ဆာလာယန်းက သတိပေးသံ

ထိုင်းနိုင်ငံ ပြီးလျှင် မြန်မာလုပ်သား အများဆုံး သွားရောက် အလုပ် လုပ်ကိုင်ကြသော မလေးရှားနိုင်ငံ၌ လွန်ခဲ့သည့် ရက်ပိုင်းက ဖြစ်ပွားခဲ့သည့် အုပ်စုဖွဲ့ အကြမ်းဖက်မှုများကြောင့် မြန်မာနိုင်ငံသား ငါးဦး သေဆုံးခဲ့ပြီးနောက် မလေးရှားနိုင်ငံရောက် မြန်မာများ၊ ရွှေ့ပြောင်း လုပ်သားများ၏ ဘဝ လုံခြုံမှုမှာ စိုးရိမ်မှတ်သို့ ရောက်ရှိ လာခဲ့သည်။

ဇွန်လ ၇ ရက်နေ့ နံနက်ပိုင်းကလည်း ကွာလာလမ်ပူမြို့ ဆူဗန်းဂျာယာတွင် မြန်မာနိုင်ငံသား ခြောက်ဦး နေထိုင်သော နေအိမ်ကို အုပ်စုလိုက် ဝင်ရောက် အကြမ်းဖက်မှု ထပ်မံ ဖြစ်ပွားခဲ့ရာ မြန်မာနိုင်ငံသား တစ်ဦး ဓားဒဏ်ရာ ရရှိခဲ့သဖြင့် ကွာလာလမ်ပူ ဆေးရုံ တွင် ဆေးကုသနေရပြီး နှစ်ဦး ပျောက်ဆုံးနေ ကြောင်း ကပုန်း နာရေးကူညီမှုအသင်းမှ တာဝန်ရှိသူ တစ်ဦးက ပြောကြားသည်။

အကြမ်းဖက်မှုများ စတင်ခဲ့သည့် ကွာလာလမ်ပူမြို့ရှိ ဟင်းသီးဟင်းရွက် ရောင်းချသည့် နေရာ ဆာလာယန်းနှင့် အန်းပန်းရွာသစ် အပါအဝင် ဆက်တိုက် ဖြစ်ပွားလာသည့် ယင်း အကြမ်းဖက်မှုများ သည် မြန်မာနိုင်ငံ၏ အရပ်သား အစိုးရသစ် လက်ထက် ပြည်ပရောက် မြန်မာရွှေ့ပြောင်း လုပ်သားများ၏ လုံခြုံရေးနှင့် အကာအကွယ် ပေးရေးကို ဗြောင်ကျကျ စိန်ခေါ်လိုက်ခြင်း ဖြစ်သည်။

“မြန်မာတွေအတွက် လုံခြုံမှု မရှိတော့ဘူး။ အလုပ်သမားတွေ အပြင် မထွက်ရဲကြဘူး”ဟု မလေးရှားနိုင်ငံ ကွာလာလမ်ပူတွင် လုပ်ကိုင်နေသည့် မြန်မာ အလုပ်သမား ဦးအောင်ဘိုက ဖွင့်ဟသည်။

အကြမ်းဖက်မှု ဂယက်များကြောင့် မြန်မာနိုင်ငံသားများ စိုးရိမ် ကြောက်လန့်မှု မြင့်တက်နေသော်လည်း မြန်မာအစိုးရနှင့် မလေးရှား အစိုးရတို့က မြန်မာနိုင်ငံသားများ၏ လုံခြုံရေး အတွက် လုပ်ဆောင်ပေးမှု မရှိကြောင်း အလုပ်သမားများက ဝေဖန်ကြသည်။

မြန်မာနိင်ငံသားများ၏ လုံခြုံရေးနှင့် ပတ်သက်၍ မြန်မာသံအမတ် ဦးတင်လတ်က မလေးရှားနိုင်ငံ နိုင်ငံခြားရေး ဝန်ကြီးဌာန ဇွန်လ ၅ ရက်နေ့တွင် တွေ့ဆုံ ခဲ့ကြောင်း မြန်မာသံရုံးထံမှ သိရှိရသည်။

အကြမ်းဖက်မှု ဂယက်များကြောင့် မြန်မာ အလုပ်သမား အချို့ ပြည်တော်ပြန်ရန် ပြင်ဆင် နေကြပြီပြီး အချို့မှာမူ နိုင်ငံကူးလက်မှတ် မရှိသဖြင့် ပြည်တော်ပြန်ရန် အခက်အခဲ ကြုံတွေ့ နေရကြောင်း မလေးရှားရောက် မြန်မာလုပ်သားများက ပြောကြားသည်။

“မိန်းကလေး ခုနစ်ယောက်က မနေရဲလို့ ပြန်ဖို့ လုပ်နေကြပြီ” ဟု မလေးရှားနိုင်ငံ ဂျိုဟိုးရှိ အလုပ်သမားတစ်ဦး ဖြစ်သူ ဦးရွှေထွန်းက ဇွန်လ ၆ ရက်နေ့က ပြောကြားသည်။ တစ်ယောက်တည်း ဆိုပါက အပြင်မထွက်ရဲ ကြကြောင်း ၎င်းက ထပ်မံပြောဆိုသည်။

မေလ ၃၀ ရက်နေ့က စတင်ခဲ့သည့် အကြမ်းဖက် ခံရမှုများကြောင့် ဇွန်လ ၆ ရက်နေ့တွင် မလေးရှားရောက် မြန်မာ အတိုက်အခံ အုပ်စုများက မလေးရှား ရောက် မြန်မာနိုင်ငံသားများကို တရား ဥပဒေကြောင်း အရ အကာအကွယ်ပေးရန် မလေးရှားနိုင်ငံဆိုင်ရာ မြန်မာ သံရုံးရှေ့တွင် တောင်းဆိုခဲ့ကြသည်။

မြန်မာနိုင်ငံသားများ အကြမ်းဖက်ခံရမှုကို သတင်း အမှောင်ချ ခဲ့သည်ဟုဆိုကာ မလေးရှား နိုင်ငံဆိုင်ရာ မြန်မာသံအမတ်ကိုပါ ရာထူးက နုတ်ထွက်ပေးရန် မြန်မာအတိုက်ခံ အုပ်စုများဖြစ်သော ပြည်ပရောက် ၈၈ မျိုးဆက် ကျောင်းသားအဖွဲ့၊ NLD YOUTH (LA) Malaysia. GSC အထွေထွေ သပိတ်ကော်မတီနှင့် KEPONG နာရေးကူညီမှု အသင်းတို့က တောင်းဆို ခဲ့ကြသည်ကို တွေ့ရှိရသည်။

မြန်မာနိုင်ငံသားများ သေဆုံး၊ ဒဏ်ရာရရှိခဲ့သည့် ယင်းအကြမ်းဖက်မှု ကျူးလွန်သူများကို ချက်ချင်း စုံစမ်း ဖော်ထုတ်၍ ဥပဒေနှင့်အညီ အရေးယူပေးရန်၊ အကြမ်းဖက်မှုများ ထပ်မံ မဖြစ်ပွားရေး အတွက် မြန်မာနိုင်ငံ နိုင်ငံခြားရေး ဝန်ကြီးဌာန ဒုတိယဝန်ကြီး ဦးဇင်ယော်က မြန်မာနိုင်ငံဆိုင်ရာ မလေးရှား သံအမတ်ကို ဇွန်လ ၄ ရက်နေ့တွင် သတိပေးခဲ့သည်။ သတိပေးပြီး တစ်ရက်အကြာ ဇွန်လ ၅ ရက်နေ့တွင် ကွာလာလမ်ပူ မြို့တော်တွင် စစ်ဆင်ရေး တစ်ရပ် အနေဖြင့် ဖမ်းဆီးခဲ့ရာ မြန်မာနိုင်ငံ သား ၁၀၀၀ ကျော် ဖမ်းဆီး ခံခဲ့ရကြောင်း မလေးရှားနိုင်ငံ သတင်းဌာန The Star တွင် ဖော်ပြထားသည်။

ဖမ်းဆီးခံရသူများ အနက် တရားဝင် အထောက်အထား မရှိသူများကို ဖမ်းဆီး အရေးယူမည် ဖြစ်ပြီး မြန်မာနိုင်ငံသို့ ပြန်ပို့ ခံရနိုင်ကြောင်း မလေးရှားရောက် မြန်မာများထံမှ သိရှိရသည်။

အော်ပရာစီခေါ် ယင်းစစ်ဆင်ရေးကြောင့် မလေးရှားနိုင်ငံ ကွာလာလမ်ပူမြို့ရှိ မြန်မာ စားသောက်ဆိုင်များ၊ စီးပွားရေး လုပ်ငန်းများ တည်ရှိသည့် Kota Raya အဆောက်အအုံ၊ အကြမ်းဖက်မှုများ ဖြစ်ပွားခဲ့သည့် ဆာလာယန်း အပါအဝင် မြန်မာ အများစု နေထိုင်သည့် နေရာများတွင်လည်း ဝင်ရောက် စီးနင်းခံခဲ့ရသည်။

မလေးရှားတွင် ဖြစ်ပွားသည့် ဆူပူ အကြမ်းဖက်မှု များသည် ပြည်ပရောက် မြန်မာ အလုပ်သမားများကို ရိုက်ခတ်မှု ရှိခဲ့သည့်အပြင် မြန်မာနိုင်ငံတွင် မလေးရှား အလုပ်သမား ဈေးကွက်ကိုလည်း ရိုက်ခတ်မှု များရှိခဲ့သည်။

“မလေးရှားနိုင်ငံသို့ ထွက်ခွာ ခါနီးမှ မိဘတွေက စိုးရိမ်ပြီး အစီအစဉ်ဖျက်ဖို့ တောင်းဆိုတာရှိတယ်”ဟု ကျောက်တံတား မြို့နယ်ရှိ ပြည်ပ အလုပ်အကိုင် ရှာဖွေရေး အေဂျင်စီ တစ်ခုမှ အုပ်ချုပ်မှု ဒါရိုက်တာ တစ်ဦးက ဆိုသည်။

မလေးရှားနိုင်ငံသို့ အလုပ်သမား စေလွှတ်မည့် နေရာတွင် အလုပ်ရှင်က လုံခြုံရေး အတွက် အာမခံမှသာ စေလွှတ်သွားမည် ဖြစ်ကြောင်း ၎င်းက ထပ်လောင်းပြောဆိုသည်။

ဂျော်ဒန်နိုင်ငံ CMJ အထည်ချုပ် စက်ရုံလုပ်ငန်းတွင် အလုပ် လုပ်ကိုင်နေသည့် ဒေါ်မအိအိကမူ “ထူးထူးခြားခြားတော့ ဘာမှမဖြစ်သေးဘူး။ ဒါပေမဲ့ သတိထားပြီး နေနေကြတယ” ဟု ရှင်းပြသည်။

အကြမ်းဖက်မှုများ ထပ်မံ မဖြစ်ပွားရေးအတွက် မြန်မာအစိုးရက မလေးရှားအစိုးရကို သံတမန် နည်းလမ်းများအရ သတိ ပေးထားသော်လည်း အကြမ်းဖက်မှုများ ထပ်မံ ဖြစ်ပွားလာမှုသည် မလေးရှား အပြင် ပြည်ပရောက် မြန်မာများ၏ လုံခြုံရေး၊ အကာအကွယ် ပေးမှုများမှာ မေးခွန်း ထုတ်စရာ ဖြစ်လာ ခဲ့သည်။ ပြဿနာ ဖြစ်ပွားမှုများတွင် ထိရောက်သည့် သံတမန် နည်းလမ်းများဖြင့် ချက်ချင်း အရေးယူ လုပ်ဆောင်ပေးရန် အဓိကအရေးကြီးသည်။

လျစ်လျူရှု ခံလာရသည့် ပြည်ပရောက် မြန်မာအလုပ်သမားများ အရေးကို အရပ်သား အစိုးရသစ် လက်ထက်တွင် အရေးယူ လုပ်ဆောင်ပေးမှုများ ရှိလာပြီ ဖြစ်သော်လည်း ထိထိရောက်ရောက် ဖြေရှင်း ပေးနိုင်မှုများ အားနည်း နေသေးကြောင်း ပြည်ပရောက် မြန်မာလုပ်သားအရေး ဆောင်ရွက်သူများက ဝေဖန်ကြသည်။ ထိုင်းနိုင်ငံတွင် ဖြစ်ပွားခဲ့သည့် အသက် ၁၂ နှစ်အရွယ် ကရင် တိုင်းရင်းသူ၏ ရေနွေးပူ လောင်း နှိပ်စက်ခံရမှု ကျူးလွန်သူများကို သုံးလကျော် ကြာထိ ဖမ်းဆီးနိုင်ခြင်း မရှိသေးမှုက ယင်းအားနည်းမှုများကို သက်သေ ထူနေသည်။

အိမ်နီးချင်းနိုင်ငံ ဖြစ်သည့် အင်ဒိုနီးရှားနိုင်ငံကမူ အင်ဒိုနီးရှား အိမ်အကူများ မလေးရှားနိုင်ငံတွင် နှိပ်စက် ခံရမှုများကြောင့် စေလွှတ်မှုများ ရပ်ဆိုင်းပြီး အိမ်အကူနှင့် ပတ်သက်သည့် အကာအကွယ်ပေးရေး မူဝါဒများကို တင်းကျပ်၍ အခွင့်အရေးနှင့် လုံခြုံမှုများကို ကာကွယ် ဖြေရှင်းပေးမှု ရှိခဲ့သည်။

အချို့နိုင်ငံများက ဥပဒေများ ပြဋ္ဌာန်း၍ အကာအကွယ်ပေးသည်။

ဖိလစ်ပိုင်နိုင်ငံကမူ ရွှေ့ပြောင်း လုပ်သားများအတွက် ဥပဒေတစ်ရပ် ထုတ်ပြန်၍ အကာအကွယ် ပေးထားပြီး မူဝါဒပိုင်း ဆိုင်ရာ သတ်မှတ်ချက်များ၊ သတ်မှတ်ချက် မမီသည့် နိုင်ငံများကို လုပ်သား စေလွှတ်မှု တားမြစ်ချက်၊ တရားမဝင် လုပ်သားခေါ်ယူမှု၊ အရေးယူ အပြစ်ပေးမှုများ အပါအဝင် အခွင့်အရေး အကာအကွယ်ပေးသည့် အချက်များစွာ ထည့်သွင်းကာ ၁၉၉၅ ခုနှစ် က စတင် ပြဋ္ဌာန်းကာ အကာအကွယ် ပေးထားသည်။

မြန်မာနိုင်ငံတွင် ရွှေ့ပြောင်း အလုပ်သမားများအတွက် ဥပဒေတစ်ရပ် အမြန်ဆုံး ပေါ်ထွက်လာရန် ကြိုးပမ်း လုပ်ဆောင်နေဆဲသာ ရှိနေသေးသည်။

ပြုပြင် ပြောင်းလဲမှုများကြောင့် ကမ္ဘာ့ ထိပ်တန်းနိုင်ငံများကပါ အသိအမှတ် ပြုခံလာရသည့် မြန်မာနိုင်ငံ အစိုးရအတွက် မလေးရှားနိုင်ငံ ဆာလာယန်းက စတင်ခဲ့သည့် အကြမ်းဖက်မှုများမှာ အစိုးရ တရားဝင် စာရင်းအရ လေးသန်းကျော်ရှိသည့် ပြည်ပရောက် မြန်မာ ရွှေ့ပြောင်းအလုပ်သမားများ၏ ဘဝ လုံခြုံရေးအတွက် ထပ်ဆင့် သတိပေးလိုက်ခြင်း ဖြစ်သည်။
အောင်မြင့်ထွန်း
The Voice Weekly

လူနာတစ်ဦး ရန်ကုန်ဆေးရုံကြီး သန့်စင်ခန်း ပြတင်းပေါက်မှ ခုန်ချသေဆုံး

ရန်ကုန်၊ ဇွန် ၈
မြန်မာနိုင်ငံတွင် သက်တမ်းအရှည်ကြာဆုံး ဆေးရုံဖြစ်သည့် ရန်ကုန်ပြည်သူ့ ဆေးရုံကြီး ခွဲစိတ်ကုသဆောင် (၁၃/၁၄) လေးလွှာသန့်စင်ခန်း ပြတင်းပေါက်မှ အသက် ၃၈ နှစ်အရွယ်ရှိ အမျိုးသားလူနာ တစ်ဦး ခုန်ချသေဆုံးမှု ဇွန်လ ၈ ရက် ညနေ ၃ နာရီ မိနစ် ၃၀ ခန့်က ဖြစ်ပွားခဲ့ကြောင်း မီးသတ်အရာရှိတစ်ဦးက The Voice သို့ ပြောကြားသည်။

သေဆုံးခဲ့သူသည် ရောဂါဝေဒနာကို မခံစားနိုင်၍ ခုန်ချခဲ့ရာ ရေနုတ်မြောင်း ဘောင်ပေါ်သို့ ပြုတ်ကျသေဆုံးခဲ့ကြောင်း ရန်ကုန်တိုင်း ရဲတပ်ဖွဲ့မှူးရုံး၏ ထုတ်ပြန်ချက်အရ သိရှိရသည်။
ခုန်ချသေဆုံးသည့် အမျိုးသားလူနာ မှာ တွံတေးမြို့နယ် ကျွန်းတော်ရပ်ကွက်တွင် နေထိုင်သူဖြစ်ကြောင်း၊ ရန်ကုန်ဆေးရုံတွင်လွန်ခဲ့သည့် ၁၀ရက်ခန့်က အစာအိမ်
အူလမ်းကြောင်းပိတ် ရောဂါဖြင့် တက်ရောက် ကုသနေသူဖြစ်ကြောင်း၊ ၄င်းသည် ခွဲစိတ် ကုသဆောင်လေးလွှာရှိ သန့်စင်ခန်း (အိမ်သာဟု သုံးထားသည်) ပြတင်းပေါက်မှ ခုန်ချသွားခြင်း ဖြစ်ပြီး ပေ ၄၀ အမြင့်ပေါ်မှ ပြုတ်ကျသော ဒဏ်ရာကြောင့် ညာဘက် ဒူးစုတ်ပြဲ၊ ညာလက်ကောက်ဝတ်စုတ်ပြဲ၊ နောက်ကျောဖူးရောင်ဒဏ်ရာ တို့ဖြင့် သေဆုံးခဲ့ကြောင်း ရန်ကုန်တိုင်းဒေသကြီး မီးသတ်ဦးစီးဌာန ထံမှ သိရှိရသည်။

အဆိုပါ ခုန်ချသေဆုံးမှုနှင့် ပတ်သက်၍ ရန်ကုန် ပြည်သူ့ဆေးရုံအုပ်ကြီးထံ တယ်လီဖုန်းဖြင့် သုံးကြိမ်တိုင်တိုင် ဆက်သွယ်မေးမြန်း သော်လည်း ဖုန်းကိုင်ခြင်းမရှိပေ။

ယင်းသေဆုံးမှုကို သေမှုသေခင်း အမှတ် ၄/၁၃ အမှု ဖွင့်စစ်ဆေးလျက်ရှိ ကြောင်း လသာ မြို့နယ် ရဲစခန်းထံမှ စုံစမ်းသိရှိရသည်။
The Voice Weekly

တရုတ်နဲ့ အမေရီကန် ဆက်ဆံရေး ပုံစံ ပြောင်းမယ်

အပြော သက်သက် မဟုတ်ဘဲ အဓိပါယ် ရှိတဲ့ ပြောကြား ချက်တွေ ဖြစ်

8 ဇွန်လ 2013
ကမ္ဘာ့ အင်အားကြီး နှစ်နိုင်ငံ ဖြစ်တဲ့ အမေရိကန် ပြည်ထောင်စုနဲ့ တရုတ် နိုင်ငံ တို့ရဲ့ ဆက်ဆံရေး ပုံစံ ပြောင်းလဲ ပုံဖေါ်ရေး အတွက် အင်မတန်မှ အရေးကြီး လှတဲ့ နှစ်နိုင်ငံ ထိပ်သီး ဆွေးနွေးပွဲကို အမေရိကန် ပြည်ထောင်စု ကယ်လီဖိုးနီးယားမှာ စတင် နေပြီ ဖြစ်ပါတယ်။

အမေရိကန်ကို ရောက်ရှိ နေတဲ့ တရုတ် သမ္မတ ရှီဂျင်ပင်းနဲ့ သမ္မတ အိုဘားမားတို့ ဆွေးနွေး ကြတာ ဖြစ်ပြီး၊ ဆွေးနွေးပွဲ အစမှာ သမ္မတ အိုဘားမားက နှစ်နိုင်ငံ ဖြစ်စဉ် တွေဟာ ဆက်စပ် မှုတွေ ရှိနေတယ် ဆိုတဲ့ အကြောင်း အလေး အနက် ပြောကြားသွား ပါတယ်။

တရုတ် သမ္မတ ကလည်း နှစ်နိုင်ငံ ဆက်ဆံရေး ပုံစံ သစ်ကို အားသွန် ခွန်စိုက် လုပ်ဆောင် သွားရ မယ်လို့ ပြောကြား ပါတယ်။

သမ္မတ နှစ်ဦးရဲ့ ပြောဆိုချက် တွေဟာ အပြော သက်သက် မဟုတ်ဘဲ အဓိပ္ပါယ် ရှိတဲ့ ပြောကြားချက် မျိုးတွေ ဖြစ်တယ်လို့ အဲဒီမှာ ရှိတဲ့ ဘီဘီစီ သတင်းထောက် က ပြောပါတယ်။

ပရိယာယ်များတဲ့ နှစ်နိုင်ငံ အကြား ဆက်ဆံရေးဟာ ကမ္ဘာကြီး အတွက် အင်မတန်မှ အရေးကြီးတယ် ဆိုတာကို သမ္မတ နှစ်ဦးစလုံးက သိနေကြ တာလည်း ဖြစ်ပါတယ်။
BBC Burmese

စာမေးပွဲ အောင်စာရင်းကြည့်ရင်း ကျောင်းသူတစ်ဦး လဲကျသေဆုံး

Sunday, 09 June 2013
တနသာင်္ရီတိုင်း ဒေသကြီး ထားဝယ်မြို့ ရှိ အ.ထ.က (၁)တွင် ဇွန် ၈ ရက် နံနက်က ထုတ်ပြန်ခဲ့သော တက္ကသိုလ်ဝင်တန်း စာမေးပွဲ အောင်စာရင်းကို လာရောက်ကြည့်ရှုရင်း ကျောင်းသူတစ်ဦး နှလုံးရောဂါကြောင့် လဲကျသေဆုံးခဲ့ကြောင်း သတင်းရရှိသည်။

အဆိုပါ ကျောင်းသူအမည်မှာ မမေမျိုးသူဇာအောင် (၁၆)နှစ်၊ ဦးမျိုးလွင်-ဒေါ်သန်းသန်းအေးတို့ သမီးဖြစ်ပြီး မြို့တွင်းရပ်တွင် နေထိုင်သူဖြစ်ကာ မွေးရာပါ နှလုံးရောဂါ အခံရှိပြီး အ.ထ.က (၁)ထားဝယ်မှ တက္ကသိုလ်ဝင်တန်း စာမေးပွဲ ဖြေဆိုထားသူ တစ်ဦးဖြစ်ကြောင်း သိရသည်။

"မနက်ဖြန် အောင်စာရင်း ထွက်မယ်လို့ပြောတော့ သူကတစ်ညလုံး မအိပ်ဘူး။ သူ့အမေက ရှုံးလည်း ဘာမှမဖြစ်ဘူး။ နောက်တစ်နှစ် ထပ်ဖြေလို့ ရသေးတယ်လို့ စိတ်ပြေအောင် ပြောပါသေးတယ်။ သူကမရဘူး။ အောင်စာရင်းထွက်မယ့် အချိန်ကို တစ်ညလုံး ထိုင်စောင့်နေတာ။ မနက် ၄ နာရီရောက်တော့ သူတစ်ယောက်တည်း အိမ်ကထွက်သွားပြီး အောင်စာရင်း သွားကြည့်တယ်။ ဟိုရောက်တော့ လူတိုးနေတာနဲ့ တာဝန်ကျကို ကြည့်ခိုင်းတော့ ရှုံးတယ်လို ပြောလိုက်တယ်။

ဒါကိုသူက လက်မခံနိုင်ဘဲ သူငယ်ချင်းတွေနဲ့ ထပ်သွားကြည့်တယ်။ အဲဒီမှာ သူငယ်ချင်းတွေ သွားကြည့်နေတုန်း ဆိုင်ကယ်အနားမှာ ရပ်စောင့်နေရင်း လဲကျသွားတာပါ။ ဖြစ်ဖြစ်ချင်းတော့ ခေါ် တာထူးသေးတယ်။

