲ့ စိတ်သဘောထားချင်းကွဲ တဲ့နေ့ဟာလဲ တိုင်းပြည်ပျက်တဲ့နေ့ပဲဖြစ် ပါလိမ့်မယ်။

ဒီကနေ့ မြန်မာနိုင်ငံတော်ဟာ ဒီမို ကရေစီနိုင်ငံတော်သစ်ပြန်လည်တည် ဆောက်ဖို့အတွက် အရှိန်ယူနေဆဲကာလ ဖြစ်ပါတယ်။ စစ်အစိုးရရဲ့ အုပ်ချုပ်မှု အောက်မှာ နှစ်ပေါင်းများစွာ ခံစားလာ ခဲ့ရတဲ့ စိတ်ဝေဒနာတွေကို ပြန်လည်ကု စားနေကြရတဲ့ ကာလမျိုးပါ။ ရင်ထဲမှာ မွန်းကြပ်နေအောင် ဖိနှိပ်ခံစားလာခဲ့ရတဲ့ ပြည်သူလူထုဟာ ဒီမိုကရေစီ ရေကြည် တစ်ပေါက်သောက်ရဖို့အတွက် ဘယ် လောက်ရုန်းကန်ခဲ့ရတယ်ဆိုတာ အားလုံး အသိပဲဖြစ်ပါလိမ့်မယ်။ ရဟန်းရှင်လူ၊ ပြည်လူ/ပြည်သားတွေနဲ့ အနာဂတ်ရဲ့ မျိုးဆက်သစ်လူငယ်တွေရဲ့ ဘ၀တွေ အများကြီး ရင်းနှီးပေးဆပ်ခဲ့ကြရပါတယ်။  နံနက်ခင်းရဲ့ နေရောင်ခြည်နဲ့ အတူရှင် သန်ကြီးပြင်းကြရမယ့် သားကောင်းရတ နာတွေဟာ အမှောင်လွှမ်းသောကာလ တွေနဲ့ ရင်ဆိုင်ကြုံတွေ့ရလို့ တိုင်းပြည် ချောက်ထဲကျရောက်သွားကြရပြန်ပါ တယ်။ နိုင်ငံအတွက် ပြန်လည်ထူထောင် ရေးမှာ တစ်တပ်တစ်အား ပါဝင်ရမယ့် သူတွေဟာ နိုင်ငံတော်အချုပ်အခြာအာ ဏာတည်တံ့ခိုင်မြဲရေးအတွက် အသက် ပေးစတေးခံလိုက်ကြရတယ်။ ဒီလိုနဲ့ပဲ မြန်မာနိုင်ငံတော်ကြီးဟာ တစ်ကနေပြီး ပြန်စကြရတဲ့ အခြေအနေမျိုးကြုံခဲ့ကြ ရပြန်ပါတယ်။ အခြားနိုင်ငံတွေက ရှေ့ကို ခြေလှမ်း လေး၊ ငါးဆယ်ရောက်နေပေမဲ့ ပြည်ထောင်စုမြန်မာနိုင်ငံတော်ကြီးကဖြင့် အကြိမ်ကြိမ်အခါခါ တစ်ကပြန်စနေရလို့ ခရီးမတွင်နိုင်ဘဲဖြစ်ခဲ့ရပါတယ်။

မျက်မှောက်ခေတ်ကမ္ဘာကြီးရဲ့ တောင်းဆိုချက်နဲ့အတူ ပြည်သူတစ်ရပ် လုံးကလဲ ဒီမိုကရေစီအလင်းရောင်သစ်ကို မြင်တွေ့လိုလှပါပြီ။ ပြည်သူတစ်ရပ်လုံး လျှောက်လှမ်းကြရမယ့် ဒီမိုကရေစီလမ်း မကြီးပေါ်မှာ လက်နက်ကိုင်အဖွဲ့အစည်း တစ်ခုဖြစ်တဲ့ မြန်မာတပ်မတော်က လက် တွဲညီညီလိုက်ပါနိုင်ကောင်းရဲ့လို့ ခံစားမိ ပါတယ်။ ကာကွယ်ရေးဦးစီးချုပ် ဗိုလ်ချုပ် မှူးကြီးမင်းအောင်လှိုင်ကိုယ်တိုင်ကလည်း ဗိုလ်ချုပ်အောင်ဆန်းရဲ့ ဆန္ဒနဲ့တစ်ထပ် တည်းကျတဲ့ မိန့်ခွန်းတစ်ရပ်ကို သူ့ရဲဘော် တွေကို ပြောပြခဲ့ပါတယ်။
တကယ်တော့ စစ်သားကောင်း တစ်ယောက်ဟာ စစ်စည်းကမ်းတွေကို တိတိကျကျ လိုက်နာပြီး လက်နက်အား ကိုး အနိုင်ကျင့်ဗိုလ်ကျစိုးမိုးတာမျိုးတွေ သာ မလုပ်ဘူးဆိုရင် သိကြားမင်းက လက်အုပ်ချီရှိခိုးရမယ့် ယောက်ျားကောင်း၊ ယောက်ျားမြတ်များသာဖြစ်ပါတယ်။ ဒီလိုယောက်ျားကောင်း၊ ယောက်ျားမြတ် တွေ ဖြစ်လာနိုင်အောင်လည်း တပ်မတော် ရဲ့ ဖခင်ကြီးဖြစ်တဲ့ ဗိုလ်ချုပ်အောင်ဆန်း အပါအ၀င် တပ်မတော်ခေါင်းဆောင်တွေ ဟာ လေ့ကျင့်ပျိုးထောင်ပေးခဲ့ကြဖူးပါ တယ်။

ဗိုလ်ချုပ်အောင်ဆန်းကတော့ သူ့ရဲ ရဲဘော်တွေကို ပြစ်ပြစ်နှစ်နှစ်ဝေဖန်ပြီးတဲ့ နောက် ချောက်မြို့ကိုရောက်ရှိလာပါ တော့တယ်။ ချောက်မြို့ကိုရောက်တယ် ဆိုရင်ပဲ ရေနံမြေမန်နေဂျာဆိုတဲ့သူတွေ နဲ့ အလိုတော်ရိတွေ၊ မြို့မျက်နှာဖုံးတွေက ဗိုလ်ချုပ်ကို ထမင်းစားပွဲနဲ့ ဧည့်ခံဖျော် ဖြေဖို့ကြိုးစားပါတယ်။ ဒီနေရာမှာ ပို စတာတိုက်ပွဲလေးတစ်ခုဖြစ်သွားတယ်လို့ မှတ်သားရပါတယ်။

ဒီလိုပါ။ ဈေးအနောက်ဖက် ခေတ် သစ်စတိုးပိုင်ရှင် ဦးခင်မောင်ဖြူ၊ ဒေါ်သန်း ရီတို့ရဲ့ ဆိုင်ရှေ့မှာ ““ဗိုလ်ချုပ်၊ အလိုတော် ရိတွေက ဗိုလ်ချုပ်ကို ညာတော့မယ် သတိထားပါ”” ဆိုတဲ့ ပိုစတာကိုကပ်ပြီး တိုက်ပွဲဝင်ခဲ့သတဲ့။ ဗိုလ်ချုပ်အောင်ဆန်း ရဲ့အပါးတော်မြဲ ဗိုလ်ထွန်းလှက ဒီသတင်း ကို ဗိုလ်ချုပ်ကို အသိပေးလိုက်ပါတယ်။ ဗိုလ်ချုပ်လဲ မန်နေဂျာနဲ့ အလိုတော်ရိ တွေရဲ့ ဖိတ်ကြားချက်ကို လက်မခံတော့ ဘဲ (ယခု သာသနာ့ဗိမာန်)ရှိတဲ့ မြေကွက် လပ်မှာရောက်နေကြတဲ့ ချောက်မြို့သူ/ မြို့သားတွေဆီကို တိုက်ရိုက်သါားပြီး မိန့်ခွန်းပြောပါတော့တယ်။ နံနက် (၁၀) နာရီလောက်ရှိပြီလို့ သိရပါတယ်။

အဲဒီလူထုဟောပြောပွဲမှာ ဗိုလ်ချုပ် က ပုံပြင်တစ်ပုဒ်ကို ဥပမာဆောင်ပြီး ပြောသွားတယ်လို့ အဘဦးဝင်းမောင်က ပြောပြပါတယ်။ အဲဒီပုံပြင်ကတော့ ဘုရင် ဖြစ်ဖို့ ကံဇာတာရှိတဲ့သူတစ်ယောက်ကို ရွှေထီးဆောင်းရလိမ့်မယ်လို့ ဗေဒင်က ဟောပေမဲ့ ဘုရင်ဖြစ်ထိုက်လောက်တဲ့ ကြိုးစားအားထုတ်မှုမရှိဘဲ ပေါ့ပေါ့နေ၊ ပေါ့ပေါ့စားမိလို့ နောက်ဆုံးသုသာန်မှာ အားပြတ်ပြီးလဲနေတုန်း ဘုရင်ကသနား လို့ ရွှေထီးဆောင်းပေးလိုက်ရတယ်ဆိုတဲ့ ပုံပြင်ကိုပြောပြီး ချောက်မြို့သူ/မြို့သား တွေလဲ လွတ်လပ်ရေးတော့ရမှာပဲဆိုပြီး ပေါ့ပေါ့နေ၊ ပေါ့ပေါ့စားကြရင်တော့ လွတ်လပ်ရေးမရဘဲ သူ့ကျွန်ဘ၀နဲ့ သေ ကြရလိမ့်မယ်လို့ ပြောခဲ့တယ်ဆိုပဲ။ လူထု ဟောပြောပွဲအပြီးမှာတော့ အမျိုးသမီး ခေါင်းဆောင် သခင်မဒေါ်တင်ရွှေ(ရွာ ဟောင်း)က ဘူးသီးငါးပေါင်းကြော်နဲ့ ဧည့်ခံလိုက်တယ်လို့လဲ ရှေးဖြစ်ဟောင်း အောက်မေ့ဖွယ်အဖြစ် အဘဦးဝင်း မောင်က ပြန်ပြောင်းပြောပြတာကို မှတ် တမ်းတင်ရင်း ဒီမိုကရေစီခရီးလမ်းမှာ အပ္ပမာဒေန သမ္ပာဒေထလို့ပဲ နိုးဆော် လိုက်ပါရစေလားခင်ဗျာ။
သိန်းမြင့်ညို(ချောက်)
The Hot News

ဘဝအတွက် အကျိုးရှိအောင် စာဖတ်နည်း ၁၂ ချက်

အဆွေ စာဖတ်တတ်တယ်ဆိုတာကို ကျွန်တော်သိပါတယ်။ ဘာလို့ဆို ရှေ့က စာကြောင်းကိုဖတ်ခဲ့ပြီး အခုဒီစာ ကြောင်းကိုပါ အဆုံးအထိ လိုက်ဖတ်နေ လို့လေ။ ဒါက ကျွန်တော်အဓိက သိချင်တာ မဟုတ်ပါဘူး။ အဓိကအနေနဲ့ အရေးတကြီး သိချင်တာက အဆွေဟာ ဘဝအတွက် အကျိုးရှိအောင် စာဖတ်တတ်တဲ့သူ ဟုတ်သလားဆိုတာပါ။ ဒါနဲ့ တစ်ဆက်တည်း မေးစရာလေးတွေ ဆက်တိုက်ရှိပါ သေးတယ်။ အဆွေက ဖတ်ပြီးတဲ့စာကို ဘဝမှာအသုံးဝင်အောင် သေသေချာချာ အသုံးချတတ်တဲ့ သူလား။ သေသေချာချာ မှတ်မှတ်သားသား မဖတ်ဘဲ "ခုဖတ်၊ တော်ကြာမေ့" ဖြစ်တတ်တဲ့ သူမျိုးလား။ အဆွေဖြင့် ဒါကို ဖတ်ပြီးပါပြီဆိုပြီး တခြား သူတွေကို အရသာခံ ဂုဏ်ယူပြောဆိုဖို့ အတွက် ဖတ်တဲ့သူမျိုးလား။ အပေါ်ယံလေး တွေ လျှပ်ဖတ်မှတ်သားပြီး လေလုံးထွား သုံးသပ်ပြတတ်တဲ့ စာဖတ်သူမျိုးလား။ အဆွေ့ဦးနှောက်ရဲ့ ပျော်ရွှင်မှု ဧရိယာလေး အတွက် စကားလုံးတွေနဲ့ အယူအဆတွေကို ပျော်ရွှင်စရာ အသုံးအဆောင်ပစ္စည်းတွေ အဖြစ် အသုံးပြုရုံ စာဖတ်တဲ့သူမျိုးလား။

အခုမေးလိုက်တဲ့ မေးခွန်းတွေထဲက ဘယ်မေးခွန်းမဆို "ဟုတ်ကဲ့ ကျွန်တော်/ ကျွန်မက အဲဒီလိုသူမျိုးပါ" လို့ ပြန်ဖြေဖြစ် ခဲ့မယ်ဆိုရင်တောင် အရေးမကြီးလှပါဘူး။ လူအများစုကိုက ပျော်ရွှင်မှုရဖို့အတွက် စာဖတ်နေကြတာလေ။ ဒါမဆန်းပါဘူး။ စာအုပ်တွေအများကြီးရှိတဲ့အထဲကနေ လူအများစုက ဆွဲထုတ်ယူဖတ်နေကြတာ တွေဟာ ဝတ္ထုတွေ ဖြစ်နေတာကို အဆွေ ကိုယ်တိုင် တွေ့ကြုံဖူးပါလိမ့်မယ်။ ဒါဆန်း သလားဆိုတော့ ဒါလည်း မဆန်းပါဘူး။ ဆန်းတာက နှစ်ရှည်လများ စာတွေဖတ်ခဲ့ပြီး ဖတ်ခဲ့တဲ့စာတွေကို ဘဝအတွက် အကျိုးရှိ အောင် အသုံးမချတတ်ခဲ့ရင် ဒါမှမဟုတ် ဘဝအတွက် အကျိုးရှိအောင် စာအုပ်စာပေ တွေကို ရွေးချယ်မဖတ်တတ်ခဲ့ရင်ပေါ့လေ။