 ဆေးရုံကို ခေါ်သွားရင်း ဆေးရုံအပေါက်ဝ ရောက်တော့ အသက်ထွက်သွားပါတယ်။ လူကလည်း နှလုံးရောဂါနဲ့ဆိုတော့ စိတ်ထိခိုက်ပြီး ဖြစ်သွားတာပေါ့" သေဆုံးသူ၏ အဒေါ်ဖြစ်သူက ပြောပြခဲ့သည်။ ထားဝယ်မြို့တွင် ယင်းကဲ့သို့ သေဆုံးမှုမျိုး မဖြစ်ခဲ့ဖူးကြောင်း သိရသည်။
Eleven Media Group

မြတ်ဗုဒ္ဓ၏ သမီးတော်

တစ်ခေတ်တစ်ခါက သရုပ်ဆောင်အနုပညာလောကတွင် အချစ်၊ အကြမ်း၊ အလွမ်းနှင့် စရိုက်မျိုးစုံ သရုပ်ဆောင်ခဲ့ပြီး ဂီတနယ်ပယ်တွင်လည်း အောင်မြင်သောနေရာတစ်ခု ရယူနိုင်ခဲ့သလို ရုပ်မြင်သံကြား ကြော်ငြာများတွင်လည်း မကြာခဏတွေ့ရလေ့ရှိသည့် အမျိုးသမီးအနုပညာရှင်တစ်ဦး ရှိခဲ့ဖူးပါသည်။ နာရေးကူညီမှုအသင်း(ရန်ကုန်) ဥက္ကဌ ဦးကျော်သူ ရုပ်ရှင်လောကတွင် သရုပ်ဆောင်လုပ်နေစဉ်ကလည်း မင်းသားကျော်သူနှင့်အတူ အတွဲညီစွာ ရုပ်ရှင်နှင့် ဗီဒီယိုဇာတ်လမ်းများကို တွဲဖက်သရုပ်ဆောင်ခဲ့ဖူးသည်။ 

၂ဝဝ၇ ခုနှစ်နောက်ပိုင်း ဦးကျော်သူ အနုပညာလုပ်ငန်းများ ရပ်ဆိုင်းခံရပြီး အနုပညာလောကနှင့် ဝေးကွာ သွားပြီးနောက်ပိုင်း မတွေ့ဆုံဖြစ်တော့ပေ။ ယခုတော့ဖြင့် ထိုအနုပညာသည် မောင်နှမနှစ်ဦး တွေ့ဆုံဖို့ အကြောင်းဖန်လာခဲ့လေပြီ။ သို့သော် ထိုမောင်နှမနှစ်ဦးသည် အနုပညာသည်များ မဟုတ်ကြတော့ပေ။ တစ်ဦးကား ရှင်တော်မြတ်ဗုဒ္ဓ၏ ဗြဟ္မစိုရ်တရားလေးပါးအား လက်ကိုင်ကျင့်သုံးကာ အများပြည်သူတို့၏ နာရေး၊ ကျန်းမာရေး၊ ပညာရေး၊ လူမှုရေးလုပ်ငန်းများကို အားသွန်ခွန်စိုက် ပေးဆပ်နေသော ပရဟိတ သမားတစ်ဦးဖြစ်ပြီး နောက်တစ်ဦးသည်ကား မြတ်ဗုဒ္ဓ၏ ပဋိယတ္တိစာပေများကို လေ့လာသင်ယူနေသလို တစ်ဖက်မှလည်း တရားဓမ္မများကို ကြိုးစားအားထုတ်နေသော ဗုဒ္ဓ၏သမီးတော် (သီလရှင်တစ်ပါး) အဖြစ် ရောက်ရှိနေပြီ ဖြစ်တော့သည်။ သူမသည်ကား အခြားသူမဟုတ် တစ်ချိန်က ရုပ်ရှင်နှင့် ဗွီဒီယို သရုပ် ဆောင်/အဆိုတော် တင့်တင့်ထွန်း (ခ) ဒေါ်နန္ဒမာလာ ပင်ဖြစ်ပါသည်။

၆.၆.၂ဝ၁၃ ရက်နေ့တွင် နာရေးကူညီမှုအသင်း(ရန်ကုန်) ရုံးချုပ်ရှိရာ အမှတ် (၁၃/က) ဗိုလ်မှူးဗ ထူးလမ်း၊ ၄၂ ရပ်ကွက်၊ မြောက်ဒဂုံမြို့နယ်သို့ သီလရှင် ဒေါ်နန္ဒမာလာ နှင့်အတူ မိသားစုဝင်များ ရောက်ရှိ လာခဲ့ပါသည်။ ဒေါ်နန္ဒမာလာသည် ပြည်သူတို့၏ နာရေး၊ ကျန်းမာရေး၊ ပညာရေး၊ သဘာဝဘေး၊ စစ်ဘေး နှင့် လူမှုရေးလုပ်ငန်းများကို ကူညီပေးနေသော နာရေးကူညီမှုအသင်း(ရန်ကုန်)၏ လူမှု အကျိုးပြုလုပ်ငန်း များကို ပိုမိုပေးဆပ်နိုင်ရန်အတွက် မိဘနှစ်ပါးအားရည်စူး၍ အလှူငွေ ၃ဝဝဝဝဝဝိ/- (သိန်းသုံးဆယ်) ကျပ် တိတိအား လာရောက်လှူဒါန်းခဲ့သည်။ လှူဒါန်းမှုအပြီးတွင် ဥက္ကဌ ဦးကျော်သူမှ အသင်း၏ လုပ်ဆောင် ချက်များအား ကိုယ်တိုင်ကိုယ်ကျ လိုက်လံရှင်းပြပြီး သီလရှင် ဒေါ်နန္ဒမာလာမှ လှူဒါန်းမှုအစုစုတို့အား ကျွန်တော်တို့ နာရေးကူညီမှုအသင်း(ရန်ကုန်) Facebook နှင့် Website စာမျက်နှာတို့တွင် အများပြည်သူ မုဒိတာပွားနိုင်ရန် သတင်းတင်လိုပါသည် ဟုခွင့်တောင်းခဲ့ရာ ဒေါ်နန္ဒ မာလာမှ “သီလရှင်အနေနဲ့ အခုလို သတင်းတင်တာ ကြွားဝါသလိုဖြစ်မှာစိုးလို့ မတင်စေချင်ဘူး၊ မသင့်တော်ပါဘူး၊ ဒါပေမယ့် အများသူငါ မုဒိတာပွားနိုင်အောင် တင်ချင်တယ်ဆိုတော့ မတားတော့ပါဘူး၊ သီလရှင်အနေနဲ့ လှူချင်နေတာကြာပြီ ဒါပေမယ့် အကြောင်းမတိုက်ဆိုင်တော့ မလှူဖြစ်ခဲ့ဘူး၊ ဒီကနေ့တော့ အကြောင်းတိုက်ဆိုင်လို့ လှူဖြစ်ခဲ့တယ်၊ သီလရှင်က တစ်ပါးတည်း မိဘတွေကလည်း မရှိတော့ဘူး ဆိုတော့ ဟိုးတုန်းက တွေးမိဖူးတယ်၊ ငါသေရင် ဘယ်သူကများ အသုဘချပေးမလဲလို့ တွေးပူခဲ့မိတယ်။ 

 ဒါပေမယ့် နောက်တော့ ကိုမောင် (ကိုကျော်သူ)တို့ နာရေးအသင်းရှိနေတာပဲ ဘာပူစရာရှိလဲလို့တွေးမိပြီး ဒီအသင်းကြီးက အများပြည်သူကို ကူညီပေးနေတာဆိုတော့ ဒီအသင်းကြီး ရေရှည်တည်တံ့ဖို့အတွက် သီလရှင်အနေနဲ့ လှူဖို့လို မယ်ဆိုတာ ကို တွေးမိတဲ့အတွက် အခုလိုအကြောင်းတိုက်ဆိုင်စွာနဲ့ လာလှူဖြစ်ခဲ့တာပါ” ဟု မိန့်ကြားခဲ့သည်။ ပညာရေးနှင့် ပတ်သက်၍လည်း သီလရှင် ပဋိယတ္တိစာပေများ သင်ဆည်းပူးနေခြင်းအား မေးမြန်းကြည့်ရာ “ပညာရေးအနေနဲ့ ပထမငယ်ဖြေထားပါတယ်၊ သီလရှင်ဝတ်တာ တစ်ဝါရပြီးပါပြီ” ဟု ပကတိ တည်ငြိမ် အေးချမ်းစွာဖြင့် ပြန်လည်ဖြေကြားခဲ့ပါသည်။

ကျွန်တော်တို့သည် ရုပ်ရှင်သရုပ်ဆောင်များ ဇာတ်လမ်း၊ ဇာတ်ကားများထဲတွင် ထိုကဲ့သို့သော သီလရှင်ဝတ်သည့် ဇာတ်ဝင်ခန်းများကို ကြည့်ခဲ့ကြဖူးသော်လည်း ဒေါ်တင့်တင့်ထွန်းအား မြတ်ဗုဒ္ဒ၏ သမီးတော် ဒေါ်နန္ဒမာလာအဖြစ် မြင်တွေ့ရသည်ကား များစွာကွာခြားလှပါသည်။ စကားပြောခြင်း၊ လမ်း လျှောက်ခြင်းမှစ၍ အရာရာအား သတိကပ်ကာ ဗုဒ္ဓအလိုတော်ကျ ကျင့်ကြံနေထိုင်သွားနိုင်ပြီကို သတိထား မိပါတော့သည်။ ထို့ကြောင့် ယခင်အချိန်က အနုပညာလောကတွင် ပြည်သူ တို့အား ပျော်ရွှင်စေရန် အနု ပညာဖြင့် ဖျော်ဖြေပေးခဲ့သော ဒေါ်တင့်တင့်ထွန်းသည် ယခုအခါ ဒေါ်နန္ဒမာလာအဖြစ် မြတ်ဗုဒ္ဓ၏ သမီး တော်ဘဝနှင့် ပဋိပတ္တိစာပေများ လေ့လာလိုက်စားကာ တရားဘာဝနာများ စီးဖြန်းအားထုတ်နေသလို တစ်ဖက်မှလည်း နာရေးကူညီမှုအသင်း(ရန်ကုန်)တွင် အများပြည်သူအတွက် ကူညီပေးဆပ်နိုင်ရန် ဝတ္ထု ငွေကြေးများဖြင့် လှူဒါန်းခဲ့သော အလှူဒါနအား မိဘနှစ်ပါးနှင့်တကွ သံသရာတွင် ကျင်လည်ကြကုန်သာ (၃၁) ဘုံသား ဝေနေယျ သုခိတာ၊ ဒုက္ခိတာအပေါင်းတို့အား အမျှ .. အမျှ .. အမျှ ပေးဝေငှပါ၏။ အားလုံးသော (၃၁) ဘုံသားအပေါင်းတို့ သာဓု .. သာဓု .. သာဓု ခေါ်ဆိုနိုင်ကြပါစေသား။

(၃၁) ဘုံသား ဝေနေယျသတ္တဝါများ အားလုံးအေးချမ်းသာယာ ရှိနိုင်ကြပါစေ။
နာရေးကူညီမှုအသင်း(ရန်ကုန်)
Min Kyaw Khine

အများပြည်သူဝန်ဆောင်မှု မီဒီယာဥပဒေကြမ်း သတင်းစာရှင်းလင်း

ရန်ကုန်မြို့က သတင်းစာ၊ ဂျာနယ်အရောင်းဆိုင်တစ်ခု။ (သြဂုတ်လ ၂၀ ရက်၊ ၂၀၁၃)။

09.06.2013
စစ်အစိုးရလက်ထက် နိုင်ငံပိုင်မီဒီယာတွေကို အသွင်ပြောင်းမယ့် Public Service Media လို့ခေါ်တဲ့ အများပြည်သူဝန်ဆောင်မှု မီဒီယာဆိုင်ရာ ဥပဒေတရပ်ထုတ်ပြန်ဖို့  ပြန်ကြားရေးဝန်ကြီးဌာန က ရေးဆွဲလိုက်တဲ့ မူကြမ်းကို မြန်မာ့မီဒီယာအသိုင်းအဝိုင်းက ကန့်ကွက်လိုက်ပါတယ်။
အသစ်ချမှတ်မယ့် အများပြည်သူဝန်ဆောင်မှုမီဒီယာနဲ့ ပတ်သက်ပြီး ပြန်ကြားရေးဝန်ကြီးဌာန ဒုဝန်ကြီး ဦးရဲထွဋ်က စနေနေ့က သတင်းစာရှင်းလင်းပွဲ ပြုလုပ်ခဲ့တာဖြစ်ပြီး ဒီရှင်းလင်းပွဲကို ကိုယ်တိုင် တက်ရောက် သတင်းယူခဲ့တဲ့ ဗွီအိုအေ သတင်းထောက် ကိုအောင်ရဲမောင်မောင်က အပြည့်အစုံတင်ပြထားပါတယ်။

ပြန်ကြားရေးဝန်ကြီးဌာနက ထုတ်ပြန်လိုက်တဲ့ ပုံနှိပ်ရေးနဲ့ ထုတ်ဝေရေး ဥပဒေမှုကြမ်းကို မီဒီယာ လောက အသိုင်းအ၀ိုင်းက ကန့်ကွက်လို့ မဆုံးသေးခင်မှာပဲ အများပြည်သူဝန်ဆောင်မှုမီဒီယာဆိုတဲ့ ဥပဒေ ကြမ်းတရပ်ကို ပြန်ကြားရေးဝန်ကြီးဌာနက ချပြလာတာပါ။ လွှတ်တော်ရဲ့ အတည်ပြုချက်နဲ့ ချပေးမယ့် ပြည်သူ့ဘဏ္ဍာငွေတွေထဲကနေ အများပြည်သူ ၀န်ဆောင်မှု မီဒီယာတွေ အတွက် ပြန်ပြီးသုံးမယ် ဆိုတဲ့အချက်ကို ပြည်တွင်း မီဒီယာ အသိုင်းအ၀ိုင်းက လုံးဝလက်မခံဘူး လို့ ပြောလာခဲ့တာဖြစ်ပါတယ်။

ပြန်ကြားရေးဝန်ကြီှးဌာနက ဦးရဲထွဋ်ကတော့ အခုလို အများပြည်သူဝန်ဆောင်မှု မီဒီယာ ဥပဒေတရပ်ကို အကောင်အထည်ဖော်နိုင်အောင် ပြင်ဆင်ရတာ ဟာ ပြည်သူတွေအားလုံးအတွက် မျှမျှတတဖြစ်စေတဲ့ မီဒီယာ လုပ်ငန်းတွေ ဖြစ်လာစေဖို့နဲ့၊ ပုဂ္ဂလိကပိုင်မီဒီယာတွေ မလုပ်နိုင်တဲ့ အခန်းကဏ္ဍတွေမှာ ၀င်ပြီးလုပ်ကိုင်နိုင်အောင် ပြုလုပ်တာလို့ ပြောပါတယ်။

“ဒီကနေ့ အသွင်ကူးပြောင်းတဲ့နိုင်ငံတွေ market globalization လုပ်တဲ့နိုင်ငံတွေမှာ မီဒီယာကို တဖြည်းဖြည်းချင်း ချုပ်ကိုင်လာကြတာပါ။ ဥပမာ ဒီကနေ့ Rupert Murdoch ဆိုရင် သူ ချုပ်ကိုင်တာများလွန်းတော့ အင်္ဂလန်မှာ ပြစ်မှုဆိုင်ရာ ပြဿနာတွေဖြစ်လာတယ်။ ဆိုတော့ သူတို့တောင်မှ ပြန်ပြီးတော့ မီဒီယာ monopoly ကို ဘယ်လိုပြန်ထိန်းရမလဲ ဆိုပြီး ဆောင်ရွက်လာရတဲ့သဘော ရှိနေတယ်။ နောက်တစ်ခုက ကျနော်တို့က လွတ်လပ်စွာ စာနယ်ဇင်း ထုတ်ဝေခွင့်ကို ကျနော်တို့က ထိန်းချုပ်တာ မဟုတ်ပါဘူး။”

အများပြည်သူဝန်ဆောင်မှု မီဒီယာတွေကြောင့် ပုဂ္ဂလိက မီဒီယာတွေပေါ်မှာပြောခွင့်မရှိတဲ့ လူတွေ ပြောခွင့်ရလာနိုင်သလို၊ တိုင်းရင်းသားဘာသာစကားတွေနဲ့ ထုတ်လွှင့်တဲ့ မီဒီယာတွေ ဖြစ်ဖို့ကိုလည်း ဒီ ဥပဒေနဲ့ ခိုင်ခိုင်မာမာ အကာအကွယ်ပေးထားတယ်လို့လည်း ဦးရဲထွဋ်က ပြောပါတယ်။

ပြည်တွင်းက ထိပ်တန်းမီဒီယာကြီးတစ်ခုဖြစ်တဲ့ Eleven media group ကတော့ ဒီဥပဒေ ပြဌာန်းတာဟာ စာနယ်ဇင်းသမားတွေရဲ့ အခွင့်အရေးတွေကို ကန့်ကွက်ပိတ်ပင်တာဖြစ်တယ်လို့ ရှုမြင်ပြီး၊ အများပြည်သူ ၀န်ဆောင်မှုမီဒီယာ ဥပဒေကိုလည်း ကန့်ကွက်တယ်လို့ပြောပါတယ်။ Eleven Media Group က ထုတ်ဝေနေတဲ့ Daily Eleven နေ့စဉ်သတင်းစာရဲ့ အယ်ဒီတာချုပ် ဦးဝေဖြိုး ကတော့ အခုလို ပြောပါတယ်။

“ဘာကြောင့်လဲဆိုတော့ PSM ရဲ့ ရပ်တည်မှုက စောနကပြောတဲ့ဥပဒေထဲမှာ ပါဝင်တဲ့အချက်တွေမှာ၊ PSM ကို အကာအကွယ်ပေးထားတဲ့ အချက်တွေသာ ပါဝင်ပြီးတော့ တိကျတဲ့ပြဌာန်းချက်မရှိပါဘူး။ ကျင့်ဝတ်နဲ့ထိန်းသိမ်းထားတာ တခုတည်းပဲ ရှိတာပါ။ ကျနော်တို့ အားလုံးမှာတော့ အခုထိ ဒီလို ပြစ်မှုပြစ်ဒဏ်တွေ ရှိနေဆဲပါပဲ။ ဒါက တစ်ချက်ပါ။”

နိုင်ငံတကာနဲ့ အနောက်ဥရောပ နိုင်ငံတွေရဲ့ ရုပ်သံလွှင့် မီဒီယာတွေမှာ အများပြည်သူ ၀န်ဆောင်မှုမီဒီယာ လုပ်ငန်းတွေကို ကျင့်သုံးတာတွေရှိပေမဲ့၊ ပုံနှိပ်သတင်းစာလုပ်ငန်းတွေမှာတော့ အများပြည်သူဝန်ဆောင်မှု မီဒီယာကို သိပ်မတွေ့ရဘူးလို့ မြန်မာနိုင်ငံ သတင်းစာဆရာအသင်း ဒုဥက္ကဋ္ဌလည်းဖြစ်၊ မြန်မာနိုင်ငံ သတင်းမီဒီယာကောင်စီ ရဲ့ ပြောခွင့်ရှိသူလည်းဖြစ်တဲ့ ဦးသီဟစောက ပြောပါတယ်။

“အဓိက ကတော့ public service media မှာ public service broadcast နဲ့ public service newspaper ပေါ့နော်။ public service broadscast ဆိုတာကတော့ နိုင်ငံတကာမှာလည်း ကျင့်သုံးကြတယ်။ အဲဒီအပိုင်းကိုတော့ ကျနော်တို့ လက်ခံလို့ရတယ်။ public service newspaper ကတော့ တကမ္ဘာလုံးမှာ မရှိသလောက် နည်းတယ်ပေါ့နော်။ ဘာဖြစ်လို့ ဒီမှာလုပ်လဲ။ လုပ်စရာမလိုဘူးဆိုတဲ့သဘော ကျနော်တို့ ပြောတယ်။”

လက်ရှိအချိန်မှာ အရင် စစ်အစိုးရ လက်ထက်တွေတုန်း က ပြည်သူပိုင် သိမ်းထားတဲ့ ကြေမုံနဲ့ မြန်မာ့အလင်း သတင်းစာတွေကို အများပြည်သူ ၀န်ဆောင်မှု သတင်းစာတွေအဖြစ် ပြောင်းလဲတာကို လက်မခံသလို၊ ဒီသတင်းစာတွေဟာ အရင် စစ်အစိုးရလက်ထက်တွေမှာ ရှေ့က ပြေးပြီး သားဖြစ်နေတဲ့အတွက် အစိုးရပိုက်ဆံနဲ့ ထပ်ပေါင်းပြီး စီးပွားရေးလုပ်တဲ့အခါမှာ အခုလက်တလော ထုတ်ဝေခွင့်ပေးထားတဲ့ ပုဂ္ဂလိကပိုင် မီဒီယာတွေက သတင်းစာတွေကို နှိပ်ကွပ်ရာကျတယ်လို့လည်း ပြည်တွင်း မီဒီယာ အသိုင်းအ၀ိုင်းက မှတ်ချက်ပြုပြောဆိုပါတယ်။

ပြန်ကြားရေး ပြည်ထောင်စုဝန်ကြီးဟောင်း ဦးကျော်ဆန်း လက်ထဲကနေ ပြန်ကြားရေးဝန်ကြီး တာဝန်ယူခဲ့တဲ့ ဦးအောင်ကြည် လက်ထဲမှာပဲ ပြန်ကြားရေးက ရေးဆွဲလာတဲ့ ဥပဒေမူကြမ်းတွေဟာ လက်တွေ့ အလုပ်လုပ်နေတဲ့ သတင်းမီဒီယာသမားတွေနဲ့ ထိပ်တိုက်တွေ့ဆုံနေတာဟာ အခုတစ်ကြိမ်ဟာဆိုရင် ဒုတိယ အကြိမ်ရှိလာပါပြီ။ လက်ရှိအချိန်မှာ ပြန်ကြားရေးက ပုံနှိပ်ထုတ်ဝေ ဥပဒေမူကြမ်းကို လွှတ်တော်မှာ တင်ပြထားပြီး ဖြစ်သလို အခု အများပြည်သူဝန်ဆောင်မှုဆိုင်ရာ ဥပဒေကိုလည်း လွှတ်တော်ထဲမှာ တင်ပြဖို့ကြိုးစားနေတာပါ။

မကြာခင်မှာ အခြားဥပဒေ သုံးခု ဖြစ်တဲ့ စာကြည့်တိုက်ဥပဒေ၊ ရုပ်သံလွှင့်ဥပဒေနဲ့ ရုပ်ရှင်လုပ်ငန်း ဥပဒေတွေကိုလည်း ပြန်ကြားရေး က ရေးဆွဲဦးမှာ ဖြစ်ပါတယ်။
အောင်ရဲ မောင်မောင်
VOA Burmese

မျက်စိမခွဲစိတ်မီ စစ်ဆေးရာတွင် တစ်ခြားရောဂါထက် ဘီပိုး၊ စီပိုးကို ပို၍ အတွေ့များ

8.6.2013
သီတဂူရွှေပြည်ပိာန်းစက္ခုဒါနဆေးရုံတွင် မျက်စိများ မခွဲခင်ဆေးစစ်ရာတွင် တစ်ခြားရောဂါထက် ဘီပိုး၊ စီပိုးကို ပို၍အတွေ့များကြောင်း ရွှေပြည်ဟိန်း ဆရာတော် ပိဋကတစ်ပုံခွဲဆောင် အရှင်ခေမာ သိရီလင်္ကာရက မိန့်ကြား တော်မူခဲ့သည်။

သီတဂူရွှေပြည်ပိာန်းစက္ခုဒါနဆေးရုံတွင် မျက်စိမခွဲမီ ဆေးစစ်ကြရပြီး ဆေးစစ်ရလဒ်မှ ထွက်ပေါ်လာသော ဘီပိုး၊ စီပိုးဝေဒနာ ရှင်များကို သီးသန့်ခွဲစိတ်ကုသပေးနေကြောင်း သိရသည်။ ထို့ပြင် ဝေဒနာ ရှင်များအ တွက် အဆင်ပြေရန် ဆေးစစ်ချက်မအောင်သူများကို ၎င်းတို့ ရောဂါနှင့် သက်ဆိုင်သော ဆေးရုံ၊ ဆေးခန်း များဖြင့် ချိတ်ဆက်၍ ကူညီဆောင်ရွက်ပေးကြောင်း ဆရာတော်၏ မိန့်ကြားချက်အရ သိရသည်။

(၂၀၀၄)ခုနှစ်၊ နိုဝင်ဘာလ (၂၈)ရက်တွင် စတင်ဖွင့်လှစ်ခဲ့သော သီတဂူ ရွှေပြည်ပိာန်းစက္ခုဒါနဆေးရုံတွင် အထွေထွေရောဂါ၊ E.C.G ရိုက်ကူးခြင်းနှင့် ဆီးချို၊ သွေးချိူစစ်ဆေးခြင်း၊ နား၊ နှာခေါင်း၊ လည်ချောင်း၊ ကလေးရောဂါ၊ သွားရောဂါ၊ အရေပြားရောဂါ၊ အမျိုးသမီးရောဂါ၊ မျက်စိအပါအ၀င် အပ်စိုက်
ကုသခြင်းများကို ဆောင်ရွက်ပေးနေပြီးလူနာပေါင်း လေးသိန်းခြောက်သောင်း
ကျော်ကို ကုသပေးခဲ့ပြီးဖြစ်ကြောင်း သိရသည်။ 
SkyNet TV Browser

မလေးရှားနိုင်ငံမှာ နောက်ထပ်မြန်မာ ၃ ဦး သတ်ဖြတ်ခံရ

ဓါတ်ပုံ - The Kuala Lumpur Post

Sunday, June 9, 2013
အကြမ်းဖက် သတ်ဖြတ်မှုတွေ ဖြစ်ပွားနေတဲ့ မလေးရှားနိုင်ငံမှာ မနေ့ကနဲ့ ဒီကနေ့တွေမှာ မြန်မာနိုင်ငံသား ၃ ဦး ထပ်မံသတ်ဖြတ်ခံရတယ်လို့ သိရပါတယ်။

မနေ့ကတော့ ကလန်းအူတာမ Kalng Utama ဆိုတဲ့မြို့က အမှိုက်ပုံမှာ မြန်မာတစ်ဦးရဲ့ အလောင်းကို တွေ့ရှိခဲ့တာဖြစ်ပါတယ်။ ဒီကနေ့မှာတော့ ပြီးခဲ့တဲ့ဇွန်လ ၃ ရက်နေ့က ကရင်လူမျိုး ၄ ဦး ဈေးထွက်ဝယ်ရာမှ လူအုပ်စုတစ်စုက ဝိုင်းဝန်းတိုက်ခိုက်လို့ အရေးပေါ်တင်ခဲ့ရတဲ့ ၂ ဦးထဲက တစ်ဦးသေဆုံးသွားတာဖြစ်ပါတယ်။

မနေ့က သေဆုံးသူရဲ့အလောင်းကို ဒီကနေ့သွားကြည့်ဖို့ ခွင့်တောင်းတာမှာ ရဲတပ်ဖွဲ့နားရက်ဖြစ်တာကြောင့် ကြည့်ရှုခွင့်မရခဲ့ကြောင်းနဲ့ ဒီကနေ့နေ့လည်မှာ သေဆုံးသွားတဲ့ ကရင်လူမျိုးတစ်ဦး အကြောင်းတို့ကိုတော့ ကမ်ပုန်း နာရေးကူညီမှုအသင်း ဥက္ကဌ ကိုဆန်းဝင်းက အခုလိုပြောပါတယ်။

“အခုက အမည်မသိသူတစ်ယောက် အသတ်ခံရတယ်၊ ကလန်းအူတာမ အမှိုက်ပုံနားမှာ လွှင့်ပစ်ထားတယ်၊ ပုဆိုးနဲ့ ကိုယ်တုံးလုံးကြီးနဲ့၊ ရဲကသွားကြည့်တဲ့အခါမှာ ညာဘက်လည်ပင်းမှာ ဓားနဲ့လှီးထားတာတွေ့တယ်၊ မနေ့ကမနက်မှ သူတို့က အလောင်းကိုတွေ့တယ်၊ ကရင်ခရစ်ယာန်လူမျိုး ၄ ယောက် ဈေးလာဝယ်ရင်းနဲ့ ဝိုင်းဝန်းအခုတ်ခံရ၊ အရိုက်ခံရတယ်၊ အထုခံရတယ်၊ အဲဒီထဲမှာ ၂ ယောက်က အရေးပေါ်ဆေးရုံတင်ထားရတယ်၊ တင်တဲ့အထဲမှာ ဒီနေ့နေ့ခင်း ၁ နာရီက ၁ ယောက် သေဆုံးသွားတယ်"

နောက်တစ်ဦးကတော့ Kuantan ကွန်တင်းမြို့မှာ ဓါးနဲ့ အခုတ်သတ်ခံရပြီး သေဆုံးနေတာကို ရဲကတွေ့ရှိခဲ့ကြောင်း ဒီကနေ့ မလေးရှားနိုင်ငံကလာတဲ့ သတင်းတွေမှာ ဖော်ပြပါရှိပါတယ်။ အလားတူ မနေ့ကလည်း Songui Besi ဆွန်ဂိုင်းဘတ်ဆီဒေသမှာ အိပ်ပျော်နေတဲ့ မြန်မာပြည်သားတွေအိမ်ကို spray နဲ့ဖျန်းပြီး မနေနိုင်လို့ တံခါးဖွင့်ထွက်လာတော့မှ လူအုပ်စုတွေက ဓါးနဲ့ဝိုင်းခုတ်တာဖြစ်တဲ့အတွက် ၂ ဦးပျောက်ဆုံးနေပြီး ရခိုင်အမျိုးသား အသက် ၂၃ နှစ်အရွယ် ကိုခင်မောင်ဝင်း ဆိုသူကိုတော့ အရေးပေါ်ဆေးရုံတင်ထားရတယ်လို့လည်း ကိုဆန်းဝင်းက ပြောပါတယ်။

"မနေ့ကမနက် ၃ နာရီခွဲကဖြစ်တယ်၊ သူတို့ညဘက်မှာအိပ်နေတယ်၊ ရခိုင်လူမျိုး ၆ ယောက်၊ အိမ်အဟောင်းလေးမှာ ငှားနေကြတယ်၊ သူငယ်ချင်းတွေစုနေတယ်၊ သူတို့က ဒီကြေးပိုက်စက်ရုံမှာ အလုပ်လုပ်တယ်ပေါ့လေ၊ အိမ်မှာအပေါက်ကလေးတွေရှိတယ်၊ အပေါက်ကလေးတွေကနေပြီးတော့ spray တွေ မှုတ်တယ်၊ မှုတ်တော့ သူတို့မခံနိုင်လို့ အိမ်တံခါးတွေဖွင့်တဲ့အခါ ဓားနဲ့ချည်းခုတ်တာ၊ ဓားနဲ့ခုတ်တော့ ကိုခင်မောင်ဝင်းက မမြင်မကန်းနဲ့ တွေ့တဲ့ဓားကို ဆွဲပြီးတော့ ပြန်ခုတ်တယ်၊ ကျန်တဲ့လူတွေက ထွက်ပြေးတယ်၊ ၂ ယောက်ပျောက်နေတယ်၊ သေလားရှင်လားမသိဘူး”

ကွာလာလမ်ပူ ဆေးရုံကြီးမှာတင်ထားတဲ့ ကိုခင်မောင်ဝင်းဟာ ဓါးနဲ့အခုတ်ခံထားရလို့ လက်အကြောတွေပြတ်နေတယ်လို့လည်း သူကပြောပါတယ်။ မေလ ၃ဝ ရက်နေ့ကတည်းကစလို့ ဖြစ်ပွားခဲ့တဲ့ တိုက်ခိုက်မှုတွေကြောင့် အခုဆိုရင် မြန်မာနိုင်ငံသား အနည်းဆုံး ၆ ဦးသေဆုံးခဲ့ပြီးပြီလို့လည်း သိရပါတယ်။
RFA Burmese

ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာ ညီလာခံကျင်းပ

ရန်ကုန်၊ ဇွန် ၈။
နိုင်ငံလုံးဆိုင်ရာ ပညာရေးကွန်ရက်မှ ဦးစီး၍ မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင် ရာညီလာခံကို ရန်ကုန်မြို့၊ မရမ်းကုန်းမြို့နယ်ရှိ မျက်မမြင်ကျောင်း(ခ၀ဲခြံ)တွင် ဇွန်လ (၈)ရက်မှ (၉)ရက်နေ့အထိ ကျင်းပပြုလုပ်သွားမည်ဖြစ်ကြောင်း သိရသည်။
မြန်မာ့ခေတ်
ဓာတ်ပုံ - သီဟ

 

နိုင်ငံမတိုးတက်ရခြင်းမှာ ပညာရေးစနစ် မှားယွင်းခြင်းနှင့် တရားဥပဒေစိုးမိုးမှု မရှိခြင်းကြောင့်ဟုဆို

ရန်ကုန်၊ ဇွန် ၈။
မတိုးတက်သည့် နိုင်ငံတစ်နိုင်ငံတွင် မတိုးတက်ရသည့် အကြောင်းအရင်းများစွာ ရှိသည့်အနက်
အဓိကအကြောင်းအရင်းများမှာ ပညာရေး စနစ် မှားယွင်းခြင်းနှင့် တရားဥပဒေစိုးမိုးမှု
မရှိခြင်းကြောင့် ဖြစ်သည်ဟု မရမ်းကုန်မြို့နယ်ရှိ မျက်မမြင်ကျောင်းတွင် ယနေ့ ကျင်းပပြုလုပ်သော
နိုင်ငံလုံးဆိုင်ရာ ပညာရေးညီလာခံ၌ ဒေါက်တာ အရှင်ဓမ္မပီယက မိန့်ကြားသည်။

ယင်းညီလာခံတွင် ဘာသာရေး အဖွဲ့အစည်းများမှ ဖွင့်လှစ်ထားသော ကျောင်းများ၊ အစိုးရမဟုတ်သော အဖွဲ့အစည်းများမှ ဖွင့်လှစ်ထားသော ကျောင်းများ၊ စစ်ပြေးဒုက္ခသည်ကလေးများနှင့်
ရွှေ့ပြောင်းကလေးများ၏ ပညာရေး၊ ရှေးဦးသင်ပညာရေး၊ တိုင်းရင်းသားဘာသာစကား သင်
ကြားသည့်ပညာရေး၊ အထူးလိုအပ်ချက်ရှိသော ကလေးများ၏ ပညာရေး၊ ဘုန်းတော်ကြီးသင် ပညာရေး၊ ကျောင်းပြင်ပ ပညာရေး၊ ဆရာ/ဆ ရာမများ၏ ကဏ္ဍ၊ မသင်မနေရ အခြေခံပညာရေး၊
အခြေခံအထက်တန်းပညာရေး၊ အဆင့်မြင့်ပညာရေး၊ ပုဂ္ဂလိကကျောင်းများနှင့် ပုဂ္ဂလိက
တက္ကသိုလ်ပညာရေးစသည်ဖြင့် အဖွဲ့ ၁၃ဖွဲ့ခွဲကာ ဝိုင်းဝန်းဆွေးနွေးခဲ့ကြပြီး လူဦးရေ
၂၀၀၀ကျော်ခန့်တက်ရောက်ကြောင်း သိရသည်။

“ဒီကနေ့ မြန်မာနိုင်ငံမှာ ကျင့်သုံးနေတဲ့ ပညာရေးစနစ်ဟာ အလွတ်ကျက်တဲ့ ပညာရေးစနစ် ဖြစ်နေတဲ့အတွက် ကျောင်းသား၊ ကျောင်းသူ တွေဟာ စာသင်ချိန်တွေ များပေမယ့်လည်း စာမတက်ကြတာ ဖြစ်တယ်” ဟု ဆက်လက် မိန့်ကြားသည်။

ထို့အတွက် ကျောင်းသင်ခန်းစာများတွင် သင်ကြားပေးနေသည့် သင်ခန်းစာများကို အလွတ်ကျက်သည့်နည်းကို နည်းနိုင်သမျှ နည်းအောင် သင်ကြားကြရမည်ဖြစ်ပြီး Critical thinking ဟု ခေါ်တဲ့
စဉ်းစားတွေးခေါ်နိုင်စွမ်းကို ခေတ်ပေါ်နည်းစနစ်များ သုံးကာ သင်ကြားပေးမည် ဆိုပါ က စာတက်မြောက်မည့် ကျောင်းသားဦးရေ ပိုများလာမည်ဖြစ်ကြောင်း ဒေါက်တာ အရှင်ဓမ္မပီယက လက်ရှိ
မြန်မာပြည်ပညာရေးနှင့် ပတ် သက်၍ သုံးသပ်မိန့်ကြားသည်။

“မြန်မာနိုင်ငံမှာက ပြုပြင်ပြောင်းလဲမှု မလုပ်တာ တော်တော်ကြာခဲ့ပြီ။ ခု လုပ်မယ်ဆိုရင်တော့ အားစိုက်ထုတ်ဖို့ လိုလိမ့်မယ်” ဟု ပညာရေး လောကတွင် နှစ်ပေါင်းလေးဆယ်ကျော်ကြာ ကျင်လည်ခဲ့သူ ဆရာကြီး နိုင်ငွေသိမ်းက ပြောကြားသည်။

ယနေ့ ကျင်းပပြုလုပ်သည့် ညီလာခံကို ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာ ကွန်ယက်က ကြီးမှူးကျင်းပခဲ့ခြင်း ဖြစ်ပြီး ယင်း မတိုင်မီ တိုင်းနှင့်ပြည်နယ် အသီးသီးရှိ ဒေသ ၂၅ ခုတွင်
ပညာရေးဆွေးနွေးပွဲများ ပြုလုပ်ခဲ့ပြီး လူဦး ၃၀၀၀ ကျော်ခန့် တက်ရောက်ခဲ့ကြောင်း သိရသည်။
ရည်မွန်
မြန်မာ့ခေတ်

ကျောင်းသားကျောင်းသူအရွယ် လူငယ်များ ဆေးလိပ်နှင့် ကွမ်းစားသုံးမှုနှုန်း မြင့်တက်

ဆေးလိပ်သောက်သုံးနေသည့် အခြေခံပညာ ကျောင်းသားတစ်ဦးအား တွေ့ရစဉ် (ဓာတ်ပုံ - ၀င်းမြင့်ကျော်)

Saturday, 08 June 2013
မြန်မာ ကျောင်းသား ကျောင်းသူအရွယ် လူငယ်များအကြား ဆေးလိပ်နှင့် ကွမ်းစားသုံးမှုနှုန်း မြင့်တက်နေကြောင်း ကျန်းမာရေး ၀န်ကြီးဌာနမှ ထုတ်ပြန်ချက်အရ သိရသည်။

မြန်မာနိုင်ငံရှိ အခြေခံပညာ အလယ်တန်းနှင့် အထက်တန်းကျောင်းသား ကျောင်းသူများ၏ စီးကရက် သောက်သုံးနှုန်းမှာ ၂၀၀၁ ခုနှစ်တွင် ပြုလုပ်ခဲ့သည့် Global Youth Tabacco Survey တွင် ဖော်ပြချက်အရ ၁၀ ဒသမ ၂ ရာခိုင်နှုန်းရှိခဲ့ရာမှ ၂၀၀၇ ခုနှစ်တွင် ၄ ဒသမ ၉ ရာခိုင်နှုန်းသို့ ကျဆင်းသွားခဲ့သည်။ သို့သော် လွန်ခဲ့သည့် ၂၀၁၁ ခုနှစ်တွင် ပြန်လည်ကောက်ခံခဲ့ရာတွင် ၆ ဒသမ ၈ ရာခိုင်နှုန်းသို့ ပြန်လည်မြင့်တက်လာပြီး ဆေးရွက်ကြီးပါသည့် ကွမ်းစားသုံးမှု နှုန်းမှာလည်း မြင့်တက်လျက်ရှိကြောင်း ထုတ်ပြန်ချက်အရ သိရသည်။

ကမ္ဘာ့ကျန်းမာရေးအဖွဲ့၏ ဦးဆောင်မှုဖြင့် ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှု ထိန်းချုပ်ရေး အပြည်ပြည်ဆိုင်ရာ ကွန်ဗင်းရှင်းကို မြန်မာနိုင်ငံက ၂၀၀၃ ခုနှစ် အောက်တိုဘာ ၂၃ ရက်တွင် သဘောတူလက်မှတ် ရေးထိုးခဲ့ပြီး ၂၀၀၄ ခုနှစ်၊ ဧပြီ ၂၀ ရက်တွင် အတည်ပြုခဲ့ပြီး ဖြစ်ကြောင်းနှင့် မြန်မာနိုင်ငံ အနေဖြင့် ဆေးလိပ်နှင့် ဆေးရွက်ကြီးထွက်ပစ္စည်း ထိန်းချုပ်ခြင်း အပြည်ပြည်ဆိုင်ရာ ကွန်ဗင်းရှင်းကို အတည်ပြုသည့် နိုင်ငံများအနက် ၁၁ နိုင်ငံမြောက် ဖြစ်ကြောင်း သိရသည်။ ထို့ပြင် ပြည်ထောင်စုသမ္မတ မြန်မာနိုင်ငံတော် အစိုးရ ဘဏ္ဍာရေးနှင့် အခွန်ဝန်ကြီးဌာနမှ ၂၀၁၂ ခုနှစ် မတ်လအတွင်းက ကုန်သွယ်လုပ်ငန်းခွန်အဖြစ် စီးကရက်အတွက် ၁၀၀ ရာခိုင်နှုန်း၊ ဆေးပေါ့လိပ်၊ ဗာဂျီးနီးယား ပေါင်းတင်ပြီးဆေး၊ ဆေးပြင်းလိပ်၊ ဆေးတံအမျိုးမျိုး၊ ဆေးတံသောက် ဆေးများနှင့် ကွမ်းစားဆေးများကို ၅၀ ရာခိုင်နှုန်း တိုးမြှင့် သတ်မှတ်ခဲ့ပြီး ဖြစ်သည်။

မြန်မာနိုင်ငံတွင် ဆေးလိပ်နှင့် အခြားဆေးရွက်ကြီးထွက် ပစ္စည်းများကို တိုက်ရိုက် သုံးစွဲမှု မရှိသော်လည်း တစ်ဆင့်ခံ ရှုရှိုက်မိခြင်းကြောင့် အသက် သေဆုံးရသူများအနက် ၇၅ ရာခိုင်နှုန်းမှာ အမျိုးသမီးနှင့် ကလေးငယ်များ ဖြစ်နေကြောင်း ဆေးလိပ်နှင့် ဆေးရွက်ကြီးထွက် ပစ္စည်းများဆိုင်ရာ သတင်းအချက်အလက်များတွင် ဖော်ပြချက်အရ သိရသည်။ မြန်မာနိုင်ငံ အပါအ၀င် ကမ္ဘာ့နိုင်ငံ အသီးသီးတွင် ဆေးလိပ်နှင့် အခြားဆေးရွက်ကြီးထွက် ပစ္စည်းများကြောင့် တစ်နှစ်လျှင် လူဦးရေ ခြောက်သန်းခန့် သေဆုံးလျက် ရှိကြောင်းနှင့် မြန်မာနိုင်ငံတွင် ဆေးလိပ်နှင့် အခြားဆေးရွက်ကြီးထွက် ပစ္စည်းများကြောင့် အမျိုးသား ဦးရေ ၁၀၀ လျှင် ၁၉ ဦးနှုန်း၊ အမျိုးသမီး ဦးရေ ၁၀၀ လျှင် ၁၈ ဦးနှုန်းမှာ သေဆုံးလျက် ရှိကြောင်း ထုတ်ပြန်ချက်များအရ သိရသည်။

ဆေးလိပ်နှင့် အခြားဆေးရွက်ကြီးထွက် ပစ္စည်းသုံးစွဲမှုကြောင့် သေဆုံးရသူများ၊ ရောဂါဝေဒနာ ခံစားနေရသူများအနက် ဆေးလိပ်နှင့် အခြားဆေးရွက်ကြီးထွက် ပစ္စည်းများကို လုံးဝမသုံးစွဲသူများလည်း ပါဝင်နေပြီး ယင်းကြောင့် သေဆုံးရသူများ အနက် ၇၅ ရာခိုင်နှုန်းမှာ အမျိုးသမီးနှင့် ကလေးငယ်များ ဖြစ်နေကြောင်း သိရသည်။

ကမ္ဘာပေါ်တွင် ဆေးလိပ်နှင့် အခြားဆေးရွက်ကြီးထွက် ပစ္စည်းများကြောင့် ခြောက်စက္ကန့်လျှင် တစ်ဦးနှုန်း သေဆုံးနေပြီး အိတ်ခ်ျအိုင်ဗွီပိုးကြောင့် သေဆုံးမှုထက် သုံးဆခန့် ပိုမိုများပြားကြောင်း နိုင်ငံတကာ မီဒီယာများတွင် ဖော်ပြချက်အရ သိရသည်။
Eleven Media Group

မန္တလေးတိုင်းဒေသကြီး အတွင်း၌ တရားဝင် စာရင်းများအရ တရုတ်နွယ်ဖွား ငါးသောင်းဝန်းကျင်၊ ဟိန္ဒူနှင့် မွတ်စလင် နှစ်သိန်းခန့်ရှိဟုဆို

Saturday, 08 June 2013
မန္တလေးတိုင်းဒေသကြီး အတွင်း၌ အိမ်ထောင်စုဇယားရှိ တရုတ်နွယ်ဖွား ငါးသောင်း ၀န်းကျင်နှင့် ဟိန္ဒူနှင့်မွတ်စလင် နှစ်သိန်းခန့် ရှိသည်ဟု လူဝင်မှုကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာန စာရင်းများအရ သိရသည်။

''မှတ်ပုံတင်ကတ် ထုတ်ပေးထားတဲ့ (ဧည့်) နိုင်ငံသားနဲ့ (ပြု) နိုင်ငံသား အရေအတွက်က အတိအကျ ကောက်ယူနေဆဲပါ'' ဟု တိုင်းဒေသကြီး လူဝင်မှုကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာနမှ တာဝန်ရှိသူ တစ်ဦးက ဆိုသည်။

မန္တလေးတိုင်းဒေသကြီး အတွင်း၌ ခန့်မှန်းလူဦးရေ ၇၄ သိန်းခန့်ရှိကြောင်း သိရသည်။

လက်ရှိတွင် အိမ်ထောင်စုစာရင်း ပြုလုပ်ရန် လျှောက်ထားသော ဧည့်/ပြု နိုင်ငံသားများလည်း ရှိကြောင်းနှင့် အစိုးရအဖွဲ့၏ ခွင့်ပြုချက်ဖြင့်သာ အိမ်ထောင်စုစာရင်းကို ပြုလုပ်ရသည်ဟု သိရသည်။

တရုတ်နွယ်ဖွားများ အနေဖြင့် မန္တလေးမြို့လယ် ဧရိယာများနှင့် ၇၈ လမ်း၊ ၇၃ လမ်း၊ ၂၆ လမ်းအပါအ၀င် အဓိကမိန်းလမ်းမကြီး အနီးတွင် အများစု နေထိုင်ကြပြီး၊ ဟိန္ဒူနှင့် မွတ်စလင်လူမျိုးများမှာ ဈေးချိုတော် အနီးတစ်ဝိုက်နှင့် ၃၅ လမ်းတစ်လျှောက်အပြင် မြို့တွင်းဧရိယာနေရာ အများအပြား၌ တစ်စုတစ်စည်းတည်း ပေါင်းစုနေထိုင်ကြကြောင်း သိရသည်။

''ယူနန်ဘုံကျောင်းစာရင်းမှာ တရုတ်နွယ်ဖွား ခြောက်သောင်းကျော် ရှိတယ်လို့ ဆိုပေမယ့် မြို့ထဲမှာတင် သိန်းဂဏန်းကျော် ရှိနိုင်တယ်'' ဟု မြို့ခံတစ်ဦးက ပြောကြားခဲ့သည်။

အလားတူ ဟိုတယ်လုပ်ငန်းရှင် တစ်ဦးက ''တရုတ်က မြို့ပေါ်ရပ်ကွက်တွေမှာပဲ နေကြတာ။ အိန္ဒိယနွယ်ဖွားတွေက မြို့ထဲမှာတင်ဆိုရင် တရုတ်က ပိုများနိုင်တယ်။ တစ်တိုင်းလုံး ဆိုရင်တော့ အိန္ဒိယနွယ်ဖွားက ပိုများနိုင်တယ်'' ဟု သုံးသပ်သည်။
Eleven Media Group

မြန်မာနိုင်ငံသားများအား တရားဥပဒေကြောင်းအရ အကာအကွယ်ပေးရန် မလေးရှားရောက် မြန်မာများ တောင်းဆို

Saturday, 08 June 2013
မလေးရှားနိုင်ငံရှိ မြန်မာနိုင်ငံသားများအား တရားဥပဒေကြောင်းအရ အကာအကွယ်ပေးရန် မလေးရှားရောက် မြန်မာများက ဇွန် ၆ ရက်က တောင်းဆိုခဲ့သည်။

မြန်မာလူမျိုးများအား အကာအကွယ် အပြည့်အ၀ပေးရန်အတွက် မလေးရှားဆိုင်ရာ မြန်မာသံရုံးရှေ့တွင် မလေးရှားရောက် မြန်မာများက ဇွန် ၆ ရက်တွင် ဆန္ဒပြရန် ပြုလုပ်ခဲ့သည်။ သို့သော် အဓိကရုဏ်များ ဖြစ်ပွားလာမည်ကို စိုးရိမ်၍ မလေးရှားရဲများက ဆန္ဒပြခွင့် မပြုခဲ့ကြောင်း၊ လူငါး ဦးကိုသာ ၎င်းတို့ ပြောကြားလိုသည်များကို ပြောကြားခွင့် ပြုခဲ့ကြောင်း၊ ထို့နောက် မလေးရှားရဲချုပ်နှင့် တွေ့ဆုံဆွေးနွေးခဲ့ကြောင်း သိရသည်။