တစ်ခါတလေတော့လည်း အရေးကြီးတဲ့ စာအုပ်တွေကို မထင်မှတ်ဘဲဖတ်ခဲ့မိတာမျိုးတွေ ဘဝမှာရှိကောင်း ရှိနိုင်ပါတယ်။ ဘဝနေထိုင်နည်းလက်စွဲစာအုပ်၊ စီးပွားရေးလက်စွဲစာအုပ်၊ တစ်ကိုယ်ရေ တစ်ကာယ တိုးတက်မှုလမ်းညွှန်စာအုပ်၊ သိပ္ပံရေးရာစာအုပ်၊ လက်ရှိနိုင်ငံတကာ အရေးအရာတွေကို ဝေဖန်သုံးသပ်ပြထား တဲ့ သုတေသနကျမ်း စတာတွေပေါ့လေ။ စာအုပ်ကောင်းတွေရဲ့ အဓိက အဆုံးသတ် အကြောင်းအရာ သညာတွေကတော့ တခြားသူတွေ ဘာလုပ်ခဲ့တယ်ဆိုတာနဲ့ ကျွန်တော်တို့ ဘာဆက်လုပ်သင့်ကြတယ် ဆိုတာကို ပြညွှန်းထားတာပါ။ နယ်ပယ် ကျယ်ကျယ် ဝယ်ဝယ်အထိ ထင်ရှားအောင်မြင်နေသူ တွေဟာလည်း ဒီလိုစာအုပ်မျိုးတွေကိုသာ ရွေးချယ်ဖတ်ရှုလေ့ရှိကြတာပါ။

ဒီနေရာမှာ အလျဉ်းသင့်လို့ စီးပွားရေး လမ်းညွှန်စာအုပ်တွေကို အစဉ်တစိုက် ရေးသား နေတဲ့ စာရေးဆရာ ဆသ်ဂေါ်ဒင်ရဲ့ "စီးပွားရေး စာအုပ်တွေကို ဘယ်လိုဖတ်မလဲ" စာအုပ်ထဲက အချက်သုံးချက်ကို အကျဉ်းချုံး ဆွဲထုတ် ပြသပါရစေ။ စီးပွားရေး လမ်းညွှန်စာအုပ် တွေကို ဖတ်ပြီးရင် -

(၁) အဆွေ့ ဘဝမှာ အနည်းဆုံး အတွေ့အကြုံ အပြောင်းအလဲ သုံးခုရှိကိုရှိရမယ်။
(၂) စာအုပ်ကိုဖတ်ပြီး မှတ်စုတွေထုတ်မယ့်အစား "ဆက်လက် လုပ်ဆောင်ရန် စာရင်းတွေ" ကို ချရေးထား ရမယ်။
(၃) အဆွေ ဖတ်ပြီးသွားပြီဆိုရင် တခြားတစ်ယောက်ကို လက်ဆင့်ကမ်းနိုင်တဲ့ စာအုပ်မျိုးဖြစ်ရမယ်။

ဒီသုံးချက်နဲ့ ညီမှသာ အဆွေဖတ်တဲ့ စီးပွားရေးလမ်းညွှန် စာအုပ်ဟာ စာအုပ်ကောင်းတစ်အုပ်ဖြစ် မယ်လို့ ဂေါ်ဒင်ကဆိုပါတယ်။ ဂေါ်ဒင်ရဲ့ အချက်သုံးချက်ကို ထုတ်နုတ်ပြရတဲ့ ရည်ရွယ်ချက်က ဘယ်လိုနယ်ပယ် အမျိုး အစားကို ရည်ရွယ်ရေးသားထားတဲ့ စာအုပ်မျိုးမှာမဆို အခကြေးငွေရလိုမှုအတွက် ဖြစ်ကတတ်ဆန်း စာရေးသားသူတွေ ဒုနဲ့ဒေးရှိနေတတ်တာမို့ အနည်းဆုံး ဒီသုံးချက် လောက်နဲ့ တိုက်ဆိုင်မှသာ ဖတ်သူကို အကျိုးရှိစေတဲ့ စာအုပ်မျိုး ဖြစ်နိုင်ခြေ ရှိတယ်ဆိုတာကို ပြောပြချင်လို့ပါ။

စာအုပ်စာပေကို နည်းမှန်လမ်းမှန်နဲ့ အကျိုးရှိရှိ ဖတ်မှတ်တတ်အောင် ဒတ်စတင် ဝက်စ်က နည်းလမ်း ၁၂ ချက်တိတိ ရေးသားခဲ့ဖူးတာလေးရှိပါတယ်။ သူက ဝါရင့်စာဖတ် သမားတစ်ဦးသာမက အမေရိကန်စာရေး ဆရာတစ်ယောက်လည်း ဖြစ်ပါတယ်။ ဒါ့အပြင် ယဉ်ကျေးမှုဆိုင်ရာ မနုဿဗေဒပညာရှင်၊ UNLV Barrick ပြတိုက်ရဲ့ ပစ္စည်း စုဆောင်းရေးမန်နေဂျာနဲ့ လက်ထောက် ပြတိုက်ရေးမှူးလည်း ဖြစ်ပါတယ်။ ၂၀၀၆ ခုနှစ်ကနေ ယခုလက်ရှိအထိ နီဗားဒါး တက္ကသိုလ်မှာ အချိန်ပိုင်း နည်းပြဆရာ တာဝန်ကို ထမ်းဆောင်နေသူလည်း ဖြစ်ပါ တယ်။ သူရေးသားထားတဲ့ ၁၂ ချက်ကို အဆွေ့အတွက် အကျိုးရှိမယ်ထင်လို့ ဖော်ပြ ပေးလိုက်ပါတယ်။

(၁) စာညှပ်ကြိုး၊ စာညှပ်ကတ်ပြားလိုမျိုး စာညွှန်းကတ်တွေကို အသုံးပြုပါ။

အဆွေစာဖတ်နေစဉ်မှာ တစ်ခုခု ရေးမှတ်ချင်လာရင် ဒီနည်းလမ်းက အသုံးဝင်အကျိုးရှိပါတယ်။ ကူးစရာရှိတဲ့ စာမျက်နှာ ဒါမှမဟုတ် မှန်၊ မမှန်ကို ပြန်လည်ဆန်းစစ် လိုတဲ့ အချက်အလက်တွေပါတဲ့ စာမျက်နှာ မျိုးတွေကို အတိုကောက်လေးစာတို့ရေးပြီး စာညွှန်းကတ်လေးနဲ့ မှတ်ထားလိုက်ရင် စာဖတ်ရှိန်မပျက်ဘဲ ဆက်ဖတ်လို့ ရတယ်လေ။ စာတစ်အုပ်လုံးဆုံးအောင် ဖတ်ပြီး သွားရင်တော့ အဆွေမှတ်သားထားခဲ့တဲ့ စာညွှန်းကတ်လေးတွေအတိုင်း အဆွေ လုပ်ချင်တာကို စိတ်အေးလက်အေး လုပ်လို့ ရပြီပေါ့။

(၂) အဆွေ့စိတ်ထဲက တစ်ခုခုကို မျှော်လင့်ထားမိတဲ့ စာအုပ်မျိုးကို ရွေးချယ်ပါ။

ရောင်းကောင်းတယ်ဆိုတဲ့ စာအုပ်မျိုးတိုင်းကို ပြောတာမဟုတ်ပါဘူး။ အထဲမှာ ပါဝင်တဲ့ အကြောင်းအရာတွေနဲ့ ပတ်သက်လို့ ပြောတာပါ။ စာအုပ်တစ်အုပ်ကို မဖတ်ခင်မှာ အဆွေ့ကိုယ်အဆွေ ပြန်မေးကြည့်ပါ။ “ဒီစာအုပ်ထဲကနေ ဘယ်လိုအကြောင်း အရာမျိုး၊ ဘယ်လို အတွေးအခေါ်မျိုး ငါရရှိ နိုင်မှာလဲ”။ ကောင်းမွန်အကျိုးရှိမယ့် တစ်ခုခု ကို မျှော်လင့်မိတယ်ဆိုရင်တော့ အဲဒီလို စာအုပ်မျိုးကို ကောက်သာဖတ်လိုက်ပါတော့။

(၃) မှတ်စုထုတ်ခြင်း၊ တို့ထားခြင်း၊ တေးထားခြင်းများ ကျင့်သုံးပေးပါ။

စာအုပ်တစ်အုပ်ကို အဆွေဖတ်ပြီး တာနဲ့ အဲဒီစာအုပ်ရဲ့ ဆိုလိုရင်း အနှစ်ချုပ်ကို ချရေးတတ်တဲ့ အကျင့်ကို မွေးမြူပါ။ ဒါမှမဟုတ် ကိုးကားဖို့အတွက် မျဉ်းသားထား တာမျိုး၊ ရောင်စုံမင်တံနဲ့ ခြယ်သထားတာမျိုး လုပ်ကြည့်ပါ။ ဒါမှမဟုတ်သေးရင်လည်း အခန်းစဉ်အလိုက် မှတ်စုထုတ်တာမျိုး လုပ်ကြည့်ပါ။ အဆွေ့ရဲ့ ကိုယ်ပိုင်မှတ်စု စာအုပ်မှာချရေး ဒါမှမဟုတ် ဘလော့ဂ် တစ်ခုခုမှာ တင်လိုက်ပေါ့။ သူငယ်ချင်း မိတ်ဆွေတွေရဲ့ မှတ်ချက်တွေက အဆွေ့ရဲ့ လိုအပ်ချက်တွေကို ဖြည့်စွက်ပေးပါလိမ့်မယ်။

(၄) ဖတ်ထားတဲ့ စာအုပ်အကြောင်းကို ဆွေးနွေးပြောဆိုပါ။

အဆွေဖတ်မှတ် ထားမိတဲ့ လုပ်ငန်း လုပ်ကိုင်မှု မဟာဗျူဟာပုံစံသစ် အကြောင်း ကို အထက်အရာရှိနဲ့ ဆွေးနွေးပြောဆိုကြည့် ပါ။ အပေါင်းအသင်းတွေနဲ့ ဆုံတဲ့အခါ စိတ်ဝင်စားဖို့ သိပ်ကောင်းတဲ့ အတိတ်သမိုင်း စာအုပ်တစ်အုပ် အကြောင်းကို ပြောဆို ဆွေးနွေးကြည့်ပါ။ စာဖတ်သူမျိုးစုံဟာ သူတို့ရဲ့ ကြိုက်နှစ်သက်မှုတွေအပေါ် မူတည်ပြီး ဖတ်တဲ့စာအုပ်တွေ ကွဲပြားကြပါတယ်။ ဖတ်တဲ့စာအုပ်တွေအပေါ် မူတည်ပြီး ရရှိတဲ့ အတွေးအခေါ်တွေနဲ့ အယူအဆပိုင်းတွေပါ ကွဲပြားတတ်ကြ ပါတယ်။ ဒါကြောင့် ဆွေးနွေး ပြောဆိုခြင်းဟာ မတူညီတဲ့ အတွေးအခေါ် တွေရဲ့ ထိပ်တိုက်တွေ့ဆုံမှုတစ်ခု ဖြစ်ပါတယ်။ အဲဒီကနေ ဖြစ်ပေါ်လာနိုင်တဲ့ ရလဒ်ကြီး နှစ်ခုကတော့ လှပတဲ့ အတွေးအခေါ် အချိတ် အဆက်နဲ့ ကြီးမားကွဲပြားတဲ့ အတွေးအခေါ် အကွာအဟတို့ပဲ ဖြစ်ပါတယ်။ အဓိက သိထားရမှာကတော့ အယူမှား၊ အစွဲမှား တွေကို စာဖတ်ပြီး ဆွေးနွေးခြင်းနဲ့သာ ချေ ဖျက်နိုင်တယ် ဆိုတာကိုပါ။ ဒါပေမဲ့ စာဖတ် ခြင်းကနေပဲ အယူမှား၊ အစွဲမှားတွေကို ရရှိ နိုင်တာကိုလည်း မေ့မထားပါနဲ့ဦးနော် - အဆွေ။

(၅) အကြောင်းအရာကောင်းတွေကို သင်ပြလမ်းညွှန်ပေးပါ။

အဆွေဖတ်မှတ်ထားတဲ့ စာအုပ်ထဲက ကောင်းမွန်တဲ့ အကြောင်းအရာတွေကို အဆွေ့လို စာမဖတ်နိုင်တဲ့ သူတွေဆီ ရောက်အောင် သင်ပြလမ်းညွှန်ပေးသင့် ပါတယ်။ ဒီအတွက် အဆွေက စာသင်ကြားပေးဖူးတဲ့ ဆရာတစ်ယောက်ယောက် ဖြစ်ဖို့ မလိုပါ ဘူး။ အဲဒီလို သင်ပြလမ်းညွှန် လုပ်ပေးနိုင်တဲ့ အခွင့်အရေးတစ်ခုခု ရရှိလာရင်သာ လက် မလွှတ်ပစ်ဘဲ အဆွေကိုယ်တိုင် ကောက် သင်းကောက်လိုက်စုခဲ့ရတဲ့ သညာအသိ တွေကို ဖြန့်ဝေပေးပါ။ အဲဒီလို အခွင့်အရေး ကို အဆွေကိုယ်တိုင် ဖန်တီးယူလို့လည်း ရပါတယ်။ အလုပ်ခွင်မှာ အဆွေက ဦးဆောင်ပြီး စာပေဆွေးနွေးပွဲလေး လုပ်ပါ။ ရပ်ကွက်စာကြည့်တိုက်မှာ စာပေဆွေးနွေးပွဲ လေးလုပ်ပါ။ ဒီကိစ္စက စာဖတ်သမားတိုင်းနဲ့ တော့ မလိုက်ဖက်နိုင်ဘူးဆိုတာ ကျွန်တော် သိပါတယ်။ ဒါပေမဲ့ အကြောင်းအရာတစ်ခု ကို ရွေးပြီး တခြားသူတွေကို သင်ပြပေးဖို့ အတွက် စာပေဆွေးနွေးပွဲတစ်ခု လုပ်တာဟာ အဆွေက အဲဒီအကြောင်းကို ဘယ်လောက် ကျေကျေညက်ညက် သိထားတယ် ဆိုတာကို ပြသရာရောက်တယ်ဆိုတာ မမေ့လိုက်ပါနဲ့။

(၆) ဝါကျဖွဲ့စည်းပုံတွေကို ဂရုတစိုက်ဖတ်ပါ။

စာရေးဆရာက သူပေးချင်တဲ့ အကြောင်းအရာ အချက်အလက်တွေကို သူကျွမ်းကျင်တဲ့ ဝါကျတည်ဆောက်ပုံ သဏ္ဌာန်အတိုင်း ရေးသားထားမှာပါ။ ဒါကြောင့် စာရေးဆရာတွေဆီကနေ အချက်အလက် ချိတ်ဆက်ပုံတွေကို ရယူနိုင် ပါတယ်။ အဆွေ့ရဲ့ မှတ်ဉာဏ်အတွက် အထောက်အကူဖြစ်မှာပါ။