မလေးရှားဆိုင်ရာ မြန်မာသံရုံးရှေ့တွင် ဆန္ဒပြလိုသူများက အချက်ခြောက်ချက်ပါ တောင်းဆိုစာကို မလေးရှားနိုင်ငံဆိုင်ရာ မြန်မာသံအမတ်ကြီးထံ ပေးပို့ခဲ့ကြောင်း၊ စာကို မြန်မာနိုင်ငံ နိုင်ငံတော် သမ္မတရုံးသို့ လည်းကောင်း၊ နိုင်ငံခြားရေး ၀န်ကြီးဌာနသို့ လည်းကောင်း၊ နိုင်ငံတကာ သတင်းဌာနများသို့ လည်းကောင်း၊ နိုင်ငံတကာ ကြက်ခြေနီ အဖွဲ့သို့ လည်းကောင်း၊ မလေးရှားရဲတပ်ဖွဲ့သို့ လည်းကောင်း အသီးသီး ပေးပို့ခဲ့ကြောင်း သိရသည်။

ထိုတောင်းဆိုစာတွင် ယနေ့အထိ မြန်မာနိုင်ငံသားများအား ကြိုတင်ကြံစည်ပြီး နေရာအနှံ့တွင် အကြောင်းမဲ့ ရန်ရှာသတ်ဖြတ်ခြင်းများနှင့် ပတ်သက်၍ မြန်မာသံအမတ်ကြီး ဦးတင်လတ်၊ မလေးရှားနိုင်ငံဆိုင်ရာ မြန်မာစစ်သံမှူး၊ သမ္မတ၏ ပြောရေးဆိုခွင့်ရှိသူ ပြန်ကြားရေး ၀န်ကြီးဌာန ဒုဝန် ကြီး ဦးရဲထွဋ်တို့၏ တရားဝင်ထုတ်ပြန်ချက်များသည် မှားယွင်းကြောင်းနှင့် လက်ရှိအခြေအနေမှန်ကို ထုတ်ပြန်ပေးရန် တညီတညွတ်တည်း တောင်းဆိုလိုက်သည်ဟု ဖော်ပြထားသည်။

ထို့နောက် မလေးရှားနိုင်ငံဆိုင်ရာ မြန်မာသံအမတ်ကြီး ဦးတင်လတ်က မှားယွင်းကြောင်း ၀န်ခံတောင်းပန်ပေးရန်၊ မလေးရှားရောက် မြန်မာနိုင်ငံသားတို့အား ဥပဒေကြောင်းအရ ကာကွယ်ပေးရန်၊ မလေးရှားနိုင်ငံဆိုင်ရာ မြန်မာသံအမတ်ကြီး ဦးတင်လတ်အား ရာထူးမှ ရပ်ဆိုင်းပေးရန်၊ သေဆုံးသူများ မည်သူမည်ဝါ ဖြစ်ကြောင်းကို တရားဝင် ထုတ်ပြန်ပေးရန်၊ ကျန်ရစ်သူ မိသားစုများအား ကူညီထောက်ပံ့ပေးရန်၊ ဒဏ်ရာရရှိသောကြောင့် ဆေးရုံတွင် တက်ရောက်ကုသနေရသူများအား တရားဝင် ကျန်းမာရေးနှင့် ဆေးဝါးစောင့်ရှောက်မှု အပြည့်အ၀ပေးရန်၊ ယခုဖြစ်စဉ်မှ ထွက်ပြေးလွတ်မြောက် လာသူများအား တရားဥပဒေကြောင်းအရ လုံခြုံမှု အပြည့်အ၀ ပေးရန်တို့လည်း ပါဝင်သည်။
Eleven Media Group

မြန်မာ့ဆက်သွယ်ရေး မဲဆွယ်ပွဲ

နောက်ဆုံးအဆင့်သို့ ဝင်ပြိုင်ခွင့်ရှိသည့် ကုမ္ပဏီပေါင်း ၁၂ ခုတွင် Vodafone နှင့် China Mobile ကုမ္ပဏီကြီးများအဖွဲ့က နုတ်ထွက်သွားပြီဖြစ်ရာ မြန်မာ့ဆက်သွယ်ရေးလိုင်စင် နှစ်နေရာလုပွဲတွင် နိုင်ငံတကာနာမည်ကျော် ဆက်သွယ်ရေးကုမ္ပဏီကြီး ၁၁ ခု အကြိတ်အနယ် ယှဉ်ပြိုင်ရတော့မည် ဖြစ်သည်။

မြန်မာနိုင်ငံ၏ ဆက်သွယ်ရေး ဝန်ဆောင်မှုလုပ်ငန်းအတွက် ရွေးချယ်မည့် နှစ်နေရာကို လာမည့်ဇွန်လ ၂၇ ရက်နေ့တွင် ကြေညာတော့မည်ဖြစ်ရာ အဆိုပါ ကုမ္ပဏီကြီး ၁၁ ခုမှာလည်း လူထုအား ရရှိနိုင်ရေး ခြေလှမ်းသွက်သွက်ဖြင့် လှုပ်ရှားလာကြသည်။

အထူးခြားဆုံးနှင့် ထင်ပေါ်မှု အရှိဆုံးမှာ Digicel

ဂျာမေကာ အခြေစိုက် ကုမ္ပဏီတစ်ခုဖြစ်သည့် Digicel သည် မြန်မာနိုင်ငံ၏ ဆက်သွယ်ရေးလုပ်ငန်း လိုင်စင်ရရှိရေး ရန်ကုန်မြို့အတွင်း အင်နှင့်အားနှင့် ကြော်ငြာမှုများကို ပြုလုပ်လျက်ရှိသည်။

ယင်းလုပ်ဆောင်မှုများ ကြောင့်ပင် ၎င်းတို့မှာ ဆက်သွယ်ရေးလုပ်ငန်း လိုင်စင် တစ်နေရာအတွက် မြန်မာလူထုအကြား ရေပန်းအစားဆုံး၊ ထင်ကြေးအပေးခံရဆုံး ကုမ္ပဏီတစ်ခု ဖြစ်လာသည်။

လိုင်စင်ရသည်နှင့် တစ်ပြိုင်နက် တည်ဆောက်ရေးလုပ်ငန်းများ ဆက်တိုက် လုပ်ဆောင်သွားမည် ဖြစ်ပြီး ဒီဇင်ဘာ ၁ ရက်နေ့တွင် 4G စနစ်သုံး မိုဘိုင်းလ်ဖုန်းများကို ဖြန့်ချိသွားမည်ဖြစ်ကာ ယင်းသို့ ဆောင်ရွက်နိုင်ရန် တိုင်းဒေသကြီးနှင့် ပြည်နယ်အနှံ့ ဝန်ထမ်းများ ခေါ်ယူလျက်ရှိကြောင်း၊ စုစုပေါင်း ဒေါ်လာ ၆ ဒသမ ၆ ဘီလီယံ ရင်းနှီးမြှုပ်နှံမည်ဖြစ်ကြောင်း Digicel ကုမ္ပဏီဥက္ကဋ္ဌ Mr. Denis O’Brien က ပြောကြားလိုက်သည်။

Digicel ကို တစ်ချိန်က တပ်မတော်အစိုးရ အတိုက်အခံများကို အထောက်အပံ့များစွာ ပေးခဲ့သော အမေရိကန်သူဌေးကြီး ဂျော့ဆိုးရော့စ်က နောက်ခံပြုထားပြီး မြန်မာနိုင်ငံ ရိုးမကုမ္ပဏီအုပ်စုနှင့် ပူးပေါင်း ဆောင်ရွက်လျက်ရှိကြောင်း ထုတ်ပြန် ကြေညာထားပြီးဖြစ်သည်။
Digicel သည် လိုင်စင်ရရန် အခွင့်အလမ်းသာသည့်အပြင် လိုင်စင်ရလျှင် ဘာလုပ်ပေးမည်ဆိုသည့် ကတိစကားများနှင့် ဈေးကွက်ထိုးဖောက်မှုကို ယခုရက်ပိုင်းအတွင်း အပြင်းအထန် ပြုလုပ်လျက်ရှိသည်။

မျှတရင်ရရမယ်ဆိုသည့် MICTDC

“လိုင်စင်ရကိုရမယ်။ မရရင် ဘာလို့တင်မှာလဲ။ အစိုးရနဲ့ ဆက်သွယ်ရေးဝန်ကြီးဌာနကို မျှမျှတတ ရွေးချယ်ဖို့တစ်ခုပဲ ကျွန်တော်တို့ တောင်းဆိုထားတယ်။ မမျှမတလုပ်ရင်လည်း ပြန်တုန့်ပြန် သွားမှာပါ” ဟု ယုံကြည်မှုအပြည့်နှင့် ပြောလိုက်သည်က MICTDC ကုမ္ပဏီ ဥက္ကဋ္ဌ ဦးသိန်းဦး ဖြစ်သည်။

ပြည်တွင်း အိုင်တီကုမ္ပဏီအများစု ပေါင်းစည်းထားသည့် အများပိုင်ကုမ္ပဏီ MICTDC (Myanmar ICT Development Company) နှင့် ဂျပန်ကုမ္ပဏီကြီးနှစ်ခု ဖြစ်သည့် KDDI၊ Sumitomo၊ မြန်မာနိုင်ငံ၏ ဆောက်လုပ်ရေးနှင့် အိုင်တီကုမ္ပဏီ A1 Construction တို့ ပူးပေါင်းထားသည့် အဖွဲ့မှာ လှုပ်ရှားမှု နည်းသည့်အတွက် လူသိနည်းနေသေးသည့် အဖွဲ့တစ်ခုဖြစ်သော်လည်း ဆက်သွယ်ရေးလုပ်ငန်း လိုင်စင် နှစ်နေရာအတွက် ကုမ္ပဏီများစာရင်း တင်သွင်းမှု ပိတ်လိုက်ပြီး နာရီပိုင်းအကြာ ထုတ်ပြန် ပြောကြားလိုက်သည့် ဦးသိန်းဦး၏စကားကြောင့် အိုင်တီသမားများ၊ မီဒီယာများကို သတိထားမိ စေခဲ့သည်။

A1 Construction ကုမ္ပဏီသည် ဆောက်လုပ်ရေး၊ ဟိုတယ်နှင့် အိုင်တီလုပ်ငန်းများ ဆောက်ရွက် လျက်ရှိကာ ရတနာပုံ Fiber Optic Cable စက်ရုံကို တည်ထောင်ထားသည့်အပြင် မြန်မာနိုင်ငံ ဆက်သွယ်ရေး ကွန်ရက်တွင် လက်ရှိ အသုံးပြုနေသည့် မြေအောက်ဖိုက်ဘာ ကေဘယ်လ်များ ချထား ခြင်းကို အဓိက ဆောင်ရွက်နေသည့် ကုမ္ပဏီဖြစ်သည်။
ထို့ပြင် Sumitomo Corporation သည် မြန်မာနိုင်ငံ၏မြို့ ကြီးသုံးမြို့တွင် 4G ကွန်ရက်တည်ဆောက် ရန် ဆက်သွယ်ရေးဝန်ကြီးဌာနနှင့် လတ်တစ်လောစာချုပ် ချုပ်ဆိုထားသည့် ကုမ္ပဏီဖြစ်ပြီး မြန်မာနိုင်ငံ ၏ ဆက်သွယ်ရေး အခြေခံအဆောက်အဦ များကို တာဝန်ယူ တည်ဆောက်လျက် ရှိသည်။
“ကျွန်တော်တို့ကလုပ်မယ်ဆို ဖြစ်အောင်လုပ်ပါမယ်။ဒီက MICTDC နဲ့ A1 တို့ကလည်း အတွေ့အကြုံ နဲ့ ကျွမ်းကျင်မှုတွေ အပြည့်ရှိပြီးသားဆိုတော့ လိုင်စင်ရဖို့ပဲ တွေးထားပါတယ်။ လက်ရှိမှာလည်း Sumitomo က မြန်မာ့ဆက်သွယ်ရေးကဏ္ဍအတွက် အရေးပါတဲ့ စီမံကိန်းတွေကို စတင် တည်ဆောက်နေပါပြီ” ဟု KDDI အမှုဆောင်အရာရှိချုပ် Mr. Hidehiko Tajima က ပြောကြားသည်။

ယင်းအပြင် ဂျပန်နိုင်ငံ၏ မြန်မာနိုင်ငံ ဖွံ့ဖြိုးရေး ထောက်ပံ့မှုများနှင့် ဂျပန်ဝန်ကြီးချုပ်၏ မြန်မာနိုင်ငံ ခရီးစဉ်တို့မှာ မြန်မာနိုင်ငံတွင် ဝင်ရောက်လုပ်ကိုင်လိုသည့် ဂျပန်ကုမ္ပဏီများ အတွက် အထောက်အပံ့ ကောင်းများဖြစ်ရာ ကမ္ဘာကျော် ဂျပန်ဆက်သွယ်ရေး ကုမ္ပဏီကြီးနှစ်ခုဖြစ်သည့် KDDI၊ Sumitomo တို့နှင့် ပူးပေါင်းထားသည့် MICTDC မှာ ယင်းကုမ္ပဏီဥက္ကဋ္ဌ ဦးသိန်းဦး ပြောသကဲ့သို့ပင် စိတ်ချရသည့် အနေအထား ဖြစ်နေသည်။
သို့သော်ဆက်သွယ်ရေးလုပ်ငန်း လိုင်စင်နှစ်နေရာ ရရှိရေးမှာ ထင်သလောက်မလွယ်။

အင်အားကြီး Telenor

မြန်မာ့ ဒီမိုကရေစီ ဖော်ဆောင်ရေးတွင် အရေးပါသည့် တိုင်းရင်းသား လက်နက်ကိုင်များနှင့် ငြိမ်းချမ်းရေး တည်ဆောက်ရန် ထောက်ပံ့နေသည့် နော်ဝေနိုင်ငံမှ Telenor Group သည်လည်း လိုင်စင်ရရေးအတွက် လျော့တွက်မရသည့်ကုမ္ပဏီ တစ်ခုဖြစ်နေသည်။

Telenor Group မှာ ပြည်တွင်း အလုပ်အကိုင်အခွင့်အလမ်း ၉၉ ရာခိုင်နှုန်းအထိ ရရှိစေမည်။ တယ်လီဖုန်း SIM ကတ် များကို အခမဲ့ပေးမည်။ ဖုန်းခေါ်ဆိုခများကိုလည်း အသက်သာဆုံးဖြစ်စေရန် ဖန်တီးပေးမည် ဆိုသည့် ကတိစကားများဖြင့် လိုင်စင်လုပွဲသို့ ဝင်လာခြင်းဖြစ်ပြီး ပြည်တွင်း မီဒီယာများ တွင် အင်တိုက်အားတိုက် ကြော်ငြာနိုင်ခြင်းကြောင့် မြန်မာလူထုအကြား ရေပန်းစားနေသည့်ကုမ္ပဏီ တစ်ခုလည်းဖြစ်သည်။

တစ်မိနစ်လျှင် ကျပ် ၃၀ ဝန်းကျင်ခန့်ဖြင့် ဖုန်းပြောဆိုနိုင်ရန် ဆောင်ရွက်မည်ဖြစ်ကာ ဒေသခံမြန်မာ လူမျိုး ဝန်ထမ်းဦးရေကို ၉၉ ရာခိုင်နှုန်းအထိ ခန့်အပ်သွားမည်ဖြစ်ကြောင်း Telenor Group ၏ အာရှ ဒေသ လုပ်ငန်းများဆိုင်ရာ အကြီးအကဲ Mr. Sigve Brekke က ကတိပြု ပြောကြားထားသည်။

အခြားယှဉ်ပြိုင်ဘက်များ

အာဖရိကတိုက်၏ အကြီးဆုံး ဆက်သွယ်ရေးကုမ္ပဏီ တစ်ခုဖြစ်သော MTN (Dubai) ဦးဆောင်သည့် M1 Telecom၊ Amara Communications တို့ ပါဝင်သည့် အဖွဲ့မှာလည်း အင်အားကောင်းကောင်းနှင့် မြန်မာ့ဆက်သွယ်ရေးလုပ်ငန်း လိုင်စင်တစ်နေရာ ရရှိရေးအတွက် ယှဉ်ပြိုင်နေသည့်အဖွဲ့ ဖြစ်ပြီး ပြည်တွင်း မီဒီယာများတွင် ကြော်ငြာများ ထည့်သွင်းမှုကြောင့် လတ်တစ်လော လူသိများလာခဲ့သည်။
“MNT အနေနဲ့ ဘာတွေလုပ်ခဲ့တယ် ဘာတွေလုပ်နိုင်တယ်ဆိုတာ ပြောပြီးပါပြီ။ အဲ့ဒီအတွက် လိုင်စင် တစ်နေရာက ကျွန်တော်တို့အတွက်ပဲ ဖြစ်ပါလိမ့်မယ်။ စကားပုံတစ်ခုထဲက လိုပဲ လက်တွေ့လုပ်ထားတာ ဘာမှမရှိဘဲ အိပ်မက်တွေအများကြီး ပေးနေကြတာတွေ ကိုတော့ တင်ဒါကော်မတီ အနေနဲ့ သေချာ သုံးသပ်နိုင်ဖို့ လိုပါတယ်” ဟု MTN Group ၏ အထွေထွေမန်နေဂျာ Simphiwe Cele က ပြောကြားသည်။

ယင်းသို့ပင် အိန္ဒိယနိုင်ငံ ဆက်သွယ်ရေးလုပ်ငန်းတွင် ဦးဆောင်နေသည့် Bharti Airtel သည်လည်း နောက်ဆုံးအဆင့် ယှဉ်ပြိုင်သည့်အဖွဲ့များအတွင်း ပါဝင်ခဲ့ပြီး အခြားအဖွဲ့ပေါင်း ၁၁ ဖွဲ့နှင့် ယှဉ်ပြိုင်ရ မည်ဖြစ်သည်။
Bharti Airtel သည် လက်ရှိအိန္ဒိယ၊ ဘင်္ဂလားဒေ့ရှ်၊ သိရီလင်္ကာနှင့် အာဖရိကတိုက် နေရာအချို့တွင် ဆက်သွယ်ရေးလုပ်ငန်းများကို လုပ်ဆောင်လျက်ရှိရာ အင်အားကောင်းသည့် ဆက်သွယ်ရေး ကုမ္ပဏီကြီးတစ်ခု ဖြစ်သည်။
သို့သော်၎င်းတို့မှာ မြန်မာနိုင်ငံ ဈေးကွက်အတွင်း လှုပ်ရှားမှုများ မရှိသလောက်ဖြစ်နေ၍ ဦးစားပေး စာရင်းမှ ဖယ်ထားခံရနိုင်သည်ဟုလည်း ခန့်မှန်း ပြောဆိုနေကြသည်။

ကျန်ရှိနေသည့် SingTel၊ Royal Myanmar Transport Co. (KBZ) နှင့် M-Tel တို့ပေါင်းထားသည့် အဖွဲ့တွင်လည်း စင်ကာပူအခြေစိုက် အားကောင်းသည့် ဆက်သွယ်ရေးကုမ္ပဏီဖြစ်သော SingTel ပါဝင်နေသည်ဖြစ်ရာ အလားအလားရှိသည်ဟု ဆိုနိုင်သည်။

ရွေးချယ်ပုံနှင့် လတ်တလော အခြေအနေ

ဆက်သွယ်ရေး တင်ဒါကော်မတီက ယှဉ်ပြိုင်သည့် အဖွဲ့ဆယ့်တစ်ခုမှ တင်ဒါပေးအပ်မည့် အဖွဲ့နှစ်ခု ကိုရွေးချယ်ရာတွင် နည်းပညာကျွမ်းကျင် နိုင်နင်းမှုအတွက် ၆၇ မှတ် နှင့် ငွေကြေး ရင်းနှီးမြှုပ်နှံနိုင်မှု အထူးသဖြင့် တစ်ဆယ့်ငါးနှစ်စာ လိုင်စင်ကြေးအတွက် အများဆုံး ၃၃ မှတ်အထိ ပေးထားကာ ယင်း နှစ်ချက်ပေါ်တွင် အခြေခံ ဆုံးဖြတ်သွားမည်ဖြစ်ကြောင်း ထုတ်ပြန်ထားရာ အဆိုပါ ၁၁ ဖွဲ့တွင် အင်အားကြီးအဖွဲ့များသာ ရရှိမည့် အနေအထားဖြစ်သည်။

“တင်ဒါကော်မတီအနေနဲ့ကတော့ တစ်ရာ ရာခိုင်နှုန်းမျှတပြီး ပွင့်လင်းမြင်သာမှုရှိတဲ့ လုပ်ငန်းစဉ်တွေနဲ့ မြန်မာ ပြည်သူတွေအတွက် အကောင်းဆုံး လုပ်ပေးနိုင်မယ့် နည်းပညာနဲ့ ငွေကြေးမှာလည်း အင်အား အကြီးဆုံးသူကိုပဲ ရွေးချယ်သွားမှာပါ။ ဒီတင်ဒါဟာ နိုင်ငံ့ဂုဏ်သိက္ခာနဲ့လည်း သက် ဆိုင်နေပါတယ်” ဟု ဆက်သွယ်ရေး ဝန်ဆောင်မှုလုပ်ငန်းလိုင်စင် တင်ဒါရွေးချယ်ရေး ကော်မတီဥက္ကဋ္ဌ ဦးဆက်အောင် က ပြောကြားသည်။

သို့သော်အများစုမှာ အင်အားကြီး ကုမ္ပဏီများဖြစ်နေသဖြင့် မည်သည့်အဖွဲ့ လိုင်စင်ရမည်ဆိုသည်မှာ ခန့်မှန်းရ ခက်ခဲသည့်အနေအထားဖြစ်ပြီး ကုမ္ပဏီကြီးများအနေနှင့်လည်း လိုင်စင်နှစ်နေရာတွင် တစ် နေရာရရှိရေး အားကုန်ထုတ် ယှဉ်ပြိုင်ရမည့် အနေအထား ဖြစ်လာသည်။

မြန်မာနိုင်ငံတွင် မိုဘိုင်းလ်ဖုန်း သုံးစွဲနိုင်မှု အနေအထားသည် လွန်စွာ နိမ့်ကျလျက်ရှိပြီး လူဦးရေသန်း ၆၀ ခန့်တွင် ၁၀ ရာခိုင်နှုန်းနီးပါးသာ မိုဘိုင်းလ်ဖုန်း သုံးစွဲနိုင်သေးသည်။
သို့ဖြစ်ရာ ပြည်ပမှလာရောက်ပြီး ဆက်သွယ်ရေးလုပ်ငန်း လုပ်ကိုင်လိုသူများအတွက် အခွင့်အလမ်း ကောင်းများ ရရှိနိုင်သည့်နေရာ တစ်နေရာဟုလည်း ဆိုနိုင်သည်။

ကမ္ဘာ့ဆက်သွယ်ရေး ဈေးကွက်တွင် နောက်ဆုံးလက်ကျန် ဈေးကွက်ကြီးအဖြစ် သတ်မှတ်ရသည် အထိ မြန်မာနိုင်ငံတွင် ဆက်သွယ်ရေး ဈေးကွက်ကြီးကြီးမားမား ကျန်ရှိနေသေးခြင်း ကပင် နိုင်ငံတကာ ဆက်သွယ်ရေး ကုမ္ပဏီများအတွက် မြန်မာနိုင်ငံတွင် လုပ်ကိုင်ခွင့်ရရေး အပြိုင်ကြဲနေကြခြင်း ဖြစ်သည်။

မြန်မာ့ဆက်သွယ်ရေး ဈေးကွက်မှာ ရင်းနှီးမြှုပ်နှံမှုများဖြင့် ဖွံ့ဖြိုးတိုးတက်လာမည်မှာ သေချာလှသည်။
အစိုးရကတန်ဖိုးနည်း SIM ကတ်များကို ငွေကျပ် ၁၅၀၀ ဖြင့် ဧပြီလကတည်းက မဲဖောက်ပြီး ရောင်းချ ပေးနေသော်လည်း ဖုန်းကတ်ရပြီး ဖုန်းဝယ်သုံးနိုင်မည့် အရေးအတွက် အခက်တွေ့နေသူတွေများ လှသည်။
ဖုန်းကတ်မဲပေါက်ပြီးမှ ဖုန်းမဝယ်နိုင်သည့် သူများအတွက် ထီပေါက်ပြီး ထီလက် မှတ်ပျောက်သလို ဖြစ်နေသည်ဟု ဆိုသူများပင်ရှိနေသည်။

ယင်းအခြေအနေကို ဆဝါးမိသည့် ပုဂ္ဂလိကကုမ္ပဏီများ လုပ်ပိုင်ခွင့်ရသွားလျှင် မြန်မာ့ဆက်သွယ်ရေး အနေအထားကို သုံးသပ်ကာ ပြုပြင် ပြောင်းလဲလိုက်ပါက မြန်မာနိုင်ငံသည် ဆက်သွယ်မှုအဖွံ့ဖြိုး အတိုးတက်ဆုံး နိုင်ငံဘဝ ရောက်သွားနိုင်သည်ဟု စီးပွားရေးပညာရှင်များက လေ့လာသုံးသပ် ကြ သည်။

အနိမ့်ဆုံးဝန်ဆောင်မှုနှင့် မြင့်မားသော ဝန်ဆောင်စရိတ် ကောက်ခံနေသည့် မြန်မာ့ဆက်သွယ်ရေး MPT အတွက်လည်း နိုင်ငံတကာ ဆက်သွယ်ရေးကုမ္ပဏီများနှင့် အပြိုင် ယှဉ်ပြိုင်ရမည့် အနေအထားမှာ အခြေအနေ ကောင်းလှသည်တော့ မဟုတ်။
သို့သော်ဈေးကွက်တွင် ဆက်လက် အသက်ဆက်ရေး MPT ၏ မူဟောင်းများကို စွန့်လွှတ်ရမည်မှာ သေချာသည်။

မြန်မာ့ဆက်သွယ်ရေးလုပ်ငန်း လိုင်စင်နှစ်နေရာ အတွက် အပြိုင်လုနေသည့် နိုင်ငံတကာ ဆက်သွယ်ရေးကုမ္ပဏီကြီး ၁၁ ခုအနက် တင်ဒါအောင်မြင်သူ နှစ်ဦးကို ဇွန်လ ၂၇ ရက်နေ့တွင် ထုတ်ပြန် ကြေညာပြီးသည့်နောက် စက်တင်ဘာလမတိုင်မီ လိုင်စင်ချထားပေးရန် အပြီးသတ်စာချုပ်
ချုပ်ဆို ဆောင်ရွက်သွားမည် ဖြစ်သည်။
ယင်းမှာ အားလုံးနှင့် သက်ဆိုင်သည့် ကိစ္စဖြစ်နေ၍ မြန်မာ့ဆက်သွယ်ရေး လုပ်ငန်း လုပ်ကိုင်ခွင့် နှစ်နေရာ မည်သူတို့ ရရှိသွားမည်ဆိုသည်မှာ ကမ္ဘာကရော မြန်မာနိုင်ငံသားများကပါ စိတ်ဝင်တစား စောင့်ကြည့်နေကြသည်။
“ဥရောပကတစ်ခု အာရှကတစ်ခု ရစေချင်တယ်။ အနောက်ဘက်ကဆို Telenor နဲ့ Digicel ရှိတယ်။ အာရှမှာဆို ကာလကြာရှည် မိတ်ဖက်တွေဖြစ်ခဲ့တဲ့ ဂျပန်ကို ရစေချင်တယ်။ အဲ့ဒီ နှစ်ခုရမယ်ဆို အရည်အသွေးနဲ့ CSR ကိစ္စတွေမှာ တော်တော်စိတ်ချရနိုင်တယ်” ဟု စင်ကာပူနိုင်ငံ အင်ဂျင်နီယာနှင့် ဆောက်လုပ်ရေး ကုမ္ပဏီကြီးမှ အိုင်တီဌာန တာဝန်ခံ ဒေါ်ပန်းမြတ်ဖြိုးက ပြောကြားသည်။

မြန်မာနိုင်ငံ ဆက်သွယ်ရေးလုပ်ငန်း အတွက် ရင်ခုန်စရာကောင်းသည့် အခြေအနေတစ်ခုသို့ မကြာမီ ရောက်လာတော့မည် ဖြစ်သည်။ လူတိုင်းနှင့် သက်ဆိုင်နေသည့် အတွက်လည်း စိတ်ဝင်စားစွာ စောင့်ကြည့် နေခဲ့ကြသည်။

ဆုံးဖြတ်ချက်ချရန် ရက်သတ္တပတ် အနည်းသာလိုတော့ချိန် ကုမ္ပဏီများမှာ ကမ္ဘာ့နောက်ဆုံး ဆက်သွယ်ရေး ဈေးကွက် ဝေစုရရေး အပြိုင် မဲဆွယ်နေကြပြီဖြစ်သည်။ ဇွန်လ ၃ ရက်နေ့တွင် ပိတ်လိုက်ပြီးနောက် မဲဆွယ်ပွဲများ အပြိုင်လာတော့မည်။
ပန်းပန်မည့်သူကား မကြာမီ အဖြေထွက်တော့မည်။
“ကျွန်တော်တို့ MPT နဲ့ပြိုင်မယ်။ သာသူစားစတမ်းပေါ့” ဟု KDDI အကြီးတန်း မန်နေဂျာက ဆိုလေ သည်။

နောက်ဆုံးအဆင့်ယှဉ်ပြိုင်မည့် ကုမ္ပဏီ၁၁ခု
(1) KDDI Corporation + Sumitomo Corporation + MICTDC + A1 Construction
(2) Digicel Group + Quantum Strategic Partners + YSH Finance
(3) Telenor Mobile Communications
(4) SingTel + Royal Myanmar Transport Co. (KBZ) + M-Tel
(5) MTN (Dubai) + M1 Telecom + Amara Communications
(6) Bharti Airtel
(7) Axiata Group
(8) France Telecom Orange + Marubeni Corporation
(9) Millicom International Cellular
(10) Qtel (“Ooredoo”)
(11) Viettel Group

ကျာ်ဆန်းမင်း၊ နော်ကိုကို

The Voice Weekly

 

ရဲကားတစ်စီးပေါ်မှ အကောက်ခွန်မဲ့ အိမ်သုံးဆေးဝါးများ တွေ့ရှိ

ကလေး၊ ဇွန် ၇

စစ်ကိုင်းတိုင်းဒေသကြီး ကလေးဝမြို့နယ် ကိုင်းကျေးရွာတွင် ဇွန်လ ၅ ရက်နေ့ နံနက် ၁၀ နာရီခန့်က ရဲတပ်ဖွဲ့ဝင်တစ်ဦး မောင်းနှင်လာသော ရဲကားပေါ်မှ တရားမဝင် အကောက်ခွန်မဲ့ အိမ်သုံးဆေးဝါးပစ္စည်း များကို ဖမ်းဆီးရမိကြောင်း ကလေးဝမြို့နယ် အကောက်ခွန်ဦးစီးဌာနမှ ဦးစီးအရာရှိ ဦးအောင်မျိုးသန်းက ပြောကြားသည်။

တမူးမြို့မှ မန္တလေးမြို့သို့ သွားရောက်မည့် ရဲတပ်ကြပ်ကြီး မျိုးသန့် မောင်းနှင်လာသော မြန်မာနိုင်ငံ ရဲတပ်ဖွဲ့တံဆိပ်ပါ တမူးခရိုင် ရဲတပ်ဖွဲ့ပိုင် ဟိုင်းလပ်ယာဉ်အပြာရောင် (ယာဉ်အမှတ်-၇ခ/၁၆၃၅) ပေါ်မှ အိန္ဒိယနိုင်ငံထုတ် အကောက်ခွန်မဲ့၊ လိုင်စင်မဲ့ အိမ်သုံးဆေးဝါးများဖြစ်သော OXYPED တံဆိပ်ပါ အစာအိမ်ဆေးပြား ၂၃၀၄ ဘူး (ခြောက်ဖာ)ကို တွေ့ရှိခဲ့ကြောင်း ၄င်းက ပြောကြားသည်။

ယင်းအပြင် ယာဉ်မောင်း ဦးမျိုးမြင့် မောင်းနှင်လာသော Super Custom ယာဉ် (ယာဉ်အမှတ်-၈ဈ/၂၀၆၄) သည် ကလေးဝဆိပ်ကမ်း၊ ကူးတို့မှတစ်ဆင့် ကိုင်းကျေးရွာဘက်သို့ ဖြတ်ကူးစဉ် မြို့နယ် ဖွံ့ဖြိုးတိုးတက်ရေး အထောက်အကူပြု ကော်မတီက ဖမ်းဆီးရမိခဲ့ခြင်း ဖြစ်ကြောင်း၊ အဆိုပါ ကားများပေါ်မှ သင်းခွေချပ်အရေခွံ အစိုကိုးအိတ်၊ အလေးချိန် ၄၅ ပိဿာနှင့် တံဆိပ်ပါ မျက်စဉ်းခပ်ဆေးရည်ဆေး ၁၄ ဖာတို့ကို တွေ့ရှိခဲ့ကြောင်း ၄င်းက ဆက်လက်ပြောကြားသည်။

အဆိုပါအမှုများအတွက် ကလေးဝမြို့ နယ် အကောက်ခွန်ဦးစီးဌာနက တရားမဝင် အကောက်ခွန်မဲ့ ပစ္စည်း၊ လိုင်စင်မဲ့ အိမ်သုံး ဆေးဝါးများဆိုင်ရာ ဥပဒေပုဒ်မများဖြင့် တရားစွဲဆိုသွားမည် ဖြစ်ကြောင်း အဆိုပါ ဌာနထံမှ သိရသည်။
မြတ် (ကလေး)

The Voice Weekly

Microsoft ကုမ္ပဏီ ပြည်တွင်းဈေးကွက်သို့ စဝင်

ရန်ကုန်၊ ဇွန် ၇
ကမ္ဘာ့ အကြီးဆုံး Software ထုတ်လုပ်သူအဖြစ် သတ်မှတ် ခံထားရသည့် Microsoft ကုမ္ပဏီ၏ ထိပ်တန်း ခေါင်းဆောင်များ မြန်မာနိုင်ငံသို့ ရောက်ရှိနေစဉ် ပြည်တွင်း နည်းပညာ ကုမ္ပဏီတစ်ခုဖြစ် သည့် MIT နှင့် ပူးပေါင်း၍ မြန်မာနိုင်ငံ ဈေးကွက်သို့ စတင် ဝင်ရောက်ပြီ ဖြစ်ကြောင်း ဇွန်လ ၆ ရက်နေ့တွင် Microsoft က အတည်ပြု ကြေညာသည်။

Microsoft ကုမ္ပဏီ၏ Corporate Vice President ဖြစ်သူ Dan’1 Lewin ဦးဆောင်သည့် အဖွဲ့သည် နေပြည်တော်တွင် ကျင်းပသည့် အရှေ့အာရှဆိုင်ရာ ကမ္ဘာ့ စီးပွားရေးဖိုရမ်သို့ တက်ရောက် ရန် မြန်မာ နိုင်ငံသို့ ရောက်ရှိနေခြင်း ဖြစ်ပြီး ၎င်း၏ ခရီးစဉ်အတွင်း MIT ကို မိတ်ဖက်အဖြစ် ခန့်အပ်ကြောင်း ကြေညာခြင်းဖြစ်သည်။

ပြည်တွင်း၌ Software ရေးဆွဲခြင်း နှင့် နည်းပညာ ဝန်ဆောင်မှုလုပ်ငန်း လုပ်ကိုင်လျက်ရှိသည့် MIT (Myanmar Information Technology Co.,Ltd) ကို Microsoft ၏ မြန်မာနိုင်ငံဆိုင်ရာ ပထမဆုံး ဈေးကွက်ဖွံ့ ဖြိုးမှုမိတ်ဖက် (Market Development Partner) သစ် အဖြစ် ရွေးချယ်လိုက်ကြောင်း အရှေ့တောင်အာရှဒေသ အထွေထွေ မန်နေဂျာ Jamie Harper က ပြောကြားသည်။

Microsoft ကပြည်တွင်းသို့ တရားဝင် ဝင်ရောက်လာပြီ ဖြစ်သဖြင့် Microsoft ထုတ်ကုန်များအတွက် နည်းပညာ အထောက်အပံ့များ ရရှိနိုင်မည် ဖြစ်ကြောင်း အိုင်တီပညာရှင် ဦးဇော်မင်းဦးက ပြောကြားသည်။
“အထူးသဖြင့် Microsoft Software တွေကို ဈေးသက်သက်သာသာနဲ့ တရားဝင် အသုံးပြုလာ နိုင်မယ်” ဟု ၎င်းက မှတ်ချက်ပြုသည်။

MIT သည် မြန်မာနိုင်ငံရှိ အစိုးရ ဌာနများ၊ ကျန်းမာရေး၊ ငွေကြေးနှင့် ဘဏ်လုပ်ငန်း ကဏ္ဍများတွင် နည်းပညာ ဝန်ဆောင်မှုများ ပေးအပ်လျက် ရှိပြီး ဝန်ထမ်းပေါင်း ၃၀၀ ကျော်ရှိသည့် ပြည် တွင်းကုမ္ပဏီကြီး တစ်ခုဖြစ်သည်။ 
The Voice Weekly

သပိတ်ကျင်းတွင် ရွှေတွင်းပြိုကျ၍ လူနှစ်ဦးသေဆုံး

မန္တလေး၊ ဇွန် ၇
မန္တလေးတိုင်းဒေသကြီး သပိတ်ကျင်း မြို့နယ်တွင် ဇွန်လ ၆ ရက်နေ့ မွန်းလွဲ ၁ နာရီ မိနစ် ၂၀ ခန့်က အောင်မေတ္တာရှင် ရွှေသတ္တုတူးဖော်ရေး ကုမ္ပဏီလီမိတက်ပိုင် ရွှေလုပ်ကွက်(အင်း)အတွင်း အလုပ်လုပ်နေစဉ် မြေပြိုကျ၍ အင်းအတွင်းသို့ လူနှစ်ဦး ပြုတ်ကျသေဆုံးမှု ဖြစ်ပွားခဲ့ကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံးထံမှ သိရသည်။

သေဆုံးသူ အင်းလုပ်သားနှစ်ဦးသည် သပိတ်ကျင်းမြို့ ချောင်းကြီးကျေးရွာ နှင့် ကလောမြို့နယ် မြင်းတောက်ကျေးရွာ တွင် နေထိုင်သူများဖြစ်ပြီး အင်းအမှတ်(၆)၊ အင်းအနက် ၆၀ ပေ၊ အင်းအကျယ် ၄ ပေ ပတ်လည်ရှိ အင်းအတွင်း အလုပ်လုပ်နေစဉ် မြေပြိုကျ၍ အင်းအတွင်း သေဆုံးခဲ့ခြင်း ဖြစ်ကြောင်း အဆိုပါရဲတပ်ဖွဲ့မှူးရုံး ထံမှ စုံစမ်း သိရှိရသည်။

ယင်းအမှုကို သပိတ်ကျင်းမြို့နယ် မြို့မရဲစခန်းက သေမှုသေခင်း အမှတ်စဉ် ၈/၂၀၁၃ဖြင့် အမှုဖွင့်စစ်ဆေးလျက် ရှိကြောင်း အဆိုပါရဲတပ်ဖွဲ့မှူးရုံး တာဝန်ရှိသူ တစ်ဦးက ပြောကြားသည်။

"အခုက မိုးရာသီဖြစ်တဲ့အတွက် အင်းအသား မခိုင်တာတွေ၊ နောက်မြေသားက မာကျောမှု အားနည်းတာရယ်၊ မိုးရွာထား တာတို့ကြောင့် အင်းအတွင်းမြေပြိုတာတို့ ဖြစ်တယ်"ဟု ရမည်းသင်း မိုးထိမိုးမိဒေသမှ ရွှေတူးဖော်ရေး လုပ်ငန်းရှင်တစ်ဦးက ပြောကြားသည်။

အလားတူ မေလ ၁၆ ရက်နေ့ ကလည်း ရမည်းသင်းမြို့နယ် မိုးထိမိုးမိရွှေတူး ဖော်ရေး ဒေသတွင် အင်းအတွင်းပြုတ်ကျ၍ သေဆုံးသွားသည့်ဖြစ်စဉ် ရှိကြောင်း အဆိုပါ ရဲတပ်ဖွဲ့မှူးရုံးထံမှ ထပ်မံသိရသည်။ 
The Voice Weekly

အကျင့်ပျက်ခြစားနေတဲ့ မြေစာရင်း ၀န်ထမ်းများကို အမြန်ဆုံး အရေးယူပေးစေလို

ပဲခူးမြို့နယ်၊ ဂုံမနီ ကျေးရွာတွင် ယခင်က အမြောက်တပ်မြေ အဖြစ် အသုံးပြုမည်ဟု သိမ်းထား ခဲ့သော မြေများကို ယခုအခါတွင် အသုံးမပြုတော့ပဲ တိုင်းမြေစာရင်း ဦးစီးဌာမှ ၄င်းမြေနေရာကို စိုက်ပျိုးမြေအဖြစ် ပြန်လည် အသုံးပြု နိုင်ရန် အတွက် နေရာများ ချထားခဲ့ပါသည်။ 

ထိုသို့ချထားခဲ့ရာတွင် မြေစာရင်းဌာနမှ ကျန်ရှိခဲ့သော (မြေပုံပါဧက(၂၀၀)နေရာအား) ယခင် လယ်သမားများကို ပြန်လည် ပေးအပ်ခြင်းမရှိပဲ ကျေးရွာဥကဌဟောင်း ဦးအောင်သန်း၊ မြေပွဲစားဆိုသူ မလွင်နှင့် ပွဲစားများ ပူးပေါင်းပြီး တိုင်းမြေစာရင်းဦးစီးဌာနမှ (၅-၇-၂၀၁၃)နေ့တွင် ၄င်းဧက(၂၀၀)အား စရံငွေ သိန်း(၅၀၀)ယူပြီး (၁၀၅)မြေပုံထုတ်ပေးမည်ဆိုပြီးအရောင်းအ၀ယ်ပြုလုပ်ခဲ့ပါသည်။

 ထိုသို့ ပြုလုပ်နေသည်ကို ကျွန်တော်တို့ ကျေးရွာသားတွေအနေဖြင့် လက်ပိုက်ကြည့် ပြီးတော့ပဲ နေခဲ့ရ ပါသည်။ 

နိုင်ငံတော်ရဲ့ ပလပ်မြေတွေကို ယခုလို အရောင်းအ၀ယ် ပြုလုပ်မှုသည် တရားဥပဒေကို မလေးစား ရာ ရောက်နေပါသည်။ ထိုသို့ မတရားပြု လုပ်နေမှုကို ထိရောက်စွာ အရေးယူပေး ပါရန် တင်ပြအပ်ပါသည်။  
သစ်ထူးလွင်
(ဂုံမနီကျေးရွာသားများ)
စိုက်ပျိုးမြေ အဖြစ် ပြန်လည် အသုံးပြုနိုင်ရန် ချထားပေး နိုင်သည့် အခြေအနေပြ မြေပုံနှင့် ကျေးရွာသူ /သားများ လက်မှတ်

 

သံဃာတော်ကို ယာဉ်ပေါ်မှဆင်းခိုင်းသည့် ယာဉ်နောက်လိုက်ကို ယာဉ်လိုက်ခွင့် တစ်လပိတ်

ရန်ကုန်၊ ဇွန် ၇
ရန်ကုန်မြို့တွင်း ပြေးဆွဲနေသော အနောက်ပိုင်းခရိုင် ယာဉ်လိုင်းအမှတ် ၂၄၅ ဘီအမ်ယာဉ်တွင် လိုက်ပါစီးနင်းသည့် သံဃာတော်တစ်ပါးကို ထိုင်ခုံမရှိဟုဆိုကာ ကားပေါ်မှဆင်းခိုင်းသည့် ယာဉ်နောက် လိုက်ကို ဇွန်လ ၇ ရက်မှစ၍ ယာဉ်လိုက်ခွင့် တစ်လ ပိတ်သိမ်းလိုက်ကြောင်း မထသ (ဗဟို) တွဲဖက်အတွင်းရေးမှူး ဦးမောင်မြို့ က The Voice သို့ ပြောကြားသည်။

မေလ ၂၃ ၇က်နေ့က ဆူးလေမှ တောင်ဥက္ကလာပ ပင်းယမှတ်တိုင်သို့ စီးနင်းရန် ယာဉ်ပေါ်တက်လာသော သံဃာတော် တစ်ပါးကို ယာဉ်နောက်လိုက်က ထိုင်ခုံမရှိဟု ပြော၍ ကားပေါ်မှ ဆင်းခိုင်းသည့်အပြင် ထိုင်နေသူများ ထံမှလည်း ယာဉ်စီးခကောက်ပြီး ဖြစ်သဖြင့် ဖယ်ခိုင်း၍မရတော့ ဟုဆိုသောကြောင့် ကားပေါ်မှဆင်းခဲ့ရကြောင်း ကာယကံရှင် သံဃာတော်ကိုယ်တိုင် မထသ (ဗဟို) သို့ တိုင်ကြားစာအရ သိရသည်။
"ဘုန်းကြီးကတော့ ခေါ်ပြီး ဆုံးမဖို့ပဲ စာထဲမှာ မိန့်ထားပေမယ့် အပြစ်ရှိတယ် ဆိုတာ စစ်ဆေးပြီးလို့ ဒီနေ့ပဲ ပြစ်ဒဏ်ချတယ်၊ ဒီထက်ကြမ်းတမ်းစွာ ဆဲဆိုရင် အပြီးထုတ်ပယ်တဲ့အထိ ပြစ်ဒဏ်ပေးပါ တယ်" ဟု ဦးမောင်မြို့ကရှင်းပြသည်။

၂၀၁၃ ခုနှစ် ဇန်နဝါရီလ ၂၆ ရက်နေ့ကလည်း သံဃာတော်တစ်ပါးကို ကားပေါ်မှ ဆင်းခိုင်းသဖြင့် ယာဉ်မောင်းနှင့် ယာဉ်နောက်လိုက်ကို ယာဉ်လိုက်ခွင့်တစ်လ ပိတ်သိမ်းခဲ့သော်လည်း အဆိုပါ သံဃာတော်၏ တောင်းဆိုမှုကြောင့် ခုနစ်ရက်သာ ပိတ်သိမ်းခဲ့ကြောင်း မထသ(ဗဟို)ထံမှ စုံစမ်း သိရှိရသည်။
The Voice Weekly

အမျိုးသမီးတဦးကို ဆဲမှုနဲ့ဖမ်းချုပ်ပြီး အာမခံပေးဖို့ ပိုက်ဆံတောင်း

(ငပုတော) ဇွန်လ ၈ ရက်၊
အမျိုးသမီးတဦးကို ဆဲမှုနဲ့ဖမ်းချုပ်ပြီး အာမခံပေးဖို့အတွက် ငပုတောမြို့နယ် ရဲစခန်းက ငွေကျပ် ၂ သောင်းခွဲတောင်းခံခဲ့တဲ့ဖြစ်ရပ် ယခုလ ၄ ရက်နေ့က ငပုတောမြို့မှာ ဖြစ်ပွားခဲ့ပါတယ်။

ငပုတောမြို့ ရွှေဝါထွန်းရပ်ကွက်မှာနေတဲ့ မကျော့ခိုင်ကို သူ့ရဲ့ခဲအို(အစ်မယောက်ျား) ဖြစ်တဲ့ ကိုဖုန်းကျော်က ဆဲဆို၊ ခြိမ်းခြောက်၊ ရမ်းကားတာတွေလုပ်တဲ့အပြင် ကိုယ်ထိလက်ရောက် ရိုက်နှက်တဲ့အတွက် မကျော့ခိုင်ဟာ ငပုတောရဲစခန်းကို ယခုလ ၂ ရက်နေ့ ညနေပိုင်းက သွားရောက် တိုင်တန်းခဲ့ကြောင်း သိရပါတယ်။

မကျော့ခိုင်ရဲ့တိုင်တန်းမှုကြောင့် ကိုဖုန်းကျော်ကို အဲဒီ ၂ ရက်နေ့ ညပိုင်းမှာပဲ ငပုတောရဲစခန်းက လာရောက်ဖမ်းဆီးသွားခဲ့ပြီး နောက်တရက်မှာ မကျော့ခိုင်ကို စစ်ဆေးစရာ ရှိတယ်ဆိုပြီး ငပုတောရဲစခန်းက ခေါ်ပါတယ်။

“ကျမကို စစ်စရာရှိလို့ လာပါဦးဆိုတော့ သွားလည်းသွားရော မနက် ၉ နာရီလောက်မှာ ကျမကိုအချုပ်ထဲကို ဖမ်းထည့်ထားလိုက်တယ်။ အချုပ်ထဲကိုထည့်တော့ အာမခံယူရမယ်လို့ ပြောတယ်။ အာမခံယူဖို့ ၃ သောင်းခွဲပေးရမယ်ပြောတော့ ကျမမိတ်ဆွေတယောက်က လိုက်ညှိုပေးတော့ ၂ သောင်းခွဲပဲ ပေးရတယ်။ အဲဒါ ကလေးတွေအတွက် ကျောင်းစရိတ်နဲ့ ထီးတွေ ဖိနပ်တွေဝယ်ပေးဖို့ စုထားတဲ့ပိုက်ဆံတွေကို အာမခံအတွက် ပေးလိုက်ရတယ်”လို့ ကာယကံရှင် မကျော့ခိုင်က Myanmar News Now ကို ပြောပါတယ်။