(၇) Google မှာ ရှာဖွေလေ့လာဖို့ မမေ့ပါနဲ့။

ဒီနေ့ခေတ်မှာ စာရေးဆရာတွေ အကြောင်းကို Website တွေမှာ ရှာဖွေ လေ့လာဖို့ဆိုတာ လွယ်မှလွယ်ပါပဲ။ ပုံနှိပ် ထုတ်ဝေပြီးသမျှ စာအုပ်တွေကိုလည်း e-book အဖြစ် ရှာဖို့လွယ်ပါတယ်။ စာရေးဆရာရဲ့ ကိုယ်ပိုင် Website မှာလည်း သူနဲ့ စကားပြောဆိုနိုင်ခွင့်ကို အဆွေရရှိနိုင်ပါ သေးတယ်။ ဝါသနာတူ မိတ်ဆွေတွေနဲ့လည်း အဲဒီ Website တွေမှာ ဆုံစည်းဆွေးနွေး နိုင်တယ်နော်။ Google ကို အသုံးချဖို့ မမေ့ပါနဲ့။

(၈) စာဖတ်ဖို့အတွက် အချိန်ယူပါ။

စာမြန်မြန် ဖတ်ချင်တဲ့သူဟာ စာမြန်မြန်ဖတ်လို့ ရကိုရတယ်။ ဒါကြောင့်လည်း ဒီနေ့ခေတ်မှာ "စာဖတ်ရှိန်မြှင့်တင်ရေး သင်တန်းတွေ" ကို လူကြိုက်များလာကြ တာပေါ့။ ဒါပေမဲ့ စာဖတ်တာ မြန်လွန်းလို့ အသိသညာတွေကို သူများထက်ပိုပြီး မြန်မြန်ရရှိနေတဲ့ သူတွေကိုတော့ အဆွေ တွေ့ဖူးဖို့ မလွယ်ပါဘူး။ ဘာကြောင့်လဲ ဆိုတော့ စာဖတ်တာတို့၊ စာပေလေ့လာတာ တို့ဟာ ထိုက်သင့်တဲ့အချိန် ယူကိုယူရပါ တယ်။ စာဖတ်တာ၊ စာပေလေ့လာတာနဲ့ တစ်ဆက်တည်း တွဲနေလေ့ရှိတာက “ပြန် လှန်တွေးခေါ် စဉ်းစားခြင်း” ပါ။ မိနစ် ၂၀ စာဖတ်မယ့်အစား ၁၅ မိနစ်သာ စာဖတ်ပြီး ငါးမိနစ်ကို “ပြန်လှန်တွေးခေါ် စဉ်းစားခြင်း” ပြုပါ။ ဒါမှမဟုတ်ရင်လည်း အခန်းတစ်ခန်း ပြီးတိုင်း ပြန်လှန်တွေးခေါ် စဉ်းစားကျင့်ကို ပြုပါ။ စာဖတ်တာဟာ အချိန်ယူရတယ် ဆိုတာကိုတော့ ဂရုပြုပါ။

(၉) ဖတ်ထားတဲ့ စာအုပ်တွေကို စစ်ကြောမှု ပြုပါ။

ရှေးတုန်းကတကယ်ဖြစ်ခဲ့လို့ စာရေး ဆရာက တကယ်ရေးသားခဲ့တာပေါ့ ဆိုတဲ့ ဆင်ခြေတွေကို နားမယောင်မိပါစေနဲ့။ စာအုပ်တွေထဲမှာ ရေးသားထားတိုင်း အမှန် တရားတွေလို့ ဆိုလို့မရပါဘူး။ “စာရေးဆရာ က ဒီအကြောင်းကို ဘယ်လိုလုပ်သိသလဲ” ၊ “သူအမှန်အတိုင်း ပြောနေတာရော ဟုတ်ရဲ့လား” စသဖြင့် စစ်ကြောသင့်ပါတယ်။ ဒီကိစ္စအတွက် စာရေးဆရာတွေရဲ့ အတ္ထုပ္ပတ္တိ တွေက အထောက်အကူပြု ပေးနိုင်ပါတယ်။

(၁ဝ) ဖတ်ရမယ့် စာအုပ်စာရင်း၊ ဖတ်လို့ မပြီးသေးတဲ့ စာအုပ်စာရင်းတွေကို ချရေးထားပါ။

အဆွေက တစ်ဝက်တစ်ပျက်ပဲ ဖတ်ရသေးတဲ့ စာအုပ်စာရင်းနဲ့ ဖတ်ကိုဖတ် မယ်လို့ ဆုံးဖြတ်ထားတဲ့ စာအုပ်စာရင်းတွေ ကို ချရေးပြီး ဆောင်ထားပါ။ ဒါမှမဟုတ် စာရေးဆရာစာရင်းကို ပေါ့လေ။ ဘာ ကြောင့်လဲဆိုတော့ အဲဒီစာအုပ်တွေကို ဖတ်နိုင်ဖို့ အချိန်အခါ၊ အခွင့်အရေးဟာ ဘယ်အချိန် ဘယ်အခါမှ ပေါ်ပေါက်လာနိုင် တယ်ဆိုတာကို အဆွေ ကြိုသိနိုင်ဖို့ ခက်ခဲ လို့ပါပဲ။ သူငယ်ချင်း တစ်ယောက်ယောက်ကို ထိုင်စောင့်နေရတဲ့ အခါမျိုး၊ ခရီးရှည်တစ်ခု ကို ကား၊ ရထားစီးပြီး သွားရတဲ့ အခါမျိုး၊ ရုံးမှာ လုပ်စရာတွေပါးနေတဲ့ အချိန်မျိုး စသဖြင့်ပေါ့လေ။ သြော် - အရေးကြီးတာ တစ်ခုကျန်သေးတယ်။ စာရေးဆရာတွေက ဖတ်ဖို့ ထောက်ခံချက်ပေးထားတဲ့ စာအုပ် နာမည်တွေကိုလည်း စာရင်းထဲ ထည့်ရေးဖို့ မမေ့နဲ့နော် - အဆွေ။

(၁၁) ယခင်က မဖတ်ဖူးခဲ့တဲ့ စာပေ အမျိုး အစားတွေကို ရွေးချယ်ဖတ်ရှုကြည့်ပါ။

ပုံမှန်အားဖြင့် ဖတ်လေ့ဖတ်ထမရှိခဲ့ တဲ့ စာပေအမျိုးအစားတွေကို အပြောင်း အလဲ လုပ်ပြီး ဖတ်ရှုကြည့်ပါ။ စာအုပ်အငှား ဆိုင်တွေ၊ စာအုပ်အရောင်းဆိုင်တွေနဲ့ စာကြည့်တိုက်တွေမှာ အရင်က အဆွေ ခြေမချခဲ့ဖူးတဲ့ စာအုပ်တန်းတွေဘက်ကို ခြေချကြည့်လိုက်ပါ။ လုံးဝဖတ်လို့ မကောင်း ပါဘူးဆိုတဲ့ စာအုပ်သတင်းတွေကို ဂရုမမူဘဲနဲ့ တကယ်ဖတ်ရှုထားတဲ့ အဆွေ့ သူငယ်ချင်းတွေဆီက မှတ်ချက်တွေကို တောင်းကြည့်ပါ။ အဆွေ့ရဲ့ ခံစားစိတ်က တကယ်လိုအပ် တောင့်တနေတဲ့ စာအုပ် တစ်အုပ်ကိုသာ ကောက်ဖတ်မိလိုက်လို့ ကတော့ ကြီးကျယ်တဲ့ အံ့သြပျော်ရွှင်မှုကို ပိုင်ဆိုင်ရရှိပြီပေါ့။ ဒါတင်မကသေးဘဲ ထူးမြတ် တဲ့ ဉာဏ်ပညာတွေကိုပါ ထပ်ဆောင်းရရှိ နိုင်သေးတယ် ဆိုတာကိုလည်း မမေ့လိုက်နဲ့ နော် - အဆွေ။

(၁၂) အဆွေ့ဉာဏ်က လိုက်မမီနိုင်မှုကို လက်ခံပါ။

အဆွေမြည်းစမ်းကြည့်တဲ့ စာအုပ်က အဆွေ့အတွက် အကျိုးမရှိ၊ အသုံးမဝင်ရင် ဆက်မဖတ်ဘဲ ချသာထားလိုက်ပါ။ စိတ် ဉာဏ်ကွန့်မြူးစရာထက် ပိုလွန်နေတဲ့ တချို့သော စာအုပ်ကောင်းတွေလည်း ရှိနိုင်ပါ သေးတယ်။ အဲဒီစာအုပ်တွေကျတော့လည်း ဖတ်ရှုဖို့အတွက် ဉာဏ်ပညာအတိုင်းအဆ တစ်ခုအထိ ရောက်ထားဖို့ လိုပါတယ်။ ဒါကြောင့်မို့ အဆွေ့ကို စိတ်ပင်ပန်းလေးလံစွာ နဲ့ စာရွက်တစ်ရွက်ပြီး နောက်တစ်ရွက်ကို ဆက်လှန်ဖို့ သောကရောက်စေတဲ့ စာအုပ် မျိုးကိုလည်း အချိန်အတိုင်းအတာတစ်ခု အထိမဖတ်ဘဲ ချထားလိုက်ပါ။ နောင်တစ်ချိန်မှ ကြိုးစားပြီး ထပ်ဖတ်ကြည့်ပါ။ ဒါမှ မဟုတ်ရင်လည်း စာဖတ်သက်ဝါရင့်တဲ့ စာဖတ်သမားတစ်ဦးဆီက ဘယ်လိုဖတ်သင့်ပါတယ်ဆိုတဲ့ အကြံဉာဏ်တွေကို တောင်းခံအသုံးချကြည့်ပါ။

ဘယ်လိုလဲ - အဆွေ။ ကျွန်တော်က ဒီနည်းလမ်း ၁၂ ချက်ကို ကိုယ်တိုင် အသုံးချဖူးပြီး အကျိုးရှိတာကြောင့် ဝေမျှလိုက်တာ။ အဆွေ့အတွက် ဘယ်လိုနေမလဲမသိဘူး။ ကျွန်တော့်စိတ် အထင်တော့ တချို့အချက်တွေကို အဆွေ အသုံးချဖူးကောင်း ချဖူးပါလိမ့်မယ်။

ကျွန်တော်တို့တွေရဲ့ ဘဝမှာ အချိန်ဟာ အင်မတန် တန်ဖိုးရှိလှပါတယ်။ ဒီနေ့ ခေတ်ရဲ့ များမြောင်လှတဲ့ စာအုပ်တွေထဲမှာ ကျွန်တော်တို့ ဖတ်ရှုစရာမလိုတဲ့ စာအုပ်တွေ ကလည်း အများအပြားကို ရှိနေပါတယ်။ ဒီတော့ တန်ဖိုးရှိတဲ့ အချိန်တွေကို အကျိုး ရှိမယ့် စာအုပ်တွေနဲ့သာ အသုံးချသင့်ပါ တယ်။ ရသပိုင်းကိုရော သုတပိုင်းကိုပါ ပြောတာနော်။ ဒါက ပထမအဆင့်ပေါ့။ ဒုတိယအဆင့်ကတော့ စာအုပ်ကောင်းတွေ လက်ထဲရောက်နေရက်နဲ့ နည်းမှန်လမ်းမှန် မဖတ်တတ်ခဲ့ရင် အကျိုးမရှိနိုင်ပြန်ပါဘူး။ ဒီအတွက်တော့ အထက်မှာ ဖော်ပြခဲ့တဲ့ နည်းလမ်း ၁၂ ချက်ကို အသုံးပြုကြည့်ဖို့ အကြံပြုပါရစေ။ ကဲ ... ကျွန်တော့်ဆောင်းပါး လည်း အတန်အသင့် ရှည်လွန်းနေပြီမို့ အမေရိကန်ကဗျာဆရာ Wystan Hugh Auden (1907-1973) ရဲ့ စကားလေး တစ်ခွန်းနဲ့ အဆုံးသတ်လိုက်ပါရစေ။

Some books are undeservedly forgotten; none are underservedly remembered.

တချို့သော စာအုပ်တွေကို မေ့ဖျောက်ဖို့ရာ မထိုက်တန်။ စာအုပ်မှန်သမျှ ကိုလည်း မှတ်သားဖို့ရာ မထိုက်တန်။
The Voice Weekly

ဖောက်ပြန်ရာသီဥတု နှင့် ရင်ဆိုင်နေရသော သောက်သုံးရေအခက်အခဲ

April 25, 2013
မြန်မာနိုင်ငံတွင် သောက်သုံးရေ ရှားပါးမှုပြဿနာက တစ်နှစ်ထက်တစ် နှစ် တိုး၍တိုး၍ ဆိုးဝါးလာသည်။ လူသား တစ်ရပ်လုံးသာမက တိရစ္ဆာန်များ၊ ကောက်ပဲသီးနှံများ၊ သစ်ပင်ပန်းမာန်များ အတွက်ပါ ဘေးဒုက္ခဆိုးအဖြစ် စိန်ခေါ် မှုကြီးဖြစ်ပေါ်လာသည်။ ရှေးယခင်က အပူပိုင်းဒေသတွင်းသာဖြစ်ပေါ်လေ့ရှိ သော နွေအခါ သောက်သုံးရေ ရှားပါး မှုသည် ယခုအခါ နိုင်ငံအ၀ှမ်း ကြုံတွေ့ နေရပြီးဖြစ်သည်။

မိုးတွင်းကာလ မိုးရွာသွန်းမှုကို အခြေခံသည့် မြစ်ချောင်းအင်းအိုင်များမှာ မိုးရွာသွန်းမှု လျော့နည်းလာခြင်းကြောင့် ရေကို ပြည့်ပြည့်၀၀ လက်ခံမှုမရှိကြပေ။ ဆရာကြီး ဦးထွန်းလွင်နှင့်တကွ မိုးလေ ၀သပညာရှင်များ၏ ရာသီဥတုမှတ်တမ်း များကို လေ့လာသည့်အခါ ““၁၉၈၀ ပြည့် နှစ်ဝန်းကျင်ကာလများမှစပြီး မြန်မာနိုင်ငံ ကို မုတ်သုံဝင်တာ တဖြည်းဖြည်းနောက် ကျလာတယ်။ မုတ်သုံပြန်လည်ထွက်ခွာ တာစောလာတယ်။ ဒါကြောင့် မုတ်သုံ ရာသီ တိုတောင်းသွားတယ်။ ဘင်္ဂလား ပင်လယ်အော်မှာ ဖြစ်ပေါ်လေ့ရှိတဲ့ မုတ် သုံမုန်တိုင်းတွေလည်း လျော့နည်းသွား ကြောင်း””ပညာရှင်များက လေ့လာတွေ့ ရှိသည်။