လိုက်ပါကူညီပေးခဲ့တဲ့ ကိုကျော်မင်းထွန်းကလည်း အခုလို ရှင်းပြပါတယ်။

“ကျနော်က ရွှေဝါထွန်းရပ်ကွက်မှာ ကန်တူးနေတော့ သူတို့လင်မယားရောက်လာပြီး အာမခံအတွက် ၃ သောင်းခွဲတောင်းတယ်ဆိုပြီး လာပြောတယ်။ ဒါဆို ကျနော်လိုက်ညှိပေးမယ်ဆိုပြီး နယ်ထိန်းခေါင်းဆောင် ကိုအေးဆန်းနဲ့ သွားညှိတယ်။ သူက ညီလေးရေ ရေဖိုး၊ မီးဖိုးရယ် စာရွက်စာတမ်းကြေးရယ် နောက် ဒုရဲအုပ် နန်းဆွေ (ရဲစခန်းမှ တာဝန်ရှိသူတဦး) ကိုပေးဖို့က ၁ သောင်း။ အားလုံးပေါင်း ၃ သောင်းခွဲပေးရမယ်လို့ ပြောတယ်။ ညှိတဲ့နေရာက စခန်းအပေါ်ထပ်မှာပါ။ နောက်ဆုံး အဆင်ပြေအောင်ညှိတော့ ၂ သောင်းခွဲပဲ ပေးခဲ့ရတယ်။ ငွေကတော့ ကိုအေးဆန်းလက်ထဲပဲ ထည့်ခဲ့ရတယ်”လို့ သူက ပြောပါတယ်။

မကျော့ခိုင်ကို ဖမ်းချုပ်တာကတော့ သူ့ခဲအို ကိုဖုန်းကျော်ကို ပြန်ဆဲလို့ ကိုဖုန်းကျော်က ဆဲဆိုမှုနဲ့ အပြန်အလှန်အမှုဖွင့်ထားတဲ့အတွက် ခုလိုဖမ်းချုပ်ရတာဖြစ်ကြောင်း ရဲကပြောတယ်လို့ မကျော့ခိုင်က ဆိုပါတယ်။

မကျော့ခိုင်ဟာ ဆဲဆိုမှုတခုတည်းနဲ့ပဲ ငပုတောရဲစခန်းက အချုပ်ခန်းထဲမှာ နံနက် ၉ နာရီကနေ ၁၁ နာရီခန့်အထိ ၂ နာရီနီးပါး ချုပ်နှောင်ခံခဲ့ရတယ်လို့ သိရပါတယ်။

ဥပဒေပုဒ်မ ၂၉၄ ဆဲဆိုမှု ဆိုတာ အာမခံမယ့်လူရှိရင် တရားခံလို့ယူဆရသူကို လွှတ်ပေးလို့ရတဲ့ အာမခံပေးလို့ရတဲ့ပုဒ်မဖြစ်ပြီး အာမခံမယ့်လူမရှိခဲ့ရင်တောင် ကိုယ်တိုင် ခံဝန်နဲ့ အာမခံယူလို့ရတဲ့ ပြစ်မှုမျိုးပဲဖြစ်ပါတယ်။

ကိုဖုန်းကျော်ကို အမှုဖွင့်နိုင်ဖို့အတွက် မကျော့ခိုင်တို့မိသားစုဟာ အခုလ ၅ ရက်နေ့က ငပုတောရဲစခန်းမှာ သွားရောက်အမှုဖွင့်ခဲ့ရာမှာ အမှုဖွင့်ပေးဖို့အတွက် မနက် ၁၀ နာရီကနေ နေ့လည် ၂ နာရီအထိ ၄ နာရီကျော်ကြာအောင် စောင့်ဆိုင်းခဲ့ရကြောင်း သိရပါတယ်။

“ကလေးမလေးတွေက အမှုဖွင့်ဖို့ကို မနက် ၁၀ နာရီလောက်ကတည်းက ရဲစခန်းနားမှာ တ၀ဲလည်လည်ဖြစ်နေတာ နေ့လည် ၂ နာရီကျော်လောက်ကျမှပဲ အမှုဖွင့်လို့ရတယ်လို့ ပြောတယ်။ အမှုဖွင့်ဖို့ စောင့်နေတာ သူတို့ခမျာ နေ့လည်စာတောင် ငတ်ကြတယ်။ ဒါတွေဟာ မဖြစ်သင့်တဲ့ကိစ္စတွေလို့ မြင်ပါတယ်။ ပြည်သူပေးတဲ့လစာကိုစားနေတဲ့ ပြည်သူ့ရဲတွေအနေနဲ့ ပြည်သူအတွက် မှန်မှန်ကန်ကန်နဲ့ မြန်မြန်ဆန်ဆန် အလုပ်လုပ်ပေးရမယ့်တာဝန်ရှိပါတယ်။ အာမခံရဖို့ ငွေပေးခဲ့ရတယ်ဆိုတာသာ တကယ်မှန်ခဲ့ရင်တော့ ဒါဟာ ပြည်သူကို ခြိမ်းခြောက်ပြီး ငွေညှစ်တဲ့ အကျင့်ပျက်ခြစားတဲ့လုပ်ရပ်ပါပဲ”လို့ ငပုတောမြို့နယ် တိုင်းဒေသကြီးလွှတ်တော်ကိုယ်စားလှယ် ဦးအေးကြည်က ပြောပါတယ်။

ကိုဖုန်းကျော်ဟာ မကျော့ခိုင်ကိုရော ညီမဖြစ်သူ မနန်းမော်ကိုရော ဆဲဆိုရမ်းကားတဲ့အတွက် ညီအစ်မ ၂ ဦးစလုံးက ကိုဖုန်းကျော်ကို ရဲစခန်းမှာအမှုဖွင့်ထားပြီး ကိုဖုန်းကျော်က မကျော့ခိုင်ကို ဆဲမှုနဲ့ ပြန်လည်အမှုဖွင့်ထားကြောင်း သိရပါတယ်။ 
သစ်ထူးလွင်

ရထားတွဲလမ်းချော်

မန္တလေး- မြစ်ကြီးနား တွဲချိတ်ဖို့ ရှန်တိန်ပြုလုပ်နေစဉ် ညနေ ၄နာရီ ၀န်းကျင်က ရထားခေါင်း အမှတ် DD519 ဟာ တွဲဆိုင်းက ပြုတ်ထွက်ပြီး လမ်းအဆုံးမှာ သံလမ်းထိပ်ရှိ အိမ်ကို ၀င်တိုက် ရပ်ဆိုင်း သွားခဲ့ပါတယ်။ ဖြစ်စဉ်မှာ ထိခိုက်ဒဏ်ရာရသူ မရှိကြောင်း သိရှိရပါတယ်။
DVB TV News
သတင်းဓါတ်ပုံ - အိမ်ခိုင်မြဲ

ယနေ့ခေတ် သမ၀ါယမ စနစ်လည်း ခြစားမှုများရှိနေ

June 7, 2013
သမ၀ါယမ ၀န်ကြီးဌာန သမ၀ါယမ ဦးစီးဌာနက လူသုံးကုန်ပစ္စည်းနှင့် လုပ်ငန်းသုံးပစ္စည်းများကို အရစ်ကျစနစ်ဖြင့် ရောင်းချပေး ရာတွင် အောက်ခြေ အဆင့် မှ တာဝန်ခံများနှင့် နီးစပ်သူများသာ ၀ယ်ယူခွင့်ရရှိကြကြောင်း ဝေဖန်ပြောဆိုမှုများ ရှိနေသည်။



ဇွန်လ ၂ ရက်နေ့က ရန်ကုန်တိုင်းအတွင်းရှိ မြို့နယ်များကို အပ်ချုပ်စက်၊ ဆိုက္ကား၊ လယ်ယာသုံးပစ္စည်းများ နှင့် မော်တော်ကား များကို အရစ်ကျစနစ်ဖြင့် ရောင်းချပေးမှုတွင် ရန်ကုန်မြို့ခံ အများစုက မသိရှိကြကြောင်း ပြောဆိုသည်။

ရန်ကုန် မင်္ဂလာဈေးတွင် ဖွင့်လှစ်ထားသော သမ၀ါယမ ဘဏ် (CB ဘဏ်) (ဓာတ်ပုံ – CB ဘဏ် ၀က်ဘ်ဆိုက်)

“ဘယ်အချိန်က ရောင်းလိုက်တယ် ဆိုတာလည်း မသိဘူး။ ရပ်ကွက်ထဲက ဘယ်တာဝန်ရှိသူမှလည်း ကြေညာတာမျိုး မရှိဘူး။ ၀ယ်လာတဲ့သူတွေ ၀ယ်ပြီးတော့မှ ကြားရတာ။ ကိုယ်လိုချင်လို့ ဘယ်မှာ သွားဝယ်ရမယ်မှန်းလဲ အခုထိ မသိသေးဘူး”ဟု သင်္ဃန်း ကျွန်းမြို့နယ် ဦးစံဖေ ရပ်ကွက် ဒေသခံ မ၀ါဝါက ဧရာဝတီသို့ ပြောသည်။

ပြည်သူများကို အကြောင်းကြားရန် အဆင့်ဆင့် ညွှန်ကြားခဲ့သော်လည်း ငွေပေးသွင်းမှုများနှင့် ပတ်သက်ပြီး တာဝန်ယူရ မည် ဆိုသည့် အချက်များဖြင့် အကြောင်းကြားခြင်းဖြစ်ကြောင်း၊ တချို့ရပ်ကွက်များတွင် ထိုအချက်များကြောင့် ပြည်သူများကို အသိပေး အကြောင်းကြားခြင်းမျိုး မပြုလုပ်ခဲ့ကြကြောင်း ရန်ကုန်မြို့တွင်းရှိ သမ၀ါယမ ဦးစီးဌာန ရပ်ကွက်တာဝန်ခံ တချို့က ပြောသည်။

ထိုသို့ ရောင်းချရာတွင် ခွဲတမ်းဖြင့် ရောင်းချခြင်းမျိုးဖြစ်ကြောင်း၊ မြို့နယ်မှ ညွှန်ကြားရာတွင်လည်း ရပ်ကွက်တာဝန်ခံများက အာမခံ ပေးနိုင်သူများကိုသာ လျှောက်လွှာတင်ခိုင်းသဖြင့် ရပ်ကွက်အုပ်ချုပ်ရေးမှ ဆယ်အိမ်မှူးများကို တာဝန်ခံခိုင်းကာ ဒေသခံပြည်သူများကို အသိပေးရန် ပြောခဲ့ကြောင်း သင်္ဃန်းကျွန်းမြို့နယ် ဦးစံဖေရပ်ကွက်မှ ရပ်ကွက် သမ၀ါယမ တာဝန်ခံ ဦးစိန်မောင်ဌေး က ဧရာဝတီ သို့ ရှင်းပြသည်။

“ဆယ်အိမ်မှူးတွေကိုလည်း ကျနော် ပြောခဲ့ပါတယ်။ ဒါပေမယ့် မြို့နယ်ရုံးက လျှောက်လွှာတင်တဲ့သူတွေကို ခေါ်တော့ ၂၁ ဦးပဲ လာ တယ်။ ဒါ့ကြောင့် ကျနော်တို့ ရပ်ကွက်က ၂၁ လုံးရတယ်။ သင်္ဃန်းကျွန်းမြို့နယ်မှာ ၃၆ ရပ်ကွက်ရှိပေမယ့် ကျန်တဲ့ ၇ လုံးကိုပဲ တခြား ရပ်ကွက်တွေကို ခွဲပေးတယ်။ မရတဲ့ ရပ်ကွက်တွေ တပုံကြီးပဲ”ဟု ဦးစိန်မောင်ဌေးက ဆိုသည်။

သို့ရာတွင် ရပ်ကွက် ဆယ်အိမ်မှူးများအနေဖြင့်လည်း တာဝန်ခံရမည်ဆိုသည့် အချက်ကြောင့် တကယ်လို့များ သွင်းရမည့်ငွေကို ဆက်မသွင်းလျှင် ပြဿနာဖြစ်ပေါ်လာမည့်အရေးအတွက် စိုးရိမ်မှုများ ရှိနေကြောင်း၊ လိုချင်သူများအားလုံးကို လောက်ငစွာပေးနိုင် လျှင် ပိုမိုကောင်းမွန်မည် ဖြစ်ကြောင်း၊ မပေးနိုင်လျှင်လည်း ၁၅၀၀ ကျပ်တန် မိုဘိုင်းဖုန်း ရောင်းချသကဲ့သို့ ပွင့်လင်းမြင်သာစွာ ကြေ ညာပြီးမှ ပေးလျှင် အငြင်းပွားဖွယ်ရာများ ဖြစ်လာမည်အဟုတ်ကြောင်း ၎င်းက ဆက်ပြောသည်။

သမ၀ါယမ ၀န်ကြီးဌာနမှ အရစ်ကျရောင်းချပေးခဲ့သော အပ်ချုပ်စက်တွင် တရုတ်နိုင်ငံလုပ်ဆိုလျှင် ကျပ် ၇ သောင်း၊ အိန္ဒိယ နိုင်ငံ လုပ်ဆိုလျှင် ကျပ် ၈ သောင်း ၅ ထောင်ကို ၁၂ လ အရစ်ကျစနစ်ဖြင့် ရောင်းချခဲ့ကြောင်း၊ လယ်ယာသုံးစက်ကိရိယာ ၂၀၉ မျိုးကို ပထမအရစ် ၂၀ ရာခိုင်နှုန်းပေးသွင်းပြီး ကျန်ငွေများကို ၃၆ လ အရစ်ကျပေးသွင်းမှုစနစ်ဖြင့် ရောင်းချခဲ့ကြောင်း၊ ProBox Taxi များကို ကျပ် ၁၀၅ သိန်း သတ်မှတ်၍ ပထမအရစ် ၂၀ ရာခိုင်နှုန်းပေးသွင်းပြီး ကျန်ငွေများကို ၅ နှစ်၊ ၃ နှစ် စသဖြင့် အရစ်ကျပေးသွင်း စနစ်ဖြင့် ရောင်းချပေးခဲ့ကြောင်း သိရသည်။

“သမ၀ါယမရဲ့ ငွေချေးတာတွေကိုတော့ ကျနော်ကြိုဆိုတယ်။ ဒါပေမယ့် အခုဆိုရင် ဆိုက္ကားဆိုရင်လည်း တပ်ဆင်ထားတဲ့ ပစ္စည်း တွေနဲ့ ပတ်သက်ပြီး ပြောဆိုဝေဖန်တာကို ကြားရတယ်။ အပ်ချုပ်စက်လည်း တကယ်ဝယ်သုံးနိုင်တဲ့လူတွေရဲ့ လက်ထဲပဲရောက် တယ်။ မော်တော်ကားတွေမှာလည်း ကြားရတာပဲ”ဟု သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ် ဦးသိန်းညွှန့်က ပြော သည်။

သမ၀ါယမစနစ်သည် လက်ရှိ ဈေးကွက်စီးပွားရေး စနစ် ကျင့်သုံးနေချိန်တွင် အလုပ်မဖြစ်တော့သည့် စနစ်တခုဖြစ်သောကြောင့် ဖျက်သိမ်းသင့်နေပြီ ဖြစ်ကြောင်း၊ ၁၉၆၂ ခုနှစ်နောက်ပိုင်း အချိန်ကတည်းက ဖွဲ့စည်းခဲ့သော ထို သမ၀ါယမ စနစ်တွင် ရိုးသားမှု၊ ပွင့် လင်းမြင်သာမှု မရှိခဲ့ကြောင်း၊ ယခုကဲ့သို့ အရစ်ကျစနစ်ဖြင့် ရောင်းချပေးသည် ဆိုသည်မှာလည်း ၀န်ကြီးဌာန ရှင်သန် ရပ်တည်ရေး အတွက်သာ ပြုလုပ်ခြင်းမျိုးဟု ထင်မြင်မိကြောင်း လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်ကလည်း ဧရာဝတီ သို့ ပြောသည်။

“အဓိက ပြောချင်တာက အပေါ်က မူဝါဒချမှတ်တာတွေကိုပဲ။ အောက်ခြေ ၀န်ထမ်းဆိုတာက ခိုင်းရင် ခိုင်းတဲ့အတိုင်းလုပ်မှာပဲ။ အပေါ်က ဒါကိုသိရမှာ။ မဖြစ်နိုင်တဲ့လမ်းတွေကို ဖန်တီးနေတာ။ အဲဒါကြောင့်လဲ အခုလို မမှန်မကန်လုပ်ရပ်တွေ ဖြစ်ပေါ်လာတာ” ဟု ၎င်းက ဆိုသည်။

ထို့အပြင် ဇွန်လ ၂ ရက်နေ့က ကျင်းပသော သမ၀ါယမ ၀န်ကြီးဌာန၏ ပွဲသို့ တက်ရောက်လာသူများ အကျိုးရှိရန် အရစ်ကျစနစ်ဖြင့် ရောင်းချပေးသည့် သဘောမျိုးဖြစ်ကြောင်း၊ ထိုပွဲသို့ တက်ရောက်ရန် လူတဦးလျှင် ၁၅၀၀ ကျပ်ပေးပြီးခေါ်ယူသည်ဟုပင် ကြားရကြောင်း ၎င်းက ဆက်လက် ပြောဆိုသည်။

သိုရာတွင် ပြည်သူလူထုအနေဖြင့် သမ၀ါယမ အသင်းသားဟုဆိုရာတွင် ယခင်အချိန်များက ရှိနေပြီးသော သမ၀ါယမ အသင်းသား များ(ကင်းကွာအသင်းသား) နှင့် ယခုနောက်ပိုင်း အစုရှယ်ယာအပြည့် ၀င်ထားသော အသင်းသားကို ကွဲပြားမှုမရှိသောကြောင့် ထင်ယောင်ထင်မှားဖြစ်နိုင်ကြောင်း သမ၀ါယမ ၀န်ကြီးဌာန၏ သတင်းနှင့်ပြန်ကြားရေး ပြောရေးဆိုခွင့်ရှိသူ ဗိုလ်မှူးမြင့်အောင် က ဧရာဝတီသို့ ရှင်းပြသည်။

ယခု အရစ်ကျစနစ်သည် ပထမဆုံး ပြန်လည်ပြုလုပ်သော အသင်းသားများအတွက် ရောင်းချပေးမှုဖြစ်ကြောင်း၊ နောက်ပိုင်းတွင် ယခုထက် ပိုမိုလုပ်ကိုင်သွားမည်ဖြစ်ကြောင်းလည်း ၎င်းက ပြောသည်။

အရစ်ကျစနစ်ဖြင့်ရောင်းချရာတွင် အသင်းသားဖြစ်ရမည်ဖြစ်ကြောင်း၊ အသင်းရှယ်ယာအစုကိုလည်း အပြည့်ဝင်ထားသူ ဖြစ်ရန် လိုအပ်ကြောင်း၊ ထိုအချက်များကို ရပ်ကွက်တာဝန်ခံများအနေဖြင့် စိစစ်ရသောကြောင့် ယခုလို အမြင်လွဲမှားမှုများ ဖြစ်ရကြောင်း ၎င်းက ဆိုသည်။

“သမ၀ါယမ ၀န်ကြီးဌာနရဲ့ အသင်းငယ်တွေက သတ်မှတ်ထားတဲ့ ရှယ်ယာကို အပြည့်ထည့်ထားမှ ရမှာ။ ဥပမာ အသင်းတခုက ရှယ်ယာ ကျပ် ၁ သောင်း သတ်မှတ်ထားရင် ၅ ထောင်ပဲ ထည့်ရသေးတဲ့သူတွေ မရဘူး။ ဟိုတုန်းက အသင်းသားတွေ ဆိုတာ ရှယ် ယာပြည့်မပြည့် မသိနိုင်ဘူးလေ”ဟု ၎င်းက ပြောဆိုသည်။

သမ၀ါယမ ၀န်ကြီးဌာန၏ လက်အောက်တွင် အသင်းခွဲများစွာရှိပြီး အသင်း၏ထုတ်ကုန်ပေါ်မူတည်၍ အသင်းရှယ်ယာစု ငွေကြေးနှုန်းထား ကွဲပြားကြောင်း ဗိုလ်မှူးမြင့်အောင် က ဆိုသည်။

ထိုသို့ အသင်းရှယ်ယာ ကိစ္စများနှင့် ပတ်သက်ပြီး ပြည်သူလူထုအတွင်း သိရှိနားလည်နိုင်မှု မရှိသေးကြောင်း၊ သမ၀ါယမ အသင်း၏ ဖွဲ့စည်းပုံနှင့် အကြောင်းအရာများကို ရှင်းပြမည့်တာဝန်ခံများလည်း မရှိကြောင်း ရန်ကုန်မြို့ခံများက ဝေဖန် ထောက်ပြကြသည်။
စနေလင်း
ဧရာဝတီ

နွမ်းပါးသူနှင့် အရေးပေါ်လူနာ အစိုးရက အခမဲ့ ကုသနေပြီ

ပုံပါ မွတ်စလင် ကုသိုလ်ဖြစ်ဆေးရုံသည် လူနာများကို လူမျိုး၊ ဘာသာ၊ အဆင့်အတန်း မရွေး အခမဲ့ ကုသပေးနေသော ဆေးရုံဖြစ်သည် (ဓာတ်ပုံ – ဂျေပိုင် / ဧရာဝတီ)

June 7, 2013
ရံပုံငွေနည်းပါးသည့် ကျန်းမာရေးစောင့်ရှောက်မှုစနစ်ကို ပြုပြင်ပြောင်းလဲမှုများစတင်လိုက်သည့် နောက် တွင် မြန်မာနိုင်ငံ မှ ပြည်သူ့ဆေးရုံကြီးများတွင် ဆင်းရဲနွမ်းပါးသော လူနာများအ တွက် ဆေးဝါးများအခမဲ့ ပေးနေပြီဖြစ်သည်။ ယခင်က ကျင့်သုံးခဲ့သော ကုသမှုခံယူရာတွင် အသုံးပြုသည့် ဆေးနှင့် ဆေးပစ္စည်း များအတွက် လူနာဖက်မှ ကျခံရသည့် စနစ်ကို ရပ်ဆိုင်းလိုက်ပြီဖြစ်သည်။

ဆေးနှင့် ဆေးပစ္စည်းများ ၀ယ်ယူနိုင်ရန်အတွက် ပထမဆုံးအကြိမ်အဖြစ် ကျန်းမာရေးဝန်ကြီးဌာန၏ အထူး အရန်ငွေထဲမှ အသုံးစရိတ်ချထားပေးခဲ့သည့်အတွက် ယခုနှစ်ဆန်းပိုင်းမှစ၍ အစိုးရပိုင် ပြည်သူ့ဆေးရုံများတွင် ယခုကဲ့သို့ ပေးလာနိုင်ခြင်းဖြစ်ကြောင်း ကျန်းမာရေးအရာရှိတဦးက ဧရာဝတီသို့ပြောသည်။ လွန်ခဲ့သော နှစ်များစွာ အတွင်းတွင် ကုသမှု စရိတ်ကြီးမြင့်ခြင်းသည် မြန်မာနိုင်ငံမှ လူအများစုအတွက် ဆေးရုံတက်ရောက်မှု ခံယူနိုင်ရန် အတားအဆီး တခုလို ဖြစ်နေခဲ့သည်။

“တိုင်းပြည်မှာ နိုင်ငံရေးနဲ့ စီးပွားရေးသာမကပါဘူး ကျန်းမာရေးကဏ္ဍမှာလည်း ပြုပြင်ပြောင်းလဲမှုတွေ လုပ်နေပါတယ်” ဟု ရန်ကုန်မြို့ သင်္ဃန်းကျွန်း စံပြဆေးရုံကြီးမှ ဒေါက်တာဇော်ထွန်းက ပြောသည်။ ယခုကဲ့သို့ ဆေးဝါးများဝယ်ယူရန် ဘတ်ဂျက်ရှိလာခြင်းသည် ကျန်းမာရေးဝန်ကြီးဌာနအတွက် ဘတ်ဂျက်တိုးမြင့်ရရှိလာသောကြောင့်ဟုလည်း သူက ထပ်ပြောသည်။

“အရင်ကဆိုရင် အစိုးရက ဆေးနဲ့ ဆေးပစ္စည်းတွေကို ကိုယ်တိုင်ဝယ်တယ်၊ ပြီးတော့မှ ဆေးရုံတွေကို ခွဲဝေပေးတယ်။ ဆေးရုံတွေမှာ ဆေးဝယ်ဖို့ ကိုယ်ပိုင်ဘတ်ဂျက်မရှိဘူး။ ဒါကြောင့် လူနာတွေ ကိုယ့်ဆေးကိုယ်ဝယ် သုံးရတယ်။ အခုတော့ ကျနော်တို့ ဆေးနဲ့ ဆေးပစ္စည်းတွေကို ၀ယ်နိုင်ပါပြီ။ မတတ်နိုင်တဲ့ လူနာတွေကိုလည်း လွတ်လွတ်လပ်လပ် ပေးနိုင်ပါပြီ။ အဓိကအနေ နဲ့တော့ ဆင်းရဲနွမ်းပါးသူတွေနဲ့ အရေးပေါ်လူနာတွေ အတွက်ပါ” ဟု သူကပြောပြသည်။