မြန်မာနိုင်ငံအတွင်း မုတ်သုံလေ စတင်ဝင်ရောက်မှုကို ပျှမ်းမျှမေလ(၁၅) ရက်ဟု သတ်မှတ်ပြီး မုတ်သုံလေ ဆုတ် ခွာရက်ကို အောက်တိုဘာလ (၁၅)ရက် ဟု သတ်မှတ်ခြင်းကြောင့် မိုးကာလကို (၁၄၅)ရက် အကြမ်းသတ်မှတ်ထားကြ သည်။ ၁၉၈၀ ခုနှစ်ဝန်းကျင်ကာလမှစ၍ မုတ်သုံလေစတင်ဝင်ရောက်မှုကို မေလ ကုန်ရက်ပိုင်းသို့ နောက်ဆုတ်သတ်မှတ်၊ မှတ်တမ်းတင်ထားကြပြီး၊ မုတ်သုံလေ စတင်ဆုတ်ခွာရက်ကို စက်တင်ဘာလ (၁၅)ရက်သို့ ရှေ့သို့တိုး မှတ်တမ်းတင်ခဲ့ ကြသည်။ သို့ပါ၍ မိုးတွင်းကာလကို စုစုပေါင်း(၁၀၅)ရက်ခန့်သာရှိတော့သည် မို့ တစ်နှစ်တာ မိုးတွင်းကာလရက်ပေါင်း (၄၀)ခန့် လျော့နည်းသွားလေသည်။
ထိုနည်းတူ မိုးတွင်းကာလ ဘင်္ဂလား ပင်လယ်အော်တွင် မုတ်သုံမုန်တိုင်းများ တစ်နှစ်ပျှမ်းမျှ မုန်တိုင်း(၁၀)ကြိမ်ဖြစ်မြဲ မှ နောက်ပိုင်းကာလများတွင် (၆)ကြိမ် မျှသာ မုန်တိုင်းဖြစ်ပေါ်မှုရှိတော့ကြောင်း လေ့လာတွေ့ရှိကြပြန်သည်။ သို့ပါ၍ မုန် တိုင်းလည်း (၄၀)ရာခိုင်နှုန်းခန့် လျော့ နည်းသွားပြန်သည်။

သစ်ထုတ်လုပ်ရေး များ၊ ထင်းမီးသွေးလုပ်ငန်းများကြောင့် မြန်မာနိုင်ငံရှိ သစ်တော၊ သစ်ပင်များ၊ အလွန်အမင်း လျော့နည်းသွားပြီဖြစ် သည်။ အချို့ဒေသတွင် တောင်ကတုံး များအဖြစ်သို့ပင် ရောက်ကြပြီဖြစ်၍ မုတ် သုန်လေဖြင့် ပါလာသော ရေခိုးရေငွေ့ များသည် စိမ်းလန်းစိုပြေသော သစ် တောသစ်ပင်များနှင့် မထိတွေ့နိုင်သော ကြောင့် မိုးရေအဖြစ် ရွာသွန်းမှုလျော့ နည်းခဲ့ရသည်။ ခုတ်လဲခဲ့ပြီးသော သစ်ပင် များကို အစားထိုး၍ ပြန်လည်စိုက်ပျိုးခြင်း မပြုပါက ကန္တာရအဖြစ်သို့ ပြောင်းလဲ သွားတော့မည်ဖြစ်၍ မိုးတွင်းကာလ သက်တမ်းပို၍ တိုသွားတော့မည်။

မိုးတွင်းကာလ မိုးရွာသွန်းမှုကို မှီခို နေသည့် မြစ်ချောင်းအင်းအိုင်တို့သည် တစ်နှစ်ထက်တစ်နှစ် မိုးရေရရှိမှု လျော့ နည်းခြင်းကြောင့် အချိန်မတိုင်မီ ခန်း ခြောက်ကုန်ကြသည်။ မြစ်ကြီးများ၏ အဓိကရေသောက်မြစ်သည် မုတ်သုန်မိုး ပင်ဖြစ်သည်။ မုတ်သုံမိုးနှင့် မုတ်သုံမုန် တိုင်းကို မှီခိုနေရသော မြန်မာနိုင်ငံ၏ မြစ်ကြီးဧရာဝတီ၊ ချင်းတွင်းမြစ်၊ စစ် တောင်းမြစ်နှင့် သံလွင်မြစ်တို့သည် မိုးရေ လက်ခံရရှိမှုနည်းပါးမှုကြောင့် ရေဖြန့် ဝေမှု၊ မြစ်ရေစီးဆင်းမှု လျော့ကျသွားပေ သည်။ ထိုထိုသောမြစ်ကြီး(၄)သွယ်ကို အမှီပြုပြီး ပေါက်ပွားစီးဆင်းနေရသော မြစ်ငယ်၊ ချောင်းငယ်၊ မြောင်းငယ်လေး မှာလည်း အချိန်မတိုင်မီ စောစီးစွာ ခန်း ခြောက်သွားကြရလေသည်။

မြန်မာနိုင်ငံအတွက် သဘာဝကပေး သော လက်ဆောင်မွန်၊ တစ်သက်တာ လုံး ပူပင်စရာမလိုခဲ့ဘူးသော သောက် သုံးရေနှင့်ပတ်သက်၍ ယခုတော့ ပူပင် စရာစိန်ခေါ်မှုကြီးတစ်ရပ်အဖြစ် ရပ်ဆိုင် နေကြရပြီ။ ၂၀၀၀ ပြည့်နှစ်မှစ၍ ရေဒုက္ခ သည် တစ်နှစ်ထက်တစ်နှစ် တိုး၍တိုး၍ ဆိုးဝါးလာချေပြီ။ အထက်ပိုင်း၊ အောက် ပိုင်း၊ အပူပိုင်းခွဲခြားနေလို့မရတော့။ နိုင်ငံ နှင့်အ၀န်း ကြုံတွေ့နေရသောနွေအခါ သောက်သုံးရေရှားပါးမှု ပူးပေါင်းဖြေရှင်း ကြဖို့ လူသားတိုင်း၏ တာဝန်ဖြစ်လာ သည်။ ယခုနှစ်တွင် အကြောင်းအမျိုးမျိုး ကြောင့် မီးလောင်မှုအကြိမ်မြင့်တက် လာသည်။ ဤသည်ကပင် သောက်သုံး ရေရှားပါးမှု၏ စိန်ခေါ်မှုကို အားပေးနေ သကဲ့သို့ လူသားတိုင်း ရင်ဆိုင်နေကြပေသည်။

မြန်မာနိုင်ငံတွင် နွေအခါ သောက် သုံးရေခက်ခဲသော အပူပိုင်းဒေသများ တွင် ဆည်တမံများ တည်ဆောက်ခြင်း၊ မြစ်ရေတင်လုပ်ငန်းများ၊ မြေအောက်ရေ တူးဖော်ရေးလုပ်ငန်းများဖြင့် သောက်သုံး ရေအတွက် ဆောင်ရွက်ပေးနေသည်။ ရေရပါသော်လည်း မသန့်ရှင်းသောရေ ကြောင့် ရောဂါပိုးများ ပြန့်ပွား၍ ရောဂါ များဖြစ်ပွားကြရပြန်သည်။ အချို့ကျေး လက်များ သန့်ရှင်းသော သောက်သုံးရေ အတွက် နိုင်ငံတော်က စက်ရေတွင်းများ တူးဖော်ပေးလျက်ရှိသည်။ အမျိုးသား ဘက်စုံဖွံ့ဖြိုးတိုးတက်မှု စီမံကိန်းတွင် နိုင်ငံတကာအကူအညီဖြင့် ဆောင်ရွက် ရန် ရေရရှိရေးလုပ်ငန်းပေါင်း(၃၆၀၇)ခု ဆောင်ရွက်ရန် လျာထားကြောင်းသိရ သည်။ ရာခိုင်နှုန်းပြည့် ဆောင်ရွက်နိုင် ခြင်းမရှိသေးပေ။ လျာထားခြင်းဆိုသည် မှာ မကြာမီလာမည်မျှော်အဆင့်သာ ရှိ သေးသည်။

ယခုလို ပူပြင်းချောက်သွေ့သော ရာသီဥတုမျိုးတွင် သက်ဆိုင်ရာတိုင်းဒေသ ကြီး အစိုးရအဖွဲ့များ၏ အစီအစဉ်ဖြင့် လည်းကောင်း၊ နယ်စပ်ရေးရာဝန်ကြီးဌာ နကျေးလက်ဒေသဖွံ့ဖြိုးတိုးတက်ရေး ဦးစီးဌာနအစီအစဉ်ဖြင့်လည်းကောင်း၊ လယ်ယာစိုက်ပျိုးရေးအစီအစဉ်ဖြင့် လည်းကောင်း အစီအစဉ်ဖြင့်လည်း ကောင်း၊ စက်ရေတွင်းများ တူးဖော်ပေး လျက်ရှိသည်။ တစ်ချိန်က နွေအခါ သောက်သုံးရေရှားပါးမှုသည် အပူပိုင်း ဒေသတွင်သာ ခံစားနေကြရသော်လည်း ၂၀၀၀ ပြည့်နှစ်မှစ၍ နောက်ပိုင်းနွေ ကာလများတွင် တစ်နိုင်ငံလုံးနီးပါး ဒေသ စုံခံစားရသောဒုက္ခတစ်ရပ်ဖြစ်လာသည်။

အချို့ဒေသများအတွက် စက်ရေ တွင်းများ တူးဖော်ပေးနေမှုသည် တစ် နိုင်ငံလုံးအတိုင်းအတာနှင့်ကြည့်က ဆိတ် ပါးစပ် နှမ်းပက်အဆင့်သာရှိပြီး သောက် ရေရှားပါးရာအရပ်မှ လူသားများက ရွှေ ကိုမလို ငွေကိုမလို ရေသာလိုပါသည်ဟူ ၍ အော်ဟစ်ညည်းညူတောင်းဆိုနေကြ သည်။ သန့်ရှင်းသော သောက်သုံးရေ အတွက် နိုင်ငံတော်အစိုးရအဖွဲ့ကိုသာ အားကိုးမနေကြဘဲ၊ အလှူဒါနပြုသူများ အနေဖြင့် သောက်သုံးရေလှူဒါန်းမှုပြု ရန် စာရေးသူက မေတ္တာရပ်ခံလိုသည်။

စာရေးသူမျှော်လင့်သကဲ့သို့ ကျေး လက်ရေရရှိရေး ဖောင်ဒေးရှင်းများ တည် ထောင်ပြီး ရေကုသိုလ်အလှူများပြုလာ ကြောင်း ကြားသိခွင့်ရသည်။ လေ့လာမိ သမျှ ၂၀၁၃ ခုနှစ်၊ မတ်လ(၁)ရက်က စတင်ဖွဲ့စည်းတည်ထောင်ပြီး ချက်ချင်း ပင် စတင်အကောင်အထည်ဖော်နေ သည့် “ချမ်းသာကျေးရွာရေရရှိရေးဖောင် ဒေးရှင်း”သို့ သွားရောက်လေ့လာခဲ့သည်။ ချမ်းသာဆောက်လုပ်ရေးက ငွေကျပ်သိန်း ငါးထောင် မတည်၍ ““ချမ်းသာကျေးရွာ ရေရရှိရေးဖောင်ဒေးရှင်း””ကို စတင်တည် ထောင်သည်။ စတင်တည်ထောင်သည့် ၂၀၁၃ ခုနှစ် မတ်လ(၁)ရက်မှာပင် ပဲခူး တိုင်းဒေသကြီး အစိုးရအဖွဲ့ ၀န်ကြီးချုပ် ဦးဉဏ်ဝင်းနှင့် သွားရောက်တွေ့ဆုံပြီး တင်ပြအကူအညီတောင်းခံခဲ့သည်။ တစ် ပြည်လုံးအတိုင်းအတာဖြင့် စတင်ဆောင် ရွက်မည်ဆိုပါက အခက်အခဲများစွာ ရင်ဆိုင်ရမည်ဖြစ်၍ တိုင်းတစ်တိုင်းအတွင်း အမှန်တကယ်လိုအပ်မည့် ရွာ(၁၁)ရွာ ခန့်ကို စတင်စမ်းသပ်တူးဖော်ရန် ဆုံးဖြတ် ခဲ့ပြီး ၀န်ကြီးချုပ်၏ စီစဉ်ပေးမှုအရ ပဲခူး ခရိုင်၊ ဝေါမြို့နယ်အတွင်းက ကျေးရွာ (၁၁)ရွာကို ဦးစွာရွေးချယ်ခဲ့သည်။

ထိုကျေးရွာ(၁၁)ရွာမှ အုပ်ချုပ်ရေး မှူးများနှင့် ဝေါမြို့နယ်အထွေထွေအုပ် ချုပ်ရေးမှူးရုံးခန်းတွင် တွေ့ဆုံပြီး ၎င်း ကျေးရွာများ၏ လိုအပ်ချက်၊ တင်ပြချက် များအရ ၂၆-၃-၂၀၁၃ နေ့ကစ၍ ကျေး ရွာရေရရှိရေးကို စတင်ဆောင်ရွက်ကြ သည်။

နှစ်သစ်ကူးသင်္ကြန်ကာလမတိုင်မီ ဝေါမြို့နယ်အတွင်းက ညောင်ခါးရှည် ကျေးရွာ၊ အဗျားငှက်ချေးကွင်းကျေးရွာ၊ အဘားကျေးရွာနှင့် ကရင်စုကျေးရွာများ အတွက် စက်ရေတွင်း(၄)တွင်း၊ ရေလှောင် ကန်ရေတင်ရန် ကွန်ပရက်ဆာ၊ မီးစက် များတပ်ဆင်ပေးခဲ့၍ ယခုနှစ်နှစ်သစ် သင်္ကြန်ကာလမှစ၍ သောက်သုံးရေ စတင်သုံးစွဲနိုင်ကြပြီဖြစ်သည်။ တစ်ချိန် တည်းမှာပင် စက်ယန္တရားများဖြင့် ၂၀၀x၂၀၀x၁၅ လက်မ သောက်ရေကန် များ တူးဖော်ရာတွင် ဆားကျင်းများ ကြောင့် ရေချိုမရနိုင်သော ၀င်းကဒါတ် ကျေးရွာနှင့် ညောင်ကိုင်းကျေးရွာများ တွင် ရေချိုရေသန့်သောက်ရေများ စတင် သုံးစွဲနိုင်ကြပြီဖြစ်သည်။

အချို့အရပ်တွင် မြန်မာပြည်အောက် ပိုင်းဖြစ်၍ ရေပေါများသည်ဆိုသော် လည်း ပင်လယ်နှင့်နီးသောကြောင့် ပေ ၁၀၀၀ ခန့် စက်ရေတွင်းတူးသော်လည်း ရေချိုမရ ရေငံသာရသောဒေသများရှိ နေသည်။ မြေကြီးကိုတူးဆွခြင်းမပြုဘဲ မြေပေါ်တွင် တည်ကန်များတည်ဆောက် ပြီး မိုးရေလှောင်ကန်များ ဆောင်ရွက် ပေးရန်လည်း စီစဉ်နေသည်။ သောက် ရေကန်(၂)ကန်တူးပြီးနောက် သင်္ကြန် ကာလကျော်လွန်သည်နှင့် ကျုံသင်ကျေး ရွာ၊ လက်ပံသုံးပင်ကျေးရွာ၊ ထိန်တပင် ကျေးရွာ၊ ခင်တန်းကြီးကျေးရွာနှင့် မြစ် ကျိုးကျေးရွာများအတွက် သောက်ရေ ကန်များ ဆက်လက်တူးဖော်ပေးသွား မည်ဖြစ်ကြောင်း သိခွင့်ရသည်။

သောက်သုံးရေရရှိပြီးသော ကျေး ရွာများနှင့် ဆက်လက်တူးဖော်ရန် လျာ ထားသော ကျေးရွာနေပြည်သူများ၊ ဘုန်း တော်ကြီးကျောင်းမှ ဆရာတော်နှင့်တကွ သံဃာတော်အရှင်သူမြတ်များမှာ များစွာ ၀မ်းသာပီတိဖြစ်နေကြသည်။ ယခုအလှူ ရှင်သည် ချမ်းသာဆောက်လုပ်ရေး၏ မတည်အလှူဖြစ်သည်။ ချမ်းသာဆောက်  လုပ်ရေးအနေဖြင့် ဝေါမြို့နယ်အတွင်း စာသင်ကျောင်းများအတွက် ယခင်နှစ် များက ဘိလပ်မြေအိတ်ထောင်ချီလှူ ဒါန်းခဲ့သည့်အပြင် သူရဲသမိန်ကျေးရွာ၊ မူလတန်းကျောင်း၊ အလယ်တန်းကျောင်း၊ အထက်တန်းကျောင်းနှင့် တိုက်နယ်ဆေး ရုံဆောက်လုပ်ရေးကိစ်္စရပ်များတွင် ဦး ဆောင်လှူဒါန်းခဲ့ကြောင်း လေ့လာခွင့်၊ သိရှိခွင့်ရခဲ့ပြန်သည်။

““ချမ်းသာကျေးရွာရေရရှိရေးဖောင် ဒေးရှင်း””သည် ၂၀၁၃ ခုနှစ် မတ်လ (၁) ရက်မှ စတင်အကောင်အထည်ဖော် ဆောင်ရွက်နေပြီး တစ်ဖက်တစ်လမ်းမှ လည်း နိုင်ငံတော်အစိုးရအသိအမှတ်ပြု ဖောင်ဒေးရှင်းအဖြစ် ရပ်တည်နိုင်ရန် အသင်းအဖွဲ့ ဖွဲ့စည်းခွင့်ဥပဒေအရ ဖွဲ့ စည်းခွင့်အတွက် “ဖောင်ဒေးရှင်းဖြစ် မြောက်ရေးအဖွဲ့”ကို ဖွဲ့စည်းပြီး ဆောင် ရွက်နေပြီဖြစ်သည်။

စာရေးသူအနေဖြင့် ချမ်းသာကျေး ရွာရေရရှိရေးဖောင်ဒေးရှင်းကို လေ့လာ ခွင့်ရပြီး အထူးပင် ၀မ်းမြောက်ဝမ်းသာ ဖြစ်ရပါသောကြောင့် ဤဆောင်းပါးဖြင့် ဂုဏ်ပြုမှတ်တမ်းတင်လိုက်ပါသည်။ ဤ ဆောင်းပါးကို ဖတ်ခွင့်ရသောကြောင့် စိတ်ဝင်စားပါလျှင်သော်လည်းကောင်း၊ ဖောင်ဒေးရှင်းအတွက် ဆွေးနွေးလိုပါ လျှင်သော်လည်းကောင်း၊ ဖောင်ဒေးရှင်း လုပ်ငန်းအတွက် ပါဝင်လှူဒါန်းလိုပါလျှင် သော်လည်းကောင်း၊ ဆက်သွယ်ရမည့် လိပ်စာက အမှတ်(၂၇၆)၊ ပြည်လမ်း၊ စမ်းချောင်းမြို့နယ်၊ ရန်ကုန်မြို့ဖြစ်သည်။ တယ်လီဖုန်းဖြင့်ဆက်သွယ်စုံစမ်းမေးမြန်း လိုပါက ဆက်သွယ်ရန်ဖုန်းနံပတ်မှာ ၀၁-၅၂၆၃၈၆၊ ၅၂၆၆၇၄၊ ၅၀၂၅၃၆ ဖြစ် ကြောင်း သိခွင့်ရခဲ့ပါသည်။
မောင်ချစ်(သူရဲသမိန်)
The Hot News

လယ်ယာလုပ်ငန်းခွင် နှင့် ဓါတုဗေဒဆေးအန္တရာယ်

ပြောင်းလဲလာသောခေတ်နှင့်အညီ လယ်ယာလုပ်ငန်းခွင်သည်လည်း တိုးတက်ပြောင်းလဲလာခဲ့ပါတယ်။ ဓာတ်မြေသြဇာ၊ ပိုးသတ်ဆေး စသည့် လယ်ယာသုံး ဓါတုဗေဒဆေးများကို ယခင်ကထက်ပိုပြီး တွင်တွင်ကျယ်ကျယ် အသုံးပြုလာကြပါတယ်။ ဒါကြောင့်လဲ လယ်ယာသုံး ဓါတုဗေဒဆေးများကြောင့် တောင်သူလယ်သမားများနှင့် သူတို့ရဲ့မိသားစုဝင်တွေ ကျန်းမာရေးဆိုင်ရာ ထိခိုက်မှုတွေ၊ အသက်ဆုံးရှုံးမှုတွေကို မကြာခဏဆိုသလို ဖြစ်ပွါးလာပါတယ်။ တောသူတောင်သားတွေအနေနှင့်လည်း မိမိပတ်ဝန်းကျင်မှာ လယ်ယာသုံး ဓါတုဗေဒဆေးတွေ ပိုးသတ်ဆေးတွေကြောင့် ဒုက္ခရောက်ကြတာတွေကို သိရှိကြမှာပါ။ ပိုးသတ်ဆေးတွေ၊ မှိုသတ်ဆေးတွေ ဓာတ်မြေသြဇာတွေအလွန်အကျွံသုံးဆွဲမှုက သီးနှံတွေအပေါ်မှာ ဆေးကြွင်းအာနိသင်တွေ ရှိသင့်တာထက် ပိုမိုပါဝင်လာလို့ စားသုံးသူတွေလဲ ဘေးထွက်ဆိုးကျိုးကို ခံစားရပါတယ်။

လယ်ယာသုံး ဓါတုဗေဒဆေးတွေ ပိုးသတ်ဆေးတွေဟာ ချက်ခြင်းလက်ငင်း အန္တရယ်ပေးနိုင်သလို၊ တဖြည်းဖြည်းခြင်းနှစ်တွေကြာမှလည်း အန္တရယ်ပေးနိုင်ပါတယ်။ ( ဥပမာ - ကင်ဆာရောဂါ၊ အဆုပ်၊ အသဲ၊ ကျောက်ကပ် ရောဂါများ )။ ဒီလို ဓါတုဗေဒဆေးဝါးဘေးအန္တရာယ်(Chemical Hazard)တွေ ဖြစ်လာရတာဟာ အသုံးပြုသူ တောင်သူလယ်သမားတွေအနေနှင့် လယ်ယာသုံး ဓါတုဗေဒဆေးတွေကို ဘယ်လို ဘေးအန္တရာယ် ကင်းကင်းရှင်းရှင်း အသုံးပြုရမယ်ဆိုတာ သိရှိနားလည်သဘောပေါက်မှု အားနဲတဲ့အတွက်ကြောင့် ဖြစ်ပါတယ်။
လယ်ယာသုံး ဓါတုဗေဒဆေးတွေကို မဆင်မခြင် ပေါ့ဆစွာ သုံးစွဲမှုတွေကြောင့် အောက်ပါ ဘေးထွက်ဆိုးကြိုးတွေ ဖြစ်လာနိုင်ပါတယ်။
- အဆိပ်သင့်ခြင်း
- ပျို့အန်ခြင်း
- ခေါင်းကိုက်ခဲခြင်း
- အရေပြား လောင်ခြင်း
- အဆုပ်၊ အသဲ၊ ကျောက်ကပ် ရောဂါများ ဖြစ်ပွါးခြင်း
- သန္ဓေသား ထိခိုက်ခြင်း
- ကင်ဆာ ရောဂါ နှင့်
- အာရုံကြောဆိုင်ရာ ဝေဒနာများ ဖြစ်စေနိုင်ပါတယ်။
ဒါကြောင့် တောင်သူလယ်သမားများအနေနှင့် လယ်ယာသုံး ဓါတုဗေဒဆေးတွေကို ဘယ်လိုစနစ်တကျ သိုလှောင်ရမယ်၊ အသုံးပြုရမယ်၊ စွန့်ပစ်ရမယ် ဆိုတာတွေကို သိနားလည်ထားသင့်ပါတယ်။

MSDS( Material Safety Data Sheet)
လယ်ယာသုံး ဓါတုဗေဒဆေးတွေကို အသုံးပြုတော့မယ်ဆိုရင် ဦးစွာ ဆေးအညွှန်းကိုသေချာစွာဖတ်ရှုရပါမယ်။ MSDS( Material Safety Data Sheet) လို့ခေါ်တဲ့ ပစ္စည်းတစ်ခုရဲ့ အန္တရာယ်ကင်းရေးဆိုင်ရာ အချက်အလက်များကိုလဲ နားလည်သဘောပေါက်အောင် ဖတ်ရှုရပါမယ်။ သက်ဆိုင်ရာ ဆေးထုပ်လုပ် ဖြန့်ဖြူးသူတွေအနေနဲ့လည်း ၀ယ်ယူအသုံးပြုတဲ့ တောင်သူတွေကို နားလည်သဘောပေါက်အောင် ရှင်းပြဖို့လိုပါတယ်။ ပြည်တွင်းမှာအသုံးပြုတဲ့ ဆေးတိုင်းကိုလည်း MSDS ကို မြန်မာဘာသာနှင့်ရေသားစေဖို့ သက်ဆိုင်ရာ ၀န်ကြီးဌာနက စီစဉ်ဆောင်ရွက်သင့်ပါတယ်။ ဒါမှလည်း မလိုလားအပ်တဲ့ ဘေးထွက်ဆိုးကျိုးတွေကို ကာကွယ်တားဆီးနိုင်မှာပါ။
MSDS( Material Safety Data Sheet) လို့ခေါ်တဲ့ ပစ္စည်းတစ်ခုရဲ့ အန္တရာယ်ကင်းရေးဆိုင်ရာ အချက်အလက်များဟာ အလွန်အဖိုးတန်တဲ့ အချက်အလက်တွေကိုပေးပါတယ်။ MSDS ထဲမှာ
- ဆေး အမည်
- ဓါတုဗေဒ အမည်
- မီးလောင်ပေါက်ကွဲနိုင်သည့် အန္တရာယ်
- ဖြစ်လာနိုင်တဲ့ ကျန်းမာရေးဆိုင်ရာ အန္တရာယ်
- ဘယ်လို အန္တရာယ်ကင်းအောင်း အသုံးပြုပုံ
- အရေးပေါ် ရှေးဦးသူနာပြုစုနည်း
- ဤMSDSကို ထုတ်ပြန်တဲ့နေ့စွဲနှင့် ပြန်လည်မွန်းမံလျှင် နောက်ဆုံးပြင်ဆင်ခဲ့သော ရက်စွဲ စတာတွေပါဝင်ပါတယ်။

သိုလှောင်ပုံ
လယ်ယာသုံး ဓါတုဗေဒဆေးတွေကို သိုလှောင်ရာမှာ နည်းစနစ်တကျ အန္တရာယ်ကင်းအောင် ထားဖို့လိုပါတယ်။
- ကလေးများနဲ့ လက်လှန်းမမှီနိုင်တဲ့နေရာမှာ ထားပါ၊
- မီးနဲ့ဝေးရာမှာ ထားပါ၊
- အစားအသောက်တွေနှင့် ရောမထားပါနှင့်၊
- ဆေးများကို မူလပုလင်းများ၊ ဗူးများထဲမှာသာ သိမ်းဆည်းထားပါ၊ အခြား ပုလင်း၊ ဗူး၊ ခွက်တွေထဲ မထည့်ထားပါနှင့်၊
- ဆေးဗူး၊ ပုလင်းတွေက တံဆိပ်တွေ၊ အညွှန်းတွေကို မခွါပစ်ပါနှင့် စတဲ့ အခြေခံအချက်တွေကို အနိမ့်ဆုံး လိုက်နာသင့်ပါတယ်။

အသုံးပြုပုံ
လယ်ယာသုံး ဓါတုဗေဒဆေးတွေဟာ ခန္ဓာကိုယ်ထဲကို ပါးစပ်မှတဆင့်၊ အရေပြားမှတဆင့်၊ အသက်ရှုလမ်းကြောင်းမှတဆင့် ၀င်ရောက်နိုင်ပါတယ်။ ဒါကြောင့် အသုံးပြုနေစဉ်မှာ ဆေးအညွှန်းမှာပါတဲ့ ညွှန်ကြားချက်တွေကို တိတိကျကျ လိုက်နာရပါမယ်။ အခြေခံလိုအပ်တဲ့ တကိုယ်ရေသုံး ဘေးအန္တရာယ်အကာအကွယ် ကရိယာ (Personal Protective Equipment PPE) တွေကို အသုံးပြု ၀တ်ဆင်ပါ။ ( ဥပမာ- အန္တရာယ်ကင်း မျက်မှန်၊ လက်အိပ်၊ အသက်ရှုအကူကရိယာ၊ ရာဘာဖိနပ်)။ အသုံးပြုပုံကို နားလည်သဘောပေါက်မှ အသုံးပြုပါ။ နားမလည်လျှင်၊ မရှင်းလျှင် နားလည်တက်ကျွမ်းသူကို မေးမြန်းပြီးမှ အသုံးပြုသင့်ပါတယ်။
( PPE ပုံ )