ချထားပေးသည့် ဘတ်ဂျက်သည် ဆေးရုံ၏ အရွယ်အစားပေါ်တွင် မူတည်၍ ကွဲလွဲမှုရှိသည်ဟု ဒေါက်တာဇော်ထွန်းက ဆိုသည်။ ကုတင် ၃၀၀ ရှိသော စံပြဆေးရုံသည် ၂၀၁၂-၁၃ ဘဏ္ဍာရေးနှစ်အတွက် ကျပ်ငွေ သန်း၁၂၀ ရရှိခဲ့သည်။ ၂၀၁၃ ဖေဖော်ဝါရီ လမှစတင်၍ ဆင်းရဲနွမ်းပါးသော လူနာများအတွက် ဆေးနှင့် ဆေးပစ္စည်းများ အခမဲ့ ဝေငှ ပေးနိုင်ခဲ့ ပြီး နောက်ပိုင်းတွင် ပို၍ပေးနိုင်လာခဲ့သည်ဟု သိရသည်။

ဒေါက်တာဇော်ထွန်းက “ဧပြီလအထိ ကျနော်တို့ လူနာအားလုံး နီးပါးကို ထောက်ပံ့ပေးနိုင်ခဲ့ပါတယ်” ဟုပြောသော်လည်း အသေးစိတ် အချက်အလက်များကို ရုတ်တရက် မပြောနိုင်သေးပါ။ ပြီးတော့မှ “ကျနော်တို့ရဲ့ လူနာ ငါးဆယ်ရာခိုင်နှုန်း လောက်ကို ထောက်ပံ့နိုင်ခဲ့ပါတယ်” ဟု ဆက်ပြောသည်။

ယခုဆိုလျှင် ဆေးကုသမှုခံယူရန် လူနာများ ပိုမိုရောက်ရှိလာကြသည်ဟုလည်း သူကဆိုသည်။ ဆေးရုံ ကုတင်ပြည့်မှုနှုန်း ကလည်း ၁၂၈ ရာခိုင်နှုန်းမှ ၁၄၃ ရာခိုင်နှုန်း အထိတိုးတက်သွားသည်ဟု သိရသည်။

သို့သော်လည်း ပြည်သူအများစုသည် အစိုးရ၏ ကျန်းမာရေးထောက်ပံ့မှု အစီအစဉ်ကို သတိမပြုမိကြသေးကြောင်း ရန်ကုန်မြို့လယ်ရှိ ကုသိုလ်ဖြစ်ဆေးရုံ တခု၏ အဆိုအရသိရသည်။

“လူနာတွေက ဒီအကြောင်း မသိကြဘူး၊ အင်းစိန်ပြည်သူ့ဆေးရုံမှာ အခမဲ့ကုသပေးတဲ့ အစီအစဉ်တွေစနေပြီ။ ဒါပေမယ့် အင်းစိန်က လူနာတွေက ကျမတို့ဆီကိုလာနေကြတုန်းပဲ။သူတို့ မသိဘူးလေ။ ကျမတို့က ပြောပြေပေးဖို့လိုတယ်” ဟု မွတ်စလင် ကုသိုလ်ဖြစ်ဆေးရုံမှ တာဝန်ရှိသူ မစန္ဒီကပြောပြသည်။ မွတ်စလင် ကုသိုလ်ဖြစ်ဆေးရုံသည် လူနာများကို လူမျိုး၊ ဘာသာ၊ အဆင့်အတန်း မရွေး အခမဲ့ ကုသပေးနေသော ဆေးရုံဖြစ်သည်။

အသက် ၂၃ နှစ်ရှိပြီဖြစ်သော မစန္ဒီသည် ပြီးခဲ့သော အောက်တိုဘာလက အလုပ်သင်အဖြစ် မြောက်ဥက္ကလာပ အစိုးရဆေးရုံတွင် ဆေးဝါးအခမဲ့ပေးအပ်ခြင်း အစီအစဉ်များကို လေ့လာခဲ့သူဖြစ်သည်။ ငွေကြေးထောက်ပံ့ မှုများကို ဇန်န၀ါရီလတွင် စတင်ခဲ့သည်ဟု သူကဆိုသည်။

မွတ်စလင် ကုသိုလ်ဖြစ်ဆေးရုံ၏ ခွဲစိတ်ကုသဆောင်တွင် ရောက်နေသော အသက် ၄၁ နှစ်အရွယ် ဟာရွန်ဘီက အကုန်အကျ များလွန်းသည့်အတွက် သူ့ အနေဖြင့် တခါမျှ ဆေးရုံမသွားခဲ့ဖူးပါဟု ဆိုသည်။ ယခုအခါတွင် အူကျသည့် ရောဂါကို ခွဲစိတ်ကုသမှုခံယူရန် ဆေးရုံသို့ သူရောက်နေသည်။ ယခင်က နေမကောင်းဖြစ်ပါက အိမ်သုံးဆေးတွေ လောက်ပဲ ၀ယ်သောက်ပြီး ကိုယ့်ဖာသာကိုယ် ကုသသည်ဟုလည်း သိရသည်။ “ကျနော်မှ မတတ်နိုင်တာ” ဟု အလုပ်ကြမ်း သမားတယောက်ဖြစ်သည့် ဟာရွန်ဘီကပြောသည်။ သူ့ဝင်ငွေက တရက်ကို ၅၀၀၀ ကျပ်ရှိပြီး မြန်မာနိုင်ငံ၏ ပျမ်းမျှ တနေ့ ၀င်ငွေထက်များသည်။

ထိုကုသိုလ်ဖြစ်ဆေးရုံကို ရောက်ရှိနေကြသော အခြားလူနာများကလည်း အစိုးရဆေးရုံများသို့ မရောက်ဖူးကြောင်း ပြောကြသည်။ ရောဂါ ဖြစ်လျှင် ဆေးဆိုင်တွေမှာ ဆေးဝယ်သောက်၍ ဖြစ်စေ ရပ်ကွက်ထဲက ဆေးခန်းမှာပဲဖြစ်စေ သူတို့ ကုသကြသည်။

မွတ်စလင် ဆေးရုံ၏ ခွဲစိတ်မှုဌာန အကြီးအကဲ ဒေါက်တာတင်မျိုးဝင်းကလည်း သူတို့၏ ကုသိုလ်ဖြစ်ဆေးရုံသို့ အစိုးရဆေးရုံသို့သွားရန် ငွေကြေးမတတ်နိုင်သည့် လူနာတွေ အစုလိုက်အပြုံလိုက် ရောက်လာနေကြဆဲဖြစ်သည်ဟု ပြောသည်။ သူက အတိုက်အခံခေါင်းဆောင် ဒေါ်အောင်ဆန်းစုကြည်၏ မိသားစု ဆရာဝန်လည်းဖြစ်သည်။ ခွဲစိတ် ဆောင်တွင် လူနာများလွန်းသည့် အတွက် တနေ့လျှင်ခွဲစိတ်မှု ၁၀ ကြိမ်မှ ၁၅ ကြိမ်အထိပြုလုပ်ပေးနေရသည် ဟုလည်း သိရသည်။

“သဘောတရား အရဆိုရင် ခွဲစိတ်ဆရာဝန် တယောက်ဟာ တနေ့ကို အကြီးစားခွဲစိတ်မှု ၅ ကြိမ်လောက်ပဲ လုပ်သင့်တယ်” ဟု သူက ဧရာဝတီသို့ ယခင်လအတွင်းကပြောပြခဲ့သည်။

ကုသိုလ်ဖြစ်ဆေးရုံသည် အရေးကြီးပြီး ရှုပ်ထွေးသော နှလုံး၊ ဦးဏှောက် နှင့် ကျောက်ကပ် စသောခွဲစိတ်မှုများ ဆိုလျှင်တော့ အခြားဆေးရုံကြီးများသို့ လွှဲပြောင်းပေးနေရသည်။ မွတ်စလင် ကုသိုလ်ဖြစ်ဆေးရုံ၏ ခွဲစိတ်ကုသဆောင်တွင် ကုတင် ၂၅ လုံး ရှိသည်။ ထိုဆေးရုံ၏ တဦးတည်းသော ခွဲစိတ်ကုဆရာဝန်ဖြစ်သူ ဒေါက်တာတင်မျိုးဝင်းက အခမဲ့ကုသရေး အစီ အစဉ်များကို တစိတ်တပိုင်း စတင်နေပြီဖြစ်သည့် အစိုးရပိုင် ရန်ကုန် ဗဟိုအမျိုးသမီး ဆေးရုံကြီးသို့ လူနာများ လွှဲပြောင်းပေးနိုင်ရန် ကြိုးစားနေသည်ဟု ဆိုသည်။ သို့သော် အခြားဆေးရုံများတွင်လည်း အခမဲ့ ကုသရေး အစီအစဉ် များ စတင်နေပြီ ဆိုသည်ကို သူ သတိမထားမိပါဟု ပြောသည်။

“လူနာတွေက တခြားဆေးရုံတွေကို သွားဖို့ မတတ်နိုင်ကြဘူး၊ ရန်ကုန်ဆေးရုံကြီးမှာဆို ဒီလိုမဟုတ်ဘူး၊ ကုန်ကျစရိတ် အားလုံးကို လူနာက ကျခံရတယ်။ ကိုယ့်ဆေးကိုယ် ၀ယ်ရမယ်။ ခွဲစိတ်မှုလုပ်မယ်ဆိုရင် ဂွမ်းတွေ ပတ်တီးတွေက အစ ကိုယ့်ဖာသာဝယ်ရမယ်” ဟု ဒေါက်တာတင်မျိုးဝင်းကပြောပြသည်။

စံပြဆေးရုံ အတွင်းနှင့် အပြင်ဖက်တွင် အခမဲ့ကုသမှု အစီအစဉ်နှင့် ပတ်သက်၍ ကြေညာထားခြင်း မရှိကြောင်း ဒေါက်တာ ဇော်ထွန်းက ပြောသည်။ မဂ္ဂဇင်း၊ သတင်းစာနှင့် ဂျာနယ်များတွင် အခမဲ့ကျန်းမာရေးဝန်ဆောင်မှုများ အကြောင်း ရေးသား ဖော်ပြခဲ့ကြပြီးဖြစ်ကာ လူနာတွေလည်း ပိုမိုရောက်လာသည့်အတွက် ကြေညာရန် မလိုအပ်တော့ဟု သူကဆိုသည်။

နောက်တပတ်ထဲတွင် နေပြည်တော်သို့ သွား၍ ကျန်းမာရေးဝန်ကြီးဌာန ၀န်ကြီး ဒေါက်တာဖေသက်ခင်နှင့် တွေ့ဆုံကာ ဆေးရုံအတွက် ဆေးဝါးနှင့် အသုံးအဆောင်များဝယ်ယူရန် ဘတ်ဂျက်ကိစ္စ ဆွေးနွေးမည်ဟု ကျန်းမာရေး အရာရှိ တဦးက ပြောသည်။ နောက်လာမည့် ဘဏ္ဍာရေး နှစ်တွေ ဘတ်ဂျက်ပိုရရန်လည်း သူက မျှော်လင့်နေသည်။

“ဇွန်လ ၁၄ရက်နေ့မှာ တနိုင်ငံလုံးက ကျန်းမာရေးအရာရှိတွေ အကုန်လုံး နေပြည်တော်မှာ တွေ့ဆုံပြီးတော့ ဘတ်ဂျက် ကိစ္စဆွေးနွေးကြပါမယ်” ဟု သူကပြောပြသည်။

လူနာ အားလုံးအတွက် ဆေးဝါး အခမဲ့ ပေးနိုင်သည့် အခြေအနေသို့ ရောက်လာရန် ဖြစ်နိုင် မဖြစ်နိုင် မသေချာကြောင်း သူ ကဆိုသည်။ သို့သော်လည်း ကျန်းမာရေးဝန်ကြီးဌာန အနေဖြင့် မြန်မာနိုင်ငံတွင် ကျန်းမာရေး အာမခံစနစ်ကို ကျင့်သုံးနိုင် ရန် လေ့လာဆန်းစစ်မှုများ ပြုလုပ်နေသည်ဟု သူက ထပ်ပြောသည်။

“မြန်မာနိုင်ငံမှာ ခုထိ အဲဒီစနစ် မရှိသေးဘူးလေ၊ ၀န်ကြီးကတော့ လုပ်ဖို့ အစီအစဉ်ရှိတယ်၊ ကျန်းမာရေးအာမခံစနစ်ကို ဘယ်လိုတည်ထောင်မယ်ဆိုတာကို လေ့လာနေကြပြီလို့ ပြောပါတယ်” ဟု သူကဆိုသည်။

ပြည်သူ့ဆေးရုံများ အတွက် ဆေးနှင့် ဆေးပစ္စည်းများဝယ်ယူရန် ဘတ်ဂျက်ချထားပေးခြင်းသည် မြန်မာနိုင်ငံ၏ ကျန်းမာရေး စောင့်ရှောက်မှုစနစ်ကို ပြုပြင်ပြောင်းလဲမှုများ ပြုလုပ်ရန် တွန်းအားများပိုမို များပြားလာခဲ့ခြင်းကြောင့် ဖြစ်သည်။ မြန်မာနိုင်ငံ၏ ကျန်းမာရေးစောင့်ရှောက်မှု စနစ်သည် ခွင့်ပြုသုံးစွဲငွေ နည်းပါးလွန်းသည့်အတွက် ဆယ်စု နှစ် များစွာကထဲက ပျက်စီးယိုယွင်းခဲ့ရသည်ဟု ကျွမ်းကျင်သူများက ပြောကြသည်။ ယခင် စစ်အစိုးရလက်ထက် ၂၀၀၇ ခုနှစ် က ကျန်းမာရေးစောင့်ရှောက်မှုအတွက် သုံးစွဲငွေသည် လူတဦးချင်းစီအတွက် အမေရိကန် တဒေါ်လာထက် နည်းသည်ဟု ကျန်းမာရေးဝန်ကြီးဌာနမှ မှတ်တမ်းအချက်အလက်များအရ သိရသည်။

မြန်မာနိုင်ငံ၏ ကျန်းမာရေးအသုံးစရိတ်တွင် ပြည်သူများ၏ ကိုယ်ပိုင်ငွေမှ ကျခံရခြင်းက အဓိကဖြစ်နေသည်ဟု ကျန်းမာရေးဝန်ကြီးဌာန၏ ၂၀၀၈-၀၉ ခုနှစ် အမျိုးသားအဆင့် စာရင်းများအရ သိရသည်။ အဆိုပါ စာရင်း အချက်အလက် များအရဆိုလျှင် ပြည်သူများ၏ ကျန်းမာရေး ကုန်ကျစရိတ်၏ ၁၀ ရာခိုင်နှုန်း ကိုသာ ကျန်းမာရေးဝန်ကြီးဌာနက ကျခံပေးခဲ့ ပြီး ပြည်သူလူထု၏ ကိုယ်ပိုင်ငွေက ၈၂ မှ ၈၅ ရာခိုင်နှုန်း ပါဝင်နေခဲ့သည်။ ကျန်ရာနှုန်း အနည်းငယ်ကို အခြားဝန်ကြီးဌာန များနှင့် အစိုးရမဟုတ်သော အဖွဲ့အစည်းများက ထောက်ပံ့ပေးခဲ့ရသည်။

ကျန်းမာရေးဝန်ကြီးဌာနက ၂၀၃၀ ခုနှစ်တွင် အားလုံးအတွက် ကျန်းမာရေးစောင့်ရှောက်မှု ပေးနိုင်ရန်ရည်ရွယ်ချက်ထားပြီး မြန်မာ့ကျန်းမာရေးဆိုင်ရာမျှော်မှန်းချက် (Myanmar Health Vision 2030) အမည်တွင်သည့် နှစ် ၃၀ စီမံကိန်းချမှတ်၍ ဆောင်ရွက်နေပါသည်ဟု ဆိုသည်။

သို့သော်လည်း ရလဒ် ကောင်းများ ရဖို့လိုပါသည်ဟု ယမန်နှစ်က မြန်မာနိုင်ငံမှ ဆေးရုံများကို လာရောက်လေ့လာခဲ့သည့် ထိုင်းနိုင်ငံတွင်းရှိ မြန်မာရွှေ့ပြောင်း ဒုက္ခသည်စခန်းများတွင် ဆယ်နှစ်ကျော် လုပ်ကိုင်ခဲ့သူ ပြည်သူ့ကျန်းမာရေးသုတေသီ Dr. Vit Suwanvanichikij ကဆိုသည်။ မြန်မာနိုင်ငံ၏ လက်ရှိကျန်းမာရေးစောင့်ရှောက်မှုစနစ်ကို သူက “ကမ္ဘာပေါ်တွင် ပုဂ္ဂလိက အဆန်ဆုံး ကျန်းမာရေးစနစ်” ဟု သရုပ်ဖော်ဖွင့်ဆိုခဲ့၏။

ယခုအခါတွင် အစိုးရက ကျန်းမာရေးအသုံးစရိတ်ကို တိုးမြှင့်လိုက်သည် ဆိုသော်လည်း စုစုပေါင်း အသုံးစရိတ်၏ ၃ ရာခိုင်နှုန်းသာ ရှိသေးသည်။ ဒေါက်တာ တင်မျိုးဝင်းနှင့် ကျန်းမာရေးဆိုင်ရာ ကျွမ်းကျင်သူများကတော့ ထိုမျှသောပမာဏ သည် “လုံးဝ မလုံလောက်ပါ” ဟု မှတ်ချက်ပေးကြပါသည်။
ဆမန်သာ မစ်ရှယ်
ဧရာဝတီ

မွတ်စလင် ဒုက္ခသည်တွေ နေရာပြောင်းရွှေ့ ဖို့ ငြင်းဆန်

စစ်တွေမြို့က မွတ်စလင် ဒုက္ခသည်စခန်းပုံ
photo: RFA/ Min Thein Aung

2013-06-07  
ပြီးခဲ့တဲ့နှစ် အောက်တိုဘာလက ရခိုင်ပြည်နယ် အတွင်း ဖြစ်ပွားခဲ့တဲ့ ပဋိပက္ခဖြစ်စဉ်နောက်ပိုင်း စစ်တွေမြို့ အနောက်ဘက် ဒုက္ခသည်စခန်းတွေ မှာ ရွှေ့ပြောင်းနေထိုင်ကြတဲ့ မွတ်စလင်ဒုက္ခသည်တွေ ကို ပေါက်တောမြို့နယ်ကို ပြန်လည်ပြောင်းရွှေ့ဖို့ စီစဉ်ရာမှာ မပြောင်းလိုကြပဲ ငြင်းဆန်နေတယ်လို့ ရခိုင်ပြည်နယ်အစိုးရအဖွဲ့က အတည်ပြုပြောကြား ပါတယ်။

စစ်တွေမြို့နားမှာ ဒုက္ခသည်စခန်းပေါင်း ၈ ခုဝန်းကျင်ရှိပြီး သဲချောင်းကျေးရွာအနီး ပေါက်တော ဒုက္ခသည်စခန်းက ဒုက္ခသည်တွေကို ပေါက်တောမြို့ မှာ ပြန်လည်နေရာချထားပေဖို့ စီစဉ်နေတာလို့ သိရပါတယ်။ ဒီကိစ္စနဲ့ ပတ်သက်ပြီး ရခိုင်ပြည်နယ် အစိုးရ ပြောခွင့်ရ ပြည်နယ်ဥပဒေချုပ် ဦးလှသိန်းက အခုလို ပြောပါတယ်။

"ပို့မယ်ဆိုတဲ့အခါမှာ လူထုရဲ့သဘောထားကို ယူရတယ်၊ ခုနကပြောသလို  ပေါက်တောကလူတွေ က ပေါက်တောကို ပြန်ပါမယ်လို့ ပြောပြီးတော့ ကျနော်တို့က  သူတို့အတွက် နေရာချ၊ ချပြီးတော့ရှိရင် တဲဆောက်မယ့်နေရာတွေ  လုပ်ပြီးတဲ့အခါကျတော့ ရွေ့မယ်လို့သွားပြောတဲ့အခါကျတော့ မရွေ့တော့ဘူး၊  ကျနော်တို့ကတော့ နဂိုအစီအမံကတော့ အဲဒီလိုပါ၊ သူ့မြို့နယ်ကလူ  သူ့မြို့နယ်ပြန်သွားပေါ့၊ ကျနော်တို့က လည်း ပို့မယ့်အစီအစဉ်တော့ရှိတယ်၊  အခုထိတော့ အဲလိုဖြစ်နေတယ်"

စစ်တွေမြို့နားက ဒုက္ခသည်တွေကို မူရင်းမြို့နယ်မှာ ပြန်လည်နေရာချထားပေးဖို့အတွက် ဒုက္ခသည်တွေနဲ့ ကြိုတင်ဆွေးနွေး သဘောတူညီခဲ့တယ်လို့ဆိုပါတယ်။ ပေါက်တောမြို့နယ်ဘက်က ပြောင်းရွှေ့လာတဲ့ ဒုက္ခသည်တွေဟာ စစ်တွေမြို့နားက စခန်းတွေမှာ ယာယီခိုလှုံနေကြတာဖြစ်ပြီး အခုလမကုန်မီ ဒုက္ခသည်တွေ အားလုံး အမိုးအကာအောက် ရောက်ရှိရေးအတွက် ပြည်နယ်အစိုးရက စီစဉ်ဆောင်ရွက်နေတာလို့ သိရပါတယ်။
RFA Burmese

ကမ္ဘာမှာ ဝင်ဆံ့ ခဲ့တဲ့ စီးပွားရေး ဖိုရမ် ပြီးဆုံး

စီးပွားရေး ညီလာခံ နောက်ဆုံးနေ့မှာ သမ္မတ ဦးသိန်းစိန် ဆွေးနွေးခဲ့

7 ဇွန်လ 2013
မြန်မာ နိုင်ငံမှာ ကျင်းပခဲ့တဲ့ ကမ္ဘာ့ စီးပွားရေး ညီလာခံကြီး ဟာ မြန်မာ နိုင်ငံ အတွက် အကျိုးရှိတဲ့ ဆွေးနွေးပွဲကြီး အဖြစ် သမ္မတ ဦးသိန်းစိန်က ညီလာခံ နောက်ဆုံးနေ့ ဆွေးနွေးပွဲ တစ်ခုမှာ ပြောခဲ့ ပါတယ်။

နှစ်ပေါင်း ၂၀ ကျော် ကြာအောင် အထီးကျန် နေခဲ့တဲ့ မြန်မာ နိုင်ငံဟာ အခုမှ ကမ္ဘာ့ မိသားစု ဝင် နိုင်ငံ တစ်နိုင်ငံ ပြန်ဖြစ်လာပြီ ဖြစ်လို့ ဝမ်းသာစရာကောင်းတယ်လို့လည်း သမ္မတ ဦးသိန်းစိန်က ပြောပါတယ်။

ဆက်စပ်သတင်းနဲ့ အစီအစဉ်များဆင်းရဲသားတွေ ဘဝမြှင့်ဖို့ ဦးသိန်းစိန်ပြောကမ္ဘာ့စီးပွားရေး ဖိုရမ် ဓာတ်ပုံများ
မြန်မာ နိုင်ငံမှာ ကြုံရတဲ့ အခက် အခဲ တွေထဲမှာ လက်နက်ကိုင် အဖွဲ့ ၁၁ ဖွဲ့နဲ့ ငြိမ်းချမ်းရေး ဆွေးနွေးမှုက အဓိက ဖြစ်ကြောင်းနဲ့ လောလောဆယ်မှာ တစ်နိုင်ငံလုံး အပစ် အခတ် ရပ်စဲ ထားနိုင်ပြီ ဖြစ်ကြောင်းလည်း သမ္မတက ပြောခဲ့ တယ်လို့ ဘီဘီစီ သတင်းထောက်က ပြောပါတယ်။

ဒါ့အပြင် မြန်မာ နိုင်ငံမှာ အရင်းအနှီး၊ နည်းပညာနဲ့ လူ့စွမ်းအား ရင်းမြစ် ဖွံ့ဖြိုးဖို့ လိုအပ် နေတာတွေကို ဝန်ခံ ပြောဆိုခဲ့ပြီး ပြည်ပက ရင်းနှီး မြှုပ်နှံမှုတွေ ဝင်လာရင်တော့ ဒီလိုအပ်ချက်တွေ ရလာနိုင်တဲ့ အတွက် တိုင်းပြည် အနာဂတ်မှာ မျှော်လင့်ချက်တွေ ရှိလာနိုင် တယ်လို့ လည်း ဦးသိန်းစိန်က ပြောခဲ့ ပါတယ်။