ရောဂါလက္ခဏာ
လယ်ယာသုံး ဓါတုဗေဒဆေးတွေ ပိုးသတ်ဆေးတွေ အဆိပ်သင့်မှုကြောင့် ဖြစ်တက်တဲ့ ရောဂါလက္ခဏာတွေကတော့ မူးဝေခေါင်းကိုက်ခြင်း၊ ချွေးစေးပြန်ခြင်း၊ အော့အန်ခြင်း၊ ကြွက်တက်ခြင်း စတာတွေဖြစ်ပါတယ်။ ပြင်းထန်တဲ့ ရောဂါလက္ခဏာတွေကတော့ အသက်ရှုခက်ခဲလာခြင်း၊ မျက်စေ့သူငယ်အိမ် အလွန်ကျဉ်းလာခြင်း၊ သွားရည် နှာရည်များစီးကျလာခြင်း၊ သတိလစ်မေ့မျောခြင်းတို့ ဖြစ်ပါတယ်။
အရေးပေါ် ကယ်ဆယ်ရေး
လယ်ယာသုံး ဓါတုဗေဒဆေးတွေ ပိုးသတ်ဆေးတွေကြောင့် အဆိပ်သင့်လျှင် အောက်ပါအတိုင်း အလျှင်အမြန်ဆောင်ရွက်သင့်ပါတယ်။
- လူနာကို ဆေးဖြန်းသည့်နေရာမှ ဝေးရာသို့ အမြန်ဆုံး သယ်သွားပါ၊
- ဆေးဖြန်းနေစဉ်ဝတ်ထားသည့် အ၀တ်အစားများကို အမြန်ဆုံးလဲပေးပါ၊
- ခြေလက်များကို ရေဖြင့်ဆေးကြောပေးပါ၊
- လူနာထနိုင်လျှင် ခေါင်းမှစပြီး ရေများများလောင်းပေးပါ၊
- ပါးစပ်ထဲဝင်လျှင် လူနာကို သောက်နိုင်သမျှ ရေများများတိုက်ပါ၊
- မျက်လုံးထဲဝင်လျှင် မျက်လုံးကိုဖြဲ၍ ရေများများဖြင့် အနဲဆုံး ၁၅ မိနစ်ခန့် ဆေးကြောပေးပါ၊
- လူနာကို နီးစပ်ရာ ဆေးရုံ ဆေးခန်းပို့ရန်စီစဉ်ပါ။

စွန့်ပစ်ပုံ
အသုံးပြုပြီးသား ဆေးကြွင်းဆေးကျန်များကို လက်လွတ်စပယ် စွန့်ပစ်ခြင်းဟာ မိမိနေထိုင်ရာ သဘာဝပတ်ဝန်းကျင်ကို ဆိုးဆိုးရွားရွားထိခိုက်စေနိုင်ပါတယ်။ လယ်ထဲ ချောင်းထဲ စွန့်ပစ်ပါက ပတ်ဝန်းကျင်ညစ်ညမ်းမှုအပြင် သတ္တ၀ါများကိုသေကြေပျက်စီးစေနိုင်ပါတယ်။ ဒါကြောင့် ဆေးအကြွင်းအကျန်တွေကို စနစ်တကျ စွန့်ပစ်သင့်ပါတယ်။ ဆေးများကိုလည်း လိုသလောက်သာ အသုံးပြုသင့်ပါတယ်။

ပညာပေးရေး
သက်ဆိုင်ရာ ၀န်ကြီးဌာနအနေဖြင့်လည်း တောင်သူလယ်သမားများ ဘေးအန္တရယ်ကင်းရှင်းရေးအတွက် ၊သတင်းစာ၊ ရေဒီယို/ရုပ်မြင်သံကြား စတဲ့ မီဒီယာများမှတဆင့် အခါအားလျှော်စွာ ပညာပေးဟောပြောခြင်း၊ လက်ကမ်းစာစောင်များဖြန့်ဝေပေးခြင်း၊ ကွင်းဆင်းပညာပေးဟောပြောခြင်များပြုလုပ်သင့်ပါတယ်။ ဆေးထုတ်လုပ်ဖြန့်ဖြူးသူတွေအနေဖြင့်လည်း ဆေးညွှန်းများကို ရှင်းလင်းစွာ ရေးသားဖော်ပြပေးခြင်း၊ သုံးဆွဲသူတောင်သူလယ်သမားများကို ဆေးအသုံးပြုပုံကို နားလည်သဘောပေါက်အောင်ရှင်းပြခြင်း၊ အခြေခံလိုအပ်တဲ့ တကိုယ်ရေသုံး ဘေးအန္တရာယ်အကာအကွယ် ကရိယာ (Personal Protective Equipment ,PPE) များကို ပံ့ပိုးပေးခြင်းတွေကို လုပ်ဆောင်ပေးသင့်ပါတယ်။

စကားစပ်မိ၍ ပြောရပါအုံးမယ်။ ရုပ်မြင်သံကြား ကြေညာတွေမှာ တွှေတွေ့နေရတာက မင်းသားမင်းသမီးများ ပိုးသတ်ဆေးများကို ကခုန်ပြီး ဘာအကာအကွယ်မှမပါ ပတ်ဖြန်းပြနေတာ ဟာ တကယ်ကိုဆိုးပါတယ်။ ဒါတွေကိုကြည့်ပြီး မသိနားမလည်တဲ့ တောသူတောင်သားများဟာ မှားယွင်းတဲ့ အသိတွေ ၀င်လာနိုင်ပါတယ်။ တောင်သူလယ်သမားများအနေနှင့်လည်း မိမိအန္တရာယ် ကင်းရှင်းရေး၊ ပတ်ဝန်းကျင် အန္တရာယ် ကင်းရှင်းရေးအတွက် လယ်ယာသုံး ဓါတုဗေဒဆေးတွေ၊ ပိုးသတ်ဆေးတွေကို ဂရုတစိုက် အသုံးပြုသင့်ပါတယ်။ ကျွန်တော်တို့တိုင်းပြည်ဟာ စိုက်ပျိုးရေးကို အခြေခံတဲ့နိုင်ငံဖြစ်တဲ့အတွက် တောင်သူလယ်သမားများရဲ့ ဘေးအန္တရယ်ကင်းရှင်းရေးဟာလည်း တိုင်းပြည်အတွက် အရေးကြီးပါတယ်။ တောင်သူလယ်သမားများ လယ်ယာလုပ်ငန်းခွင်မှာ ဘေးအန္တရယ် ကင်းရှင်းကြပါစေ။
ဇေလတ်။ ပဲခူး သတင်းစဉ်
ကိုးကား-
-အေးငြိမ်း(လေးမျက်နှာ) - လယ်ယာလုပ်ငန်းခွင် အန္တရာယ်ကင်းရှင်းရေး
-Better Health Channel - Farm Safety ( Handling Agrichemicals )

တရားသူကြီး မဖြစ်စေချင်တဲ့ “အမေ့” ကျေးဇူး

ကျွန်တော့်အဖေက ကျွန်တော့်ကို တရားသူကြီး ဖြစ်စေချင်ပေမယ့် အမေကတော့ မဖြစ်စေချင်ပါဘူး။ ကျွန်တော် ၁၉၈၆ ခုနှစ်မှာ ဥပဒေဘွဲ့ရပါတယ်။ ကျွန်တော်ဘွဲ့ရစဉ်က မြန်မာနိုင်ငံမှာ ပြည်သူ့တရား စီရင်ရေးစနစ်ဆိုပြီး ကျင့်သုံးပါတယ်။ ထိုစဉ်က တရားသူကြီးတွေကို ရွေးချယ်တင်မြှောက်ခံရတဲ့ ပြည်သူ့ကောင်စီဝင်တွေ ထဲကပဲ ခန့်ပါတယ်။ ဒါတင်မကပါဘူး၊ အဲဒီကောင်စီဝင်တွေဟာ မြန်မာ့ဆိုရှယ်လစ် လမ်းစဉ် ပါတီမှာ တင်းပြည့်ပါတီဝင် တွေလည်း ဖြစ်ရပါတယ်။ ကျွန်တော်က ပါတီဝင်တောင် မဟုတ်ခဲ့တော့ တရားသူကြီး မဖြစ်နိုင်ပါဘူး။ အဲဒီခေတ်က ဥပဒေဘွဲ့ရရင် ဥပဒေဝန်ထမ်း (အရပ်အခေါ် ဆွဲချ) လုပ်ချင်လုပ်၊ ဒါမှမဟုတ် တရားရေးဝန်ထမ်း (အရပ်အခေါ် အကြံပေး) လုပ်နိုင်ပါတယ်။ ဥပဒေဘွဲ့ ရပါလျက် တရားသူကြီး လုပ်ခွင့်မရတဲ့ အတွက် ကျွန်တော့်အဖေက မကျေနပ်ခဲ့ပါ။

တပ်မတော်အစိုးရ တက်လာတော့ ယခင်က တရားရေးအကြံပေးတွေ က တရားသူကြီး ဖြစ်လာပါတယ်။ ဥပဒေ ဘွဲ့ရသူတွေက တရားသူကြီးစာမေးပွဲ (တရားရေးဝန်ထမ်း အဆင့် ၄) တွေ ဖြေခွင့်ရှိလာပါတယ်။ အဖေ့ရဲ့ အစီအစဉ်ကြောင့် ကျွန်တော်နေတဲ့ မိုးကုတ်ကနေ ရန်ကုန်ကို စာမေးပွဲ သွားဖြေခဲ့ရပါတယ်။ အမေနဲ့ ကျွန်တော်တိုင်ပင်ပြီး စာမေးပွဲ မဖြေဘဲနဲ့ ရန်ကုန်က ပြန်ခဲ့ပါတယ်။ ကျွန်တော့်အဖေက ကျွန်တော့်ကို တရားသူကြီး ဖြစ်စေချင်တာကတော့ “တရားသူကြီး”ဆိုတဲ့ ဂုဏ်ဒြပ်ကို သဘောကျလို့ ထင်ပါတယ်။ ကျွန်တော့် အမေကတော့ တေမိမင်းကြီး ရှင်ဘုရင် မဖြစ်ချင်တာက တရားစီရင်ရမှာ ကြောက်လို့။ ကြောက်ရတဲ့ အကြောင်းကလည်း တစ်ခုသော ဘဝမှာ တေမိမင်းကြီးက ရှင်ဘုရင် ဖြစ်ခဲ့ပြီး တရားစီရင်ခဲ့တာ မှားလို့ မဟာဥဿဒငရဲမှာ နှစ်ပေါင်း ၈၀,၀၀၀ ခံရကြောင်း ပြောပါတယ်။ ဒါကြောင့် ကျွန်တော့်ကို တရားသူကြီးမဖြစ် စေချင်တာလို့ ပြောပါတယ်။ မှန်တာပြောရင် ကျွန်တော် တရားသူကြီး တကယ်ဖြစ်ချင်ပါတယ်။ ဒါပေမဲ့ သံသရာဆိုတာကိုလည်း ယုံတယ်၊ ဝဋ်ကြွေး ဆိုတာကိုလည်း ကျွန်တော် ယုံတယ်။ ကျွန်တော်က ဗုဒ္ဓဘာသာဝင် တစ်ယောက်ပါ။ မှားပြီး တရားစီရင်မိရင် ငရဲကြီးမှာစိုးလို့ မလုပ်ခဲ့တာပါ။

အဲဒီနောက် ကျွန်တော် တွေ့ကြုံခဲ့ရတဲ့ ဖြစ်စဉ်တွေအရ ကျွန်တော် တရားသူကြီးမဖြစ်တာ တော်တော်ကံကောင်းတယ်လို့ လက်တွေ့ဘဝမှာ မြင်တွေ့ခဲ့ရပါတယ်။ တကယ်လို့ ကျွန်တော်သာ တရားသူကြီး ဖြစ်ခဲ့မယ် ဆိုရင်လည်း ကျွန်တော်လည်း မလွှဲမရှောင်သာဘဲ ခေတ်စနစ်တစ်ခုရဲ့ သားကောင် (သားကောင်းမဟုတ်ပါဘူး) တရားသူကြီး ဖြစ်လာမှာပဲ။ အာဏာရှင်လက်အောက်က တရားသူကြီးတွေရဲ့ ဒုက္ခကိုလည်း ကိုယ်ချင်းစာ ပါတယ်။ မလွဲမရှောင်သာ အမိန့်ချခဲ့ရတဲ့ တရားသူကြီးတွေကတော့ (ဒုက္ခ) လို့ မြင် မမြင် ကျွန်တော် မခန့်မှန်းတတ်ပါဘူး။

အဲဒီခေတ်က နိုင်ငံရေးနဲ့ ဆက်နွယ်ပတ်သက်တဲ့ သူတွေ၊ ပုဒ်မတစ်ခုခု တပ်ပြီး အဖမ်းခံခဲ့ရပါတယ်။ အဖမ်းခံရတဲ့ ပုဂ္ဂိုလ်တွေအားလုံး တစ်ယောက်မှ မလွတ်စေရပါဘူး။ (အားလုံး) ဟာ အမြင့်ဆုံး အပြစ်ဒဏ်တွေကိုပဲ ပြစ်ဒဏ် ချမှတ်ခံခဲ့ရပါတယ်။ In Camera လို့ခေါ်တဲ့ တံခါးပိတ်ပြီး တရားစီရင်ခံခဲ့ရ ပါတယ်။ အဲဒီပုံစံမျိုး တရားစစ်ဆေးစီရင်မှုကို တရားခံတွေဟာ ငြင်းခွင့်မရှိ သလို တရားသူကြီးတွေ ကလည်း ငြင်းပယ်ခွင့် မရှိပါဘူး။

တရားသူကြီးတွေက အချို့အမှုတွေမှာ စာအိတ်ပါ အမိန့်အတိုင်း တရားစီရင်ခဲ့ရတာလို့ လူထုကြားမှာ ဝေဖန်နေကြပေမယ့် ဒီစကားကို တရားရေးဌာနက ယနေ့အထိ ပြန်လည်ချေပ ရှင်းလင်းနိုင်ခြင်း မရှိခဲ့ပါဘူး။ ထောက်လှမ်းရေးက ဖမ်းဆီးအရေးယူ၊ တရားစွဲခဲ့တဲ့ အမှုမှန်သမျှ မှားသည် ဖြစ်စေ၊ မှန်သည်ဖြစ်စေ၊ တရားသည်ဖြစ်စေ၊ မတရားသည်ဖြစ်စေ၊ ဥပဒေနှင့် ညီသည်ဖြစ်စေ မညီသည်ဖြစ်စေ တရားသူကြီးတွေက တရားခံတွေအပေါ် အမြင့်ဆုံးအပြစ်ဒဏ်တွေ ချပေးခဲ့ရပါတယ်။ တရားသူကြီးများက မြန်မာ့ တရားရေးလောက၊ ကမ္ဘာ့တရားရေး လောကမှာ မကြားဖူးသည့် ပြစ်ဒဏ်တွေကို ချမှတ်ခဲ့ရပါတယ်။

ဝဋ်ဆိုတာ တစ်ခါတစ်ရံ ဘဝမကူးဘူး ဆိုတဲ့အတိုင်း (နေ) လို (လ) လို ထွန်းလင်းခဲ့သော မော်မကြည့်ဝံ့ခဲ့သော ထောက်လှမ်းရေးတပ်ဖွဲ့ကြီး ပြိုကွဲသွားသောအခါ အဆိုပါ ထောက်လှမ်းရေး အဖွဲ့ဝင် တော်တော်များများ ထောင်ကျကုန်ပါတယ်။ အဲဒီထောင်ဒဏ်တွေ ကိုလည်း ထုံးစံအတိုင်း တရား သူကြီးများက အပြစ်ပေးရပါတယ်။ ကျွန်တော်နဲ့ လွန်စွာ ခင်မင်ရင်းနှီးသော သူငယ်ချင်း တရားသူကြီး တစ်ယောက်ရဲ့ ရင်ဖွင့် ညည်းတွားသံကြားရပါတယ်။ "ငါတို့ကတော့ကွာ ခုဘဝ တရားသူကြီး ဖြစ်ပေမယ့် မဟာဥဿဒငရဲကို သွားရမယ့် လက်မှတ်ကတော့ ဖြတ်ပြီးသားပဲ။ အနှစ် ၈၀,၀၀၀ နဲ့တော့ ရမယ် မထင်ဘူး။ တစ်မှုကို အနှစ် ၈၀,၀၀၀ နဲ့ ၁၀ မှုဆိုရင် အနှစ် ၈၀၀,၀၀၀။ ငါစီရင်ခဲ့တဲ့အမှုက ၁၀ မှုမှမကပဲကွာ" တဲ့။ "မလုပ်နိုင်ရင်လည်း ထွက်ချင် ထွက်၊ ပြုတ်ချင်ပြုတ်၊ ဒါမှမဟုတ် မြိုင်ရပ်နှင် (အဝေးပို့) ခံရမှာ"၊ "တကယ်လို့ အစွယ်လိုသူက မိဖုရား၊ လေးပစ်သူတွေက ကျွန်တော်မျိုး တရားသူကြီးတွေပါ" လို့ ညည်းတယ်။

ကျွန်တော်ငယ်ငယ်က စဉ်းစားမိတာက တရားသူကြီးဆိုတာ တည်ကြည်သောဂုဏ်ရှိတယ်။ သူတစ်ပါး ရိုသေထိုက်သူဖြစ်တယ်။ သီလကို စောင့်ထိန်းသူဖြစ်တယ်။ ရာဇသတ်၊ ဓမ္မသတ်၊ ဖြတ်ထုံး၊ စီရင်ထုံးများကို ကျွမ်းကျင်လိမ္မာသူဖြစ်တယ်။ ချစ်ဖွယ်သောစကား ပြောတတ်တယ်။ သစ္စာ စောင့်ထိန်းတယ်။ ပြေပြစ်သောစကား ပြောတတ်တယ်။ မမှန်မကန် ပြောဆို နေသူတွေကို ထုတ်ဖော်နိုင်စွမ်းရှိတယ် ဆိုတာ ကင်းဝန်မင်းကြီး ဦးကောင်း ရေးတဲ့ (အဍ္ဎသံ ခေပဝဏ္ဏနာကျမ်း) မှာ ဖတ်ထားတော့ တရားသူကြီး ဆိုတာ အထင်ကြီးပြီး ကျွန်တော် တကယ်ဖြစ်ချင်ခဲ့တာပါ။ ငါသာ တရားသူကြီးဖြစ်ရင် အမှုတွေကို အမှန်အတိုင်း ဖြစ်စေရမယ်။ ဘယ်သူ့မျက်နှာမှ ထောက် စရာမလိုဘူး။ လိမ်နေတဲ့ သက်သေတွေ ပေါ်အောင် ပညာနဲ့ စစ်ပြမယ်။ ပိုက်ဆံလာပေးတဲ့သူကို ငေါက်ထုတ်ပစ်လိုက်မယ်။ တံစိုးသုံးပါး၊ အဂတိလေးပါး ရှောင်တဲ့ တရားသူကြီး ဖြစ်စေရမယ်လို့ စိတ်ကူးခဲ့ပေမယ့် “ဘယာဂတိ” ဆိုတဲ့အချက်ကို မရှောင် နိုင်ဘူးဆိုတာ သတိမထားမိခဲ့ဘူး။ တစ်ခုပဲရှိတယ် ကျွန်တော်ကြောက်လို့ အမှားတရားတွေ စီရင်ခဲ့ရတာပါလို့ ငရဲမင်းကြီးကို လျှောက်လဲချက်ပေး အသနားခံလို့ ရမလားလို့ပေါ့။ ရမယ်မထင်ပါဘူး။ ခုဆိုရင် တရားသူကြီးတွေ ကိုယ်တိုင်လည်း ကျမ်းကျိန်ဆိုရမယ့် အခြေအနေ ဖြစ်လာပါတယ်။ ဘယ်လိုကျမ်းစာမျိုးကို ဆိုရမယ်တော့ မသိပါဘူ။ အမှုသည် နဲ့ သက်သေတွေကတော့ ဘုရင်လက်ထက်ကတည်းက ကျိန်ဆိုခဲ့ရတဲ့ သစ္စာစကားတွေနဲ့ ကျိန်ဆိုရပါတယ်။ သစ္စာမတည်၊ စကားမတည်ရင် သေပုံသေနည်း ၁၇ နည်းလောက် ရေးထားပါတယ်။ အပါယ်လေးပါး ရောက်ပါစေ၊ လူပြိတ္တာဖြစ်ပါစေ စသည်တို့အပြင် မိမိသားမြေးများပါ မကျန်ရအောင် ပျက်စီးပါစေသတည်း စသည်ဖြင့် ရေးသားထားပါတယ်။ စာဖတ် သူများ အပြည့်အစုံသိချင်လျှင် တရားရုံးတွေမှာ ရေးထားပါတယ်။ (သွားကြည့်ကြပါ)

တရားသူကြီးတွေ ကျမ်းသစ္စာ ကျိန်ဆိုရတာကတော့ ခုမှမဟုတ်ပါဘူး။ မြန်မာမင်းအုပ်ချုပ်ရေး ပညာကျမ်းမှာ ငစဥ့်ကူးရွာ၊ မတ္တရာရွာ၊ ကပ်ရွာ၊ တောင်ပြုန်းကြီးနယ်တို့မှာ နေမျိုးစည်သူရာဇာဘွဲ့ခံ ခုံတော်အရာရှိက အမှုတွေကို စစ်ဆေးဆုံးဖြတ်မယ်ဆိုရင် သစ္စာရှစ်ချက်ပါ ကျမ်းသစ္စာ ကျိန်ဆိုပြီးမှ ဆုံးဖြတ်ခဲ့ကြောင်း ဖတ်ခဲ့ဖူးပါတယ်။ အဲဒီတုန်းက ကျမ်းနဲ့မညီ (ဥပဒေနဲ့မညီ) ဆုံးဖြတ်ခဲ့တာများ တွေ့ရင်တော့ ရာထူးကဖြုတ်ပြီး ထောင်ဒဏ် (နှစ်လ) အပြစ်ပေးခံရသည့်အပြင် စားထားတဲ့ လာဘ်ငွေကို လည်း နှစ်ဆပြန်လျော်ရပါတယ်။ ကြုံလို့ ပြောပြတာပါ။

ခုတော့ ကျွန်တော် တရားသူကြီးမဖြစ်ခဲ့ပါ။ တရားသူကြီးမဖြစ်ခဲ့လို့ စာအိတ်ပါ ပြစ်ဒဏ်တွေ မချမှတ်ခဲ့ရပါ။ ဘယာဂတိလည်း မကျူးလွန်ခဲ့ရပါ။ ပြစ်ဒဏ်ပေးလို့ သေဒဏ်ပေးခံရတဲ့ တရားခံတွေရဲ့မျက်နှာ၊ နှစ် ၄၀၊ နှစ် ၅၀၊ နှစ် ၁၀၀ ပြစ်ဒဏ်ပေးခံခဲ့ရတဲ့ တရားခံတွေရဲ့ မကျေနပ်တဲ့မျက်နှာ၊ မကျေနပ်တဲ့ မျက်လုံးတွေနဲ့ကြည့်တဲ့ အကြည့်တွေ မခံခဲ့ရပါ။ ကျွန်တော် ကြောက်လို့ အပြစ်ပေးခဲ့ရခြင်း ဖြစ်ပါတယ်လို့ ငရဲမင်းကြီးကိုလည်း အသနား ခံစာ တင်စရာ မလိုတော့ပါ။ တရားသူကြီး မဖြစ်စေချင်တဲ့အမေ့ကို အထူး ကျေးဇူးတင်မိပါတယ်။

(စနစ်တစ်ခုရဲ့ သားကောင်ဖြစ်ခဲ့ရသော တရားသူကြီးများကို ရည်ညွှန်းလျက်)
တင်အောင် (မိုးကုတ်)
The Voice Weekly

သားကောင်သစ်မိတ္ထီလာ

“နာရီစင်ရပ်ကွက်မီးရှို့နေတာ ဗမာအိမ်ရော၊ မွတ်ဆလင်အိမ်ရော အကုန်လောင်တယ်" ဆိုသည်ကား မိတ္ထီလာ စည်ပင်သာယာဈေးအနီးတွင် နေထိုင်သူတစ်ဦး၏ အထိတ်တလန့် ပြောကြားမှုဖြစ်သည်။

မြန်မာနိုင်ငံတော် အစိုးရအဖွဲ့ ရုံးစိုက်ရာ နေပြည်တော်နှင့် မိုင် ၈၀ ခန့်အကွာ မိတ္ထီလာမြို့တွင် ဘာသာမတူသူလေးဦး ခိုက်ရန်ဖြစ်ပွားမှုသည် လူထောင်ချီ ပါဝင်သော ပဋိပက္ခကြီး ဖြစ်လာသည်။ လူ ၁၀ ဦး ထက်မနည်း သေဆုံး သည်ဆိုသော သတင်းများ ထွက်ပေါ်နေသည့် ယင်းပဋိပက္ခမှာ မတ်လ ၂၁ ရက်ညနေ ၇ နာရီထိ ပြီးဆုံးခြင်း မရှိသေးပေ။ တုတ်၊ ဓား လက်နက်များ ကိုင်ဆောင်ထားသော လူစုများရှိနေဆဲ ဖြစ်သည်။

ယင်းပဋိပက္ခသည် မတ်လ၂၀ရက် နေ့နံနက် ၉ နာရီအချိန်၌ အစ္စလာမ် ဘာသာဝင်ပိုင် နယူးဝိန့်စိန် ရွှေဆိုင်တွင် ရွှေရောင်းချရာမှ ခိုက်ရန်ဖြစ်ပွားခဲ့ပြီး နာရီပိုင်းအတွင်း ရာချီသောလူအုပ်ကြီး က ရွှေဆိုင်ကို ဖျက်ဆီးသည်အထိ ဖြစ်လာသည်။ "မွန်းလွဲ ၂နာရီလောက် ရွှေရောင်း ချတဲ့ဆိုင်ခန်း ရှစ်ခန်းလောက် ကိုဖျက်ဆီးလိုက်ပြီ"ဟုအခင်းဖြစ်ပွား ရာ အနီးရှိ အထည်ဆိုင်ဖွင့်ထားသူ အသက် ၄၀ အရွယ် အမျိုးသမီးက ဆိုသည်။

ယင်းပဋိပက္ခမှာ ရှုပ်ထွေးသည်ထက် ပိုမိုရှုပ်ထွေးလာနေပြီး မတ်လ ၂၀ ရက်နေ့ ညနေပိုင်းတွင် ပုဒ်မ ၁၄၄ ထုတ်ပြန်ခဲ့သော်လည်း မတ်လ ၂၁ ရက်နေ့ ညနေ ၄ နာရီအထိ ဆက်လက် ဖြစ်ပွားနေကာ ဒဏ်ရာရနှင့် သေဆုံးသူ ဦးရေလည်း ပိုများလာနေသည်။ "ရဲလုံခြုံရေးတွေ ရှေ့မှာကို တုတ်ဆွဲ၊ ဓားဆွဲနဲ့ မီးရှို့နေကြတယ်" ဟု မိတ္ထီလာမြို့ သီရိမင်္ဂလာရပ်ကွက်တွင် နေထိုင်သူတစ်ဦးက ဆိုသည်။

ယင်းကြောင့် အခြေအနေများကို အချိန်တိုအတွင်း ထိန်းသိမ်းနိုင်ရေး မိတ္ထီလာမြို့တွင် ဖြစ်ပွားနေသော ပဋိပက္ခကို စုံစမ်းစစ်ဆေးဖော်ထုတ်ရန် စုံစမ်းစစ်ဆေးရေး ကော်မရှင်ကို ဖွဲ့စည်းလိုက်ကြောင်း၊ မန္တလေးတိုင်းဒေသကြီး အစိုးရ အဖွဲ့က မတ်လ ၂၀ ရက်ရက်စွဲဖြင့်ထုတ် ပြန်လိုက်ပြီး ဖြစ်စဉ်အမှန် အသေးစိတ် ကို စုံစမ်းစစ်ဆေး၍ အစီရင်ခံစာကို ရက်သတ္တတစ်ပတ်အတွင်း တင်ပြရ မည်ဖြစ်ကြောင်း ထုတ်ပြန်လိုက်သည်။

အစိုးရအဖွဲ့၏ လုပ်ဆောင်နေမှု များနှင့်ပတ်သက်၍ နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးက မိတ္ထီလာမြို့တွင် ဖြစ်ပွားနေသော ပဋိပက္ခအခြေ အနေများကို ထိန်းသိမ်းရန် လုံခြုံရေး အင်အား တိုးမြှင့်ထားပြီး သံဃာတော်များ၊ အရပ်ဘက် လူ့အဖွဲ့အစည်းများနှင့် ဝိုင်းဝန်း လုပ်ဆောင်နေကြောင်း ပြောကြားသည်။ "ဒီလို ပဋိပက္ခဖြစ်နိုင်ခြေရှိတဲ့ နေရာတွေကို အကြမ်းဖက်မှုတွေ မကူးစက်ဖို့ သက်ဆိုင်ရာ တိုင်း ဒေသကြီး အစိုးရတွေကို စောင့်ကြည့်ခိုင်း ထားပါတယ်။ လုံခြုံရေးတွေလည်း တိုးခိုင်းထားတယ်" ဟု ၄င်းက ရှင်းပြသည်။ အဆိုပါပဋိပက္ခသည် အစိုးရသစ် သက်တမ်း ၂ နှစ်တာ ကာလအတွင်း လေးကြိမ်မြောက် ဖြစ်ပွားသည့် ဘာသာရေး အသွင်ဆောင်သော ပဋိပက္ခဖြစ်သည်။