စီးပွားရေး ညီလာခံ တက်ရောက် လာကြတဲ့ ပညာရှင်တွေ၊ နိုင်ငံ့ ခေါင်းဆောင် တွေက မြန်မာ နိုင်ငံ ရင်ဆိုင် နေရတဲ့ စိန်ခေါ်မှု တွေနဲ့ အခက် အခဲတွေကို ထောက်ပြ ခဲ့ကြ ရာမှာ မြန်မာ နိုင်ငံအတွင်း ပြောင်းလဲမှု တွေရဲ့ အသီးအပွင့် တွေကို အခြခံ လူတန်းစား အားလုံး အထိ ခံစားခွင့် ရရှိအောင် လုပ်ဆောင်ဖို့ ဆိုတာလည်း ပါဝင်ပါတယ်။

သမ္မတ ဦးသိန်းစိန် ကတော့ အများ ပြည်သူ အကျိုး အတွက် အစိုးရနဲ့ ပုဂ္ဂလိက ပူးပေါင်းပြီး စီမံကိန်းတွေ လုပ်ဆောင် နေကြောင်းနဲ့ တိုင်းပြည် ချမ်းသာရေးထက် ပြည်သူ အများ ဆင်းရဲတွင်းက ရုန်းထွက်နိုင်အောင် အဓိက ဆောင်ရွက်နေတယ်လို့ လည်း ထည့်သွင်း ပြောသွားခဲ့ ပါတယ်။

မြန်မာ နိုင်ငံမှာ ကျင်းပခဲ့တဲ့ ကမ္ဘာ့ စီးပွားရေး ညီလာခံကြီးမှာ နိုင်ငံပေါင်း ၅၅ နိုင်ငံက ကိုယ်စားလှယ် တစ်ထောင်လောက် တက်ရောက် ခဲ့ပြီး ခရီးသွားလုပ်ငန်း ဆိုင်ရာ အပါအဝင် သဘောတူညီချက် တချို့ လက်မှတ် ရေးထိုး နိုင်ခဲ့ ပါတယ်။
BBC Burmese

Smart ဗီဇာ အတွက် အာဆီယံ ၄ နိုင်ငံ သဘောတူ

အာဆီယံ ၁ဝ နိုင်ငံအတွင်း ပြည်ဝင်ခွင့်ဗွီဇာ တခုတည်းနဲ့လည်ပတ်နိုင်မယ့် အစီအစဉ် စတင်မယ်

7 ဇွန်လ 2013
ခရီးသွား လုပ်ငန်း မြှင့်တင်ရေး အတွက် အလွယ်တကူ သွားလာ နိုင်မယ့် ဗီဇာမျိုး ထုတ်ပေး နိုင်ရေးတွက် မြန်မာ၊ ကမ္ဘောဒီးယား၊ အင်ဒိုနီးရှားနဲ့ ဖိလစ်ပိုင် တို့ လက်မှတ် ရေးထိုး လိုက်ကြ ပါတယ်။

၎ နိုင်ငံ ခရီးသွား မြှင့်တင် ရေးမှာ သဘော တူညီချက် အခေါ် ကတော့ Smart Visa ဖြစ်ပြီ ဆိုတဲ့ ခရီးသွား လာရေး လွယ်ကူမှု ရှိအောင် လမ်းစ ရှာဖွေ လုပ်ကိုင် သွားဖို့ သဘောတူ ခဲ့တာ ဖြစ်တယ်လို့ မြန်မာ နိုင်ငံ ခရီးသွား လုပ်ငန်း အသင်း ဥက္ကဌ ဦးအောင်မြတ်ကျော်က ပြောပါတယ်။

ဆက်စပ်သတင်းနဲ့ အစီအစဉ်များအာရှ-ပေါအောက် ဖိုရမ် စတင်အမေရိကန်မှာ နိုင်ငံတကာ ကျောင်းသားတွေ အပေါ် ဗီဇာ စီစစ်တင်းကျပ်ဆိုက်ရောက်ဗီဇာ ဒီနေ့က စပြီး ထုတ်ပေးဆက်စပ်အကြောင်းအရာများအာဆီယံ
မြန်မာ၊ လော၊ ကမ္ဘောဒီးယား နဲ့ ဗီယက်နမ် နိုင်ငံတို့ ၄ နိုင်ငံ ကို ဗီဇာ တခုတည်းနဲ့ သွားနိုင်မယ့် အစီ အစဉ် ကိုလည်း အခုနှစ် အတွင်းမှာ စနိုင် မယ်လို့ မြန်မာ နိုင်ငံ ဟိုတယ်နဲ့ ခရီးသွား ဝန်ကြီး ဌာနက ပြောတဲ့ အကြောင်း ဦးအောင်မြတ်ကျော်က ပြောပါတယ်။

အစပိုင်း မှာတော့ အဲ့ဒီ ၄ နိုင်ငံက နိုင်ငံသား တွေကို အရင်ဆုံး ခွင့်ပြုမှာ ဖြစ်ပြီး နောက်ပိုင်း အခြေတည် လာပြီး ဆိုရင်တော့ ကမ္ဘာလှည့် ခရီးသည်တွေ ကိုပါ ခွင့်ပြု သွားမယ် လို့ဆိုပါတယ်။

၂ဝ၁၅ ခုနှစ် က စပြီး အာဆီယံ ၁ဝ နိုင်ငံ အတွင်း ပြည်ဝင်ခွင့် ဗွီဇာ တခုတည်းနဲ့ လည်ပတ် နိုင်မယ့် အစီ အစဉ်ကို စတင် လုပ်ဆောင်မှာ ဖြစ်ပါတယ်။

မြန်မာ နိုင်ငံ ခရီးသွား လုပ်ငန်း အတွက် (ADB) အာရှ ဖွံ့ဖြိုးရေး ဘဏ် နဲ့ နော်ဝေ အစိုးရတို့ က အမေရိကန် ဒေါ်လာ သန်း ၅ဝဝ ကူညီ သွားမှာ ဖြစ်ပြီး နောက် လာမယ့် ၇ နှစ် အတွင်း ကမ္ဘာလှည့် ခရီးသည် ၇ သန်းခွဲ လာရောက် လည်ပတ် နိုင်မယ်လို့ ခန့်မှန်းထား ပါတယ်။

ပြီးခဲ့တဲ့ နှစ်တုန်းက မြန်မာ နိုင်ငံကို လာရောက် လည်ပတ်တဲ့ ခရီးသည် အားလုံးပေါင်း ၁ သန်းခွဲ ရှိပြီး ကျော်ရှိပြီး ရန်ကုန် လေဆိပ်က ဝင်လာသူက ၆ သိန်းကျော် ရှိပါတယ်။

အခုနှစ် မှာတော့ တစ်လချင်း အလိုက် တဝက်ကျော် ပိုများ လာတယ်။ ဒါကြောင့် အခုနှစ် ကုန်ပိုင်း အထိ ဆိုရင် ရန်ကုန်က ဝင်လာတဲ့ ခရီးသည် ၁ သန်းကျော် ရှိမယ် လို့ ခန့်မှန်း ပြောဆို နေကြ ပါတယ်။
BBC Burmese

ခြောက်နှစ်အရွယ်ယောကျာ်းလေး၏ ဝမ်းဗိုက်အတွင်းမှ သန္ဓေသားကို အောင်မြင်စွာခွဲထုတ်

ဝမ်းဗိုက်တွင် ဖြစ်ပေါ်ခဲ့သည့် သန္ဓေ သားကို ခွဲစိတ်အပြီးတွေ့ရစဉ်  ဓာတ်ပုံ - ရဲနောင် (ဖယ်ခုံ)

ကမ္ဘာတွင် ထူးခြားဖြစ်စဉ်တစ်ခုဖြစ်သည့် မြန်မာနိုင်ငံမှ အသက်ခြောက်နှစ် အရွယ်ယောကျာ်းလေးတစ်ဦး၏ ဝမ်းဗိုက်အတွင်းတွင်ရှိသော သန္ဓေ သားကို ရန်ကုန်တွင် အောင်မြင်စွာခွဲ စိတ်ထုတ်ယူနိုင်ခဲ့ကြောင်း သိရသည်။ အဆိုပါဖြစ်စဉ်သည် ရန်ကုန်တိုင်းဒေသကြီး ကွမ်းခြံကုန်း မြို့နယ် တောင်ကုန်းကျေးရွာတွင် နေထိုင်လျက် ရှိ သည့် မောင်--- ၏ဝမ်းဗိုက်တွင် ဖြစ်ပေါ်ခဲ့ခြင်းဖြစ် ပြီး အဆိုပါသန္ဓေသားကို မေ ၂၈ရက်က ခွဲစိတ်ထုတ်ယူခဲ့ခြင်း ဖြစ်ကြောင်း သိရသည်။

ယင်းဖြစ်စဉ်နှင့် ပတ်သက် ပြီးကလေးငယ်၏ မိခင်ဖြစ်သူက ''ဒီကလေးကို ကိုယ်ဝန်ဆောင် တုန်းက ဆရာဝန်က အမြွှာဖြစ် နိုင်တယ်လို့ ပြောတယ်။ ဒါပေမဲ့ မွေးတော့ တစ်ယောက် တည်းပဲ။ ကလေးကိုမွေးတုန်းက မသိဘူး။ ဒီနှစ် မတ်လလောက်ကမှ ဘဲဥ လောက် အရွယ်အလုံးက ဗိုက်အပြင်ကို စူထွက်လာတယ်။ ကင်ဆာထင်ပြီး စိုးရိမ်ပြီး တော့ ရန်ကုန်တက် လာခဲ့ပါတယ်။ အပြင်ဆေးခန်းမှာ ပြတော့ ဓာတ်မှန်ရိုက်ပြီး စိုးရိမ် ရတယ်ဆိုလို့ ခွဲစိတ်ဖို့စီစဉ်ဆောင် ရွက်ခဲ့တာပါ။ ခွဲလိုက် တော့ မျက် လုံး၊ နှာခေါင်း နဲ့ ခြေလက်လေး တွေပါတဲ့ ကလေးလို့ ယူဆနိုင်တဲ့ ဟာကိုတွေ့တာပါပဲ''ဟု ပြောသည်။

ယင်းကဲ့သို့ခွဲစိတ်ရန်အတွက် ဆေးကုသမှုမှာ မေ၁၃ရက်မှစ၍ ၂၂ရက်ကြာရှိခဲ့ပြီး မေ၂၈ရက် တွင်ခွဲစိတ်ခဲ့ကာ ကလေးငယ်မှာ ဇွန်၅ရက်တွင် ဆေးရုံမှဆင်းခဲ့ ကြောင်းသိရသည်။ ကလေးကို ခွဲစိတ်ချိန်မှာ မွန်းလွဲ၁နာရီခွဲတွင် စတင်ခွဲစိတ်ခဲ့ပြီး ညနေ ၆နာရီတွင်ခွဲခန်းမှ ထွက်ခဲ့ကြောင်း သိရသည်။ အဆိုပါဖြစ်စဉ်နှင့်ပတ်သက် ၍ ကလေးငယ် အားခွဲစိတ်ခဲ့သူ ကလေးခွဲစိတ်အထူးကုဆရာဝန် ကြီးက ''ဒီကလေးကို ကျွန်မခွဲစိတ် ပေးခဲ့တယ်။ ကင်ဆာလိုမျိုးဆန်းတဲ့ အလုံးလဲမဟုတ်ပါဘူး။ ရိုးရိုး အလုံး တစ်ခုပါပဲ။ သန္ဓေသားမ ဟုတ်လို့ နင်0x081အကျှုည်ငအက လို့ပြော လို့မရပါဘူး။ ဒီလိုကလေးမျိုးပုံ မျိုးတွေက မကြာခဏလာတတ် ပါတယ်''ဟု ပြောသည်။ 

ကလေးငယ်၏ ဖခင်မှာ ဦးမိုးဇော်ဦးနှင့် မိခင်မှာ ဒေါ်အေး အေးသင်းဖြစ်ပြီး ကလေးမှာ မွေး ချင်းမောင်နှမသုံးဦးတွင် အငယ် ဆုံးဖြစ်ပြီး ယခုနှစ်တွင် အ. မ.က ကွင်းညား တောတွင် ပထမတန်း တက်ရောက်သင်ကြားမည်ဖြစ်ကြောင်းသိရသည်။ရန်ကင်းကလေးဆေးရုံမှ ဆေးရုံအုပ်ကြီး ဒေါက်တာအောင် မြင့်လွင် က''သန္ဓေသား ဘဝမှာ နင်0x081အကျှုည်ငအက လို့ခေါ်တဲ့ နောက် သန္ဓေသားဖြစ်တယ်လို့ ယူဆလို့ ရ တယ် သန္ဓေသားလုံးဖြစ်နိုင်တယ်။ လူတော့မဖြစ်ဘူး။ လူရုပ်လုံး တော့ မပေါ်ဘူးပေါ့။ တခိျု့ ဆို ကလေးပုံ မပီဝိုးတဝါး ပေါ်တာမျိုး ရှိတယ်။ အဲဒီလိုမျိုးဖြစ်နိုင်တယ်'' ဟု ပြောသည်။

ယင်းဖြစ်စဉ်က မြန်မာ့ဆေး ပညာလောကတွင် ထူးခြားသော ဖြစ်စဉ်တစ်ခုဖြစ်ပြီး လူငါးသိန်း တွင် တစ်ဦးနှုန်းဖြစ်နိုင်ခြေရှိ ကြောင်း သိရသည်။  နိုင်ငံတကာတွင်လည်း အ လားတူဖြစ်စဉ်များဖြစ်ပွားခဲ့သည်။ ယင်းဖြစ်စဉ်မှာ ၂၀၀၃ခုနှစ်တွင် အသက်ခုနစ်နှစ်ရှိ ၄င်း၏ဝမ်းဗိုက် မှာကြီးထွားလာ၍ ကျောင်းဆရာ ဝန်က ဆေးရုံသို့ပို့ခဲ့သည်။ ခွဲစိတ် မှုပြုလုပ်ခဲ့ရာ အမြွှာပူးယောကျာ်း လေးနှစ်ဦးပါသော အရည်အိတ် ကို တွေ့ရသည်။ ၄င်းမှာ ဤ ကလေး၏ဝမ်းထဲ၌ ကပ်ပါးအဖြစ် တည်ရှိနေခဲ့သည်။ သန္ဓေမှာ အ တော်ကြီးထွား နေသည်။ ဆံပင် များ ပေါက်နေ၍ လက်ခြေများ စုံနေပြီး ခေါင်းနှင့် မျက်နှာများ ဖြစ်ပေါ်နေပြီဖြစ်သည်။ ၂၀၀၆ ခုနှစ်မှ ၂၀၁၁ခုနှစ် အတွင်း အလား တူဖြစ်ရပ်မျိုး ရှစ်ခုဖြစ်ပွားခဲ့သည်။
နန်းသီတာဝင်း ၊ အောင်သူ

Yangon Media Group

စစ်တပ်ဆက်နွယ် ရင်းနှီးမြှုပ်နှံမှုအပေါ် ဒေါ်စုအမြင်

ကမ္ဘာ့စီးပွားရေးဖိုရမ်မှာ ပြုလုပ်ခဲ့တဲ့ သတင်းစာရှင်းလင်းပွဲ အတွင်း ဒေါ်အောင်ဆန်းစုကြည် ရှင်းလင်းပြောကြားနေစဉ်။

07.06.2013
မြန်မာနိုင်ငံမှာ ရင်းနှီးမြှုပ်နှံမယ့်သူတွေအတွက် အဓိက အကန့်အသတ်နှစ်ခုဟာ တရားဥပဒေစိုးမိုးရေးနဲ့ အခြေခံ အဆောက်အအုံပိုင်းဖြစ်တယ်လို့ ပြည်သူ့ လွှတ်တော် တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီ ဥက္ကဋ္ဌ ပြည်သူ့ လွှတ်တော်ကိုယ်စားလှယ် ဒေါ်အောင်ဆန်းစုကြည် က ပြောလိုက်ပါတယ်။ ဒါ့အပြင် စစ်ဘက်နဲ့ပတ်သက်တဲ့ စီးပွားရေး လုပ်ငန်း တွေမှာ ရင်းနှီးမြှုပ်နှံမယ့်သူတွေ လုပ်ဆောင်သင့်တာကိုလည်း တိုက်တွန်းပြောဆိုခဲ့ပါတယ်။ နေပြည်တော်မှာ ဒေါ်အောင်ဆန်းစုကြည် အဲဒီလိုပြောခဲ့တာတွေနဲ့ပတ်သက်ပြီး ကိုကျော်ကျော်သိန်းက သတင်းပေးပို့ထားပါတယ်။

မြန်မာနိုင်ငံမှာ ကဏ္ဍစုံ အပြောင်းအလဲတွေ လုပ်လာခဲ့ပြီးတဲ့နောက်ပိုင်း နိုင်ငံခြား တိုက်ရိုက်ရင်းနှီးမြှုပ်နှံမှုတွေကို လမ်းဖွင့် ပေးထားပေမဲ့လည်း စီးပွားရေး လုပ်ငန်းတွေ ပေါပေါများများ မတွေ့ရသေးတာဟာ လက်တွေ့ ရင်းနှီးမြှုပ်နှံတာထက် လေ့လာစုံစမ်းတာက ပိုများနေသေးတာကြောင့်ဖြစ်တယ် လို့ ဒေါ်အောင်ဆန်းစုကြည်က ပြောပါတယ်။ စီးပွားရေးလုပ်ငန်းရှင်တွေ လာလည်ကြ ပေမဲ့လည်း ရင်းနှီးမြှုပ်နှံမှုက လိုက်မလာတာကိုတွေ့ရမယ်လို့ ဆိုပါတယ်။ ရင်းနှီးမြှုပ်နှံဖို့ သူတို့တွေ ဘာ့ကြောင့် တွန့်ဆုတ်ကြတာလဲ ဆိုတာအပေါ် သူတွေ့ရတဲ့ကိစ္စရပ်နှစ်ခုကို အခုလိုပြောခဲ့ပါတယ်။

"သူတို့ရဲ့စိုးရိမ်ချက်ကို အခု ကျမတွေ့ရတာက အခြေခံအားဖြင့် တရားဥပဒေစိုးမိုးရေးနဲ့ အခြေခံအဆောက်အအုံပိုင်းပါ ပဲ။ ဒီနှစ်ခုဟာ တကယ့်ရင်းနှီးမြှု့ပ်နှံမှုတွေအတွက် အတားအဆီးတွေပါပဲ။ ဟုတ်ပါတယ်၊ သူတို့က ဒီကိုလာပြီး အခုအချိန်ဟာ ရင်းနှီးမြှုပ်နှံဖို့အတွက် အကောင်းဆုံးအချိန် ဟုတ်ရဲ့လားဆိုတာ ကြည့်ပါတယ်။ ဒီနိုင်ငံမှာ ကြီးမားတဲ့ဖြစ်နိုင်ခြေတွေ ရှိနေတယ်၊ ကြီးမားတဲ့အလားအလာတွေ ရှိနေတယ်ဆိုတာ သူတို့ သေချာပေါက်တွေ့ပါတယ်။ ဒါပေမဲ့ ရင်းနှီးမြှုပ်နှံမှုတွေက အလုံးအရင်းနဲ့ ၀င်မလာသေးပါဘူး။ သူတို့ဟာ တရားဥပဒေစိုးမိုးရေး အခြေအနေပေါ်မှာလည်း စိုးရိမ်မှုတွေ ရှိနေပါတယ်။ ပြီးတော့ အခြေခံ အဆောက်အအုံ အားနည်းတာကလည်း အရမ်းကို ကြီးမားနေပါတယ်။" လို့ ဒေါ်အောင်ဆန်းစုကြည်က ပြောပါတယ်။

မြန်မာနိုင်ငံရဲ့ စီးပွားရေးကဏ္ဍကို စစ်ဘက်နဲ့ စစ်ဗိုလ်ချုပ်တွေနဲ့နီးစပ်တဲ့ ခရိုနီ စီးပွားရေးလုပ်ငန်းရှင်ကြီးတွေက နှစ်ပေါင်းများစွာ ချုပ်ကိုင်လာခဲ့တာပါ။ ရင်းနှီးမြှုပ်နှံဖို့လိုအပ်တဲ့ ငွေအရင်းအနှီး အလုံးအရင်းဟာ သူတို့တွေ့လက်ထဲမှာပဲ ရှိနေတာကြောင့်လည်း ဒီကနေ့အချိန်လို ပြည်ပရင်းနှီးမြှုပ်နှံမှုတွေကို လမ်းဖွင့်ပေးလိုက်ချိန်မှာ စစ်ဘက်နဲ့ ခရိုနီတွေပဲ လက်ဝါးကြီးအုပ်သွားမလားလို့ စိုးရိမ်တာတွေကရှိပါတယ်။

ဒေါ်အောင်ဆန်းစုကြည်ကတော့ ကုန်ထုတ်လုပ်ငန်းမှာပဲဖြစ်ဖြစ်၊ သတင်းမီဒီယာမှာပဲဖြစ်ဖြစ် ဘယ်လိုရင်းနှီးမြှုပ်နှံတယ်ဆိုတာကို ကြည့်ရမှာဖြစ်တယ်လို့ပြောပြီး စစ်ဘက်နဲ့ ဆက်စပ်တဲ့ စီးပွားရေးလုပ်ငန်းတွေမှာ ရင်းနှီးမြှုပ်နှံမှုတွေနဲ့ပတ်သက်တဲ့ သူ့ရဲ့အမြင်ကို အခုလိုရှင်းပြပါတယ်။

"စစ်ဘက်နဲ့ဆက်စပ်နေတဲ့ စီးပွားရေးလုပ်ငန်းတွေမှာ ရင်းနှီးမြှုပ်နှံသူတွေအနေနဲ့ ရင်းနှီးမြှုပ်နှံတဲ့တချိန်တည်းမှာ ဒီမိုကရေစီနည်းကျ အဖွဲ့အစည်းကောင်းဖြစ်လာစေမယ့် အကျိုးအတွက် စစ်တပ်ကို မျက်စိဖွင့်ပေးရပါမယ်။ ဒါဟာ သင်ယူခြင်း-သင်ပြခြင်း လုပ်ငန်းစဉ်ဖြစ်သင့်ပါတယ်။" လို့ ဒေါ်အောင်ဆန်းစုကြည်က ပြောပါတယ်။

၂၀၁၃ ခုနှစ် ကမ္ဘာ့စီးပွားရေးဖိုရမ်ရဲ့ နောက်ဆုံးနေ့ဖြစ်တဲ့ ဇွန်လ ၇ ရက် သောကြာနေ့က မြန်မာနိုင်ငံသားတွေ အလုပ်အကိုင် ရရှိရေးနဲ့ ပတ်သက်တဲ့ ဆွေးနွေးပွဲအတွင်းမှာ ဒေါ်အောင်ဆန်းစုကြည်ဟာ ပင်တိုင်ဆွေးနွေးသူတစ်ဦးအဖြစ် ပါဝင်ပြီး ရင်းနှီးမြှုပ်နှံ မှုကိစ္စ၊ အလုပ်အကိုင် အခွင့်အလန်း ဖန်တီးရေးကိစ္စ၊ အသက်မွေးဝမ်းကျောင်း ပညာရေးကိစ္စ၊ ကျွမ်းကျင်လုပ်သား မွေးထုတ်ရေးကိစ္စတွေကို ဆွေးနွေး ပြောဆိုခဲ့တာပါ။ ရင်းနှီးမြှုပ်နှံမှုဟာ နိုင်ငံတ၀န်းက လူထုအားလုံးအတွက် အကျိုးဖြစ်ထွန်းဖို့ အဓိကကျပြီး ရင်းနှီးမြှုပ်နှံသူတွေ အနေနဲ့ သူတို့အကျိုးအမြတ်ကိုရော သူတို့လာပြီးရင်းနှီးမြှုပ်နှံတဲ့ တိုင်းပြည်ရဲ့အကျိုးအမြတ်ကိုရော နှစ်ခုစလုံး ကို အမြင့်ဆုံးဖြစ်အောင် လုပ်ရမယ်လို့ တိုက်တွန်းခဲ့ပါတယ်။

အဲဒီအစီအစဉ်မှာ ပါဝင်ဆွေးနွေးသူအားလုံးက ကျွမ်းကျင်လုပ်သား အများအပြား မွေးထုတ်ရေးကိစ္စမှာ ပညာရေးကဏ္ဍကို ပြုပြင် ပြောင်းလဲဖို့၊ ကလေးငယ်တွေ အာဟာရပြည့်ဝအောင်လုပ်ဖို့၊ လက်မှတ်ရရုံ သက်သက် ကျောင်းသင်ပညာရေးကိုသာ လိုက်မနေဘဲ အဆင့်မြင့် ၀င်ငွေကောင်း အလုပ်အကိုင်တွေရစေမယ့် အသက်မွေးဝမ်းကျောင်း ဘာသာရပ်သင် ပညာရေးကိုလည်း ထွန်းကားအောင်လုပ်ဖို့ အရေးကြီးတယ်ဆိုတာတွေကို ဆွေးနွေးခဲ့ကြပါတယ်။
ကိုကျော်ကျော်သိန်း
ဗီအိုအေ