၂၀၁၂ ဇွန်လအတွင်းက ရခိုင် ပြည်နယ် ကျောက်ဖြူခရိုင် ရမ်းဗြဲ မြို့နယ် ကျောက်နီမော်ကျေးရွှာ အုပ်စု တွင် စတင်ဖြစ်ပွားခဲ့သည့် ပစ္စည်းလု၊ မုဒိမ်းကျင့် လူသတ်မှုမှာ ဘာသာရေး ပဋိပက္ခ အသွင်သို့ ကူးပြောင်းသွားပြီး မောင်တော၊ ဘူးသီးတောင်၊ စစ်တွေ၊ ရသေ့တောင်တို့ကို ကူးစက်ခဲ့ပြီး သေဆုံးသူ ၁၆၇ ဦး၊ ဒဏ်ရာရသူ ၂၂၃ ဦး၊ အိမ်ထောင်စုပေါင်း ၁၆၉၈၀၊ လူဦးရေ ၁၁၁,၀၀၀ ဦး အိုးမဲ့ အိမ်မဲ့ ဖြစ်ပြီး အိုးအိမ်နှင့် အဆောက်အအုံ ၁၀၁၀၀ လုံး ပျက်စီးခဲ့ရသည်။

ရခိုင်ပြည်နယ် တစ်ခုလုံးနီးပါး ဖြစ်ပွားသဖြင့် ပုဒ်မ ၁၄၄ ထုတ်ပြန်ထားရသည် အထိ နှစ်ကြိမ်ခန့်ဖြစ်ပွားခဲ့သော ပြင်းထန်သည့် ရခိုင်ပြည်နယ် ပဋိပက္ခများ ပြန်လည်တည်ငြိမ်စ ပြုလာချိန်တွင် ၂၀၁၃ ဖေဖော်ဝါရီ ၁၈ ရက်နေ့က သကေတမြို့နယ် အမှတ် (၃) ရပ်ကွက် မာန်ပြေ ၁၈ လမ်းနှင့် ၁၉ လမ်း အနောက်ဘက်ခြမ်းရှိ အစ္စလာမ်ဘာသာ ရေး စာသင်ကျောင်း ပြန်လည်ပြင်ဆင်မှု မှ ဘာသာရေးအသွင်ဆောင် ပဋိပက္ခ အဖြစ်သို့ ဦးတည်လာသော်လည်း ပြန် လည် ထိန်းသိမ်းလိုက်နိုင်သဖြင့် ပြင်းထန်သည့် ပဋိပက္ခဖြစ်ပွားသည့် အဆင့်သို့ မရောက်ခဲ့ပေ။

သို့သော် သာကေတပဋိပက္ခ အပြီး တစ်ပတ်ခန့်အကြာ ဖေဖော်ဝါရီလ ၂၈ ရက်နေ့တွင် လှိုင်သာယာမြို့နယ် အမှတ် ၁ ရပ်ကွက် ဦးဥတ္တမလမ်းတွင် တရားခွေ ဖွင့်ရာမှ အစပြုကာ အစ္စလာမ်ဘာသာဝင် များနှင့်ပဋိပက္ခ ဖြစ်ပွားခဲ့ပြီး ရာချီသောလူအုပ်ကြီးသည် တုတ်၊ ဓား လက်နက်များကိုင်ဆောင်ကာ နေအိမ် အဆောက်အအုံများ ဖျက်ဆီးခဲ့သည့် အတွက် အထွေထွေအုပ်ချုပ်ရေး ဦးစီးဌာန က ပုဒ်မ၁၄၄ ဒေသန္တရအမိန့် ထုတ်ပြန်ခဲ့ပြီး ယခုအချိန်ထိ ပြန်လည်ရုပ်သိမ်းနိုင်ခြင်း မရှိသေးပေ။

တငွေ့ငွေ့တောက်လောင် နေဆဲ ဖြစ်သည့် လှိုင်သာယာပဋိပက္ခနှင့် ရက်ပေါင်း ၂၀ ခန့်အကြာတွင် ယခု မိတ္ထီလာပဋိပက္ခမှာ လေးကြိမ်မြောက် ဖြစ်ပွားသည့် ဘာသာရေးအသွင်ဆောင် သော ပဋိပက္ခဖြစ်သည်။သို့ကြောင့် ဘာသာရေးအဓိကရုဏ်း တစ်ရပ် ဖြစ်ပေါ်လာစေရန် ဖန်တီးနေခြင်း လောဟု မေးခွန်းထုတ်မှုများ လူထုအကြား ထွက်ပေါ်လာတော့သည်။

"အကြမ်းဖက်မှုများသည် သမားရိုးကျ ဖြစ်ရပ်များမဟုတ်ဘဲ ကြားလူတစ်စုက အမြတ်ထုတ်ရန် ပြုလုပ်နေသည်ဟု ယူဆရပြီး အစိုးရက တားမြစ်နိုင်သည့် ကိစ္စများတွင် နှောင့်နှေးနေမှုကြောင့် ..."

ယခုဖြစ်ပေါ်လျက်ရှိသော မတည် ငြိမ်မှု များသည် နိုင်ငံမတည်ငြိမ်ရန် အတွက် ဆူပူလှုံ့ဆော်မှုများ ပြုလုပ်ကာ အစိုးရကို အကျပ်တွေ့စေပြီး ဘာသာရေး ကို ခုတုံးလုပ်ခြင်း ဖြစ်ကြောင်း ဘာသာရေး ခေါင်းဆောင်များက သုံးသပ်ပြောဆို ကြသလို နိုင်ငံရေးသမား များကလည်း အလားတူ သုံးသပ်ကြသည်။

လူမျိုးရေး၊ ဘာသာရေးကို ခုတုံး လုပ်သော ပဋိပက္ခအသွင် ဆောင်အောင် ပြုလုပ်နေခြင်းသည် အသက်အိုးအိမ် စည်းစိမ်ကို ထိခိုက်နိုင်သည့်အတွက် မည်သည့်အကြမ်းဖက်၊ အဖျက်လုပ်ငန်း များတွင်မျှ မပါဝင်ရန် မတ်လ ၂၁ရက် နေ့စွဲဖြင့် ရွှေဝါရောင်သံဃာများ ကွန်ရက်က ကြေညာချက်ထုတ်ပြန်ခဲ့သည်။ ယင်းထုတ်ပြန်မှု မတိုင်မီ မတ်လ ၂၀ ရက်နေ့ ည ၁၀ နာရီ ခန့်က ၈၈ မျိုးဆက် ကျောင်းသားခေါင်းဆောင် ဦးမင်းကိုနိုင်က လူမျိုးရေး၊ ဘာသာရေး ခေါင်းစဉ် ပြောင်းတပ်ကာ လူ့အဖွဲ့အစည်းနှစ်ခု အကြမ်းဖက်မည့် ပုံသဏ္ဌာန်ဖြင့် တိုက်ခိုက်နေမှုကို ဒေသဆိုင်ရာ အုပ် ချုပ်ရေးယန္တရား၏ တုံ့ပြန်မှုမှာ သံသယ ဖြစ်ဖွယ် ကောင်းကြောင်း ဝေဖန်လိုက်သည်။
"စစ်အုပ်ချုပ်ရေးကို လက်ယပ် ခေါ်တဲ့ အပြုအမှုမျိုးတော့ လုံးဝခွင့်မပြုနိုင်ဘူး" ဟု ၄င်းက ဆိုသည်။

မိတ္ထီလာတွင် လုံခြုံရေးများသည် ပဋိပက္ခဖြစ်စဉ်တွင် ရပ်ကြည့်ရုံသာ ရပ်ကြည့်နေပြီး ထိန်းသိမ်းမှုမရှိသဖြင့် အကြမ်းဖက်သူများသည် လုံခြုံရေးများ ကြားက တွန်းတိုက်ဝင်ကာ အကြမ်းဖက်မှုများ ပြုလုပ်ခဲ့ကြောင်း မိတ္ထီလာရှိ ၈၈ မျိုးဆက် ကျောင်းသားက တစ်နှစ်ပတ်လုံး ဖွဲ့စည်းထားသော ကွန်ရက်များ ၏ မှတ်တမ်းမှတ်ရာများကို ကိုးကား ကာ ဦးမင်းကိုနိုင်က မတ်လ ၂၁ ရက်နေ့ နံနက်ပိုင်းတွင် မီဒီယာများကို ရှင်းပြသည်။
"ငြိမ်းချမ်းစွာ ဆန္ဒထုတ်ဖော်နေတာ မဟုတ်ဘူး။ အဲဒါကြောင့် အကြမ်းဖက်မယ့် အုပ်စုတွေကို တားရမယ်" ဟု ၄င်းက ဆိုသည်။

လူမှုကွန်ရက် စာမျက်နှာများတွင် သံဃာတော်သေဆုံးသည့် ဓာတ်ပုံများနှင့် သတင်း ဖြန့်ကြသကဲ့သို့ အစ္စလာမ် ဘာသာဝင်ဟု ယူဆရသူများကလည်း ၄င်းတို့လူမျိုးများကို နှိပ်စက်နေကြသည် ဟူသော သတင်းများ အွန်လိုင်းပေါ်တွင် ဖော်ပြထားကြသည်။
အိုလမာ သာသနာ့ပညာရှင်များအဖွဲ့၏ ဒုတိယဥက္ကဋ္ဌ ဦးသိန်းမြင့်က "ကျွန်တော်တို့အဖွဲ့က ဆူပူအောင် လှုံ့ဆော်တဲ့ အထဲမှာ ပါဝင်ပတ်သက်တာ မရှိဘူး။ ကလေကချေတွေ လုပ်တဲ့ အလုပ်၊ မိုက်ရိုင်းတဲ့ အလုပ်မျိုးတွေကို ကျွန်တော်တို့ မနှစ်သက်ဘူး" ဟု ဆိုသည်။

အကြမ်းဖက်မှုများသည် သမားရိုးကျ ဖြစ်ရပ်များမဟုတ်ဘဲ ကြားလူတစ်စုက အမြတ်ထုတ်ရန် ပြုလုပ်နေသည်ဟု ယူဆရပြီး အစိုးရက တားမြစ်နိုင်သည့်ကိစ္စများတွင် နှောင့်နှေးနေမှုကြောင့် အစ္စလာမ်ဘာသာဝင် များက လူမျိုးရေး၊ ဘာသာရေးအရ နှိပ်ကွပ်သည်ဟု ထင်မြင်ယူဆမှုများ ရှိကြောင်း မြန်မာနိုင်ငံလုံးဆိုင်ရာ မော်လဝီဌာနချုပ် (ရန်ကုန်မြို့) အထွေထွေ အတွင်းရေးမှူးချုပ် အမ်အေဦးကျော်စိုး က မှတ်ချက်ပေးသည်။
"အပြန်အလှန် မေတ္တာတရားနဲ့ပဲ ဖြေရှင်းနိုင်မယ်လို့ ထင်တယ်။ ဒီကိစ္စတွေ တစ်နိုင်ငံလုံး ပြန့်သွားမှာကို အရမ်း ကြောက်ရွံ့တုန်လှုပ်နေပါပြီ" ဟု ၄င်းက ဆိုသည်။

သွေးထိုးလှုံဆော်မှုများကို အခြေခံ၍ ဖြစ်ပွားသော ရာဇဝတ်မှုဖြစ်သော်လည်း ရာဇဝတ်မှုကို ရာဇဝတ်မှုအတိုင်းသာ ရှုမြင်ပြီး တရားဥပဒေ စိုးမိုးရေးကို ဝိုင်းဝန်းကူညီရန် လိုအပ်ကြောင်း၊ တရားဥပဒေစိုးမိုးရေးကို ဆောင်ရွက်ရာတွင် တာဝန် ရှိသောပုဂ္ဂိုလ်များ အနေနှင့် ရှင်းရှင်းလင်းလင်း၊ ရဲရဲတင်းတင်း ကိုင်တွယ်ရန် လိုအပ်ကြောင်း မင်းကိုနိုင်က အကြံပေး သည်။

ရခိုင်ပြည်နယ်မှသည် ရန်ကုန်မြို့တော်၊ ယင်းမှသည် မန္တလေးတိုင်း အတွင်း အကြီးဆုံးခရိုင်မြို့ဖြစ်သော မိတ္ထီလာမြို့တွင် ဖြစ်ပွားနေသည့် ဘာသာရေးအသွင်ဆောင် ပဋိပက္ခမှာ ဒီမိုကရေစီစနစ်သို့ အသွင်ကူးပြောင်းဆဲ မြန်မာနိုင်ငံအတွက် စိုးရိမ်ရသည့်အနေအထား ဖြစ်လာပြီး ဘာသာရေးအဖွဲ့အစည်း များသာမက နိုင်ငံရေးအင်အားစုများ အကြားတွင် သံသယစိတ်များ ကိန်းအောင်းလာသည်အထိ အရှိန် မြင့်လာနေသည်။

"လူ့အဖွဲ့အစည်းအတွင်းမှာ ဒဏ်ရာတွေ များလွန်းလို့ အနာကျက်အောင် အသည်းအသန် ကြိုးပမ်းနေရတဲ့ မြန်မာ့လူ့အဖွဲ့အစည်း အတွင်းမှာ နောက်ထပ် ဒဏ်ရာတွေ ထပ်များလာ အောင် ဘာဖြစ်လို့လုပ်နေကြပါလိမ့်။ တရားဥပဒေအရ ဖြေရှင်းလို့ရတဲ့ကိစ္စ မျိုးကို လူအုပ်စုနဲ့ အင်အားသုံးပြီး အကြမ်းဖက်တာမျိုး လုပ်တာဟာ ဒီမိုကရေစီ အခွင့်အရေးမဟုတ်ဘူး ဆိုတာ နားလည် ကြစေချင်ပါတယ်" နိုင်ငံတော် သမ္မတ၏ ပြောရေးဆိုခွင့် ရှိသူ ဦးရဲထွဋ်၏ မှတ်ချက်မှာ မြန်မာ့ သမိုင်း၏ နာကြည်းဖွယ်ဖြစ်ရပ်များကို ပြန်ပြောင်း သတိရစေသည်။

ပြည်သူအများစု၏ စိုးရိမ်မှုမှာ မြန်မာနိုင်ငံ၏ ဒီမိုကရေစီ နုနုမှာ မုန်တိုင်းထန်ထန်အောက်တွင် စတေးမခံရရေး ဖြစ်ပြီး မန္တလေးတိုင်း ဒေသကြီး၏ အကြီးဆုံးခရိုင်မြို့ မိတ္ထီလာ ကိုလည်း နောက်ကြောင်းပြန်လိုသူ များ၏ သားကောင်မဖြစ်ရေး များစွာ အရေးကြီးသည်ဟု နိုင်ငံရေးလေ့လာသူ များကဆိုသည်။

ယင်းအပြင် ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သူ မင်းကိုနိုင် လေးလေးနက်နက် ပြောဆိုလိုက်သည်က "သက်တမ်း နုနယ်လှတဲ့ မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေး ကာလကို ရည်ရွယ်ချက်ရှိရှိနဲ့ ဖန်တီးနေတဲ့ ပဋိပက္ခတွေရဲ့ ချောက်ကမ်းပါးထဲကို အရောက်ခံလို့ မရပါဘူး" ဟူ၏။
(The Voice Weekly သတင်းအဖွဲ့)